ضحية الماضي والحاضر

صفا النعمان

الادارة
طاقم الإدارة
الجزء_الاول

صوت جرافة وضجة .. على هاد الصوت فاقت عيلة اية(اية بنت عمرا ٢٣ ملامحا حلوة وناعمة او فيكن تقولو عادية )

ايه : ماما بابا شوفي

طلعو كلون لبرا ايه وابوها واما واخوتا الصغار لبرا وكان في شرطة وبلدية وجرافة كبيرة

ابو جابر ابوها لاية : شوفي ياجماعة ..شو عم يصير هون

واحد من البلدية : يا حج انتو قاعدين بأملاك دولة واليوم بدكن تخلو البيت

ابو جابر : انت شو عم تقول لك هاي الارض صرلي قاعد فيها اكتر من ٢٥ سنة

الشب : معك شي بيثبت انها الك
ابو جابر : لا والله بس انا اشتريتا من زمان من واحد

الشب : ياحج لما اشتريتا وماعطاك سند بهل الشي

ابو جابر : لا والله

الشب : يا عم اصبح هاد يلي باعك الارض ضحك عليك وهاي الارض املاك دولة .. ومتطرين نهدم البيت والدولة بدا تعمل عليها مصنع

ابو جابر : مشان الله شو تهدو ماتهدو والله بينخرب بيتي

الشب شفق عليه وقال : في حل هو انك تشتري الارض من الدولة وهيك الارض بتصير الك وبتضل ساكن ببيتك

ابو جابر : واشقد بيطلع حقا

الشب : راجع رئيس البلدية او حدا من المحافظة

ابو جابر : ايمت بدي راجعون

الشب : معك يومين اذا ماصارت الارض بأسمك نحنا متطرين نهد

ابو جابر : بس انا مامعي مصاري اشتري الارض

الشب : شو يعني نهد

ابو جابر : لا لا .. مشان الله

الشب : طيب رح اعطيك مهلة يومين بركي الله بيفرجها عليك ... شباب بطلنا نهد ارجعو

قعد ابو جابر بالارض وصار يبكي اجت قعدت حدوا مرتو وولادو وصار يواسوه

ايه : خلص بابا بترجاك لا تبكي ان شاء الله بنحلا

مسك ابو جابر وجه بنتو بين اديه واتطلع فيها وعيونو مدمعين: بتعرفي يابنتي من لما شفتك الله بحياتو ماسكرا بوجهنا وانا متأكد انو رح تنحل بوجودك معنا

ايه : خلص ولا يهمك بابا وانا يلي رح حلا

ابو جابر : كيف

اية : مديرينا شخص واصل وكتير حباب معي .. رح قلو يحللنا الموضوع وكمان رح اخد سلفة لقدام

ام جابر : عنجد ماما بيطلع بأيدو

ايه : اي ماما هاد شخص كتير واصل

ابو جابر : يارب يارب

اية : انا قايمة لكن قبل ما اتأخر يلا ادعولي

ابو جابر وام جابر : الله معك ياعمري

طلعت ومشت على الطريق وعم تفكر كيف بدا تتطلب من المدير هاد الطلب

ركبت تاكسي وراحت .. وهية قاعدة بالتاكسي خربت قبل بشارع من الشركة

اية : ياربي شو هاليوم هاد

نزلت وقالت صرت قريبة رح روح مشي

نزلت وصارت تمشي وعقلا مشغول كيف بدا تطلب من مديرها هاد المبلغ وتقلو يتدخل ..

اية : صباح الخير استاذ بصراحة بدي مساعدتك ... لا ماهيك لازم استعطفو اكتر .. صباح الخير استاذ ممكن احكي معك خمس دقايق .. لاكمان ماهيك ... فاقت على حالا وهية عم تتدحرج على الارض بعد ماضربتا سيارة وكأنو الدنيا قلبت فيها رفعت راسا وعم تحاول تستوعب شو صار .. شافت حالا بالارض ونزل لعندا من السيارة شبين واجو لعندا ..

اول واحد مبين عمرو بالعشرين يعني صغير والتاني عمر حوالي ٣٠ يا اكبر يا اصغر بشي سنة

ابو العشرين : انت منيحة يا انسة مشان الله لاتواخذيني ما انتبهت بس زمرت وانت ما انتبهتي

ابو ٣٠ : قوم هيك عامل حالك شوفير شاطر .. كنت روحتا للمخلوقة .. نزل لعندا ورفع نضارتو واتطلع عليها واتفاجئ فيها وانصدم وصار يقول بقلبو مايا ؟؟ لا لا مايا ماتت وشبعت موت .. بعدين فاق بسرعة من شرودو وقال انتي بخير يادوموزيل

اية : اي منيحة .. اسفة بس انا كنت شاردة

اجت بدا توقف بس اجرا ماحملتا زيادة وكانت رح توقع ووقعت بين ادين الشب الكبير

الشب : عمهلك ليش مستعجلة تعالي معنا لنروح ع الدكتور

اية : لا مافي داعي بكون رض بسيط دعست عليها منيح ولقت انو في وجع خفيف

اية : ليكا منيحة عم ادعس عليها

الشب : خلينا ناخدك ع المشفى لازم نطمن عليكي

اية : لا عنجد مافي داعي انا كتير منيحة واسفة وشكرا بنفس الوقت .. بالاذن

الشب : طيب خلينا نوصلك

اية : لا انا وصلت ع هاي المنطة جاي .. بالاذن

الشب : طيب خدي كرتي اذا صابك شي اتصلي فيني

اية : مع انو مافي داعي بس هاتو شكرا الك

الشب : انا بكون جمال الخطيب رجل الاعمال المشهور مابعرف اذا سمعانة عني

اية : اكيد سمعانة فيك اشهر من نار على علن بس مابعرف شخصيتك مشان هيك مابعرفك

ابتسم وعطاها كرتو وقال اذا صار معك اي مشكلة معك اتصلي فيني

اية : لا ان شاء الله مابصير مشكلة ..حاسة حالي منيحة

جمال : ماقصدي على اجرك على اي مشكلة بتصير معك انا جاهز واذا حدا عم يدايقك كمان انا جاهز

اية : بقلبا قلو على بيتنا .. لا وليه مجنونة الزلمة عم يعرض خدماتو ماضروري انجلق فورا

جمال : يا انسة وين شردتي

اية : ااه اي معك .. شكرا كتير الك .. انا اتأخرت صار لازم روح

راحت اية وهية عم تعرج على رجلا

ركب جمال بالسيارة وركب الشوفير ورا الديركسيون ومشي

الشوفير : استاذ ليش عطيتها كرتك

جمال : حسيتا بدا مساعدة ماشفتا كيف كانت شاردة

الشوفير : يعني انت بتحب تساعد الناس

جمال :اسأل ابوك عني وهو بيحيكلك المهم كيف صار

الشوفير : الحمد لله احسن

صفن جمال وقال بقلبو معقول هالشبه.. ياترى مين هاي ... ياترى رح ارجع شوفا مرة تانية .. خليها للقدر

............

وصلت اية على الشركة وضلت مكملة على غرفة المدير

اية للسكيرتيرة : المدير احمد موجود

السكرتيرة : اي موجود فوتي ماعندو حدا

دقت الباب وفاتت كان احمد عم يحكي على التلفون بصوت عالي : لك كيف يعني رح تنكشف ... طيب هالفترة لاتعمل شي ولا تجبلي اي معلومة لا عنو ولا عن شركتو اوكي ماشي .. انا رح شوف حدا غيرك مشان نبعد الانظار عنك ... اي يلا باي

سكر احمد واتطلع على اية وابتسم وقال : اهلا اية تفضلي

قعدت اية وحكت

اية : استاذ في موضوع مهم بخصني بدي مساعدتك

احمد : احكي اية عم اسمعك

اية حكت كلشي لاحمد

احمد لما خلصت حكي اتطلع عليها وابتسم

اية : شو قلت استاذ بتساعدني وخصموا المصاري من راتبي

احمد : اكيد رح ساعدك هلق قومي بوجهك لعند المحامي واشرحيلو القصة وخليه يشوف الارض ويشتريها والمصاري رح يكونو من الشركة

اية : يكتر خيرك يا استاذ عنجد هالفضل مارح انسالك اياه

احمد : ولو يا اية انتي غالية على قلبي كتير

اية : شكرا كتير

طلعت اية وهية مبسوطة وكملت بوجها لعند المحامي

.....................

بشركة جمال

قاعد ورا مكتبو عم يوقع على وراق والسكرتيرة واقفة جنبو

فات مدير اعمالو شب اسمو نجم

نجم : استاذ في خبر مانو حلو

جمال : شو هو

نجم : الزبون يلي اجا من دبي اتعاقد مع شركة احمد

جمال : شوووو ... احمد لك شو قصتو معي شو قصتو مابشوفو غير عم ياخد الزباين ومعلومات الشركة كلا عندو ... طيب ماعرفتو مين عم يسربلو المعلومات

نجم : لا استاذ بس عم نحاول ندور

جمال : اي خليكن عم تحااولو تدورو لحتى تنهار الشركة ع الاخير

نجم : اسف استاذ ... بس رح نحاول بكل طاقتنا

جمال : تفضل طلاع من هون وفرجيني كيف رح تحاول

......................

المسا

قاعدة اية على سطح بيتون وحدا رفيقتا وجارتا لمى

عم ياكلو بزر وصافين بالسما والنجوم

اية : الحمدلله الحمد لله ماكنت متوقعة الموضوع رح يكون سهل لهل الدرجة

لمى : شوقلك المحامي

اية : قال بكرى رح يكون معي سند شراء الارض من الدولة ورح سجلا بأسمي ابي ماخرج يطلع ويفوت وقال بابا مامهم باسم مين المهم البيت يضل عامر وساترنا

لمى : اي والله معك حق ... ماقلتيلي شبا رجلك حاسستك عم تعرجي عليها

اية : لك وانا رايحة قام خبطتني سيارة ونزلك منها شبين طول بعرض مبين عليه شيي فووق كتير المهم لما وصلو عرفت انو واحد مدير اعمال مشهور والتاني الشوفير وقلي انا بكون ياربي نسيت شو اسمو بس ياجلال ياجهاد ياجمال هيك الشي المهم انا قلتلو اي بعرفك انت اشهر من نار على علن بس مابعرفك بالشكل

لمى : وانتي عنجد بتعرفيه

اية : هههههه ولا بحياتي سامعة بأسمو بس قلتلو اي بعرفك مشان بين قدامو انو بعرف وبتابع اخبار مدراء الاعمال هههههه

لمى : هههههه يا امي ما اخوتك وبعدين شو صار

اية : كان بدو ياخدني قال ع المشفى لك انا اتطلعت على سيارتو كنت رح غوطن كيف اذا ركبت فيها ... قال عطاني كرتو قال اذا حتجت شي مساعدة اتصل فيه

لمى : اي وينو الكرت

اية : كبيتو من كل عقلك بدي دقلو بس والله مبين شخص محترم وبحب الخير للناس .. الله يوفقو ويبعتلو بنت الحلال يلي تسعدو طول عمرو

لمى : وبركي كان متزوج

اية : هههه اي الله يرزقو ولاد حلوين ..ههه المهم خلصينا شو اخبار الحارة

لمى : لك صح نسيت قلك باسل بدو يخطب نجوى

اية وهية عم تطقطق بزر : عنجد وايمت الخطبة

لمى : بعد اسبوع

اية : اي الله يهني العالم

......................

بفيلا احمد الاحمد

قاعد احمد هو وامو

احمد : ماما بصراحة في شي بدي قولو بس كنت متردد

ام احمد : شوفي ماما

احمد : ماما في صبية عم تشتغل عنا بالشركة بتشبه كتير ..

قاطعو صوت جدو وهو عم يمشي على عكازة عم يقول مسالخير

احمد : هلا جدو مسالنور

ام احمد : مسالنور عمي

جد احمد : عن شو كنتو عم تحكو

احمد : ولا شي جدو بس عم نحكي عن الشغل

جدو : وشو صار معك مشان جمال

احمد : انتقامي الو لسه مابلش

ام احمد : يا ابني برضاي عليك تركو انا متأكدة انو ماهو يلي قتل اختك الله يرحما

احمد : ماما انا متأكد انو هو يلي قتل مايا لانو مفكر انا يلي قتلت اختو

ام احمد : جمال كان كتير بحبا لاختك والبحب ما بيقتل

جدو : ابني تركو الله يصتفل فيه اذا هو يلي قتلا

احمد : ماني تاركو ..

ام احمد : لك والله ما جمال يلي قتلا لك لليوم لما بروح على قبرا بشوفو قاعد وعم يبكي عليها

احمد : ماما هو عم يعمل هيك مشان نبعد عنو الشك

ام احمد : الله يهديك يا ابني

........................

بفيلا جمال

جمال قاعد وصافن عم يتذكر اية لما شافا

جمال عم يحكي حالو : ياربي نفس العيون ونفس الوجه ونفس الملامح ونفس الصوت .. بس هاي شعرا غير ...معقول في شبه لهل الدرجة .. طلع من جيبتو صورة وصار يتأملا كانت بالصورة نسخة طبق الاصل عن اية

جمال : اااه يامايا ااااه شو عمل فيني فراقك ... اشتقلك ياروحي ... ياريت موت لحتى التقى فيكي ياريت

اجا لعندو ابوه فجأة بسرعة خبا الصورة بجيبتو ومسح دموعو بس ابوه شافو

ابو جمال : شبك جمال

جمال : ولا شي بابا

ابو جمال : مشتقلا ماهيك

جمال : كتييييير

ابو جمال : ادعيلا ..و ادعي لحالك تنساها

جمال : مستحيل انساها

ابو جمال : بس يا ابني الدنيا ماوقفت هون ومايا صرلا سنتين ميتة ارحم حالك .. طلاع فوت تعرف على شي بنت حبا واتزوج

جمال : هههه ان شاء الله ان شاء الله

ابو جمال : عم تسايرني ماهيك

جمال : هههه شو بدنا نعمل

ابو جمال : المهم شو وضع الشركة

جمال : تمام الحمد لله

ابو جمال : واحمد بعدو عم يدايقك

جمال : عم يدايقني وبس .. احمد ناوي يدمرني وكمان حاطتتلي جاسوس وماعم اعرفو مين هو وعم يسربلو كل اسرار الشركة

ابو جمال : جمال انت قوي ومابينخاف عليك

جمال : لك المشكلة مافي دافع نفسي لحتى واجهو

ابو جمال : جمال بكفي لازم ترجع توقف على رجليك من جديد وتوقف قدامو لاحمد وتفرجيه قيمتو

جمال : لك انا اذا بدي بعمل فيه اكتر مايعمل فيني بس ماعم تهون على الرفقة

ابو جمال : والله حملك صعب يا ابني بعينك الله

جمال : والنعم بالله

............................

تاني يوم ع الفطور عند احمد

ام احمد ؛ ماما شو كان بدك تقلي مبارح المسا

احمد صفن وقال بقلبو هلق اذا بدي قلا انو في وحدة بتشبه اختي مايا كتير بصير بدا تشوفا واذا شافتا الله اعلم شو رح يصير خلص خليني مسكر على الموضوع ومافتحلا جروحاتا

احمد : ولا شي ماما انسي

ام احمد : متل مابدك ياروحي وين جدك

احمد : مابعرف بكون بغرفتو نايم

ام احمد بقلبا : ان شاء الله مايفيق ختيار الجن

احمد : عم يحكي معك بابا

ام احمد : اي وقال شي اسبوع وبيجي

احمد : ان شاء الله يوصل بخير وسلامة .. انا بالاذن

ام احمد : كمل فطورك حبيبي

احمد : دايمة ..

قرب وبسلا راسا وطلع

...............

فات احمد على الشركة ومرق من جنب مكتب اية كانت عم تشتغل وملتهية ومندمجة بالشغل

احمد وهو عم يمشي قطع غرفتا خطوتين بعدين رجع لعندا وقف ع الباب وهو مفتوح ودق الباب

اتطلعت عليه اية ووقفت وابتسمت : اهلين استاذ احمد تفضل فوت

احمد : كيفك اية

اية : الحمد لله ...

احمد : كيفون اهلك

اية : الحمد لله وعم يدعولك ليل مع انهار

احمد : تسلمي يارب انتي واهلك .. ليكي اية اذا احتجتي شي بس خبريني اوك ياحلو

اية : والله انت مفضل علي كتير يا استاذ

احمد : الفضل لا الله والحمد لله ... مابدي عطلك كملي شغلك

تركها وراح على غرفتو

قعد ورا مكتبو واجت لعندو السكرتيرة .. عطتو الوراق وقعا

احمد : خلصت ليش بعدك واقفة

السكرتيرة : استاذ الموظفين عم يحكو

احمد : شو عم يحكو

السكرتيرة : عم يحكو انوو

احمد : انووو شووو

السكرتيرة : انو في شي بينك وبين اية

احمد: انااا واية

السكرتيرة : اي

احمد : ههههه اكيد فهمانة غلط انا بعزا وبحترما لاية مو اكتر

السكرتيرة : بس الموظفين ما هيك عم يحكو

احمد : نعممم ... لك حكي الموظفين وانتي ما بهمني قال الموظفين قال ... طلعي من خلقتي بسرعة

السكرتيرة : اسفة

احمد : ليك هالعالم .. ياربي على هالعقول الصغيرة

رفع سماعة التلفون وحكي

احمد : الو .. اي شو الاخبار .. اي خلص لاتعمل اي حركة مشان جمال ما يكشفنا .. اوك سلام

احمد : مين بدنا نلاقي جاسوس هلأ غير هداك البغل

..........................

المسا ..

اية قاعدة مع رفيقتا لمى عم يشربو متة وياكلو بزر ويتفرجو على مسلسل تركي

لمى : اية

اية وهية مندمجة بالتلفزيون : شبك

لمى : بدي اسألك هلأ هاد مديركن منيح معك ولا مع الكل

اية : مابعرف اوقات بحسو عصبي واوقات بحسو حباب .. بس معي على طول منيح

لمى : معقول معجب فيكي

اية : انااا

لمى : اي انتي

اية : لك لا تجني انا وين وهو وين

لمى : وبركي مابفكر هيك وانتي عاجبيته

اية : معقول ؟؟ بس انا بحسو متل اخي

لمى : اخوكي ☆☆ مافي اخوات حبيبتي

اية : بس انا مابحبو ولا في عندي شعور الحب تجاهو

لمى : انتي حبيتي من قبل

اية : لا

لمى : بتعرفي شو شعور الحب

اية : كمان لا

لمى : لكن يمكن انتي بتحبيه

اية : خلصينا من جنانك قال حب وما حب ..

لمى ،: علمي ع كلامي بكرا وشوفي كيف رح يجي ويطلبك

اية : اي مارح يجي اطمني .. وشيلنا من سيرتو

لمى : لك سمير عم يسأل عنك قال وين ما عم تبيني

اية : سيموو ههه سلميلي عليه قوليلو بنلتقى نهاية الاسبوع

لمى : ماشي بقلو

/..................

ببيت احمد

احمد قاعد بغرفتو عم يشتغل وقدامو شوية وراق بصير تلفونو يرن

رد بدون مايتطلع مين

احمد : الو

جمال : احمد كيفك

احمد رما الوراق من ايدو وقال : ههههه اهلين بالاستاذ جمال شو متصل مشان تترجاني بعد عنك

جمال : احمد انا الشركة والمصاري مابهموني. . يلي بهمني هو صحبتنا ..

احمد :هههه قلتلي صحبتنا

جمال : لك فهام انا ماقتلت مايا .. لك مايا كانت روحي حدا بيقتل روحو

احمد : كذاب انت قتلتا مشان تنتقم لاختك .. بس انا كمان ما قتلت اختك اختك ماتت بحادث سير عادي وانا ماذنبي صح ماتت بسيارتي بس ماقتلتا عن قصد وشرحتلك هالموضوع

جمال : والله بعرف ..

احمد : كذاب انت يلي قتلت اختي

جمال : مايا ما انا قتلتا

احمد : لك مايا ماتت قتل وهلا عم تقول ما انت لكن مين مين الو مصلحة يقتلا

جمال : ما هاد يلي لازم نعرفو لازم حط ايدي بأيدك وندور ع القاتل الحقيقي

احمد : انا مابدي دور على حدا وغريمي بعرفو ورح دمرك وبالاخير رح اقتلك

جمال : متل مابدك بس انا مارح اسكت ولا رح اسمحلك تدمرني

احمد : ههههههه بنشوف

سكر الخط .. وقام نزل لعند امو كانت قاعدة بالصالون

احمد : شو ماما شو عم تعملي

ام احمد : قاعدة عم قلب بهالتلفزيون

احمد : ليش ما ندهتلي اسهر معك

ام احمد : فكرتك بدك تسهر لحالك

احمد : انا بفضي حالك كرمالك كم عندي ام انا

ام احمد : الله يرضى عليك ولا يحرمني منك

احمد : دقلي جمال

ام احمد : شو بدو

احمد : هه قال عم يقلي انو ماهو يلي قتل مايا

ام احمد : صدقني انو ما هو

احمد: امي اذا ما هو لكن مين

ام احمد : والله مابعرف

احمد : مافي غيرو وحدة بوحدة

ام احمد : راسك يابس وماعم تقتنع

احمد : رح اكدلك انو هو يلي قتلا .. المهم وينو جدو

ام احمد من غير نفس : مابعرف .. بكون بغرفتو قافل على حالو الباب

احمد كان قدامو صحن مكسرات مد ايدو واخد وحدة وحطا بتمو وقال: ماما ليش بحسك ما بتحبيه لجدو

ام احمد: من اول يوم فتت فيه على هالبيت ما حبيتو .. كان لئيم وعصبي وكان يحبك الك اكتر الشي بس لمايا ياحرام بحياتو ماقلا كلمة حلوة كان عطول يعيط عليها ويضربا

احمد : الله يرحما

ام احمد : آمين

احمد : بس ليش هيك جدي

ام احمد : قال ما بحب خلفة البنات .. ومشان ما تورتو بنت

احمد : شو هالعلقية هاي

ام احمد : متخلف

احمد : المهم كيفا ست الكل اليوم

ام احمد : الحمد لله

احمد : ان شاء الله دووم

ام احمد : بتحب اعملك شي

احمد : والله ياريت ونسهر انا واياكي

ام احمد : من عيوني

............................

