التحاضير الحديثة

التحاضير الحديثة

التحاضير الحديثة

التحاضير الحديثة

التحاضير الحديثة


اشعار احمد فؤاد نجم

الأغاني و الأشعار

اشعار احمد فؤاد نجم


+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 20 من 69

الموضوع: اشعار احمد فؤاد نجم

الأغاني و الأشعار

  1. #1
    الصورة الرمزية البلبل
    البلبل
    البلبل غير متواجد حالياً

    عـضـو ذهـبي Array
    تاريخ التسجيل: Jul 2010
    المشاركات: 1,547
    التقييم: 70

    افتراضي اشعار احمد فؤاد نجم

    الأغاني و الأشعار
    قيدوا شمعة

    المرجيحة

    شال الهوى

    غنوة للسلام

    برولوج

    الربيع

    كلب الست

    فاليري جيسكار ديستان

    أبوك السقا مات

    ساتياجراها

    جوازة

    ع المحطة

    الشربة العجيبة

    الفاعل

    شرم برم

    مناعة أرزاق

    صبر أيوب ميكي

    الجدع جدع

    غنوة لفلسطين

    يعيش أهل بلدي

    جيفارا مات

    نيكسون جاء

    نيكسون

    الشيخ إمام

    محكمة التوبة

    في الليل

    بهية

    القضية

    السندباد

    الطنبور

    وعد الحر

    سلام للأرض

    الغربة

    بكائية يناير

    أهيم شوقا

    يا عرب كلمتين

    الكلمة

    بتكات

    وهبت عمري

    أبوح

    الأديب



    اتجمعوا العشاق

    شيد قصورك

    مرمر زماني



    عطشان

    أنا الشعب ماشي

    إصحي يا مصر

    إزّاي أتوب أتوب عن حبك

    إذا الشمس غرقت

    هما مين و احنا مين

    يا ولدي البحر بيضحك ليه

    في ذكرى الميلاد العشرين

    لاح بدر السلم

    يا اسكندرية

    باحلم

    قاوم بالصدر العاري

    الفول و اللحمة

    بيرم

    بلدي و حبيبتي

    على الربابة

    ابن البلد


    هوشي مين

    عدى الهوى

    يا حبايبنا

    حنتوب

    هلا بالحب

    الشيخ عاشور


    عشق الصبايا

    الشركسي

    عبد المنعم رياض

    يا مرحرح

    سلام مربع للطلاب

    تحية لأبطال الثانوي

    فوازير

    لا صوت يعلو فوق

    حلا ويللا

    الحاوي


    ورقة من ملف القضية
    التعديل الأخير تم بواسطة البلبل ; 2010-11-13 الساعة 11:02 PM

  2. = '
    ';
  3. [2]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    رجعوا التلامذه
    رجعوا التلامذة
    يا عم حمزة للجد تاني
    يا مصر إنتي اللي باقية
    و انتــــــــــي
    قطف الأماني
    لا كورة نفعت
    و لا أونطة
    و لا المناقشة و جدل بيزنطة
    و لا الصحافة و الصحفجية
    شاغلين شبابنا
    عن القضيـــة
    قيمولنا صهبة يا صهبجية
    و دوقونا طعم الأغاني
    رجعوا التلامذة
    للجد تـــــــاني
    طلعوا التلامذة ورد الجناين
    اسمع يا ميلص و شوف و عاين
    ملعون أبوك ابن كلب خاين
    يا صوت أميركا
    يا أمريكانـــــــي
    رجعوا التلامذة يا عم حمزة
    للجد تانــــــــــي
    يا مصر إنتي اللي باقية و انتــــــــــي
    قطف الأمانــــي


  4. [3]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم





    بقرة حاحا
    ناح النواح و النواحة
    على بقرة حاحا النطاحة
    و البقرة حلوب
    حاحا
    تحلب قنطار
    حاحا
    لكن مسلوب
    حاحا
    من أهل الدار
    حاحا
    و الدار بصحاب
    حاحا
    و احداشرباب
    حاحا
    غير السراديب
    حاحا
    و جحور الديب
    حاحا
    و بيبان الدار
    حاحا
    واقفين زنهار
    حاحا
    و يوم معلوم
    حاحا
    عملوها الروم
    حاحا
    زقوا الترباس
    حاحا
    هربوا الحراس
    حاحا
    دخلوا الخوجات
    حاحا
    شفطوا اللبنات
    حاحا
    و البقرة تنادي
    حاحا
    و تقول يا ولادي
    حاحا
    و ولاد الشوم
    حاحا
    رايحين ف النوم
    حاحا
    البقرة انقهرت
    حاحا
    ف القهر انصهرت
    حاحا
    وقعت ف البير
    حاحا
    سألوا النواطير
    حاحا
    طب وقعت ليه
    حاحا
    وقعت م الخوف
    حاحا
    و الخوف ييجي ليه
    حاحا
    من عدم الشوف
    حاحا
    وقعت م الجوع
    و من الراحة
    البقرة السمرة النطاحة
    ناحت مواويل النواحة
    على حاحا
    و على بقرة حاحا
    1967

  5. [4]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم




    الأولة بلدي
    الأولة بلدي
    و الثانية بلدي
    و الثالثة بلدي
    الأولة بلدي باسلطن جو موالي و دا الموصوف
    و الثانية بلدي باقول الكلمة بالعالي و ع المكشوف
    و الثالثة بلدي ياكنزي و عزوتي و مالي و ملو الشوف
    الأولة بلدي باسلطن جو موالي و دا الموصوف
    دوا العيــــــــــــــــــــا ن
    و الثانية بلدي باقول الكلمة بالعالي و ع المكشوف
    و ف المليـــــــــــــــان
    و الثالثة بلدي ياكنزي و عزوتي و مالي و ملو الشوف
    آوانـــــــــــــــــــــ ك آن
    تحدي الحد يا بلدي
    ما بين الحق و البهتان
    و رايتك تعلا يا بلدي
    دليل عن صحة البنيان
    و دا الموصوف
    و الاولة بلدي
    و الثانية بلدي
    و الثالثة بلدي


  6. [5]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم

    رسالة إلى الحدود
    واه يا عبد الودود
    يا رابص ع الحدود
    و محافظ ع اللظام
    كيفك يا واد صحيح
    عسى الله تكون مليح
    و راجب للامام
    أمك ع تدعي ليك
    و ع تسلم عليك
    و تجول بعد السلام
    خليك ددع لابوك
    ليجوا مين دابوك
    و يمصخوا الكلام
    واه يا عبد الودود
    ع أجولّك و انت خابر
    كل الجضية عاد
    ولسة دم خيك
    ما شرباش التراب
    حسك عينك تزحزح
    يدك عن الزناد
    خليك يا عبده راصد
    لساعة الحساب
    أن الأوان يا ولدي
    ما عاد الا المعاد
    تنفض الشركة واصل
    وينزاحوا الكلاب
    عايزني أكون أبوك
    بتديب لي ثار اخوك
    و الأهل يبلغوك
    دميعا السلام
    واه يا عبد الودود
    كيفك و كيف زمايلك
    عسى الله طيبين
    خالك زناتي داي لك
    ضمن المطوعين
    و اختك تطلع يوماتي
    ع المستشفى الجديمة
    حاكم ع يمرنوها ف العركة
    تكون حكيمة
    و محمدين موافي
    يتعلم المطافي
    ويجولك شد عزمك
    ويجولك العوافي
    ومن هنا الجرايب و العيلة و العيال
    ع يبلغوك سلامهم و لتمتة الردال
    و آخر الكلام نجولك في الختام
    الله يصون بلدنا
    و يحرص السلام
    والدك حسن محارب
    غفير برد الحمام

  7. [6]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    كلام عن الكلام
    مر الكلام
    زي الحسام
    يقطع مكان مايمر
    اما المديح
    سهل و مريح
    يخدع لكين بيضر
    والكلمة دين
    من غيرادين
    بس الوفا
    ع الحر



  8. [7]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم




    الخواجة الأمركاني
    الخواجة الأمركاني
    و السماسرة اللي وراه
    تخنوا بالكذب ودنه
    و عرضوله مقاس قفاه
    فهموه من غير ما يفهم
    ان سوق الشرق مغنم
    و الخواجة بطبعه مغشم
    و المصاري معفرتاه
    حب يعمل فيها تاجر
    و يطلق يسلب و ينهب
    ف الزباين بالنهار
    يحدف الدولار يلمه
    تلتميت مليون دولار
    بالقزايز و البنات
    باللبان
    و البومبونات
    بالمدافع و الدانات
    أو بأفلام الرعات
    قول بقى تاجر و فاجر
    و انفلت لص المواشي
    رعب ماشي ف البلاد
    يشفط البترول و يطرش
    كل ألوان الفساد
    عزرائيل من غير فرامل
    يقلب العرسان أرامل
    حتى ف بطون الحوامل
    كان يدبح الحياة
    بالسناكي و الخناجر
    و النهاية يا خواجة
    من ف يوم كانت بداية ؟
    البداية برضه لازم
    بيجي يوم توصل نهاية
    مهما زاد الرأسمال
    الهلاك هو المآل
    و التاريخ هو اللي قال
    لعبت الموت ف الحيات
    يسحب الروح ف الحناجر


  9. [8]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم

    اليويو
    يا واد يا يويو
    يا مبرراتي يا جبنة حادقة على فول حراتي
    آستك لسانك
    فارد ولامم
    حسب الأبيح يا مهلباتي
    يا واد يا يويو يا مهلبية
    فوق الصواني
    سايحة و طرية
    في كل جلسة تلبس قضية
    و تخيل عليها أوي يا مشخصاتي
    يا واد يا يويو يا مبرراتي
    حسب الوظيفة وانت و شطارتك
    تظهر حلاوتك
    تظهر مرارتك
    لو خفضوك ترتفع حرارتك
    لو صعدوك حالا
    تنقلب جيلاتي
    يا واد يا يويو يا مبرراتي
    و بالمناسبة
    و انت اللي أدرى
    كان لك تحفظ على المبادرة
    ليه النهاردة
    بترش بدرة
    يا ابن الأبالسة
    يا ملطفاتي
    يا واد يا يويو يا مبرراتي
    و النهاية
    لك عندي كلمة
    آخر طريقك زحل و ضلمة
    حيث ان آخر القرع ضلمة
    يا اما كفتة طرية
    من عند العجاتي
    يا واد يا يويو
    يا مبرراتي


  10. [9]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم




    قيدوا شمعة
    قيدوا شمعة يا أحبة و نورولي
    رمشتين من رمش عين
    و بيندهولي
    من هنا سكة ملامة
    من هنا سكة ندامة
    سكتين يا للا السلامة
    أمشي فين يا ناس قولولي
    قيدوا شمعة و نورولي
    رمشتين من رمش جارح
    فوق عيون السحر طارح
    زادوا نبض القلب حبة
    بالأماني بالمحبة
    و الأماني هناك بشوكها
    طالعة فوق الشط دوكها
    بتلاغيني
    و تناديني
    من بعيد
    و تقول آديني
    كان بودي
    عايز أعدي
    و الظنون بتقولي هدي
    من هنا سكة ملامة
    من هنا سكة ندامة
    سكتين ياللا السلامة
    أمشي فين يا ناس قولولي
    قيدوا شمعة و نورولي
    قيدوا شمعة يا صبايا
    نورولي و طمنوني
    بحر بيني و بين هوايا
    موجه يشبه موج ظنوني
    كل موجة شايلة شيلة
    حلم ليلة
    و فكر ليلة
    عد موج البحر يا اللي
    شفت حالي و قولي لخلي
    كان بودي عايز أعدي
    و الظنون بتقوللي هدي
    من هنا سكة ملامة
    من هنا سكة ندامة
    سكتين يا اللا السلامة
    أمشي فين يا ناس قولولي
    قيدوا شمعة
    و نورولي
    مال يا قلبي العشق بينا
    مال
    و خالي البال يلومنا
    مال وقال للشوق يجينا
    في الليالي يقل نومنا
    بين مسانا
    و بين صباحنا
    نصحى و الناس نعسانين
    موعودين بالحرح يا احنا
    و الدوى للموعدين
    ايه دا كل يا قلبي ايه دا
    شوف طريق العقل و اهدا
    من هنا سكة ملامة
    من هنا سكة ندامة
    سكتين يا للا السلامة
    أمشي فين يا ناس قولولي
    قيدو شمعة
    و نورولي


  11. [10]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    المرجيحة
    يا عم ادريس
    يا عم ادريس
    يا بو المرجيحة و القواديس
    ما جاش الدور
    عشان يطلع قادوس لفوق
    وابوس النور
    و اطفي للعلالي شوق
    و أغني ف الهوا موال
    على ورد الخدود و الخال
    و أدوق الحب سحر حلال
    و أشوف الدنيا و أبقى عريس
    يا عم ادريس
    يا عم ادريس


