التحاضير الحديثة

موضوع مغلق
النتائج 1 إلى 11 من 11

الموضوع: الى امي ( يمــــه شلونك )

  1. #1
    مؤسس و مدير الموقع

    User Info Menu

    افتراضي الى امي ( يمــــه شلونك )

    بمناسبة عيد الام اردت ان اهنئى امي بطريقتي الخاصة

    هي قصيدة اتمنى ان تنال اعجابكم


    يمه شلـونك ؟!..
    يمه شلونك...ملل هالــكــون من دونك ..
    يمه شلونك ؟؟وتمضي رحلة الدنيا..
    بليا طلة عيونك..؟؟!!
    يمه شلونك ؟؟وشلون المرض وياك ؟؟
    بعد ماهدك بدنياك..عساها تغمض جفونك ؟؟
    تبي تدري عن احبابك ؟؟عن عيون تغنا بك ؟؟عن قلوب دفنها الشوق..
    واذا جاها الغفا جابك ؟؟
    .. يمه اتخيلك دوم...تغني لك مع القمرا..
    يمه واللي خذاك بيوم....رح ياخد ابنك بكرا..
    خذا.. وياماخذا.. وياما..خذا ناس يحبونك
    يمه حنا صرنا كبار..توفقنا وتخرجنا..
    يمه ماعاد فيه صغار..يموج بهالزمن كل شي..
    وحنا ماتموجنا..على ذاك العهد نسري..
    نبيع العمر والدنيا..ولا تخلف بنا ظنونك
    يمه شلونك ؟؟تبي تدري عن اخباري ؟؟
    عن افكاري وتذكاري ؟؟

    اشيلك بداخلي جمره ..وبعيون الحزن عبره..تغرقني .. وتحرقني..
    اشوفك نجمة تجبر..مراعيها .. يراعيها..
    واشوفك لحنان اسم..اذا شد الزمن تسمى..واحلم من معاني الحلم..احسك مقبلة بكرا..
    وعيا لايجي بكرا !!
    يمه تذكري زمان مر؟؟
    يمه تذكري مجالسنا ؟

    وحارتنا ومسجدنا ؟يمه تذكري هدايا العيد ؟
    يمه تذكري سوالفنا ؟
    لاجل هذا ..
    وكل هذا ..
    اقول اليوم يايمه .. ملــــــــــــــل هالكون من دونك
    يمه وينك ؟؟ ....
    ولهت لنظره من عينك ....
    يمه وينك ؟؟

    اشوفه طوّل غيابك !! ... و من ودّاك .... ما جابك !!
    قالوا ما يدوم الزين !! ... و انا عندي امل للحين ..

    و لكني اعرفك وين !!

    يمه وينك ؟؟

    عسى الداعي يمه بس خير ؟!! عساكي بخير .... مداين تكرم لعينك ...

    بس ارجوك علميني ...
    علميني ..يمه وينك ؟؟

    سألت الكل عن رجوعك ... ولا كني اعرفك وين !!
    و قالوا.. ما يدوم الزين !! ... و انا .. عندي امل للحين في رجوعك !!
    و انا .. عندي امل للحين في رجوعك !!
    و انا .. عندي امل للحين في رجوعك !!
    و انا .. عندي امل للحين في رجوعك !!

    .... يمه بس تكفى علميني ....
    متى رجوعك ؟؟ .... يمه بس تكفى علمني ..
    وش احلى من طلوع اثنين ؟؟
    طلوع الشمس .... و طلوعك
    يمه وينك ؟؟

    سألت والدي ...... غيابك طال ؟؟
    ولا كنّي اعرفك وين !!
    و قال مثل ما قال .. حسافه ...
    ما يدوم الزين ... مع كل هذا صدقيني .. انا عندي امل للحين !!
    سؤالي عنك يالوالدة .. صار كما الموال
    و اشوفه طال ... والله طال ..
    حزين .. بلحنه و حروفه ... يخاف .. يموت من خوفه ...
    و قلب ٍ كان اقوى قلب ... ضعف .. من قسوة ظروفه ..
    يمه ..
    ارجوك علمني ...
    تشوفين اللي انا اشوفه ؟؟
    انا اشوفك نهار و ليل ...
    في وسط المجلس تصلي .. و تدعي الرب ييسر لي ..
    يمه ..
    ما عاد بي من حيل .. وين الحيل ؟؟
    و انا اشوفك نهار و ليل .. مع اني ادري ما ترجعي !!
    غريبه .. بعدها تدمع .. عيوني من هموم البين !!
    و ادري مكانك وين !! ...
    مع َ هذا .. ارد و اسأل !!
    يمه .... وينك ؟؟
    و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
    و لا ادري وش يخبي الغيب !! ... و جرح ٍ عذ ّب احبابك .... يمه..عيّا يخف و يطيب !!
    يمه.. كل جرح في الدنيا .. مصيره بالدوا يلتم ... و لكن البلا من جرح ..
    نزف فرقاك ... بليّا دم !! ...
    و هذا الفرق في جرحي ... عجز يلقا الدوا دكتور .. انا جرحي غريب الطور !!!
    ينزف ... بس بليّا دم .. و زاد الهم فوق الهم ... و دام انك يمه غايبة ... جروح الغيبه ما تلتم ..

    بس عندي امل للحين !! و لا كنّي اعرفك وين !!
    يمه .. ذكراكي تفرحني ....
    في نفس الوقت تجرحني !!
    لا من جبت في طاريك ... دموعي غصب تفضحني ....

    الا يا حيف .... الا يا حيف ..
    زمن قاسي .. زمن قاسي ...
    اخذ مني بلا رحمه ... اخذ مني اعز ناسي !!
    .. الا يا حيف !!
    يمه وينك ؟؟

    تعالي و شوفي ...
    كبرت مثل ما تمنيتي ... درست كل ما حبيتي .. أ صلي مثل ما وصيتي .. و أدعيلك في كل ظروف ..
    يمه وينك ؟؟
    تعالي و شوفي .. صحيح الدنيا ما ترحم ..
    تجرعت التعب انواع ... و لكن الأمل ما ضاع ..
    و انا عندي امل للحين !! ... و لا كني اعرفك وين !!

    لذاك الوقت في وجودك ... الا يا ريت ... الا يا ريت ...
    يا يمـــــــه حنيت ..
    حسافه الدنيا ما ترحم ...
    خذت منا سعادتنا ... خذتك بعيد .. و خلتنا !!!
    يمه اتذكرك... بأيامك قبل ما تروح ... اناديكي.. يا روح الروح ..
    احبك يمه ... ارجعي .. مثل شمس الفجر .. اطلعي
    حزينه الشمس في غيابك ..
    و نفس الحزن في احبابك .. واخاف الشمس من حزني ..
    تغيبي و ما بعد تطلع !! ..
    يمه ارجعي !! ... اذا لي خاطر فـ قلبك .. يمه ارجعي !! ... اذا لي خاطر فـ قلبك ..
    تعالي و زورني بس يوم ... مع انه ما يكفيني .. نشوفك يوم .. اريد حضنك يدفيني .. و اشوفك دوم ..
    لكن قلّت الحيله ... لكن يا قلة الحيلة .....
    يمه سامحيني بترخّص ... قبل ينشف حبر الأقلام .. كلامي بعده ما خلّص ..
    و لكن موعد الأحلام .. حان ..
    ولازم اوفي له.. بعد ما ضاعت الحيله .. اشوفك والوعد باكر !!
    اذا فكّر يجي باكر ..!! .. و برجع اسألك وينك !!

    بس لازم تجاوبيني .. ترى عندي امل للحين !! .. و لا كني اعرفك وين ..!!

