شرح عن كلية الحقوق

كلية الحقوق
السهل الممتنع
اول شي ع العام كل سنة بيطلبو مجموع شكل
المرة الماضية كان منخفض
ع المفتوح بيطلبو نسبة النجاح٥٠٪ والتسجيل بعد سنتين من شهادة البكلوريا
دراستو ٤ سنين الماجستير سنتين للي بدون يكفو
والاستذة للمحامين كمان سنتين لتقدر تفتح مكتب لحالك
في كلشي بخص القانون شو مابيخطر عبالكون
من قانون العقوبات للزواج والطلاق وقوانين التجارة والاقتصاد والقصص
في مواد بتعتمد ع الفهم اكتر من الحفظ والعكس صحيح
وفي مواد اتمتة ومواد تحريري
ومانو صعب ل يلي بتابع كلشي بوقتو هيك برأيي
هلا ع المفتوح بتدفعو ع كل مادة ٥٠٠٠ والفصل فيه ٦ مواد ⁦
وبحال الرسوب بصير الدفع المرة التانية للمادة ٦٥٠٠ والتالتة ٧٥٠٠ وهكذا
وبالمفتوح مافي استنفاذ
#مستقبل_خريج_الحقوق
الحقوق اكتر كلية فيها مجالات بعد التخرج
١. معيد او معيدة بالكلية يعني دكتور او دكتورةجامعة
٢.وكيل نيابة عامة
٣.قاضي
٤. مستشار قانونى لجميع البنوك
٥. باحث قانوني في كل اجهزة الدولة ووزاراتها .
٦. شؤون قانونية فى كل الشركات الكبرى .
٧. التموين والضرايب والشهر العقاري والموانئ والسفارات .
٨. كل اجهزة الدولة وفروعا مافيها تمشي من غير نظام قانوني واللي بيشتغل فيها بيكون خريج حقوق او شريعة
وكتااااار

طيب وين المحاميين؟
طبعا انا تركت المحاماه للاخر لانو هاد مفهوم الكلية
المحاماة من وجهة نظري اهم مجال بالحقوق وبدو خريجيين يكونو قد حالون ومافي حدا بحياتو مابيحتاج محامي