التحاضير الحديثة

الرد على الموضوع
النتائج 1 إلى 4 من 4

الموضوع: قصيدة يا مصر هانت

  1. #1
    شخصية هامة

    User Info Menu

    افتراضي قصيدة يا مصر هانت

    http://www.youtube.com/watch?v=Who8qx7m3cE


    يامصر هانت وبانت كلها كام يوم... نهارنا نادي ونهار الندل مش باين

    الدولة مفضلش منها إلا حبة شوم..

    لو مش مصدق تعالي ع الميدان عاين ياناس مفيش حاكم إلا من خيال محكوم..

    واللي هيقعد في بيته بعدها خاين اللي هيقعد كأنه سلم التانيين للأمن بإيديه وقاله هما ساكنين فين..

    وصلت لضرب الرصاص ع الخلق في الميادين حتى الجثث حجزوها اكمنهم خايفين..

    يامصر أصبحنا أحياء وميتين مساجين فاللي هيقعد في بيته يبقى مش مفهوم..

    واللي هينزل الهي حارسه صاين يامصر هانت وبانت كلها كام يوم..


    نهارنا نادي ونهار الندل مش باين.

    نهارنا نادي وبايدينا علي فكرة.. الصبح عنده فضول راح نعمل إيه بكرة.

    إيده علي الباب وخايف يلمس الأكرة.. ادخل ياأستاذ براحتك والبلد حرة.

    إحنا زهقنا نشوف الصبح من برة.. ادخل وخرج بقايا العتمة بالمرة.

    الناس ديه حرة وجنود الأمن مضطرة.. ياصبح طلعت روحنا لجل تيجي ياخي.

    طالعين نجبيها أهو فى كل حارة وحي..حتى لو ضربونا بالرصاص الحي.

    شوف الميادين كدة مفروشة خلق وضي.. دايما مفاجأة ودايما وقتها معلوم.

    الحكم لينا وليك الحق يامداين.. يامصر هانت وبانت كلها كام يوم .

    نهارنا نادي ونهار الندل مش باين.. ياصف عسكر بدال الدرع شيلوة اثنين.

    25 يناير ياشباب فاكرين.. كان فيه انجليز ووزير الداخلية تخين...

    كان عنده برضه عساكر زيكم جامدين.



    سابهم يموتوا علولا لم سأل فيهم.. كانوا شبهكم اساميكم اساميهم.

    ياعسكري البهوات اللي بتحميهم.. ممكن يردوا عليك لما تناديهم.

    ياعسكري أنا أصلي بس بستغرب.. لو لاقي تأكل وتشرب قوم ياعم اضرب.

    اضرب عشان الوزير من ضربتك يطرب.. لكن هتشتغل ايه لما الوزير يهرب.

    أما الشديد القوي القادر أبو القادر.. برميل تلامة نشع علي مصر من الآخر.

    لو شفته معددة تكتب ادب ساخر.. ثابت يقول للهرم ياكابتن اتاخر.

    ولم يزل معتقد ان الهرم هيقوم.. ادي الحجر والبشر قايمين ياسيد القوم.

    والدين هيترد ياللي عشت متداين.. يامصر هانت وبانت كلها كام يوم.

    نهارنا نادي ونهار الندل مش باين.. ده حكم أسرة ولا خوفو ولا خفرع.

    ولا وجع بطن يتعالج بزيت خروع.. عمل مسوجر بعيد عنك ولايطلع.

    جربنا فيه كل شىء ملقينا شىء ينفع.. منفعش بالأدوية جربنا ألف طبيب..

    ولا بعطارة شيوخ ليهم بلح وزبيب.


    ولا بجحفل مغولى وضرب بالقباقيب.. عمل مسوجر وسفلي شغل تل أبيب.

    وشغل أمريكا متغلف وختمة عليه.. ضيف زارنا ياعم من غير دعوة لابس بيه.



    قعد 30 سنة مايقولش قاعد لية.. والنية يديها لابنه النابغة بعديه.

    ويقول قضا وقدر بين البشر محتوم.. قولناله طيب ومين قال للقدر معلوم.

    واش عرفك يافخمتك بالذي كاين.. يامصر هانت وبانت كلها كام يوم..

    نهارنا نادي ونهار الندل مش باين

  2. = '
    ';
  3. #2
    من الاعضاء المؤسسين

    User Info Menu

    افتراضي رد: قصيدة يا مصر هانت

    قصيدة في قمة الروعة
    يسلموووووووووووووو

  4. #3
    شخصية هامة

    User Info Menu

    افتراضي رد: قصيدة يا مصر هانت

    يسلمووو نغم
    احترامى

  5. #4
    رفـيق الـدرب

    User Info Menu

    افتراضي رد: قصيدة يا مصر هانت


الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كيف هانت عليهم وهي معلقة بالعرش
    بواسطة املي بالله في المنتدى قسم المواضيع الدينية و اهتمامات اسلامية
    مشاركات: 0
    آخر مشاركة: 2015-02-06, 05:37 PM
  2. قصيدة البرواز
    بواسطة مودع قلب في المنتدى عظماء الشعر والشعراء
    مشاركات: 1
    آخر مشاركة: 2013-12-13, 07:00 PM
  3. وشلون هانت دمعتي في عيونك...
    بواسطة المنسي في المنتدى صفحة white page بيضاء
    مشاركات: 2
    آخر مشاركة: 2012-12-08, 09:44 PM
  4. قصيدة
    بواسطة جانا في المنتدى منتدى الشعر العربي
    مشاركات: 6
    آخر مشاركة: 2011-06-12, 05:05 PM
  5. قصيدة يا هيه
    بواسطة الحــــر في المنتدى منتدى الشعر العربي
    مشاركات: 9
    آخر مشاركة: 2010-04-26, 11:01 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •