رحلتي _مع_العذاب

#رحلتي__مع_العذاب .. القصه عباره عن
((((( 9 اجزاء )))))
ورح حاول نزلها كلها الليلة
الجزء_الاول

قرب عليي وانا بلشت خاف واترجااه يبعد ماكنت عارفي شو في براسو بس عيونو تقدح شرار وحركاتو بتخوف ومابتطمن ماكنت بعرف شو رح يصير فيي ..اجى وحط عيونو ب عيوني وجاب لزيق وحطو على تمي وانا صررخ واترجاه وبعدها غمض عيوني وبدأت معاناتي الي ما فهمت لي هيك لبعدين .. غبت عن الوعي وماحسيت حالي الا على طرف الطريق وتيابي مهترية ..
يا الله كون معي وين كنت ووين صرت هههه رغم الدمع الي على عيوني لملمت كسري وجروحي وكل ما المس ايدي صرخ من الالم شفت في جنبي جاكيت طويل عرفت انو منو .. لبستو وكفيت مابعرف على وين رايحة ولا على وين اخدتني رجليي كنت منهارة بحجم الوجع الجسدي كان الوجع النفسي .. اضحك وقول والله كنت مبسوطة شو عمل فيني الزمن مسحت دموعي وشفت موقف السرافيس وقفت اننظر الباص وكنت محطة فرجة للناس مستغربين من لبسي المهتري ومن شي ع وجهي ماشفتو .. اجى سرفيس وطلعنا وقعدت من جهة الشباك ماكان بدي اطلع بحدي كرهت كل شي كنت عم اسرح بخيالي ورجعت لوراااا

((قبل سنتين ونص )) ..

كنت عم حاكي رفيقتي نورة ع الساعة 4 العصر وعم نتناقش بالمفاضلة الي طلعتنا
نورة : يعني شو هلق جنى خانم بعدك مصرة تدخلي علم نفس
جنى .. لي في أحلى منو اي والحمد لله علاماتي بتأهلني ادخلو ومبسوطة فيه

نورة : ازا على العلامات انتي فيكي تدخلي إعلام بس من شو بيشكي أدب الفرنسي بندخلو سوا وبنكمل سوا

جنى .. لا حبيبتي حابي ادخل هل لفرع لتعرف ع الناس وسلوكيأتن وكيف اقدر اتعامل مع كل فئة .. تعي معي فيه

نورة .. وكك ما بطيق الفلسفة وهيك شغلات وكلو حفظ ،رجعي فكري منيح والله بننبسط

وهون بتفتح الباب امها وبتدخل بسرعة .. جنى بتضلي على التلفون سكري عاوزتك
نأزت من دخلة امها لان كنت مدموجي بالحكي مع نورة وسكرت وسلمت عليها والتفت لتحكي معها

اي أمي تفضلي حكيلي شو في ؟؟
الام : قومي زبطيلي حالك وتجهزي جاينا جماعة ليشوفوكي
جنى : ''بخجل '' حاضر أمي

رتبت البيت والضيافة وفاتت على غرفتا وفتحت هالخزانة عم دور على شي مناسب وتطالع بهالتياب ولبست فستان كم طويل كلوش زهر وبيج ورفعت شعرها الدهبي الطويل وحطت روج زهر فاتح كانت مع بشرتها البيضا وعيونها الشهل الكبار ورموشها المقلوبات قمر مصور .. طلعت من غرفتها بوجها على المطبخ كانت مجهزة كل شي عملت القهوة صبتها بالفناجين لتسلم على الجماعة فاتت مبين عليها التوتر ووجها مورد من الخجل ضيفتن القهوة وقعدت والمرة طار عقلها فيها وتحكي ما شاء الله شو هالقمر الله يحميها .. شو اسمك حبيبتي

.. جنى خالة

المرة .. دخيل هالصوت الناعم حبيبتي .. عاشت الاسامي
اي أم محمد انا من وقت شفتا بمباركة كنتا ل ام عصام وهية دخلت لقلبي وهي عطيتك كل شي عني ابني وبتمنى تخبرونا بأسرع وقت .. هون حملت حالا جنى استأزنت وطلعت ..
كانت مبسوطة ومتوترة مدري شو صار فيها هداك اليوم وما بتعرف شو رح يصير بعدين بالليل دخلت أمها لعندا وحكتلا ي ابنتي انا خبرت أبوكي عن الجماعة ماعندو اعتراض بس حابب يعرف رأيك بالعريس ..
اسمو وضاح عمرو 26 سنة دارس صيدلة وبيشتغل بشركة أدوية .. بحب يشتغل بمجالو اكتر مايقعد بالصيدلية على حكي امو راتبو منيح وعندو بيت فوق اهلو وسيارة
ازا موافقة مشان نحكي مع الجماعة تشوفو بعض
خجلت وحكيتلا ما بعرف الي بدك ياه ومبين عليها مبسوطة (( يمكن لانو حابي جرب هيك قصص من كتر رفقاتي مابيحكو ع المواقف الي بتصير معن ))
حكتلا أمها اي طيب رح نخبر الجماعة معناتا وطلعت وكانت جنى متمددة على التخت وتلعب بشعراتا وتفكر وتضحك وتتقلب يمين وشمال ويومهاة طولت لنامت

صباح تاني يوم ..
كانت الأم بلشاني توظيب البيت وعم تحاول تصحي جنى بس مافي أمل نايمي بتصحى بترفع راسا بتحكي كلمة وبترجع بتنام تركتا وراحت بلشت تحضير الغدا لان أبوها بحب ياكل ع الظهر ، بالمطبخ عم تشوف الطبخة على النار وعم تفرم خيار وبندورة للسلطة وبعد ماجهزت كل شي تقريبا دخلت لعندا جنى عم تتاوب صباااا ... حو امي بدك شي مساعدة

صباحو قوولي مساؤؤ روحي غسل وجهك وتعي لحقيني انا خلصت بس مشان تجلي كم طنجرة

جنى .. طيب امي
وبعد ما اجى الاب قعدو وتغدوا قال ابوها لامها حكيتي مع المرة ؟؟
الام : لا اليوم بحكيها وبقلهن يتفضلو المسا
وفعلا بعد العصر كانت قاعدة امها جنى قالت لاحكي مع الجماعة وحكتلن يتفضلو اليوم
وجنى سمعت الحكي وما بتعرف شو صابها توترت لانها رح تشوف العريس وصار شي جدي
راحت ع غرفتا وعم تحاول تعمل حالا مالا خبر والقصة عادية بس التوتر مبين نادتلا امها وحكتلا شو تعمل وكيف تفوت وكل شي وع الساعة 8 اجو الجماعة على حسب الاتفاق .. واهل جنى عم يأهلو ويسهلو وصار موعد دخول جنى سلمت بصوت ناعم وعم تحاول تكون هادية وقف وضاح وهية سلمت ع الكل ووصلت لعندو مبين غير شكل بأناقتو وبجمالو .. وقعدو وبلشت تفرك باصابعها من التوتر وحاسة مافيها تطلع لان وضاح بس عم يطلع فيها وعطاها اشارة لامو انو موافق و اتفقو على كل شي ...

وهون حدى بينكشى ل جنى وبيقلا لو سمحتي هاد اخر موقف للسرافيس رجعت جنى لواقعها المر الي ما معروف نهأيتو ...

#رحلتي__مع_العذاب ..
الجزء_الثاني
رجعت على واقعها المر ونزلت ودموعها عم تنزل متل زخ المطر العالم بلشو يخفو وهية افكارها جامدة اطلعت بالساعة وحكت مافي غير أهلي بيفهموني ورح يحاولو يعرفو .. مشيت ومتلهفي بس تعبت أخدت تكسي ووصلت على بيت اهلها بس طول الطريق الشوفير يطلع فيها متل القرفان حاسبتو وراح ودغري لعند أهلها دقت الباب وكلها تعب وعم تسند حالا على ايد الباب فتحلا ابوها
.. بابا حبيبي عم تبكي واجت لتحضنو
قام دفشها وقلها ماعندي بنات ارجعي لعندو ياقليلة الترباية انا هيك ربيتك بس من اليوم ورايح مابقى عندي بنت
جنى .. بابا أسمعني فوق مو لازم تحط الحق معي صرت معو .. تبكي بابا
قربت لعندو خليني قلك شو صار من لمى اجى
هون الاب عصب وعبق وجوهو أحمر وضربها هداك الكف الي معو تجمدت كل مشاعرها ل جنى
وقلها بكل وقاحة بدك تحكي .. انقلعي من بيتي رح ادعي عليكي تموتي وارتاح منك

جنى ..(( انا مع هداك الكف متت فعلا لان طول عمري ما دقت كف ولا أهاني ابي بس ما بعرف لي واقف معو هالوقفة شو حكالو .. )) صدمتين بيوم واحد نزلت من البيت بدون وعي بدون هدف ورجعت فقدت الوعي وما حسيت على حالي الا في وحدي واقفي فوق راسي كان شكلها طيب بس صرت اطلع واسالها شو جابني لهون
حكت انو هية ساكنة بنفس الحارة الي شافتها فيها كانت راجعة من عند أهلها واخوها وصولا ولما شافو جنى هيك حمولوها وجابوها ع المشفى

جنى تبكي .. لي ما خليتني هيك
اخ لك لي عم يصير معي هيك شو زنبي ....
صارت المرة تهديها وتحاول تخفف عنا لوقت مارجعت تعبت وحكت الممرضة لازم نعطيها إبرة منوم تريح فين حالا .. عطتها ومشيت بقيت المرة عند جنى واخوها اتصرف بالاجراءات وقاعد ناطر برا .. كانت جنى وهية نايمةة حدا دمعو عيونها هون المرة فضولها زاد لتعرف شو ورى كل هالبكي .. ولي كانت بالارض ولي مافي شي حواليا يدل ع شي
خبرت زوجا واخوها انو رح تنام بالمشفى مع البنت وكتير تعباني .. انقهر زوجا بس روقتو وحكت مع اخوها وراح ... نامو وع 7 الصبحة اجت ممرضة لتفحص البنت وتعطيا دوا وقالت صارت احسن بس أهم شي هي الفترة نفسية تكون مرتاحة .. ضحكت جنى بس بوجع وحكت ايه كتير .. ايمت فيني اطلع ؟؟
الممرضة : هلء ازا بدك
جنى : طيب ..
اطلعت بالمرة جد شكرا كتير الك لولاكي من بعد ربنا كنت ضعت بزيادة
هون المرة حكت الناس لبعضها وانتي من الحارة يعني جارتي وامرك بهمني .. بس سؤال
جنى .. اتفضلي
المرة .. شو وصلك لهون ومبين عليكي بنت حلوة وصغيرة
جنى .. ما لأعرف انا شو وصلني او شو صار
ورجعت للبكي قربت لعندا المرة وبلشت طبطب ع كتفها حتى ارتاحت واعتذرت منها وقالتلا هاد رقمي كل ما احتجتيني بتلاقيني عندك
اتشكرتا جنى وطلعو من المشفى كل واحد فيهن اخد طريق حياتو ...

الجزء_الثالث
مو ضروري كل شي خططنا يكون صح وزابط ..
كانت جنى قاعدة بالحديقة عم تتأمل هالناس وتطلع بحزن على الولاد .. في غصة كبيرة جواتا حست بالجوع وعرفت مامعها مصاري وقعدت ورجعت قامت مبين عليها الرضا اطلعت بأسوراتها الدهب ماسكتا بكل قوتها وهي فايتة على سوق الذهب عم تدور ع وين اقل زحمة ،فعلا شافت في محل ماعندو كتير ناس فاتت .. سالها الصايغ شو بدها اول شي فكر جاي تشحد او تسرق لان تيابها ومنظرها هيك بيوحو ، طلعتلو اساور شافن وفهم بدها تبيع ..قلها انتظريني شوي اختي لبين ما خلص من هالزبونين .. هزت براسها وساكتة وقاعدة عم تتفرج بشدها منظر شب وصبية عم يختارو محابسن ومبين عليهن قديش مبسوطين .. هالمنظر رجعلا ذكرياتها الموجعة

... قبل سنتين ونص ...

اندق باب بيت اهلا ل جنى وهي رايحة تفتح الباب بتندهلا انو تستعجلة بيت حماها وصلو .. هي بعدها متلبكة لبست وجهزت حالا وكانت مبينة اليوم احلى من المرة الماضية لابسة تنورة مكسرة طويلة رمادية وكنزة بيضا في عرق زهري ورمادي اخدت نظرة اخيرة وراحت لتسلم على حماتها والعريس الي عيونو ما نشالو عنها مبين عاجبتو كتير وبعد ما شربو قهوتن نزلو

امو للعريس .. تعالو بالاول نشتري الذهب بعد اللبس
لان وقت الملابس وضاح مالازم يكون موجود

ام جنى : ئي ماشي ام خالد متل مابدكن
هون اطلع وضاح ع امو ليبين انو انزعج

وكانت جنى خجلاني وماعم تحكي شي مشي وضاح جنبها و بلش ياخد ويعطي ..
كيفك يا عروس
... الحمد لله تمام
دخيل الله على الصوت الملائكي
... تسلملي كلك زوئ
الله يسلملي ياكي يا ئمر

نادت أم خالد لابنها مشان يفوتو على محل الصاغة فاتو والسعادة مابتنوصف عليهن هنن التنين وبلش الصايغ يطالعلن بالمحالس ويختارو اي اجمل وكانت كل ماتلبس محبس يقلها وضاح غزل شكل وهي مبسوطة و خجلانة .. طلب وضاح من الصايغ يحفر اسماءن على محابس بعض ورجعو يسالوها عن طقومة الدهب هون تركت جنى الخيار والحرية لبيت عمها وفعلا كان زوئ وضاح حلو جاب طقم تقيل بين دهب والماس ورجع اشترالها 4 اساور سحبات .. بعد ما حاسب وضاح الصايغ حملو حالن وطلعو وحكتلو أمو انتهت مهمتك انت يعطيك العافية سكت وضاح وودع الكل ومشي حتى جنى كانت حابتو يبقى بس مافهمت لي امو ماحبتو يضل وصارو يتفتلو بالمحلات لتختار فستان وتوابعو وبعد الفتل والدوارة اختارت جنى فستان خطبة مفرش لونو كيوي وفيو الماسات ذهب ومع تاج ناعم ذهبي وطقم دهبي وفيو حجار كيوي .. والكندرة ذهبية
وباركولا حماتها وامها وحكولا ان شاء الله زواجة الدهر

وسرحت ورجع حدا حكاها يا اختي يا اختي .. اطلعت فيه جنى للصايغ وكانت دمعتها على خدها عرف انها كانت سرحانة بشي موجعها ..
ادارك الوضع وقلها عمي مابقي زباين قلت اعرف ازا لسى بدك تبيعي الاسوارة .. قامت جنى وقالتلو : أي اي عمو بدي بعيها وشلحتها وعطتو ياها وصرفا وطلع حقها منيح اخدت المصاري وكفت وبوجها على شي محل سندويش اشترت سندويشتين شاورما وعلبة بيبسي تاكل بقوة يا اما من الجوع او الوجع بعد ما خلصت حكت وين بدي روح هلء كيف بدي عيش بس لازم اول شي اشتري تياب لبين متل العالم .. قامت وهي عم تتمشى وتتفرج على المحلات والناس فاتت على محل البسة مبين مانو غالي اشترت كنزة طويلة وبنطلون اجت لتدفع حقن حطت ايديها بجيبا استغربت في شي متل الكرت طلعلتو وشافتو .. حاسبت المحاسبة وطلعت وضلت الهوية بجيبتها حكت حاططلي ياها شو حنون وضحكت وكملت طريقها .. خطر على بالها وهي رايحة تتصل على نورة بس خافت ما تتقبلا ترددت واتصلت ..

جنى : ا.اا ..الو مرحبا نورة
نورة : لك اهلين انتي عايشة .. شغلتي بالي
جنى : اخ يانورة موجوعة .. معلش اجي لعندك
نورة : تضربي ئي اكيد تعي اهلا وسهلا
سكرو وراحت جنى اخدت تكسي واضح عليها انو نفسيتها صارت احسن لان لقت مين يسمعها وصارت تدل الشوفير على الطريق من هون عمو لف على ايدك اليمين اي هاد البناية وصلت لعند بيت نورة دقت الباب ..
فتحتلا نورة وعم تقلا اهلا وسهلا لك وينك ا
اجت حضنتا جنى وتبكي عم تبكي وتتوجع كان الالم واضح عليها وخلت نورة تبكي على بكوة جنى ودخلتلا
وهي عم تتوجع ....

