التحاضير الحديثة

التحاضير الحديثة

التحاضير الحديثة

التحاضير الحديثة

التحاضير الحديثة


عم رسلان بتاع الدهب روعة جدا

عم رسلان بتاع الدهب كان ياماكان كان فى زمان واحد من كبار السياغين اسمه عم رسلان كانت بتجيلو السيدات والبنات من كل البلاد عشان يشتروا ويتفرجوا على

عم رسلان بتاع الدهب روعة جدا


موضوع مغلق
النتائج 1 إلى 3 من 3

الموضوع: عم رسلان بتاع الدهب روعة جدا

عم رسلان بتاع الدهب كان ياماكان كان فى زمان واحد من كبار السياغين اسمه عم رسلان كانت بتجيلو السيدات والبنات من كل البلاد عشان يشتروا ويتفرجوا على

  1. #1
    الصورة الرمزية عاشق مصر
    عاشق مصر
    عاشق مصر غير متواجد حالياً

    من الاعضاء المؤسسين Array
    تاريخ التسجيل: Feb 2010
    المشاركات: 4,999
    التقييم: 50

    افتراضي عم رسلان بتاع الدهب روعة جدا

    عم رسلان بتاع الدهب



    كان ياماكان كان فى زمان واحد من كبار السياغين اسمه عم رسلان
    كانت بتجيلو السيدات والبنات من كل البلاد عشان يشتروا ويتفرجوا على الابداعات اللى كان بيعملها ف الدهب عشان كدة كانوا بيسموه الناس عم ابداع السياغ
    عم رسلان ياما طرقت عليه كتير من السيدات من هنا او من هناك ياماشاف بنات وشاف سيدات جملهم يفوق الجمال ولكن هو مكنش بيلفت نظره الجمال لانه كان شايف ان الجمال سهل صنعه زى مابيشكل قطعه الدهب لشكل جميل يبهر الناس من غير مايعرفوا هو كان اصله ايه. كان ف كل يوم بيدور على الحبيبه اللى هيكون ملكها وهى ملكه كان بيدور عليها ف كل العيون لكن مش كل جمال يشوفه لحد مالقها...داخله وجايبه الحياه معها شافها
    جملها اللى كان جواها يفوق اى جمال على وجه الارض كانت رقيقه وجميله وعينها ملياانه حنان كانت وقفه بره بتتفرج على ابداعه ووقفه محتارة تاخد ايه يناسبها لحد شافت ارق اسورة ودخلت.

    لو سمحت حضرتك.....ايوة انا رسلان حضرتك تؤمرى باى حاجه تحت امرك
    اه كنت عايز الاسورة اللى برة
    من غير ماتوريهالو جابهالها مع انه مكنش يعرف انها اختارت الاسورة دى بس هو حس
    انها تليق برقتها ولبسهالها ولمس ايدها ،سعتها بس حس انه لمس طريقه الجميل اللى يتمناه وفضلت تشوفها من هنا وتشوفها من هنا وسألته
    بكام ؟
    قالها مبلغ بس للاسف كان كتير عليها هى عارفه انها تستهال بس مكنش معاها يكمل وقتها
    اسفه اوى معيش يكمل متأسفه
    حضرتك ممكن تخديها وانا ممكن اخفض تمنها حضرتك عاوزها بكام
    لا شكرا
    طيب ممكن تقبليها هديه منى
    وطبعا هى اتكسفت اكتر ومردتش تاخدها
    واتاسفت وخرجت ولما خرجت هو ندا عليها
    حضرتك يا...
    نعم
    تحبى احجزها لحد ماتحبى تشتريها
    معرفتش ترد عليه من كتر الاحراج بس قالتله
    اه شكرا

    وفضل يستنى بالايام على امل انها ترجع تخدها وحطها ف خزانه معملوة بالازاز وكتب عليها(هذة للعرض فقط) ومرت الايام وهو لسه مستنى على امل انها ترجع مرة ويشوف عينيها وعدت ايام وايام وشهور وسنين وهو مستنى وحيد وحزين
    وبعد مافقد الامل فأنها ترجع او يشوفها قرر ان مفيش حد هيدخل قلبه بعدها لانه كان متاكد ان مفيش وحدة زيها هتشده بجامله ورقتها زيها ورجع تانى يدور عليها ف عيون الناس ولكن مفيش فايدة
    وف يوم من الايام شاف بنت صغيرة ف السن تشبه للبنت اللى شافها زمان




    كانت وفقه نفس الوقفه ف حيرة ومش عارفه اللى يناسبها ودخلت
    حضرتك.....ايوة انا يابنتى عم رسلان تؤمرى بحاجه
    انا كنت عايزة اسورة تليق بسنى يا عم
    حاضر يابنتى اتفضلى ايه رايك؟
    رقيقه اوى
    ماهو الرقيق مايختش غير الرقيق اللى زيه
    ضحكت البنت وضحكتها كانت بريئه اوى وجميله لفتت نظره
    وقالها انتى اسمك ايه ياجميله؟
    لا ماما هى اللى اسمها جميله انا اسمى ملك
    اسم جميل اوى
    وانت اسمك عم رسلان صح؟
    مظبوط
    طب قولى يا عم رسلان هى بكام؟
    قالها سعرها بس حصلت نفس المشكله اللى النت الجميله بتاعت زمان حصلت معاها
    انا اسفه يا عم رسلان مش معايا يكمل متأسفه
    رايحه فين لا استنى
    انا هخدها منك بالتمن اللى يعجبك
    لا بس....
    مبسش عشان نبقى صحاب يا ملك موافقه
    عشان نبقى صحاب انا ممكن اعمل معاك اتفاق ياعم انا ممكن اديك اللى معايا وبكرة اجى واكمل حقها لو مش موافق خلاص مش هنبقى صحاب
    خلاص انا موافق يا ملك
    وجه تانى يوم بس المرادى البنت جت
    ازيك يا عم رسلان؟
    ازيك يا ملك يا بنتى؟
    انا النهاردة جايه عشان حاجتين
    تحت امرك
    انا جايه عشان اسلم عليك
    وتانى حاجه
    جايه عشان اديك الباقى
    طيب ممكن تخليه
    لا مش ممكن عشان انا كدة هزعل منك ومش هاجى اسلم عليك تانى
    وبهرته البنت ببرائتها وجملها ورقتها اللى كان بيشابه البنت اللى حبها بتاعت زمان بفرق بس ان البنت كانت خجوله جدا لكن البنت دى كان مليانه حيواية وجريئه اللى حد ما
    واخد الفلوس منها ومن ساعتها وهما بقم اصحاب
    وجت مرة وشافت الاسورة اللى هو محتفظ بيها
    عم رسلان انا ممكن اطلب منك طلب؟
    اتفضلى
    ممكن اشترى الاسورة دى؟
    للاسف مينفعش
    ليه ياعم رسلان دى جميله اوى وانا كنت عايزة اشتريها عشان.......
    صديقنى مينفعش"]الاسورة دى امانه عندى ومستنى اللى يجى يخدها
    يعنى ايه يعنى واحدة زمان دخلت زى اول مرة انتى دخلتى عليا ومكنش معاها يكمل بس قالتلى هاجى اخدها وانا من ساعتها مستنيها
    طيب هى معملتش زيه ليه؟
    تعرفى انها فيها فعلا شبه كبير منك
    انتى كنتى عايزة تشتريها ليكى؟
    لا لماما اصل عيد ميلادها بكرة وبصراحه ملقتش حاجه رقيقه وجميله كدة غيرها
    وفجأه شافها معلقه صورة مامتها ف السلسله بتاعتها
    مامتها هى هى البنت الجميله اللى شافها زماااان سألها ف دهشه
    هى دى ممتك؟
    اه شايف ماما جميله هى واسمها واحد
    كلهم بيقولو انى هبقى جميله كدة شبها بس لما اكبر شابها
    انت فعلا شابها
    انتى لسه عايزة الاسورة
    انت هتدهالى يا عم رسلان؟
    آه اتفضلى
    بكام؟
    لا دى خليها هديه منى لماما
    طب والبنت اللى انت مستنيها
    رد عليها وهو سرحان
    لا خلاص هى مش هترجع تانى.......كل سنه ومام طيبه يابنتى
    كان ساعتها جواه اهات بعدد الايام والساعات اللى كان مستنيها بس ف ساعتها فاق
    وعرف انه لازم يكون واقعى وانه ميلومش غير نفسه عشان اتعلق بسرااب وفض يحلم به طول عمره ونداعلى البنت
    تبقى تيجى يا ملك تقوليلى ماما كان ايه رايها ف الاسورة


  2. = '
    ';
  3. [2]
    رنون
    رنون غير متواجد حالياً
    من الاعضاء المؤسسين Array


    تاريخ التسجيل: Feb 2010
    المشاركات: 12,547
    التقييم: 60

    افتراضي

    قصه رااائعه


    يسلمووووووو

  4. [3]
    بندق
    بندق غير متواجد حالياً
    من الاعضاء المؤسسين Array


    تاريخ التسجيل: Feb 2010
    المشاركات: 4,146
    التقييم: 72
    النوع: Crimson

    افتراضي

    عاااشق

    قصه جميله مشكوور عليها

موضوع مغلق

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. فرش للحمامات روعة
    بواسطة البنوتة الحلوة في المنتدى الديكور والاثاث
    مشاركات: 7
    آخر مشاركة: 2012-10-23, 01:22 AM
  2. مكياج روعة
    بواسطة البنوتة الحلوة في المنتدى الاناقة والجمال
    مشاركات: 4
    آخر مشاركة: 2012-06-03, 08:41 PM
  3. غرف نوم روعة
    بواسطة نغم السماء في المنتدى الديكور والاثاث
    مشاركات: 2
    آخر مشاركة: 2011-07-20, 08:21 AM
  4. غرف نوم روعة
    بواسطة mz3f6j في المنتدى الديكور والاثاث
    مشاركات: 2
    آخر مشاركة: 2010-08-03, 08:01 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )