وردة ذابلة

صفا النعمان

الادارة
طاقم الإدارة
مرحبا ياحلوين قصة قصيرة بتحكي ع وحدة عم تعاني من كره جوزا الها فبتصير تحكي مع قريب الها ع الفيس بوك عأساس اصدقاء وقبل ماتكبر الشغلة وتتعلق فيه بترجع لعقلا تابعوها لنتعرف على قصة رهف

القصة بعنوان
#وردة_ذابلة
#بقلم_مريم_اليوسف

#الجزء_الاول

رهف قاعدة عالنت عم تتصفح وتدور على طرق تخلي الزوج يحبا
رهف : والله هاي الطريقة باينتا بتجيب نتيجة انا اصلا ولا مرة جربت هيك شي .. رح نبلش من العشا الرومنسي وفستان السهرة الاحمر
قامت طعمت ابنا يلي عمرو ٥ اشهر وبلشت بتحضير العشا صار المغرب كان ابنا همام نايم وهية فاتت على غرفة النوم حطت طاولة صغيرة وحطت عليها الاكل ولبست فستان السهرة يلي اختارتو وسمعت صوت جوزا
نصر : رهف .. رهف
رهف : اي حبيبي انا هون بغرفة النوم
نصر : حبيبي ؟؟
قرب وفتح باب الغرفة واتفاجئ بجمال الغرفة وبجمال مرتو مع انو مافي بقلبو ولا ذرة حب تجاها لان بحب وحدة تانية بس اي رجال مافيه يقاوم هيك شي .. فرح وعصب بنفس الوقت
نصر : انت شو عاملة هوون
رهف : ماعجبك
نصر : لا شيلي هالمسخرة وغيري يلي لابستيه
حست كأنو حدا صفعا مليون كف
بين عليها الزعل والدمعة كيف عم تحاول تخبيها
قربت لتشيل العشا
ناصر : لحظة خليه جوعان
قرب اكل وهو مقهور ليش حكي معا هيك بس مابحبا وتقريبا مخليها عندو شفقة او يمكن لانو ماضللا حدا
نصر : شبعت قومي شيليه
قامت شالتو وسكرت على حالا باب المطبخ وقعدت تبكي طبت على الطاولة وصارت تتذكر
******فلااااااش بااااااك *******
رهف : اختي مشان الله فهميني نصر مابحبني كيف بدك اياني اتزوجو
علا : اختي نصر ابن عمك ومجبور يتزوجك احسن مانك مشنتطنة يوم عند عمتك ويوم عند خالتك لو انا ماني متزوجة والله ماكنت خليتك تتزوجي بس هيك لحالك مافيني خليكي بعد ماماتو امك وابوكي الله يرحمون
رهف : بضل عند خالتي هية بتحبني وقوية ومعا مصاري بتقدر تصرف علي
علا : عمامك اجتمعو وقررو وخلص والخميس عرسك انت ونصر
يوم العرس
بغرفتون
نصر : سمعي يارهف انتي بتعرفي ليش تزوجتك بس مشان انك ضليتي وحدانية وما الك حدا بس بدي فهمك شي انو انا مابحبك ولا رح حبك انا بحب بنت تانية ورح حاول قد مافيني لحتى اتزوجا يعني من هلق بدك تعملي حساب انو رح يصير عندك ضرة وكمان ما ضروري اذا مابحبك مايصير شي بينا بالعكس هاد حقي ووقت يلي بدي اياه رح اخدو مفهوم
رهف وهية عم تبكي : ممكن تتركني لحالي
نصر : رح اتركك شهر كمان لانو ماني مستعجل على شي
***********باااااااك*******&**
رهف : لك انا من وقتا كان لازم اتركو كل يوم بحاول بطريقة جديدة والله تعبت والله من حقي عيش مبسوطة متلي متل غير متل هالنسوان المبسوطين مع زواجن ..
اندق باب المطبخ
نصر : رهف .. انتي جواا
رهف : شوبدك
نصر : تعالي عايزك بكلمتين
رهف : شوي وجاااي
نصر : يلا لاتطولي
قامت مسحت دموعا وفتحت الباب وطلعت مالقتو كملت على غرفة النوم كان قاعد على التخت ولابس بجامة ومادد رجليه
ناصر : تعالي لجنبي
قربت وقعدت جنبو
نصر : كم مرة قلتلك لاتحاولي معي انا قلبي بحياتو مارح يكون الك
رهف : طلقني
نصر : ههههههه انا احب على قلبي بس مافيني
رهف : طيب انا اسفة معد عيدا
قامت وفتحت الخزانة وطلعت بجامة
نصر : شو هاد
رهف : بدي غير
نصر : تعالي بعدين بتغيري مشتقلك
رهف : قصدك مشتاق لجسمي مو لالي
نصر : يلي هو تعالي
رهف : مابدي ما الي نفس
نصر : اي تصبحي على خير
حط راسو ونام على جنبو وهية لبست البجامة وراحت لعند ابنا نامت جنبو
صار تلفون نصر يرن طلعو وكانت حبيبتو اسمهان
نصر : هلا حبيبتي
اسمهان : ليش ما اتصلت
نصر : كنت تعبان
اسمهان : لا كذاب .. قلي صار بيناتكن شي
نصر : انا كذاااب يا اسمهان هاد يلي طلع معك
اسمهان : مشان الله قلي صار شي بيناتكن
نصر : لا والله اصلا هية هلق راحت لعند ابنا تناقرنا شوي وراحت
اسمهان : نصر انا بحبك كتير معد استحمل عيش بعيدة عنك ايمت بدك تجي تخطبني
نصر : لحتى جمع المهر يلي طلبو ابوكي عم اشتغل ليل نهار لحتى امن هالمبلغ
اسمهان : وشقد صار معك
نصر : تقريبا النص
اسمهان : لسه بدي انطر سنتين كمان
نصر : لا ولووو شو نسيتي انو عمرت بيتنا انا وانتي
اسمهان : الله يخليك يا نصر استعجل شوي
نصر : عم حاول ...
اسمهان : المهم انا مشتاقتلك
نصر : لك انا قلبي ناطف على شوفتك ... حبي قوليلي شو لابسة
اسمهان: قميص نوم لونو فوشيا
نصر: لك دخيل الفوشيا بعيتلي صورة
اسمهان : يلا سكر لحتى ابعتلك صورة وبرجع بتصل فيك مشان تقلي شو رأيك
نصر : اوك يتقلب ناطرك
.......................
تاني يوم فاقت رهف حضرت الفطور لجوزا قبل مايروح هلى الشغل وراحت تفيقو ...
رهف : نصر .. نصر
نصر : حبيتي اسمهان خليني نام شوي
رهف بقهر : نصرر قوم ما اسمهان انا انارهف
فتح عيون وقال : صباح الخير
رهف : صباح النور قوم الفطور جاهز
تركتو وطلعت
قام هو غسل ولبس تياب الشغل وطلع يفطر قعد وكانت رهف قاعدة عم ترضع ابنا بالببرونة قدامو
نصر : كيفو همام
رهف : بخير ببوس ايدك ماناقصو غير شوفتك
نصر : هههههه بس مانك مهضومة هاته لهون خليني اتصبح فيه
عطتو اياه وصار يلاعبو
خلص لعب معو وعطاها اياه
نصر : جلك شي مشان العشا
رهف : لا عندي عشا من مبارح
نصر : طيب سلام
رهف : بدي روح تقضي اليوم عند اختي علا
نصر : اي مامشكلة وصلك
رهف : لا بروح بالتاكسي مو هلق بدي نضف البيت وروح
نصر : اي ماشي وديري بالك على همام
رهف : ان ساء الله
طلع وراح وهية نضفت البيت وطلبت تاكسي وراحت لعند اختا
دقت الباب وفتحتلا بنت حماها لاختا
رهف بقلبا : ياربي شكلون بيت حماها عندا لوني ماني جاي
بنت حماها سمر : هلا رهف تفضلي ... علا علا اختك اجت
طلعت علا من المطبخ واجت ع الباب
علا : رهوفة ياميت اهلا وسهلا فوتي حبيبتي ليش بعدك واقفة ع الباب
فاتت وسكرت الباب وراها : كأنو جيت بوقت مانو مناسب
علا : لا ولوووو .. مافي حدا غريب بيت عمي وكمان بحبوكي فوتي فوتي رح يفرحو فيكي
فاتت وكان بالصالون قاعد جوز اختا محمد واخوه عبيدة
محمد : هلا والله ببنت حماي الغالية
رهف : كيفكن
محمد : تمام الحمد لله
عبيدة : هلا ببنت حماه لاخي
ضحكت رهف وقالت : اهلا فيك
علا: حبيبتي ابنك نايم حطيه بغرفة النوم وتعالي معي ع المطبخ لتسلمي على مرت عمي
رهف : يلا
فاتت حطت ابنا بغرفة النوم لاختا وفاتت ع المطبخ سلمت على حمات اختا وقعدت صارت تساعدون بالغدا
رهف : اي شو سبب هالعزيمة
علا : لك عبيدة اجا من الخدمة معو اجازة اسبوع وراجع
رهف : وين عم يخدم هالايام
علا : عطريق حلب على حاجز
رهف : الله يحميه
ام محمد : تسملي ياحبيبتي .. والله قبل ماتجي كنت عم قلا لاختك انا بحبا كتير لاختك رهف
رهف : تحبك العافية طنط
خلصو الغدا وقعدو كلون تغدو مع بعض وصارو يحكو مع بعض ويدردشو الكل .. خلصو وقامت رهف هية واختا جلو الجليات ورجعو قعدو كلون مع بعض وكان ابنا لرهف فاق قعدتو بحضنا وعطتو الببرونة مشان ياكل
محمد : كيفو عديلي
رهف ؛ غير شكل والله تمام بسلم عليك
محمد : الله يسلمك ويسلمو
علا فتحت التلفون وفتحت على الفيس
علا : اختي ليكي هون كاتبين اعملو تااغ لرهوفة بنت طيبوبة ونجما محبوب رح اعملك تااغ
رهف : اوك عملي هلق بشوفا بالبيت
عبيدة : عندك فيس بوك
رهف : اي بس مابفتحو زيادة والله
عبيدة : ليش كتير حلو وبسلي
رهف : والله بفتحو مابلاقي فيه شي ولا في شي بسلي
عبيدة : ههه اي لانو مابتكوني داخلة على جروبات
رهف : وشو بتعملو بالجروبات
عبيدة : مزح وضحك ومناقشات وهيك يعني
رهف : عنجد
عبيدة : والله لكن انا كيف بقضي الخدمة ع الفيس ..
رهف : اصبح ضيفني على شي كروب بركي بتسلى والله عم مل طول هالنهار
علا : رهف جوزك بيسمحلك
رهف : هههه ليش شو فايتة اعمل انا بس اتفرج وكمان ناصر ابدا ماعندو مانع بهيك شغلات
علا : اي منيح
عبيدة : شو اسمك لحتى ابعتلك طلب صداقة وضيفك على الكروب
رهف : اسمي رهف الهمام
عبيدة : هههه اسمك واسم ابنك
رهف : اي حبت هالاسم وخليتو
عيبدة : هاد هو حسابك
رهف : اي هاد هو
عبيدة : بعتلك طلب اقبليه وانا بضيفك
رهف : ميرسي
عبيدة : ههه ولو بدنا خدمة تحرذ
خلصت رهف من زيارتا واخدت ابنا وراحت ع البيت حست انو نفسيتا تغيرت شوي .. طلعت الاكل حطتو بالمايكرويف طلعت تلفونا شاف الطلب قلبتو .. بعد شوي اجاها اشعار تم اضافتك الي مجموعة مغلقة بوسطة عبيدة
طفت التلفون وقالت المسا بفوت بتفرج
اجا نصر حطتلو اكل وقعدت قدامو
نصر : مابدك تاكلي
رهف : لا اكلت عند اختي
نصر : اي صح .. كيف كانت هالزيارة
رهف : منيحة ... بسلمو عليك
نصر : الله يسلمك ويسلمون ... الحمد لله
رهف ؛ بتحب تشرب شي بعد العشا
نصر : لا طالع اسهر انا ورفقاتي
رهف : اي الله معك
طلع نصر وضلت رهف لحالا فتحت التلفون ولقت اشعارت كتير على الفيس بوك
فتحت ولقت عبيدة عاملا منشور ترحيب
راحت ع المسنجر وحكتو
رهف: مسالخير
عيبدة : مسالنور
رهف : ليش عاملي منشور ترحيب
عبيدة : مافيها شي مشان اعضاء الكروب بتعرفو عليكي
رهف : بس انا عأساس بس مشان اتفرج واتسلى مابدي شارك
عبيدة : اي عادي مافيها شي وكمان مين عارفك انتي وكمان بتتسلي وكمان في بنات كتير معنا
رهف : بصراحة انا ماني من هاد النوع ومابحب هيك شغلات
عبيدة:اي مافي شي شو فايتي لاسمح الله تفلتي كلا مزح وكمان اي حدا من الكروب بعتلك طلب صداقة لاتوافقي عليه
رهف : اوك .. اسفة غلبتك
عبيدة : لا ولوو .. واي حدا بيزعجك انت بس خبريني
رهف : اوك
عبيدة : اي كيفو ابنك الامور
رهف : ههه بخير من شوي نام
عبيدة : اوك يلا انا مابدي ازعجك بتكوني سهرانة انتي وزوجك
رهف : جوزي مانو هون
رهف عم تحكي حالا : لك ليش لحتى قلو مانو هوون ياربي
عبيدة : وينو
رهف هلق فتحت على حالي باب كتبت : راح ع السهرة
عبيدة : معقول يتركك ويروح يسهر والله انا لو عندي مرة حلوة متلك والله مابتركا ولا ثانية
رهف انقهرت من طريقة حكيو وماردت
عبيدة : انا اسف ادخلت بشي مابخصني
رهف : لا عادي .. يلا سلام
عبيدة : سلام
فتحت ع الفيس وسلملت على الاعضاء يلي رحبو فيها
وتفتلت شوي بالكروب وكان فيه نكت حلوة ومناشقات بتضحك وصارت تشارك واذا في موضوع نقاش تقوت وتصير تناقش معون
صارت الساعة ١٢ ومانا حاسة على حالا
سكرت التلفون وقامت نامت جنب ابنا وهية عم تغمض عيونا سمعت صوت نصر فات ع البيت غمضتون ونامت اجا نصر فتح عليها الباب ولقاها نايمة جنب ابنا طفا الضو وراح على غرفتو
وطلع تلفونو وصار يحكي مع حبيبتو اسمهان ع الواتس اب
تاني يوم كالعادة فاقت جهزت الفطور وفيقتو
وقعدو يفطرو سوا
نصر : ليش كنت نايمة بغرفة همام
رهف : ليش اول مرة بنام بغرفتو
نصر : لا ما اول مرة بس كان بدي ....
رهف : لا تكمل وانا مابدي
نصر : ليش شو ضارب مخك
رهف : والله صوت ضحكك طول الليل مع حبيبت القلب هاد يلي ضارب مخي
نصر : قلتلك لاتتدخلي بحياتي هاي البنت انا بحبا ورح اتزوجا حتى لو بعد ميت سنة
رهف : مزال بتحبا ليش بدك اياني نام معك
ناصر : لانك مرتي
رهف : قصدك الخادمة او الجارية
نصر : رهف لاتهتيني انك عم تسمعيني .. مابكفي حاويكي
رهف دمعو عيونا وماحكت
نصر : اسف ماكن قصدي
رهف ؛ لا كنت قاصدا ... بس يانصر والله رح يجي يوم واتركك وروح
نصر : ههه وعوين بدك تروحي بقا ليش الك حدا تروحي لعندو
رهف : لا ما الي حدا بس انا مظلومة ورب العالمين بوقف مع المظلوم ورح يكون معو وانا بكفيني انو رب العالمين معي
نصر : شو قصدك انا ظالمك
رهف : لا انا كل الدنيا ظلمتني تركتو وقامت
نصر : يلا هلق عملي مناحة واقعدي ابكي
رهف : هه لا خلص بطلتا لهل العادة اصلا ماضل دموع
طلع نصر من البيت وهية ماقدرت تخبي دموعا وقامت بلشت تشتغل بالبيت بكل عزمها وكأنو عم اطالع قهرا لما خلصت حست انو فرغت شوية طاقة سلبية وابنا بلش ينق بدو ياكل عملتلو ببرونة حليب شربها وحطتو بحضنا وصارت تهزو كان الهاتف حدا مسكتو وصارت تقلب فيه .... ولقتون ناشرين شغلات حلوة وصارت تناقش وتضحك ونست انها مقهورة .. فجأة صار عبيدة يحيكها
عبيدة : سلام
رهف ؛ هلا
عبيدة : كيفك
رهف : الحمد لله
عبيدة : مالقيتك فاتحة الصبح قام فكرتك زعلانة مني
رهف : منك ؟ ليش انت شو عملت
عبيدة : لانو قلتلتك لونو عندي مرة حلوة متلك ما بتركها
رهف : ااااه ... لا ماني زعلانة بس بتعرف انت شغل البيت وعندي بيبي صغير وانا مابحب التهى بشي اذا كان عندي شغل
عبيدة : حلوو كتير والله مبين انك ست بيت شاطرة
ضحكت رهف وكتبت : هيك بقولو
عبيدة : عنجد لا تزعلي مني بس عنجد نيالوو جوزك عليكي
رهف بقلبا : يلي بيعرف بيعرف والي مابيعرف بقول كف عدس وكتبت : ههههه اي والله نيالو
عبيدة : واكيد بدك تطبخي اليوم ماهيك
رهف : اكيد ..بس ليش عم تسأل
عبيدة : هيك سؤال والله .. اي وشوبدك تطبخي
رهف : ع فكر اعمل مقلوبة
عبيدة : يا امييي شو بحبها لهل الاكلة
رهف ؛ ههههه لو فيني كنت بعتلك صحن بس مابصير
عبيدة : لا شو تبعتيلي انا بقول لامي تعملي اياها شكرا سلف
رهف : ههههه اهلا وسهلا ..
عبيدة : والله حاسس هالايام يلي بجي فيهن لهون عم يركضو ركض مابلحق اجي الا برجع بروح
رهف : بعينك الله ازمة وبدا تمر
عبيدة : اي والله بعين الله
رهف : ايمت راجع ليش
عبيدة : بعد بكرا
رهف : الله يحميك ويبعد عنك الخطر
عبيدة : تسلمي
بعتلوو وجها خجلانة:
رهف ابنا نام بحضنا قامت نيمتو بغرفتو فتحت التلفون لقت عبيدة مانو باعت شي مسحت المحادثة وطفت الوايفي مشان مايبعت مرة تانية وراحت بسرعة نزلت ع الخضرجي يلي بالحارة مشان تجيب غراض المقلوبة قبل مايفيق ابنا .. جابت بسرعة وجهزت كلشي وجهزت السطلة بسرعة مشان تلحق نومت ابنا وركبت على المقلوبة وصارت تجلي .. وبصير ابنا يبكي بتنشف اديها وبتجيبو وبتقعد بتلاعو على كرسي بالمطبخ وكل شوي تشوف الطبخة .. استوت الطبخة واخدت ابنا حطتو قدام ال tv لقتو ساكت بسرعة راحت كملت شغل المطبخ ورجعت لعندو .. بلشت الدنيا تعتم وجوزا مابيجي غير لليل ..
فات ع البيت وصار ينده لرهف
طلعت رهف وهية حاملة ابنا من غرفة القعدة
نصر : مسالخير
رهف من دون نفس : مسالنور
نصر : بسرعة حطيلي عشا ميت من الجوع
رهف : امسك ابنك لحتى حطلك عشا
نصر : هاتيه لهل الارنوب هاتيه
حطت عشا وقعدو ياكلو
نصر : ياسلام .. لك يسلمو اديكي على الاكل الطيب
رهف : صحة وهنا
نصر : وليش عم تردي من غير نفس
رهف : ولا شي
نصر : اااه تذكرت مبوزمة من الصبح
رهف : ممكن تحسن الفاظك شوي
نصر : ليش كلمة مبوزمة شوفها ... هلق صرتي راقية يابنت عمي
رهف : ليش شو شايفني كنت امشي مع ولاد الشوراع
نصر : خلصينا سكري على السيرية ماني طايق جادلك
رهف : اكلنا خ....
نصر : مشالله شو هالحكي هاد وعم تحكي عني مشان حسن الفاظي ااااخ
قام فات ع الغرفة غسل وغير تيابو وطلع بأيدو مفتاح السيارة
رهف : شو ع وين
نصر : ع القهوة .. بدك شي
رهف : لا سلامتك
نصر : يلا سلام
رهف :الله معك
نصر : اااه صح لاتنامي حتى ارجع عاوزك
رهف : والله ما بوعدك لانو نعسانة وبدي نام
نصر : اي حاولي حاولي .. وانا كمان مارح اتأخر
طلع وصارت رهف تقول : لكن لانو انا جارية عندو الصبح خدامة والمسا بدو ياخد حقوقو وياريت بحبني لا بس مشان شهوتو ... ياربي شو اعمل .. شو اعمل لاني عم اقدر اخلص منو ولا عم اقدر قربو مني دخيلك يارب شو الحل ... بس طول ماهاي الشاضومة اسمهان عم تحاكيه رح يضل يكرهني ... انا لازم خليها تبعد عنو بأي طريقة انا اذا ضليت ساكتة هيك بكرا بيتزوجا ومابعود شوفو نهائيا صح انا بلشت اكرهو بس قد ما كان بضل جوزي ولازم حافظ عليه

راحت شالت العشا وحطت ابنا قدام طيور الجنة وحطتلو كم لعبة قدامو وفتحت النت وفاتت ع الفيس وصارت تتفرج .. وشافت منشور لعبيدة بقلب الكروب
بيحكي عن المرتبطين والسناجل وهيك شي فاتت ع الكومنتات ولقت وحدة كاتبتلو بتعليق بحبك
ضحكت وفاتت على الردود وكان عبيدة قايلا تحبك العافية
هديك ردت عليه : لك بحبك بحبك ليش ماعم تفهم
عبيدة : لو سمحتي هاد الموضوع مابينحكا فيه هون
البنت : لكن وين بدنا نحكي اذا لاطلب الصداقة قبلتو ولا طلب المراسلة قبلتو ... وانا بدي احكي قدام الكل والله بحبك بحبك
وكان في حكي كتير وهية عن تقرا فجاة لقت كل الردود انمسحت
رهف : وين راحو هدول ... هههه بس والله مانو قليل هالعبيدة طلع عندو معجبين .. بس والله شخصية الله يحميه لشبابو ... ياربي صار عندي فضول لاعرف رايحة حكيه مسنجر لشوف شو قصتو هههه
المحادثة *
رهف : مسائوو
عبيدة : هلا مسالورد
رهف : لك شو صاير بالكروب
عبيدة : ههههه يعني شفتي شو صاير
رهف : اي شفت بس مالحقت اقرا كلشي
عبيدة : لك اااخ شوبدي احكي لاحكي
رهف : هههه لك حكيلي والله صار عندي فضول
عبيدة : لك هاي وحدة والله مابعرف شو احكي عنا بس هاي وحدة كل مرة بتفوت بحساب شكل وبتدبق شب وبتصير تبعتلو .. ونحنا بنعرف انو هية نفس البنت يعني شو مصلحتا والله مابعرف وهلق شكلو اجا الدور لعندي
رهف : طيب انت احكي معا شو خسران بتتسلى
عبيدة : بزعل منك بعدين .. ليس انا بتعرفيني من هاد النوع
رهف : اكيد مانك من هاد النوع بس انو كل الشباب بيحكو مع بنات وهيك
عبيدة : عنجد انا ماني من هاد النوع
رهف : هههه غريب .. بس حلو انك ماتحكي
عبيدة : عيونك الحلوين
رهف : تسلم
عبيدة : اي صح قوليلي طلعت طيبة المقلوبة
رهف : اي والله اشتهيتك منعا
عبيدة : الف صحا وهنا .. خلص كأنو اكلت
رهف : هههههه
عبيدة : دووم هالضحكة الحلوة
رهف : الله يحلي ايامك
رهف : يلا انا صار لازم سكر
عبيدة : اي مابدي عطلك عن شي يلا سلام
رهف : سلام
سكرت والابتسامة عى وجها وقالت : ههههه والله هالشب مهضوم .
سهرت هيك شي ساعة مع ابنا صارت تلاعبو وبالاخير ابنا بلش ينق بدو ينام قامت غيرتو وطعمتو وهزتو ونام
رهف : وهلق يارهف شو بدك تعملي تنامي ولا تستني جوزك ... بس انت عم تقولي بدك تقربيه منك لازم اعمل كلشي بقلي عليه احسن مايصير يكرهني اكتر .. رح نقي شي قيص نوم حلو وانطرو .. راحت فتحت الخزانة نقت قميص نوم اسود قصير شفاف وقعدت على التخت تنطرو وفتحت التلفون تتسلى فيه لبين مايجي رجعت فتحت الفيس وصار تقلب فيه .. وفجأة سمعت صوت الباب عم ينفتح بسرعة طلعت من الفيس وحطت موبايلا صامت وحطتو على جنب ..
فتح الباب واتفاجى فيها
نصر : شو هاد يامرتي
رهف : ما انت بدك هيك اذا مابدك بقوم بلبس ماعندي مانع
نصر : ههههه لك شو تقومي تلبسي شلح قميصو ورمها ع الارض وقرب لعندا .................
.................................
بعد شوي طالعة رهف من الحمام ولابسة برنس ولافة شعرا بالمنشفة
فاتت ع الغرفة لقت نصر واقف على الشباك عم يدخن
رهف : الحمام حامي اذا بدك تتحمم
نصر : جاي لحتى خلص السيجارة
خلص السيجارة رماها وفات ع الغرفة اخد منشفة وطلع ع الحمام
صار تلفونو يرن قربت منو كان مكتوب حبي
انقهرت كتير .. حطتو صامت .. بس من جوا صارت تغلي انو ليش مسميها حبي وانا مسميني البيت لك تضرب منك الها رجعت دقت مرة تانية
رهف مشان تقهرا فتحت خط
رهف : الو
اسمهان : وينو نصر
رهف : والله عم يتحمم
اسمهان : شووو
رهف : ليش تفاجئتي
اسمهان : ليش عم يتحمم
رهف : هههههه يعني شو هالسؤال .. اااه صح انتي مانك متزوجة لحتى تعرفي ليش بيحمموا المتزوجين
اسمهان : انتي وحدة كذابة .. قوليلي وينو نصر
رهف : عم قلك عم يتحمم انت مابتفهمي
اسهمان : كذابة هو مابحبك ولا حتى بقرب منك
رهف : حبيبتي لا تنسي انو عنا ولد وهاد الولد اكيد ما انا جبتو لحالي
اسمهان : اصلا هو قلي غلطة
رهف : ههههه عم يضحك عليكي .. بعدين اتني حطيها بعقلك يعني معقول تأمني على رجال مع مرة حلوة متلي ومايصير بيناتون شي لك اذا بالحرام بيعملوها كيف اذا بالحلال هههههههه
وسكرت بوجها
....................
عصبت اسمهان وصارت تصرخ وتخبط كلشي حوليها

يتبع ........
 
#وردة_ذابلة
#بقلم_مريم_اليوسف

#الجزء_الثاني

جن جنونا اسمهان من يلي سمعتو وصارت تكسر كلشي حوليها بعدين هديت وقعدت وحطت راسا بين اديها وصارت تهز .. وتقزل انا بفرجيك يا نصر
مسكت تلفونا وحظروتو
...................
طلع من الحمام نصر كانت رهف مخلصة لبس وكانت من جوا فرحانة لانو قهرت الانسانة يلي عم تنقهر كل يوم بسببها
رهف : انا رايحة نام عند همام تصبح على خير
نصر: وانتي بخير
طلعت وهو قعد مسك تلفون قلب فيه وقال عجب اسمهان لهلق ما دقت .. يلا احسن .طبعا رهف مسحت المكالمات
لبس وقعد ينشف شعرو وصار يبعتلا ع الواتس ما يوصلا الحكي .. فتح الفيس لقاها حاظرتو صار يدقلا ما ترد
نصر : لك شبا هاي ليش حاظرتني ... ياربي عنجد النسوان بنص عقل بكرا بشوف شبا
حط راسو ونام
تاني يوم فاق نصر وراح على شغلو ورهف قضت يوما عادي خلصت وقعدت ع الفيس بوك
حكاها عبيدة : مرحبا رهف
رهف : هلا عبيدة كيفك
عبيدة : الحمد لله ..... المهم بدي منك خدمة
رهف : شو هية
عبيدة : في صبية معنا بالكروب هلق ببعتلك رابط صفحتا
رهف : اي شبا
عبيدة : بدي منك تحكيها وتسأليها عني
رهف : مافهمت
عبيدة : بصراحة انا معجب فيها وعم ابعتلا طلب صداقة ماعم تقبل فا يمكن تقبل طلبك لانك بنت وتحكيها وتقوليا انو عبيدة معجب فيكي
رهف : بس هيك تكرم
عبيدة : الله يكرمك يارب .. احلا صديقة والله
رهف : ههههه يلا رح حكيها ورد عليك خبر
بعد ساعة
رهف بعتت : الو
عبيدة : اي شو صار معك
رهف : قال هية مخطوبة
عبيدة : اممم .. طيب ماشي عزبتك
رهف : عذابك راحة
عبيدة : انا بدي سكر سلام
رهف : سلام
رهف : شكلو زعل .. اي شو اعملو
فجأة انفتح الباب وفات نصر بين على الغضب وفات متل الحيوان مسكا من شعرا
نصر : شو قلتيلا لاسمهان مبارح
رهف : نصر تركني عم توجعني
نصر بصوت عالي : شووو قلتيلا
رهف : لك قلتلا انك عم تتحمم شو فيها
نصر : مين طلب منك تردي عليها او مين طلب منك تقربي على تلفوني من اصلو
رهف : خلص مشان الله تركني والله معد عيدا
نصر : اكيد ماراح تعيديها لانو رح علمك كيف تقربي ع تلفوني مرة تانية
رهف : نصر مشان الله لا تضرب والله التوبة
نصر : قلتيلي التوبة ياكلبة بس انتي شكلو جلدك عم يحكك من زمان
رهف : نصر مشان الله
ما رد عليها شكل قشاط البنطلون وطواه بأيدو وصار يضربها وكان عم يفجر كل غضبو عليها وهية عم تبكي وتصرخ وتقولو : مشان الله تركني وصارت تخبي وجها بين اديها مشان ما يصيبا وتبكي من كل قلبا وتصرخ وهو متل الحيوان مافي بقلبو رحمة
بالاخير هو تعب وقعد على جنب وهية ضامة جسما وعم تبكي من الوجع
رهف : اااااه .. روح يا نصر الله لا يسامحك
صار ابنا يبكي وفاق على صوت العياط والصريخ
نصر : هاد درس صغير
تركها وطلع وهية عم تدعي عليه من كل قلبا وتقولو روح ان شاء الله تروح وما ترجع .. ان شاء الله بجيبوك محمل ... عم تضربيني عشان وحدة فلتانة .. الله يلعنك ويلعنا .. الله لا يسامحك ياعلا لا انتي ولا عمامي على هالجوازة يلي جوزتوني اياها روحو شكيتكون لا الله وينك يابابا وينك ياماما ليش رحتو وتركتوني تعالو شوفو بنتكن شو عم يصير فيها ... ااااه يا ماما وينك تعالي شوفي بنتك الصغيرة شو عم يصير فيها تعالي شوفي بنتك المدللة .. ااااه ..
همام عم يبكي بصوت قوي
رهف : جاي ياماما جاي
قامت وجسما كلو عم يهب عليها متل النار
راحت لعند ابنا حطتو بحضنا وصارت تطبطب عليه رجع نام وهية دموعا على خدا متل الشلال وعم تكتم شهقاتا مشان مايفيق نيمتو مكانو ونامت على الارض وصارت تبكي
رهف : ليش هيك انا حظي ليش كلون عايشين ومبسوطين الا انا ليش عايشة والله بحاجة حدا يحبني ويحس فيني محتاجة بحدا يهتم فيني ااااه ياربي ااااه دخيلك موتني وريحين والله مليت من هالحياة .. دخيلك يارب مافي غير انت عم تسمعني
.................
مرق يومين عليها وناصر ما اجا ابدا على البيت وتلفونا كانت مسكرتو نهائيا يمكن مشان تريح حالا او لتشوف مين بدو يسأل عنا بس محدا لاحظ انو مسكرا تلفونا لا اختا ولا جوزا
واقفة قدام المراي شلحت كنزتا وصارت تشوف الزراق يلي على جسما من اثار القشاط
صارت تلمسون شوي شوي ولقتون عم يوجعوها
رهف : روح الله يحرقلك قلبك متل ما حرقتلي قلبي انا خلص معد الي نفس قاوم .. او حارب ..ههههه ليش لحتى حارب حتى اكسبك والله مافشرت ترجع تلمسني ياواطي ما انتي بدك تتزوج شمأريين رح خليك تتزوج بس مقابل طلاقي هلق بدي حارب لحتى اخلص منك .... لافتح هالتلفون لشوف مين فقدلي بس لو حدا لاحظ غيابي كانو دقو ع الارضي ..
فتحت التلفون و وبالفعل مالقت حدا متذكرا ابدا
بس صار تلفونا يطنطن وكان رسائل مسنجر من عبيدة وكان خلال هاليومين على جول عم يبعتلا
عبيدة : مسالخير
صباحو
رهف وينك وين غاطة
الووووو
مسالخير
في حدا هون
لك وينك صاير معك شي
رهااااااف
ولووووو
رهف : مافي غير انت لاحظت غيابي والله انك احسن منون كلون ... صفنت شوي وقالت شو صار لو انت كنت جوزي بدال هاد الحيوان
بعتلا رسالة
عبيدة : مرحبا
كيفك
شفتك اون لاين بعتلك بسرعة شو وين كنتي
رهف : هلا عبيدة كيفك
عبيدة : لك انا منيح انتي كيفك .. وين غاطة
رهف صارت تبكي ومتمناي تحكيلو كلشي بس مابصير
عبيدة : الووو .. لك وين رحتي
رهف : اي معك عم قلك منيحة
عبيدة : لا مانك منيحة قوليلي شو صاير معك
رهف : عنجد ماصاير شي
عبيدة : بس انا احساسي مابخيب قوليلي شبك
رهف : مافي شي مهم موضوع تافه
عبيدة : شفتي انو في شي احكي شو صاير معك
رهف : والله موضوع تافه
عبيدة : معليش انا بدي اعرفو
رهف : بصفتك شو بدك تعرفو
عبيدة : بصفتي صديقك وبخاف عليكي وعلى مصلتك .. الا اذا مانك معتبرتيني صديق ساعتها انا اسف
رهف : لا مو هيك والله انت اكتر من صديق
عبيدة : طيب احكيلي شو صاير معك
رهف: رح احكيليك بس حلفتك باغلى شي عندك هالشي يضل سر بيني وبينك
عبيدة : اكيد سر احكي
رهف : والله ماني عرفاني من وين بدي بلش
عبيدة : بلشي من محل مابدك
رهف : لكن رح احكيلك كل قصتي من اولا
عبيدة : بكون احسن .. يلا احكي عم اسمعك
رهف : بس رح تكون طويلة
عبيدة : ما بأثر قاعد على هالحاجز وماعندي شي يلا احكي
رهف : بس وعدني انو هالحكي يضل بينتانا
عبيدة : رهف خلصينا
رهف : قصتي بلشت لما اجت قذيفة على بيتنا وماتو الباب والماما انا تصاوبت اصابات خفيفة بس الاصابة يلي صارت بقلبي كبيرة كتير ضليت لحالي بهل الحياة وانا بنت فيك تقول من النوع الحريص يلي مابيطلع ولا بفوت صح كان معي هاتف بس والله ولا مرة حكيت مع شب مع انو كان في كتير شباب حولي يتمنو يحكوني
عبيدة : اي كملي
رهف : المهم كانت حالتي حالة وتعبت نفسيتي كتير صح علا اختي كانت معي بس هية عندا اخوك وولادا تهتم فيهن
عبيدة : كلامك صح
رهف : صرت اسبوع قضيه عند عميتي واسبوع عند خالتي .. بس كنت ارتاح كتير لما كون عند خالتي .. خالتي انسانة حنونة .. بس متل مابتعرف انا صبية وكنت على وش زواج اقترحو علي اتزوج ابن عمي نصر وهو يلي هلق زوجي
عبيدة : اي
رهف : انا رفضت لانو بعرف انو نصر بحب بنت تانية واسما اسمهان ما بس انا بعرف كل المنطقة بتعرف
عبيدة : اسمهان بنت ابو بدر
رهف : اي هاي ماغيرا
عبيدة : اي وبعدين
صارو كلون يقنعوني اتزوجو وانو هو الوحيديلي رح يحميني وقد ما كان بضل ابن عمي
عبيدة : بس كيف قبلتي تتزوجي واحد مابحبك
رهف : ما كان في خيار تاني .. حتى اختي علا صارت تقلي انو خالتي وعمتي بلشو يملو مني .. حسيت كل الدنيا داقت فيني وما الي اي حدا ضل عندو لك حتى بيت اهلي ماضل منو شي كلو صار ع الارض
عبيدة : بعين الله ... بس اكيد جوزك حبك ونسي هديك صح .. لانو انتي مشاء الله عنك جمال واخلاق وست بيت وما ناقصك شي ابدا
رهف : ههههههه
عبيدة : ليش عم تضحكي
رهف : ظنك ماطلع بمحلو .. لانو هو لليوم بحبا
عبيدة : شوووووو ... عم تحكي جد
رهف : اي والله جد .. حتى هلق عم يعمر بيت مشان يتزوجا .. وكل يوم انا واياه بنتقاتل وبقلي احمدي ربك انو اتزوجتك وحاويكي
عبيدة : عنجد هيك بيحكي معك
رهف دوموعا صارو ينزلو على شاشة التلفون مسحتون وكتبت : اي والله على طول هيك بيحكي معي
عبيدة : بس انتو عنكن ولد
رهف ؛ اي واذا عنا ولد
عبيدة : قصدي ياربي كيف بدي اشرحلك اياها
رهف : فهمت عليك بدك تقلي انو كيف بقرب علي وهو ما بحبني ما هيك قصدك
عبيدة : بصراحة اي
رهف : اي عندو كلشي لحال .. يعني فيك تقول بيقضي شهوتو
عبيدة : لا تزعلي بس عنجد جوزك واحد بلا ضمير وواحد حيوان كمان
رهف : لا ليش لحتى ازعل انا اصلا صرلي يومين عم ادعيه عليه مايرجع غير محمل
عبيدة : لا حرام تدعي عليه هيك في الله وشايف كلشي
رهف : بعرف انو في الله بس يلي عملو معي من انهارين محدا بيعملو
عبيدة : ليش شو عمل
رهف : لكن انا ليش صرلي يومين طافي تلفوني
عبيدة : عنجد شو عمل
رهف : ضربني بدون رحمة الله لا يوفقو والله الحيوانات ما بتنضرب هيك اقسم بالله جسمي ماعم اقدر حركو كلو كلو ازرق
عبيدة : لك وصلت معو يضربك
رهف : هاي ما اول مرة
عبيدة : شوووو كمان
رهف : اي والله بس هالمرة غير .. غير .. راسي صرلو يومين عم يوجعني متل المطوشي
عبيدة : لك والله حرام يكون رجال وفي بوجهو شوارب
رهف : اي والله حرام يكون رجال
عبيدة : بس انتي ليش لهلق ما نزلتي واشتكيتي عليه
رهف : اشتكي عليه لا لا
عبيدة : اي اشتكي عليه هاد لازم يتعاقب وانتي مالازم تسكتي
رهف : مستحيل بدك اياني انفضح
عبيدة : لك هاد عم يضربك
رهف : بس قد ماكان بضل ابن عمي
عبيدة : مابعرف بس هيك عم تخليه يتمادا اكتر
رهف : لا ما رح اسمحلو اصلا انا عم خطط لشي
عبيدة : وشو هو
رهف : خلص بعدين
يلا انا لازم سكر سلام
عبيدة : اوك سلام
بس لا تقطعيني
رهف : ان شاء الله
طفت النت وسكرت التلفون ورمتو على جنب وصارت تنفخ بعدين صارت تبكي
انتفح الباب وكان ناصر
من لا سلام ولا كلام : شو لسه مامتي انا قلت بتكوني متي وارتحت منك
رهف : الله كريم الا مايجي هاليوم
نصر : والله بتريحي
رهف : بعرف
نصر : وين همام مشتقلو
ما ردت عليه
تجاهلا وفات على غرفة ابنو لقاه نايم قعد حدو وصار يلمسلو على وجهو وعلى اديه براس اصابيعو
قرب وباسو على جبينو قامت رهف ووقفت بالباب تشوف شو عم يعمل وصارت تقول بقلبا : حننووون
رهف ؛ تصالحتو
ناصر مشان يغيظا : اي وطقي موتي
رهف : اي الله يهنيكن
نصر : قال يعني مانو هامك
رهف : ما وقتو هالحكي تعال ع الصالون بدي احكي معك بموضوع
نصر : تفضلي لنشوف اخرتها معك
راحت وقعدت وركت اديها على رجليها وشبكتون ببعض وهو قعد قدما
رهف : نصر طلقني
نصر : رجعنا لنفس الموال
رهف : اي طلقني انا معد بدي كمل معك
نصر : اذا طلقتك وين بدك تروحي
رهف : بضل قاعدة هون بربيلك ابنك
نصر : لا اذا بدك تتطلقي بدك تنسي ابنك وهاد البيت بعدين ما نحنا عايشين متل المطلقين ليش بدك تتطلقي
رهف : بس اتطلق ع الاخير مشان ما تطالبني بحقوقك وكمان مشان مايحقلك تمد اديك علي مرة تانية
نصر : ههههههه ضحكتيني اي خرسي وهالحكي لا تعيديه
رهف بقلبا ؛ الله يلعنك شو لئيم مشان تعمل حالك قدام الناس انك الانسان الشهم يلي ستر على بنت عمو بس والله رح اعمل المستحيل لحتى اتطلق منك ياواطي
نصر : شو وين صافنة
رهف : ما انت عم تشتغل ليل وانهار لحتى تتزوج اسمهان
نصر : ايي وبعدين لوين بدك توصلي
رهف : خود دهباتي واتزوجو
نصر : شووو عم تقولي
رهف :متل ماسمعت ما احسن ما مقضينها ع التلفونات وبالحرام تزوجو وانضبو بالحلال حاجتكن
نصر : شو قصدك بالحرام نحنا مانا عم نعمل شي بالحرام
رهف : قصدي الحكي ع التفونات مانو حرام وانا رح ساعدك
نصر : وشو رح تستفادي انت اذا زوجتيني
رهف : بدي تعتقني لوجه الله وكمان هدول الدهبات انت جبتون خدون وفك دقيتك مشان ماتضل تهتني انك حاويني عندك
نصر صفن وعجبو الحكي وقال : كيف انا كنت نسيان موضوع دهباتا
رهف : شو قلت
نصر ؛ بفكر وبرد عليكي خبر
رهف : مابدا تفكير .. قوم جبلك اياهن
نصر : لا خلص خليهن للمسا ...
رهف : متل مابدك
نصر : ليكي انا عزمت رفقاتي بالشغل ع العشا بدي منك تحضريلي عشا يكون محترم
رهف بقلبا : بكل عين وقحة عم تطلب مني عشا بعد ما ضربتني ياريت قلتلي كيف صرتي ان شاء الله تاكلو سم انت واياهم
ناصر : شو قلتي
رهف : انا جسمي كلو عم يوجعني من القتلي يلي حضرتك عملتلي اياها ماني قدراني خلي امك تعملون عشا
ناصر : هو انا كمان هيك فكرت بس هنن اكدو علي انو ياكلو من تحت اديكي لانو كتير عجبون طبخك هديك المرة
رهف : طيب ماشي انت جيب عدة الطبخ وانا بطبخ
نصر : هلق بنزل بجبلك الغراض بس لا تسوديلي وجهي
رهف بنبرة قهر : وجهك ابيض من يوم يومو
وبقلبا : ان شاء الله تاكلو سم العما ما احقرو ولا كأنو ضاربني او عاملي شي لك الله يلعني اذا بعد بعيش عندك بس كلشي بوقتو حلو
.............
راح نصر جاب الغراض واجا
قربت وفتحت الكياس
رهف : شو هاد
نصر : شو شايفي
رهف : كأنو جايب غراض المحشي والكبة
نصر : اي
رهف : مشالله عنك منقي اسهل اكلتين
نصر : هلق جبتون دبري حالك
رهف : لا حول ولا قوة الا بالله .. لك انت مابتشوف لك مانك شايف كيف حالتي وابنك ما بدو مين يشيلو لحتى اعمل كل هالاكل لك والله انت مافي بقلبك رحمة
نصر : معك وقت للمسا وكمان اندهي للجارة تجي تساعدك
رهف : ليش ما تروح تجيب وحدة من اخواتك
نصر : مانون فاضين
رهف : ليش شو عندن بلله
نصر : بدون ينزلو ع السوق
رهف : لك شكيتك لالله
ناصر : بتخرسي ولا خرسك بطريقتي انقبري بلشي بالعشا لو ماني عايزك كان الي معك تصرف تاني
رهف عم تطلع عليه بطرف عينا وعم تنفخ
راح نصر ورهف بسرعة ندهت للجارة
اجت الجارة وجابت بنتا معا البنت شالت همام وصارت تلاعبو ورهف والجارة بلشو بتجهيز العشا
.........................
المسا
رهف : عزبتك معي
الجارة : نحنا لبعض لا تحكي هيك
رهف : عنجد يكتر خيرك لولاكي ماكنت خلصت
الجارة : خير الله وايمت ما احتجتي مساعدة اندهي علي
رهف : ان شاء الله
طلعت الجارة ورهف حطت اللمسات الاخيرة على السفرة بس كانت حاسة جسما رح يموتا من الوجع
اجا نصر هو ورفقاتو وقعدو اكلو وما خلو شي على السفرة
قامو وقعدوبالصالون اجت رهف ولقت السفرة عم تصفر وكأنو مر عليها شي عاصفة مع انو هية جوعانة ولسه ما اكلت
اخدت السفرة على المطبخ و الدمعة عالقة بعينا ما ضل شي نهائيا وبطنا عم يزقزق
رهف : لك انا الحق علي حطيتلون كل الاكل ماني عرفاني انون حمير ومابخلو شي لك ان شاء الله زقوم العما بقلبون
نصر من الصالون : رهف عملينا كاسة شاي وهاتي الفواكه
رهف : لسه بدك تاكلو فوكه العما شو عجول
ركبت على ابرق الشاي واخدتلون جاط الفواكه
حكي رفيقو لنصر وقال : يسلم اديكي اختي ام همام عنجد هالاكل لا يعلا عليه
رهف : صحة وهنا واهلا وسهلا فيكم
حكي رفيقو التاني : بصراحة انا بحسدو لنصر عليكي الله يبعتلي وحدة تكون متلك
نصر حس بنوع من انواع الغيرة وانقهر وغمز رهف تروح
رهف : شكرا هاد من زوقك
تركتون وفاتت وهية حاسة انها مبسوطة
رهف : ههههه كل العالم عم تحسدك علي وانت مانك مقدر بس كأنو انقهر هههههه معقول بلش يغار .. هاد بدو يغار لك والله هاد حمار لا مشاعر ولا بطيخ
بس بيعرف يحب سوسو ... وهي غلي الشاي طالعو انا ولا اندهلو ... لا خليني انا طالعو خليه ينقهر شوي
اخدت الشاي وطلعت
رهف : اهلا وسهلا . وحبت تفتح حديث وقالت وهية واقفة : شوفولي الشاي لانو ما انتبهت اشقد حطيت سكر لانو راسي مشوش وتعبانة
نصر كان رح يجن وعم يهز رجلو هية تجاهلتو ودارت ضهرا
اخدو كاسات الشاي وشربو
# الله اي شو هالشاي ولا اطيب
رهف : يعني منيح حلوها
# عم يقلك ولااطيب اي ظابط الله يعطيكي العافية عذبناكي اليوم
رهف : لايوه لا والله لا عذاب ولا شي المهم انكن اكلتو وشبعتو
نصر : رهف ممكن خمس دقايق
رهف : يلا
راحت قدامو على المطبخ وهو لحقا
رهف : شوبدك
نصر : شو رايك تاخدي كاسة وتروحي تقعدي معنا
رهف : وليش لأ انت ليش مزعوج ما انت بدك تجيبن وتعشيهن
نصر : جيبن عشيهن ما قعدون مع مرتي
رهف : هههههه حاسستك غيران
نصر : لأ ليش لحتى غار وكمان بدي غار عليكي اي روحي روحي من خلقتي روحي اندفس حد ابنك انتهت مهمتك
رهف : بدي انقبر لاقي شي اتسوفقو لانو ميتة من الجوع
ناصر : اي كلي مين ماسكك
رهف : والله محدا ماسكني بس انت ورفقاتك الغوال ماخليتو شي ..
ناصر : اي دبري حالك بشي شغلة لا تصرعي راسي
رهف : اي رح دبر روح انت لعند رفقاتك
تركها وطلع
فتحت البراد لقت قداما زيت وزعتر طالعتون عملت سندويشة وقعدت تاكلا ودموعا صارو ينزلو واللقمة غصب تنبلع معا وكل شوي تغص خلصتا وشربت كاسة مي وراحت تمددت جنب ابنا ودموعا على خدودا
فتحت التلفون وكان عبيدة محكيها
رهف : هلا عبيدة كيفك
عبيدة : لك وين بتختفي انتي .. من الضهر عم ابتعلك
رهف : كان عندي عزيمة
عبيدة : عزيمة شو
رهف : جوزي المصون جايب رفقاتو وبدو عشا
عبيدة : وخلاكي تطبخي وانت هيك
رهف : اي ليش فارقة معو اذا عم اتوجع او عم موت مابهمو المهم هو يضل مروق ويصير يلي بدو اياه
عبيدة : لا هاد مانو انسان خالص لك كيف مستحملة تضلي عندو
رهف : وحياتك ماني مطولة ورح اتطلق منو لابن هالحرام
عبيدة : عم تحكي جد ولا بس بوقت الشدة بتحكي هيك
رهف : والله بدي اتطلق انا معد استحمل
عبيدة : وين بدك تروحي طيب
رهف : الله ما بينسى حدا
عبيدة: روحي لعند اختك علا
رهف : مستحيل روح لعندا هية عندا بيت وولاد وين بدي روح لعندا كمان انا حاملة بقلبي عليها لانو هية يلي اقنعتني اتزوجو .. بس الله مابيقطع اذا بدي اصفى بالشارع بدي اتطلق منو .... المهم انت شو اخبارك
عبيدة : عم احكي مع وحدة جديدة باينتا مهضومة
هية لما قرت هيك تجلست وحست داق صدرا وزعلت كتير
عبيدة : شو وين رحتي
رهف حست حالا بدا تبكي اكتر
رهف : ياربي انا شبني ليش انقهرت .. لك شوبدي منو معقول عم حبو ... لا لا شو حبو ... هو بس صديق
بس انا على طول عم فكر فيه ... رهف شو عم يصير معك لا تجني
عبيدة : رههههف وين رحتي وليه دبه
رهف عم تتطلع على المحادثة وتحكي حالا : ياربي شو عم يصير .. لك هو مجرد صديق ... انا رح نام شكلي كتير تعبت اليوم
رهف : عبيدة انا نعسانة كتير تصبح على خير
عبيدة : اوك مابدي ازعجك .. وانتي بخير
مسحت المحادثة وطفت النت وحطت راسا ونامت
..........................
نصر قاعد مع رفقاتو بس كان صافن
# نصر شبك وين شارد
نصر : اااه معك معك
#لا انت مانك على بغضك
نصر : اي والله حاسس حالي تقلت بالعشا ومتضايق
# هو معك حق اتقل مشالله هالاكل لا يعلا عليه ابدا
نصر اتطلع فيه وما حكا
# لكن نحنا لنقوم نروح وانت قوم ارتاح
نصر : لا خليكن سهرانين
# خلص غير مرة ودايمة ع العشا يلا شباب
.........................
رهف عم تحلم
نصر : رهف تعالي ع غرفتي عايزك
رهف : نصر تعبانة تركني
نصر : حبيبتي انا مشتقلك انتي مانك مشتاقتيلي
رهف : لا ماني مشتاقة لحدا
قرب وقد حدا وصار يلعبلا بشعراتا .. فتحت عيونا قام لقتو عبيدة
رهف : هاد انت
عبيدة : اي انا رهف انا بحبك
فرحت كتير وقعدت وعبيدة حط اديه على خاصرتا وصار يتطلع بعيونا
عبيدة : بحبك
رهف : وانا كمان بحبك
قرب وطبع بوسة على شفافها وهية كل جسما صار يرجف
عبيدة : ليش عم ترجفي
رهف : اول مرة بحس بهل الشعور
عبيدة : حلوو
رهف : كتيييير
عبيدة : رهف بكفي حاج ترجفي ... رهف رهف رهففف
فاقت مرعوبة على صوت نصر عم يقول رهف رهفف
رهف : شوفي
نصر : صرلي ساعة عم فيقك وانتي عم ترجفي فكرتك مكوبسة وعم فيقك
اتذكرت الحلم وحست بشعلة نار صارت بصدرا وتغيرت ملامحا
نصر : انت منيحة
رهف من غير نفس : اي
نصر : اي قومي معي
رهف : ع وين
ناصر : ع غرفتنا ع وين يعني
رهف : لك انت مابتخجل من حالك جاي لعندي ولا كأنو ولا عامل شي
نصر : ليش شو عملت
رهف : لك من انهارين ضربتني بدون رحمة واليوم خليتني اشتغل طول الانهار متل الحمارة وهلق جاي بدك حقوقك لك مشان الله اعتبرني اي شي لك انا انسانة والله تعبانة ليش ما عم تحس
نصر : خلص خلص لا تعمليلي محضرات هلق ارجعي نامي
رجعت حطت راسا على المخدة وصارت تفكر بالمنام وحست شعور جواتا متل شعور الخوف ومابتعرف شو سببو
طلع نصر قعد بالصالون وشغل التلفزيون وصار يقلب
بس ابدا ما كان منتبه للتلفزيون كل تفكيرو عند رهف وانو بدو اياها بس هالمرة مابدو اياها ليقضي شهوتو لأ هالمرة بدو اياها الها بدو يضما لصدرو ويقربا منو
نصر : نصر شو عم يصير معك .... معقول عم تحبا .. لا لا واسمهان ... بس رهف تعويض لحتى اسمهان تصير عندي ... بس لسه الوقت بكير ومارح مرق هاي الليلة هيك
قام وفتح الباب هية عملت حالا نايمة رفع عنا الغطا وصار يفيقا
رهف : نصر شو بدك
نصر : عم قلك قومي معي الليل بعدو بأولو
رهف : طيب روح وين ما بدك تركني بحالي
نصر : لك خلصينا قومي مابدي عيد كلامي
رهف : بس
نصر بصوت عالي خوفا لرهف : خلصيييينا
قامت وهية عم تتأفأف

يتبع ......
 
#وردة_ذابلة
#بقلم_مريم_اليوسف

#الجزء_الثالث

فاقت الصبح وكانت بتخت نصر اجت بدا تقوم بس ما الها حيل نهائيا واتذكرت شو صار ليلة مبارح وصارت تبكي لك بكرهك بكرهك الله يلعنك ويلعن قرفك
انفتح الباب وفات نصر وهو شايل ابنو
نصر : حبيبي همام قول صباح الخير للماما
مسحت دموعا وماردت قامت من على التخت بصعوبة
نصر : شبك عم نصبح
رهف : نصر ممكن اطلب طلب
نصر : شو بدك
رهف : مشان الله اعتقني بحالي انا معد بدي اياك انا بكرهك
نصر : شو صاير لقعلك انتي
رهف : لانك ما بتحس بلا مشاعر بتضل تعاملني متل شي حيونة عندك
نصر : كلو كم كف ضربناكي اياه صرعتيني
شلحت الكنزة يلي كانت لابستا وقالتلو شوف هاي اثار كم كف بس شكلك بليل ما انتبهت كان عتم او انت مابدك تشوف
نصر لما شاف هيك جسما مصبغ احمر وازرق حس بتأنيب الضمير
نصر : شو بدك هلق
راحت لعند خزانتا فتحتا وطلعت صندوق صغير فتحتو وفضتو على التخت وقالت : خدون وروح اتزوج وانا مشان الله عيفني بحالي
ناصر : .....
رهف : والله عم احكي جد خدون وروح تزوج انتو بتحبو بعض وبكفي فراق ... لك مابدا تفكير انت ناقصك مصاري خدون وروح اتزوج
رجعتن ع الصندوق عطتو اياهن واخدت ابنا منو وقالت روح ما بدا وقفة ... بس اسماع يانصر المقابل بدي منك تنسى انو مرتك انا ام ابنك مو اكتر ماشي
نصر حس انو اديق لانو معد بدا اياه بس ما بينلا
وقال : اي انا اصلا لما رح اتزوج اسمهان معد فكر فيكي نهائيا ومعد تلزميني اخد الدهبات وطلع
قعدت ع طرف التخت وصارت تبكي من كل قلبا
حست حالا ضايعة وكأنو بعالم غير عالما قاما اشتغلت شغلات البيت وقعدت قدام التلفزيون وصارت تقلب
طلعت بوجها قناة دينية وبنفس الوقت صار همام يبكي تركت عليها وجابت ابنا ورجعت لقدام التلفزيون وحاسة حالا متدايقة كتير
وهية شاردة بعالم تاني سمعت وحدة متصلة بشيخ عم تحكيلو مشكلتا
المتصلة : يا شيخ بدي قلك انو انا عندي اصدقاء شباب ع الفيس بوك وبحكي معون بعلم زوجي بس عم حس عم اعمل شي غلط
الشيخ بطريقة لئيمة : اكيد عم تعملي شي غلط وانتي وزوجك رح تتحاسبو .. هاي التلفونات خراب بيوت اتقي الله يابنتي هاد الشي غلط .. رح سهلك اياها ممكن انتي تحبي شخص من اصدقائك هاي ما اسمها خيانة
المتصلة : صح
الشيخ : يا بنتي الشيطان صاير موجود بكل مكان يمكن زوجك لانو واثق فيكي سامحلك بس لا تخلي ايمانك يسمحلك
المتصلة :معك حق ياشيخ .. جزاك الله خير
خلص الاتصال وصار يقول الشيخ انتبهو ياجماعة انتبهو هذا الهاتف ورائه المصائب والعياذ بالله كم من زوجة تطلقت من زوجها بسبب الهاتف كم زوج طلق زوجته بسبب الهاتف
انا اليوم خصصت هذه الحلقة للنصحية لاني ارى الامة تنحرف انا ما عم قلكن لا تحملو هواتف ولا تنزلو فيس بس كله بحدود .. اسمعي يا اختي اسمع يا اخي ما كل من قال كلام حلو هو شاعر ورومنسي او شاعرة او رومنسية .. بل هم خبيرين في هذه الامور ويعرفون نقاط الضعف ويستغلونها والانسان بينضحك عليه بكلمتين حلوين خليكن واثقين انهم كاذبين
اتصال جديد
ورهف عطت كل اهتماما للبرنامج
الشيخ : الو مين معي
المتصلة : يا شيخ انا عندي مشكلة بس عندي عذر
الشيخ : احكي يابنتي عم اسمعك
المتصلة : يا شيخ انا جوزي بحياتو ما سمعني كلمة حلوة وبضل يضربي ما بعاملني برومنسية ولا مرة جبلي هدية وانا كتير تعبت معو .. واتعرفت على شخص ع الفيس بوك وحبينا بعض وعوضني عن كلشي عشتو مع زوجي وهلق ناطرني حتى اتطلق ونتزوج اناعم احكيلك قصتي بدي تقلي شو رأيك
الشيخ : لا حول ولا قوة الا بالله العلي العظيم
اسمعي يابنتي انتي لما جوزك كان هيك معك ليش ما لجئتي لرب العالمين .... ليش ساكتة ... خايفة تواجهي حالك ما هيك رحتي الجئتي للفيس بوك .. وصرتي تبحثي عن الحب .... وبمساعدت الشيطان
سكت شوي بعدين صار يحكي بصوت عالي غاضب : جوزك ما بسمعك كلام حلو الجئي الى الله
جوزك بيضربك الجئي الى الله
جوزك مانو رومنسي الجئي الى الله
ما تلجئي للفيس بوك .. ومن كل عقلك متوقعة انو هاد يلي عم تحكي معو بدو يتزوجك .. انا بأكدلك مليون بالمية هاد واحد كذاب .. حتى لو اتزوجك رح يضل يهتك انك خنتي زوجك ... نعم انتي خائنة .. او يا خد منك يلي بدو ايها ويرميكي ساعتها بتتذكري ربك ساعتها بتلجئيو ... روحي يابنتي صلحي غطلتك ورجعي الى بيت وولادك واستغفر ربك بركي بيغفرلك واذا لقيتي حالك تعبانة معو اتطلقي احسن مانك عم تخونيه من نص بيتو روحي يا بنتي الله يهديكي
انتهى الاتصال
الشيخ : لك بدكن رومنسية بدكن حنان لك في عالم بتتمنى تعيش عيشتكن في عالم عم تحسدكن على ازواجكم .. اسمعي يا اختي اشقد ماكان زوجك قاسي معك اصحك تدوري على بدالو لانو رح تندمي الجئو الى الله وهو القادر على كل شيء لك العالم وصلت للمريخ ونحنا دايرين على جوزي مانو رومنسي ومانو حنون ... العالم عم تموت وتنقتل ببورما وبالدول العربيةونحنا دايرين ع الرومنسية .. الغرب عم ينهش بأراضينا ونحنا عم ندور على الرومنسية .. اتقو الله اتقوا الله في اولادكم اسمعي انتي واياها او انت واياه فكرو بولادكن .. فكر شو نهاية العابكن الوسخة فكرو باولادكن شو رح يصير فيهن رح يتشردو ويربو عند بيت جدون وانتي روحي لعندو لانك بتحبيه ودايرة على الرومنسية .. ما بتحبي جوزي اتطلقي منو لا تخونيه ما بتحب مرتك طلقا ولا تخونا اتقوا الله
اسمعوا يا ابنائي صح الحب ضروري بحياة الزوجين بس انتي او انت حاول تبني هاد الحب واذا ما قدرتو فالطلاق افضل من معصية الله
وهكذا اتنهت حلقتنا لليوم والسلام عليكم ورحمة الله وبركاته
سكرت التلفزيون والشعور بالذنب عم ياكلا
رهف : يارب تسامحني يارب تغفرلي .... يارب مالي غيرك لك انا شو عملت ليش لاحكي مع عبيدة ليش لك وين كان عقلي يارب يارب انا اسفة يارب انا اسفة كلو منك يا نصر كلو منك لونك مهنيني ما كنت فتحت فيس بوك من اصلو .. بس انا المذنبة انا لك كيف هيك كنت غبية معقول ما ضل شي اتسلى فيه غير الحكي مع عبيدة يارب سامحني لك حتى مشاعري بلشت تنجرف لعندو يارب يارب
قعدت وصارت تبكي من قلبا وشعورا بالذنب عم ياكلا
رهف : بس كلو منك يا نصر والله رح اتركك ولو بضل بعمري يوم واحد
رن تلفونا وكانت خالتا من بيروت
حاولت تغير نبرة صوتا
رهف : اهلا خالتي
خالتا فاطمة : كيفك رهوفة حبيبة قلبي
رهف : مشتاقتلك خالتي كيفك انتي
فاطمة : مشان الله ياخالتي شبك صاير معك شي
رهف : شبك خالتي ليش هيك عم تحكي
فاطمة : ياعمري والله قلبي عم يغلي عليكي امك اجتني بالمنام وقالتلي بنتي رهف عم تتعذب ليش مانكن عم تنتبهو عليها
رهف ماقدرت تخبي دموعا وحكتي وصوتا عم يقطش : ماما شفتي ماما بالمنام
فاطمة : رهف انتي عم تبكي
رهف ذاد بكاها
فاطمة : يعني فيكي شي مشان الله يا قلبي قوليلي شبك مين عم يدايقك
رهف : تعبانة ياخالتي تعبانة
فاطمة : سلامة قلبك من التعب قوليلي شبك
رهف : قصة طويلة ببقا بحكيلك اياها لما بتجي
فاطمة : والله انا مقصرة كتير معك ياقلبي وماني عم اسأل عنك بس كنت مشغول بأبني قيس
رهف : ليش شبو قيس
فاطمة : طلق مرتوو
رهف : شوووو ليش
فاطمة : بعدين بحكيلك كلشي انا يومين ونازلة لعندك يا ضو عيوني
رهف : يقبروني عيونك
فاطمة بعيد الشر عنك يلا بدك شي حبيبتي
رهف ؛ سلامة عمرك
سكرت الخط مع خالتلا وكان عبيدة عم يبعتلا
رهف : خلص انا لازم لاقي حل لهل المهزلة
عبيدة : صباحو
رهف : صباح النور
عبيدة : كيفك
رهف : من الله بخير
عبيدة : شبك مانك على بعضك
رهف : مافي شي المهم بدي احكي معك بموضوع
عبيدة : شوفي
رهف : انا معد احكي معك وبدي الغي الصداقة واعملك حظر
عبيدة : ليش
رهف : ولا شي بس هيك مابدي احكي مع حدا
عبيدة : انتي صاير معك شي
رهف : لا بس هيك ..
عبيدة : طيب عطيني سبب
رهف : انت اذا متزوج بترضى مرتك يكون عندا صديق وانت ما بتعرف جاوبني بصراحة
عبيدة : بصراحة لأ .. بس انا غير زوجك
رهف : غيرو او لأ بالنهاي انا مرى متزوجة .. صح نحنا ما حكينا شي او كان بينتنا شي بس انا اخلاقي مابتسمحلي اعمل هيك يلا سلام
عبيدة : رهف لحظة
رهف : شوفي
عبيدة : ماقلتي بدك تنطلقي
رهف : اي صح قلت
عبيدة : بصراحة انا حبيتك وبدي اتزوجك
شهقت وحطت ايدا على تما وصار قلبا يدق بسرعة
رهف : لك شو عم يقول هاد لا انا هاد يلي كنت خايفة منو .. رهف اصحك تضعفي .. خلص انا لازم انهي هالشغلة هون
رهف : وانا بطلت اتطلق
عبيدة : لك كيف بدك تكملي حياتك مع هيك واحد انت بدك حدا يحبك وتحبيه
رهف : بس انا مابحبك
عبيدة : كذابة .. انت قلتي انك ارتحتيلي يعني انك حبيتيني
رهف : ههههههه ... عبيدة بتمنالك حياة سعيدة وسلام
عبيدة : لحظة شوي
Blouk
رهف : اووووف الله اعلم لوني مكملة حكي معو مابعرف وين كنت صرت الحمد لله
فاتت ع الفيس عملت مغادرة للمجموعة
قامت شالت ابنا واخدتو على غرفتو
..................
مرق يومين
ونصر ما كان يجي لعند رهف وهية مرتاحة من هالشي بس مانا مرتاحة ابدا وحاسة حالا تعلقت بعبيدة مع انو حكو مع بعض فترة كتير قصيرة ...
رهف : رهف حاج تفكري لازم تشلي كل هالاوهام من راسك خلص ياربي بس والله الوحدة رح تقتلني ... بس لازم حاول وضل عند موقفي
رح شوف خالتي ايمت بدا تجي
رهف : الو خالتي ... كيفك شو اخبارك .... عنجد .. وايمت بدك تجي .... شو شهر والله كتير ... الله يخليكي حاولي تجي قبل شهر ... اي حاولي الله يخليكي ... باي سلام
رهف : ياربي هاي خالتي كمان مانا جاي ... لقوم روح ع بيت عمي شوف شو الوضع ان شاء الله ماشوفك يا نصر
قامت لبست ولبست ابنا وراحو ع بيت عما
ام نصر قومي سارة شوفي مين
قامت سارة وفتحت
سارة : ماما هاي رهف
نصر : رهف ؟؟
قام يشوفا
رهف لما شافتو تفاجئت بس انقهرت كتير وكأنو شافت شي عفريت
نصر : رهف شو عم تعملي هون
رهف : شووو
نصر : قصدي صاير معك شي او مع همام
رهف : لا بس مليت وقلت اجي زور اهلك .. بس مايكون عندك مانع
نصر : لا البيت بيتك بس فكرت صابكن شي لا سمح الله
رهف : لا تفكر راسك بيوجعك
ام نصر : شو هلق حبيتو بعض تعالي رهف تعالي عطيني هالقمر
قربت رهف وعطت الولد لستو
ام نصر وهية عم تبسو لهمام قالت : هلق بعدنا بسيرتك عم قلو لنصر يروح يجيبك اشتنقنالك الك ولهمام
رهف : شايفة قلبي حسني وجيت ههههه
ام نصر : ياميت اهلا وسهلا فوتو فوتو
فاتو كلون وقعدو والكل صار يلعب همام
ونصر قعد وصار يتطلع على رهف
سارة : اخي ماكنت تقول بدك تروح ع الشغل وانك مستعجل
نصر : يلا رايح بدكم شي
ام نصر : لا الله معك روح اتيسر
نصر : بدك شي رهف
رهف : ليش من ايمت بتسأبني اذا بدي شي ولا قدام اهلك عم تعمل حالك مهتم
نصر زورا وطلع
ام نصر : بنتي ليش هيك عم تحكي مع زوجك
رهف : بتعرفي ابنك انو مابطيقني وبدو يتزوج ومسكني عندو شفقة وبحياتو ما سألني اذا بدي شي ليش يعني هلق عم يعمل حالو مهتم
ام نصر : والله مابعرف شو قول
رهف : لا تقولي شي مافي داعي تقولو شي المهم كيفكن
سارة : والله الحمد لله
رهف : اي الحمد لله ... وايمت بدكن تخطبو لنصر
سارة : مبارح راحو اهلي حددو موعد الخطبة والعرس
ام نصر صارت تغمزا لسارة انو ما تحكي بس سارة ما انتبهت
سارة حست انو انجرحت كرامتا صح هية معد حبتو بس شعور صعب كتير
سارة : وايمت الخطبة والعرس
سارة : الخطبة بعد يومين والعرس اخر الشهر يعني شي تلت اسابيع
رهف : اي بالهنا
صار تلفون رهف يجي عليه رسائل واتس اب
علا : مرحبا رهوف شو وين مختفية
ردت رهف وهية مخنوقة : اهلا علا والله مختفية بهل البيت
علا : انتي هلأ بالبيت
رهف : لا عند بيت عمي
علا : ييي كنت قريبة منك قلت مر عليكي
رهف : وين قريبة مني عند مين
علا : كنا انا ومرت عمي وبنات حماي عم نخطب لعبيدة
انصدمت وجمدت وعينا على التلفون
علا : رهف وين صرتي ... الووووو ... لك وينك ردي ... طيب بتكوني انشغلتي ببقى بحكيكي
رهف بعدا مصدومة وصارو اديها يرجفو ودموعا معد قدرت تخبيهن
سارة : رهف شبك
ام نصر : بنتي شبك ليش عم تبكي
رهف : .....
ام نصر : كلو منك يا ام لسان ليش لتخبريها
سارة : مابعرف انو رح تزعل
ام نصر : شو يعني ما رح تزعل قد ماكان بضل جوزا ومافي اي وحدة بتحب تنزل عليها ضرة
ضمتا ام نصر لرهف ورهف صارت تبكي من كل قلبا على صدر مرت عما
رهف : ليش انا مالي حظ .. ليش كل العالم واقف ضددي ... مرت عمو انا تعبت ليش بحس كل العالم بتكرهني ومحدا بدو اياني
ام نصر : لا تحكي هيك يابنتي نحنا كلنا بنحبك
رهف : انا بدي قوم روح ع البيت
ام نصر : لا والله مابخليكي تروحي وانتي هيك قومي ارتاحي بغرفة نصر وهمام مع سارة بتلعبو
قامت وفاتت على غرفة نصر وصارت تبكي
رهف : يارب سامحني بعرف ما من حقي ازعل بس والله قلبي خاني ومشي بطريق غلط .. اصلا قلبي متل الطير الجريح يلي صاحبو هو يلي جارحو وعم يدور على شخص تاني يداويه ااااه ياربي .. خلص وعد يارب وعد انو معد فكر بحدا بالحرام خلص يارب سامحني وساعدني ..... خلص رهف لازم تقوي مشان تقدري تواجهي نصر وعبيدة وتشيلهن من حياتك خلص لهون وبكفي .. بس الشغلة بدا شوية وقت وهلق قوي حالك وقومي غسلي وجهك وصرلي ركعتين لوجه الله وبترتاحي
وبالفعل قامت توضت وصلت وحست انو ارتاحت شوي بس في جواتا احساس انو هية لعبة محطوطة ع الرف والكل بيتحكم فيها ولازم تطالع هاللعبة من جواتا وتكون هية المسؤولة عن حياتا
رهف : السعادة ما رجل السعادة هية انك تكونة حرة ويلعن احسن زلمة على وجه الكرة الارضية
قامت وغيرت ملامحا ورسمت ابتسامة على وجها وطلعت لعند مرت عما
ام نصر : مبين انك صرتي احسن
رهف : اي والله احسن
بوقت العشا اجا نصر وكان مبين عليه كتير معصب
ام نصر : شبك ابني مانك على بعضك
نصر : تقاتلت انا ورفيقي زياد
ام نصر : وشو صار
نصر : صاير واحد حقير وعم يتدخل بشغلات ما بتعنيه وتضاربنا
ام نصر : شووو تضاربتو وشو صار بعدين
نصر : اي خلص شيلنا منو
ام نصر : بدي احكي معك
مصر : شوفي
ام نصر : اختك سارة قالت لرهف انو بعد انهارين خطبتك واخر الشهر عرسك وهية ياحرام نشف قلبا كتر مابكت
نصر : امي شو يعني
ام نصر ؛ لك والله حرام تكسر خاطرا لهل البنت
رهف كانت عم تتسمع عليهن من المطبخ
نصر : لك انا ماحرام كل هالفترة متحملا لك بدكن تحرموني من البنت يلي بحبا ماحزرتي لا انتي ولا هية ... سمعي يا رهف خانم انا رح اتزوج قلتي اي وقلتي لأ عم تفهمي وما عأساس انتي بدك اياني اتزوج شو صرلك هلق ....
ام نصر : لك سكوت
نصر : ماني ساكت .. وانا يلي براسي بدي اعملو وانتي مدام رهف اذا ماعجبك هالحكي دقي راسك بمليون حيط
حطت ايدا على تما وصارت تبكي
نصر : حطولي عشا جوعان
ام نصر ؛ الله يصلحك
قامت وفاتت ع المطبخ وشافت رهف عم تبكي
ام نصر : خلص بنتي بكفي تبكي
رهف : انا ماني زعلانة والله لانو بدو يتزوج بس مقهورة على كرامتي كتير
ام نصر : والله كرامتك عالية ومحدا بمسا
رهف : مشان الله لك ماضللي كرامة صارت بين الصرامي .. انا رايحة بالاذن
ام نصر : ع وين رايحة هلق خليكي نصر بوديكي
رهف : لا ليكي البيت قريب ومابدي شي من ابنك بس الا الله مايفرجا
طلعت رهف وكان نصر قاعد بالصالون ماحكتو فاتت اخدت ابنا وطلعت
نصر : عوين يا مهون
رهف : ع البيت
نصر : خليكي هلق بوديكي
رهف : لا متشكرة
طلعت وطبشت الباب
نصر : اوووف
طلعت ام نصر ومعا العشا
ام نصر : راحت رهف
نصر : اي راحت
ام نصر : برضاي عليك خف عنها شوي حرام هي بنت مكسورة الخاطر
نصر : امي طلعي من راسي
ام نصر : بدك تتزوج تزوج بس لاتضل تسمعا حكي طالع نازل عاملها لك ياعمي عاملها متل اختك سارة يعني شو زنبا هية بتضل حاطط حطاها
بعد ماماتو اهلا ما ضللا بهل الحياة غيرنا وانت سترت عليها عملت معروف كملو .. وهاي حبيبتك رح تصير الك عن قريب .. ماني عم قلك حبا لرهف بس عاملها بأحترام
صفن نصر شوي وحس بتأنيب الضمير عليها ومن اول ماتزوجا ماعملها ولا يوم باحترام
نصر : خلص ماما رح حسن معاملتي معا
ام نصر : الله يرضى عليك
...................
فاتت رهف على بيتا نيمت ابنا بغرفتو ورحت على غرفتا حطت راسا ع المخدة ونامت وهية عم تبكي

مرق اول اسبوع وهية على حالا وماكانت تشوف حدا ونصر كان مشغول بتحضريات عروس
اندق الباب على رهف راحت فتحت الباب وكانت علا
بوستا وفاتت
علا : لك وينك ما عم تبيني ولا عم تحكي
رهف : والله بهل البيت
علا : لك ليش عم تضلي قابرة حالك بهل البيت طلعي شمي هوا طلعي شوفي الناس
رهف : شو تشربي
علا : ولا شي انا مستعجلة
رهف : لكن ليش جاي
علا : جاي اعزمك على عرس عبيدة بكرا
رهف ما انقهرت ولا شي لانو كانت عايشة بفترة كرهانة كل العالم بس اتفاجئت بسرعة العرس
رهف : اف بكرا ما من اسبوع قتلي انكن خطبتولو
علا : لك اهلا للبنت بدون يسافرو ونحنا قلنا بنزوجون احسن ماتروح مع اهلا وتمط السيرة
رهف : اي الف مبروك
علا : الله يبارك بعمرك .. عقبال مانفرح بهل الامور الصغير
رهف : ان شاء الله
علا : يلا سلام ..
رهف : الله معك
وقفت علا والتفت على رهف وقالت : صح كيفو نصر
رهف : بأحسن حالاتو
علا : ليش في شي
رهف : اي رح يتزوج
علا : شوووو
رهف : اي ليش مستغربة ... ليش مامعك خبر
علا : لا مامعي خبر ..
رهف : كل المنطقة بتعرف معقول انتي ما بتعرفي .. او انتي عاملة حالك مابتعرفي
علا : والله مامعي خبر
رهف : وهي صار معك خبر شوبدك تعملي
علا : اختي انتي منيحة
رهف : بأحسن حالاتي شايفة شقد منيحة
علا : اختي زعلانة مني
رهف : اي زعلانة منك ومن كل الدني لانو انتي اول وحدة شجعتيني على هالجازة
علا : اسفة اختي ماكنت بعرف انو رح يصير هيك
رهف : اي الله يسامحك وهلق روحي رح تتأخري
علا : رهف ..
رهف : اختي رح تتأخري يلا الله معك
طلعت وطبشت الباب وراها
رهف : هه رح تتزوج يا عبيدة اي الف مبروك هههههه جيت ماما جيت
تاني يوم جهزت حالا رهف وطلعت كتير حلوة وراحت ع العرس والابتسامة على وجها وابدا ماكنت مقهورة واعتبرت يلي مرت فيه ضعف وراح وابدا ما كان حب لانو مهما كابرت نصر هو يلي شاغل بلا بس كمان عم تحاول تتخلص منو
كانو عاملين حفلة عادية وعاملين غدا اتغدت العالم وراحو جابو العروس
ورجعو وصمدو العروس والعريس بساحة البيت لانو البيت كان كبير وشغلو اغاني وقام العريس والعروس يرقصو وعبيدة كان عم يدور بعيونو على رهف
وهو عم يرقص اجت عينو بعينا وصفن فيها هية تجاهلتو وصارت تتطلع على ناحية تانية وعم تزقف ومبتسمة
عبيدة للعروس :بكفي تعبت
رجعو على مكانو وعيونو معد فارقت رهف وهية لاحظت نظراتو عليها من دون ما تتطلع بس حست فيه قامت استاذنت وراحت على بيتا
فتحت الباب وفاتت وكان نصر قاعد ناطرا
نصر : وينك لهلق يامدام
رهف : بعرس ابن حماها لعلا عقبالك
نصر : اااه نسيت
رهف : تصبح على خير
نصر : وانتي بخير
فاتت على غرفة ابنا بدلت تيابا ونيمت ابنا ونامت جنبو بعد شوي سمعت طبشت الباب
رهف : درب السد يلي ما يرد
............................
مرقو اسبوعين كمان ورهف على طول لحالا اوقات تطلع على الجيران واهم الشي كانت تحمد ربا انو الله خلصا من عبيدة قبل ماتتعلق فيه ..
واقفة على المراي عم تحكي حالا : شو يارهف بعدك مصممة على الطلاق .... اي بعدني ... لانو انا ماني شي خادمة عندن . خلص لازم تفرضي شخصيتك وتفرجيهن انو مانهاية العالم اذا الوحدة اتطلقت وانو رح اقدر اسس حالي وانا لحالي حاج بضلو يمننوني انون حاويني عندن
اندق الباب
رهف : ياترى مين جاي هلق .. نصر بكون مشغول بعروسو واكيد مارح يتذكرني
طلع صوت من ورا الباب
فاطمة : رهف حبيبتي انتي بالبيت
رهف : خالتييي
طلعت بسرعة فتحت الباب وضمتا وصارت تبوسا بلهفة وتبسلا راسا واديها
ومن الفرحة دمعو عيونا
فاطمة مسكتلا وجها بين اديها واتطلع بعيونا
فاطمة : ياعمري ليش هيك تعبانة ووجهك تعبانة
رهف : خالتي اشتقتلك كتييير
فاطمة : وانا كمان ياعمري فوتي ياروحي فوتي
(فاطمة خالتا لرهف مرة قوية كتير وقد مية زلمة وكلمتا مابتصير تنتين بكل المنطقة لانو بنت عز وجاه والمنطقة كلا كانت تحسب حساب لهي العيلة )
فاتت رهف مع خالتا قعدت حدا وضمتا وحطت راسا على صدر خالتاوصارت تشكيلا هما
وفاطمة عم تسمع حكي وبكي رهف وهية ساكتة وعم تهز براسا
رهف : وهاد كلشي صار معي ياخالتي مشان الله ساعديني انا والله تعبت
فاطمة : اخس ع الرجال .. هيك عمل فيكي هالواطي ياعمري .. لك وقفت بوجهون قلتلون بلاها لهل الجازة الولاد مابحبو بعض نط عمك وقال بكرا بحبو بعض ولا تاكلي هم .. قلتلون رهف هي غالية قال عمك رهف بعيونا ومحدا بضيما بيوم من الايام ... ويوم يلي سافرت وكان يوم عرسك قلتلون امانة رهف امانتكن
قال عمك ونحنا قد الامانة ... هيك عملو فيكي هيك مانك مرتو لهل الواطي ع الطالعة والنازلة بقلك منيح يلي حاويكي لك قبل ماتكوني مرتو انتي بنت عمو ومجبور فيكي وكمان من ليلة العرس بشرك انو بدو يتزوج عليكي .... لك ليش ماحكيتني خبرتني كنت من وقتا جيت وماخليتك تقعدي عندون ولا دقيقة
رهف : بالاول قلت بركي بيتغير وبصير بحبني وبعدين حملت بهمام قلت صار عندي ولد ومابدي دمرولو حياتو وكمان قلت بركي بيتغير لانو صار عندو ولد بس لأ كل مالو كان يتحاقر معي .. والله ماخليت شي الا وعملتو معو وهو ما يحس ولا يقدر
فاطمة : وعمرو ما ينعملو شي .. قومي هلق بدي حط حد لهل القصة واليوم قبل بكرا بدو يطلقك هالواطي
رهف : خالتو خليكي لبكرا بنعملون اياها مفاجئة بيوم عرسو وخلي يوم طلاقي بنفس يوم زواجو
فاطمة : اي والله جبيتيها تعالي لعندي تعالي والله روحي نطفت عليكي. قربت اكتر من خالتا وهديك ضمتا
رهف : ااااخ
فاطمة : شبك رهوفة حبيبة قلبي
رهف : كوعي عم يوجعني شوي
فاطمة : من شو
رهف : من القتلة يلي ضربني اياها جسمي صح بس هون عالعضمة بعدا عم توجعنا
فاطمة : شو شو شو ضربك .. لا هاد ذودها كتير لك انتي من سلاسلة عيلة الاغا لك نحنا محدا بمد ايدوا على بناتنا .. لا حدا بيتزوج عليهن الله يجيبك يا بكرا
اااااخ شو قلبي حامل منكن يا بيت ابو نصر
رهف : بس بيت عمي مناح بس نصر
فاطمة : محدا منيح كلون اضرب من بعض
رهف حست خالتا توترت وسألتا خالتي ماقلتيلي شبو قيس
فاطمة : طلق مرتو
رهف : ليش مع انو كتير بحبا
فاطمة : ماطلعت مرتو متعرفة على واحد عالفيس بوك وحاببتو قام قيس كشفا وطلقا وقلعا من البيت
رهف : يييي
فاطمة : والله هالتلفونات صايرة خراب بيوت
رهف : اي والله الله يجيرنا
صفنت شوي رهف وقالت الف حمد وشكر الك يارب
................
تاني يوم
رهف : يلا خالتي قومي لنروح رح يخلص العرس
فاطمة : يلا
رهف : هههههههه
فاطمة : شبك
رهف : ما عزموني ههههه
فاطمة : ههههههههه اااه عليكي امشي امشي والك نفس تنكتي كمان
راحو ع بيت ابو نصر وفاتو وكان البيت ملينا نسوان وزلم والعروس والعريس مصمودين
والكل انصدم بفاطمة
فاطمة : وقفو الموسيقا
وقفت الموسيقا والصمت عم البيت
ونصر اتطلع على رهف وخالتا بس ماهمو
فاطمة : ابو نصر وينك
طلع ابو نصر هو والزلم الكبار من غرفة الضيوف
ابو نضر : اهلا اختي ام قيس
فاطمة : بتتذكر شو قلتلي لما اخدتو رهف عروس ... شكلك نسيان انا بذكرك ... قلتلك هالبنت عنكن امانة .. قلتلي بعيوني ... قلتلك بناتنا مابتنضام وبناتنا بنات عز قلتي كلو على راسي
نزل نصر من على الاسكي وقال خير شوفي
فاطمة : انت بتخرس وانا ماني عم حكيكي الك لانو مابشرفني احكي مع عالم متلك
ابو نصر : تفصلي اختي بنحكي جوا
فاطمة : لا هون جاي احكي
ابو نصر : طيب يا اختي انت بس امري
فاطمة : ما بيأمر عليك ظالم .. بدنا نطلقولنا هالبنت
الكل شووو
فاطمة : متل ماسمعتو .. من الاخير بناتنا مابينزل عليهن ضرة .. ما رح احكي انكن عم تمنونوها انكن معيشينا عنكن وانكن حاوينها وعم تضربوها كمان
ابو نصر : انتي شو عم تحكي مين عم يمننا ومين عم يضربا اكيد في غلط
فاطمة : والله اسأل المحروس يلي عندك .. اسأل ابنك الرجاال يلي عم يمد ايدو على مرى على ضلع قاصر
ابو نصر : عنجد يلي عم اسمعو يانصر
نصر : .......
ابو نصر : لك الله يلعنك لك هاي بنت عمك هيك بتعمل فيها .. خلص اختي حقك على راسنا بس تفضلي لجوا خلينا نحكي ماحلوة قدام العالم
فاطمة : ماضل عندي شي قولو خنن كلمتين مافي غيرون رهف بدا تتطلق وهلق قبل بكرا
نصر : شو هاد يا رهف
رهف : متل ماسمعت .. مابدي ضل قاعدة على قلبك
نصر : بس هيك عم تخربي بيتك
رهف : ليش هو عمران ... نصر طلقني
ابو نصر : لك رهف ما الها مكان تروح عليه
فاطمة : بتجي لعندي وانا بحطا بعيونا .. لانو بيت عما ماطلعو قد الامانة
العالم بلشت تنسحب وماضل حدا
ابو نصر : لك الله يسود وجهك .. حسبناك رجال طلعت طرطور وماشي من تحت امر الخانم واشر على اسمهان
تصر : اسمهان مادخلا
فاطمة : بعدين بتتحاسبو بين بعضكن طلقولنا البنت خلينا نتيسر
نصر : وانا مابدي طلق
فاطمة : طلق واجرك فوق رقبتك احسن ما وصل الشغلة لخوالا للبنت وانتو بتعرفو مين خوالا
ابو نصر : لك والله الامور مابتنحل هيك يا اختي
فاطمة : الموضوع عنا خالص والبنت بدا الطلاق .. ليش مصرين تضل تعذبوها لهل البنت معكن
ابو نصر : طلقا
نصر : بابا بس
اب نصر : طلقااا
نصر : رهف انت طالق
حاولت تبين انها قوية قد مافيها بس هالجملة دبحتا بس اهون من منظرو هو عريس
فاطمة : وهيك وصلنا حقنا امشي بنتي امشي
نصر : بس ابني بيربى عندي
فاطمة : هههه اي روح روح التهى بمرتك بحبيبت قلبك

يتبع .......
 
#وردة_ذابلة
#بقلم_مريم_اليوسف

#الجزء_الرابع_والاخير

قاعد وحاطط راسو بين اديه اجت اسمهان من وراه وهية لابسة فميص نوم ابيض حضنتو من ضهرو وباستو على رقبتو
اسمهان : حبيبي شبك لازم تفرح واخيرا اجتمعنا ببيت واحد
نصر: مقهور رهف ذلتني قدام كل الناس
اسمهان : خلص انساها ومنيح انك طلقتا
نصر :مارح تحسي فيني
اسمهان : بالعكس انا حاسة فيك كتير مشان هيك عم حاول نسيك .. لك اي يلا فردها ...حبيبي صوصو لك هي ليليتنا
ابتسم وسحبا من ايدا بسرعة اجت نايمة بحضنو ......
...................
بعد شهرين
رهف : خالتي شو عم تعملي
فاطمة : عم اعمل رز بحليب
رهف : يا سلام شو بحبا
فاطمة : مشان هيك انا عم اعملا و قيس كمان بحبا
رهف : عنجد ياريت كان هون كان انبسط كتير
فاطمة : مشان هيك انا عم اعملا
رهف : قيس جاي
فاطمة : اي جاي اليوم
رهف : يعني مامشاني عم تعمليها
فاطمة : لا والله ماهيك بس انا من انهارين بدي اعملا قام بعتلي قيس انو جاي فأجلتا
رهف : هههه عم امزح معك .. يلا انا رايحة شوف همام
راحت على غرفتا لقت تلفونا عم تجيه رسائل فتحتو وكان رقم غريب
كان باعتلا واتس اب
الو
مرحبا
كيفك
مبروك الطلاق
من يوم يلي اتطلقتي فيه وانا عم حاول جيب رقمك
واليوم لحتى اقدرت اوصل لهاتف اختك وجبتو
ليش ماحكيتي انك بدك تتطلقي ما كنت تزوجت
انا عم اكل اصابيعي ندامة لانو استعجلت بالزواج
رهف انا بحبك ومستعد هلأ طلق مرتي واتزوجك
رهف عم تقرأ الرسائل ومصدومة وعرفت مين يلي عم يبعت بس مافي شي بقلبا تجاهو
بعتت مين
# هلق معد تعرفي مين
انا عبيدة
رهف : اهلين عبيدة
عبيدة : ليش ما قلتيلي انك بدك تتطلقي
رهف : وليش لحتى خبرك
عبيدة : انا بحبك انا بموت فيكي رهف بدي اياكي انا رح طلق مرتي وابعتا لعند اهلا وانتي بدك شهر بتخلصي العدة وبنتزوج
رهف : لا واثق من حالك كتير .
انا مابدي اتزوجك ومابحبك
عبيدة : انتي وحدة كذابة
رهف : عم قلك والله مابحبك شبك مابتصدق
عبيدة : طيب ماشي بس انا بحبك وبدي اياكي وبدي اتزوجك واذا مابكيفك غصب عنك
رهف : ومرتك
عبيدة : رح طلقا
رهف : لا تكون متل نصر وخليك زلمة وضل مع مرتك وحبو بعض انا ماني الك ولا رح كون بيوم من الايام الك
عبيدة : رهف انا ماعم اقدر فكر غير فيكي
رهف : لا تفكر فيني بتنساني وهلق سلام
رح احظرك ع الواتس اب واذا بتحاول اتدايقني رح غير رقمي .
افهام انا مابحبك وبعتبر كل الزلم متل بعضون يلا سلام
عبيدة جاري الكتابة .. حظرتو قبل ماتعرف شو عم يكتب
رهف : استغفر الله العظيم .. مستحيل خلي مرتك تمر بنفس تجربتي هية مالها ذنب ... وبعدين ليش عم برر لحالي انا خلص مابحبو .. هههه هاد يلي ناقص عبيدة افندي
...................................
نصر : اسمهان قومي عمليلي فطور بدي روح ع الشغل
اسمهان : حبيبي والله نعسانة روح كول اي شغلة
نصر : لا حول ولا قوة الا بالله العلي العظيم
قام راح ع المطبخ عمل سندويشة زعتر وراح على شغلو .... ااااخ الله يرحم ايامك يا رهف قال مابتعرف خيرو لتجرب غيرو ... شو نصر شكلك عم تحن .. اي والله عم حن ... رهف لازم ترجع عالبيت من يوم يلي طلقتا ماعرفت طعمت تمي .... وبكون راسها لان شوي يلا اليوم بروح وبشوفا
........................
سمعت الباب عم يندق راحت فتحت وكان قيس
رهف : اهلا وسهلا فوت فوت ياميت اهلا وسهلا بأبن خالتي
قيس : كيفك رهف
رهف : الحمد لله تفضل فوت ... خالتي تعي شوفي مين اجا
طلعت ام قيس من المطبخ وراحت ضمت ابنا وصارت تبوسو
قيس : كيفك ماما
فاطمة : مشتاقتلكن يانور عيوني .. قلي كيفن اخواتك
قيس كلون بخير
فاطمة : وابوك شو اخبارو
قيس : والله ابي ضايج عليكي
فاطمة : كلا شهر زمان لحتى تحصل رهف على الحضانة باخدا وبنروح انا واياها
قيس اتطلع على رهف بطرف عينو وقال كيفك رهف
رهف : الحمد لله
رهف : انا رايحة جهز الفطور
قربت فاطمة من قيس وهمست بأدنو ليش هيك حكيت مع بنت خالتك
قيس : شو حكيت
فاطمة : قلتلا كيفك بلا نفس
قيس : مافي شي المهم ماقلتيلي ليش اتطلقت
فاطمة : خلص بعدين سالفة طويلة
قيس : امممم ... يشوفو تنقايتون ما احلاها
فاطمة : عن شو عم تحكي
قيس : مافي شي انا قايم فوت عغرفتي وغير تيابي
فاطمة : فوت ع غرفة اختك لانو غرفتك اخدتا رهف لانها كبيرة مشان تنام هية وابنا
قيس : كمان اخدت غرفتي بعد ما اخدت روحي
فاطمة : شو قلت
قيس : مافي شي
فات غير تيابو وطلع كانت رهف مجهزة الفطور وقعد فطر وكان متجاهل رهف ووجودا تماما
وهية حست انو هو مانو طايقا قامت تركتو وفاتت على غرفتا
رهف : شبو هاد وعلى شو شايف حالو ماكان هيك من زمان معقول مدايق مني لانو بدي عيش معون .. معقووول ... لا ياربي وين بدي روح بحالي كل العالم بتكرهني كل العالم مابدها اياني قعدت وصارت تبكي
رهف : اذا هالحكي مظبوط رح اترك خالتي وروح حتى لو بدي عيش بالشارع ... اووف ياااه والله مليت
فاطمة : لك شبك ليش هيك عم تعاملا لرهف
قيس : لك ماني عم اعملا شي دايمة شبعت
فات قيس على غرفتو وطبش الباب غمض عيونو وصار يتذكر
#فلاااااش باااك#
قيس : بتوصلي هاي الرسالة لرهف عم تفهمي
نور : اوك
قيس : خليها تقراها قدامك بدي اسمع جوابا معد استحمل اكتر من هيك
نور : ماشي .. ماشي .. يلا سلام
رجعت نور
قيس : شو قرتها
نور : اي
قيس : وشو قالتلك
نور : قال هية مابتحبك وبتحب ابن عمها نصر
قيس : شوووو هية هيك قالتلك
نور : اي هية هيك قالتلي بالحرف الواحد
قيس : اوك يسلمو فيكي تروحي
####باااااااك####
قيس : هههههه هاد يلي طلعلك من ابن عمك .. بس كل النسوان خاينات ما بس هية لك حتى مرتي طلعت خاينة لبس وطلع
بعد شوي اندق الباب طلعت رهف تفتح وكان نصر
نصر : مرحبا مدام رهف بدي شوف ابني اذا ماعندك مانع
رهف : لا تفضل
فاطمة لما عرفت انو نصر مافعلت تطلع
نصر : وينو
رهف : نايم جوا تفضل
فاتت وهو فات وراها وسكر الباب
رهف : ليش سكرتو
نصر : بدي احكي معك
رهف : بخصوص شو
نصر : رهف بحبك
رهف : ههههههههههههههههههههه
نصر : عم احكي جد انا لما طلقتك حسيت روحي طلعت مني وماكنت بعرف اني بحبك غير لما عم اشتقلك كل يوم والله كل يوم عم اشتقلك لك انا مابس طلعت بحبك انا طلعت ميت عليكي
رهف :يعني هي مزحة جديدة
نصر : لك صدقيني .. اجا بدو يقرب
رهف : خليك عندك اذا بتقرب خطوة بعيط عملات صوتي وبخلي خالتي تتصرف معك
نصر : طيب سمعيني خلينا نرجع على بيتنا وبنربي ابنا وبوعدك لعوضك عن كل يوم اسيتك فيه
رهف : وليش ما صحيت على حالك لما كنت عندك
نصر : اخر فترة بلشت حس فيكي وكنت اشتقلك بس انتي صرتي تصديني وكنت واعد اسمهان بالزواج وكنت مأقنع حالي اني بحبا بس هلق اكتشفت انو الحب كلو صار الك
رهف : واسمهان شو بدو يصير فيها
نصر : مارح يصير عليها شي انتي ببيتك وهية ببيتها ارجعي خلينا نربي ابنا سوى لا تفكري فيني بس فكري بأبنا وماحلوة يعيش بين وبينك وبعدين انتي هون مرتاحة عند خالتك بدا تتحملك يوم يومين شهر شهرين وبعدين اااه قوليلي وبعدين ... وهمام الولتها واخرتا رح يرجع يعيش عندي فمحدا رح يكون خسران غير انتي
رهف : اولا انا ماني خراب بيوت متل مرتك مشان اخربلا بيتا وثانيا ابنا رح يضل معي لاخر يوم ومحدا رح ياخدو مني وع خالتي لا تاكل هم انا رح اقعد لحالي واسس حالي من اول وجديد وماني بحاجة حدا واهم شي انتي ما بتستاهل ولا فرصة لانو انا كتير حاولت معك وانت تصدني وكلمة (منيح يلي حاويكي) حطيلي اياها بين قوسين انا بحياتي مارح سامحك عليها وهلق تفضل طلاع لبرا ابنك نايمة ومعد يفيق بساعة اذا بدك بتحب تجي مرة تانية
نصر : بسيطة يا رهف قد ماعندتي بس مرجوعك لعندي
فتح الباب ليطلع .. بيطلع بوجهو قيس
قيس : شي حلو ... شو يابنت خالتي عأساس اتطلقتي .. شو عم تعملي انتي واياه بغرفة لحالكن ومسكرين الباب
نصر : وانت شو دخلك هي مرتي ومحدا دخلو بيناتنا
قيس : شو عم اسمع يارهف .. جوزك؟
نصر : جوزا وغصب عنك
قيس : مزال مرتك خدا وفرقنا بريحة طيبة انت واياها
طلعت فاطمة من غرفتا على الصوت
نصر: شايفة يامدام هاي تقليعة بشرف
صارت تبكي
رهف : لك طلاع من حياتي انا بكرهك بكرهك وانا مستحيل ارجعلك ومتسحيل كون مرتك مرة تانية
فاطمة : لك انت معد تحل عن هالبنت
نصر : مرتي وبدي رجعا
رهف : لك مابدي اياك مابدي اياك روووح ..
نصر : بسيطة يارهف
طلع وطبش الباب
واقف قيس ماعم يحكي
رهف : قيس انت من اول ماجيت اليوم وانا حاسستك مانك طايقني او مانك طايق وجودي .. انا الظاهر تقلت عليكن ورح اتركن وانت خالتي رجعي لعند عيلتك وولادك مافي داعي تضلي هون مشاني
فاطمة : لا يابنتي انا بحطك بعيوني بس قيس ماقصدو
تركتون وفاتت ع الغرفة وقفلت على حالا
فاطمة : رهف يابنتي افتحي شو عم تعملي .. رهفف ... لك ليش هيك حكيتا
قيس : .....
بعد شوي طلعت رهف وهية حاملة ابنا وشنتايت تيابا بأيدا التاني
فاطمة : والله خطوة برات هالبيت مابتطلعي
رهف : خلص خالتي بكفي لهون بقول المتل تقل الطحش ع امك وابوك بيكرهوك .. انا تقلت عليكن واسترو ماشفتو مني
فاطمة : عم قلك والله مابتطلعي خطوة .. ولا والله بزعل منك
رهف : خالتي مافي اي حدا بيقدر يمنعني اني اطلع فبعدي عن طريقي احسن والله بدق لنصر وبرجع لعندو
قيس : رجعي الشنتة على الغرفة بلا علاك فاضي
رهف : انت مادخلك فيني
قيس : عم قلك رجعيها .. احسن والله بتشوفي شي مابيعجبك
رهف : شو بتعمل
قيس : هلق باخدك على بيروت وباخدلك وارقك لشوف كيف بدك تتصرفي واقتا
رهف : مابتقدر بقلون ع الحدود انك خاطفني
قيس : رح اخدك من طريق تهريب
رهف : ليش في طرقات تهريب
قيس : هههههه كتير
رهف انتبهت على حالا كيف عم تتبادل معو الحديث وصارت تضحك
قيس : رجعي الشنتة وتعالي لناكل رز بحليب تعالي بس انا انقهرت لانو لقيتو عندك بالغرفة بس هيك انا اسف
رهف : بس
قيس : خلصينا بلا بسبستك رجعي الولد ونيمه مكانو حرام عليكي
طلعت وقعدت معون وصارو ياكلو رز بحليب
قيس تردد قبل ما يسألا بس بالاخير حكي
قيس: رهف
رهف : اي قلي
قيس : عم تحكي مع نور
رهف : نور ؟مين نور
قيس : نور يلي كانت معك بالثانوية
رهف : اييي اتذكرتا .. بس انا ماني رفيقتا ما كنت حبا وبحياتي ما وقفت معا
قيس : متأكدة
رهف : هههه اي متأكدة بس انت ليش عم تسأل شكلك عم تحن لايام زمان بس اتطمن اتزوجت من زمان
قيس : حن لايام زمان
رهف : اي ليش انتوماكنتو تحبو بعض
قيس : شووو نحب بعض
رهف :لك اي انت ونور ما كانت كل المدرسة بتعرف انكن بتحبو بعض
قيس : لا اكيد انتي غلطانة
رهف : لا ماني غلطانة شكلك انت النسيان او مابدك تعترف وبالعلامة كنت تجي ع المدرسة لحتى تشوفا وانا اكتر من مرة شفتك واقف معا
قيس : شوووو ... طيب شو عرفك انو بنحب بعض
رهف : هية كانت طابلة الدنيا ..
قيس : رهف بس انا ماكنت بحبا
همام صار يبكي
رهف : بالاذن بنحكي بعدين
طلعت فاطمة من المطبخ ومعا الرز بحليب
فاطمة : شو وينا رهف
قيس : ابنا صار يبكي
فاطمة " يلا هلق بعد ماترضعو بتجي بتاكل
قيس : امي قوليلي ليش رهف اتطلقت
فاطمة: ياحرام هالبنت من يوم يوما مكسورة الخاطر ومالها حظ .
قيس : ليش شو صار
فاطمة : لك ما المغضوب جوزا تزوجا بس لانو ماضللا حدا وكان يضل يهتا انو حاويها وهو مابحبا وتزوج عليها
قيس : شوووو ... ليش ما اخدو بعض عن حب
فاطمة : لك اي حب رهف بحياتا ماحبتو ولا هو حبا .. ياحرام انظلمت بهل الجوازة وهلق هالولد الصغير عم ينظلم معا
قيس : لك اكيد في شي غلط
فاطمة : شبك ماما
قيس : اذا طلع يلي ببالي صح فأنا واحد جحش
فاطمة : لك شوفي
قيس : هلق حتى تجي رهف بحكي
طلعت رهف مع ابنا
رهف : ليك ماما تيتي عملتلنا رز بحليب يميي
قعدت وصارت تطعمي ابنا
قيس : رهف بدي اسألك
رهف : اسأل
قيس : نور بأيام الثانوية ماجابتلك رسالة
رهف : لا رسالة شو
قيس : انا عطيتا اياها بأيدي قلتلا عطي هاي الرسالة لرهف
رهف : لا ما ماصار هيك شي وشوفيها الرسالة
قيس : متأكدة
رهف : اي متأكدة هالحكي من ٥ سنين ماصرلو زمان يعني ماحلي انسى
قيس : طيب انتي بوقتا كنتي تحبيه لنصر
رهف : هههه اكيد لا وماكنت مفكرة فيه لانو اكبر مني بعشر سنين بس سبحان كتاب النصيب ... بس انت شوبدك بكل هالاسألة
قيس : مابعرف شو رح تقولو عني مجنون مراهق قولو يلي بدكن اياه ..
فاطمة : لك شووفي
قيس : بتتذكري لما رحت انا عبيروت من ٥ سنين تقريبا
فاطمة : صح
قيس : بتعرفي ليش رحت
فاطمة : لا بس بتذكر كنت متل المجنون وبين يوم وليلة سافرت
قيس : ما انا سافرت مشان الخانم واشر على رهف
رهف : عشانييي
قيس : اي عشانك لانو انا كنت بحبك
رهف : شووو
قيس : اي كنت بحبك وكنت اجي ع المدرسة مشانك وكتبتلك رسالة وبعتا مع نور وهية عأساس جابتلك الرسالة وردتلي قال انتي بتحبي ابن عمك نصر
رهف : لك شو عن تحكي ماني عم افهم شي
قيس : يلي اسمعتيه كلو صحيح
رهف : بس انا ماكان معي خبر بكل هاد الحكي
قيس : والله هاد يلي صار
رهف : بس انتي ليش ماجيت واجهتني الي ليش بعتت مع نور
قيس : كنت خجلان
رهف : يلا شي ماضى وراح وماكان في داعي تفتحو
قيس : شو ماضي وراح .. لك راح سنين من عمري وانا بعيد عن البلد مشان ماشوفك وكنت كل يوم اتعذب
رهف : قيس انا ماني عم افهم عليك
قيس : لك انا لليوم بحبك
فاطمة ورهف: شوووووو
قيس قعد قداما على ركابو وقال رهف : انا بحبك وكتير ولا يوم نسيتك حاولو يفرقونا بس شكلو رب العالمين كاتبلنا نرجع لبعض
رهف : قيس انا بحترم مشاعرك بس انا مستحيل كون الك
قيس : ليش .. مشان الله انا عم اتعذب صرلي سنين خلينا نتزوج
فاطمة : ماما رهف بالعدة انطر لحتى تخلص العدة وبتتزوجو
رهف : لا خالتي انا مستحيل اتزوج
فاطمة : ليش يابنتي بعدك صبية وبأول عمرك وقيس طلع بحبك وانا مارح لاقي كنة احسن منك
رهف : لك نسيانين همام .. اذا رح اتزوج رح ياخدوه مني وانا مستحيل فرط فيه همام قلبي وعمري اسفة قيس بس عنجد مالنا نصيب نكون لبعض وبعدين انا بعتبرك متل اخي مو اكتر
قيس : انا ماني اخوكي لازم تعطي حالك مجال انتي عشتي قهر كتير انتي كوني معي وبوعدك عوضك عن كل دمعة نزلت من عينك
رهف : لو سمحتو انا بدي فوت ارتاح
تركتون وفاتت
رهف : معقول القدر قرر يضحكلي بس همام اكيد رح ياخدوه مني
بس قيس والله شب مافي منو معقول حبو .. لك ياربي ليش بتحطني بكل موقف اصعب من التاني ياربي دخيلك
رهف : طيب وبعدين يارهف هيك بدك تضلي ..لنصر انا مستحيل ارجعلو طيب انا وين بدي روح بحالي معقول ضل طول حياتي هيك ... ياربي دخيلك عقلي مشوش دخيلك ياربي ساعدني

............................................
انا وقفت هون مشان اسألكن اذا كنتو محل رهف شو بتتصرفو ... او شو بتقدمولا نصيحة لرهف
 
#وردة_ذابلة
#بقلم_مريم_اليوسف

#الجزء_الاخير_القسم الثاني

قاعدة وهية عم تبكي بغرفتا بتدق عليها خالتا
رهف : فوتي خالتي
فاتت فاطمة وقعدت حدا
فاطمة : بشو عم تفكري
رهف : عم ادعي ان شاء الله موت وارتاح
فاطمة : بعيد الشر عنك ياعمري
رهف : مشان الله قوليلي انا شو فايتدي من هالعيشة اذا رجعت لعند نصر رح عيش طول عمري مذلولة ورح ادفن حالي بالحيا لانو بعمري مارح حبو واذا ضليت هيك كل العالم بتصير بدا تحكي علي وكلمة مطلقة مانا قليلة ... واذا تزوجت قيس رح اخسر ابني مشان الله قوليلي شو اعمل .. انا رح اختنق
فاطمة: طولي بالك ياعمري انتي كتير تعذبتي بحياتك ولازم تشوفي حياتك
رهف : قصدك مع قيس
فاطمة : اي يابنتي الحياة طوليه واكيد مارح تقضيها هيك .. ولعند هداك الواطي مافي رجعة لانو متل ماقلتي بدك تعيشي جسد بلا روح وكلشي عملو معك مستحيل تنسيه طول عمرك
رهف : وابني ياخالتي وابني
فاطمة: يابنتي الولد الون وهلق او بعدين رح ياخدوه فأذا اخدوه من هلق احسن مايكبر وتتعلقي فيه اكتر وهيك هيك رح ياخدوه
رهف : مستحيل اتخلى عنو
فاطمة : هو لما يكبر رح يتركك ويروح يعيش حياتو وانتي بدك تضلي هيك لحالك
رهف : مابعرف .. بس مستحيل خليه يقول يوم من الايام امي تركتني وراحت تزوجت .. ورح يكرهني طول عمرو
فاطمة : لا مارح يفكر هيك
رهف : انا متأكدة انو رح يقول هيك وكمان ابوه هو يلي بعبي براسو هالحكي
فاطمة : طيب حبيتي معك شهر تفكري بتكون خلصت عدتك .. وانا مارح اتخلى عنك ورح كون معك بكل قرار بدك تاخديه
رهف : ان شاء الله
..................
بلشت الايام تمر ورهف كل يوم وجها بوجه قيس وقيس عم يحاول بكل الطرق يخليها تحبو وبالفعل رهف بلشت تتعلق فيه وتحبو .. ونصر كمان كل يوم عم يروح لعند رهف مشان ترجع على بيتا
وهيك مضا شهر
.........................
فاقت رهف الصبح طلعت من الغرفة لقت قيس قاعد بالصالون عم يشرب قهوة . صح هية بلشت تحبو بس عم تحاول تتجاهلو وتتجاهل مشاعرا لانو عاطفة الامومة عندا طاغية على كل حواسا
رهف : صباح الخير
قيس بأبتسامة : صباح الفل
رهف : وينا خالتي
قيس : نزلت تجيب شوية خضرا
رهف : اي طيب ماشي
قيس : قعدي لنشرب قهوة
رهف : صحة وهنا
قيس وقف ومسكا من ايدا
قيس : ليش عم تتهربي مني
رهف : ليش عم تعمل هيك انت
قيس : شو عم اعمل
رهف : عم تحاول تخليني حبك
قيس : لانو بدي هالشي
رهف : قيس بترجاك اتركني انا ابني مستحيل اتخلى عنو
قيس : رهف بس انا بحبك بترجاكي لاتدبحيني مرة تاني وانتي كمان لاتنكري انك بلشتي تحبيني
رهف : بدون لف ولا دوران
قيس : اي
رهف : اي عم حس تجاهك شعور بحياتي ماعشتو وحاسة حالي مراهقة عمرا ١٥ سنة
قيس : لك ليش مابتخلينا نتوج هالحب وتنجتمع انا وانتي .. رهف الله يمكن بعتني مشان عوضك
رهف : ابني مابيتعوض
قيس : رهف ابنك بكرا بيكبر وبروح يشوف حياتو وبينساكي انتي هيك بدك تضلي وحدانية
رهف : لا انا قررت
قيس : شو قررتي
رهف : رح ارجع لعند نصر
قيس : لااا انتي اكيد جنيتي
رهف : لا ماجنيت وهاد هو الحل الامثل
قيس : بتعرفي انو انتي اذا بترجعيلو رح تدمري حالك وتدمريني معك
رهف : مابهمني انا لستين جهنم المهم ابني
قيس : وانا
رهف : بتنسى وبتحب وبتتزوج
قيس : لو بدي انسى كنت نسيت من زمان
رهف : مشان الله حاج تضغط علي انا اخدت قراري وخلصت وهلق حتى تجي خالتي رح خبرا وروح
انفتح الباب
رهف : وهي اجت
فاطمة : خير شبكن ياولاد
قيس : قال بنت اختك بدا ترجع لزوجا
فاطمة : شووو انتي عم تحكي جد
رهف : اي خالتي هاد انسب حل وانا فكرت منيح
فاطمة : ياخالتي رح تندمي
رهف : معلش انا رضيانة
قيس : طيب شو رأيك انا بحكي مع نصر وبقلو انو يخلي همام معك
رهف : انت عم تحكي جد
قيس : اي جد واذا ماقبل الك حرية الاختار واذا قبل رح جيب الشيخ فورا ونتزوج شو قلتي
رهف : وانا موافقة
قيس : لكن ادعي
رهف : ياااارب ..
..............................
قيس : يعني ماعندك مانع
نصر : لا .. بصراحة انا اسيتيا كتير لرهف .. ورح خليها تعيش حياتا وتنبسط .. وهمام رح يضل معا وانا وقت يلي بدي شوفو بروح بشوفو
قيس : بصراحة انا ماتخيلتك توافقك .. وهلق بموقفك هاد كبرت بنظري كتير
نصر : المهم دير بالك عليها وحطا بعيونك رهف مظلومة
قيس ؛ رهف بقلبي وبعيوني ... يلا انا بالاذن
نصر : قاعدين
قيس : غير مرة
طلع قيس ونصر وصلو للباب
وطلعت اسمهان من الغرفة
اسمهان : لك انت مجنون بدك تخلي ابنك يربا عند الغريب
نصر : ههههه شو صدقتي انتي .. مستحيل خلي ابني عندون ولا دقيقة .
اسمهان : لكن ليش هيك قلتلو
نصر : مشان يتزوجو وانهار العرس رح جيب ابني واحرقلا قلبا لرهف وانزعلا ليلة فرحها متل مانزعوها علي هية وخالتا
اسمهان : ههههههه والله مابتقصر
نصر : بسيطة يارهف خانم عم تحبي وتتمعشقي من ورا ضهري الله لا يخليني اذا رح خليكي تتهني
اكيد هية وخالتا عم يخططو من زمان والله اعلم اذا ماكانت حابتتو وهية عندي ..
.......................
فات قيس وكانت رهف قاعدة عم تتفرج على التلفزيون مع خالتا
قيس : شو رهف كأنو مانك متلهفة لتعرفي شو صار
رهف : لانو بعرف نصر مستحيل يقبل
قيس : واذا قلتلك قبل
رهف : مابصدق
قيس : لك والله قبل وقال ماعندو مانع
رهف : عم تحكي جد
قيس : والله جد .. قال هو اساكي كتير ومعد بدو يعزبك اكتر من هيك
رهف : شو يعني يعني ابني رح يضل معي ..
قيس : اي انتي رح تضلي معي
هية خجلت وماردت
قيس : لك يسلملي الخجول ... يلا امي وهاي الولد امنا عليه ورهف وخلصت عدتا .. باقي تجزيلنا لعرسنا
رهف : بدنا نعمل عرس
قيس : معقول ما اعملك عرس .. بس رح يكون صغير شوي
رهف : بس شوبدا تحكي العالم عني انو لسه ماخلصت عدة دغري تزوجت
فاطمة : خالتي لقيتي شغلة تانية تنقي عليها .. والعالم حكيها متل رجلك لا تهتمي لحدا وشومابدون يحكو نحنا مانا عم نعمل شي بالحرام لا سمح الله
............
بعد اسبوع جهزو لكلشي واجت عيلة قيس من بيروت وعملو حفلة صغيرة على الديق وكان كل القرايبن بالحفلة حتى ام نصر اجت
خلصت الحفلة
قيس : ماصار الوقت ياعروس نفوت على غرفتنا
رهف بخجل : متل مابدك
طلعت فاطمة من غرفة : وقالت همام يقبر قلبي نام وانتو قومو فوتو ارتاحو
قام قيس ومسك رهف من ايدا وفاتوعلى الغرفة كانت لابسة فستان ابيض عادي ومانو مفرش كتير
سكر الباب وكانت الغرفة فيها اضوية خفيفة ومزينة بأحلى زينة
قيس : واخيرا يارهف صرتي الي .. ماكنت متخيل ابدا يجي هاد اليوم
رهف : الله كريم
قيس : اي والله الله مافي اكرم منو ... يلا تعالي نصلي ركعتين شكر لرب العالمين
رهف ؛ يلا
صلو وقامت رهف قعدت على التخت
وقف قيس شلح جاكيت البدلة وعلقو وقعد حد رهف
رفع ايدو وصار يلمسلا على خدا بعدين على شفافا
وهية عيونا بالارض وخجلانة كتير
قيس : من شو خجلانة يلي بشوفك بقول اول مرة بتتزوجي ههههه
رهف : بصراحة اول مرة بمر هالتجربة لانو ليلة عرسي الاول قضيتا كلا بكي
قيس : هشش .. مابدي اسمع اي شي بخص زواجك الاول لانو انا بغار
رهف : الله يخليلي اياك ولا يحرمني منك
قربها منو وقرب يبوسا ... فجأة صار الباب يندق بقوة
رهف : شوفي شو صاير
قيس : مابعرف خليكي انا طالع شوف شوفي
طلع قيس
قيس : نصر شوبدك
نصر : جاي اخد ابني
قيس : انت شو عم تحكي
نصر : متل ماسمعت انا مستحيل خلي ابني يربى عند حدا غريب وامو هلق عروس يعني مارح تفضالو
قيس : لك ما عأساس ماعندك مانع
نصر : وغيرت رأيي ..
فاطمة : انت شو عم تخبص
نصر : والله متل ماسمعتي ابني وبدي اخدو ومافي اي حدا بالدنيا بيقدر يمنعني
طلعت رهف وهية بعدا بفستان العرس
رهف : شووفي
نصر : هاه وهاي العروس مبروك ياعروس .. بس من بعد اذنك بدي ابني
رهف : لا ابني مابتاخدو
نصر : لونك مهتمة بابنك ما بتتزوجي يامدام ... وهلق وينو همام
رهف : نصر مشان الله لا تعملا
نصر : ابني وينوووو
وع اثر الضجة فاق همام وصار يبكي .. سمعو نصر وفات بسرعة حملو وطلع
هجمت عليه رهف بد تاخد منو الولد بس قيس منعا تقرب وهو قرب
قيس : رجع الولد لامو
نصر : انا حكيت يلي عندي وابني مابيربى عند الغرب .. وحبيت اعملكن اياها مفاجئة متل المفاجئة يلي عملتولي اياها ليلة عرسي
رهف وهية عم تبكي : قيس مشان الله بدي ابني .. خالتي ..
نصر اخد ابنو وطلع بسرعة
ورهف صارت تصرخ عملات صوتا : لك بدي ابني .. بدي ابني
مسكا قيس وضما وهية صارت تبكي ونضربو على صدرو وتقول بدي ابني
رهف : ياربي ... ياربي ليش هيك حظي... الحقير عمل معي متل ما عملت معو .. مشان الله حدا يوقفو .. خالتي قيس ..
واقفين وماطالع بأيدهن شي
.....................
بعد ساعات
قاعدين كلون بالصالون الكل ساكت ورهف دموعا على خدودا ما انقطعو وعم تفرك اديها وتهز لقدام ولورا
رهف : قيس
قيس : اي حبيبتي
رهف : طلقني
قيس : مستحيل
قامت وركعت عند رجليه ومسكتلو اديه وصارت تبوسن
رهف : بترجاك مشان الله مشان كلشي بتحبو طلقني
قيس : قلتلك مستحيل ولا تحلمي
رهف : لك هاد ابني ابني ليش محدا حاسس فيني لك النار شاعلة جواتي
قيس : بوعدك كلشي يتصلح
رهف : مافي شي رح يتصلح .. طلقني بوس ايدك
قيس : وبعدين
رهف : رح ارجع لنصر
قيس : لك انتي مجنونة بعد ماصرتي الي وملكي بدك اياني سلمك لهداك الواطي
رهف : وابني
قيس : ابنك بالنهاي الون هدوليك اهلو .. وبتشوفيه وقت بدك
رهف : لا لا مستحيل خلي ابني يربى بعيد عني
قيس : رهف انا استحملت كتير .. طلاق مارح طلق ومن هاد البيت ما الك طلعة عم تفهمي
رهف : ليش هيك عم تحكيني
قيس : جوزك وبحقلي عاملك متل مابدي
فاطمة : شبك ابني ليش هيك عم تحكيها
قيس : امي مانك شايفتيها شو عم تخبص .. خلص انا صبري نفذ .. رهف قومي قدامي ع الغرفة يلا
اتطلعت عليه وهية مستغربة
قيس : كلامي واضح .. قومي بدنا نندفس انام
قامت وعم تبكي رفعت فستانا وفاتت ع الغرفة وراه هو طلع بجامة فات ع الحمام غير تيابو وطلع دار وجهو ناحية الحيط ونام وهية قعدت بالزاوية وصارت تبكي
ضلت تبكي ع الصامت لحتى سمعت الجامع عم يقول الله اكبر
وكان عم يأذن الفجر
رهف : الله اكبر على كل من طغى وتجبر ... الله اكبر عليك يا نصر
طالعت بجامة من خزانتا فاتت ع الحمام غيرت تيابا وتوضت وطلعت لبست توب الصلاة ومدة سجاة الصلاة وصارت تصلي وكل ما تسجد تبكي بحرقة وتدعي
حس عليها قيس وهية عم تصلي وصوت شهقاتا مسموعة
قيس : الله يهدي بالك ويريح قلبك
حست قلبا برد
خلصت صلاة ورفعت ايديها وصارت تدعي
رهف : يارب ليش على طول لازم تكون سعادتي ناقصة ... دخيل اسمك يارب مابدي شي من هالدنيا غير ابني .. يارب اخترلي طريق الصح ... يارب بس والله حبيتو لقيس وفراقو عندي متل فراق همام بس همام صغير وبحاجتي اكتر .. وانا والله تعبت ماصدقت انو ضحكتلي الدنيا ولقيت شب بحبني من كل قلبو يارب مالي غيرك .. وانا رضيانة بكلشي بتكتبلي اياه
مسحت وجها وقامت تمددت على التخت وضهر قيس كان بوجها مدت ايدا بدا تحطا عليه بس ترددت لانو خافت تتعلق فيه وتتركو برمت لتاني جهة ونامت
قام قيس توضا وصلى وقعد يدعي
قيس : يارب بكفي عذاب .. انا والله تعذبت كتير بحبا لرهف يارب لاتحرمني منها مرة تانية يارب تهديها وترجعلا ابنا على حضنا لانو اذا ما رجع رح اخسرا يارررب مالنا غيرك
خلص وقام وسمع صوتا وهية عم تتشلهف .. سحبا من ايدا وبرما لعندو وضما على صدرا وصار يمسحلا على شعرا
قيس : رهف هششش .. حاج تبكي ان شاء الله رب العالمين رح ينصرنا
رهف : خايفة .. خايفة ماعود شوفو
قيس : رح تشوفيه ومارح يفارقك
رهف : شو عم تحكي انت
قيس : قلبي حاسسني انو رح يرجعلك
رهف : عنجد
قيس : اي والله هيك احساسي بس انتي اصبري
رهف : يارررب
قيس : يلا نامي حبيبتي تعبتي كتير
غمضت عيونا ونامت
فاقت الصبح على ريحة القهوة فتحت عيونا وكان قيس معو فنجانين قهوة على صينة وقاعد عم يتأملا
تجلست رهف وقالت : صبالخير
قيس : صباح النور حبيبتي
رهف : ليش معذب حالك
قيس: عذابك راحة يلا مسكي فنجانك
رهف : وينا خالتي
قيس : مالقيتا شكلا راحت لعند باب واخواتي على بيتنا التاني
رهف وهية عم تشرب القهوة : قيس سامحني
قيس : على شو
رهف : على كلشي على ليلتك يلي نزعتلك اياها وعلى طلب طلاقي
قيس : قصدك ليلتنا خلص لاتفكري .. وكمان على الطلاق رح سامحك بس لانك كنت بحالة صعبة بس تاني مرة مارح اسمحلك تعيدها .. لانو عنجد وقتا رح ازعل
رهف : بس بدي من هلق تعرف انو اذا مارجعلي ابني رح اطلب الطلاق
قيس : رهف مابسمحلك انتي قلبي وعمري واذا بتقوم القيامة مارح اتخلى عنك افهمي ... لك انا صدقت تصيري ملكي
رهف : اول مرة بلاقي حدا متمسك فيني لهل الدرجة او اول مرة بشوف حدا بحبني لهل الدرجة
قيس : بس لو بعرف انو نور كانت كذابة من وقتا كنت تزوجتك ولا خليتك تروحي لهيك واحد
رهف : هيك رب العالمين كاتب
قيس : بس انا كل الماضي مابهمني
رهف : قيس بدي ابني
قيس : وحياتك عندي رح اعمل كلشي بيطلع بأيدي لحتى رجع ابنك لحضنك وارجع شوف البسمة على وجهك هالحلو
رهف : تسلملي يارب
اندق الباب
قيس : اكيد هاي ماما انا قايم افتح
قام فتح الباب ورهف من جوا سمعت صوت هزلا كيانا وخلاها تقوم بسرعة .. وقفت على باب الغرفة ومانا مصدقة عيونا
رهف : هماام
ام نصر : اي حبيبتي همام
راحت مسكتو وضمتو لقلبا وصارت تبوسو بلهفة وكأنا صرلا مية سنة مانها شايفتو
رهف : ياعمري ياماما يا روحي .. اشتقتلك ياعمري اشتقتلك
ام نصر : خلص معد تشتاقيلو
رهف : شو يعني مرت عمو
ام نصر : عمك بهدلو لنصر لانو جاب ابنك منك .. وعمك خجلان منك كتير ومن عمايل نصر معك .. وقلو لنصر لسه لاحقا على ابنا اخد همام منو وقلعو من البيت وقلو انت بعتا هية وابنا وما الك شي عندا
رهف : اي وبعدين
ام نصر : عمك قرر انو همام يضل عايش معك لانو من حقك وانتي بمثابة بنتو ومارح يحرمك من ابنك وقال حقك تعيشي وتنبسطي بحياتك بس همام بدك تسمحيلنا فيه عالقليلة يومين بالاسبوع
رهف : اكيد المهم انو صار الي
ام نصر : انا هلق بالاذن صار لازم روح
رهف : مرت عمو وشو عشان نصر بركي رجع اعترضلي طريقي
ام نصر : لا تاكلي هم اليوم الصبح اكتشف انو مرتو حامل ومانو عاطي فرحتو لحدا وهمام نسيه من وقت سمع هالخبر
رهف : اي الف مبروك والله يهنيه
ام نصر : ويهنيكي يارب ..
طلعت ام نصر ورهف رجعت ضمت ابنا وصارت تبوسو
قيس : عفكرة انا عم غار
رهف : اي غار شو اعملك هاد ابني ومشتاقتلو
قيس : طيب اعتبريني ابنك واشتاقيلي وعطيني شي بوسة
رهف : هههههه انت صرت كبير على هيك شغلات
قيس : انا كبير على هيك شغلات بسيطة مارح حكيكي شي هلق قدام ابنك
رهف : ههههه مسكو شوي انا فايتة اعملو شي ياكلو
قيس : اي هاتيه لهل الامور
اخد قيس همام وصار يبوسو يرفعو لفوق وهمام عم يضحك وفرحان بين اديه
قيس : شفت امك شقد فرحت لما شافتك .. الله لا يحرمها منك .. لك تخيل يازلمة كانت بدا تتركني مشانك .. اي والله متل ماعم قلك ...هههههههه وعم تضحك كأنك عرفان شو عم احكي لك دخيل روحك
طلعت رهف ومعها صحن سيرلاك وعيونها كانو عم يرقصو من الفرح
رهف : عذبك حبيبي
قيس : هو لا بس امو اااخ لو تعرفي شقد عم تعذيني
رهف : اسفة ياروحي اسفة .. وحياتك معد ازعلك
قيس : لك انا مابزعل منك ياقمر ... ليكي حبيبتي انا رايح لعند اهلي لانو راجعين على بيروت ودعون وراجع
رهف : عنجد وخالتي كمان
قيس : اي وخالتك
رهف : خليني قوم معك
قيس : لا حبيبتي الجو برا برد مشان همومة خليكي انتي وابنك شبعي منومنيح
رهف : طيب ماشي الله معك سلملي عليهن
قيس : اوك
فات لبس وراح لعند اهلو
رهف : الف حمد وشكر الك يارب .. الف حمد وشكر الك يارب
صار الضهر وصار وقت نومت همام نيمتو وحبت تعمل مفاجئة لقيس
بس مالحقت سمعت صوت الباب عم ينفتح راحت بسرعة لورا الباب ولما فات حطت اديها على عيونو
قيس : مين
رهف : حزير
قيس : اممممم ما عرفت
رهف : طيب اول حرف من اسمي رهف
قيس : ههههههه اذا هاد اول حرف شو تاني حرف
رهف : حبيبت
قيس : والتالت
رهف : لا هاد انت بدك تحزرو
قيس : امممم انا بقووول قيس
رهف : صح حزرت شالت اديها عن عيونو ووقفت قدامو
وعم تتطلع عليه وهية مبتسمة
قيس : شبك ليش هيك عم تتطلعي علي
رهف : بدي قلك سر
قيس : بصوت واطي وشو هو
رهف : همام نام
قيس: هههه وشو يعني
رهف : وما بفيق قبل ساعتين
قيس : عنجد .. اي حلو كتير وشو المطلوب مني
رهف : عم قلك همام ناام ومابفيق بساعتين
قيس : امممم فهمت عليكي بدك اياني اطلع من البيت مشان ما ازعجو ما هيك
رهف : قيييييس
قيس : لك قلبو لقيس وعمرو لقيس
نزل لعندا وحمالا وقال : بدي قلك سر
رهف بصوت واطي :وشو هو
قيس : صار وقتي اشبع منك
رهف : قييس على فكرة انا بخجل
قيس : ههههه منيح قلتيلي ماكنت بعرف
رهف : شو مانك مصدق
قيس :هههههههه لك بحبك يا مجنونة
رهف : الله لا يحرمني منك
ضمتو من رقبتو وحطت راسا على كتفو وهو كمل على غرفة النوم .....

وهون خلصتا قصتنا عطونا رأيكن

طبعا قيس قرر يبقا بالبلد مشان رهف ومشان همام يضل قريب من بيت جدو

########انتهت########
 
الوسوم
ذابلة وردة
عودة
أعلى