    يمه شلونك ؟

    ملل هالكون من دونك
    يمه شلونك ؟
    وتمضي رحلة الدنيا ... بليا طلة عيونك
    لاجل هذا ... وكل هذا ... اقول اليوم يا يمـــــــه..
    ملل هالكون من دونك..
    ملل هالكون من دونك..
    ملل هالكون من دونك..
    والله ملل هالكوووون من دونك يمــــــــه ..
    ........................
    قد تكون نفس مشاعر كل من فقد والدته او والده نسأل الله الرحمه لجميع موتى المسلمين

    مع تمنياتي لأمهاتكم طول العمر واحلا الايام .......احتراماتي



  2. = '
    ';
  3. #2
    من الاعضاء المؤسسين

    User Info Menu

    افتراضي

    بوركت اليد التي كتبت هذه القصيدة يعطيك العافية ياررررررب

  4. #3
    المراقبة العامة

    User Info Menu

    افتراضي

    روعه ما سطر قلمك هنا ...... ولا يشفع لقصور الكلمات سوى صدق الدعوات....يسلموو الايادي ودمت بخير جنرااال

  5. #4
    من الاعضاء المؤسسين

    User Info Menu

    افتراضي

    تحيا لامهات المسلمين جميعا فى عيدهم

    جنرال

    كتبت وصدقت وابدعت

    لك جزيل الشكر على ما قدمت

    تقبل تحياتى

  6. #5
    مؤسس و مدير الموقع

    User Info Menu

    افتراضي

    ايفلين ... سمايل ... بندق

    نورتو بتعليقاتكم النيرة ........

    احتراماتي

  7. #6
    من الاعضاء المؤسسين

    User Info Menu

    افتراضي

    ماذا سأكتب لك امي.. وانتي اغلى من الابجدية..!!
    ويا من وضعت الجنة تحت اقدااامك...!!
    يسلموو شاادي على موضوعك الرائع
    (الموضوع مكرر) في يوم الام السنة الي فاتت ..كتبته بالشات وما زلت اتذكر المعاني التي استشعرتني وابكتني حينهاا..!!

  8. #7
    عـضـو ذهـبي

    User Info Menu

    افتراضي

    اشيلك بداخلي جمره ..وبعيون الحزن عبره..تغرقني .. وتحرقني..

    رااااااااااااااااائع جنــــــــــرال

    كل سنه وامك بخير وامهات العالم ياااا رب

    يعطيك الف عافية

  9. #8
    مؤسس و مدير الموقع

    User Info Menu

    افتراضي

    سارة .. زاكرتك نشطة مشاء لله
    يافا ....

    شكرا لمروركم وتعليقكم

    احترااماتي

  10. #9
    مشرفة سابقة

    User Info Menu

    افتراضي

    طـــــالعــت اعيننــــا منـــاجاتك

    فتهنــــا في بحــــــــر اشـــــواقك

    فكم توردت احاسيسنا عبر حـــــروفــك

    فوجدنا باقة اجتمع فيها هذا الكم الهائل

    من رقـــة المشاعر وروعةالاحاسيس

    وعــــــذب كلمـــــــــاتك

    ورأينا قلب ينبض بالكثير

    فأغرقنا بنبضك على الدوام ؛؛


    تقبل مروري
    ...

  11. #10
    الاعضاء المؤسسين

    User Info Menu

    افتراضي


    جنــرااال
    قصيدة رائعه ادمعت بها عيني
    لماتحتويه
    من احاسيس مرهفه ومشاعر جياااشه
    تعجز كلماتي ويتلعثم لساني في وصفهااا
    فعلاااا ابدعـــــــــــــت
    تقبل مروري
    مع خالص تحياااتي وامتناااني


  12. #11
    عـضـو سوبــر

    User Info Menu

    افتراضي

    اشيلك بداخلي جمره ..وبعيون الحزن عبره..تغرقني .. وتحرقني..
    اشوفك نجمة تجبر..مراعيها .. يراعيها..
    واشوفك لحنان اسم..اذا شد الزمن تسمى..واحلم من معاني الحلم..احسك مقبلة بكرا..
    بــــــــــــــــــــــــ ـــــــــــــــــــــــــ ــوركــــــــــــــــــــ ـــــــــــــــــــــــــ ـــــــــــــت

موضوع مغلق

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. شلونك حبيبي مشتاقلك ,
    بواسطة المنسي في المنتدى صفحة white page بيضاء
    مشاركات: 2
    آخر مشاركة: 2012-12-24, 04:11 PM
  2. لاقلت لي شلونك
    بواسطة Dr.HAYA في المنتدى منتدى الشعر العربي
    مشاركات: 2
    آخر مشاركة: 2012-01-06, 12:27 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •