أحمد يا نور العيون

صفا النعمان

الادارة
طاقم الإدارة
الكاتبة_روان_الشبلاق

الجزء الاول والثاني والثالث والرابع والخامس

هبة. امي شو رأيك هاد حلو ؟
ام هبة. اي حلو بتجنني

هبة. لا لا كأنو ماحلو

ام هبة. اوف جننتيني شوفي خواتك لبسو وجهزو حالهن وانتي لساتك تسألي هاد حلو وهاد ما حلو

هبة. اي لأن انا اخت العريس وبدي اطلع احلى شي مابدي يكون في حدا احلى مني

ام هبة. لك والله حلوة حلوووة بس خلصيني

لبست حجابي وفستان طويل وحطيت مكياج ناعم وخفيف وبالفعل طلعت حلوووة كتير

ام هبة. لك يلا يا هبة اتأخرنا خلصينا بقى
هبة. يلا انا جاهزة

عملنا حفلة لأخي كتيررر حلوة
وطلعت زفة كبيرة ع بيت العروس

قبل ماندخل ع الصالة كان في شبين واقفين ع جنب
واحد منهن اسمراني وحلو عم يطلع عليي وماشال عيونو عني

كان كتير حلو
دخلت وانا عم بفكر انو مين هالشب الحلو وليش عم يطلع فيني

كنت كتير مبسوطة بعرس اخي وصرت ارقص انا واخواتي وكل الناس يطلعو فيني قالولي طالعة كتير حلوة

باركت للعريس والعروس وبعدين زفينا العروس وكل واحد طلع بسيارته
انا طلعت مع خواتي وبنات خالتي
شافني الشب الاسمر وقت طلعت
كان راكب ع الموتور
صار يقرب من السيارة الي انا فيها ويطلع فيني ويبتسم

صرت قول لحالي مين هالشب معقول يكون من قرايب العروس !

وصلنا العرسان ع بيتهن كان بالطابق التاني ونزلنا نحنا ع بيتنا بالطابق الاول

كان يوم متعب كتير ع قد مارقصت وكمان نضفنا البيت وتعبنا

بعد كم يوم اجو كل قرايب مرت اخي ليباركولها

تاني يوم كنت قاعدة مع مرت اخي سألتها اذا لسا في ناس بدهن يجو يباركولها

مريم. اي اليوم بدهن يجو اولاد اختي ونسوانهم وكمان ابن اختي التانية عزابي

هبة. اممم

ماشلت الموضوع من ارضو لأن ماكنت اعرف انو الشب الاسمر الي شفتو يوم عرسهن بكون ابن اختها لمرت اخي

بعد ساعة طلعنا قعدنا ع البلكون

مريم. ها شوفي ليكهن اجو
هبة. مين هني ؟
مريم. لك اولاد اختي

اتطلعت عليهن وشفت الشب نفسو الي كان بالعرس
مابعرف بشو حسيت بس شفتو

هبة. مين هاد الشب الي نزل من ع الموتور

مريم. هاد ابن اختي ، اسمو احمد ومحبوب من كل الناس

فتحتلهن الباب مريم وبس دخل سلم عليي وظل يتطلع فيني
قلت لمريم انو بدي انزل ع البيت لأن امي بتكون عم تناديني

نزلت ودخلت ع غرفتي وانا عم بفكر فيه وقلبي عم بدق شو بدو مني وليش كل مايشوفني يتطلع فيني
اصلا ليش انا عم بفكر فيه

امي قطعت علي تفكيري وقت نادتني

ام هبة. هبة .. لك هبة
هبة. نعم امي

ام هبة. مرت اخوكي عندها ضيوف ومابصير تتركيها لوحدها
ماحلوة تشتغل ولساتها عروس
وبعدين مين بدو يقعد مع الضيوف اذا بدها تعمللهن شي
يلا اطلعي لعندها وساعديها

طلعت لعند مريم وحاولت انو ماحدا يشوفني من الضيوف وانا داخلة ع المطبخ طلع بوجهي احمد وسكر علي الطريق

ارتعبت لأن ماكنت متوقعة شوفو

احمد. شبو الحلو ، ليش خفتي
هبة. بعد عن طريقي

احمد. مابدي
هبة. عصبت وقلتلو ليكون هالبيت بيتك

احمد. روقي كنت عم غسل ايدي ، تفضلي هي بعدت عن طريقك ، ع فكرة حلوة وانتي معصبة
طنشتو ومشيت وقلبي كان عم بدق وكنت عم ارجف
احساس حلو لا يوصف

هبة. شو الي عم بصير معي ، معقول كون حبيتو ، لا شو هالحكي
بس مبين عليه انو بحبني او يمكن عم يتهيألي هالشي

مرقو كم يوم تانين ماشفتو بس كنت فكر فيه كتير
وكنت اسأل مريم عنو بس بدون ماحسسها بشي
وكنت شوف صورو بموبايلها
واهتم بأدق تفاصيلو لحتى صرت اعرف عنو كل شي

بعد يومين كنت سهرانة عند مرت اخي دق قمت فتحت وطلع بوجهي احمد ضحكلي وانا ابتسمتلو بدون مانحكي شي
اجت مرت اخي وقالتلو تفضل بس دخل هوا انا نزلت ع بيتنا دخلت ع غرفتي سكرت الباب ووقفت وراه حطيت ايدي ع قلبي كان عم يدء بقوة حسيتو رح يطلع من مكانو
بعد ساعة سمعت صوت حدا نازل من ع الدرج طلعت فورا وعملت حالي رايحة لعند مرت اخي انا طالعة وهوا نازل

وقفنا لتنين اتطلع فيني وابتسملي وانا نفس الشي وتلبكت كتير كان بدو يحكي شي بس تركتو ومشيت

مرق اسبوع ومعد شفتو بس كنت اسأل عنو كتير

يوم الخميس طلعت من البيت ورحت لعند بنات خالتي رجعت بالليل وطلعت اسهر عند مرت اخي وصرنا نحكي

مريم. اليوم كنت مالة كتير لأنك مو موجودة بس منيح اجا احمد وتسلينا شوي

هبة. مين احمد ؟
مريم. احمد ابن اختي شو نسيتيه الي كل يوم بتسأليني عنو

هبة. انا بسألك عنو !
مريم. اي انتي ولا نسيتي ياريت كنتي موجودة

هبة. ليش بقى
مريم. لأن احمد كان حابب يشوفك وجايي كرمالك

هبة. لك مريم شو هالحكي
مريم. هبة لا تعملي حالك مامعك خبر
انا بعرف انك مهتمة بأحمد لهيك بتسأليني عنو كتير
لاتفكريني مو منتبهة

هبة. لا مو صحيح
مريم. بتعرفي شو قالي عنك اليوم
هبة. شو
مريم. قال انو ، ولا قلك بلاها خلص انسي

هبة. مريم امانة قوليلي شو قال
مريم. قال انو بحبك وقال انو مستعد يعمل كل شي لحتى انتي كمان تحبيه وقالي انو خبرك بهالشي
طبعا ماقلتلو انو انتي بتسألي عنو كتير وباين انك انتي كمان بتحبيه

هبة. هلأ هوا هيك قال
مريم. اي ، شو رأيك ؟
هبة. رأيي بشو
مريم. لك شو صرلي ساعة عم بحكي انتي بتحبيه او لا

هبة. اكيد لا
مريم. هبة لا تكذبي اذا بتحبيه خليني خبرو لو شفتي اديش كان مبسوط وهوا يحكيلي

هبة. لا انا مابحبو ومستحيل فكر فيه
مريم. هبة لا تجننيني احكي بصراحة
هبة. يي تأخر الوقت انا صار لازم روح يلا باي

مريم. لك هبة ، هبة استني شوي
هبة. باااي باي

نزلت ع البيت وانا مو مسدئة الحكي لك معقول طلع بحبني عنجد
يا الله قلبي رح يوقف

بعد مرور كم يوم نادتني مريم لعندها طلعت وانا عم فكر بأنو شو بدها

مريم. شو كنتي عم تعملي
هبة. ولشي ولشي
مريم. شبك ليش متوترة
هبة. لا ولشي
مريم. ليش بطلتي تجي لعندي
هبة. لأن انا يعني هيك مافي شي

مريم. هبة احكي بصراحة من وقت ماخبرتك انو احمد بحبك انتي تغيرتي ومابقى اجيتي لعندي ليش ؟
لتكوني خايفة مني اني خبر اهلك

هبة.....
مريم. لك معقول انتي متل اختي وانا بعرف انك بتحبي احمد لاتخافي مني مستحيل خبر حدا
ومابتمنى غيرك لأحمد لأنو عنجد بحبك ومستحيل يكون يتسلا لانو احمد ابن اختي وبعرفو كتير منيح

هبة. مابعرف شو بدي قلك
مريم. احمد صار متصل فيني كتير ويسألني اذا خبرتك او لا لو تعرفي شو خايف انك ماتحبيه

وانا خليتك كم يوم لتفكري بس باين عليكي انو كتير بتحبيه صح او لا ؟

هبة. اي انا كتير بحبو من اول مره شفتو فيها لفتلي انتباهي وصرت فكر فيه

مريم. هههههه ياعمري ، رح خبرو انك بتحبيه لأن كل مايتصل كنت اتهرب من الجواب

هبة. متل مابدك بس ماتخبري حدا
مريم. ولو اكيد ما رح خبر حدا

نزلت ع بيتنا ودخلت ع غرفتي وصرت فكر فيه
بعد نص ساعة اجت لعنا مريم ودخلت ع غرفتي

مريم. بتعرفي انو اليوم احمد جايي لعندي وبدو يشوفك

هبة. شو
مريم. اي يلا جهزي حالك مشان بس يجي تجي انتي كمان

هبة. طيب خبرتيه
مريم. اي خبرتو ولو تشوفي شو فرح وانبسط

هبة. طيب كيف بدي واجهو والله مابقدر
مريم. يي لك هبة خلصيني قومي البسي واطلعي معي هلأ مشان بس يجي انتي تكوني موجودة وكمان مشان نعملو الاكلات الي هوا بحبهن ولاتخافي انا معك

هبة. بس ماتخبري اخي بشي
مريم. اي اكيد

يتبع...
الجزء الثاني

#احمد_يا_نور_العيون_الكاتبة_روان_الشبلاق

الجزء الثاني

لبست تيابي وطلعت مع مريم ع بيتها
والمسا اجا احمد كان مبسوط كتير وطول الوقت يتطلع فيني بدون مايحسس اخي بشي
ماصارلنا نحكي شي ابدا بس نظرات
ظلينا هيك فترة منيحة وكان كل خميس يجي يسهر عند اخي وانا اطلع اسهر معهن شوي

بعد فترة تعرفت ع اختو لأحمد هي مخطوبة وبعد فترة عرسها صارت رفيئتي وعرفت قصتنا وصرت ابعت معها رسائل لأحمد وهوا كمان يبعتلي

ماصار حكي بيني وبين احمد ابدا بس رسائل
بعد فترة عزمتني اختو ع عرسها وعزمت اهلي وانا انبسطت كتيرر لأني رح شوف احمد

طلعت لعند مريم ع بيتها وصرنا نحكي

مريم. هبة احمد طلب مني رقمك وما اعطيتو ياه قلت لأسئلك بالأول

هبة. شوو منيح ما اعطيتيه
مريم. ليش بتصيرو تحكو مع بعض مو احسن من الرسائل

هبة. بخاف اهلي يعرفو والله بموتوني
مريم. لاتخافي مارح يعرفو سجليه بأسم بنت وحطي قفل لموبايلك
سدئيني احمد كتير بحبك اوثقي فيه

هبة. طيب اعطيه ياه
مريم. اوك

بالليل رن موبايلي رنه قصيرة من رقم غريب عرفت انو هاد احمد
رجع اتصل ورديت عليه وانا متلبكة اول مرة بسمع صوتو ع الموبايل

احمد. كيفك هبة
هبة. الحمدلله ، انت كيفك
احمد. مشتاقلك ومامسدء ايمتا يجي عرس اختي حتى شوفك
واقعد معك ونحكي

هبة. كيف رح يصير هيك
احمد. انتي مايهمك اهم شي حاولي تحضري الحنة بالليل

هبة. بس مابعرف اذا اهلي رح ياخدوني معهن او لا

احمد. حاولي كرمالي لسا في خمس ايام بتقدري تقنعيهن

هبة. ان شاء الله ، يلا انا لازم سكر بدك شي
احمد. سلامتك
هبة. مع السلامة

صار احمد كل يوم يتصل فيني ونحكي ونتعرف ع بعض اكتر
بس ما اجا لعنا بهاد الاسبوع لانو مشغول بالتجهيز لعرس اختو
اجا يوم الخميس وكنت كتير فرحانة لأني رح شوفو
جهزنا حالنا ورحنا انا وامي ومرت اخي
اول ماوصلت لهنيك
قعدت امي ساعة وصار بدها انو نروح بس مرت اخي اصرت عليها كتيررر اني ظل معها وبالفعل بعد ساعة من الاقناع وافقت امي اني ظل مع مرت اخي

بعد ماراحت امي بساعتين دخل احمد يرقص مع اختو وماكان في حدا غريب بس قرايبهم وصارو يدبكو كلهن سوا وانا عم اتفرج عليهن كتير غرت عليه من البنات الي كانو موجودين
بعد شوي حطو اغنية تسلميلي ما احلاكي وصار يرقص مع اختو ويتطلع فيني انو تعالي بس مارديت عليه الكل مسكو ايدين بعض وعملو دائرة حوالي العروس وصارو يرقصو اجت مرت اخي وسحبتني من ايدي وخلتني ارقص معهن كانت هيي بيني وبين احمد بعد شوي طلعت من الرقصة وخلتني امسك ايد احمد لأن صرت انا جنبو
مابعرف كيف تشجعت ومسكت ايدو قدام الكل يا الله شو شعور حلو انك تمسك ايد الي بتحبو
كانت دقات قلبي قوية كتير وكان بدي قول لكل الناس احمد حبيبي ، حبيبي الي وبس ، بس خلصنا طلع احمد من الصالة واجت لعندي مرت اخي

مريم. هبة احمد ناطرك ع السطوح بدو يحكي معك اطلعي بس انتبهي ماحدا يشوفك

هبة. بس
مريم. بدون بس يلا روحي بسرعة

طلعت لعندو واول ماشافني قالي طالعة حلوة كتير

هبة. عيونك الحلوة

وقفنا جنب بعض تحت ضو القمر والجو بجنن
وماكنت خايفة ابدا

احمد. شفتي ماقلتلك انو رح نقعد ونحكي
هبة. بس ماكنت متوقعة انو امي تخليني هون بس مريم هي اقنعتها

احمد. اي بعرف هالشي
هبة. بس شو نهاية هالشي الي بينا

احمد. لا تخافي ياحبي اسبوع بالكتير وبجي بخطبك

اتطلعت فيه وانا متفاجئة عنجد بتحكي

احمد. والله عنجد
هبة. ماعم سدء
احمد. امبلا سدئي رح اخطبك ورح نتزوج بس قولي ان شاء الله

هبة. ان شاء الله

صار يقرألي شعر ويغنيلي صوتو كتير حلووو
وكنا نتطلع بالقمر وبالنجوم

هبة. انت حبيبي الي وحدي مارح خلي حدا ياخدك مني

احمد. وانتي عمري مابخلي غيري يلمسك

كان يوم بجنن كتير حلو
تاني يوم الزفة اجا احمد لياخدني انا ومرت اخي وظلينا ساعة نترجا امي لحتى خلتني امي اطلع معو كنت جايبتلو هدية قنينة عطر ريحتها بتجنن اعطيتو ياها بس وصلنا وقدام مرت اخي فرح كتير فيها وخلصها كلها ع حالو ع قد مابخ منها ونحنا نضحك عليه

هبة. هههههه انت مجنون
احمد. مجنون فيكي

مريم. ههههههه لك استحو ماشايفيني واقفة معكن اصلا اذا حدا عرف غير اتطلق من وراكن

احمد. لا تخافي مارح يصير شي كلو اسبوع ورح نخطب

مريم. اي ان شاء الله يلا خلونا نفوت

هاد اليوم حسيتو مرق بسرعة وماحكيت مع احمد لأن كان مشغول وماشفتو كتير
وبس خلص العرس وصلنا ع البيت بس رغم هيك كان يوم حلو كتير بكفي اني شفتو

بعد كم يوم اجا العيد وجبتلو هدية لأحمد ساعة سبور ملبسة الماس كانت قطعة نادرة ومافي منها بس كانت غالية كتير واتدينت حقها من خالتي
اجا احمد لعند مرت اخي واعطيتو ياها بس شافها عجبتو كتير ولبسها

هبة. ايمتا رح يجي اليوم الي رح كون فيه ملكك وع ذمتك ورح قول لكل الناس انا حبيبتو لأحمد

احمد. هانت ياعمري امهليني كم يوم بس

وبالفعل بعد كم يوم اتصلو اهلو لأحمد واخدو موعد ليجو لعنا بس خبروني ماسدئت ورحت فورا اتصلت فيه وكان كتير فرحان وقالي انو وعدتك انو اجي اطلبك ورح اجي

هبة. والله كتير فرحتني بس بلكي اهلي واهلك ما اتفقو وماوافقو

احمد. لك الي مابدو يوافق بدي احرقو والله ببيع كل الدنيا كرمالك
انتي مابتعرفي اديش بحبك

تاني يوم لبست وجهزت حالي لأنو احمد واهلو جايين لعنا

هبة. اديش الساعة ، قربو يوصلو
مريم. شبك ليش هيك متوترة هدي حالك شوي

هبة. والله مابعرف ليش هيك حاسة حالي بحلم
مريم. ههههههه بس حلم حلو

بعد شوي وصلو وفورا حكو بالموضوع وطلبوني ضيفتهن القهوة وقعدت معهن شوي
وبس راحو سألوني اهلي ازا موافقة او لا
قلتلهن اي وهني كمان وافقو لانو بيقرب لمرت اخي وقالو انو الشب مرتب ومنيح وبيشتغل
طار عقلي بس عرفت انو موافقين وماقدرت نام طول الليل من كتر التفكير

تاني يوم خبروهن اهلي انهن موافقين وقالو انو بدهن يجو ويتفقو ع موعد الخطبة

بس عرفت عمتي اختو لأبي انو رح انخطب اجت لعنا وطلبتني لأبنها وقالت انو هيي ابده من الغريب
ابي ماعرف شو يحكيلها والمشكلة انو صار معطي كلمة للجماعة وبنفس الوقت اختو رح تزعل

يتبع...
الجزء الثالث

#احمد_يا_نور_العيون_الكاتبة_روان_الشبلاق

الجزء الثالث

خفت كتير وصرت ابكي بس مستحيل اتخلى عن احمد لو مهما يصير
رحت قعدت مع عمتي وصرت ابكي قلتلها روحي معلقة بهالشب الله يخليكي لاتفرقي بينا
انا كتير بحبو وهوا بحبني
عرفت عمتي بقصتنا وزعلت عليي وتفهمت الموضوع ووعدتني ماتخبر حدا

وانا ارتحت كتير والحمدلله انو مافي ولا مشكلة بطريقنا
وبالفعل اجو اهلو لأحمد وحددو موعد الخطبة يوم الجمعة وحددو موعد العرس بعد 3 شهور

يوم الخطبة كان احلى يوم بحياتي بوجود احمد جنبي حسيت حالي ملكت الدنيا كلها
مابدي الا يكون معي وجنبي طول العمر ونكون ايد وحدة وحبنا يكبر يوم بعد يوم
والحمدلله ماواجهنا مشاكل وامورنا مشت بسهولة
لان الحب الي بينا كبير وسادء وماممكن يفرقنا شي
نحنا خلئنا لنكون لبعض ولنكمل بعض ( هبة ♡ احمد )

عملنا حفلة بتجنن وطلعت حلوة كتير واحمد كمان كتير حلو
وعزمت كل رفقاتي وصارت حفلة كتير حلوة

وكل الي بيعرفو احمد كانو يقولولي كيف قدرتي تخليه يحبك مع انو كتير بنات حاولن ياخدن قلبو بس ماقدرن
واحمد كان معروف بكل العيلة انو رومنسي وحباب ومحترم واجتماعي
ومحبوب من كل الناس والو شعبية بين الناس

احمد. قومي نرقص
هبة. اي موافقة

رقصنا سلو قدام الكل وكانت هي اللحظة الي بنتمناها

بس خلصت الحفلة قعدنا لحالنا واتعشينا وحكينا عن الحفلة وصار يجاكرني بالبنات الي كانو يتطلعو عليه مشان اغار عليه لأنو عنجد بحبو بجنون

ايام الخطبة كانت احلى ايام حياتنا ماكانت الدنيا واسعتنا من الفرح كنا اجمل تنين بالدنيا ومن كتر الحب الي بينا خفت من عيون الناس

بلشنا التجهيزات للعرس واحمد بدو غرفة نوم تفصيل وصا النجار عليها
وكنت كل يوم اتصل فيه واسألو كيف قضيت نهارك يقولي عند النجار مشان يخلصلي الغرفة جننتو بدي يخلصها بأسرع وقت ونتجوز صرت اضحك عليه وهيك قضينا وقت الخطبة

حددنا موعد العرس بشهر
11/2014

احمد. حبيبتي
هبة. عيوووني
احمد. خايف الجو مايكون حلو ويكون برد نهار حفلة الشباب

هبة. لا انا متأكدة انو رح يكون الجو حلو
احمد. اي ياريت ، يلا انا بدي روح لعند النجار بدي اصرع راسو اذا ماخلصها

هبة. هههههههه

وبالفعل النجار جهز الغرفة وتاني يوم اخدنا الجهاز ورتبناه ورحنا لنحجز فستان بس بصعوبة حتى لقيت طلبي لأن ماكان يعجبني شي لأن كان بدي فستان مو ملبوس ابدا

اجا يوم الحنة ولبست فستان قصير وكتير حلو وعملنا حفلة حلوة كتير
ونامن كل الصبايا عندي ليودعني لأن اخر يوم الي ببيت اهلي

تاني يوم
يوم الزفة طلعت ملكة بالأبيض وحسيت بكل لحظه بهاد اليوم وبس اجا احمد رقصنا مع بعض واجا اخي الكبير يطالعني من بيت اهلي صار يبكي ع فراقي كان بحبني كتير وحنون كتير بس شفتو يبكي صرت ابكي معو ع فراق اهلي بس كانت دموع فرح الحمدلله

طلعنا شهر عسل انا واحمد بجنن كانت احلى ايام حياتنا حب وفرح وضحك

احمد. انتي اميرتي وحبيبتي المدللة
هبة. وانت نور عيوني بحبكككك
احمد. هههههه وانا بحبك

احمد. بتعرفي كنت بدي موتو لأبن عمتك انو كيف تجرء يخطبك وكان بيعرف انو انا طالبك

هبة. هههههه عنجد بتحكي
احمد. والله يعني مجنون هاد والله لو فكر يعمل مشاكل لكنت موتتو وماسئلت انتي الي وبس

صرت اضحك عليه بجنوون
كتير بحبني وبغار علي

بس خلصنا شهر العسل رجعنا ع بيت حمايي سكنا معهم لحتى احمد يكمل عمار شقتنا لانو سلفتي اهلها برات البلد وحابة تبقى ساكنة مع بيت حمايي لهيك نحنا يلي رح نطلع لان البيت مافيه وسع

احمد. بتعرفي مو عاجبني لون الغرفة بدي خلي النجار يغير لونها شو رأيك

هبة. متل مابدك حبيبي

رجع احمد لعند النجار وقلو انو مو عاجبيتو الغرفة وبدو يغير لونها وخلا النجار يبخها من اول وجديد
وحلف النجار مابقا يفصل غرف نوم لأجل احمد لأنو جلطو بفترة الخطبة وهلأ
وبنفس الوقت النجار كان مبسوط بحماس احمد وشخصيتو لأن كان عندو اسلوب بخلي الكل يحبوه وكانت شخصيتو قوية

احمد كان كتير يحب اهلي وياخدني كل يوم لعندهم نروح نسهر

وبعد ماصارلي شهرين متزوجة فقت الصبح تعبانة ودايخة ووجهي اصفر وكنت عم بستفرغ
رحت لأشتغل بالبيت ودخت ركدت لعندي سلفتي قالتلي ارتاحي انتي وانا بشتغل باين عليكي انك تعبانة

حماتي لما شافتني خافت عليي وعرفت السبب قالتلي هبة لتكوني حامل ؟

انصدمت من حكيها وقلتلها بس بكير قالتلي رح تجبلي جهاز تحليل للحمل وبنعرف
وبالفعل طلعت النتيجة ايجابي وبيت حمايي فرحو كتير

ولما اجا احمد من الشغل دخلنا ع الغرفة وخبرتو

هبة. احمد بدي خبرك شي
احمد. قولي حبيبتي
هبة. انا حامل
احمد. عنجد بتحكي
هبة. والله عنجد

احمد. يا اااالله يعني رح يجي وليد
هبة. ههههه لك طول بالك ماببين هلأ اذا ولد او بنت

فرح كتير احمد بالخبر واخدني لنسهر ببيت اهلي ونخبرهم وبس عرفو انبسطو كتير وفرحولنا

احمد. هبة حبيبتي شو مابتشتهي وشو مابتتمني بس قوليلي
رح جبلك كل شي بدك ياه ومارح خلي شي بنفسك

هبة. الله يخليلي ياك
احمد. لك انتي روحي وحياتي مابتمنى من ربي الا انو يهون عليكي الحمل وتكوني بخير دائما

هبة. ياعمري انت
احمد. لك والله بحبك
هبة. وانا كتير كتيررر بحبك

وبعد اربع شهور رحت ع الدكتورة لأعرف جنس المولود واحمد كان طاير عقلو لان كان بيتمنى انو يجيه صبي بالأول ويقلو بابا ويصير ياخدو معو وين مايروح

بس طلع فيني بنوتة بس عرف احمد زعل شوي وبعدين فرح قال الحمدلله شو ماكان وين المشكلة اذا كانت بنت اهم شي تطلع بتشبهك بكون اسعد انسان بالدنيا والبنات مافي احن منهن
فرحت كتير بكلامو
والكل انبسطو بس عرفو
واحمد صار كل مايشوف تياب حلوة بالسوق للبنوتة يجيبهن ومو مسدء ايمتا صير بالشهر التاسع

كانت ايام حلوة كتير احمد بدللني كتير ومامخليني احتاج شي وطلباتي عندو اوامر حنون كتير وطيب

ولما صرت بالشهر السادس صار موعد قدم التوجيهي لأن كنت مسجلة مشان البكلوريا بس بصعوبة حتى وافق احمد لأن كان كتير يغار عليي
وشرط عليي انو ماكمل جامعة وانا وافقت

وصرنا كل يوم الصبح نطلع مع بعض ع الأمتحان ويستناني لحتى خلص ونرجع ع البيت

كان يصير مشاكل صغيرة مع حماتي لأني كل يوم بطلع من الصبح ع الامتحان وانا حامل وبرجع تعبانة كتير
ت
وانا ماسدئت ايمتا خلصت الامتحانات لحتى نرجع متل الاول مبسوطين ونعيش بدون مشاكل
بس احمد كان كل يوم يتعب جسمو كتير وماكنا نعرف من شو

هبة. شو فيك حبيبي
احمد. ولشي حبيبتي
هبة. حاسستك تعبان
احمد. لا تعب خفيف من الشغل
هبة. سلامتك ان شاء الله
احمد. الله يسلمك ويخليلي ياكي

تاني يوم قعدت بكير وقعدت احمد ليروح ع الشغل بس كان تعبان كتير ومو قادر يطلع ع الشغل واسألو شو فيك يقلي قريب قوي
بس كانت تصيبو حرارة ماتفارق جسمو وصداع قوي برأسه
ظل ع هي الحالة اسبوع ومايطلع ع شغلو ولا يقدر يتحرك

هبة. احمد مابصير هيك لازم تروح ع دكتور
احمد. والله مافيني شي بعرف حالي هاد قريب وبروح لاتخافي انا مافيني شي هاد بسبب الجو
هبة. بس انا كتير خايفة عليك
صرلك اسبوع ع هالحالة بكرا روح ع الدكتور كرمالي الله يوفقك

احمد. رح روح بس كرمالك مع انو بعرف رح يقلي قريب
هبة. اي معليش مابنخسر شي

تاني يوم رحنا ع الدكتور طلب تحاليل كتير
وجه الدكتور ماكان بطمن وبس طلعن التحاليل طار عقلو الدكتور من النتيجية

الدكتور. مستحيل في غلط هاد المريض لازم مايقدر يقوم من فراشه من هي النتائج

سألناه شو فيه ورفض يحكي طلب انو نحولو ع مشفى بالشام وطلب انو نشوف دكتور دم

من حكي الدكتور كنا ع اعصابنا وبالموت حتى اقنعنا احمد انو نطلع ع الشام
وهنيك دخلونا ع دكتورة اسمها ليلى وطلبت تحاليل وعم نستنى النتيجة

هبة. خايفة كتير عليك
احمد. ليكني قدامك مافيني شي وهلأ بتشوفي الدكتورة رح تقول مافيك شي ليش جايي لعندي

هبة. بس حكي الدكتور خوفني
احمد. ههههه اف ليش خوفك هلأ بتشوفي اذا ماقلعتنا لان انا متأكد انو قريب

طلعو التحاليل وطلع فيهن الكريات البيض نازله عندو كتير والخضاب نازل
الكريات البيض هي يلي بتحافض ع الجسم اذا نزلت بصير الجسم مافيه مناعه يعني اقل جرثومة بتئثر فيه والمناعة عندو بتكون متل الطفل الصغير

الدكتورة ليلى. ام المريض احمد لو سمحتي تفضلي لعندي لوحدك

هبة. شو في ليش مابدها يانا
احمد. مابعرف
هبة. اكيد في شي انا رح فوت لعندهن
احمد. لا خليكي من شو خايفة
هبة. خايفة عليك
احمد. هبة لا تحكي هيك والله بزعل منك انتي انتبهي ع حالك ولا تهكلي همي انا منيح

قربت منو وحطيت راسي ع كتفو وغمضت عيوني وقلت
ان شاء الله يكون هيك

ام احمد. خير دكتورة طمنيني
ليلى. ابنك لازم ينام بالمشفى لأنو بدنا نسحب من صدره خزعة ادعيلو مايطلع معو مرض السرطان

يتبع...
الجزء الرابع

#احمد_يا_نور_العيون_الكاتبة_روان_الشبلاق

الجزء الرابع

ام احمد. شوووو ابني احمد حبيبي ابني الغالي يطلع معو سرطان
لا تقولي هيك مشان الله هاد ابني ونور عيوني هاد ضنايي ياوووويل قلبي عليك يا ابني ياريت المرض الي ولا الك يابعد عمري

ليلى. لو سمحتي هدي حالك شوي نحنا مالنا متأكدين

ام احمد. لك ابني معو السرطان وبتقوليلي هدي حالك لك كيف هيك كيف ياربي تحط المرض فيني ومايصيب ابني شي يارب مابتحمل شوفو عم يذبل قدامي دخيلك ياربييييييي

هدتها الدكتورة وقالتلها انو لازم ماتخبر حدا وتقول انو مرضو التهاب بالدم مشان ماتنزل معنوياتو لأحمد ومشان الجنين مايصيبو شي اذا عرفت هبة

وافقت ام احمد وطلعت طمنتهم والدموع بعيونها

وبعد ماسحبو الخزعة من صدره قالت الدكتورة النتيجة بدها اسبوع لتطلع فيكن ترجعو ع البيت
وبالفعل رجعنا كلنا من الشام ع درعا
كانو الكل ناطرين ليعرفو شو صار مع احمد
حماتي فورا صارت تبكي وتقول مافي شي التهاب بالدم
ماحدا سدئها وظلو وراها لحتى الكل عرفو بمرض احمد وظلو مخبين علي انا وياه
وكان بيتنا مايفضى من الضيوف والكل يدعي تطلع النتيجة سليمة وحماتي وستي دمعتن مانشفت وماكنت اعرف شو السبب

هبة. احمد ليش كل قرايبنا عم يجو علينا مافي بالعادة
والكل عم يدعيلك بس حماتي والدكتورة طمنونا انو مافيك شي

احمد. والله مابعرف سمعتي بأدنك الدكتورة شو قالت انو مافيني شي
بس هي هيك امي بتخاف من كل شي اذا واحد مننا انجرحت ايدو بتصير تبكي بتخاف علينا كتير
اصلا مابعرف ليش رديت عليكن ورحت ع الدكتور

هبة. وليش بقى
احمد. اي لأن الواحد مابكون فيه شي وبمرضوه

هبة. بس انت ظليت اسبوع ماتقدر تمشي ع رجليك
احمد. بس هلأ مافيني شي
هبة. اي الحمدلله يارب

تاني يوم كانت حماتي عم تدعي وتقول يارب مايطلع معو خبيث

خفت كتير بس سمعت هي الكلمة وعرفت انهن كزبو عليي صارو دموعي يهرو من عيوني وظليت واقفة مكاني وماتحركت لحتى اجت سلفتي وشافتني عم ابكي وبدون حركة مصدومة كتير

قلتلها كلكن كزبتو عليي احمد معو السرطان
صارت تقول لا وتغطي بس مافي فائدة هي الحقيقة لحتى اعترفت انو ماببين لهلأ لتطلع النتيجة وخبرتني ماخبر احمد

يا الله شو صار فيني بهديك اللحظة حسيت اني رح اخسر احمد وماكان طالع بأيدي شي الا استنى النتيجة
ماكانو دموعي يوقفو
الخوف سيطر عليي الحزن احتل قلبي حسيت بخنقة كبيرة جواتي لحتى انفجرت بالبكي

بعدين رحت لعندو ع الغرفة وقعدت فوق راسو وصرت اقرء قرءان والدموع ع الكتاب ماكنت قادرة امسك حالي قدامو

وكنت طول الوقت اسجد وادعي ربي يشفيه ويعافيه وابكي بكل ليله ولما يصيبه الوجع بنص الليل اقوم اقرء قرءان واقرء دعاء الشفاء يرتاح وينام

بعد كم يوم رحنا ع الشام وطلعت النتيجة وللأسف طلع مع احمد سرطان بالدم
ومافي كتل الحمدلله بس بهي الحالة بتكون جميع مفاصل الجسم بتعمل وجع وصداع قوي كتيرررر