#يتبع

#رحلتي__مع_العذاب .. الجزء_الرابع
بعد ما رتاحت جنى وهدتها نورة سكتت وبعدين صارت تقول لك حدي يفهمني لي هيك شو زنبي شو ساويت ..
نورة .. هدي حالك حبيبتي وفهميني شو الي صار ولي امك اتصلت علينا عم تسال عنك مع انو معروف مانك عندي وخايفي عليكي وطلبت مني ازا شفتك خبرهاة الها مو لابوكي ..
جنى .. هاد ي اختي بهداك اليوم ..... ........

في بيت (ام محمد ) اهلها ل جنى
جمانة : أمي كرمال الله تهدي حالك ..
الام : لك اجت لهون وعم تبكي أبوكي قلعها وما بعرف ع وين راحت ولا وين نامت وطلبت من ابوكي يدور عليها قلي مابدك ارجعا كمان وبوس راسها .. عمرينها تنقلع ماعاد عندي بنات .. فضحتني وخذلتني

جمانة : لك شو مفكرين انتو جنى مستحيل تعمل شي غلط ولك كانو مبسوطين والدنيا كلها حاسدتن ..

ام : انا بعرف لك ماسمعها ابوكي وعم تصرخ وتبكي ماقدرت شوفها وهي تترجا أبوها تحكي معو مارضي
ماكنت بعرف أبوكي عند هالقسوة قلي احمدي ربك ما دبحتا بأرضها

جمانة : امي كل الرجال بهيك موضوع مابفكرو بقلبن
بس لازم اوصلا اخدها لعندي انا جوزي مسافر وبتبقى عندي وبعرف قصتها

ام : لك على هوى ما قلي ابوكي حالتا بتخوف لا لبسا لبس ولا شكلا حسيت خوفو عليها بس قسوة والكبرياء عمولو عيونو

جمانة : والحل أمي .. لازم نسأل عنا رفقاتا
ام :اي حاولي مع انو ما بعتقد حكيت مع رفيقتا نورة وسالت لي بدها تجي لعندها بهيك وقت .. وكانها مستغربة او حاسة بشي

جمانة : لي المغضوب حكى شي .. قال شي
ام : لا بس حكالناا وقال رح يستر على السيرة ..
جمانة : الله لايوفق الي كان السبب
ام : اااخ امين .. ((بلشت تبكي ))
جمانة : طولي بالك امي والله لترجع على حضنك وتكون معززة مكرمة .. مسحيلي هالدموع وفرجيني ضحكتك الحلوة
ام : الله يرضى عليكي يا بنتي وعلى اخواتك وارجع شوفكن حواليي بخير ومبسوطين ..

... عند نورة والمحادثة بينها وبين جنى ...
نورة : لك كل هاد صار وانتي شو عملتي لك لي ماحكيت
جنى : انا عم احكي بس ما كان في مجال بعدين اترجيتو يبعد عني وصرخ وهوي ولا هون
نورة : الله يوفقو كيف عامل ولا جسمك هاد وحش مو انسان
جنى : لا تدعي ماعاد ينفع شي .. تركني وراه وراح
نورة : طيب لي لك كان لازم تبعديه عنك ..
جنى : لك ماعاد حسيت على شي ربطني وغمض عيوني وسكر تمي وبلش فيني وانا اتوجع واسكت وبالاخر حسيت ع حالي بالطريق وجنبي جاكيت كان حاطط هويتي مشان ازا حدا دعسني او صرلي شي يعرفو ههههه
نورة : بعيد الشر عنك يا روحي .. طب واهلك ؟؟
جنى : هههه اهلي تبرو مني مع اني مافهمت لي وابي قلعني وما شفتا لامي بس اكيد هي ماتبرت ..
نورة : في شي قصة بالموضوع لازم ندور ونعرف شو صار حتى وصلتي لهون من بعد ماكنتي معروفي بقوة شخصيتك وثقتك بحالك صرتي وحدة مكسورة لا ي جنى لازم تقوي ونعرف كل شي وتخبري أهلك ..

جنى : ما لافهم انا وبعدين اهلي ماسمعوني وتركوني بنص وجعي ما ح احكي مع حدا .

نورة : لا تخلي الغضب يعميكي اي اهل رح يعملو هيك ازا في شي غلط ومافهمو .

جنى : لك غلط شو ما لافهمو بس عم اسمع كلام طالع نازل .... واهانات

رن التلفون ....
رفعت السماعة نورة وعم تحكي جمانة لك اهلين يا قاطعة مو ع اساس انا اختك التالتة لي ماعم شوفك
.. صارت جنى تأشرلا ماتحكي وتبكي
نورة .. ماردت عليها اي جمانة هية عندي من شوي اجت ودمعتا مانشفت بس لافهم لي هيك صار
طيب متلة مابدك ناطرتك .

جنى : شو !؟؟؟؟؟
نورة : جايي جمانة بعد شوي .. يلا منيح بلكي نفهم شي
جنى : اخ ياريت
نورة : قومي بدلي تيابك وانا رح ساوي شي شغلة على بين ماتجي جمانة
جنى : طيب يلا ..
شوي وبتنادي جنى ل نورة بدك مساعدة ؟؟

نورة :لا حبيبتي ارتاحي يلا شوي وبجي
جنى : يا الله كانو اتاخرت جمانة
نورة : لا ما تأخرت مسافة الطريق ..
جنى : من بعد البيت يعني مافي الا حارة بينا
وهي عم تحكي هيك اندق الباب .. قامت جنى
اجت نورة لتفتح الباب يلا يلا لك اهلين جمانة والخالة اهلا وسهلا تفضلو ..
جمانة وامها : اهلين فيكي حبيبتي .. موجودة جنى
نورة : اي من هون
دخلو واجت جنى على حضن أمها تبكي وصارت الام تبكي وخلو الكل يبكو معن وهي عم تتشلهف اااه ي اام وتبكي وجعني تبكي امي لي صار معي هيك ...
قعدتا الام وهدتها .. طولي بالك امي
جمانة : هداك المغضوب اجى بكل وقاحة لعند اهلك وفرجاهن صور ومحادثات ك دليل .. مشان يبرر الي عملو الله لا يوفقو

نورة : لحظة لحظة .. صور ومحادثات ودليل
شكلو رح نفهم القصة
جمانة : جنى انا لو محادثات مارح صدق بس في شي اخطر الصور

جنى : شووووو محادثات ماصدقتي .. اخطر الصور
جمانة : انو انوووو انتي ... انتي فهميني شو صار معك هديك الليلة لاقدر احكي

لي بدكن تعرفو لك هالليلة اكره ايام حياتي عم توجعوني اااااخ لك ما بدي اتزكرها تعبت

جمانة : معلش حبيبتي انا اسفة بس لازم نوصل لشي بس هالمرة خبريني

جنى : طيب .....

#يتبع.

الجزء_الخامس
جمانة : بعرف عم تتوجعي بس خبريني شو صار لافهم انا
جنى .. طيب
كانت مانها عارفة شو تحكي ولا تخبر أمها عن الوجع الي داقتو بهديك الليلة .. بعد قالت هلء تعباني بكرا بقلك ماني قدراني احكي

جمانة .. طيب متل مابدك يلا قومي جيبي تيابك وتعي معي بتنامي عندي

جنى : ههههه اي تياب مامعي شي يلا انا جاهزة
نورة : لوين خليكي عندي
جنى : لك مابدي وجعلك راسك وأبوكي وامك بس يرجعو ويشوفوني لا بروح عند جمانة ازبط
نورة : طيب متل مابدك بس بطمنيني عنك
جنى اكيد حبيبتي وشكرا لانك ضليتي معي بوقت الكل تركني