تاني يوم الصبح طالعة اية من البيت ورايحة ع الشغل شافت لمى بالحارة

لمى : ع الشغل

اية : اي والله

لمى : وبعد الشغل

اية : ع البيت

لمى : لك صرلنا زمان ما تفتلنا بالشوراع

اية : اي والله .. لك صحي عاملين حي كلا مطاعم ومقاهي فخمة شو رأيك نروح نتمشى فيه

لمى : اي والله فكرة

اية : لكن بعدالشغل بجي ببدل تيابي وبنروح

لمى : اوك ردي علي خبر

................

وصلت ايةع الشغل وكملت على مكتبا .. ولاحظت انو الكل عم بتطلع عليها ويتهامس

قعدت ورا مكتبا واجت لعندا الاذنة جابتلا فنجان نسكافيه

اية : نرجس

نرجس : اي ايوش شوفي

اية : حسيت انو الموظفين عم يتهامسو علي في شي

نرجس : اي بصراحة

اية : اي احكي بعدك ساكتة

نرجس : عم يقولو انو انتي واحمد بيك بتحبو بعض

ايه : ههههههه عنجد

نرجس : اي والله

اية : ياربي شو بحبو شو هالحكي

نرجس : يعني مافي هيك شي

اية : نهائيا

نرجس : لكن روحي وضحي هالشي لاحمد بيك لانو اذا خبر بفكر انتي يلي مطلعة هالاشاعة ويمكن يزعل منك

اية : عنجد

نرجس: اي والله

اية : لكن شوي وبروح لعندو

..............

بمكتب احمد رن تلفون الكتب رفعو

احمد : اي شوفي .. اي دخليها

فاتت اية

احمد: اهلا اية خير في شي

اية : بصراحة اي

احمد : احكي عم اسمعك

اية : عم يقولو بالشركة

احمد : ههههه خبرت

اية : يعني مانك مقهور مني

احمد : لا ليش

اية : مشان ماتقول انو انا مطالعة الاشاعة

احمد : اكيد لا ولا تهتمي لحكي الموظفين بيحكو كتير

اية : عنجد شكرا كتير

احمد : العفو

اية : بالاذن

احمد : الله معك .. ااه اية لا تقطعينا من زيارتك

اية : مافهمت

احمد : يعني ضلي طلي علي لهون

اية من دون فهم هزت براسا وطلعت

اية عم تحكي حالا شو يعني طل عليه .. اجي لعندو وقلو جاي اشرب معك فنجان قهوة هههههه .. لك الله يلعنك يانرجس قال روحي اعتذري

اية : المهم بريت ذمتي

رجعت على مكتبا وقضت طول اليوم عم تشتغل خلصت دوام وراحت ع البيت بدلت تيابا وطلعت مع لمى ..

لمى : وصلنا

اية : اي هون

لمى : ولييي ما احلاه

اية : لكن حبيبتي هاد بس للناس يلي فوق ليكي شلون عاملين تصميم الشارع وكأنك عم تمشي بشي شارع بباريس

لمى : الله يوفقك خلينا نفوت نشرب قهوة

اية : اتفقنا ندرج ما نفوت نشرب قهوة

لمى : هو فنجان قهوة

اية : لك حق فنجان القهوة هون بلاوي

لمى : طيب تعالي نفوت نسأل الكروسون الواقف ع الباب شقد على فنجان القهوة

اية : بدك تفضحينا

لمى : خلص انا بفوت
تعالي معي

فاتت اية ولمى ع الكافيه

الكرسون : تفضلو نورتو

لمى : بدي اسألك سؤال بس خجلانة

اية صارت تتطلع ع الكافيه من جوا وشافت جمال وهو كمان شافا

لمى : اذا واحد بدو يطلب فنجان قهوة شقد حقو

اية صارت تنكعا مشان يطلعو

جمال عم يتطلع عليهن
الكرسون من نوع المسخرة : وكم فنجان بدكن تشربو تنين ولا واحد وكل وحدة تشرب شفة
لمى : العما شو انك قليل زوق .. عم نسأل شو كفرنا ولا مفكر حالك شي شغلة اصلا لو ما وضعك اضرب من وضعنا مابتشتغل هون
الكرسون : اوووف ما قصدي بس ما الكن هالمكان هون فنجان القهوة بمية دولار
لمى : شووووو
اية : لك امشي فضحتينا
لمى : لك لحظة بدي ارجع اسألو انا قصدي ع فنجان قهوة ما على حساب الطاولات

اية : هههههه اااخ منك امشي فضحتينا
لحقون الكرسون : ياصبايا
اية : اي شوفي
الكرسون : اجتكن دعوة علىطاولة مفتوحة
اية : النا
الكرسون : اي الكن
اية : لا انت اكيد غلطان
الكرسون : لا والله ما غلطان تفضلو
اية ؛مين عملنا هالدعوة
الكرسون : تفضلو لدلكن عليه

راحو معو وفاتو من باب الكافيه
الكرسون اشر على جمال وقال : الاستاذ يلي هنيك
اية : ليش ليدعينا بمناسبة شو
الكرسون : هو ندهلي وقلي انو هدول الصبايا شو بدون
لمى : يا سلام تعالي نفوت لكن
اية : لا ما رح نفوت .. اذا بتريد قلو للاستاذ شكرا امشي لنشوف
لمى : ياربي منك
اية : امشي بلا مياعة .. شو نحنا بلا عقل لنقبل عزيمة مين ماكان
لمى : اي والله

رجع الكرسون لعند جمال

الكرسون : استاذ رفضو يفوتو

جمال : اوك
رفيق جمال : مين هدول البنات
جمال : خلص انسى

.........................

احمد قاعد هو ومدير اعمالو ورفيقو عمران

احمد : قلي شو نعمل

عمران : انا برأيي لازم ندخل شخص جديد ع الشركة لانو ما رح يشكو فيه ولازم نخلي جمال يوثق فيه شخصيا

احمد : هههههه ومن وين بدنا نجيبو لهل الشخص

عمران : بصرحة هو موجود

احمد : مين

عمران : اية

احمد : اية !!!!

عمران : بصراحة اي اية لانو اية في شبه كبير بينها وبين اختك الله يرحما

احمد : لا لا اية لا

عمران : احمد سمعني هاي هية انسب شخص وممكن جمال ينجذبلا بسبب الشبه ويوثق فيها ومارح يشك فيها لانها جديدة

احمد : بس اكيد رح يعرف انو كانت تشتغل هون

عمران : مندبر قصة انو ليش بطلت

احمد : طيب كيف بدنا نخليه يوظفا

عمران : لك الشغلة كلا بدا حبك منيح انت بس وافق وانا بجهزلك احلا سيناريو

احمد : خليني فكر

عمران : اوك .. انا صار لازم روح اتأخرت ع البيت
احمد : الله معك

قامو طلعو من الشركة واحمد عم يفكر

.........................

اية ولمى قاعدين بكافيه عادي

اية : ليكي هون القهوة ما اطيبا

لمى : معك حق

اية : لحظة سكتي شوي

لمى : شوفي

اية : هاي البنت يلي وراي تماما عم تبهدل الشب يلي قاعد معا

لمى : شو عم تقلو

اية : لحظة شوي

البنت : اسماع حبيبي انا كل يوم مع شب والشب يلي بيعجبني بضل معو والي معو مصاري اكتر

الشب : لك نحنا بنحب بعض

البنت : عن اي حب عم تحكي

الشب : روحي الله لايسامحك

البنت : ههههه
قامت تركتو وطلعت وقالت مامعو ياكل عم يحب

اتطلعو عليها اية ولمى من تحت لفوق

اية : ولييي شو هاد

لمى : لك هاي صاروخ

اية : شفتي ما احلاها

لمى : بتشلل

اية : بس حقيرة

لمى : ليش شو كانت عم تقول للشب

اية : لك مبين عليها بنت ملعبة .. قومي بحكيلك ع الطريق

.......................

تاني يوم

بالشركة

عمران : شو احمد فكرت

احمد : كيف بدنا ندخلا ع الشركة

عمران : قلتلك خلي كلشي علي

احمد : اي موافق

عمران : كيف بدك تقلا

احمد : عندي ولا يهمك

عمران : لكن بلش بتنفيذ الخطة

احمد : بلش

عمران : انا رح شوف شغلي وانت احكي معا يلا سلام

احمد : سلام

طلع عمران وضل احمد لحالو وصار يقول ليش انا خايف عليها .. شو اختي ولا بنت عمي ما رح يصير شي

اتصل بالسكرتيرة وطلب منها تنده لاية
يتبع ........
توقعاتكم يا ترى شو رح يصير رح تروح اية ولا لأ
 
الجزء_الثاني

بشركة جمال
جمال لسكرتيرة : بعتيلي ورا نجم
اجا نجم لعندو
نجم : خير قال طلبتني
جمال : شو صار معك بموضوع الجاسوس
نجم : استاذ مافي شي جديد اصلا معد تسربت اخبار من الشركة
جمال : عم يلعبوها صح
نجم : هيك الظاهر
جمال : بس ما على طول رح يضلو ساكنين .. انتو خلي عيونك مفتحة منيح كتير
نجم : امرك استاذ .. استاذ اذا اكتشفنا مين الجاسوس شو بدك تعمل فيه
جمال : مين ما كان هاد اسمو خاين وما رح اقبل غير بقتلو
نجم : عم تحكي جد
جمال : اي جد .. شو اول مرة بنقتل حدا .. بس ما منقتل ظلم
نجم : طيب انا بالاذن
........................
اية : استاذ قال طلبتني
احمد : اي اية ممكن تقعدي
قعدت اية وهية متوترة واحمد اجا قعد مقبالا .. بعد شوي بيدخل الآذن ومعو قهوة وبضيفون وبيطلع
احمد : اية انا بدي مساعدتك
اية: اذا بقدر اكيد بساعدك انت فضلك سابق علي وعلى عيلتي بس شو هو الطلب واذا بقدر اعملو او لأ
احمد : بتقدر تعمليه بس خطر شوي
اية : خطر من ايو ناحية
احمد : بدي حطك بمكان تراقبي شخص
اية : طيب مامشكلة انت قلي
اندق الباب وفات عمران
احمد : شو عمران
عمران : ولا يهمك محلولة بس مو هلق بنهاية الدوام
احمد : طيب تفضل اقعد
احمد :اي اية بنرجع لموضوعنا ..
اية : معك استاذ
احمد : في رجال اعمال كبير بدك تروحي تشتغلي عندو
اية : طيب شو بدي اشتغل عندو
اتطلع احمد على عمران
عمران : سكرتيرة
احمد : متل ماقال عمران سكرتيرة
اية/وبعدين
احمد : حتى تصيري هنيك انا بقلك المعلومات يلي بدي اياها وانتي بتجيبها بسرية تامة
اية : بس ليش هيك انت عم تعمل
احمد : لانو هاد الشخص قتل اختي وبدي انتقم منو بتساعديني
اية وهية خايفة وما مقنتعة قالت : اي موافقة ..
احمد : عنجد بدي اتشكرك لانك وافقتي
اية طيب هو رح يعرف انو كنت اشتغل عندك وبركي شك فيني
احمد : شو عمران
عمران : لا خلينا نحكي الصراحة بكون احسن لانو اذا خبينا وسأل بيعرف انو انتي الجاسوسة
اية : جاسوسة !؟
عمران : اي هيك بقولو
اية : طيب المهم ؟
عمران : بتقولي انك اشتغلتي فترة بشركة احمد وبتقولي انو صار معك مشكلة بينك وبين شب وانتي تركتي الشغل
اية : اي ماشي ... بس مين بكون الشب
اتطلعو ببعض بحيرة
عمران : قولي انو عمران كان يحاول يدايقك وانتي تركتي الشغل مشان ماتكبر القصة والفضيحة
اية: وكيف بدي روح قلون انو انا جاية اشتغل
احمد : تركي هالموضوع علينا ونحنا قبل ما نبعتك منقلك شو السبب
اية: طيب ماشي .. انا بدي روح كمل شغلي
احمد : اية سلمي شغلك لحدا وانتي روحي ع البيت بتعتبري حالك بإجازة لحتى نخبرك نحنا
اية : اوك ماشي بالاذن
طلعت وهية خايفة كتير وحست حالا انو غلطت لما وافقت بس ماكان فيها ترفض لانو احمد الو فضل كبير عليها
.........................
عند انتهاء الدوام
عباب شركة جمال .. واقف عمران بسيارتو
طلعت السكرتيرة ووقفت ع الطريق لتوقف تاكسي
قرب عمران بسيارتو وزمرلا
هية اجت لعندو
السكرتيرة : تفضل
عمران : ممكن تركبي في موضوع ضروري ي احكيه معك
السكرتيرة : بخصوص شو
عمران : موضوع ضروري
السكرتيرة : اسفة مابركب مع حدا ما بعرفو
طلع عمران تلفونو وفتحلا على صورة وقال اخوكي حلو وهو طالع من المدرسة. وفرجاها الصورة
السكرتيرة : مين انت
عمران: اطلعي لنحكي وبقلك مين انا
طلعت جنبو وراحو
عمران تروحي نشرب شي
السكرتيرة : مابدي اتزهرم شي قلي شو بدك من الاخير
عمران : انا بكون مدير اعمالو لاحمد
السكرتيرة : خلص فهمت كلشي اذا مفكر بدك تشترني فأنت غلطان ... لو سمحت وقف ع اليمين
عمران : مابدي منك شي
السكرتيرة : لكن شوو
عمران : بدي تعطلي شهر زمان وتقعدي بالبيت
السكرتيرة : لك ماني عم افهمي شي
عمران : انتي بتعطلي وبتقعدي بالبيت وبتاخدي راتب عشر اشهر ونحنا بدنا نحط وحدة مكانك
السكرتيرة : اولا مافي سبب اقعد بالبيت وتانيا انا ماني قبلانة عرضك وثالثا انا مابخون جمال بيك ولو على جثتي
عمران : اولا بنعمل سبب هلأ بكل بساطة بكسرلك ايدك او اجرك وثانيا لاتنسي انو اخوكي مراقب واي اشارة بخطفو وبحرقلكن قلبكن شهر زمان وثالثا انتي ما رح تخونيه لمديرك المصون لانك مريضة ... يلا فكري معك عشر دقايق
عمران : شووو
السكرتيرة : موافقة بس بلا كسر
عمران : طيب هلأ باخدك لعند دكتور صديقي يركبلك جبارة على رجلك بدون كسر
السكرتيرة : وين المبلغ
عمران : هههه قلتيلي مابتخوني مديرك .. ليكي المبلغ بالتابلو
فتحتو واخدت ظرف فيه مصاري حطتو بشنتايا
..............................
لمى : لك انتي مجنونة كيف بتقبلي هيك طلب
اية : افهمي علي ماكان فيني ارفض
لمى : لا فيكي بكرا روحي واعتزري
اية : مابقدر انا وعدتون
لمى : ياربي منك .. انتي بتعرفي كمية المصايب يلي جبتيها لراسك
اية : مشان الله حاج تزيدها علي .. قوليلي مارح يصير شي
لمى : ادعي الله يمرقلك اياها على خير
اية : الله يمرقا على خير .. دخليك يارب والله انا ماخرج تجسس وما تجسس .. بس انا عم ساعدو هو بدو ينتقم لاختو وانا عم اعمل عمل انساني ماهيك
لمى : هههه اي واسي حالك
.........................
ع باب السكرتيرة
عمران : الحمد لله على سلامتك
السكرتيرة : هه الله يسلمك اخي وينو
عمران : بكون ناطرك بالبيت
السكرتيرة : انزل هلأ ولا لسه بدك تقول شي
عمران : اي بدي قول .. خدي هاد رقمي اذا صار شي بتخبريني .. واول ما بتنزلي بتتصلي بجمال وبتقوليلو عملت حادث وكسرت لرجلي وانك رح تبعتي رفيقتك تدوام بدالك
السكرتيرة : ماشي ... الله يستر
عمران : خلص انتي لاتهتمي واذا انكشفت السكرتيرة البديلة نحنا من بعد عنك التهمة وبنخليها تعترف انو نحنا وصلنالا بعد ما تعينت هيك منيح
السكرتيرة : اي منيح
نزلت من السيارة وهو راح
.......................
ببيت جمال طالع من الحمام لافف المنشفة على خصرو واجا وقف قدام المراي
اتصلت السكرتيرة
جمال : اهلا ندى
ندى : استاذ انا عملت حادث وانا راجعة ع البيت وانكسرت رجلي
جمال : له له عسلامة
ندى : الله يسلمك .. انا اتصلت مشان خبرك انو رح اخد اجازة
جمال : طيب ولا يهمك انا بدبر حالي
ندى : استاذ انا رح ابعت رفيقني هية كتير شطورة بتقعد مكاني لبين ماطيب شو رأيك
جمال : اوك مامشكلة
ندى : وهلأ بالاذن
جمال : اذنك معك ومرة تانية سلامتك وانا رح اجي شخصيا زورك
ندى : مابتقصر
جمال : انتبهي على حالك باي
ندى : باي
..................................
تلفون اية عم يرن
اية : اهلين استاذ احمد .... بكرا ... ان شاء الله .. اي خلص رح انطرو براس الحارة .. سلام
سكرت التلفون وقعدت صارت تقول ياربي ياربي شو هالمصيبة
فاتت لعندا اما
اما : شبك حبيبتي
اية : ولا شي ماما الحمام حامي
اما : اي حامي .. يلاقومي ادوشي ع السريع لحتى نتغدى
اية : يلا ..
.............................
تاني يوم واقفة براس الحارة ناطرة عمران ..
بعد شوي بيجي بتركب معو وبتروح
عمران : شبك مو على بعضك
اية : ولا شي بس متوترة شوي انو مكان جديد وهيك
عمران : خلص ولا يهمك من اول ساعة بتتعودي
عمران : وهي وصلنا انزلي
اية : شركة شو هاي
عمران : نفس شركتنا كان جمال واحمد شركا بعدين انفصلو وكل واحد عمل شركة لحالو
اية : وشو اسما الشركة
عمران : شركة الخطيب
اية : امم .. يلا انا نازلة
عمران : بالتوفيق
نزلت اية وراحت ع الشركة وهية عم تمشي رجل لقدام ورجل لورا
الحارس : ع وين يا انسة
اية : انا السكرتيرة الجديدة
الحارس : اي صح تفضلي
فاتت من باب الشركة وماسكة جزدانة بأديها التنتين من كتر مانا خجلانة او خايفة .. والكل صار بتطلع عليها .. مشت خطوتين وسألت صبية
اية : لو سمحتي وين مكتب المدير انا السكرتيرة البديلة
الصبية : اهلا فيكي .. ابو حسن
ابو حسن : خير انسة سارة
سارة : الصبية السكرتيرة الجديدة وديها على مكتبا
ابو حسن : تفضلي معي
راحت معو وهية عم تحاول تتجاهل نظرات الكل عليها .. وصلها للمكتب وراح
راحت قعدت ورا المكتب ومانا عرفانة شو تعمل او من وين تبلش .. مسكت لقت ملفات كتير على الطاولة ... قرتون واحد واحد وعرفت انو لازم المدير يوقع عليهن .. فتحت الكمبيوتر: لقت جدول المواعيد اليوم طبعتون على ورقة وحطتا على جنب
بعد شوي بتسمع حدا جاي وعم يحكو ... بفوت جمال ونجم
جمال : خلص ماني عم استوعب شي عملون انت وجبلي اياهن ع المكتب
اتطلع واتفاجئ بأية وسكت واية وقفت واتفاجئت فيه كمان ماحكت
نجم : شو سكرتيرة جديدة
جمال : اي .. انت روح على شغلك
نجم : خلينا نتعرف عليها
جمال وعيونو عليها : قلت روح على مكتبك
نجم : حاضر . وراح
قرب جمال من اية وقال : صباح الخير
اية : اهلين استاذ صباح النور
جمال : فهمتي الشغل
اية : اي كلو مفهوم وواضح
جمال : طيب اطلبي فنجانين قهوة وجيبي الملفات يلي قدامك والحقيني
اية : حاضر .. بس حدا جاي لعندك
جمال : لا .. جيبيهن من دون اعتراض
اية : خمس دقايق وبكونو عندك
............................
احمد ماشي بسيارتو عم يحكي على التلفون مع عمران
احمد : شو صار معك وصلتا
عمران : اي وصلتا وفهمتا كلشي
احمد : طيب ماشي انا شوي وبوصل ع الشركة
سكر ورما التلفون ع التابلو فجأة شاف وحدة رمت حالا قدام السيارة ..... شحط فرام ونزل بسرعة لعندا
كانت هية واقعة بالارض وعم تبكي
احمد : يا انسة انتي منيحة .. وليش رميتي حالك قدام سيارتي
حاطة اديها على وجها وشعرا نازل ومامبينة ملامحة
وهية عم تبكي قالت : بدي موت وارتاح من هالحياة بدي انتحر
احمد : يعني وبكل هالبلد ما لقيتي غير سيارتي تزتي حالك قداما قومي .. قومي الله يوفقك
رفعت شعرا عن وجها واتطلعت عليه هو شافا وانصدم فيها وبجمالا الفاتن وقفت بطولا الممشوق
وقالت : انا اسفة
(هاي البنت نفسا يلي شافتا اية بالكافيه )
مشت خطوتين
احمد : لحظة شوي
البنت : خير شوفي ... قلتلك انا اسفة
احمد: ممكن كلمتين
البنت وهية عم تمثل انها عم تبكي : شوبدك
احمد : ممكن نحكي
البنت :شوبدك
احمد : ليش بنت متلك وبجمالك بدا تنتحر
البنت : هه شو نفع اذا انا حلوة والدنيا كلا بشعة
احمد : طيب تعالي معي لنروح ع شي مكان نشرب شي وبنحكي بركي بقدر ساعدك
البنت : لا مابركب مع حدا انا مابوثق بحدا بركي بدك تخطفني
احمد : طيب بنروح وبتاكسي وع مكان عام وبوعدك انو ما دايقك نهائيا
البنت : طيب ماشي
احمد : لحظة لصف السيارة وراجع .. بس ماقلتيلي شو اسمك
البنت : ميس
احمد : حلو متل صاحبتو
راح يصف السيارة وهية مسحت دموعا وابتسمت ابتسامة انتصار
........................
فاتت اية مع القهوة
جمال : حطي القهوة واقعدي
حطت القهوة وقعدت وهية مستغربة
هو سكر الملف يلي قدامو وقام قعد قداما ع الكنبة
جمال : امم .. اي كيفك
اية : الحمد لله بخير
جمال : ليش رفضتي دعوتي ع القهوة من نهارين
اية : انا بعتذر بس مابقبل شي من حدا مابعرفو
جمال : ما عأساس قلتي بتعرفيني انهار يلي ضربتك بالسيارة وقلتي اني اشهر من نار على علن
اية :ااه .. اي انا بعرفك بشخصيتك وبأسمك بس مابعرفك منيح يعني بركي كنت شخص مانك منيح
جمال : فيها وجهة نظر ... اي كيفا رجلك
اية : منيحة مافيها شي
جمال: منيح كتير .. انتي ليش جيتي بدال ندى
اية: انا رفيقتا وهية قالتلي روحي داومي مكاني
جمال : قصدي انتي كنتي قاعدة بلا شغل
اية : اي
جمال : ماعطيتك كرتي ليش ما اتصلتي كنت دبرتلك شغل
اية : بصراحة خفت
جمال : ااه صح مابتعرفيني .. انتي شو دارسة
اية : هندسة اتصالات بس حاليا موقفة الدراسة
جمال : ليش
اية : بصراحة اهلي معد قدرو يصرفو علي انا قلت بدرس شي سنتين وبعدين برجع بكمل دراسة
جمال : يعني كنتي عم تشتغلي
اية : اي
جمال: ووين اشتغلتي
اية : اشتغلت اول شي بمطعم فلافل بعدين بكافيه .. بعدين بأستراحة بعدين صاحب الاستراحة تواصتلي عند احمد الاحمد واشتغلت عندو
جمال : كنتي تشتغلي بشركة احمد
اية : اي ..حضرتك بتعرفو
جمال : اي بعرفو .. بس شو كنتي تشتغلي
اية : شغلة بسيطة ادخال بيانات ع الكومبيتر بس هيك
جمال : وليش تركتي الشغل
اية : بصراحة مدير اعمالو حاول يدايقني فأنا قلت بنسحب احسن ما جيب لحالي وجع راس
جمال : اممم .. واحمد كيف كانت معاملتو معك
اية : كان كتير محترم ومنيح. . وكان يقلي على طول انتي متل اختي الصغيرة .. يمكن متعاطف معي مشان وضعي
جمال بقلبو لا لانك عنجد متل اختو
جمال : وما سألك ليش بدك تتركي الشغل
اية : مبلا .. ماحبيت قلو عن مدير اعمالو لانو يمكن مايصدقني وانا ماصرلي غير كم شهر بشتغل عندن .. قلتلو بدي ارجع كمل دراسة .. وهو عطاني تعويض عنجد يكتر خيرو
جمال : تفضلي شربي قهوتك
حملت الفنجان بكل خجل وقربتو من شفافها وهوعم يتأمل هاي التفاصيل الدقيقة .. رشفت منو ورجعتو على مكانو .. هو عم يتأمل شفافها الورديات وقال بقلبو حتى نفس الشفاف ونفس الابتسامة
كان شارد فيها تماما ...هية اتطلعت على حالا فكرت فيها شي غلط
اية : استاذ في شي
جمال : اااه لا مافي شي فيكي تروحي
قام من قداما مشان ماتفضحو عيونو
اية : وعشان الملفات
جمال : تركيهن انا بشوفن ولاتقبلي مواعيد اليوم
اية : اوك
جمال : لحظة .. شو كان اسمك
اية : ايه
جمال : حلو اسمك ونورتي الشركة
اية ؛ شكرا استاذ
طلعت وهية مستغربة انو ليش هيك كان عم يتطلع عليها
جمال : جمال لك شو صرلك ليش هيك كنت تتطلع عليها .. شو جنيت هاي مانها مايا .. بس كتير بتشبها .. كتيررر مو شوي ..كأنو عم شوف مايا واقفة قدامي .. شو بدي اعمل ... معقول حبا .. لا لا انا بحبا مايا وبس وهاي شبيهتا مو اكتر يعني مستحيل حبا .. بس اكيد رح حب شكلا لانو بذكرني بحبي .. بس هية بنت فقيرة وبحاجة مساعدة .. خلص رح خليها تشتغل هون بالشركة المهم خليها قدام عيوني وملي نظري منها ... بس هالشي صح .. اي صح
هو حس هالشي صح لانو حس بهدوء وسكينة بقلبو بعد النار يلي كانت شاعلة من شوقو وعشقو لمايا ووجود اية رح يهديه
.........................
بكافيه
احمد ؛ لو سمحت فنجانين قهوة ... اي قوليلي يا ميس شو قصتك وليش بدك تنتحري
ميس : انت قلي شوبدك مني وليش جبتني لهون
احمد : انا حابب ساعدك
ميس : بشو بدك تساعدني كمان مافي حدا بساعد بدون مقابل
احمد : بس ماكلون متل بعض
ميس : بدك تقنعني انك غير
احمد : لا انتي بتكتشفي هالشي لحالك
ميس : مابعرف خايفة
احمد : مافي داعي تخافي من شي .. احكي
ميس : انا قصتي انو وحيدة لاهلي وماتو وانا صغيرة .. رحت ربيت عند بيت عمي قام ماحملوني وحطوني بميتم وربيت بالميتم لكبرت وماطلعت فالحة بشي لا بالدراسة ولا بغيرو. . كنت مستأجرة غرفة ومامعي ادفع اجارها ... وصاحبة البيت قررت تطردني اليوم اذا ما دبرت مصاري .. وكل مابقرب مني شب بصير بدو يستغلني .. ومافي حدا طلع معي صادق شي بقوليلي انو انا حلوة واكيد ماني مخلاي شب وشي بلاقو حجة انو انا ترباية ملاجئ وما خرج كون مرتو والله تعبت كل الدني مسكرة بوجهي واليوم كملتا معي صاحبت البيت قلت احسن الشي ارمي حالي قدام شي سيارة والباقي بتعرفو
احمد : بس الدنيا ماوقفت هون
ميس : انا بالنسبة الي واقفة من زمان
اجت القهوة وصارو يشربو
ميس : وهاي سمعت قصتي بشو بدك تساعدني
احمد : انتي مامعك شهادات نهائيا
ميس : معي بكالوريا اخدتا تشحيط
احمد : بتعرفي كومبيوتر وانكليزي
ميس : انكليزي بلطش تلطيش وكومبيوتر بعرف افتحو وسكرو
احمد : هههه كتير منيح اذا بتعرفي تفتحيه وتسكريه هههه
ميس : عم تتمسخر
احمد : هيك شي هههه
ميس : بالاذن
احمد : شبك ولوو عم نمزح اقعدي
ميس : شو لسه بدك مني
احمد : بدي دبرلك شغل شو رأيك
ميس : شغل الي انا
احمد :اي الك
ميس : بدك تشغلني خادمة عندك
احمد : لا بالشركة
ميس تفاجئت : عم تحكي جد
احمد : والله جد انا عندي شركة ورح وظفك فيها كمان رح استأجرلك شقة صغيرة على قدك شو رأيك
ميس : وشو المقابل
احمد : ياربي لسه كل شوي بتقلي شو المقابل .. والله مابدي منك شي لوجه الله
ميس بقلبا : هه صدقتك كلكن كذابين ومابتعرفو الله
احمد : شو وين رحتي
ميس : خايفة غلبك معي
احمد : اي بدك تغلبني وكتير كمان .. انا قايم
ميس : لحظة اسفة
احمد : شو قلتي
ميس : موافقة .. بس كلو دين
احمد : متل مابدك قومي هلأ
ميس : ع وين
احمد : ع الشركة اولا انا اتأخرت وثانيا بعرفك على مدرب يعملك الشغلات الاساسية على الكومبيوتر ... لانو في عندي موظفة بأجازة بتقعدي مكانا
ميس : معقول اقدر
احمد : اي معقول المهم وثقي بحالك يلا قومي
دفع الحساب وقامو
قامت معو وهية عم تحكي حالا : معقول عم يحكي هاد جد .. يعني انا رح اشتغل واعتمد على حالي .. بحياتو محدا عرض علي هيك عرض كلون كانو يصرفو علي ... بس منيح انا بتعلم .. بس والله شكلي وقعت على حدا محرز هالمرة .. اكيد اليوم صايرمنيح حظي ..معقول يا امي عم تعديلي ههه الله يرحمك
احمد : لك وين بتشردي تعالي وقفت تاكسي
.........................
بمكتب جمال
نجم لاية : استاذ جمال عندو حدا
اية : لا تفضل
نجم : صح ما تعرفنا شو اسمك
اية : انا اية
نجم : وانا نجم .. راجعلك بس لشوف جمال شو بدو
اية : هههه اوكي
فات نجم لعند جمال
جمال : ليش اتأخرت
نجم : كنت مشغول بشغلة
جمال : خود هاد الملف وراجع الشركة يلي باعتو وخليهن يوضحو المطلوب
نجم : اوك وغيرو
جمال : بس
نجم : تعرفت ع السكرتيرة الجديدة
جمال : مين يلي تعرف
نجم : عم اسألك تعرفت عليها
جمال : اي وكانت تشتغل بشركة احمد كمان
نجم : عنجد
جمال : اي
نجم : بس ماتكون جاسوسة
جمال : لا مابظن
نجم : وليش عندك هالثقة الزايدة
جمال : هيك قلبي حسني
نجم : والله ياجمال انت قلبك ما بيكذب ..
راح لورا جمال كان قاعد على كرسيه وبرملو الكرسي لعندو وقلو : بس لازم ناخد اتحتياطتنا ماهيك
جمال : قلتلك البنت مستحيل تكون جاسوسة وبعدين المعلومات عم تتسرب قبل ماتجي
نجم : متل مابدك .. عطيني الملف
جمال : ليكو خدو وروح
اتطلع على الطاولة وشاف صورة جمال مع مايا
نجم : جمال
جمال : شبك
نجم : لك هاي بتشبه خطيبتك
جمال : بعرف
نجم : امممم .. وانا عم قول شاف هالبنت قبل هالمرة
جمال مسك الصورة وقال : معقول في هيك شبه
نجم : عنجد شبه فظيع .. بس ما يكون متل المسلسلات التركية تكون اختا واهلا فقدوها وهية صغيرة
جمال : ههههه شو خيالك واسع .. انا ربيان مع احمد ومايا وماحكو ولا مرة انو اجتون اخت او ماتت او اجا لمايا اخت توأم
نجم : وبركي حدا خطفا بالمشفى
جمال : هههه شو انت متفرج على شي فيلم مكسيكي قبل ماتجي .. مايا لما خلقت كان في ع دورا ايكو وكانو خبرو اذا في توأم او لأ .. وكمان هلأ شفت السيفي تبع اية وعمرا ٢٣ ومايا عمرا ٢٤ الله يرحما
نجم : امين الله يرحما ... واية بدك تخليها بالشركة بعد ما ترجع ندى ع الشغل ..
جمال : مابعرف بس ع الاغلب اي لانو هية فقيرة وبحاجة شغل
نجم : ياخوفي تكون بدك تخليها مشان شي تاني
جمال : لا اتطمن وهلأ روح خلصني
اخد الملف وطلع
نجم لاية : مشغول كتير كنت حابب اقعد وندردش مع بعض.. بس غير مرة
اية هزت براسا وهية مستغربة
..............................
خلص الدوام ..
وميس كانت متعلمة اول درس
اجا لعندا احمد ع المكتب
احمد : يعطيكي العافية
ميس : ويعافيك
احمد : شو صار معك
ميس بصراحة راسي كتير مشوش وحاسة حالي ماعم استوعب
احمد : عادي ..معك معك بتتعودي .. وهلأ جيبي غراضك وتعي معي
ميس : ع وين
احمد : خلص الدوام شو ناوية تضلي هون
ميس : ااااه .. يلا
جابت غراضا وطلعو
احمد : ناخد تاكسي ولا بالسيارة
ميس : لا تعذب حالك انا بروح لحالي
احمد : لك ما عأساس مقلعة من البيت قومي معي
ميس : اااه اي صح .. بس ع وين لا تقلي ع البيت
احمد : ههههه اي ع البيت بس مو بيتي بيتك
ميس : مافهمت
احمد : لك امشي خلصينا
راحو ركبو بالسيارة وراحو .. ووقفو قدام بناي
ميس : وين نحنا
احمد : انزلي
ميس مترددة
احمد : هاي البناي مليانة سكان انزلي واطمنييي مارح قرب عليكي
نزلت واتطلعت على البناي مبينة فيها عالم من الغسيل المنشور على البرندات وفي اصوات ضجة
راحت معو طلعو ع الطابق التاني وفتح الباب
وعطاها المفتاح وقال : هاد مفتاح بيتك وجبتلك غدا جاهز جوا وغراضك انتي روحي جيبهن لانو انا عنجد ماعندي وقت
ميس : واقفة ومصدومة
احمد : اااه لاتنسي تسكري الباب منيح على حالك يلا سلام
تركها وراح وهية فاتت مصدومة سكرت الباب وصارت تمشي خطوات بطيئة ..
ميس : معقول هاد غير .. معقول انا اخترت الشخص الغلط والله كتير منيح مابدي ائذيه ... شبك ميس هنن كلون حقراء وببينون انو اوادم بالاول بعدين ببينوا على حقيقتون بيتمسكنو ليتمكنو .... اي وكمان شو رح اعملو ..... لما اسحب منو شوية مصاري رح اتركو متلو متل غيرو
............................
عم يندق الباب عند اية
فتحت امها وكانت لمى وسمير
لمى : خاله هون اية
ام اية : اي هون تفضلو
بعد ما فاتو
لمى : سمير خليك هون انا رح شوفا
فاتت لمى وطلعت هية واية من الغرفة
اية : قومو ع السطح
ع السطح
اية : كيفك سيمو
سمير : مشتقلك انتي كيفك
اية : انت بتعرف بالشغل
سمير : اي صح بالشغل يلي عم تلعبي فيه بعداد عمرك
اية : لمى قلتيلو ؟؟
سمير : اي قالتلي .. لك ليش عم تخاطري بحالك
(سمير شب نحيل طولو متوسط بيلبس نظارت طبية وبيهوا التكنولوجيا وبضل يخترع برامج وكمان هكر )
اية : يعني طلب مني وماقدرت قلو لأ الزلمة الو فضل علي
سمير ؛ كنتي اعتذري
اية : مافيني اليوم بلشت شغل بالشركة التانية
سمير : اممم رح نلاقي حل نخلصك من هالشغلة
اية : ان شاء الله ... صح لمى عرفتي مين بكون صاحب الشركة يلي رحت عليها اليوم
لمى : مين ؟
اية 'هاد يلي خبطني بسيارتو وكمان يلي عزمنا ع القهوة
لمى : عنجد
اية : اي والله .... بس مابعرف حاسستو غريب بالتعامل معي
لمى : كيف
اية : هو مبين شخص شلون بدي قولا راكز الو هيبة معبي مركزو ومابيحكي مع مين ماكان بس معي كتير لطيف
لمى : لك انتي عندك وجه طفولي والكل بيتعاطف معك
اية :هههه لا وليه مو هيك .. بس عنجد عم يتطلع علي نظرات غريبة
لمى :متل احمد
اية : لا احمد مبين انو كان متعاطف معي بس هاد لأ .. حتى انعجبت فيه وبشخصيتو العصبية والحنونة
لمى : عم تحكي جد
اية : اااه لو تشوفيه رجال بكل معنى الكلمة بيحكي بكل ركازة ... صح هو ما هداك الجمال انو شب عادي بس فارض حالو وشخصيتو وين ما راح والكل بهابو وبيحتروم هاد هو الشب يلي بتتمناه كل بنت
لمى : ياسلام ياسلام
اية: انتي بس شوفيه بتفهمي منيح عن شو عم احكي .. عندو كريزما خاصة
سمير : خلصينا يا ام كريزمة وقوليلنا شو مفكرة تعملي
اية : مابعرف بس كتير خايفة ياريت اقدر انسحب
سمير : عندي فكرة
اية شو هية
صار تلفونا يرن
اية: هاد احمد بيك ... الو اهلا استاذ احمد ... اي كلو تمام ومرق اليوم عادي ... طيب ماشي. . اوك
سمير: شو قلك
اية : قال هالفترة مامطلوب مني شي بس كم يوم لحتى بأمنو وبصير جبلو المعلومات يلي بدو اياها .. الله يخليكن خلصوني
لمى : سمير شو كنت بدك تقول
سمير : نخليها تنطرد من الشركة
اية : اي والله فكرة بس كيف
سمير : عملي شي مصيبة خليهن يطردوكي
اية : والله انا ماخرج مشاكل
سمير : لكن بتروحي لعند مدير الجديد وبتقوليلو انو ما عرفتي تشتغلي وبتفضلي تنسحبي لانو مانك قد هاد الحمل
اية : لك يسلملي هالمخ
سمير : مشان تعرفي انا هاد مابشغلو ع الفاضي
اية : اي شو تشربو
........................
بالمقبرة
قاعد جمال عند قبر مايا وعم يحكي معا
جمال : مايا حبيبتي عم تسمعيني ... اليوم اجت لعندي وحدة ع الشركة بنت فقيرة كتير بتشبهك حسيتك انتي يلي قدامي وبصراحة ارتحت لوجودا وكأنك انتي معي ... معقول الله بعتلي اياها مشان تعوضني عن غيابك ... بس لا مافي شي بعوضني عنك ياعمري ويا روحي ... اشتقتلك كتير ميوشتي .. ااااه .. ولا اخوكي يلي ما تاركني بحالي وماعم يصدق انو ما انا يلي قتلتك ... لك انتي روحي حدا بيقتل روحو
صوت من وراه مرحبا جمال
وقف وكانت اما لمايا
جمال : اهلا خالتي كيفك
ام احمد : الله يرضى عليك يا ابني
جمال : الله يخليكي فوق راسنا
ام احمد : شو شايفتك هون
جمال : اي والله .. كل مابتدايق مابلاقي غير هالمكان يلي بريجني يمكن لانو بشم ريحتا او بحسا قريبة
ام احمد : حبيبي جمال انت لازم ما توقف حياتك هون انت شب وبأول عمرك روح وعيش حياتك لاتربط حالك بشي مات
جمال : بدك اياني انسى مايا
ام احمد : ما تنساها بس تجاوزا .. لازم نفرح فيك وبولادك
جمال : من وين بدو يجي الفرح وانا روحي صارت تحت التراب
ام احمد : صدقني رح تتجاوزا ..ورح تجي وحدة تخليك تنساها
جمال : مستحيل
ام احمد : لا مافي شي مستحيل .. والايام بتكشفلك .. رب العالمين سمانا انسان لأنو بننسى
جمال : مابعرف .. انا بالاذن
ام احمد : اذنك معك ... لحظة جمال
جمال : اي خالتي
ام احمد : لاتوخذو لاحمد رح يجي يوم ويعرف انك مظلوم
جمال : ان شاء الله
لبس نظاراتو ومشي
قعدت جنب قبر بنتا وصارت تبكي
........................
تاني يوم بشركة جمال
فات جمال صبح على اية مع ابتسامة .. واية ردت عليه الصباح كمان بادلتو نفس الابتسامة ..
وبعد شوي لحقتو وفاتت وراه
اية : استاذ بدي احكي شي
جمال : شوفي
اية : انا بدي اترك الشغل
جمال حس انو انقهر واتطلع فيها وقال : ليش شوفي
اية : لا مافي شي بس انا هالشغل ليقتو صعب علي
وانت بدك وحدة تكون مريحة ما بدكن وحدة تعلموها .. انا برأيي انسحب بكون افضل
جمال : بس هيك ولا حدا عم يزعجك
اية : لا مافي حدا عم يزعجني اصلا محدا لحق يعرفني
جمال : طلبك مرفوض
اية بصدمة : ليش
جمال : هيك انا قلت مرفوض
اية : بس انا معد بدي
جمال : وانا بدي والشغل مافي تتركيه وبتعتبري حالك صرتي سكرتيرتي الخاصة وحتى بعد ما ترجع ندى من الشغل مافي تتركي
اية : شو يعني هاد امر
جمال : اي امر .. واذا الشغل ماعم تفهمي عليه انا بساعدك
اية : انت ؟؟
جمال : اي انا .. تفضلي قدامي
اية : استاذا نا بدبر حالي مافي داعي
جمال :تقضلي قدامي
اية :شو هالمصيبة هي
طلعت هية واياه على مكتبا
جمال : تفضلي اقعدي
قعدت ورا مكتبا وهو وقف وراها
جمال : هدول الملفات بيجو لعندك انتي بس شغلتلك تفوتيهن لعندي والمواعيد انا بعطيكي الاوقات الفاضية عندي كل يوم وبتعملي المواعيد على هاد الاساس والفاكس والبريد بتجي رسالة عليهن بتفوتيها فورا لعندي بدك اسهل من هيك
اية : لا
جمال: لكن يلا لا تتكاسلي وشوفي شغلك .. اوك ياحلوة
تركها وفات
اية : لحالا يا حلوة .. ياربي لك انا خايفة اتعلق فيه وبكلامو الحلو ونظرواتو وبالاخير يطلع مانو معبرني .. خلص قدري مبين انو رح كمل بهل اللعبة واكيد نهايتي هون .. اوف .. اوف
حملت تلفونا ودقت للمى : الو اي .. تضربو انتو وهالخطة ... مابعرف ... شكلو اذا رح دمر الشركة مارح يخليني اترك ... ما انا هاد يلي محيرني انو ليش
اي روحي سلام
....................
بمكتب احمد راح لعند ميس
احمد : كيفا الموظفة الجديدة
ميس : اهلين استاذ كيفك انت
احمد : اذا انتي منيحة انا كتير منيح
ميس : شكرا هاد من لطفك
احمد : قوليلي عجبك البيت
ميس : حلو كتير
احمد : فرحت انو عجبك .. جهزي حالك بعد الدوام عازمك ع الغدا ومابدي اعتراض
ميس : حاضر
......................
اية قاعدة وملتهيةبالملفات يلي قداما فاتت لعندا صبية
الصبية : مرحبا
اية : اهلا بدك تفوتي لعند المدير
الصبية : لا .. انا جاي لعندك انا قمر وانتي
اية : انا اية
قمر : تشرفت فيكي .. بصراحة نحنا حابين نتعرف عليكي .. وعازمينك ع الفطور بالبريك
اية : ايو بريك
قمر : هو في بريك للموظفين ربع ساعة بنفطر فيه .. صح انتي ليش ما نزلتي مبارح
اية : مابعرف
قمر : لكن انا شوي وبجي باخدك
اية : والمدير
قمر : اكيد مارح يحكي وندى كانت عطول تنزل معنا ع البريك اصلا هو خصصلنا اياه
اية : اوك .. بجي
.................
ببريك الفطور
قمر : صبايا شباب جبتلكن اية لتتعرفو عليها
الكل : اهلا اية نورتي الشركة .. تعالي الفطور جاهز
قربو منها وصارو يعرفوها عن حالون : انا جاد .. انا محمد ...انا سيلين ...انا عامر ... انا بيان ... انا عمر .. انا لينا ... انا ناهد ......
اية : تشرفت فيكن كلكن
قمر : يلا خلينا نفطر هلأ بيخلص البريك
قعدو كلون وبلشو يفطرو وصارو يلطفو جو مع اية
......................
طلع جمال من مكتبو بعد محاولات انو يحكي مع اية وما ترد.. ولقى المكتب فاضي نزل ع البوفيه شافها قاعدة وحوليها صبايا والشباب وعم تضحك .. وهو انقهر الكتير وحس النار شعلت بقلبو ويلي ذاد غيرتو انها كانت قاعدة جنب عمر وكانت قريبة منو كتير
جمال بصوت عالي : اااية
وقفو الكل ونزلو روسن واية انحلت رجليها من الرعبة وقفت وراسا بالارض
اية :خير استاذ
جمال : خيير ومن وين بدو يجي الخير .. صرلي ساعة عد دور عليكي بالشركة وانتي هون على ضحك وصهصلة
قمر : استاذ نحنا ببريك الغدا
جمال : انسة قمر ماطلبت منك تبرير ..وانتي اية قدامي ع المكتب
مشت اية وهية حابسة الدمعة لانو بحياتا محدا عيط عليها طلعت وراحت
جمال: كملو فطوركن
سيلين : ليش هيك الاستاذ جمال والله البنت ما غلطت
محمد : شكلو معصب
بيان : شكلو ماعاجبو شغلا
لينا : بس مامعو حق يعيط عليها هيك يعني احرجها كتير
عمر : انا بقول ما رح تطول
..................
فاتت اية وقعدت ورا مكتبا
جمال : اذا طلبت شي بتردي فورا فهمتي
اية : حاضر
تركها وفات
وهية صارت تبكي
جمال : لك ليش هيك عملت ليش .. اووف ليش حسيت انو غرت عليها ... اكيد لانو تخيلتا مايا .. بس ياجمال هي مانها مايا هي اية اوووف ... سمع صوتا عم تبكي فتح الباب ... وهية بسرعة صارت تمسح عيونا
جمال : عم تبكي
اية : لا مافي شي
جمال : لحقيني على مكتبي
اية : حاضر
مسحت دموعا منيح وقامت وراه
كان واقف بنص الغرفة
جمال : سكري الباب
سكرت الباب وضلت واقفة مكانا
جمال: تعالي وقفي هون
قربت ووقت قدامو
جمال : ارفعي راسك واتطلعي فيني
رفعت راسا واتطلعت فيه
وهو لما شاف عيونا حمر والدمعة مغرغرة فيهن .. مد ايدو وحطا على خدا ومسحلا دموعا بأبهامو. . هية كانت صافنة فيه وبتصرفو
جمال : عيونك حلوين ومابيلبقلون الزعل
اية : ....
جمال : انا اسف
اية منصدمة
جمال : رح اعزمك ع الغدا مشان اعتذر ع الاحراج يلي سببتلك اياه
رجعت خطوتين لورا مشان تبعد ايدو عن خدا وقالت : لا استاذ مافي داعي انا غلطت
جمال : يعني مارح تقبلي عزيمتي
اية : بعتذر بس مين انا لحتى اقعد مع حضرتك على نفس الطاولة
جمال : اية لاتحكي هيك
اية : انا بستأذن بدي ارجع ع مكتبي
جمال : انتي اليوم اجازة فيكي تروحي ترتاحي واسف مرة تانية
اية : استاذ لاتعتذر .. الشخص يلي متلك مابيعتذر وانا كمان غلطت
جمال : اسف لانو بكيت هالعيون الحلوة
اية : شكرا ع المجاملة
جمال : بس انا ماني عم جاملك انا..
اية : انت شو
جمال : خلص روحي
اية : بالاذن
طلعت بسرعة حملت شنتايتا وراحت بوجها لعند احمد