  12. [11]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    شال الهوى
    شال الهوى بينا
    حط الهوى تاني
    و احنا و السفينا
    في بحر الأماني
    عمي يا للي ماشي
    ع الشط القريب
    قوللي و انت ماشي
    لأ و طيب
    حبي راح ماجاش
    مش حييجي تان
    شال الهوى بينا
    حط الهوى تاني
    شال الهوى شاله
    بان المستخبي
    شاف قلبي نداله
    يا عيني يا قلبي
    حط الهوى شاله
    خبى السحر عني
    هو الهوى ماله
    داير باله مني
    كل ما يلاقينـــــــــــي
    اشوف عينه تراعيني
    كأنه بينادينــــــــــــي
    أفوت أهلي و جيراني
    شال الهوى بينا
    حطالهوى تاني
    شال الهوى شيلة
    حطالهوى حطه
    هما يوم و ليلة
    كان فرش و غطى
    شال الهوى بيا
    من بين الحبايب
    حط الهوى بيا
    و أنا قلبي دايب
    و التقيتني ماشي
    أدور ما التقاشي
    و اللي راح ما جاش
    فكرني و نساني
    شال الهوى بينا
    حط الهوى تانى
    شال الهوى بينا
    رحنا عشمانين
    حط الهوى بينا
    جينا عطشانين
    يا عشاق بلدنا
    يا ولاد الغرام
    لا رحنا استفدنا
    و لا جينا بسلام
    خدنا الهوى رحنا
    و احنا زي ما احنا
    و ارجعنا بجراحنا
    و بحبة أماني
    شال الهوى بينا
    حط الهوى تاني


  13. [12]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم

    غنوة للسلام



    قد ايه القلب يعشق



    لو سمع غنوة سلام

    يا سلام



    قد ايه الغنوة تحلا

    لو بدينا بالسلام

    يا سلام



    قد ايه الروح تميل



    و النغم يطلع جميل



    و الوتر يوصل كلامه



    للقلوب صافي و أصيل



    قد ايه



    و قد ايه



    بس اقول ايه



    و لا ايه
    السلام دا كلمة خضرة



    زي أوراق الريحان



    ترتوي منها الشفايف



    لما ينطقها اللسان

    زوقوك الناس يا دنيا



    بالكلام



    عن السلام



    و الكلام



    غير الحقيقة



    و العمل



    غير الكلام



    يا سلام
    من هنا نبدى الكلام



    يا صبابة يا مغرمين



    كلنا نحب السلام



    و السلام يحب مين ؟



    السلام



    بيحب نوره




    وشوفوا تبقى نوره مين

  14. [13]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم

    برولوج




    يا ليل يا عين





    معرفش اكذب




    طب و اكذب ليه




    عدم المؤاخدة




    لنا بكتب




    و لا أبصرايه




    لا أنا احترافي





    اشتراكية




    و لا عندي نزعة





    رجعية




    لكني شايف بعنيه




    يا فلاحين يا صنيعية




    بر الأمان بان




    و المراكب




    راح ترسي عليه




    و انا حاكذب ليه




    1971

  15. [14]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم




    الربيع
    يطوف الربيع
    صغير بديع
    و ينهي المطاف
    اذا العدل طاف
    و شاف الجميع
    تعيش الزهور
    اذا الدنيا نور
    و تملا الخمايل
    و تطرح مودة
    عدد كل وردة
    و تعمل عمايل
    أحبك يا بلدي
    و أحبك ربيع
    شبابك مصحصح
    و جوك بديع
    و نيلك موافي
    لحد الحوافي
    يسافر يوافي
    و يسقي العطاش
    شجر تمر حنة
    و شجر دقن الباشا
    و تخضر أرضك
    بطولك وعرضك
    و تعلا السنابل
    و تكسي الغيطان
    و تشدي البلابل
    و تملا الودان
    يا مصر انت جنة
    ربيعك فتنا
    مشاتل مشاتل
    سنابل و حنة
    مجرد أماني
    ياقلبي يا والع
    مدام انت ثاني
    مخضر و طالع
    بلون الربيع
    يطوف الربيع
    صغير بديع
    و ينهي المطاف
    اذا العدل طاف
    و شاف الجميع
    1966