انقهرت الام وجمانةبس ضلو ساكتين وحكتلا يلا جنى وشكرا كتير نورة على معروفك وكل مابدك تجي اهلا وسهلا
وسلمو على بعض وراحو وصلو البنات امن على البيت وكفو على بيت جمانة كانت طول الوقت جنى ساكتة وجمانة ماحبت تحرجا فورا قعدو بالصالون وحكتلا ل اختا اختي فوتي بدلي تيابك في بجرار التاني بالخزانة بيجامات جداد البسي وتعي بكون حطيت عشا
قامت جنى وطلعت بيجامة لبستها وهي طالعة شافة صورة ل اختها جمانة وزوجها اسامة بيوم عرسهن مبين قديش مبسوطين ضحكت وطلعت .. راحت لعند اختها تساعدها بالمطبخ .
جنى ..اختي بدك مساعدة
جمانة لا حبيبتي خلصت وصار الشاي يلامشي نتعشا وقعدو ياكلو وهون جنى سالت جمانة !!
اختي هلء انتي مبسوطة مع أسامة ؟؟
جمانة : اي والله يا أختي مافي منو حنون وطيب صح بعصب بس والله وهوي رايق بجنن ومتفهم مو متل
جنى : متل شو
جمانة : دوقي من المربى انا عاملتو كتير طيب
اكلت جنى كم لقمة وفاتت تستطح ع الكنباية اجت لعندا اختها لك لي متسطحة هون فوتي نامي ع التخت انا لاجلي الجليات بلحقكك ..
جنى : اختي هون مرتاحة .. لكن لاقوم اساعدك بالجليات
جمانة : لا قومي نامي وارتاحي
راحت جنى واتسطحت على التخت واطلعت بصورة لمكان بعيد ليوم عرسها الي طالعة متل الملاك بهالفستان وبمكياجها وشعرها والي خلت وضاح طاير عقلو فيها وعيونو عم تضحك وبلشو ياخدولن صور ويرقصوو وهنن راجعين ع البيت دخل وضاح وجنى والفرحة معبية المكان والبيت ريحته عطر وورد أحمر والصالون كلو شموع مع العشا كان البيت حلو واجواءه رومنسية
وضاح .. فوتي ياشمعة هالبيت يا عمري انتي واخيرا نورتي بيتك
ابتسامة جنى وعيونا بالارض منور فيك حبيبي ..
قعدو بالصالون وحكالها انتي ملكتي وملكة هالبيت ومارح تطلعي منو
قالت جنى وانت ملكي وملكي الي وتاج راسي وان شاء الله بيكون بيتنا عنوان للحب والسعادة ..
كانت هي احلا ذكريات الي بتمرق فيا جنى وتتذكر كيف عملت اول طبخة وكانت نصها محروق ووضاح اكل منها ودعمها وتتزكر كيف كانو يحضرو مسلسلات وبرامج سوا ..
وضاح حبيبتي جبتلك معي شغلة
جنى شو ..هية حبيبي ..
وضاح ..غمضي عيونك .. لك غمضي التنتين بلا غش
جنى ..يا سلام خاتم دهب الي شو المناسبة يا قلبي
وضاح .. اليوم زودو الرواتب وقلت لازم جبلك حلون الراتب
جنى : الله يرزقك ياعمري وتضل فوق راسي

عم يمرق شريط الذكريات متل الفيديو الي حمل معاه اجمل سنتين ونص من عمرها كانت دموعها تنزل بدون شعور
فاتت جمانة شو اختي نم ... لك شبك يا قلبي لي عم تبكي مو قلنا ترتاحي
جنى : كيف بدي ارتاح فهميني
جمانة : لا تفكري بشي وكل شي رح يصير أحسن
جنى : انتي مابتعرفي شو سمعت وكيف تأذيت وتوجعت
جمانة : اختي ما بحب ادخل بتفاصيل بس بدي افهم شي
جنى : اي
جمانة : الك عداوة مع بيت حماكي او سلفتك
جنى :لا واصلا متل العسل انا وياهن
بس كانت تجاكرني سلفتي بموضوع الولاد وبطلت
جمانة .. اختي في شي مو صح بالي صار
جنى .. لك شو هية فهموني شو حكى وضاح مع ابوكي ولي ابوكي قلعني

جمانة .. انو انو انتي بتحكي مع غيرو وعم تحكو وتبعتيلو صورك وانو بدك تطلبي الطلاق مشان تاخدي الي بتحبيه
جنى : شوووووووو ؟؟؟؟ شو هالتخببص شو هالجنان
مين قلو لك كان يجي يسال

جمانة في محادثات وصور الك وصور للبيت
جنى تبكي .. مشان هيك حكى مارح تكوني لحدا يا ..
لك انتي الدبح عليكي حرام
جمانة : اختي ركزي معي انتي يعني
جنى : جمانة حتى انتي والله طعماني قتل وضربني وشوهلي جسمي من الضرب وزتني بالطريق وما بعرف لي هيم عمل ورحت لعند ابوكي اشتكي على وضاح ضربني وقلعني ومابعرف لي
كنت اسمع كلام طالع نازل واهانات وانضربت بس ماكان يسمعني وضاح اترجاه يبعد عني لفهمو ربطني متل الغنم وسكر ع تمي مشان ما يسمعو اهلو وبلش فيني ضرب بالقشاط وبايديه وحكي بسم البدن وعيونو حمر والشرار عم يطلع منن وجوهو احمر متل الدم بخوف وعلى قد ما انضربت غبت عن الوعي وما حسيت حالي الا بالشارع وما بعرف شو اعمل كنت قبل ساعات زوجة سعيدة وهلق دمر كل شي وصفيت وحيدة ..

جمانة : يا قلبي عليكي يا اختي
طيب هلء حكيلي كيف كان يعاملك
قبل هالحادثة ....

جنى هاد يا ستي من وقت تزوجنا ...

يتبع
#ماتنسو خمس ملصقات ولايك للصفحه ليصلكم باقي اجزاء??????

لجزء_السادس
كانت جمانة منشدة لكلام جنى وحابي تعرف شو صاير او شي الي تغير مشان تحاول تساعدها
جنى .. هاد ياستي من أول ما تزوجنا انا وضاح كنا متل العاشق والمعشوق كل شي سوا طلعتنا وفوتتنا وقعدتنا باول سنة من زواجي كنا متفاهمين على كل شي انو انا أكمل دراستي وانو ماتكون هي كل شي وانا ووافقت وصار ياخدني الصبح وارجع لحالي ع حسب موعد المحاضرات بيوم من الأيام تأخرت الصبح وصرت عجلو ل وضاح لانو رح اتأخر عن المحاضرة عصب انو كتير نقيت نهارتا بس بعد سكت وانا نازلة حملت الدفتر والمحاضرات وسلمت على وضاح ومشيت بدي لحقا وحسيت في حدا عم يحكيني بس ما اطلعت ومافي دقائق الا سمعت صوت خناق درت وجهي ولا لقيت وضاح وواحد تاني عم يقلو لي عم تحكيا يا كلب ومن هالحكي ووضاح يحكي وهداك يرد عليه بالاخير ادخلو الناس وبعدون عن بعض واخدني معو وطول الطريق عم يسب ويحكي على الجامعات ويطلع فيي ويزور وطبعا انا من خوفي جمدت بارضي وصرت هدي حالي وقلت مارح حكيه ولاشي حتى نوصل على بيتنا وهوي ضل يحكي ويستفزني بالكلام بس ضليت ساكتة لوصلنا ع بيت اهلو مسك ايدي وطلعنا بسرعة وفتنا وخبط الباب بكل قوتو بعدت ايدي عنو ورحت على غرفة النوم على اساس بدي بدل تيابي بس القصد اني مابدي صوتنا يطلع
لحقني وهوي جانن ان شاء الله مبسوطة يا مدام عم يغازلوكي بالجامعة ..
وبكل هدوء طلبت منو انو يروق لنعرف نتفاهم وقعدنا على التخت ومسكت ايدو وقلتلو حبيبي مابتعرف انا شو شفتني حكيتو او حتى عطيتو وش كنت مستعجلة وبالي بالمحاضرة الي رح تروح عليي .. بعدين شفت لبسي بيوحي او طريقة مشيتي ازا في فئة مو مرباين بدك تجي تحاسبني الي ..
حسيتو راق قلي من اليوم ورايح مافي محاضرات بتروحي بتقدمي امتحاناتك وبتجي غير هيك ماعندي

رغم انو حكيتو بس كان ميبس راسو حكيتلو متل مابدك .. ككنت بعرف انو الرجال ما بيتعاندو بكل شي

ومضت الايام وصرت اهتم بالبيت اكتر لان الدراسة شغلتني ببعض الاوقات وصرت نزل لبيت حماي الحلويات وشو ما سمعت من حماتي شي بيزعجني طنش .. هلء يمكن دراستي ساعدتني ويمكن كلام أمي كمان ..
وحياتي انا وضاح مافي احلا منا ومهما كنا متفاهمين وبنحب بعض بس خناق الازواج لابد منو ملح الحياة كنت غار عليه ازا ترسم كتير او اهتم بحالو .. هوي ينبسط من غيرتي حتى لو مبين العكس وهوي يغار من كل شي ..
وبين شغل البيت وزوجي كنت حاول قدر الإمكان ان أعدل بدراستي الي خفت بالفترة الاخيرة والمشكلة الاختبارات على الابواب بس طلبت منو يعزرني بهالفترة من الطبخ وانو يجيب جاهز كونو نحنا شخصين اي شي بيشبعنا وحرام كان يا اختي مافي أحن منو يجيب ويساعد ومرات يقعد يسمعلي واجتزت الاختبارات مواد نجحت فين بمعدل عالي ومواد معدل مو كتير بس رغم هيك فرحت انو نجحت وخبرت اهلي وبيت حمايي الي صارو يمدحوني ويقولو ما شاء الله شاطرة بكل شي ومدحن الزايد الي شجعني من جهة وخرب عليي من جهة تانية

لان صارت سلفتي مرة خالد تغار مني رغم انها كانت منيحة معي بالاول بس صارت تجاكرني بقصة الاولاد لانو لهلء ماجبت على اساس هاد الموضوع بأيدي بس بالرغم من هيك خبرتا انو متفقين انا وزوجي اول سنة ما بدنا ولاد ومشان الجامعة
تقول عادي انا كفيت اخر سنة بالجامعة وكان عندي لؤي وصارت توز لحماتي بموضوع الولاد .. وطلبت مني حماتي نروح لتفحصني الدكتورة زوجي عارض حكى لامو شو صاير يعني نحنا مابدنا بس امو قالت بس بدنا نطمن ورحت معا لعند دكتورتا وشافتني وطمنتا لحماتي اموري سليمة فرحت كتير بالحكي كان متل انتصار الي ..
وتدريجيا تحسنت علاقتي بسلفتي ورجعنا مناح بس صارت دائما تعمل اشياء لتفرح بيت حمايي وتنزل غدا لتكسب قلوبن وانا ماقصر .. وفتنا بالسنة التانية من زواجي وماتغير عليي شي كانا عرسان ومعاملتو معي وحبو وانا كمان ليوم كنت بالمطبخ عم اطبخ شيش برك اكلت وضاح المفضلة وعملت كيكة البرتقان وجاط جلي وبعد ما طفيت تحت الطبخة وعم اجلي الجليات .. فات وضاح عم يناديني ..
حبيبتي وينك ..
جنى : هون حبيبي شوفي
وضاح : جبتلك شغلة يلا غمضي عيونك .. التنين بلاغش
جنى .. يا سلام خاتم دهب الي شو المناسبة يا قلبي
وضاح.. اليوم زودو الرواتب وقلت لازم جبلك حلون الراتب
جنى : الله يرزقك ياعمري وتضل فوق راسي

وبكل مناسبة نهدي بعض ونروح مشاوير وحتى لما نتخانق كان خناقنا حلو الا من فترة خمس أشهر كانت محط تغيير حياتنا ..

جمانة : لي شو صار ؟؟

#يتبع

#رحلتي__مع_العذاب
الجزء_السابع
احياانا بعض الاشخاص مهما كان معو مارح يشبع ومابحب يشوف حدا أحسن منو ...

جمانة : اي اختي شو الي غيركن من خمس شهور
جنى .. ما غيرنا هوي الي تغير وغير معو كل شي
هي مرة كنا عم نتفرج انا وزوجي على التلفزيون ومندمجين وعين الله علينا برن تلفون وضاح بكون رقم غريب اطلعت فيه انا وحكيتلو مين قلي مابعرف
المهم فتح زوجي التلفون وحطو سبيكر
... مرحبا اب سومر .. كيفك
وضاح .. اهلين مين معي
... لك جد ممسوحة ذاكرتك
مين كان يروح معك مشاوير ايام الجامعة
ونزبط بهالبنات .. شو نسيت شريك
وضاح .. تلبك وشال سبيكر
لك اهلين سعدو كيفك ولا
.. لساتك بتنادي سعدو .. دخيل ربك
شو صار فيك ووين ايامك
وضاح : عم اشتغل بشركة واتزوجت واموري تمام
سعد : اي الله يوفقك .. لازم شوفك
وضاح : اكيد منحكي
سعد : سلام
وضاح : الله معك

انا كنت مطنشتو ل وضاح وعاملة حالي عادي وعم اكل من هالبوشار والمكسرات والنار جواتي عم تغلي مابعرف لي هيك غرت ع موضوع قدبم يمكن لان بس انا بدي كون ماضيه وحاضرو ومستقبلو اجى قعد جنبي وكمل فرجة معي ولا على بالو ومبسوط وانا عم اضبط بحالي وماقدرت .. قمت قلي على وين رايحة؟؟
اطلعت فيه قلتلو بدي روح نام بدك شي !؟
قلي اي تعي تعي مافي تنامي ..!!
قلتلو لي بقى مافي نام ''
قلي مابحب اقعد لحالي وانا عم اتفرج ع التلفزيون حكيو خلاني عصب اكتر واتدايق .. قعدت جنبو وساكتة وعم اتفرج قرب وهمسلي بحبك مابحب اقعد بدونك انتي ماتتركيني لوحدي
خلاني ابتسم وانا عم اتفرج وضليت ساكتة
وضاح .. القمر بعدو زعلان .. جنى اطلعي فيي
طلعت فيه وهوي مبتسم حبيبتي بعرف ادايقتي من كلام رفيقي بس هاد الحكي من سنين كنت بببدايات الجامعة وفترة طيش هلق مافي غيرك بالقلب ولا رح يكون فيه .. انتي حلالي
قلتلو .. بحبكككك وبلشت علي صوتي
ضحك وقلي انا كمان وطي صوتك ..
ايه ما احلا هديك الايام

جمانة : وين التغير بالموضوع شايفي موقف حلو
جنى : جايتك بالحكي
تاني نهار حكى زوجي مع رفيقو وراح يتقابلو بعد العصر وضل للمسا حتى اجى
قلتلو لي اتاخر قلي مرق الوقت وماحس ماخلو شي ماحكو وانو هوي خطب وكان فرحان باللقاء قلي صاير ومتصور فوق الريح احوالو
وانو لازم نعزمو شي نهار يرد عزيمتو .. انا حكيتلو متل مابدك ..
وبلش زوجي كل نهار يغط من المغرب لليل كل مرة يجي شكل صح مشتقلي وحبو الي متل ماهو بس بلشت خاف بعد اسبوع قلي زوجي حضري حالك عازم رفيقي الليلة هوي وخطيبتو .. صدمني قلتلو عم تحكي جد وانا ما محضرة شي ولا بعرف شو اطبخ
قلي .. انا وصيت ع عشا من برا وحلويات بس زبطي البيت وخلي كلو من احسنو ..
حاضر حبيبي تكرم عيونك .. ان شاء الله كل شي متل بدك
وضاح .. يحضرلك الخير يا عمري .. يلا لروح اشتري باقي الاغراض يلا بدك شي جوجو
جنى : سلامة قلبك يا قلبي ... الله معك

سكر وضاح الباب من هون وبلشت معارك التنظيف من هون ورتبت البيت وفتت تحممت ولبست وجهزت كل شي من ضيافات والحلويات وقعدت استنى زوجي وفتحت التلفزيون وعم قلب بهالقنوات لشوف شي اتسلى فيه ولا سمعت صوت الباب انطبق رحت ركض على الباب حبيبي انت اجيت ؟؟
وضاح .. اي حبيبتي خدي من ايدي وفرغين بجاطات ورتبي السفرة مابقى الا ليوصلو هلق حكاني
جنى ..طيب ماشي .. ثواني بس
فتت على المطبخ وبلشت فرغ الاكل ورتبو على السفرة وحطيت جاط الفواكه على جنب وانا عم غسل ايدي سمعت دقة الباب .. ورحت لافتح مع زوجي الباب كون في مراة مشان ما تخجل .. وانا عم أهل وسهل حسيت نظرات رفيق وضاح غريبي وهوي عم يبوسو ووضاح عطيني ظهرو وخطيبتو ولا كانا هون بس انا ما رفعت نظري وفوتت المراة على غرفة تانية وقعدت تحكيلي عن مصاري ابوها وخطيبها ووين بسافرو وعلى الماركات والموضة .. لا سالت عن دراستي ولا شي بس عمري واسمي واديش الي متزوجي هيك مارتحتلا لهل البنت بس كرمال وضاح ولان اول مرة بزورني اتحملت وبعد العشا وماكملو سهرتن وراحو .. هفف هلق ارتحت
وضاح لي شو في .. جنى .. هيك مارتحتلن
وضاح .. لان اول مرة بتتعرفي عليهن .. انا وسعد بدنا نفتح مشروع بيتعلق بشغلنا لهيك الله يرضى عليكي ماتحكي هيك وانا وياه رح نضل نشتغل برا بس خطيبتو ازا اجت اتحمليا

جنى : كرمالك بس
ومضي هداك اليوم بعد توتر وتعب .. وبلشت الايام تجي ووضاح رجع يغط بالاول صدق شغل بس شو هالشغل الي بخليه بتأخر بالليل ماعجبني وضع .. بعدين صرت حس انو مهموم وكل ما اسالو يحكي مافي شي وصار يضل عصبي وبطل يعجبو شي اجيت مرة قلتلو انا مرتك شبك شو الي زاعجك .. قلي مدايق على مصاري
قلتلو بس هيك .. قلي ماعاجبك
فتت على غرفتي وطلعلتو طقم الدهب وقلتلو خدو بعيو صفن فيي وقلي روحي رجعيه ..
قلتلو انت بهالسنة ونص كل ماصار مناسبة ماقصرت عليي بقطع الدهب والهدايا وانت هلء محتاج لي لتروح تطلب من الغريب
انبسط كتير مني ورجع لمتل ماكان قبل اطمنت انو الشغلة مصاري وبالشغل بس الي صرت استغربو رجع بعد فترة يطلب قطعة دهب وقطع عني المصروف قال وضعو تعبان

جمانة ... وانتي متل الجدبة عطيتيه يلكي كان رح يتزوج
جنى : ما بعرف كان بدي بس يرجع متل ماكان ..
جمانة : ايييييه وشو صار

جنى : رجع يغط ويبطل يهتم فيني ولما يحكيني كلام حلو اعرف جاي بدو شي اعطيه ويروح وهيك وما ضل معي الا محابس واربع سحبات والحلقات الي من اهلك وسنسال عليه اسمي واسمو الباقي باعو .. هيك مضو 3 اشهر بحق الدهب بيوم بالليل كنت ناطرتو بيتصل رقم غريب .. اتفاجات بس مارديت رجع اتصل بس مارديت .. بعدين بعتلي رسالة افتحي حبيبتي
اتصل .. وفتحت قلتلو حبيبي رقم مين هاد
.. يا الله ما احلا كلمة حبيبي منك
جنى : مين انت ..؟؟ وضاح عم تعمل مقلب معي
.. ههههه وضاح ياحرام هلق مو فاضيلك مبسوط مع نهاد مرتو المستقبلية
جنى : حاج كزب وفصلت بوجهو
وبلشت ابكي وقول لا مستحيل يعملا وضاح هوي بحبني ... ارجع قول طيب لي عم يتأخر اكيد اتزوج
قررت ما واجهو وروح نام لازم اتأكد واعرف هالحكي صح ولا لاء رحت على غرفتي وتسطحت لوقت حسيت على جيتو عملت حالي نايمي اجى لعندي وحكالي نايمي جنى جنى كان اول مرة بقول اسمي هيك غصيت ومارديت اجى اتسطح ونام وانا بقيت بدون حركة هيك لاتاكدت انو نام اخدت موبايلو الي كان على الكومدينا وطلعت ع الصالون انا عم اراقب الوضع وفتحت جوالو لانو كان كلمة السر اسمي وكلمة السر اسمو .. فتشت موبايلو من الرسائل للصور للبرامج كلها حتى واتس شفت ازا في شي وماكان في شي سكرت الجوال ورجعتو وحطيت راسي ل نام وماقدرت الا لوجه الصبح .. صحي وضاح ويحاول يصحيني وانا نايمة مبين انو زعل حكى لا لليل عم شوفك ولا نهار وكانو الحق عليي .. طلع يومها ومارجع للمسا .. سخنت الغدا مرتين وما اكلت ابدن ولما رجع قالب خلقتو وماحكاني
جنى : حبيبي حطلك اكل
وضاح : لا انا اكلت برا
ضل شوي بدل تيابو وطلع
مع غياباتو المتاخرة .. صار تيجيني ؤسائل زوجك مع غيرك مبسوط .. ياحرام شو صار فيكي
هيك ليوم ...

يتبع

#الجزء__الثامن_والتاسع
احيانا مهما كانت في اشياء واضحة بضل في اشياء مخبية
جنى : ل هداك اليوم ..
كنت عم اطوي الغسيلات وضبضب وقلت بس خلصت ووضاح ما اجى قلت لادرس لا يصير فيي متل هديك السنة .. ما بعرف لي دايق خلقي ومالي وعم أشغل حالي بأي شي اندق الباب رحت شوف مين ولا شب لابس تياب شغل الي بكون لون موحد وهون خفت كتير وسالت ؟؟
جنى : مييييييين
الشب : مدام في بوكيه ورد بهاد العنوان
جنى (( فكرت معقول وضاح عم يراضيني فين ))
طيب يا اخي حطن عند الباب وروح الله يعطيك العافية
وضليت عم اراقبو لحتى نزل وفتحت الباب اخدت البوكيه وسكرت بسرعة وعم قلب بالوردات الي منظرن بطير العقل شفت كرت فتحتو كان مكتوب فيه

اخترت هذا الورد البنفسجي لانه مميز مثلك
يشبه جمالك .. ويشد النظر اليه كما فعلتي بي
مع حبي .. مجهول

استغربت كتير ورحت اتصلت على وضاح لافهم منو هالحركة اتصلت عليه وكان يرن يرن بس مايرد انشغل بالي
فصل ورجعت رنيت لحتى طول .. وقام رد
وضاح : خير جنى شوفي ؟؟
جنى : ممكن تعطيني وضاح
وضاح :جنىىى خلصيني شبك
جنى : خذلتني معاملتو وحسيت انو ماهاد زوجي
كتير خيرك استاز مانك متزكر عندك بيت ومرة
كلامو نساني اسالو عن الورد ..!!
وضاح : لا مانسيان بس انا بالشغل بعتقد خبرتك ..
جنى : شو هالشغل بالليل ولا لايكون مبسوط معها
وضاح : شغل بالليل لان في وظيفة الصبح تبعت الشركة ههههه وحدة شو كمان
جنى : غشم حالك لقلك مع حبيبة القلب .. عم استناك لنتفاهم
وضاح : ههههه سلام
كان كلامو ومعاملتو معي مستفز صرت ابكي بعدين مسحت دموعي واتصلت على جوال امي وخبرتا انو تبعد عن أبي بدي قلها شي
ام : خير يارب شو في ماما حتى ماصلة بهالوقت انتي او زوجك مناح
جنى :زوجي مروق ومبسوط بس انا الي عم موت يا امي مخنوقة كتير
ام : بعيد الشر عنك حبيبة قلبي شبك ؟؟؟رجعو بيت حماكي فتحو موضوع الولاد
جنى : لااا مافتحو بس وضااح ... وسكتت والدموع عم تنزل غصب عني
ام : لك بنتي شبو صوتك لا تخوفيني شو فيو وضاح ؟؟
جنى : متزوج عليي
ام : شوووووووو ؟؟ كيف عرفتي هوي قلك
جنى : لا بس احساس .. ومن هلق اجى تزوج رح اتركلو البيت وامشي
ام : طوليلي بالك حاسة ؟؟ انا فكرتا عندك بعدين لك بنتي بضل زوجك ومن وقت خبرتيني على انو متغير ناحيتك بكون ضغوطات عليه او قلقان من شي مابتكون بنت تانية بحياتو
طولت وانا عم حاكي امي ارتحت شوي من كلامها وفهمت كيف لازم كون مرأة واعية سكرت التلفون ورحت غسلت وجهي وعملت عصير ليمون وتمددت على الكتبة على الساعة 1 تقريبا حسيت على طبقة الباب فزيت من مكاني ورحت شفت وضاح جاي معصب
وضاح : مرحبا ..
جنى : اهلين بكير والله لي ما ضليت للصبح
وضاح : ليكي جنى معصب كتير لهيك اقصري الشر وبعدي من وجهي
جنى : انت ملاحظ قديش متغير وكل ما بشوفك بضل معصب فهمني يعني عندها بتنبسط وعندي مبوزم
وضاح : بعدي من وجهي وبلا هالعلاك
جنى مارح بعد !! قلي وينك لهلء .. معها
وضاح : لا تجننيني لسى معها ومعها ماكنت مع حدا بعدي من وجهي يلا
ودفشني وقعني على الارض وضل مكمل على غرفة النوم بدل تيابو وحط راسو ونام وانا مصدومي بمكاني كيف هيك عمل بالاول كنت سامحو واصبر بس جرحني كتير .. تركتو واجيت نمت على الكنبة مع انو ماقدرت نام لان هي أول مرة بكون لحالي وعلى وجه الصبح لغفلت وماقمت للظهر وكان جسمي مكسر تكسير ومو قدرانة حركو فتت ع المطبخ جبت كاسة مي شربتا واطلعت قلت اليوم مارح اطبخ بس يجي بناكل اي شي موجود ونزلت لعند بيت حمايي ساعدتن وبقيت عندن لوقت موعد رجعت وضاح طلعت على بيتي ونطرتو وما اجى قلت بجوز عجقة طريق وهيك للمغرب عرفت انو ما جايي لان زعلان وقلت معناتها مارح يجي للوحدة بالليل كالعادة لاتصل ببنت حماي تجي نتسلى سوا وانا عم اتصل رن جرس بيتي ورحت لافتح
ولا كانت مفأجاة ...
#الجزء__التاسع
وبعد ماندق الباب رحت افتحو بس المفاجاة ماكان في حدا ..

جمانة : تضربي مافي حدا وكانت مفاجاة .. بس كيف اندق الباب
جنى : جايتك بالحكي بعد ما اطلعت من العين الساحرة واتاكدت انو مافي حدا فتحت الباب شوي وفتحتو اكتر واطلعت مافي شي وانا عم فوت لمحت ظرف بني كبير على الباب شلتو وفتت وهون كانت المفاجاة ههههههه والدمع عم ينزل

جمانة : خوتيني عم تضحكي ولا عم تبكي
جنى : الاتنين لان من الصدمة بتتلخبط المشاعر .. هيك صار فيي وقت فتحت الظرف وشفت صور وضاح مع وحدة تانية شكلو كانوا قاعدين بمطعم وكيف الصور لنظراتن وكيف هديك مقربة عليه انا هون كان في مخ عندي وراح جنيت طعوجتن ودعست عليهن وابكي وقول بكرهك بكرهك وبلشت دعاوي عليه وعليها وحملت حالي ورحت على غرفتي بدلت تيابي ولبست وجبت شنتاية وحطيت غراضي فيها وبعد مارتبن جبت البومي الصور وكل شي الي صور وحطيتن مشان مايشوفني حتى انا وبعيدة وعيونو خوخو من البكي وسكرتا وانا طالعة رجع اندق الباب بس هالمرة بشكل اقوى .. قلت اي لا بقى هديك المرة صورتها اكيد هالمرة هية رحت فتحت بشوي شوي ولا طلعت خطيبتو ل سعد عم تبكي اجت حضتني وبلشت بكي كانو انا ناقصني فوتها وقعدت هديها وانا بدي مين يهديني ..
سالتها شبك ؟؟
قالت : اخ يا جنى طلع سعد ما بحبني وشفت صورتو مع وحدة لك لي كزب عليي انا حبيتو
جنى : بدك تطولي بالك حبيبتي .. بالناقص منو انتي بتستاهلي احسن هنن الكزب ماشي بدمن روقي هلء مشان تفهميني شو القصة
خطيبة سعد (تماضر ): ممكن احكي من تلفونك مع اهلي جوالي خلص شحن ومابعرف شو ساوي ..
جنى : لي ماكنتي عند أهلك انتي ؟؟
تماضر : لا كنت بالسوق انا ورفقاتي ولما شفت الصور رحت تخانقت معو وزتيتلو المحبس واجيت لعندك ماكان بدي روح على البيت بهي الحالة
جنى : طولي بالك وحاج تبكي تفضلي هي موبايلي فتحتلك ياه ..
واخدت تماضر التلفون واتصلت وهي عم تبكي الوو اي امي هاد سعد طلع كزاب .. اي هلء مافيي احكيلك كل شي حسيت انو انحرجت وحابي تحكي شي لامها قلتلها رايحة اعمل قهوة وفتت على المطبخ وعم اسمع صوتها وحطيت الركوة على النار وجهزت الفناجين وحطيت صحن شوكلا معن وعم استنى القهوة تغلي بس ماعاد حسيت في صوت قلت بتكون خلصت وغلت القهوة صبيتا وقلت رح طول شوي وبعدها رحت ناديتلا شو حبيبتي ان شاء الله رحتي
قالت : اي الحمدلله ان شاء الله صرت احسن
جنى : اي لكن اتفضلي خدي فنجانك وروقي حالك
وانا التهيت عن قصتي شوي وبلشت تاخدنا السوالف والحكايا ونسيت انو لازم اطلع من البيت بس ازا الافندي ماعاد اجى ..
وبعد ما شربنا القهوة حسيت ناقص شي قالت تماضر الله على شي كاسة نسكافيه قلتها بس هيك تكرم عيونك .. يلا لاخد هدول الفنجاين ونعمل نسكافيه وترجعي تحكيلي يما انو روقنا قصتك
تماضر : طيب حبيبتي اي والله ارتحت معك كتير بتشيلي الهم من على القلب

وانا بالمطبخ عم حاكيا ل تماضر مشان ما تمل وهية عم تحكي على قد الكلام ومافي شوي الا اجت لعندي على المطبخ وحكيتلا اسفة طولت عليكي حكت عادي وكابدي تعتبريني ضيفة شو بتحبي ساعدك

حكيتلا مافي شي جيبي هدول الكوبايات وصبيناهن وعم اجيب صحون حلويات من البراد ولا سمعت خبطت الباب قوية كان وضاح عم صرخ وليييييييي جنى
جنى قلتلو هون بالمطبخ .. ماكان بدي حسسها ل تماضر بشي دخل وهوي معصب وشاف بايدي الصحون كسرن والكاسات وبلش يجن البنت خافت وهربت حتى خلت الباب مفتوح وانا خفت واتمسرت بارضي واترجاه يفهمني شوفي بالاول فكرت عم يغطي على قصة الصور بعدين شكلو ما بيوحي هيك ويقلي صرنا واتصورنا عشقاني يا بعدي ناوي تطلقي وكلام طالع نازل والضرب وهاد الي صار وكنت رح اشكي لابوكي عنو قام قلعني وانتي بتعرفي الباقي ..

انتظرو التتمة
#يتبع

#الجزء_العاشر_والاخير
#رحلتي__مع_العذاب
جمانة .. الله يكون بعونك انا وامك بنعرف ومتأكدين منك بس شو بدك تساوي مع زوجك وابوكي

جنى : ماعاد اسمو زوجي خلص كل شي بينا انتهى
جمانة : طيب هاتي تلفونك لاشوف المحادثات في برنامج بيظهر كل شي
جنى : موبايلي ضل بالبيت حتى موبايل تماضر لان وقت فات وضاح معصب وبلش تكسير وشحطني قدامها خافت وهربت وبعد ماغبت عن الوعي ماعاد عرفت شي بس كتر خيرو حاططلي الهوية هههه
جمانة : اكيد في غلط بالقصة لازم ندور ونعرف

جنى : انا ما بدي دور وللي ما بصدقني مارح بررلو
جمانة : طيب يا روحي فوتي نامي
جنى : يلا قايمة فعلا هاليومين هدو حيلي

''' بعد اسبوع ''''' بالجامعة

نورة : يا الله مو مصدقة عيوني رجعتي داومي جنى
جنى : ههه صدقي هبلة اي والله رجعت داوم قلت مافيدني بعد ربي الا دراستي
نورة : يسلملي الفهمان شو عندك هلق وايمت بتخلصي
جنى : ماعندي شي للعشرة وعلى 2 بخلص
نورة : اي وانا كمان ماعندي .. طمنيني عنك شو اخبارك
جنى : الحمد لله تمام رح أطلق عن قريب باركيلي ههههه
نورة : شوووو يعني وصاح ماصدقكك ولساتو مصر
جنى : مابعرف وما شفتو ولا بدي شوفو .. بس جمانة خبرتني انو حاكي مع اهلي ومخبرن
يعني رح أجل هالفترة عبين ماخلص من العدة وارجع حرة وكمل دراستي
نورة : اي أحسن لك بالناقص منو وبعدين انتي كل عمرك عشرين سنة والف واحد بيتمناكي

جنى : لا حبيبتي لا بدي الف ولا واحد منن خلص بدي كمل دراستي وبس
يلا بدك شي بدي روح لحق محاضرتي
نورة : متل مابدك ماتزعلي مني .. موفقة

راحت جنى على محاضرتها واخدت محاضرات الي غابت عنن ورجعت على البيت ولاقت اختها جمانة هي وابنها تيم عم يستونها على الغدا

جنى : مرحبا يا حلوين كيفو تيوم حبيب خالتو تعى هات بوسة

اجى تيم وباسها
جنى : دخيل روحك شو انبسط خالتو بالروضة
تيم .. اي وحطولي نجمة
جنى : برافو حبيبي شطور

جمانة يلا تعو على الغدا وبعدين كملو حكيكن ..
تغدو وقامو خوات ساعدو بعض وراحت جمانة تدرس ابنها وفاتت جنى تنام كان عم تفكر شو رح يصير فيا وما الي موجعا الي أبوها الي مو رضيان يسمعا وبلشت تبكي كانت عم تحس في جواتا كسور كتير وجروح عم تنزف .. كان هاد روتينا اليوم روحة على الجامعة ومحاضرات ورجعة تتغدا مع اختا وابن اختا وتضل للمغرب بغرفة على اساس نايمة وهية مخنوقة وبالليل تتصنع الابتسامة والقوة وكانت عم تحسب كل يوم قديش بقى لتطلق هيك كمان مضو عشرة ايام بس ماسمعت شي حكت اكيد القرار بدو كم يوم بجوز اجراءات بدها تعرف انو تداوم ولا لاء هيك تحكي لاختها بس كانت مكسورة وما بتعرف لي فضولها زاد بهالقصة خصوصي انو صار 20 يوم وماعرفت شي وتسال جمانة تقلها حكيت مع اهلك ومافي خبر ولا عم يحكو مع وضاح ولا هوي حكاهن
طنشت عن الموضوع ورديت نزلت على الجامعة ودوامت بمحاضراتي وانا طالعة لمحت وضاح وكانو عم يدور عليها تلبكت وخافت واجت لتروح شافها صار يلحقها فكرت اجى ليفضحها بالجامعة تركض وهوي يركض طلعت من الجامعة وأشرت لتكسي وطلعت والتفت لورا شافتو عم يلحقها خافت صار تطلب من شوفير التكسي يغير اتجاهو ورغم هيك وضاح وراهن خطوة بخطوة بس صارت تدل جنى شوفير على بيت اختها ووصلا نزلت بسرعة وطلعت ودغري وصل بعدها وضاح ونزل فاتت عم تخبط على الباب ودق بكل قوتها

جمانة : اي على الباب شبكن لك هي انتي اجني
جنى ... فوتي بسرعة وسكرت الباب

رجعت سمعتو صوت دقة الباب بس هادية ..
جمانة مين هاد
جنى .. هس هاد وضاح

وضاح .. جنى افتحي الباب بدنا نحكي
جنى ... مافي حكي بينا وازا مشان الطلاق هديك المحكمة
وضاح .. فتحي في موضوع مهم جاي احكي فيه
جمانة افتحيلو مارح يقدر يعملك شي
جنى فتحت الباب وبعدت شوي وحكتلو خير ازا بدك وقع على تنازل الدهب والمتأخر طمن حالك انا متنازلة
وضاح ممكن نحكي جوا فاتو وقعدت جمانة وجنى ضلت واقفة .. ازا وضاح قرب لعند جنى ومسكلا ايدها وقلها حبيبتي سامحيني بترجاكي
جنى .. استغربت وضحكت حبيبتك وسامحك شو صاير بالدنيا لايكون شربان شي وضاح

وضاح .. لا ما شربان واتاكدت اني ظلمت حالي وظلمتك بس الله لايوفق الي كان سبب

جنى : لي عم تدعي ع العالم لي مو انت الي ضربت وحكيت وبدون ما تسمع كلمي مني
وضاح .. غبي ومابفهم وكان اي رجال بمحلي رح يساوي هيك

جمانة : كيف عرفت انو اختي ماعليها شي
وضاح هي بعد ماتعبت يعد الي صار وحطيت جنى برا البيت وحطيت عليها الجاكيت رحت لفيت كم لفة ودورت بسبارة على محل ماحطيتا ولا شفتا عم تمشي استنيت لراحت موقف السرافيس ومشيت عم امشي ومابعرف وين طريقي ماكنت طايق احكي مع حدا ولا اسمع حدا هيك للصبح دخلت على البيت المكسر والي مو مرتب وفتت على غرفة النوم ولا دقيت بشنتاية هون جنيت بزيادة وقلت يعني جد ناوية تتركني مسكت الشنتاية وزتيتا على برة وقعت عيني على ظرف بني مجعلك مسكتو ولا كان معو صورة فتحتا ولا صورتي مع الي كانت بالمطعم لعما شو جابا الصورة وبلشت استوعب انو طلعتك كانت بسببا بس محادثات وصورك جننوني زتيت الصور ورحت نمت واهلي يسألوني شو صار يومها وينك انتي مارد وصرت ما اجي على البيت الا للنوم بس كنت اشتقلك كتير وبعد كم يوم فتت على البيت عتم بس كان خير انو ما شغلت الضو لان شفت في ضو اطلع منيح ولا كان جوال غريب مابعرف لمين ولا كيف صار هون كان هاد ضو تنبيه ع الشحن طلعت فيه مامبين لمين بس كان في اشعارات واتس من فضولي فتحتن ولا شفت المرسل سعد وكاتب
يلا خلصيني بعتيلي صورها من جوالا مشان يصدق وضاح
انا شفت هيك وطار عقلي من الكلام انو معقول هوي السبب وصرت دور و رن على جوالك لحتى لقيتو وفتحتو وفتحت ه البرامج لقيت كل شي متل ماهو ي الا هالمحادثة ممسوحة ..فتحت على سجل الاتصال لاشوف ازا متصلة سعد لعندك ولا لقيت انتي متصلي على نفس الرقم الي بعتلي محادثاتك
فتحت على برنامج المسجل تبع الاتصالات وفتحت ع اخر مكالمة كانت خطيبة سعد وسعد والأول عم تحاكيه على انها امها وشكلك بعدتي وحكتو وطلب منا محادثات .. ورجع بعتلا ع واتس انو تبعت صور

جنى : اه مشان هيك طلبت مني اعمل نسكافيه
جمانة واخيرا ظهر الحق وزهق الباطل

وضاح .. الحمد لله وبعدها اخدتن كل شي ورحت لعند سعد وتضاربت معو ولولا ماكان في عالم لروحتو وقعدت اسبوع بالبيت ماني عارف شو ساوي وبعدين رحت لعند اهلك وخبرتن واعتزرت منن وتركتك شوي لتهدي وقلت بجي بعتزر وبنرجغ على بيتنا

جنى : هههه بيت مين انسى لعندك مافي رجعة
وضاح : كرمال الله يا جنى فهميني كنت جانن وماني شايف قدامي انتي كم صورة شفتين مع غيري تطبيق كنتي بدك تحردي انا شفت رقمك وصورك وكاتبي زوجي مانو هون ورغم كل شي ماقدرت اقعد بالبيت لانك مانك فيه سامحيني حبيبتي

جنى : شو الضمان ما ترجع تجن ازا حدا حكى عني
وضاح : وعد مارح اعمل شي قبل ما اسمعك ولارجع متل زمان واحسن ورح عوضك عن كل شي

جنى : ممممم بفكر بالموضوع
وضاح : طيب تفضلي فكري ببيتنا

جنى : هههه مشكلتي قلبي طيب
يلا
جمانة : اي ها الله يسعدكن ويحميكن
طلعو وضاح وجنى على بيت اهلها وسلمت عليهن وبرجعتا على بيتا دخلت على بيت حماها الي اهلو فيا وراحت على بيتنا الي كان شبيهه بيوم عرسها ورد وبوالين وشموع وكلو من احلاه ورجع الحب يكبر معن كل يوم ومع مضي شهر على رجعة جنى تعبت كتير واخدها وضاح ع الدكتورة وخبرتو انها حامل وكان احلا خبر على الكل .....

الثقة الزايدي مو منيحة ونتتبه ونعرف نختار اشخاص المناح والاهم انو نسمع الاطراف الي حوالينا ..

تمت .. شكرا على حسن القراءة