#الباشق
#الجزء_الاول
الجزء التاني بكرا رح ينزل ع غوغل وع الفيس هلأ مارح نزل شي
ظلام حالك صوت ضحكات عالية.. رجلين عم تقرب... كرباج عم ينجر جنب الرجلين... صوت شهقاتا.. قلبا عم يدق بسرعة... فجأة طلع صوت تشحيط سيارة صوت قوي وبعدا صوت اتصدام قووي بووووووم
فتحت عيونا وتجلست بسرعة وحطت ايدا على قلبا يلي عم ينفض نفض..
لونا : لا لا... ياربي دخليك تعبت.. تعبت ايمت بدي اتخلص من هالكابوس... رفعت الغطا عنا وراحت على الحمام غسلت وجها ورجعت اتطلع على الساعة كانت ٣ بعد نص ليل.. طلعت وقفت على البلكون كان القمر مكتمل والسما صافية والحارة هدوء.. راحت على المطبخ جهزت فنجان قهوة واخدتو وراحت قعدت ببلكونة غرفتا.. قعدت ومدت رجليها على الكرسي يلي ماقابيلا وطالعت من الكامينو يلي لابستو باكيت دخان سحبت سيجارة وشعلتا وبلشت تسحب بشراها.. كانت عم تشرب قهوة ودخان وصافنة بالسما
.........................
الصبح عم يندق الباب
فتحت عيونا لقت حالا نايمة على الكرسي..
لونا :لك كيف نمت هون
قامت وهية عم تفرك رقبتا
فتحت الباب وكان شب عمرو فوق التلاتينات
لونا بصوت تعبان : هلا ركان
ركان : شو مانك نازلة
لونا : لا اليوم تعبانة وكمان بدي انزل ع السوق ناقصني شوية غراض
ركان : اوك سلام
لونا : الله معك
راح ركان.. ولونا صارت تتلفت حوليها لقت البيت وسخ
لونا :لدق لهي المغضوبة تجي تنضف البيت
(لونا صبية حلوة عمرا ٢٧ سنة سمرا سمارا جذاب وعيونا الخضر وشعرا البني الداكن يلي بيوصل لنص ضهرا.. وطولا المتوسط وجسما الرشيق )
(ركان شب عمرو ٣٨طويل كتافو عراض... جمالو عادي .. وشعرو المختلط بين الاسود والابيض )
_______________________
بمكان تاني.. واقف قدام المراي عم يلبس الكرافة
اجت مرتو من وراه ولبستو الجاكيت
نوال : حبيبي بدك تطول
سامي : مابعرف حسب المرضى
نوال : بدك تروح ع المشفى شي اليوم
سامي : اي عندي مريضين بدي اتطمن عليهن قبل ماروح ع العيادة وبعد العيادة كمان
نوال : ماشي الله يعطيك العافية
سامي قرب باسا من راس واتجه لعند الباب
نوال : اااه صح نسيت شو صار مع اختك الاء ايمت بدا تولد
سامي : حددتلا الدكتورة بكرا
نوال : قيصرية؟
سامي : لا طبيعي.. بدا تعطيها تحريض
نوال : الله يقومها بخير وسلامة
طلع سامي وسكر الباب
(سامي دكتور جراح و صحة عامة.. عمرو ٣٢ سنة دكتور وسيم كتير مميز ببشرتو الحنطية الصافية وشعرو البني ودقنو الخفيفة يلي ذادتو جازبية وعيونو العسلية )
(ومرتو نوال امرأة متوسطة الجمال ربة منزل وام لطفل واحد مميزة بجسما وطولا يلي ملفتين للنظر.. شعرا قصير اسود والها غمازة على خدها الشمال )
____________________________
لونا : سمعي جميلة البيت بدي اياه يضوي ضوي عم تفهمي
جميلة : اي اي فهمنا ليش انا ايمت خليتو نايس
لونا : نايس؟؟
جميلة : لك ما انتي عم تقولي بدي اياه يضوي وانا بعمري ماخليتو نايس ضوو
لونا : ياالله ما اغلظك
جميلة : لك هي مو اسمها غلاظة هي اسما هضامة
لونا : ياربي تصبرني... هنيك جميل وهون جميلة هه ياحبيبي كملت... يلا انا طالعة متل ما وصتك تمام
جميلة : تمام
طلعت لونا من شقتها وطلعت عالطابق يلي فوقا.. . وقفت قدام شقة ورنت الجرس
فتحت الباب مرا كبيرة بالعمر
لونا : صباحو ماما امل
امل امو لركان : هلا جبيبتي هلا.. فوتي فوتي
فاتت لونا وكان قاعد بالصالون مرة تانية عمرا حوالي التلاتين اسما دلال مرتو لركان
لونا : صباح الخير مدام دلال
دلال من غير نفس: اهلين لونا.. شو مانك بشغلك اليوم
لونا :؛والله تعبانة وبدي انزل ع السوق.. وجاي شوف اذا بتحتاجو شي
امل : شو بدك تشتري
لونا : ناقصني شوية تياب ونازلة اشتري
امل :واكيد اسود
لونا : لك ليش في احلا من الاسود.. الاسود ملك الالوان
امل : ياعمري يا لولو انت صبية متل الوردة ليش بتضلي قابرة حالك بالاسود
لونا : ماما انا جاي اسالكن اذا بدكن شي من السوق مو مشان تعطيني محاضرة
دلال : مابدنا شي.. مبارح نزلت اناو ركان يقبر قلبي واشترينا كلشي ناقص للبيت
لونا بقلبا : ان شاء الله يقبرك كلك لحتى نرتاح
لونا : لكن انا نازلة سلام
امل ودلال : الله معك
طلعت لونا.. وامل قالت لدلال : ليش هيك عم تحكي مع البنت
دلال :مرت عمو مابطيقا.
امل : حرام البنت يتيمة ومالا بهل الدنيا غير نحنا
دلال : شو نسيتي انها كانت تحب ركان
امل : كانت طفلة
دلال: الله لايكبرا.. قال طفلة.. كان عمرا ١٦ سنة شو صغرا
امل : يعني ١٦ سنة كبيرة؟ اااه شوبدو يحكي الواحد
دلال : لاتحكي شي مرت عمو انا رايحة لعند اهلي بدك شي
امل : سلمي عليهن
دلال : الله يسلمك وصل
(دلال مرة عمرا ٣١سنة مربربة شوي.. او فيكن تقولو عجعوجة بس حلوة.. طول متوسط.. شعرا اشقر طول وبسرتا بيضا صافية وعيونا بنيات )
______________________
ماشية لونا بسيارتا.. وصارت تحكي حالا : مين قال الاسود ما حلو.. اتطلعت على حالا كانت لابسة قمص اسود بزرار وفاتحة اول زرين عند صدرا.. وبنطلون اسود ديق وبوط اسود سادة
لونا : قال قابرة حالي قال.. لك هيييبة ههههه
فاقت وفجأة حست انها خبطت بحدا.. اتطلعت قداما ولقت حالا خابطة بسيارة
لونا : يلعن هالحظ
نزلت من السيارة.. ونزل سامي من سيارتو يلي خبطت فيها لونا
لونا : سوري.. سووري.. عنجد ماكنت منتبهة
سامي : شو هاد يامدام.. انتبهي تاني مرة
لونا : انسة لو سمحت.. وعنجد انا كتير بعتزر..
سامي : شو بينفع اعتذارك هلأ
لونا : خلص ولا يهمك صيانتها على حسابي
سامي : لا خلص.. مامشكلة.. بس تاني مرة ياريت تنتبهي
لونا : لا مابصير.. لازم صلحلك اياها
سامي : خلص انا بدبر حالي.. وكمان مستجعل في عندي مرضى وبدي عالجهن
لونا : حضرتك دكتور
سامي : اي
لونا : تشرفت بمعرفتك.. واسفة مرة تانية.. وانت باين عليك دكتور مخلص والله يعطيك على هوا نيتك سامي : شكرا هاد من زوقك.. وانتي شو بتشتغلي
لونا : اااه انا... اي انا موظفة بشركة للدولة
سامي : تشرفنا
لونا :؛وانا اكتر
كل واحد طلع بسيارتو ومشو
لونا : كأنو وجهو مألوف
وسامي بسيارتو : كأنو شايفا قبل مرة
مشي بسيارتو وشغل الراديو وطلعت اغنية لحسين الجسمي
أنا كل ما نويت أنسى
لك الذكرى ترجّعني
وترى للحين أنا أحبك
وأشوفك بين حين وحين
فراقك آه يا فراقك
كسر قلبي وعذّبني
وأنا نذرٍ علي أبقى
أحبك لين يوم الدين
حبيبي تدري شاللي
في غيابك حيل تعّبني
أحسّك طرت من يدي
كذا فجأه بغمضة عين
محد غيرك يبكّيني
ومحد غيرك يفرّحني
جميع الناس في قربي
وناطر جيتك للحين
أنا كل ما نويت أنسى
لك الذكرى ترجّعني
وترى للحين أنا أحبك
وأشوفك بين حين وحين
خلصت الغناي وكانت في دمعة بعيونو..
سامي :وين رحتي يا لونا.. وين.. تركتيني مجروح على فراقك واختفيتي.. بس انا بعمري مارح انساكي ورح تضلي بقلبي لاخر يوم بعمري... لك صح كانو هي البنت يلي ضربتني بتشبه لونا لما كانت صغيرة.. بس هلأ الله اعلم كيف صار شكلا.. اكيد بتكون صارت حلوه كتير
#########فلاااااش_بااااااااااك######
ماسك كتابو ورايح جاي بغرفتو عم يقرا.. فجأة انفتح الباب.. وفاتت بنت عمرا ١٤ سنة وهية لونا
سامي : لوناااا؟؟ شو عم تعملي هون هلأ اهلي بشوفوكي
لونا : لا تخاف.. ابوك مانو هون... وامك راحت لعند الجيران والاء سمحتلي فوت لعندك
سامي : عنجد ♡♡♡ اي لكن تعي لهون ياحبيبة قلبي لو تعرفي انا شقد مشتقلك
لونا : وانا كمان..
قرب منها وضما لصدرو
لونا : شو عم تعمل سامي
سامي : بس ضمة صغيرة خليني اشبع منك
حاوطتو بأديها من خصرو وقالتلو : بحبك
سامي : بموت فيكي
###########باااااااااااااك####$$$
فاق من ذاكرتو... وكان واصل ع باب المشفى.. نزل وفات ليمارس مهنتو
______________________________
ماشية لونا بالمول.... فاتت ع اول محل ولفت انتباها فستان اسود قصير.. قاستو وعجبها كتير واشترتو وطلعت فاتت ع المحل التاني
لونا : لو سمحت في من هي القمصان اسود
الشب : لا هدول مافي منهم غير ملون.. لانو هي الوان ربيعية
لونا؛ طيب شكرا
بالمحل التاني كان فاضي.. فاتت ولفت انتباها تياب داخليه بلون الاسود.. قربت من الطاولة وصارت تتفحصن
الشب : هي يلي بأيدك قياسها ٧٠ وانتي بدك ٨٠
لونا : عفوا؟؟؟
الشب: عم قلك مقاسك بس
لونا : وشو عرفك بمقاسي
الشب : ولو يامدام.. خبرة
لونا : بس كأنو تدخلك جريء لا مو جريء وقح
الشب : انا اسف.. بس بنصحك تاخدي هدول يلي قدامك بيطلعو عليكي بشّلوو
لونا : مو بس وقح وقليل ادب كمان
الشب : لك يسلملي الشريف انا
رمت لونا يلي بأيدا واجت بدا تطلع
مسكا الشب من ايدا وقال : عوين ياحلو..
لونا اتطلعت على ايدا واتطلعت عليه وقالت انقبر اترك ايدي ولا تخليني صغر عقلي وبوديك بستين داهية
الشب : معليش انا موافق.. وديني وين مابدك بس خليني معك
لونا : للمرة الاخيرة عم قلك اترك ايدي بالحسنى لانو عنجد ماني حابة عكر مزاجي
الشب : مية دولر... طيب ميتين... تلاتمية
ضربتو كف على وجهو وسحبت ايدا وطلعت
حطو ايدو على وجهو وعيونو فيها شر.. بسرعة اخد قطعة من على الطاولة وطلع لبرات المحل وصار يصيح : ياحرمية... ياحرمية
وقفت والتفتت عليه وقالت : نعم
بدات الناس تجتمع
الشب : ياجماعة هي البنت حرمية.. انتبهو لاتفوت وتسرقلكن شي
هية بكل برودة اعصاب مسكت تلفونا بعتت مسج ورجعت ضبتو مكانو وكتفت اديها ببعضن
الشب : شو كأنو ماهامك الموضوع
لونا : ببساطة اذا شايفني حرمية اطلب الشرطة.. فيها شي ياجماعة
الكل قالو : لا
الشب اتلبك وقال : لا شو شرطة.. مابدي كبر الموضوع.. روحي تستطفلي منك لربك
لونا : ييي شو قلبك طيب... روح الله يستر عليك متل ماسترت علي.. روح الله يوفقك دنيا اخرة
الشب : عم تتمسخري
لونا : ههههه اي... لانك هلأ رح تصير مسخرة
الشب : مافهمت
لونا : ماضروري
فجأة اجو عناصر شرطة.. قربو من لونا وضربولا تحية
الشب انسطل ومعد يعرف شو يحكي
المساعد جميل : احترامي.. خير ستنا
قربت لونا من الشب وقالت : قلتلك مابدي صغر عقلي.. بس انت جلدك عم يحكك مو ذنبك... جميل خدلي هالحيوان على الفرع لفرجيه قيمتو وكيف يفتري على الناس
الشب : مشان الله... ببوس ايدك.. والله ماكنت بعرف مين انتي.. لك تنكسر ايدي وينقطع لساني لما حكيتي معك هيك
قربت منو ومسكتلو دقنو ورفعتلو راسو لعندا وقالت ودعت الماما اليوم قبل ماتطلع
الشب : داخل عليكي.. مشان الله
لونا :شحطوووه... وحدا يجيب تسجيل الكاميرا من محل هاد الواطي.. والله لخليك تختخ بالحبوس
مشت قدامون ووالعناصر سحبوه
وصلت لسيارتا رن تلفونا
لونا : الو.. اي ركان.. شووو اللواء.. يلا يلا جاي
اتطلعت ع العناصر كانو شاحطين الشب
لونا : لحظة..
جميل : امرك ستنا
لونا : اتركوه
الشب : الله وفقك الله يعلي مقامك
لونا : خليني اسمع تاني مرة انك عملت هيك حركات والله لعدمك حياتك واشرت على عيونا وقالت عيني عليك والله يطعمك وتغلط
الشب : والله معد عيدا.. والله
ركبت سيارتا ومشت بسرعة على الفرع (فرع الامن الجنائي)
راحت دغري على مكتب ركان
لونا : شوفي
ركان : جيتي بوقتك.. اللواء طالب كل الضابط
لونا :؛وبخصوص شوو
ركان : بظن مشان قضية الباشق
لونا : الباشق؟؟ مين هاد
مشي ركان ومشت حدو لونا
ركان : هاد مجرم صرلو معذبنا سنين من لما كنتي بالجامعة انتي .. وفجأة اختفى.. ويمكن هلأ ظهر
لونا: وشو جرمو
ركان : متل مجرمين كتار بالبلد.. نصب احتيال اسلحة مخدرات..
لونا : وتجارة اعضاء ونسوان؟؟
ركان : ماثبت عليه شي من هالشي.. بس يمكن احتمال.... يلا هلا بتفهمي كلشي.. اذا اللواء كان جايبنا عشانو
لونا : الله يستر
فاتو ضربو تحية للواء وقعدو على كرسين جنب بعض وكانت الغرفة مليانة ضباط وكانو قاعدين ورا بعض وكأنو عم يحضرو محاضرة وقدامون اللواء وشاشة كبيرة
اللواء : هلأ فينا نبلش بعد ما اكتمل العدد ب الملازم اول لونا السيد والرائد ركان البحري
اللواء؛ يمكن عنكن فكرة ليش جمعتكن اليوم
ركان : الباشق؟
اللواء: صح يا رائد ركان.. الباشق.. بعد غياب سنين رجع ظهر... خبرنا انو الو تحركات خفيفة بالبلد.. ومبارح المسا اجاني ايميل من مجهول انو الليلة في كمية اسلحة كبيرة مع شحنة مخدرات رح تفوت ع البلد
لونا : سيدي بركي فخ
اللواء : احتمال.. بس مافينا نتجاهل هيك خبر
ركان : ويمكن هاد الايميل من الباشق نفسو لحتى يتحدانا شوي
وضابط تاني حكي : ويمكن عنجد حدا بدو مصلحة البلد وسربلنا هالمعلومة
اللواء : المهم انا بعد تفكير طويل قررت طوع شخصين لحتى يستملو هالقضية
الكل صارو يتطلعو ببعض
اللواء : الرائد ركان و الملازم اول لونا
لونا انصدمت بس ماحكت
ركان : سيدي الملازم اول لونا بعدا ببداية الشرطة ومابنقدر نخليها تدخل بهي القضية المعقدة.. يعني مانها كفؤ
لونا زورتو لركان وقالت : سيدي رح كون عند حسن ظنك
اللواء : ركان انا بعرف شغلي منيح.. وكمان لاتنسى انك معها واكيد رح تكونو ثنائي قوي.. ولونا فتحة ونشيطة وذكية وممكن يطلع منها شي ماطلع معنا خلال هالسنين
ركان : بأمرك سيدي
اللواء : طبعا بدي كون انا على علم بكل خطوة بدكن تخطوها... وجهزو حالكم اليوم مع قوة كبيرة مشان نكون الهم بالمرصاد
لونا وركان : حاضر
اللواء : انصراف
طلعو الكل ولونا طلعت مع ركان
لونا : بسيطة يا ركان هلأ انا ماني كفؤ
ركان ':والله من خوفي عليكي
لونا : اي لا تخاف انا قد حالي "تركتو ومشت
___________________________
المسا... واقفين بين الشجر على الحدود
لونا : ركان شو يعني باشق
ركان : على ما اظن طير من الطيور الحرة
لونا : اممممم
فجأة ظهرت قدامن ٣كميونات كبار
ركان : اكيد هدول.. رفع ايدو لفوق وقال قوسووو
وبلشو يقوسو على بالهوا لحتى يخوفهن
لونا واقفة وما قوست ولا طلقة صافنة وعم تقول : الباشق.. الطير الحر يعني ما بهل السهولة بنقدر نوصلو هية الجية فخ او خدعة
اسرعت الكميونات وماوقفت.. بسرعة رجال الشرطة ركبو بسيارتون ومشو ورا السيارات.. ضلت لونا واقفة لحالا وما راحت معون
بسرعة سيارات الشرطة تقدمت ووقفت قدام الكميونات ونزلو من السيارات ووجهو الاسلحة على الكميونات
وقفت الكميونات ونزلو يلي بقلبا بدون اي مقاومة وبكل سيارة كان شخصين
ررفعو اديهن فوق راسون وتقدمو
ركان : فتشو الكميونات
راحو رجال الشرطة يفتشو الكميونات
لونا قعدت على صخرة وقالت : هه اكيد رح يلاقو الكميونات فاضية... رح انطر ركان هون لشوف شو رح يصير معو
رجال الشرطة : سيدي الكميونات فاضية
ركان لاصحاب الكميونات : وين المخدرات والاسلحة
ردو : والله مابنعرف عن شو عم تحكي..
ركان : لكن ليش جاين تهريب
ردو : سيدي نحنا مرقنا على الحدود نظامي بس ماجينا دغري انعطفنا بعد الحدود على طريق التاني مشان العجقا وهاد فاضي.. وهي وراق دخولنا
ركان: شو كنتو محملين
ردو : سيدي بيض
ركان بقهر : اتيسرو الله معكن
اتطلع حوليه مالقا لونا حمل تلفونو ودق
لونا : شو فاضين
ركان : اي شو عرفك
لونا : اولا هاد الباشق يعني حب يلعب بأعصابنا شوي وكمان معقول كميونات اسلحة ومخدرات ومافي عليها حراسة ومافي ولا طلقة طلعت من عندن
ركان : معك حق... وينك انتي
لونا : قايمة روح ع البيت
ركان : لكن انا رايح خبر اللواء شو صار وروح ع البيت
لونا : اوك.. سلام
قامت نفضت تيابا وبدا تمشي... اتطلعت نظرة اخيرة على الطريق... ولمحت ضو صغير وكأنو ضو سيجارة
قلبا ما مرتاح.. ومن جهة تانية شافت سيارات الشرطة مشت وراحت.. صار الطريق فاضي وهدوء..
رجعت ع مكانا.. وقعدت تنطر رح يصير شي او لأ
لونا بلشت عد : ١ ٢ ٣ ٤ ٥ ٦ ٧ ٨ ٩......... ٩٩ ... ١٠٠
وهيية خلصت المية.. شافت ضو بيل وكأنو عم يعطي شي اشارة..
صوت محركات سيارات دارت..
لونا : شو الحل هلأ.. رح دق لركان وخليه يرجع....
لونا : الو ركان.. ارجعو.. بس ووقفو بمكان محايد عن الطريق ومابتقربو لبعد ماتسمعو صوت القواص.. يلا تعال هلأ مافي وقت
راحت لعند سيارتا فتحت الباب بكل هدوء وحطت الفرد يلي كان معا وجابت روسية رشاش.. حاولت تقرب قد مافيها لعند الطريق.. بلشت السيارات تقرب كانو ٤كميونات و٣ جيب سود
انبطحت ووجهت الرشاش ع دواليب السيارات
لونا : استعنا ع الشقا بلله..
اقتربت السيارات وصاروا قداما... وبلشت طططططططخططططططخ.. ططططخ
السيارات فاتت ببعضا وبلشت يطلع قواس من السيارات... وقفت قواس.. وبسرعة تراجعت وغيرت مكانا.. صوت سيارات الشرطة جاي.. وقفو اطلاق النار المجرمين وحاولو الهروب.. نص السيارات ماعد مشت نزلو بسرعة تجمعو بسيارة وحدة جيب وهربو.. لونا لما شافتون عم يهربو.. رجعت تقوس عليهن بس راحو بسرعة..
لونا : الو ركان.. في سيارة سودة هربت بسرعة لحقوها
قسم من سيارات الشرطة لحقت السيارة.. وقسم قرب لموقع الحادث
وجهو الاسحلة وصارو يتقدمو شوي شوي لعند السيارات كانت فاضية.. فتحو الكميونات كانت محملة بكمية كبيرة من الاسلحة والمخدرات حبوب وبودرة..
لونا : خلي كم عنصر يمشطو المنطقة.. والباقي خليكم هون.. واي حدا بمر بتحجزوه.. انا رخ خبر اللواء بالشي يلي صار..
راحت ع جنب حكت مع اللواء وخبرتو بكلشي صار
لونا : اي سيدي.. الرائد ركان لحق سيارة المجرمين.. ماشي
بعد شوي اجت سيارات الشرطة
لونا : شو ركان
ركان : فجأة اختفو ومعد بينلون اثر
لونا : مامشلكة.. الون يوم... بس تعال شوف هالشوفة
ركان انصدم بكمية الاسلحة والمخدرات
ركان : بس سسبنالن خسارة كبيرة.
لونا : معك حق
ركان : لك كيف كشفتيهن
لونا : احساسي هههههه.. مشي لاحكيلك
______________________
عباب البناي
فايتة لونا وركان
لونا : هنن اكيد كان قصدن يخدعونا .. بعتو ٣كميونات فاضين ونعتبر انها اخبارية كاذبة.. ولما نروح يمرقو الشحنة بأمان وانو هنن منتصرين علينا
ركان : وهو عنجد هيك كان رح يصير.. عنجد يا لونا انا بحييكي
عم تفتح باب شقتها : تفضل لنكمل السهرة
ركان : هههه ايو سهرة رح يطلع الضو
لونا : تصبح على خير
فاتت على شقتها وفاتت بسرعة على غرفة النوم وقلبت على تختا من التعب وراحت دغري نايمة
وصل ركان على بيتو فتح بالمفتاح وفات.. لقى مرتو دلال واقفة وحاطة اديها على خصرا وعم تهز رجلا
دلال: اهلا.. اهلا.. وينك لهلأ ياحضرة الرائد
ركان : شو ويني لهلأ.. دقيلتلك وخبرتك انو عندي مهمة
دلال : وهل المهمة هية لونا
ركان : ياربي دخيلك.. سمعي دلال انا نعسان وتعبان.. ومالي نفس جادلك بجدالك يلي مابيخلص تصبحي على خير
دلال : لك ليش هيك عم تعاملني.. خلص اذا بتحبا روح لعندا وطلقني..
تركها عم تحكي لحالا وفات على غرفتو
_________________________
الصبح لونا بعدا نايمة على نفس الوضعية.. وصارت تحكي بنوما: لك خلص.. حلوو عني.. بكفي.. فتحت عيونا وقامت
لونا : اوووف.. يعني هالمنامات البشعة لايمت بدا تضل مرافقتني.. رح احكي مع الدكتور نديم
لونا : الو.. دكتور.. كيفك.. دكتور شو مشان هالمنامات يلي مام تفارقني... طيب فهمنا طفولة قاسية عشتا وتعرضت للتحرش والاغتصاب والعنف.. بس راحو وانا ماعم فكر فيهم.. ليش هنن بضلو يرجعولي... قلتلي عقلي الباطني؟؟ ... وشو علاجو هاد... مهدئات.. لا مابدي.. اصلا تعودت على هيةالكوابيس شكرا.. سكرت التلفون وقالت : مانو شاطر غير بالمهدئات...
________________________
بالمشفى
الممرضة :دكتور سامي اختك الاء وصلت ع المشفى.. والدكتورة عطتها محرض..
سامي : ااه عنجد.. ووينا الاء هلأ
الممرضة : بالكوريدور عم تتمشى
سامي: اوك.. شكرا لانك خبرتيني
الممرضة : العفو دكتور.. وانت يلي طلبت مني خبرك اذا اجت
طلع سامي وراح على قسم النساء والتوليد.. كانت اختو الاء لابسة ملابس خضرا للمشفى وعم تتمشى بالكوريدو وجنبا جوزا
سامي : شو الاء كيفك
الاء : خايفة كتير
سامي : ولا يهمك حبيبتي.. انا معك لاتخافي
الاء : طيب خليني اولد قيصيرة اهون
سامي : لا الطبيعية افضل.. وكمان كلا ساعة وجع لا تخافي
الاء : ان شاء الله
سامي : شو بلش يجيكي مغص
الاء : حاسة بوجع خفيف اسفل ضهري
سامي :اي منيح كتير.. شو مؤيد كيف استعدادتك لاستقبال البيبي
مؤيد : بصراحة خايف على الاء كتير..
سامي : شبك يا رجل.. شد حالك..
مؤيد: ماشي.. ماشي
سامي : شو وينا ماما ما اجت معكن
الاء : هلأ جاي مع نوال
سامي : منيح كتير
اجت ممرضة بسرعة : دكتور.. دكتور.. هلأ اجانا مريض حالتو خطرة..
سامي :شو صابيو
الممرضة : مقوص
سامي :جاي.. جاي.. وانتي الاء خليكي عم تمشي لا تقعدي
الاء : حاضر اخي..
__________________________
ركان طلع من غرفتو وكانت امو ومرتو عم يشربو قهوة
ركان : صباح الخير
امو : صباح النور حبيبي
ودلال ما ردت
ركان : شو شبو الحلو ما عم يرد علينا
دلال : بتعرف حضرتك شو عامل
ركان : اقسم بلله كان عنا مهمة مبارح
دلال : والست لونا ضمن المهمة
ركان : اي لونا كانت معنا بالمهمة
دلال: ومن ايمت لونا بتطلع معكن بليل
ركان : اللواء طلب مني ومنها نحل قضية... بعدين لايمت بدك تضلي تفكري بهل البنت شيلها من راسك
.....................
كانت لونا لابسه وطالعة لتشوف ركان.. وصلت للباب وسمعت صود دلال : لك بكرها.. بكرها.. ووجودها معك رح يدبحني
ركان :لانك صغيرة عقل.. قلنالك البنت شو كان وضعا لما لقيناها ولما فاقت اول شخص شافتو هو انا واتعلقت فيني.. بس ما حبتني.. مجرد مصدر امان اعتبرتني ولاتنسي انها كانت مريضة نفسية وعم تتعالج.. ولما رجعت طبيعية اعتذرت مني وقالت انو ماكنت فهمانة مشاعرها صح
انقهرت لونا كتير.. ولفت ضهرا ومشت
ركبت سيارتا وساقت بسرعة..
##########فلااااااش_بااااااك########
بكافتيرا
لونا كان عمرا١٦
ركان : اي لونا شو كان بدك.. وما فعلتي تحكي قدام امي
لونا بدون مقدمات قالت : ركان انا بحبك
ركان : شووووو انت عم تحكي جد
لونا : اي انا بحبك كتير.. انت الشخص الوحيد يلي ضللي بهل الدنيا
ركان؛ لونا انتي صغيرة عهي الشعلات.. ولاتنسي انو بعدك عم تتعالجي
لونا : لا انا منيحة.. الدكتور خرجني من المصح.. وقال انو صرت منيحة
ركان : خرجك بس ما طبتي ع الاخير
لونا بخيبة امل : يعني انت ما بتحبني
ركان بأسف : لونا انا الله ما بعتلي اخوات بنات.. بس انتي اختي وبحبك كتير
لونا ودموعا بعيونا : شكرا ( وقامت.. مسكها ركان من ايدا وقال انا رح وصلك
ركبو بالسيارة ولونا ماكانت عم تحكي ولا كلمة
ركان : لونا اسمعي مني.. ما انتي كان بدك تصيري ضابطة بالشرطة متلي.. لازم تركزي على هدفك وتدرسي وتثابري.. والشي يلي عم تحسيه تجاهي ابدا مانو حب ومع الايام رح تكتشفي هالشي
هزت براسا وما حكت
#ذكرة تاني
بعد ستة اشهر
لونا قاعدة بالبيت عند ركان عم تدرس.. فات ركان وكان جاي من شغلو
لونا : ركان.. ركان
ركان : اي لونا في شي
لونا : شكرا
ركان :على شو
لونا :لانك وعيتني وتفهمتني عنجد انا ما كنت مييزة حب من غيرو.. وبالحقيقة انا حبيتك كأخ مو كحبيب
ركان :ههه ولا يهمك..
###########باااااااااااك########
لونا صارت تضرب على دركسيون السيارة وتقول :غبية.. غبية يا لونا.. يعني لو صابرة شوي كنت ميزت الحب من غيرو.. بس وقتا كنت طفلة.. وحضرتو ليش ليحكي لمرتو ويفضحني قداما
لقت قداما عقجة والسيارات واقفة..
لونا :مشان تكمل.. شو صاير هون
نزلت من السيارة ومشت لقدام وصارت تسأل الناس شوفي
الناس :حادث سيارة
لونا حست بركان شعلت جواتا.. ووقفت مكانا معد عرفت تمشي لقدام ولا ترجع..
لونا : مين عامل الحادث
واحد : عيلة كاملة
لونا رجعت صفنت.. بعدين سألتو : في شرطة هون
الشخص : اي
لونا : منيح كتير
لفت ورجعت على سياراتا ركبت ولفت السيارة وغيرت طريقا.. وصارت تبكي
لونا :ياريت خلوني نام عند الاء هديك الليلة..
##########فلااااش_بااااااااااااك#########
عند اهل الاء
كانت قاعدة مع الاء وسامي وام سامي بالصالون
ام سامي :حبيبتي لونا بدك تنامي عنا اليوم
اتطلعت لونا بسامي كان عم يترجاها انها تضل
لونا :لأ قال.. عم تقل عليكن ومابصير نام هون
ام سامي :وين عم تقلي علينا والله بحبك متل الاء وسامي
لونا : وانا كمان بحبكن كتير واتطلعت بسامي
جرس الباب عم يرن
قامت ام سامي تفتح.. وكانو اهلا للونا
ام سامي : خلو لونا تنام هون.. والله عم تتسلا هية والاء كتير
سامي : اي خالة خليها.. وانا كمان عم ساعدون بالدروس
ام لونا : لا عيب.. والله صايرة عم اخجل منكن قد ما بنضل عنكن
ام سامي : والله عقلبي احب من العسل
ام لونا :خلص هلأ جينا وما حلوة نرجع فاضيين.. يلا لونا جهزي حالك
لونا :ماما بترجاكي والله عم ضوج لحالي بالبيت
ام لونا :خلص حبيبتي بكرا بترجعي.. هلأ ابوكي ناطرنا تحت يلا
لونا :يلا
ودعت سامي والاء وطلعت ركبت مع اهلا بالسيارة ومشو
اما : شو لولو شكلك متعلقة فيهم كتير
لونا : اي والله يا ماما كتير بحبون وبرتاح عندن
اما : شبك حبيبي ليش مأسرع كل هالقد بالسيارة
ابوها علامات التوتر على وجهو : مابعرف.. السيارة مابعرف شبها
امها : شووو مشان الله تصرف
ابوها : عم حاول... انتو تمسكو منيح...
لونا : بااابااا.. انتبه سيارة قدامك.. باااااااباااااااا
........................
فتحت عيونا كانت بالمشفى وجسما قسم ملفوف بالشاش وقسم بالجبصين... كان فوق راسا مرت عما وعما
لونا بصوت خفيف :عممو.. وينا.. ما.. ما.. وبااا.. باا
عمو : حبيبتي اهدي.. انا رايح انده للدكتور
طلع عما وضلت مرت عما وكانت قالبة خلقتا
لونا :مرت عمووو.. وينوون اهلي
مرت عما من غير نفس : لا تبلشي بدي ماما.. وبااباا.. ريحي حالك اهلك ماااتو
لونا : شوووو.. لأ لأ انتي عم تكذبي... ياماما... يابابا.. يالله.. بدي اياااهم... يا ماما..
فات الدكتور وعما على صريخ لونا..