قالت الدكتورة انو احمد رح يعرف وانو الافضل نحنا نخبرو ومانخوفو

دخلو لعندو ليخبروه وانا كنت ابكي وماقدرت فوت الا بعد ماخبروه كان مصدوم كتير والحزن بعيونو بس حاول يتماسك ويقوي حالو مشاني ومشان امو

طلعت امو من عندو وهي تبكي ودخلت انا

احمد. ليش عم تبكي ؟
هبة........
احمد. بتعرفي ياهبة حتى لو طلع معي مرض السرطان انا مارح ازعل ومارح خاف لانو الله ببلي العبد الي بحبو وانا اكيد ربي بحبني واني ان شاء الله رح كون صابر ع وجعي

حكيو هاد قطعلي قلبي بزيادة كان يحاول يكون قوي مشاني
طالعوه من المشفى بس لازم كل فترة يروح ياخد علاج وكان يتوجع كتير طول الليل ماينام من وجعو واوقات يحبس وجعه مشان ماخاف عليه لأنو اذا كانت تنزل دمعة من عيوني يبكي معي ويترجاني ما ازعل لانو هاد الشي من رب العالمين وكان يدعي الله يختارله الخير

بلش احمد بالعلاج وصار ينزل كل فترة مع حماتي وامي ع الدكتور كنت حب اني كون جنبو بكل دقيقة بس ماكان يقبل لأنو بطني كان لحلقي ماكنت اقدر انزل معو

علاجو كان غالي كتير وكل اسبوعين كان لازمو 100 الف ومع هيك حماتي فورا تشتري الدوا وكانت مستعدة تضحي بكل شي مشانو مع انو وضعهن المادي عادي بس كان وضع بيت اهلي منيح وكانو يساعدوه لأحمد ويوقفو جنبو ويروحو معو ع الشام اكتر شي امي وحماتي كانن يرافقنو

بس كان يروح كنت ظل صلي وادعيلو طول الوقت
صحيح مافيني كون جنبو بس اكيد دعائي بيوصلو وين ما كان

كل مابتخيل اني خسرتو لأحمد بحس روحي عم تطلع مني يا الله اديش الحزن والألم كان موجود بالبيت فجأة راح الفرح واجا الحزن يا الله هالدنيا ما اقساها مستحيل تكمل فرحتنا كنا عم ننتظر بنتنا سوا بالدقيقة بس هلأ اكتر الاوقات بقضيها وحدي بدون احمد يااااااارب تشفييلي ياه يارب اسألك بأسمك الاعظم الذي اذا دعيت به اجبت واذا سألت به اعطيت واذا استرحمت به رحمت واذا استفرجت به فرجت ياااارب ياااارب تشفيه لاحمد يارب العالمين

بعد فترة من العلاج تحسن احمد كتير وبلش يرجع لحياتو الطبيعية ووقف العلاج كان فرحتنا قد الدنيا كلها
انو احمد رجعلنا بخير وسلامة ورح نكمل حياتنا مع بعض الف حمد وشكر الك يارب

بعد فترة قصيرة قال احمد انو بدو يرجع لشغلو لانو مل كتير من قعدة البيت بس الدكاترة ماقبلو لان شغلو صعب وفيه تعب قالو انو يفتح محل صغير ويختار شغل مريح اله

وبالفعل فتح محل احذية بالسوق واخي الصغير كان يساعده بكل شي والشغل ريح كتير

فتت بشهري التاسع وكان الي يومين بشهري صابتني قحة قوية رحت ع الدكتورة وكانت طاقة مية الرأس بسبب القحة طلبت نقلي فورا ع الشام لأن بدي عملية قيصيرية لانو الجنين بوضع خطير
خفت كتير واحمد خاف عليي كتير ووقف جنبي
رحنا ع الشام انا واحمد وامي وحماتي
والحمدلله ولدت بالمشفى بالشام واجت بنتي يلي نورت حياتي
واحمد لما شافها فرح فيها كتير وماسدء انو صار عندو بنت ومن فرحتو بالبنوتة نسي يشوفني

بالمشفى كان ممنوع ينام معي الا شخص واحد قررت امي تبقى واحمد وحماتي بدهن يرجعو ع درعا

دخل لعندي احمد ع الغرفة

احمد. الف الحمدلله ع سلامتك ياعمري
هبة. الله يسلمك
احمد. ماحابب اتركك
هبة. شو نعمل مو بأيدنا كلو يوم واحد ورح يطالعوني

احمد. رح اشتقلك

هبة. وانا كمان رح اشتقلك ومابدي انو تبعد عني
احمد. لكن خليني جنبك

هبة. ياريت لو فيني خليك ، قلبي رح يبقى معك
احمد. انتبهي ع بنتنا
هبة. بعيوني هي الغالية بنت الغالي هي من ريحتك قلبي صار معلق فيك وفيها الله يخليلي ياكن انت وهيا

احمد. صحيح شو رح نسميها مافكرنا بهالشي
هبة. اي والله شو
احمد. امممم بكرا بس تطلعي بكون انا اخترتلها اسم طبعا اذا مافي اسم ببالك

هبة. لأ مافي اختار انت
احمد. طيب حبيبتي انتبهي ع حالك انا بدي روح بدك شي

هبة. سلامة قلبك
احمد. الله يسلمك

تاني يوم خرجوني من المشفى ونزلت ع درعا
حماتي واحمد رحبو فيني احلا ترحيب

احمد. نورتي البيت حبيبتي
هبة. منور بوجودك

احمد. لقيت اسم للبنت
هبة. شو ؟
احمد. ليمار

طلع الاسم من تمه بجنن يا الله ما احلاه وقت لفظو

احمد. شو رأيك حلو ؟
هبة. بجنن
احمد. خلص لكن اسمها ليمار

ظليت حوالي عشرين يوم بالفراش واحمد ماخلا شي بنفسي ماجبلي ياه وماحرمني من شي وطول الوقت يدلل فيني

بس صرلي شهر رجعت فكر بمرض احمد ياتره رح يبقى هيك جسمو قوي ولا رح يرجع يتعب ويرجعلو المرض
عقلي كان مشتت وكنت اتعب من كتر التفكير
كنت ظل خايفة عليه اذا بقول اه كان قلبي ينوجع عليه مو متحملة صدمات ابدا كان بدي نظل عايشين ومبسوطين
وبالأخص انو احمد غلب المرض بثقتو بالله وبأرادتو القوية ومابقى فكر
او يمكن بفكر بس بدون مايحسسني
بس انا بظل طول الوقت خايفة عليه وحاطيتو جوات عيوني

بعد كم يوم طلعت نتائج البكلوريا وكنت خايفة كتير اجا احمد لعندي وقال ييييي ياهبة راسبة راسبة وراح تعبك ع الفاضي لأنك ماسمعتي كلمتي
وانا جنيت بس سمعت هيك

هبة. عجد ، اف يااااه
احمد. ههههههه روقي روقي عم بمزح معك
هبة. يعني شو
احمد. نجحتي وجبتي علامات

بس سمعت هيك فرحت كتيررر وقلت انو ليمار وجهها خير علينا ويارب باقي ايامنا كلها فرح

بعد فترة احمد وحماتي راحو ع الشام عندهن موعد مع الدكتورة لأن احمد كان صايبو صداع قوي برأسه
طلبت منو الدكتورة صورة خافت يكون في كتل
وطلبت علاج كل اسبوع وحقن للدماغ وماحدا بيتحمل هالشي الا الي جسمو قوي

طلعت النتيجة وطلع صايبه سحايه بسبب اعراض المرض و كل يوم لازمه علاج اشعة لحتى تكتل السحايه ولازمه 10 جلسات لهيك اضطرينا نستأجر بيت بالشام مشان الجلسات
وبالفعل ظلينا بالشام وقعدنا ببيت عربي بجنن واحمد طلب مني ظل جنبو
وبدو حماتي كمان تظل جنبو
وبنتو كمان لأن اغلى من كل الناس ماحدا بسدء الحب والحنان يلي قدملها ياه يلي بشوفو هلأ اديش بحبها مابسدء انو كان بدو ولدو وبدو يسميه وليد

عشنا بالشام فترة والحمدلله كنا متوكلين ع الله ورضيانين بكل شي بيختارلنا ياه وماكنا نخلي الزعل يسيطر علينا

بعد كم يوم اضطرت حماتي تنزل ع درعا لأن سلفتي رح تولد وماعندها حدا واهلها مسافرين
ظلينا انا واحمد وليمار بالبيت لوحدنا كنا كتير مبسوطين فوق وجعو كان يفتل فينا بكل الشام ويطعمينا بوظة لأني كتير بحبها لهي الأكلة

بس خلص الجلسات رجعنا ع درعا
وطبقنا السنة زواج وبيوم عيد زواجنا كنت مبسوطة كتير انو احمد تحسن وحضرت سفرة بتجنن
واحمد مانسي العيد لانو رومنسي كتير وبحب الهداية
جابلي هدية بتجنن وجاب حبل اضويه بجنن وشغلو يالغرفة وعمل جو رومنسي

احمد. هبة انا كتير بحبك
هبة. وانا كمان
احمد. هاد اول عيد زواج لألنا بدي منك انو تسامحيني ع كل الأيام الي تعزبتي فيها بسببي وحملتك اكتر من طاقتك وانتي لساتك صغيرة

ضميتو وقلتلو لا تحكي هيك انا مافيني عيش بدونك انا مبسوطة بكل لحظة عم عيشها معك بس بهمني كون جنبك صحيح عشنا بغرفة وببيت اهلك بس انا كتير مبسوطة كأني عايشة معك بقصر
انت حبيبي خليك جنبي خلي ايامنا كلها فرح اوعدني ماتتركني ، يلا اوعدني

احمد. بوعدك

يتبع...
الجزء الخامس

#احمد_يا_نور_العيون_الكاتبة_روان_الشبلاق

الجزء الخامس

كان يوم حلو كتير نسينا فيه كل الوجع
بس بعد فترة تعب كتير احمد وحالتو عم تسوء
واجا رمضان واحمد طلب انو انام انا وياه ببيت اهلي طول رمضان وبالفعل صار متل مابدو ماحبيت قلو لا لأن هي رغبتو بس ماكنت بعرف ليش
بنهاية رمضان بسبب العلاج هر كل شعر جسمو
وصابه نزيف بأنفه واخدوه اسعاف ع المشفى وماخلوني روح معو لأن كانت بنتي صغيرة وبترضع

كنت قول لحالي انو تحسن احمد ومابقى في مرض بس للأسف حالتو كل مالها للأسوء كان قلبي يتقطع عليه وهوا يجابر ع مرضو

اجانا اتصال بنص الليل من المشفى وقالو انو وضع احمد خطير وبين الحياه والموت
صارو دموعي يهرو وقمت صليت وصرت ادعي ربي بحسنة هالطفلة البريئة يرجعلي احمد
ظليت ادعي طول الليل يقوم احمد بخير وسلامة
ماكنت متخيلة اني اخسرو كان بدي شوفو وضمو وكون جنبو وامسك ايدو بس ماخلوني ... ماخلوني

تاني يوم كان قلبي متل النار اتصلو من المشفى وقالو انو تحسن وطلع من مرحلة الخطر

حسيت روحي رجعتلي بعد هالحكي
والحمدلله بعد فترة تحسن وضعو ورجعوه ع البيت وكان منيح وقرر انو يكمل بيتنا الي عمرو ويجهزو وظلينا نخطط كيف بدنا نصممو ووين بدنا نحط غرفة النوم
وكيف رح يكون ديكور البيت

وهيييك حتى اجت الشتوية واجا عيد الحب
راح احمد جاب كاتو وهداية للكل بدون ماحدا يعرف وعمل حفلة لكل العيلة ولأن كان عيد ميلاد ابن اخي واحمد كتير كان يحبو وعملو عيد ميلاد والكل انبسطو لان احمد بينا ومافيه شي
ويوم عن يوم كان يزيد حبي الو

بس كان كل فترة عندو مراجعة عند الدكتورة مشان يظلو متابعين حالتو ومايرجعلو المرض

صار عمر بنتي 9 شهور قررت افطمها مشان صير روح معو ع الدكتورة ورافقو وكون جنبو

احمد. شوفي جوعانة والله حرام عليكي
هبة. لا بكفي خليها تتعود لأن مابقدر كون جنبها كل الوقت

احمد. شايفة يا بابا امك ما اقساها مابدها تطمعيكي هههه عم تبكي لا ياروح بابا تعي لعندي شو نعمل لأمك مابتعمل الا الي براسها

هبة. هلأ انا هيك ، طلع كمان شو في بقلبك
احمد. ههههههه في انو بحبك

صرت روح مع احمد ع الدكتورة واوقات ناخد ليمار معنا بس احمد كان يخاف عليها كتير ومابحبها تدخل مشافي

لحتى اجا يوم وتعب احمد كتير كتير رحنا ع الدكتورة وطلبت من احمد انو ينام بالمشفى لأن وضعو سيئ جدا

توكلنا ع الله وقلنا انو اكيد بالدعاء رح يتحسن ويرجع اقوا من اول
بس ماصار هيك مرقت ايام واحمد لساه بالمشفى مابيقدر يمشي لأن صارن رجليه يعبن مي

كنت قويلو معنوياتو كتير

احمد. شوفي حالتي كيف صارت مافي شعرة برأسي رح طق

هبة. انت حلو بعيوني كيف ماكنت ولا تخاف الشعر بيرجع يطلع اهم شي تقوي حالك ولا تخلي المرض يتغلب عليك

احمد. ايه ان شاء الله

بعد اسبوع كنت بس انا مع احمد نادتني الدكتورة لعندها

ليلى. انت هبة زوجتو
هبة. اي
ليلى. كم عمرك
هبة. 19 سنة
ليلى. لساتك صغيرة بالعمر ، يابنتي احمد وضعو خطير ومابعرف شو بدي قلك بس حطي الموت بين عيونك وخلي حدا كبير من العيلة يجي اجباري

مافهمت عليها منيح لأن شافتني صغيرة وماحكت بوضوح
بس حسيت هالكلمة نزلت على قلبي متل النار وصارت تحرقني
هالكلمة دمرتني دمرت احلامي انا واحمد صرت ابكي بدل الدمع دم
بس شو بفيد لك اااه اه

قويت حالي ودخلت لعندو عالغرفة لقيت حرارتو مرتفعة كتير صرت حطلو كمادات مي ودموعي تهر ع وشي

احمد. هبة ليش عم تبكي
هبة. ولشي بس تعبانة شوي
احمد. سلامتك ، خلص قومي نامي شوي انا منيح بس انتي ريحي حالك

هبة. هههه عم بمزح معك انا مو تعبانة بس لشوف اذا بتخاف عليي او لا

احمد. انتي ضو عيوني كيف مابدي خاف عليكي ، بحبك بحبك بحبك بجنوووون

اختنقت من حكيو وصارت الغصة بحلئي

طلب انو يحكي مع ليمار
صار يحاكيها ع الموبايل وبس سمعت صوتو صارت تضحك
طلب من امو تجبلو ياها لان كتير مشتاقلها

وجابتها حماتي كانت بأول مشيها كانت يتطلع عليها ويضحك لحتى خلص وقت الزيارة وحماتي بدها ترجع ليمار ع البيت

زعل كتير احمد كان حابب انو تبقى جنبو بس مافيه يعمل شي
باسها وضمها واخدتها حماتي كان منظر بقطع القلب حتى عيونو دمعو وعم بخبي كل شي بقلبو وبيعمل حالو منيح قدامنا
والله حاسة فيه بس مافيني اعمل شي الا ادعيلو

تاني يوم رجعت حماتي وضع احمد زاد بزيادة
حاولو الدكاترة يعملولو عملية بس قالو مافي نسبة نجاح الخلاية منتشرة بكل جسمو وماحدا نجحت معو هالعملية من قبل

لحتى الدكتورة خبرتنا انو هي اخر ايامو لأحمد وقالت ادعولو

انا انهرت من الخبر وجفو عيوني من كتر البكي
حتى الكيماوي مابقى جاب نتيجة وتصلبت كل عروقو ماظل طريقة غير عملية فتح وريد بصدره
او برقبته دخلوه العناية المشددة وصار وضعه خطير صابو نزيف بصدرو ومانجحت العملية

طلبة الدكاترة يحاولو مرة تانية بس برقبته

احمد. هبة ، هبة مشاااان الله انا تعبان لا تخليهم يفتحو برقبتي والله بموت مابتحمل الله يخليكي مابدي

هي اول مرة بقلي انو تعبان حرقلي قلبي ماكان يعترف بالمرض بس هلأ مابقى يتحمل وصار يصرخ من وجعو وانا مو قادرة اعملو شي الا ابكي وادعي

دخلوه ع العناية وحالة حماتي كانت صعبة كتير لأن رح تخسر ابنها
كانت تقلي خلص يا هبة احمد رح يتركنا
ماعرفت واسيها ولا واسي حالي
نمت قدام باب العناية وانا ناطرة ع امل فيق ويكون كل شي صار حلم وانو احمد مافيه شي
تاني يوم قالولنا انو حالة احمد افضل من الأمس وانو تحسن شوي

يتبع...
الجزء السادس الاخير

اذا كان التفاعل منيح بخلصلكن ياها اليوم
 
#احمد_يا_نور_العيون_الكاتبة_روان_الشبلاق

الجزء السادس الاخير

تاني يوم دخلت لعندو وتأملت ملامحو كان مستسلم للمرض ويئسان كتير
حالتو بتقطع القلب عم شوفو يدبل قدام عيوني
الشخض الي حبيتو عم يموت وماقادرة اعملو شي
مسك ايدي وشد عليها بدون مايحكي شي وانا قلبي عم يبكي دم
كنت اتمنى لو الوجع فيني مو فيه

ظلينا طول النهار فوق راسو وعم ندعيلو ونقرأ قرءان
وبالليل صابني تسمم من اكل السوق الجاهز لأن صرلي شهر ع هالحالة وجسمي تعب كتير

اعطوني ابرة وارتحت شوي وماظل فيني شي
ورجعت لعند احمد

احمد. الحمدلله ع سلامتك ، خفت عليكي

هبة. الله يسلمك انا منيحة مافيني شي

احمد. هبة ياعمري
هبة. عيونها لهبة
احمد. تعي نامي جنبي
هبة. بس
احمد. امانة تجي

وبالفعل نمت جنبو هديك الليلة وكانت اخر ليلة بنامها ع صدرو
حمدت ربي انو صابني هاد التسمم لان بسببو نمت جنب احمد وشميت ريحتو وحسيت بدفا كبيررر كنت محرومة منو من زمان

الصبح صابو ضيق تنفس ورجعو دخلوه ع العناية مابقى قدر يتنفس
طلب مني دخلو ع الحمام بعدين يروح ع العناية

دخلتو وتوضى وغسل وحمد ربه واخدوه الدكاترة

بس شافو الدكتور قال كيف قدر يمشي ع رجليه
بس الله قواه ودخل ع العناية طاهر
حماتي ماكانت بوعيها ماكانت ع الدنيا طول الوقت تبكي وتلح بالدعاء لرب العالمين

نيموه ع السرير وبعدين طالعوه مشيت جنبو ومسك ايدي

احمد. هبة ليمار امانة برقبتك وهي اخر الأنفاس بعمري بين ايديكي وانتي عمري وحياتي والمرة العظيمة الي حبيتها وعشقتها وانا رضيان عليكي من كل قلبي
امانة ديري بالك ع ليمار ربيها متل ماكان بدنا انا وانتي ، بحبك هبة

هبة. لا تحكي هيك قوي حالك انا عم استناك لاتخلي المرض يغلبك تغلب عليه وقاوم وان شاء الله مارح يصير عليك شي

احمد. هبة ليمار ليمار امانة برقبتك
هبة. صرت ابكي وقلتلو ليمار بعيوني ياعمري

اخر جملة قالي ياها بحبك كتير
بنص الليل حسيت ع صوت الدكاترة واخواتو لأحمد كلهن موجودين صار قلبي يغلي فكرت احمد صرلو شي

رحت دخلت من الباب الخلفي للعناية لأن كان ممنوع حدا يفوت
لما دخلت شفت احمد قلبو موقف والدكاترة فوقو عم يعملو صدمات كهربائية لقلبو
ماتحملت صرت صرخ وابكي

طالعوني بسرعة والكل صارو يهدو فيني
وظليت متل المجنونة
مرق حجي كبير بالعمر من جنبي وقال لك شبك لك بنتي ليش عم تبكي والله صغيرة ع الهم

هبة. زوجي زوجي عم يموت ولساتو بأول عمرو

الحجي. طولي بالك وخلي املك بالله كبير
هبة. بس كانو عم يحاولو ينقذوه

الحجي. لا حول ولا قوة الا بالله

الصبح دخلوني دقيقة لعندو كان نايم
يا الله متل الملاك ضميتو وهوا نايم وبستو وصارو دموعي يهرو ع صدرو

طالعوني من عندو غصب عني بعد ساعتين دخلو لعندو كل الدكاترة عرفنا انو صار شي وكان بدنا حدا يطمنا

طلع دكتور وقال مين مع احمد

ركدنا كلنا عليه وسألناه اذا احمد صرلو شي

الدكتور. احمد صابو نزيف حاد بالدماغ بسبب السرطان ودخل بغيبوبة
دخت ووقعت بالارض والكل حواليي
اختنقت وصرت ابكي

رحت قعت قدام باب العناية انتظر رحمة الله وانو اسمع خبر حلو عن احمد
كانت حالتي حالة تعب تعب تعب وهموم فوق طاقتي اغلى البشر ع قلبي عم يتوجع ومابقدر اعمل شي يا اااالله

بعد ساعتين دخل لعندو الدكتور ورجع فورا وقال اهل المريض احمد قلنالو نعم وبعيونا في امل كبير بأنو يقول احمد صحي من الغيبوبة

الدكتور. حط راسو بالأرض وقال البقية بحياتكم احمد مات

سمعت هالكلمة وماظل فيني عقل
يا ااااااااالله ليش ليش ليش اخدت احمد
اغلى انسان ع قلبي بموت بدونو والله بموت
حسبي الله ونعم الوكيييييل

يارب صبرك يا الله
ياربي كنت ناطرة خبر شفائه يارب ليش اخدت مني حبيبي قعدت بالارض متل المجنونة وكل الي بالمشفى وقفو جنبي

قال الدكتور اديش بيطلع ميتين بس اول مرة صوت مجروح بهز المشفى

حماتي غابت عن الوعي وانا كنت جسد بلا روح

بعد شوي طلع تخت متسطح عليه حدا مغطه بشرشف ابيض سألت الممرضة مين هالد قالت الأسم احمد ال.....

هبة. لاااااا كزب كزب والله كزب مسكت بالتخت وصرت احكي
احمد انت مابتقدر تتركني مابتقدر تعيش بدوني ظلك جنبي الله يخليك
بصعوبة اجا ابي وبعدني عن التخت

ومرق نهار صعب كتير ( فقدتك يا اعز الناس فقدت الحب والطيبة )

صرت اتذكر وقت شفتو ببيت اخي

هبة. بعد عن طريقي
احمد. مابدي
هبة. ليكون هالبيت بيتك
احمد. هههه روقي ولا تعصبي كنت عم غسل ايديي وهي بعدت تفضلي ، ع فكرة حلوة وانتي معصبة

راح احمد راح الغالي
وينك يا احمد يا نور عيوني وينك بنتك عم تستناك بدها تشوف ابوها وبدها تكبر بينا بدها تكون سند الها تحبها وتحميها وتوقف جنبها لك اااااحمد

نزلنا ع درعا وركبو احمد بسيارة مشان الدفن يكون بدرعا واصريت اني اطلع جنبو
طلعت انا وابي وكان قلبي محروق لك اه اه شو احكي وشو قول ماتهنينا بحياتنا
هي ارادة الله انو يفرقنا الموت

وجع كبير انزرع بقلبي

خلص العزا وابي اخدني عيش عندهم لأن سلفي بالبيت وحرام اعمل العده هنيك

كانت اصعب طلعة ع قلبي اني ارجع ع بيت اهلي البيت الي عشنا فيه انا واحمد وجبنا ليمار اووووف اوف

بيت حمايي زعلو كتير ع طلعتي وتسكرت غرفتي
وسلفتي انحرق قلبها ع طلعتي لأن كانت متل اختي

مانسيت احمد ولا لحظة ولا ممكن يروح من بالي

ولحد هلأ ع تواصل مع بيت حمايي وسلفتي وبنتي كل يوم بتزورهم لانو بيتنا قريب ع بيتهم
وانا سجلت بالجامعة وهلأ بدي كمل دراسة مشان بنتي لأنو مابدي ياها تحتاج حدا وبدي درسها بس تكبر وبدي ياها تطلع دكتورة لأن هيك انا واحمد كنا حابين

عم كمل حياتي جسد بلا روح
حسيت ربي عم يمتحني ب اغلى شخص ع قلبي وحملت هموم اكبر مني ولسا عمري ماصار 19 سنة بس قلت الحمدلله ع كل حال
والحمدلله انو الله رح يعوض الصابرين ورح التقي بأحمد بالجنة بإذن الله

وهي كل قصتي ادعو لأحمد
مابعرف شو بدي قول بس الله يصبرها ويقدرها ع ترباية ليمار والله يرحم احمد وان شاء الله بجنة الفردوس

( النهاية )

احكولها كلمة لهبة لأن عم اتابع تعليقاتكن واعطوها رأيكن بقصتها

وتاني شي القصة محكية بطريقة السرد لأن عدد شخصياتها قليل لهيك مافي حوار
كل ماكان عدد الشخصيات اكتر كل ماكان الحوار اكتر

بتمنى تكون عجبتكن ولا تزعلو الي بتحبوهن لأن لو صار عليهن شي رح نندم ومابقى تفيد كلمة ياريت
 
#احمد_يا_نور_العيون_الكاتبة_روان_الشبلاق

الجزء السادس الاخير

تاني يوم دخلت لعندو وتأملت ملامحو كان مستسلم للمرض ويئسان كتير
حالتو بتقطع القلب عم شوفو يدبل قدام عيوني
الشخض الي حبيتو عم يموت وماقادرة اعملو شي
مسك ايدي وشد عليها بدون مايحكي شي وانا قلبي عم يبكي دم
كنت اتمنى لو الوجع فيني مو فيه

ظلينا طول النهار فوق راسو وعم ندعيلو ونقرأ قرءان
وبالليل صابني تسمم من اكل السوق الجاهز لأن صرلي شهر ع هالحالة وجسمي تعب كتير

اعطوني ابرة وارتحت شوي وماظل فيني شي
ورجعت لعند احمد

احمد. الحمدلله ع سلامتك ، خفت عليكي

هبة. الله يسلمك انا منيحة مافيني شي

احمد. هبة ياعمري
هبة. عيونها لهبة
احمد. تعي نامي جنبي
هبة. بس
احمد. امانة تجي

وبالفعل نمت جنبو هديك الليلة وكانت اخر ليلة بنامها ع صدرو
حمدت ربي انو صابني هاد التسمم لان بسببو نمت جنب احمد وشميت ريحتو وحسيت بدفا كبيررر كنت محرومة منو من زمان

الصبح صابو ضيق تنفس ورجعو دخلوه ع العناية مابقى قدر يتنفس
طلب مني دخلو ع الحمام بعدين يروح ع العناية

دخلتو وتوضى وغسل وحمد ربه واخدوه الدكاترة

بس شافو الدكتور قال كيف قدر يمشي ع رجليه
بس الله قواه ودخل ع العناية طاهر
حماتي ماكانت بوعيها ماكانت ع الدنيا طول الوقت تبكي وتلح بالدعاء لرب العالمين

نيموه ع السرير وبعدين طالعوه مشيت جنبو ومسك ايدي

احمد. هبة ليمار امانة برقبتك وهي اخر الأنفاس بعمري بين ايديكي وانتي عمري وحياتي والمرة العظيمة الي حبيتها وعشقتها وانا رضيان عليكي من كل قلبي
امانة ديري بالك ع ليمار ربيها متل ماكان بدنا انا وانتي ، بحبك هبة

هبة. لا تحكي هيك قوي حالك انا عم استناك لاتخلي المرض يغلبك تغلب عليه وقاوم وان شاء الله مارح يصير عليك شي

احمد. هبة ليمار ليمار امانة برقبتك
هبة. صرت ابكي وقلتلو ليمار بعيوني ياعمري

اخر جملة قالي ياها بحبك كتير
بنص الليل حسيت ع صوت الدكاترة واخواتو لأحمد كلهن موجودين صار قلبي يغلي فكرت احمد صرلو شي

رحت دخلت من الباب الخلفي للعناية لأن كان ممنوع حدا يفوت
لما دخلت شفت احمد قلبو موقف والدكاترة فوقو عم يعملو صدمات كهربائية لقلبو
ماتحملت صرت صرخ وابكي

طالعوني بسرعة والكل صارو يهدو فيني
وظليت متل المجنونة
مرق حجي كبير بالعمر من جنبي وقال لك شبك لك بنتي ليش عم تبكي والله صغيرة ع الهم

هبة. زوجي زوجي عم يموت ولساتو بأول عمرو

الحجي. طولي بالك وخلي املك بالله كبير
هبة. بس كانو عم يحاولو ينقذوه

الحجي. لا حول ولا قوة الا بالله

الصبح دخلوني دقيقة لعندو كان نايم
يا الله متل الملاك ضميتو وهوا نايم وبستو وصارو دموعي يهرو ع صدرو

طالعوني من عندو غصب عني بعد ساعتين دخلو لعندو كل الدكاترة عرفنا انو صار شي وكان بدنا حدا يطمنا

طلع دكتور وقال مين مع احمد

ركدنا كلنا عليه وسألناه اذا احمد صرلو شي

الدكتور. احمد صابو نزيف حاد بالدماغ بسبب السرطان ودخل بغيبوبة
دخت ووقعت بالارض والكل حواليي
اختنقت وصرت ابكي

رحت قعت قدام باب العناية انتظر رحمة الله وانو اسمع خبر حلو عن احمد
كانت حالتي حالة تعب تعب تعب وهموم فوق طاقتي اغلى البشر ع قلبي عم يتوجع ومابقدر اعمل شي يا اااالله

بعد ساعتين دخل لعندو الدكتور ورجع فورا وقال اهل المريض احمد قلنالو نعم وبعيونا في امل كبير بأنو يقول احمد صحي من الغيبوبة

الدكتور. حط راسو بالأرض وقال البقية بحياتكم احمد مات

سمعت هالكلمة وماظل فيني عقل
يا ااااااااالله ليش ليش ليش اخدت احمد
اغلى انسان ع قلبي بموت بدونو والله بموت
حسبي الله ونعم الوكيييييل

يارب صبرك يا الله
ياربي كنت ناطرة خبر شفائه يارب ليش اخدت مني حبيبي قعدت بالارض متل المجنونة وكل الي بالمشفى وقفو جنبي

قال الدكتور اديش بيطلع ميتين بس اول مرة صوت مجروح بهز المشفى

حماتي غابت عن الوعي وانا كنت جسد بلا روح

بعد شوي طلع تخت متسطح عليه حدا مغطه بشرشف ابيض سألت الممرضة مين هالد قالت الأسم احمد ال.....

هبة. لاااااا كزب كزب والله كزب مسكت بالتخت وصرت احكي
احمد انت مابتقدر تتركني مابتقدر تعيش بدوني ظلك جنبي الله يخليك
بصعوبة اجا ابي وبعدني عن التخت

ومرق نهار صعب كتير ( فقدتك يا اعز الناس فقدت الحب والطيبة )

صرت اتذكر وقت شفتو ببيت اخي

هبة. بعد عن طريقي
احمد. مابدي
هبة. ليكون هالبيت بيتك
احمد. هههه روقي ولا تعصبي كنت عم غسل ايديي وهي بعدت تفضلي ، ع فكرة حلوة وانتي معصبة

راح احمد راح الغالي
وينك يا احمد يا نور عيوني وينك بنتك عم تستناك بدها تشوف ابوها وبدها تكبر بينا بدها تكون سند الها تحبها وتحميها وتوقف جنبها لك اااااحمد

نزلنا ع درعا وركبو احمد بسيارة مشان الدفن يكون بدرعا واصريت اني اطلع جنبو
طلعت انا وابي وكان قلبي محروق لك اه اه شو احكي وشو قول ماتهنينا بحياتنا
هي ارادة الله انو يفرقنا الموت

وجع كبير انزرع بقلبي

خلص العزا وابي اخدني عيش عندهم لأن سلفي بالبيت وحرام اعمل العده هنيك

كانت اصعب طلعة ع قلبي اني ارجع ع بيت اهلي البيت الي عشنا فيه انا واحمد وجبنا ليمار اووووف اوف

بيت حمايي زعلو كتير ع طلعتي وتسكرت غرفتي
وسلفتي انحرق قلبها ع طلعتي لأن كانت متل اختي

مانسيت احمد ولا لحظة ولا ممكن يروح من بالي

ولحد هلأ ع تواصل مع بيت حمايي وسلفتي وبنتي كل يوم بتزورهم لانو بيتنا قريب ع بيتهم
وانا سجلت بالجامعة وهلأ بدي كمل دراسة مشان بنتي لأنو مابدي ياها تحتاج حدا وبدي درسها بس تكبر وبدي ياها تطلع دكتورة لأن هيك انا واحمد كنا حابين

عم كمل حياتي جسد بلا روح
حسيت ربي عم يمتحني ب اغلى شخص ع قلبي وحملت هموم اكبر مني ولسا عمري ماصار 19 سنة بس قلت الحمدلله ع كل حال
والحمدلله انو الله رح يعوض الصابرين ورح التقي بأحمد بالجنة بإذن الله

وهي كل قصتي ادعو لأحمد
مابعرف شو بدي قول بس الله يصبرها ويقدرها ع ترباية ليمار والله يرحم احمد وان شاء الله بجنة الفردوس

( النهاية )

احكولها كلمة لهبة لأن عم اتابع تعليقاتكن واعطوها رأيكن بقصتها

وتاني شي القصة محكية بطريقة السرد لأن عدد شخصياتها قليل لهيك مافي حوار
كل ماكان عدد الشخصيات اكتر كل ماكان الحوار اكتر

بتمنى تكون عجبتكن ولا تزعلو الي بتحبوهن لأن لو صار عليهن شي رح نندم ومابقى تفيد كلمة ياريت
 
الوسوم
أحمد العيون نور يا
عودة
أعلى