مشكل حب (: !!!

  • تاريخ البدء

صفا النعمان

الادارة
طاقم الإدارة
بقلم_امل_احمد

الجزء الاول+ الثاني+ الثالث+ الرابع+ الخامس+ السادس+ السابع+ الثامن+ التاسع+ العاشر.. انتهت
(الجزء الاول)
سبحان من احيا حبك في قلبي كما يحي العظام وهي رميم..
ياسمين هو اسمي.. وحياتي كلا متل الياسمين.. عندي عيلة بتاخد العقل.. بابا يلي بفتخر فيه وين ما روح.. ماما رمز الحنية ..اختي رمز الصداقة.. واخي رمز الشقاوة.. وببقى انا رمز للتميز بكل شي..
بشكر ربي بكل وقت وكل ساعة يلي رزقني هيك مواصفات وهيك عيلة..
من صغري وانا مميزة بكلشي.. بلبسي وبجمالي وبدروسي وبكل شي بخصني.. انهيت دراستي بتميز والحمد لله.. ودخلت الجامعة.. يلي كانت عالم تاني بيختلف تماما عن العالم يلي بعرفو..
هبة: تفضلي ياسمين.. فوتي
ياسمين: يسلموو
هبة: يخرب بيتكن.. لك شو هاد.. لك انتو هون لشو بالزبط
رهام: ههههههه وهاي اجت الطالبة النجيبة
سمر: ما شاء الله.. لك مين هاي.. اهلا وسهلا
هبة: هاي ضيفتكن الجديدة ياسمين.. اووعكن تجننوها.. رح غيب ساعتين وارجع بتكونو متعرفين ع بعض ومنضفينلي يلي قدامكن
رهام.. سمر: حاااضر كابتن ههههههه
ياسمين: مرحبا
سمر: ولي ع طولي انا.. لك شكلك حلو واتحملنا وقسمك حلو واتحملنا وكمان صوتك ..لا ولوو هيك كتير ههههههه
رهام: لك هاي جدبة.. تعي تعي اهلا وسهلا
ياسمين: اهلا فيكن ههههه
سمر: سمعي ياسمين من هلأ انا بدي رافقك متل خيالك ..لحتى صدلي شي شب ههههه
ياسمين: هههههه
رهام: والله باينتك حبابة ..انت سنفورة موو؟
ياسمين: اي سنة اولى انا
رهام: موفقة حبيبتي
سمر: شو تخصصك
ياسمين: طب
ضربت سمر ع وشا بدياتا التنتين وفتحت عبونا ع وسعهن...
سمر: كماااااان
رهام: هههههههههه
سمر ورهام وهبة.. هني تلت صبايا جامعيات ساكنين سوا.. هبة جدية ومتفوقة بدراستا.. سمر بتعشق الجمال بكافة انواعو.. لبس مكياج ورد ..ايا شي بيتعلق بالجمال بتعشقوو.. رهام هي البنت الهزلية بيناتنا بتحب الضحك وبتحب الحياة.. تلت وردات وياسمين زينتن...
رهام: هالغرفة حتكون الك ولهبة.. حاكم باينتك متلا طالبة نجيبة ههههههههههه
سمر: هبة طول وقتا دراسة وكاتمة ع نفسنا.. وهاي لقيتلا رفقة ..حتتفقو سوا.. بس اووعكن تتفقو علينا
ياسمين: ههههه لا ما تخافي
رهام: بتحبي ساعدك بترتيب اغراضك
ياسمين: يسلمو كتير مانن حرزانين
دخلت غرفتي الجديدة يلي فيها سريرين صغار ومكتب وكرسي وخزانتين صغار.. رتبت تيابي جوا الخزانة وفردت كتبي... ومسكت تلفوني ودقيت لامي...
ياسمين: الو ماما.. اي وصلت.. هلأ لخلصت ترتيب.. لا ما تخافي باينتن حبابات.. لا تاكلي همي ..باي
طلعت من غرفتي لقيت رفقاتي الجدد منضفين البيت ومجهزين سفرة اكل...
سمر: تفضلي حبي.. هاي السفرة كرمالك
ياسمين: يسلمووو كتير.. ليه عزبتو حالكن
رهام: لحتى ناكل معك هههههههههه
نفتح باب البيت...
سمر: وهاي اجت هبووش
رهام: لك يخرب بيتا حماتك شو بتحبك
هبة: مسا الخير.. شبها حماتي ..لك بس تبعتلي ابنا وما بدي منا شي ههههههه
رهام.. سمر.. ياسمين: هههههههههه
هبة: وااااو.. لك شو صاير هون ..سفرة وترتيب.. بس ما تكون ياسمين يلي عملتن
ياسمين: لا والله مو انا... كتر خيرن الصبايا.. نضفو وجهزو كلشي
هبة: سبحان مغير الاحوال من حال الى حال
رهام: اي تعي بلا فزلكة.. برد الاكل
هبة: حاضر ههههههه
(الجزء الثاني)
استقبالن للبنات كتير ريحني.. كنت خايفة كتير من السكنات وبنات الجامعات.. بس الحمد لله ربنا بعتلي بنات متل السكرة ..
تاني نهار فقت من بكير جهزت حالي ورحت انا وهبة ع الجامعة.. كان اول يوم لالي بالجامعة..
طلاب كتير.. مبنى كبير.. كان شعور كتير حلوو.. بس بنفس الوقت كنت خايفة من هالعالم الجديد يلي فتو.. ويلي ريحني هو وجود رفيقتي الجديدة معي هبة..
دخلت اول محاضرة لالي.. كانت محاضرة تعارف اكتر من ايا شي تاني.. ودخلت محاضرتي التانية والتالتة.. واجا وقت الرجعة ع السكن.. دقيتلا لهبة: وينك انت.. اي ماشي حاستنا بالكفتيريا ..
دخلت الكافتيريا وقعدت ع طاولة صغيرة فاضية.. وبعد شوي اجا الجرسون وعطاني فنجان قهوة..
ياسمين: عفوا.. انا ما طلبت شي.. عم انطر رفيقتي
الجرسون: بعرف انسة.. هالفنجان من الشب يلي بالطاولة مقابيلك
ياسمين: عفوا!!!! عطي اياه لالو.. انا ما بدي.. شيلو من قدامي
راح الجرسون وشفتو من بعيد عم يحكي مع الشب.. والشب عصب كتير ومسك الفنجان واجا لطاولتي..حط الفنجان قدامي بعصبية..
ياسمين: لك شو عملت انت.. لك كبيت القهوة علي
طارق: ما رح لومك هالمرة ..لانو لساتك جديدة.. بس لا تعيديها..
ولف ضهرو وبدو يمشي...
ياسمين: لك شو قلة هالزوء هاي.. خود فنجانك من هون..ما بدي ياه
رجع لعندي ع الطاولة وهو معصب كتير وعم يحاول يتماسك اعصابو ويتبسم ..حط ادي التنتين ع الطاولة..
طارق: سمعي يا حلوة.. بس طارق يقول شي الكل بينفذ هون.. فهمانة
كل يلي بالكفاتيريا صارو يتطلعو ويتهامسوو
ياسمين: اي لا ما حزرت.. ما الك شي عندي وفنجانك ماااا رح اقبلو.. وشيلو من وشي بلا ما انا شيلو بطريقتي
قرص خدي بئيدو وغمزني: ما بكي شي..معك معك بتتعلمي القوانين
ياسمين: يكسر ايدك شو قليل زوووء
وحملت الفنجان وكبيتو عليه...
كل يلي بالكفاتيريا وقفو مرة وحدة وكانو في كارثة كونية قدامن.. وبهاي اللحظة دخلت هبة ع الكفتيريا.. وما شفتا غير اجت لعندي ركض ومسكتني من ايدي..
هبة: لك شو عملتي انت ولي جدبة..
واطلعت بطارق: انا بعتذر عنا.. هي لسا جديدة ما بتعرف حد هون.. اسفة كتير
سحبت ايدي من ايدا بعصبية: لا موووو اسفة.. هاد واحد قليل زوء وبلا ترباية
هبة: لك سكتي سكتي.. مشي معي بسرعة
تركتن كلن واقفين ومصدومين وطارق النار باينة بعيونو ..
هبة: لك شو عملتي انت.. لك ما لقيتي غيرو لتعلقي معو
ياسمين: لك ما عملت شي.. لك بدو يضيفني قهوة بالغصب.. وحط ايدو ع وشي
هبة: هههههههه لك نيالك والله.. لك كل بنات الجامعة بتمنو يحط ايدو ع وشون... لك هاد ابن اغنى رجل اعمال بالمنطقة وبيدرس طب والاول ع دفعتو وشايف حالو.. كل الجامعة بتمشي متل ما بدو وكل يوم مع بنت شكل
ياسمين: ايوااااا.. لكن هيك القصة.. يخرب بيتو الهي.. لك لازم يفهم بانو ماني متل ايا بنت
هبة: هههههه لك صح انو انتي بتجنني بس اوعك تعاندي.. بلا ما يوقعك بشي مصيبة
ياسمين: اي يضرب
بطريق رجعتنا ع السكن لتقينا بسمر ورهام...
رهام: هاي صبايا... لك سمعتو شو صاير
هبة: لا ما سمعنا.. ايش صاير
سمر: هههههههه لك جانتل الجامعة تبهدل
ياسمين: مين هاد
هبة: هاد طارق ست ياسمين
رهام: بكرة بعرفك عليه.. لك بقولو بنت جديدة مبهدلتو بنص الكافتيريا وكابة القهوة عليه
انا صرت اضحك...
هبة: اي ضحكي.. نحنا ما سمعنا والله يا صبايا.. نحنا شفنا.. وعشنا الجوو
سمر: بربك.. كنتو هناك
هبة: لك هاي الجدبة كبتا عليه وبهدلتو.. لو ما لحقتا ما بعرف شو كان صار
ياسمين: اي خرجو الله لا يقيمو.. لك مفكرني من هدوليك البنات
سمر: ولي جدبة.. لك هاد طااارق.. ابن العز والجاه.. لك كل الجامعة بدا رضاه
رهام: لك يا ريت لو يطلع فيني مجرد تطليعة بس
ياسمين: يبلاكن بقتلكن.. لك عشو
سمر: باللا عشو.. لك بكفي دقنو يلي باخد العقل ولا سمارو ..شعرو.. عيونو وليييي ع طولي انا
ياسمين: هههههههههه هدي هدي
رجعنا ع البيت وطول الوقت وهني يحكو بقصة طارق..ويستجوبوني ليعرفو شو صار بالزبط..
ياسمين: لك حاجتكن خلص.. صرعتو راسي.. بدي كفي دراستي ونام.. بعدو هيك عن التخت.. طلعو طلعو لبرا
(الجزء الثالث)
تاني نهار رحت ع الجامعة لوحدي.. كانت الساعة لسا 8 ..وما في بالجامعة غير طلاب الطب والهندسة... دخلت القاعة.. كانو لسا الطلاب عم يتجمعو... وفجأة طلع صوت ضجة شباب وضحك وانضرب باب القاعة.. نقزت انا واطلعت .. وكان يلي داخل طارق...
طارق: ايييي هي الامورة هون.. باينتك نشيطة
ما عبرتو ولا اطلعت فيه.. بقيت اطلع بكتابي وعم اقرأ.. قرب مني وسكر الكتاب يلي بقرا فيه...
ياسمين: لك العما ما اوقحك.. لك تركني بحالي
طارق: هههه لما بحكي معك بتطلع فيني
وقفت من مكاني وحطيت عيوني بعيونو وكنت كتير معصبة...
ياسمين: لك مين مفكر حالك انت.. انت ولا شي.. ولاااااا شي... عم حزرك لاخر مرة بعييييد من طريقي ولا عاد تقرب مني
طارق: وليييييييي.. لك شو هالعيون هاي.. لك رح سامحك هالمرة بس كرمال هالعيون الحلوة
ياسمين: يخرب بيتك ما اسقلك
بعد عني وهو عم يضحك... وقعد بمقعدو ..وحضرنا المحاضرة وطلعنا... كان هاد مسلسل شبه يومي الي مع طارق.. قعدنا فترة طويلة وهو هيك يتصرف معي.. ع طول يتعرضلي وانا صدو.. لحتى تعودت عليه وع سقالتو...
كنت انا ورهام وهبة وسمر قاعدين بالكافتيريا بدنا نشرب شي قبل لنرجع ع السكن..
ياسمين: ففففففففف شرف الباشا
سمر: يؤبر البي ع هالشبوبية
ياسمين: نزلو عيونكن انت وياها
رهام: اوووووووه.. شو ست ياسمين ما بدك نتطلع فيه ههههههههه
ياسمين: لك لااا.. بس ما بدي يشوف حالو زيادة
طارق: مرحبا يا حلو
ياسمين: لك انت ما بتمل
طارق: في حد بيمل من شم الياسمين والفرجة عليه
صارو البنات يضحكو ويخبو بضحكتون...
ياسمين: شششش تضربو منكن الوو.. طارق روح من هون.. لك انت طالب طب كيف بتلقى وقت لهيك شي
طارق: بلقى بلقى لا تخافي
ياسمين: اي بكرة بنشوف شو حتعمل بالفحص
غمزني وراح...
ياسمين: لك اااخ يا ربي صبرني
هبة: لك نيااالك .. لك بكفي من يوم تعرف عليكي ما عدنا شفنا مع بنات تانيات
ياسمين: اي لانو ما معو وقت لغيري
صار طارق جزء من حياتي الجامعية.. ما بيمشي يومي ازا ما شفتو وحكيت معو...
تاني نهار كنت قاعدة لوحدي بالكفتيريا وعم ادرس للفحص..ما شفتو غير سحب كرسي وقعد حدي..
طارق: صباح الخير ..ياسمين بليييز بدي هالسؤال ضروري..
كان يحكي وانا صفناني فيه وهو يحكي معي وعم يطلع بكتابو...رفع راسو..
طارق: لك شبك هيك عم تطلعي فيني
ياسمين: لك انت كيف بتقعد معي ع نفس الطاولة
طارق: يا ربي دخيلك.. لك مو وقتو هالحكي.. بدي هالسؤال ضروري
ياسمين: امنت بالله.. اي هات لشوف.. لك ما لقيت غير هالسؤال ..لك كتير هين هاد
طارق: حلي لكن لشوف ست ياسمين
مسكت القلم وقعدت اشرحلو وحل بالسؤال.. وانا اشرح اطلعت فيه كان يطلع فيني وسرحان
ياسمين: هيييي.. شو يا استاز.. لك لمين انا بشرح وبحل
طارق: هاا.. لك خلص اسف اسف.. ما انتبهت ع حالي.. رجعي عيدي
ياسمين: لك ربي يصبرني.. ماني عرفاني ليه عم اسمع كلمتك انا..
طارق: لك قلتلك ما حدن فيه يقاومني انا هههههههه
ياسمين: هههههه هيك ..اي لكن خووود ما عاد بدي اشرحلك
طارق: لا ولوووو عم امزح انا...
طارق من الطلاب المتفوقين والاول ع دفعتو.. شب حلو كتير بس كتير شايف حالو...
**بالسكن**
سمر: ياسمينة الحلوة ..حكيلي شو عمل معك اليوم طارق
ياسمين: يعني ضروري يعمل شي
هبة: هههههه لك بس اعرف كيف بيوفق بين دراستو وملاحقتك
رهام: عشقااان ولهااان.. ما فيه ما يلحقا
ياسمين: ايا عشقان.. لك هاد واحد ازعر مو اكتر
سمر: هيك ..ازعر.. اي بكرة بتشوفي .. لك والله باينتو وقع وما حد سما عليه هالطارق
(الجزء الرابع)
وبيوم جهزت حالي ونزلت من السكن..
ياسمين: بسم الله
طارق: صباحو الحلو
ياسمين: لك انتا شو جابك لهون
طارق: قلبي يلي جابني
ياسمين: يا ربي دخيلك
فتح باب السيارة: تفضلي يا اميرة زمانك
ياسمين: لك انت جنيت شي.. لك شو بدن الجيران يقولو
طارق: ههههههه لك ايا جيران هدول.. انت بسكن.. يعني ما حد هون بيعرفك
ياسمين: اي ولو كان.. ما بصير هالتصرفات
طارق: لك الحق مو عليكي ع يلي بدو يريحك من بهدلة المواصلات
ياسمين: اي وانا ما طلبت منك تريحني
طارق: لك انت كتير عنيدة وراسك يابس.. ركبي بسرعة
ياسمين: اي لا... ما رح اركب
قرب مني طارق وكان بدو يحملني..
ياسمين: لك شو عم تعمل يا مجنون
طارق: اي ركبي بلا ما احملك وحطك بالغصب جواة السيارة
ياسمين: امري لالله حاركب
ركبت معو بالسيارة ورحنا سوا ع الجامعة.. طول الطريق وهو فاتح اغاني وعم يغني معن ..
ياسمين: لك صرعتني سكووت
طارق: لك شبك.. خترتلك احلا الاغاني
ياسمين: خترتلي.. ولشو لتخترلي
طارق: ياسمين.. ليك
وقف السيارة وكمل حكيوو...
طارق: انا ولا مرة بنت تعاملت معي بطريقتك.. انت اول بنت بترفضني.. واول بنت بتتعامل معي من فوق.. كلن كانو ينجرو وراي ويعملو يلي بطلبو.. لهيك انا .....انا... انا حبيتك.. وكتير كمان..
ياسمين: طارق انت ما بتحبني.. انت بدك تمتلكني متل ما امتلكتن للبنات يلي قبلي.. بس ما رح اسمحلك ابداا
وفتحت باب السيارة ونزلت...
طارق: لك تعي تعي ياسمين..لك خلص طلعي ما رح احكي شي تاني
ياسمين: لا شكرا باخد تاكسي
تركتو لطارق واخدت تكسي وكملت.. بقيت طول اليوم وانا مخنوقة كتير.. كان في غصة بقلبي مانا مفهومة.. حاول طارق يرجع يحاكيني ونحنا بالجامعة بس انا رفضت..
طارق: ياسمين... ياسمين
ياسمين: طارق لو سمحت خلص بكفي ..لهون وبس
كنت احكي معو وعيوني كلن دموع وصوتي مخنوق..
طارق: لك ليه هيك.. انا كنت بس بدي اعتزر منك ازا كنت ازعجتك.. انا جد اسف ما كان قصدي
ياسمين: بترجاك طارق.. انا عندي دراسة ما بدي تضل تتعرضلي
طارق: تكرمي.. ما حاتعرضلك ابدا
تركتو ومشيت.. رحت ع الحمامات وضليت ابكي لرتحت شوي...
رجعت ع السكن ..فتت غرفتي وما حكيت مع البنات ابدا.. تسطحت ع التخت وقعدت فكر انو ليه انا متدايقة.. هاي خلصت منو... لشو الزعل.. وانا عم فكر.. اجت هبة..
هبة: لك نيالوو يلي ببالك.. لك ايش هاد .. بتبكي؟!
لك شو صاير ..حكي شبك حبي
ياسمين: متدايقة كتير يا هبة ..والله متدايقة
هبة: لك ليه يا روحي
ياسمين: هبة بدي احكيلك لانو حاسة حالي ضايعة وماني فهمانة شي
قعدت حدي ع السرير: حكي يا روحي
ياسمين: طارق.. طارق اليوم حكالي بانو بيحبني
هبة: لك اي.. ولهيك انت زعلانة
ياسمين: هبة طارق بيحب حالو ما بيحبني.. طارق بدو يتملكني.. بدو يرضي غرورو..
هبة: اي.. وانت
ياسمين: انا شو
هبة: بتحبي؟
غصيت وانخنق الحكي وما عدت قادرة رد...
هبة: يعني انت بتحبيه..مووو
ياسمين: (بتبكي) اخر شي كنت اتوقعو انو حبو.. بس مو بئيدي.. كل ما شوفو قلبي بيدق وبحس حالي بدي طير
هبة: ههههه سدقيني طارق كمان بحبك... انا شفت الحب بعيونو
مرت الايام وطارق بعد عني لحتى ما يدايقني.. كنت شوفو بالجامعة من بعيد.. كان ع طول بدروسو.. وبيوم.. اجت لعندي سمر ومعا باقة ورد ابيض وبنصا وردة حمرا..
سمر: مرحبا ياسمينة الحلوة
ياسمين: واااااو.. شو هالحلووو
سمر: اي الحلو للحلووو.. هالباقة لالك من حبيب القلب
ياسمين: ما فهمت
سمر: لك هاي من طارق.. طلب مني وصلك ياها
اخدتا منا وانا كتييير فرحانة.. كان عليها كرت.. مكتوب عليه..
(الى ياسمينة روحي.. شو ما جبتلك ورد ما حجبلك شي احلا منك.. بس هالباقة لتعرفي انك بقلبي وروحي.. بحبك كتير)
حسيت حالي بعالم تاني.. كان بدي طير لفووق فووق.. بدي صرخ وسمع الكل وقول انا كمان بحبك...
وتاني نهار بالجامعة رحت لعندو وهو قاعد مع رفقاتو.. بس شافني قربت لعندن.. تركن واجا لعندي فورا..
طارق: انا بحلم او بعلم.. معقول ياسمين جاية لعندي
ياسمين: ههههههه لا بعلم
طارق: لكن في معجزة صارت اكيد
ياسمين: هلأ برجع هاا
طارق: لك لاااا ولووو
ياسمين: انا جاية لاتشكرك ع الورد الحلو يلي بعتو
طارق: عجبوكي
ياسمين: اي كتير.. يسلمو دياتك
طارق: يسلم قلبك
ياسمين: بس لا عاد تعيدا.. برجعن
طارق: حاضر ست ياسمينة
كل يوم كان يمرق كان طارق يفاجئني بشي جديد.. يوم ورد ويوم طوق ياسمين.. ويوم يبعتلي غنية.. كل مفاجأة الو كانت احلا من يلي قبلا..
تعلقت فيه كتير وعشقتو بكل مواصفاتو...
ياسمين: الووو.. ماما.. كيفك.. لا منيحة ما تاكلي همي.. كيفن بابا واخواتي.. وانا تمام ماما.. دراستي كتير ممتازة... ما باقي وبجي عندكن اجازة..
سكرت الخط مع امي وتسطحت ع التخت...
ياسمين: يا ريت يا امي لو فيي احكيلك يلي بقلبي.. ياسمينتك قلبا دق...
هبة: لك ياسمين. جنيتي شي.. ههههه عم تحاكي حالك
ياسمين: ههههههه اي والله جنيت
(الجزء الخامس)
ياسمين: هبة.. خبريني هلأ انت ولا مرة حبيتي
هبة: ااااخ لا تزكريني.. لك انا قصتي قصة.. ما بحب اتزكرا ابدا
ياسمين: لا ولووو.. حكيلي
جلست قعدتي وتصفنت فيها وانا اتبسم
هبة: ههههههه لك شبكي ما بدي احكي تركيني
ضميتا وبوستا: بترجاكي حكي...
هبة: لكن ناديلون لسمر ورهام.. سالوني من قبلك وما خبرتن.. بلا ما يزعلوو
رحت ركض ع غرفتن وناديتلن: لك سمررررر.. رهاااام.. تعووو تعوووو
اجو ركض والخوف بعيونن ومانن فهمانين شي...
سمر...رهام: لك شو في.. شو صاير
ياسمين..هبة: هههههههههه شبكون ليه خايفين هيك
سمر: لك شو صاير... تضربو تنيناتكن.. وقفتولي قلبي
ياسمين: لك هبة بدا تخبرنا شي.. تعو حدي
قعدنا كلنا ع السرير وهبة بلشت تحكي....
حبيتو لقصي اكتر من روحي.. كان هو النفس لالي..ما كنت اتخيل يمر يوم من غير ما شوفو.. تعلقت فيه لدرجة حسيت انو هالتعلق متل المرض .. اجا اليوم يلي طلبني فيه من اهلي.. بس للاسف امي ما وافقت.. كانت بدا شي دكتور او مهندس
ياسمين: يا ربييي.. كملي كملي
هبة: بس هو ما استسلم.. بعت اهلو اكتر من مرة ..وبالاخير اجا هو وحاكاها لماما ... وماما وافقت واتغقو تاني نهار يجو اهلو ليتفقو سوا...
طلع من عنا من البيت وكنت ناطرتو ليحاكيني.. طول الليل وانا ناطرة.. بس ما حاكاني.. توقعت انو صاير شي سوء تفاهم بينو وبين اهلو.. نمت ..وبعد الفجر صحيت ع رنة موبايلي...
هبة: الووو.. اي خالة انا هبة.. شبو قصي.. كيييييف.. بايا مشفى.. جايي جايي
كانت امو لقصي.. قصي عمل حادث وهو راجع من عنا.. وحالتو كانت مخطرة.. حاكتني امو وهي بتبكي وقالتلي ما حكا غير اسمك قصي وطلبت مني روح شوفو ...
رحت مع ماما وبابا.. دخلنا كانو اهلو كلن واقفين ع باب غرفة العناية المكثفة.. الكل كان قاعد يبكي.. وامو لمن شافتني اجت لعندي وضمتني: يا روحي با هبة.. بترجاكي فوتي لعندو... ما حد رح يعطي القوة ليرجع للحياة غيرك انت
نزلو دموعي من كلماتا.. حاولت ادخل ما خلوني ابدا
الدكتور: ممنوع ما بصير
بعد بشي ساعة.. كنت قاعدة حسيت بغصة قوية بقلبي.. ركضت ع الغرفة.. فتحت الباب وفتت ..كانو بيحاولو يسترجعو.. ويرجعو للحياة.. مات قصي.. ومن يوما وانا قلبي ميت.. دعيت من كل قلبي ع امي يلي حرمتني منو.. دعيت عليا تنبلى بحب اقسى من حبي ويتوجع قلبا لتحس شو يلي عملتو فيني..
ياسمين: يا قلبي عليكي.. لك كل هاد مدفون بقلبك الصغير
كانت هبة تحكي ودموعا يشرشرو ..مو هي بس كلنا كنا نبكي.. هبة بنت كتير حساسة وصابرة.. دفنت حبو لقصي بقلبا ..
سمر: فتحتيلي جروحي.. ربي يعوض عليكي يا قلبي
ياسمين: وانت سمورة حكيلنا.. باينتك مخبية قصة
رهام: هههههههه لك قصتا ولا بالخيال..جدبة
سمر: سكتي ولي.. والله لساتو ما بروح من بالي
ياسمين: منو هاد
سمر: كنت سنة اولى جامعة.. لتقيت بشب حلو وبيجنن اشقر وعيونو خضر وبيسحر..
ياسمين: اي
سمر: كان يموت فيني.. ويحبني من كل قلبو.. ما خلا هدية رومنسية الا وجابا.. بعد بشي ست شهور من علاقتنا لتقيت بالاجدب رفيقي.. سحرني دقنو وسمارو وعضلاتو.. تركتو لحبيبي كرمالو.. بس للاسف طلع واحد اجدب
ياسمين: ههههههههه خرجك
سمر: اي والله خرجي
ياسمين: بس انو هلأ جد.. رجعيلو لحبيبك
سمر: لك حاولت ارجعلو بس هو ما رضي وقلي بانو خطب بنت خالو.. وما بيقدر يكسرلا قلبا لانو هي بتحبو كتير.. ولو كنت انا بحبو ما تركتو
ياسمين: بصراحة معو حق
سمر : اي بعرف.. ما لمتو.. شفتا لخطيبتو.. بنت كتير حلوة وبتحبو كتير
ياسمين: الله يهنيهن ويبعتلك يلي تحبيه
سمر: امين
(الجزء السادس)
ياسمين: اي رهام.. وانت خبرينا عن قلبك
رهام: انا قلبي مقفل وما ممكن افتحو ابدا لايا رجال
ياسمين: لك ليه
رهام: انا مستحيل فكر سلم قلبي ومشاعري وحالي لرجال وخلي يتحكم فيني.. من وانا صغيرة كنت شوفو لبابا وشوف وحشيتو مع امي.. ومن يوما ما بطيقن للرجال
ياسمين: اي بس مو كلن متل بعضن
رهام: اي بعرف.. بس كيف بدي احزر نوعية الرجال يلي بدي سلم قلبي لالو.. لك بابا كان يعشقا لامي.. ومن بعد ما تزوجا نقلب .. الضرب يلي كان يضربا اياه ما في بشر بتحملو.. لك شو بدي احكيلك لاحكيلك.. ماني مجبورة حط حالي بهيك موقف ابدااا.. هلأ تركيكي منا وخبرينا عن طارق.. كيفو معك
ياسمين: لك لكن لشو بسالكن.. محتارة كتير ما بعرف حقيقة مشاعرو اتجاهي
هبة: سالي قلبك وهو يلي بقلك
مشت الايام وحبي لطارق عم يكبر يوم عن يوم.. علاقتنا ببعض صارت اقوى.. وما كنا انام غير لنحكي مع بعض ع الجوال..
ياسمين: الوو.. هلا طارق.
طارق: كيفا ياسمينتي
ياسمين: مشتاقة
طارق: اويلييي.. جد مشتاقة
ياسمين: ههههه لك كلمة وطلعت
طارق: لك انت حجر.. لك حني شي يوم ع حالي وحكيلي شي كلمة حلوة
ياسمين: هلأ انت يلي بدك تحكيلي.. انا ما بعرف عنك ايا شي
طارق: اي تكرمي ياسمينتي.. من وين بدك بلش
ياسمين: من وين ما بدك هههههه
طارق: سمعي يا حلوة.. انا طارق.. طالب بكلية الطب ..باقيلي سنة وبخلص.. الاول ع دفعتي.. بلعب كمال اجسام .. هههههه.. بحب بنوتة نعومة وامورة اسما ياسمين.. معي بالكلية.. بس هي كتير شايفة حالي..
ياسمين: احم احم
طارق: اي بس لشو الحكي والله بلبقلا تشوف حالا
ياسمين: اي هيك هاا ههههه
طارق: ههههه... ابي اكبر رجل اعمال بالبلد.. امي ست بيت ..بنملك كتير املاك.. وعنا شركة ومصانع.. حياتي مع اهلي عادية كتير.. بحبون وبحبوني عندي اخت وحدة بس.. اسما جوري.. يعني قريب من اسمك هههههه
ياسمين: جد.. حلو كتير
.
طارق: هاد كلشي.. سمعي رح احكي معا هلأ لتجي بكرة ع الجامعة وتتعرف عليكي
ياسمين: لك لاااا بخجل
طارق: يسلملي الخجول انا
فقت تاني نهار ع بكير..
ياسمين: صباح الخير
هبة: صباح الورد.. نطري شوي بس لالبس
ياسمين: اي عم استنا
رحنا سوا انا وهبة ع الجامعة.. فتت قاعة المحاضرة وكان طارق قاعد وجنبو صبية حلوة كتير..
ياسمين: صباح الخير
طارق: صباح الورد.. كيفك
ياسمين: تمام
وسحبتو من ايدو ع جنب....
ياسمين: لك مين هاي يلي قاعد معا
طارق: هههههه هاي حبيبة قلبي
عصبت عليه ..وتركتو وبدي روح.. مسكني من ايدي ..
طارق: تعي ولي جدبة.. لك هاي جوري اختي
ياسمين: وليي جد.. يا ربي هلأ شو بدا تقول عني
طارق: هههههههه.. بتقول غيورة وبتجنني وانت غيورة كمان
سلمت عليها لجوري يلي كانت كتير شايفة حالا.. ما دخلت لقلبي ابدا.. وخفت منا كتير...
تاني نهار...رحت ع الجامعة وما كان طارق موجود.. غصيت كتير وقلبي وجعني.. ما عرفت ادرس شي.. ولا عرفت اعمل شي... ورجعت ع السكن وانا كتير مقهورة..
هبة: لك ياسمين شبك
ياسمين: طارق ما بين اليوم بكل الجامعة.. مخنوقة ماني عرفاني ادرس ولا اعمل شي
هبة: لك حكي معو
ياسمين: لك بخجل والله
هبة: لك ايا خجل هاد.. لك كل يوم بتسهرو بالساعات وبتقليلي بتخجلي.. دقيلو دقيلوووو
ياسمين: لك هو يلي بدقلي مو انا
هبة: اي وهالمرة انت دقيلو
دقيتلو مرة وتنين وتلاتة وما كان يرد ..كان جوالو مغلق.. قلبي غلي اكتر واكتر... بقي ع هالحالة شي اسبوع كامل.. ما بين ولا فتح جوال..
ياسمين: لك قلتلكن ...هاد واحد بس بدو يتسلى
سمر: والله ماني عرفاني شو بدي قلك.. غريب والله
(الجزء السابع)
تعبت نفسيتي كتير ..كنت كتير مشتاقيتلو.. وكنت خايفة من غيابو... وبيوم كنت قاعدة بحديقة الجامعة تحت الشجرة لوحدي ..ما شفت غير حد غمضلي عيوني..
ياسمين: طارق
طارق: لك كيف عرفتي هههههه
ياسمين: لك معقول ما اعرفك.. معقول ما اعرف ريحتك.. شتقتلك كتير
طارق: تسلميلي يا روحي.. وانا كتير شتقتلك يا روحي
ياسمين: كيف بتعمل فيني هيك.. بتغط وما بعرفلك طريق
طارق: حقك علي يا روحي.. اموري كلا تخربطت ..لك جبتا لجوري لتساعدني قامت خربطتلي كلشي
ياسمين: ما فهمت
طارق: حاحكيلك بصراحة.. انا خاطب بنت صاحبو لابي
ياسمين: شووووووووو
طارق: هدي شوي واسمعيني
غرغرو عيوني بالدموع.. وقمت وبدي روح.. مسكني من ايدي ورجعني..
ياسمين: تركني طارق... لك انا جدبة يلي سدقت واحد متلك
طارق: وحياة هالدموع وهالعيون الحلوة تسمعي.. ياسمين انا بحبك.. وما بحب غيرك ابداا.. انت الحب الوحيد بحياتي.. هالبنت خطبتا كانت مصلحة.. هي بتكون بنت رفيقو لبيي.. خطبتا وقت عقدو صفقة بيناتن.. يعني مصلحة.. وانا ما بحبا بنوب.. بس هي دبقتني
وجوري الله يسامحا.. من لما اجت وشافتك.. رجعت ع البيت وفورا خبرت ابي وامي.. اتصل فيني ابي وهو معصب كتير
""""""""""""""""""""""""""""""""""""""""""""""""""""""""""
قبل اسبوع
ابو طارق: طارق هلأ بتحمل حالك وبتجي لعندي فورا
طارق: خير بابا شو في
ابو طارق: شو في؟ بس لتجي وبنحكي
{ببيت طارق}
طارق: مسا الخير...كيفك ماما
ام طارق: اهلا يا روحي
وضمتو وبوستو...
طارق: كيفك جوري حبيبتي.
وقرب منا وباسا...
جوري: اهلا اخي
طارق: وينو بابا
ام طارق: بغرفة المكتب
ونادت للشغالة لتناديلو.. بعد بشوي نزل ابو طارق..
سلم طارق ع بيو يلي كان كتير معصب...
ابو طارق: شو استاز طارق.. انت عم تدرس الا عم تتمعشق.. لك بدك تسودلي وشي انت.. لك مين هاي البنت يلي ضحكت عليك مين
اطلع طارق بجوري يلي كانت ماسكة جوالا وتشتغل فيه بغير مبالاة بيلي عملتو ابداا...
طارق: بابا هالبنت يلي بتقول عنا ضحكت علي.. اسما ياسمين.. وانا بعشقا وبدي اياها.. وانا يلي ركضت وراها مو هي ..
ابو طارق: لك وعم تقولا بكل وقاحة.. لك والبنت يلي خاطبا شو بدي قول لابوها
طارق: انت بتعرف منيح باني ما بحبا ولا بدي ياها.. لك والله ما بتنزلي من زور.. ما بحبااا ولا بطيقااا ابداااا
ابو طارق: مو بكيفك.. هالبنت بيها الو صفقات معي ومستحيل خرب شغلي كرمال حبك استاز روميو
طارق: هلأ صفقاتك اهما مني.. انا بحبا لياسمين وما رح اتخلا عنا ابدااا
ابو طارق: روح من وشي بسسسسرعة بلا ما انبلا فيك روووح
""""""""""""""""""""""""""""""""""""""""""""""""""""""""""
ياسمين: اي وبعدا شو صار... ليه تلفونك كان مسكر.. وبهالسهولة اقنعتو لابوك
طارق: طبعا لا.. جوالي سكرتو لانو ما كان بدي احكي معك وزعلك .. وبابا حاولت معو انا وامي كتير.. امي ما بتحبا للبنت.. جوري هي يلي بتحبا بس لانو رفيقتا.. حاولت انا وامي كتير لنقنعو بس ما اقتنع.. وبالاخر قلي..
ابو طارق: سماع..ازا بتتركا لخطيبتك لا انت ابني ولا بعرفك
طارق: وانا وقت قلي هيك تركتو فورا واجيت لعندك.. لفهمو انو ما في شي بيهمني غيرك انت
ياسمين: بس انت خسرت بيك.. وكمان انت كذبت علي..كان لازم تقلي بخطبتك من قبل
طارق: حقك علي.. بس خفت تتركيني.. انت من غير شي ما كنت بدك ياني
ياسمين: رجاع لبيك وخطيبتك.. انا مستحيل اقبل فيك بعد هيك
تركتو واقف ومشيت
طارق: لك ياسمين.. ياسمين.. لا تروحي
(الجزء الثامن)
مشيت ودموعي ع خدودي.. قلبي كان حيوقف من الوجع ..ما اتحملت ابدا كذبو لطارق.. وفجاة وحدة وقعت بارضي وصوت طارق بادني عم يندهلي..
فتحت عيوني كان طارق حدي غفيان ع كرسي حد التخت...
ياسمين: طارق.. طارق
طارق: ياسمين.. فقتي يا روحي
وقرب لعندي وقعد حدي ع التخت..
طارق: اسف يا روحي.. والله ما كان قصدي خبي عليكي.. خفت اخسرك يا قلبي
ياسمين: لك وين انا.. شو صار
طارق: انت بالمشفى.. اغمى عليكي بالطريق واسعفتك.. والدكتور قال ضغط اعصاب وزعل
ياسمين: دقلي ع هبة.. بدي ارجع ع السكن
طارق: هني كلن برا.. حاندهلن
طلع طارق وندهلن....
هبة..سمر...رهام: الحمد لله ع سلامتك
هبة: لك هيك بتخوفينا عليكي
ياسمين: بدي ارجع ع السكن ..طالعوني من هون
رهام: هلا بنطالعك ولا يهمك.. بس لنحكي مع الدكتور
اخدوني الصبايا وطلعنا كلنا سوا بسيارة طارق.. ووصلنا ع السكن..
طارق: ايا شي بدكن ياه دقولي
سمر: اوك ولا يهمك.. انتبه ع حالك
راح طارق وبقيت مع الصبايا..
هبة: لك شو يلي صار معك.. شو يلي زعلك
انفجرت بالبكي وحطيت اديي ع عيوني..
ياسمين: لك قلتلكن خايفة منو.. لك طلع خاطب خاااطب
هبة..سمر..رهام: شوووووووووو.. طارق خاطب
ياسمين: اي خاطب.. بنت صاحبو لبيو وشريكو بالشغل
رهام: لك قلتلكن هاد جنس الرجال ما بتامنلن ابدا
تاني نهار كنت لسا تعبانة وماني قادرة.. اجى طارق ع باب السكن واصر يشوفني.. وانا طلبت من هبة تكون معي لتسمع حكيو وتساعدني بقراري
رحت انا وهبة لعندو وحكا كلشي لهبة.. وحاول يراضيني.. بس كنت كتير زعلانة وقلبي واجعني منو..
رجعنا انا وهبة ع السكن...
هبة: سمعي.. هو اكيد غلط وقت خبا عليكي انو خاطب.. بس هو قلك بانو اخد قرارو قدام الكل واختارك انت من بينن كلن... لهيك خليكي معو ولا تتعبي قلبك اكتر من هيك.. ولا تتعبي هو كمان.. والله حالو ببكي.. هو هلأ صفا وحيد لا تتركي..
ياسمين: ما بعرف هبة..يلي بيكزب مرة بيكزب الف.. شو يلي بيضمنلي يضلو معي وما يتركني ويرجعلا
هبة: انا عطيتك رايي.. القرار بيرجعلك.. وقلتلك قبل بمرة سالي قلبك وهو حيدلك.. لا تخسري يلي حبيتيه.. ما في اصعب منا.. انت هيك بتقتلي روحك وما رح تحسي بطعم السعادة ابدا..
كانت هبة تحكي وعيونا كلن دموع... كانت مخنوقة وكلماتا بتطلع بالزور..
حسيت بوجعا .. كانت كلماتا تتردد بادني ..غصيت وحسيت حالي ضايعة.. وما عرفت كيف لازم اتصرف..
مضو تلت ايام وانا ما عم احكي مع طارق ولا عم رد ع مسجاتو ومكالماتو.. باليوم الرابع ..كنت بالجامعة ما شفتو غير اجا لعندي.. كانت حالتو بتبكي..تعبان كتير ونحفان..
طارق: لك انت بدك تجننيني.. شو بدك اعمل لارضيكي..شوووو
ياسمين: انت جنيت شي.. لك نحنا بالجامعة.. وطي صوتك ..ومشي معي من هون..
طارق: لك انت يلي جننتيني.. لك بدك ارجعلا.. هاد يلي بدك ياه.. لك انا بعرف انو غلطت وقت خبيت عليكي.. بس كل حبي الك وكل يلي عملتو كرمالك ما قدر يغفرلي هالغلط.. لك انا تعبت ..تعبت كتير.. صرلي سنة عم لاحقك من مكان لمكان.. وانت عم تتدللي وانا قول معلي.. بيلبقلا.. بس كتير هيك.. والله كتير ما عاد اقدر اتحمل..
ياسمين قرري ازا ما بدك ياني انا بوعدك ما رح اتعرضلك ابدا.. بس انو ضل هيك عم اتعزب.. ما فيني ابداا
ياسمين: هدا شوي
طارق: ما رح اهدا.. انا تعبت كتير بكفي
خلص طارق كلامو معو وراح .. هو راح وانا ضليت بمطرحي.. ماني عرفاني شو بدي اعمل...
رجعت ع السكن وكانت حالتي كتير صعبة.. شافتني سمر بهالحالة اجت عندي فورا..
سمر: لك شبك شو صاير
حكيتلا ع كلشي صار..
سمر: لك حرام عليكي.. والله يلي بيشوفو لطارق هلأ وقبل ما يتعرف عليكي ما بصدق انو هو طارق نفسو.. لك الشب بحبك وبدو اياكي لاتخسريه.. انت عم بتعزبي روحين ..ما بصير..حكي معو هلأ وصالحيه لترتاحي وتريحي..
تركتني وراحت... ترددت كتير بس بعدا دقيتلو..
ياسمين: مرحبا ..كيفك
طارق: تعبان ومخنوق
ياسمين: سلامة قلبك
طارق: ياسمين بدي شوفك.. تعبان كتير
ياسمين: هلأ الوقت متاخر ..بكرة تعا ع الجامعة بكير وبشوفك
طارق: يعني قررتي.. خلص
ياسمين: لك انا ما فيني بعد عنك.. انت نبض قلبي.. وقد ما ازعل منك ..ما فيني بعد ..
طارق: يخليلي ياكي يا روحي.. ريحتيني الهي يريح قلبك
سهرنا ليلتا ع التلفون اكتر من ساعتين ..وسكرت الخط لنام واقدر اصحى ع بكير...
(الجزء التاسع)
اجا طارق تاني نهار ع الجامعة ع بكير وقعدنا سوا وتصالحنا وحكينا كتير..
ياسمين: شو رح تعمل هلأ مع اهلك
طارق: ولا شي.. بكفي امي معي ما بدي شي تاني
ياسمين: كيف امك معك ..ما فهمت
طارق: لك شو ما فهمتي.. انا خبرتا كلشي ..وعطيتا صورتك كمان هههههه.. وهي حبتك كتير ..ورح تحاول تقنع ابي بانو اتركا لخطيبتي لانو هي اصلا ما بتحبا ولا اتفقت معا ابدااا
ياسمين: قلتلي صورتي ههههههه
طارق: لك سمعي شو قالتلي هههههه
ياسمين: اي
طارق: قالتلي من كلاما لجوري فهمت بانو ياسمين بنت ما الا مثيل.. وكل يلي عملتو جوري كان من غيرتا
ياسمين: اي الله يسامحا..
طارق.. الفحوصات باقيلا اسبوع بس.. نحنا لازم ندرس اكتر ..ما بصير هيك
طارق: اي صح.. انا هلا اخدت جرعة نشاط.. رح بلش ادرس من اليوم حبي
ياسمين: هههههه اي كتير منيح
بلشو الفحوصات وقدمناهم وصار وقت روح لعند اهلي...
ياسمين: كتير فرحانة بانو خلص هالفصل.. بس كتير زعلانة لانو رح بعد عنك..
طارق: اي لا تزعلي..الك عندي مفاجأة حلوة..
ياسمين: شو هي
طارق: انا رح اجي لعند اهلك واطلبك من بيك
تفاجئت كتير من كلاموو... وما كنت متوقعة بانو بهالسرعة حيعملا....
ياسمين: انت بتحكي جد.. بدك تخطبني
طارق: لك اي رح اخطبك واتزوجك.. لتعرفي انو ما بدي من الدنيي كلا غيرك ياسمينتي الحلوة..
ياسمين: لك الله يخليلي ياك
ودعتو ورجعت ع بيتي..
ماما: يا روحي يا ماما ..تعي لضمك يا عمري.. اخ شو شتقتلك
ياسمين: وانا كمان يا ست الكل انت... بابا حبيبي..
ضميتو لبابا وبوستو..
بابا: يسعد البا ياسمينتنا الحلوة
ياسمين: لك وينن احمد وهنا
ماما: طلعو مشوار ..ما بيتاخرو.. تدوشي وبكون جهزتلك الاكل يا روحي...
فتت غرفتي يلي تركتا من فترة طويلة.. كانت متل ما تركتا.. ومزينة بالورد الجوري وزهر الياسمين.. طلعت لبرا وندهت لماما..
ياسمين: امي.. لك مين يلي مزين الغرفة
ماما: ههههه مين بدو يكون غيرن.. هنا واحمد.. عجبوكي؟؟
ياسمين: بيجننووووو
رجعت ع غرفتي وتدوشت ..دق الجوال.. وكان طارق..
ياسمين: اهلا طارق.. كيفك
طارق: مشتاقلك حبي
ياسمين: ........
طارق: ياسمينة الحلوة.. ايمت وصلتي
ياسمين: ما صرلي كتير
دخلت امي وانا عم احكي ..تلبكت كتير..
ياسمين: اي رهام حبيبتي برجع بحاكيكي سلام
طارق: لك مين رهام هاي..لك شو سلام
سكرت الخط معو..وحاولت اضبط اعصابي..
ماما: مع مين عم تحكي
ياسمين: رفيقتي رهام ماما
ماما: وليه تلبكتي
ياسمين: انا.. لا ولاشي
ماما: اي لكن تعي الاكل جاهز
طلعت لبرا لقيت اخواتي احمد هنا مجهزينلي سفرة كلا اكل جاهز وكيك وشكلاتات يلي بحبا ومزينين الطاولة كلا بالياسمين..
ياسمين: اااه حبايب البي..
وركضت لعندن وضميتن...
تجمعنا كلنا واكلنا وحكينا كتير.. وطول الوقت ونحنا نضحك ...
تاني نهار اتصل فيني طارق..
طارق: اي ياسمين كيفك
ياسمين: اهلا طارق تمام... انت كيفك
طارق: انا مو طارق انا رهام
ياسمين: ههههههه بعتزر منك.. امي دخلت وانا احكي معك
طارق: ههههههه اي بسيطة توقعت حبي.. هلأ اليوم المسا بتجهزي حالك.. رح اجي لاخطبك حبي
ياسمين: اليوم.. اليوم
طارق: لك اي يا روحي اليوم
قفلت الخط معو ورحت لعند امي..
ياسمين: ماما......... بدي احكي معك بموضوع
ماما: اي يا روحي.. حكي
ياسمين: في شب جايي لعنا المسا
مانا: شب؟؟؟!! ومين هالشب
ياسمين: ممممممممم رفيقي بالجامعة
ماما: اي قلتيلي رفيقك.. رهام هاي
ياسمين: مامااا.. والله خجلت منك
ماما: ههههههه ما عليه.. المسا بشوفو وبحكم ...والله وكبرت ياسمينتنا وصارلا رفقات.. تعي لضمك حبيبتي..
(الجزء العاشر) والاخير
اجا المسا ..جهزت حالي ولبست فستان زهر دانتيل وطوق ياسمين ع شعري..
رن الجرس.. وكان طارق وصل.. استقبلو بابا واحمد...اجت هنا لعندي ركض..
هنا: ولي ضرسانة.. لك بتعرفي تنقي.. لك بجننن هالشب
ياسمين: هههههه اي بعرف
بعد بشوي اجت امي لعندي ع الغرفة وقالتلي اجي لعندن.. طلعت وسلمت ع طارق يلي كان رح ياكلني بعيونو.. وقعدت معن..
بابا: اهلا وسهلا يا ابني
بعد بشوي من حكين سوا ...
طارق: بصراحة عمو انا جايي اطلب ايدا لياسمين
بابا: تطلبا؟؟؟ انت بتعرف بنتي شو بتدرس
طارق: اي عمو.. هي معي بنفس الكلية
بابا: اي وبدك تطلبا.. البنت لساتا باول طريقا ..كيف بدك ياها ترتبط
طارق: عمو مجرد خطبة.. بس ليرتاح قلبي واعرف انو هي الي
اطلع فيني بابا وهو معصب وكمل حكي..
بابا: ويلي بدو يطلب بيجي هيك لوحدو. . وينن اهلك
طارق: عمو انا رح احكيلك كلشي... انا بحبا لياسمين اكتر من روحي ..بس اهلي بدن يجوزوني بنت تانية.. بتكون بنت رفيقو لبابا.. وانا ما بدي اياها وبدي ياسمين.. ختلفت انا وبابا وخيرني بينن وبين ياسمين.. وانا تركت كلشي واجيت لعندا..
كان يحكي ويطلع فيني بنظرات كلا حب وحزن..
