هاد رابع عيد الي مع جوزي حبيبي طارق… اول عيد كنت متوقعه اصحى لاقي جنبي باقة ورد مشكوك فيها دولارت وشي حلق او خاتم متل الهدايا الي منشوفهن عالفيسبوك … بس لقيت قميص و بنطلون فركت عيوني قلتلو شو هاد!! قلي قومي اكويهن يقطع عمرك شو تنبل وقليلة مروة
قلت اهضميها يا بنت بكون ما خطرلو يعايدني لان اول عيد…
تاني عيد قمت قبل الشحادة و بنتا و كويتلو تيابو و عطرتن ورجعت نمت و قلت هلا بكون حس ع دمو و بيعطيني 100 دولار اتبعزق فيهن، صحيت لقيتو فوق راسي و بايدو كيس عم يقطر دم على خلقتي و عالتخت و ريحة زفر بتقتل قتل … وهو عم ينط متل السعدان و يقلي اجانا لحمة اجانا لحمة قومي اطبخيها… وقتا ضليت شهر اغسل الفراش و نفسي تلعي… و انا عم قول مو مستاهلة تطلقي يا بنت بكرا هديل المكيودة بتشمت فيكي
تالت عيد قضيتو بالمستشفى لان خلفت بنتي الله. يخليها و ما عايدني كمان كسر بخاطري ابو كرش
بس هالعيد غيررررر…. لا والله ما رح مضيها ع خير!!
صحيت الصبح قبل طلوع الشمس… لبست المشمي و التشتي ولبست كندرة عرسي البيضا الي جبتا ب 300 ليرة و تعطرت… و عملتلو فنجان هالقهوة و فتت عالغرفة عم طقطق بهل كعب.. ياريتها رجلي انكسرت قبل ما البسو… ياريتني تكرسحت و ما مشيت فيه و لك ياريتني تعلقت من رموشي قبل ما اعمل هالعملة …
لسه ها وصلت عالتخت و بدي صحيه و طق الكعب و انكسر و وقعت على طرطوقتي حبيبي… و اندلقت ركوة القهوة و المي عليه و قام متل الثور الهايج فكرتو جن و صرت اقرأ المعوذات عليه و قول دستوووور من خاطركون يا اسيادنا وقلو وحد الله وحد الله …
استوعب الوضع و زورني هديك الزورة تبعك والله لربيكي بس طولي بالك علي… و دفشني لزقت بالحيط متل السحليه الي عم تنازع… سحب حالو لينزل من التخت و يروح يغسل لان حممتو بالقهوة … و لحكمة من الله…. لحكمة من الله ها
اجت رجلو عالكعب المكسور تبعي… و انا كنت متوصيه فيه جايبتو كعب مسمار طولو متر الا شوي… انا شفت هالشوفه و عصبي فز …
صار وشو كموني على زيتي مزرق …. و بعدا صرخ صوت جمع علينا بيت حماي كلهن… اصلا هن ساكنين تحتنا ازا تنفسنا بيجتمعو علينا…
كسرو هالباب و فاتو علينا و جوزي يصرخ و ينط متل الي عم تطلق و تخلف و انا نط وراه وقلو خود نفس خود نفس ادفشو لبرا.. ادفشو لبرا …
فاتت مرت عمي و عمي و شافونا بهل منظر… عم ننط و نحط متل قبائل الكونغو تبع غابات البحر المتوسط…
اخر شي فهمو انو في شي فايت برجلو بس ما عرفو انو كعب كندرتي انتو اكبر قدر
اسعفناه و دخلوه عالطوارئ و انا قلو الله ينتعك بالسلامة تؤبرني الا شوي بقلو ان شاء الله ما بتحتاج قيصريه حبيبي شد همتك و جيب طبيعي
قضينا اول يوم بالعيد بالمستشفى و هن يعقمولو رجلو و اعطوه ابرة مشان التسمم وهو يعيط من وجعو… اخر شي سمحولنا نخرجو و انا البي عم يقول #حق#بق
فوتوه بيت عمي و حطوه بالتخت و تركونا لحالنا و طلعو..
وقفت ع باب الغرفة و انا حاسة صار معي اسهال من الرعبة و ركبي يضربو ببعض ركضت ورا بيت عمي
مرح: انا جايه معكن اكيد طارق نعسان وبدو ينام بسهر عندكن
طارق: لا لا حبيبتي تعي ياعمري وين رايحه انا مشتقلك
مرح: حبيبي بدي اطلع لعند اهلك انت نام ايه يلا باي
وهون سمعت تسكيرت باب البيت و راحو بيت عمي… نط من تختو متل القرد كأنو مافيه شي… و مسكني من شعراتي و صار يلوحني يمين و شمال… فوق تحت… يمين فوق شمال تحت حسيت انفي صار عند اصبع رجلي الصغير
طارق: مروحة حبيبتي يعني انتي كنتي بدك تموتيني اه؟
تشعبطت فيه و صرت اتسلق رجليه وقلو لا والله انا بس كنت بدي عيدية
طارق: وين فردة الكندرة الي كنتي لابستيها؟
مرح: هناك تحت التخت صارت..
طارق: اي يلا حبيبي هلا انا بدي عايدك من عيوني
و الحمد لله يا جماعة شو بدي قلكن… شو بدي احكيلكن.. يعني عيني اليسار لهلا ما بشوف فيها الا اسود و ابيض و الدكتور كتبلي على سوائل و شوربات واظب عليهن لوقت ما يركبولي طقم الاسنان الجديد بدل اسناني الي راحو…
الحمدلله كان عيد خفيف لطيف و رومنسي جداً كلو محبة و تفاهم و مفاجئات، و اهم شي اخدت عيديتي
قلت اهضميها يا بنت بكون ما خطرلو يعايدني لان اول عيد…
تاني عيد قمت قبل الشحادة و بنتا و كويتلو تيابو و عطرتن ورجعت نمت و قلت هلا بكون حس ع دمو و بيعطيني 100 دولار اتبعزق فيهن، صحيت لقيتو فوق راسي و بايدو كيس عم يقطر دم على خلقتي و عالتخت و ريحة زفر بتقتل قتل … وهو عم ينط متل السعدان و يقلي اجانا لحمة اجانا لحمة قومي اطبخيها… وقتا ضليت شهر اغسل الفراش و نفسي تلعي… و انا عم قول مو مستاهلة تطلقي يا بنت بكرا هديل المكيودة بتشمت فيكي
تالت عيد قضيتو بالمستشفى لان خلفت بنتي الله. يخليها و ما عايدني كمان كسر بخاطري ابو كرش
بس هالعيد غيررررر…. لا والله ما رح مضيها ع خير!!
صحيت الصبح قبل طلوع الشمس… لبست المشمي و التشتي ولبست كندرة عرسي البيضا الي جبتا ب 300 ليرة و تعطرت… و عملتلو فنجان هالقهوة و فتت عالغرفة عم طقطق بهل كعب.. ياريتها رجلي انكسرت قبل ما البسو… ياريتني تكرسحت و ما مشيت فيه و لك ياريتني تعلقت من رموشي قبل ما اعمل هالعملة …
لسه ها وصلت عالتخت و بدي صحيه و طق الكعب و انكسر و وقعت على طرطوقتي حبيبي… و اندلقت ركوة القهوة و المي عليه و قام متل الثور الهايج فكرتو جن و صرت اقرأ المعوذات عليه و قول دستوووور من خاطركون يا اسيادنا وقلو وحد الله وحد الله …
استوعب الوضع و زورني هديك الزورة تبعك والله لربيكي بس طولي بالك علي… و دفشني لزقت بالحيط متل السحليه الي عم تنازع… سحب حالو لينزل من التخت و يروح يغسل لان حممتو بالقهوة … و لحكمة من الله…. لحكمة من الله ها
اجت رجلو عالكعب المكسور تبعي… و انا كنت متوصيه فيه جايبتو كعب مسمار طولو متر الا شوي… انا شفت هالشوفه و عصبي فز …
صار وشو كموني على زيتي مزرق …. و بعدا صرخ صوت جمع علينا بيت حماي كلهن… اصلا هن ساكنين تحتنا ازا تنفسنا بيجتمعو علينا…
كسرو هالباب و فاتو علينا و جوزي يصرخ و ينط متل الي عم تطلق و تخلف و انا نط وراه وقلو خود نفس خود نفس ادفشو لبرا.. ادفشو لبرا …
فاتت مرت عمي و عمي و شافونا بهل منظر… عم ننط و نحط متل قبائل الكونغو تبع غابات البحر المتوسط…
اخر شي فهمو انو في شي فايت برجلو بس ما عرفو انو كعب كندرتي انتو اكبر قدر
اسعفناه و دخلوه عالطوارئ و انا قلو الله ينتعك بالسلامة تؤبرني الا شوي بقلو ان شاء الله ما بتحتاج قيصريه حبيبي شد همتك و جيب طبيعي
قضينا اول يوم بالعيد بالمستشفى و هن يعقمولو رجلو و اعطوه ابرة مشان التسمم وهو يعيط من وجعو… اخر شي سمحولنا نخرجو و انا البي عم يقول #حق#بق
فوتوه بيت عمي و حطوه بالتخت و تركونا لحالنا و طلعو..
وقفت ع باب الغرفة و انا حاسة صار معي اسهال من الرعبة و ركبي يضربو ببعض ركضت ورا بيت عمي
مرح: انا جايه معكن اكيد طارق نعسان وبدو ينام بسهر عندكن
طارق: لا لا حبيبتي تعي ياعمري وين رايحه انا مشتقلك
مرح: حبيبي بدي اطلع لعند اهلك انت نام ايه يلا باي
وهون سمعت تسكيرت باب البيت و راحو بيت عمي… نط من تختو متل القرد كأنو مافيه شي… و مسكني من شعراتي و صار يلوحني يمين و شمال… فوق تحت… يمين فوق شمال تحت حسيت انفي صار عند اصبع رجلي الصغير
طارق: مروحة حبيبتي يعني انتي كنتي بدك تموتيني اه؟
تشعبطت فيه و صرت اتسلق رجليه وقلو لا والله انا بس كنت بدي عيدية
طارق: وين فردة الكندرة الي كنتي لابستيها؟
مرح: هناك تحت التخت صارت..
طارق: اي يلا حبيبي هلا انا بدي عايدك من عيوني
و الحمد لله يا جماعة شو بدي قلكن… شو بدي احكيلكن.. يعني عيني اليسار لهلا ما بشوف فيها الا اسود و ابيض و الدكتور كتبلي على سوائل و شوربات واظب عليهن لوقت ما يركبولي طقم الاسنان الجديد بدل اسناني الي راحو…
الحمدلله كان عيد خفيف لطيف و رومنسي جداً كلو محبة و تفاهم و مفاجئات، و اهم شي اخدت عيديتي