الدكتور : شبا.. شبا
مرت عما :عم تسأل على اهلا.. وقلتلا انون ماااتو
الدكتور : انتي شايفتيها قد هي الصدمة
لونا : مشان الله بدي ماما وبابا
الدكتور : اهدي حبيبتي.. اهدي
كان ضاربها ابرة مهدئة وبلشت تغفى وهية عم تنده لامها وابوها
############بااااااااااااااك########
وصلت لقدام الفرع صفت سيارتا ونزلت.. تلفونا عم يرن
ردت من دون نفس : اي ركان.... انا صرت بالفرع... اي سلام
فاتت على غرفتا وقعدت.. وكانت مقهورة ومدايقة كتير.. لانها اتذكرت حادثة اهلا.. ولاتها سمعت مرت ركان عم تحكي عليها
فات جميل لعندا
جميل: احترامي
لونا :شوفي
جميل :في شخص متصاوب باطلاق ناري.. وهو بالمشفى
لونا : بلله.. وشو هالقضية العظيمة... خدو كم عنصر وروح شوف مين عامل فيه هيك
جميل : انتي ليش بتخطفي الكباي من راس الماعون
لونا :احترم حالك ياجميل واعرف مع مين عم تحكي
جميل : اسف.. بس الناس يلي اسعفوه للزلمة عم يقولو انو لقوه بمكان المهمة يلي كنتو فيها مبارح
وقفت لونا على رجليها وقال : شوو انت متأكد
جميل :اي ستنا
لونا : لكن بسرعة جهز كم عنصر خلينا نروح
جميل : حاضر.. بتلاقينا ناطرينك برا عباب الفرع
طلع جميل.. ووقفت لون اخدت المسدس وحطتو بالحزام يلي معلق بكتافها والمسدس مكانو تحت الابط.. ولبست جاكيتها الجلد الاسود فوق تيابها وطلعت ركبت سيارتها والدورية مشت وراها وراحو ع المشفى.. طلعو فورا على غرفة المريض.. كان في عنصرين واقفين على الباب
لونا : شو قال الدكتور
عنصر : قال انو مارح يفيق حاليا
لونا : مين يلي جابو لهون
عنصر : زلمة كبير هو ومرتو
لونا : اخدتو افادتون
عنصر :اي واخدنا عناوينن وكلشي تسجل بالمحضر
لونا : وينو المحضر
جميل : معي.. هاد هو
لونا :خليه معك انا رايحة شوف الدكتور.. وانتو خلي عيونكن عشرة عشرة عليه ومابدي اي حدا يفوت لعندو قبل ما تتأكدو
جميل : حاضر
لونا : صح.. مافي معو شي بيثبت شخصيتو
جميل : لأ
لونا : طيب ماشي.. جميل وامجد تعالو معي والباقي ينزلو ينتظرونا بالسيارة وخلي تنين هون
نزلت لونا ع الاستعلامات
لونا :لو سمحتي بدي شوف الدكتور يلي اشرف على المريض المتصاوب
الممرضة : اي الدكتور سامي.. انطريه بغرفتو وهلأ بيجي لعنكن.. غرفتو رابع غرفة على ايدك الشمال
لونا : اوك
_______________________
بقسم النساء والتوليد
الاء : رح ممووت .. من الوجع.. سامي بترجاك اتصرف
دكتورة التوليد: يلا استحملي شوي.. لسه بدك وقت
الاء : لك رح مووووت... مشان الله انا معد بدي ولد طبيعي
سامي : حبيبتي.. شوي وبينزل البيبي وبتنسي كل الوجع.. بس استحملي
الاء : اااه.. لا لا معد استحمل دخيلكن
ام سامي : حبيبتي صبري شوي.. وقولي يارب
الاء : اووه... اااه... يارب.. اااه.. يارب
فاتت ممرضة :دكتور سامي.. في شرطية بدا تشوفك وهية هلأ بمكتبك
سامي : يلا جاي
نوال : خير حبيبي شوفي.
سامي : ههه اكيد مو مشاني لاتخافي.. يمكن مشان المريض يلي اجا من شوي.. وانتي الاءشدي همتك
طلع سامي والممرضة..
وصل لغرفتو كانو عنصرين واقفين ع الباب فات واتفاجئ بلونا وهية تفاجئت فيه
سامي :هي انتي؟؟
لونا : ههه اي انا
سامي : وليش ما حكيتي مبارح انك ضابطة.. شو بتخجلي
لونا : اكيد لأ بفتخر.. بس بخاف اذا قلت انو ضابطة بالشرطة يفكرو الناس انو عم اتباهى بحالي
سامي : اممم.. بهنيكي على اخلاقك العالية
لونا : شكرا... المهم خلينا نحكي عن المريض
سامي : اي..
قاطعون تلفون لونا عم يرن
لونا : الو.. اي ركان... لا بالمشفى.. في شخص يمكن متصاوب من معركة مبارح... اللواء عم يسأل عني؟.. اي هلأ هو بيتصل لكن... انا شبني.. لا مافيني شي... لاماعم احكي بنشافة... خلص ما وقتو هالحكي بعدين بشوفك وبنحكي.. سلام
سكرت واتطلعت بسامي
سامي : حبيبك؟؟
لونا : اااه مافهمت
سامي : عم تحكي مع حبيبك
لونا : لا. بنرجع لموضوعنا رن تلفون المكتب لسامي
سامي : الو.. شوو عم تحكي جد.. يلا يلا جاي
سكر الخط وقام وقال : عن اذنك خمس دقايق
___________________
طلع سامي بسرعة وراح على غرفة التوليد على الباب شاف امو ومرتو وجوز اختو
سامي : عنجد متل ماسمعت
ام سامي : اي حبيبي.. قال ولدت وجابت صبي
سامي : انا فايت شوفها واطلع طمنكم
_____________________
بغرفة سامي.. قاعدة لونا وعم تتأفأف
لونا : وين راح هاد
شافت صورة ع المكتب.. مدت ايدا وسحبتا.. وشافت بالصورة سامي ومرتو وابنو
رجعتا عمكانا بدون مبلاه...
بعد شوي اجا سامي وقال : اسف تأخرت عليكي
لونا : ولا يهمك بس ياريت تشرحلي بسرعة وضع المريض لانو مستعجلة وطالبيني بالفرع
سامي: طيب ماشي....
بعد شوي خلصو حكي سامي ولونا
لونا : شكرا الك دكتور..
سامي : العفو
طلعت لونا من مكتب سامي ومشو وراها العنصار ولما قربت من البوابة سمعت شخص عم يحكي ممرضة الاستعلامات وعم يسألا عن مريضة : الاء محمود الجابري
هالاسم جمدا مكانا وخربطلا كل كيانها...
لفت ورجعت
جميل : ع وين ست لونا
لونا ما ردت وكملت على الاستعلامات
لونا : الاء محمود الجابري موجودة عنكن هون
الممرضة : اي مدام.. من شوي طلعت من غرفة التوليد وجابت صبي
لونا بصدمة : الاء تزوجت وصار عندا صبي.. اكيد تزوجت من مؤيد... لو سمحتي وين غرفتا
الممرضة :الطابق التاني قسم النساء الغرفة ١٢٣
لونا : شكرا الك
مشت لونا اتجاه الاسنسير وحسيت رجليها عم يركضو.. وكانها مانا مصدقة انها لقت رفيقة طفولتا وعمرا.. طبعا العناصر ماشين وراها وما عارفين شي
وصلت لقدام الغرفة رفعت ايدا وهية مترددة معقول هاد حلم.. معقول ما تكون هية.. صوت من داخلا عم يقول يلا دقي.. دقت الباب وفاتت.. هنن عم يتطلعو مين هية.. وهية وقفت وصارت تتأملن.. صح هنن كتير متغيرين ويمكن ماكانت تعرفون لو ما سمعت اسم الاء بس هدول هنن على الشبه.. وامها لا الاء مانها متغيرة كتير
مؤيد :لو سمحتي.. مين بدك حضرتك
لونا بعيون مغرغرة بالدموع : انت مؤيد ما هيك
مؤيد : اي مؤيد مين حضرتك
ما ردت عليه وقربت من الاء وقالتلا : انتي الاء؟؟
الاء : اي انا الاء.. بس فهمينا مين حضرتك وشوبدك
طبعا لانها باللباس المدني مو مبين عليها انها شرطية والعنصرين ضلو برا
قعدت حدا ومسكتلا اديها وقالت : ما تذكرتيني.. لك انا لوناا
الكل : لونااااااا؟؟
لونا : اي لونا .. لونا يلي كنت ضل اكتر وقتي عنكن.. انا ربيت عنكن
ام سامي قربت منها واتطلعت فيها وقالت : اي لونا.. صح هي لونا.. وقفت لونا وضمتا وصارت تبكي بحرقة : اشتقتلكم كتير.. كتير.. وين رحتو.. وين..
الاء : لك اي والله لونا
نزلت لعندا لونا ورجعت ضمتا..
الاء : ياحبيبي... يا رفيقتي..
بعد عناق طويل رجعت لورا وصار تمسح دموعا بكلينكس..
مؤيد : اشتقتنالك وين رحتي وتركتينا
نوال : لحد الان انا ماني عارفة شي
اتطلعت عليها لونا وحست انها شايفتا بس نست الصورة يلي كانت بمكتب سامي
الاء : هي لونا صديقة الطفولة.. لونا هي مرت اخي سامي
لما سمعت هيك لونا حست حالها انزعجت.. بس خفت مشاعرا واتطلعت بأم سامي وقالت : وين رحتو. وين تركتوني ورحتو
الاء : ليش مين ترك التاني.. نحنا ولا انتي
لونا : كيف يعني
الاء :مرت عمك قالتلنا انك سافرتي لعند بيت جدك ع كندا.. ومعد ترجعي
لونا : كذابة.. وانتو صدقتوها؟؟
ام سامي : بصراحة اي.. بس عم تقولي كذابة.. لكن وين كنتي..
سكتت لونا وما ردت.. غيرت السؤال وقالت : بس انا جيت لعنكن بعد سنة ومالقيتكم قال مغيرين البيت
ام سامي : صح انتقلنا على بيت اكبر.. بس وين كنتي انتي.. خبرينا يا بنتي
لونا : ماوقتو خالة ما وقتو.. اي الاء قال هلأ طلعتي مع غرفة التوليد.. والله كبرتي واتزوجي وصار عندك بيبي
الاء : اي والله تزوجت من مؤيد متل مانك شايفة.. ومن شوي ولدت وجبت ولد.. بعد شوي بجيبوه
لونا : الف الف مبروك ياعمري.. والله فرحتلك كتير الك ولمؤيد.. من لما سمعت اسمك تحت وسألت عنك وقالولي انك هلأ طلعتي مع التوليد عرفت انك تزوجتي مؤيد
الاء : عقبالك
اتطلعت لونا نظرة سريعة على نوال وقالت : ما بظن
الاء : لك ليش مشالله صايرة بتجنني.. ومية شب بيتمناكي
لونا : هههه ووينون هالمية ماني شايفة حدا.. ومين بدو يرتبط بوحدة متلي مقطعوة من شجرة مابتعرف حدا ولا حدا بيغرفا من بيتي لشغلي ومن شلغي لبيتي
مؤيد :, ليش شو بتشتغلي
قبل ماتحكي.. انفتح الباب وكان سامي وقال : خير ياحضرة الضابطة شو عم تعملي بغرفة اختي
اتطلعت لونا عليه وانصدمت ومعد عرفت شو تحكي.. وتذكرت كلام الممرضة لما قالتلا انو الدكتور سامي هو الدكتور يلي اشرف على المريض واتذكرت الصورة يلي بمكتبو وصورة نوال
حست مشاعرا تلخبطت كتير.. ومن الصدمة معد طلع معا الحكي.. بس صافنة فيه وعيونا مدمعين.. بقلبا :شقد متغير وكبران.. معقول ماعرفتك.
وانت معقول ما عرفتني
الكل كان ساكت
سامي :لو سمحتي وين شاردة انا عم احكي معك
ام سامي: لك ماعرفتا يا سامي هي لونا
سامي : شوو لونا.. مين لونا
الاء : لك لونا.. لونا.. لونا رفيقتي من ايام المدرسة
رجع اتطلع عليها سامي وكأنو مانو مصدق عيونو.. وقف وبحلق فيها ومعد حكي.. صار يقول بقلبو انا قلت بتشبها بش ماتوقعتا تكون هية..
يتبع......
#الجزء_الاول
الجزء التاني بكرا رح ينزل ع غوغل وع الفيس هلأ مارح نزل شي
ظلام حالك صوت ضحكات عالية.. رجلين عم تقرب... كرباج عم ينجر جنب الرجلين... صوت شهقاتا.. قلبا عم يدق بسرعة... فجأة طلع صوت تشحيط سيارة صوت قوي وبعدا صوت اتصدام قووي بووووووم
فتحت عيونا وتجلست بسرعة وحطت ايدا على قلبا يلي عم ينفض نفض..
لونا : لا لا... ياربي دخليك تعبت.. تعبت ايمت بدي اتخلص من هالكابوس... رفعت الغطا عنا وراحت على الحمام غسلت وجها ورجعت اتطلع على الساعة كانت ٣ بعد نص ليل.. طلعت وقفت على البلكون كان القمر مكتمل والسما صافية والحارة هدوء.. راحت على المطبخ جهزت فنجان قهوة واخدتو وراحت قعدت ببلكونة غرفتا.. قعدت ومدت رجليها على الكرسي يلي ماقابيلا وطالعت من الكامينو يلي لابستو باكيت دخان سحبت سيجارة وشعلتا وبلشت تسحب بشراها.. كانت عم تشرب قهوة ودخان وصافنة بالسما
.........................
الصبح عم يندق الباب
فتحت عيونا لقت حالا نايمة على الكرسي..
لونا :لك كيف نمت هون
قامت وهية عم تفرك رقبتا
فتحت الباب وكان شب عمرو فوق التلاتينات
لونا بصوت تعبان : هلا ركان
ركان : شو مانك نازلة
لونا : لا اليوم تعبانة وكمان بدي انزل ع السوق ناقصني شوية غراض
ركان : اوك سلام
لونا : الله معك
راح ركان.. ولونا صارت تتلفت حوليها لقت البيت وسخ
لونا :لدق لهي المغضوبة تجي تنضف البيت
(لونا صبية حلوة عمرا ٢٧ سنة سمرا سمارا جذاب وعيونا الخضر وشعرا البني الداكن يلي بيوصل لنص ضهرا.. وطولا المتوسط وجسما الرشيق )
(ركان شب عمرو ٣٨طويل كتافو عراض... جمالو عادي .. وشعرو المختلط بين الاسود والابيض )
_______________________
بمكان تاني.. واقف قدام المراي عم يلبس الكرافة
اجت مرتو من وراه ولبستو الجاكيت
نوال : حبيبي بدك تطول
سامي : مابعرف حسب المرضى
نوال : بدك تروح ع المشفى شي اليوم
سامي : اي عندي مريضين بدي اتطمن عليهن قبل ماروح ع العيادة وبعد العيادة كمان
نوال : ماشي الله يعطيك العافية
سامي قرب باسا من راس واتجه لعند الباب
نوال : اااه صح نسيت شو صار مع اختك الاء ايمت بدا تولد
سامي : حددتلا الدكتورة بكرا
نوال : قيصرية؟
سامي : لا طبيعي.. بدا تعطيها تحريض
نوال : الله يقومها بخير وسلامة
طلع سامي وسكر الباب
(سامي دكتور جراح و صحة عامة.. عمرو ٣٢ سنة دكتور وسيم كتير مميز ببشرتو الحنطية الصافية وشعرو البني ودقنو الخفيفة يلي ذادتو جازبية وعيونو العسلية )
(ومرتو نوال امرأة متوسطة الجمال ربة منزل وام لطفل واحد مميزة بجسما وطولا يلي ملفتين للنظر.. شعرا قصير اسود والها غمازة على خدها الشمال )
____________________________
لونا : سمعي جميلة البيت بدي اياه يضوي ضوي عم تفهمي
جميلة : اي اي فهمنا ليش انا ايمت خليتو نايس
لونا : نايس؟؟
جميلة : لك ما انتي عم تقولي بدي اياه يضوي وانا بعمري ماخليتو نايس ضوو
لونا : ياالله ما اغلظك
جميلة : لك هي مو اسمها غلاظة هي اسما هضامة
لونا : ياربي تصبرني... هنيك جميل وهون جميلة هه ياحبيبي كملت... يلا انا طالعة متل ما وصتك تمام
جميلة : تمام
طلعت لونا من شقتها وطلعت عالطابق يلي فوقا.. . وقفت قدام شقة ورنت الجرس
فتحت الباب مرا كبيرة بالعمر
لونا : صباحو ماما امل
امل امو لركان : هلا جبيبتي هلا.. فوتي فوتي
فاتت لونا وكان قاعد بالصالون مرة تانية عمرا حوالي التلاتين اسما دلال مرتو لركان
لونا : صباح الخير مدام دلال
دلال من غير نفس: اهلين لونا.. شو مانك بشغلك اليوم
لونا :؛والله تعبانة وبدي انزل ع السوق.. وجاي شوف اذا بتحتاجو شي
امل : شو بدك تشتري
لونا : ناقصني شوية تياب ونازلة اشتري
امل :واكيد اسود
لونا : لك ليش في احلا من الاسود.. الاسود ملك الالوان
امل : ياعمري يا لولو انت صبية متل الوردة ليش بتضلي قابرة حالك بالاسود
لونا : ماما انا جاي اسالكن اذا بدكن شي من السوق مو مشان تعطيني محاضرة
دلال : مابدنا شي.. مبارح نزلت اناو ركان يقبر قلبي واشترينا كلشي ناقص للبيت
لونا بقلبا : ان شاء الله يقبرك كلك لحتى نرتاح
لونا : لكن انا نازلة سلام
امل ودلال : الله معك
طلعت لونا.. وامل قالت لدلال : ليش هيك عم تحكي مع البنت
دلال :مرت عمو مابطيقا.
امل : حرام البنت يتيمة ومالا بهل الدنيا غير نحنا
دلال : شو نسيتي انها كانت تحب ركان
امل : كانت طفلة
دلال: الله لايكبرا.. قال طفلة.. كان عمرا ١٦ سنة شو صغرا
امل : يعني ١٦ سنة كبيرة؟ اااه شوبدو يحكي الواحد
دلال : لاتحكي شي مرت عمو انا رايحة لعند اهلي بدك شي
امل : سلمي عليهن
دلال : الله يسلمك وصل
(دلال مرة عمرا ٣١سنة مربربة شوي.. او فيكن تقولو عجعوجة بس حلوة.. طول متوسط.. شعرا اشقر طول وبسرتا بيضا صافية وعيونا بنيات )
______________________
ماشية لونا بسيارتا.. وصارت تحكي حالا : مين قال الاسود ما حلو.. اتطلعت على حالا كانت لابسة قمص اسود بزرار وفاتحة اول زرين عند صدرا.. وبنطلون اسود ديق وبوط اسود سادة
لونا : قال قابرة حالي قال.. لك هيييبة ههههه
فاقت وفجأة حست انها خبطت بحدا.. اتطلعت قداما ولقت حالا خابطة بسيارة
لونا : يلعن هالحظ
نزلت من السيارة.. ونزل سامي من سيارتو يلي خبطت فيها لونا
لونا : سوري.. سووري.. عنجد ماكنت منتبهة
سامي : شو هاد يامدام.. انتبهي تاني مرة
لونا : انسة لو سمحت.. وعنجد انا كتير بعتزر..
سامي : شو بينفع اعتذارك هلأ
لونا : خلص ولا يهمك صيانتها على حسابي
سامي : لا خلص.. مامشكلة.. بس تاني مرة ياريت تنتبهي
لونا : لا مابصير.. لازم صلحلك اياها
سامي : خلص انا بدبر حالي.. وكمان مستجعل في عندي مرضى وبدي عالجهن
لونا : حضرتك دكتور
سامي : اي
لونا : تشرفت بمعرفتك.. واسفة مرة تانية.. وانت باين عليك دكتور مخلص والله يعطيك على هوا نيتك سامي : شكرا هاد من زوقك.. وانتي شو بتشتغلي
لونا : اااه انا... اي انا موظفة بشركة للدولة
سامي : تشرفنا
لونا :؛وانا اكتر
كل واحد طلع بسيارتو ومشو
لونا : كأنو وجهو مألوف
وسامي بسيارتو : كأنو شايفا قبل مرة
مشي بسيارتو وشغل الراديو وطلعت اغنية لحسين الجسمي
أنا كل ما نويت أنسى
لك الذكرى ترجّعني
وترى للحين أنا أحبك
وأشوفك بين حين وحين
فراقك آه يا فراقك
كسر قلبي وعذّبني
وأنا نذرٍ علي أبقى
أحبك لين يوم الدين
حبيبي تدري شاللي
في غيابك حيل تعّبني
أحسّك طرت من يدي
كذا فجأه بغمضة عين
محد غيرك يبكّيني
ومحد غيرك يفرّحني
جميع الناس في قربي
وناطر جيتك للحين
أنا كل ما نويت أنسى
لك الذكرى ترجّعني
وترى للحين أنا أحبك
وأشوفك بين حين وحين
خلصت الغناي وكانت في دمعة بعيونو..
سامي :وين رحتي يا لونا.. وين.. تركتيني مجروح على فراقك واختفيتي.. بس انا بعمري مارح انساكي ورح تضلي بقلبي لاخر يوم بعمري... لك صح كانو هي البنت يلي ضربتني بتشبه لونا لما كانت صغيرة.. بس هلأ الله اعلم كيف صار شكلا.. اكيد بتكون صارت حلوه كتير
#########فلاااااش_بااااااااااك######
ماسك كتابو ورايح جاي بغرفتو عم يقرا.. فجأة انفتح الباب.. وفاتت بنت عمرا ١٤ سنة وهية لونا
سامي : لوناااا؟؟ شو عم تعملي هون هلأ اهلي بشوفوكي
لونا : لا تخاف.. ابوك مانو هون... وامك راحت لعند الجيران والاء سمحتلي فوت لعندك
سامي : عنجد ♡♡♡ اي لكن تعي لهون ياحبيبة قلبي لو تعرفي انا شقد مشتقلك
لونا : وانا كمان..
قرب منها وضما لصدرو
لونا : شو عم تعمل سامي
سامي : بس ضمة صغيرة خليني اشبع منك
حاوطتو بأديها من خصرو وقالتلو : بحبك
سامي : بموت فيكي
###########باااااااااااااك####$$$
فاق من ذاكرتو... وكان واصل ع باب المشفى.. نزل وفات ليمارس مهنتو
______________________________
ماشية لونا بالمول.... فاتت ع اول محل ولفت انتباها فستان اسود قصير.. قاستو وعجبها كتير واشترتو وطلعت فاتت ع المحل التاني
لونا : لو سمحت في من هي القمصان اسود
الشب : لا هدول مافي منهم غير ملون.. لانو هي الوان ربيعية
لونا؛ طيب شكرا
بالمحل التاني كان فاضي.. فاتت ولفت انتباها تياب داخليه بلون الاسود.. قربت من الطاولة وصارت تتفحصن
الشب : هي يلي بأيدك قياسها ٧٠ وانتي بدك ٨٠
لونا : عفوا؟؟؟
الشب: عم قلك مقاسك بس
لونا : وشو عرفك بمقاسي
الشب : ولو يامدام.. خبرة
لونا : بس كأنو تدخلك جريء لا مو جريء وقح
الشب : انا اسف.. بس بنصحك تاخدي هدول يلي قدامك بيطلعو عليكي بشّلوو
لونا : مو بس وقح وقليل ادب كمان
الشب : لك يسلملي الشريف انا
رمت لونا يلي بأيدا واجت بدا تطلع
مسكا الشب من ايدا وقال : عوين ياحلو..