يتبع .........
 
الجزء_الثالث
فاتت اية على شركة احمد
دقت الباب وفاتت
احمد : اهلا اية خير شوفي
اية : ممكن نحكي
احمد : تفضلي
قعدو وصارو يحكو ..
احمد : شو الاخبار
اية : عادي ولا شي
احمد : طيب ليش جيتي
اية: استاذ بدي قلك انو انا حاسة انو جمال معاملتو معي غريبة
احمد : كيف يعني
اية : والله مابعرف بس بحسو غريب
احمد : عم يتطلع عليكي كتير
اية: اي .. قصدي لأ
احمد : عم تحسيه عم يغار عليكي
اية : مابعرف...بس انت من وين بتعرف عم تراقبني
احمد : هههه لا بس بعرف
اية : شو بتعرف
احمد : جمال بحب البنت تكون متلك .. ويمكن بلش ينعجب فيكي ويحبك
اية: شو يعني متلي
احمد : بحب البنت يلي بعيونا البرائة متلك بالظبط وبحب البنت المتواضعة كمان متلك
اية : ومن وين بتعرف هالمعلومات
احمد : لا تنسي انو كان رفيقي
اية: بس ليش انا .. في مية بنت بتملك نفس صفاتي
احمد : مابعرف بس انا اول ماشفتك عرفت انك رح تعجبيه
اية : يعني انت بعتتني لعندو لانو عرفان رح ينعجب فيني
احمد : اي صح
اية : شو يعني انت استغليتني
احمد : ههههه لا لا .. بصراحة انا لقيتكن مناسبين لبعض .
اية : بس انا مابدي اياه
احمد : ليش رح يصحلك احسن من جمال
اية : استاذ انت بعتتني لعندو مشان اتجسس عليه مامشان حبو
احمد : هيك نحنا الاتنين بنتستفيد
اية : كيف بدك اياني حب شخص انا عم العب من وراه
احمد : هنن شوية معلومات ومارح نخليه يحس وبعدين بتخلص مهمتك وانتي عيشي حياتك معو
اية :بس انا برفض
احمد: هلأ بدك تقنعيني انو جمال مانوعاجبك
اية : مالحق يعجبني وماصرلي غير مبارح بعرفو
احمد : جمال شب من النوع يلي كل بنت بتتمناه وفي مليون بنت عم تحوم حوليه وانا بعرف انو بحب هالنوع من البنات ويلي هية انتي .. مشان هيك اكسبي الفرصة وكمان بيوثق فيكي مشان تجيبلنا المعلومات يلي بدنا اياها
اية : وانت من وين بتعرف انو بحب النوع يلي متلي كان يحب وحدة متلي يعني
صفن احمد وقال: لا بس مرة وصفلي البنت يلي بدو اياها شريكة حياتو ونفس صفاتك .. ومرة شفناكي انا واياه وقلي بدي اياها متل هاي وضيعناكي ومعد لقيناكي
اية مصدومة :عم تحكي جد
احمد : اي لكن انا ليش وافقت على توظيفك فورا اول ماشفتك .. مشان تشتغلي لصالحي
اية : يعني تستغلني
احمد : لا بدي مصلحتك .. هلأ قوليلي جمال بتحسي بيطلع عليكي وكأنو بيعرفك او كنتي ضايعة ولقاكي ماهيك
اية :......
احمد : لانو كان عم يدور عليكي انا عملت خدمة الك والو بس بعد ما اوصل ليلي بدي اياه واذا مابدك فيكي تنسحبي ...
اية : انا بفضل انسحب
احمد مابدو اياها تنسحب فكر شوي وقال : بس لاتنسي عليكي دين
اية : بس ..
احمد : اية لاتحكي .. معك مهلة من هون لبكرا تفكري .. وبوعدك انو ماحدا يكشفك او يعرف .. وجمال انتي البنت يلي بدو اياها فعيشي حياتك
اية : وانتقامك ؟
احمد.: انا لو بدي اقتلو كنت قتلتو بس يلي بدي اياها حاربو شوي بشغلو بعدين رح اتركو
اية : انت عم تطلب مني اجمع بين المي والنار من ناحية عم تقلي استغليه ومن ناحية عم تقلي هو بدو اياكي .. وانا شو المطلوب مني
احمد : انتي هلأ بتحبيه
اية : لا
احمد : كتير منيح .. لحتى تصيري تحبيه بتقوليلي يا احمد انا معد بدي كمل معك وبدي كمل مع جمال
اية:وليش واثق انو رح حبو
احمد : لانو بلشتي تنعجبي فيه
اية : انا ؟؟ لا مابجبو ورح جبلك المعلومات يلي بدك اياها مشان اثبتلك انو مابحبو ولا رح حبو
احمد : كتير منيح
اية : بالاذن
احمد : الله معك
طلعت اية .. وفات عمران
عمران : انا سمعت كلشي
احمد : اي ؟؟؟
عمران : مافهمت ليش هيك قلت للبنت
احمد : انا فكرت كتير منيح وقررت اعمل شوية تعديلات على خطتنا
عمران : شو هية التعديلات
احمد : انا متأكد انو جمال رح يحبا لاية فأنا قررت استغل هالشي
عمران : كيف
احمد : جمال بعد ما يحب اية .. انا رح خلي اية تنكشف انو هية الجاسوسة وساعتا جمال رح ينجرح وينكسر
عمران : اممم يعني بدك تدمرو مهنياً وعاطيفاّ
احمد : صح
عمران : طيب بركي اية حبتو وبطلت تجبلنا معلومات
احمد : بنخلي الجاسوس تبعنا يسرب المعلومات تحت اسم اية ..
عمران : ولنفترض جمال سامحا
احمد : لا جمال من النوع يلي ما بسامح بسهولة وخصوصا الخيانة مابسامح عليها ابدا
عمران : واية بهل الطريقة رح تنكسر وتنجرح
احمد : بعطيها شوية مصاري وبتنسى القصة وبتعيش حياتا
عمران : المهم .. شيلنا من موضوع اية .. ميس شو وضعا
احمد : شبا ميس
عمران: من ايمت انت فاتح الشركة سبيل
احمد : مادخلك وتفضل على شغلك
عمران : معقول لانها حلوة
احمد : عمراااان
عمران : ماشي .. ماشي .. بس قلي انو مارح تحبا
احمد : اي مارح حبا
عمران : هههههه سلام
.......................
راحت اية على بيتا .. وبالحارة شافتا لمى
لمى : شو راجعة بكير
اية : اي والله بكير.... تعالي لنتسلى مع بعض
لمى ،: اي هلأ شوي وبرجع
كملت طريقا ع البيت وكلام احمد عم يتردد على ذاكرتا ..لما قلا احمد ميت بنت بتتمناه ..... لا تضيعي هالفرصة من ايدك ...... وهية لما قالت انا رح نفذ يلي بدك اياه مشان اثبتلك انو ما رح حبو
اية : اووووف .. يارب
بعد شو ي اجت لعندا لمى .. اية حكتلا كلشي
لمى : وانا مفكرة انو احمد طلع حباب
اية : مافي حدا حباب .. واتأكدي هدول الناس مابساعدو حدا الا اذا في مصلحة
لمى : العماا .. طيب عنجد جمال كان عم يدور عليكي
اية : مابعرف بس ما ااقتنعت .. او رح حاول انسى شو قال
لمى : وانتي بركي حبيتيه لجمال
اية : رح حاول بعد عنو ..
لمى : طيب شو رأيك تلمحيلو انك مخطوبة او مرتبطة
اية : مابحب اكذب
لمى : خلص انتي لاتفكري بشي المهم تنفذي يلي بدو اياه منك احمد وتطلعي من مصايبن
اية ؛ وهو هيك .. بس خايفةمن احمد ما يخلص طلبات
لمى : ما هلأ قلتلي انو اذا قلتي انا بدي انسحب رح يوقف
اية : والله مابعرف ... راسي رح ينفجر من التفكير
لمى : خلص حاج تفكري نامي شي ساعة وارتاحي
..........................
بمكتب احمد
راح لعند ميس
احمد : شو كيفك اليوم
ميس : الحمدلله
احمد : والشغل كيفو
ميس : كلو تمام وعم اتعلم بسرعة
احمد : وهاد حسن ظني فيكي .. يلا نمشي
ميس : ع وين
احمد : خلص الدوام
ميس : عنجد
احمد : اي والله جد .. شو نمشي
ميس : خلص انا بروح لحالي شكرا مابدي عزبك
احمد : شو تعذبيني وماتعذبيني .. انا اليوم عازمك ع الغدا ومابدي اي اعتراض
ميس : مصمم
احمد : وكتير
ميس : طيب حاضر
احمد : دخيلو المطيع انا
اخدها وراحو على مطعم وقعدو ياكلو
ميس : استاذ انت لوين بدك توصل
احمد كان عم ياكل حط الشوكة ع الصحن واتطلع عليها
احمد : شو قصدك
ميس : قصدي انو مافي شب بيعمل يلي عملتو معي بدون مقابل انا بدي اعرف لوين بدك توصل
احمد : مقابل ..مقابل .. انتي ماعندك غير هالكلمة
ميس : طيب انسى كلشي ليش جبتني تغديني هون
احمد : شو فيها مدير وحابب يغدي موظفتو
ميس :في موظفين كتير غيري .. ليش ما طلعت ولا حدا معك غديتو ..وهالشي الو اسمين يا اما ناوي تعمل معي شي يا اما شفقة .. وانا مابقبل ولا وحدة من هدول
احمد :فيكي تسألي كل الموظفين انو انا مابشفق على حدا وكمان مابستغل حدا ..انا حبيت اعطيكي فرصة لانو شفت حرام بنت متلك تموت وبالعكس انا ماني شفقان عليكي انا كان بدي موظفة وانت بحقلك تأثبتي حالك مو اكتر من هيك وعشان العزيمة هاي اخرة مرة بطلب منك نتغدى سوى وع البيت فيكي تدفعي اجارو من راتبك ... انا كنت حابب نتقرب من بعض ونصير اصدقاء .. بس واضح انو انتي ماعندك ثقة بحالك ..انا شبعت خلصي اكلك لنقوم وصلك
ميس : احمد انا اسفة ماقصدي هيك .. انا بس
احمد : مافي داعي تقولي شي لانو شو ماقلتلي معد الو قيمة
ميس : انا بتشرف كون صديقتك
احمد : انا سحبت عرضي والعلاقة يلي بتربطنا هية علاقة موظفة ومديرها ما اكتر من هيك
ميس : احمد ..
احمد : استاذ احمد لوسمحتي
ميس : استاذ احمد انا ..
احمد : ما شبعتي ؟؟
ميس : اي
احمد: يلا مشان وقفلك تاكسي
ميس : تاكسي
احمد : اي تاكسي .. لانو المدير مابوصل الموظفة على بيتا ماهيك ولا انا غلطان
......................
ببيت جمال قاعد عم يتغدى مع امو وابوه
ابوه بكون محامي كبير
ابوه : جمال كيف الشغل
جمال : كتير منيح بابا
ابوه : احمد معد دايقك
جمال : هالفترة لا ماصار شي بركي حط عقلو براسو
ابوه : ان شاء الله
ام جمال : حبيبي ايمت بدنا نفرح فيك
جمال : حتى الله يريد
ام جمال : يعني عم تفكر بالموضوع
جمال : هيك شي
ام جمال : روح يا جمال الله يفرحني فيك وبولادك
ابتسم جمال وقام من على السفرة طلع على غرفتو وتمدد على تختو صارت تمرق قدام عيونو اية وهية عم تحكي وتضحك مع الموظفين وحس حالو انقهر
قلب لتاني جهة مشان يبعد هاي الافكار عن راسو
...........................
تاني يوم الصبح
عم تلبس اية مشان تروح على شغلا .. فات لعندا اخوها عبودي
اية : هلا عبودي
عبودي : اية بتعرفي انو اليوم عيد ميلادي
اية : والله نسيت اي كل عام وانت بألف خير
عبودي : وانتي بخير .. بس مابدك تعمليلي عيد ميلاد
اية : عيد ميلاد !!
عبودي : اي اختي كل رفقاتي عملو عيد ميلاد وانا كمان بدي اعمل واعزمون
اية : طيب عزمون وانارح جبلك معي قالب كاتو وزينة تكرم
عبودي : يس .. يس
طلعت وراحت على الشركة وصلت وقعدت ورا مكتبا .. بعد شوي فات جمال
جمال : صباح الخير
اية : صباح النور
جمال : كيفك اليوم
اية : الحمد لله
فات وهية رجعت لشغلا
جمال قعد ورا مكتبو وكان حاسس انها مانا علىطبيعتا
رفع التلفون وحكاها
جمال : اية تعي لعندي
اية : حاضر استاذ
اخدت الملفات وفاتت
جمال : بعدك زعلانة مشان مبارح
اية : لا ماني زعلانة لاتهتم ... ليك استاذ هاد بريد مستعجل بدك توقع عليه فورا
جمال : اية شبك
اية : استاذ شو بدو يكون فيني ماشبني شي ... بس لاتنسى البريد توقعو
عصب وشال الملفات ورماهن ع الارض وطار الورق بكل مكان
جمال : انا لما بحكيكي بتردي علي وع السؤال يلي سألتك اياه مو انا يلي بتستخدمي معي اسلوب التجاهل فهمتي
اية بخوف : اي اي فهمت
جمال : قوليلي شبك
اية : والله ماشبني شي
جمال حس انو انفعل كتير عليها وخوفا
جمال : روحي ع مكتبك
اية : خليني لم الوراق
جمال : اطلعيي
طلعت ركض. .. قعدت ورا مكتبا وحبست دموعا وصارت تنفخ .. اوووف .. اوووف شوبدو هاد .. ياربي
اجا الآذن وفات لعندو .. لم الوراق ووقعون وبعتون لاية
اية للاذن: شو قلك الاستاذ جمال
الآذن : ولا شي بس قلي لم الوراق وهووقعون بعتون لعندك
اية : طيب شكرا
الآذن : جبلك شي
اية : اي فنجان قهوة بعد اذنك
......................
راحت ميس ع الشركة ولقت سيارة احمد على باب الشركة .. فاتت وكملت لعندو
ميس : للسكرتيرة ممكن قابل الاستاذ احمد
السكرتيرة : لحظة
رفعت التلفون وقالت : استاذ ميس بدا تقابلك ... اوك .
السكرتيرة : قال مانو فاضي ليشوف حدا
ميس : شكرا
راحت وصارت تحكي حالا : شو عملت انا ليش هيك حكيتو مبارح والله هو مبين انو غير .. طيب وبركي طلع متلون .. وانا هلأ شو بدي وقف هون ولا بدي كمل انتقامي من كل الشباب ... خلص بكفي لهون جرحت كتير شباب واستغليت كتير خلص خليني افتح صفحة جديدة واشتغل واعتمد على حالي ... طيب واحمد .. خلص حتى يروق بعتذر منو .. بس مابدي قرب منو مشان ما أئذيه
.....................
صار وقت بريك الفطور ... واية ماراحت ع البوفيه خوفا من جمال .. اتصلت بالآذن وخبرتو يجبلا سندويشة وكاسة شاي لعندا ع المكتب
طلع جمال لقاها عم تاكل
ولما شافتو حطتون على الطاولة ووقفت
جمال : ليش عم تاكلي هون
اية: استاذ وين بدي اكل
جمال : بالبوفيه
اية : بصراحة خفت من حضرتك تعصب علي
جمال: لا خلص معد عصب اشتغلي يلي بدك اياه
اية بابتسامة : شكرا
جمال : العفو
تركها وفات
خلص الدوام وجمال طالع من المكتب .. وهو عم يفتح الباب سمع اية عم تحكي ع التلفون : لمى حبابة ما بتلحقي تعمل قالب كاتو .. اوووف والله نسيت خبرك اليوم كان عندي شغل كتير ... ونسيت خبرك من الصبح ... انا يلي معي يادوب يجيبو شوية زينة .. رح دور على قالب كاتو يكون رخيص وبلاها هالزينة .. المشكلة هو قال بدو يعزم رفقاتو وكتير فرحان مابدي خجلو ... لك المشكلة ماعنا فرن كنت خبرت الماما تعملو واحد .. خلص خلص سكري انا رح انزل ودور على شي محل رخيص .. وانتي حبابة جبي كم بالون .. اي يلا سلام
سكرت وضبت غراضا مشان تطلع .. طلع جمال
جمال : خلصتي
اية : اي استاذ في شي
جمال : لا طلعي لوصلك بطريقي
اية :لا مابدي عزبك بدي افتل شوي بالسوق
جمال : معلش بنفتل انا واياكي
اية : رح روح عمكان عجقة ومابدي عزبك
جمال : بس انا بدي روح حابب اتفتل معك
اية بقلبا : ياربي شو بدي اعمل
جمال : نمشي
اية : اي بنمشي
طلعو وركبت جنبو وهية كتيرة متوترة بخصوص قالب الكاتو
جمال : شو بدك تشتري
اية : اليوم عيد ميلاد اخي وبدي جبلو قالب كاتو
جمال : كتير حلو
اية : اي والله
جمال : اية بدك مصاري
اية : انا لا لا معي مصاري وكتير
جمال : طيب رح اخدك ع محل حلو بيعمل كاتو كتير طيب
اية : لا بلاها بكون غالي
جمال : عم تقولي معك مصاري
اية : اي معي بس انت اكيد رح تاخدني لعند محل خمس نجوم
جمال : ههههه .. طيب قوليلي من وين نروح
................
اية : هون هاد محل حلو
جمال : يلا لصف وبننزل سوا
اية : لا خليك انت لاتتعذب
جمال : طيب ماشي ناطرك
فاتت اية وطلعت فاضية الادين
جمال : شو ماشتريتي شي
اية : بصراحة عندون قوالب كاتو كلا صغيرة وانا بدي اياه كبير ... خلص انت روح وانا بدور لحالي
جمال : معقول اتركك بنص الطريق .. اركبي لاخدك على احسن محل حلو بالبلد
اية : لا والله مابدي عزبك ..
جمال : خلص ركبي
اية بقلبا : ياربي على هالمصيبة
اخدها على محل حلو كتير حلو واسمو مشهور كتير
اية : استاذ جمال انا بصراحة مامعي مصاري اشتري قالب كاتو من هيك مكان
جمال : هههه اي نزلي انا معي
نزل وهية نزلت وراه ... مسكتلو ايدو وشدتو
هو وقف واتطلع على ايدو واتطلع فيها
اية ؛ استاذ بلاها بترجاك انا مابقبل انك تدفع عني
جمال : لانك مسكتي ايدي رح جبلك قالبين بدال الواحد
هية اتطلعت على ايدا لقت مساكة ايدو تركتها بسرعة
تركها ومشي
وهية راحت وقفت قدامو
اية : استاذ بترجاك
جمال : بعدي عن طريقي احسن مايصيرو تلاتة
اية : ياربي ..
جمال : ههه تعالي نقيهن
فاتو ع المحل والكل صار يرحب بجمال
الموظف : نورت جمال بيك شو اخبارك
جمال : الحمد لله .. تسلم
الموظف : قلي شو طلبك
جمال : بدي قالبين كيك يكونو على زوقك
الموظف : تكرم تفضل معي على قسم الكيك
جمال : يلا ... تفضلي انسة اية
اية : استاذ خلينا نرجع
جمال : تعالي نشوف الكيك
الموظف :استاذ شو المناسبة
جمال : عيد ميلاد
الموظف : صبي ولا بنت
جمال : صبي
الموظف : عاملين قوالب كاتو حلوة على اشكال سيارات وطيارات
جمال : كتير حلو فرجيني اياهن
جمال : رح ناخد هاد وهاد
اية : خلص استاذ بكفي واحد
الموظف : شو استاذ
جمال : انا قلت هدول التنين لو سمحت ضبون
الموظف : حاضر .. بتريد شي غيرو
جمال: اكيد .. هلا بقلك ع المطلوب
وصار جمال يفتل بالمحل وطلب من كل انواع الحلو
ضبوهن وحطوهن الطاولة
اية : استاذ شو كل هاد
جمال : هدوال الي انتي شو دخلك
اية : اي صحة وهنا
حاسب جمال وطلعو والموظف طلع الحلو وحطون بالسيارة بالمقعد الخلفي
ركبو ومشو
اية : والله ما كان الو داعي كل هاد
جمال: بكفي اية .. وهاد اعتبريه اعتذار عن اليوم ومبارح
اية : بس انا مابقبل ورح ينخصمو من راتبي
جمال : قلنا بكفي
سكتت ومعد حكت
وراحو على محل العاب كبير
اية : استاذ شو عم تعمل
جمال : معقول عيد ميلا بلا هدية
اية : لا هيك كتير كتير
جمال :بتحبي تنزلي ولا انا جبلو هدية على زوقي
اية: لا نازلة