بابا: اي يا ابني.. انا تشرفت فيك بس انا ما فيني عطيك بنتي الا ليوافقو اهلك.. وانتا متل ما فهمت لساتك بالجامعة.. يعني مانك مامن مستقبلك لهيك لا تستعجل
طارق: بالنسبة لمستقبلي فكلشي مامن عمو.. انا عندي بيت وشاليه ملك.. وعندي سيارة وحساب كبير بالبنك.. كلن باسمي.. وكلا كم شهر وببدا اشتغل بشهادتي.. يعني مستقبلي مامن..
واهلي ما رح يرضو ..لانو بدن ياني اتجوز بنت تانية.. وانا بدي ريح قلبي واطمن انو ياسمين الي انا..
كانو يحكو وانا مخنوقة وبدي ابكي... قلبي وجعني كتير.. لانو حسيت باني حاخسرو لطارق..
اطلع فيني بابا وحس اني متدايقة..
بابا: يا ابني مستحيل اقبل انا بهالشي.. لازم اهلك يكونو موافقين.. هالشي ما بصير..
استاذن طارق وطلع وهو كتير زعلان..
بابا: لك انتو جنيتو.. هاي اخر ثقتي فيكي يا ياسمين..
ياسمين: بابا انا....
بابا: لك شو انت شوووو
ماما : هدي شوي يا رجال.. الشب باينتو بحبا وبدو اياها.. طول بالك
بابا: اي ازا بحبا يقنعن لاهلو لانو مستحيل وافق وهني مانن رضيانين..
فتت غرفتي وتسطحت ع تختي وبكييت كتير.. حسيت بانو خلص رح اخسرو لطارق.. بعدا بشوي دق جوالي وكان المتصل سمر..
سمر: كيفك ياسمين.. شو اخبارك
ياسمين: ماني منيحة ابدا.. لك طارق طلبني وبابا ما وافق لانو اهلو رافضين
سمر: يا ربي.. لا تزعلي حالك حبيبتي.. هلأ بحكي مع الصبايا وبنفكرلك بشي حل.. لا تزعلي رح حلا بوعدك
سكرت الخط مع سمر.. واجت لعندي امي..
ماما: بصراحة بيك معو حق.. ما بصير ترتبطي فيه واهلو رافضين.. لانو بتخافي بايا لحظة يتركك ويرجعلن..
ياسمين: ماما طارق بيحبني ومستحيل يتركني
ماما: ازا بحبك حيلاقي حل
هديك الليلة كانت من اسوأ الليالي ..دقيتلو لطارق كتير وما كان يرد.. بقي ع هالحالة ليومين.. تعبت فيهن كتير.. ومضيتن بالبكي.. بابا وماما كانو زعلانين علي كتير وكل شوي يحاولو بهدوني ويقلولي بانو هالشي لمصلحتي..
تالت نهار كنا سهرانين كلنا وندق الباب.. فتح اخي احمد الباب ورجع لعنا..
احمد: لك ياسمين.. ياسمين.. طارق ع الباب ومعو كتير بنات وكلن حلوات
ياسمين: شووو لك شو بتحكي..
ما بعرف كيف وصلت للباب.. وكنت بالبجامة ...وكان طارق ومعو امو وهبة وسمر ورهام...نحرجت كتير منن وسلمت عليهن..
ياسمين: تفضلو اهلا وسهلا.. عن ازنكن بس لغير تيابي.. تفضلو تفضلوو
فوتن واستقبلوهن اهلي ...
فتت غيرت تيابي ورجعت لقيتن كلن عم يضحكو وبابا مبسوط كتير...
بابا: تعي لعندي بابا تعي
قعدت حدو وانا متفاجأة وحابة اعرف شو يلي بصير..
ام طارق: اهلا وسهلا بكنتي الحلوة
انا انصدمت بس هيك قالتلي واطلعت بطرف عيني ع بابا..يلي ضمني وبوسني..
بابا: كبرتي ياسمينتي وانخطبتي ..ربي يكتبلك الخير يا بنتي.. قومي سلمي ع حماتك وخطيبك
دمعو عيوني وبوستو.. وقمت سلمت ع حماتي وطارق وصاحباتي كمان وانا لسا ما فهمت شي..
سحبني طارق من ايدي وقعدني حدو..
ياسمين بهمس: لك شو صار
طارق: تعي ع جنب لاحكيلك
رحنا وقعدنا ع جنب وحكينا..
طارق: سمر رفيقتك حاكتني بنفس النهار يلي كنت عندكن ..وطلبت مني انو تحاول هي ورفقاتك يحلو الموضوع وانا وافقت.. راحو رفقاتك لعند امي وحاكوها ..وشرحولا يلي صار.. وامي جن جنانا لانو حست انو رح اخسرك.. واجت هي ورفقاتك لهون.. وامي حاكتو لبيك وشرحتلو الموضوع.. وقالتلو بانو شراكتنا وصفقاتنا نحنا ورفيق وبابا اخر هالسنة رح تنتهي ووقتا كلشي مع خطيبتي رح ينتهي وطمنتو بانو هي واقفة حدي وحتساعدني.. وبكلمة من هبة وكلمة من رهام وكلمة من سمر بيك وافق ههههههههه
ياسمين: لك ربي يخليلي ياكن وما يحرمني منكن.. لك طارق شوف ع هالشوفة.. مو معقول..
كان احمد قاعد حدا لرهام وبيحكو سوا.. ما سدقت عيوني ابدا...انو معقول رهام تتفق مع شي رجال..
مشت الايام ورجعت ع الجامعة.. وطارق بلش تدريبو بمشفى.. وبعدا بشي سنة فتح عيادة خاصة فيه ونجحت من فضل الله..
بهالوقت كنت ماشية مشوار بجامعتي ..
شراكة بيو لطارق كانت منتهية مع رفيقو.. فكو الخطبة وبمجهود كبير من امو لطارق صالحتو مع بيو ..ورحت لعندو ع الشركة وتعرفت عليه وحبني كتير...
رهام تخرجت وعلقت بشباكو لاخي احمد... و علاقتن قويت كتير وخطبو وتزوجو وصار عندن نونو..
سمر تخرجت و تركتو لحبيبا الاجدب لانو لاقت واحد جديد احلا منو بكتير ..بس باينتا هالمرة حبتو جد...
هبة تخرجت كمان بس لساتو قلبا مكسور ورافضة تعمل علاقة مع ايا شب من بعدو لقصي.. وشاغلة حالا بوظيفتا الجديدة...
اما جوري ..فمن بعد ما انفكت الخطبة تخانقت مع خطيبتو السابقة لطارق ..وبلشت تتقربلي...
سنين كتيرة مشت وحبي لطارق عم يزيد وعلاقتنا قويت اكتر واكتر ..
اجا يوم تخرجي يلي حضرو كلن.. بابا وماما اخي احمد.. اختي هنا يلي دخلت الجامعة من جديد.. رفقاتي سمر وهبة ورهام... جوري.. حماتي وحماي..
كلن تجمعو لاول مرة بحفل تخرجي... كان يوم بجننن وما بينتسا ابداا
بعدا بشي اسبوع بس رجعو تجمعو بحفل زواجنا انا وطارق... الحفل كان ملوكي بيطير العقل.. افخم صالة واحلى فستان عرس.. كل الموجودين حكيو بجمالي وجمالو لطارق.. الكل كان شايف الحب الكبير يلي بينا..
وهيك خلصت قصتي مع طارق حبيب البي.. ان شاء الله كلكن تكون نهاية قصصكن حلوة متل نهاية قصتنا
انتهت...
 
الوسوم
حب مشكل
عودة
أعلى