شهر زاد

صفا النعمان

الادارة
طاقم الإدارة
#الجزء_الاول

شهرزاد عمرا ٦ سنوات
شهرزاد : ماما احكيلي قصة قبل مانام
اميرة: عن شو احكيلي ياحبيبتي
شهرزاد : احكيلي قصة شهرزاد هههه
اميرة : كل يوم بدك اياني احكيلك اياها
شهرزاد : مين قلكن تسموني على اسمها يلا احكيلي احكيلي
اميرة : امري لا الله .. كان يامكان بقديم الزمان .. كان في وحدة اسمها شهرزاد كتير زكية وحلوة متلك..وكان عندن حاكم كتير ظالم وكان كل يوم يتزوج وحدة الصبح يقوم يقتلا ويموتا لحتى اجا الدور لعند شهرزاد تكون مرتو لهل الحاكم
شهرزاد : بس ماهيك القصة في كتير شغلات ماعم تحكيها
اميرة: حبيبتي والله تعبانة عم احكيليك اياها رؤوس اقلام ...وكمان انتي بتعرفيها للقصة وحافظتيها بصم ليش كل يوم بتعزيبني احكيلك اياها
شهرزاد : طيب بس سؤال
اميرة : تفضلي
شهرزاد : معقول انا يصير فيني متل شهرزاد ويطلعلي شهريار ... وانا كون زكية وماخليه يقتلني بعدين بنصير نحب بعض
اميرة : ههههههه لا ماما هاي قصة خيالية وكمان مابنعرف شو الله كاتبلنا مع الايام ..يلا هلق نامي تصبحي على خير
شهرزاد : وانتي بخير
طلعت اميرة وراحت غطت باقي ولادها ورجعت على غرفتها
مازن ابو شهرزاد: شو ليش طولتي
اميرة : كنت عند شهرزاد عم احكيلا قصة شهرزاد
مازن : هههههه هالبنت غريبة
اميرة : ماكل الحق عليك يعني مالقيت غير هالاسم تسميها اياه .. والله فقعتني وهية كل انهار تقلي شو معنى اسمي واحكيلي قصة شهرزاد
مازن : هههههه ليش في احلا من اسم شهرزاد
اميرة : لا تصبح على خير
مازن : وانتي من اهلو
...............................................
مرت الايام والسنين وصار عمر شرزاد ١٥ سنة .. وهلق الوضع بسوريا وضع حرب .. كانت المنطقة يلي عايشين فيها امنة ... بس مافي منطقة بسوريا والا مالحقها ضرر .. وبلشت المشاكل تنتقل لمنطقتون .. كانت شهرزاد عم تدرس صف عاشر بس اجت قذائف ع المدرسة واتهدمت نصها ..وقعدو ببيتون تحت القصف .. وبلشو يعيشو معاناتون .. وكانت اكتر اوقاتون وهنن قاعدين يسمعو صوت القذيفة وهية طالعة ويسمعوها وقت تنزل ..وضلو ماسكين قلبون بأيدهن ... وبلش الجيش يسحب الشباب على الاحتياط .. شهرزاد عندا ٣ اخوات شباب .. وقررو اهلا يسفروهن ع اللبنان ... صارو بوقت يخافو على الشب ومايخافو ع البنت .. وطلعو اخوتها تهريب ع اللبنان ... وضلو هنن قاعدين طول انهار تحت القصف وكل مالو الضرب يقرب منون .. وعطول اشتباكات بين الطرفين ..
اميرة : لايمت هالحالة والله ملينا .. مافي غير صوت الضرب والرصاص ..
مازن : الله يفرجها على هالبلد احسن الشي ..
اميرة : آمين .. بس والله مو عيشي وكمان هالبنات عم يخافو كتير (شهرزاد عندا اخت تاني اسمها ريم)
مازن : شو طالع بأيدنا نعمل يعني
اميرة : نطلع ع اللبنان لعند هالولاد وحتى الله يفرجها بنرجع ..
مازن : عم فكر فيها بس والله صعبة علي اترك ارضي وبيتي وبلدي
اميرة : ليش انا يلي مبسوطة .. بس ليك نص المنطقة طلعت من بيوتا
مازن : طيب شو رأيك نروح على شي منطقة امنة بسوريا بلا ما نطلع برات البلد
اميرة : غير بدو يلحقنا البلا وين ما رحنا خلص سوريا ماضل فيها مكان امن ..
مازن: طيب انا رح فكر واحكي مع الولاد يدبرولنا بيت وبنطلع ..
اميرة : ان شاء الله خير
( اخوات شرزاد طلعو ع اللبنان هنن وولاد عمون )
تاني يوم مازن اتصل بأبنو الكبير يحيى وحكي معووقلو يدبرلون بيت مشان يطلعو لعندن ..
يحيى : اي بابا انا رح دور على بيت وببعتلكن ... انا اصلا كنت رح احكي معك مشان تتطلعو لانو ابن عمي محمد قال بدو شرزاد وانا قلت بتصل فيكن وبتجو لهون وبنزوجا شو رأيك
مازن : محمد بدو شهرزاد
وهون شهرزاد كانت قاعدة حد ابوها وانحطف لونا وصارت افكار تاخدا وافكار تيجيبا .. وتقول : اناا لمحمد بس هاد اكبر مني ب١٠ سنين .. بس والله محمد شب حلو اي ليش لأ
خلص ابوها حكي ع التلفون واستلمتو اميرة
اميرة : شو كان عم يقلك يحيى على محمد شبو محمد
مازن : قال حكيان مع يحيى وقايلو بدو شهرزاد
اميرة : اي وليش لأ .. محمد مافي متلو ..
مازن : شو يا شهرزاد عندك مانع من انو يكون محمد زوجك
شهرزاد : متل مابدك يا بابا .. انتو ادرى بمصلحتي
مازن : اذا على بركة الله ..
وهون بلشت شهرزاد ترسم احلاما مع محمد ابن عما .. وكيف رح تكون زوجة مطيعة وكيف تصير تحترمو وكيف هو رح يحبا ...
ومرق كام يوم ويحيى اتصل بأهلو مشان يطلعو ..وبالفعل ضبو غراضون وطلعو ... استأجرو سيارة مشان توصلون ع الحدود .. ركبو انطلقو ..
شهرزاد كانت طول الطريق عم تتخيل لما بدا تشوف محمد كيف رح تستقبلو وكيف رح يكون تصرفا معو .. وبلشت تنسج من مخيلتا افكار واحلام ... بس ياحرام ما كانت عرفاني انو قصة شهرزاد وشهريار رح تنطبق عليها .. وهنن ع الطريق شوي يمشو بمنطقة فيها نظام وشوي يمشو بمناطق معارضة .. وقبل مايوصلو ع الحدود وصلو لضعية بتجي بنص بين هدول وهدول وكان علقانة فيها الضرب
الشوفير : انا معد اقدر كمل اكتر من هيك .. انزلو وكملو مشي
مازن : شو ننزل بهالليل ... وكمان نكمل مشي في مسافة كبيرة من هون للحدود ..وكمان مانك سامع صوت الضرب
الشوفير : انا اسف بس معد فيني كمل ..واذا بدكن برجعكن معي
مازن : شو ترجعنا معك صرلنا اكتر من ٦ ساعات ونحنا ع الطريق هلق تقلنا بدك ترجع ..خلص رح ننزل اشقد حسابك
حاسبو ونزلو
اميرة : وشو هلق نحنا هون بنص الليل ومابنعرف حدا نروح لعندو .. وصوت هالرصاص بخوف
مازن : تعالي نروح لعند هالبيوت هنيك بنام هالليلة والصبح بنطلع ع الحدود وبنقطع
اميرة : يلا ماشي ..
وبلشو يمشو بهالعتم ..كانو البيوت بعاد عنون كتير
شهرزاد : يا الله انا تعبت ايمت رح نوصل حاسي نحنا عم نمشي وهالبيوت عم تبعد
ريم : اي والله وانا كمان فرطت ..
اميرة : معليش حبيباتي ..شوي وبنوصل ..
وهنن عم يمشو بالعتم ضيعو الطريق وطلع قدامون بستان كلو شجر ..
اميرة : شو وين صار الطريق
مازن : والله مابعرف ... شكلنا ضعنا
شهرزاد : لا مشان الله لاتقولوها انا خايفي كتير بس مايطلعنا شي ديب هلق
مازن :خلص لاتخافو تعو ندخل بالبستان والا مانلاقي طريق ...دخلو ع البستان وبلشو يمشو .. وهنن بنص البستان بلش الرصاص يمرق من فوق راسون ومن حاوليهن
مازن : بسرعة انبطحو ...
انبطحو ...كلون ووبس اجت رصاصة بكتف شهرزاد وهية مانا حاسي عليها لانها سخنة ...
خلص الرصاص وقامو ليكملو مشي
شهرزاد : مشان الله شيلو عني معد اتحمل
اجا ابوها وحمل عنها الشناتي وصار يمشي
وشهرزاد صارت بطيئ بالمشي وبعدين غمت ووقعت ع الارض ... واهلا ضلو ماشين وماحسو عليها ... وبعد فترة من المشي
مازن : بابا شهرزاد لساتك تعبانة ..... بابا شو وينك
التفتو لورا
مازن : ريم وينا اختك
ريم : بابا مابعرف .. من شوي كانت ماشي حدي ..
اميرة : لك وينا البنت ..شهرزااااد ... يا شهرزاد .... وينك
مازن : انت خليكن هون .. وانا رايح دور عليها
اميرة : مشان الله لا تطول
مازن راح وصار يعيط بأعلى صوتو على شهرزاد ومالقاها ..ورجع لعندن كمان كانت اميرة عم تصرخ وتبكي وتنده
مازن : ما اجت
اميرة : لاااااا... مشان الله وينا بنتي.. يااا شهرزاد .... يااااا شهرزاد ..
وبلشو يعيطو على ملا صوتن وهنن عم يبكو ويدورو عليها متل المجانين ... ولانو بليل والصوت بودي سمعو اهل الضيعة صياحون وطلعو لعندون ومعن اضوي .. واجو لعندن
الناس : خير ياجماعة شوفي ..ومين انتو
مازن : نحنا كان رايحين ع الحدود .. وضيعنا بنتنا هون بالبستان
_ طيب اهدو رح نلاقيها
_يا اخي اشقد عمرا بنتك
مازن : عمرا ١٥ سنة ..مشان الله لقولنا اياها ..
وبلشو العالم يدورو عليها بس بدون جدوى .. لانو عتم وهية واقعة بالارض
..............................
في واحد من الزعران يلي من تجار الازمة .. ماشي بقلب البستان ورايح ع المقر .. وصار يقول : شو القصة ليش هيك اهل هالضيعة منتشرين بقلب البستان .. يستطفلو ..وهو ماشي اتفركش بشهرزاد .
_ العما شو هاد .. ضوا عليها لقا بنت نايم طب على وجها وعم يطلع من كتفها الدم .. قرب لعندا لقها عم تتنفس
_ ههههه اجت الرزقة . حملها واخدها ع المقر
وصل ع المقر دق الباب وفتلحو واحد
_ ولك جابر مين هاي ومنين جبتها
جابر : بعد هيك .... سليم اتصل بالدكتور تبعنا يجي فورا
دخل جابر وكان جوا بالبيت مليان شباب عم يشروبو عرق ووسكي
_ جابر شو هاي من وين جبتا
جابر : لقيتا ..
_بس كأنها متصاوبة
جابر : اي بس مو خطرة ... بنعالجها وبنحطا مع البنات
سليم : اجا الدكتور
دخل الدكتور
الدكتور : شو هالمرة متقلين مع شي وحدة بالعيار
جابر : لا بس هاي متصاوبة هلق لقيناها ..
الدكتور : بعد هيك .. طيب شلحوها .. وشلحوها هالحجاب كمان ..
قرب جابر منها وشلحا بلوزتا وشلحا حجابا ..
وقرب الدكتور طلعلا الرصاصة وعقملا الجرح وخيطو ..
سليم : ولي على هالشقفة .. انا اول واحد بدي المسها
جابر : ماحزرت انا جبتا وهاي الي
_ اي خراس منك الو .. بالاول بنعرضا على شاهر واكيد رح يدفع فيها بلاوي
_ دكتور شفلنا اياها اذا بنت او لأ ..
دكتور : طيب طلعو لبرا لافحصا ..
طلعو لبرا وبعدين لحقون الدكتور
الدكتور : اي بنت ..
جابر : اشقد ممكن يكون عمرا
الدكتور : ما اكتر من ١٦ ... انا رايح انتبهو عليها دفوها منيح انا حطيتلا كيس دوا ..
جابر : ماشي ..
دخل جابر لعندا ووحط عليها حرام وقرب باسها على شفافها ...
سليم : عم مهل لحتى تفيق واشباع منها ..
جابر : هالبنت شقفة ..
سليم : يلا روح مشي حالك بشي بنت ومن هون لبكرا بنشوف شو بصير ..
جابر : غرفة العمليات فاضية
سليم : اي فضية روح ... ااه صح لاتجيب علا
جابر : ليش
سليم : هلق كانت مع جلال ومبين عليها تعبت
جابر : اي .
طلع جابر ودخل على غرفة مليانة بنات .. وصارو يتخبو بالزوايا الغرفة ويبكو
البنات : مشان الله طالعونا ... ليش هيك عم تعملو فينا
جابر : اخرسي منك الها ...
وقف وصار يتطلع فيهن وحدة وحدة
جابر : انتي يارا تعالي
يارا : مشان الله بلاها ..انا كتير تعبانة
جابر : بلا علاك فاضي .. قومي انقربي
يارا : بس اليوم بترجاك
جابر : اوووف ..مطولة معك
دخل وسحبا من شعرا وهية عم تبكي وتصرخ ..تركني تركني
...........................
بالبستان كل اهل الضعية عم تدور على شهرزاد ومحدا عم يلاقي شي .. وبالاخير تعبو واجتمعو عند اهلا يلي كانو منتفين حالون من البكي
# والله دورنا بكل مكان ومالقنا حدا ... رح ننطر للصبح شو رأيكن
اميرة : بدي بنتي .. بدي بنتي ... يا الله بدي بنتي
# ياجماعة اعملنا كلشي بيطلع بأيدنا ..والدنيا عتم كتير والشجر على بعضو صعب نلاقيها ..يمكن غابت عن الوعي بشي مكان .. الصبح بنطلع وبندور عليها .. قومو معنا قومو ..
اخدوهم غصب عنهم مشان يرتاحو عندن .. وبعد ساعتين طلع الضو ... ورجعو اهل الضيعة يدورو عليها
...........................
بالمقر دخل
دخل الزعيم تبعون وملقب بالضبع
الضبع : وينكم يا هوش ..
طلعو لعندو كل الشباب
قعد الضبع ومد رجليه على الطاولة ..وطلع سيكارة وشعلا
الضبع : شو الوضع ..
سليم : كلو تمام
الضبع : شو صاير بالضيعة .. وليش العالم منتشرة بالبساتين شو مضعين ..
جابر : يمكن عم يدور ع البنت يلي لقيتا مبارح
الضبع : وين لقيتا .. ومين هاي البنت
جابر : لقيتا متصاوبة بالبستان .. جبتا لهون واتصلنا بالدكتور شلا الرصاصة من كتفا ..وهلق هية نايمة
الضبع : اممممم ... يعني زاود بنت
سليم : اي مظبوط
الضبع : وحلوة
جابر : حلوة وصغيرة ولساتا بنت
الضبع : كتير منيح .. انا لكن رح اتصل بشاهر ... لان بعرفو بحب هيك موديلات
جابر : انا بقوول
الضبع : خير شو بتقول استاذ جابر
جابر : انو البنت حلوة وصغيرة ورح تنفعنا كتير ..واذا عطيناها لشاهر انت بتعرف بنام معها اول ليلة والصبح بكون قاتلا
الضبع : هاد مو شغلك .. وبعدين شاهر بيدفع فيها اكتر من يلي بدنا نشلغلا فيهن على سنتين
جابر : حاضر متل مابدك
الضبع : ولاا موسى صبلي كاس
موسى: حاضر
..............................
ببيروت بقلب فيلا فخمة نايم شاهر (شاهر سوري بس ناقل كل املاكو ع اللبنان واسقتر مرتو وابنو ميتين لسبب نحنا مابتعرفو عمرو ٣٠ سنة اسمر وضخم )
وهو نايم على تختو صار يرن تلفونو
قام اتطلع ع التلفون ورد
شاهر: اي
الضبع : صباحك ياريس
شاهر : خير
الضبع : جبنالك شقفة بنت بتشل
شاهر : بنت
الضبع : بنت وحياتك ماباس تما غير اما
شاهر: شقد عمرا
الضبع : اقل من ١٦
شاهر انصدم : شوو اقل من ١٦
الضبع : اي
شاهر : انا اليوم طالع لعنكن .. وهاي البنت محدا بقرب هليها فهمت
الضبع : من عيوني .. ناطرينك
سكر شاهر واتصل بالشركة وقلا للسكرتيرة تلغي كل المواعيد .. وطلع ركب وطلب من الشوفير ياخدو على سوريا عن طريق التهريب في طريق خاص الو
..................................
بالضيعة
اميرة قاعدة وضامة بنتا ريم وعم تبكي وتأن
اميرة بصوت حزين مكسور : وينك يا شهرزاد ياحبيبتي وينك ياقلبي
مازن قاعد وحاطط راسو بين اديه وعم يبكي
صاحبة البيت عملتلون فطور مشان ياكلو
بس محدا قرب
بعد شوي بلشو يجو هالشباب والزلم وكانو خايبن الامل
اميرة : شووو لقيتوها ؟؟
# للاسف لا
اجا شب وقال : لقيت بركة دم وانا عم دور ومبين انو الدم جديد
اميرة : شووووووو لا شهرزااااااد
مازن : طولي بالك يمكن ماتكون هية .. ياجماعة خلونا نروح
...................................
بلشت شهرزاد تفيق ..
فتحت عيونا وصارت تتطلع حوليها لقت كتفا ملفوف .وفي بأيدها كيس دوا .. مدت ايدها التانية على كتفا وصار يوجعا .. ولقت حالا نايمة بالبروتيل ..
... لقت جحابا على جنب سحبتو وحاولت تغضي فيه شعرا وكتافا
شهرزاد: مين في هون ... يا اهل البيت ..
سمعو صوتا وكلون قامو لعندا .. فتحو الباب وفاتو شي خمس شباب بيناتن الضبع وجابر وسليم
هية هون خافت منون ومن منظرو لانو مبين شلكون زعران
الضبع : شو صحيت ياقمر
خافت اكتر من طريقت حكيو
شهرزاد : وين انا .. ووين اهلي
الضبع قرب لعندا وقعد جنبا ع التخت وهية صار تحاول ترجع لورا
الضبع : اهلك بح .. من اليوم نحنا اهلك
شهرزاد : لك مين انتو ووين اهلي ... يا ماما ..يا بابا ..
الضبع : هههههه صرخي قد مابدك محدا رح يسمعك
شهرزاد : لك مين انتو ... وشو بدكن مني
الضبع : بدنا اياكي ياحلوي ..
شهرزاد وهية عم تبكي : انتو اكيد عم تمزحو ماهيك ..
الضبع : ياشباب حدا بيعرفني بحب المزح شي
الشباب : لا سيدي .. انت مابتمزح ابدا ..
مد ايدو وسحب الشال من على راسا
الضبع : هاد معد بدي شوفك لابستيه عم تفهمي ..
وهية عم ترجف من الخوف : لك مشان الله اتركوني انا مادخلني بشي .... وين اهلي وانا كيف وصلت لهون
الضبع : جابر قلا وين اهلا
جابر : مابعرف ههههههه
الكل : ههههههههههه
الضبع : طيب قلا كيف وصلت لهون
جابر : ههههههه كمان مابعرف
الضبع : حاج مسخرة واحكي منيح
جابر : حاضر ... لقيتك بقلب بستان مغمى عليكي وفي رصاصة بكتفك ..
حاولت تتذكر ... بس اخر الشي كانت متذكرتو انها كانت معا اهلا عم يمشو بقلب بستان ... مشان يقطعو الحدود
يتبع .......
....................
#بقلم_مريم_اليوسف
 
#الجزء_الثاني

الضبع : صارت منيحة خدوها لعند رفقاتا
اجا جابر شمط السيروم من ايدا ... وسحبا على غرفة البنات ... فتح الباب ورماها جوا

وهية كانت عم تبكي رفعت راسا واتطلعت كان حوليها عدد كبير من البنات .. وكلون اجو لعندا ..

شهرزاد : لك شو عم يصير هون مشان الله فهوني ... وانتو ليش محبوسين هون ..

اجت صبية اسما علا قعدت حدا وضمتا وصارت تبكي وكلو صارو يبكو حوليها
شهرزاد : لك مشان الله شو في ..وانا وين ...وينون اهلي
علا : خلص حبيبتي اهدي .. اهدي
وصارت تبكي شهرزاد كتير على صدر علا ... لانو يمكن فهمت هية وين وشورح يصير فيها ... لانو اخر فترة صارو يطالعو مسلسلات سورية بتحكي عن هيك شغلات عم تصير بالازمة
بعد شوي هدت ..ورفعت راسا وصار تحكي وهية عم تتشلهف : شو بيعملو فيكن
محدا حكي وصارو يبكو
شهرزاد : انا رح يصير فيني متلكن
كمان محدا رد ...
شهرزاد من كتير التفكير معد استحملا عقلا وغمت

وصارو يفيقوها ويصحوها
فاقت وصارت تبكي : بدي امي ... بدي بابا ... يااالله ..
...................... ....
رجعو ع البيت اهل الضعية
اميرة : شو شو لقيتوها
مازن : لا..
اميرة : طيب والدم ...هاد دم شهرزاد
مازن : مشان الله حاج تزيدها علي مابعرف ..مابعرف وصار يبكي
واهل الضيعة اديهن مربطة ومانون عرفانين شو يعملو
_ ياجماعة يمكنا ضايعة بهالليل ورايحة على شي مكان استهدو بالله .. وهية صبية يعني بتعرف تحكي وتقول انها ضايعة والا محدا يوصلا لعنا
_ حكيك مظبوط وانا كمان رح ابعت خبر لمخاتير الضيع وقلون في بنت ضايعة
_ بعين الله ولاتخافو من الدم بكون شي كلب جايتو رصاصة طايشة .. استهدو بالله وطولو بالكن
اميرة : يارررب ... يارررب ... شهرزاد بأمانتك يارب تحميها وين ماكانت
.......................................

بعد كم ساعة صمت رهيب عند البنات ومحدا عم يحكي
علا : حبيبتي كيف صرتي
شهرزاد : بدي ماما
علا : خلص طولي بالك
يارا: اشقد عمرك انتي
شهرزاد والكلمات غصب عم يطلعو منا : ١٥
نور : الله لايوفقن ... والله انتي صغيرة على هالشغل
شهرزاد : ايو شغل ؟؟
علا : مافي شي خلص خلص ... شو اسمك
شهرزاد : شهرزاد
يارا : اسمك كتير حلو
غدير : شبو كتفك
شهرزاد : مابعرف .. بس يمكن رصاصة
اية : كيف وصلتي لهون
شهرزاد : مابعرف .. اخر شي اتذكرتو كنا انا واهلي عم نمشي بقلب بستان مشان نوصل ع الحدود اللبنانية
شهرزاد : اذا صرخنا ماحدا بيسمعنا هون
يارا : لاتحاولي لانون حاطينا بغرفة تحت الارض واذا حاولتي تصرخي رح يكون حسابك عسير
شهرزاد : انتو من وين
يارا : انا من الشام
علا : من حمص
نور : ريف حمص
غدير : حماه
اية : ادلب
وكل وحدة صارت تقول منطقتا ..
وصارت كل وحدة تحكي قصتها وكيف جابوها ...
وحدة كانت متزوجة وكانت نايمة هية وجوزا دخلو عليهن قلتو جوزا وسرقو كلشي بالبيت واخدوها ... ووحدة كانت رايحة على الجامعة نزلو شالوها وحطوها بالسيارة ..ووحدة عندا ولدين صغار عم تبكي عليهن ومابتعرف عنون شي.. وكل وحدة قصتها بتقطع القلب اكتر من التانية
شهرزاد : صرلكن زمان هون
يارا : هون لأ انا من يومين جابوني لهون
علا : وانا من خمس تيام .. كان في بنات هون قبلكن مابعرف وين اخدوهن
اية : يعني فيكي تقولي متنقلين كل يومين بزتونا عند مجموعة حتى يشبعو مننا ببيعونا لمقر تاني وهيك
غدير : اليوم الصبح راحت واحدة اكبر منك بشوي اجا واحد اشترها وراح
علا : صحي من يلي اخدها
غدير : ما اقدرت اسمع منيح .. بس واحد غني
علا : اول ماجيت قالو في واحد اسمو شاهر بيشتري البنات والبنات يلي قلبكن كانو كتير خايفين منو
شهرزاد : ليش شو بيعمل هاد
علا : قال هاد بياخد البنت بشرط محدا يكون لامسا بنام معا ليلة وحدة وبيقتلا وبيرجع ع بيتو
الكل : شوووووووو
يارا : عنجد
علا : مابعرف خدو مني الكذب
شهرزاد قعدت بزاوية الغرفة وضمت رجليها على صدرا وصارت تبكي ...
..........................................
اميرة كتر مابكت وتعبت من البكي تعبت صحتها واخدوها عالمشفى .. ومازن خبر ولادو انو شهرزاد انفقدت
.............
دخل جابر لعند البنات وبلشو يتخبو ورا بعضن ...
جابر اشر على شهرزاد : انتي شو اسمك
شهرزاد خايفة وما ردت
جابر : عم انقبر احكي معك ... شووو اسمك
شهرزاد : شهر...شهرزاد
جابر : هههههه اي قومي اجا شاهر او شهريار ياخدك
اتذكرت شهرزاد قصة شهرزاد لما اما حكتلا اياها .. وخافت يصير فيها متل شهرزاد .. لانو اكيد شهريار هاد مارح يقعد يسمعلا قصص .. كانت على طول تتمنى تعيش هالقصة ... بس لما صارت الشغلة واقعية عرفت شو يعني اغتصاب وعرفت شو يعني موت
واكيد هاد مارح يرحما ويقتلا متلا متل غيرا .. وكمان على هالصدفة اسمو شاهر ..كتير قريب من اسم شهريار
جابر : شهرزاد خانم وين شاردة قومي انقبري
شهرزاد : مشان الله خلوني هون .. لاتاخدوني على مكان
جابر : لك انا بدي ضل وجع راسي فيكن .. بتقومي بتنقبر ولا جيب الكرباج ... اااه صح انتي لسه ماجربتيه ..شو رأيك تجربيه
علا : لا كلشي الا الكرباج حرام ما بتتحمل انا بحكي معها
قربت علا لعند شهرزاد يلي كانت قاعد بالزاوية عم تبكي وترجف من الخوف
شهرزاد : مشان الله قوليلن يطالعوني من هون بدي امي ..مشان الله بدي امي
ضمت علا وصارت تقلا بهمس : سامحيني .. بس الموت اشرفلك من هالعيشي روحي معو هية ليلة وبكرا بتكوني عند ربك واكيد الله رح ياخدلك حقك .
شهرزاد : لا لا انا مابدي موت
علا : بتموتي مرة وحدة احسن ماتموتي باليوم مية مرة ع القليلة رح تكوني بالجنة عند ربك .. ما احسن من كل يوم ينام معك واحد اقذر من التاني والله انا لو يقبل شاهر ياخدني والله مارح اعترض .. وكمان اذا ماقمتي برضاكي رح ياخدوكي غصب عنك وبالكرباج والكرباج كتير بعذب ... الله يخليكي قومي ... ونحنا هون رح ندعيلك يا الله يفك اسرك .. يا اما يرحمك ويسكنك فسيح جناتو
شهرزاد : هه اغرب نصيحة بسمعا بحياتي .
قامت شهرزاد ومسكها جابر من دراعا وسحبا اخدا
وكل البنات فرطو عليها من البكي .. وصارو يترحمو عليها سلف
فوتا على غرفة مليانة شباب .. وهية لساتا بالبروتيل وشعرا نازل على ضهرا وعلى كتافا كانت حاطة راسا بالارض
كانو عم يشربو عرق والدخان معبي الغرفة
الضبع : وهاي هية البنت يا شاهر بيك ..
اتطلع عليها شاهر من فوق لتحت
شاهر : انتي ارفعي راسك ... خليني شوف وجهك
جابر مسكا وجها من دقنا ورفعو ..
شاهر حط كاسة الوسكي على الطاولة وقام فورا
شاهر : هاد المبلغ كامل
الضبع : حلال عليك ..
شاهر : يكون عندك علم انا الاسبوع الجاي ... جاي معي تجار وبدون البنات كلون ..
الضبع فرح : عنجد
شاهر : اي عنجد بس مابدي البنات يكونو دبلانين .. بتغذوهن وبتخفو عنن شوي
الضبع : لك انت بتأمر
شاهر : وكمان اذا بتلم البنات من كل المقرات بكون احسن لانو بدون دفعة كبيرة
الضبع :شو هالتجار هدول
شاهر : ماشغلتك انتي شغلتك تقبض وبس ..
الضبع : اصبح انا رح اجمع كل البنات من كل المقرات
شاهر : تمام ... يلا سلام حتى يجهزو البنات رد علي خبر
قرب شاهر من شهرزاد مسكا من ايدا وسحبا ..بدون مايقلا ولا كلمة ..
شهرزاد صارت تتذكر ..مرة بعيد الاضحى كانو اهلا جايبين خاروف مشان يضحوه ... واتخيلت حالا هالخاروف وهنن عم يسحبوا مشان يدبحو
فتحلا باب السيارة ركبا جنبو وقفل الباب عليها .. وركب ورا الدركسيون ..وساق السيارة بدون مايحكي ولا كلمة ..
لفت انتباه شهرزاد سنسلة معقلة بالمراي ..فيها قلب مفتوح بالنص من جهة في صورة وحدة والنص التاني صورة ولد صغير .. دققت شوي بالصورة حست انو البنت يلي بالصورة بتشبها ...
هو لاحظ عليها عم تتطلع على السنسلة مد ايدو وسكر القلب ..
هية طعبا طول الطريق عم تبكي بصوت واطي
سحب محرمة وعطاها اياها
شاهر : حاج تبكي
شهرزاد : .......
رما المحرمة على رجليها وكمل .. شهرزاد مانا عرفانة وين رايحة
اجا تلفون لشاهر
شاهر : اي ... بالشام انا ... صار موضوع طارق ونزلت حلّو ..... وليش مصر تعرف ..... طيب رح قلك في بنت صغيرة ولساتا بنت واكيد مارح روحا .... اي ... اي ... لاخلص منا بالاول برجع .... اي انت انتبه عالشغل بغيابي .. وجهزلي يلي طلبتو منك الجمعة الجاي رح ننفذ العملية .... اوك ... باي باي .
وصل مقابل سوبر ماركت ...
شاهر : بتحبي اشتريلك شي
شهرزاد : ............
نزل ودخل على السوبر ماركت .. هية عم تتطلع على من الشباك السيارة ... اخد قنينة وسكي من البراد وباكت دخان وحطون ع الطاولة ليحاسب ...
اتطلعت على السيارة لقتا مفتوحة ... واجتا طاقة الفرج وقلبا صار يرقص من الفرحة ... فتحت الباب وبلشت تركض ...
اجا شاهر ع السيارة واتفاجئ انو مالقها
شاهر : لك كيف نسيت اقفل الباب .. وقال جايبلا اكلات طيبة كمان ...
فتح السيارة .. وطلع تلفونو ودق
شاهر : اي ... ليك في بنت ضايعة حوالي السوبر ماركت ..لابسة بروتيل زهر وشهر منكوش ... اي صغيرة بالعمر .... اوك مشطو المنطقة وجيبولي اياها ع الفيلا ... اي ناطرك
سكر الخط دور سيارتو ... ومشي
شاهر : هه غبية
...............................
وهية عم تركض وصلت على بيت وصارت تدق .. فتحتلا مرة منيحة بالعمر
# مين انت
شهرزاد ؛ مشان الله ياخالة خبيني عندك
# تعالي ..فوتي
دخلتا وقعدو
# قوليلي مين انتي وليش هيك شكلك
شهرزاد : انا هربانة من عصابة
المرة كانت تحكي معا بكل برودة اعصاب
# ومن مين هربانة بالظبط
شهرزاد : اخر الشي كنت مع واح اسمو شاهر ... رح تساعديني ياخالة
# اي اكيد .. قومي نامي وارتاحي ..
اخدتا على غرفة نوم صغيرة وفيها تخت مفرد ..
دخلتا على الغرفة وسكرت الباب وقفلتو
شهرزاد حست انو الباب انقفل .. ورجعت فورا عالباب وبلشت تحاول تفتحو ما انفتح معا ... وصارت تدق وتعيط
سهرزاد : ياخالة ياخالة ليش سكرتي علي ... مشان الله افتحيلي ...
حطت ادنا ع الباب وسمعتا عم تقول : اي ليكا عندي ... تعال خدا
وهون جن جنونا وصارت تدق بقوي وماهما كتفا المجروح: لك افتحيلي ...مشان الله شوبدكن مني ... خلوني روح والله اناطفلة ليش هيك عم تعملو معي ...
قربت المرة من الباب وقالت : لانك طفلة عم نعمل معك هيك
وضلت تبكي وتصرخ وتدق ع الباب .. لحتى سمعت صوت الباب انفتح ... وسمعت صوت شاهر : وينا
المرى : جوا حبستا
شاهر : هاتي المفتاح
اخد المفتاح وقرب من الباب وفتحو وشهرزاد صارت ترجع لورا ...
قرب منا وضربا كف
شاهر : انتي بدك تروحي حالك بس ماعم تعرفي كيف ...
مسكا من ايدا وسحبا وطلع ركبا بالسيارة ... وراحو على فيلا فخمة
نزل فتلحا الباب وسحبا من ايدا .. وطالعا على غرفة فوق ... فتح الباب رمها جوا ...وقفل الباب وطلع
قعدت بالارض وصارت تبكي ... لحتى غفيت مكانها
هو كان واقف ع الباب عم يسمعا ...لحتى معد طلعا صوت .. فتح الباب وفات .. لقاها نايمة بالارض قرب منا و.......
يتبع .....

توقعاتكم ؟؟
#بقلم_مريم_اليوسف
 
#الجزء_الثالث

لقاها نايمة ع الارض قرب منا وشالا وحطا على التخت .. وصار يتأملا
شاهر ؛ معقوق هالشبه ... اووووووف ... شو هالحالة هاي ..
غطاها وطلع
................
الصبح بالمشفى
فتحت عيونا اميرة
اميرة : لقيتو شهرزاد
مازن : رح نلاقيها ... بس انتي شدي حيلك
دارت وجها على تاني جنب وصارت تبكي
اندق الباب ولا يحيى ابنون الكبير هو وابن عمو محمد
يحيى ركض لعند امو
يحيى : ماما ياعمري شو شبك يانور عيوني
اميرة شافتو وفرطت من البكي
اميرة : اختك يا يحيى اختك ...
يحيى : رح ترجع بس مشان الله انتي حاج تعذبي حالك ... والله لدور عليها ولاقيها ..
محمد : عمو شو صار بالظبط ... وكيف ضيعتوها
مازن حكالون كلشي بالتفصيل ..
محمد : شو يعني انشقت الارض وبعلتا...
مازن : والله مابعرف ... حتى مانا عم نلاقي تفسير كيف ضاعت
محمد : طولو بالكن ..بدنا نحط جميع الاحتمالات
يحيى : كيف
محمد : ممكن تكون تصاوبت بما انو عم يقولو شافو دم وحدا اسعفا ... او ضايعة بالطريق ... او يمكن جاي شي ضربة على راسة وفاقدة الذاكرة
يحيى : لك انت شو عم تقول
محمد : عم نحط مجرد احتمالات ... وانا بقول بما انا ما بينت اكيد وضعها خطر الله لا يقدر
اميرة : اااااااااااخ ... يابنتي .
.........................................
فاقت شهرزاد ولقت حالا على التخت... وقامت بسرعة وصارت تلمس على جسما
شاهر كان قاعد على الكنباي مقابيلها وعم يلعب بتلفونو ... اتفاجئت فيه
شاهر : اطمني ماقربت عليكي ...
شهرزاد : ...........
شاهر : انتي يعني خرسا
شهرزاد وهية عم تبكي : لا ..
شاهر : منيح طلعتي بتحكي ..
قام شاهر وكان في حدو كياس ... شالون وحطون عند شهرزاد
شاهر : هدول تياب الك ... قومي ..ليكي الحمام وينو اتحممي بس لا تقربي على الجرح يلي بكتفك ... والبسي واطلعي
شهرزاد : بس انا مابدي اتحمم بدي روح لعند اهلي ..
شاهر : بكير على هاد الحكي
شهرزاد : شو يعني بكير .. يعني رح ترجعني لاهلي
شاهر : لا تكتري حكي وقومي ...
شهرزاد حستو عادي وبينحكا معو .. وقررت تحكيه وتجادولز
شهرزاد : مابدي اتحمم ...
شاهر : عاجبك شكلك هيك ... تستطفلي .. بس نصيحة قومي تحممي احسن ماتشوفي شي مابيعجبك
خافت شهرزاد ..وقامت حملت الكياس وراحت ع الحمام ...وهو طلع من الغرفة ...
تحممت وحاولت قد مابتقدر انو ماتقرب على الجرح بس تبللت الشاشة بالمي ... واستغربت انو ماعم توجعا كتير ... كان في بالكياس تياب كتير طلعت بجامة ولبستا في للبجامة طاقية معلقا فيها ..حطتا على راسا وطلعت ..
لقت باب الغرفة مفتوح اتشجعت وطلعت ... لقت قصر كبير وفاضي .. نزلت على الدرج ومافي حدا ... وهية بالصالة تحت بيدخل شاهر ومعو وحدة ...
شاهر : انتي شو نزلك من غرفتك ..
شهرزاد : انا ..انا ..
شاهر : دكتورة هاي هية المريضة .. في جرح بكتفا بدي تكشفيلا عليه
الدكتورة : ماشي اطلعي قدامي ياحلوة
طلعت شهرزاد وهية متفاجئة بكلشي عم يصير حوليها وصارت تقول معقول بطل يقتلني .. متل شهريار ... لك اووف منك ياشهرزاد حاجتك تخريف ..
طلعت ع الغرفة شلحت جاكيت البجامة وغيرتلا الدكتورة على الجرح .. وطلعت ...
ضلت قاعدة مكانا مانا عرفاني شو بدا تعمل ... وفكرت لانو متصاوبة شاهر ماقرب منا .. عم يستناها لحتى تصح ...
انفتح الباب وبسرعة هية حطت طاقية البجامة على راسا
شاهر : ليش هيك غطيتي شعرك
شهرزاد : لانو انا متحجبة
شاهر : شوووو متحجبة ... وليش لهلق حتى احكيتي
شهرزاد : وانتي شو فرقانة معك مزال رح تغتصبني شو فرقت اذا متحجبة او لأ
اتطلع عليها وزورا ...مسك التلفون ودق
شاهر : الو .. بدي منك تجبلي كم حجاب ... شو حجابات شو .... حجابات ليغطو شعرون النسوان افهمت ... اي باي
شهرزاد : كانت كتير منصدمة
شاهر : اي ... قوليلي شو اسمك
شهرزاد : شهرزاد
شاهر : شهرزاد !!!! المهم ياشهرزاد وين اهلك
شهرزاد : مابعرف
شاهر : شو يعني مابتعرفي
شهرزاد : لانو نحنا كنا ماشين ببستان مشان نقطع الحدود اللبنانية .. وبعدا معد حسيت على شي الا وانا مكان ماجبتني ..
شاهر : شو اسم ابوكي .. واسماء اخواتك الشباب اذا عندك
شهرزاد خافت على اهلا وخافت يعملون شي شغلة
شهرزاد : ليش
شاهر : عايزون ..قوليلي شو اسمائن
شهرزاد : ماني قايلتلك
شاهر : اي بلا .... قوليلي اشقد عمرك
شهرزاد : ١٥
شاهر : امممم
شهرزاد : قال انتي بتنام مع البنت ليلة وتاني يوم يتقتلا عنجد؟؟
شاهر : اي عنجد
شهرزاد : وليش وماعملت نفس الشي معي لحد هلق
شاهر : لانك شهرزاد ههههههه
قام وطلع وتركا مكانا قاعدة ومصدومة
ومر اليوم وشهرزاد ساعة قبلا يصير متل النار وتخاف من اللحظة الحاسمة ... ولحظة تلاقي قلبا بارد وتقول بقلا ليش كل هالخوف وهو لحد الان ماحكي معا كلمة غلط ومعقول مايقتنلي
اندق الباب وفاتت للخادمة
شهرزاد : مين انتي
الخادمة : انا الخادمة .. اتفضلي هاي الحجبات الك وفي شوي تياب كمان
شهرزاد : يسلمو ... بس ممكن سؤال
الخادمة : هو ممنوع الاسألة ... اذا بدك شي اسألي شاهر باشا وخو بقلك ... عن اذنك
وبعد شوي جابتلا اكل مشان تاكل .... بالاول ماكنت بدا تاكل ..بس كانت كتير جوعانة وما استحملت اكتر وقامت اكلت ...
صار الليل وهية من كتر الملل والتفكير نعست بس بدا تنام وخايفة ويجي شاهر يعملا شي شغلة ...
دق الباب
شهرزاد : مين
شاهر : انا شاهر ... حطي على راسك اذا مانك لابسة
شهرزاد كانت لابسة وما عم تشلحو
شهرزاد : تفضل
دخل شاهر واتطلع عليها
شاهر : حلو الحجاب عليكي
شهرزاد مستغربة كتير ... انو معقول واحد جايب بنت مشان يغتصبا يقلا اتحجبي مشان تستر حالا قدامو... وبلشت تشك انو الحكي يلي طلع عن شاهر كذب وانو شاهر شخص منيح ... بس كمان مالازم تأمنلو
شاهر : ليش لهلق ما نمتي
شهرزاد : هلق كنت بدي نام
شاهر : طيب منيح مابدك تقوليلي شو اسمو ابوكي واسم اخواتك
شهرزاد : طيب انت شو بدك منون ... بصراحة انا خايفة قلك وتعمل فيهم شي شغلة
شاهر : اااااخ على عقل البنات ... كنت اخدت وعطيت معك بس انا كتير تعبان ومالي نفس ناقش حدا .. هلق انتي نامي وبكرا بنحكي ... الباب رح اقفلو عليكي يعني لاتحاولي تتذاكي وتهربي ...وكمان اتطمني وانتي نايمة لانو انا مارح قرب عليكي لاهلق ولا بعدين
شهرزاد : مزال مارح تقرب مني ..شوبدك مني وليش رحت اشتريتني
شاهر : بكرا الصبح بتعرفي كلشي بنقعد وبنحكي .. اوك ياحلوة ... يلا تصبحي على خير
طلع شاهر ... واتمددت شهرزاد على التخت وصارت تفكر ... ياربي هاد شوبدو ... وليش عم يسأل على اهلي .... طيب مزال مابدو مني شي ليش حابسني عندو... او ليش اشتراني من اصلو .... بس والله باين عليه شب محترم ونظراتو بتختلف تماما عن نظرات الضبع ورجالو ... اوووف راسي رح يطق من التفكير
حطت راسا ونامت ...
....................
بالمشفى عند اما
يحيى : ماما انا رح اخدك معي عبيروت
اميرة : والله ماني متزحزحة من هون حتى لاقي بنتي
يحيى : ماما الله يخليكي بتروحي انتي وريم وانا والباب ومحمد بنضل هون وبندور عليها الا ما نلاقيها
اميرة : لا من هون ماني طالعة
يحيى : لاحول ولا قوة الا بالله ... بابا ايمت قال الدكتور بدنا نخرجا لامي
مازن : بكرا الصبح
يحيى : بابا تعال بدي احكي معك
اخدو على جنب وصارو يحكو بصوت واطي
مازن : قلي شوفي
يحيى: بابا معقول شهرزاد هربانة مع شي شب
مازن : لك انت كيف بتفكر بأختك هيك ... بعدين فكر فيها منيح ... مع مين بدا تهرب بهيك مكان لك نحنا اساسا كنا ضايعين .. وكمان لما قلنالا ابن عما بدو يخطبا طار عقلا وهلق عم تقول هربانة مع شي حدا .. انت اكيد جنيت
يحيى : اسف بابا بس والله راسي رح يفجر ...
مازن : انا خايف تكون وقعت بأيدين شي عصابة لاسمح الله
يحيى : معقووول
مازن : ليش لأ .. ما البلد صايرة مليان زعران من هدول يلي بتاجرو بالعالم ..
يحيى : يارب مايكون هيك .. بس بابا اذا طلع عنجد شهرزاد مخطوفة عندن شو ممكن نعمل
مازن : هه شوبدنا نعمل ندفعلا فدية مثلا ونجيبا ونجيب معا العار .. اذا طلعت مخطوفة عنجد ساعتا الله لا يفريجيني وجها غير ميتة
يحيى : وكل الله يابابا انت شو عم تحكي
مازن : شيلنا من هالسيرة انا عم قول مجرد افتراض .. واصلا كمان اذا طولت لرجعت كمان رح تجبلنا العار وان شاء الله محمد مايتراجع عن قرارو ويقبل يتزوجا ...
.........................
شهرزاد نايمة ...فاقة تقريبا الساعة ٢ بعد نص الليل كانت عطشانة ... اخدت الكاسة من على الطاولة يلي جنبا وشربت ... وسمعت صوت بابا الفيلا عم يندق بس دق خفيف ... ولانو ليل وهدوء الصوت مسموع
قربت من باب غرفتا لحتى تسمع ..
وبلشت تسمع شاهر عم يقول
شاهر : اهلا بالشريك
# كيفك
شاهر : مشتقلك ... تعال نقعد بالصالون
# اوك ..
قعدو بالصالون
# قلي شو سبب هالزيارة المفاجئة ع الشام
شاهر : وطي صوتك ..
# ليش في حدا عندك
شاهر : اي في بنت نايمة فوق
# امممم افهمت عليك هاد هو السبب يلي جيت فجأة مشانو
شاهر : اي والله ... لك اول مادقلي هاد الكلب الضبع وقلي في بنت وعمرا اقل من ١٦ ..ولسا محدا لامسا طار عقلي من راسي وجيت فورا .. خفت يعمولا فيها شي .. انا عم خاف ع البنات الصغار وكمان مشان ما يدمرولن حياتون لك هاد مافي بقلبو رحمة ... الله لايوفقو بس ماني مطول لحتى اخلص منون كلون
# اي والله الله لايوفقو وشو ناوي تعمل معا لهاي البنت هلق
شاهر : متلا متل غيرا بدي دورلا على اهلا ورجعا لعندن .. ياحرام لو تشوفا شو برئية
# ومع الضبع وشلتو شو ناوي تعمل
شاهر : اول شي بدي خلص كل البنات من عندو ... وتاني شي رح البس حزام ناسف وفوت وفجر حالي فيهن
# ماغيرت رأيك مشان قصة الحزام ..والله حرام اول عمرك تموت هيك موتة
شاهر : ليش انا بعتبر حالي عايش ... انا بدي اخد بتاري من هاد الخنزير الضبع ... لانو هو السبب بموت ابني وبعدين اخدو مرتي عزبوها وموتوها ... لك انا مارح ينشفا غليلي غير لما موتون وموت انا معون وروح لعند سلمى وابني ريان .
# الله يرحمون ..
شاهر : تعيش ... اي رفيق شو تشرب
رفيق: شو في عندك
شاهر : شو رأيك بشي كاس
رفيق : ليش لأ

