ولاد العم ^^

الجزء_الاول

وقفت سيارة كبيرة محملة عفش بيت قدام بناي وكان في وراها تاكسي انفتحت بواب التاكسي بينزل منها ٣ نسوان ..الاولة هية الام واسمهاانهار والتاني بنتها الكبيرة اسمها راما والتالتة البنت الصغيرة واسمها ريم
راما : ماما بهي البناي بدنا نسكن
انهار: اي هي بالطابق التاني
ريم: واخيرا رح نسكن بالمدينة
انهار : لاتغرك المدينة كتير يابنتي المدينة متل الغابة وبينخاف منا
ريم : بلشنا
انهار: يلا خلصونا العمال رح يطالعونا الغراض لفوق ونحنا بدنا نرتبون
ريم : ماشي يلا
طلعو فتحو الشقة وكانت منيحة فيهاخمس غرف وصالون ومطبخ وحمامين
ريم : واااو كتير حلوة ماما هي النا النا
انهار : اي النا النا
راما : ماما ايمت شتريتها
انهار : مو انا هاد عمكن يلي شتراها من فترة باع الارض وقلي في حصة لابوكن انا قلتلو يشتيرلينا فيها شقة
راما : والله احسن شي بتعمليه
فوتو العمال الغراض وراحو
ريم : وهلق كيف بدنا نعمل غرف النوم
انهار: هلق بدق لعمكن يبعتلنا نجار مشان يعملنا غرف النوم المهم هلق خلينا نضبضب باقي الاغراض
ريم همست بأدن راما : كل شوي عمكن وعمكن شكلا هيةيلي كانت رايدتو مو هو هههههه
راما : هههه خرسي اذا سمعتك بتقوم قيامتك
انهار : شبك انتي واياها عشو عم تتهامسو
ريم : ولا شي ماما يلا جينا ..
بلشو يضبضبو البيت واجا عاملين ركبو غرف النوم وراحو
المسا رمت حالا ريم على الكنبة وقعدت حدا راما وانهار قعدت مقبالون مبين عليهن التعب
ريم : اووووف واخير خلصنا
راما : ياربي ضهري رح ينكسر
انهار : الله يعطيكن العافية يابنات والله تعبتو كتير اليوم
ريم : وشو عشان انو ميتين من الجوع شوبدنا ناكل
انهار : هلق عمكن جاي على الطريق مع مرت عمكن وجايبلانا اكل
ريم : واخيرا اتنازل سيادة المدير العام يجي
انهار : خرسي العمى شو انو لسانك طويل عمك كمان وقتو ديق هلق حتى فضي
ريم : خرسنا بس مطول والله انا حيلي فرط
رن الجرس
راما : هاه وصلو انا قايمة افتح
قامت راما فتحت الباب وكان عما ومرت عما
مرت عما جميلة : انتي راما ولا ريم
راما : لا مرت عمو انا رما تفضلو ياميت اهلا وسهلا
فاتو وسلمو على انهار وريم وعمون عثمان كان عم يراقب انهار بعيونو وجميلة كانت ملاحظة هالشي وصارت تتطلع بطرف عينا عليهن
عثمان : اصبح انتي ريم الشقية
ريم : ههه بشحما ولحما
عثمان : مشاء الله عنكن صايرن بتجننو الله يحميكن ويبعتلكن ايام حلوة
ريم : تسلم ياعمو ويخليك فوق راسنا انت ومرت عمو
جميلة : تسلمي حبيبتي .. ااه نسيت خدو الاكل وافردوه على الطاولة لنتعشى
ريم : هاتي مرت عمو عنك هاتي
راحت ع المطبخ هية وراما
راما : واخيرا انا رح موت من جوعي
ريم : شفتيلي عمك كيف عم يتطلع على امك
راما : اي شفت
ريم : وشفتيلي مرت عمك كيف عم تزورن هنن التنين
راما : لا ما انتبهت
ريم : لانك خوتي
راما : تضربي .. بس مرت عمك ليش عم تزورا لامي اذا هربت عالضيعة مشان ماتتزوجلا جوزا وتخربلا بيتا
ريم : نحنا النسوان طبيعتنا هيك بنحب نكد على حالنا
راما : ههههه اااخ منك
ريم : يلا بسرعة خلينا نحط الاكل باين عليه بشهي
حطو الاكل وقعدو على السفرة
كان الخبز عند عثمان فتحو وطلع وحدة ومد ايدو مشان يعطيها لانهار بسرعة مدت ايدا ريم واخدتا
ريم : يسلمو عمو .. تفضلي ماما
انهار : يسلمو حبيبتي
وجميلة قاعدة وعم تهز رجلا ..
عثمان : بكرا انا عندي اجازة جهزو حالكن يابنات مشان نروح وسجلكن بالجامعة
جميلة : اصبح انا بجي معك وبقضي النهار مع انهار وبنطبخ شي طبخة طيبة متل ايام زمان
انهار : سألله على هديك الايام
عثمان : ماشي .. اي قولولي يا بنات شوبدك تسجلو
راما : انا بدي سجل حقوق
ريم : وانا ادب انكليزي
انهار : ما اتفقنا انكن تسجلو بنفس الاختصاص مشان تضلو مع بعض
راما : ماما بكفي لهون مابكفي خليتيني ارسب بالصف الرابع مشان كون مع اختي لهون وبس مليت منها وكمان انا حلمي ادرس حقوق
انهار : طيب انتي ياريم سجلي حقوق مع اختك
ريم وهية عم تاكل رفعت بحواجبا وقالت : هئ ايم سووري مام ..كمان كيف بدك اياني ادرس معا وهية مانا طايقتني ..
انهار : ياماما والله بخاف عليكن
ريم : لاتخافي ماما نحنا بنعجبك .. وكمان بنشد ضهرنا بعمي ماهيك عم
عثمان : اكيد انا بضهركن متل السيف وكمان مرت اخي لاتشغلي بالك ابني غسان بيدرس ادب انكليزي يعني رح يكون قريب منا لاتخافي
انهار : طيب ماشي متل مابدكن هي حياتكن ومابدي اوقف بوجه مستقبلكن
خلصت السهرة وراحو بيت عمون على بيتون
فتحو الباب وفاتو وانفتحت جميلة بوجه عثمان
جميلة : شبك كنت رح تاكلها بعيونك
عثمان : لمين
جميلة : لمين لحبيبة القلب طبعا
عثمان : حاجتك جنان
جميلة : لا مو جنان وانت لليوم بعدك بتحبا
عثمان : لا مابحبا بحبك الك فهمي .. شي كان بالماضي وما الو اي وجود هلق
جميلة : لكن ليش هيك كنت عم تتطلع عليها
عثمان : مافي شي بس انو متفاجئ فيها وبالبنات شقد متغيرين
جميلة : امممم ..
عثمان : امممممم .. لك دخيلو يلي بغار
جميلة : مو بايدي مو بأيدي مجرد تفكير انك كنت بدك اياها بجنني
عثمان : انا كان بدي اياها مشان بنات اخي مو اكتر مشان خليهن يربو تحت جناحي وما بتتذكري هية لما لاحظت هالشي اخدت بناتا وراحت على بيت اهلا مشان ماتخربلك بيتك وهاد شي بدل انها بنت اصل
جميلة : اي والله لو وحدة غيرا كانت هلق عم تشاركني فيك
عثمان : ههههههه انتو النسوان شو عقلكن صغير
جميلة : طيب روح ع الغرفة لجهز سهرية واجي لعندك
عثمان : ههه يلا ناطرك
راح على غرفتو وهية راحت ع المطبخ و وبغرفة من البيت كان ولادن عدنان وغسان حاطين ادنانون عالباب وعم يتسمعو على حوار ابوهن وامون
غسان : هههههه شكلون تصلحو
عدنان : بس عنجد امك زوتدتها يعني غيرتها على ابوك زايدة كتير
غسان : فهام يا ابني بتحبووو .. بتحبووو
رجعو واحد قعد قدام الابتوب والتاني تمدد قدامو على التخت
عدنان وعم يشتغل على الابتوب : مطول غسان قوم فرقني وروح على غرفتك
غسان : طيب سهرانين شوفي وراك
عدنان : عم احكي مع الفرندات تبعوتي
غسان : دخيلك انت واياهن .. انا رايح تصبح على خير
عدنان : لك لحظة
غسان : شبك
عدنان : اهلنا كانو عند بيت عمي صح
غسان : اي صح
عدنان : لك نسيت انو عندن بنتين واكيد بكون هلق كبرو وصارو حلوين
غسان : يحلا وبرك ايه
عدنان : بكرا بدي روح اتعرف عليهن بركي بتعجبني شي وحدة مشان اخطبا
غسان : عم تحكي من كل عقلك
عدنان : والله من كل عقلي اصلا مارح لاقي احسن من بنت عمي
غسان :انا مستحيل فكر اتزوج بهل الطريقة ابدا
عدنان : لانك متخلف
غسان : ههه والله ماني عرفان مين المتخلف بيناتنا
عدنان : اي روح روح
غسان : رايح تضرب انت والسهرة معك .. رايح احكي مع سوسو
عدنان : اي خليك هيك من بنت لبنت
غسان : ليك مين عم يحكي ما هلق قلتي بدي احكي مع فرنداتي
عدنان : مو ضروري يكون بنات... عاملين كروب وعم احكي انا والشباب
غسان : اي تتهنى
طلع وسكر الباب وراح على غرفتو فتح الخزانة طلع منشفة ورجع طلع وراح على الحمام تحمم ورجع لبس بجامتو جاب الابتوب مشان يفتحو بس لقى حالو نعسان رجعو لمكانو وحط راسو ع المخدة وصار تلفونو يرن مسكو وشاف مين
غسان : اوووووف .. ما ادبقك سكر تلفونو ونام
..................
ريم وراما عم يتقلبو على تخوتتن
راما : ريم نمتي
ريم : لا ما عم اقدر يمكن لانو تغيرت علي النومة مع انو فارطة تعب
راما : وانا متلك ... ريم
ريم : شوو
راما : خايفة
ريم : من شو
راما : من حياتنا الجديدة خايفة امشي بالشارع لحالي
ريم : شكلو كلام امك مأسر عليكي كتير ... حبيتي لاتخافي كلو رح يكون تمام بكرا لما تروحي ع الجامعة وتتعرفي على رفقة كتير حلو ... وكمان لاتنسي انو هي البلد فيها قانون والمواطن فيها محمي
راما : هيك قولتك
ريم : اكيد وكمان انتي بصراحة درويشي شوي لازم تكوني قوية وقد حالك يعني متلي
راما : المهم تدحش حالا وانو هية البنت المثالية
ريم : هههه اي والله مثالية
راما : اي نامي تضربي انتي والحديث معك
...................................
الصبح فاقوالبنات وهنن غسلو وجهون وكانت امون مجهزة القهوة كعادتها وقاعدة بالصالون عم تنطرون
ريم : صباحو ماما
راما : صباح الخير ماما
انهار : صباح النور ياعمري .. كيف كانت نومتكن
ريم : ماشي الحال بس طولنا لحتى نمنا
انهار : لانو تغيرت عليكن النومة ... يلاتعالو لنشرب القهوة
قعدو يشربو القهوة مع امون
رن الجرص وكان عمون ومرت عمون
فاتو وعثمان كان عم يتطلع عالارض وجميلة انبسطت انو مانو عم يتطلع على انهار
عثمان : يلا يابنات جاهزين لنروح
انهار : خلينا نفطر بالاول
عثمان : بنروح وبنرجع بكير
.......................
فاق غسان طلع من غرفتو لقى البيت هادي فتح الباب على اخوه عدنان فيقو وطلعو
عدنان : وين ماما وبابا
غسان : مابعرف شكلون مابالبيت
عدنان : انا رايح غسل فيق سما انت
فات غسان فيق اختو الصغيرة سما
سما : شوبدك اخي
غسان : قومي حاجتك نوم
سما : الفطور جاهز
غسان : الخادمة بتكون عم تجهزو قومي
سما : يلا بس وينا ماما هية يلي بتفيقني بالعادة
غسان : مانها بالبيت قومي حاج تكري
طلعو قعدو على سفرة الفطور .. عدنان مسك تلفونو ودق لابوه وقلو انو عند بيت عمون
سما : يا ربي ليش ما اخدوني معون حابة اتعرف على بنات عمي
غسان : اطمني بكرا بتشبعي منون وكمان اخوكي عدنان بدو يجبلك وحدة لهون بتملي منها
سما : شو يعني
عدنان : شو انك غليظ ياغسان لاتسمعيلو بيحكي كتير
......................
بعد يومين
عيلة عثمان قاعدين ع العشا
عثمان : يلا خلصو عشاكن مشان نروح عبيت عمكن
سما : عنجد بابا
عثمان : اي عنجد
غسان : انا ماني رايح
عثمان : ليش بقا
غسان : بابا انا قلتلا لماما من الصبح انو رفقاتي جايين يسهرو عندي
عثمان : اذا هيك خليك .. وانت عدنان
عدنان : اي بابا بروح
غسان : هههه اكيد رح يروح
عدنان : غسان خراس
غسان : هههه خرست دايمة شبعت
جميلة : شوفي
عدنان : مافي شي يلا انا قايم جهز حالي
.......................
بالبيت عند انهار
انهار : جهزتو يابنات
راما : انا جاهزة
ريم : انا عم اجهز ههههه
اندق الباب
راما : ماما انا بفتح
راحت فتحت .. واول شخص اجت عينا بعينو هو عدنان
راما : اهلا وسهلا تفضلو
سلمو وفاتو واخر واحد عدنان مد ايدو
عدنان بأبتسامة : مرحبا
راما : اهلا
عدنان : انا عدنان
راما : وانا راما تشرفت بمعرفتك
عدنان : وانا اكتر
راما : تفضل فوت
فاتو وقعدو وعدنان صار يتطلع على راما كتير طلعت ريم وسلمت عليهن وقعدت حد سما
ريم : انا ريم وانتي اكيد سما
سما : ههه اي
ريم : كأنكن ناقصين نفر
عثمان : ههههه انتي وحكياتك ياريم اي صح ناقصين نفر غسان ابني ما اجا عندو رفقاتو
ريم : اممم .. اي شو تشربو
جميلة : كلشي من ايدك طيب
ريم : نورتو قومي راما
راما كانت صافنة بعدنان عم تتبسم
ريم: رااااما
راما : اي شوفي
ريم: قومي نحضر الضيافة
راما : يلا
ريم : سمسوم تعالي ندردش شوي مع بعض متل الصبايا
سما : ههههه يلا
سهرو مع بعض وكانو كتير مبسوطين وراما وعدنان كأنو وقعو بحب بعض من اول نظرة طلعو وراح وانهار والبنات ودعوهن ع الباب سكرو الباب وريم مسكت شعر راما
ريم: وليه ليش هيك كنت عم تتطلعي بأبن عمك
راما : انا
ريم : لكن انا .. العما بقلبك اتقلي شوي
راما : ليش شو عملت .. وهو كمان كان عم يتطلع علي
ريم : شو يعني نجحز الصالة
راما : ههه اي ليش لأ
ريم : الله يساعدنا عليكي .. جنت البنت

بعد كم يوم
فاق غسان وكان صوت امو طالع من المطبخ
غسان : شو هالضجة شو عم تعزلو
جميلة : لا بس مرت عمك وبناتا جايين يقضو النهار عنا
غسان : فكرنا جاي لعنا شي وزير
جميلة : وليش هيك عم تحكي وكأنو ماعاجبك
غسان : عادي اهلا وسهلا فيهن شو جايين لعندي تتهنو
سما من وراه : وتتهنى انت معنا هلق بتشوف بنت عمك ريم وبطير عقلك
غسان : ههه لا اكيد مارح يطير عقلي متل اخوكي المجنون وكمان انا مارح شوفا بالاصل
جميلة : ليش ع وين رايح
غسان : رايح مع رفقاتي ع البحر والمسا برجع
جميلة : ما بتتأجل رحلتك
غسان : لا .. وبعدين ضروري شوفن ببقى شي نهار بشوفن وبتعرف عليهن
جميلة : طيب على راحتك
.............
المسا رجعو البنات على بيتون
راما : انبسطانا ماهيك
ريم : تضربي انتي وهالبسط قضيتا انا مع سما شو رايحة اقعد مع عجان انا ... اسمعي ماما انا بيت عمي معد روح لعندن
انهار : متل مابدك .. يلا فوتو غيرو وارتاحو
فاتو لبسو بجامتون وتمددو على تخوتتن
ريم : ابن عمك التاني لسه ماشفناه بس مبين واحد مغرور ماهيك
راما صفنت بالسقف وصارت تفكر بعدنان وماردت
ريم : بشو صافنة بلله
راما : شفتيلي عدنان ما احلاه وما احلا حديثو
ريم : الله يثبت علينا العقل والدين
راما : تضربي انتي ويلي بدو يحكيلك
ريم : انا هاد الحب من النظرة الاول مابوثق فيه
راما : عمرك ماتوثقي .. صح اخد رقمي وقال بدو يدقلي
صار تلفونا يرن
راما : هاد هو .. هاد هو
ريم : بسرعة بسرعة ردي بس مو هون طلعي ع البردنةهههههه
طلعت راما على البرندة وفتحت خط تحكي معو وريم حطت راسا ونامت
راما : كيفك عدنان
عدنان : الحمد لله .. شو انبسطي اليوم
راما : بصراحة كتير
عدنان : وشو اكتر شي حبيتيه
راما : انت .. قصدي الوقت يلي قضيتو معك
عدنان : ههه وانا كمان كنت مبسوط فيكي كتير
...................
ومرت الايام وراما وعدنان تقربو من بعض والجامعة فتحت
فاقو الصبح راما وريم وافيقن عالمراي عم يلبسو
ريم : يس انا كتير متحمسة
راما : وانا كمان متلك
انهار : يلا يابنات الفطور جاهز
خصلو لبس وقعدو يفطرو
ريم : بنعرف نروح لحالنا ؟؟
راما : عدنان جاي يوصلنا
ريم : ياحبيبي اي خليه يوصلك الك انا مابدي
انهار : ليش بقا
ريم : مابدي ماما اصلا بيت عمي ماهضمت ولا واحد فيهن
راما : اي مو على كيفك وبعدين رح يوصل اخوه غسان عم يداوم بنفس كليتك
ريم : ياحبيبي كمان اخوه المجهول بدو يكون معنا لا شكرا انا طالعة باي بروح لحالي مشان اتعلم ع الطريق
انهار : ريم استني عندك
ريم عم تلبس برجلا : باي ماما بدي اعتمد على حالي ولاتخافي علي انا قد عشرة يلا سلام .. وانتي راما ابقي سلميلي على عدنانو
طلعت وطبشت الباب
انهار : الله يبعد عنك ولاد الحرام
راما تلفونا عم يرن
ريم : هاد عدنان يلا سلام
انهار : روحو الله يوفقكن ويفتحا بوجهكن
........
بالسيارة تحت البناي
غسان : وان شاء الله كل انهار بدنا نوصلون
عدنان : ليش عندك مانع
غسان : ااوووف ياربي .. ابوك معد يعرف يشتريلي سيارة الي ويخلصني
عدنان : لاتنسى ابوك عندو مصاريف كتير ومنيح شترالنا هالسيارة ولا نسيت الشقتين تبعوتنا يلي اشترلنا اياهن وهلق عم يكملون
غسان : لا مانسيت بس كان يشتريلي سيارة وبعدين يشتريلي شقة
عدنان : يلا هلق خراس اجت راما
غسان : ما عأساس هنن بنتين
عدنان : يمكن ريم لاحقتا بعد شوي
غسان : ياحبيبي كمان بدي انطر ريم خانم
قربت راما : صباح الخير
عدنان : هلا صباح النور حبي
غسان : شوووووه متطورة الامور كتير حبي وماحبي
عدنان : اي خراس ونزيل اقعد ورا
غسان : امرك استاذ عدنان
نزل وراما كانت عم تبتسم
غسان مد ايدو وقال انا غسان وانتي راما تشرفنا ههههه
راما : ههههه الله يزيدك شرف
ركبت راما جنب عدنان وغسان ركب ورا
عدنان : ريم مطولة
راما : لا ريم مانا رايحة معنا راحت قال هية بتحب تعتمد على حالا
غسان بقلبو : اريح
عدنان : اوك
...........................
عباب كلية الاداب نزلت ريم من التاكسي وفاتت وصارتت تتلفت حوليها
فات غسان وكان لابس نظارتو وكان اخر شياكة ووخبط فيها وهية واقفة
هلق غسان بالجامعة بشوف حالو كتير انو ابن مسوؤل
ريم لما خبط فيها صارت تعيط وتصرخ : هيي انت ياحيوان مانك شايف قدامك
وقف مكانو وشلح النضارات ورجع لعندا
غسان : مين الحيوان ؟؟
ريم : حضرتك مانك شايف قدامك متل التور الهايج
غسان : نزعتيلي مراقي الله ينزع مراقك عند هالصبح .. اسمعي وليه بنتقبري بتسدي حلقك وصوتك مابدي اسمعو قال حيوان لك انتي حيوانة وستين حيوانة كمان
ريم : بلله وعلى شو شايف حالك واصلا مين انت لحتى تحكي معي بهل الطريقة
صوتن عم يعلا والطلاب بلشت تتجمع عليهن
غسان : انا اكبر راس هون بهي الجامعة وجربي وقفي بوجهي وشوفي شو بصير
ريم : يامامي خوفتني ههه وهيني واقفة قدامك فرجيني شوبدك تعمل
قرب شب من غسان وقلو : خلص غسان امشي شوبدك فيها لاتحط عقلك بعقلا
ريم : ليش شبو علقي انت كمان .. اسماع انت واياه وخصوصا انت يلي شايف حالك ومابعرف على شو .. انا عمي بكون مسوؤل مهم بالدولة واذا انت شادد ضهرك وانا كمان شادة ضهري وبيكسرلك راسك كمان
غسان : صبرك يارب السنة مبينة نحس من اولها ... قرب منها ورفع ايدو ومسكلا ادنا وقال اسمعي ياحلوة مو غسان يلي بيتهدد عم تفهمي انا رح اتركك هلق لانو مابدي نزل حالي لمستواكي وهاد المسوؤل يلي شايفة حالك فيه بحطك انتي واياه تحت رجلي فلا تتحديني فهمتي
بعدت ايدو عنها واجت بدا تحكي
غسان : هشششش صوتك مابدي اسمعو بكفي لهون خلصينا

يتبع........

#ولاد_العم
#بقلم_مريم_اليوسف

#الجزء_الثاني

تركها ومشي وهية واقفة رح تموت من غيظا ..
ريم : لاتتوتري بعدك بأول يوم خدي نفس عميق واعتبري شيئا لم يكن .... لك تضرب عند هالصبح .. مشت وصارت تفتل بالجامعة ومانا عرفانة وين تروح او تجي .. لروح اسأل شي حدا .. وقفت بنت
ريم : لو سمحتي بتعرفي من وين بروحو ع القاعة خمسة
الصبية : وانا كمان عم دور عليها وماني عرفانة من وين بدي روح عليها
ريم : طيب تعالي نسأل حدا تاني
الصبية : يلا ... بس ماتعرفنا انا نغم وانتي
ريم : تشرفت فيكي يانغم وانا ريم
مشو شوي
نغم : رح اسأل هدول الشباب
قربت منون ومدت ايدا على كتف واحد ودقتو عليه .. التفت وبكون غسان
نغم : لو سمحت بتعرف من وين بروحو على القاعة الخامسة
ريم شافتو وانصدمت وماحكت .. بس غسان لسه ماشافا
غسان : اي بتروحي من هاد . رفع نظرو وشاف ريم
غسان : هي انتي .. اي روحو مابعرف دبرو حالكن
ريم : اي بالناقص ولو بنعرف انو هاد انت ماكنت طلبت مساعدتك
غسان : ليش مين قلك انو رح ساعدك من اصلو يلا روحو من خلقتي
ريم : تعالي نغم تعالي ناقصنا نحنا
راحو سألو واستدلو على قاعتون وفاتو تعرفو على زملائون وطلعو وصارو يتمشو بحديقة الجامعة
ريم : شو بدنا نعمل انا رح روح ع البيت هيك هيك اول يوم مارح يكون فيه محاضرات
نغم : خلينا بنتسلى وكمان اختي هلق جاي هية بتدرس بقسم التاريخ
ريم : طيب ماشي
قعدو شوي
ريم : شكلا اختك مطولة يلا انا بدي روح
نغم : اوك وانا كمان رايحة
................
عباب كلية الحقوق واقف عدنان ناطر راما طلعت راما وركبت جنبو
عدنان : اخدت اذن من الشغل مشان اجي وصلك
راما : تسلم لقلبي .. ليش عذبت حالك كنت انا رحت لحالي
عدنان : احب على قلبي وصلك كل يوم بس انا رح صير وصلك الصبح وانتي بتبقي بتروحي لحالك المهم اليوم اول يوم انا بدي وصلك
راما ؛ دخيل قلبك
عدنان : معي نص ساعة شو رأيك نروح على شي مكان نشرب شي
راما : اوك .. ليش لأ
...................
فتحت الباب ريم وفاتت
ريم : هاي ماما
انهار : هلا ياروحي شو كيف كان يومك
ريم : عادي ماصار شي رحت تعرفت على كليتي وعلى زملائي وعلى الدكاترة وبكرا ان شاء الله ببلش الدوام
انهار : الله يوفقك .. يلا بما انك جيتي بكير تعالي حضري معي الاكل
ريم : تكرمي ست الكل بس خمس دقايق لحتى بدل تيابي
.....................
بالجامعة قاعد غسان .. اتطلع على الساعة ودق
غسان : الو سوسو .. لك وينك .. اذا ماجيتي انا بدي روح ماضل حدا بالكلية كلو عم يروح .... يلا خمس دقايق ماجيتي انا رايح .. اي ماشي
بعد شوي وصلت سعاد لعند غسان
سعاد : هاي حبيبي
غسان : هلا حبي
قربت وباستو على خدو : سووري حبيبي على التأخير بس كنت عم سلم على رفقاتي صرلي زمان ماني شايفتون
غسان : المهم شو هالحلا .
سعاد : حلا عيونك بيبي
غسان : يلا قومي نتغدا بشي مكان
سعاد : اي والله ياريت لانو رح موت من الجوع ..
قامو مشو وصارت تتلفت حوليها
غسان : شبك عم تدوري على حدا
سعاد : اي اختي نغم اليوم اول يوم الها بالجامعة وعأساس اجي شوفا الظاهر راحت
غسان : اكيد لانو ماضل حدا ... اختك عم تدرس نفس اختصاصي
سعاد : اي
غسان : بدك تعرفيني عليها
سعاد : اي اكيد بكرا مشان تتوصالي فيها
غسان : هههه ماشي ..
..........................
تاني يوم
فاتت ريم من باب الكليه ولقت نغم قاعدة هية واختا سعاد على مقعد بالحديقة
ريم : صباح الخير
نغم : هلا صباح النور
سعاد : هلا صباحك ياحلوة
نغم : ريم اختي سعاد .. سعاد رفيقتي ريم تعرفت عليها مبارح
ريم : تشرفت فيكي وبأختك
سعاد : ههه منيح بهل السرعة لقيتي رفيقة
قعدو دردشو شوي
نغم : سوسو ايمت بدك تعرفيني على حبيبك
سعاد : هلق يلا قومو
ريم : وانا كمان ؟
سعاد : اي وانتي كمان يلا قومي مشان خليه يتوصا فيكن هو شخص مدعوم واذا حدا عرف انكن من طرفو محدا بيقدر يقرب منكن
ريم بصوت واطي : شو قصت المدعومين بهل الجامعة
سعاد : ريم عم تحكي شي ؟
ريم : لا ابدا
مشو اتجاه غسان قبل مايوصلو اجتا رسالة لريم على تلفونا كانت من راما : كمان اليوم رحتي لحالك ليش ماخليتي عدنان يوصلك
ردتلا : اختي طلعي من راسي انتي وعدنانك سلام
بهل الاثناء كانو واصلين لعند غسان
سعاد : غسان هي اختي وهي رفيقتا
نغم ماحكت رفعت نظرا ريم : هاد انت ..
غسان : اي انا كأنو ماعجبك
ريم تجاهلتو وحكت سعاد ونغم : انا رايحة انطركن محل ماكنا
نغم : لحظة جاي معك
سعاد : لك ع وين رايحة انتي واياها
ماردو وكملو مشي
سعاد : شو صار انت بتعرفون
غسان : اختك لا بس هديك مبارح تقاتلنا انا واياها على باب الكلية
سعاد : بخصوص شو
غسان : ولا شي انسي ..
سعاد : طيب ماشي انارايحة هلق بتأخر سلام
غسان : خليني شوفك لما تخلصي
سعاد : اكيد سلام
..............
نغم : ريم صح انا نسيت اسألك مبارح شوفي بينك وبين هاد الشب
ريم : ولا شي واحد مغرور مبارح تجادلنا انا واياه ع الباب
نغم : اممم
ريم : هلق اختك مالقت غير هاد تحبو
نغم : بس باين عليه محترم .. ماضروري اذا انتي ماحبيته يكون حقير
ريم : ههه باين الاحترام عم يشر منو .. تعالي تعالي نفوت على المحاضرة
..................
بعد عدة ايام
طالعة ريم من باب الجامعة وصلت على الرصيف .. وفجأة شي فات بعينا صارت تفركا
ريم : اااخ .. ااخ .. شوهاد .. ناااار ..
صارت تفركا ومشت وما انتبهت على حالا وصلت للطريق وكملت مشيها
كان طالع غسان من باب مع رفقاتو عم يضحكو .. وقف وشافا والطريق مليان سيارات رما كتبو ع الارض وركض لعندا .. وبسرعة سحبا وجابا على الرصيف
هية انصدمت وخافت بنفس الوقت
غسان : مجنونة ماتتطلعي وين ماشية
هية وايدا على عينا عم تفركا اتطلعت عليه واتفاجئت فيه : هاد انت.... على كل حال شكرا ..
غسان : العفو بس تاني مرة انتبهي قدامك
ريم : اي
غسان : شبا عينك
ريم ماكانت طايقة وجودو : لا مافي شي
غسان : ليش هيك عم تفركيها مامنيح ..
ريم : خلص بدبر حالي
غسان ما رد عليها وشلا ايدا عن عينا : ليكي كيف صارت حمرا من كتر الفرك لك العين حساسة ماهيك بيتعاملو معا
ريم : ليش ايمت صاير دكتور حضرتك
غسان : لحظة لاتحركي
قرب فتحلا عينا وصار ينفخلا فيها
غسان : بعدا عم تحرقك
ريم : لا خلص تركني
غسان : لحظة ليكي في شي يمكن شي حشرة صغيرة ... معك كلينكس
ريم : اي تفضل ..
اخد الكلينكس ولفا وعملا زاوية وفتحلا عينا بحرف المحرمة طلع الحشرة
ريم : سانكس
غسان : ههه العفو.. بس لحظة لاتأكد انو ماضل شي
اتطلع بعيونا وسرح فيهن
ريم : شو لقيت
غسان : اااه لا مافي شي
ريم : بالاذن
مشت وهو لحقا : يا انسة لو سمحتي
التفتت ريم : اي شوفي
غسان : بعتزر عن هداك اليوم بس كنت طالع من بيتنا معصب وانتي طلعتي بوجهي
ريم : مامشكلة وانا كمان زودتا معك انا كمان بعتزر .. بالاذن مرة تانية .. راحت واقفت تاكسي وركبت وراحت ..وهو واقف مكانو عم يتطلع عليها ..
اجا رفيقو من وراه : غسان كتبتك لاتنساهن ع الارض
غسان : يسلمو ..
اخدون وراح وقف تاكسي وراح على بيتون
...................
وصل عالبيت وفات على غرفتو قعد وسند راسو لورا على ضهر التخت وصار يتذكر عيونا كيف كانو عم بيرقو .. ولاحظ شقد هية حلوة
فات لعندو عدنان : شو ايمت جيت غسان
غسان : من شوي ..
عدنان : بشو صافن
تجلس غسان وقالو : عيونا كتير حلوين مابعرف اول مرة بشوف عيون بهل الجمال
عدنان : عيون مين
غسان : مابعرف شو اسما بس معنا بالجامعة
عدنان : اممم وكيف شفت عيونا
غسان : كان في حشرة بعيونا طالعتلا اياها
عدنان : امممممم ... وشو حسيت لما اتطلعت بعيونا
غسان : ولا شي بس صفنت فيهن حسيتون اجمل عيون بالكون
عدنان : قال في حقيقة علمية بتقول اذا اتطلعت بعيون شخص ماا لمدة دقيقة قال بصير متل الاشعاع بين العيون وبيوقعو التنين بحب بعض
غسان : هههه ومن وين جايبلي هالمعلومة
عدنان : قريتا مرة بكتاب المهم عنجد مين هي وشو قصتا
غسان : خلص انسا .. صار الغدا
عدنان : جايين بيت عمك يتغدو معنا انا رايح جيبون تروح معي
غسان : لا مابدي .. روح انت
عدنان : ماشي .. بس اكيد بدي اقعد معك واعرف مين هي
غسان : اي روح .. روح
راح عدنان وقام غسان وقف ع المراي وصار يشلح قميصو وسرح بتفكيرو بعدين فاق على حالو وقال : شبك غسان شو نسيت سعاد اوووف لروح اتحمم بكونو اجو بيت عمي
..........................
راما : ريم ليش لهلق مالبستي
ريم : ماني رايحة بدي ادرس ونام شوي
فاتت انهار : شو ماجهزتو يابنات
ريم : ماما انا ماني رايحة
انهار : ليش قومي بتتسلي
ريم : بتسلى بدراستي احسن ما روح وطق من الملل
راما : ليش لتملي بتقعدي مع سما هههههه
ريم : مهضومة اي انقلعي من وجهي قال سما قال .. غير بدا تقعد تسألني من وين مشترية تيابك ومابعرف شو احاديث ولاد صغيرة حلي عني
راما : صح بتقعدي مع غسان انتي مابتعرفيه بتتعرفي عليه وبتدردشو مع بعض
ريم : لا شكرا لو بدو يتعرف كان اجا وتعرف ما انا يلي بدي الحقو ... خلصونا روحو انتو شوبدكن مني
انهار : تركيها على راحتا
راما : عدنان وصل وعم يدقلي يلا ننزل
انهار : يلا .. ريم انتبهي على حالك ولاتفتحي الباب لحدا
ريم : اي ماما الله معكن
..................
فتح الباب عدنان وفاتو
وطلعت جميلة وسما وغسان بأستقبالن
انهار : انت غسان ماهيك
غسان : اي مرت عمو نورتو
جميلة : شو وينا ريم
راما : مافعلت تجي قال بدا تدرس
جميلة : اي على راحتا تفضلو الاكل جاهز
راما : مرت عمو وينو عمو
جميلة : عندو شغل
قعدو اكلو وخلصو وشالو الاكل
وطلعو قعدو بالجنينة وغسان وعدنان بقو بالصالون طلع على غرفتو لانو حس الجو ممل
جميلة : قومي سما خدي راما لجوا بدي احكي موضوع مع مرت عمك
سما : حاضر ماما قومي رمرومة
فاتو قعدو مع عدنان
عدنان : شو ليش جيتو
سما : ماما بدا تحكي مع مرت عمي
..................
انهار : قوليلي جميلة شوفي
جميلة : بصراحة نحنا ملاحظين انو عدنان وراما رايدين بعض شو رأيك انتي
انهار : وانا كمان ملاحظة هالشي .. واكيد مارح وقف بطريقن
جميلة : شو رأيك نخطبن لبعض طبعا بعد ماقول لابو عدنان
انهار : انا بقول عمهل شي شهر مشان يتأكدو من مشاعرون لبعض بكون احسن وبعدا بنخطبون لبعض
جميلة : متل مابدكن لكن
.................
عدنان : سمسوم ممكن كاسة مي
سما : نادي الخادمة
عدنان : من ايدك اطيب قومي حبابة
سما : طيب تكرم
قامت سما وعدنان قام فورا سحب راما واخد وراح على غرفتو
راما : عدنان ع وين ماخدني
عدنان : هشش تعالي بدي فرجيكي غرفتي تعالي
راما : لا مابصير عيب
عدنان سحبا وما رد فوتا وسكر الباب
راما : عدنان شو عملت خليني اطلع
عدنان : بس لحظة جبتلك هدية
راما : هدية ؟ هدية شو ؟
فتح الدرج وطلع علبة مغلفة بورقة حمرا
راما : شو هي
عدنان : بالبيت بتعرفي شو هي وخبريني اذا بتعجبك
راما : ما منك اكيد رح تعجبني يسلمو كتييير
عدنان : يسلمو ع الناشف .. مابتمشي معي
راما : لكن شوبدك
عدنان : ع القليلة بوسة
راما : بوسة اكيد جنيت
عدنان : لا ماجنيت عطيني بوسة بخليكي تطلعي
راما : ماحزرت
التفتت مشان تطلع بسرعة راح ووقف قداما واشر على خدو وقال : بوسة وبتطلعي
راما : لك عيب اهلك هلق بحسو علينا
فجأة اندق الباب سما : اخي انت هون صرلي ساعة عم افتل عليك بالبيت مشان اعطيك كاسة المي
عدنان : جاي جاي .. حطيها بالصالون
سما : طيب ماشي ... وينا راما
عدنان : مابعرف بتكون رجعت لعند امك
سما : طيب
راما : كنت رح تفضحنا
عدنان :طلعي هلق بس بسيطة ياراما الايام جاي
فتحلا الباب وطلعت
........... ..........
المسا فات عدنان لعند غسان كان قاعد ورا طاولتو وكان عم يدرس
عدنان : شو شايفك عم تدرس
غسان : اي والله بدنا نتخرج
عدنان : معك حق .. المهم مابدك تحكيلي عن ام عيون حلوة
غسان : لك انا نسيت وانت مانسيت
عدنان : لا مانسيت يلا احكي
غسان : مافي شي اصلا انا ماني عم فكر فيها وكنت نسيانا اصلا
عدنان : يلا حكيلي قبل ماروح لعند اهلك وقلون
غسان : ههههه مابيطلعلك لانو اذا بدك تحكي انا كمان بدي احكي
عدنان : شوبدك تحكي
غسان : انت وراما بالغرفة ..
عدنان : شووو ..شووعرفك
غسان : وهل يخفى القمر
عدنان : حباب لاتقول لاهلي
غسان : اممم طيب بس قلي شو عملتو
عدنان : ماعملنا شي بس عطيتا هدية
غسان : بس هيك
عدنان : والله بس هيك
غسان : ومن هون لهون مثلا بوسة من هون ضمة من هون ...
عدنان : عم قلك والله ماصار شي
غسان : طيب صدقتك بس لاتعيدا
عدنان : ههههه ماشي يلا تصبح على خير
غسان : وانت من اهلو
.........................
تاني يوم ريم ونغم قاعدين على مقعد بالحديقة عم ياكلو شيبس
ريم : ولييي شو حامض لك مالقيتي تجيبه غير بالخل
نغم : هاد يلي طلع معي .. بس والله طيب
ريم : ما زيادة بحب الحامض بس طييب
غسان واقف بعيد عم يحكي مع رفقاتو قام ضربت عيونو عليها كيف عم تاكل وتغمز بعيونا وابتسم
نغم : ريم احكيلي عن حالك عن عيلتك
ريم : ياستي كان يامكان بقديم الزمان كان في شب وصبية بحبو بعض واتزوجو وجابو بنتين متل القمر ووحدة منون انا ههههههه
نغم : ههههه يضرب التواضع اي كملي
ريم : بابا مات بحادث سير ونحنا صغار وضلينا نحنا وماما كنا قاعدين نحنا وبيت عمي ببيت واحد
نغم : اي
ريم : قام عمي صار يدو يتزوج امي مشان يربينا بس ماما رفضت مشان مرت عمي مشان ماتخربلا بيتا ورحنا ع الضيعة لعند بيت جدي وربينا هنيك لحتى صرنا بهل العمر وجابتنا امي لهون مشان الجامعة
نغم : ومين بيصرف عليكن
ريم : راتب بابا وكانت امي بالضيعة فاتحة دكان وهون عمي عم يساعدنا شوي
نغم : الله يحميلك امك ويخليها فوق راسكن
ريم : آمين .. وانتي
نغم : انا عادي بابا وماما عايشين نحنا بنتين وولدين وعايشين حياتنا طبيعي متل كل هالعالم
ريم : احسن الشي .. يلا قومي نروح ع المحاضرة
............
رفيقو لغسان : غسان وين شارد
غسان : هون معكن
..................
وصلت ريم ونغم عباب القاعة وكان في شبين واقفين ع الباب
ريم :ممكن تفتحلونا طريق
شب : عفوا تفضلو
اتطلع عليهن وابتسم وهنن البنتين اتطلعو عليه وانصدمو من جمالو
الشب : تفضلو الطريق مفتوح
ريم : اي اي يسلمو .فاتو والبسمة مرسومة على وجهون وقعدو مكانون
نغم : شفتي ما احلاه
ريم : ايييه .. انا يلي شفت ولي شو هالجمال
نغم : مين هاد انا اول مرة يشوفو
ريم : مابعرف .. بس بجننن .. ياربي شو هالجمال
نغم : ليكي فات وقعد مع الطلاب اكيد طالب
ريم : ولي على قلبي .. انا كيف بدي ركز وهاد معنا
نغم : لكن شوبقول انا ااااه ياقلبي
ريم : ليكي مو بس نحنا عم نتطلع عليه كل البنات
نغم : لك بيستاهل .. بيستاهل
ريم : خلص وليه ركزي اجا الدكتور
الدكتور : good morning (صباح الخير)
الطلاب : good morning (صباح الخير )
اشر على الشب : who are you (من حضرتك )
الشب : My name is Amin, a new student (انا اسمي امين طالب جديد
الدكتور :Well sit down ( اوك اجلس)
ريم : اسمو امين
نغم : ليكي عم يتطلع علينا
اتطلعت عليه هية ونغم
ريم : عم يتبسم
نغم : عمين عم يتطلع
ريم : مابعرف بس يمكن عليكي
نغم : انا بقول عليكي
ريم : انتبهي قدامك احسن ما نتقلع من المحاضرة
...................
بكافيه الجامعة
سعاد : اي حبيبي شو بدك مني
غسان : سعاد نحنا لازم نحكي
سعاد : اوك بنحكي بس بخصوص شو
غسان : بصراحة انا ماعم تظبط معي انو نحب بعض بصراحة انا ماني عم حس تجاهك اي شي ابدا سامحيني بس ماقدرت .. انت معزتك بقلبي غالية بس مو حب
سعاد : خلص لاتكمل انا فهمانة عليك .. وانا كمان اسفة اني فرضت حالي عليك
غسان : لاتحكي هيك بس انا اعترفتلك بمشاعري مشان ما اظلمك ولا اظلم حالي بالمستقبل
سعاد حابسة دمعتا ومدت ايدا وقالت : اصدقاء
غسان : اكيد اصدقاء
سعاد : بالاذن
غسان : سعاد بترجاكي لاتزعلي
مشت وماردت وصارتتبكي وكملت ع الحمامات وصارت تبكي
........................
طالعين ريم ونغم من باب القاعة وعم يتطلعو على امين وهو كمان عم يبادولن نفس النظرات
نغم : انا معد استحمل ريم مشان الله اسرعي
ريم : هههه يلا امشي .... نغم تلفونك عم يرن
نغم وهية صافنة وشاردة : اييه
ريم : نغاااام تلفونك عم يرن
نغم : اي اي .. فيقتيني من احلام اليقظة يلي كنت فيها
ريم : هههه الله يثبت ردي شوفي مين
نغم : هاي سعاد ... الو اي سعاد ... شبك ليش عم تبكي ... وين انتي ... يلا جاي جاي
ريم : شوفي
نغم : مابعرف بس بكيانة كتير هيك مبين من صوتا
..................
نغم : سعاد حبيبتي شبك ليش عم تبكي
سعاد : تركني تركني قال مابحبني
ريم : مين هو
سعاد : غسان قال مابحبني
ريم : العما وعلى شو شايف حالو هاد شو مشاعر بنات الناس لعبة بين اديه انا بفرجيه ومشت
سعاد: ريييم وقفي .. لك انتي فهمانة الموضوع غلط
نغم : ريم .. لك هاي مجنونة بدا تفضحنا انا لاحقتا

وصلت ريم لعند غسان
ريم : شومفكر حالك يا استاذ
غسان : انااا .. شوفي
نغم : ريم تعالي الموضوع مو متل ما انتي فهمانتيه
ريم : تركني بدي فرجيه قيمتو لابن المسؤول مفكر مشاعر بنات الناس لعبة بين اديه
غسان : انااا
نغم : ريم مشي معي
ريم : اي انت ضليت تلعب بمشاعر المخلوقة لحتى تعلقت فيك وهلق قلتلا معد بدي اياكي لما خلصت تسلاي رميتا للبنت
غسان : لك عن ايو بنت عم تحكي شو عم يصير معك انتي
ريم ؛ عم احكي عن سعاد ماحرام عليك يلي عملتو بالبنت شو عملتلك غير حبتك وهلق انت رميتا ... مزال مابدك اياها من الاول ليش لتقلا بحبك
نغم : لك يارررريم
ريم : نغم خلص بكفي .. شو انتي كمان خايفة منو هاد واحد بيستاهل البهدلة
نغم : ريييم سعاد هية يلي حبيتو مو هو يلي حبا فهمي
ريم انصدمت والتفتت عليها : شو قلتي
نغم : عم قلك سعاد هية يلي حبتو
غسان صار يضحك
ريم خجلت كتير وتمنت الارض تنشق وتبلعا
ريم : كيف يعني هية يلي حبتو
نغم : تعالي انا بحكيلك .... اسفة غسان
غسان : لاتهتمي بس خلي رفيقتك تعتزر وتاني مرة خليها تفهم القصة قبل ما تتهجم على الناس
ريم : انا ... انا بس انفعلت على اخت رفيقتي .. لاتواخذني
غسان : هههه مابتتواخذي
ريم : شو يعني انا مجنونة
غسان : لا ماقلت هيك
ريم : طيب اسفة وهلق بالاذن
غسان : هههه ماشي .. اذنك معك
مشت ريم ونغم
غسان : لحظة انتي شو اسمك
ريم : مابهمك
ومشو ورجعو لعند سعاد
نغم فارطة من الضحك
ريم : حاج تضحكي حاسي حالي متل الصرصور ياربي على هالخجلة
سعاد : شو صار
نغم : بهدلتو بهدلة قياما وقعودا لغسان
ريم : هلق فهمنو شو يعني انتي يلي حبيته
سعاد : يعني انا رحت وقلتلو بحبك وهو ماحب يجرحني وقلي بحاول نتقرب من بعض واذا مامشي الحال كل واحد بطريق
ريم : يعني هو شخص منيح
سعاد : اي منيح وكتير كمان
ريم : ياربي انا شو خبصت
سعاد : خلص لاتهتمي غسان قلبو طيب هلق بينسا
ريم : كيف بدي حط عيني بعينو ياربي لك انا شو دخلني فيكي وفيه
سعاد : انتي دبت فيكي النخوة فجأة هههه
ريم : هههه المهم اني ضحكتك
سعاد : هههه لك تسلمي يلا انا بدي روح حاسي حالي تعبانة تروحي معي نغم
نغم : اي بروح
ريم : وانا كمان رايحة معد الي عين ضل هون

يتبع .......

#ولاد_العم
#بقلم_مريم_اليوسف

#الجزء_الثالث

رجعت ريم على بيتا وكانت كتير خجلانة من عملتا
ريم : خلص ريم لاتفكري سوء تفاهم
فاتت راما : هاي ريمو
ريم : هايات ..شوليش جاي بكير
راما : عازمني عدنان ع الغدا قام طلعت بكير مشان جهز حالي
ريم : اي تتهني ... انا رح نام شي ساعة بين ما امك تكون جهزت الغدا
........................
بعد كم يوم بالجامعة قاعدة ريم عم تراجع بعض المواد بالحديقة اجا غسان

غسان : احمممم
رفعت نظرا ريم : هلا غسان
غسان : كيفك
ريم : الحمد لله تمام وانت
غسان : الحمد لله ممكن اقعد
ريم : اي اكيد تفضل
قعد حدا غسان
ريم : انا بعتزر على مبارح
غسان : لا مامشكلة .. اي كيفا دراستك
ريم : تمام
غسان : اذا احتجتي مساعدة انا جاهز
ريم : والله كفو .. بس لا مابدي شكرا .... اااه اتأخرت بدي الحق المحاضرة بالاذن
قامت ريم
غسان : ريم ممكن شوفك مرة تانية
ريم : اوك انا عطول هون اذا حبيت تعال واقعد معي يلا سلام
غسان : سلام
......................
بكلية الحقوق واقفةراما مع زميل الها عم يحكو بموضوع الدراسة
راما : ميرسي كتير عذبتك
الشب : لا مامشكلة عذابك راحة ..
راح الشب واتفاجئت بعدنان واقف بعيد وعم يراقبا ومبين على وجهو علامات الانزعاج والغضب
قربت راما منو : مرحبا حبيبي
عدنان : مين هاد يلي كنتي واقفة معو يا انسة
راما : ااااه .. يعني انت هلق غيران اي اطمن هاد زميل مو اكتر وكنت عم اسألو كم سؤال
عدنان : قلتيلي زميل والابتسامة يلي كانت مرسومة على وجهك شبرين كل هي لزميل
راما : شبك عدنان عم قلك زميل
عدنان : هلق بدك تقولي شوفي بنيك وبينو بتحبيه ما؟
راما : حبو؟ لك انت اكيد جانن .. عم قلك زميل ليش ماعم تصدق
عدنان : ولا رح صدق وهلق بدك تقولي شوفي بينك وبينو
راما : بتصدق ولا عمرك ماتصدق . تركتو ومشت
لحقا ومسكا من ايدا
عدنان : انا لسه ماخلصت كلامي كيف بتمشي من قدامي قبل ما اسمحلك
راما : لاااا انت اكيد صاير لعقلك شي
تركتو ومشت
لحقا هو
عدنان : راما وقفي .. عم قلك وقفي ... راااما
راما : خييييرررر
عدنان : تعالي اركبي معي بنحكي ع الطريق
راما : لا مابدي بروح لحالي
عدنان : عم قلك تعالي لوصلك ولاتخليني طالع كل جناني
راما : وانا قلتلك مابدي
عدنان : ماعلى كيفك انا ابن عمك وبمون عليكي
راما : هه اسماع حبيبي ابن عمي صح بس مابتمون الا على حالك وهلق بالاذن ياااا ابن عمي
تركتو وراحت وقفت تاكسي ومشت
..................................
خلص الدكتور تقديم المحاضرة والطلاب صاروا يضبو كتبون
نغم : ريم
ريم : شو
نغم : ليكي امين عم يتطلع علينا ويبتسم
ريم رفعت نظرا : اي والله عم يتطلع علينا ولي على هالابتسامة بتشل
نغم : ياترى ع مين عم يتطلع علي ولا عليكي
ريم : المشكلة مامبين
نغم : يلا نطلع
طلعو ولحقون امين
امين : صبايا .. ياصبايا
وقفو والتفتو عليه وفاتو ببعضن
امين : مرحبا
ريم ونغم وهن وجوهن حمرا : اهلين
مد ايدو اتجاهون وقال : انا امين
مدت ايدا نغم وقالت : نغم
ريم : وانا ريم
امين : تشرفت بمعرفتكن ... شو رأيكن اعزمكن على فنجان قهوة
ريم : اذا عسحابك ليش لأ ههههه
امين : هههه اي حسابي تفضلو
مرقو من حد غسان وغسان صار يفور ويغلي مابيعرف السبب بس انقهر ... راح وقف تاكسي وراح ع البيت
............
تعرفو على امين ولقوه مهضوم كتير بس نغم لاحظت انو عم يدقق اكتر الشي على ريم وكأنو معجب فيها فحبت تتركون لحالون
نغم : انا بالاذن بدي روح
ريم : شوفي ع وين
نغم : تذكرت عنا بالبيت في عزيمة وبدي روح ساعد الماما خلص انتو خليكن
ريم : طيب ماشي سلمي
نغم : اوك سلام
امين : الله معك
ريم : اي وين كنا اي صح قلتك انا عن عيلتي هلق حكيلي عنك
...................
فات غسان ع البيت ولقا عدنان قاعد عم يتفرج ع التلفزيون مبين عليه معصب قعد حدو ورفع رجليه على الطاولة وماحكي
عدنان: شبك
غسان : مافي شي .. انت شبك
عدنان : مافي شي
حكي غسان وعدنان سوا :انا..
غسان : احكي انت
عدنان : لا انت
غسان : خلصنا بدنا نضل نعزم بعض
عدنان : تقاتلت انا وراما
غسان : ليش
عدنان : شفتا واقفة مع واحد وجن جنوني بصارحة يمكن انا زوتها
غسان : ليش شو عملت
عدنان : اتهمتا انو في شي بينها وبينو ومابعرف كيف بدي راضيها وانت شبك
غسان : بتتذكر هي البنت يلي قلتك يلي ساعدتا وطالعتلا الحشرة من عينا
عدنان : اي شبا
غسان : عم حس انو بدي اياها بحب روح ووقف معا واذا شفتا مع حدا عم غار
عدنان : انت حبيتا
غسان : مابعرف
عدنان : ماني عم اسألك عم قلك انت حبيتا
غسان : معقول
عدنان : اي معقول . وقف وكمل حكي : روح اعترفلا احسن ماتروح من ايدك . وبعدين راح
ضل غسان مكانو صافن
.............
فاتت ريم ع البيت : ماما راما وينكن
اما من المطبخ : اي حبيبتي انا هون عم جهز الغدا واختك بغرفتا
كملت ريم ع غرفتا فاتت وكانت راما نايمة على تختا وصوت انفاسا عالية ومخنوقة وكأنها عم تبكي قربت منها ريم : راما عم تبكي ... رااما ردي علي .. رااما
رفعت الغطا ولقتا عم تبكي
ريم : راما عم تبكي ؟؟ ليش شوصاير
راما : مافي شي تركيني بحالي
ريم : لا يلا قومي هلق بدي اعرف شو صار .... متقاتلة مع عدنان
راما : ....
ريم : امم شوصاير
راما : خلص خلص كلشي انتهى
ريم : قومي احكيلي شوفي
قامت راما ظبطت قعدتها وحكت : خلص نحنا معد نرجع لبعض
ريم : ليش شو صار
حكت راما لريم كلشي : راما خلص انا معد ارجعلو لك عم يشك فيني وبحبي لألو
ريم : اي روقي مامستاهلة بكون معصب من شي شغلة واجا فش خلقو فيكي
راما : يفش خلقو بس مايشك فيني ..
ريم : اي اهدي وطولي بالك وبكرا بتلاقيه ناطرك بسيارتو مشان يعتذر
راما : بس انا ماني مسامحتو
ريم : على راحتك يلا بالاذن انا رايحة ساعد الماما
راما : ريم لحظة
ريم : خير
راما : اقبل اعتذارو اذا اعتذر
ريم : امممم برئيي برئي تقبلي بس بشرط مايعيدا مرة تانية
راما : شكرا
ريم : ههه العفو
راما : لحظة
ريم : خير شوفي كمان
راما : كأنو ملاحظة انك مبسوطة اليوم وحاسة انو فيكي طاقة ايجابية
ريم : بصراحة
راما : ايييي
ريم : شكلي بلشت اوقع بالحب
راما : عنجد؟ مين ؟ حبابة قوليلي
ريم : واحد معي بالكلية وسنة اولة كمان اسمو امين حلو كتير ومهضوم وشكلو حاطتني بعقلو
راما : وبركي طلع تخمينك غلط
ريم : ههههه اي ساعتها بالناقص منو يلا انا رايحة ساعد الماما وقومي انتي حاج بياختك
راما : يلا قايمة
.................
تاني يوم بكلية الاداب
ماشية ريم ووقفا صوت غسان : انسة ريم .. انسة ريم ..
وقفت والتفتت عليه : اهلا غسان
غسان : كيفك
ريم : الحمد لله
غسان : ممكن اقعد معك حابب احكي معك بموضوع
ريم : موضوع ؟؟ موضوع شو ؟
غسان : ياريت تقبلي عزيمتي على فنجان قهوة وبنحكي
ريم : اوك تفضل
راحو ع الكافيه وقعدو
ريم : ياريت تدخل بالموضوع مباشرة لانو عندي محاضرات وبدي لحقون
غسان : بصراحة الموضوع هو ..
ريم : بدك مني ادخل واسطة بينك وبين سعاد ؟؟
غسان : لاا انتي فهمنيني غلط الموضوع بخصني الي والك
ريم : ؟؟؟
غسان : ريم لو سمحتي بدي عنوان اهلك
ريم : عنوان اهلي ؟لاشلك فيه بس مايكون بدك تروح تتشكاني للماما
غسان : ههههه اكيد ماهيك بترجاكي ركزي معي بصراحة انا بدي اخطبك
ريم : شوووو
غسان :شو رأيك
ريم : اكيد لأ
وقفت وقالت : مفكر انو بهل الطريقة ممكن تستغليني شو عم تضحك علي
غسان : ريم والله انا ماقصدت شي انا قصدي شريف بدي اخطبك لاني حبيتك وين المشكلة
ريم : طيب رح صدق انو نيتك شريفة بس انا مستحيل اقبل اولا طريقتك كتير تقليدية وانا ما من هاد النوع يلي بحب هيك طرق وثانيا انا مستحيل اتزوج اذا ماحبيت الشخص وثالثا انا مابحبك ولا بعمري رح فكر حبك
غسان : ريم سمعيني وربي انا حبيتك من كل قلبي مشان هيك عرضت عليكي الزواج فورا لانو بدي كون كل وقت معك
ريم : وشو عشان مشاعري
غسان : اكيد بتهمني مشاعرك بس عطني فرصة ورح خليكي تحبيني
ريم : اسفة مابقدر ... الافضل تدور على وحدة غيري وهلق بالاذن
غسان : ريم سمعيني
ريم : بترجاك غسان في بقلبي اتجاهك شوية احترام خليك محافظ عليهن
غسان : لك انا بحبك بحبك .. مستعد اعمل المستحيل كرمالك
ريم : بدي تبعد عني بكون احسن
تركتو ومشت وهو ضل مكانو مقهور ومخبي الدمعة لاتنزل
مشت ريم لقت نغم
نغم : شبك ليش كان صوتك طالع وانت مع غسان اتقاتلو شي
ريم : قال الافندي طلع بحبني
نغم : عنجد ؟؟
ريم : والله وقال بدو عنوان اهلي مشان يخطبني
نغم : ايي وعطتيه
ريم : اكيد لأ شو انتي مجنونة
نغم : بس على فكرة شب مابيتفوت
ريم : والله عم تحكي من كل عقلك .. امشي امشي رح نتأخر
................
بكلية الحقوق قاعدة راما بكافيه الجامعة مع رفقاتا بس كانت شاردة وعم تحرك كاسة النسكافيه من ربع ساعة
اجا عدنان قرب منا سحب كرسي وقعد جنبا وهية مانا منتبهة كانت شاردة
عدنان : بعدو القمر زعلان
نقزت واتطلعت عليه وعلى رفقاتا وكانو كلون عم يضحكو
عدنان : حبيتي انا اسف بوعدك معد عيدا
قامت اخدت شنتايتا وطلعت
لحقا
عدنان ؛ راما انا اسف
راما ؛ خلص كلشي انتهى اذا من هلق ماعندك ثقة فيني
عدنان : راما بحبك
راما : يلي بحب بصدق
عدنان : طيب اسف ومعد عيدا
راما : معد ينفع الاسف
لحقا ومسكا من ايدا ووقفا
عدنان : انا حيوان وغبي و مابفهم
راما : وشو كمان
عدنان بلطف : وبحبك وبموت فيكي واسفة مليون مرة
راما بأبتسامة حلوة : وانا كمان بحبك
عدنان : لك يسعدو على هالضحكة يلي بتشلل
راما : طيب وعدني
عدنان : بوعدك انو اوثق فيكي بس عنجد مبارح كنت مضغوط ولما شفتك واقفة مع شب عقلي ما استحملني كنت رح جن
راما : سلامتو عقلك
عدنان : حبي انا هلق عندي شغل لما تخصلي دوام عازمك على شاورما شو رأيك
راما : اكيد موافقة
عدنان : يلا باي .. بحبك
راما : بحبك
......................
مر كم يوم و ريم كانت عم تقابل امين بشكل يومي وهو عم يتقرب منها وغسان كان غايب عن الجامعة
وراما وعدنان علاقتون متل السمنة وسكر
.....................
كانت ريم ونغم قاعدين عم يحكو ويدردشو اجت سعاد لعندن
سعاد : صباحو صبايا
ريم ونغم : هلا سوسو
سعاد : اي قولولي كيفكن شو اخباركن
ريم : غير شكل والله
سعاد : بدي اسألكن عم تشوفو غسان شي بالجامعة
ريم : غسااان !!
سعاد : اي غسان ليش مستغربة عم تشوفيه
ريم : لا بصراحة صرلي كم يوم ماعم شوفو .
نغم : اي اختي شو جايبك لعنا
سعاد : والله حبيت اطمن عليكن مو اكتر
نغم : اممم قلتيلي
سعاد : يلا بالاذن انا رايحة سلام
راحت سعاد
نغم : صح ريم غسان ليش ماعم يجي
ريم : وانا شوعرفني
نغم : معقول صاير معو شي لانك رفضتيه
ريم : لا .. اكيد لأ .. خلص مادخلني شو الحب بالغصب
نغم : عسيرة الحب كيفو امين
ريم : امين دخيل قلبو ما احلاه وما احلا حكيو بتعرفي قلبي حاسسنك انو عنجد بحبني
اجا صوت من وراها : اي بحبك
التفتو وكان امين وريم خجلت كتير
ريم : هوو اصلوو اناا ... بصراحة
امين : بحبك .. وانتي بتحبيني مو هيك
ريم بخجل : مابعرف انت بتحبني ؟
امين : بحبك وبموت فيكي .. وانتي شو
ريم : اي بح ...
امين : اي كمليها
ريم : بحبك
قالتها وقامت بسرعة
قامت نغم وراها وقالت : انت بتعرف البنات وخجل البنات هههههه
امين : هههه اي اكيد لك دخيل خجلا شو بحبو .. ليكي بوسيلي اياها
نغم : حاضر يلا سلام
لحقتا نغم ع الحمام
نغم : ريم شو صابك
ريم : لك طلع بحبني بحبني
نغم : اي والله .. بس انتي ليش هيك هربتي
ريم : مابعرف خجلت وتوترت مابعرف شو صابني بس انا كتير بحبوووو
نغم : اي منيح لكن تعالي هاتي بوسة
قربت ضمتا وباستا على خدا وعالخد تاني وقالتلا هي من امين قلي بوسياي اياها
ريم : عنجدددد
......................
خلص الدوام وعدنان وصل راما ع البيت وراح على بيتون
عدنان : كيفك ماما
جميلة : هلا ياقلبي يعطيك العافية
عدنان : الله يعافيكي يارب ..
جميلة : ماما حبيبي شوف اخوك الله يخليك صرلو كم يوم ماعم يطلع من غرفتو حاسة صاير معو شي
عدنان : والله ياماما عم احكي معو ماعم يرضى يحكي
جميلة : طيب حاول معو كمان هلق
عدنان : بتأمري ياست الكل
فات عدنان لعند غسان كان عم يلعب على كيس الملاكمة
قرب عدنان ومسك الكيس وثبتو
وقف غسان وقلو : شوفي بدك شي
عدنان : اي بدي احكي معك
غسان: بخصوص شو
عدنان : مافي موضوع مهم تعال نقعد هون
غسان : طيب ماشي
شلح الكفوف من ايديه ومسح العرق يلي على وجهو ورقبتو وقعد حدا اخوه
غسان : احكي عم اسمعك
عدنان : انت يلي بدك تحكي مو انا
غسان : عن شو
عدنان : ليش هيك منعزل لحالك
غسان : ماني منعزل ... او فيك تقول منعزل وحابب ضل لحالي
عدنان : طيب شو سببو هالانعزال
غسان : والله ولا شي
عدنان : على راحتك مابدك تتغدى معنا
غسان : روح هلق بلحقك
عدنان : عراحتك
طلع عدنان وفات هو وابوه
وقف غسان : هلا بابا
عثمان : كيفك بابا
غسان : الحمد لله
عثمان : شبك بابا وضعك ماعاجبني
غسان : مافي شي بس شوي حابب ضل لحالي
عثمان : اممم طيب ماشي على راحتك ... بس جبتلك هدية مابدك تشوفا
غسان : هدية ؟ الي انا
عثمان : اي الك
غسان : شو هية
طلع عثمان من جيبتو مفتاح سيارة ورفعو بالهوا
غسان : شو هي بابا
عثمان : مفتاح سيارتك الجديدة ما انت كان بدك سيارة
غسان بفرح : سيارة الي انا
عثمان : اي الك
غسان : الله يخليلي اياك يا احسن اب بالدنيا
عدنان : يلا غسان تعال شوفا ما احلاها
غسان : يلا
.......................
تاني يوم راح غسان على الجامعة بسيارتو وقرر مايفكر بريم وبتجاهلا
ريم كانت عم تتمشى واجا امين وصار يمشي حدا
ريم ؛ هاد انت نقزتني
امين : اي انا كيفو الحلو
ريم : كتير منيحة
امين : وانا كمان كتير كتير منيح
ريم : امين عنجد بتحبني
امين : قال بحبا قال لك انا بموت ع الارض يلي بتمشي عليها
ريم : تسلملي يارب
امين : شو بتحبي تشربي
ريم : شو نسيت عنا محاضرة بعد عشر دقايق
امين : اي والله نسيت يلا مشي وهاتي ايديك
حطت ايدا بأيدو ومشو مرقو من حدا غسان واديهن بأدين بعض
غسان صار يتطلع عليهن كيف مبسوطين واتطلع على اديهن وحس النار شعلت جواتو
رفيقو عمر : شبك غسان وين شارد
غسان ؛ مافي شي انا رايح بدكن شي
عمر : ع وين
غسان : مابعرف يلا باي
طلع غسان بسيارتو وهو مقهور كتير وفي ميت سؤال عم يدور راسو : ليش ماحبتني معقول لانو هو حلو معقول اتقرب منها بطريقة تانية العما ما اغباني مالقيت غير هالطريقة انا اعرض عليها حبي غبي غبي
ماعرفت اكسبها لاني غبيي ... خلص راحت بين ادي
........................
خلصو دوام وطالعة ريم مع امين اجت لعندا نغم
نغم : شو ريم مابدنا نروح ع البيت
ريم : لا رايحين انا وامين مشوار
نغم : مشوار ؟ ع وين
ريم : مفاجئة ماعم يقلي
نغم : ايه ماشي الله يهنيكن
تركتون ومشت
ريم : ع وين المشوار
امين : مفاجئة يلا تعالي
ريم : ع وين
امين : بسيارتي
ريم : حبيبي لا تواخذني بس مابقدر اركب معك بالسيارة
امين : اي ياروحي متل مابدك تعالي نركب تاكسي
ريم : يعني مازعلت
امين : اكيد لأ ... يلا تعالي
ركبو بتاكسي وراحو على حديقة عامة
ريم : شو هاد
امين : تعالي بدنا نغير المود شوي مابحب جو المطاعم وهيك شغلات رسمية بحب الحرية
ريم : هههه غريب بس هيك حلو
امين : انتي قمر
راحو لعند كشك صغير بطرف الحديقة اشترو شبيس ومكسرات وبزر وعصير وشوكالا
ريم : وين بدنا نقعد
امين : هنيك تحت الشجرة
ريم : ع الارض ؟
امين : اي ع الارض تعالي فوق هالعشبات غير شكل
قربو وقعدو تحت الشجرة وصار يدردش وياكلو شيبس ويشربو عصير وياكلو بزر وكانت ريم كتير مبسوطة وكأنو نفسيتا كانت بحاجة هاد الجو
خلصو ووصلا امين عبيتا
راما : شو ريم باينتك مبسوطة
ريم : كتير كتير
راما : شو السر
ريم : عشقانة يا اختي عشقانة
راما : ههههه مجنونة
..................
تاني يوم كالعادة قاعدة ريم مع امين شافتون نغم بس ماحبت تزعجون واحتارت لحالا وين تروح لقت غسان قاعد بعيد وعم يراقب ريم ومبين عليه القهر راحت لعندو
نغم : مرحبا
غسان : اهلا نغم كيفك
نغم : ممكن اقعد
غسان : اكيد تفضلي
قربت وقعدت حدو .. وهو بعدو عم يتطلع على ريم
نغم : بتحبا لهل الدرجة ؟
اتطلع فيها وهو متفاجئ
نغم : قالتلي ريم انك طلبت عنوان اهلا مشان تطلبا
غسان : اي صح وهية رفضت
نغم : انو هي حرية شخصية متل ما انت رفضت اختي
غسان : انا عطيت حالي فرصة مع اختك بس ماقدرت اكذب عليها اكتر من هيك
نغم : مابعرف .. بس انت حاول تنساها ليكها مبسوطة
غسان ؛ عم حاول انا اصلا انا لما بشوفا مبسوطة بفرح من جواتي
نغم : اي منيح كتير .. شو رأيك نروح نشرب قهوة بشي مكان
غسان : اوك يلا قومي
...................
امين : رورو حبي قومي نروح شي مشوار بالسيارة
ريم : بالسيارة ؟ لا مابدي
امين : انتي ليش هيك معقدة
ريم : ماني معقدة بس بكير لحتى صير اطلع معك
امين : انتي مابتوثق فيني
ريم : بلى بوثق بس بترجاك عهمل شوية وقت فقط ليطمئن قلبي
امين : اوك حبيبتي عراحتك بس انا حابب كون معك وانا مارح اجبرك على شي
ريم : الله يخليلي اياك
امين : ويخليلي اياكي
.... .........
طلعت نغم مع غسان شربو قهوة ورجعا على باب الكلية
غسان : انبسطت معك ياريت نطلع هيك عطول
نغم : ان شاء الله يلا سلام
غسان نزل كمان وراح مشان يجيب محاضرات من رفقاتو
اخد المحاضرات وطلع كانت ريم واقفة ع الطريق ناطرة تاكسي
قرب منها
غسان : مرحبا
شلحت النضارات ريم واتطلعت عليه وردت عادي : اهلا غسان
غسان : كيفك
ريم : الحمد لله
غسان : وامين
ريم : مافي منو يقبر قلبي
غسان : شو في زيادة عني لحتى حبيته الو والي لأ
ريم : هو عندو احترام
غسان : شو يعني انا ماني محترم
ريم : انت بتعرف حالك
غسان : اممم بس اتأكدي من حسن نواياه بالاول بركي عم يضحك عليكي
ريم : شو يعني
غسان : يعني انا شاريكي ومستعد ابعت اهلي اليوم قبل بكرا مشان اخطبك هو جبلك هيك سيرة
ريم : يعني اذا عرضت علي الزواج يعني انت المثال الاعلى لكل الشباب الشرفاء
غسان : لا كل واحد بمثل حالو اسف على التأخير بالاذن
ريم : اذنك معك
غسان : اااه شو رأيك وصلك
ريم : اكيد لا شكرا
غسان : اي بلا .. بس بحب قلك انا حاليا موجود بعدين ماني موجود
ريم : شوقصدك
غسان : اذا حبيتي تتركيه انا جاهز كون معك هلق بس بعدين مارح تلاقيني
ريم : هههههههههه ضحكتني مع انو مالي نفس اضحك اطمن مارح احتاجك لاهلق ولا بعدين وامين بحبني كتير وانا واثقة فيه يلا سلام
راحت ووقفت تاكسي وراحت على بيتا
......................
بعد اسبوع
امين : ريم انتي وحدة معقدة كتير شوفيها اذا رحتي معي اتعرفتي على امي واخوتي
ريم : امين بترجاك فهمني انا مابقدر روح معك ع بيت اهلك ليش مابيجو اهلك عالبيت يتعرفوا علينا وبعدين انا ماني معقدة وكمان لاتنسى انو عم صرت اطلع وفوت معك بالسيارة
امين : ياعمري ياريمو امي مقعدة ومابتقدر لاتطلع ولاتفوت بدا تشوف البنت يلي بدي اتزوجا
ريم : مابعرف بس روحة ماني رايحة بكرا بعد الزواج بتعرف عليها
امين وقف وهو معصب : ريم انتي كتير معقدة وانا هيك مابحب البنت مشان هيك من اولها ولا من اخرها يلا باي
تركا وهية واقفة مكانا ومصدومة وصارت تبكي
ضلت شوي واقفة مكانا ومانا مستوعبة شو سمعت راحت بسرعة ودموعا على خدا
نغم كانت قاعدة مع غسان عم يشربو عصير شافتا ماشية بسرعة ودموعا على خدا
نغم : رريم
غسان : شبك
نغم : ليك ريم ماشية وعم تبكي .. انا رايحة شوفا حطت كاسة العصير على المقعد وراحت تركض اتجاه ريم
وغسان قلبو صار يغلي كمان لحقا بس من بعيد
نغم : ريم .. ريم ..
وقفت ريم وصارت تمسح دموعا
نغم : ريم شبك
ريم : ولا شي انا مستعجلة بحكيكي بعدين
نغم : لحظة شوي
ريم : نغم بااي
تركتا ومشت
رجعت نغم لعند غسان
غسان : شبا ريم ؟
نغم : والله ماعرفت بس كأنو في شي مدايقها
غسان : اممم طيب ماعرفتي بخصوص شو
نغم : لا بس قبل ماشوف ريم شفت امين ماشي ومعصب يمكن تقاتلت هية واياه
غسان صفن ومارد
نغم : لك انت لازم تفرح
غسان : وليش
نغم : اكيد متخانقة مع امين انت استغل الفرصة وقرب منها
غسان : ههههه لا هاد كان من زمان خلص انا شلتا من راسي
نغم : ليش ما انت بتحبا ولازم تضحي مشان حبك
غسان: خلص انسي مابدي وجع قلبي على حب مافي منو امل
نغم : شوبدك تعمل لكن
غسان : متل اخي عدنان اليوم بدي روح ع بيت عمي عندن بنت اصغر مني بكم سنة بدي اتعرف عليها بركي بصير نصيب
نغم : عم تحكي جد
غسان : اي جد اصلا اهلي عم يقولي عنها وانها كتير حلوة وبتنحب .... المهم مابعرف جربت الحب وماظبط معي
نغم : حاسة فيك بس لاتاخد قرارات سريعة مشان ماتندم عليها بالمستقبل
غسان : لك والله انتي مافي منك
.............................
فاتت ريم ع البيت وضلت مكملة على غرفتا
فاتت لعندا اما
انهار : ريم ماما شبك
ريم : ولا شي ماما
انهار : شو مافي شي ليش بكيانة هلق بدك تحكيلي
ريم : ماما خلص مافي شي
انهار : هلق بدك تحكي احسن ما اعمل مصيبة
ريم : ماما الدكتورة طردتني من المحاضرة
انهار : ليش طردتك
ريم : التهيت شوي مع رفيقتي
انهار : طيب خلص لاتزعلي
ريم : ماشي
انهار : من يوم يومك حساسة خلص اهدي وقومي غسلي وجهك وساعديني بالغدا
ريم : يلا شوي وبجي
انهار : بسرعة يادوب نلحق
ريم : ليش مستعجلة
انهار : بدي اعمل حلو مشان السهرة جايين بيت عمك
ريم : كمان .. ياربي شوبدو يجيبون هدول
انهار : بلا كتر حكي وقومي
....................
يتبع ........

الجزء_الرابع

خلصت ريم مساعدة امها وراحت على غرفتا فتحت التلفون مالقت شي واصلها من امين قعدت ع التخت وصارت تبكي
ريم : معقول عم يضحك علي .. معقول كان بدو يستغلني ... لا لا امين بحبني .. طيب ليش مصر ياخدتي على بيتو ... مابيعمل هيك غير الشب الفلتان
ياربي ليش هيك حظي انا ليش .. اكيد كان بدو يعمل معي شي ...منيح ماوافقت .. ياربي انا مابستحمل عيش بدونو ... بس اذا نيتو عاطلة الله لايردو
فاتت راما لعندا وهية صارت تمسح دموعا
راما : ريم شبك ليش عم تبكي
ريم : مافي شي
راما : معقول بعدك عم تبكي لانك انطردتي برات المحاضرة
ريم : مين قلك
راما : ماما .. بس مامحرزة تنقهري على سبب تافه
ريم : خلص بطلت ابكي
تمددت على التخت وغطت حالا
راما : شو عم تعملي انتي
ريم : بدي نام
راما : شو تنامي ماتنامي قومي جايين لعنا بيت عمي وكمان جاي غسان مشان تتعرفي عليه
ريم : مابدي اتعرف على حدا حلي عني
راما : لك قومي الدنيا بعد بكير
ريم : تركيني نام مابدي شوف حدا واذا سألو عني قولولن تعبانة
راما : عم شك انك وحدة معقدة
ريم لما سمعت هالكلمة تجلست وقعدت
ريم : راما عنجد انا معقدة
راما : ههههه لا عم امزح معك بس ماتكوني زعلتي
ريم : لا عادي بس عم اسألك انا بشكل عام معقدة شي
راما : لا وليه مجنونة شو معقدة بالعكس انتي كتير منفتحة متل مابقولو
رجعت نامت وغطت حالا وراسا
راما : ماغيرتي رأيك
ريم من تحت الغطا : لااا
لبست راما وكانت كتير مبسوطة لانو جاي عدنان واهلو لعندا طلعت لعند اما كانت عم تحط الضيافة بالصحون
راما : بشو ساعدك ماما
انهار : ولا شي ياعمري ... مشاء الله عنك طالعة قمر مصور
راما : طالعة لامي الحلوة
انهار : خلصت ريم لبس
راما : ريم نامت مابدا تشوف حدا
انهار : شو صاير لهل البنت انا رايحة شوفا
راما : خلص ماما اركيها على راحتا
انهار : لاحول ولاقوة الابالله
................
عدنان وغسان راكبين بسيارة عدنان وماشين ورا سيارة اهلون ... غسان كان عم يتطلع على الشباك وصافن
عدنان : غسان وين شارد
غسان : بتذكر هي البنت يلي قلتلك عليها انو حبيتا
عدنان : وراحت حبت واحد تاني
غسان : اي هي هية
عدنان : شبا
غسان : اليوم كانت مقهورة وزعلانة شكلا متقاتلة مع حبيبا
عدنان : اي وانت شو دخلك
غسان : مادخلني بس قولتك ممكن يتركو بعض يعني معقول لسه في امل
عدنان : اخي حاج تتوهم انت بتساهل احسن منها ولو بدا تحبك كانت حبتك
غسان : حاسس انا يلي ماقدرت اتقرب منها بالطريقة الصح
عدنان : لا انت بالعكس انت قربت منها بطريقة كتير حلوة بس هية شكلا مابتفهم
غسان اتنهد وقال : مابعرف
عدنان : خلصنا ولو هلق بتشوف ريم بنت عمك بنت مهضومة كتير ومابتخلي هم ع القلب
غسان : ههه هلق بنشوف
وصلو ونزلو اهلو من اول سيارة وهنن نزلو وراهن
.......................
وصلو ع الباب رنو الجرص فتحت الباب انهار وراما
قرب عثمان وجملية يسلمو
غسان قرب من عدنان وهمس بأدنو : شو وينا ريم
عدنان : هههه شو بانتك كتير مستعجل
غسان : علينا وعلينا ههه
عدنان : سكوت لاتفضحنا ... مرحبا مرت عمو مرحبا حبيبتي
انهار : اهلا حبيبي تفضل فوت
راما بخجل : اهلا عدنان
عدنان : عدنان حاف ههه بسيطة
الكل صار يضحك
غسان : مرحبا مرت عمو
انهار : اهلا غسان والله نورت
فاتو وقعدو
غسان اول مافات حس بشعور غريب قلبو صار يدق بسرعة وتلبك
قربو وقعدو وغسان صار يتلفت حوليه مبين عليه متوتر
عثمان : شو وينا ريم
انهار : تعبانة شوي وهلق نايمة
عثمان : خير شبا جبلا دكتور
راما : لا عمو مافيها شي بس مضغوطة شوي من الجامعة
عثمان : اي الله لايضيعلا تعب
..............
قامت ريم وقفت على شباك غرفتا وشردت كل احلاما مع امين بلشت تتلاشى وقلبا عم يوجعا انو معقول يكون بدو يضحك عليها وماحبا من اصلو
..............
خصلو سهرة وراحو وفاتت راما لعند ريم وهية مبسوطة
راما : ريم ريم ..
ريم : شبك
راما : بعد اسبوعين الخطبة
ريم : عنجد اي الف مبروك
راما : الله يبارك بعمرك .. وعقبالك انت وامين
ريم ماظهرت شي لاختا وردت : ان شاء الله
قعدو وصارو يدردشو
ريم : راما ممكن اسألك سؤال
راما : سألي حبيبتي شوفي
ريم : اذا شب .. قصدي اذا تنين بحبو بعض
راما : اي كملي
ريم : والشب طلب من البنت تروح لعندو ع البيت شوبكون
راما : امين طلب منك تروحي معو على بيتو ؟؟
ريم : انا لأ لأ .. هي نغم حابة شب وعم يطلب منا تروح معو ع البيت وهية عم ترفض
راما : اي منيح طمنتيني .. بس قوليلا لاتروح معو اصلا هاد مبينة شو نواياه هاد بدو يتسلا فيها وبعدين يرميها
ريم : هو عم يقلا انو مقعدة وبدو يعرفا على اهلو
راما : اختي هاد واحد كذاب وقولي لرفيقتك تبعد عنو لانو لاسمح الله مدري شو بكون عم يفكر فيها او يعمل معا فأنتي حزريها وخليكي جنبا ..... وبعدين انا معتبرتك واعية وبحسك بتفهمي اكتر مني لازم لحالك تعرفي انو قصدو وسخ متلو
ريم : انا نصحتا وقلتا هيك .. بس هية ماعم تفهم
راما : لا حبيبتي معا معا بتفهم بس خلكي جنبا لانو حرام
ريم : اي ..
.................
غسان كان شارد وعم يفكر انو شو هالشعور يلي كان حاسو طول مانو قاعد عند بيت عمو
عدنان : شبك غسان عم تضل صافن .. بعدك عم تفكر بهي البنت
غسان : لا موهيك بس انت حسيت شي عند بيت عمك كأنو في شي مو طبيعي
عدنان : مو طبيعي متل شو
غسان : مابعرف بس قلبي كان عم يدق بسرعة وصابني ديق بنفسي
عدنان : لا بالعكس مافي شي وكمان شقتون شرحة والهوا عم يلعب فيها لعب وكتير مريحة
غسان : مارح تفهم علي خلص انسا
عدنان : نسيت وغيرو
غسان : صح بنت عمي التانية ماشفناها كنت حابب اتعرف عليها
عدنان : ماسمعت قال تعبانة
غسان : اي تطلع خمس دقايق شو رح يصير عليها تسلم وترجع
عدنان : اذا هية ماطلعت بدنا نطالعا غصب عنا
....................
تاني يوم فاقت راما وقربت من ريم مشان تفيقا
راما : ريم .. ريم .. قومي هلق بتتأخري
ريم : فايقة بس ماني رايحة
راما : ليش
ريم : هيك ماني رايحة حلي عني ممكن
راما : ومحاضراتك
ريم : بقول لنغم تجيبون
راما : تصطفلي يااه
تركتا وطلعت
.....................
بكلية الاداب
سعاد ونغم قاعدين جنب بعض
سعاد : شو صايرة صحبة مع غسان
نغم : والله شب حباب مافي منو
سعاد : لتكوني عم تحبيه
نغم : لا اصلا هو بحب . وسكتت
سعاد : شوو قلتي بحب مين بحب
نغم : ولا شي انسي
سعاد : حكيلي هلق غسان مين بحب
نغم : طيب بس مابتزعلي
سعاد : لا والله بس فضول
نغم : بحب ريم
سعاد : ريم ريم رفيقت ماغيرا
نغم : اي هية ... بس هية مابتحبو
سعاد : وليش بقا رح يصحلا احسن من غسان هالهبلة
نغم : مابعرف اصلا هية كمان بتحب واحد معنا
سعاد : ههههههه ماراحت غير علي وعليكي يا اختي
نغم : ههههه اي والله ... بس كأنك ما تأسرتي بغسان
سعاد : عادي بعدين خلص هو طلع من حياتي شوبدي اربط حياتي في
نغم : معك حق ... هاه ليكيه جاي لعنا
وصل غسان : صباحو صبايا
سعاد ونغم : هلا صباحو
غسان : كيفك سعاد
سعاد : تمام وانت
غسان : والله هيك وهيك ... شو وين معد شفناكي
سعاد : هالفترة مضغوطة شوي
غسان : اي الله يقويكي
سعاد : شكرا
نغم : اقعد غسان ليش واقف
غسان : عم دور على ريم شفتيها
نغم : لا لسه ما اجت
غسان : طيب امين شفتيه
نغم : ولا امين
غسان : اوك .. شكرا .. بشوفكن بعدين باي
سعاد ونغم : بااي
سعاد : شكلو حاببا عنجد
نغم : اي والله ياحرام بحزن
سعاد : اي انا رايحة على قاعتي سلام
نغم : سلام
............
بعد ساعتين
طالعة نغم من باب القاعة وكان غسان ناطرة
نغم : شو غسان ليش واقف هون
غسان : ما اجت ريم
نغم : لا .. ما عأساس مابدك اياها ومعد تفكر فيها
غسان : مشغول بالي عليها
نغم : شو رأيك دقلا
غسان : اي اي دقي
دقت نغم لريم
ريم : الو
نغم : كيفك ريم
ريم : الحمد لله منيح انك دقيتي كنت بدي دقلك مشان تجبيلي الكورسات معك
نغم : اوك بجبلك اياهن بس انت ليش ماجيتي صاير معك شي
ريم : لا مافي شي بس تعبانة شوي
نغم : شو صابك مبارح كنت عم تبكي
ريم : حتى تجي بحيلك
نغم : اوك يلا باي
ريم : باي
غسان : ليش ماعرفتي شبا
نغم : هية مافعلت تحكي شو قلا احكي غصب عنك
غسان : اووووه طيب ماشي .. شوعندك هلق
نغم : ولا شي خلصت ليش .. عازمني على شي شغلة
غسان : مابتفكر غير ببطنا .. لا بس بدي روح ع المطار في رفيقي جاي من السفر وطلب مني روح جيبو لانو بدو يعملون مفاجئة لاهلو
نغم : اممم ورفيقك حلو
غسان : بيعجبك
نغم : هههههن لكن اتفقنا امشي
غسان : ههههههه مجنونة
.....................
ريم بغرفتا قاعدة مع احزانا فجأة رن تلفونا وكان امين طار عقلا من الفرح واجت بدا ترد بس اتذكرت شو عمل معا ماردت ... رجع رن كمان ماردت
بعتلا رسالة : حبيت قلبي ريم انا اسف ياعمري والله انا ماكان قصدي خبيث حتى حكيت لامي وقالتلي انو عيب بنت تجي على بيت شب وقالتلي انو هالشي بدل على تربية البنت وانا ابدا ماكنت مفكر فيها من هية الناحية انا بعتزر مليون مرة منك واكتشفت انك مانك معقدة انت انسانة رقيقة وشفافة بترجاكي سامحيني وردي على اتصالاتي
فرحت كتير ريم من هالرسالة وعيونا صارو يبكو دموع الفرح ومسكت التلفون وصارت تبوسو
دق وردت : الو
امين : اسف اسف اسف
ريم : خلص سامحتك بس تاني مرة لاتعيدا
امين : وحياتك عندي معد عيدا
ريم : بحبك
امين : بموووت فيكي
....................
بالمطار
نغم : ضروري هالبوكيه الورد
غسان : مادخلك
نغم : طيب شيلو عني والله تقيل
غسان : هاتي لهون قال جبتا معي لتتسلى نقمتيلي راسي
نغم : بدك تستحمل شو اعملك انت جبنتي معك
غسان : ريتو انقص لسان قبل ما اطلب منك تجي معي
نغم : ايمت بدو يوصل رفيقك مليت
غسان : نغم على نصتك .. رح يوصل مابقالو كتير
نغم : امرك سيد غسان وغيرو
غسان : هاه وصل
طلع شب طولو عادي حليوة بعمر غسان عم يجر شناتيه مسكو غسان وضمو
غسان : نورت نورت ... الف حمد لله عسلامتك
ماهر : الله يسلمك ياغالي ...كيفك
غسان : مشتقلك مشتقلك
نغم واقفة متل الهبلة عم تبتسم وشاردة بماهر
غسان : تعال لعرفك على صديقة جديدة نغم
ماهر: وينا
غسان : ليكا تعال ... نغم .. نغم
فاقت من شرودا : اي اهلين
غسان : هاد ماهر ..
نغم : تشرفت بمعرفتك استاذ ماهر
ماهر : انا الي الشرف .. فيكي تندهيلي ماهر حاف
نغم : اوك .. الحمد لله عالسلامة
ماهر : الله يسلمك
غسان : شو نمشي
ماهر : ايه بنمشي
جر الشناتي غسان ومشي ماهر قدامو .. غسان مسك نغم وهمس بادنا : اركزي شوي شو صرلك
نغم : مبين علي
غسان : مبين وكتير
نغم : هو رفيقك حلو .. لك موبس حلو بجنن
غسان : ههه خلص عندي بس انتي اتقلي شوي
نغم : لك دخيل عينك ياغسان وهي تقلت انا ههه
غسان : مجنونة ههه
ماهر : يلاشباب مطولين
غسان : لا جينا
...................
ببيت ريم كانت طايرة من الفرح وعم تغني
اندق الباب وكانت نغم وفتحتلا انهار
نغم : مرحبا خالة ريم موجودة
انهار : اي موجودة تفضلي
فاتت نغم لعند ريم ع الغرفة وريم اول ماشافتا قامت وضمتا وصارت تبوسا
نغم مستغربة : ريم شبك ؟؟
ريم : فرحانة .. فرحانة
نغم : شوصار
ريم : ولا شي بس كتير فرحانة ..بحبك بحبك
نغم : اقعدي اقعدي حكيلي شو صاير معك
قعدو على التخت وريم ربعت رجليها وضمت مخدة على صدرا
نغم : حكيلي ليش كنت مقهول مبارح
ريم : تقاتلنا انا وامين
نغم بفرح : ايييي
ريم : واليوم راضاني يقبرقلبي
نغم من غير نفس : اي منيح
ريم : كانك ما انبسطي
نغم : بصراحة اي .. ريم انا ماني مرتاحة لهاد امين .. والله غسان بحبك وبموت فيكي وبحبك اكتر من امين هاد اذا كان بحبك من اصلو
ريم ؛ اممم قولي الشغلة فيها غسان شكلك كتير متاثرة فيه بعد ماصاحبتيه حبيبتي انا غسان مابحبو وبكرهو واذا كتير شفقانة عليه حبيه انتي .. والشي يلي بيني وبين امين لحدا يتدخل فيه عم تفهمي
نغم : مابعرف شو قلك .. بس احسن الشي قوم روح .. ورح قلك رح تندمي
ريم : اي الله معك
نغم : اممم يعني هي تقليعة غير مباشرة
ريم ؛ احسبيها متل مابدك
نغم : اوك .. سلام
طلعت وهية مقهورة مابتعرف اذا مقهورة على رفيقتا ولا مقهورة منا
مسكت التلفون ودقت لغسان
غسان : اي نغم شو صار
نغم : غسان انا اسفة املتك ع الفاضي ريم رجعت لامين
غسان اتدايق وحس في غصة بصدرو : اوك ماشي بدك شي
نغم : لا سلامتك
.....................
تاني يوم بالجامعة
ريم وامين قاعين بالكافيه ومبين عليهن كتير مبسوطين
امين : كنت رح جن لانو حسيت اني رح ابعد عنك سامحيني حبيبتي
ريم : مسامحتك ياعمري
امين : شو رايك نروح نجيب شي نشربو
ريم : روح انت وانا ناطرتك هون
امين : لا قومي معي ماني حابب اتركك لحالك
ريم : اوك يلا
قامت بدا تاخد شنتايتا
امين بسرعة : لأ خليها هون
ريم : مافهمت
امين : قصدي محدا رح يقرب عليها تركيها
رجعت ريم شنتا عالكرسي وراحو ع البوفيه
وقف قدام البوفيه وهو ضما الو من ضهرا ..طلبو نسكفيه ورجعو على الطاولة
..................
فات غسان ومعو ماهر من باب الكلية
غسان حمل تلفونو ودق لنغم
غسان : الو نغومة
نغم : هلا غسان
غسان : وينك
نغم : بالقاعة طالعة
غسان : اوك تعالي ناطرك بالكافيه
نغم : يلا جاي
سكر غسان وحكي مع ماهر : تعال نروح ع الكافيه
ماهر : اوك امشي
فاتو على الكافيه غسان شاف امين وريم قاعدين مع بعض والنار شعلت فيه .. وفجأة وقف امين وهو مصدوم وصار يتطلع على ماهر وماهر لما شافو انصدم كمان وكان لابس نضارت شلحون وصار يتطلع على على امين بغضب
ريم : حبيبي شبك ليش وقفت
امين تلبك كتير وعرق
وقفت ريم واتطلعت محل ماعم يتطلع لقتو عم يتطلع على غسان وماهر وقفت بيناتون مصدومة
قرب ماهر بسرعة والنار عم تطلع من عيونو وهو ماشي صار يقلب كل الطاولات يلي قدامو وامين صار يرجع لورا وهو خايف بسرعة هجم عليه ماهر ومسكو من تيابو وصار يضربو على وجهو وامين ابدا مانو عم يقاوم
ماهر : هاد انت ياكلب ياوطي .. والله وقعت والله وقعك
قربت ريم بسرعة تبعدون عن بعض وقرب غسان
ريم : هييي انت ليش هيك هاجم عليه متل الحيوان
ماهر ماعم يرد وعم يضرب امين بكل قوة
غسان عم يحاول يهدي ماهر ويرجعو
ريم صارت تبكي : غساان قول لرفيقك يبعد عن امين
ماهر : ياكلب ياكلب .. والله لعدمك حياتك .. لك ناطر هاللحظة من زمان
امين : ماهر تركني ... يامااهر
غسان : ماهر شبك شووو صاير فهمني
التمت كل الجامعة عليهن وببعدوهم عن بعض .. ماهر بين اديهن عم يهد ويرعد وامين واقف ماعم يحكي وريم قربت لعندو وصارت تمسحلو الدم عن وجهو
اتطلعت على غسان وقالت : وصلت مواصيلك استاذ غسان انك تتهجم على حبيبي .. لك انا بكرهك بكرهك
غسان : لحظة انتي فهمانة الموضوع غلط ... انا مادخلني
ماهر بعدو عم يهدد
اجا الاذن واخدون لعند عميد الكلية وكانت نغم واصلة اخر المعركة ومانا فهمانة شي وراحت معون
........
بغرفة العميد
العميد : خير شوفي ليش هيك يا استاذ مشوهو لامين
ماهر : حساب قديم
العميد : هاه حساب قديم ؟؟ لكن بتحل مشاكلك القديمة برات الجامعة عم تفهم يامحترم
ماهر : حاضرا وانا بعتذر
العميد : وانت استاذ غسان بتحب خبر الولد بشي يلي صار
غسان : لا اذا خبر رح يزعل مني انا بعتذر مع انو ما الي دخل
العميد : طيب مشاي مشان سيادة الوالد رح مرقا هالمرة
اتطلع على ريم ونغم وقال : وانتو شو وضعكن
ريم : ولا شي
العميد : يلا لبرا لكن الكل
طلع امين بشرعة ولحقتو ريم
ريم : امين.. وقف .. وقف .. اميييين مشي بشرعة وماوقفلا
طلعو غسان وريم ونغم
نغم : شو صار
غسان : بدنا نسأل الاستاذ ماهر شوفي
ماهر : مافي شي موضوع قديم وبدي صفيه
غسان : بدك تصفيه ؟؟ ليش لسه ماصفيتو
ماهر : حسابو كتير كبير هالواطي
غسان : طيب شو عمل
ماهر : ماوقتو انا بالاذن
غسان : روح جاي معك
.....................
ريم ضلت مكانا مقهورة ومقهورة اكتر الشي من غسان ورفيقو لانون تهجمو على امين شافتون طالعين وراحت لعندن ووقفت قدامون
ريم : فيك تقلي شو عمل معك امين لحتى ضربتو هالضرب
ماهر : ومين انتي كمان
ريم : انا بكرن حبيبتو قلي شو عمل
ماهر : ههههه حبيبتو حبيتو لهاد الفلتان .. روحي روحي هاد عم يضحك عليكي وعم يتسلى فيكي مو اكتر وبكرا وقت ياخد يلي بدو اياه منك بيرمكي متل مارمى غيرك
ريم : ههههه مفكر انو رح صدقك اكيد غسان معلمك تحكي هيك
ماهر : غسان ؟ ليش شو دخلو غسان .. المهم انا حزرتك بتحبي تصدقي صدقي مابتحبي تصتطفلي تركا ومشي وغسان مشي وهو صافن فيها
ركبو بالسيارة
غسان : ماهر شويعني هاد الحكي يلي حكيتو
ماهر : ماحكيت شي غلط
غسان : طيب شوفي بينك وبين امين
ماهر : عندك للسر مطرح
غسان : اكيد
ماهر : هاد امين الحقير اضحك على اختي فرح وكان بدو يغتصبا ولحقناها على اخر لحظة
غسان بعصبية : شوووووو ... امين .. ايمت وكيف
ماهر : بمصر كان هو عم يدرس مع اختي بنفس الجامعة وعأساس حبتو لحتى استدرجا لعندو ع البيت في رفيقة عندا خبرتني وانها مانا مرتاحة لامين وانا رحت ع اخر لحظة خلصت اختي من بين ادين هالوسخ
غسان : الله يلعنو ... يعني هلق عم يضحك على ريم كمان
ماهر : مين ريم
غسان : هي البنت يلي وقفتنا
ماهر : ماسمعتني حزرتا ماردت ... وكمان انت ليش مهتم فيها لهل الدرجة
نزل غسان من السيارة وقال : لاني بحبا
رجع غسان على الكلية وكانت ريم واقفة عم تبكي على كتف نغم ونغم عم تهديها .. قرب غسان منا ومسكا من معصما وشدا ريم تفاجئت في
ريم : شوبدك تركني
غسان : جاي حذرك من امين مرة تانية هاد واحد فلتان ومتضحك على كتير بنات واذا مابعدتي عنو رح ياذيكي الك كمان
ريم : لا امين مانو هيك .. انت واحد كذاب
غسان : لا ماني كذاب وبتعرفي ليش ماهر ضربو لانو امين كان رح يضيعلا مستقبلا لاختو ولحق اختو على اخر لحظة
ريم : انتو كذابيين .. كذابين .. انا مارح صدقكن ... تركوني بحالي .. لك مابدي حبك مابدي مافي شي غصب
غسان : ماشي لاتحبيني بس انا خايف عليكي وعلى مصلحتك
ريم : لك حل عني انا بكرهك بكرهك نترت ايدا من ايدو ومشت .. لحقتا نغم .. صرخت بوجها ريم : روحي لعند رفيقك انت كمان لاتفرجيني خلقتك
راحت ع البيت وصارت تدقلو وهو مايرد
....................
ببيت امين
فات لعندو رفيقو اسمو هاشم
هاشم : امين شبك ليش هيك وجهك مين ضاربك
امين : ماهر ماهر اجا وشافني وصب كل غضبو علي
هاشم : شووو ماهر .. وين شافك هون اجا ع البيت لهون
امين : لا شفتو بالجامعة نحنا خلص لازم نغير السكن
هاشم : وريم ما عأساس بدك تجبيا لهون
امين : والله مابعرف شو اعمل .. مع انو اليوم قدرت جيب معلومات الشخصية يعني ماكان ضالل غير القليل وطلع ماهر ..
هاشم : كيف جبتون
امين : في بنت بالجامعة معنا عطيتا مبلغ ورحت انا وريم ع البوفيه وهية اجت على شنتة ريم صورتلا بطاقة الشخصية وبعتتلي اياها .... بس ماهر شووو جابو
هاشم : لكن انت خليك هون بالبيت وانا بنفذ الخطة
امين : شوبدك تعمل
هاشم : انتي بتعمل ورقة الزواج العرفي وانا بروح ع الجامعة وبفرجيها الورقة لريم وبصير هددا انو بنفضحا بالجامعة
امين : اوك بكرى الورقة بتكون معك
................
مرق هاد اليوم ومحدا نام امين عم بفكر بخططو الخبيثة وريم عم تدق لامين وماعم يرد عليها وغسان كان خايف عليها
تاني يوم بالجامعة قاعدة متوترة ريم وكل شوي تدقلو لامين وتبعتلو مسجات ومايرد عليها .. نغم شافتا وماقربت عليه راحت لعند غسان
نغم : صباح الخير غسان
غسان من غير نفس : صباح الخيرات
ماحكت وقعدت حدو
..................
ريم : ياربي ليش هيك عم يصير معي .. طيب والله انا مادخلني .. شو اعمل .. ياربيييي .. لك رد يا امين رد .. الله يلعنك ياغسان انت ورفيقك
اجا لعندا هاشم : صباح الخير
رفعت نظرا : اهلا صباح النور
هاشم : انتي ريم
ريم : اي انا ريم شوفي
هاشم : انا من طرف امين
ريم : اميين .. كيفو شو اخبارو ... مشان الله طمني عنو
هاشم : منيح كتير بس بعتلك معي امانة
ريم : امانة امانة شوو
طلع الورقة وحطا على الطاولة وقال انطري منو اتصال ومشي
مسكت الورقة بلهفة وفتحتا .. وانصعقت بالمكتوب وجمدت مكانا
كانت مصدومة كتير وكأنو مانها مستوعبة شو عم يصير عادت قرأت الورقة مرة وتنين وتلاتة
رن تلفونا وكان امين
ريم ردت : امين شوهاد
امين : ريم انا بحبك ومعد اقدر اجي ع الجامعة
ريم : عم قلك شوووهاد
امين : طيب شوشايفة
ريم : زواج عرفي
امين : صح
ريم : ليييش
امين : لانو بحبك ومابدي اخسرك
ربم : ومين قال انو انا رح ابعد عنك
امين : عملت هيك مشان اضمنك
ريم : انت واحد كذاب قلي شوبدك مني
امين : طيب رح احكي بالمشرمحي
ريم : احكي
امين : هاي الورقة يلي معك نسخة مانها الاصلية والاصلية معي ... المطلوب ياحلوة انك تجي لعندي ع البيت ورح ابعتلك العنوان
ريم : شوووو .. لا لا انا ماني عم صدق
امين : هههه لا صدقي
ريم : اي ماني جاي واعمل يلي بريحك وبعدين هاي ورقة مزورة وهاد مانو توقيعي
امين : انا عندي شهود يلي شهدو على كتابنا وكمان بيشهدو انو انتي يلي كنتي معي .. وكمان الورقة اول نسخة رح توصل لعند اختك وبعدين للماما .وبعدين لعمك المصون اذا مانفذتي طلباتي
ريم : لا لا ... مستحيل .. انت واحد حقير .. واحد واطي
امين : بتخرسي خالص احسن ما عدمك حياتك عم تفهمي .. ليكي وليه اليوم رح اتركك لحتى تروقي بس بكرا اذا ماجيتي قسما عظما لافضحك عم تفهمي وسكر التلفون
رمت التلفون على الطاولة ودموعا على خدودا متل الشلال صارت تتلفت حوليها كان الكافيه شبه فاضي وكأنو عم تدور على حدا ..
ريم : ااااااخ .. انا شوعملت بحالي ... طيب كيف وصل لمعلوماتي الشخصية ... لا لا ..ياربي ضبت الورقة بالشنتة وكانو اديها عم يرجفو مسحت دموعا وقامت مشت كم خطوة .. ووقعت على الارض واغمى عليها

يتبع ........

الجزء_الخامس

فاقت ريم وكانت بالمشفى واما واختا وعدنان جنبا تجلست وقربت لعندا اما فورا بس راما ضلت واقفة بعيد .. حطت ايدا على راسا وحكت : شوصار .. انا ليش هون ..
انهار : اهدي حبيبتي هلق بيجي الدكتور وبطمنا عنك
ريم : ليش شو صار ماني متذكرة شي .. اخر شي بتذكرو . صفنت شوي وانخطف لونا
راما : اطمني اختي مافي شي ..
ريم : وين شنتايتي
راما بقهر : اختي شنتايتك هون معي بالحفظ والصون ..
ريم : بدي اياها عطيني اياها
راما : بعدين بعطيكي اياها .. عدنان حبيبي شفلنا الدكتور
عدنان : يلا
انهار : حبيبتي رجعي نامي
ريم عم تتطلع على راما وماعم تحكي
وراما كانت عم تزورا
ريم : طيب شو صار ومين جابني لهون
راما : قال غميتي بكافيه الكلية عنكن واتصلو بالبيت وخبرو الماما والماما خبرتني وانا حكيت مع عدنان وجينا لهون
اجا الدكتور مع عدنان .. فحصا وسمع دقات القلب وقسلا الضغط
الدكتور : قوليلي شو صايرمعك
ريم : ماني متذكرة
الدكتور : صار معك هبوط بالدورة الدموية يمكن على اثر ضغط او خوف هيك شي بس عرضية لاتخافو
انهار : يعني دكتور فينا نخرجا
الدكتور : اي وهلق كمان .. بس خليها تنتبه على حالا وعلى غذائها
..................
بالكلية طالعة نغم وغسان مع بعض من الباب الرئيسي
اجت صبية قربت منون
الصبية : نغم شو صار مع ريم
نغم : مافهمت ليش شوفي
الصبية : ليش مامعك خبر
نغم : لا مامعي خبر بشي شوفي
الصبيه : والله فكرتك بتعرفي لانك انتي رفيقتا
غسان بتوتر : خلصينا شبا ريم
الصبية : اغمى عليها بالكافيه واجو اهلا اخدوها .. وانا عم اسأل نغم مشان اطمنا عليها
غسان : شووو ريم اغمى عليها ... نغم دقيلا فورا
نغم : يلا يلا ..
دقتلا كانو راكبين مع عدنان راجعين على البيت .. وكان التلفون مع راما طالعتو وشافت مين وردت من غير نفس
راما : الو .... لا انا اختا خير شوفي .... لامنيحة اخدنها عالبيت ... اي الله يسلمك باي
ريم: مين
راما : نغم عم تسأل عنك
رجعت ريم سندت راسا على ازاز السيارة وصارت تفكر شوا تعمل بهل المصيبة وكمان حب حياتا طلع عم يضحك عليها كانت عم تتقطع من جوا وكمان نظرات اختا رح تدبحا
...............
غسان : شو قالتلك
نغم : قال منيحة وهية بالبيت
غسان : معقول هداك الواطي عاملا شي
نغم : لك خلص حاج تفكر فيها والله مابتساهل تعمل كل هاد علشانا
غسان : بحبا بحبا شو اعمل ... المهم انتي مابدك تروحي لعندا
نغم : اكيد لأ .. ماشفت كيف حكتني
غسان : شو انك لئيمة البنت تعبانة
نغم : خلص لاتعطيني درس بالاخلاق رح روح اليوم المسا
غسان : روحي هلق وانا بوصلك
نغم : الله يطولك ياروح .. لا ماني رايحة هلق للمسا .. يلا تشاو
غسان : تشاوو
..............
بالبيت عند ريم
فوتها على غرفتا مشان ترتاح .. وراما طلعت ودعت عدنان ع الباب ورجعت لعند اختا ع الغرفة
راما : ماما مابدك تطعمينا
انهار : تكرم عيونكن يلا شوي وبكون احلا غدا جاهز لاحلا الصبايا
راما : لك تسلمي يا احلا ام بالدني
طلعت انهار وراما سكرت الباب وراها والتفتت على ريم بنظرات حقد
ريم : شوفي راما
راما قربت من شنتايتا وطالعت ورقة الزواج وقالت : شو هاد يا انسة ولا قلك يامدام
ريم صارت تبكي : والله مادخلني انا والله ماعملت شي
راما : شو ماعملتي شي وهي شووو .. ماهاد اسمك واسم وامك وابوكي
ريم : والله مادخلني انا كمان تفاجئت فيها .. مشان هيك اغمى علي
راما : يلا حاج تكذبي مشان تبرري عملتك
ريم عم تبكي : والله .. والله ماعملت شي .. وربي ماعملت شي
راما : لك كيف قدرتي تعملي هيك بأمك
ريم : اختي مشان الله سمعني والله ورحمة بابا تحت التراب ماعملت شي .. مشان الله يا اختي انا بدي مساعدتك
راما حست انو اختا صادقة قربت وقعدت عندا : يلا حكيلي شو صار واذا كنتي بريئة رح ساعدك
ريم : عنجد رح تساعديني
راما : طبعا .. يلا احكيلي
حكت ريم كلشي صار معا وهية عم تبكي
راما : الحقير الواطي ابن الحرام الله لايوقفو ... خلص ياعمري حاج تبكي .. خلص
ريم : مشان الله يا اختي قوليلي شو الحل والله انا يمكن انفضح
راما : خلص ياروحي ... رح حلا بس بدا زلمة يكون معنا نحنا بنات لحالنا مابنقدر نعمل شي
ريم : عدنان بساعدنا ؟؟
راما : عدنان !لا لا عدنان بتحسيه مابحب المشاكل .. اي لقيتا غساان
ريم : غسان ؟
راما : اي غسان ابن عمك .. هاد مشكلجي ونخجوجي وبيقدر يساعدنا
ريم : بركي اخد عني فكرة غلط
راما : لا غسان فهمان وانا كمان ماخدة وجه عليه بحكيه بطريقتي وبفهمو
ريم : اي مشان الله يا اختي بسرعة لكن حكيه هلق
راما : ليش مستعجلة
ريم : ماقلتلك هداك الواطي قلي بكرا
راما : اي اي
دقت انهار ع الباب : تعالو يابنات الاكل جاهز
راما : يلا شوي وجاين
دقت راما لغسان
...........
غسان واقف على شباك غرفتو ومشغول بالو على ريم .. صار تلفونو يرن التفت وقرب من الطاولة
غسان : راما ؟؟ مالا بالعادة تحكيني
الو ... هلا راما ... انا الحمدلله وانتي كيفك ... خير في شي لحتى متصلة .... مشكلة مشكلة شو .... طيب ماشي المسا بشوفك وبحكي ... اي اي ... خلص اكيد جاي
................
راما : غسان لحظة .... لاتخبر عدنان بليز ... طيب ماشي سلام
راما : المسا بنقابلو انا وانتي جهزي حالك
ريم : مابصير تقابليه انتي لحالك
راما : لاااا.. بدنا نحكيلو القصة ومن تمك احلا ياكحلة
ريم : طيب ماشي
راما : يلا مسحي دموعك وقومي ناكل
ريم : والله ما الي نفس روحي انت
راما : قومي خلصينا
ريم : مشان الله مالي نفس لشي حاسة نااار شاعلة جواتي بترجاكي اختي تركيني لحالي
راما : طيب ماشي
طلعت راما ... وريم حطت راسا على المخدة وبلشو دموعا ينزلو عليها
..............
المسا
راما : خلصينا حاج تبكي ليكي كيف عيونك صارو
ريم : اي اي
راما : جاهزة
ريم : اي خلصت
فاتت انهار لعندو : شوو عوين
راما : بدي طلع ريم تشم شويت هوا
انهار : لحظة جاي معكن
راما : لا ماما مافي داعي .. عدنان رح يكون معنا لاتخافي
انهار : طيب ماشي لاتطولو
راما : اكيد .. يلا سلام
..................
راحو ع المطعم وقعدو ...
راما : ريم بكفي ... حاج تهري هالدموع
ريم : محدا حاسس فيني محدا ..
راما : ليكي اجا غسان لفيها
قرب غسان وقامت راما تسلم عليه وريم صارت تمسح دموعا
غسان : مرحبا
راما : هلا غسان
وقفت ريم والتفتت عليه مشان تسلم عليه .. اتطلعت فيه وجمدت مكانا
غسان : ريم ؟؟
راما : تعرفتو على بعض انت واختي ريم
غسان : شووو ريم هية اختك يعني بنت عمي
ريم : انا بدي امشي
مسكت جزدانا وبدا تمشي مسكا غسان من ايدا ووقفا
غسان : ريم وقفي ... راما شو القصة
راما : انتو يلي بدكن تفهموني شو القصة
غسان بعدو ماسك ايد ريم وريم رجعت تبكي
غسان : مامهم .. المهم شو هية المشكلة
راما : طيب اقعدو
سحب كرسي غسان لريم وقلا اقعدي هون
ريم بصوت خافت : تركني بدي روح
غسان سحبا وقعدا
وهو قعد جنبا وصار يتطلع عليها
غسان : راما احكي مين عندو مشكلة
راما : ريم.. قاطعتا ريم مافي شي مشكلة صغيرة وانحلت لانو فكرت اكيد غسان رح يشمت فيها
ريم : يلا اختي نروح
راما ماردت على اختا وحكت : غسان في واحد مع ريم بالجامعة اتضحك عليها
التفت على ريم بسرعة وهو متفاجى وقال : ضحك عليها ؟؟
وقف ومسكا من معصما وبصوت عالي : ضحك عليكي .. شو عملك اااه .. احكي ... لك احكي... لك ماحذرتك منوو ... قوليلي شووو عمل
الكل يلي بالمطعم صار يتطلع عليهن ....
ريم صارت تبكي : تركني ... تركني ..
قامت راما ومسكتو لغسان وهدتو
راما : غسان اهدى ماصار يلي فكرت فيه بس اهدى انت فضحتنا
غسان : كيف بدك اياني اهدى وانتي عم تقولي ضحك عليها .. شو يعني ضحك عليها
راما : ممكن تهدا لحتى فهمك
غسان : عفوك يارب .. احكي عم اسمع ... وانتي التانية اقعدي احسن ماقوم شرشحك بالمطعم
ريم : انتبه لحالك استاذ غسان كيف عم تحكي معي
غسان : والك عين تحكي كمان
راما : ريم شبك خلصينا اقعدي
قعدت ريم
وراما حكت كلشي لغسان وهو من تم ساكت ماحكي بس كان عم يسمع ويهز برجلو
راما : هاد كلشي صار
غسان : اممم يعني بدك تقنعوني انو ريم ماكانت موافقة على هالزواج
ريم : عم نقلك مابعرف اي شي عنو
غسان متل مانو مصدق هز براسو وقال : بسيطة بتنحل ... وين العقد
راما : هاد هو
اخدو وقام
راما : غسان شو رح تعمل
كمل مشي ومارد عليهن
..........................
ببيت ماهر
ماهر : الحقير الواطي كمان ضحكان على بنت عمك
غسان : اي قلي شوبدنا نعمل
ماهر : اهم الشي انو لسه مالمسها ... قوم معي قوم
غسان : ع وين
ماهر : انا جمعت عنو معلومات وعرفت وين بيتو قوم وبناخد معنا كم شب بنعملو يلي فيه الازم وبنجيب العقد
غسان : هيك بدا تنحل
ماهر : مارح تنحل غير هيك يلا قوم
طلعو بالسيارة ومشو وماهر دق لكم شب ولحقوه بسيارة تاني .. وهنن ماشين وقف ماهر قدام بيت نزل ودق الباب انفتح وكان عتم فات وسكر الباب وراه
غسان : هاد ع وين فات
بعد شوي طلع ماهر وركب السيارة ومشي
غسان : شو نزلت عملت هون
ماهر : مخدرات
غسان : مخدرات ؟؟ مخدرات شوو ... ماهر انت بتتعاطى
ماهر : هههه اكيد لأ بس بدي حط ببيت هاد الواطي مخدرات وخبر عنو
غسان : طيب هالشي ماحرام
ماهر : لا ماحرام هاد لازم يضل طول عمرو بالحبوس
غسان : بس نحنا هيك عم نغلط
ماهر : انت مادخلك انا عم اغلط لحالي
وصلو ع البيت ونزلو ومعون الشباب دقو الباب
فتحلون امين وتفاجئ فيهن وخاف وتلبك
امين : انتو .. انتو شوبدكن مني
دفشوه وفاتو وسكرو الباب
ماهر : انت ندالتك معد تبطلا
امين : عن ايو ندالة انا ماعملت شي
غسان : شو عامل مع ريم ياواطي
امين : ريم .. ريم
غسان : اي ياحقير كاتب عليها ورقة زواج عرفي
امين : ههههه مشان هيك جايين .. اصلا انا وريم تزوجنا برضاها واذا حكتلكن غير هيك مشان ماتفضح حالا
هجم عليه وصار بدو يضربو مسكو ماهر
غسان : ماهر تركني خلص عليه
ماهر : غسان ممكن يكون حكيو صح
غسان : انت شو عم تحكي
ماهر غمزو وقال : اي بركي ريم عم تكذب
غسان مافهم بس هدي ورجع لورا
امين : اي ريم عملت هيك برضاها
ماهر : طيب عطينا الورقة
امين : مامعي
ماهر : عم قلك هات الورقة وخلينا نطلع بالحسنى احسن مانخليك مكسر
طلع امين الورقة من جيبتو وعطاهن اياها
ماهر : شباب فتوشو البيت
امين : مافي غير هاي الورقة
ماهر : ههه ملعش اضمن
امين : متل مابدكم
فتشو البيت ومالقو شي
امين : قلتلكن مافي شي
غسان : نحنا هيك اطمنا .. وهديك ريم انا بفرجيها
امين : بس مافيكن تعملو شي لانو هية هلق مرتي
غسان : بعدين بنحكي
ماهر : يلا غسان ... وانت امين اذا حكيك صحيح رح نحل الموضوع ... واذا كذب ماتلوم الاحالك
امين غص وماحكي
طلوعو بعد مارجعو البيت متل ماكان
امين : انا لازم اهرب اذا عرفو انو هاد العقد كذب بروح فيها
ع باب البناي غسان : ماهر ليش هيك عملت
ماهر : مابدنا الشرطة تجي وتلاقيه مضروب اكيد رح يشكو بالموضوع
غسان : يعني حطيت المخدرات
ماهر : هههه اي
غسان : بس اكيد بدو يهرب
ماهر : هههه مارح يلحق الشرطة رح توصل
غسان : ههههه بربي انك داهية
ماهر : لسه ما شفت شي
طلعو ركبو بالسيارات ... واجت الشرطة وهنن عم يراقبو طلعت الشرطة و كانت عم تجرو لامين
غسان : معللم
ماهر : واحنا منك نتعلم
غسان : شو وين السهرة
ماهر : عازمك ع القهوة
غسان : طيب ماشي
.........................
ريم قاعدة وعم تبكي وماسكة دبدوب وحاضنتو وعم تهز .. فاتت لعندا راما
راما : ريم ريم
ريم : شو شوفي
راما : حكاني غسان وقال حل المشكلة
ريم : عنجد .. كيف ؟
راما : مابعرف بس هيك قلي
ريم : ياربي انا كيف بدي اعرف شو صار
راما : تدقيلو ؟؟
ريم : اي عطيني رقمو
راما : سجلي عندك
.......................
ماهر : غسان بدي احكي معك بموضوع
غسان : احكي عم اسمعك
ماهر : هي البنت يلي كانت معك . قاطعو صوت تلفون غسان
غسان : لحظة .. الو .. اهلين مين ... ريم ؟؟ (تلبك) مشي الحال حلينا القصة ... مامهم كيف ... يلا سلام
ماهر : ليش تلبكت
غسان : لا مافي شي
ماهر : هاي هية نفسا يلي بتحبا
غسان هز براسو
ماهر : اي افرح فضيلك الجو
غسان : مابعرف .. يمكن ماتقبل
ماهر : وليش لحتى ماتقبل ... رح يصرلا احسن منك
غسان : هي وحدة عنيدة صرلي فترة عم حاول اقنعا وهية مانا معبرتني
ماهر : انت عنجد بتحبا
غسان : بموت فيها
ماهر : ليك سماع مني هاي بنت مانا عرفانة مصلحتا فأنت لازم تجبرا تحبك
غسان : ليش الحب بيجي بالغصب
ماهر : مابالغصب بس هية هلق مكسورة وانت رح تكون حدا ورح تحبك فهمت علي
غسان : وبركي ماسمحتلي قرب عليها
ماهر : بالغصب بتقرب منا
غسان : كييف
ماهر : هههههه .......
................................
بعد يومين
غسان بالجامعة قاعد على المقعد بالحديقةعلى حرفو من فوق ونغم قاعدة عالمعقد من تحت
غسان : متأكدة انها قالتلك انها اليوم رح تنزل ع الجامعة
نغم : والله هية قالتي مبارح لما زرتا انها اليوم جاي
غسان : طيب ليش لهلق مابينت
نغم : الغايب عذرو معو
غسان : طيب دقيلا
نغم : يلا .. يضرب الحب شو بذل
غسان : ااااه ... اي والله بذل
دقت نغم وفصلت ريم
نغم : فصلتلي يعني جاي
غسان : هاه ليكها اجت
نغم : الحمد لله مشان اخلص من نقك
وقف غسان : نغم ظابط
نغم : بتفلج ههه
غسان : غليظة
قربت ريم منون وكان باين عليها التعب وحول عيونا اسود ووجها شاحب
ريم : مرحبا
غسان ونغم : هلا ريم
غسان : كيفك
ريم : الحمد لله منيحة
قربت وقعدت على المقعد ... ونغم قعدت حدا
غسان : جبلكن شي تشربو شي .. بدك شي ريم
ريم من غير نفس : لا شكرا لاتعذب حالك
قعد غسان جنبا وحط ايدو على كتفا وقال : ريم بعرف انو يلي صار معك صعب .. بس بوعدك انو رح نخليكي تتخطيه
اتطلعت بطرف عينا على ايدو مديت ايدا وشالتا
ريم : غسان بعرف شو عم تفكر فيه وعلى شو ناوي .. مشان هيك عم قلك لاتحاول ولا تتعذب انا ماحبيتك ولا رح حبك بحياتي فلا تكون اناني وتستغلني لاني بنت عمك وساعدتني ولاتستغل ضعفي لانو قلبي مكسور
غسان : هاد يلي طلع معك يكتر خيرك يابنت عمي وانا كمان ماحاولت استغل اي شي كنت بدي ضل جنب بنت عمي وخليها تتخطى هالمحنة بس طول عمرك تفكيرك سطحي .. بالاذن
ريم : غسان .. اسفة ماقصدي ..
غسان : اذا مجروحة انسة ريم ماضروري تجرحي الناس الحواليكي .. ووجودنا جنبك بدل انو بدنا نساعدك مابدنا نستغلك
تركون ومشي
ريم : غسان .. غسان ... يابي ليش هيك انا حكيت
نغم : يعني معقولة انتي ... ااااخ ياربي ...
ريم : مابعرف ليش هيك حكيت معو يمكن فكرت انو يستغل هااشغلة لصالحو
نغم : اصلا طبيعي يستغل هالشغلة لصالحو بتعرفي ليش .. لانو بحب بحب من كل قلبو .... اااخ انتي بس لو تعرفي مصلحتك
ريم : لك انا ماخلصت من حب هداك الحقير كيف بدك اياني بلش بحب جديد
نغم : انتي عطي فرصة لحالك ووجود غسان هو يلي رح يغير كتير شغلات جواتك
ريم : المهم انا اكيد جرحتو كيف بدي صالحو
نغم : غسان بحبك واذا اعتذرتي منو اكيد رح يسامحك فورا
ريم : مشان الله حاج تقوليلي بحبك .. هاي الكلمة عم توجعني من جوا
نغم : خلص خلص
يتبع ......

بما انو هاد الجزء قصير رح نزل السادس بالسهرة

الجزء_السادس

طالع غسان من باب الكلية وراحت لعندو نغم وريم
ريم: غسان .. غسان
وقف كان عم يفتح باب السيارة
غسان : نعم
ريم : غسان انا اسفة
غسان : ايي
ريم : شو اي
غسان : وشو كمان
ريم : بس
غسان : اي ماشي يلا بالاذن
ريم بابتسامة برئية : مابدك توصلني معك
غسان : لا من وقت ماجيتي ع الجامعة وانتي بتجي لحالك
ريم : طيب انا اسفة ع الاذعاج بالاذن
مشت ريم ولحقتا نغم
ريم قالت بقلبا اريح اجت منك ولامني
غسان : لحظة
وقفو مكانون
غسان : نغم تعالي لوصلك
نغم اتطلعت عليه وعلى ريم
ريم هزتلا براسا ومشت
ريم حاسة حالا كتير تعبانة والنار يلي بقلبا ماعم تنخمد حتى الاهانة يلي سببلا اياها غسان حساتا عادي كأنو بدا تهرب من كل العالم وبدا تلاقي مبرر لحتى تبعد عنون
وقفت تاكسي وراحت على بيتا
.........
نغم : ليش هيك حكيتا
غسان : انا حر
نغم : دخيلك انت وعقلك لما كانت تركض وراها كانت تصدك وهلق لما اجت لعندك انت صديتا
غسان : هاي جاي مجاملة
نغم : حتى ولو كان لازم تستغل هالشي لمصلحتك
غسان : تعبت وانا اركض وراها خليها تتربى شوي بعدين برجع بتقرب منا
نغم : طيب كان خلينا نوصلا
غسان : نغم خلصينا لسه نق نق
نغم : خلص خلص اسفة
سكتت شوي وحكت : غسان كيفو ماهر
ضحك ضحكة صغيرة وقال : منيح
نغم : غسان قلي في حدا بحياتو
غسان : عم يفكر يرتبط
نغم بخيبة امل : عنجد
غسان : اي جد
نغم : اي الله يهنيه
غسان :مابدك تعرفي مين هاي البنت
نغم :لا مابهمني الله يهنيه ومين ماكانت تكون.
غسان : ايه على راحتك
...................
المسا
راما : ياربي ليش لهلق ما اجت .. لك وينا
انهار : دقي لرفقاتا .. شوفي وينا مشان الله قلبي متل النار
راما : مابعرف رقم حدا ... ياربي وين راحت
انهار: دقي .. دقي لابن عمك غسان
راما : اي والله جبتيها لحظة
دقت لغسان
راما بصوت متوتر : الو .. مرحبا .. غسان
غسان : هلا راما ليش هيك صوتك مرت عمي صايرلا شي
راما : غسان ريم معك
غسان : رريم لا مامعي ليش عو ين طلعت
راما : لك لسه مارجعت ع البيت .. من الصبح من لما طلعت ماشفتا
غسان : شوووو ... لك طلعت قدامي بالتاكسي وعاساس راحت ع البيت
راما وهية عم تبكي : لا ماحدا اجا .. وكمان موبايلا مغلق
غسان : خلص خلص اهدي انا بتصرف
سكر غسان وكان كتير مقهور مسك راسو وقال انا السبب انا السبب انا خليتا تروح لحالا .. لك شوصار معا وين راحت ... طلع من الباب فورا
عدنان : غسان شبك .. غسان
مارد عليه وضل مكمل
ركب سيارتو ومشي
غسان : لك وين بدي رووح .. لحظة معقول يكون امين بعت حدا يخطفا .. شوووو اي اكيد معقول .. لا لا لك صرلا من الضهر مختفية بس مايكونو عملولا شي .. حيوان ياغسان حيوان ...لك شو اعمل ياربي شو اعمل ... اهدى غسان اهدى .. صار يضرب ايدو على راسو ويقول فكر فكر .. اي اي ماهر
دق لماهر : الو ماهر ... ريم بنت عمي مامبينة ... اي من الضهر مختفية ... مابعرف عم قول يمكن هاد الواطي امين الو يد يمكن خاطفا .. اكيد .. مشان الله ياماهر لحقني من الضهر مفقودة
اي ماشي جاي جاي
.....................
بالمخفر
فات غسان وماهر عغرفة رئيس الفرع
الضابط : خير مين انتو وشوبدكم
غسان : انا بكون غسان ابن المدير العام عثمان ...
الضابط : اي اهلا وسهلا وشو المطلوب
غسان : في موقوف عندك بدنا نقابلو
ضابط : موقوف ؟؟
ماهر : اي موقوف اسمو امين انكمش بقضية مخدرات من نهارين
الضابط : طيب تفضلو لشوف اذا بعدو موجود عنا ولا حولوه عسجن تاني
قعدو وهنن متوترين ... الضابط حكي على التلفون ورجع حكي معون : اي شوبدكم من هاد الموقوف
غسان : بنت بنت عمي مفقودة وانا شاكك انو هاد الانسان خاطفا
الضابط : ليش شو القصة
غسان : بترجاك يا حضرة الضابط خلينا نشوفو وبعدين بحكيلك كليش
الضابط يلا ثواني وبكون هون
بعد شوي فات امين وبأديه كلبشات وقام غسان بسرعة مسكو من تيابو وصار يعيط بوجهو
غسان : وينا ولااك .. وينها ...
امين : شووفي ومين هاي
غسان : ريم .. ريم اكيد انت بعتت حدا يخطفا مشان تنتقم
امين : انااا .. والله مابعرف
ضربو كف على وجهو : كذااااب .. هلق بدك تعترف وينا
قام الضابط وماهر بعدوه عنو
امين : عم قلك مادخلني انت مابتفهم
الضابط : اسماع ولاه وينا البنت
امين : لك ياجماعة صدقوني انا انا ماعملت شي اول شي فتت لهون بتهمة مادخلني فيها وهلق عم تتهومني بخطف بنت
غسان : فتت لهون لانك بتستاهل الحبس .. اما ريم لاتحلم تطولا ياكلب
امين : والله مابعرف عنا شي انا اصلا فتت لهون بعقوبة من رب العالمين وعم توب
غسان : حاااج تكذب .. لك ويناااا
الضابط : غسان اهدى شكلو عنجد مابيعرف عنا شي
رن تلفون غسان .. مسكو وكانت راما
غسان : الو راما ماعرفتي شي .
راما : غسان لقيناها
غسان : وينا ..
راما : بالمشفى اغمى عليها ع الطريق والظاهر انو تلفونا انسرق وهلق حتى فاقت دقتلنا ونحنا رايحين لعندا
غسان : اي منيح كتير ... بأي مشفى قوليلي ......
غسان : اسف بعتذر حضرة الضابط عطلتك
الضابط : لا ولايهمك والحمد لله على سلامتا
غسان : الله يسلمك ... يلا ماهر
امين : ماهر غسان لحظة ..
ماهر : خير
امين : انا بعتزر
ماهر : ههههه امشي غسان امشي.... بتذكر لما طلبت مني السماح من سنين هههه
..................
بالمشفى فاتت
انهار وراما لعند ريم
انهار : ياعمري يانور عيوني شو صاير معك ليش هيك عم يصير معك
ريم بابتسامة صفرا : مابعرف مابعرف .. الظاهر قرب اجلي
انهار : لاتحكي هيك فهمتي
فات الدكتور
انهار : خير دكتور
الدكتور : مابخبي عنك بس الظاهر انو بنتك متعرضة لصدمة نفسية كبيرة مشان هيك عم يصير معا
انهار : شوووو ... اتطلعت على بنتا نظرات استفهام وريم نزلت نظرا
انهار : وشو الحل
الدكتور : ولا شي بس لازم تتخطى هالمرحلة .. واذا ضلت هيك الافضل يشوفا دكتور نفسي
راما راحت قعدت حدا وحطت ايدا على كتفا
راما : اختي ليش هيك عم تعملي بحالك
ريم ضمت اختا وصارت تبكي
الدكتور : صحتا منيحة واذا اخدتوها ع البيت افضل لنفسيتا
انهار : شكرا دكتور
فات غسان وماهر .. قرب غسان من ريم ومبين عليه اللهفة
غسان : شو صار معك وين كنتي
ريم ماردت عليه
عرف انو غلطان وانو الحق عليه ...
راما : صح اختي شو صار معك
ريم : حبيت اتمشى وانا ع الرصيف معد حسيت بشي الا وانا هون ولما فقت سالوني اذا كان معي تلفون شكلو حدا استغل وقعتي وسرق التلفون
راما : الله لايوفقو
ريم : خلونا نروح من هون
راما : يلا تعالي لساعدك
غسان : انا رح انطركم بالسيارة
ريم : لاتعذب حالك بنروح بتاكسي
غسان : شو تروحو بتاكسي وانا سيارتي موجودة
ريم : انا حابة روح بتاكسي والدكتور قال لاحدا يزعجني فالو سمحت تركني على راحتي
غسان : اوك ... على راحتك امشي ماهر
ماهر : بالاذن
...............
ركبو السيارة غسان وماهر ومشو
ماهر : ههههههه
غسان : ليش عم تضحك
ماهر : لانك غبي انا شو قلتلك هداك اليوم
غسان : انا ماني واطي لحتى هددا بورقة الزواج مشان تضل معي
ماهر : لكن عنادك احسن وتكبير راسك
غسان : قلت بركي بتحس فيني واني زعلان عنجد منها
ماهر : هههههه عاجبك الوضع هيك انا بضملنك انو محدا تحكيك نهائيا
غسان : انا طول عمري غبي .. قلي شو اعمل
ماهر : الورقة معك هددا فيها اذا ماحكت معك
غسان : بهل الحالة بتصير يتكرهني
ماهر : لما بتعرف شقد بتحبا بتصير بتحبك .. اعمل يلي قلتلك عليه ومارح تندم
غسان :مابعرف ... مابعرف
...................
بعد يومين من غياب ريم ع الجامعة
فاقت وغسلت وجها ورسمت ابتسامة على وجها وكانو ماخدة قرارات جديدة كرمال حياتا
راما : صباحو ريمو
ريم : هلا راما
راما : شو شبو الحلو
ريم : متفائلة ..
راما : مافهمت شو يعني ناوي تعملي
ريم : بدي دور على حب جديد
راما : مافهمت
ريم : ماضروري اذا هداك طلع واطي يكونو كل الشباب واطين
راما : طيب شو رايك بغسان
ريم : لا لا دخليك هاد الانسان الوحيد يلي مستحيل اتخيل حياتي معو
راما : اي بس انتبهي منيح اختي
ريم : مافي حمار بيوقع بالجورة مرتين .. هالمرة الشب يلي بدي حبو بدي اعرف كلشي عنو واتاكد انو ابن عالم وناس
راما : اختي شو رأيك بلالك هالحب
ريم : اختي مابقدر تعودت ع الحب
راما : اااااخ مجنونة
ريم : انا بدي حب حتى لو من طرف واحد المهم بدي حب ... المهم انتي ايمت موعد خطبتك
راما : الخميس فضيلك حالك اوك
ريم : اوك
..................
بالكلية الاداب
ريم قاعدة مع نغم وسعاد
نغم : شو كيف صراتي ريم
ريم : باحسن حالاتي
نغم : اي منيح كتير
ريم : المهم هلق انا بدي بلش دور على حب جديد لحتى اتخلص من هداك الواطي
نغم : وغسان
سعاد غصت لما سمعت اسم غسان
ريم : غسان ابن عمي مو اكتر
سعاد : شوووو غسان بكون ابن عمك
ريم : اي ليش ماحكتلك نغم
سعاد : لا
ريم : نغم احكيلا لاختك انا سلام
نغم : ع وين
ريم : هههههخ دور على فارس احلامي
نغم : ياربي هاي اكيد صاير شي لعقلا
مشت ريم وصارت تتطلع على شباب الجامعة واحد واحد وهية مبتسمة والكل يبادرا نفس الابتسامة
سعاد : اختي انا رايحة بدك شي
نغم ؛ ع وين
سعاد : مشوار مهم يلا سلام
نغم : ياربي الكل اليوم جانن
راحت سعاد وضلت نغم قاعدة لحالا ... اجا لعندا غسان
غسان : صباحو
نغم : هلا صباحو
غسان : شبك ماعبعضك
نغم : ريم اجت ع الجامعة اليوم
غسان : عنجد .. وينا
نغم : راحت مابعرف ع وين
غسان : بأي اتجاه راحت انا رايح شوفا
نغم : اطمن هية كتير منيحة
غسان : كيف يعني
نغم : كانت مبسوطة ما على عادتا
غسان : حكتلك شي
نغم : لا ابدا
.......................
سعاد راحت هلى شركة وفاتت على مكتب للموظفين
سعاد : مرحبا
..: هلا والله ببنت خالتي كيفك
سعاد : كيفك حسن
حسن : بخير .. شو هالمفاجئة الحلوة
سعاد : حلوة ماهيك
حسن : بتجنن
سعاد : المهم انا جاي وقلك انو لقيتلك عروس
حسن : عروس ؟؟
سعاد : اي عروس ما انت كنت عم تدور على عروس وانا لقيتلك ... ااه بس ماتكون لقيت
حسن : لا مالقيت بس تفاجئت شوي ههه .. اي مين بتكون العروس انتي

الجزء_السابع
بعد مرور اسبوع من موعد الخطبة طالعة ريم من البناي وكان غسان ناطرة بسيارتو راحت ركبت وطبشت الباب
غسان: مافي مرحبا صباح الخير
ريم تجاهلتو وصارت تقلب بكتبها
غسان : لك انتي لايمت بدك تضلي هيك
ريم : ....
غسان : صرلي جمعة مخطوبين وماني حاسس انو نحنا مخطوبين ابدا .. ليكي اخي واختك شقد مبسوطين
ريم : الله يهنيهن
غسان :هاد يلي طلع معك بسيطة انا بفرجيكي
ريم : شو بدك تعمل بدك تفرجي الورقة لامي اي روح انا معد تفرق معي .. لسه كل شوي بطلعلي هالورقة وبتهددني فيها العفا شو هاد
غسان : لانو انتي مابتجي غير بالعين الحمرا ... وكذابة اذا مانك مهتمة مابتضلي معي
ريم : بسيطة محلولة .. يلا امشي رح اتأخر
وصلوع الجامعة نزلو وهو مسكا من ايدا ومشي
ريم : يعني ضروري كل يوم تمسكلي ايدي وتفرجي العالم انو نحنا مخطوبين ومبسوطين
غسان مارد راحو قعدو بالكافيه وقعدا حدو وحط ايدو على كتفا
ريم : ممكن تبعد ايدك عني
مارد عليها مسك تلفونو ودق لنغم
غسان : الو مرحبا نغم ... وينك ... انا بالكافيه مع ريم تعالي عايزك بموضوع ..
كانت ريم عم تحاول تسحب حالا من تحت ايدو هو رجع سحبا وضما
غسان : شو ع وين عم تهربي
ريم : ايدك تقيلة كتير ممكن تشيلا عني
غسان : انا مرتاح
اجت نغم : هاي ريم هاي غسان
ريم : هلا نغوم
نغم : باين عليكم مبسوطين كتير مع بعض
ريم : اي كتير اكتر مابتتصوري
غسان : اقعدي نغم لشوف
نغم : قعدنا خير غسان
غسان : شو صار معك مبارح انتي وماهر
نغم : وانت شو عرفك
غسان : العصفورة قالتلي
نغم : اي ماني قايلتلك سر
غسان : هيك لكن بسيطة .. كنت بدي قلك شو قلي وصلك
نغم : عنجد شو قلك
غسان : هههه قال خديلو موعد من اهلك بدو يجي يخطبك
نغم : عنجد

#ولاد_العم
#بقلم_مريم_اليوسف

#الجزء_الثامن

فات غسان على بيتن وكانت عيلتو مجتمة
سلم وقعد
غسان : منيح انو الكل موجود ..
عثمان :شوفي بابا
غسان : تركنا انا وريم
الكل : شووووو ...
جميلة : ليش شوفي ..
غسان : سمعوني منيح انا وريم مانا لبعض ولا تصيرو بدكن تحكو مع مرت عمو ومابعرف شو الموضوع عندي خالص
عثمان : طيب قلنا شو السبب يعني عطينا سبب مقنع
غسان : ما مهم... بس كلشي انتهى
تركون وقام فات على غرفتو ولحقو عدنان
عدنان : شوفي غسان
غسان : مليت
عدنان : خلص لاتكمل فهمت عليك .. الله يبعتلك الاحسن
غسان : امين
............................
بالحبس بغرفة الزيارات .. جاب الشرطي امين مكلبش وكان ناطرو هاشم
ضمو بعض وقعدو ..
هاشم : لك شو صاير رحت يومين ع الضيعة جيت لقيت البيت مختوم بالشمع الاحمر وقالو الجيران انو اخدوك .. شو صاير
امين : من تحت راسك انا هون يا استاذ ما مليون مرة قلتلك لاتخلي شي بالبيت لانو الجيران عينون حمرا علينا
هاشم : بس انا ماخليت شي بالبيت نهائيا .. اصلا كان بدي مصاري لحتى جيب
امين : عم تحكي جد
هاشم : اي جد
امين : لكن من وين اجت المخدرات على بيتنا
هاشم: مابعرف .. ليش مو انت
امين : انااا لا اصلا انا ماعد تعاتطيت كوكائين
هاشم : ليش لقو بالبيت كوكائين
امين : ايي
هاشم : طيب مين اجا لعندك انت قبل ماتجي الشرطة
امين : ماهروغس..... ماهر وغسان اكيد هنن
هاشم : ليش اجو لعندك ؟
امين : اجو واخدو ورقة الزواج يلي كتبتا على ريم وغسان طلع ابن عما لريم
هاشم : اي هدول هنن مافي غيرون
امين : الكلاب انا بفرجيهن .. هاشم انا لازم اطلع من هون
هاشم : طيييب .. انت شو قلت للمحقق
امين : قلتلو مو الي
هاشم : وضليت عند اقوالك
امين : اي
هاشم : محلولة
امين : كيف
هاشم رح نخلي حدا يحمل عنك هالقضية عأساس رفيق بالسكن وبيجي يعترف انو الو
امين : بصير
هاشم : اي بصير بنعطيه مصاري واصلا انا رح دور على واحد بيتعاطى كوك .. يعني اذا حللولو دمو ببين معون
امين : والله جبتا
فات الشرطي : خلص وقت الزيارة
امين : هاشم الله يخليك لا تطول
هاشم : خلص لاتشغل بالك اعتبرها انحلت
.............
فاقت ريم المسا وطلعت ع الصالون كانت اما واختا قاعدين
ريم : اكلتو ؟
محدا رد
ريم : طيب في اكل
كمان محدا رد
ريم : اي متل مابدكن
كملت ع المطبخ سكبت اكل وقعدت تاكل خصلت اكل وطلعت تسهر معون تحكيهن محدا يرد تركتون ورجعت ع الغرفة .. فتحت البرادي وفتحت الشباك ووقفت مقبالو وصارت تتفرج على السيارات
ريم : شو هالذنب يلي عملتو لحتى الكل عم يستحقرني ... اااخ ياربي
غمضت عيونا وطلع بوجها غسان وهو عم يبوسا بغرفتو بسرعة فتحت عيونا وقالت : شو قصتك معد تفرقني
قعدت على حرف تختا وصارت تتذكر غسان وكيف كان يحاول يتقرب منها وهية على طول كانت تصدو صارت تبتسم مسكت تلفونا وصارت تتذكر كيف كان كل شوي يدقلا
ريم : شو عم يصير معي ليش حاسة اني فاقدتلو ... اكيد لانو كنت على طول اتقاتل انا واياه لقوم ادرس شوي احسن
قامت قعدت قدام الكتب بس ماكان الا نفس تدرس وضلت طول الوقت وهية رايحة جاي بالغرفة فاتت اختا تمددت على تختا ونامت
ريم : راما ..
راما :..
ريم : اختي بترجاكي حكيني
راما : ....
ريم : طيب ما انتي اختي اسمعيني بعدين حكمي علي
راما زورتا وقلبت لتاني جها
.................
الصبح لبست وطلعت كانت اما واختا قاعدين على الفطور
ريم : صباح الخير
محدا رد
ريم انقهرت وطلعت بدون ماتفطر
انهار : ييي طلعت بدون فطور
راما : معلش ماما خليها تتربى وتعرف غلطا
نزلت على باب البناي وقفت شوي بعدين تذكرت
ريم : ليش واقفة انا .. العما ماغباني قال عم انطرو .. ااااخ على هالعقل ... مشت شوي وقفت تاكسي وراحت على الجامعة
فاتت وكان الكل عم يتطلع عليها وكانو عم يقولو هاي هية يلي اكلت كف من حبيبا بس بتستاهل
نزلت راسا ومشت .. قعدت على المقعد لحالا مافي حدا عم يقرب منا
ريم : اي بالناقص منكن كمان .. تعالو عيشو حياتي كمان .. اوووف
شافت نغم من بعيد كانت بدا تندهلا بس اتذكرت شو صار مبارح نزلت ايدا وصارت تتطلع عليها من بعيد
قربت نغم وقعدت مع مجموعة بنات مقابل ريم واعتبرت انو ريم مانا موجودة نهائيا
ريم كمان عملت حالا مانا مهتمة
نغم : يلا صبايا بشوفكن بعدين اجا رفيقي
ريم لما سمعت رفيقي بسرعة التفتت وكان غسان وكانت الابتسامة على وجهو ... قربت نغم منو ودقت كفا بكفو وراحو قعدو على مقعد
ريم كانت عم تتطلع عليه وكانو مشتاقتلو .. وهو حط ايد على كتف نغم وصارو يضحكو وهية حست حالا انقهرت فقامت وفاتت ع القاعة
........
نغم : منيح انك عم تحاول تنساها
غسان: هههه خلص انا دعست على قلبي ... ااه صح عم تحكيها انتي
نغم : لا خلص لانا رفيقتي ولا بعرفا واصلا محدا عم يقرب منا من شوي شفتا قاعدة لحالا
غسان : اي منيح ... يلا انا قايم بشوفك بس خلص
نغم : اوك
...................
رجعت ريم ع البيت كمان محدا حكاها .. فاتت اكلت وضلت مكملة على غرفتا
كمان عملت قيلولة وفاقت المسا على صوت ضحك .. قامت وقربت من الباب سمعت صوت عدنان عم يحكو ويضحكو هو واما واختا
ابتسمت وطلعت
ريم : مرحبا عدنان
عدنان من غير نفس : اهلين ريم كيفك
ريم حست انو وجهو تقيل وقالت حتى انت : قالت الحمد لله وتركتون ورجعت على غرفتا
.....................
مر يومين على نفس الحالة ومحدا عم يحكيها بس الشي يلي عم يدايقا انو عم تحس انو عم تشتقلو لغسان
ريم : ياربي ليش هيك انا عم حس ليش كل شوي بفوت على بروفيلو بالفيس بوك والواتساب شو قصتي
طيب ليش عم استاه كل يوم مشان يجي يوصلني
ليش عم ادايق لما عم شوفو واقف مع نغم .. ياربي طيب ليش محدا عم يحكيني صرلي ٣ ايام رح طق
فتحت باب الغرفة وطلعت
ريم : ماما راما لايمت هيك بدكن تضلو تتجاهلوني والله رح افقع بالجامعة لحالي وهون لحالي لك بدي حدا احكي معو والله من شوي كنت عم حكي الحيطان
محدا رد وتجاهلوها تماما
صارت تبكي
ريم : لييييش .. لييش .. طيب فهموني وين الغلط وين الصح
كمان محدا رد
ريم : مشان الله رح تقتلوني بصمتكن .. تعبت وربي تعبت تركتون وفاتت عالغرفة
انهار : والله حابة حكيها وضما لصدري
راما : ماما اذا بتحكيها لاانا بنتك ولا بتعرفني .. ماما والله هالشي لمصلحتا بكرا بتعرف انو بتحب غسان
...........
تاني يوم
فاتت نغم وكان غسان قاعد عم يقلب بتلفونو قعدت حدو وماحكت وحطت ايدا على خدا ومبين عليها الزعل
غسان : نغم شبك
نغم : ...
غسان : وليه دبة
نغم : ....
غسان : لك شو صاير احكي
صارت تبكي
رفعلا وجها بين اديه وصار يمسحلا دموعا بهل الاثناء كانت ماشية من جنبون ريم وشافتو كيف حاطتلا وجها بين اديه وعم يمسحلا دموعا بين ابهاميه
وجنا جنون وحست بغيرة قوية وكأنو بدا تروح تضرب نغم وتبعدا عن غسان .. وصارت تكز عسنانا بعدين مشت فورا
غسان : نغم شبك
نغم : مبارح اجا ماهر لعند اهلي مشان يطلبني
غسان : اييه .. يعني اهلك ماوافقو
نغم : لا ماهيك .. بسطلع بدو اياني روح عيش معو بمصر
غسان : ليش مابتعرفي انو بدو يرجع على مصر
نغم : لا لا
غسان : ياربي انا فكرتك بتعرفي وبتوافقي .. خلص حقك علي اسف
نغم : خلص كلشي انتهى
غسان : لا ولوو مالهل الدرجة
نغم : اي انا مستحيل اترك البلد .. وكمان عطيناه الرفض
غسان : عنجد عم تحكي
نغم : والله ..
غسان : خلص قومي معي
...................
ريم واقفة بالحمامات وحاسة حدا عم يخنقا ..
ريم : يا ربي لييش مقهورة مدايقة .. غمضت عيونا وشافت غسان قداما
ريم : اشتقلتك ... والله شتقتلك ياغسان .. غبية والله غبية
طلعت من الحمامات وضربت عينا على المقعد يلي كان قاعد عليه غسان ونغم مالقت حدا
قربت وسألت وحدة كانت قاعدة جنبون
ريم : لو سمحتي وين نغم وغسان
البنت : غسان كان ضامما لنغم وطلع من الباب الرئيسي
ريم : شوووو ضامما
قالت بقلبا : لا غسان الي هو بحبني الي ورح رجعو الي
..................
عباب السجن طلع امين وكان بانتظارو هاشم سلمو على بعضو ومشو
امين : مارح انسالك هالمعروف
هاشم : ولو .. المهم شو ناوي تعمل
امين : فكرت كتير بهل اليومين
هاشم : ولوين وصلت
امين : ريم .. ريم هية انتقامي
هاشم : ليش ريم يلي حطتلك المخدرات
امين : هية يلي خلتون يجو لو ماخبرتون ما كانو اجو
هاشم : اوك متل مابدك .. من وين نبشل
امين : بدنا نأمن مهرب برات البلد قبل ما نفذ الخطة
هاشم : محلولة
امين : خلينا نروح ع الجامعة نراقب الوضع
................
غسان ونغم واقفين على جسر
غسان : صرتي احسن
نغم : اي احسن
غسان : خلص لا تهتمي اذا ماقدر يعيش بلاكي رح يرجع
نغم : ياريت ... ياريت
.................
تاني يوم كمان ريم بعدا وحدانية
شافت نغم وغسان وراحت لعندن
ريم : صباح الخير
تفاجئو فيها بس ماردو
ريم : انا اسفة زعجتكن ...
تركتون ومشت وراحت قعدت على مقعد بعيد شوي لحالا
نغم : بلشت تستواا
غسان مابهمني .. انا كل يوم عم حس حالي عم صير احسن وعم حاول انساها
نغم : بس هية بتحبك
غسان : شو عرفك
نغم : عم راقبا كيف بتضل تتطلع عليك شكلا ندمانة كتير
غسان : فرحتيني
نغم : يعني بدك ترجعلا
غسان : اكيد لا بس بدي خليها تدوق نفس الوجع
اتطلعو عليها كانت عم تمسح عيونا
نغم : كأنو عم تبكي
غسان : ههه لسه ماشافت شي
..............
مر يومين كمان
ريم كانت عم تحس روحا رح تطلع منا
صارت تدور على غسان ونغم بالجامعة بالاخير لقتون بالكافيه
راحت لعندن
ريم : مرحبا
محدا رد
صارت تبكي
ريم : مشان الله حدا يحس فيني والله انا عم موت .. غسان انا اسفة مشان الله سامحني
غسان ببرود اعصاب : خلص سامحتك
ريم : نزلت ع الارض وقعدت قدام رجليه ومسكت ايده وقالت : غسان انا بحبك ... اي بحبك اكتشفت هالشي متأخرة بس والله بحبك وبموت فيك ... مشان الله خليك جنبي
غسان : ريم بلا مسخرة ليكي الكل عم بتطلع علينا قومي من هون بلا فضايح
ريم : ماني قايمة ... بترجاك حس فيني
غسان : على حد علمي انا بلا احساس وبلا ضمير
ريم : انا يلي بلا احساس وبلا ضمير بترجاك سامحني
غسان : قلتلك سامحتك قومي من هون
ريم : بدنا نرجع لبعض
غسان : ههههه تأخرتي وكتييييييير كمان يلا قومي نغوم
ريم : نغم انتي كمان سامحيني
نغم : لا حبيبتي ماحزرتي انا قلبي مانو طيب متل قلب غسان بسامح فورا
تركوها ومشو وهية على ملا صوتا صارت تصرخ : غساان بحبك .. بحبببك غساااان
قعدت ع الكرسي وطبت على الطاولة وصارت تبكي
.............
نغم : ليش قمت من قداما
غسان : خفت اضعف واشفق عليها
نغم : امممم
غسان : نغم كنت بدي احكي معك بموضوع
نغم : اي شوهو
غسان : تتزوجيني
نغم : شوووو
غسان : اي تتزوجيني
نغم : غسان انت عم تحكي جد
غسان : والله جد .. بنخطب هلق ونهاية الفصل بنتزوج
نغم : بس نحنا مابنحب بعض
غسان : ماضروري نحب ليش الحب شو طلعلنا منو وبصراحة نحنا كتير قراب من بعض وبنشبه بعض وانا لما بكون معك بكون كتير مرتاح شو رايك ... وصدقيني الحب بيجي بعدين
نغم : وريم
غسان : تركينا منها انا مستحيل ارجعلا
نغم : طيب بفكر وبكرا بردلك خبر
غسان : اوك ناطرك بكرا
..............
طلعت ريم من باب الكلية وصارت تتمشى بالشارع .. وكانت عم تحس حدا عم يراقبا تتطلع لوراها ماتلا قي حدا ... راحت قعدت قدام بناي على الرصيف بظل شجرة وصارت تبكي وفجأة لمحت امين واقف بعيد وعم بتطلع عليها ... خافت كتير منون .. وتلبكت
وقفت نفضت تيابا وصارت تركض .. وقفت تااكسي وراحت بسرعة على بيتا
فتحت الباب وفاتت وهية مخطوف لونا
فاتت على غرفتا وسكرت الباب ومسكت المخدة وصارت ترجف
ريم : ياربي شو جابو هاد .. اكيد راجع ينتقم يا الله مالي غيرك انا لازم خبر ماما وراما وغسان ..
قامت فتحت الباب وراحت لعند اما ع المطبخ
ريم : ماما .. ماما
انهار :....
ريم : مشان الله ماما انا بدي مساعدتك
انهار : .....
ريم : مابدك تسمعيني ...
انهار : ....
ريم : ماما انا حياتي بخطر
انهار : ههههه روحي من وجهي يعني عم تستعملي معي اسلوب التخويف
انقهرت ريم كتير ورجعت على غرفتا
بعد شوي فاتت راما كانت جاي من الجامعة
ريم : راما .. راما
كمان ماردت
ريم : اختي حتى انتي مابدك تسمعني ... مشان الله يا اختي انا خايفة في شي صار معي اليوم
راما : ريم مابهمني شو صار معك اليوم .. وحاج تحكي ولا توجعيلي راسي
ريم : ليييش هيك كلوكن ... والله انا عم اتعاقب .. مشان الله ارحموني محدا عم يحكي معي طلعت راما وماردت عليها
ريم : انا لازم خبر غسان .. واكيد امين جاي يخلص علي
صارت تدق لغسان مايرد ..
صارت تصرخا من كل قلبا وتبكي
...........
انهار : انا قلبي مانو مطمن
راما : وانا كمان حاسة انو في شي صاير معا بدا تحكيه
انهار : خلص انا معد استحمل بدي روح شوف شبا
راما : ماما خلص لبكرا ... خليها تبكي هلق
انهار : قلبي عم يتقطع عليها والله مانو هالذنب يلي عملتو لحتى هيك تتعاقب البنت رح تنهار
راما : خلص ماما بكرى الصبح بنراضيها وبنطيب خاطرا
انهار : طيب ماشي
.................
الصبح فاقت ريم بكير فاتت ع المطبخ جابت سكين وحطتا على جنبا تحت البنطلون متل الفرد ونزلت الكنزة وطلعت ريم : انا لازم شوف غسان مشان يحميني
طلعت وراحت ع الجماعة وقاعدة متوترة وعم تهز رجليها
.............
فاقت انهار وراما بس مالقوها
انهار : راما وين اختك
راما : مابعرف بس شكلا راحت
انهار : كلو منك ماخليتيني حكيها انا قلبي متل النار
راما : خلص ماما مابدا كل هاد حتى ترجع بنصالحا خلص
انهار : مابعرف انا قلبي متل النار
.................
غسان واقف قدام بناي نغم
طلعت نغم .. ولما شافتو ابتسمت وقربت وركبت معو بالسيارة
غسان : صباحو
نغم : صباحو
غسان : بسرعة عطيني الجواب
نغم : فكرت فكرت فكرت
غسان : بالاخير شو طلع معك
نغم : موافقة
غسان : لك يسعدووووو ... وعازمك على احلا فطور بمناسبة هالخبر الحلو
نغم : لا خليها لبعدين هلق عندي محاضرة كتير مهمة
غسان : طيب ماشي
..............
فات هو واياها وماسكين اديهن بادين بعض وعم يضحكو لما شافتو ريم قامت بسرعة لعندن بس ما انتبهت على اديهن
ريم : غسان غسان
غسان : امنتو با الله على هالنهار شوفي ريم قلتلك كلشي انتهى افهمي بقا
ريم : غسان سمعني موضوع تاني بترجاك سمعني
غسان : ريم بكفي انتي هالمرة بدك تسمعيني ...
رفع ايدو بايد نغم وقال باركيلنا نحنا بدنا نخطب
ريم : شوووووو
غسان : اي متل ماسمعتي
ريم : عم تعملو هيك مشان تغيظوني ماهيك
غسان : لا ليش لحتى نغيظك ... بس لقينا انا ونغم انو نحنا بنشبه بعض وبنفهم على بعض
ريم : اكيد عم تمزحو اصلا نغم مخطوبة لماهر
غسان : ماهر هههه ماهر سافر من زمان .. وهو ونغم ما اتفقو
ريم بصوت عالي : كذاببيييين ... انتو كذابييين
غسان : مانا متطرين نكذب انسة ريم مشان وحدة متل حضرتك
ريم : مشاان الله يا غسان انا بموت من دونك ..
طبعا نص الجامعة عم تتفرج عليهن
ريم : ياغسان ارحمني ... ارحمني ..
غسان : ريم شكلك تعبانة روحي ارتاحي ببيتك
وقعت شنتايتا بالارض والدموع ملو عليونا وطلعت تركض برات الجامعة .. في صبية حملتلا شنتايتا وراحت وراها ..
ريمم وهية عم تركض ع الشارع نزلو رجال حطو ايدا على تما وحطوها بالسيارة وراحو بسرعة
شافتون هاي الصبية يلي كانت حاملة شنتايت ريم ومن خوفا صارت تصرخ ... خطفوهاااا ... خطفوهاااا
لاااااا ... انااا شفتون
بلشو كل شباب الجامعة يركضو لبرا ع الصوت
غسان ؛ شوفي ليش الكل عم يركض لبرا
نغم : معقول ريم ضربتا شي سيارة
غسان لما سمع هيك ترك ايد نغم وطلع يركض وهية لحقتو
فاتو بقلب التجمع وكانت البنت عم تبكي وتصرخ وعم ترجف وتقول : خطفوهاااا ...انا شفتووون .. والله شفتون ...
صارو يسالوها مين خطوفو مين شفتي
البنت : ريم .. ريم .. حطو اديهن على تما وحطوها بالسيارة واخدوها
غسااان : شوووو ريم
البنت وهية عم تبكي : اي كنت لاحقتا لحتى اعطيها الشنتاي قام خطفوها ... ياربي .. ياربي
غسااان : ريييم ... لااااا ياربي .. كلشي الا ريم ... يارب بترجاك كلشي الا ريم
نغم كانت خايفة على رفيقتا وبنفس الوقت شافت خوف غسان عليها ..
غسان : من وين من اي اتجاه راحو
البنت :من هون
اتطلع لقا الطريق كلو سيارت يعني معد يلحق
غسان : شواعمل انا شو اعمل
صار يروح ويجي وهو محتار بحالو ومعصب وماطالع بأيدو شي
اجت الشرطة وحققو معو البنت واخدو مواصفات السيارة والشباب وقال رح يبحثو وان شاء الله بلاقوها
بلشت التجمعات تخف وغسان قعد على جنب الرصيف وحط راسو بين اديه راسو رح يفجر ومانو عرفان شو يعمل
صار التلفون يلي بشنتايت ريم يرن اخد التلفون وكانت امها
غسان : ياربي شو بدي قلا هلق
خلاه تخلص وما رد
مسك تلفونو ودق لابوه وخبرو وابوه كمان جن لما سمع الخبر
رجعت اتصلت راما على تلفون ريم
غسان : الو
راما : وينك يا انس... غسان وينا ريم
غسان : انتي بالبيت
راما : اي شوفي
غسان : امك عم تسمع
انهار عم تسمع بس قالتلا قولي لأ
راما : لا
غسان : طيب رح خبرك انو ريم انخطفت من باب الجامعة
راما : شووووو ... مااااااامااااا
غسان : راما شبا امك ... ياربي منك
راما نزلت ع الارض وصارت تصحي اما
والخط مفتوح
راما : ماما فيقي مشان الله فيقي
انهار : انا الحق علي انا ماسمعتا ... كانت عم تقلي ياماما حياتي بخطر وما سمعتا
غسان: راما شو عم تقول امك
راما : غسان الله يايخليك مابعرف شي تعال ... ماني عم استوعب شي
غسان : جاي جاي
...............
كانت ريم غايبة عن الوعي لانو شمموها مادة مخدرة
اخدوها على على بيت ورموها بقلب غرفة وسكرو عليها
............
وصل غسان لعند بيت عمو وكان ابوه وامو واصلين
انهار كانت قاعدة على الكرسي وعم تضرب على حالا
غسان : حكولي شو صار
انهار : انا حمارة .. انا حمارة مبارح اجت لعندي ع المطبخ وكان مبين الخوف على وجها قالتلي ياماما بدي مساعدتك ... انا حياتي بخطر
غسان : اي كملي
انهار ذاد بكاها وقالت : ماصار شي ماصار شي ماسمعتا ماسمعتا
غسان : ليييش
انهار : كنت مقاطعتا
غسان : ليش مقاطعتيها فهموني
انهار : مابعرف مابعرف لانو انا حمارة .. اااه يابنتي اااه انا السبب انا ماسمعتك ... اااخ بس لوني سامعتك
غسان مانو فهمان شي لاهو ولا اهلو .. راح لعند راما وكانت واقفة مع الحيط
غسان : راما ماحكتلك شي
راما عم تبكي : كانت بدا تحكي بس انا ماسمعتا
غسان : كيف يعمي ما سمعتوها .. ليييش عطوني سبب مقنع
راما : كنا عم نعاقبا على عملتا
غسان : معقولين انتو معقولين .. في ام بتقاطع بنتا اووووف يارب
قعد وصفن شوي وتذكر شقد دقتلو مبارح بليل فتح تلفونو وشاف عدد المكالمات كانو ٢٢ مكالمة
فتح على الرسائل كان هو عاملا حظر راسائل رفع الحظر قام واجتو رسالة منها بعتتا مبارح كاتبة فيها غسان الله يخليك رد غسان انا حياتي بخطر انا بحاجتك تساعدني
غسان : وانا كمان باعتلي رسالة هلق وصلت انو حياتا بخطر ياربي .. لييش
عثمان : لك انتو شووو .. اااه انتو شو لو واحد يهودي كنا ردينا عليه لك انتو بالمرة بلا ضمير ولا احساس وانت ياخانم عاملي حالك ام .. والله اذا ريم بصرلا شي انتو ٣ مارح ارحمكن عم تفهو
بعد.شوي اجت رسالة تاني من ريم لانو كان محظور بتطول الرسائل لتجي
ريم : غسان امين شفتو عم يراقبني وعيونو مليانة شر
وقف غسان : وقال اميين ... لااااااا
عثمان : مين امين
غسان : هاد واحد حقير كان عم يدايقا وعملنالو اللازم انا وماهر .. بس هو بالحبس بقضية مخدرات على اساس
عثمان : عطيني اسمو بالكامل لحتى اسأل عنو
عمل اتصال عثمان وبعد شوي رجعو اتصلو فيه
عثمان : اي .. اي ... اي ... يعطيك العافية
غسان : شو طلع معك
عثمان : طلع برائة من كم يوووم
غسان : برائة كيف هيك
عثمان : بكون حدا شال عنو القضية
غسان : الحيوان الواطي والله بس امسكو لاجعل الله ماخلقو
عثمان : اي حاج تهد وترعد لما كان بيطلع بأيدك شي ماعملتو
....................
هاشم : شو بدك تعمل هلق
امين : بدي احرقلو اعصابو لغسان وخليه يتمنى الموت
دق امين لغسان من رقم خااص
غسان : الو
امين : كيفك ياحب
غسان : مين
امين : امين شو نسيت صوتي
غسان : وينا ريم ولاك كل احكي وينا والله بس طولك غير اطلع بروحك
امين : عنا زيارة مؤقتة عم تصفي حساباتك
غسان : شو قصدك ياوطي ياحقير
امين : انا خطفت ريم مامشانا لاا .. انا خطفتا مشان المخدرات يلى حطيتون انت ورفيقك ببيتي وريم رح تدفع التمن
غسان : تركا ما الا ذنب وتعال اعمل فيني يلي بدك اياه
امين : ههههه لك هيك بعذبك اكتر وانا بنبسط شوي
غسان : امين عم قلك لاتلمسا وتعال خود حسابك مني بترجاك ... طيب بدك مصاري انا جاهز ..
امين : ههههه مشي الحال حب هلق بعدني طالع من عندا ولي على قلبي والله طلعت صواب شقفة
غسان : يا واطي ... يا واطي ..
امين : ههههههه واطي عالي مابتفرق عندي ... المهم قلي انتو كلكن بالعيلة هيك طيبن وبتتاكلو اكلو ... بس شوبدك بالحكي ريم شي تاني ولييي على قلبي عليها جسم ناعم بشل متل جسم الولاد
غسااان : لك خررراااااس
امين : شو تمنيتك تكون معي .. كيف نايمة بعد ماخدرتا طبعا وكانت بين ادي متل اللعبة اااه على قلبي
غسان فرطت اعصابو والكل حواليه عم يحاولو يفهو شوفيه وواقفين حدوا
امين : يلا حبيب بدي سكر .. وعشان ريم شي يومين لحتى اشبع منا ببعتلك اياها مع انو والله مابينشبع منا ... ااه صح كنت رح انسى هلق رح ابعتلك العلامةهههههههههههههههههههههههه
غسان كان عم يبكي ووقع التلفون من ايدو على الارض

يتبع ......

الجزء_التاسع_قبل_الاخير

اسفة ع التأخير يس عنجد وقتي مانو معي خلص وعد القصة التانية رح نزلا كاملة

عثمان : غسان شوفي مين هاد
غسان قعد عالكرسي وصار يبكي
انهار : مشان الله قلي شوصار مع بنتي ومين هاد يلي حكي معك
غسان : هاد نفسو امين ... الحقير الواطي عم يتصل ويقهرني
انهار بصوت عالي : شو صااار مع بنتي
غسان : .......
عثمان : احكي غسان هاد شوقصتو بالظبط
غسان : انا السبب انا السبب .. هو عم ينتقم مني
عثمان : لك شووو القصة
حكا غسان كلشي لابوه وكيف حطولو مخدرات ببيتو
عثمان شال ايدو وضربو كف : من ايمت انا هيك مرييك من ايمت بتستخدم هالاسلوب .. اااه ياواطي لك انت احقر منو
غسان : والله مو انا هاد ماهر هو يلي حط المخدرات مو انا
عثمان : ماحضرتك كنت معو .. يعني مابتفرق .. ومين عم يدفع تمن جحشنتك انت ورفيقك .. ريم .. لك هااي امانة برقبتي لك قوم انقلع من وجهي ولاه
غسان : بابا بترجاك
عثمان : شو قلك هاد الواطي هلق شو عمل لبنت عمك .. عملا شي ... لمسا ؟
غسان صار يبكي
عثمان مسكو من تيابو وقال : لمسااا ... احكي لمسا
غسان : اي .. اي هيك قلي هاد واحد بلاوشرف
انهار لما سمعت هيك اغمى عليها ووقعت بالارض
قربو منا وصارو يفيقوها ويرشو عليها مي وماتفيق
حملا غسان واخدوها ع المشفى
.........................
بلشت تفيق ريم وتتطلع حوليها واتذكرت انو حدا خطفا صارت تتطلع على حالا لقت انو محدا مقرب عليها اجت بدا توقف قام السكين يلي على جنبا دايقتا وتذكرتا ... خلتا مكانا وراحت لعند الباب
ريم : امييين ... امييين ... بعرف انو انت يلي خاطفني .. تعال طالعني من هون
صارت تصرخ وتبكي وتدق على الباب
انفتح الباب وهية رجعت لورا
كان امين ومعو ٢
امين : شطورة شو عرفك انو انا
ريم : لانك واحد واطي وبتعملا
امين : مقبولة منك ...جيبولا اكل
ريم : مابدي اتسوفق .. طالعني من هون انا بكرهك
امين : على بنا كنتي تحبيني
ريم : وهلق بكرهك تركني .. والله انا ما اذيتك شوبدك مني
امين : عم تدفعي تمن غلطة ابن عمك
ريم : غسان ؟
امين : اي غسان حطلي مخدرات ببيتي وخبر عني
ريم : طيب انا شو دخلني روح عاقبو الو
امين : مافي عقاب اقوى من الطعن بالشرف
ريم : شووو .. لا لا انا مستحيل خليك تقرب مني
امين : هلق ماني فاضي المسا بجي وبشوف رح تخليني ولا لأ
ريم حطت ايدا على السكين ..بدا تسحبا
امين : جيبولا اكل
وطلع .. وجابولا اكل ورجعو قفلو عليها الباب
قعدت ريم تفكر وتقول : اذا بدو يقرب مني رح اقتلو يابتقل حالي... والله بموت ولا بخليه يمسلني .. ياربي شو صار مع اهلي معقول عرفو انو انخطفت .. بس يمكن محدا يلاحظ غيابي بما انو الكل مقاطعني .. ياربي ياربي والله تعبت .. طبت على رجليها وصارت تبكي
..........................
بالمخفر
عثمان وغسان : ماخبرتو شي
الشرطي : لا عم نحاول .. وكمان لما دقلك ماكان في رقم يعني مارح نقدر نعمل شي عم نحاول ونحقق مع الجيران وان شاء الله بنلاقي دليل يوصلنا لالو
طلعو من المخفر مكسورين
راحو على المشفى ..
غسان : عدنان شو صار مع مرت عمي
عدنان : هية هلق بالانعاش اجتا جلطة
عثمان : شووو جلطة
عدنان : اي بابا بس لاتخافو اجت خفيفة ومارح يكون الا اي اثار جانبية
عثمان : اااخ .. بس لوانو الوقت مناسب كنت حاسبتك بطريقتي ياغسان
غسان : بستاهل والله بستاهل
عثمان : روح من وجهي مابدي شوف وجهك عم تفهم
تركون وطلع وهو عم يبكي
ركب بسيارتو وصار يضرب بأيدو على تابلو السيارة ويقول : انا السبب انا السبب
اتصلت نغم رد عليها
غسان : اي نغم ... لا ماعرفنا شي غير انو امين يلي خطفا .. اي .. ليكي بعدين بحكي معك سلام
................
راما منهارة من البكي على اما واختا
قرب منا عدنان وضما وقلا : خلص حبيبتي .. ان شاء الله كلو رح يكون تمام ... بترجاكي حاج تبكي
ضمتو راما وصارت تبكي على كتفو
.............
المسا ريم بعدا قاعدة بزاوية الغرفة انتفتح الباب وفات امين وحدا سكر وراه
ريم : امين شوبدك
كان لابس كنزة شلحا ورماها وصار يقرب من هية وقفت بالزاوية وعم تبكي وترجف
امين : شوبدي يعني .. جاي اخد يلي ما اخدتو لهلق
ريم : امين اذا بتقرب مني والله بقتلك
امين : هههههه بدك تقتليني كيف ياحلوة باديكي الصغار
سحبت السكين ومسكتا بأديها التنتين وقالت بدي اقتلك بهاي
امين : من وين جبتيها هاي ... اي رميها رميها
ريم : عم حزرك اذا بقترب بقتلك والله
امين : هههه انتي بدك تقتليني هاتيها لهون
ريم : عم قلك لاتقرب ..
امين : لك انتي صرصور مابتقدر تقتلي بدك تقتليني الي .. لك مارح تقدري تقربي مني رميها على الارض احسنلك لانو اذا جيت رح اقتلك انا فيها عم تفهمي
ريم : مافي داعي تقتليني انا بقتل حالي ..وجهت السكن لعندا ورفعتا وبكل قوتا غرزتا ببطنا
امين : ررييييم .. لك شوعملتي يامجنونة ابتسمت ووقعت على الارض
قرب لعندا وحمالا وقال :ليش هيك عملتي ليش
ريم بصوت واطي وابتسامة دبلانة : عم دافع عن شرفي .وغمضت عيونا
امين : ررييم .. لك قومي شوعملتي
اتطلع على السكين كانت غارزة كلا ببطنا والدم متل السيل وبسرعة صار تحتا بركة دم
امين : هاشم ... هاااشم
فات هاشم وتفاجئ بالمنظر
هاشم : شو عملت قتلتا ؟
امين : لا هية قتلت حالا قلي شو اعمل رح تموت بين ادي
هاشم قرب وحملا وطلع بسرعة وامين قام ولحقو
امين : ع وين اخدا
هاشم : اسبقني انت ع اليخت رايح ارميها على باب شي مشفى
امين وهو متلبك : اي اي .. يلا لاتطول
حطا هاشم بالسيارة وطار فيها والسكين بعدا ببطنا وعم تنذف
هاشم : طلع ورقة وهو عم يسوق بسرعة وكتب عليها رقم غسان .. مشان يرميها مع ريم
وصل لقدام مشفى وحط الورقة بأيدا وهرب لاحظو عليه امن المشفى وراحو يركضو لقو ريم .. صارو يندهو للمرضين والدكاتر واجو بسرعة حملوها وحطوها على النقالة وفوتوها على المشفى .. السكين بعدا ببطنا فوتوها دغري على غرفة العمليات
والمشفى كلو ضج وعم يحكيو انو في وحدة اجت وفي ببطنا سكين ..
....................
بغرفة العمليات
الدكتور : شيلولا السكين من بطنا .. جهزو عدة الجراحة .
دكتور تاني : شلحوها البلوزة جيبو شاش معقم بسررعة
الدكتورالتالت : ضغطا عم ينزل والتنفس قوي
الدكتور الاول : بسرعة عملولا تحليل زمرة خلينا نعرف شو زمرتا لانو نازفة دم كتير
والممرضين : حاضر وحاضر
ممرض : دكتور في بأيدا ورقة وعليها رقم تلفون
الدكتور : حطو بيجيبتك هلق وخلينا نشوف الحالة
الممرض : حاضر دكتور
......................
بالطابق التاني من المشفى موجودة انهار
طالع عدنان ومعو قنينة مي ودوا مسكن
عثمان : عدنان شوفي تحت حاسس في ضجة
عدنان : اي بابا سمعت انو في سيارة رمت صبية ومغروز ببطنا سكين
جميلة : الله يجيرنا .. والله الوضع صاير بخوف
قرب عدنان وعطا الدوا لراما
عدنان : مسكي حبيبتي شربي دوا مشان يهدا راسك
طلع صوت من مكبرات الصوت يلي بالمشفى
الرجاء من زمرة دمه o_التوجه الى المخبر بحاجة ماسة الى الدم .. وكروها عدة مرات
عثمان : انا زمرة دمي o_ رايح اتبرع
عدنان : ياريت لو عندي نفس الزمرة
نزل عثمان لحتى يتبرع
الممرضة : عمو اذا سحبت منك رح يكون في خطر على حياتك
عثمان : بس انا صحتي منيحة
الممرضة : طيب رح اسحب كيس اكتر من كيس مابقدر اسحب منك اكتر .. بس نحنا بحاجة دم بتعرف حدا عندو نفس الزمرة لانو عنا حالة طارئة
عثمان : اي في ابني غسان شب بالعشرينات
ممرضة : ياريت تدقلو
عثمان : اكيد فورا
مد ايدو مشان تركبلو الابرة وبالايد التانية اتصل بغسان وقلو انو يجي
غسان كان واقف بسيارتو على باب المشفى واجا فورا وسحبو منو دم
الممرضة : عنجد شكر كتير والله يعطيكن الف عافية ويقويكن
غسان : مامشكلة الناس لبعضا بس شو في لمين كل هالدم
ممرضة : في صبية حدا رماها على باب المشفى من شوي وحدا غارز ببطنا سكين والله اعلم اذا بتعيش يلا بالاذن انا مستعجلة
طلعت الممرضة وقام غسان وابوه طلعو ع الطابق التاني
بعد فترة زمنية والساعة صارت حوالي ١٢ بليل ..
عثمان : عدنان وغسان خدو امكن وراما وروحو ع البيت
راما : لا انا بدي ضل جنب الماما
غسان : روحو انتو انا بضل
جميلة لا انا بضل
عثمان : خلص غسان بضل .. امشو لنشوف ومابدي حدا يعترض
راما بس عمو
عثمان : انا شو قلت
راما : حاضر عمو ..
مشو كم خطوة وصار تلفون غسان يرن وقفو كلون والتفتو عليه
عدنان : مين
غسان : مابعرف رقم غريب
عثمان : رد بسرعة
رد وفتح السبيكر
غسان : الو
الممرضة : الو مرحبا
غسان : هلا مين حضرتك
الممرضة : انا ممرضة من مشفى النور صارو يتطلعو ببعض لانو هنن بنفس المشفى
غسان : مافهمت شو المطلوب
الممرضة : استاذ هلق من شوي اجتنا صبية متصاوبة بسكين ببطنا وكان هاد الرقم بايدا
غسان : شوووووو .سكرالخط
الكل انصدمو ونزلو فورا يركضو على الدرج وصل ع الاستعلامات
غسان للممرضة : وينا .. وينا
الممرضة عفوا
غسان : انا يلي اتصلتي فيه عشان البنت المتصاوبة وينا انا ابن عما
الممرضة : اهدو شوي هية هلق بخير شوي بتطلع من العملية
غسان : شو شوصاير معا
الممرضة : للأسف متعرضة لطعنة بالبطن بسكين حادة الحمد لله شلنا السكين ومافي اصابات خطرة
غسان قعد بالارض وصار يبكي متل الولاد الصغار والكل عم يبكي ورح يجنو وكأنو مو مصدقين يلي سمعوه
انفتح باب العمليات وطلعت الممرضين عم يجرو ريم وكلون هجمو عليها
الممرضة دكتور هدول هنن يلي تبرعو بالدم
الدكتور : شكرا الكن لولاكن كنا خسرنا المريضة والحمد لله
عثمان وهو عم يبكي : شو عم تحكي هاي بنت اخي
كملو بريم عل غرفة الانعاش ومنعو حدا يفوت
الدكتور : بنت اخووك ؟
عثمان : اي كانت مخطوفة ... الله لا يوفق يلي كان السبب ...غسان واقف على الباب هو وراما وعم يبكو
غسان : انا السبب انا السبب سامحيني ياحبيبتي سامحيني ياعمري
راما : لييش يا اختي .. ياربي دخيلك تنجيلي اختي
الدكتور : استاذ ؟؟
عثمان : عثمان
الدكتور : استاذ عثمان ممكن نحكي بمكتبي
عثمان : اي طبعا دكتور
.... .......
بمكتب الدكتور
الدكتور : استاذ عثمان ممكن تشرحلي انو كيف انخطفت
عثمان : واحد معا بالجامعة كان يحبا وهية ماكنت بتحبو وخطفا مشان تصير الو
الدكتور : اممم ... بس بحب طمنا انو بنت اخوك جسما سليم تماما وكان معنا دكتورة نسائية بالعملية والبنت سليمة يعين مانا ملموسة
عثمان : عنجد .. الله يطمن قلبك يادكتور لانو يلي خطفا بعتلنا انواغتصبا
الدكتور : لا صحتها تمام وعين الله عليها وقصة السكين هية حتى تفيق بتحكي .. هلق الشرطة بتجي وبتحقق بالموضوع
عثمان : اكيد .. يعطيك العافية
الدكتور : الله يعافيك ...
عثمان: ااه دكتور كيفا هية هلق
الدكتور : الحمد لله مافي اي خطر على حياتا وناطرينا لحتى تفيق
عثمان : الله يطمن قلبك ياكتور
...................
راح عثمان لعند الولاد وقال : قلي الدكتور انو ريم محدا لامسا
غسان : عنجد بابا
عثمان : اي جد .. وكمان صحتا منيحة ومافي داعي نخاف
الكل : الف حمد وشكر الك يارب
عثمان : غسان مابدي شوف خلقتك قريب منا عم تفهم
غسان : بس بابا
عثمان : انا قلت يلي عندي .. ومن هلق ياريت تروح على البيت ريم من اليوم بحمايتي ويسترجي اي حدا يحكيها كلمة
غسان : ع القليلة خليني شوفا انها فاقت واطمن عليها
عثمان : انا قلت لا .. يلا روحو ع البيت انا وامك بنضل هون .. صح وينا امك عدنان
عدنان : اطمنت على ريم وطلعت لعند مرت عمي
عثمان : طيب لا روحو انتو
.....................
بيخت بالبحر
بقلبو امين وهاشم وراحين اتجاه تركيا
امين واقف وصافن
هاشم : شبك امين مقهور لانك ماقدرت تاخد شي من ريم
امين : لا مقهور عليها خايف تموت او يصير عليها شي
هاشم : خلص لا تهتم المهم فكر بحالك
امين : اذا وصلنا على تركيا بسلام انا بدي افتح صفحة جديدة وغير حياتي
هاشم : اي متل مابدك
( وهاد اخر لقاء مع امين وبعدا مابنعرف شو صار معو)
........................
تاني يوم
نغم اتصلت بغسان وقابلتو
نغم : غسان شبك .. مانك على بعضك
غسان : ولا شي بس متوتر شوي
نغم : على ريم ماهيك
غسان : اي على ريم لان انا السبب
نغم : وكمان لانك بتحبا
غسان : .....
نغم : غسان اذا محروج مني نحنا بعدنا رفقات وموضوع الخطبة انساه
غسان : ليش نغم
نغم : مانا ظابطة .. نحنا رفقات ومستحيل نكون غير هيك ... وبصراحة كمااان
غسان : كمان شو
نغم بفرح : حكي معي ماهر وقال هو بدو اياني وانو مارح يتخلى عني ورح يعمل المستحيل لحتى نكون لبعض
غسان : عنجد عم تحكي
نغم : اي جد وانا كتير مبسوطة ... وبدي منك ترجع لريم انت بتحبا وهية بتحبك حاج تعذبو بعض لازم الشخص يسامح .
غسان : بس معقول تقبل فيني بعد يلي صرلا بسببي
نغم : هههه اي اكيد .. هية بتحبك وكتييير كمان
.....................
بالمشفى
فاقت انهار وخبروها بالشي يلي صار وفرحت كتير وقامت من تختا وراحت لعند ريم ..
انهار : تقبري قلبي ياماما ياروحي
قربت منا ضمتا وباستا على جبينا وقعدت جنبا ع الكرسي ومسكتلا ايدا
بلشت ريم تفيق
ريم بصوت واطي : بدي مي .. بدي مي
قربو كلون لعندا
راما : حبيبتي انتي منيحة
ريم : بدي ميي
قربو وسقوها شوي بلت ريقا .. وصارو يحكوها وهية نص نايمة ونص فايقة بعدين صحصحت
ريم : شو صار .. ليش انا هون
عدنان : ولا شي بس اكلتي سكين صغيرةببطنك ههه
ريم :شو عم تقول عدنان
عدنان : عم امزح معك .. هلق انتي روقي واحكيلنا شو صار معك
انهار : خلص تركوها على راحتا
ريم : انا بخير ماما .. بس ماني عم اتذكر شي ..اااي تذكرت امين كان خاطفني
عثمان : وبعدين عمو كملي
ريم : كان عم يحاول يقرب علي وانا كان معي سكين اخدتا معي من البيت مشان دافع عن حالي بعد ماشفتو عم يراقبني .. ووجهتو لعندو وصرت قلو اذا بتقرب بدي اقتلك ومابعرف كيف خطرلي فجأة انو اقتل حالي وغرزتا ببطني ومعد اتذكرت شي
راما : ليش هيك عملت .. يعني لونك ميتة شو كنا عملنا نحنا بلاكي
ريم : بقتل حالي ولا خليه يلمس شعرا من راسي .. وبعدين عأساس انتي وماما كنتو مقاطعيني يعني قلت بقلبي مارح تفرق معكن اذا متت او لأ هيك هيك مانكن عم تطيقوني
انهار : لا تحكي هيك .. لا تحكي والله انت عمري وروحي سامحيني ياعمري
ريم ابتسمت وقالت : ماما عم امزح مستحيل فكر هيك المهم انك رضيتي علي وصرتي تحكيني انت وراما
راما : اسفة ياعمري والحمد لله على سلامتك
ريم : الله يسلمك
ريم صارت تتذكر كيف غسان كان ماسك ايدو بأيد نغم وقلا انو هنن مخطوبين وبينت علامات الانزعاج على وجها
جميلة : شبك حبيبتي ليش هيك عبستي
ريم : اااه لا مافي شي بس موجوعة شوي
عثمان : سلامتك ياعمو .. ليكي حبيبتي الشرطة شوي وجاي تاخد اقوالك
ريم : اي ماشي
صفنت ريم وقالت بقلبا : حتى ما اتنازل يجي ويقلي الحمد لله على السلامة مع انو انا كلشي صابني بسببو
معقول ماشفق علي .. بس بكون خبر انو انا صرت منيحة ومافي داعي يجي بكون هلق مع حبيبت القلب نغم .. شو طلعتي حقيرة يا نغم ضلت تتتقرب منو لحتى علقتو فيها ... مو الحق عليكي انسة ريم .. اي والله اااه ياربي ..
ريم : ماما انا موجوعة خلي الدكتور يعطيني مسكن
عدنان : لحظة رح اندهلو
ضلت نهارين بالمشفى بعدين خرجوها وبيت عما ابدا ما تركوها لا الا ولا لاما بس غسان ماشافتو نهائيا
ريم : واخيرا جيت ع البيت
انهار : الحمد لله عسلامتك وان شاء الله مابنفوتو للمشفى طول حياتنا
ريم : ان شاء الله ... بس ايمت بدي طيب وروح ع الجامعة
انهار : عمهلك حبيبتي لتطيبي منيح
ريم مسكت بطنا وقعدت قدام التلفزيون واختا راما جابتلا كاسة عصير وقعدت حدا
راما : ريم بعدك زعلاني مني
ريم : اكيد لا .. انا صدقت انكن تحكوني
راما : الله لا يحرمني منك .. والله معد عيدا هههه
ريم : سترجي عيدها كنو هالمرة مابدي موت حالي ع الاخير مشان ترتاحو مني
راما : اي حبيبتي بدك شي
ريم : بدي تلفوني وينو .. حدا بعتلي بغيابي
راما : لا بس كم زميل كانو عم يتطمنو عنك
ريم : ممكن تجيبلي اياه
راما : من عيوني
جابتو فتحتو وفتحت على اسم غسان وعلى السجل ماكان واصالا شي .
ريم : بقلبا مابدي منو شي غير يقول الحمد لله على السلامة العما شو لئيم .. لئيم بس حبيتو
اجتا رسالة بنفس اللحظة منو فيها : مرحبا ريم كيفك كيف صرتي الحمد لله على السلامة
ريم لو بعرف كنت طلبت شي طلب شو رد عليه هلق شو قصدو من هالرسالة ... اكيد رفع عتب .. رد ولا لأ ... اممم رح رد بس رسالة مختصرة هو قال الحمد لله على السلامة وانا رح ابتعلو الله يسلمك
بتعتتلو الرسالة وهو فتحا فورا .. لما شافا انقهر وقال اكيد مقهورة مني لانو انا السبب انا لازم شوفا بس ابي اذا خبر اني شفتا والله بقوم القيامة .. طيب شو ابعتلا .. اوووف ياربي شو اعمل

يتبع.....

#ولاد_العم
#بقلم_مريم_اليوسف

#الجزء_العاشر_والاخير

كان غسان محتار شو يبعتلا .. وهية قاعدة ناطرة منو شي رسالة .. ملت من الانتظار وقامت فاتت ع الحمام
وهو قرر يتصل ويحكي معا .. اتصل ومافي رد
غسان : اكيد مقهورة مني ..
اتصل بنغم وقلا تروح لعندا
نغم : انا اصلا رايحة لعندا استاذ غسان
غسان : طيب جسيلي النبض وخبريني
نغم : اوك
... .....
طلعت ريم من الحمام ولقت اتصال منو
ريم : ياربي اتصل .. شو اعمل ارجع اتصل بس شو بدي قلو .. اوووف ... خلص رح اتصل ويلي بدو يصيريصير
عم تكبس على زر الاتصال رن جرص الباب
فاتت راما لعندا وقالت : ريم نغم برا جاي تزورك.
ريم ؛ جاي ..
قامت وراحت لعندا
نغم : الحمد لله على سلامتك
ريم : الله يسلمك
نغم : كيفك شو اخبارك
ريم : الحمد لله
نغم : ريم انا اسفة
ريم : نغم لاتكملي انا اصلا ماني حاملة بقلبي على حدا
نغم : دخيلو قلبك
ريم : اي حكيلي كيفك وكيف الجامعة
نغم : انا منيحة الحمد لله والجامعة غير شكل ماناقصا غير شوفتك
ريم :اي منيح ... وغسان شو اخبارو
نغم : ماشي حالو هالفترة لانو كان تعبان
ريم : ااه وشو تاعبو
نغم : بصراحة عليكي
ريم قلبا صار يدق بسرعة وقالت :عليي انا
نغم : اي لانو اعتبر انو هو السبب يلي وصلك لهون
ريم بقلبا : هلق بس هيك
ريم : قصدك تأنيب ضمير مو اكتر .... المهم ايمت بدنا نفرح فيكي
نغم بأبتسامة عريضة : عضت كوساي
ريم انقهرت كتير وقالت : الله يهنيكي
نغم :تسلمي يارب .. مابتعرفي يا ريم شقد انا مبسوطة
ريم بقلبا : هاي جاي تجاكرني وتغيظني يعني
ريم : اي الله يفرحك كمان وكمان
نغم : آمين
ريم : اي شو تشربي
نغم : مابدي عزبكن
ريم : عذابك راحة
..........................
راحت نغم وريم كانت عم تختنق ماصدقت ايمت راحت نغم وفاتت على غرفتا وسكرت على حالا الباب وصارت تبكي
ريم : لسه عم يقهورني كذابة مانا جاي تصالحني جاي تقهرني اكتر .. اااه ياقلبي
صار غسان يدق من قهرا منو فصلت بوجهو وقالت : مزالك خاطب ومبسوطين مع بعض ليش عم يدقلي ..
................
فات عدنان لعند غسان
عدنان : شبك غسان مانك على بعضك
غسان : عم دق لريم ماعم ترد
عدنان : انت عامل معا شي جديد
غسان : لا والله ماعامل شي بس انا بقول مقهورة مني لانو انا السبب لخطفا
عدنان : لا ولوو ريم مابتفكر هيك
غسان ؛ لكن ليش ماعم ترد
عدنان : انا رح دق لراما واسألها
دق عدنان
عدنان : الو راما .. كيفيك حبيتي .. اي حبي شوفيلي اختك ليش ماعم ترد على مكالمات غسان .... اي يلا .. بحبك
غسان : شو قالت
عدنان : قال رايحة تقعد معا وتفهم
..............
دقت الباب راما وفاتت وريم بسرعة مسحت دموعا
راما : حبيتي ليش عم تبكي
ريم : لا مافي شي
راما : حكيلي اختي شوفي
ريم : خلص والله مافي شي بس تذكرت شو صار معي ودمعو عيوني
راما : سلامة قلبك وعيونك
ريم : الله يسلمك
راما : كيف علاقتك مع غسان هالفترة
ريم : ليش انا عم شوفو لغسان حتى ما اجا وقلي الحمد لله على السلامة شو انو واحد لئيم .. بس خلص يتصطفل بيجي ولا عمرو مايجي
راما : بس انتي فهمانة الموضوع غلط
ريم : كيف يعني
راما : يعني غسان بالمشفى ماتركك وصار يبكي عليكي متل الولاد الصغار .. حتى هو تبرعلك بالدم بس ماكن بيعرف انو انتي لما تبرعلك ..
ريم : عنجد
راما : والله .. بس ابوه قلعو لانو هو السبب وقلو اذا بشوفو جنبك مايلوم الا حالو
ريم : مشان هيك ماشفتو
راما : اي مشان هيك .. وكل شوي بيتصل فيني وبيطمن عنك ..
صفنت شوي ريم .. يعني شوبدي انا من كل هالاهتمام اذا نهايتو لوحدة غيري .. بس رح اتصل فيه واتشكر رح كون احسن منو
راما : شو وين شاردة
ريم : لا ولاشي
طلعت راما وريم كانت بدا تدق بس تراجعت وقالت خليه هو يدق
اتصلت راما بعدنان وخبرتو انو ريم مقهورة من غسان لانها ماشافتو وانو هية شرحتلا الوضع
غسان لما عرف انو هاد السبب فورا اتصل بريم وهية ردت فورا
غسان : مرحبا ريم
ريم : اهلين غسان كيفك
غسان : مشتقلك
ريم حست شعلت نار لما قال هيك
غسان : ريم وين رحتي
ربم : اي معك
غسان : عم قلك مشتقلك
ريم : تشتقلك العافية يارب
غسان : هاد يلي طلع معك .. فكرت رح تقوليلي وانا كمان ... المهم الحمد لله على سلامتك
ريم : الله يسلمك
غسان : ريم انا بعتزر
ريم : خلص مافي داعي للاعتذار
غسان : مشتقلك وحابب شوفك بس بابا مانعني قرب منك
ريم : بكرى بالجامعة منلتقى
غسان : ليش بكرا نازلة ع الجامعة
ريم : لا مو بكرى بكرى انو شي كم يوم .
غسان : اي الله يقومك بخير وسلامة يارب
ريم : الله يسلمك ... يلا بالاذن بدي سكر
غسان : اوك على راحتك
سكر غسان وكان حدو عدنان
عدنان : شبك كأنك مافرحت
غسان : حاسس في شي مدايقا كمان حكت معي ببرود
عدنان : يمكن البنت مجروحة من الموقف يلي عملتو معا انت ونغم لما قلتلو انكن بدكن تنخطبو
غسان : يمكن ... على كل حال على التلفون مارح اقدر افهم شبا حتى تنزل ع الجامعة بنقعد انا واياها بنحكي
...........
بعد كم يوم تحسنت ريم وقررت تنزل على الجامعة
.....
غسان قاعد مع عيلتو عم يفطر
غسان : بابا ريم اليوم نازلة ع الجامعة من بعد ازنك اذا بتسمحلي انا وصلا
عثمان : لا عدنان بوصلا
غسان : ليش بابا
عثمان : هيك .. عندك اعتراض
غسان : لا اسف .. دايمة
عثمان : صحة وهنا
جميلة: ماما اكلت شي
غسان : شبعت سلام
جميلة : ليش هيك عم تعمل مع هالولد
عثمان : هو وريم كتير غلطو بحق بعض وانا عم ابعدون عن بعض لحتى يقدرو قيمة بعض بس اكيد رح يشوفا بالجامعة ههههه يعني بصيرو يلتقو من ورانا
جميله : هههه وشو ناطر انت
عثمان : ناطر يجو مع بعض ويقولو نحنا بدنا بعض
جميلة : ههههههه
...................
راح غسان على الجامعة وقعد ينطر ريم ... وريم راحت مع اختا وعدنان وصلوها وراحو
فاتت ريم والكل قرب منا وصارو يسلمو عليها ويهنوها بسلامتا
وكان غسان ونغم بيناتون وضلو للأخير
غسان بأبتسامة مد ايد وقال : الحمد لله على سلامتك ياحلو
ريم تلبكت ونزلت راسا ومدت ايدا وهية عم ترجف .. لما حطت ايدا بأيدو حست ايدو كتير دافية وشي متل الكهربا مشي بجسما
ريم : الله يلسمك
غسان : شو ليش هيك متوترة
نغم : اي تركلا ايدا بلا غلاظتك .. خليني سلم عليها
ريم قالت بقلبا : غارت عليه ..
سحبت ايدا وسلمت على نغم
راحو قعدو على مقعد وغسان قعد جنبا ونغم من الجهة التانية ..
قعدو حكو شوي عن الدراسة والجامعة
نغم حبت تتركون لحالن
نغم : انا عندي شغلة ضرورية بقضيها وبرجع
ريم : وانا كمان قايمة على القاعة
وقف غسان ومسكلا ايدا لريم وقلا ريم خليكي شوي هية استغربت منو ومن اسلوبو
نغم : ريم خليكي
رجعت قعدت
غسان : ريم ليش هيك عم تعامليني
ريم : مافهمت كيف لازم عاملك
غسان : ما انتي قلتي انك بتحبيني
ريم : غسان شوبدك
غسان : بدي نرجع لبعض
ريم : ونغم ما عأساس بدكن تنخطبو
غسان : نغم ؟؟
ريم : اي نغم ولا نسيت هداك اليوم
غسان : ليش نغم ماقالتلك
ريم : اي قالتلي انكن بدكن تخطبو عن قريب
غسان : اصبح صاير سوء فهم منك .
ريم : شو يعني
غسان : انا ونغم تراجعنا عن فكرة الارتباط وهية ماهر رح يجي يخطبا
ريم : شو يعني
غسان : يعني انك مجنونة
ريم : انت المجنون .. بكرهك
غسان : بموت فيك
من الفرحة ضمتو وصارت تبكي
ريم : بحبك .. بحبك
غسان : يا الله هالكلمة طالعة من تمك بتجنن ... شقد صرلي ناطرة
ريم : ماقلتلك اياها وبكيت عند رجلك وانت ولا اهتميت
غسان : كان بدي ربيكي
ريم : بس كنت ناوي عنجد ترتبط بنغم
غسان : مابكذب عليكي بصراحة اي
ريم : هلق مارح حاسبك بس اتأكد رح يجي يوم وحاسبك عليه
غسان : دخيل قلبو يلي ما بينسى
...........................
بعد ٣ اشهر
ريم وغسان مصمودين على منصة العروسين وراما وعدنان مصمودين جنبن
غسان : اميرتي طالعة بتجنن اليوم
ريم : ميرسي حياتي
عدنان : راما بحبك
راما : وانا كمان بحبك ياعمري
قامو رقصو على غناي سلو .. وبعدين قعدو .. وطلعت غناي شو عملتي فيي يا هالصابية البي وعنيي دابو بجمالا
وغسان هو يلي طلبا وهداها لريم بهي الليلة
خلص العرس والعروسان راحو على بيوتن
عدنان حمل عروستو وفاتو على غرفة النوم وسكرو على حالون .. اما عند غسان وريم
غسان حمل ريم ودخلا على الغرفة ونزلا على الارض
مسكلا اديها وصار يتطلع بعيونا
غسان : حاولت حب غيرك حاولت انساكي بس انت طلعتي روحي والواحد مابيقدر يعيش بلا روحو
ريم : يا الله ما احلا حكياتك ياغسان
قرب بدو يبوسا بس ريم حطت ايدا على تمو وقالت لحظة غسان على شو مستعجل
غسان : شو على شو مستعجل .. لك مشتقلك كتير
ريم : بالاول بدي كاسة مي لانو ناشف ريقي كنت رحت انا بس رح اتلبك كتير بالفستان
غسان : هلق رح تكون عندك احلا كاسة مي .. طلع غسان من الغرفة وريم بسرعة راحت لعند الباب وقفلتو
غسان جايب كاسة المي اجا بدو يفتح الباب لقاه مقفول
غسان : ريم ليش سكرتي الباب
ريم : هيك .. وما الك نومة عندي عم تفهم
غسان : ريم لاتجني شو صاير معك
ريم : ولا شي بس لاتحلم تفوت لعندي او تحاول تلمسني
غسان : ريم مابحب المزح انا على فكرة
ريم : ومين قلك اني عم امزح
غسان : ريم شو نسيتي الحب يلي بينا لك شو صاير لعقلك
ريم : لا مانسيت وانا كمان بحبك كتير كتير كمان
غسان : لكن شو المشكلة
ريم : بتتذكر لما قلتلك بدي حاسبك لانك فكرت تتركني وترتبط بنغم واليوم بدي حاسبك
غسان : ريم مالقيتي غير هالحساب لك انا رح موت لحتى ضمك ونيمك بحضني يلا افتحي
ريم : هئ ماني فاتحة والحساب رح يكون اسبوع
غسان : ريم لأ انتي كتير زدوتيها فتحي ولا بعدين والله بزعل منك
ريم : هاد يلي عندي بتزعل بترضى انت حر
غسان : لا تلعبي بأعصابي لانو انا اذا جنيت مابعرف شو بيطلع معي
ريم : ما فارقة معي
غسان : طيب بدك تضلي على طول محبوسة انا ناطر هو
ريم : عادي اصلا اليوم مارح اطلع رح غير تيابي ونام وفي حمام بالغرفة ولما جوع بطلع بكونو اهلنا اجو
غسان : عم تمزحي ماهيك
ريم : لا ابدا ماني عم امزح يلا تصبح على خير حبيبي
غسان : طيب عطيني بجامة هيك بدي نام بطقم العرس
ريم : انت حر
يلا تصبح على خير
غسان : ريم لاتنامي بترجاكي
معد طلعلا صوت
غسان : ريييم ... ريييم
طلع مفتاح من جيبتو وصار يضحك على السكت راح فتح التلفزيون تفرج على المباريات
اتطلع على الساعة كانت صاير ٢
غسان : بتكون نامت
قام وفتح الغرفة وفات كان فستان العرس معلق وهية فاردة شعرا ونايمة ولابسه قميص ابيض حرير
غسان : ههههه لك صرت حافظك بصم مشان هيك عملت احتياطاتي وعملت نسخ لكل غرف البيت شلح وضل بتيابو الداخليات وراح نام جنبا وقال مبين عليها تعبانة خلص خليها نايمة وبكرى الصبح بفرجيكي غسان على حقيقتو يا ريم هههههههه
الصبح فتحت عيونا ريم ولقت غسان جنبا وقامت بسرعة
ريم : غسان .. غسان ..
فاق غسام واتطلع على ريم وابتسم وقالو : صباحو حبيبتي
ريم : لك انت كيف فتت لهون
غسان : من تحت الباب ههههه تجلس وسحبا لعندو وضما على صدرو وقال : حبيبتي الاعيبك ما بتمشي علي
ريم : ياربي منك كنت حابة اقهرك شوي
غسان : ههههه بصراحة انتي قهرتيني كتير وما شوي كمان ..
ريم : بس فتت ونمت هون بالاخير وين القهر بالموضوع
غسان : القهر انو طول الليل قاعد وصافن فيكي وماحبيت قرب منك مشان ما ازعجك القهر انو لهلق ماصرتي مرتي
ريم : خلص غسان عم تخجلني بحكيك
غسان : لك عم تدبحيني بجمالك ..
نيما على التخت واتطلع عليها وقال : مابعرف شو بدي قلك .. بس الشي يلي بفهمو انو معد استحمل اكتر من هيك ........
..........................
بعد سنة
مجتمعة العيلة كلا
ريم قاعدة وبطنا كبير قداما ..وغسان قاعد جنبا .. وراما وعدنان قاعدين على جنب وعثمان وجميلة وسما وانهار
راما : ريم حبيبتي ايمت قالتلك الدكتور بدك تولدي
ريم : مابعرف بس صرلي انهارين مخلصة شهري ..
انهار : عادي ماما انا فيكي اكلت ١٠ ايام من الشهر العاشر
ريم : والله هالحمل تابعني كتير .... عاساس مابدنا نجيب ولاد لحتى خلص جامعة ..
عثمان : لاتحكي هيك عمو هيك رب العالمين راد
غسان : اكيد بابا نحنا مانا زعلانين بالعكس مبسوطين .. بس انو نأجلا شوي
جميلة : انتو خلفوه وعطوني اياه وخليها تكمل دراستا
عدنان : بصراحة انا بدي اعمل متل غسان بصراحة عم غار منو لانو بعد كم يوم بيمسك ابنو بين اديه ... شو رايك حبيبتي
راما : اي مزال مرت عمو عم تربي وتربي بنحطو عندا ههههه
جميلة : والله بحطون بعيوني انتو ماعليكن .. بدي تملولي هالبيت ولاد
سما : اي والله ياريت لانو والله عم مل كتير بصير بلعب انا واياهن
ريم : حبيبتي من هلق ابني مانو للعب
سما : انا عمتو وانت مادخلك
ريم : هههه ليك ما اقوها ههه اي حبيبتي ابني وامو على حسابك
انهار : ياريت ابوكن عاش لهل اليوم لحتى يفرح فيكن
ريم وراما بحزن : اي والله .. الله يرحمو
غسان : عمري بتقدري نروح اليوم على عرس نغم وماهر
ريم : اكيد حبيبي معقول ماروح على عرسن

المسا ريم وهية عم تلبس قدام المراي ومبين على وجها التعب .. اجا غسان وضما وحط ايده على بطنا
غسان : يقبرني الحامل والمحمول
ريم : صايرة دبدوبة كتير ماهيك
غسان : اذا صرتي قد الفيل رح ضل حبك ..
غسان حاطط ايد على بطنا قال كأنو حركتو لابني خافة هالنهارين
ريم : اي قالتلي الدكتورة لانو عم ينزل بالحوض
غسان : يعني قرب يجي هالازعر وينورلنا حياتنا
ريم :هيك الظاهر
ريم : حبيبي حاسة حالي تعبانة
برما لعندو واتطلع فيها وقال : شبك ياروحي
ريم : حاسة جسمي فارط و اسفل ضهري عم يوجعني
غسان : حياتي اذا تعبانة بلا مانروح ع العرس المهم صحتك
ريم : لا مابصير بعدين بيزعلو
غسان : اي يزعلو المهم صحتك
ريم : ااااااااااه
غسان : ريم شبك ..
ريم : غسان قوي الوجع فجاة .. ااااااااه ... اااااااخ .. غسان الوجع عم يقوى اااااااخ
غسان : شو يعني شو اعمل
ريم عم تاخد نفس من تما : يمكن عم ولد اووووه اااااخ .. خدني ع المشفى .. واتصل بماما وامك ..ااااااااه ..
غسان : يلا يلا احملك
ريم : لا بقدر امشي بس ساعدني .. ليك غسان في شنتة بيبي بالخزانة انا مجهزة فيها الديارة جيبا معك
غسان تلبك ومعد عرف شو يعمل
...................
بالمشفى قدام قسم التوليد
موجود غسان و جميلة وانهار وراما .. وصوت ريم طالع من جوا .. اااااااااااخ ... يااااربي معد استحمللللل .... ياماااااامااااا .... ااااااخ يارب يارب
واقفين وعم يبكو واكتر واحد غسان رح يفرط
طلعت ممرضة
غسان : كيفا مرتي .. ليش لهلق ماولدت
الممرضة : لسه بدا وقت
غسان : شو لسه بدا وقت لك رح تموت من الوجع
الممرضة : طبيعي هاد الوجع
غسان بصوت عالي : شو يعني طبيعي كل هالصياح وطبيعي ...
ممرضة : استاذ مافي داعي تنفعل
جميلة : ماما اهدى والله طبيعي
غسان : ماما مانك سامعتيها .. رح تموت من الوجع
ريم : ااااااااااااااخ ياربي سااااعديني
غسان : يارب يارب ... تقوما بخير وسلامة يارب
ريم صرخ صوت قوي كتير : اااااااااااااااااااااخ وبعدين سكتت
غسان : ماما سكتت شو صار .. وفجاة سمو صوت الولد عم يبكي
فرحو كتير وغسان من الفرحة ضم امو وهو عم يبكي
جميلة : مبروك ياعمري .. مبروك
طلعت ممرضة وقالت : الف مبروك الام صحتها منيحة والبيبي صحتو منيحة الف مبروك ... ااه صح جابت ولد حلو كتير بتطير العقل
الكل: الف حمد وشكر الك يارب
................
طلعو ريم على غرفة عادية وكل اهلا حوليها
غسان قاعد حدا وماسكلا ايدا
غسان : تعذبتي ماهيك
ريم : نسيت كل الوجع لما شفتا ابنا
غسان : خلص معد بدي غيرو
ريم : ليش
غسان ؛ معد استحمل شوفك عم تتعذبي هيك مرة تانية
ريم : هههههه دخيل قلبك ... بس انا بدي
غسان : وانا مابدي ولد واحد بكفي
عدنان : اخي انو فهمنا
غسان : انا مرتاح يلي مدايق يطلع لبرا
عدنان : مو مشاني مشان ابوك صرلو ساعة واقف وراك تلبك غسان وقام فورا ..
عثمان : هههه الله يخليكن لبعض
غسان : ويخليك فوق راسنا
عثمان : مبروك ياولاد
ريم وغسان : الله يبارك فيك
عثمان : عطوني هالازعر خليني شوفو
حملت الولد انهار وجابتو لعند عثمان
عثمان : مشاء الله تبارك الرحمن ... سبحان الله شو بيعطي شبه لاخي محمود
ريم : عنجد عمو بيشبه بابا
عثمان : اي والله يابنتي ... وهاد من اليوم اسمو محمود محمود الصغير
............................
بعد اشهر
ريم : حبيبي حباب انتبه لمحمود بس لادرس شوي
غسان : والله حرام عليكي لك جاي من الشغل تعبان
ريم : وانا كمان عندي امتحانات
غسان : طيب ماشي انا رح طعميه ونيمو
ريم : هههه لاتحاول مارح ينام
غسان : واذا نيمتو شو بتعطيني
ريم : نيمو وخود شو مابدك .
غسان : هلق شوفي مابنيمو
بعد شوي اجا غسان وضم وريم من ورا وهية قاعدة على الكرسي عم تدرس .. وباسا على رقبتا
ريم : غسان وينو محمود
غسان : نيمتو
ريم : عنجد
غسان: والله
ريم : اي وشوبدك انت هلق
غسان : ما نتي قلتي نيمو وخود يلي بدك اياه
ريم : وشوبدك
غسان : بدي اياكي
ريم : بترجاك حبيبي عندي دراسة
مسكا من ايدا وسحبا وقال ربع ساعة
ريم : ههههه اااخ ياقلبي
قربا منو وضما وقرب يبوسا وحط شفافو على شفافا وغمض عيونو ... وفجأة طلع صوت محمود عم يبكي
غسان بقهر : لا ولووووو
ريم : ههههه اي روح لعندو روح
غسان : رايح بس راجعلك
ريم : هههه اوك ناطرتك

*************النهاية*******