لونا اتطلعت على ايدا واتطلعت عليه وقالت انقبر اترك ايدي ولا تخليني صغر عقلي وبوديك بستين داهية
الشب : معليش انا موافق.. وديني وين مابدك بس خليني معك
لونا : للمرة الاخيرة عم قلك اترك ايدي بالحسنى لانو عنجد ماني حابة عكر مزاجي
الشب : مية دولر... طيب ميتين... تلاتمية
ضربتو كف على وجهو وسحبت ايدا وطلعت
حطو ايدو على وجهو وعيونو فيها شر.. بسرعة اخد قطعة من على الطاولة وطلع لبرات المحل وصار يصيح : ياحرمية... ياحرمية
وقفت والتفتت عليه وقالت : نعم
بدات الناس تجتمع
الشب : ياجماعة هي البنت حرمية.. انتبهو لاتفوت وتسرقلكن شي
هية بكل برودة اعصاب مسكت تلفونا بعتت مسج ورجعت ضبتو مكانو وكتفت اديها ببعضن
الشب : شو كأنو ماهامك الموضوع
لونا : ببساطة اذا شايفني حرمية اطلب الشرطة.. فيها شي ياجماعة
الكل قالو : لا
الشب اتلبك وقال : لا شو شرطة.. مابدي كبر الموضوع.. روحي تستطفلي منك لربك
لونا : ييي شو قلبك طيب... روح الله يستر عليك متل ماسترت علي.. روح الله يوفقك دنيا اخرة
الشب : عم تتمسخري
لونا : ههههه اي... لانك هلأ رح تصير مسخرة
الشب : مافهمت
لونا : ماضروري
فجأة اجو عناصر شرطة.. قربو من لونا وضربولا تحية
الشب انسطل ومعد يعرف شو يحكي
المساعد جميل : احترامي.. خير ستنا
قربت لونا من الشب وقالت : قلتلك مابدي صغر عقلي.. بس انت جلدك عم يحكك مو ذنبك... جميل خدلي هالحيوان على الفرع لفرجيه قيمتو وكيف يفتري على الناس
الشب : مشان الله... ببوس ايدك.. والله ماكنت بعرف مين انتي.. لك تنكسر ايدي وينقطع لساني لما حكيتي معك هيك
قربت منو ومسكتلو دقنو ورفعتلو راسو لعندا وقالت ودعت الماما اليوم قبل ماتطلع
الشب : داخل عليكي.. مشان الله
لونا :شحطوووه... وحدا يجيب تسجيل الكاميرا من محل هاد الواطي.. والله لخليك تختخ بالحبوس
مشت قدامون ووالعناصر سحبوه
وصلت لسيارتا رن تلفونا
لونا : الو.. اي ركان.. شووو اللواء.. يلا يلا جاي
اتطلعت ع العناصر كانو شاحطين الشب
لونا : لحظة..
جميل : امرك ستنا
لونا : اتركوه
الشب : الله وفقك الله يعلي مقامك
لونا : خليني اسمع تاني مرة انك عملت هيك حركات والله لعدمك حياتك واشرت على عيونا وقالت عيني عليك والله يطعمك وتغلط
الشب : والله معد عيدا.. والله
ركبت سيارتا ومشت بسرعة على الفرع (فرع الامن الجنائي)
راحت دغري على مكتب ركان
لونا : شوفي
ركان : جيتي بوقتك.. اللواء طالب كل الضابط
لونا :؛وبخصوص شوو
ركان : بظن مشان قضية الباشق
لونا : الباشق؟؟ مين هاد
مشي ركان ومشت حدو لونا
ركان : هاد مجرم صرلو معذبنا سنين من لما كنتي بالجامعة انتي .. وفجأة اختفى.. ويمكن هلأ ظهر
لونا: وشو جرمو
ركان : متل مجرمين كتار بالبلد.. نصب احتيال اسلحة مخدرات..
لونا : وتجارة اعضاء ونسوان؟؟
ركان : ماثبت عليه شي من هالشي.. بس يمكن احتمال.... يلا هلا بتفهمي كلشي.. اذا اللواء كان جايبنا عشانو
لونا : الله يستر
فاتو ضربو تحية للواء وقعدو على كرسين جنب بعض وكانت الغرفة مليانة ضباط وكانو قاعدين ورا بعض وكأنو عم يحضرو محاضرة وقدامون اللواء وشاشة كبيرة
اللواء : هلأ فينا نبلش بعد ما اكتمل العدد ب الملازم اول لونا السيد والرائد ركان البحري
اللواء؛ يمكن عنكن فكرة ليش جمعتكن اليوم
ركان : الباشق؟
اللواء: صح يا رائد ركان.. الباشق.. بعد غياب سنين رجع ظهر... خبرنا انو الو تحركات خفيفة بالبلد.. ومبارح المسا اجاني ايميل من مجهول انو الليلة في كمية اسلحة كبيرة مع شحنة مخدرات رح تفوت ع البلد
لونا : سيدي بركي فخ
اللواء : احتمال.. بس مافينا نتجاهل هيك خبر
ركان : ويمكن هاد الايميل من الباشق نفسو لحتى يتحدانا شوي
وضابط تاني حكي : ويمكن عنجد حدا بدو مصلحة البلد وسربلنا هالمعلومة
اللواء : المهم انا بعد تفكير طويل قررت طوع شخصين لحتى يستملو هالقضية
الكل صارو يتطلعو ببعض
اللواء : الرائد ركان و الملازم اول لونا
لونا انصدمت بس ماحكت
ركان : سيدي الملازم اول لونا بعدا ببداية الشرطة ومابنقدر نخليها تدخل بهي القضية المعقدة.. يعني مانها كفؤ
لونا زورتو لركان وقالت : سيدي رح كون عند حسن ظنك
اللواء : ركان انا بعرف شغلي منيح.. وكمان لاتنسى انك معها واكيد رح تكونو ثنائي قوي.. ولونا فتحة ونشيطة وذكية وممكن يطلع منها شي ماطلع معنا خلال هالسنين
ركان : بأمرك سيدي
اللواء : طبعا بدي كون انا على علم بكل خطوة بدكن تخطوها... وجهزو حالكم اليوم مع قوة كبيرة مشان نكون الهم بالمرصاد
لونا وركان : حاضر
اللواء : انصراف
طلعو الكل ولونا طلعت مع ركان
لونا : بسيطة يا ركان هلأ انا ماني كفؤ
ركان ':والله من خوفي عليكي
لونا : اي لا تخاف انا قد حالي "تركتو ومشت
___________________________
المسا... واقفين بين الشجر على الحدود
لونا : ركان شو يعني باشق
ركان : على ما اظن طير من الطيور الحرة
لونا : اممممم
فجأة ظهرت قدامن ٣كميونات كبار
ركان : اكيد هدول.. رفع ايدو لفوق وقال قوسووو
وبلشو يقوسو على بالهوا لحتى يخوفهن
لونا واقفة وما قوست ولا طلقة صافنة وعم تقول : الباشق.. الطير الحر يعني ما بهل السهولة بنقدر نوصلو هية الجية فخ او خدعة
اسرعت الكميونات وماوقفت.. بسرعة رجال الشرطة ركبو بسيارتون ومشو ورا السيارات.. ضلت لونا واقفة لحالا وما راحت معون
بسرعة سيارات الشرطة تقدمت ووقفت قدام الكميونات ونزلو من السيارات ووجهو الاسلحة على الكميونات
وقفت الكميونات ونزلو يلي بقلبا بدون اي مقاومة وبكل سيارة كان شخصين
ررفعو اديهن فوق راسون وتقدمو
ركان : فتشو الكميونات
راحو رجال الشرطة يفتشو الكميونات
لونا قعدت على صخرة وقالت : هه اكيد رح يلاقو الكميونات فاضية... رح انطر ركان هون لشوف شو رح يصير معو
رجال الشرطة : سيدي الكميونات فاضية
ركان لاصحاب الكميونات : وين المخدرات والاسلحة
ردو : والله مابنعرف عن شو عم تحكي..
ركان : لكن ليش جاين تهريب
ردو : سيدي نحنا مرقنا على الحدود نظامي بس ماجينا دغري انعطفنا بعد الحدود على طريق التاني مشان العجقا وهاد فاضي.. وهي وراق دخولنا
ركان: شو كنتو محملين
ردو : سيدي بيض
ركان بقهر : اتيسرو الله معكن
اتطلع حوليه مالقا لونا حمل تلفونو ودق
لونا : شو فاضين
ركان : اي شو عرفك
لونا : اولا هاد الباشق يعني حب يلعب بأعصابنا شوي وكمان معقول كميونات اسلحة ومخدرات ومافي عليها حراسة ومافي ولا طلقة طلعت من عندن
ركان : معك حق... وينك انتي
لونا : قايمة روح ع البيت
ركان : لكن انا رايح خبر اللواء شو صار وروح ع البيت
لونا : اوك.. سلام
قامت نفضت تيابا وبدا تمشي... اتطلعت نظرة اخيرة على الطريق... ولمحت ضو صغير وكأنو ضو سيجارة
قلبا ما مرتاح.. ومن جهة تانية شافت سيارات الشرطة مشت وراحت.. صار الطريق فاضي وهدوء..
رجعت ع مكانا.. وقعدت تنطر رح يصير شي او لأ
لونا بلشت عد : ١ ٢ ٣ ٤ ٥ ٦ ٧ ٨ ٩......... ٩٩ ... ١٠٠
وهيية خلصت المية.. شافت ضو بيل وكأنو عم يعطي شي اشارة..
صوت محركات سيارات دارت..
لونا : شو الحل هلأ.. رح دق لركان وخليه يرجع....
لونا : الو ركان.. ارجعو.. بس ووقفو بمكان محايد عن الطريق ومابتقربو لبعد ماتسمعو صوت القواص.. يلا تعال هلأ مافي وقت
راحت لعند سيارتا فتحت الباب بكل هدوء وحطت الفرد يلي كان معا وجابت روسية رشاش.. حاولت تقرب قد مافيها لعند الطريق.. بلشت السيارات تقرب كانو ٤كميونات و٣ جيب سود
انبطحت ووجهت الرشاش ع دواليب السيارات
لونا : استعنا ع الشقا بلله..
اقتربت السيارات وصاروا قداما... وبلشت طططططططخططططططخ.. ططططخ
السيارات فاتت ببعضا وبلشت يطلع قواس من السيارات... وقفت قواس.. وبسرعة تراجعت وغيرت مكانا.. صوت سيارات الشرطة جاي.. وقفو اطلاق النار المجرمين وحاولو الهروب.. نص السيارات ماعد مشت نزلو بسرعة تجمعو بسيارة وحدة جيب وهربو.. لونا لما شافتون عم يهربو.. رجعت تقوس عليهن بس راحو بسرعة..
لونا : الو ركان.. في سيارة سودة هربت بسرعة لحقوها
قسم من سيارات الشرطة لحقت السيارة.. وقسم قرب لموقع الحادث
وجهو الاسحلة وصارو يتقدمو شوي شوي لعند السيارات كانت فاضية.. فتحو الكميونات كانت محملة بكمية كبيرة من الاسلحة والمخدرات حبوب وبودرة..
لونا : خلي كم عنصر يمشطو المنطقة.. والباقي خليكم هون.. واي حدا بمر بتحجزوه.. انا رخ خبر اللواء بالشي يلي صار..
راحت ع جنب حكت مع اللواء وخبرتو بكلشي صار
لونا : اي سيدي.. الرائد ركان لحق سيارة المجرمين.. ماشي
بعد شوي اجت سيارات الشرطة
لونا : شو ركان
ركان : فجأة اختفو ومعد بينلون اثر
لونا : مامشلكة.. الون يوم... بس تعال شوف هالشوفة
ركان انصدم بكمية الاسلحة والمخدرات
ركان : بس سسبنالن خسارة كبيرة.