شهرزاد
كانت ساندة ضهرا عالباب وحاطة ايدا على تما وعم تبكي ....
وصارت تقول : والله من اول ماشفتك اعرفت انك ابن حلال .. الله لايوفقن .. ياحرام طلع عم يساعد البنات وانا مفكرتو بدو يقتلني ... ياريت كل العالم متلك ياشاهر ..
قعدت وضلت تبكي للصبح .. وكتر مابكت على وجه الصبح قام نامت... وضلت نايمة للساعة ١٠ .. فاقت على دقت الباب..
فاقت .. وحطت حجابا على راسا وقالت اتفضل شاهر
دخل شاهر وهو عم يتطلع على ساعة يلي بأيدو
شاهر : في حدا بضل نايم لهلق
شهرزاد وهية عم تتطلع عليه نظرات اعجاب .. عم تتطلع عليه على انو احسن شخص بالعالم
شاهر : وليش هيك عم تتطلعي علي ... شو معجبة فيني
شهرزاد ابتسمت وقالت : صباح الخير
شاهر مستغرب انو هية لازم تكون خايفة ليش هيك عم تتطلع عليه وهية مبتسمة وعم تصبح عليه
شاهر : ههه صباح النور ... يلا قومي غسلي والحقيني مشان نفطر وبدنا نحكي شوي
شهرزاد : ماشي شوي وبلحقك
طلع شاهر وهو مستغرب .. نزل وقعد على سفرة الفطور ينطرا ... بعد شوي نزلت شهرزاد وكانت مبدلة تيابا ولافي حجابة ..
اتطلع عليها شاهر من فوق لتحت وقال بقلبو : كأنو هالبنت عم تحلا ..... اصحى على حالك ياشاهر هاي طفلة ..
شهرزاد : اتأخرت
شاهر : لا ابدا .. يلا اقعدي
قعدت وبلشت تاكل
شهرزاد : شو كنت بدك تحكي معي
شاهر : مابحب احكي وانا عم اكل ..
شهرزاد : انا اسفة
شاهر : مافي داعي للاعتزار
خلصو فطور .. وقام شاهر وشهرزاد قامت لحقتو
قعد بالصالون .. وشبك اديه مع بعضن واتطلع على شهرزاد وقال : انتي عنجد اسمك شهرزاد ولا كنت عم تكذبي علي
شهرزاد : والله اسمي شهرزاد
شاهر : اممم .. اسمك غريب بس حلو متل صاحبتو
شهرزاد كانت عم تتطلع عليه بكل حب وصارت تقول بقلبا يا الله ما احلاك .. مشاء الله على هالشخصية
شاهر : اي ياشهرزاد .. انا ما اخدتك مشان اعمل فيكي شي انا خلصتك من العصابة مشان مايعملو فيكي شي.. وانا عم اسأل عن اسم اهلك مشان نلاقيهن واخدك لعندن ...
شهرزاد : عنجد انت شخص عظيم ..وانا من اول ماشفتك قلت مستحيل تكون منون
شاهر : لكن ليش هربتي ههههه
شهرزاد : ااااه .. بالاول كنت خايفة.. بس قلبي اطمن لما شفت معاملتك الي
شاهر : طيب مامشكلة .. قوليلي شو اسم ابوكي
شهرزاد : مازن الزيد ..
شاهر : اوك .. بس وين بتظني اهلك صارو
شهرزاد : مابعرف .. بس اكيد ماطلعو ع اللبنان وعم يدورو علي ..
شاهر : بس انا مافيني رجعك ع هديك المنطقة .... قوليلي في حدا الك باللبنان
شهرزاد : اي في اخواتي و...
وقفت حكي لما اتذكرت ولاد عما .. وانو محمد بدو اياها
شاهر : ومين كمان ليش وقفتي
شهرزاد : و ولاد عمي ..
شاهر : ليش وقفتي لما اتذكرتي ولاد عمك في شي يعني
شهرزاد : لا بس اتذكرت انو كنت رايحة انخطب لابن عمي
شاهر : اممم .. طيب ماشي عطيني اسماء اخواتك وانا الي معارف ببيروت بقلون يدورو عليهن .. اااه صح مانك حافظة ارقامون او رقم ابوكي
شهرزاد : بصراحة لا ماني حافظة غير رقمنا الارضي
شاهر : مامشكلة عطيني اسماء اخواتك
شهرزاد : يحيى وعمر و نورس
شاهر : اوك .. فيكي تروحي على غرفتك
شهرزاد ضلت قاعدة وماقامت
شهرزاد : انت ليش عم تساعد البنات
شاهر : هادشي مابخصك
شهرزاد : مشان تنتقم لمرتك وابنك
شاهر : حلو كتير .. عم تتسمعي علي
شهرزاد : كنت فايقة والفيلا هدوء وسمعت كلشي .. ممكن تعتبرني اختك الصغيرة وتحكيلي
شاهر كان بحاجة يحكي .. وكمان لانو ارتحلا كتير لشهرزاد .. وكمان لانا بتشبه مرتو
شاهر اتنهد وقام وقف على الشباك يمكن ليخفي دموعو : حبيتا كتير لسلمى حبيتا اكتر من روحي .. تزوجنا عن حب وبعد الزواج كان عم نعيش احلا ايام حياتنا .. ومع كلشي كان عم يصير بالبلد .. ماكنا مهتمين .. كانا عايشين بعالمنا الخاص .. حبلت سلمى وجابت ريان .. وكملت سعادتنا بوجودو .. بس مافي شي بدوم .. هية اهلا بحمص .. اخدتا ورحنا على حمص تركتا عند اهلا وانا كنت عم انقل شغلي على بيروت .. وبيتصلو فيني بيت عمي وبقولولي انو اجت عصابة لعندن ع البيت وكانت سلمى هية وريان لحالون بالبيت ... قتلو ريان (وصار يبكي ) قتلو طفل بريئ عمرو اشهر .. لك كيف اجا من قلبون يقتلو... وخطفو سلمى ... انا ارجعت .. ودفعت كتير بدي اعرف وين سلمى .. وكل ما اوصل على مقر اخبر انو اخدوها على مقر تاني .. وبالاخير بخبر انها كانت عند الضبع ..
شهرزاد وعيونا مليانين دموع : وكيف عرفت انها ماتت
شاهر : حاولت اتقرب منون .. دخلت وصرت منون متل ماشفتي .. وصرت كل يوم جيب بنت وحررا .. وكنت اسألون عن سلمى ومواصفاتا .. وخبرت انو الضبع قوسا وماتت لانا كانت عنيدة كتير ..
شهرزاد : الله يرحمون ..
شاهر : شكرا
شهرزاد : طيب ليش انا كان في كتير بنات غيري بالمقر وبالنهار عم يموتو الف موتة
شاهر : لانو دقلي وقلي انو في وحدة صغيرة ولساتا بنت .. يعني انت حاليا ابدى من غيرك مشان تتطلعي .. مشان محدا يقرب عليكي ويدمرولك حياتك ..
شهرزاد : بس ليش بدك تفجر حالك
شاهر : شكلك سامعة الحديث كلو
شهرزاد : اي ... اسفة
شاهر : انا صرلي فترة عم خطط ... واتعذبت كتير لحتى دخلت فيهم وخليتون يوثقو فيني .. ما اسمعتي لما قلتلو انو في تجار جايين ياخدو البنات .. انا رح طالعون كلون وحتى امن انون طلعو بدي فجر حالي فيهن مشان يموتو الله لايردون ... وانا ساعتها بكون ريحت ضميري ..
شهرزاد: بس اكيد في طريقة غير انك تفجر حالك .. والله حرام تموت
شاهر : انا حاليا عايش لسبب واحد وهو الانتقام .. وبعد ما انتقم ماعاد الي مكان بهالحياة
شهرزاد : بس انتي ساعدت بنات كتير .. وهاد شي عظيم وكمان اذا مات الضبع ومجموعتو في ميت ضبع غيرو ... واذا متت انت مين رح يأنقزون ..
شاهر : ساعتا بكون في شاهر غيري ..
شهرزاد : بس يلي متلك قلال .. واذا راح واحد خسارة للمجتمع .. فكر فيها منيح في كتير عالم بحاجتك
شاهر : انتي متأكدة انو عمرك ١٥
شهرزاد : اي متأكدة ليش
شاهر : لانو حاسك اكبر من هيك بكتير
شهرزاد : لانو هالحرب كبرتنا كتير وصرنا نفهم شغلات مالازم نفهما
شاهر : اممم .. يلا حاج حكي .. روحي على غرفتك او اتطلعي اتمشي بالحديقة .. وانا رح ابعت خبر على بيروت دور على اخواتك
شهرزاد: بس لسه ماخصلنا حكي
شاهر : بالنسبة الي خلصت ..يلا روحي
يتبع .............
#بقلم_مريم_اليوسف
 
#الجزء_الرابع

طلعت شهرزاد على غرفتا وحست قلبا عم يتوجع كتير على شاهر .. معد فكرت بأهلا نهائيا وكل تفكيرا كان عند شاهر .. اشقد هو شخص حزين من جوا .. يلي عم يقولو عنو العالم انو هو يلي بيقتل البنات .. طلع هو عم يدور فيها على طريقة ليموت ويريح حالو .. شخص صاحب وشهرا ومال ما سأل عنون وكل همو يأنقذ بنات مشان مايتدمر مستقبلون ..
شهرزاد : بس والله حرام يموت ... ياخد بتارو بدون مايموت .. ياالله تهديه وخليه يتراجع عن فكرت الموت ..
................................
طلعت اميرة من المشفى واهل الضعية عطوهن بيت يقعدو فيه لبين مايلاقو شهرزاد ... ومازن كل ما عم يتأخر الوقت برجعت شهرزاد عم يدعي انو ترجع ميتة .. وبلشو يقطعو الامل .. ومحمد مل وتفكيرو صار متل تفكير عمو ..
محمد : عمي انا راجع على بيروت مشان الشغل ... وانتو اذا صار معكن شي جديد خبروني
مازن فهم هلى ابن اخوه : اي عمي ارجاع على شغلك ..هاي يحيى هون بكفي وبوفي
........................
شهرزاد صار بدا تتقرب من شاهر مشان تخفف عنو ... واذا بتقدر تقعنو يتراجع عن فكرت الانتحار
نزلت على المطبخ كانت الخادمة عم تجهز الغدا .. قعدت وصارت تساعدا
وسمعت صوتو دخل ع الفيلا ... وطلعت فورا لعندو
شهرزاد : اتأخرت وينك لهلق
شاهر : عفواا .. وليش مين انتي لحتى تحاسبيني
شهرزاد : اسفة .. بس انو انا جعت وانا عم انطرك
شاهر : اي وما تاكلي مين مانعك عن الاكل .. المطبخ قدامك والاكل موجود
شهرزاد : بس انا مابحب اكل لحالي ..
شاهر : اي كلي مع الخادمة انا ماني جوعان
شهرزاد : بس الخادمة اكلت .. وانا عأساس عم انطرك .. بس خلص انا اسفة بدبر حالي
تركتو وطلعت على غرفتا ... وهو كمان طلع على غرفتو ... بس ماقدر يقعد وبالو مشغول عند شهرزاد لانا ما اكلت ... نزل ع المطبخ حطلا اكل على صينية وطلع لعندا .. وهو استغرب من هالتصرف هو اول مرة بيعمل هيك مع حدا .. بس قال بقلبو هاي طفلة ..بس بعدين قال والله مانا طفلة عندا عقل بيوزن بلد وكمان حلوة وصبية ... شبك شاهر شو عم يصير معك ..
بعد هالافكار من راسو ودق عليها الباب
شهرزاد : مين
شاهر : انا
شهرزاد : تفضل فوت
دخل شاهر ومعو صينية الاكل وقال: انا محدا بيدخل على بيتي وبضل جوعان
شهرزاد : بس انا مابحب اكل لحالي
شاهر ومين قال انك رح تاكلي لحالك
شهرزاد : يعني رح تاكل معي
شاهر : لا رح طعميكي بأيدي وهيك ما بتاكلي لحالك
شهرزاد : وانتي مابدك تاكل
شاهر ابتسم وقال : والله ماني جوعان .. يلا افتحي تمك
شهرزاد خجلت انو كيف بدو يطعميها بأيدو
شهرزاد : لا خلص يسلمو مابدي عزبك انا باكل لحالي
شاهر : طيب كلي هاللقمة من ايدي وبعدا كملي انتي .. يلا افتحي
فتحت تما وهو كان عم يتطلع على تمها الصغير وشفايفها الزهر ..
اكلت اللقمة واتطلعت عليه لقتو صافن
شهرزاد : هييي انت وين شارد
شاهر : اااه ولا شي .. يلا كملي اكلك ..
وبلشت شهرزاد تاكل وهو عم يراقبا كيف تاكل ويددق بتفاصيل تما وهو عم يتحرك .. ولا ارديدا انرسمت ابتسامة على وجهو
شهرزاد : ليش عم تبتسم
شاهر ؛ ااه ولا شي بس انتذكرت شغلة
شهرزاد : شاهر
شاهر: شو
شهرزاد : بترجاك لا تفجر حالك
شاهر : وليش
شهرزاد : لانو انا رح ازعل عليك كتير
شاهر : وليش لحتى تزعلي
شهرزاد : انت شخص كتير منيح .. وانا حبيتك لاتفهمني غلط بس قصدي حب اخوي وخايفة اخسرك
شاهر : هههه هاد الحكي كبيرعليكي وكمان حتى لو بطلت انتحر مارح تشوفيني مرة تانية لانو بمجرد وماوصلتك لعند اهلك معد تشوفي صورة وجهي .. يعني اذا متت او لأ ماعد تشوفني .. مشان هيك حاولي ما تتعلقي فيني يا صغيرة
شهرزاد : بس انا ماني صغيرة ... انا عمري ١٥ سنة
شاهر : وانا عمري ٣٠ .. يعني انا اكبر منك ب١٥ سنة يعني بالنسبة الي صغيرة .. وكمان لاتتدخلي بشغلات ما الك فيها
شهرزاد : حاضر ..
شاهر : انا قايم ..جهزي حالك بعد شي ساعة طالعين على بيروت .. وانا بعتت خبر يدورو على اخواتك .. واول ما نلاقيهن رح وصلك لعندن ..
شهرزاد : ماشي يكتر خيرك
جهزو حالون وركبو بالسيارة .. وطلعو ..
ركبت شهرزاد جنبو ولقت القلب مفتوح وصارت تسرق النظر وتتطلع على صورة مرتو وابنو
شهرزاد : ممكن اسأل سؤال
شاهر : اسألي
شهرزاد : هدول هنن مرتك وابنك
شاهر من غير مايتطلع عليها : اي
شهرزاد : سؤال تاني
شاهر : شو
شهرزاد: بس كأنو انا حاسي انو مرتك بتشبهني ولا انا عيوني عم يفرجوني
شاهر : مظبوط في شبه بيناتكن
شهرزاد : كنت تحبا كتير ماهيك
شاهر : شهرزاد اسكتي مالي مراق احكي مع حدا
شهرزاد : اسفة
شاهر : افتحي تابلو السيارة في اكلات طيبة اذا بدك
شهرزاد وهية فرحانة :عنجد
شاهر : اي عنجد
فتحت التابلو وطلعت كيس شيبس وقنينة عصير صغيرة ... خلصتون وسندت راسا ع الكرسي وغفيت
شاهر : ههههه والله طفلة

