هالقصة خيالية.. تغيير جو لقصتي الجاية.. يلي حتكون واقعية
(الجزء الاول)
دفا: لك انا تعبت منكن تعبت.. رح روح خلص ..رح جن رح جن
اسمر: لك لوين بدك تروحي بهيك وقت
دفا: لك جهنم اريح من هون.. تركني هلا بجن ازا بقيت هون دقيقة وحدة
اسمر: لا اله الا الله
انا دفا عمري 22 سنة.. متزوجة اسمر.. بحبووو وبعشقوووو.. وعندي منو جاد.. هنن كل دنيتي..
بفترة خطبتنا صارت مشاكل كتيرة بين اهلي واهلو لاسمر..
لهيك قررنا نبعد عنن كلن.. جهزنا بيت بالغابة وسكنا فيه بعيد عن الكل.. بيت خشب متل الكوخ ومجهز باحلا فرش.. وحواليه كلو شجر وقدامو كلو ياسمين وفل وورد جوري.. وقريب منو نبعة مي..
حياتنا كتير هادية وحلوة.. وكل ما اشتقنا لاهلي او اهلو بنروح عندن ..
امي: لك يا دفا يا بنتي والله قلبي غليان عليكي.. رجعو حاجتكن
دفا: امي ..انا واسمر هيك مرتاحين
امي: لك ايا راحة هاي.. لك كيف ما بتخافي وانت لوحدك بالغابة.. فرضي صار معك شي بغياب زوجك
دفا: اميييي.. لا تخافي ما بصير شي
بهديك الليلة كنت مخنوقة.. تخانقت انا واسمر وجاد كان عم ينق كتير ..تعبت اعصابي وتركت البيت..
مشيت بالغابة وانا عم ابكي وروحي تعبانة.. وما شفت حالي غير بمنطقة ما بعرفا من قبل وقدامي شجرة ضخمة كتيير.. وفيها فتحة من جذعا متل الكهف..
دفا: وين انا.. وكيف وصلت لهون... رح نام الليلة هون والصبح ع بكير برجع ع البيت
دخلت الكهف او الشجرة.. وشفت شي بحياتي ما شفت بجمالو.. ممر طوييييل كتييير ع جنابو شجر صفصاف ع طولو وباخر هالممر قصر متل قصور قصص الخيال.. وكلو اضوية..
هالاضوية كانت منورة كل هالممر وشكل الشجر والاضوية متخللة فيها بيجنن.. وانا روح قلبي هيك اشيا..
مشيت بهالممر لوصلت باب القصر.. صرت اتفتل حواليه لشوف كيف فيني ادخلو..
وبعد وقت وانا عم اتفتل تعبت وقعدت لارتاح.. و ما شفت حالي غير غفيت..
فقت بعد بوقت .. فتحت عيوني وانصدمت من يلي شفتو.. شفت حالي بغرفة بتجننن.. اثاث فخامة رواق.. شي بيجننننن
كل الاثاث فيها كان ع شكل وردة جورية حمرا.. التخت والخزانة والمكتب ..والكرسي.. كل شي..
وفوق المكتب ضمة ورد جوري جواة فاز ابيض شفاف..
وقت شفت حالي بهيك غرفة صرت افرك بعيوني لاتاكد انو انا شايفة صح وما عم احلم..
شلت الغطا الحرير يلي كان علي لوقف.. وما صدقت يلي شفتو.. كنت لابسة تياب نوم حرير شي بيشلل ومو طبيعي ابدا.. بحياتي ما شفت بجمال هيك شي.. لون بيجننن وموديل بيهبلل..
وقفت قدام المراية لشوف حالي واتاكد انو هاي انا دفا مو وحدة تانية..
دفا: لك والله انا دفا.. اي دفا ما غيرا.. شو هالتياب هاي.. لك وين انا
فتحت الخزانة لغير تياب النوم والبس شي تاني لاحسن اطلع من الغرفة..
الخزانة كانت مليانة تياب .. كل قطعة احلا من التانية وكل لون احلا من التاني ...
لبست وفتحت الباب لاطلع وشوف وين انا وشو هالمكان يلي دخلتلو ومين يلي دخلني لهون..