لونا : معك حق
ركان : لك كيف كشفتيهن
لونا : احساسي هههههه.. مشي لاحكيلك
______________________
عباب البناي
فايتة لونا وركان
لونا : هنن اكيد كان قصدن يخدعونا .. بعتو ٣كميونات فاضين ونعتبر انها اخبارية كاذبة.. ولما نروح يمرقو الشحنة بأمان وانو هنن منتصرين علينا
ركان : وهو عنجد هيك كان رح يصير.. عنجد يا لونا انا بحييكي
عم تفتح باب شقتها : تفضل لنكمل السهرة
ركان : هههه ايو سهرة رح يطلع الضو
لونا : تصبح على خير
فاتت على شقتها وفاتت بسرعة على غرفة النوم وقلبت على تختا من التعب وراحت دغري نايمة
وصل ركان على بيتو فتح بالمفتاح وفات.. لقى مرتو دلال واقفة وحاطة اديها على خصرا وعم تهز رجلا
دلال: اهلا.. اهلا.. وينك لهلأ ياحضرة الرائد
ركان : شو ويني لهلأ.. دقيلتلك وخبرتك انو عندي مهمة
دلال : وهل المهمة هية لونا
ركان : ياربي دخيلك.. سمعي دلال انا نعسان وتعبان.. ومالي نفس جادلك بجدالك يلي مابيخلص تصبحي على خير
دلال : لك ليش هيك عم تعاملني.. خلص اذا بتحبا روح لعندا وطلقني..
تركها عم تحكي لحالا وفات على غرفتو
_________________________
الصبح لونا بعدا نايمة على نفس الوضعية.. وصارت تحكي بنوما: لك خلص.. حلوو عني.. بكفي.. فتحت عيونا وقامت
لونا : اوووف.. يعني هالمنامات البشعة لايمت بدا تضل مرافقتني.. رح احكي مع الدكتور نديم
لونا : الو.. دكتور.. كيفك.. دكتور شو مشان هالمنامات يلي مام تفارقني... طيب فهمنا طفولة قاسية عشتا وتعرضت للتحرش والاغتصاب والعنف.. بس راحو وانا ماعم فكر فيهم.. ليش هنن بضلو يرجعولي... قلتلي عقلي الباطني؟؟ ... وشو علاجو هاد... مهدئات.. لا مابدي.. اصلا تعودت على هيةالكوابيس شكرا.. سكرت التلفون وقالت : مانو شاطر غير بالمهدئات...
________________________
بالمشفى
الممرضة :دكتور سامي اختك الاء وصلت ع المشفى.. والدكتورة عطتها محرض..
سامي : ااه عنجد.. ووينا الاء هلأ
الممرضة : بالكوريدور عم تتمشى
سامي: اوك.. شكرا لانك خبرتيني
الممرضة : العفو دكتور.. وانت يلي طلبت مني خبرك اذا اجت
طلع سامي وراح على قسم النساء والتوليد.. كانت اختو الاء لابسة ملابس خضرا للمشفى وعم تتمشى بالكوريدو وجنبا جوزا
سامي : شو الاء كيفك
الاء : خايفة كتير
سامي : ولا يهمك حبيبتي.. انا معك لاتخافي
الاء : طيب خليني اولد قيصيرة اهون
سامي : لا الطبيعية افضل.. وكمان كلا ساعة وجع لا تخافي
الاء : ان شاء الله
سامي : شو بلش يجيكي مغص
الاء : حاسة بوجع خفيف اسفل ضهري
سامي :اي منيح كتير.. شو مؤيد كيف استعدادتك لاستقبال البيبي
مؤيد : بصراحة خايف على الاء كتير..
سامي : شبك يا رجل.. شد حالك..
مؤيد: ماشي.. ماشي
سامي : شو وينا ماما ما اجت معكن
الاء : هلأ جاي مع نوال
سامي : منيح كتير
اجت ممرضة بسرعة : دكتور.. دكتور.. هلأ اجانا مريض حالتو خطرة..
سامي :شو صابيو
الممرضة : مقوص
سامي :جاي.. جاي.. وانتي الاء خليكي عم تمشي لا تقعدي
الاء : حاضر اخي..
__________________________
ركان طلع من غرفتو وكانت امو ومرتو عم يشربو قهوة
ركان : صباح الخير
امو : صباح النور حبيبي
ودلال ما ردت
ركان : شو شبو الحلو ما عم يرد علينا
دلال : بتعرف حضرتك شو عامل
ركان : اقسم بلله كان عنا مهمة مبارح
دلال : والست لونا ضمن المهمة
ركان : اي لونا كانت معنا بالمهمة
دلال: ومن ايمت لونا بتطلع معكن بليل
ركان : اللواء طلب مني ومنها نحل قضية... بعدين لايمت بدك تضلي تفكري بهل البنت شيلها من راسك
.....................
كانت لونا لابسه وطالعة لتشوف ركان.. وصلت للباب وسمعت صود دلال : لك بكرها.. بكرها.. ووجودها معك رح يدبحني
ركان :لانك صغيرة عقل.. قلنالك البنت شو كان وضعا لما لقيناها ولما فاقت اول شخص شافتو هو انا واتعلقت فيني.. بس ما حبتني.. مجرد مصدر امان اعتبرتني ولاتنسي انها كانت مريضة نفسية وعم تتعالج.. ولما رجعت طبيعية اعتذرت مني وقالت انو ماكنت فهمانة مشاعرها صح
انقهرت لونا كتير.. ولفت ضهرا ومشت
ركبت سيارتا وساقت بسرعة..
##########فلااااااش_بااااااك########
بكافتيرا
لونا كان عمرا١٦
ركان : اي لونا شو كان بدك.. وما فعلتي تحكي قدام امي
لونا بدون مقدمات قالت : ركان انا بحبك
ركان : شووووو انت عم تحكي جد
لونا : اي انا بحبك كتير.. انت الشخص الوحيد يلي ضللي بهل الدنيا
ركان؛ لونا انتي صغيرة عهي الشعلات.. ولاتنسي انو بعدك عم تتعالجي
لونا : لا انا منيحة.. الدكتور خرجني من المصح.. وقال انو صرت منيحة
ركان : خرجك بس ما طبتي ع الاخير
لونا بخيبة امل : يعني انت ما بتحبني
ركان بأسف : لونا انا الله ما بعتلي اخوات بنات.. بس انتي اختي وبحبك كتير
لونا ودموعا بعيونا : شكرا ( وقامت.. مسكها ركان من ايدا وقال انا رح وصلك
ركبو بالسيارة ولونا ماكانت عم تحكي ولا كلمة
ركان : لونا اسمعي مني.. ما انتي كان بدك تصيري ضابطة بالشرطة متلي.. لازم تركزي على هدفك وتدرسي وتثابري.. والشي يلي عم تحسيه تجاهي ابدا مانو حب ومع الايام رح تكتشفي هالشي
هزت براسا وما حكت
#ذكرة تاني
بعد ستة اشهر
لونا قاعدة بالبيت عند ركان عم تدرس.. فات ركان وكان جاي من شغلو
لونا : ركان.. ركان
ركان : اي لونا في شي
لونا : شكرا
ركان :على شو
لونا :لانك وعيتني وتفهمتني عنجد انا ما كنت مييزة حب من غيرو.. وبالحقيقة انا حبيتك كأخ مو كحبيب
ركان :ههه ولا يهمك..
###########باااااااااااك########
لونا صارت تضرب على دركسيون السيارة وتقول :غبية.. غبية يا لونا.. يعني لو صابرة شوي كنت ميزت الحب من غيرو.. بس وقتا كنت طفلة.. وحضرتو ليش ليحكي لمرتو ويفضحني قداما
لقت قداما عقجة والسيارات واقفة..
لونا :مشان تكمل.. شو صاير هون
نزلت من السيارة ومشت لقدام وصارت تسأل الناس شوفي
الناس :حادث سيارة
لونا حست بركان شعلت جواتا.. ووقفت مكانا معد عرفت تمشي لقدام ولا ترجع..
لونا : مين عامل الحادث
واحد : عيلة كاملة
لونا رجعت صفنت.. بعدين سألتو : في شرطة هون
الشخص : اي
لونا : منيح كتير
لفت ورجعت على سياراتا ركبت ولفت السيارة وغيرت طريقا.. وصارت تبكي
لونا :ياريت خلوني نام عند الاء هديك الليلة..
##########فلااااش_بااااااااااااك#########
عند اهل الاء
كانت قاعدة مع الاء وسامي وام سامي بالصالون
ام سامي :حبيبتي لونا بدك تنامي عنا اليوم
اتطلعت لونا بسامي كان عم يترجاها انها تضل
لونا :لأ قال.. عم تقل عليكن ومابصير نام هون
ام سامي :وين عم تقلي علينا والله بحبك متل الاء وسامي
لونا : وانا كمان بحبكن كتير واتطلعت بسامي
جرس الباب عم يرن
قامت ام سامي تفتح.. وكانو اهلا للونا
ام سامي : خلو لونا تنام هون.. والله عم تتسلا هية والاء كتير
سامي : اي خالة خليها.. وانا كمان عم ساعدون بالدروس
ام لونا : لا عيب.. والله صايرة عم اخجل منكن قد ما بنضل عنكن
ام سامي : والله عقلبي احب من العسل
ام لونا :خلص هلأ جينا وما حلوة نرجع فاضيين.. يلا لونا جهزي حالك
لونا :ماما بترجاكي والله عم ضوج لحالي بالبيت
ام لونا :خلص حبيبتي بكرا بترجعي.. هلأ ابوكي ناطرنا تحت يلا
لونا :يلا
ودعت سامي والاء وطلعت ركبت مع اهلا بالسيارة ومشو
اما : شو لولو شكلك متعلقة فيهم كتير
لونا : اي والله يا ماما كتير بحبون وبرتاح عندن
اما : شبك حبيبي ليش مأسرع كل هالقد بالسيارة
ابوها علامات التوتر على وجهو : مابعرف.. السيارة مابعرف شبها
امها : شووو مشان الله تصرف
ابوها : عم حاول... انتو تمسكو منيح...
لونا : بااابااا.. انتبه سيارة قدامك.. باااااااباااااااا
........................
فتحت عيونا كانت بالمشفى وجسما قسم ملفوف بالشاش وقسم بالجبصين... كان فوق راسا مرت عما وعما
لونا بصوت خفيف :عممو.. وينا.. ما.. ما.. وبااا.. باا
عمو : حبيبتي اهدي.. انا رايح انده للدكتور
طلع عما وضلت مرت عما وكانت قالبة خلقتا
لونا :مرت عمووو.. وينوون اهلي
مرت عما من غير نفس : لا تبلشي بدي ماما.. وبااباا.. ريحي حالك اهلك ماااتو
لونا : شوووو.. لأ لأ انتي عم تكذبي... ياماما... يابابا.. يالله.. بدي اياااهم... يا ماما..
فات الدكتور وعما على صريخ لونا..
الدكتور : شبا.. شبا
مرت عما :عم تسأل على اهلا.. وقلتلا انون ماااتو
الدكتور : انتي شايفتيها قد هي الصدمة
لونا : مشان الله بدي ماما وبابا
الدكتور : اهدي حبيبتي.. اهدي
كان ضاربها ابرة مهدئة وبلشت تغفى وهية عم تنده لامها وابوها
############بااااااااااااااك########
وصلت لقدام الفرع صفت سيارتا ونزلت.. تلفونا عم يرن
ردت من دون نفس : اي ركان.... انا صرت بالفرع... اي سلام
فاتت على غرفتا وقعدت.. وكانت مقهورة ومدايقة كتير.. لانها اتذكرت حادثة اهلا.. ولاتها سمعت مرت ركان عم تحكي عليها
فات جميل لعندا
جميل: احترامي
لونا :شوفي
جميل :في شخص متصاوب باطلاق ناري.. وهو بالمشفى
لونا : بلله.. وشو هالقضية العظيمة... خدو كم عنصر وروح شوف مين عامل فيه هيك
جميل : انتي ليش بتخطفي الكباي من راس الماعون
لونا :احترم حالك ياجميل واعرف مع مين عم تحكي
جميل : اسف.. بس الناس يلي اسعفوه للزلمة عم يقولو انو لقوه بمكان المهمة يلي كنتو فيها مبارح
وقفت لونا على رجليها وقال : شوو انت متأكد
جميل :اي ستنا
لونا : لكن بسرعة جهز كم عنصر خلينا نروح
جميل : حاضر.. بتلاقينا ناطرينك برا عباب الفرع
طلع جميل.. ووقفت لون اخدت المسدس وحطتو بالحزام يلي معلق بكتافها والمسدس مكانو تحت الابط.. ولبست جاكيتها الجلد الاسود فوق تيابها وطلعت ركبت سيارتها والدورية مشت وراها وراحو ع المشفى.. طلعو فورا على غرفة المريض.. كان في عنصرين واقفين على الباب
لونا : شو قال الدكتور
عنصر : قال انو مارح يفيق حاليا
لونا : مين يلي جابو لهون
عنصر : زلمة كبير هو ومرتو
لونا : اخدتو افادتون
عنصر :اي واخدنا عناوينن وكلشي تسجل بالمحضر
لونا : وينو المحضر
جميل : معي.. هاد هو
لونا :خليه معك انا رايحة شوف الدكتور.. وانتو خلي عيونكن عشرة عشرة عليه ومابدي اي حدا يفوت لعندو قبل ما تتأكدو
جميل : حاضر
لونا : صح.. مافي معو شي بيثبت شخصيتو
جميل : لأ
لونا : طيب ماشي.. جميل وامجد تعالو معي والباقي ينزلو ينتظرونا بالسيارة وخلي تنين هون
نزلت لونا ع الاستعلامات
لونا :لو سمحتي بدي شوف الدكتور يلي اشرف على المريض المتصاوب
الممرضة : اي الدكتور سامي.. انطريه بغرفتو وهلأ بيجي لعنكن.. غرفتو رابع غرفة على ايدك الشمال
لونا : اوك
_______________________
بقسم النساء والتوليد
الاء : رح ممووت .. من الوجع.. سامي بترجاك اتصرف
دكتورة التوليد: يلا استحملي شوي.. لسه بدك وقت
الاء : لك رح مووووت... مشان الله انا معد بدي ولد طبيعي
سامي : حبيبتي.. شوي وبينزل البيبي وبتنسي كل الوجع.. بس استحملي
الاء : اااه.. لا لا معد استحمل دخيلكن
ام سامي : حبيبتي صبري شوي.. وقولي يارب
الاء : اووه... اااه... يارب.. اااه.. يارب
فاتت ممرضة :دكتور سامي.. في شرطية بدا تشوفك وهية هلأ بمكتبك
سامي : يلا جاي
نوال : خير حبيبي شوفي.
سامي : ههه اكيد مو مشاني لاتخافي.. يمكن مشان المريض يلي اجا من شوي.. وانتي الاءشدي همتك
طلع سامي والممرضة..
وصل لغرفتو كانو عنصرين واقفين ع الباب فات واتفاجئ بلونا وهية تفاجئت فيه
سامي :هي انتي؟؟
لونا : ههه اي انا
سامي : وليش ما حكيتي مبارح انك ضابطة.. شو بتخجلي
لونا : اكيد لأ بفتخر.. بس بخاف اذا قلت انو ضابطة بالشرطة يفكرو الناس انو عم اتباهى بحالي
سامي : اممم.. بهنيكي على اخلاقك العالية
لونا : شكرا... المهم خلينا نحكي عن المريض
سامي : اي..
قاطعون تلفون لونا عم يرن
لونا : الو.. اي ركان... لا بالمشفى.. في شخص يمكن متصاوب من معركة مبارح... اللواء عم يسأل عني؟.. اي هلأ هو بيتصل لكن... انا شبني.. لا مافيني شي... لاماعم احكي بنشافة... خلص ما وقتو هالحكي بعدين بشوفك وبنحكي.. سلام
سكرت واتطلعت بسامي
سامي : حبيبك؟؟
لونا : اااه مافهمت
سامي : عم تحكي مع حبيبك
لونا : لا. بنرجع لموضوعنا رن تلفون المكتب لسامي
سامي : الو.. شوو عم تحكي جد.. يلا يلا جاي
سكر الخط وقام وقال : عن اذنك خمس دقايق
___________________
طلع سامي بسرعة وراح على غرفة التوليد على الباب شاف امو ومرتو وجوز اختو
سامي : عنجد متل ماسمعت
ام سامي : اي حبيبي.. قال ولدت وجابت صبي
سامي : انا فايت شوفها واطلع طمنكم
_____________________
بغرفة سامي.. قاعدة لونا وعم تتأفأف
لونا : وين راح هاد
شافت صورة ع المكتب.. مدت ايدا وسحبتا.. وشافت بالصورة سامي ومرتو وابنو
رجعتا عمكانا بدون مبلاه...
بعد شوي اجا سامي وقال : اسف تأخرت عليكي
لونا : ولا يهمك بس ياريت تشرحلي بسرعة وضع المريض لانو مستعجلة وطالبيني بالفرع
سامي: طيب ماشي....
بعد شوي خلصو حكي سامي ولونا
لونا : شكرا الك دكتور..
سامي : العفو
طلعت لونا من مكتب سامي ومشو وراها العنصار ولما قربت من البوابة سمعت شخص عم يحكي ممرضة الاستعلامات وعم يسألا عن مريضة : الاء محمود الجابري
هالاسم جمدا مكانا وخربطلا كل كيانها...
لفت ورجعت
جميل : ع وين ست لونا
لونا ما ردت وكملت على الاستعلامات
لونا : الاء محمود الجابري موجودة عنكن هون
الممرضة : اي مدام.. من شوي طلعت من غرفة التوليد وجابت صبي
لونا بصدمة : الاء تزوجت وصار عندا صبي.. اكيد تزوجت من مؤيد... لو سمحتي وين غرفتا
الممرضة :الطابق التاني قسم النساء الغرفة ١٢٣
لونا : شكرا الك
مشت لونا اتجاه الاسنسير وحسيت رجليها عم يركضو.. وكانها مانا مصدقة انها لقت رفيقة طفولتا وعمرا.. طبعا العناصر ماشين وراها وما عارفين شي
وصلت لقدام الغرفة رفعت ايدا وهية مترددة معقول هاد حلم.. معقول ما تكون هية.. صوت من داخلا عم يقول يلا دقي.. دقت الباب وفاتت.. هنن عم يتطلعو مين هية.. وهية وقفت وصارت تتأملن.. صح هنن كتير متغيرين ويمكن ماكانت تعرفون لو ما سمعت اسم الاء بس هدول هنن على الشبه.. وامها لا الاء مانها متغيرة كتير
مؤيد :لو سمحتي.. مين بدك حضرتك
لونا بعيون مغرغرة بالدموع : انت مؤيد ما هيك
مؤيد : اي مؤيد مين حضرتك
ما ردت عليه وقربت من الاء وقالتلا : انتي الاء؟؟
الاء : اي انا الاء.. بس فهمينا مين حضرتك وشوبدك
طبعا لانها باللباس المدني مو مبين عليها انها شرطية والعنصرين ضلو برا
قعدت حدا ومسكتلا اديها وقالت : ما تذكرتيني.. لك انا لوناا
الكل : لونااااااا؟؟
لونا : اي لونا .. لونا يلي كنت ضل اكتر وقتي عنكن.. انا ربيت عنكن
ام سامي قربت منها واتطلعت فيها وقالت : اي لونا.. صح هي لونا.. وقفت لونا وضمتا وصارت تبكي بحرقة : اشتقتلكم كتير.. كتير.. وين رحتو.. وين..
الاء : لك اي والله لونا
نزلت لعندا لونا ورجعت ضمتا..
الاء : ياحبيبي... يا رفيقتي..
بعد عناق طويل رجعت لورا وصار تمسح دموعا بكلينكس..
مؤيد : اشتقتنالك وين رحتي وتركتينا
نوال : لحد الان انا ماني عارفة شي
اتطلعت عليها لونا وحست انها شايفتا بس نست الصورة يلي كانت بمكتب سامي
الاء : هي لونا صديقة الطفولة.. لونا هي مرت اخي سامي
لما سمعت هيك لونا حست حالها انزعجت.. بس خفت مشاعرا واتطلعت بأم سامي وقالت : وين رحتو. وين تركتوني ورحتو
الاء : ليش مين ترك التاني.. نحنا ولا انتي
لونا : كيف يعني
الاء :مرت عمك قالتلنا انك سافرتي لعند بيت جدك ع كندا.. ومعد ترجعي
لونا : كذابة.. وانتو صدقتوها؟؟
ام سامي : بصراحة اي.. بس عم تقولي كذابة.. لكن وين كنتي..
سكتت لونا وما ردت.. غيرت السؤال وقالت : بس انا جيت لعنكن بعد سنة ومالقيتكم قال مغيرين البيت
ام سامي : صح انتقلنا على بيت اكبر.. بس وين كنتي انتي.. خبرينا يا بنتي
لونا : ماوقتو خالة ما وقتو.. اي الاء قال هلأ طلعتي مع غرفة التوليد.. والله كبرتي واتزوجي وصار عندك بيبي
الاء : اي والله تزوجت من مؤيد متل مانك شايفة.. ومن شوي ولدت وجبت ولد.. بعد شوي بجيبوه
لونا : الف الف مبروك ياعمري.. والله فرحتلك كتير الك ولمؤيد.. من لما سمعت اسمك تحت وسألت عنك وقالولي انك هلأ طلعتي مع التوليد عرفت انك تزوجتي مؤيد
الاء : عقبالك
اتطلعت لونا نظرة سريعة على نوال وقالت : ما بظن
الاء : لك ليش مشالله صايرة بتجنني.. ومية شب بيتمناكي
لونا : هههه ووينون هالمية ماني شايفة حدا.. ومين بدو يرتبط بوحدة متلي مقطعوة من شجرة مابتعرف حدا ولا حدا بيغرفا من بيتي لشغلي ومن شلغي لبيتي
مؤيد :, ليش شو بتشتغلي
قبل ماتحكي.. انفتح الباب وكان سامي وقال : خير ياحضرة الضابطة شو عم تعملي بغرفة اختي
اتطلعت لونا عليه وانصدمت ومعد عرفت شو تحكي.. وتذكرت كلام الممرضة لما قالتلا انو الدكتور سامي هو الدكتور يلي اشرف على المريض واتذكرت الصورة يلي بمكتبو وصورة نوال
حست مشاعرا تلخبطت كتير.. ومن الصدمة معد طلع معا الحكي.. بس صافنة فيه وعيونا مدمعين.. بقلبا :شقد متغير وكبران.. معقول ماعرفتك.
وانت معقول ما عرفتني
الكل كان ساكت
سامي :لو سمحتي وين شاردة انا عم احكي معك
ام سامي: لك ماعرفتا يا سامي هي لونا
سامي : شوو لونا.. مين لونا
الاء : لك لونا.. لونا.. لونا رفيقتي من ايام المدرسة
رجع اتطلع عليها سامي وكأنو مانو مصدق عيونو.. وقف وبحلق فيها ومعد حكي.. صار يقول بقلبو انا قلت بتشبها بش ماتوقعتا تكون هية..
يتبع......