  16. [15]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    كلب الست
    ف الزمالك من سنين
    و ف حمى النيل القديم
    قصر من عصر اليمن
    ملك واحدة من الحريم
    صيتها أكتر م الأدان
    يسمعوه المسلمين
    و التتر
    و التركمان
    و الهنود
    و المنبودين
    ست فاقت ع الرجال
    ف المقام و الاحترام
    صيت و شهرة
    و تل مال
    يعني في غاية التمام
    قصره يعني هي كلمة
    ليها كلمة ف الحكومة
    بس ربك لجل حكمة
    قام حرمها م الأمومة
    و الأمومة طبع ثابت
    جوه حوا من زمان
    تعمل ايه الست
    جابت فوكس رومي و له وان
    فوكس دا عقبال إملتك
    عنده دستية خدامين
    يعني مش موجود ف عيلتك
    شخص زيه يا اسماعين
    و اسماعين دا يبقى واحد
    م الجماعة الغلبانين
    اللي داخو ف المعاهد
    و المدارس من سنين
    حب يعمل واد فكاكه
    و يمشي حبه ف الزمالك
    و القيامة و الفتاكة
    يرموا طبعا ع المهالك
    غم سمعه من قيامته
    حب يعمل فيها فله
    بعد ما ألوط بيجامته
    اشترى حتة مجله
    قول مش بيقراف حكاية
    من حكايات الغرام
    و اندماجه ف القرايه
    خلا مشيه مش تمام
    ع اليمين يحدف بعيد
    خطوتين
    و تروح شمال
    لمحه فوكس من الحديد
    قال دا صيد
    سهل و حلال
    هب نط ف كرشه دوغري
    جاب بيجامته لحد ديلها
    اسماعين بدال ما يجري
    قال يا رجلي
    رجلي مالها
    بص شاف الدم سايح
    من عاليها و من واطيها
    و ياللي جاري
    و ياللي رايح
    المجلة مش لاقيها
    حبه و تلمو الظنايا
    اللي هما البوابين
    و الهكايه و الروايه
    قال لهم دا كلب مين ؟
    كلب مين
    ما كلب مينشي
    سمعه لبخ حبتين
    قال له واحد فيهم امشي
    اللي جابك انده مين
    قال دا شارع يا مواشي
    للجميع
    راكب و ماشي
    كلمة من دا
    و كلمة من دا
    ظاطو و انقلبت فضيحة
    قول نهايته و القصد من دا
    اسماعين شرب الطريحة
    راحو اسم الشرطة جمعا
    و النيابة كفيلة بيهم
    و اترموا ف الحجر طبعا
    لما ييجي الدور عليهم
    شاف بلاوي ما تنحكيش
    م الهفايا المحبوسين
    قال يا عالم
    يا شاويش
    يا نيابة .. يا مسؤلين
    خلصوه بعد المناهدة
    جثه
    من جحر الديابه
    هي يمكن ساعة واحدة
    كان ف مكتب النيابة
    قال له ـ مالك يا اسماعين
    قال له ـ زي البمب مالي
    قال له ـ عضك فوكس فين
    قال له ـ سيبني أروح لحالي
    انت شوف سي فوكس يمكن
    خد تسمم غصب عني
    الوكيل قال برضه ممكن
    و الشاويش قعد يغني
    هييص يا كلب الست هيص
    لك مجامك ف البوليس
    بكرة تتولف وزارة
    للكلاب
    ياخدوك رئيس
    انت توى ف النيابة
    تسعمية من الغلابة
    طب يا ريت يا فوكس كنا
    و لا تربطنا الجرابة
    انت فين و الكلب فين
    انت كده يا اسماعين
    طب دا كلب الست يا ابني
    و انت تطلع ابن مين
    بشرى لصاحب الديول
    ولــللي له أربع رجول
    بشرى لسيادنا البهايم
    من جمايس أوعجول
    اللي صاحبه يا جماعة
    له أغاني ف الاذاعة
    راح يدوس فوق الغلابة
    و النيابة
    بالتباعة
    هيص يا كلب الست هيص
    هيص ياكلب الست هيص