وصلو على بيروت .. على باب الفيلا اجا السائق وفتح باب السيارة لشاهر ..
شاهر اتطلع على شهرزاد كانت نايمة ... وصار يفيقا بس هية كانت غاطة بنوم عميق ..
شاهر : شو يعني عليها كسر نوم ... يارب تصبرني هههه
طلع من السيارة وراح تتجاه بابها فتحو وحملا وطلع فيها .... وهية عدلت تومتا بحضنو وحطت راسا على صدرو ..... شاهر قلبو علت دقاتو وتخربطت مشاعرو ... اتطلع على وجها كانت نايمة عم تبتسم ..وهو ابتسم ابتسامة عريضة... استقبلو الخدم وطلعت معو وحدة على غرفة النوم للضيوف .. حط شهرزاد على التخت ..
الخادمة : عنك ياباشا انا بظبطلا نومتا ..
شاهر عم يتطلع عليها وما الو قلب يتركا
شاهر : لا خلص روحي انا بظبطلا اياها .. انزلي واعمليلي فنجان قهوة نازل وراكي
قعد عند رجليها شلحا كندرتا ... وظبطلا نومتا وغطاها ... وقام وبدو يطلع وصل لعند الباب والتفت عليها ... وبعدين فاق على حالو وطلع فورا وراح على غرفتو ... قعد على التخت وحط راسو بين اديه.. وصار يحكي حالو .. لك شو عم يصير معي شوو .. لك من وين طلعت هاي .. ليش طلعت بحياتي .. وبعدين شو هالشعور يلي عم حسو تجاها ... معقول انا عم حبا .. لا لا انا بحب سلمى وبس وسلمى هية حبي الوحيد .. اااااخ ياسملى وينك ..فتح الدرج وطلع صورتا وصار يتأملا .. وقال معقول لانا بتشبهك ... لا لا .. اصلا الشبه عادي بينك وبينا .. بس نفس طريقت حكيك ونفس برائتك وحتى انتي لما كنتي تتغنجي علي وتعملي حالك متل الطفلة وهاي هيك بس هاي عم تتصرف ع طبيعتا ... خلص حبيبتي بوعدك اني ماني مطول وجاي لعندك بحبك ياشهر لا لا لك شو عم يصير معي لك حتى اسما بدو ياخد اسمك .. بس انا مارح اسمحلا ورح دور على اهلا بسرعة ورجعا لعندن واخلص من هالهم ... حط الصورة على جنب وفي جواتو صراع كبير وكأن بلش يحس انو هاي الصورة معد الها مكانة عندو متل قبل ... ومشان يخلص من هالصراع حمل حالو وطلع
الخادمة : باشا مابدك تشرب القهوة
شاهر : لا انا طالع وانتبهي ع البنت يلي فوق لانها متصاوبة بكتفا
الخادمة : حاضر
طلع وراح ع الشركة .. وهنيك كان رفيقو رفيق يلي راح لعندو ع الشام
رفيق : شو ايمت جيت
شاهر : اليوم ..
رفيق : تعال عالمكتب لخبرك اخر المستجدات
دخلو ع المكتب وقعدو
شاهر : اي احكيلي
رفيق : الحزام صار جاهز
شاهر : واشقد قوة تفجيرو
رفيق : بهدم عمارة كاملة
شاهر : منيح كتير ..
رفيق : بس مشان الله يا شاهر خلينا نكلف حدا غيرك بهالمهمة
شاهر : انا قلت محدا بنفذا غيري ..
رفيق : والله انا قلبي عم يتقطع كل مابدي اعرف انو بدك تنتحر مشان الله حس فيني ع القليلة حس برفيق عمرك
شاهر : بترجاك لاتزيدا علي .. انا ناطر هاليوم على احر من الجمر .. بس متل مابدي وصيك البنات يلي رح يطلعو رح يكونو بأمانك .. وكل وحدة بتوصلا لعند اهلا .. واذا اهلون رفضوهن بتدبرلون بيت وبتشغلو بالشركة ... لانو املاكي بعد ماموت كلا رح تروح على فعل الخير ..
رفيق وعيونومليانين دموع على رفيق عمرو : حاضر .. بس بترجاك ياشاهر لسه معك مهلة فكر فيها كتير منيح
شاهر : ان شاء الله
رفيق : شو صار بالبنت يلي عندك لقيت اهلا
شاهر اول ما اتذكر شهرزاد حس بشغلة نار بقلبو وانقهر من هاد الشعور وصال يعيط : لا تجبلي سيرتها عم تفهم
رفيق : شبك شاهر عم اسألك سؤال عادي ليش انفعلت
شاهر : هييك .. هالبنت لاتذكرا قدامي ابدا
رفيق : شاهر اهدى لك شو عم يصير معك .. شو عملتك البنت
شاهر : ماعملت شي بس مابدي فكر فيها مابدي حدا يذكرني فيها
رفيق : مابدك تفكر فيها ؟؟؟!!!! ليش شو صاير ؟؟؟
شاهر مارد
رفيق : حبيتا ؟؟؟
شاهر : رفيق طلاع لبرا
رفيق : انت متأكد انك حبيتا كيف هيك .. وسلمى؟؟
شاهر : رفييق طلاااع لبرا عم قلك احسن ماطلع جناناي عليك
رفيق : طالع طالع ... بس اتأكد انو مارح اتركك وراجعلك
طلع رفيق وهون شاهر جن جنونو وبلش يكسر كلشي بيطلع قدامو ..
رفيق واقف ورا الباب وعم يسمعو .. والتمو الموظفيم
رفيق : كل واحد على شغلو ..
بعد شوي هدي الصوت وشاهر معد طلعلو حس ... قرب رفيق من الباب وفتحو وفات
شاهر قاعد ع الكنبة مقابيل المكتب وماسك محرمة ولاففا على ايدو يلي انجرحت وهو عم يكسر
شاهر : ليش ارجعت
رفيق : قلتلك راجعلك
رفيق عم يفكر ببالو انو اذا طلع فعلا بحبا لهاي البنت .. اكيد رح يقدر يخليه يتراجع عن فكرة الانتحار
رفيق : ياشاهر انت صاحبي احكيلي شوفي بقلبك
شاهر : عن شو بدي احكي
رفيق: قلي شو عم يصير معك
شاهر : مابعرف ..مابعرف
رفيق : بتحبا
شاهر : اي اي حبيتا ... بس كيف مابعرف .. حاسس في بركان جواتي وبدو ينفجر ...
رفيق : وسلمى
شاهر : هاد يلي عم يدبحني انو كيف قدرت حب وحدة غير سلمى .. بس انا مستحيل خونا لسلمى
رفيق بصدمة : مابدك تخون وحدة ميتة ؟؟
شاهر : سلمى ما ماتت لساتا عايشي بقلبي
رفيق : مزالها عايشي بقلبك ليش حبيت غيرا
شاهر : يمكن فترة عابرة لانو انا وحيد وقلبي مكسور وطلعت وحدة بحياتي بتشبها اكيد رح اتعلق فيها بس يمكن ما حب مجرد شي عابر
رفيق : ليش هاي البنت بتشبها
شاهر : كتير مابس بالشكل بكلشي عم حس حالي عم شوف سلمى تانية قدامي بس غير ملامح
رفيق : معقول الله بعتلك اياها مشان ينسيك ويخفف عنك
شاهر : انت شو عم تحكي شو نسيان انو انا بعد كم يوم رح فجر حالي .. وحتى اذا مافجرت حالي البنت عمرا ١٥ سنة ..يعني انا اكبر منا ب١٥ سنة وكمان كانت عم تقول بدا تنخطب لابن عما .. وحتى لو مافي كل هالحواجز انا مستحيل اقبل على حالي اتزوج طفلة ..
رفيق : طيب متل مابدك .. ااااه صح ماقلتلي سو اسما
شاهر : شهرزاد
رفيق : شاهر وشهرزاد لابقين لبعض هههه
شاهر : عنجد بلا غلاظتك
رن تلفون شاهر وكان الاتصال من البيت
شاهر: اي ... اي ..انتي شو عم تقولي سخنانة كتير وعم تهلوس ... جاي جاي خلكي جنبا
رفيق : شوفي
شاهر : قال شهرزاد سخنانة كتير وعم تهلوس .. قوم معي قوم ..
راح بسرعة شاهر مرق على دكتور واخد معو ...
دخلو فورا ..وطلعو على غرفة شهرزاد
شاهر للخادمة: شوصار معا ..
الخادمة : ما انت قلتلي ضل جنبا واطمن عليها .. اطلعت لعندا وكانت سخنانة شوي .. بعدين صارت سخنانة كتير والكمادات ماعم ينزلو الحرارة
الدكتور : لو سمحتو بعدو هيك خليني شوفا ...
قرب منا الدكتور قسلا الضغط.. وقاس الحرارة..
الدكتور : اكلت شي اليوم .. اخدت شي برد
شاهر : لا دكتور ...اااه صح هية متصاوبة بكتفا
الدكتور : ماتحكي من الاول .... لو سمحتو تفضلو لبرا
شاهر : دكتور خليني معك لحتى ساعدك
الدكتور: ليش انت شو بتقربا
شاهر : انا زوجا ..
الدكتور : اوك .. تعال ساعدني خليني شوف مكان الاصابة ..
طلع رفيق والخادمة لبرات الغرفة ..
الدكتور : لو سمحت ممكن تفرجيني مكان الاصابة ..
قرب شاهر من شهرزاد وهية نايمة ومسك سحاب كنزة البجامة وصار ينزلو ... وهو عم ينزلو قلبو عم يدق بسرعة ورح يطلع من مكانو بس حاول يغض بصر . شلحا ايد البجامة وبرما على جنبا ..قعد الدكتور وراها واتطلع على الجرح
الدكتور : بشو متصاوبة
شاهر : رصاصة طايشة ..
الدكتور : انت سوري مش هيك
شاهر : اي نحنا سوريين بترجاك تساعدا
الدكتور : اوك رح ساعدها .. بس قلي كيف تصاوبات
شاهر : وهية عم تقطع الحدود اجتا رصاصة طايشة .. بس دكتور طلعناها
الدكتور : اوك مامشكلة ... مكان الاصابة ملتهب .. انا هلق رح غيرلا عليه وعقملا اياها وركبلا كيس دوا وحطلا فيه دوا التهاب وخافض حرارة
ركبلا كيس الدوا الدكتور ..وطلع وراح رفيق يوصلو .. وضل شاهر قاعد جنبا ... وكل شوي يقسلا الحرارة
وضل قاعد حدا طول الليل لحتى نزلت الحرارة وغفي ع الكرسي ....
الصبح الساعة ٨ فاقت شهرزاد وكان جسما تعبان يمكن من السخونة اومن كتر النوم .. اتطلعت جنبا واتفاجئت بوجود شاهر ..
شهرزاد : شو صاير معي وهاد ليش هيك نايم .. وشو هاد الكيس يلي معلق بأيدي .. معقول كنت مريضة..
شهرزاد : شاهر .. شاهر ..
فاق شاهر وكان ملهوف على شهرزاد
شاهر : كيف صرتي انتي منيحة .. شو عم يوجعك
شهرزاد شافت بعيونو اشقد فيهن لهفة وحب
شهرزاد : اي منيحة بس شو صاير
شاهر : اي الحمد لله .... سخنتي وكان مكان الجرح ملتهب عليكي
شهرزاد : انت نمت هون طول الليل
شاهر : اااه.. اي كنت خايف عليكي .
شهرزاد حست بأمان كبير .. اول مرة بتحسو .. نفس الامان يلي كانت تستمدو من ابوها واما بس هاد الامان مختلف يمكن لانو ممزوج بالحب
شهرزاد : شكرا ..
شاهر كان رح ياكلا بعيونو .. وقام مشان مايفضحو عيونو اكتر من هيك ..
شاهر : انا عندي شغل .. الخدم هون وبيهتمو فيكي انتي لاتتعبي حالك
شهرزاد : خليك شوي
شاهر استغرب : ليش ؟؟
شهرزاد : مابعرفةبس حاسي حالي محتاجتك جنبي .. بترجاك خليك
شاهر بدو يهرب ومابدو يضعف : هلق عندي شغل ضروري .. بخلصو وبرجع
شهرزاد : طيب ماشي لا تطول
شاهر : اوك بحاول
راح شاهر عالشركة .. لانو بدو يهرب .. عم يعتبر حالو واحد اناني لاني عم يفكر ببنت صغيرة .. وكمان بدو يبعد مشان مايعلقا فيه
شهرزاد قاعدة ع التخت وعم تتذكر نظراتو الها
شهرزاد: ياربي شوهو الشعور يلي انا عم حسو .. يارب دخيل اسمك .. معقول يكون هاد بطل قصتي ... اي اكيد معقول .. وهاد الشي يلي صار معي مانو مجرد صدفة اكيد القدر بدو يجمعنا .. اكيد هاد هو شهرياري.. وهو الله يعتلو اياني مشان نسيه مرتو اصلا هية مانا من نصيبو شاهر نصيبي الي .. اي شاهر الي .. بحبك ياشاهر بحبك ..
وقعدت تنطرو لشاهر مشان يرجع بس ما رجع يومها .. وضلت لوقت متأخر ومارجع وهية انشغل بالها عليه .. نزلت وقالت للخدم يدقولا على رقمو .. دقت وهو رد
شهرزاد : شاهر انا شهرزاد
شاهر اتلبك وماعرف شو يقول : اي شهرزاد انتي منيح
شهرزاد : ليش ما جيت
شاهر كذب وقال : لاني سافرت
شهرزاد صارت تبكي : ليش سافرت ليش .. ما قلتلك انا بحاجتك ليش
شاهر : شهرزاد انتي شوبدك مني وليش عم تحاسيني
شهرزاد : لانو تعلقت فيك وماعم استحمل بعدك عني
شاهر : شهرزاد انتي صغيرة على هالحكي .
شهرزاد : لا ماني صغيرة .. وانا عم احكي يلي عم حسو
شاهر : شهرزاد اسمعيني ان كترت يومين وبلاقيلك اهلك ماشي فكري بأمك وابوكي واخواتك وبس يلا باي
شهرزاد : شاهر .. شاهر
سكر الخط وهية قعدت تبكي ..
وهو كمان كان عم يبكي .. لانو مشاعرو خاتنو ..
شاهر : سامحيني بس انا ماني اناني وانتي بتستاهل واحد احسن مني ع القليلي يكون صغير .. ومايكون عندو ماضي وكان متزوج قبلك .. ااااه ياقلبي سامحني يس انت اخترت الشخص الغلط ..
شهرزاد قعدت مكانا وصارت تبكي من قلبا ..
...............................
مر يومين وشاهر مختفي ..وشهرزادتعبت على غيابو كتير وكانت تشتقلو كتير واتأكدت من حبا الو ... اهلا بلشو يقطعو الامل انها ترجع .. وقررو يطلعو ع اللبنان وخبرو اهل الضيعة اذا بلاقوها يردولن خبر ...
وضبو غراضن وطلعو وهنن مكسورين الخاطر
......................
بالفيلا عند شهرزاد سمعت صوت الباب انفتح وركضت لشوف مين .. وطلع شاهر . وكان مقرر انو يتجاهلا
شهرزاد ودموع الفرح بعيونا لانها شافتو : الحمد لله على سلامتك
شاهر من غير نفس : الله يسلمك .... انا جيت مشان قلك انو لقيت اخواتك وولاد عمك جهزي حالك مشانوصلك
شهرزاد : بس انا مابدي ارجع انا بدي ضل معك
انصدم شاهر من جرائتها : انتي شو عم تقولي .. انتي جنيتي
شهرزاد : اي جنيت .. انا بدي صل معك ومارح خليك تنفذ العملية لانو انا حبيتك عم تفهم انا حبيتك .. لقيت بطلي يلي كنت احلم فيه من انا وصغيرة
شاهر مصدوم : لك انتي اكيد جنيتي وبعدين انتي صغيرة ولسه مابتعرفي شو هو الحب
شهرزاد : حاج تقلي صغير انا كبرت .. من يوم يلي التقيت فيك اكبرت .. انا بدي ضل معك .. بدي كون معك بدي قضي عمري معك
شاهر : بس انا مابحبك وانا بحب مرتي .. وكمان انا عندي هدف وبدي حققو ولا انتي ولاغيرك رح يمنعني ..
شهرزاد بعيون حزينة : انت عنجد مابتحبني
شاهر : لاا مابحبك ..
شهرزاد : انا اسفة بس يمكن كنت عم اتوهم انك بتحبني ..
شاهر : لانك بلا عقل ...يلا بسرعة اطلعي جهزي حالك مشان وصلك لعند اهلك
شهرزاد : حاضر
طلعت شهرزات غيرت تيابا نزلت وعيونا منفخين من كترت البكي ... وشاهر يلي كان عم يتقطع من جوا عليها وكان حابب يضما لصدرويقلا انا بحبك ياصغيرتي .. بس عندو اخلاق ومابتسمحلو يدمر حيات بنت لحتى تتزوج واحد اكبر منا ب١٥ سنةوارمل كمان وحتى هو شايف انو زواجا بهالقت غلط لانها قاصر ...
طلعت من دون ولا حرف
فتحلا الشوفير الباب الخلفي ركبت واجا شاهر ركب جنبا ... وكانو بدو يكن قريب منا لاخر مرة
مشت السيارة
شهرزاد : انا اسفة
شاهر : خلص لاتفكري مامشكلة
شهرزاد : ممكن اطلب منك طلب وبتوعدني انك تنفذو
شاهر : اذا قدرت بنفذو شو هو
شهرزاد : لاتنفذ العملية
شاهر : ......
شهرزاد : شو بتوعدني
شاهر : انا قلت اذا بقدر نفزو ... وهاد الطلب مابقدر نفذو لانو خلص قررت وبعد يومين رح يكون كلشي خالص
شهرزاد : مشان الله حس فيني والله انا بموت من غيرك
شاهر : خلص عتبريني مارح موت ...بس مارح تشوفي وجهي مرة تانية
شهرزاد : رح حاول ... بدي قلك شكرا كتير
شاهر : العفو
الشوفير : هون هو العنوان
شاهر : اول مرة بحس بأنو الطريق كتير قصير
شهرزاد : رح اطلب طلب منك اذا غيرت رأيك
شاهر : شو هو
شهرزاد : انك تبطل تشرب
شاهر : تكرمي اذا غيرت رأيي
شهرزاد : ممكن احضنك
شاهر : لا ... يلا انزلي
شهرزاد : على فكرة انت كتير قاسي ... واجت بدا تفتح الباب وتنزل ومسكا من ايدا وسحبا وضما على صدرو واشر للشوفير انو ينزل
نزل الشوفير وضل شاهر ضامما كتير على صدرو وكأنو بدو يفوتا على قلبو ..
شهرزاد : بحبك
شاهر عم يبكي على الصامت
شاهر مسح دموعو وصار يحكي وصوتو مبحوح : بكفي شهرزاد يلا انزلي
بعدت عنو شهرزاد ... وقالت : مشان الله لاتموت ..وبوعدك اني ماقرب منك .. بس ع القليلة اعرف انك عايش
شاهر : بفكر .. يلا انزلي
شهرزاد : بخاطرك
شاهر : الله معك .... ااه صح ليكي هاي السيارة يلي ورانا فيها زلمي ومرتو ورح يقولو لاهلك انك كنتي فاقدة الزاكرة ولما اتذكرتي دورو على اهلك وجابوكي .. ولاتقوليلن انك كنتي مخطوفة
شهرزاد : ليش
شاهر : بعدين بتعرفي ليش ... يلا باي ... يا نادر تعال
اجا الشوفير ركب السيارة وانطلقو
وهية واقفة مكانا وعم تتفرج على السيارة كيف عم تبعد وعيونا متل الشلال على خدودا
.....
يتبع .......
 
#الجزء_الخامس

كانو اهلا واصلين لعند ولادن.... واندق الباب
محمد : انا بفتح
قام محمد وفتح ... وانصدم وتلبك معد عرف شو يقول
شهرزاد يلي كانت عم تحلم كيف بدا تقابل محمد ..صاربالنسبة الها كابوس
محمد : شهرزاد .... لك شهرزاااااد ... ياجماعة تعالو شوفو مين اجا
شهرزاد كانت كتيرة هادية
طلعو كلون من جوا عم يركضو ... اما واقفت مكانا وكأنو رجليها انحلو .. ومانا مصدقة عيونا
ركضت شهرزاد لعند اما ورمت حالا بحضنا .. ونزلو التنتين ع الارض وبلشت اميرة تبوسا من كل مكان ..وتبكي ..والكل صار يبكي .. واختا ريم اجت قعدت حدون وضمتون وصرات تبكي
اميرة : ياعمري .. ياقلبي وين كتني ... دخيل اسمك يارب .. الف حمد وشكر الك يارب .. دخيلو اسمك
وقعدو كلون حوليها وكانو فرحانين كتير ..
واميرة كانت رح تعصرا بين اديها للشهرزاد .. وشهرزد لحد الان مافتحت تما بحرف
وهية عم تضما كبستلا بأيدا على الجرح
شهرزاد : اااااااااااخ .. ماما عم توجعيني
بعدت عنا بسرعة اميرة والكل انصدم
اميرة صارت تمسلا على جسما : شبك ياعمري شو عم يوجعك
شهرزاد : متصاوبة بكتفي ..
اميرة من لهفتا اجت بدا تشلحا وتشفلا مكان الجرح
شهرزاد : ماما اهدي انا بخير وبعدين بدك تكشفيلي هون ..
كانو الكل في ميت سؤال عم يدور براسن .. مازن نزل لعند بنتو وضما لصدرو .. وصار يبكي ..
محمد انتبهى على الناس يلي جايين مع شهرزاد
محمد : اتفضو فوتو ارتاحو
لما حكي محمد كلون انتبهو عليهن
مازن : لاتواخذونا يا جماعة تفضلو تفضلو ..
دخلوهن لجوا .. ووقفت شهرزاد وسلمت على اخواتا وبوستون ..وقربت من محمد سلمت عليه من غير نفس ورجعت لعند اما .. اما ضمتا ودخلو قعدو وقعدت شهرزاد بحضن اما وعيونا مليانين دموع
الزلمة يلي دخل مع شهرزاد قال : ياجماعة هاي بنتكن وصلتكن ..بصراحة لقيناها بقلب بستان متصاوبة اخدناها فيقناها وجبنالا دكتور ولما فاقت ماكانت متذكرة حدا .. ونحنا خفا عليها وطالعنها لهون ع بيروت .. وماكنا بنعرف وين انتو امبارح رجعتلا الذاكرة وقالتنا عنكن .. ونحنا النا معارف ببيروت وصلو لاخواتا .. وهاي الامانة رجعتلكن
مازن ارتاح كتير : يكتر خيركن ياجماعة فضلتو على راسنا
# الفضل لاالله .. ماعملنا شي هاد واجبنا
قامت ريم عملت قهوة وضيفتون كلون ..
شهرزاد وهية قاعدة بحضت امها غفت .....
...........................
شاهر دخل على الغرفة يلي كانت فيها شهرزاد .. وقعد على التخت وصار يبكي ..
مسك المخدة وصار يشمها .. فتح الخزانة مسك تيابها وضمون وصار يبكي ويقول : بحبك ياصغيرتي .. بحبك ياشهرزاد ... اقسم بالله اني حبيتك .. بس خلص كلشي انتهى . اتصل برفيق ..وقلو انو بكرا رح ينفذو العملية وانو يجهزو حالن
..............................
بعد ساعة فاقت شهرزاد وهية لساتا نايمة على رجل امها .. اتجلست وكانو الكل حوليها ..
اميرة : يابعدقلبي لوتعرفي شو صار فينا بغيابك ... بس الحمد لله الله كبير
يحيى : كيفك ياصغيرة والله اشتقناك وخفنا انك ماترجعي
شهرزاد عم تحكي مانها واعية على كلشي حوليها : الحمد لله
كان كل تفكير عند شاهر .. عند الشخص يلي خطفلا قلبا
نورس: اختي شبك .. هييي وين سارحة
شهرزاد : اي معكن شوفي
نورس شو شوفي وين شاردة
شهرزاد : معكن اخي معكن
عمر : والله انت مانك هون خالص صرلنا ساعة عم نحكيكي ..وانتي مافي على لسانك غير الحمد لله
شهرزاد ماردت
مازن : شبك يابابا .. شو صاير معك
شهرزاد : ولاشي بس تعبانة كتير
اميرة : سلامة قلبك من التعب ... قومي ارتاحي في غرفة جوا
قامت شهرزاد وفاتت عالغرفة كان فيها سجادة وكم فرشة على الارض وعلى جنب في شوية حرامات سحبت حرام ومخدة وتمددت على فرشة وغطت حالا وصارت تبكي
......
مازن شبا هالبنت مانا على بعضا
اميرة : ما سمعت قالت تعبانة
مازن : الله يشفيها ويعافيها
محمد : عن اذنكن ياجماعة انا لازم روح
مازن : الله معك ياعمي
راح محمد وبلش الوقت يمرق شهرزاد كتير مابكت نامت..
صار المسا واجت اختا ريم تفيقا مشان يتعشو
ريم : شهرزاد .. شوشو .. ياقمر يلا قومي
فتحت عيونا شهرزاد: شوفي
ريم : قومي نتعشى
شهرزاد : ماني جوعاني كلو انتو
ريم : شو مانك جوعانة وين بتنصرف هاي يلا قومي
شهرزاد : حلي عني مابدي
ريم : شبك شو صاير معك
شهرزادبصوت عالي : مافي شي مافي شي حلو عني مابدي حدا
اجو اهلا على صوتا
اميرة : شبكن ليش صوتكن طالع
ريم : مافي شي عم قلا قومي كلي وانفتحت علي
مازن : شبك بابا ... ليش هيك عم تعيطي بوجه اختك
شهرزاد : حلوو عني مابدي حدا .. اتكروني بحالي
يحيى : شبك متل المجنونة ليش مين حكاكي لحتى عم تعيطي
شهرزاد : ........
مازن قرب منا : بابا ياقلبي شبك .. ليش هيك متغيرة شو صار معك حدا اذاكي حدا دايقك شي
سهرزاد : لا ابدا .. بس انا نفسيتي كتير تعبانة
اميرة : ولا يهمك ياقلبي معك معك بتتحسني .. يلا قومي كلي معنا
شهرزاد : مابدي تركوني بحالي
اميرة : خلص تركوها بحالا ..
طلعو وهنن محتارين ياترى شو صاير معها
رجعت تمددت وحاولت تنام .. وضلت تتقلب للصبح ..
...........................
شاهر صار بالشام ..
واقف وفي واحد عم يلبسو الحزام
ورفيق واقف وعم يبكي جنبو ...
رفيق : خلص قررت
شاهر : بكفي حاج حكي ... وخليك زلمة وحاج تبكي
الشب يلي عم يركبلو الحزام : هيك خالص بتكبس على هاد الزر ..
شاهر : استعنا على الشقا بالله .. يلا رفيق مشي معي ...
رفيق : تفضل
شاهر : جبتلي كم شب عأساس هدول التجار
رفيق : كلو جاهز
شاهر متل ما اتفقنا انتو بتطلعو مع البنات وحاولو تبعدو وبتتصل فيني بتخبرني انكن صرتو بمكان امن وانا بعدها رح اكبس على الزر
رفيق : مشان الله امشي ماني طايق حالي ..
شاهر : ههههه الله يساعدني عليك .. اااه صح ابقا اترحم علي .. تعال هتالك بوسة
ضمو بعضن وصارو يبكو .. ومشو بالسيارات ..
ووصلو لمكان الضبع ..
نزلو كلون ودخلو
وكان الضبع ورجالو بأنتظارن .. رحبو فيهم ودخلوهم ..
شاهر : ماعنا وقت بسرعة سلمنا البنات
الضبع : حاضر .. جابر انت وسليم جيبو البنات .. بتحبو تشوفهن
شاهر : لا طلعون فورا ع السيارات
قرب رفيق من شاهر وهمس بأدنو : عنجد رح تدفعلون
شاهر : اي بس كلو مزور هههه شو بدا اياني جيبي مصريي وفجرون
طلعو البنات وركبوهن بالسيارات
شاهر : الكل يروح انا رح كمل الباقي
طلعو كلون ومشو
شاهر : اقعد يا الضبع لنتفاهم على السعر
......................
قامت شهرزاد من فرشتا وطلعت لعند اهلاوكانت حاسة روحا رح تطلع منا ..
اميرة : جيتي حبيبتي تعالي اقعدي جنبي
قربت وقعدت جنب امها
اميرة : شلون صرتي
شهرزاد : منيحة
اميرة : حزري مين جاي هلق لعنا
شهرزاد: مين
اميرة : بيت عمك طلعو مبارح ووصلو لهون المسا وجايين يزورنا ويطمنو عليكي
شهرزاد من غير نفس : اهلا وسهلا فيهم
اميرة : قومي جهزيلي حالك لانو يمكن نحكي بموضع خطبتك من محمد
شهرزاد : شووووو
اميرة : شبك اتفاجئتي
شهرزاد : بس انا فكرت ...انا مابدي محمد
اميرة : بلله .. منيح انو لساتو قبلان فيكي بعد ما نفقدتي
شهرزاد : بس ماما
اميرة : لا بس ولا شي يلا قومي غسلي وجهك وتعي
شهرزاد قامت والغصة بقلبا
.....................
شاهر وهاد المبلغ كامل ٣ مليون دولار
الضبع طول عمرك حقاني
اجا تلفون لشاهر من رفيق .. رد
رفيق : شاهر بسرعة ارجاع ولاتعمل شي
شاهر : ليش شوفي
رفيق : سلمى يا شاهر سلمى هون سلمى عايشة مانا ميتة
شاهر قام وقف على رجليه : انت شو عم تقول
رفيق : اقسم بالله هون طلعت من البنات
شاهر مابيعرف اذا فرح بهل الخبر او زعل
شاهر : طيب سكر سكر.
رفيق : شو رح تعمل
شاهر : خلص سكر
.............................
بعد خمس دقايق طلع صوت انفجار قوي هزت الارض فيه هز ...
كان واقف رفيق وسمع الصوت ووقع على رجليه وصار يبكي ..
رفيق : لك لييييش عملت هيك ليييييش
اجت سلمة من وراه دبلانة
سلمى وعيونا مدمعين : رفيق وينو شاهر ماقلتلي انو جاي
رفيق وهو عم يبكي : شاهر خلص بح ... شاهر ضحى بحياتو مشان يأنقذ البنات .. وكل هاد مشان ينتقملك
سلمى : شوووووووو ... لااااا ياربي لااااا ياشااااااهر
وقعدت بالارض وصارت تضرب على حالا .. وبعدها غمت وحملها رفيق واخدا ع المشفى ..
......................
بالبيت عند اهلا لشهرزاد
قاعدة كل العيلة مع بيت عمون
اميرة عملت القهوة وعطتا لشهرزاد مشان تطلع تضيف
مسكت الصينية وطلعت سلمت عليهن ببرود وبلشت تضيف
مازن لاخوه انور : ليك اخي في خبر عاجل
انور : قوي هالتلفزيون لنسمع
المذيعة : سماع صوت انفجار مدوي هزت ارجاء البلدات والقرى السورية على الحدود اللبنانية ..
وقفت شهرزاد وصات تتسمع ع المذيعة
المذيعة : وقد تبين ان هذا الانفجار كان بسبب حزام ناسف .. وتبين الان الاشخاص الذين ماتو بهذا الانفجار هم عصابة كانو يتاجرون بالفتيات القاصرات وبالاعضاء البشرية .. وتتم ادارة هذه المجموعة من قبل شخص ملقب بالضبع
شهرزاد : لا لا اكيد كذب
اميرة : شهرزاد حبيبتي شبك
شهرزاد : هاد الخبر كذب ماهيك
انور : اخي شبها بنتك
شهرزاد صارت تبكي : مشان الله قولولي انو هاد الخبر كذذذب مشانو لا الله
مازن : بابا شبك ليش هيك اتأسرتي بالخبر خبر عادي وكمان يلي ماتو عصابة الله لايردون
وقعت وغمت .. وكلون قامو لعند
وصار يفيقوها وماتفيق واخدوها ع المشفى
((بالمشفى ..
دخل الدكتور مشان يشوف شبها ..(هو نفسو الدكتور يلي راح فحصا ببيت شاهر )
الدكتور : خير شو صار معا
مازن : فجأة وقعت لا من تما ولا من كما
الدكتور : طيب تفضلو لبرا لشوف شو وضها
طلعو وفحصا الدكتور .. وهو عم يسألو حالو وين شايفا
طلع الدكتور
مازن واخوه انور : خير دكتور
الدكتور : الظاهر انو ماكلة صدمة قوية وصاير معها انهيار عصبي بس مانو قوي لاتخافو
مازن : انهيار عصبي ؟؟
الدكتور : اي ..حتى تفيق حاول ما تضغطو عليها ابدا او تزعجوها
اميرة : فينا نشوفا
الدكتور : تفضلو
دخلو لعندا .. قعدو شوي وكانو الكل موجودين
وبعد شوي بلشت تفيق .. وتقول : ليش مات ..ليش قلتلو لايموت
مازن : بابا انا جنبك محدا مات ياعمري محدا مات
شهرزاد : مات .. فجر حالو .. ترجيتو مايموت ماسمع مني .. قلتلو مابعتضر حياتك .. بس هو فضل الموت
انور : اخي بنتك عن شو عم تحكي
مازن : والله مابعرف .. رح انده للدكتور يشوف شو وضعا اكيد عم تهلوس
شهرزاد : ماما انا تعبانة
اميرة : سلامتك من التعب يانور عيوني انا هون حدك ..
شهرزاد بلشت تصحصح منيح : وين انا .. شو صار معي
اميرة : ماصار شي .. انت بس لاتفكري بشي
شهرزاد اتذكرت الخبر يلي طلع ع التلفزيون وحاولت تكون هادية وصارت تبكي عالصامت
اميرة : ليش عم تبكي ياعمري
شهرزاد : .....
نجوى ام محمد : اميرة شبها بنتك
اميرة : والله مابعرف ..
دخل مازن مع الدكتور
الدكتور : شو ياصبية صحيتي
شهرزاد : اي صحيت
الدكتور للمرضة: قيسيلا ضغطا
الممرضة :حاضر دكتور
الدكتور بقلبو هالمريضة مارقة على راسي
الممرضة : ضغطا نظامي
الدكتور : اوك يعطيك العافية
الدكتور لشهرزاد : انا شايفك وين ؟؟
شهرزاد : اناا .. مابظن
الدكتور : مامشكلة ..
واجا بدو يتطلع ووقف واتذكر
مازن : خير دكتور في شي
الدكتور : اي اتذكرتا .. هاي بنتك ماهيك
مازن : اي ..
الدكتور : وينو جوزا .. هديك المرة كان كتير ملهوف عليها وبين اشقد بحبا
الكل : جوزاااا !!!؟؟؟
الدكتور : اي زوجا شبكن ليش مستغربين
مازن : دكتور انت اكيد غلطان بنتي مانا متزوجة
الدكتور : كيف هيك ... بس انا متأكد انو هاي هية البنت ... وجوزا اسمو كان شاهر اي شاهر
شهرزاد : شاهر زوجي .. مين قلك هيك
الدكتور : هو قال انو زوجك
مازن : ههههه دكتور انت اكيد مخربط
الدكتور : لا انا مستحيل خربط انا وجوه المرضى مابنساهن ابدا .. وكمان بالعلامة متصاوبة بكتفا ماهيك
الكل صار يتطلع على شهرزاد
اميرة : شهرزاد شو عم يحكي الدكتور
الدكتور حس انو الجو توتر وقرر ينسحب وطلع برات الغرفة
مازن : شهرزاد شو صار معك ومين هاد شاهر
شهرزاد صارت تبكي
اميرة : احكي شو صار معك لما انفقدتي جاوبي
شهرزاد وهية عم تبكي بصوت عالي : انا ماكنت فاقدة الذاكرة .. انا كنت بكامل قواي العقلية
يحيى : شووووو .. لكن وين كنتي
شهرزاد : لما كنا ماشين انا معد حسيت على شي الا وانا ببيت مليان زعران ومحششين .. هدول يلي طلعو على التلفزيون اليوم .. مجموعة الضبع
مازن صار وجهو احمر والنار صار يطلع من عيونو الشرار
اميرة بلشت تلطم على حالا : وشو عملولك ااااه احكي
شهرزاد : باعوني .. طلعو بتاجرو بالبنات .. باعوني لهاد شاهر يلي كان عم يحكي عنو الدكتور
مازن : شوووووو ... اي وشو عمل معك
شهرزاد : ماعمل الا كل خير اشتراني مشان يحررني .. ويرجعني لعنكن والله هاد يلي صار
مازن وهو معصب: صرلك اربع تيام عندو وبدك تقعنيني انو ماصار شي .. ماسمعتي الدكتور عم يقول انو كان عم يقول انو هو زوجك
شهرزاد خافت من ابوها : والله يابابا ماصار شي هو كتير منيح
مازن : اميرة روحي اندهي للدكتورة النسائية هلق تفحصا
اميرة : انت شو عم تحكي يارجال ..عم تقول البنت انو ماعملا شي
مازن : بنتك كذابة .. لو ماعملا شي ماكانو كذبو علينا وقالو انها كانت فاقدة الذاكرة
شهرزاد : والله يابابا هو قال هيك لانو رح يعرف ردة فعلكن اذا قلتكن اني كنت مخطوفة
انور : شبك مازن البنت ماغلضت . حتى لو صاير عليها شي ساعتها بتكون ضحية
مازن : اذا طلع عاملا شي ساعتها الدبح اهون علي من العار يلي رح تجبلي اياه.... اميرة روحي اندهي للدكتورة
اميرة : بس يارجال
مازن : اذا ماجبتي الدكتورة بتعتبري حالك طالق
طلعت اميرة وهية عم تبكي
محمد ماحكي ولا كلمة وكأنو ماعجبو يلي قالتو شهرزاد
اجت الدكتورة مع اميرة
وفهما مازن شوبدو
وطلعوكلون لبرا
بعد شوي طلعت الدكتورة
مازن : شو دكتورة
الدكتورة : ماخلتني قرب منا وافحصا
مازن : الكلبة والله لاطلع بروحا
اميرة :اهدى يارجال البنت طفلة واكيد هاد الشي مابتعرفو
مازن : فوتي فهميها احسن ماطلع جناني بكل المشفى
دخلت اميرة وصارت شهرزاد تصرخ : لا حدا يقرب مني .. لاحدا يقرب مني
اميرة : يابنتي بترجاكي ..والله مارح نعملك شي بس بدنا نتأكد انو محدا لمسك
شهرزاد : وانا عم قلكن محدا لمسني ليش ماعم تفهموني
اميرة : ممكن يكونو قربو عليكي وانت نايمة
الكل عم يتسمع عليهم
شهرزاد : لا شاهر مستحيل يعمل معي هيك .. هو شخص مافي منو
دخل مازن وهو معصب : وعم تمدحيه يابنت الكلب
شهرزاد : اي عم امدحو لانو شخص كتير منيح وانا حبيتو ...
مازن : شووووو حبيتيه
شهرزاد : اي حبيتو وكتير كمان .. بس هلق الله يرحمو
مازن : شو يعني الله يرحمو
شهرزاد : لانو هو يلي فجر حالو عند الضبع ورجالو
مازن : هاد الحكي مابهمني ...يلي بهمني هلق غصب عنك رح تخلي الدكتورة تفحصك
شهرزاد : بس انا مابدي حدا يقرب مني
مازن : ماعلى كيفك عم تفهمي وعارضي ياشهرزاد وشوفي شو رح يصير فيكي
دخلت الدكتورة وفحصتا غصب عنا
طلعت الدكتورة وشهرزاد قاعدة وعيونا مليانين دموع
الدكتورة : اطمنو البنت متل الفلة محدا مقرب عليها
مازن: الحمد لله
..........................
بالشام .. بالمشفى
رفيق واقف برات الغرفة يلي فيها سلمى وعم يبكي على رفيقو
......................
دخلو اهلا لشهرزاد لعندا
حكا انور : خلص اخي لا تهتم محمد بكرا بيتزوجا وبينتهاكلشي ..
شهرزاد ماحكت وضلت عم تبكي على الموقف يلي حطوها فيه اهلا ...
.....................
رفيق وهو عم يبكي .. اجا شاهر من وراه
شاهر : على شو عم تبكي
رفيق : شاااهر
شاهر : اي شاهر .. قلي عنجد سلمى طلعت عايشة
قرب رفيق وضمو وصار يقول : اي عايشي اي عايشي..
شاهر : الف حمد وشكر الك يارب ..ينا وكيفا
رفيق : جوا لما خبرت انك فجرت حالك صابا انهيار عصبي وجبتا لهون
دخل شاهر فورا لعندا وماكان مصدق عيونو .. بس ماحس حالو فرح كتير بوجودا .. بس قرر مايفكر المهم مرتو رجعتلو واكيد كل الافكار التانية رح تروح بعدين
قعد جنبا ومسكلا ايدا وباسا وهية نايمة
شاهر : رجعتي يا سلمى كنت متأكد انك عايشي ..
الف حمد وشكر الك يارب ..
.....................
طلعوا شهرزاد من المشفى .. وراحو ع البيت والدنيا كانت عم تليل
دخلو ع البيت وبيت عما راحو عبيتون واستقبلوهن عمر ونورس
عمر : شو كيف صرتي شوش
شهرزاد : ...
مازن : فوتي ارتاحي مشان بكرا نكتب كتابك على ابن عمك
شهرزاد : بس انا مابدي اياه
مازن : وعم تردي بوجهي يابنت الكلب
شهرزاد : اي عم رد بوجهك ... انا مستحيل اتزوج واحد مابحبو
مازن : وبحقلك تتشرطي كمان
شهرزاد : بابا انا ماغلطت بشي انا كنت ضحية
مازن : ضحية او غيرا غير ابن عمك مارح تتزوجي
شهرزاد : بس انا مارح اتزوجو الا على جثتي
مازن : بدك تتزوجيه وغصب عنك
شهرزاد : والله بهرب ومابفرجيكن وجهي مرة تانية
مازن : اذا هيك الحكي بقلتك ولا بخليكي تهربي وتجيبيلي العار
اميرة : مشان الله اهدو حاج تزدوها علي
شهرزاد : بابا هلق بدق لبيت عمي وبتقلون شهرزاد مابدا محمد
مازن : مافشرتي ياكلبة عم تحبي وتتمعشي يابنت الكلب
شهرزاد : اي حبيتو ومارح حب حدا غيرو
مازن معد استحملو عقلو وشهرزاد عم ترود الكلمة بالكلمة .. هجم عليها ومسكا من رقبتا وصار بدو يخنقا وجهوا ولادو وحاول يبعدوها عنو ..
مازن : اتركوني اخلص منها وارتاح
شهرزاد وهية عم تاخد نفسا غصب
شهرزاد : بدك تقتلني يابابا
مازن : بقتلك وبخلص منك
ورجع هجم عليها
وهية ما لقت غير باب البيت بوجها فتحتو وهربت
اميرة : ياشهرزاد ..ارجعي .. ارجعي
وطلعو اخواتا يدورو عليها ومازن قعد بالارض وحط راسو بين اديه وصار يقول : الله يغضب عليكي
واميرة فاطرة من البكي وماطالع بأيدا تعمل شي
...........................
طلع شاهر من الغرفة ولقا رفيق واقف ناطرو
رجع رفيق وضمو
رفيق : عنجد ماني مصدق عيوني
شاهر : لا صدق
رفيق : شو عملت .. كيف فجرت المكان وانت ما فجرت حالك
شاهر : انا كنت من الاول عم فكر انو يمكن اتراجع عن الفكرة الانتحار مشان هيك .. كنت زارع الغام حول البيت ولما انت اتصلت فيني سلمتون والمصاري واتطلعت وهنن قعدو يعدو المصاري وانا كبست الزر وفجر البيت وبكلشي فيه
رفيق : والله ماني عاطي فرحتي لحدا
يتبع .......
توقعاتكم
ياترى شهرزاد رح ترجع وتتزوج ابن عما ولارح تهرب ؟
شاهر ياترى مين رح يكون ساكن قلبو؟
شهرزاد : رح تعرف انو شاهر لساتو عايش ؟؟
#بقلم_مريم_اليوسف
 
#الجزء_السادس

ضلت شهرزاد تركض بالشوارع ..واخواتا عم يدورو عليها .. بس بسرعة اختفت ومعد بينلا اثر
يحيى: لك وين راحت هاي ..
نورس: والله مابعرف بس كلو من ابوك هو يلي طفشا
يحيى : المهم نلاقيها لك مابتعرف حدا ..
عمر : خلينا ندور
......................
شهرزاد وهية عم تركض خبطت ببنتين ماشين على الطريق
# هيي انتي مش قاشعة قدامك
شهرزاد : اسفة اسفة ما انتبهت
# مش مشكلة ليش هيك عم تركضي
شهرزاد : خلص مافي شي انا اسفة
التاني : انتي سورية .. وانا كمان سورية .
شهرزاد : اي سورية
# شبك ليش هيك وجهك اصفر ومن مين هربانة
شهرزاد : بتساعدوني
الاولة : اكيد بنساعدك مشي معنا ... بالاول انتي شو اسمك
شهرزاد : شهرزاد
# اسمك حلو .. وانا لورا ..وهاي رفيقتي وبنت بلدك اية
شهرزاد : تشرفت بمعرفتكن
اية : ونحنا اكتر .. يلا تعالي
وهنن عم يمشو وصلو قدام اوتيل كيبر
شهرزاد : ليش جينا لهون
لورا : حبيبتي نحنا بنشتغل هون وساكنين هون كمان
شهرزاد : وشو بتشتغلو
اية : وين ماحطونا بنشتغل اوقات بالمطبخ واوقات ع تنظيف الغرف واوقات بصالة الافراح ..
لورا : يلا تعالو ندخل
دخلو وراحو على غرفتون .. وكان فيها تختين
شهرزاد : بس ماكون عم عطلكن
لورا : لا ابدا نحنا اصلا هلق ماوقت دوامنا .. مشان هيك ضهرنا نتمشى انا واية
اية : اي شهرزاد خانم احكيلنا شو قصتك ومن مين هربانة
وبلشت شهرزاد تحكيلون قصتا
..................................................
بلشت تصحى سلمى .. وشاهر قاعد جنبا وماسك ايدها .. وبلشت تقول بصوت واطي شاهر .. شاهر
شاهر : انا هو يا قلبي انا هون
فتحت عيونا وماكنت مصدقة
سلمى : حبيبي انت عايش
شاهر : اي ياقلبي عايش .. انت كيفك
سلمى حاولت تقوم بس راسا عم يوجعا
شاهر : خلص خيلكي مرتاحة .. انا بجي لعندك
قعد جنبا على التخت ورفعلا راسا ونيما على صدرو
سلمى : اشتقتلك كتير
شاهر : وانا كمان اشتقتلك كتير .. عملت المستحيل مشان اقدر اوصلك .. وفكرتك متي مشان هيك كنت رايح فجر حالي مشان الحقك
سلمى وهية عم تبكي: ابنا يا شاهر
شاهر : خلص حبيبتي ولا يهمك ..بكرا الله بعوضنا
سلمى : شاهر انت مانك زعلان مني .. لانوكنت...
حط ايدو على تما وقال : خلص لاتكملي لا انا ماني زعلاني منك ولابعمري رح ازعل منك .. وبعدين انت ما دخلك بشي هنن الكلاب وهلق اخدو جزاتون
سلمى : ماني مصدقة انو بعد هالفترة رجعت شفتك ..
شاهر : ولا انا كمان
( بس كل الحكي يلي عم يقولو ما من قلبو.
....................................
اخواتا لشهرزاد رجعو ع البيت ..
مازن : شو لقيتوها
يحيى : لا
مازن : والله لاطلع بروحا والله لاقتلا
يحيى : بابا حاج تهدد مين طفشا غيرك .. وليش شو عملت لحتى بدك تقتلا
مازن : حتى انت عم ترد بوجهي
يحيى : بابا انا عم احكي الصح ..ويلي عملتو شهرزاد هو الصح .. وانا لو مكانا مابرجع
اميرة : لك مشان الله اسكوت ماوقتو هالحكي وروح دور على اختك
يحيى : ماني مدور على حدا .. ومانتو بدكن تقتلوها اعتبروها ماتت انا فايت نام
اميرة : لك كيف بدك تنام وانت مابتعرف وين اختك
يحيى : الا الله مايبعتلا ولاد الحلال ..
قعدت بالارض وصارت تبكي
........................................
اية : والله قصتك صعبة واكتر الشي ازعلت على حبيبيك
لورا : اي والله بس بيك بأي حق بدو يقتلك
اية : هيك نص العالم عنا بتفكر
شهرزاد : والله مابعرف شو اعمل خايفة ارجع وابي يقتلني
لورا : لا حبيبتي مش رح ترجعي رح نخليكي معنا .. شو رأيك اية
اية : اذا بدا تضل اهلا وسهلا ... شو ياشهرزاد
شهرزاد : بس انا مابدي تقل عليكن
اية : لا مافيها شي ابدا .. وكمان رح نشغلك معنا شو قلتي
شهرزاد : عنجد
لورا : والله جد اصلا طالبين بنات للشغل
شهرزاد : ياريت
اية : لكن من بكرا جهزي حالك اوك ياحلو
شهرزاد : ان شاء الله
..................................
مر شهرين وشهرزاد صارت صحبة مع اية ولورا وصارت تشتغل معون وتقبض معاش كتير منيح .. وصارت تطلع وتفوت معون ... اهلا كتير تعبو على غياب شهرزاد وابوها عرف غلطو وصار يتندم وبدو بنتو ترجعلو ... شاهر عايش هو ومرتو سلمى .. بس ماكان مبسوط لانو قلبو ماعاد لسلمى صار لشهرزاد بس عم يحاول مايفكر فيها او يعرف عنا اي شي .. ومرتو حاسي عليه انو مانو على بعضو وعلاقتون كتير باردة
............................
ببيروت شاهر عم يتفرج ع tv اجت سلمى وقعدت جنبو
سلمى : شو حبيبي مانك نعسان
شاهر : لا حبيبي ماني نعسان اطلعي نامي
سلمى : شاهر انت ليش هيك عم تتجاهلني
شاهر : انا عم اتجاهلك
سلمى : اي وكتير مانك شاهر تبع زمان شاهر المجنون بحب سلمى
شاهر : حبيبتي كبرنا على هيك شغلات
سلمى : شاهر انت مانك عم تتقبلني لاني كنت مخطوفة ماهيك
شاهر : لا والله انا مبفكر هيك ولا بعمري رح فكر هيك
سلمى : لكن شوفي
شاهر : صدقيني مافي شي
سلمى : في وحدة تانية بحياتك
شاهر: انت شو عم تحكي انتي اكيد جنيتي
سلمى : طيب قلي من قلبك انك بتحبني
شاهر : بحبك والله بحبك ياشهرزاد
سلمى : شو قلت
شاهر : شو شوقلت .. عم قلك بحبك
سلمى: بعد البحبك
شاهر : بحبك ياسلمى
سلمى : لا ماقلت اسمي قلت اسم وحدة اسمها شهرزاد
شاهر انصدم انو كيف قال هيك
شاهر : انا قلت هيك .. انتي اكيد سمعانة غلط
سلمى : لا مو غلط .. انا متأكدة من يلي اسمعتو.. وهلق بدك تقلي مين هاي
شاهر قام ومشي : عم قلك مافي حدا ويمكن طلعت مني بالغلط
سلمى : لا ما بالغلط قلبك هو يلي حكي .. شاهر مين شهرزاد
شاهر : عم قلك مافي حدا ولاتعملي مشكلة من سبب تافه
سلمى : هلق هاد صار سبب تافه .. شاهر من ايمت بتحبا
شاهر : لك فهمي مابحب حدا غيرك
سلمى : لا انت مابتحبني .. يمكن كنت تحبني من زمان بس هلق لأ .. قلي مين هاي مشان اتركك ويخلالك الجو
شاهر : لك بكفي حاج تحكي ماني ناقصك
سلمى : وليش مانك ناقصني .. اااه ولا تعبان من العشق
شاهر مارد وطلع على غرفتو
لحقتو سلمى وبلشت تضب تيابا
شاهر : شو عم تعملي
سلمى : رايحة وتاركتك مشان تتزوج حبيبتي القلب
شاهر : اتركي هالتياب من ايدك بلا جنان
سلمى : الجنان انو ضل عند واحد قلبو مع وحدة تانية
شاهر: طيب تعالي لاحكيلك شو قصتا هاي البنت
سلمى : يعني في شهرزاد
شاهر : اي تعالي ... ولما رح تسمعي قصتي رح تعذريني
سلمى : احكي لنشوف شو اخرتك
.......................
شهرزاد وهية عم تنضف غرفة بقلب اوتيل ... انفتح عليها الباب ودخل شب طويل كتافو عراض
شهرزاد : مسيو خمس دقايق والغرفة بتكون جاهزة
قرب منا وعيونو عم تقدح شرار
# بس انا مابدي منك تخلصي .. شو رأيك نقعد وندردش مع بعض ياحلوة
شهرزاد خافت منو بس مابينتلو
شهرزاد : احترم حالك مسيو انت هون بمكان محترم
# ليش شو عم احكي .. حكيي كلو احترام بأحترام
شهرزاد دفشتو وطلعت .. وهية طالعة قالت : جهز حالك لتنقلع من هون ..تفووو عليك
# لحظة يا انسة .. لحظة انتي افهمتيني غلط
طلعت شهرزاد ...ونزلت لعند المسؤول عن العمال
دقت الباب وفاتت
المسؤول : خير شهرزاد
شهرزاد : صاحب غرفة ٤١٠ حاول يتحركش فيني
المسؤول : شهرزاد رح تجننيني .. صرلك شهرين عم تشتغلي بحطك بالمطبخ بصيرو شغيلة المطبخ يدايقوكي .. بحطك بتنضيف الغرف بيطلعك حدا .. لك انا وين يدي حطك فهميني
شهرزاد : استاذ افهمني
المسوؤل : هيدي اخر محاولة واذا حدا اعترضلك بتعتبري حالك مطرودة ..افهمتي
شهرزاد : بس انا مابدي ارجع ع الغرف
المسؤول : رح حطك بصالة الافراح مع اية شو رأيك
شهرزاد : موافقة
المسؤول : روحي لعند اية خليها تعلمك ع الشغل
شهرزاد : حاضر
راحت لعند اية
شهرزاد : ايوش علميني على الشغل
اية : خير شو صاير معك هالمرة هههههه
شهرزاد : واحد حاول يتحركش فيني بالغرف
اية : اي تعالي لعلمك .. اصلا هون انسب مكان محدا بيتطلع بحدا لانو كلا حفلات كلاس ومحدا رح يتطلع عليكي
شهرزاد :من تمك لباب السما لانو هاد هاي اخر محاولة
اية : بس بتعرفي انتي حلوة وملفتي للنظر
شهرزاد : يضرب هالجمال اذا بدو يجبلي وجع راس .. المهم قوليلي شو المشاريع وين بدنا نطلع بكرا
اية : مابعرف .. يلا تعالي رح تبلش الحفلة احملي هالصينية والحقيني
شهرزاد: يلا جاي
..........................
سلمى : انا كنت متأكدة انو في حدا بحياتك ... بس ليش مارجعت لعندا
شاهر : انت شو عم تحكي
سلمى : متل ماسمعت حسب مافهمت انت حبيتا وهية حبتك
شاهر : وانتي
سلمى : انا مارح وقف قدام حبك
شاهر : بس هية صغيرة
سلمى : اي واذا كل البنات عم يتزوجو صغار وكمان عم تقول انو ابن عما كان بدو اياها هيك عاجبك روحتا من ايدك
شاهر : سلمى انت يلي عم تحكي هالحكي
سلمى : اي انا لانو انا مستحيل كون مع شخص مابحبني .. وحتى انا كمان ملاحظة على حالي انو معد حبيتك متل اول ... بس انت ليش ماحكيتلي من الاول كنت وقفت جنبك
شاهر : هه بس يلي راح راح ... بس سلمى بترجاكي خليكي معي وبوعدك انساها
سلمى : شاهر مارح تنساها .. بس خلص رح ضل معك مشان وقف جنبك وتتخطى هالمحنة
شاهر : شكرا كتيير
.............
ضلت طول الليل شهرزاد عم تخدم بالحفلة وتعبت كتير وخلصت الحفلة الساعة ٣ بعد نص الليل ..رجعو على غرفتون
شهرزاد : ياربي ضهري رح يطق شقفتين
اية : شبك ولوو الشغل مانو متعب لهل الدرجة
شهرزاد : بعرف بس لاتنسي انو انا طول الانهار بتنضيف الغرف وبعدين طلعت لعندك
اية : الله يعطيكي العافية هلق نامي واشبعي نوم بكرا مافي شغل ..
لورا : لك اسكتو مابتخلو حدا ينام
شهرزاد : انا فايتي اتحمم تصبحو على خير
دخلت ووقفت تحت الدش وصارت تبكي من قلبا .. ليش هيك صار معا .. وصارت تقول : وينك ياماما اشتقتلك كتير ولاخواتي كمان وحتى لبابا .. بس اذا ارجعت اكيد البابا رح يدبحني .. ياربي انا شو عملت بحالي لونو متزوجة محمد ابن عمي ماكان اشرفلي من هالشغل .. بس انا مابحبو .. الله يسامحك ياشاهر الله يرحمك احسن الشي علقني فيه وراح انتحر والله نشفو دموعي عليك وقلبي تعب كتير من الحزن والله اذا ضل وضعي هيك رح ارجع لعند اهلي وخلي البابا يقتلني. خلصت حمام وعيونا منفخين من البكي وراحت على تختا حطت راسا ونامت
.....................
الصبح ببيت اهلا لشهرزاد ..
اميرة من غير نفس عم عم تحكي مازن : قوم الفطور جاهز
مازن : اميرة شبك
اميرة : قال مابتعرف شبني .. لك انت حرمتني من بنتي ..الله اعلم هلق وين اراضيها .. مابعرف اذا دفيانة او بردنة جوعانة او شبعانة لك ليش عملت هيك ليش انا عم اتقطع من جوا ..وعم تسألني شبك
مازن : معك حق انا غلطت ..مشان الله سامحيني وبوعدك دور عليها ورجعا
اميرة : حتى ترجعلي بنتي ساعتها بسامحك
بالبيت كلون مقهورين من مازن ولادو ومرتو وحتى اخو لامو على التصرف تبعو .. اخواتا لشهرزاد ماخلو مكان الا دورو فيه ولساتون عم يدورو
............................
شاهر فاق وعم يلبس
سلمى : ع وين رايح من عند هالصبح
شاهر : في تاجر كنت مديونو مبلغ كبير .. وماردلي اياه .. عندو اوتيل رايح احجزلو عليه واعطيه باقي حقو
سلمى : مابعرف هاد شغلك الله يعطيك العافية
شاهر : الله يعافيكي يلا باي
................
فاقت شهرزاد الساعة١١
لورا : لهلق النوم يابرينسيستنا الحلوة
شهرزاد : صباح الخير
اية ولورا : صباح النور
اية : يلا قومي جهزي حالك بدنا ننزل على السوق نشتريلك موبايل شو رأيك
شهرزاد : موبايل الي انا
لورا : اي الك
شهرزاد : والله فكرة بس انا رح ادفع حقو
اية : انتي نص ونحنا نص ماشي
شهرزاد : بس مابدي عزبكن معي اكتر من هيك
لورا : مافيشي عزاب يلا قومي
قامو لبسو ونزلو على السوق ..
....................
وهنن بالسوق شهرزاد شافت اخوها يحيى وهو شافها بس هية خافت منو وصارت تركض وهو لحقا .. واتخبت بمكان وماشافا ... لحقوها البنات
اية : لك شبك ليش هيك ركضتي
شهرزاد وهية عم تاخد نفسا غصب : شفت اخي وصار يلحقني بس ما مسكني مشان الله خلينا نرجع ..
لورا : بس ماتفتلنا منيح ..
شهرزاد : غير مرة وهاد الموبايل واشتريتو
اية : يلا امشو
يحيى لما ماقدر يوصل لشهرزاد رجع وراقب البنات يلي كانت واقفة معون .. وضل يراقبون لحتى راحو لعند شهرزاد ..وبعدا وهنن رايحين ع الاوتيل
...............................
يحيى اطمن على اختو انا عايشة مع بنتين من جيلا وقرر يراقبا من بعيد ... وشاهر اشترى الاوتيل وصار الو ..
بعد مرور يومين
شهرزاد الصبح عم تلعب بتلفون وفرحانة فيه
دخلت اية
اية : اخبرتو شو اخر الاخبار
لورا : شوفي
اية : الاوتيل هاد انباع
لورا : عنجد ولمين
اية : عم يقولو لتاجر سوري .. ولي على قلبي شب بيفلج
شهرزاد وهية عيونا ع التلفون : ليش وين شفتيه
اية : كان عم يتفقد الاوتيل
لورا : وشو مشانا نحنا بس مايقلعنا
اية : لا لا مابظن لانو عم يقول اشتراه بكلشي الو
شهرزاد : دخيلك الله يهنيه
لورا : انقبري شيلي هالتلفون من ايدك من يوم يلي جبتيه ماشلتيه من ايدك
شهرزاد : شوبدكن مني خليني فرحانة فيه ..
..............................
شاهر دخل ع البيت وصار ينده لسلمى
شاهر : سلمى ..سلمى
سلمى : اي شوفي .. انا هون بغرفتي
راح ودق الباب وفاتة
شاهر : كيفك اليوم
سلمى : متل كل يوم
شاهر : جاي قلك انو الاوتيل يلي قلتلك عليه صار الي وبكرا عامل حفلة فيه بهل المناسبة
سلمى : اي الف مبروك
شاهر : بدي تكوني جنبي بكرا شو رأيك
سلمى : اكيد
...............................
يحيى دخل لعند امو وقعد جنبا وبسلا ايدا .. كانت في دمعة بعينا
اميرة : الله يرضى عليك
يحيى : ماما عندي الك خبر حلو
اميرة : شوهو
يحيى : لقيت شهرزاد
اميرة بفرح : عنجد ووين لقيتا وكيفا وليش ماجبتا معك
يحيى : ماما ماما اهدي ووطي صوتك .. هية كتير منيحة ..عم تشتغل بأوتيل كبير ومين عليها انها منيحة
اميرة : بدي شوفا ..
يحيى : بوعدك اخدك لعندا .. بس انتي لاتخبري حدا
اميرة : لا لا مارح خبر حدا ..لك تقبر قلبي ياحق
يحيى : بكرا المسا بنروح انا واياكي لعندا شو رأيك
اميرة : ان شاء الله .. والله ماني عاطي فرحتي لحدا
.................. ........
تاني يوم
اية : شوش .. قومي
شهرزاد : لك شوفي
اية : قومي اليوم المالك الجديد للاوتيل عامل حفلة .. قومي عنا شغل كتير
شهرزاد : طيب بس خليني نام نص ساعة
اية : لك قومي مافي وقت
شهرزاد : امري لا الله
قامت شهرزاد وصارو يشتغلو بالصالة .. للمسا .. لبسو تياب الكراسين ورجعو مشان يخدمو للحفلة ..
واقفين جنب بعضن الكراسين
اية : شهرزاد ضبي هالتلفون من ايدك
شهرزاد : لحظة لشوف مين باعتلي ع الفيس ..
اية : مو وقتو ضبيه
شهرزاد : لحظة لحظة
اية : شهرزاد ليكي هاد هو المالك الجديد ليكه ... اكيد هاي مرتو مشاء الله عنا متل القمر
شهرزاد وراسا بالتلفون : اي اي
سحبت ايو التلفون من ايدا : خلصينا وقفي منيح
شهرزاد : طيب هاتي هلق بتوقعيه وبتكسريلي اياه
اية : خدي ضبيه
اخدتو وحطتو بجيبة المريول
شهرزاد : اي شو كنتي عم تقوليلي
اية : عم قلك ليكي هداك هو صاحب الاوتيل الجديد
شهرزاد : وينو
اية : هداك يلي لابس بدلة سودة ومرتو لابسة فستان اسود
شهرزاد : قال انا شو شايفة غير ضهرن
اية : ليكي ليكي دارو ضهرن
شهرزاد انصدمت صدمة قوية وماحكت وصار وجها احمر وقلبا عم يدق بسرعة
اية : شايفي ما احلاهن
شهرزاد : شاااااااهر
اية : صح اسمو شاهر بس انتي شو عرفك ..
شهرزاد : اي اي شاهر هاد شاهر لك ما مات
اية : وليه خوتي عن مين عم تحكي
شهرزاد.: لك هاد شاهر يلي احكيتلكن عنو .. لك هاد هو انا كتير فرحانة لانو ما مات .. انا ريحة لعندو
اية : وليه مجنونة ع وين رايحة .. وليكي مرتو حدو
شهرزاد : مرتووو؟؟؟
ايه : اي مرتو ليكيها واقفة جنبو
دققت فيها شهرزاد : لا لا مستحيل ..سلمى!!!
اية : الله يثبت علينا العقل والدين
شهرزاد : مشان الله قوليلي اكيد انا ماني عم احلم ماهيك
اية : لا مانك عم تحلمي .. اصحي شبك ..
شهرزاد : عأساس مرتو ميتة كيف رجعت عايشي
اية : مابعرف ..
شهرزاد: انا رايحة لعندو سلم عليه
لك تعالي لهون بدك تفضحينا اتطلع على حالك مين بتكوني وهو مين بكون فيقي شهرزاد من احلامك
شهرزاد : بس سلم عليه وارجع وبرد قلبي بشوفتو
اية : خليكي هون احسنلك لانو يمكن مايعترف عليكي
شهرزاد : بجرب .. انا رايحة
وهية رايحة مسكا المسؤول من ايدا
المسوؤل : ع وين شهرزاد خانم
شهرزاد : بدي سلم على شاهر
المسؤول : لانو شاهر رفيقك بالمدرسة انقبري ارجعي على شغلك واذا بتقربي منو والله لشرشحك قدام المعازيم عم تفهمي .
شهرزاد : بس
المسؤول : لك لسه عم تناقشيني .. انقبري من خلقتي
رجعت شهرزاد مكسورة الخاطر .. وكانت حزينة كتير بس فرحت لانها شافت شاهر عايش ..
وقالت : صح انا شو ماخدني لعندو هو وين وانا وين .. كمان هو يكتر خيرو ساعدني شوبدي منو .. وكمان مرتو حدو .. بس كيف هيك طلعت عايشية ..
مسحت دموعا وقالت الله يهنيه مادخلني ..
حملت صينة العصير وصارت تضيف المعازيم وكانت حاطة عيونا بالارض وما ترفعون ابدا ..
رخلصت الصينية يلي معا راحت حطتتا وجابت صينية غيرا .. وهية ماشية خبطت بشاهر وكبت على العصير على تيابو
شاهر :هيييي شو انتي مابتشوفي قدامك ..
رفعت راسا شهرزاد وتفاجئت فيه .. بس بلعت الغصة وقالت : اسفة .. اسفة استاذ مابقصدي مشان الله لاتواخذني
شاهر حس حدا طعنو بقلو لما شافا بهل المنظر
شاهر : شهرزاد .. هاي انتي
شهرزاد : ماردت وحطت راسا بالارض
شاهر : انتي شو عم تعملي هون
شهرزاد :.........
شاهر: حكيني هون انا عم احكي معك
اجا المسؤول : لك مابيجي من وراكي غير المصايب
شال ايدو وضربا كف على وجها
ضلت واقفة مكانا وماحكت بس عيونا عم يشرو
شاهر عصب وهجم ع المسؤول ومسكو من تيابو : انت كيف بتضربا هيك
المسؤول : بس يا استاذ .. هاي
شاهر : هاي شو ااه قلي وضربو بوكس على وجهو وضربو التاني والتالت وقع ع الارض وصار يطلع من انفو وتمو الدم ... وهجم بدو يكمل عليه بس اجو العالم وبعدوهن عن بعض
شاهر : ياكلب عم تمد ايدك عليها ... والله لأكسرلك اياها
اجت سلمى : شبك حبيبي مابدا كل هاد
شهرزاد وقفة وعم تبكي .. وبعدين لفت وبلشت تركض لبرا ...
وهية عم تركض في حدا مسكا من ايدا .....
يتبع ......
توقعاتكم ؟؟
#بقلم_مريم_اليوسف
 
#الجزء_السابع

وهية طالعة من صالة الافراح وعم تبكي .. في حدا مسكا من ايدا ووقفا .. التفتت وكان اخوها يحيى
شهرزاد خافت منو : يحيى اتركني
يحيى سحبا وضما على صدرو : خايفي مني .. خايفي من اخوكي .. انا مستحيل أئذيكي ياصغيرتنا الحلوة
شهرزاد وهية عم تبكي على صدرو : يعني مارح تقتلوني
يحيى : يلي بدو يقرب منك بدي اجعل الله ماخلوقو
شهرزاد: بسرعة اخي خلينا نطلع من هون
يحيى : شوفي .. صح وكمان ليش عم تبكي
شهرزاد : خلينا نهرب انا عملت مصيبة جوا مشان الله
يحيى : تعالي بسرعة
طلعو لبرات الاوتيل
يحيى : شبك يانور عيوني انت
شهرزاد : يحيى انا تعبانة وكتير اشتقتلكن
يحيى : ونحنا كمان اشتقنالك ...ليش مارجعتي هيك بتشغالي بالنا عليكي
شهرزاد : خفت من بابا يدبحني
يحيى : مامشكلة تعالي شوفي مين معي
شهرزاد: ماما ؟؟؟
يحيى : صح تعالي انا جايب سيارة رفيقي ليكي امك بقلب السيارة يلا تعالي
..................
شاهر : عم تضربا ياكلب والله لأجعل الله ماخلقك
سلمى : شاااهر بكفي حاجتو اخد جازتو
شاهر : انتي لا تتدخلي .. وشهرزاد محدا بمد ايدو عليها عم تفهمو
سلمى : شهرزاد ؟؟؟؟
التفت لحتى تشوف مين بتكون هاي شهرزاد بس مالقت حدا
اية عم تقول بقلبا : مانا قليلة هالشهرزاد الزلمة عمل مشلكة مشانها صح وينا
سلمى : شاهر وينا شهرزاد
برم ضهرو وما لقاها وصار ينده بصوت عالي عليها
شاهر : ويناااا هلق بتجيبولي اياها عم تفهمو
وركضو الخدم ليدورو على شهرزاد ..
اختربت الحفلة والكل راح ..
..............
اميرة ضامة بنتا وعم تبكي
اميرة : هيك بتروح وبتتركني ..
شهرزاد: سامحيني بس والله خفت من البابا
يحيى : يلا اركبو بنحكي ع الطريق
ركبت شهرزاد مع اما وراحو عالبيت
.....................
الخدم رجعو لعند شاهر
خادم : مالقيناها
شاهر : شو مالقيتوها وين راحت ..
خادم : مابعرف
شاهر : لكن مين بيعرف هية شو شغلتا هون
اية : شهرزاد رفيقتي وساكنة معي بنفس الغرفة بس هلق رحت ومالقيتا
شاهر : ساكنة معك ليش مانا عند اهلا وليش عم تشتغل هون من اصلو
ايه : ليش كتير بهمك اذا عرفت
شاهر : اي كتير قولي شو بتعرفي
اية : طيب خلينا نحكي على انفراد
طلعو على مكتب المدير وطلعت معون سلمى
شاهر : اي حكيلي كلشي بتعرفيه عنا
اية ؛ بس عدم المؤاخذة انت ليش مهتم فيها لهل الدرجة
شاهر : مادخلك .. بسرعة قوليلي شوفي عندك
اية : انت شو حابب تعرف
شاهر : كلشي والاهم هية هون شو عم تعمل ليش مانا عند اهلا
اية : لانو هربت من ابوها كان بدو يقتلا
شاهر : شووووو ولش بدو يقتلا شو عملت
اية : حسب مافهمت انو عرفو انا كانت مخطوفة
شاهر : شووو كيف عرفو .. حتى لو عرفو هية محدا قرب منها
سلمى : شاهر اهدى لاتنفعل كتير خلي البنت تحكي على رواق
شاهر : احكي خلصينا
اية : قال هية تعبت كتير وصابا انهيار عصبي لما سمعت الخبر ع التلفزيون وفكرت انو انت فجرت حالك .. واخدوها ع المشفى وقال الدكتور يلي فحصا هو نفسو الدكتور يلي انت اخدتو لما كانت سخنانة وسألها عنك قدام اهلا وهون اهلا عرفو الحقيقة وابوها جبلا دكتورة نسائية فحصتا وتأكدو امو محدا لامسا ..ولما رجعت ع البيت صارو بدو يجوزوها ابن عما غصب عنا هية صارت ترد بوجه ابوها وهجم عليها بدو يخنقا مشان تموت اجو اخواتا بعدوه عنها وهية هربت وشفناها انا ورفيقتي وجبناها تشتغل معنا
شاهر : شوووو كل هاد صاير معا وانا مابخبر لك الحق علي كان لازم اسأل عنها كان لازم اطمن عليها حتى لو من بيعد .. طيب هية هلق وين بتكون راحت
اية : والله مابعرف اصلا مافي مكان تروح عليه واذا راحت لعند ابوها يمكن يقتلا
شاهر : طيب روحي على غرفتك وانا هلق لاحقك بركي رجعت
اية : ماشي عن اذنكن
سلمى : ماتوقعتك تكون بتحبا لهل الدرجة
شاهر : لك مابس بحبا بموت فيها وزاد هالحب اليوم لما شفتا ... بس قوليلي شو لازم اعمل
سلمى : اول شغلة بدك تعملا انك تبلش بأجرات الطلاق ..كمان انك تلاقيها وتتزوجا
شاهر : عنجد انت ياسلمى انسانة عظيم عنجد ماغلطت فيكي ابدا
سلمى : العفو شاهر بيك ههههه
..........................
وصلت شهرزاد مع اخوها واما ع البيت
شهرزاد: ماما انا خايفة من بابا كتير
يحيى : لاتخافي حبيبتي ابوك عم يتندم .. هلق فوتي بوسي اديه واطلبي منو السامح وعشان هاي الفترة يلي غبتيها انا بقول لابي انو كنت بعرف وينك من زمان
شهرزاد : الله يخليلي اياك يا احلا اخ بالدنيا
اميرة : الله يرضى عليكم يارب
قربو وفتحو الباب وفاتو
كان مازن قاعد ع الكنبة عم يتفرج على التلفزيون
شهرزاد : بابا
مازن : شهرزاد .. حبيبتي يابنتي انتي جيتي
ركضت شهرزاد لعند ابوها ومسكت ايدو وصارت تبوسا : مشان الله يابابا سامحني ..
مسكا من كتافا ورفعا لعندو وضما وصار يقول الله يرضى عليكي ياقلبي .. انتي يابابا سامحيني انا كتير غلطت بحقك
شهرزاد : والله ماني زعلانة منك ..طلعت ريم من الغرفة وشافت اختا ركضت عليها وضمتا وصارت تبكي
ريم : اشتقتلك ياخاينة هيك بتعملي فينا
شهرزاد : اسفة سامحوني
دخل عمر ونورس من باب البيت
نورس : لك شهرزاد هون ... لك اهلين بأميرتنا الصغيرة
حملا وصار يدور فيها
نورس : ولك صغيرة وين كنتي شغلتي بالنا عليكي
يحيى : انا كنت مخبيها
مازن : انت يا يحيى
يحيى : اي
عمر : لك اهلين والله فيكي
شهرزاد : ياالله شو اشتقتلكن
مازن ؛ الله يرضى عليكي
عمر : اي يحيى وين كانت شهرزاد
يحيى : دبرتلا شغل بأوتيل كانت عم تشتغل فيه وعم تنام فيه كمان
مازن : لك كيف بتشغل اختك انت
شهرزاد : بابا يحيى مادخلو انا صريت عليه وكمان الشغل كتير مريح
عمر : وانا عم قول مين الكرسونة يلي عنا
شهرزاد : بلا غلاظتك عمر
نورس : عنجد صح ليش جاي بهدول التياب انتي
شهرزاد : اااااه .. هلق بحكيلكن بس بالاول بدي غير تيابي
اميرة : يلا قومي ياعمري
.............................
نزل شاهر على غرفة شهرزاد دق الباب
وفتحتلو اية
اية : اهلا استاذ تفضل
شاهر : مارجعت
اية : لا
لورا عم تقول بقلبا : مش قليلة هالشهرزاد اكيد معلقتو للزلمة فيها
شاهر : وين كانت تنام
ع اي تخت
اية : هون معي على تختي
قرب وقعد على تختا وصار يلمس عليه
قام وقال : وين خزنتا
اية : هاي هون
قرب وفتح الخزانة وطلع قطعة من تيابا وصار يشما
قعدت سلمى ولفت رجل على رجل وقالت دخيلو العشقان
اية ولورا مستغربين مانون عرفانين شو عم يصير
لمح ورقة سحبا . ولقى صورة الو مرسومة برسم اليد
ابتسم وقال : هية راسمتا لهاي
اية : اي قال حبت ترسمك وتخليك زكرى مشان ماتنساك
شاهر : طيب كيف بدي اوصلا
لورا : بندقلا وبنعرف وين صارت
شاهر : ليش معا تلفون
اية : اي اشترتو من يومين
شاهر : طيب دقيلا
اية : يلا
دقلتلا وكانت شهرزاد عم تبدل تيابا مسكت تلفونا وردت
شهرزاد: اي اية
اية : وينك وين اختفيتي
شهرزاد : ليش في حدا سأل عني
شاهر اشرلا لاية تقول لأ
اية : لا محدا سأل عنك بس انا فتل راسي وانا عم دور عليكي
شهرزاد : يعني شاهر ما سأل عني
اية : لا قتل المسؤول وقلعو وبعدين راح على بيتو ... انتي وينك
شهرزاد : اجا اخي واخدني ..
اية : شووو بس مايقتلك ابوكي
شهرزاد : لا قلي انو كتير ندمان ..وبالفعل طلع ندمان وطلب مني السماح
اية : شو يعني هلق
شهرزاد : ولا شي رح كمل حياتي مع اهلي
اية : معد ترجعي لهون
شهرزاد : اولا اهلي معد يخلوني اشتغل وكمان مستحيل كون بمكان فيه شاهر .. انا وعدتو انو ما اعترض حياتو .. وكمان ماشفتي مرتو .. لك انا كيف بدي حط عيني بعيونو وهو بيعرف انو انا بحبو .. مشان يشفق علي
سحب شاهر التلفون من ايدا وحكا
شاهر : شهرزاد انا بحبك ..
شهرزاد : شااااهر !!!!
شاهر : اي شاهر ... شهرزاد انا بحبك
حست قلبا شعل بالنار
شهرزاد : بس انتي بتحب مرتك وكمان رجعتلك
شاهر : سلمى صارت ماضي وانتي الحاضر تبعي هلق
شهرزاد : استاذ شاهر لاتحكي هيك لانك شفقت علي .. انت عندك مرى والله رجعلك اياها
شاهر : اولا انا ماني استاذ وثانيا سلمى قاعدة حدي وبتعرف انو انا بحبك وانا رح طلقا واتزوجك انتي
شهرزاد : لا انتي مابتحبني لو بتحبني كنت سألت عني .. او كنت خبرتني انك ما متت ماكنت خليتني كل انهار موت الف موتة وانا عم ابكي عليك
شاهر : اسمعيني والله فكرت انك تزوجت ابن عمك وكمان انا كنت خايف اظلمك لانك اصغر مني بكتير
شهرزاد : كل هاد الحكي مابهمني .. يلي بهمني هو انو انك تضل مع مرتك وتعيشو مبسوطين .. وانا كمان لساتني عند وعدي لما قلتلك لاتموت وبوعدك انو ما اعترض حياتك
شاهر : كل وعدك مابهمني .. الشي الوحيد يلي بهمني انو انا بحبك وانتي كمان بتحبيني واكتشفت انو الحب اقوى من كلشي .. انا كنت اخترع حواجز بس اكتشفت انو بالحب مافي حواجز ابدا .. شو قلتلي
شهرزاد : الحواجز موجودة بكل مكان .. لانو اهلي مستحيل يزوجوني لشخص متلك مطلق واكبر مني ب١٥ سنة ..
شاهر : انتي شو عم تحكي
شهرزاد : متل ماسمعت انا رجعت لعند اهلي وهنن سامحوني وانا مستحيل وقف بوجهن مرة تانية ..
شاهر : هاد الحكي بالنسبة الك .. بس الي مافي حدا بيوقف بوجهي عم تفهمي وانتي مارح تكوني لحدا غيري
شهرزاد : انا صار لازم سكر باي
شاهر : شهرزاد .. شهرزاد لحظة
سلمى : خلص ولا يهمك .. مارح تكون غير الك
شاهر : وهو هيك .. لو سمحتي عطيني رقما
اية : اوك سجل عندك ...
......................
غيرت تيابا شهرزاد وطلعت قعدت مع اهلا وكانو فرحانين كتير فيها وخكتلون شو صار معا بالحفلة وانو كبت العصير على صاحب الاوتيل وهربي ومشان هيك اجت بتياب الشغل .. وصار يرن تلفونا
مازن : شو هاد معك تلفون
شهرزاد : اي اشتريتو لما كنت اشتغل
نورس : طيب مين عم يدقلك ردي
شهرزاد : اي يلا ... الو
شاهر : شهرزاد لاتسكري بدي احكي معي
شهرزاد : اسفة الرقم غلط.. وسكرت
عمر : مين ..
شهرزاد مابعرف بس عم تجيني ارقام غريبة بدا احمد يمكن كان رقمي لشي واحد
اميرة : اي لاتردي
ريم : شهرزاد فرجيني شوفي عندك بالهاتف
شهرزاد : نزلت عليه فيس بوك وواتساب
ريم : والله كانك قليلة يافصعونة مع انو انا اكبر منك بسنة بس انتي كبرتي قبلي
شهرزاد : ههههه لا ولوو...
صارت تجيها رسائل واتساب
نزلت الشاشة وكان شاهر عم يبعتلا
_ شهرزاد انا لازم شوفك .
_ افتحي الواتساب بدي احكي معك ضروري
_ شهرزاد
_لك ردي
_الو
_الو
فتحت ع المحادثة وعملتلو بلوك
.......................
شاهر : بسيطة ياشهرزاد عم تعمليلي بلوك انا بفرجيكي
.............
تاني يوم ..اجو بيت عما لشهرزاد سلمو عليها بس محدا حكي شي لابموضوع خطبة ولا زواج
قعدو شوي وبعدين راحو
وراحو الشباب على شغلون .. اشوي وبيندق الباب
فتحت ريم
ريم : اهلا وسهلا مين بتريدو
صبية ومعها شبين
حكت الصبية : نحنا من المجلس النرويجي لمساعدة الاجئين ممكن شوف حدا من اهلك
اية : اهلا وسهلا تفضلو
دخلو وقعدو بالصالون
مازن : اهلا وسهلا ..شو تشربو
الصبية : صحة ولا شي .. نحنا اخبرنا انو انتو جايين جديد من سوريا وجايين نشوف شو احتياجتكن
مازن: اهلا وسهلا يابنتي .. بس نحنا حالتنا منيحة وبخير وفي عالم بحاجة اكتر منا
الصبية : رح نوصل لكل العالم بس هلق ممكن تقولولنا شو احتياجتكن
اميرة : ماناقصنا شي الحمد لله
الشب : طيب هاد البيت يلي ساكنين فيه اجار مش هيك
مازن : اي اجار
البنت : نحنا عم نعطي للناس بيوت مدفوعة الاجار لمدة خمس سنين اذا بتحبو فينا نعطيكن بيت تسكون فيه
مازن : والله مابعرف .. شو يا اميرة
اميرة : ليش لأ اذا كان احسن من هاد مابنقول لأ
البنت : اكيد احسن من هاد ...طيب شو رأيكن تروحو معنا تشوفو البيت
اميرة : هلق
الشب : اي هلق
(لاتصدقو انو في هيك باللبنان
 
#شهرزاد

#صغيرتي_الجميلة

#الجزء_الثامن_والاخير

اخد مازن رقم شاهر وقلو بدو يقابلو ... قابلو ورجع راح ع بيت اخوه .. اجتمعت العيلة كلها وقعدو حكو