اول ما فتحت الباب كنت رح اوقع بارضي ... قصر بياخد العقل.. درج ملفوف لف وع شكل شلال.. حيطان كلا خضرا ومرسم عليها جميع انواع الورود.. قطع اثاث كل قطعة احلا من التانية..
نزلت الدرج وانا لساتني مصدومة وعم اتفتل بعيوني يمين ويسار..وصلت الصالون وكان شب قاعد ع الكنبة وبارم وشو عني..
دفا: احم.. احمم.. صباح الخير
برم وشو لعندي..
اسمر: صباح الورد... فقتي
انا انصدمت وقت شفتو لاسمر..
دفا: اسمر!! لك شو عم تعمل هون
(الجزء الثاني)
اسمر: عفوا!!!.. انا يلي شو عم اعمل هون.. انت يلي شو كنت عم تعملي حد قصري
دفا: انت عم تمزح.. صح هههههههه
اسمر: وليش لحتى امزح.. وانت كيف عرفتي اسمي
قربت منو وحطيت اديي التنتين ع وشو..
دفا: اسمررررر.. حبيبي بعرف انو نزعجت مني لانو تركتكن انت وجاد ..بس وربي كنت مخنوقة
بعد اديي عنو بعصبية..
اسمر: لك شو عم تعملي.. حبيبي!!! وجاد.. مين جاد ..انت شو عم تحكي
دمعو عيوني وقلبي صار يدق..
دفا: بربك بكفي.. تعب قلبي والله
اسمر: سلامتك.. بس جد ماني فهمان شي ..انا كنت عم اتفتل حد القصر وشفتك نايمة ..خفت انو تتاذي ..حملتك وجبتك للشغالة وهي غيرتلك تيابك ..هاد كل يلي صار
ع شوي كنت رح اوقع بارضي.. قعدت ع الكنبة ومسكت راسي بئدي التنتين وسندتو ع ركبي..
دفا: يا ربي شو يلي عم يصير معي.. ووينو جاد وينوووو
اسمر: مين جاد
دفا: لك ابنا.. ابنااااا
عصب اسمر واحمر وشووو..
اسمر: ابن مييين.. لك انا اسمك ما بعرفو
دفا: ليك.. انا اسمي دفا.. وانت زوجي اسمر.. وابنا اسمو جاد.. ونحنا عايشين بكوخ صغير حد نبعة المية..
اسمر: من كل يلي قلتي ما في شي مزبوط غير انو انا اسمي اسمر.. انا من سنين عايش هون وهالقصر الي انا ..ومتل مانك شايفة مليان خدم ..يعني ما عم اكزب عليكي..
دفا: والغرفة يلي كنت فيها.. لمين هاي والتياب يلي بالخزانة ..
اسمر: انت عم تحققي معي شي!!! هاد مو شغلك
دفا: بعتزر منك.. بس كنت عم حاول افهم.. فيك تساعدني لووو سمحت
اسمر: طبعا.. بس كيف فيني ساعدك
دفا: بدي توصلني للكوخ.. لانو تهت وانا ماشية وما فيني ارجع
اسمر: اي ماشي.. هلا بس لنفطر بروح بوصلك
دفا: لا بترجاك.. بدي روح هلأ.. ابني قلبي غليان عليه كتير
اسمر: وانا ما فيني غير نظامي كرمالك.. الفطور من اساسيات يومي.. بنفطر سوا وبوصلك
تنهدت ودمعو عيوني..
دفا: اي ماشي
اطلع فيني وغمض عيونو وهز براسو..
اسمر: لك لا تزعلي.. ما كان قصدي.. بس انت وترتيني كتير..
دفا: لا خلص ..ما في مشكلة
فطرنا سوا.. فطور ملوكي.. وبعد ما خلصنا فطور..
اسمر: يالا تفضلي.. رح وصلك
دفا: شكرا كتير الك.. رح عزبك
اسمر: ما علي.. تفضلي معي
طلعنا سوا انا واسمر ...مشينا كتير بنص الغابة لوقت ما شفت الكوخ من بعيد..
دفا: اوووخ.. الحمد لله.. هاي وصلنا
اسمر: لكن انا رح روح
دفا: لاا.. كمل معي.. بدي عرفك ع زوجي اسمر.. انتو نفس الشكل ونفس الاسم كمان ..تعا معي
اسمر: اي ماشي
وصلنا للكوخ ..يلي كان شكلو من برا مختلف شوي وكانو صرلي سنين ما دخلتو.. وورودو كلا ذبلانة..
فتحت الباب لادخل.. كان الباب مقفل
دفا: شي غريب ..غريب كتير
دقيت الباب.. سمعت صوت عجوز من ورا الباب عم تحكي جايي..
انا خفت واستغربت كتير انو مين هاي..
فتحت العجوز الباب وانا ما قدرت اتحمل يلي شفتو.. ووقعت بارضي وغميت..
(الجزء الثالث)
فقت كنت جواة الكوخ يلي كلشي فيه قديم كتير.. والعجوز واسمر واقفين حدي ..
اسمر: انت منيحة
العجوز: شبك يا بنتي.. شو صرلك
كانت العجوز هي انا.. اي انا دفا ..بس شكلا عجوز كلا تجاعيد وشعرا ابيض..
انا صرت ابكي.. بكيت كتير ومتت رعبة..
دفا: مين انت ..بترجاكي مين انت.. وشو يلي عمل ببيتي هيك
العجوز: يا عمري انا.. انا اسمي دفا يا بنتي.. وهالبيت الي.. عايشة فيه من 50 سنة لوحدي.. باينتك تايهة يا بنتي
دفا: لك مستحيل توه عن بيتي.. لك كل قطعة اثاث فيه الها معي ذكرى.. وانا اسمي دفا.. وربي اسمي دفا.. وزوجي اسمو اسمر ..ونفسو لهالشب يلي واقف مقابيلك.. وابني جاد.. اسمو جاد.. وينووو جاد.. بترجاكن بدي ابني
زدت بالبكي وما قدرت اتحمل اكتر..
العجوز: يا بنتي.. انا جد ما بعرف انت عن شو عم تحكي.. بس اكيد انت تايهة.. لانو هاد بيتي انا وانا عايشة فيه من سنين.. ازا ما كان الك مكان لتسكني فيه.. خليكي معي بتونسيني
دفا: (معصبة) لك عم قلك هاد بيتي.. بيييييتي
مسكني اسمر من ايدي ووقفني..
اسمر: طيب خالة اسفين ازعجناكي.. مشي معي
دفا: لك لوين.. تروك ايدي.. تروك
دفشتو عني بقوة..
اسمر: تعي لنحكي برا
طلعت معو لبرا الكوخ وقعدنا تحت شجرة..
اسمر: سمعي.. انا عرفان انو انت ما عم تكزبي.. هالشي باين بعيونك.. بس في شي غلط.. يمكن انت فاقدة الذاكرة.. او ما بعرف بالزبط
دفا: (تبكي) لك ايا ذاكرة يلي فقدتا.. والله متزكرة كلشي.. هالبيت كان الي ولزوجي ولابني.. انا ليش تركتن يا ربي.. لييييش
اسمر: اهدي شوي.. لا تعملي بحالك هيك.. تعي معي ع القصر هلأ.. وبوعدك انو ساعدك
دفا: وبيتي.. وابني
اسمر: لك ايا بيت.. انت شفتي بعينك.. ماا
دفا: والله ماني فهمانة شي
اسمر: لهيك عم احكيلك تعي معي هلأ.. وبوعدك رح ساعدك
رحت معو ورجعنا ع القصر..
اسمر: انا هلأ عندي شغل مهم بالمدينة ووقت ارجع بنحكي.. خدي راحتك.. عتبري هالقصر الك
دفا: نطوور شوي.. فيك تاخدني معك.. بدي روح لعند امي
اسمر: متاكدة انو بتعرفي العنوان.. بلا ما تعملي فيني متل الكوخ
دفا: اي ..اي بعرفو
اسمر: لكن مشي معي
دفا: بتشكرك كتييير
رحنا سوا ع المدينة ..يلي كان شكلا كتير متغير.. وكانو غبت عنا سنين..
دفا: لك شو يلي عم يصير.. راسي حينفجر
اسمر: شبك
دفا: ولاشي.. بدي امي
اسمر: وهلأ من ايا شارع ؟؟
دفا: من هون.. ليكو ليكو .. هاد بيتنا.. جد شكرا الك كتير
اسمر: رح ادخل معك ..بطمن عليكي وبروح
دفا: اي ليه لا.. ما حيفرقوك عن اسمر.. تعا
دقيت الباب وفتحتلي امي الباب.. حطيت حالي بحضنا وصرت ابكي..
دفا: امي.. حبيبتي.. شتقتلك
امي: دفا يا روحي.. لك وين رحتي ..وين كنتي.. عشر سنين ما شوفك فيهن
رفعت راسي واطلعت فيها وانا مصدومة..
دفا: عشر سنين.. لك لسا قبل اسبوع كنت معك
مسحت امي ع راسي وضمتني..
امي: باينتك تعبانة يا امي.. تعي.. تعي
دفا: امييي.. بتعرفي لهالشب يلي معي
امي: لك والله من لهفتي الك نسيت اسال.. تفضل يا ابني.. وين لقيتا لبنتي
دفا: امي.. لك هاد اسمر.. زوجي
ضربت امي بئيدا ع وشا..
امي: تزوجتي من ورانا.. يا عيب الشوم عليكي يا دفا يا عيب الشوم
دفا: لك اميييييي.. رح جننن انااااا.. امييييييييييييي
اسمر: دفا.. دفااااا.. فيقي حبيبتي فيقي.. شبك.. عم تكوبسي؟؟؟ كلو بسببي زعلتك.. تعي يا روحي تعي
فتحت عيوني وانا مصدومة ونزلو دموعي وضميتو لاسمر..
دفا: حبيبي.. اسمرر.. شتقتلك.. ما حاتركك ابداا لو شو ما صار.. ما حاترككك
جاد: امي!! شبك ..بابا شبها امي!!
اسمر: ما في شي بابا.. ماما تعبانة شوي
دفا: كابوس يا اسمر ..كابوس
اسمر: شو كوبستي ههههه
حكيتلو كل يلي شفتو..
اسمر: هههههه يا عمري انا.. تعي تعي لضمك
انتهت
(الجزء الاول)
دفا: لك انا تعبت منكن تعبت.. رح روح خلص ..رح جن رح جن
اسمر: لك لوين بدك تروحي بهيك وقت
دفا: لك جهنم اريح من هون.. تركني هلا بجن ازا بقيت هون دقيقة وحدة
اسمر: لا اله الا الله
انا دفا عمري 22 سنة.. متزوجة اسمر.. بحبووو وبعشقوووو.. وعندي منو جاد.. هنن كل دنيتي..
بفترة خطبتنا صارت مشاكل كتيرة بين اهلي واهلو لاسمر..
لهيك قررنا نبعد عنن كلن.. جهزنا بيت بالغابة وسكنا فيه بعيد عن الكل.. بيت خشب متل الكوخ ومجهز باحلا فرش.. وحواليه كلو شجر وقدامو كلو ياسمين وفل وورد جوري.. وقريب منو نبعة مي..
حياتنا كتير هادية وحلوة.. وكل ما اشتقنا لاهلي او اهلو بنروح عندن ..
امي: لك يا دفا يا بنتي والله قلبي غليان عليكي.. رجعو حاجتكن
دفا: امي ..انا واسمر هيك مرتاحين
امي: لك ايا راحة هاي.. لك كيف ما بتخافي وانت لوحدك بالغابة.. فرضي صار معك شي بغياب زوجك
دفا: اميييي.. لا تخافي ما بصير شي
بهديك الليلة كنت مخنوقة.. تخانقت انا واسمر وجاد كان عم ينق كتير ..تعبت اعصابي وتركت البيت..
مشيت بالغابة وانا عم ابكي وروحي تعبانة.. وما شفت حالي غير بمنطقة ما بعرفا من قبل وقدامي شجرة ضخمة كتيير.. وفيها فتحة من جذعا متل الكهف..
دفا: وين انا.. وكيف وصلت لهون... رح نام الليلة هون والصبح ع بكير برجع ع البيت
دخلت الكهف او الشجرة.. وشفت شي بحياتي ما شفت بجمالو.. ممر طوييييل كتييير ع جنابو شجر صفصاف ع طولو وباخر هالممر قصر متل قصور قصص الخيال.. وكلو اضوية..
