النتائج 1 إلى 3 من 3

الموضوع: أحببتكِ سراب قصة واقعية وممتعة

  1. #1
    الصورة الرمزية لحن الحياة
    لحن الحياة
    لحن الحياة غير متواجد حالياً

    الاشراف العام Array
    تاريخ التسجيل: Nov 2013
    المشاركات: 15,053
    التقييم: 751

    Red face أحببتكِ سراب قصة واقعية وممتعة

    احببتكي سراب
    نامي يا عيني نامي حبيبي راح وخلاني..
    راح وخلاني مجروح لا خبر منه جاني...

    سراب..نامي تنام عليكي حيطة الهي.

    رباب..شو بدك فيني يا نفسيه خليني مبسوطه بختشيبي..

    سراب..على هالخطيب...براطيمو تقول براطيم جمل

    رباب..اخرسي سراب لا تحكي عن حمادة هيك ولا غيرانه لاني انخطبت قبل منك وانتي الأكبر..

    سراب..ههههههههه قال شو اغار ومن مين من اختي فشرتي وله اصلاً بدي عيش حياتي لاحقه عالهم والغم..
    مو ناقصني بجيني واحد يجهد بلاي
    عامليتلي فيها انجاز...
    خاتم بشلق..ولا ذبلة تشنق

    رباب..يووه اللي بسمع بفكر انه طول نهارك مبسوطه وانتي متل الحيط ما حد معبرك خلصنا

    سراب سكتت ..
    ما تحسست ابداً من كلام اختها لانه اخر همها الخطبة والجيزة..

    بدي عرفكم عن الاختين زينقو ورينقو

    سراب البنت الكبيرة عمرها ٢٢ سنة مهندسه بشركه كبيرة جديد توضفت ..وبتحب شغلها كتير

    رباب عكس سراب ما بتحب الدراسه ولا الشغل ..انخطبت لحمادة الشب اللي بحبها وبتحبو عمرها ١٩..

    حمادة عمرو ٢٤ بشتغل بمحلهم حداد ووضعه المادي ممتاز..
    هي لمحة بسيطة عن قصتنا
    انطروني
    أحببتكِ سراب قصة واقعية وممتعة do.php?img=55586
    التعديل الأخير تم بواسطة لحن الحياة ; 2020-07-20 الساعة 10:19 AM

  2. [2]
    لحن الحياة
    لحن الحياة غير متواجد حالياً
    الاشراف العام Array


    تاريخ التسجيل: Nov 2013
    المشاركات: 15,053
    التقييم: 751

    افتراضي رد: أحببتكِ سراب قصة واقعية وممتعة

    مواصفات سراب..بنت شقر بعيون اخضر زيتي وشفايف زهر منفوخين ووش ناعم مدور ومورد وشعر اشقر طويل ناعم وطولا متوسط...

    رباب..عيون زرق ووش ابيض وشعر خروبي متوسط الطول ونفس طول سراب..

    ببداية صباح جديد.صحيت سراب بكل نشاطها وحيويتها قامت لبست وتجهزت وعملت قهوة وراحت تشربها كالعادة مع امها وابوها...

    ابو سراب مريض مقعد ..بس الو راتب تقاعد لانه كان ضابط بالشرطه..بس صار حادث ادى لشلل وما عاد يقدر يوقف عرجليه

    سراب..يسعد صباح الغوالي..

    هشام..يسعد صباحك بنتي الغاليه ..شو متى رح تتطلعي عالشركه..

    سراب..هلأ بس لأشرب القهوة معكم بتسهل..عشغلي

    ليلى ..الله يرضى عنك يا بنتي ويسهل امرك ويبعتلك ابن الحلال اللي يستاهلك..

    سراب..حبيبة قلبي يا امي .
    شربت القهوة وطلعت بالسرفيس ..وصلت الشركه وعالباب التقيت بالمدير الجديد..اخو صاحب الشركه ..

    سراب..صباح الخير استاذ..

    تيم..يا صباح الورد كالعادة بتيجي بكيرر انسه سراب

    سراب...طبعا استاذ هاد شغلي وما بحب استهتر فيه ابداً.وهلا بعتزر لازم روح

    تيم ..يخربيتها على هالجمال دخيل ربك شو حلوة مش عارف كيف تميم ما بطيق جنس حوى

    دخلت وقعدت بمكتبي..

    غادة..صباحو يا حلو

    سراب..يسعد صباحك غدوشه شو جاي اليوم بكير بالعادة بتتأخري

    غادة...هههه ايه ما انا قلت يلا ما اكل بهدلةمرتبه اليوم ههههه

    سليم زميل بالشغل وبحب غادة..ان شاء الله تدووم هالضحكه..

    سراب وغادة..تسلم يا رب..
    غادة شو تشربو كابتشينو

    سراب. ايه بشرب

    سليم..لو سم من اديكي بشربو

    غادة خجلتني سليم

    سراب. الله يجمعكم سوى يا رب

    سليم..بوجودك ام السوس

    ♡♡♡♡


    بالمكتب تميم عم يقلب الوراق..
    تيم..اي شبك هيك من اول ما وصلت وانتا بتشتغل ..

    تميم..لكن شو بدك اصيع حوالين البنات متلك..

    تيم..والله بجننو اويلي ..لقيت وحدة شقفة عيونها اويلي بعمري ما شفت هيك عيون ولا قطة شيرازيه.

    تميم بعصبية..تيم خد الملفات وزبطلي اياهم بمكتبك بكفي تضيع وقت اووف..

    تيم..طيب طيب رووق لا تعصب رايح..
    شو هاد عقلو كل حياتو شغل بشغل

    تميم..ابعتلي الانسه سراب.

    تيم..على عيني استاد تميم

    كانت قاعدة وغرقانه بكوم الوراق اللي على مكتبها الصغير..

    تيم..شو القمر مشغوول
    سراب. اسفه استاذ تيم عاوز شي مني

    تيم ..بلاها استاذ تيم لحال احلى منك..قصدي شو كنت بدي قول ..اه صح تميم طالبك

    سراب..اولييه الاستاد طالبني وانتا هلأ جاي تقول ..
    يا ربي ما يكون معصب يا رب...

    سليم..عكسك تماما استاذ هوي عصبي كتير وانتا فرفوش نيالا اللي بدا ترتبط فيك

    تيم

    طلبت تدخل وسمحلها تدخل

    سراب. اي استاذ حضرتك طالبني ..

    تميم..ايه طلبتك لانه بدي انقلك على مكتب تاني

    سراب..استاذ حد اشتكى مني والله مو عاملة شي

    تميم..لا ما حد اشتكى بس انا قررت انقل مكتبك لداخل مكتبي الخاص روحي جمعي الاشياء اللي بتحتاجيها وتعي

    سراب..لا الله يخليك صدقني مرتاحه بمكتبي

    تميم عصب. انا شو قلت ما بعيد الحكي روحي جيبي اللي قلتو وتعالي لهون لازم تضلك تحت نضري..

    سراب..حاضر عن ازنك

    طلعت سراب من عندو زعلانه وبتتسائل ليش لينقلها لعندو؟

    مواصفات تميم شعر اسود طويل بيربطو وعيون سود وساع وغماز عالخد اليمين طويل وكلو هيبة وشبوبيه

  3. [3]
    ثقتي بالله
    ثقتي بالله غير متواجد حالياً
    مشرف Array


    تاريخ التسجيل: May 2017
    المشاركات: 8,735
    التقييم: 50

    افتراضي رد: أحببتكِ سراب قصة واقعية وممتعة

    شكرا جزيلا اختي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )