ما تقبلت الفراق

الحالة
مغلق و غير مفتوح للمزيد من الردود.

smile

شخصية هامة
ما تقبلت الفراق



ما تقبلت الفراق و ما ليدي فيه حيله

آه لو أن الظروف المقبلة تكشف قدرها

لو يعرف الشخص منا وش مع الغيب ابيجي له

كان جنبنا المشاكل من قبل يوقع ضررها


ما تقبلت الفراق




ما هقيت الليلة اللي جابت الفرقا طويله

لين صارت ليلة أمس بعيني أطول من شهرها

و العذاب اللي يذوب بعين من يفقد خليله

عندي أكبر من عذاب العين لو تفقد نظرها


ما تقبلت الفراق




و الحبيب اللي صدوده مثل مداته جزيله

صد عني وأعرفه لا صد عن حاجة هجرها




كأن روحي يوم حست في جفاه و صعب نيله




بشرتني بالضياع و شدت العزم لسفرها

ما رحمها من هلاك و ما تقبلها دخيله




تحتضر قدام عينه لين ماتت من قهرها


ما تقبلت الفراق




عاد ليت الي ذبحها وارهب الموت بوسيلة


ما دفن وجه الضحيه والسكاكين بنحرها


ليت قلبه يوم طاوع فعلته كمل جميله


لو غسلها من عروقه وبكفن صدره قبرها


من حفر بضلوع قلبه حفرة تكفي قتيله



ليه ما يدفن قتيله بالضلوع الي حفرها

ما تقبلت الفراق




اشتكيه للرفوف والبراويز الهزيله


وانذعرت من النياح الي سمعته في صورها


رحت اسولف للجبال الصم عن قصة رحيله


ما تركت متونها الا ينحت الدمع بصخرها



ما تقبلت الفراق
 
التعديل الأخير:
عندي أكبر من عذاب العين لو تفقد نظرها
لو غسلها من عروقه وبكفن صدره قبرها
كلماتك قرعت اجراس الحزن في داخلي
بوركتي
 
ما هقيت الليلة اللي جابت الفرقا طويله

لين صارت ليلة أمس بعيني أطول من شهرها

و العذاب اللي يذوب بعين من يفقد خليله

عندي أكبر من عذاب العين لو تفقد نظرها



روعه يعطيكي العافيه
 
الحالة
مغلق و غير مفتوح للمزيد من الردود.
الوسوم
الفراق تقبلت
عودة
أعلى