  17. [16]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    فاليري جيسكار ديستان
    والست بتاعه كمان
    حيجيب الديب من ديله
    ويشبع كل جعان
    يا سلاملم يا جدعان
    ع الناس الجنتلمان
    داحنا حنتمنجه واصل
    وحتبقى العيشه جنان
    التليفزيون حيلون
    والجمعيات تتكون
    والعربيات حتمون
    بدل البنزين
    بارفان
    وحتحصل نهضه عظيمه
    وحتبقى علينا القيمه
    في المرسح او في السينما
    او ف جنينة الحيوان
    وحتبقى الاشيا زلابيه
    ولاحوجه لسوريا وليبيا
    وحنعمل وحده أرابيا
    مع لندن والفاتيكان
    والفقرا حياكلوا بطاطا
    وحيمشوا بكل ألاطه
    وبدال مايسموا شلاطه
    حيسموا عيالهم
    جان
    ودا بفضل صديكي
    ديستان الرومانتيكي
    ولا حدش فيكو شريكي
    في المسكن
    والسكان


  18. [17]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    أبوك السقا مات
    شيلني و اشيلك
    دنا برض فرحت لك
    و أنا بتاعك يا بيه
    و أعف
    ما أعرفش ليه
    و كام عبد المعين
    لابد ف المسؤولين
    و أنا بتاع
    كل حاجة
    و دراعك اليمين
    و سواق المدير
    و هتيف الوزير
    و مهماز المدام
    و نبوت الغفير
    و فراش العيادة
    و خدام السيادة
    للي من غير سنادة
    يثعكز ع السرسر
    و ناس بدم ساقع
    واقفين وراء البراقع
    يميعوا المباديء
    يضيعوا الشرائع
    و من خلف شيش
    خايفين من الشاويش
    سلبية الميه الميه
    تعالى
    لا ما أجيش
    دا كان كلام زمان
    ما يبقالوش مكان
    ف مجتمع نضال
    بيعجن الرجال
    بالصهد و العرق
    و لو حس الألم
    يوشوش الألم
    يصرخ ع الورق
    يقول كل الكلام
    عريان ما يزوقوش
    و يوصف الالام
    للي ما تألموش
    أصل احنا شعب طيب
    و الطيبة فينا بلوة
    تاخدنا من قريب
    و تجيبنا كلمة حلوة
    سامعين يا أهل البلد
    و لا امسك النفير
    يا البنت
    يا الولد
    يا المجدع الكبير
    عارفين ماشيين منين
    و السكة السالكة فين ؟
    مشوارنا مش هوين
    و ما هواش بالقليل
    مهما الخيال يزين
    لس الطريق طويل
    عايزين همة رجال
    أبعد من المحال و أسرع من الأمل
    تزلزل الجبال
    و تخلق المجالة للعدل والعمل
    و يطلع خير بلادنا
    على ذمة ولادنا
    و تبقى عيشة جنة و ملو الصحن حنة
    على كفوف الصبايا
    و اعيش و أشوف ولادي
    مالين عين الأعادي قايمين للعزراية
    و اقعد ويا الصحابة
    و نقول على الربابة
    يا جيل الأنجازات
    يا جيل المحظوظين
    أبوك السقا مات


    من شرب الميه طين







  19. [18]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم



    ساتيا جراها
    الى روح المهاتما غاندي الفقير
    الطي حرر الهنك بةلمو سلام
    ساتيا جراها
    ساتيا جراها
    تبري السقم
    وتشفي العاهة
    لف المغزل تاني تاني
    اغزل توبك
    و اغزل تاني
    ملعونة السلعة البراني
    و اللي جلبها
    و اللي قناها
    ساتيا جراها
    يا ولاد الهند
    يا غافلين
    و بقى لكم ع الحال دا
    سنين
    البقرة تحت السكين
    و خلاصها ف كلمة و معناها
    ساتيا جراها
    ساتيا جراها تعني سلام
    لا سلبية و لا استسلام
    لكن خطوة تسير قدام
    بالشعب ان هب و خطاها
    ساتيا جراها
    تجمع شعب اتغرب
    تاه
    ضاع من بعضه
    يا ولداه
    مش فاكر غير كلمة آه
    من علة استعصت
    و دواها
    ساتيا جراها


