المعهد التقاني الطبي في سورية وشرح مفّصل

المعهد التقاني الطبي :

♡ يعتبر طريق بديل للطب والصيدلة ..
♡ دراسة المعهد سنتين.
♡ المعهد بينقسم لـ 6 اختصاصات هي عالترتيب :

مخابر – تخدير – طوارئ – أشعة – معالجة – بصريات
==================================

رح نحكي لمحة سريعة عن مواد كل اختصاص :

1 ● المخابر :
بتدرس في الكيمياء الحيوية و السريرية و الأحياء الدقيقة و الدمويات و النسج و التشريح (نظري)
بس تخلصوا سنتين مخابر و كنتوا من المتفوقين و ملتزمين بكل المحاضرات و الفحوص و درجات الأعمال بحقلكم تتنقلوا للسنة الثانية كلية الصيدلة.

2 ● التخدير :
بتدرس فيه أساسيات كيمياء التخدير و فيزياء التخدير و الأجهزة الطبية و علم الأدوية و تشريح (نظري)
بس تخلصوا سنتين تخدير و كنتوا من المتفوقين و ملتزمين بكل المحاضرات و الفحوص و درجات الأعمال بحقلكم تتنقلوا للسنة الثانية لكلية الطب البشري.

3 ● الطوارئ :
بتدرس فيه الاسعافات ( داخلية و أطفال و جراحية) و مبادئ التمريض و تشريح (نظري) و علم الأدوية و فن التخدير و مبادئ ادارة الكوارث
بس تخلصوا سنتين طوارئ و كنتوا من المتفوقين و ملتزمين بكل المحاضرات و الفحوص و درجات الأعمال بحقلكم تتنقلوا للسنة الثانية لكلية الطب البشري.

4 ● الأشعة :
بيتعرف فيه الطالب عالأجهزة الشعاعية و أجهزة التصوير و الطبقي المحوري و علم الطبي النووي و التصوير الشعاعي و التشريح الشعاعي و طريقة التعامل مع المريض و الامواج فوق الصوتية و الوضعيات الإشعاعية
بس تخلصوا سنتين طوارئ و كنتوا من المتفوقين و ملتزمين بكل المحاضرات و الفحوص و درجات الأعمال بحقلكم تتنقلوا للسنة الثانية لكلية الطب البشري

5 ● معالجة فيزيائية :
بتدرس فيه علم الأمراض و كيمياء و فيزياء و تمرينات علاجية و ميكانيك حيوي و أحياء دقيقة و تشريح و تدليك
بس تخلصوا سنتين المعالجة و كنتوا من المتفوقين و ملتزمين بكل المحاضرات و الفحوص و درجات الأعمال بحقلكم تترفعوا لكلية العلوم الصحية بحمص فقط.

6 ● البصريات :
بتدرس فيه مدخل الى عالم الفيزياء و عدسات طبية و تقنيات زجاج و بلاستيك و تمثيل هندسي و اشغال و ورش و تقنيات بصرية
هالاختصاص الوحيد يلي مافي ترفع عالكلية للأسف .
طبعاً ما ننسى مواد المعدل اللغة الأجنبية و العربي و الثقافة

☆☆☆○••• الحياة العملية لكل اختصاص بعد التخرج :

■ المخابر
فيك تشتغل بأي مخبر لتحاليل الدم او بمشافي حكومية او خاصة بقسم المخابر.

■ التخدير
شغله أغلب الأوقات بالعمليات بيساعد دكتور التخدير و اذا ما كان موجود دكتور التخدير ممكن هو يستلم بداله.

■ الطوارئ
أغلب شغله بقسم الإسعاف بالمشافي أو بقسم العنايات
إذا مابدك بالمشفى فيك تتطوع بالهلال الأحمر إذا بتحب هيك شغلات .

■ الأشعة
فيك تشتغل بأي مركز تصوير أو بالمشافي بقسم الأشعة.

■ المعالجةالفيزيائية
فيك تشتغل مراكز التدريب والعلاج الفيزيائي او في عيادة ..

■ البصريات
أخف و أسهل شغل (محل نضارات )

مشكورين