نزلو وجمال اشترى سيارة على جهاز تحكم من النوع التقيل وغلفوها كهدية
اية : والله هي غالية .. خالينا ناخد شي ارخص
جمال:: اذا بتحبي تشتري واحدة ارخص روحي دوري وانا رح اخد هي
اية : لا خلص هي بتكفي
اخدوها وطلعو
جمال : وهلأ ياحزرك على وين
اية : بظن ع البيت
جمال : معقول عيد ميلاد من عيدا زينة ومعجنات وتبولة
اية : كمان
جمال : هههه كمان
اية : بس
جمال : بلا بس مابدي اسمع ولا كلمة اوك
اية : اوكي
خلصو مشوارن ووصلا ع البيت
اية : عنجد كتير بتشكرك
جمال : خلص لاتحكي هيك . ... بس خلي حدا ينزل الغراض
اية : يلا بس وين غراضك مشان ما ناخدن بالغلط
جمال : كلون الك انا مبارح شتريت لبيتنا
اية : والله هيك كتير
جمال : مافي شي بيغلا عليكي
ندهت لاخواتا واجو اخدو الغراض وهو عم يتطلع عليها بالمراي ... نزلو الغراض وراح
وعملو عيد الميلاد لاخوها وكانت فرحتو مابتنوصف
واية كانت طول الوقت صافنة .. اجت لعندا لمى
لمى : اية شبك وين صافنة
اية : ااه ولا شي
لمى : مين جاب كل هالغراض
اية : جمال
لمى : والله صاحب واجب
اية : اي والله كتييير
لمى : شو ياحلو وين شردت
اية : يا الله شو انو منيح .. وشو كبر بعيني
لمى : ياخوفي يكبر بقلبك
اية : اكيد لا .. مارح يصير هيك شي
....................
تاني يوم
ع مدخل شركة احمد نزلت ميس من التاكسي واجا احمد بسيارتو .. نزل وماعبرها
ميس : استاذ احمد ... استاذ احمد
وقف احمد واطلع عليها : خير انسة ميس في مشكلة
ميس : كيفك
احمد : الحمد لله بخير
ميس : ممكن نحكي
احمد : لا وقتي ديق ومابدي احكي مع حدا
ميس : طيب اسفة ع الاذعاج .. بالاذن
احمد : اذنك معك
تركتو وفاتت وهو كمل على مكتبو
راحت ميس على مكتبا طلعت ورقة وكتبت عليها طلب استقالة .. وراحت ع مكتب احمد
طلبت من السكرتيرة تدخلها لعندو وفاتت
احمد : مين سمحلك تدخلي لهون
ميس : اسفة بس هية اخر مرة تفضل
وعطتو الورقة
اخد الورقة وقراها وقال : شو هي
ميس : طلب استقالة انا بدي اترك الشغل
احمد : ليش
ميس : هيك انا برتاح
احمد : طلبك مرفوض وارجعي علي شغلك
ميس : بس
احمد : ارجعي على شغلك انا ماني فاضي كل يوم جيب موظف شكل على الشركة
ميس : بس انا مابدي اشتغل عند واحد مابحكيني
احمد : ما انتي بدك هيك
ميس : ماكان هيك قصدي
احمد : خلص روحي ع مكتبك .. انا مابدي منك شي نهائيا
ميس : وعدني انك تحكيني على طول
احمد : خلص بوعدك .. وغيرو
ميس : تعتبرني صديقة
احمد : صعب
ميس : طيب زميلة
احمد : ممكن
ميس : شكرا
احمد : اهلا
طلعت وهية مبسوطة .. وهو ابتسم وكمل شغلو
........................
بشركة جمال
فات جمال وكانت اية قاعدة ورا مكتبا
جمال : صباح الخير
اية مع ابتسامة : صباح النور
جمال : كيف كان عيد الميلاد
اية : كان حلو كتير والكل انبسطو والفضل لألك
جمال : انا ما عملت شي هاد واجبي وكمان المهم شوف هالابتسامة على وجهك
صفنت شوي اية لستوعبت الحكي وراحت الابتسامة على وجها وما ردت
جمال : طلبلي قهوة
فات جمال وهو مبتسم لانو شافها مبتسمة
هية صفت وصارت تتذكر حكي احمد انو جمال كان عم يدور عليها
طلبتلو قهوة وقعدت ورا مكتبا وحطت ايدا تحت خدا وصارت تفكر انو معقول تحب جمال ..
اية: بس والله جمال حلو وشخصية واختو بتعشقو واذا حبينا بعض شوفيها ... لا اية شو نسيتي انك جاي تسرقي من عندو معلومات يعني اذا كشف الحقيقة رح كون خاينة ... بس احمد وعدني انو ما يكشفني .. طيب بركي كشفني بالصدفة .... لك صح احمد قلي انو قتل اختو ..يعني جمال قاتل ... بس والله شكلو حباب وما بيقتل حدا .... معقول احمد فهمانو غلط ... لك اي انا لازم دورعلى دليل براءة لجمال مشان احمد ما ينتقم منو ولا كون انا السبب ... اي والله فكرة ... وساعتها بقدر حبو لجمال بدون تأنيب ضمير ... هلأ بلشت افهم ... طيب واحمد بركي طلب مني معلومات ...اي رح حاول اتهرب او اعطيه معلومات غلط ... لك دخيل ذكائك يا ايوش
فات الاذن ومعو القهوة
اية : لحظة ... عطيني القهوة انا بدخلا
اخدت منو القهوة وظبطت شعراتا وفاتت
اية : انا جبتلك القهوة اذا ماعندك مانع
جمال : اكيد ما عندي مانع .. شكرا
اية : صحة وهنا
اخدت الصينة ومشت لعند الباب
جمال : اية
اية :: اي استاذ في شي
جمال : تعالي اقعدي مقبالي شوي
اية من دون استوعاب : مافهمت
جمال : قصدي اقعدي معي شوي خلينا نتسلى
اية : اي
قعدت قبالووابتسمت
جمال : بتعرفي انو ابتسامتك حلوة
اية : تسلم .. خجلتني
جمال : لا لاتخجلي هي الحقيقة
اية : شكرا
جمال : اية بدي اسألك انتي مرتبطة شي
اية فرحت كتير من هالسؤال : وجاوبت لا .. بس ليش عم تسأل
جمال : ولا شي سؤال عادي
اية : طيب انا اذا فيني روح على مكتبي
جمال : اوك ...
...................
بعد اسبوع
اية علاقتا متحسنة مع جمال .. وميس واحمد علاقتون عادية يعني سلام وبس
................
اية المسا سهرانة مع لمى عم يتفرجو على فيلم .. صار تلفون اية يرن
لمى : مين
اية : هاد احمد
لمى : اي ردي
اية : الو
احمد : كيفك اية
اية : الحمد لله
احمد : كيف علاقتك مع جمال
اية : منيحة كتير
احمد: كتير منيح .. من بكرا بدو يبشل شغلنا
اية : شو المطلوب
احمد : بدي تصوريلي ايميلات الشركات يلي عم تراسل شركتون
اية : ماشي
احمد : اية انتبهي اوك
اية : اوك
لمى : شو قالك
اية : بدنا نبلش شغل
لمى: وشوبدك تعملي
اية : بدي اعرف شو القصة يلي بينو وبين جمال ... بدي لاقي دليل براءة جمال
لمى : اي هيك بكون احسن
اية : بكرا انا رح اسأل جمال لانو صرت قريبة منو كتير
لمى : لك صح شو اخر التطورات
اية : عم حبو .. اي عنجد عم حبو
لمى : وهو
اية ؛ متأكدة انو بحبني بس مابعرف ايمت بدو يعترفلي .. ولاتنسي شو قلي احمد انو كان عم يدور علي
لمى : كيف تصرفو معك
اية : كتير لطيف
لمى: بس ماتكون حاببتيه لانو معو مصاري
اية : اي هاد سبب من الاسباب
لمى : شو يعني طمعانة فيه
اية : لا مو هيك وانا ماني طماعة بس اي بنت بتتمنى هيك زلمة ويلي بقلك غير هيك كذاب .. وبعدين والله مليت من حيات الفقر .. بدي شوف حياتي
لمى : بس اذا المصاري السبب الرئيسي من بين اسبابك فأن بقول تراجعي حالك
اية : لا وليه .. بكفي انو بحبني هاد السبب الرئيسي
لمى : اي منيح
................
تاني يوم الصبح حملت القهوة وفاتت لعند جمال ع المكتب
اية : صباح الخير استاذ
جمال : اهلا صباح النور
اية : عزمت حالي على فنجان قهوة شو رائيك
جمال : اكيد تفضلي
قعدت وصارو يشربو قهوة
جمال : في بتمك حكي احكي
اية : استاذ ممكن سؤال
جمال : اسألي
اية : شوفي بينك وبين احمد
جمال : انتي شو عرفك
اية : بصراحة خبرت وانتو مشهورين والاعلام بيحكي عنكن .. وخبرت انو كنتو شركا وفصلتو الشراكة
جمال : انتي حابة تعرفي
اية : اذا ما عندك مانع .
جمال : طيب ماشي رح خبرك ... هاد ياستي احمد من حوالي ٣سنين كان برحلة وكان معو بالرحلة اختي سناء .. . وكانو عاملين سباق بالرحلة .. ودخل المسابقة احمد وشخص تاني ..
وهنن على المزمار فلتت ميزانية سيارة احمد وضربت بالسور كسرتو وكمل ع المشجعين ولسوء الحظ اختي اجت قدام السيارة وماتت
اية : ييي الله يرحما
انا من قهري على اختي صرت سب وعيط عليه وقلتلو رح احرقلك قلبك متل ماحرقتلي قلبي على اختي
اية : ايي
جمال : انا كنت مقهور وقتا بس لما هديت وسألت الناس قال انو معد قدر يتحكم بالسيارة وكمان تقرير السيارة بدل انها فقدت السيطرة ... ورحت اعتذرت من احمد وقلتلو انو يلي صار حادث وقضاء وقدر
وكمان لسوء الحظ مرة تانية : ماتت اختو لاحمد كان اسما مايا .."دمعو عيونو " ماتت قتل
لاحظت اية انو اتأثر بمايا اكتر من اختو بس ما حكت
اية : كيف يعني قتل
جمال : كان محطوط بسيارتها قنبلة
اية : الله يرحما
جمال : تعيشي
اية : استاذ انت كان في علاقة بتربطك بمايا لانو حسيت انك اتأثرت فيها اكتر من اختك
جمال : انا .. لا لا .. بس عم اتذكر هداك اليوم .. كان يوم كتير فظيع .. ولما خبرزنا ورحنا نشوف الحادث كان منظر مروع .. كانت شقف
جمال : ممكن تتركيني لحالي
اية : حاضر واسفة لانو زكرتك بالماضي
طلعت اية وجمال صار يبكي .. ومسك صورتها وصار يتأملا
جمال : ميوشتي اشتقتلك ... معقول وجود اية يعوضني .. لا محدا بعوضني عنك ياروحي
...................
طلعت اية وراحت ع الحمام ودقت لاحمد
احمد : اي اية شو صار معك
اية : اذا انت بدك تنتقم من جمال لانو قتل اختك .. فهو ماقتلا
احمد : انتي شو عرفك
اية : هو حكالي
احمد : شو حكالك بالظبط
حكتلو اية كلشي
احمد : بس هيك قلك
اية : اي بس هيك
احمد : طيب شو حكالك عن مايا بالظبط
اية : ولا شي بس كيف ماتت
احمد : انتي بتعرفي انو اختي كانت مخطوبة
اية : لا بس شودخل اذا مخطوبة او لأ
احمد: قصدي جمال ماجبلك هيك سيرة
اية : لا ابدا ..
احمد : اي ماشي .. خلص اليوم لاتجيبي شي معلومات بكرا بنحكي
اية : غيرت رأيك
احمد : اكيد لأ .
اية : طيب مين كان خطيبا لاختك
احمد: شخص مابتعرفيه
اية : يعني هلأ شو
احمد : بكرا بدي الصور يكونو عندي
اية : بس والله جمال مبين انو مظلوم
احمد :شكلك متعاطفة معو
اية بثقة : اي متعاطفى معو
احمد : ما عأساس ما رح يأثر عليكي
اية : واثر شو يعني
احمد : طيب مزال عم تقولي بريء جيبلي دليل يثبت برائتو
اية : بظن لو في دليل كان هو قدملك اياه
احمد: اي لكن لاتدخلي انفك بشغلات مابتخصك .. سلام . وسكر
اية : طيب لازم نجيب دليل براءة .. بس كيف .. هلأ دليل براءة صعب .. لازم اعرف مين الو مصلحة ليقتلا. .. بس انا كل مايا مابعرفا كيف بدي اعرف مين الو مصلحة يقتلا .. معقول جمال عنجد هو يلي قاتلا
لا لا جمال مبين انو مانو مجرم ... طيب انو شو لازم اعمل اوووف ياربي ...نفذ يلي طلبو احمد ولا ما نفذو ..بس احمد والله مابينلعب معو .. خلص خليها لبكرى بركي بيفرجا الله من هون لبكرا
رجعت على مكتبا .. طلع جمال من المكتب بدون مايلتف عليها
اية : استاذ ع وين
جمال : ما دخلك
انصدمت من الرد .. وماحكت ..
جمال : شبو ليش هيك حكاني .. في حدا بيحكي مع البنت يلي بحبا هيك ... معقول ما بحبني
..........................
راح جمال ع قبر مايا وقعد عند راسا وصار يحكي ويبكي
جمال : مايا والله اشتقتلك .. ليش تركتيني ... انا والله بحبك ومارح حب غيرك ... وعشان اية والله انا مابحبا بس بحبا لانها بتشبهك ما اكتر وكل مابشوفا بتذكرك .. ولما بتحكي بتخيلك انتي يلي عم تحكي .. عم حسها انها انتي بس والله ما بحبا ... سامحيني لانو عم خليها جنبي على طول .. بس والله لانو بتشبهك ما اكتر ... مايا بحبك
....................
خلص الدوام بشركة احمد وطلع
ميس : استاذ استاذ
وقف بسيارتو ونزل البلور
احمد : اي ميس في شي
ميس : ممكن توصلني معك
احمد : بصراحة مشغول كتير
ميس : اااه .. اي اسفة ع الازعاج
احمد : ميس سمعيني عنجد مستعجل بدي روح جيب بابا من المطار
ميس : خلص استاذ فهمت
تركتو ومشت
احمد : وبلا ماتصدقي
دور السيارة ومشي
ميس : انا بستاهل .. ما عأساس معد قرب منو .. ليش طلبتي منو يوصلك خرجك الله لا يقيمك ... خلص رح ضل بعيدة .. هيك افضل الي والو
.................
رجع جمال على شركتو
اية : استاذ وين كنت
جمال : وانتي شو دخلك لحتى عم تحاسبيني ع الطلعة والفوتة انتي هون مجرد سكرتيرة ... ولاتفكري اذا عم عاملك بلطف يعني بحقلك تتدخلي بحياتي ... هاد يلي ناقص .. شو رأيك تجي تعيشي حياتي
واقفة مصدومة وما عم تحكي
تركها وفات
حطت ايدا على تما واخدت شنتا وطلعت من الشركة وهو كان الدوام خالص .. طلعت وصارت تركض بالشارع
اية : اي صح انا شو بدي فيه...لا اكيد هاد مابحبني ... حاج عيش حالي بالوهم بحياتا ما صارت وشب غني تزوج وحدة فقيرة ...
واقفة بالطريق عم تبكي وناطرة تاكسي .. اجا قرب منها بسيارتو وقلا اركبي
اية : مابدي

يتبع ..........
 
الجزء_الرابع
جمال : اركبي

اية : مابدي

جمال : انا عم قول اركبي

اية : اسفة بس انت هلأ مانك مديري لانو طلعنا من الشركة لحتى تتحكم فيني وتعيط علي

جمال : اركبببي

اية : تاااكسي

وقفت تاكسي وراحت ركبت فيها وهو انقهر ومشي بسرعة

..........................

فات احمد ع البيت ومعو ابوه ..

قامت ام احمد وسلمت على جوزا

ام احمد : الحمد لله ع سلامتك حبيبي

ابو احمد : الله يسلمك ... اشتقتلك كتير يافردوس

فردوس : وانا كمان اشتقتلك كتير الله لايحرمني من هالطلة

احمد : بتحبو اتركن لحالكن حتى تخلصو غزل

ابو احمد : هههههه اضبضب ياولد

احمد : حاضر

ابو احمد : شو وينو ابي

احمد : وينو ماما

فردوس : بغرفتو

احمد : انا طالع اندهلو .. خدو راحتكن ههههههه

طلع احمد علىغرفة جدو

حاول يفتح الباب لقاه مقفول

جدو : مييين

احمد : جدو انا احمد .. بابا اجا

جدو : يلا نازل

نزل احمد واستغرب انو جدو ليش بضل قافل على حالو وشو بضل طول الوقت لحالو

فتح الباب وطلع بكامل اناقتو ومعو عكاز حاملا بأيدو .. هو ما بحاجتا بس مشان بيرستيجو بيحملا

نزل ع الدرج بكل ثقة وغرور..

جدو : كيفك يا توفيق

توفيق : الحمد لله بابا

قرب وبسلو ايدو

الجد عبد الرزاق : الله يرضا عليك والحمد لله عسلامتك

توفيق : الله يسلمك

عبد الرزاق: كيف كان مشوارك

توفيق : منيح كتير
عبد الرزاق : اي منيح كتير .. شو فردوس شو صار بالغدا
فردوس : حاضر عمي رايحة شوف

عبد الرزاق : اي روحي الله يرضى عليكي
راحت وهية عم تبربر وتقول : الله يخلصنا منك ياختيار الجن
.........................
المسا ببيت اية
اندق الباب وفتحت الباب اما لاية .. وكانت لمى
لمى : خالة شوفي ليش دقيتلي
ام اية : فوتي شوفيلي اية شبها من لما اجت من الشغل وهية عم تبكي
لمى : خلص لاتاكلي هم انا بشوفا
دقت عليها الباب لمى: انا لمى فتحيلي
فتحت الباب اية
ورجعت قعدت مكانا
لمى : شبك ليش عم تبكي
اية : لك اوقات بحسو بحبني واوقات بحسسني انو انا مجرد موظفة

لمى : مين هو
اية : جمال
لمى : ليش شبو جمال شو عمل معك
اية : اليوم قعدنا وحكينا ودردشنا مع بعض وانا كنت مبسوطة اني قريبة منو وعم يحكيلي يلي بقلبو بعد شوي بيطلع بقلو ع وين رايح بقلي مادخلك .. ولما رجع قلتلو وين كنت وانفتح علي وصار يبهدلني وقال انا مادخلني ولا اتدخل بحياتو ومن هالحكي

لمى : هو لمحلك شي انو بحبك
اية : لا بس نظراتو عم تحكي .. وكمان لاتنسيىشو قال احمد
لمى : شوبدنا باحمد هلأ انسي كلشي قالو ... جمال قلك بحبك
اية : لك قلتلك لأ ... بس نظراتو بتقول انو بحبني واهتمامو فيني
لمى : يعني ماقالا شفهيا
اية : صح
لمى : لكن مابحقلك تتدخلي بحياتو فهمتي .. ويمكن يكون متعاطف معك ما اكتر

اية : بس انا
لمى : انتي شو
اية : بلشت حبو واتعلق فيه
لمى : ماحلك تحبيه شو هالحب الفوجائي
اية : والله الحب مانو بحاجة وقت الحب بصير فجأة بالقلب بين يوم وليلة بتلاقي حالك اتعلقتي بشب وصرتي تفكري فيه على طول وتشتاقيلو
لمى : اي وشو ناوي تعملي
اية : انا حاليا كتير مقهورة

لمى : بعد القهر شو

اية : ولا شي خلص انا لازم حط شي براسي وامشي على اساسو انو جمال مابحبني

لمى : كتير منيح .. واحمد شو اخبارو

اية : طلب مني معلومات بكرا

لمى : وشوبدك تعملي

اية : رح جبلو اياهن

لمى : عم تحكي جد

اية : اي والله جد انا خلص لازم خلص شغلي بسرعة واطلع من دوامة احمد وجمال لانو هدول عنجد مابينلعب معون

لمى : وجمال خلص

اية : اي خلص انا وين وهو وين .. حتى لو حبني انا رح ارفض

لمى : شطورة

اية : بس خايفة اذا عنجد طلع بحبني واعترفلي بحبو اضعف قدامو وما اقدر اكذب

لمى:خلص انسي مابحبك

اية : انشالله. . انا بكفي معد بدي احلم نحنا يلي متلنا حتى الحلم كتير عليهن

............................

الصبح

عم يندق الباب عند ميس

قربت فتحت الباب وكان احمد

احمد : صباحو

ميس :اهلا استاذ صباح النور
احمد : الحلو بعدو زعلان
ميس : لا ليش لحتى ازعل مافي شي بزعل
احمد : والله مبارح كان ابي جاي من السفر ومافي معي مجال اتأخر ولادقيقة
ميس : استاذ لاتبرر .. حتى لو مارحت تجيب ابوك انت حر تركب مين مابدك بسيارتك .. وانا اسفة لانو طلبت منك توصلني

احمد: ميس ما اتفقنا نكون اصدقاء شبك لاتنحي هلأ

ميس : قصدك زملاء
احمد :طيب شو رأيك يا زميلتي وصلك بطريقي ع الشغل .

ميس : لا بعتذر .. دقيت لمكتب التاكسي والتاكسي ناطرتني برا

طلعت وسكرت الباب ونزلت ع الدرج

لحقا احمد ومسكا من ايدا
احمد : ليش هيك عم تعملي
ميس : استاذ انا مابدي اتقرب منك خلص خلي كل واحد بحياتو وبعالمو الخاص .
احمد : شو يعني
ميس : انا بدي يكون في مسافة بيني وبينك ..انا بدي كون متلي متل اي موظف عندك بالشركة ما اكتر
احمد : كمان ما عم افهم
ميس : يعني مابدي اي علاقة تربطنا ببعض لا زملاء ولا اصدقاء ولا . وسكتت

احمد : ولا شو كملت
ميس : بس هدول
احمد : ولا حب قصدك ماهيك

ميس : لا ماهيك

احمد : طيب بركي انا انعجبت فيكي وبدي كمل حياتي معك

ميس : عم تقول بركي .. وانا هاي البركي مابدي اياها تصير

احمد : كل هاد لانو مبارح مافعلت ركبك معي

ميس : لا ماهيك ... بس انا فكرت كتير منيح انو مين انا ومين انتي .. يعني مستحيل انت يكون عندك صديقة متلي ولا حتى زميلة ... فهمت علي

تركتو ومشت رجع لحقا ووقف قداما

احمد : ليش انتي شو ناقصك

ميس : ناقصني كتير .. بعد عن طريقي

احمد : انتي اكتر انسانة كاملة شفتا بحياتي

ميس : بنظرك

احمد : اي بنظري ومابهمني نظرات غيري

ميس : بس انا عندي ماضي

احمد : ماضي شو

ميس : ماضي مابشرف

احمد : مابهمني الماضي

ميس : لولا الماضي ما اجا الحاضر

احمد : ليش عم تحكي بالالغاز

ميس : خلص بعد عن طريقي انا اتأخرت

احمد :ميس

ميس : استاذ احمد انت قلت بركي انعجبت فيكي وقررت كمل حياتي معك صح

احمد : صح

ميس : يعني لسه لا انعجبت فيني ولا حبيتني ... مشان هيك خلي مسافة بينتا وما نخلي مجال للبركي ... وهلأ لو سمحت بعدلي لانو اتأخرت كتير
تركتو واقف ومشت

......................
فات جمال ع المكتب وهو معصب من تصرف اية مبارح معو

جمال بدون مايصبح : كيف بتتركيني وبتروحي مبارح وانا عم قلك تعالي اركبي معي

اية : اولا صباح الخير وثانيا الملفات جاهزة ع مكتبك وياريت تخلصون بسرعة لانو عندك اجتماع بعد ساعة

جمال : مين مفكرة حالك لحتى عم تتجاهليني

اية : مانا مفكرة حالي شي .. انا مجرد سكرتيرة بديلة لتجي الاصلية ... وما الي صلاحية اخد واعطي معك بالكلام

جمال : انتي عرفانة حالك مع مين عم تحكي

اية: اي بعرف مع جمال بيك

جمال انقهر بزيادة: بتعرفي شو ممكن اعمل معك على قلة ادبك

اية : اي ممكن تطردني

جمال : اعتبري حالك مطرودة لكن

اية فرحت وانقهرت بنفس الوقت وقالت : شكرا كتير

وقفت حملت شنتايتا وهمت للتطلع

جمال حس عحالو انو معد يشوفا

جمال : رجعي ع مكانك واذا بتطلعي رجليكي بدي اكسرون

اية : يعني شو وقف بنص الغرفة .. استاذ جمال اعتمد على قرار انقلع من هون ولا فوت ع مكتبي

جمال : من ايمت صاير لسانك فالت .. على حد علمي انك بنت بسيطة وبرئية

اية : وعلى حد علمي انت كمان شخص محترم وحباب بس فجاة بتهب متل العاصفة بوجهي .. وكل واحد الو طباعو ... وهلا شو بتأمر يا جمال بيك

جمال : رجعي ع مكتبك واطلبلي قهوة

اية : حاضر

تركها وفات

اية : اوووف ع لحظة كنت صرت برات هاد المكتب وخلصت من كلشي وكنت حاولت انساه .. اووف .. اوووف

بعد شوي جمال طلب اية

اية : اي استاذ شوفي

جمال : اقعدي

اية : انا سكرتيرة ومابحقلي اقعد هون

جمال بصوت عالي: قلت اقعدي

اية قربت منو وقعدت

جمال : انا مبارح كنت معصب شوي وانت طلعتي بوجهي

اية : استاذ انا ما طلبت منك تبرير وهي حياتك وانت حر فيها

جمال بقلبو : ليش عم بررلا

اية : في شي غيرو

جمال : بدي ترجعي متل اول

اية : كيف يعني متل اول

جمال : متل مبارح وكنا قراب من بعض متل الرفقات

اية : انا اسفة بس وظيفتي هون بالمكتب سكرتيرة مو اكتر ومابدي كون صديقة حدا

جمال انقهر وحس النار طلعت من راسو بس ما اظهر هالشي

جمال: اوكي انتي حرة .. وهلأ حضري للاجتماع

اية :حاضر

تركتو وقامت وهو كان كتير مقهور ومابيعرف السبب بس ابتسم لما اتذكر كيف عاندتو وذكرتو بمايا

جمال: يا ربي شو عم يصير معقول في شبه لهل الدرجة

قام جمال على غرفة الاجتماع

بالاجتماع

اية قاعدة ع يمين جمال وعم تناولو الملفات واحد ورا التاني وهو عم يشرح

جمال :انا جبت بس الموظفين الموثوقين ... تواصلت معنا شركة بدنا نجبلا شحنة ادوية واجهزة طبية لمشفى خمس نجوم

اية اول مرة بتسمع انو في مشفى خمس نجوم وضحكت ع السكت .. وجمال شافا عم تضحك ..رما الورق يلي بأيدو واتطلع على اية

جمال : ممكن اعرف شو يلي عم يضحكك انسة اية

اية : بتلبك .. بصراحة ضحكت ع اسم المشفى خمس نجوم اول مرة بسمع هيك اسم

جمال : طبعا مانك سمعانة لانو يلي متلك بقضيها بمشافي الدولة

اية حست انو انكب عليها سطل مي مسقعة من هالجملة والموظفين صارو يضحكو ما على اية بس ضحكو ع الموقف .. وجمال حس انو جرحا

اية ما حكت وصارت تتطلع على الورق يلي قداما والدمعة وافقة بدا تنزل وعم تحبسا غصب عنها

جمال غير الموضوع وقال : مشان هيك بدنا نكون حريصين .. واهم شغلة مابدي هاي المعلومة تتسرب وتطلع من هون .. لانو صاحبا دافع عليها كتير لحتى توصل قبل وقتها .. وبتعرفو انتو انو النا منافس وجاسوس بالشركة

لما سمعت كلمت جاسوس عطت اهتماما للحديث

واحد من الموظفين : استاذ لا تشغل بالك وبوعدك انو نكشف الجاسوس ونسلمو الك

جمال : اي بدي تشتغلو بكل طاقتكن لتعرفوه ويلي بيعرفو الو جائرة مالية كبيرة

غصت اية صح هية ما سربت شي برات الشركة بس هية الجاسوسة الحالية

اية بقلبا : يا حظي المسخم

الموظف : استاذ اذا عرفناه شو ممكن تعملو

جمال بضحكة خبيثة كلا شر : حسابو رح يكون من النوع الخاص بس لانو فكر يخون

اية بعدا صافنة للورق يلي قداما .. وفكرا جمال انها مانها معون وانها مقهورة وحزينة بس بالعكس هية كان كل اهتماما بالحديث .. وكمان مانست الموقف يلي حطا فيه جمال

خلصو اجتماع وقامو كل واحد على مكتبو

وجمال واية كمان راحو

جمال : اية ما كان قصدي احرجك

اية : قصدك تجرحني

جمال : المهم انا بعتذر

اية : استاذ جمال ما لازم تعتذر .. انت بتحكي يلي بريحك

جمال بقلبو : ليش عم اعتذر .. بحياتي ما عملتا

تركها وفات ع مكتبو .. وهية تلفونا صار يرن وكان احمد

ردت

اية : اي استاذ

احمد : شو صار معك

اية : استاذ مابقدر والله مابقدر واذا بدك انا جاهزة للعقاب يلي بدك اياه بس ضميري مابيسمحلي

احمد : طيب ماشي

اية : شو يعني طيب ماشي

احمد : انو ماشي

اية : يعني مارح تعاقبني

احمد : هههه لا .. عيشي حياتك ايةانا معد اعترضلك

اية : شكرا .. شكرا .. كتير .. وايمت بدي ارجع ع الشغل

احمد : مارح ترجعي

اية : ليش

احمد : شو نسياني جمال انو مارح يتركك ..

اية: اي والله نسيت

احمد : مامشكلة .. بعرف ضغطت عليكي بس سامحيني

اية : لا لاتعتذر انا يلي لازم اعتذر

احمد : ولا يهمك يلا سلام

اية : الله معك ... لحظة استاذ

احمد : شو اية

اية : انا رح سددلك حق الارض من شغلي هون

احمد : هههه اية الله يسامحك مابدي منك شي .وسكر الخط

عمران : شوو

احمد : قال ضميرا ما طاوعا

عمران : ههههه اي وهلأ شو

احمد : مزال اية رفضت يعني عم تتقرب من جمال وهاد شي منيح كتير ويعني هلأ هو مشتت عقليا وقلبيا ...

عمران : شو الحل

احمد : رح نجيب المعلومات متل ما قلتلك وعن طريق اية بدون ما تعرف .. وبعدين رح نكشفا قدام جمال وهيك جمال بكون انجرح

عمران واحمد : ههههههههه

اندق الباب وكان ابوه لاحمد

احمد.: بابا نور المكتب يامية اهلا وسهلا

توفيق : كيفك بابا .. كيفك عمران
عمران : اهلا عمو نورت
احمد : تفضل بابا لمكاني
قعد توفيق ورا المكتب وقال : شو كيف الشغل
احمد : تمام غير شكل

توفيق : وجمال شو اخبارو

احمد : مابعرف ليش عم تسأل

توفيق : بعدك عم تحاول تدمرلو شغلو

احمد : اي بابا ..

توفيق : ليش ؟

احمد : بابا نسيت انو هو يلي قتل اختي

توفيق : جمال ما هو يلي قتل اختك وكمان لاتنسى انك انت قتلتلو اختو

احمد : مشان هيك انا ماخلصت عليه

توفيق : احمد بعد عن جمال .. جمال ماهو غريمنا

احمد : كيف يعني

توفيق : بدل محاربتك لجمال حط ايدك بأيدو ودورو ع القاتل الحقيقي

احمد : بابا انت مابتعرف شي

توفيق : احمددد

احمد : بالأذن

تركون وقام وهو عم يتوعد انو مارح يرحمو لجمال طلع لبرا .. ومسك التلفون واتصل الوو ... اسماع شو رح قلك

..........................

صار وقت البريك بشركة جمال وقامت اية وراحت تفطر معون

عمر : اية عنجد مانك سمعانة بمشفى خمس نجوم ههههههه

الكل : ههههههه

اية : ماضروري نعرف المشفيات الضروري انو ما نزورها

الكل سكت وقالو :معك حق

اخدت سندوية وكاسة شاي وقعدت علىجنب وصارت تاكل وهية صافنة ومقهورة

قرب منها عمر وقعد على طاولتا

عمر : انا اسفة انا كان قصدي انو نمزح ما قصدي اتمسخر

اية بالامبلاه : عادي مامشكلة

عمر : سامحتيني

اية : اي

عمر : شو رأيك اعزمك ع فنجان قهوة بعد الدوام

اية : لا

تركتو وراحت على مكتبا

فاتت عمكتبا لقت جمال واقف وكأنو ناطرا

جمال : وين كنتي

اية : بالبريك

جمال : اي هو انا طلبتك ومحدا رد

اية : خير في شي

جمال : لا مافي شي

قربت وقعدت ورا مكتبا وفتحت اللابتوب وصارت تشتغل فيه وتجاهلت وقوف جمال

هو تركها وفات ع مكتبو

مرق اليوم وكل واحد راح على بيتو وكل شخص كان بعالمو الخاص وشايل هموم الدنيا على راسو .. بس اية ارتاحت من ناحية انو احمد عفاها من هاي الشغلة .. بس مقهورة من تصرف جمال معا

..........................

تاني يوم التقى احمد وميس عباب الشركة .. واول ماشافا احمد حس قلبو صار بدق بسرعة ..واسرع بخطواتو لحتى وصل لعندا

احمد : صباح الخير

ميس : صباح النور

احمد : كيفك ميس

ميس : الحمد لله ..

تركتو مشت وهو ادايق انو ما عبرتو بس ماحكي وكمل ع مكتبو

....................

راحت اية ع المكتب وكانت الدنيا ضاجة وكأنو صاير مصيبة بالشركة .. مشت بين الكل كان عم يبربر ووصلت لمكتبا وسمعت صوت جمال طالع ومعو نجم

جمال : لك كيييف .. كيييف .. شووو يانجم شقد بدك لتكشفو

نجم : جمال اهدى والله ماعم نعرف مين عم يسرب هالمعلومات

جمال : خلص احمد دمرني

اية سمعت هيك حطيت ايدا على تما وشهقت

اية : ياترى شو صاير .. فوت ولا لأ

قربت بخوف دقت الباب

جمال : ميين

اية : انا .. انا استاذ

جمال : فوتي

فاتت وهو قام وقف على الشباك

اية : صباح الخير

نجم : صباح النور

اية : خير شوفي

جمال : وين حضرتك لهلأ

اية : اسفة استاذ بس عجقة الطرقات

التفت وقرب قعد على مكتبو مبين انو كتير مقهور

جمال : تركوني بحالي

نجم : حاضر استاذ

غمز اية وطلعو

اية : خير استاذ نجم شو صاير

نجم : احمد اخد صفقة الادوية من جمال

اية : كيف هيك

نجم : اكيد في حدا سربلو معلومات من الشركة عن هاي الصفقة وبكون طلب من الزبون مبلغ اقل

اية : اي وبدا كل هالتعصيب

نجم : هي ما اول مرة بيعملا احمد فينا .. بس هالمرةكانت قوية كتير

اية : ليش

نجم : صاحب شحنة الادوية طلع علينا سيط انو نحنا نصابين واكتر من شركة سحبت شغلا من عنا وسلمو الشغل لاحمد .. يعني بهل الحالة الشركة على وجه الافلاس

اية : شوووو

نجم : اي والله .. ليكي فوتي لعند جمال وخليكي جنبو

اية : اي ماشي

....................

جمال طابب ع المكتب وماسك راسو بين اديه

وعم يقول : يارب تعبت .. تعبت ... مابكفي يلي فيني بيجي احمد وبكملا معي .. اوووف خلص انا انتهيت

بس والله لاعرفو لهاد يلي عم يسرب المعلومات لاجعل الله ما خلقو ...

.....................

بشركة احمد

قاعد على كرسيه والضحكة على عرض وجهو

عمران : شو مبسوط

احمد : كتيرررر... هاي هية الضربة القاضية لجمال ..ههههه هلأ بتلاقيه عم يضرب راسو بالحيطان

عمران : بصراحة زعلان عليه

احمد : اي خراس ... هلأ خليه يدوق نتيجة اعمالو ولسه لما يكشف انو اية هية الجاسوسة ههههههه

......................

بمكتب اية قاعدة وخايفة مابتعرف ليش .. بس حزناني على جمال ..

اية : مالازم اتركو لحالو لازم كون جنبو .. خلص رح انسى كلشي هو هلأ بحاجتي ... وانا كمان

طلبت قهوة وقامت دخلتلو اياها

فاتت كان بعدو قاعد وطابب راسو

سكرت الباب وقربت منو

اية : استاذ جبتلك قهوة

رفع راسو بكل هدوء واتطلع فيها .. هية قربت حطت القهوة قدامو

هو حملا الفنجان ورماه ع الارض وانكسر

جمال بصوت عالي : انا ماطلبت ضراب السخن

دموعو عيونا .. ونزلت ع الارض لحتى تلم الازاز

هو انقهر من حالو ليش عيط عليها

جمال بقلبو : شو ذنبا بضل اتفشش فيها

قام لعندا ونزل وصار يلم معا الازاز

لقاها عم تبكي ع الصامت

اتطلع عليها لقاها عم تبكي ..رما الازاز من ايدو ومسكلا اديها ووقفا .. هية تفاجئت من تصرفو

جمال : ليش عم تبكي

اية نزلت وجها : لا مافي شي

حط ايدو تحت دقنا ورفعلا وجها .. واتطلع بعيونا وسرح فيهن وهنن حزنانين نفس عيون مايا لما كانو يتزاعلو ويشوفا عم تبكي .. مسحلا دموعا .. وهية بمجرد وصول ايدو علىخدا حست برعشة بجسما

جمال : خلص لا تبكي انا اسف .. وبصراحة انا ماعتذرت بحياتي لغيرك .. خلص

اية شو تمنت تقولو بهل اللحظة بحبك .. بس ما طلعت معا

سحبا من ايدا وقعدو على الكنبة وهو قعد جنبا

جمال : اية هالفترة عم اتعرض لضغوطات كتير وعطول ع تطلع فشة الخلق براسك ..

اية : خلص ولا يهمك انا اصلا ماني زعلانة منك

نزلت نظرا وصارت تمسح دموعا وهو ضل عم يتطلع عليها

جمال بقلبو معقول الله بعتلي اياكي مشان يعوضني ...

اية بخجل : استاذ ليش عم تتطلع علي هيك

جمال لاحظ انو عم يتطلع عليها كتير

بعد نظرو عنا وقام من جنبا

جمال : فيكي تروحي على شغلك

..........................

بشركة احمد

فاتت السكرتيرة لعند احمد

السكرتيرة : استاذ في مشكلة برا

احمد : مشكلة شو

السكرتيرة : بتخص الموظفة الجديدة

قام فورا لما عرف انو الموضوع بخص ميس

طلع ولقا العالم مجتمعة عند مكتب ميس وفي صوت شب طالع من جوا

فتح طريق وفات لقى شب عم يعيط على ميس ويقول : انت وحدة واطية حقيرة ... هلأ بدك ترجعي كل فرنك صرفتو عليكي يا خاينة

ميس : تفضل طلاع لبرا وحاج تتبلاني

احمد : شو عم يصير هون

ميس صارت تبكي

احمد ما استحمل دموع ميس .. بس ماعمل شي طلع لبرا وصرف الموظفين وسكر الباب

احمد : هلأ مافي حدا غيرنا .. انت يا استاذ تفضل اقعد

الشب : ومين حضرتك .. شي شب جديد عم تضحك عليه هي الخانم

احمد : بتخرس وبتحترم حالك واعرف حالك مع مين عم تحكي ... انا مدير الشركة هون تفضل احكي شو عندك

الشب : خلي ميس خانم تحكي من تم الكحلة احلا

اتطلع احمد على ميس بدو استفسار

ميس عم تبكي
احمد : بلا البكي هلأ بدي تقوليلي شوفي ومين حضرتو
ميس ماعرفت شو تقول لاحمد

احمد : خلصوني واحد يحكي

الشب : انا بقلك الانسة ميس دخلت فجأة على حياتي وبلشنا عاساس قصة حب وبلشت الانسة طلبات وماتخلص وانا ماكنت قصر وبالاخير بتختفى هيك فجاة بلاقي ميس بح .. طلعت عاملة لعبة ع الشباب بتاخد مصاريهن وطبعا بتستغل جمالا

اتطلع احمد علىميس وهية كانت عم تبكي وتهز راسا بالنفي

احمد : شو ياميس

ميس : والله هاد واحد كذاب .. كان بدو يستغلني وهو كان عطول يجبلي هدايا وانا ارفضن وهو يرفض انو رجعون بالاخير طلب مني انو ينام معي مشان هيك انا هربت وتركتو وماكان معي ردلو المصاري يلي صرفها علي

الشب : انتي وحدة كذاابي .. عم تفتري علي

ميس : لا ماني كذابي

احمد هجم عليه وصار يضربو

احمد: ياحقير فوق ماكنت بدك تستغلا جاي تشوه سمعتا

الشب دفش احمد عنو وقال انا ماني عم افترى على حدا .. لك هي وحدة كذابة لاتصدقا

احمد : خراس مابدي اسمع ولا كلمة .. قلي شقد بدك .. شقد صرفت عليها

الشب نفض تيابو وقال : انا مابدي شي .. خلص وصلني حقي .. بس الله لايحرمك هالتجربة هههه

تركون وطلع

ميس عم تبكي : والله كذاب .. والله .. لانو لقى مين يدافع عني معد استرجى يحكي

قرب احمد لعندا وصار يطبطب ع كتفا

احمد : خلص اهدي يتجرأ حدا ويقرب منك والله لعدمو حياتو

وقفت وضمتو لاحمد وقالت : شكرا كتير

احمد تفاجئ لما ضمتو وهو كمان حاوطها بأديه

بعدين هية حست على حالا واجت تبعد عنو

ميس : اسفة ما انتبهت الا وانا عم ضمك

احمد : بتعرفي احلا شي بتعمليه عنجد حسيت روحي هية يلي ضمتك

ميس : استاذ مافهمت

احمد : ميس هلأ لما كان هاد الشب يحكيكي هيك وحاول يشوه سمعتك كنت حاسس بغيرة كبيرة جواتي وكنت عم اتحكم باعصابي ما خلص عليه .. ميس انا بحبك

ميس بصدمة : شووو

احمد : اي ميس انا بحبك

ميس : بسس

احمد : مافي اي مجال للبس بدك تحبيني يعني بدك تحبيني

سحبا وضما على صدرو

.............................

بشركة جمال

اية قاعدة وسارحة بخيالا فاتت صبية طويلة شعرا طويل عاملتو زيل حصان لابسة كنزة وتنورة قصيرة .. وقفت قدام اية وقالت : استاذ جمال موجود

اية صارت تتطلع عليها من تحت لفوق ..

اية : اي موجود مين قلو

شلحت النضارات واجت بدا تحكي بس انصدمت بأية ومعد حكت ولا كلمة

اية : يا انسة مين قلو

الصبية : انتي مين

اية : ما فهمت شو انا مين

الصبية : عم اسألك انتي مين

اية : انا السكرتيرة الجديدة اسمي اية

الصبية متفاجئة

اية : انسة في شي

الصبية ابتسمت وقالت لا مافي شي .. بس قوليلي جمال هون

اية : اي هون بس مين قلو

الصبية : مافي داعي ..

تركتا ومشت لعند المكتب

اية : يا انسة هيك مابصير ...

ما ردت عليها وفتحت الباب

جمال اتطلع وقام فورا وقال :شهد

اية : استاذ ما ردت علي

جمال : مامشكلة اية روحي انتي

جمال : شهودة حبيبة قلبي

شهد : جماااال

ضمو بعض بقوة .. واية واقفة وعم تتفرج ونار الغيرة شاعلة فيها

خلصو عناق وجمال شاف اية واقفة ومبين عليها القهر

جمال : اية بدك شي

اية : لا ابدا بس عم شوف شوبدكن تشربو

جمال : لا روحي اذا بدنا شي ببعتلك

جمال : اااخ ياشهد والله جيتي بوقتك

طلعت اية وهية مقهورة كتير وعم تبربر

..................

قعد جمال وشهد جنب بعضون .. وصارو يحكو

جمال : لك كيفك شو اخبارك وين غاطة ..

شهد : شتقتلك كتيييير كتيررر الك ولاحمد .. بس خبرت شو عم يعمل معك مشان هيك قررت اجي لعندك بالاول

جمال : اووووف على احمد ... احمد عم يدمرني

شهد : موضوع احمد لاحقين عليه .. هي الصبية مين

ابتسم جمال وقال : حلوة ما هيك

شهد : ما قصة حلوة هي نسخة من مايا

جمال : مشان هيك وظفتا عندي

شهد : شو يعني عم تحبا

جمال بسرعة : لا طبعا ...

شهد : لكن شو

جمال : جبتا مشان اتذكر مايا على طول

شهد : جمال انت بدك وحدة تنسيك مايا مو تذكرك فيها

جمال : يعني دارسة كم كتاب عن علم النفس جاي اتطبقيهن علي

شهد : اولا انا معي ماجستير بعلم النفس وثانيا يا استاذ انا عم احكي الصح. .. ولا ما بتتذكر كيف اقدرت طالعك من العزلة يلي كنت فيها بعد ما ماتت مايا

جمال : هلأ شوبدك

شهد : انت شوبدك ... او شوبدك من هي البنت حصرا

جمال : مابعرف

شهد : لكن انا بقول خليها تروح من هون

جمال : لا اية مابتروح من قدام عيوني

شهد : يعني بتحبا

جمال: لا انا بحب شكلا لانو بتشبه مايا وبدي خليها جنبي على طول

شهد : ههههههه

جمال : ليش عم تضحكي

شهد : لانك حبيتا ويمكن السبب هو الشبه بس حبيتا

جمال : لا انا بحب مايا

شهد : طلاع من هالهاجس يلي عايش فيه ... مايا ماتت وهي اية .. وانت قلبك عم يدق لاية يعني بتحبا .. ومايا اكيد مارح تزعل منك وهية ميتة

جمال :شهد غيري السيرة

شهد : امرك..قلي شو المستجدات بينك وبين احمد بعد ما سافرت
يتبع ........
 
الجزء_الخامس

قاعدة اية وعم تهز برجلا من قهرا وفي بأيدا قلم من كتر ما ضغطت عليه انكسر نصين
انفتح الباب وطلعت شهد من عند جمال
شهد : بدك شي ياحلوة
اية تصرفت بطبيعية : لا شكرا
طلعت شهد واية كانت النار شاعالة جواتا وكان جاي عبالا تقوم تفوت لعند جمال وتسألو .. بس فكرت بصفتا شو بدا تسألو
ضلت قاعدة مكانا والنار شاعلة جواتا
اتطلعت على الساعة ولقت صار وقت بريك الغدا
قامت وراحت على بريك الغدا اخدت سندويشة وراحت قعدت على جنب وصارت تاكلا وهية صافنة
اجا عمر وقعد جنبا
عمر : اية بعدك زعلانة مني
اية : زعلانة ؟؟ ليش بدي ازعل
عمر : مشان مبارح
اية : ااااه ... لا ماني زعلانة نسيت
عمر : هاد من اخلاقك العالية
اية : شكرا
عمر : اية ممكن اخد رقمك ونصير نتواصل انا واياكي
اية : بمناسبة شو
عمر : اصدقاء واطمن عليكي وتطمني علي .. طبعا اذا ماعندك مانع
اية : لا ابدا ماعندي مانع
عمر : طيب عطيني رقمك
اية : ههه والله ماني حافظتو .. عطيني رقمك انت
طلعت تلفونا مشان عمر يسجلا الرقم
عمر : عنك
اخد التلفون منها وسجلا الرقم .. وعمل مسكول منو لرقمو
وبهل اللحظة فات جمالة.. ولما شاف المسافة الصغيرة بين اية وعمر جن جنونو
جمال : اية تعالي ع المكتب ضروري. وطلع
عمر : شكلو معصب .. يلا استحمليه يلي مر فيه مانو قليل
قامت اية وهية عم تبرم بوزا يمين وشمال فاتت ع المكتب لقتو واقف بنص المكتب وناطرا
اية : خير استاذ في شي
جمال وهو حاطط اديه بجيابو قال : سكري الباب
رجعت خطوتين لورا سكرت الباب ورجعت وقفت مكانا
مد ايدو وقال تلفونك
اية : تلفوني ؟؟ شوبدك بتلفوني
جمال : تلفووونك
هية خافت يكشف رقم احمد عندا
اية : شوبدك بتلفوني
جمال : عم قلك تلفونك
اية : فيه خصوصيات ومابعطيه لمين ما كان
جمال : لكن هلأ بتفتحي ع السجل وبتمسحي رقم عمر من عندك
اية : عمر !!؟.. ليش
جمال : هيييك .. هية الشركة مشان تعيشي من وراها ما مشان تحبي وتتمعشقي
اية : انااااا
جمال : اي حضرتك .. وهاتي التلفون لهون
اية : حتى لو بدي حب انت شو دخلك هي مشاعري وانا حرة فيها
جمال : لا مانك حرة
اية : ليش
جمال بصوت عالي : هيييك
اية بصوت عالي كمان : كيف يعني هيك .. انت شو دخلك فيني او بمشاعري
جمال كمان وصوتو عالي : مشاعرك من حقي الي عم تفهمي
اية : شوووو
جمال بصوت عالي : اي انا بحبك.. انتي الي .. انتي الي وبس
وقفت مكانا مصدومة ماعم تحكي
جمال انتبه على حالو شو حكي .. بس خلص حكي ومابدو يتراجع
اية : بتحبني الي
جمال اتطلع عليها كمايا مو ك اية اصلا هو هيك بشوفا وقال : اي بحبك الك بحبك لحد الجنون
دموعو عيونا من الفرحة
اية : من ايمت
جمال : من زمان... من زمان كتييير ...
اية : جمال وانا كمان بحبك
جمال ما صدق انو قالتلا بهل السرعة .. وبسرعة قرب منها وضما بقوة وكانو رح يكسرلا اضلاعا .. بدو يفوتا ويحطا جنب قلبو ... غمض عيونو وقال .. بحبك بحبك وبقلبو يامايا
بعد عناق طويل بعدو عن بعض وقال : يلا عطيني هاتفك
اية : خلص انا بمسحو
جمال : اليوم احلا يوم بحياتي صح في مصيبة كبيرة فوق راسي بس كل هاد نسيتو بعد ماضميتك وشميت ريحتك
اية : استاذ جم...
قاطعها جمال وقال : قولي جمال حاف او حبيبي
ابتسمت ابتسامة خفيفة ممزوجة بالخجل وقالت : حاضر
جمال : اي قوليلي شو كنتي بدك تقولي
اية : مين هي يلي كانت عندك
جمال : غرتي منها
اية : بصراحة شوي
جمال : هي رفيقتي من الطفولة
اية : اي
جمال : يلا ايوشتي .. انا حاسس كتير مبسوط وكمان صار كلشي فجأة .. قومي بدي اعزمك ع الغدا ونتعرف على بعض اكتر
اية بخجل : انا جاهزة
.....................
بمطعم قاعد احمد مع ميس وميس كانت كتير خلانة ومتلبكة
احمد : شبك ميوس
ميس : احمد انت استعجلت
احمد : بشو
ميس : انا لازم اعترفلك بكلشي
احمد : تعترفي .. شوو
ميس : انت للازم تعرف ماضيي
احمد : ميس حاج تعيدي السيرة ماضيكي وعرفتو وانا ما عندي مشكلة ابدا انو ارتبط فيكي وهي الافكار شيلها من راسك
....................
بسيارة جمال
اية عم تفكر معقول تسرعت لانو اعترفتلو بحبي
اية بقلبا : كان ما لازم استعجل هلأ يمكن انا بنظرو خفيفة لانو وافقت دغري ..
اما جمال بقرر بكل انانية انو يكمل مع اية لانو بتشبه مايا ما اكتر وهية الو وبس
اتطلع عليها كانت صافنة
جمال : اية وين شاردة
اية : استاذ جمال
جمال : استاذ ؟؟ ما اتفقنا بلاها
اية : اسفة .. المهم انا حاسة حالي استعجلت
جمال : بشو استعجلتي
اية : لانو اعترفتلك بحبي
جمال : انتي مابتحبيني
اية : مبلى .. بس
جمال : بس شو
اية : في شغلات لازم نحسبا بالعقل والقلب لحالو مابكفي
جمال : اية ماني عم افهم عليكي
اية : بدي منك تنسى انك اسمعت مني كلمة بحبك وتعطيني فترة اسبوع فكر
جمال:اية انا ماصدقت انك طلعتي بتبادليني نفس المشاعر
اية: انا اسفة بس هي المدة من حقي ما هيك
جمال : اكيد وانا مارح اجبرك على شي
اية : لكن انا بعد اسبوع برد عليك خبر .. وكمان بدي فكر بكل هدوء بدي اخد اجازة
جمال : اجازة ممنوع .. لانو انا مابستحمل انو ماشوفك
اية : بترجاك انا بحاجة هالاجازة وكمان يمكن يكون جوابي بالرفض
جمال : طيب ماشي... بس مابسمحلك ترفضي
اية : مابعرف بفكر
جمال : اوكي ... بس مابدك تنزلي نتغدى
اية : لا خليها لغير مرة
جمال : لا انزلي وصلنا لقدام المطعم
اية : طيب ماشي
نزلت معو وكان في جواتا شعور بين خوف وفرح
وصلو لقلب المطعم وجمال عم يدور بعيونو على طاولة شاف احمد وميس.. وانقهر كتير
اية : شوفي استاذ
جمال : ...
اتطلعت محل ماعم يتطلع .. وشافت احمد .. واحمد كمان شافون وابتسم ابتسامة نصر لجمال
اية : خلص بلا مانقعد هون خلينا نروح انا اصلا ماني جوعانة
جمال : يلا تعالي
اتطلعت اية على احمد وميس .. بس حست انو شايفة ميس قبل هلأ ..
وطلعو ووصل جمال اية على بيتا
.....................
المسا قاعدة اية ولمى على السطح عم يشربو كابتشينو وياكلو بزر
اية : صدقيني يا لمى حسيت حالي كتير رخيصة لما اعترفتلو بحبي
لمى : بس انتي ما غلطتي حكيتي مشاعرك
اية : مابعرف بس هو يمكن حس انو استغليت الفرصة
لمى : اذا بحبك ومابفكر هيك
اية : وبعدين فكري فيها منيح انا وين وهو وين .. وبكرا بيطلعنا مية عائق بوجهنا لسه اهلو مابعرف شو رايون فيني .. هي اذا كان ناوي يتزوجني من اصلو
لمى : معقول ؟؟
اية : اي يلي متلون بحبو وبيعملو علاقات شهر زمان وبعدين بدورو على غيرا
لمى: اي والله معك حق .. طيب خبري احمد
اية : لا مابدي واحمد ما دخلو بمشاعري ... لك اليوم شفت احمد وقاعد مع وحدة وحسيت وجها مألوف عندي
لمى : كيف يعني
اية : مابعرف بس اكيد رح اتذكرا
لمى : المهم جمال شوبدك تقوليلو
اية : لك واضحة وضوح الشمس مانا ظابطين لبعض
لمى : وحبك لالو
اية : هههه اخد قرار ادعس عقلبي الي انكسر وكفي الطريق ههههههههه
لمى : ههههن الله يساعدنا على جنانك
تلفون اية عم يرن
لمى : مين
اية : رقم .. وعلى ما اظن هاد عمر
لمى : ومين عمر
اية: زميل بالشغل
لمى : وبدك تردي
اية : مابدي خجلو رح رد
ردت اية وسلمو علىبعض وقلا انو حابب يتطمن عليها وسكر
..............
بعد اسبوع
قاعدة اية عم تفطر مع اهلا وشاردة
اما : شو حبيبتي شبك وين صافنة
اية : ولاشي ماما .. بس يمكن اليوم اخر يوم الي بالشغل
ابوها : ليش بابا
اية : الشركة على وجه الافلاس ويمكن يخففو عدد من الموظفين
ابوها : خلص لاتزعلي .. بعوض الله
اية : اي والله بعوض الله
قامت اية وراحت على شغلا .
..................
بشركة احمد
فايت من باب الشركة .. وصل لجنب مكتب ميس ولقاها بعدا واصلة وعم تعلق جاكيتها
فات وسكر الباب هية التفتت وابتسمت
ميس : صباحو حبيبي
احمد : ياصباح العسل والسكر والاشطة
قرب منهاوحاوطا بأديه من خواصرا واتطلع بعيونا وصفن فيها وبجمالا.. هبت نسمة هوا من الشباك وطيرت خصلت شعر واجت على عيونا
رفع ايدو وشالا وقال : عيونك ماحلو يجي عليهن اي عائق ويدايقون ..
ميس وجها احمر من الخجل ومن نظراتو
احمد : ولا خدودك لما بصيرو حمر بتحسيهن تفاحتين وبيجي عبالي اكلهن
ميس كانو هاد غزل تقيل عيارو
احمد : اااااه لو بتعرفي قلبي شو عم يقول او لوفيني اوصفلك احساسي لما بكون قريب منك
ميس : الله لايحرمني منك
احمد : يا الله ما اجمل هالدعوة ..
قرب وهو عم بتطلع بعيونا وانفاسون السخنة يلي صارت قريبة كتير من بعضا ..
وهو قريب من شفافا قال بصوت واطي : بحببببك
وباسها .............
بعد عنها وهية كانت كتير متلبكة وراحت فورا قعدت ورا مكتبا وفتحت الملفات يلي قداما
احمد : ههه يسلملي الخجول ... جهزي حالك ع الغدا ماشي ياحب
هزت راسا وهية عيونا بالملفات وما اتطلعت عليه لانو خافت يبين خجلا
طلع وهو مبتسم
وهية طبت على المكتب كانت فرحانة كتير
قامت وصارت تدور بقلب الغرفة
ميس : بحبو .. بحبو
طلعت من شنتايتا مراي وصارت تتطلع على وجها الاحمر .. وتتطلع على تما وصارت تلمس محل ما باسها
....................
بمكتب احمد قاعد وهو سارح فات لعندو عمران
عمران : احمد ... احمد .. احمدددد
احمد : وجع .. شوبدك
عمران : وين شارد
احمد : وانت شو دخلك
عمران : المهم .. اية اليوم راحت ع الشركة
احمد : وما عرفت ليش كانت معطلة
عمران : لا
احمد : معقول جمال يكون عاملا شي
عمران : متل شو
احمد : انو مثلا نام معا .. وهية اتأثرت بهل الشي
عمران : لا جمال مابيعمل هيك
احمد : يلي بيقتل بيعمل كلشي
عمران : لا مابظن لانو عمر عم يحكي معا وقال انو كانت طبيعية
احمد : مين عمر
عمران. : الجاسوس يلي حاطيتون
احمد : اييي .. اي خليه يتقرب منيح منها ويعرف شو اوضاعا
عمران : بس ليش عم تسأل عن اية
احمد : بدي اعرف شو اخبارا هية وجمال
عمران : طيب احكي معا انت
احمد : رح احكي ونتقابل
عمران : بس كانو هية معد حكت معك
احمد : ماضل شي تحكيه ... او يمكن معد بدا تكون الها معي اي صلة ... انا هلأ رح احكي معا
.......................
عباب شركة جمال تلفون اية عم يرن
اية : الو اهلين استاذ احمد ... اليوم صعب .. خلص انا بشوف الوقت المناسب وبنحكي .. اي سلام
فاتت ع الشركة وسلمت ع الموظفين وفاتت على مكتبا
طلعت ورقة من الدرج وكتبت عليها طلب استقالة وفاتت لعند جمال
جمال اول ماشافا فرح كتير وقام وقف
جمال : نورت الشركة
اية : منورا بصحابا
جمال : تعالي اقعدي هون
قربت وقعدت على الكنبة وهو اجا وقعد مقبالا
جمال : انا ناطر على احمر من الجمر صرلي اسبوع ... يلا فرحيني وخبريني الخبر الحلو
اية : للأسف مانو حلو ... استاذ نحنا ماظابطين لبعض
جمال : شويعني ... اية انتي بتحبيني
اية : الحب ماكلشي وانا عندي كتير التزامات بحياتي وصعب نكمل مع بعض
جمال : كلو بنعملو سوا .. اية اذا مفكرتيني بدي اتسلى فإنتي كتير غلاطنة .. انتي قولي موافقة وانا اليوم قبل بكرا بنتزوج
اية : اسفة ..
حطت الورقة ع الطاولة وقامت
فتح الورقة .. لما شافا الاستقالة خطر ع بالو انو معد يشوفو وخطر ع بالو مايا انو فقدا .. ومابدو يفقد اية
قام وراها فورا ومسكا من معصما ووقفا
جمال : وقفي مافي روحة
اية : شوفي
جمال : انا بحبك ورح اتزوجك شأتي ام ابيتي .. انتي رح تكوني الي
اية : شو يعني بالغصب
جمال : اي بالغصب
اية فرحت كتير من تصرفو لانو حست انو في حدا بدو اياها ومتمسك فيها .. بس مابدا تتراجع
اية : مافي شي غصب
جمال : مانك قدي فلا تتدحديني
سحبا ولزقها بالحيط حاصرها بأديه وصار يتطلع بعيونا
اية : استاذ لو سمحت بعد عني انت عم تخوفني
جمال : انا ماني استاذ انا حبيبك جمال
رفع ايدو وصار يبعدلا شعرا عند خدودا ويحطون وراد ادانا ..
اية : ممكن تبعد عني
اية قلبا صار قلبا يدق بسرعة مليون من قرب جمال منها من خجلها وخوفا بنفس الوقت
جمال : قولي انك بتحبيني ورح تكملي معي
اية : ممكن تبعد عني لانو بدي اخد نفس
جمال : اية احكي .. اذا ماقلتيها مافي تروحي
اية غمضت عيونا وقالت : بحبك .. بحبك والله بحبك
حست بشي سخن طبق على شفافا .. فتحت عيونا لقت جمال عم يبوسا دفشتو عنها بقوة
اية : انت شو عم تعمل
جمال : بحبببك
اية : وانا كمان بحبك
جمال : بتعرفي لو كان بدك تتركيني انا ممكن اقتلك ولا خليكي تروحي لغيري عم تفهمي
اية : حاضر
جمال : يقبرني المطيع
فتح اديه .. وهية ركضت لعندو وضمتو
حست بأمان كبير .. وجمال معد فكر مين يلي بحضنو بس يلي شاغل بالو وقلبو انو بحب هي الانسانة وبدو اياها تضل حدو .. بس تفكير انو حبا لانا شبه مايا بعدو مسيطر عليه والله اعلم ايمت بدو يخلص من هالهاجس
جمال : عفكرة شفافك كتير طبيين
ضربتو على صدرو بأيدها الصغيرة
مسك ايدها وباسا ... وفجأة انفتح الباب وكان نجم
وبعدو عن بعض بسرعة
جمال : كيف بتفوت قبل ما تدق
اية خجلت كتير وقالت انا طالعة ع مكتبي
طلعت بسرعة
نجم : اسف .. فكرتا بعدا بالاجازة
جمال: حتى لو انا مقبور لحالي انت مابتفوت قبل ماتدق
نجم : حاضر
جمال : ليش جاي
نجم : مهندس الحواسيب اجا ورح افحص كل الحواسيب ونشوف من اي كومبيوتر طلعت المعلومات
جمال : ما حاولنا قبل هلأ وما جاب نتيجة
نجم : هاد كتير شاطر وبيطلع كل شي ممسوح حتى لو قبل عشر سنين
جمال : وبركي المعلومات مسربة من كمبيوتر خاص
نجم : طيب رح نحاول هلأ الا مانوصل لنتيجة
جمال : لكن مابدي اي حدا من الموظفين يعرف بخصوص هاد المهندس والكل بتعطيهن اجازة اسبوع لحتى ينكشف مين عامل هالعملة
نجم : اوكي
طلع نجم وطلع وراه جمال لعند اية
جمال : شو ايوشتي الحلوة
اية بعدا خجلانة من يلي صار
اية : بكون اخد عني فكرة غلط ماهيك
جمال : يلي بيحكي عنك كلمة صغيرة لسانو بدي قصوو بعدين انتي هلأ بتخصيني والكل رح يعرف انك رح تصيري خطيبتي ومرتي وام ولادي
اية : عم تحكي جد
جمال : اكيد جد انا ماصدقت لقيتك لحتى اتركك
اية : بحبك
جمال : وانا كمان بموت فيكي .. يلا قومي معي
اية : ع وين
جمال : اولا الشركة معد تداومي فيها
اية : ليش
جمال : لانو العروس بدا تتجهز قبل العرس
اية مصدومة
جمال : وكمان في اسبوع عطلة لكل الموظفين
اية : ليش
جمال : بدي اعمل صيانة للشركة
اية : اممم
جمال : يلا قومي ماضل عندي صبر ... انا بهل الاسبوع حسيت روحي طلعت مني
قامو طلعو من الشركة والموظفين عم يضبو غراضون مشان يروحو على بيوتن
اية ابطئت مشان محدا يجتلئ عليهن
جمال لاحظ انها عم تمشي وراه .. وقف وقال : يلا حبيبتي عم تمشي على بيض
الكل انصدم وصارو يتطلعو عليهن
هية وقفت مصدومة
جمال رجع لعندا مسكا من ايدا وسحبا قدام عيون الكل
طلعو بالسيارة
اية : ليش عملت هيك
جمال : وليش لحتى نخبي انا بدي كل العالم تخبر
اية : ااه صح بدي اسألك شو صار بموضوع الشغل
جمال: ولا شي .. اسهمنا عم تصير بالارض وماعم نقدر نشتغل مشان الاستاذ احمد .. لانو مانا مستعدين للخسارة اكتر من هيك
اية : والحل
جمال: مابعرف ..بس حكي معي اليوم ابوه لاحمد وطلب يقابلني
اية : بدك تقابلو
جمال : اي اكيد اهلو لاحمد ما متلو هنن بيعرفو وواثقين انو انا ماقتلت مايا
اية : وشو يلي خلاهن واثقين لهل الدرجة
جمال : اااه لا مافي شي بس لانو بيعرفوني وبيعرفو تربيتي
اية : امممم ... طيب هلأ ع وين رايحين
جمال : بدنا ننزل ع السوق اشتري احلا تياب لزوجتي المستقبلية
اية : جمال لاتعاملني بهل الطريقة
جمال : اي طريقة
اية : انو تصرف علي ومن هالحركات
جمال : هههه شو انك مجنونة ... وكمان ما على كيفك وبدي تلبسي على زوقي
اية : بلله شوو
جمال : هههه والله
........................
ميس بمكتبا اجاها اتصال من رقم غريب
ميس : الو
المتصل : كيفك ياحلوة
ميس : مين معي
اامتصل : كان لازم تعرفيني من صوتي بس اكيد من كترون بتكوني نسيتيهن
ميس : مين انت احسن ما سكر الخط
المتصل : هههه حلمك علينا انسة ميس ..انا كمال
ميس : كمال شوبدك
المتصل : بدي قابلك
ميس : ماني فاضية
كمال : اصبح انا بجي وبقلو لاحمد بيك كيف عم ترسمي عليه لحتى تشلحيه مصرياتو
ميس : خلص خلص جاي .. وين
كمال : رح ابتعتلك العنوان بمسج
...............................
الضهر
اية : والله هيك كتير .. انا شوبدي اعمل بكل هدول التياب
جمال : البسي وكبي .. المهم تكوني مبسوطة
اية : شو البس وكب بتعرف في عالم بتقضي طول السنة على نفس البدل
جمال : خلصينا عملي فيهن يلي بدك اياه .. المهم انتي تكوني مبسوطة
اية : بصراحة
جمال : اي
اية : انا هالتياب ماعجبوني
جمال : ليش
اية : انا ما هاد ستايلي وكمان كتير غالين
جمال : لا حبيبتي حلوين كتير وكمان هاي الموضة دارجة هلأ
اية عن غير قناعة : طيب ماشي متل مابدك
قرصها من خدا وقال دخيلو المطيع
جمال : هلأ بدنا نتغدى
هزت براسا وما حكت وكأنو كلشي عم يصير غصب عنها
راحو ع المطعم
وفاتو قعدو
اجا الكرسون وعطاهن المينو
اجت اية بدا تطلب بيتزا
حكي جمال قبلا : لو سمحت ٢ لازانية ومقبلات وسلطة وعصير فريش
الكرسون تكرمو . وراح
اية: بس انا مابحب الازانية
جمال : حبيبتي مشان البريستيج
اية : ايو برسيتيج
جمال : انتي رح تصيري مرتو لجمال ولازم تتقيدي فيه
اية : بس انا مابحب حدا يفرض علي شي
جمال : مو فرض .. بس انتي بكرا لما بتتعودي على هي الشغلات بتحبيها
اية : اوك ماشي
اجا الاكل واية صارت تاكل براس الشوكة او عم تتظاهر انها عم تاكل مشان جمال .... التفتت ع مكان وشافت ميس وبسرعة اتذكرتا لما كانت مع احمد واتذكرت لما شافتا اول مرة ...
اية بقلبا : مين هي .. حسب ما فهمت من طريقة حكيا هديك المرة مع الشب انها بنت ملعبة .. وهلأ مع شب جديد .. وكمان كانت مع احمد ... انا لازم حزر لحمد منها
اتطلعت وشافت الشب عم يعطي ميس ظرف وكأنو فيه مصاري
جمال : حبيبتي وين عم تتطلعي
اية : اااه لا ولاشي
........................
كمال : ميس خدي هاد مبلغ خمس الاف دولار
ميس : ليش
كمال : ميس انا حبيتك .. انتي علقتيني فيكي بطريقة رهيبة وماني متندم نهائيا على كل ليرة صرفتا عليكي
ميس : مافهمت شو المطلوب
كمال : ميس تقبلي تتزوجيني
ميس : لا وانا اسفة ع الشي يلي عملتو معك بس انا خلص قررت افتح صفحة جديدة بحياتي وحتى المصاري يلي صرفتا علي جبتلك اياهن مشان نصفي الحساب يلي بيناتنا
طعلت من الشنتة كمان ظرف وحطتو ع الطاولة
ميس : هاد كلشي معي كنت مخبيتون .. لانو قررت معد مد ايد عليهن وصرت اشتغل شغل شريف واكسب مصاري من عرق جبيني واكل لقمتي بالحلال
كمال : وانا
ميس : انا اسفة بس بقلبي مافي مشاعر اتجاه حدا
كمال : هلأ فهمت انتي خطتك اكبر من هيك .. شكلك عم تحومي حولين احمد
ميس : لا انت غلطان .. احمد احسن انسان شفتو بحياتي ومستحيل ائذيه
كمال : حبيتيه
ميس : مادخلك
كمال : طيب ماشي .. انا رح اتركك تعيشي حياتك .. بس بوعدك اذا شفتك مع شب تاني مرة رح اقسملك انو مارح ارحمك ورح اخطفك واحبسك عندي طول العمر
ميس : ماشي
اخد مصرياتو وقال هدوك مابيلزومني خليليك اياهن
.................. .....
المسا احمد وقف سيارة بموقف الفيلا ونزل دقتلو اية
احمد : اهلا اية
اية : استاذ انا بكرا فاضية اذا بدك بنتقابل
احمد : ماشي
وسكر
فات ع الفيلا لقى ابوه وامو وجمال
احمد انصدم لما شاف جمال
احمد بصوت عالي : انت شو عم تعمل عنا .. اااه ياكلب
توفيق : احمد احترم حالك
احمد : بابا كيف بدك اياني احترم حالي وهاد القاتل عنا بالبيت
توفيق : احمد اهدى وكن .. انا يلي بعتت لجمال يجي لعنا
احمد : شوووو
توفيق : اي انا طلبت منو يجي ...مشان نعتزر منو ع المصايب يلي عم تسببلو اياها حضرتك
احمد : لانو كلب وبيستاهل
جمال : عمي انا ماني جاي انهان عندك بالبيت
توفيق : اسف جمال .. بترجاك اقعد خلينا تنفاهم
جمال : طيب ماشي
فردوس : ماما احمد وتعال اسماع ابوك شوبدو يحكي
احمد : ماما بابا
توفيق : ولا كلمة وتعال اقعد هون
قرب احمد وقعد وهو مقهور وعم يزور جمال
توفيق : ابني جمال .. نحنا بنعرف وواثقين مية بالمية انو ما انت يلي قتلت مايا .. وانا بالنايبة عن احمد بدي اعتزر منك
احمد : بس انا مابدي اعتزر من حدا
توفيق : انت بتخرس ... جمال ابني بعرف احمد سببلك كتير خسارة هية الفترة .. وهاد شيك كتعويض عن كل الخسائر
احمد قاعد وعم يهز برجلو
جمال : عمي انا اكيد رح ارفض وما بدي ولا ليرة بس الشي يلي بدي اياه انو احمد يقتنع انو ما انا يلي قتلت مايا وبس
توفيق : المشكلة متيس راسو ومابدو يقتنع
احمد : ولا رح اقتنع
توفيق : احمد بدي منك توعدني هلأ انو مارح تقرب على جمال مرة تاني
احمد : بابا انا اصلا معد قرب عليه ولا على شغلو
توفيق : وعدني
احمد : بوعدك وغيرو
توفيق : قوم صافح رفيقك
احمد ،: لا هيك كتير
تركون وطلع
توفيق : احمد ... احمد .. احمد وقف عندك
جمال : خلص عمو تركو على راحتو بس الا مايجي يوم وتنكشف الحقيقة ويبين القاتل الحقيقي
توفيق : من انت وصغير بحبك ومعجب فيك وبعقلك وبركازتك
جمال : شكرا عمو هاد من لطفك .. انا صار لازم روح
........................
لمى : هلأ رحتي تنهي العلاقة ولا رحتي حبيتيه
اية : ماعطاني مجال
لمى : المهم ع حسب حكيك مانو كذاب او بدو يتسلى
اية : اي صح
لمى : وشو حاسة هلأ
اية : من ناحية كتير كتير مبسوطة وحاسة حالي اسعد انسانة بالدنيا ومن ناحية تانية مقهورة منو
لمى : ليش
اية : تخيلي جبلي كل تياب على زوقو وطعماني على زوقو ولما قلتلو انا مابحب هيك قال بكرا بتتعودي
لمى : بس والله حلوين التياب
اية : بس انا ما هاد ستيالي
لمى : لكن ياعمي بدك تصيري كلاس وتيابك كلا كلاس مين قدك يعني بتتعودي
اية : هيك قولتك
لمى : اي هيك ولا تنكدي على حالك انبسطي يا بنت
اية بأبتسمة رضا : طييب ...
..........................
تاني يوم
بكافيه قاعدة اية واحمد
احمد : اي اية ليش طلبتي تشوفيني
اية : شو نسيت انو انت يلي طلبت مني
احمد : ااااه صح .. كنت بدي اسألك عنك وعن حالك واذا عايزة شي
اية : انا بألف خير داعيتلك بالخير
احمد : واخبارك انتي وجمال كيفا
اية : جمال طلب ايدي للزواج
احمد : وانتي وافقتي
اية : وليش لحتى ماوافق
احمد : ايه الله يهنيكن
اية : تسلم
احمد : شو تشربي
اية : ولا شي .. بس بصراحة انا كمان بدي قالبك
احمد : ليش شوفي
اية : بدي اسألك الصبية يلي شفتا معك هداك الاسبوع بالمطعم مين هي
احمد : وانتي شو دخلك .
اية : قلي مين هاي وبقلك شو دخلني
احمد : هي حبيبتي
اية : اممم .. وانت شو بتعرف عن هي البنت
احمد : مافهمت انتي ع وين بدك توصلي
اية : بصراحة انا صار معي مرة موقف وبدي احكيلك عليه
احمد : شو هو
اية :مرة كنا انا ورفيقتي بكافيه وكانت ميس قاعدة على الطاولة يلي وراي وانا سمعتا كانت عم تحكي مع شب وتقول سماع انا كل يوم مع شب وبضل مع الشب يلي بيعجبني ويلي معو مصاري اكتر
احمد مصدوم : انتي متاكدة لتكوني مخربطة
اية : اي متأكدة وكمان ميس حلوة كتير ويلي بشوفا مرة مستحيل يخربط فيها .. وكمان مبارح كنت مع جمال عم نتغدا شفتا قاعدة مع شب وكأنو عرض عليها مصاري انا ماسمعت شي لانو كانو بعاد
احمد : رح اوصفلك شب وانتي قوليلي اذا كان واحد من هدول يلي شفتيهن معا
اية : اي
احمد : اشقر طويل عيونو خضر
اية : لا لا ولا واحد كان اشقر واحد كان اسمر والتاني كان حنطي... انت كيف تعرفت عليها
احمد اتذكر كيف رمت حالا قدام السيارة ..يعني كانت مقصودة
قام احمد حط حساب الطاولة ومشي بدون ولا كلمة
رن تلفون اية : الو
جمال :كيفك حبيبتي
اية : مشتاقتلك
جمال : جهزي حالك جاي اخدك
اية : ع وين
جمال : اليوم عنا حفلة المسا وبدي اخدك معي
اية : حفلة ؟ حفلة شو
جمال : حفلة بتخص الشغل يلا انا ساعة وبكون عنكن بالحارة مشان وصلك ع الكوافير واشتريلك فستان
اية : كوافير وفستان ليش هدول .. شعري بعملو بالبيت وفستان بلبس من يلي شتريتون مبارح
جمال : انتي ليش بتحكي كتير .. البسي جاي اخدك وسكر
اية : ياربي هاد شوعم يصير معو
.........................
عباب شركة احمد
احمد واقف بسيارتو .. اتصل بميس
احمد : الو وينك ... انا عباب الشركة طلعي فورا .. اي يلا ناطرك
اجت ميس قرب من الازاز وانحت وحكتو : اي حبيبي شوفي
احمد : اركبي
ميس : ع وين .. وكمان في شغل
احمد : يلعن ابو الشغل اركبي
ميس : شبك انت معصب
احمد : عم قلك اركبيي
فتحت الباب وركبت وهو ساق بسرعة كبيرة كتير
ميس : احمد شوفي شو صاير ... هدي السرعة شوي
مارد وضل يسوق وهية تحاول تحكيه وهو ما يرد .. لحتى وصلو لقدام بناي
ميس : وين نحنا
نزل مارد عليها وفتحلا الباب وسحبا من ايدا وطالعا ع شقة
ميس : لك ع وين جابيني وليش هيك ماسكني
احمد : اطمني ما رح اغتصبك
فتح الباب ورماها بأرض الشقة وسكر الباب
ميس : احمد شو عم يصير معك ليش هيك رمينتي
نزل احمد لعندا ومسكا من شعرا وقال : بدك تضحكي علي .. بدك تضحكي على احمد
ميس فهمت انو احمد عرف حقيقتها وماحكت
احمد : شو ماتحكي .. يا انسة ميس .. طبعا لقيتيني شب غني بتستغليني وبالاخير بتتركيني متلي متل غيري ماهيك ... لك احكي .... شبك خرسانة ... قولي انك مظلومة ... قولي انو يلي سمعتو عنك كذب
ميس : عم تبكي
احمد : يعني صح ... والشب يلي اجا ع الشركة كمان كان معو حق .. العما شو انك وحدة رخيصة
ميس : احمد صدقني انا تغيرت .. انا والله حبيتك
احمد : اكيد بدك تقولي هيك مشان تنفدي حالك من هالعملة الوسخة
ميس : لا والله .. لا والله .. انا كان بدي احكيلك بس انت ماعطيتني مجال .. وقلتلي مابهمني الماضي
احمد : انا فكرت لانك يتمية ماكنت عرفان انو عن هاد الماضي عم تحكي
ميس : بس انا والله كنت ناوية خبرك بالحقيقة لانو مستحيل كنت كمل معك قبل ماتعرف حقيقتي .. بس والله مايكون في وقت
احمد : شو بدك تحكي ماخلص عرفت كلشي .. لك انا اصلا كان لازم اعرف انك وحدة ملعبة من الطريقة يلي دخلتي فيها على حياتي
ميس : صح كنت ناوية اضحك عليك واسحب منك مصاري بس لما شفت اشقد انك حنون وشهم قررت اتراجع بس انت ماتركتني وخلتني حبك واتعلق فيك
احمد : ليش كنتي تعملي هيك مع الشباب
ميس : كلون وسخين ..كلون حقراء.. كلون كانو بدو يستغلوني ... محدا رحمني ... الا انت
احمد : بس ماكلون
ميس : كنت شوف انو كلون .. الانتقام كان عامي على قلبي
احمد : ما هلأ عم تقولي الا انت
ميس :يمكن لانو حبيتك
احمد: كذاااابي .. وهاد جزء من لعبتك الوسخة اكيد
ميس : لا والله انا عم احكي الصدق .. انت بس اسمعني
احمد : احكي شوفي عندك
ميس : انا قلتلك انو ربيت بميتم .. ولما طلعت لقيت شغل بسيط واستأجرت غرفة صغيرة مع مجموعة بنات .. وتعرفت على شب كان كتير منيح .. متل مابقولو عملي البحر طحينة ... يقلي بدك اعملك وساويلك وكلامو كلو حلو وغزل ..علقني فيه بطريقة غريبة ليوم قلي بدو يعرفني على اهلو وانا متل الجدبة صدقتو ورحت معو اخدني ع بيت فاضي وانا هون بلشت خاف ..وصرت قلو ليش جابني لهون وصار يقول هلأ اهلو بيجو .. انا قمي لروح لقيت الباب مقفول بهل اللحظة هو مسكني من ايدي وصار يسحبني على غرفة النوم .. بس انا كنت متعلمة كم حركة من حركات الدفاع عن النفس علمونا اياهم بالميتم ودافعت عن نفسي وصرت كلشي طولو اضربو فيه بالاخير اجت تحت ايد فاازا ضربتو على راسو وغاب عن الوعي وانا هون بسرعة دورت على المفتاح بجيابو وهربت .. ومن وقتا قررت انتقم من كل الشباب واحرقلون قلبون
احمد صار يسفق : برافو .. برافو .. كذبة حلوة ومحبوكة ... اسمعي هالكلمتين انا مارح ائذيك بدي منك شغلة وحدة انك تطلعي من حياتي متل ما دخلتي عليها وصورة وجهك مابدي شوفا بحياتي
ميس : بس والله انا بحبك .. والله حبيتك
احمد : برااااا
قامت ميس من على الارض ودموعا على خدا واتجهت لعند الباب
احمد قال : كان فيكي تتصرفي بغير طريقة لو حكيك صح لانوو ماكل اصابيعك متل بعض وع القليلة كنتي ضليتي شريفة بنظر العالم
كملت فتحت الباب وطلعت
وهو هون فقد اعصابو وصار يكسر كلشي يطلع بوجهو
........................ ..
عباب صالون التجميل طلعت اية من جوا كانت لابسة فستان نقاه جمال ووتسريحة شعرا طلب انو تتغير مع تغير اللون .. طلعت ووقفت وهية خجلانة .. وجمال لما شافا انصدم .... طلعت متل مابدو بالظبط .. طلعت نسخة اصلية عن مايا نفس نوع الفستان والشعر نفسو ونفس اللون ... قرب منها ورفعلا اديها وباسون
جمال : طالعة بتجنني
اية : عنجد .. معو انو حاسة حالي مو زيادة
جمال : لا بالعكس .. بتطيري العقل
اية : حلوة تسريحة الشعر ماكنت متوقعة انو تلبقلي .. انت كيف عرفت انو ممكن تلبقي
جمال: اااه .. اي احساسي قلي
اية : بحبك
جمال : وانا بحبك وبموت فيكي .. شو نمشي
اية : اي بنمشي
ساعدا جمال لركبت بالسيارة ومشو
اية : وين الحفلة .. ولمين
جمال : بصراحة حفلة خاصة فيني وفيكي بس
اية: عنجد
جمال : اي عنجد انا بدي اقضي كل لحظة معك وعوض حمران زمان
اية : حمران زمان ؟!
جمال : قصدي من زمان كنت متمني لاقيكي .. لانو انتي البنت يلي كنت احلم فيها
ابتسمت ابتسامة عريضة وتذكرت حكي احمد
وصلو ع مطعم كان فاضي لانو جمال حجزو كلو .. وكلو اضوية خفيفة والشموع الحمرا بكل مكان .. وموسيقى هادية يعني كان جو رومنسي بكل معنى الكلمة
جمال : مبسوطة
اية : كتيير
قرب وسحبلا الكرسي مشان تقعد وهو قعد قداما
جمال : بحبك يا اميرتي الصغيرة
اية : وانا كمان بحبك كتير جمال
مسكلا ايدا وباسا .. اجا الكرسون وجاب اكل من كل الانواع
وصار جمال يطعميها بأيدو ... هية كان قلبا عم يرقص من الفرح .. لانو بحياتا محدا عملا هيك
خلصو عشا وقامو يرقصو .. هية حطت راسا على صدرو ولا اراديا صارت تبكي .... هو حس عليها ورفعلا راسا لعندو
جمال : حبيبتي عم تبكي
مسحت دموعا وقالت لا لا
جمال : شوفي قولي
اية : لا بس كتير مبسوطة
جمال : ياحياتي
رجع ضما على صدرو وكملو رقص
خلصو الرقصة ورجعو قعدو مكانون
جمال طلع علبة وفتحا ووجها لعند اية وقال تقبلي تتزوجيني
اية هزت براسا ودموع الفرح على خدا وقالت اي موافقة
لبسا الخاتم وباسا على اديها
جمال : يلا قومي عنا مشوار
اية : كمان انا اتأخرت ع البيت
جمال : هو المشوار لعنكن ع البيت مشان اطلبك من اهلك
طلعو ركبو بالسيارة ... بس جمال ما مشي
اية : نسيت شي
جمال : سامحيني
اية : على شو
قرب منها وطبعلا بوسة على شفافا ...........

يتبع .....
 
الوسوم
الماضي ضحية والحاضر
عودة
أعلى