هالاضوية كانت منورة كل هالممر وشكل الشجر والاضوية متخللة فيها بيجنن.. وانا روح قلبي هيك اشيا..
مشيت بهالممر لوصلت باب القصر.. صرت اتفتل حواليه لشوف كيف فيني ادخلو..
وبعد وقت وانا عم اتفتل تعبت وقعدت لارتاح.. و ما شفت حالي غير غفيت..
فقت بعد بوقت .. فتحت عيوني وانصدمت من يلي شفتو.. شفت حالي بغرفة بتجننن.. اثاث فخامة رواق.. شي بيجننننن
كل الاثاث فيها كان ع شكل وردة جورية حمرا.. التخت والخزانة والمكتب ..والكرسي.. كل شي..
وفوق المكتب ضمة ورد جوري جواة فاز ابيض شفاف..
وقت شفت حالي بهيك غرفة صرت افرك بعيوني لاتاكد انو انا شايفة صح وما عم احلم..
شلت الغطا الحرير يلي كان علي لوقف.. وما صدقت يلي شفتو.. كنت لابسة تياب نوم حرير شي بيشلل ومو طبيعي ابدا.. بحياتي ما شفت بجمال هيك شي.. لون بيجننن وموديل بيهبلل..
وقفت قدام المراية لشوف حالي واتاكد انو هاي انا دفا مو وحدة تانية..
دفا: لك والله انا دفا.. اي دفا ما غيرا.. شو هالتياب هاي.. لك وين انا
فتحت الخزانة لغير تياب النوم والبس شي تاني لاحسن اطلع من الغرفة..
الخزانة كانت مليانة تياب .. كل قطعة احلا من التانية وكل لون احلا من التاني ...
لبست وفتحت الباب لاطلع وشوف وين انا وشو هالمكان يلي دخلتلو ومين يلي دخلني لهون..
اول ما فتحت الباب كنت رح اوقع بارضي ... قصر بياخد العقل.. درج ملفوف لف وع شكل شلال.. حيطان كلا خضرا ومرسم عليها جميع انواع الورود.. قطع اثاث كل قطعة احلا من التانية..
نزلت الدرج وانا لساتني مصدومة وعم اتفتل بعيوني يمين ويسار..وصلت الصالون وكان شب قاعد ع الكنبة وبارم وشو عني..
دفا: احم.. احمم.. صباح الخير
برم وشو لعندي..
اسمر: صباح الورد... فقتي
انا انصدمت وقت شفتو لاسمر..
دفا: اسمر!! لك شو عم تعمل هون
(الجزء الثاني)
اسمر: عفوا!!!.. انا يلي شو عم اعمل هون.. انت يلي شو كنت عم تعملي حد قصري
دفا: انت عم تمزح.. صح هههههههه
اسمر: وليش لحتى امزح.. وانت كيف عرفتي اسمي
قربت منو وحطيت اديي التنتين ع وشو..
دفا: اسمررررر.. حبيبي بعرف انو نزعجت مني لانو تركتكن انت وجاد ..بس وربي كنت مخنوقة
بعد اديي عنو بعصبية..
اسمر: لك شو عم تعملي.. حبيبي!!! وجاد.. مين جاد ..انت شو عم تحكي
دمعو عيوني وقلبي صار يدق..
دفا: بربك بكفي.. تعب قلبي والله
اسمر: سلامتك.. بس جد ماني فهمان شي ..انا كنت عم اتفتل حد القصر وشفتك نايمة ..خفت انو تتاذي ..حملتك وجبتك للشغالة وهي غيرتلك تيابك ..هاد كل يلي صار
ع شوي كنت رح اوقع بارضي.. قعدت ع الكنبة ومسكت راسي بئدي التنتين وسندتو ع ركبي..
دفا: يا ربي شو يلي عم يصير معي.. ووينو جاد وينوووو
اسمر: مين جاد
دفا: لك ابنا.. ابنااااا
عصب اسمر واحمر وشووو..
اسمر: ابن مييين.. لك انا اسمك ما بعرفو
دفا: ليك.. انا اسمي دفا.. وانت زوجي اسمر.. وابنا اسمو جاد.. ونحنا عايشين بكوخ صغير حد نبعة المية..
اسمر: من كل يلي قلتي ما في شي مزبوط غير انو انا اسمي اسمر.. انا من سنين عايش هون وهالقصر الي انا ..ومتل مانك شايفة مليان خدم ..يعني ما عم اكزب عليكي..
دفا: والغرفة يلي كنت فيها.. لمين هاي والتياب يلي بالخزانة ..
اسمر: انت عم تحققي معي شي!!! هاد مو شغلك
دفا: بعتزر منك.. بس كنت عم حاول افهم.. فيك تساعدني لووو سمحت
اسمر: طبعا.. بس كيف فيني ساعدك
دفا: بدي توصلني للكوخ.. لانو تهت وانا ماشية وما فيني ارجع
اسمر: اي ماشي.. هلا بس لنفطر بروح بوصلك
دفا: لا بترجاك.. بدي روح هلأ.. ابني قلبي غليان عليه كتير
اسمر: وانا ما فيني غير نظامي كرمالك.. الفطور من اساسيات يومي.. بنفطر سوا وبوصلك
تنهدت ودمعو عيوني..
دفا: اي ماشي
اطلع فيني وغمض عيونو وهز براسو..
اسمر: لك لا تزعلي.. ما كان قصدي.. بس انت وترتيني كتير..
دفا: لا خلص ..ما في مشكلة
فطرنا سوا.. فطور ملوكي.. وبعد ما خلصنا فطور..
اسمر: يالا تفضلي.. رح وصلك
دفا: شكرا كتير الك.. رح عزبك
اسمر: ما علي.. تفضلي معي
طلعنا سوا انا واسمر ...مشينا كتير بنص الغابة لوقت ما شفت الكوخ من بعيد..
دفا: اوووخ.. الحمد لله.. هاي وصلنا
اسمر: لكن انا رح روح
دفا: لاا.. كمل معي.. بدي عرفك ع زوجي اسمر.. انتو نفس الشكل ونفس الاسم كمان ..تعا معي
اسمر: اي ماشي
وصلنا للكوخ ..يلي كان شكلو من برا مختلف شوي وكانو صرلي سنين ما دخلتو.. وورودو كلا ذبلانة..
فتحت الباب لادخل.. كان الباب مقفل
دفا: شي غريب ..غريب كتير
دقيت الباب.. سمعت صوت عجوز من ورا الباب عم تحكي جايي..
انا خفت واستغربت كتير انو مين هاي..
فتحت العجوز الباب وانا ما قدرت اتحمل يلي شفتو.. ووقعت بارضي وغميت..
(الجزء الثالث)
فقت كنت جواة الكوخ يلي كلشي فيه قديم كتير.. والعجوز واسمر واقفين حدي ..
اسمر: انت منيحة
العجوز: شبك يا بنتي.. شو صرلك
كانت العجوز هي انا.. اي انا دفا ..بس شكلا عجوز كلا تجاعيد وشعرا ابيض..
انا صرت ابكي.. بكيت كتير ومتت رعبة..
دفا: مين انت ..بترجاكي مين انت.. وشو يلي عمل ببيتي هيك
العجوز: يا عمري انا.. انا اسمي دفا يا بنتي.. وهالبيت الي.. عايشة فيه من 50 سنة لوحدي.. باينتك تايهة يا بنتي
دفا: لك مستحيل توه عن بيتي.. لك كل قطعة اثاث فيه الها معي ذكرى.. وانا اسمي دفا.. وربي اسمي دفا.. وزوجي اسمو اسمر ..ونفسو لهالشب يلي واقف مقابيلك.. وابني جاد.. اسمو جاد.. وينووو جاد.. بترجاكن بدي ابني
زدت بالبكي وما قدرت اتحمل اكتر..
العجوز: يا بنتي.. انا جد ما بعرف انت عن شو عم تحكي.. بس اكيد انت تايهة.. لانو هاد بيتي انا وانا عايشة فيه من سنين.. ازا ما كان الك مكان لتسكني فيه.. خليكي معي بتونسيني
دفا: (معصبة) لك عم قلك هاد بيتي.. بيييييتي
مسكني اسمر من ايدي ووقفني..
اسمر: طيب خالة اسفين ازعجناكي.. مشي معي
دفا: لك لوين.. تروك ايدي.. تروك
دفشتو عني بقوة..
اسمر: تعي لنحكي برا
طلعت معو لبرا الكوخ وقعدنا تحت شجرة..
اسمر: سمعي.. انا عرفان انو انت ما عم تكزبي.. هالشي باين بعيونك.. بس في شي غلط.. يمكن انت فاقدة الذاكرة.. او ما بعرف بالزبط
دفا: (تبكي) لك ايا ذاكرة يلي فقدتا.. والله متزكرة كلشي.. هالبيت كان الي ولزوجي ولابني.. انا ليش تركتن يا ربي.. لييييش
اسمر: اهدي شوي.. لا تعملي بحالك هيك.. تعي معي ع القصر هلأ.. وبوعدك انو ساعدك
دفا: وبيتي.. وابني
اسمر: لك ايا بيت.. انت شفتي بعينك.. ماا
دفا: والله ماني فهمانة شي
اسمر: لهيك عم احكيلك تعي معي هلأ.. وبوعدك رح ساعدك
رحت معو ورجعنا ع القصر..
اسمر: انا هلأ عندي شغل مهم بالمدينة ووقت ارجع بنحكي.. خدي راحتك.. عتبري هالقصر الك
دفا: نطوور شوي.. فيك تاخدني معك.. بدي روح لعند امي
اسمر: متاكدة انو بتعرفي العنوان.. بلا ما تعملي فيني متل الكوخ
دفا: اي ..اي بعرفو
اسمر: لكن مشي معي
دفا: بتشكرك كتييير
رحنا سوا ع المدينة ..يلي كان شكلا كتير متغير.. وكانو غبت عنا سنين..
دفا: لك شو يلي عم يصير.. راسي حينفجر
اسمر: شبك
دفا: ولاشي.. بدي امي
اسمر: وهلأ من ايا شارع ؟؟
دفا: من هون.. ليكو ليكو .. هاد بيتنا.. جد شكرا الك كتير
اسمر: رح ادخل معك ..بطمن عليكي وبروح
دفا: اي ليه لا.. ما حيفرقوك عن اسمر.. تعا
دقيت الباب وفتحتلي امي الباب.. حطيت حالي بحضنا وصرت ابكي..
دفا: امي.. حبيبتي.. شتقتلك
امي: دفا يا روحي.. لك وين رحتي ..وين كنتي.. عشر سنين ما شوفك فيهن
رفعت راسي واطلعت فيها وانا مصدومة..
دفا: عشر سنين.. لك لسا قبل اسبوع كنت معك
مسحت امي ع راسي وضمتني..
امي: باينتك تعبانة يا امي.. تعي.. تعي
دفا: امييي.. بتعرفي لهالشب يلي معي
امي: لك والله من لهفتي الك نسيت اسال.. تفضل يا ابني.. وين لقيتا لبنتي
دفا: امي.. لك هاد اسمر.. زوجي
ضربت امي بئيدا ع وشا..
امي: تزوجتي من ورانا.. يا عيب الشوم عليكي يا دفا يا عيب الشوم
دفا: لك اميييييي.. رح جننن انااااا.. امييييييييييييي
اسمر: دفا.. دفااااا.. فيقي حبيبتي فيقي.. شبك.. عم تكوبسي؟؟؟ كلو بسببي زعلتك.. تعي يا روحي تعي
فتحت عيوني وانا مصدومة ونزلو دموعي وضميتو لاسمر..
دفا: حبيبي.. اسمرر.. شتقتلك.. ما حاتركك ابداا لو شو ما صار.. ما حاترككك
جاد: امي!! شبك ..بابا شبها امي!!
اسمر: ما في شي بابا.. ماما تعبانة شوي
دفا: كابوس يا اسمر ..كابوس
اسمر: شو كوبستي ههههه
حكيتلو كل يلي شفتو..
اسمر: هههههه يا عمري انا.. تعي تعي لضمك
انتهت