انور : والله عملت زينة العقل يا اخي
مازن : بدي اخلص من هالموضوع وارتاح ... شو يامحمد موافق
محمد : انا من ايدك هاي لايدك هاي
مازن : اتكلنا على الله ..
راح مازن ع البيت وكان المسا والولاد كلون رجعو ع البيت
مازن : تعالو ياولاد بدي احكي معكن بموضوع ضروري
قعدو كلون حوليه
اميرة : خير يا رجال شوفي
مازن : هو الخبر بخص شهرزاد
شهرزاد : اناا !! خير بابا
مازن : ابن عمك محمد بدو اياكي شو رأيك يا شهرزاد
شهرزاد حست غصة بنص قلبا : بس بابا نحنا ما خلصنا من هاد الموضوع
مازن: ولا رح نخلص .. ابن عمك كتير منيح ورايدك .. شو قلتي يابابا الله يوفقك فكري منيح ورديلي خبر مابدي سود وجهي قدام اخي
قامت شهرزاد والغصة بقلبا والدمعة علقت بعينا وقالت : بابا متل مابدك .. انا مارح اعترض على شي وانت ادرى بمصلحتي
مازن : الله يرضى عليكي ويفرحني فيكي
تركتون وفاتت على غرفتا قعدت بزاوية الغرفة وصارت تبكي من قلب محروق ...
اميرة : انت ليش هيك عملت
مازن : انا بعمل يلي بريحني
كل واحد قام على غرفتو ... وتركو مازن لحالو مبسوط ..
شهرزاد مانامت هاي الليلة وهية عم تبكي .. واختا ريم عم تحاول تهديها
فاقو الصبح ... وعيونا لشهرزاد منفخين
مازن : بابا شبون عيونك
شهرزاد : ولا شي ..
مازن : المهم جهزي حالك اليوم كتب كتابك على ابن عمك جايين المسا ورح يجي معون الشيخ
شهرزاد : بابا عمهل شوي
مازن : خير البر عاجلو ... اميرة خدي البنات على السوق واشتريلا لشهرزاد فستان مشان اليوم
اميرة : اي بننزل
مازن : اشتريلا غيارين واحد مستر مشان تقعد فيه مع العالم والتاني يكون فستان سهرة مشان تسهر معو بعد كتب الكتاب
اميرة : حاضر
مازن : يحيى انزل معون اي بابا ..
يحيى : حاضر بابا ... يلا جهزو حالكن مشان تنزلو
جهزو حالون وشهرزاد حست حالا رايحة تجيب كفنا ..
اميرة : يلا وقفلنا تاكسي
يحيى : لا ماما معي سيارة رفيقي يلا اركبو
ركبو معو ونزل ع السوق واشترتلا اميرة لشهرزاد متل ماقلا مازن واشترت كمان لريم ورجعو ع البيت وجابو معن اكل جاهز
قعدو اكلو .. وبلشت تغيب الشمس
اميرة : ماما قومي لحتى جهزك
شهرزاد : يلا
شهرزاد كانت مستغربة .. انو شاهر لهلق ما حكي ما عأساس بدو يرجعو وينو ..
اميرة كانت تشتغل بصالون تجميل من زمان .. ظبطت بنتا ومكيجتا ولبستا وصارت شهرزاد جاهزة ..
اجو بيت عما وطلعت سلمت عليهم ... وصلت لعند محمد ومدت ايدا
محمد بأبتسامة عريضة : كيفك
شهرزاد : الحمد لله ..
قعدت حد اما .. وبعدين قامت عملت قهوة ورجعت ضيفت .. واندق الباب
مازن: هاد الشيخ قوم يحيى افتاح
فتح يحيى ودخل معو الشيخ
شهرزاد كانت حابسة دمعوعا بالزور
بعد شوي
قال الشيخ وين العرسان
مازن : موجودين ...
الشيخ: مين وكيل العروس
مازن: انا ..
الشيخ : وين العريس
مازن : لحظة شوي .. قام فتح الباب ودخل شاهر بكامل اناقتو
مازن : وهاد هو العريس
الكل انصدم الا بيت اهلو لمحمد لانون بيعرفو ويحيى
شهرزاد : شاااهر
مازن : اي ياقلب ابوكي مارح تتزوجي غير الشب يلي اختارو قلبك .
شهرزاد قامت لعند ابوها وضمتو : بحبك يابابا بحبك
شاهر : احم احم نحن هنا ..
خجلت شهرزاد وحطت راسا بالارض ..
شاهر : بلشنا من اولا خجل
الكل : ههههههههههههههه
قعدو كتبو الكتاب .. وشهرزاد ماكانت عاطي فرحتا لحدا .. لانو ابوها قدملا احلا هدية بهل اليوم ..
راح الشيخ وضلو كلون قاعدين
اميرة : ابو يحيى كيف عملت هيك
مازن : ضليت فكر طول الليل ولقيت انو مافي مانع يكونو لبعض بس حبيت اعملا لشهرزاد مفاجئة .. ورحت لعند بيت اخي وفهمون شو رح اعمل ..وهنن وافقو يعملو الخطة معي
شهرزاد : كنت رح توقفلي قلبي
شاهر : سلامت قلبك ياقلبي
نورس : احم احم شو صهر شو كأنك مانك شايف حدا
شاهر: انتو عالعين والراس .. بس انا ماني مصدق انو اخيرا صارت الي هالصغيرة
شهرزاد : بكفي تقولو عني صغيرة كبرت وصرت عروس
اميرة : واحلا عروس بالدنيا ..
استاذنو بيت عمون وقامو راحو ع البيت وضلت العيلة لحالا
مازن : حبيبتي شهرزاد قومي البسي الفستان يلي جابتلك اياه امك .. وادخلي على غرفتك واقعدي مع خطيبك لحالكن
شهرزاد بأبتسامة خجل : حاضر بابا
.........................
سلمى قاعدة بأوتيل ببيروت وما رجعت على سوريا .. لانو بدا ترجع حبيبا ومارح تسمح لوحدة متل شهرزاد تاخدو منا .. هية كانت عم تمثل هيك قدام شاهر مشان تخليه يثق فيها .. مشان بعد المصيبة يلي بدا تعملا اكيد رح يرجع لعندا
.......................
دخلت شهرزاد لبست فستان السهرة وفردت شعرا ..نزلتو على كتفا .. طلعت اميرة من الغرفة وقال لشاهر يدخل لعند خطيبتو
قرب شاهر من الباب ودقو
شهرزاد : فوت حبيبي
ابتسم وفات
شاهر : ولي على قلبي .. شو هالجمال ..
شهرزاد طالعة حلوة ..
شاهر : بتجنني .. انا بقول بلاه هالشغلات هلق خليها لبعد الزوج
شهرزاد قربت منو وحطت ايدها على رقبتو : ليش عم تقول هيك
شاهر وهو عم يتطلع بعيونا : لانو ممكن اكلك
شهرزاد : معقول ...
شاهر : تجربي ..
شهرزاد : هههه ماحزرت
واجت بدا تبعد مسكا من خصرا وقربا ولزقها فيها
شاهر : ع وين رايحة
شهرزاد قلبا صار يدق بسرعة وحست جسما كلو صار نار وصار يرجف بنفس الوقت
شهرزاد : شاهر تركني
شاهر : مابتركك لحتى تعطيني بوسة
شهرزاد : شووو بوسة عيب عليك
شاهر : وين الغيب بالموضوع .. انتي هلق صرتي حلالي
شهرزاد : اي بس ممنوع الاقتراب لبعد العرس
شاهر : شهرزاد خلص اسكتي حاج تحكيه......... بدي غوص بعيونك يلي بجننونو .. بدي اتسلق على رموشك .. والمس خدك الناعم .. انتنفس الهوا يلي عم تتنفسيه من انفك الصغير .. وبدي اكلك شفافك
قرب منا وباسا على شفافا .. وهية كانت دايبة بين اديه ...
رجع لورا .. واطلع فيها .. هية خجلت وحططت راس بالارض
شاهر : لك بعشق الخجل تبعك
شهرزاد : بكفي ... شاهر انا مابتحمل كل هاد الغزل
شاهر : هههههههه بس رح تتعودي ..
شهرزاد : شاهر
شاهر : ياقلبو لشاهر
شهرزاد : بحبك
شاهر : بموت فيكي ..
......................................
مرق اول يومين وشهرزاد كانت طايرة متل الفراشة من كتر الفرحة ... وكان شاهر كل يوم يجي يسهر معا ولما يروحو يحكو مع بعض مكالمات او واتساب ..
......................
سلمى كانت كمية الحقد بقلبلا كبيرة .. وقررت تقتلا لشهرزاد ..
سلمى عم تحكي حالا : بسيطة يا شهرزاد خانم .. فكرتي بهل السهولة بدي اعطيكي شاهر .. ههههه غلطانين كتير شاهر الي ومارح يكون غير الي ... بكرا لما بقتلك بيزعل عليكي يوم يومين شهر شهرين بس مرجوعو لعندي ههههههههههههه ... وحياتك عندي لحولك الفسان الابيض لكفن
......................
رفيق كان بسوريا ... واتصل بشاهر
رفيق : مرحبا ياخاين وين غاطط
شاهر : واخيرا يا رفيق واخيرا
رفيق : شوفي شو صاير معك ..
شاهر : كتبت كتابي على شهرزاد
رفيق : ايمت هالحكي .. وسلمى
شاهر : كل هاد صار خلال ايام .. وسلمى طلقتا
رفيق : كيف هيك طلقتا .. طيب شو ردة فعلا
شاهر : سلمى انسانة متفهمة.. وفهمتني ومابظن توقف بطريق ساعدتي
رفيق بقلبو : انا بعرف سلمى كتير منيح ومستحيل تسكت اذا بأيام الجامعة كانت تجن اذا شاهر وقف مع شي بنت .. كيف هلق ماحكت اكيد عم تخطط لشي كبير
شاهر : ولاااه رفيق وبن رحت
رفيق : معك معك .. شو كنت عم تقول
شاهر : كنت عم قول انو العرس بعد اسبوع مارح تجي
رفيق : اكيد جاي ... بس شاهر لحظة .. قلي سلمى وينا
شاهر : بالشام عند اهلا
رفيق : طيب ماشي انا عندي كم شغلة هون وبكرا طالع لعندك
شاهر : اي ماشي
رفيق : باي
سكر رفيق وهو قلبو مانو مطمن من ناحية سلمى .. اتصل لعند اهلا وسألون وقال ما اجت لعندن وانون ماشافوها من وقت يلي تحررت
سكر الخط
رفيق : متل ماتوقعت هاي اكيد مانها ناوي على خير
..........................
تاني يوم طلع رفيق لعند شاهر وقابلو بالشركة
رفيق : شاهر بدي احكي معك
شاهر : شوفي
رفيق: سلمى ...قلبي مانو مطمن من ناحيتا
شاهر : ليش
رفيق : لك سلمى كانت تغار عليك من الهوا الطاير هلق بدك تقنعي انو هيك قالتلك روح اتذوج وانا معك
شاهر : شو يعني .. لوين بدك توصل
رفيق : بدي قلك انتبه منا لانو مارح تسكت
شاهر : هههههههههه ضحكتني سلمى بتفهم وكمان مستحيل تعمل اي شي
رفيق : بس يا شاهر النسوان بنص عقل .. وممكن تعمل شي يأذيك الك ولشهرزاد
شاهر : لك مشان الله شيل هالخرافات من راسك .. قومي معي
رفيق : ع وين
شاهر : في كم شغلة بدي جهزون للعرس
...............................
مرت الايام واجا يوم العرس
شهرزاد بصالو التجميل ... وشاهر واقف على المراي عم يظبط حالو
رفيق : الف مبروك ياعريس
شاهر : الله يبارك فيك وعقبالك
رفيق : تسلم
شاهر : كلو جاهز ؟؟
رفيق : كلو جاهز والمعازيم بلشو يجو بس لسه تروح تجيب العروس وتتطلعو ع الاوتيل وتبلش الحفلة
شاهر بخ بخة رافان وقال : وهاي انا خلصت يلا لنمشي
طلعو وهنن ع الباب بتجي سلمى
شاهر: سملى انتي جيتي
سلمى : اكيد بدي اجي ووقف جنبك بهيك يوم
شاهر : اصيلة
سلمى : ع وين رايحين هلق
شاهر : انا رايح جيب العروس .. وانتي روحي مع رفيق ع الاوتيل مكان العرس
سلمى : اوك ..
راح شاهر ركب سيارتو وراح بتجاه شهرزاد
رفيق ركب وركبت جنبو سلمى ومشو
رفيق : سملى ممكن سؤال
سلمى : اي اكيد
رفيق : بصراح انا ماتوقعتك انك تسلمي جوزك بهل السهولة
سلمى : هههه بتعجبني طريقة تفكيرك .. بس شاهر بيستاهل كل خير وعمل كتير مشاني وانا اكيد مارح وقف بوش سعادتو ..
رفيق ما قتنع وقال : اي والله معك حق
..................
وصل شاهر عباب الصالون ..
وكانت شهرزاد مخلصة .. كانت لابسة الفستان الابيض يلي بيجر وراها وحاطيلا فوق الحجاب والطرحة تاج ناعم متلا وماسكة بأيدا باقة ورد جوري ساعدتا اما ومرت عما واختا لحتى تطلع
طلعت من باب الصالون وكان شاهر واقف مع اخواتا ع الباب .. كان عم يحكي ومنسجم معون .. ولما شاف شهرزاد وقف ومعد حكي ولا كلمة .. اخوتا لاحظو عليه كيف انصدم وتغير لونو لما شافا وصارو يضحكو عليه
يحيى : شو صهر ليش هيك صافن اذا ماعجبتك اختي هلق باخدا معي
شاهر : ههههه مافشرت تاخدا خلص هاي صارت الي ومحدا بالكون رح ياخدا مني
يحيى : هههههه طيب ليش هيك صافن ماتروح تجيبا
فاق من شرودو فيها وطلع لعندا .. ركع على رجليه ومسكلا ايديها وباسن وبعدين طلع من جيبتو خاتم الماس ولبسها اياه
شاهر : كأنو خطبنا بلا خاتم
شهرزاد : هههه اي والله راح عن بالي .. بس انا مابهمني يلي بهمني هو انت وبس
شاهر : لك دخيل روحك يا اميرتي الصغيرة .. لا شو اميرة صرتي ملكة ملكة قلبي
وقف وحط ايدو بأيدا ....وركبو السيارات وانطلقو
شاهر : بحبك بحبك بحببببببببك
شهرزاد : بكفي شاهر والله انا بخجل
شاهر : دخيلو الخجلان شو بعشقو
شهرزاد : شاهر انا ماني مرتاحة
شاهر : شبك ياعمري
شهرزاد : قلبي حاسيتو متل النار مابعرف خايفة
شاهر : من شو خايفة وانا معك
شهرزاد : مابعرف بس انا بحياتو ماكملت شغلة حلوة معي خايفة هالمرة كمان ماتكمل
شاهر : حياتي بلا هالافكار ... وان شاء الله رح تكملا فرحتنا
شهرزاد : ان شاء الله
وصلو ع الاوتيل وكانو عاملين حفلة العرس بحديقة الاوتيل وصلو للحديقة ..
شاهر : حبيبتي تعالي لعرفك على اهلي اليوم اجو من كندا
شهرزاد : عنجد اي منيح كتير لانو حابة اتعرف عليهم لانون خلفو انسان عظيم متلك
شاهر : هههه اي تعي تعي
وصلو لعندن
شاهر : ماما هاي شهرزاد .. حبيبتي هاي ماما اسما فردوس
فردوس : بسم الله ماشاء الله .. الله يحميكي يابنتي ويحرسك من العين
شهرزاد : شكرا طنط والله يخليكي فوق راسنا
شاهر : وهاد بابا
ابو شاهر : الله يحمكي ويخليكن لبعض طالعة قمر يابنتي وخصوصا بهل الحجاب هلق عرفت تنقي مامتل زواجتك الاولانية
شاهر : ههههه بابا هاي من كتر دعواتك الي الله بعتلي شهرزاد ... بس كمان سلمى كانت على سلامتا
فردوس: اي كتير عسلامتا .. المهم هلق روحو شوفو معازيمكن
شاهر : عن اذنكن
مشي هو وشهرزاد وسلم على عمو ابو شهرزاد ومرت عمو وقعدو على الصمدة تبعتن ..
رفيق كان عم يراقب سلمى بس لقى تصرفاتا عادية .. ومعد اهتم ..
وقامو العرسان يرقصو رقصة سلو .. ... رقصو ورجعو على مكانون واجا قالب الكيك وصار يقطعو ..
شهرزاد : شاهر انا تعبت
شاهر : يلا ياعمري شوي والكل بروح وانا واياكي بنروح
كانت سلمى قريب منون وسمعتون وقالت بقلبا ههههه ع وين لسه الحفلة مابلشت ..
عملت اتصال وقالت نفذ
طلع القناص على بناي مقابل حديقة الاوتيل يلي فيه الحفلة مسك القناصة ووجها على صدر شهرزاد ..بس شهرزاد ماكانت ثابتة كل شوي تحرك .. ثبت على نص صدرا واطلق النار بس بدون صوت ... واجت الرصاصة بصدها ...شهرزاد حست شي سخن اخترق اضلاعا .. اتطلعت واتفاجئت بالدم بس ما اظهرت ردت فعل لانو انشلت حركتا مدت ايدا ومسكت ايد شاهر بكل قوتا
اتطلع عليها شاهر وانصدم بمنظر الدم وصرخ بأعلى صووتوو شهرززاااااااااد ... والكل سكت وصار يتطلع عليهن .. رفيق بسرعة اتطلع على سلمى لقاها عم تضحك وعرف انو هاي هية .. وركض لعند شاهر ..
شهرزاد عم تلفظ انفاسها : شاهر انا بح... بك .. وغابت عن الوعي
شاهر : لاااااااا .. شهرزاااااد .. لك اطلبو الاسعاف .. شهرزاااااد ..واجو اهلا وانصدو ببينتو اما بسرعة وقعت وغمت .. واخواتا انشلت حركتون وكأنو مانن مصديقين شي ... بسرعة رفيق حملا واخدا لانو كانو كلون مصدومين .. وضل شاهر قاعد مكانو وعم يتطلع على ايده يلي كلون دم ...
وبعد شوي بلشو يفيقو من الصدمة .. وقام شاهر بسرعة ركب سيارتو ولحق رفيق .. وريم قاعدة بالارض عم تحاول تصحي اما .. واخواتا الشباب واقفين وماعم يتحركو .. وابوها كمان كذالك الامر . بعيدن فاق على حالو يحيى وركض لعند امو فيقا .. فاقت امو وتبكي وتقول شهرزاااد قتلولي بنتي ..
يحيى : مافيها شي هية بخير .. قومي معنا .. بابا نورس عمر شبكن .. يلا نروح نشوفا
....................
وصل رفيق بسرعة على المشفى وحامل شهرزاد ..واجو اخدوها منو .ودخلوها على غرفة العمليات ..
وصل شاهر : وينا ..وينا
رفيق : اهدى هلق دخلوها ع العمليات .. بس انت اهدى ودعيلا ..
شاهر وهو عم يبكي: لك مين عمل هيك ... شوبدن منا ..
رفيق : قلتلك ماصدقتني .. هاي سلمى
شاهر : شووو .. انت متأكد
رفيق : اي متأكد اول ما طلع صوتك اتطلعت عليها ولقيتا عم تضحك
شاهر : معقول
رفيق : والله هية محدا الو مصلحة يقتلا غير هية
قعد بالارض وحط اديه على راسو وصار يبكي
واجو اهلون عم يركضو ..
اميرة : كيفا بنتي كيفا
رفيق : اهدي خالة شهرزاد بخير هلق هية بالعمليات انتو بس ادعولا
قعدت بالارض وصارت تلط على حالا .. قرب مازن من شاهر مسكو من تيابو : والله اذا بصرلا شي بنتي ماتلوم الا حالك عم تفهم
قرب يحيى : بابا .. شو دخلو
مازن : اكيد دخلو .. نحنا ماعنا اعداء .. بكون حدا شي عدو الو وبدو ينتقم منو
يحيى : بابا بترجاك اهدى ماوقتو هالحكي
وصار حالة استنفار عند الطاقم الطبي وصارو طالعين فايتين ومايرود على حدا
ممرضة : لو سمحتو ابعدو عن بابا العمليات ..
اميرة : ياربي شو عم يصير ... مشان الله حدا يفهمنا ..
طلعت ممرضة تاني : لو سمحتو بدنا دم .. مين زمرة دمو o+
عمر : انا انا زمرة دمي نفس ذمرة دم شهرزاد
الممرضة تفضل معنا
مازن : مشان الله طمنيني عن وضع بنتي
الممرضة : مابدي كذب عليكن بس وضعها كتير صعب ادعولا احسن الشي
دخل عمر اتبرع بالدم ...رفيق طلع راح بدو يراقب سلمى..
وضلو بالساعات ينطرو ...
بالاخير طلع الاطباء من جوا
وكلو قربو لعندن : طمنونا
دكتور : الحمد لله اقدرنا نطالع الرصاصة بدون اي ضرر .. بس وضعها لسا ماتجاوز مرحلة الخطر .
دكتور تاني : الحمد لله الرصاصة اجت بصدرا من الجيهة اليمنة يعني اخف خطر لانها بعيدة عن القلب وكمان الرصاصة يلي تصاوبت فيها الظاهر انها رصاصة متفجرة بس الحمد لله ماتفجرت وكمان هاد الشي كتير منيح.. وعسلامة
مازن : الله يسلمك يارب
اميرة : الف حمد وشكر الك يارب
الدكتور : رح نخليها ٢٤ ساعة تحت المراقبة اذا ضل وضعها مستقر ان شاء الله بتكون قطعت مرحلة الخطر
شاهر : الف حمد وشكر الك يارب شكر كتير دكتور
الدكتور : الدرك هلق جاين مشان يكتب ظبط حبيت خبركن
شاهر: ماشي دكتور انا بتصرف
راحو الدكاترا
مازن لشاهر : انتي لاتتصرف بشي .. انت اطلاع من حياتنا ومن حياتي بنتي
شاهر : بس ياعمي
مازن: بس شو لك بنتي كانت رح تموت بسببك ..
شاهر : انا عرفت مين المذنب وكمان رح ياخد عقابو
مازن : مابهمني روح صفي حساباتك بعيد عن بنتي .. واول ماتفيق بدك تكون رامي عليها يمين الطلاق
شاهر : انا بحبا ومابدي اخسرا
مازن : اذا بتحبا بتتركا لانو مارح يجي من وارك غير المصايب وبنتي مانا قد تددفع تمن اغلاطك
شاهر وهو مكسور الخاطر : حاضر عمي .. بس لحتى اطمن عليها وبعدا مارح فرجيكن وجهة مرة تانية
مازن : اي بكون احسن
راح شاهر وقعد بالارض على جنب وصار يبكي متل الولاد الصغار
نورس : والله حرام منظرو بقطع القلب
مازن : واختكن يلي جوا كمان منظرا مابقطع القلب
............................
رفيق راح راقبا لسلمى .. وبلش يطلع الصبح .. طلعت من الاوتيل يلي كانت قاعدة فيه ..اخدت تاكسي ومشت ومشي وراها رفيق ... لحتى وصلت نزلت وقربت من حاوية وكبت بقلا كيس اسود شكلو مربع
وهون رفيق طلع تلفونو وصار يصور فيديو ..
راحت سلمى وقفت تاكسي ومشت .. ورفيق واقف وعم يراقب ... اجا شب لابس اسود وطاقية سودة ونضارات سود .. قرب من الحاوية مد ايدو واخد الكيس ومشي .. طلع رفيق المسدس وبدو ينزل لعندو بس خاف ليكون مسلح ..وضل يلحقو من بعيد لبعيد لحتى شافو دخل على بيت .. وراح ع المشفى
لقى شاهر قاعد ع الارض م يبكي
رفيق : شاهر شو صار ..كيفا شهرزاد
شاهر : الحمد لله نجحت العملية وهلق ناطرين لحتى تمرق فترت الخطر
رفيق : اي الحمد لله .. بس انت ليش عم تبكي
شاهر : عمي طلب مني طلقا وابعد عنا
رفيق : بأي حق بيطلب منك هيك طلب
شاهر : حقو .. حقو يخاف على بنتو
رفيق : المهم انا جبتلك الدليل على سلمى
شاهر : شو هو
رفيق : قوم لنروح على الدرك نخبرون
راح شاهر ورفيق ع الدرك
ورفيق شرحلون كلشي وفرجاهن الفيديو وراحو لمكان الشب وبالفعل دفشو الباب وطلع البيت مليان زعران وطلون مطلوبين القو القبض عليهم كلون .. اعترف واحد انو هو يلي قوس على شهرزاد وقال مواصفات سلمى انو هية يلي دفعتلو المصاري لحتى ينفذ المهمة وراحو لحتى يلقو القبض على سلمى
دق الباب شاهر وفتحت
سلمى : اهلا شاهر .. كنت هلق عم البس ورايحة لعندك ع المشفى قلي كيف صارت شهرزاد
شاهر : بحب بشرك انو ماماتت
سلمى : اااه عنجد .. اي الحمد لله على سلامتا
شاهر : بس كأنو مافرحتي بهل الخبر
سلمى : اكيد فرحت
شال يدو وضربا كف .. فرحانة ياكلبة .. لك ليش بدك تقتليها مشان يخلالك الجو لحالك .. والله خسراة الحب يلي حبيتك اياه من زمان .. والله امي معا حق لما كانت تقلي انك وحدة حقودة وانا ماكنت صدقا
سلمى : اي بدي اقتلا وبدي اقتل اي وحدة بتقرب منك ..انت الي وبس عم تفهم
شاهر : بتعررفي انتي بدك دكتور نفسي ... تعالو
ودخلو عناصر الدرك اخدوها وطلعو وهية عم تقول راجعة ياشاهر راجعة
............
رجع شاهر ع المشفى وكانو اهلو هنيك كمان
شاهر : ايمت جيتو
فردوس : من شي ساعة ..
شاهر : صار شي
ابو شاهر : لحد هلق ماصارشي قال وضعها مستقر
شاهر : طيب تعالو لوصلكن ع البيت
اخدون شاهر ع البيت دخل تحمم وغير تيابو يلي كلون دم .. ورجع ع المشفى .. وضل هيك لتاني يوم
طلع الدكتور من العناي المشددة ولتمو عليه
الدكتور : اطمنو قطعت مرحلة الخطر ... ورح نطلعا من العناي بكرا .. لانو عم تستجاب للعلاج
والكل فرح ..
وتاني يوم نقلوها على غرفة عادية .. والكل اجا لعندا وشاهر معون ...
بلشت تفتح عيونا شهرزاد
وبصوت خفيف : بدي مي ..بدي مي.
اميرة : بصير نشربا مي ..
الدكتور : شي خفيف بس مشان ترطب تما اكتر من هيك لا
طلع الدكتور وتركون لحالن .. وبلشت شهرزاد تفيق
شهرزاد : وين انا .. شو صار
مازن : خلص ياعمري لاتفكري .. نحنا كلنا حواليكي
شهرزاد : وينو شاهر
شاهر : انا هون ياحبيبتي ..
قعد جنبا ومسك ايدا وصار يبوسا ويبكي ويقلا سامحيني
رفقت ايدا التانية وصارت تمسحلو دموعو بأيدا
شهرزاد : ليش عم تبكي حبيبي انا صرت منيحة .. اخر الشي بتذكرو انو كان عرسينا ماهيك
شاهر : اي صح
شهرزاد : شو صار وانا ليش هون
شاهر : في حدا قوس عليكي
شهرزاد.: وانا صرت منيحة
شاهر : اي منيحة ورح تصيري احسن كمان ..
الكل عم يراقب ويبكي .. ومازن زعل على شاهر كتير
نامت شهرزاد لانو لسه البنج مارح من جسما
شاهر وقف وقال وهو عم يمسح دموعو: الحمد لله اطمنت عليها وبوعدكن انو ما اعترض حياتا او حياتكن مرة تانية .. ومشي لعند الباب
مازن : كيف بدك تترك مرتك بهل الحالة .. ما عأساس بتحبا
شاهر : مافهمت شو قصدك عمي
مازن : انا لو محلك .. وهي بتكون مرتي باخدا وغصب عن اهلا كمان مابسرعة بستسلم
شاهر : شو يعني عمي
مازن : محدا بياخد بهل الدنيا غير نصيبو وشهرزاد هاد نصيبا واخدتو وانت مادخلك ... بس اذا معد بدك اياها هاد حكي تاني
شاهر وهو فرحان كتير : شو مابدي اياها .. لك بدي اياها وبدي اهلا معا
وقرب وضمو لمازن وصار يبكي من الفرحة
ومرت الايام وصحت شهرزاد وطلعت على بيت زوجا
وشهرزاد عم تاخد حب منع حمل مشان ماتحبل هيك بدو شاهر لانو لساتا صغير ..
بعد مرور سنة ... بنص الليل فاقت شهرزاد وبطنا كتير عم يمغصا
شهرزاد : شاهر .. شاهر مشان الله قوم الحقني ..
شاهر قام بسرعة : شبك .. شبك ياعمري خير شو عم يوجعك
شهرزاد : بطني كتير عم يوجعني
شاهر : سلامتك وسلامت بطنك .. قام بسرعة طلعا تياب ولبسا ولبس هو واخدا ع المشفى وخبر اهلا واجو .. عطوها مسكن واخدو من دم وعملولا تحاليل
اجت الدكتورة : التحاليل بتقول انو المدام حامل
شهرزاد : عنجد
شاهر : شهرزاد شو عاملة
شهرزاد بأباسامة طفولية : بدي ولد انا
شاهر : ااااخ منك .. لك طفلة شوبد يحكي الواحد معك
شهرزاد : انا اصلا وقفت الدوا مشان يصير عنا ولد وتبطل تقلي صغيري وطفلة
شاهر : ههههه لو بصير عندك عشر ولاد بتضلي بنظري طفلة
الكل : هههههههههه
اميرة : الف مبروك
شهرزاد : الله يبارك بعمرك
مازن : اي شهرزاد خانم شو ناوي تسمي ولادك
شهرزاد : انو اكيد اذا بنت دنيا زاد ..
شاهر : شوووووووو .. واذا ولد
شهرزاد : شاه زمان
شاهر : عمي هاي بنتك .. خدا الله يخليك وخلصني منا
قال دنيازاد وشاهزمان .. ياحبيبي
شهرزاه : هههههههه لك شبكن عم امزح معكن .. بس عم نهز الورد لنشمو
اميرة : لك انتي احلا وردة
رجعت شهرزاد مع جوزا ع البيت .. وكانت كتير فرحانة
بالليل عملت سهرة رومنسية ولبست فستان سهرة لتحتفل هية وشاهر بهل المناسبة ..
اجا شاهر من الشغل وكانت شهرزاد مجهزة كلشي
دخل شاهر واتفاجئ .. ولي على قلبي شو عم يصير بالدني
شهرزاد : عجبتك المفاجئة
شاهر : احلا مفاجئة بحياتي
وهو كمان طلع من جيبتو علبة صغيرة فيها سنسلة .. قرب ولبسها اياه .. وهية الهدية بسبب هالمفاجئة ..
لبسا السنسلة وشغلو غنية وصارو يرقصو عليها ..
وقعدو تعشو مع بعض ..
شاهر : حبيبي كأنو انت حليانة كتير اليوم
شهرزاد بمكر : اي شو يعني
شاهر : يعني شغلات كتير
شهرزاد : هههههه لا حبيبي ما حزرت ع قولت شهرزاد بالقصة ادركت شهرزاد الصباح وسكتت عن الكلام المباح
قام وحملا وقال : سكتت عن الكلام المباح .. بس ماتوقفت عن العمل المباح ههههههه
شهرزاد : ههههه المشكلة انو مابيطلعلي معك
شاهر : ولا رح يطلعلك ..
اخدا ودخلو على غرفتون وسكر عليهن الباب.

وهيك بتكون قصتنا خلصت وتوتي توتي وخلصت الحتوتي حلوة ولا فتفوتي
 
شكرااااااااااا
 
الوسوم
زاد شهر
عودة
أعلى