    ساتيا جراها





  20. [19]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم

    جوازة
    شعبان البقال
    عقبال الأنجال
    اتوظف و اتنظف
    و اتعدل له الحال
    من بعد الجلابية
    و الفوطة الدبلان
    ف رقبته المهرية
    من هبش الأكلان
    و الدوحة الأزلية
    و النوم ف الدكان
    بقى صاحب
    عربية
    و عمارة
    و سكان
    تلقاه للصحبية
    سهران
    ع الكونكان
    و ينام للعصرية
    كبقيت الأعيان
    و سألت الخضرية
    و بتوع الدخان
    ع الحكمة الالهية
    في نظافة شعبان
    و عرفت ان اخانا
    شعبان ابن بهانة
    ااتجوز فنانة


    واتعين فنان




  21. [20]
    البلبل
    البلبل غير متواجد حالياً
    عـضـو ذهـبي Array


    تاريخ التسجيل: Jul 2010
    المشاركات: 1,547
    التقييم: 70

    افتراضي رد: اشعار احمد فؤاد نجم




    الشربة العجيبة

    البلي بم بم
    والبلي باه
    قالك ايه
    قالك آه
    شربة عجيبة
    من تركيبة بلدي
    يابلد البلي بلي با
    قالك ايه
    قالك آه
    شوف يا مواطن
    شوف يا أمير
    واسبق شوفك بالتفكير
    ناس بيقولو السرف بير
    آدي البير
    و آدي غطاه
    و البلي بم بم
    والبلي باه
    قالك ايه
    قالك آه
    قالك كل الفول بيقوّت
    قالك حشو المعدة يموت
    قالّك صهين
    قالك فوّت
    كل دا كذب اناس كاشفاه
    زي ماكشفو البلي بلي باه
    قالك ايه
    قالك آه
    قالك يا مواطن يا ولداه
    زاده الفول لازم تلقاه
    عنده البنكرياس بطال
    و الامساك فوق الاسهال
    عنده الرهقة
    عنده الدوخة
    عنده انيميا
    عنده عيال
    قالك ثم الجهل مصيبة
    مولّف ويا العيا تركيبة
    تشرب منها تعطش تاني
    تشرب تعطش
    تشرب تاني
    تعطش تشرب خمسة ف ستة
    مية نار لو طالت جتة
    لازم تلحس أسمن حتة
    يعني العقل يا خلق الله
    آدي البير
    و آدي غطاه
    البلي بم بم
    والبلي باه
    قالك ايه
    قالك آه
    قالك تصبر ع المكتوب
    زي ما صبر النبي ايوب
    يعني تسليم للميكروب
    ياخد رزقه ـبفضل الله ـ
    يفضل ينحل وبرك لما
    تتفرط من وسط اللمة
    خايخ ينخب السوس ف عضاك
    خلا قوايمك ماهي شيلات
    ويعالجوك الناس
    بالصبر
    مع انك عيان
    بالصبر
    قومك صبر
    نومك صبر
    لحد القبر يا حول الله
    وحياتك م الدار للنار
    تتولف عند العطار
    يسقيك الحكمة ف اشعار
    ويركب م الصبر دواره
    وتقربع والداء عمال
    ف عصام الابعد نحال
    وتخلف للبوس عيال
    وبهيه صبية ياولداه
    آدي البير وآدي غطاه
    والبلي بم بم والبلي باه
    قالك ايه
    قالك آه
    بعد الكشف بميكروسكوب
    شفنا التوب وما تحت التوب
    تشكيلة امراض عشناها
    واليكم في اللآتي دواها
    وصفة عجيبة
    من تركيبة بلدي
    يا بلد البلي بلي باه
    قالك ايه
    قالك آه
    وجع الراس جنعلجه بايه
    قالك تدي التاس القوت
    قالك طب والجهل يابيه
    قالك سيب الكمة تفوت
    فالك طب حتفوت الزاي
    قالك لما الضلمة تموت
    طب الضلمة تموت من ايه
    قالك لازم بالنبوت
    والنبوت حنجيبه منين
    قالك لما نهز التوت
    قالك قدر خفنا نهز
    قالك نشرب صبغة يوت
    حتطهر ايوب من صبره
    وتفجز كبد المكبوت
    وتفوق يونس من نومه
    ويفلفص من بطن الحوت
    آدي البير
    آدي غطاه
    وآدي وجعنا
    وآدي دواه
    البلي بم بم
    والبلي باه
    قالك ايه


    قالك أه






+ الرد على الموضوع
صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نعمات احمد فؤاد
    بواسطة املي بالله في المنتدى عظماء الشعر والشعراء
    مشاركات: 3
    آخر مشاركة: 2012-10-22, 07:14 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )