أتعبني حبك ... ): !!

صفا النعمان

صفا النعمان

الادارة
طاقم الإدارة
بقلم_مريم_اليوسف

الجزء_الاول

ياسمين بنت حلوة شعرا احمر متوسط الطول يعني لعند كتافا عيونا كبار وعسليات بشرتا حنطية ..تما وانفا ناعمين عندا خدود معباين ومتوسطة الطول نحيفة جسما ممشوق .
على باب المعهد المعلوماتية والحاسوب .. طلعت ياسمين من الباب مع رفيقتا اريج .. رفعت ايدا واتطلعت بالساعة
ياسمين : لسه معنا ساعة لنروح ع الاوتيل
اريج : بدنا نص ساعة لنوصل
ياسمين : ونص ساعة بنرامح فيها جودت
اريج : ههههه لك حلي عن هالشب
ياسمين : هههههه والله ماني حالي عنو لحتى يخليني فوت من الباب الرئيسي للاوتيل
اريج : ههههه لك الله يساعدنا على جنانك
ياسمين : دخيلك ليش الواحد شو ماخد معو خلينا نجن .. ااه صح بدي احكي مع امي قلا انو طلعت من المعهد ورايحة على الشغل
اريج : اي دقيلا هلق بينشغل بالها عليكي
دقت ياسمين لامها
ياسمين : كيفو الحلو
ام ياسمين نرجس : الحمد لله شو وين صرتي حبيبتي
ياسمين : ماما هلق طلعت من المعهد ورايحة ع الاوتيل
نرجس : الله يقويكي يابنتي ... انتبهي على حالك
ياسمين : بأمرك ياست الكل .. يلا سلام وبوسيلي الفصعونة روان من عندك
نرجس : الله معك حبيبتي تكرمي
سكرت ياسمين وكملت طريقا مع اريج
اريج : ياسمين شو صار مع اخوكي منير مع بيت حماه
ياسمين : ياحرام عم يركض بليل وبالنهار مشان يأمن مصاريف العرس وهنن على طول جيب وجيب يعني هية حقا بس والله شايفين وضعنا كيف يصبرو عليه شوي
اريج : يلا بعين الله
وصلو ع الاوتيل ع الباب الرئيس كان جودت من الحرس جودت زميل بالشغل بس ياسمين على طول بتتغالظ عليه
ياسمين : كيفك ابو الجوج
جودت : لا حول ولا قوة الا بالله العلي العظيم ياسمين روحي على شغلك ماني رايقلك
ياسمين : جودت مابدك تخليني فوت من هاد الباب
جودت : رح قلك للمرة المليون هاد الباب لناس الاكابر وانتي بتفوتي من الباب التاني
ياسمين : له له هلق انا صرت ماني اكابر
جودت : على عيني وراسي اكابر ونص بس انتي ممنوع تفوتي من هاد الباب والله المسؤول بيطردني الي والك
ياسمين : بس شوفيها لك ليك هالباب بجنن بس مرة
جودت : ياربي الصبر ... لك بدك تفوتي وهيك شكلك ليكي العالم يلي عم تفوت ... لك مابتتقارني فيهن
ياسمين : ليش هنن بشو احسن مني
جودت : لك افهمي يابنت هاد اوتيل ٧ نجوم والزباين كمان ٧نجوم .. انت بلله كم نجمة
ياسمين : عشرة وحياتك
جودت : ههههه وحياتي عندك روحي من وجهي
ياسمين : هههههه رايحة سلام
جودت : ههههه الله يقويكي سلام
مشت وهية عم تضحك وراحت على باب الخدم مشان تفوت
ياسمين : وهي خلصت الساعة يلا بدلي تيابك لحتى نبلش
اريج : يلا .. بس بتعرفي عنجد يكتر خيرو المسؤول عم يخلينا نشتغل نص دوام
ياسمين : او والله الله يخليه لولادو طلع ابن حلال .. واتعاطف معنا وشغلنا نص دوم مشان المعهد
..................................
بفيلا كبير فيلا ابو رواد .. هي العيلة مكونة من اب وام والابن
بغرفة رواد الخادمة عم تفيقو
رواد : خير شوبدك
الخادمة : امك طلبت مني صحيك
رواد : طيب ماشي نازل ..
قام رواد من التخت ووقف قدام المراي وتضحك ضحكة اعجاب بحالو ورفع شعراتو بأيدو لورا وطلع من الغرفة ... ونزل لعند امو جمانة
رواد : صباحو
جمانة : صباحو والساعة ٢
رواد : شوفي ماما
جمانة : ابوك
رواد : شبو
جمانة : كان عم يقاتل عليك قال معك شهادة ادارة اعمال ومانك عم تشتغل
رواد : من الاخير الوالد الكريم شوبدو
جمانة : مابعرف قال حتى تفيق روح لعندو ع الشركة
رواد : اوك انا طالع البس وروح لعند في شي غيرو
جمانة : مابدك تاكل
رواد : لأ
.......................
بشركة ابو رواد .. داخل رواد من باب الشركة وكل الموظفات صارو يتطلعو عليه وهو يضحكلون ويغمزون وهنن كان يطير عقلون
وصل لمكتب السكرتية
رواد : كيفك ياعسل
السكرتيرة : ياميت اهلا وسهلا بأحلا شب
رواد : الوالد موجود
السكرتيرة : اي موجود .. بس خليك شوي عندي
رواد : لشوف شوبدو وراجعلك ياقمر
قرب دق الباب وفات
ابو رواد عابد : صح النوم رواد باشا
رواد بأبتسامة مصتنعة : كيفك بابا
عابد : بابا اقعد خلينا نحكي
رواد : بأمرك بابا
عابد : يا ابني انت لازم تعتمد على حالك .. وانت يلي لازم تدير الشغل عني
رواد : بابا بس انا عم عيش فترة نقاهة
عابد : مابكفي صرلك سنتين عم تعيش هالفترة لهلق ماخلصت
رواد : طيب بابا انا ماني خرج احمل مسؤولية الشركة من هلق
عابد : طيب شوبدك تشتغل
رواد : بدي شغلة خفيفة نضيفة
عابد صفن شوي وحكا : متل شو
رواد " شغلة مافيها عزاب بس حاليا
عابد : طيب تستلم الاوتيل سبع نجوم
رواد : ماشي حالو
عابد : طيب ماشي ... هلق روح شوفو وبكرا بلش دوام
رواد : هلق؟؟
عابد : اي هلق ومابدي اي اعترض
رواد : حاضر
.................................
بالاوتيل ..
ياسمين عم تدفش عرباية التنضيفات قدامها .. وصلت لقدام غرفة دقت محدا رد .. طلعت البطاقة يلي معا حطتا بالباب و فاتت .. لقت وحدة قاعدة على التخت وعم تبكي
ياسمين : اسفة مدام ماكنت بعرف انو في حدا بالغرفة ... برجع بوقت تاني
الصبية : لا خليكي تعالي اشتغلي
ياسمين : مابدي ازعجك
الصبية : انا مزعوجة خلقة تعالي بركي بنسى شوي
دخلت ياسمين وبلشت بتنضيف الغرفة وصارت تتطلع على البنت بطرف عينا
الصبية : انتي شو اسمك
ياسمين : ياسمين
الصبية : وانا هايدي ..
ياسمين : تشرفت بمعرفتك ... بس ممكن اعرف انتي ليش عم تبكي اذا ماعندك مانع
هايدي : لانو انا طلعت وحدة غبية .. حبيبي يلي حبيتو طلع عم يضحك علي بس مشان المصاري
ياسمين تركت من ايدا وراحت قعدت جنبا وصارت تمسحلا على شعرتا وتقلا لاتزعلي الشباب بيستاهلو الدبح
هايدي : ماني عرفانة شو اعمل
ياسمين : اتركيه يلعن ابوه بعزا امو
هايدي : هههههه حكيك حلو
ياسمين : هههه دخيل هالضحكة
هايدي : عنجد قوليلي شو اعمل
ياسمين : اول شغلة بتقطعي عنو كل المصاري يلي كنتي تعطيه اياها
هايدي : اي والله معك حق رح اتصل بالبنك ووقفلو حسابو يلي فتحتلو اياه
ياسمين : برافو عليكي ... وكمان انا لو محلك بستأجر كم ازعر وبخطفو وبخليهن يقتلوه قتلة حشك ولبك وفش قلبي
هايدي : لك دخيل قلبك انتي وهالافكار ... كملي كملي
ركزت قعدتا ياسمين وبلشت تعطيها بهل الافكار الجهنمية
هايدي : لك انت مافي منك ... احلا ياسمين .. تصيري رفيقتي سمسمة
ياسمين : اكيد اي
هايدي قامت بسرعة على خزانتا .. وصارت تطلع منها تياب وترميهن على التخت
ياسمين : ليش هيك عم تعملي
هايدي : خدي هدول كلون الك معد بدي اياهن
ياسمين : عنجد
هايدي : اي عنجد لك انتي قدمتيلي خدمة العمر
ياسمين : بس مافي داعي لكل هدول
هايدي : انتي بتستاهلي ... يلا خديهن وكمان عطيني رقمك مشان اتواصل معك
...................................
رواد بالسيارة ماشي ومقهور .. وعم يحكي حالو ياربي لك شو هالاب هاد ... اي بس ماني رايح ع الاوتيل ... رح روح لعند مهند ...
راح لعند رفيقو مهند .. مهند بيشتغل استديو تصوير
سلم عليه وقعد
رواد : كيفك ياحب
مهند : لك ميت هلا برواد الغالي شو وين هالغيبة
رواد : بهل الدنيا
مهند : المهم شو تشرب
رواد : اي شي ..
مهند : قلي شبك انت مانك على بعضك
رواد : لك بابا .. قال بدو اياني اشتغل بالاوتيل
مهند : اي كتير منيح
رواد : لك يارجل ماني طايق اشتغل نهائيا
مهند : انت تعودت على القعدة هههه
رواد : اي والله مالي نفس اعمل شي
مهند : بس الشغل بالاوتيل كتير سهل
رواد : ههههه اذا كان سهل او لأ بدي روح غصب عني
مهند : ههههه والله خرجك ... ومن ايمت بدك تبلش
رواد : عأساس روح هلق شوف الشغل
مهند : لكن هلق بنشرب قهوة وبنروح انا واياك
رواد : اوكي
..................................
بالاوتيل ياسمين عم تقيس التياب وهية طاير عقلا من الفرح
ياسمين : اريج شايفي هالاتياب شو حلوين
اريج : اي والله حاسستك من هدول الناس سبع نجوم عقولت جودت ههههههه
ياسمين : هههههه ... خدي هدول البسيهن
اريج : الي
ياسمين : اي الك وليه جدوبة يلا البسيهن
اريج : يسلمو كتيييييير يا احلا رفيقة
لبسو وظبطو حالون وطلعو كتير حلوين
ياسمين : اريج انا بهل التياب ماني طالعة غير من الباب الرئيسي
اريج : والله بنتبهدل
ياسمين : ولا يهمك تعالي
اريج : على مسؤوليتك
ياسمين : اي تعالي
ظبطو وضعون وطلعو اتجاه الباب الرئيسي للزبائن ... وبلشو يمشو بكل كبرياء ... وراحو لعند مسؤولة الرسيشن سارة
ياسمين : مرحبا ام السوس
سارة : الله لايعطيكن العافية لك شو عاملين بحالكن
ياسمين : حلو ؟
سارة : بيفلج بس روحو من هون بسرعة قبل ماحدا يشوفكن
ياسمين : حبابة ياسارة خلينا نطلع من هاد الباب
سارة : التلفتت حوليها وقالت يلا روحو بسرعة مافي حدا
ياسمين : يسلمون ياقمر
طلعو وقربو من الباب وانفتح لحالو وطلعو
ياسمين : يا الله ما احلا هالشعور
اريج : اي والله اول مرة بحس حالي شي مهم ..
وكملو مشيون من حدا جودت وهو شافون
جودت : ياسمين ... ارييج وقفوا
وهنن ماردو ورفعوا راسون وكملو مشي
جودت : لك وقفووووووو
وهنن ماشين ومانن منتبهين وجاي سيارة مسرعة وجودت عم يندهلون مشان ينبهون بس هنن ماعم يردو ... وفجأة صوت فراااام قوي .. ووقفو البنتين مكانون مصدومين
نزلت رواد ومهند من السيارة ... وقبل مايحكي رواد انفتحت عليه ياسمين
ياسمين : العما بقلبك مانك شايف قدامك ... على شو شايف حالك اااه قلي واذا عندك سيارة كبيرة وابن حسب ونسب ... وانا كمان بنت عالم وناس واذا بتحب بطمرك طمر بالمصاري
اريج عم تنكعا وهية ماعم توقف حكي
ورواد هو ومهند واقفين ماعم يردو عليها
رواد : بسسسسس ....
ياسمين : سكتت
رواد : ممكن تخرسي .. انتي يلي طلعتي قدامي
ياسمين : عم تقلي الي اخرسي ... لك انت بتعرف مع مين عم احكي
رواد : ومع مين بلا صغرة
اجا جودت وكمل الكذبة مع ياسمين
جودت : خير دوموزيلا ياسمين حدا عم يدايقك
ياسمين : خلص مشي الحال ... بس وينها سيارتي ليش اتأخرت
جودت : خمس دقايق وبتكون هون
رواد اجا بدو يحكي بس مهند منعو
مهند : رواد امشي مابدنا وجع راس ... سحبو وركبو بالسيارة وقربو من باب الاوتيل واجا الشوفير اخد السيارة
وياسمين واريج فرطو من الضحك وهربو بسرعة مشان جودت مايبهدلون
............
رواد : العما بقلبا شو فاجرة ولسانا فالت كان جاي ع بالي اطلع بروحا
مهند : لك ماشفتا شكلا كتير مدعومة
رواد : وانا شو
مهند : انت مافي منك المهم خلينا نفوت
رواد : بسيط يا ياسمين خانم ... هية اكيد رح ترجع ع والاتيل انا بفرجيها مين بكون رواد ..
................
اريج : ههههههه لك ليش هيك انفتحتي ع الزلمي
ياسمين : ههههه والله مابعرف كيف انفلت لساني
.............
تاني يوم ..
فاق رواد بكير ونزل وراح ع الاوتيل مشان يشوف ياسمين .... وياسمين راحت على معهدا ...
بلش رواد يومو من الرسبشن .. وسأل عن اسم ياسمين ... طلع في وحدة اسما ياسمين بس عمرا ٥٠ سنة ... اتصل بمهند
رواد : الو مهند لك مافي وحدة اسمها ياسمين
مهند : وانت من كل عقلك عم تدور عليها
رواد : بدي فرجيها مين بكون رواد
مهند : لك مبارح راح مع امبارح انسى يارجل
رواد : مابدي ... المهم قلي كيف بدي لاقيها
منهد : طيب شوفا بكاميرات المراقبة الا ماتلمحا
رواد : اي واالله جبتا .. يلا سكر سلام
مهند : سلام
وراح رواد وقعد بمكتب كاميرات المراقبة وبلش يشوف الناس الطالعة والداخلة ع الاوتيل ... ويشوف الممرات ... ضل على هالقعد لبعد الضهر ... وفجأة شافا لابسة تياب الخادمات وماشية هية واريج .. ووقف على رجليه ..
رواد : هاي هية ... لا لا هديك كتير كلاس .. بس والله بتشبها
قرب ورفع الصوت ...
ياسمين : يلا بسرعة يادوب نلحق
اريج : ياسمين انا على الجنب اليمين وانتي الشمال
ياسمين : ماشي
رواد : معقول هية ... لك حتى اسما ياسمين ... لك العما بقلبا طلعت شقفة خادمة .. ومبارح رقعتني بهدلي غير شكل انا بفرجيكي ياحشرة
طلع وراح على مكتبو ... واتصل وطلب من الخدم يبعتو ورا ياسمين تجي لعندو
..................
اريج : ياسمين ياسمين
ياسمين : شوفي
اريج : المدير الجديد طالبك
ياسمين : المدير الجديد ؟؟
اريج : اي ابن صاحب الاوتيل استلم ادارة الاوتيل روحي لعندو قال طالبك
ياسمين : الي .. وشو عرفو فيني
اريج : لك روحي خلصينا وشوعرفني انا من وين بيعرفك .. بس بظن بدو يشغلك بشي مكان ..
ياسمين : حتى ولو المدير شو دخلو
اريج : مابعرف روحي بتعرفي
ياسمين : هلق ؟؟
اريج : لك اي روحي خلصينا
ياسمين : يلا ..ادعيلي
اريج : هههه روحي الله معك
............. . .
عباب غرفة المدير ..
دقت الباب
رواد : ادخل ..
دخلت ياسمين ورجليها عم يرجفو .. وحاطة راسا بالارض
ياسمين : قال حضرتك طالبني
رواد : هههههه اي والله طالبك مشان اتعرف بحضرتك ياياسمين خانم
رفعت نظرا ياسمين وانفاجئت فيه .. وبلعت ريقا وقالت هاد انت ؟؟؟

يتبع .........
 
اتعبني_حبك_بقلم_مريم_اليوسف

الجزء_الثاني

ياسمين : هاد انت ؟؟
رواد : اي انا ياجلالة الخادمة .. لكن طلعت ياسمين خانم خادمة عندي .. وعاملة حالك شي شغلة كلك شقفة حشرة لاطلعت ولانزلت وعم تبهدليني ...
ياسمين عم تسمع وهية عم تحبس حزنا
ياسمين : انا اسفة .
رواد لما سمع اعتذارا سكت ومعد عرف شو يقول
رواد : شو قلتي
ياسمين : انا اسفة سامحني ماكان قصدي
رواد : اوك .. روحي على شغلك
طلعت وراحت تكمل شغلا وهية مصدومة وحابسة حزنا بقلبا
اريج : ياسمين شو بدو منك المدير
ياسمين : حكتلا كلشي وراحت على شغلا
وصارت تحكي حالا : ليش ماوقفتو عند حدو .. ليش سمحتلو يحكي معي هيك .. وكمان ليش اعتذرت .. لك ليش هيك عملت ... يلا خلص هالمرة مرقت بس اذا بحكيني شي تاني مرة رح اتركلو الشغل واطلع انا كرامتي فوق كلشي
......................
رواد بمكتبو ..
دخل عليه مهند
مهند : شو خير ليش بعتت وراي
رواد : مابعرف مقهور
مهند : من شو
رواد حكالو كلشي لمهند
رواد: دغري قالت انا اسفة ... ماعرفت شو كمل اصلا حسيتا بهل الكلمة خرستني
مهند : مابعرف .. خلص انسا اعتبر حالك ماشفتا
رواد : وهو هيك حسيت قلبي شفق عليها لما اعتزرت
............................
تاني يوم
خلصت ياسمين من المعهد وراحت ع الاوتيل .. نزلت من التاكسي وراحت اتجاه الاوتيل .. وبالصدفة رواد شافها كان واقف على شباك مكتبو ...
اتطلع بالساعة .. كانت ٢ ..
رواد : شو جايبا هاي هلق معقول كانت ماخدي اجازة... طيب هية فهمنا كمان هية ورفيقتا .. انا نازل شوف شو الوضع ..
نزل رواد واتجه على غرفة تبديل الملابس ... وصل لقدام الغرفة وطلعت ياسمين واريج بتياب الشغل ..
اتطلعو عليه واتفاجئو فيه ..
رواد حكي من دون مقدمات : وينكن لهلق
ياسمين : عفوا .. شو بتقصد
رواد : الساعة ٢ وين كنتو
ياسمين : رواد بيك .. نحنا على طول بنجي بهل الموعد
رواد : شو يعني
ياسمين : نحنا بنشتغل نص دوام هون
رواد: شي حلو ومين سامحلكن تشتغلو نص دوام
ياسمين : المسؤول حمزة ..
رواد : والله .. لانو انا هون عاملكن سبيل بتداومو وقت بتحبو
ياسمين : استاذ نحنا عم ندرس قبل الضهر
رواد : ومزال عم تدرسي ليش عم تشتغلي ولا المصروف يلي عم تعطيكي اياه الماما مابكفي
ياسمين : لهون وبس انا معد اسمحتلك تتمادى معي اكتر من هيك انتبه لحالك منيح شو عم تحكي
اريج : ياسمين اسكتي
ياسمين : ماني ساكتة بدي فهو للاستاذ انو نحنا مانا عبيد عندو ...
رواد : كل هاد الحكي انا مابهمني .. من بكرا بتبلشي دوام من الصبح واذا ماجيتي الصبح لاتجي
ياسمين : لك بالناقص منك ومن شغلك ... فكت المريول من على خصرا وشلفتو بوجو .. وفاتت هية واريج ع الغرفة وسكرت الباب .... رواد صار يضحك ضحكة نصر .. وطلع على مكتبو
...............
ياسمين : يضرب هو وهالشغل العما شوفي بهل الدنيا عالم تافهة
اريج : خلص طولي بالك
ياسمين : غيري بسرعة خلينا نطلع من هون قرفتو لهل المكان ..
..............
رواد واقف على الشباك ... وشاف ياسمين واريج طالعين من الاوتيل وهنن معصبين وصار يضحك
رواد : ههههههه وهلق رديت اعتباري لكن وحدة متلك ياحشرة تتجرأ وتعلي صوتا علي
............
بالبيت عند اهل ياسمين .. فاتت وطبشت الباب
نرجس : منير هاد انت ماما
ياسمين : ماما انا ياسمين
طلعت نرجس من المطبخ
نرجس : ياسمين ليش راجعة بكير ماما
ياسمين : بطلت من الشغل تقاتلك مع صاحب الاوتيل
نرجس : تقاتلتي مع حمزة
ياسمين : لا ماما عم قلك مع صاحب الاوتيل واحد مغرور الله يقرف عمرو
نرجس : الله اكبر عليكي اكيد انتي عاملي شي مصيبة
ياسمين : ماني عاملة شي بس هو واحد مغرور
نرجس : اي تعالي احكيلي شو صار
ياسمين : يلا بس لغير تيابي وجاي ساعدك بالغدا وبحكيلك
....................
تاني يوم فاقت ياسمين لبست وراحت ع المعهد ... خلصت دوام وطلعت هية واريج صارو يتمشو ..
رواد كان ماشي بسيارتو وواقف بين الزحمة عم ينفخ .. شاف ع الرصيف ياسمين واريج ... وصار يراقبون بعيونو
اريج : ياسمين تعالي نركب بتاكسي
ياسمين : خلينا نقرب لقدام بتكون خفت العجقة ..
قربو لقدام ورواد عم يقرب معون شوي شوي ماشي مع الزحمة ...
وفجأة طلع قدام ياسمين ولد صغير عم يبيع بسكوت على الرصيف
الولد : خالة اشتري مني
ياسمين نزلت لعندو وقالت: شو اسمك ياحلو
الولد : حمودة
ياسمين : اممممم واشقد حق البسكوتة يا حمودة
الولد : خديها ببلاش الك لانو حبيتك
ياسمين : هههههه والله بعرف انو بنحب ماهيك اريج
اريج : هههههه كتيييير
ياسمين : وانت بأي صف ياحمودة
حمودة : بالتالت
ياسمين : وليش عم تشتغل
حمودة : مشان ساعد الماما والباب
ياسمين : شاطر الله يعطيك العافية .. بس حبيبي انتبه لاتقرب من الشارع .. واذا حدا قلك تعال معي لاتروح
حمودة : حاضر خالتو ... خدي هي البسكوتة الك
ياسمين : دخيل قلبك .. اريج شوفي معك مصاري
اريج : خدي هدول .. ورح خلي معي اجار الطريق
اخدتون ياسمين وطلعت المصاري يلي معا وكانو قلال كتير .. قام حطتو فوق مصريات اريج وعطوتن للولد
ياسمين : حبيبي هدول الك
حمودة : خاله هيك كتير
ياسمين : لا مو كتير خدون كلون ..
عطوه المصريات ومشت هية واريج ... ورواد عم يراقبا وهو مستغرب وحس انها انسانة عظيمة وحساسة ..
اريج : يلا تعالي نركب تاكسي
ياسمين : بصراحة ماضل معي ولا فرنك ..
اريج : الله لايعطيكي العافية وانا كمان المصريات يلي معو ياددوب يكفو اجار راكب وبسرفيس
ياسمين : ههههه لكن مافي قدامنا غير نطرقها مشي
اريج : لك شوبدو يحكي معك الواحد .. ما اجا عبالك تتكارمي غير هلق ..
ياسمين : خلصينا بلا كتر حكي بكرا برجعلك كلشي اخدتو منك
اريج : ااااخ ياربي ليش انا عم احكي مشان المصاري انا عم احكي مشان الروحة
ياسمين : قومي بدبرها الله ...
وضلو يمشو ع الرصيف وكل ماتمرق تاكسي او سرفيس توقفلون بس هنن مايركبو .. ورواد الفضول مسيطر عليه وبدو يشوف لوين بدن يروحو
وفجأة وقفت ياسمين
ياسمين : اريج انا هلكت
اريج : لكن شو بقول انا
نزلت ع الارض وقعدت ياسمين على الارض
.................
رواد : لك هدول شو عم يصير معون ... وليش صرلن ساعة ع يمشو وكمان ليش قعدت هاي هيك ... بس مبين عليها التعب .. طيب ماتروح تركب بشي تاكسي
...... معقول عطت كل المصاري يلي معها للولد ... معقوووووول ... اي والله هي مجنونة .. شو اعمل انا هلق وصلا ... لا لا مادخلني ..
خلص رح اعتبر حالي ماشفتها وكمل طريقو
.................
وياسمين واريج ارتاحو شوي وبعدين كملو طريقن
.............
المسا رواد عم يسهر بكازينو مع مهند وفي حدون بنتين
شال الكاس من على الطاولة وشرب منها ورجعا
مهند عم يحكيه بصوت عالي لانو المكان ضجة
مهند: روااد شبببك ..
رواد : لااا ولا شي ..
مهند : قوم لبرا شوي
رواد : يلااااا
قامو مشان يطلعو .. مسكتو بنت من ايدو لرواد
البنت : ع وين بيبي
رواد : نزل وباسها على خدا وقلا : راجعلك ياقمر
طلعو لبرا وصارو يحكو
مهند.: رواد شبك
رواد : ابدا مافي شي
مهند : حاسك مانك على بعضك
رواد.: لك مافي شي بس مضغوط شوي من الشغل
مهند : بس هيك ..
رواد : جد بس هيك ... خلينا ندخل ونكمل السهرة
مهند : يلا
رواد بقلبو : خلص بكرا رح قول لحمزة يرجعا على الشغل انا ماني اناني لهل الدرجة
................................
تاني يوم فاقت ياسمين على صوت موبايلا ..
ياسمين : حمزة شوبدو . .. الو اهلين عمو حمزة ... مين قال هيك ..... اي ماني راجعة شو مفكرنا عبيد انهار بقلعنا وانهار برجعنا وكمان الرزقة على الله .... خلص عمو ماني راجعة ويكتر خيرك ..... سلام
سكرت الخط وقالت : مافشرت ارجع اشتغل تحت رحمتك ...
.......................
بالاوتيل
رواد : شو قالتلك
حمزة : قال مابدا ..
رواد.: اوك ما مشكلة على راحتا ... انت ارجاع على شغلك
طلع حمزة وقال رواد : بالناقص انا عرضت خدماتي ..
اجاه اتصال
رواد : اي مهند ... مروان عازمنا ع الغدا ... أي ساعة ؟؟..... اي ماشي ع الوحدة بطلع من هون
.........................
عباب المعهد
طالعة ياسمين واريج ..
ياسمين : مليت اليوم الدروس كانو كتير مملين
اريج : شيلنا من الدروس .. قوليلي شو قلك حمزة بالظبط ..
ياسمين : قلي ارجعي ع الشغل المدير سمحلك ترجعي ... وانا قلتلو مابدي
اريج : بس مافيها شي كان خلينا نرجع والله الشغل كتير سهل ومارح نلاقي احسن منو
ياسمين : انا ماني راجعة بدك ترجعي ارجعي لحالك انا ماني مانعتك
اريج : خلص متل مابدك .. ومستحيل اشتغل بلاكي
ياسمين : تسلمي يا احلا رفيقة ... ااه صح عطيني الدرس خليني انقلو بالبيت
اريج طلعت كم ورقة من بين الكتب
اريج : خدي هدول هنن
ياسمين وهية عم تاخدون طارو من ايدا لانو كان في نسمة هوا
ياسمين : لااا طارو.... رح الحقون ... وهية عم تلحقون نزلت ع الشارع وهنن عم يطير قدام ... لحتى وصلتلون ومسكتون .. اخدتون ووقفت واتفاجئت بسيارة قداما .. وهو كمان اتفاجئ فيها وشحط فرااام
وقفت السيارة ... ورواد تجمد مكانو وهية كذالك الامر
وبلش يصحصح .. وتفاجى فيها نفسها .. فتح الباب بسرعة ونزل
رواد : شو انتي طالعتيلي بالسحبة وين مابروح بتطلعي قدامي
ياسمين كمان تفاجئت فيه بس ماحبت تجادلو
ياسمين : مابقصدي ...
اجت اريج عم تركض : ياسمين صرلك شي
ياسمين : لا منيحة ... وانت استاذ رواد ان شاء الله ماكون نزعتلك السيارة
رواد : لا ماصار شي حصل خير ..
ياسمين : طيب بالاذن
رواد : لحظة
ياسمين : خير
رواد : تعالو لوصلكن
ياسمين : لا شكرا
رواد : طيب بس هالمرة
ياسمين : انا عم قول لأ
رواد : اوك على راحتك ...
قرب من باب السيارة مشان يركب ... قام شاف نفس الولد يلي شافو واقف مع ياسمين مبارح
رواد : يا ولد تعال
اجا حمودة يركض ... واريج وياسمين واقفين عم يتفرجو شو بدو رواد من الولد
حمودة : مرحبا خالة ياسمين
ياسمين : هلا حمودة
رواد : ليش بتعرفا لياسمين خانم
حمودة : اي بعرفا
رواد : وانت شو اسمك
حمودة : حمودة
رواد نزل لعندو وباسو على خدو وعطاه مبلغ كبير وقلو خود هدول اشتري فيهن اكلات طيبة الك ولاخواتك
حمودة : بس هاد كتير
رواد : لا ماكتير عليك حبيبي .. يلا بدك شي حبيبي
حمودة : سلامتك عمو
ياسمين انقهرت من تصرف رواد مع انو ماعمل شي وبسرعة ندهت لحمودة
ياسمين : حمودة حبيبي تعال لهون
وقف رواد وحط ايده بجيابو مشان يشوف شو بدا منو
ياسمين طلعت كل المصاري يلي معا وعطتون للولد .. واريج تنكعا وهية ما ردت
ياسمين : وخود هدول كمان
حمودة : يسلمو كتير
اخد الولد المصاري وراح يركض وهو فرحان
اريج همست بأدن ياسمين : الله لايوفقك لك انا مامعي مصاري ليش عطيته كل مصرياتك لهاد الولد
ياسمين : مامشكلة
اريج : شو مامشكلة انا مارح روح مشي متل مبارح .. رجلي مورمين
رواد صار يضحك ع الساكت لانو عرف انو مامعون مصاري
رواد : انا لسه عرضي للتوصيل ماشي شو رأيكن وصلكن
ياسمين : قلتلك لأ
اريج : لحظة انا موافقة ... والله ماني متطرة اطرقها مشي مشان يرتاح ضميرك الانساني انسة ياسمين
ياسمين : اريج ..
اريج : والله مافي حل غيرو واذا بدك روحي لحالك مشي
ياسمين : طيب ماشي .. روحي معو
رواد : اسمعي مني .. والله انا شب محترم هههه
اريج : رح تجي وغصب عنها ..
قربت منها وسحبتا من ايدا غصب عنها وركبتها بالسيارة من ورا .. وهية ركبت حد رواد ..
ياسمين : انا بفرجيكي يا اريج حتى نوصل
رواد : هههه ليكي رفيقتك ما احسنها انتي ليش عنيدة
ياسمين : ......
رواد مشي ... وبعدين حكي
رواد : ليش ما رضيتو ترجعو على الشغل
ياسمين : مابدنا نرجع
رواد : انو خلص شغلة مرقت انتي بهدلتيني وانا بساعة غضب حكيت معكن بعصبية .. وكمان بالدوام يلي بريحكن
ياسمين بقلبا : العما بقلبك ع القليلة اعتزر
رواد : شو قلتي انسة ياسمين
ياسمين : بس انت ليش مصر ترجعنا
رواد : لانو انا مابحب اقطع برزقة حدا
ياسمين : طيب شكرا بس انا ماني راجعة
رواد : طيب على راحتك انا من جهتي ريحت ضميري
اريج : رواد بيك انا بدي ارجع
رواد : اهلا وسهلا فيكي
اريج : وكمان ياسمين ..
ياسمين : بس انا ماني راجعة
اريج : انتي ليش وحدة عنيدة .. خلص انا قلت رح نرجع يعني رح نرجع .. واستاذ رواد ماغلط .. شكرا استاذ غمرتنا بلطفك
رواد : مامشكلة ..
اريج : عندك لو سمحت
نزلو وراود كمل طريقو
ياسمين : وليش هيك تعاملتي معو وكأنك بتعرفيه من ميت سنة وبعدين كيف هيك رضيتي تركبي معو بركي عملنا شي
اريج : الرجل مبين محترم ومو تبع هيك شغلات بعدين انتي ليش معقدتيها ..
ياسمين : ااااخ منك .. بقول عن حالي مجنونة طلع في اجن مني
اريج : المهم جهزي حالك بكرا مشان نرجع ع الشغل
ياسمين : طيب ماشي سلام
...........
تاني يوم راحو راحو ع الاوتيل .. استلمو الشغل وصارو يشتغلو .. وخلصو دوام على الساعة ٨ المسا .. طلعو من باب الاوتيل .. ورواد كان واقف على الشباك وحاطط اديه بجيابو وعم يتفرج على السيارات وشافون طالعين .. وبسرعة اخد مفاتيحو وموبيايلو ونزل .. بس هو نفسو مافكر انو ليش نزل ..
وهنن واقفين ناطرين تاكسي .. نزل رواد وركب سيارتو بسرعة ومشي لحتى وصل لجنبون
وعمل حالو تفاجئ فيهن .. ووقف جنبون
ياسمين بصوت واطي: الله لا كان جاب الغلا
رواد : مسالخير
اريج : اهلا استاذ رواد مسالنور
رواد : شو خلصتو
اريج : اي والله هلق خلصنا ورايحين ع البيت
رواد : بتحبو وصلكن
ياسمين : لااا .. شكرا بس مابدنا نعزبك معنا
رواد : مافي اي عزاب وبعدين طريقكن على طريقي
ياسمين : لا واصلا ماحلوة نركب معك فيك تروح ولا تشغل بالك ..... تاااكسي .. بالاذن هي التاكسي وقفت تعالي اريج ... راحو وركبو بالتاكسي
رواد : اي عمرك ماتركبي بس مو الحق عليكي .. بس انا بدي افهم ليش عم نزل حالي لهيك مستويات .... يلا معد محرزة ارجع ع الاوتيل لروح لعند مهند ونروح نسهر بشي بار
.......................
ياسمين ببيتا قاعدة وعم تعلم اختا روان
نرجس : شو صار معك ياسمين بالشغل اليوم
ياسمين : ماصار شي جديد متل العادة نفس الروتين
نرجس : اي الحمد لله ..
ياسمين : ماما وينو منير
نرجس : عند خطيبتو
ياسمين : ياحرام يامنير الله يرزقو ويتزوج ويخلص من نق بيت حماه
نرجس : آمين
..............
بالكازينو
مهند : وليش بدك توصلهن شو خطر ببالك
رواد : ولا شي
منهد : رواد هدول بنات عايشين على باب الله متل مابقولو ومو متل البنات يلي بنعرفن
رواد : شو قصدك
مهند : انو بعد عنون لانو هيك بنات بكونو مربياين احسن تربية ومو متل مانك مفكر يعني بالمختصر هدول بنات مو خرج تسلاي
رواد : بس انا مافكرت فيهن هيك ابدا
مهند : لكن شو فكرت
رواد : ولا شي بس حبيت ساعدون
مهند : اي لاتساعدون ولا تقرب منون نهائيا بكون احسن الك والون
........................
تاني يوم كمان تكرر نفس الموقف وياسمين واريج مخلصين شغل ونزلو بس نزلو متأخرين ع الساعة ١٠
رواد مكتبو بطل على الشارع لانو الحيط كلو زجاج .. وشافون واتطلع عالساعة .. ورجع صار يراقبون ... وصار بدو ينزل بس كان يمنع حالو ويقول انا شوبدي فيهم يدبرو حالون
وصارو يوقفو للتكاسي بس محدا كان يوقفلون .. ورواد واقف عم يراقب ويطلع على الساعة .. صارت عشرة وربع ..
رواد: انا رح انزل وصلون حرام .... بس شوبدي فيهن هلق هديك بتكبر راس ... خلص رح انزل المعاملة مع الله .
نزل ركب سيارتو .. وراح وقف جنبو
ياسمين : خير شوبدو هاد
اريج : مابعرف
رواد : تعالو لوصلكن
ياسمين : يسلمو بندبر حالنا
رواد : لا تعندي انا شايفكن صرلكن اكتر من ربع ساعة ومافي ولا تاكسي وقفتلكن تعالو ..
ياسمين : معليش بدنا نضل واقفين طول الليل هون انت مادخلك
رواد : صبرك يا رب .. اي على راحتك انا الحمار بنزل حالي لهيك مستويات
ياسمين : محدا طلب منك تنزل لهيك مستويات يلا روح من هون ..
دور سيارتو ومشي بسرعة
رواد : لك يقطع عمرك يارواد .. كلا شقفة خدامة شوبدك منها ..
وضل مكمل على بيتو ... قبل مايوصل بشوي اجاه اتصال من حمزة
رواد : شوفي حمزة
حمزة : رواد بيك وينك مالقيتك بمكتبك
رواد : رايح ع البيت شوفي
حمزة : بصراحة صاير مشكلة على باب الاوتيل
رواد : خير شوفي
حمزة : بصراحة ياسمين واريج البنات يلي طردتون انت هديك المرة
رواد : عرفتون شبون
حمزة : بصراحة ابن عم حضرتك كان جاي ع الاوتيل وشافون واقفين يمكن عرض عليهن انو يوصلن ومابعرف شوصاير معون بس ياسمين شالت حجر وضربتا على بلور السيارة وانكسر البلور وفاتت الحجر وضربت براس زياد ابن عمك ..
رواد : شوووو كل هاد صاير بهل العشر دقايق
حمزة : اي
رواد : وشو صار بعدين
حمزة : ابن عمك نقلوه ع المشفى وياسمين واريج اجت الشرطة من دقايق واخدتون
رواد : جاي جاي فورا
........................
بالسيارة الشرطة
اريج وياسمين مكلبشين وقاعدين جنب بعض
اريج : لك الله لايسامحك ياياسمين لك عاجبك يلي وصلنالو
ياسمين : وانا شو عرفني انو الضربة رح تكون قوية .. بس بيستاهل ماشفتي كيف صار يحكينا مفكرنا بنات ليل
اريج : لك الله يسامحك .. لو متمادي اكتر كنا رجعا ع الاوتيل .
ياسمين : المهم يلي صار صار ... بدي ارجع ع البيت
اريج : خرسي ماني ناقصتك
الشرطي : اخرسي انتي واياها يلا انزلو وصلنا
............................
بالمشفى .
زياد قاعد على السرير والدكتور عم يخيطلو الجرح ... فات رواد
رواد:زياد خير شوفي
زياد : والله لاخرب بيتا شو مفكر حالا شقفة حشرة
رواد: لك فهمني شو صار بالظبط
زياد :ااااخ دكتور عم توجعني
الدكتور : يلا هاي اخر قطبة
زياد : لك شفت بنتين واقفين على الطريق جنب الاوتيل بشي ميت متر .. قلت لوصلن وفي وحدة من بيناتون متل المجنونة حملت حجر ورجعت لورا شي عشر متار وضرت على البلور وانسكر وضلت الحجر مكملي على راسي و متل مانك شايف
خلص الدكتور: معافي الجرح بسيط رح اكتبلك ع دوا التهاب ومسكن .. وفيك تروح .
زياد : شكرا دكتور ..
طلع الدكتور وزياد لبس جاكيت البدلة وطلع هو ورواد
رواد : بس انا ماني مصدق انو هيك ضربتك اكيد انت عامل شي
زياد : اااخ ياراسي .. بصراحة اي عامل
رواد : ما انا بعرف .. شو عملت
زياد : قلتون يطلعو معي واشقد مابدون مصاري بعطيهن
رواد : ايمت بدك تكبر انت ايمت
زياد : انا شو دخلني اذا وقفتون ملفتة للانظار ومبينين بنات ليل
رواد : طيب مشي معي
زياد : ع وين
رواد : نطالع البنات من المخفر
زياد : بس انا ماني متنازل عن حقي
رواد : وبحقلك تحكي كمان .. امشي امشي وكمان هدول البنات بيشتغلو عندي بالاوتيل وكمان على باب الله موحلوة ينامو بالمخفر
زياد : هيك رأيك
رواد : اكيد هيك رأيي ... تفضل قدامي
........................
بالمخفر
المساعد : لك اسكتي اسكتي
ياسمين : ماني ساكتة .. هلق بدكن تطالعونا من هون .. انا ماعملت شي هو تحركش فينا مشان هيك ضربتو
المساعد : لك عدتيلي هالحكي مليون مرة ... بس مشانو لا الله اسكتي
ياسمين : لك بس اسمعني
المساعد : مطولة معك .. يا ابني ..
دخل شرطي
المساعد : بتسكتي ولا بخليه ينزلك لتحت
ياسمين بصوت واطي : لا بسكت
اريج : ياسمين حبابي بس اسكتي شوي
المساعد : اوووووف ... واخير .. اسمعي انتي واياه الشب يلي ضربتيه حضرتك هلق هو جاي على الطريق .. يا بيتنازل عن حقو .. يا بيرفع عليكي دعوة انتي وحظك
ياسمين حست حالا بموقف صعب وحست الدنيا داقت فيها ودموعو عيونا
اريج : خلص سمسوم . ان شاء الله بنطلع
ياسمين : كلو مني
اريج : طولي بالك
المساعد : بلاها هالدراما هلق اجلوها لبعدين
اندق الباب وفات رواد وزياد
واول ماشافت ياسمين رواد ركضت لعندو تستنجد فيه .. مسكتلو ايدو
ياسمين : رواد صدقني هو يلي صار يتحركش فينا .. الله يخليك يارواد طالعنا من هون والله امي هلق بكون بالا مشغول
رواد عم يتطلع فيها ومصدوم من تصرفا .. وكيف ماسكة ايدو وعم تترجاه .. وتعاطف معا كتير .. حط ايدو فوق اديها وطبطب عليهن وقلا : خلص اهدي .. مستحيل خليكي تنامي هون ... زياد بكون ابن عمي وجاي لحتى يتنازل عن حقو ..

يتبع .....
 
اتعبني_حبك
بقلم_مريم_اليوسف

الجزء_الثالث

سحبت اديها ومسحت دموعا ورجعت لورا .. بعدين فاقت على حالها انو كيف هيك صارت تترجاه .. وصارت تتطلع عليه بطرف عينا ودموعا نازلين
سكرو المحضر وطلعو ..
زياد: اسف صبايا بس ماكنت عرفان انكن بتشتغلو بالاوتيل فكرتكن بنات ليل
ياسمين : ماردت
اريج : حصل خير
زياد : انا بالاذن
تركون وراح ... وصلو لجنب سيارة رواد
رواد : كمان مابدكن تركبو
اريج : مبلا ..
ركبت ياسمين ورا واريج جنبو
دور السيارة ومشي
رواد : لو انكن ركبتو معي ماكنتو وصلتو لهون ع القليلة انا اخلاقي مو عاطلة متل ابن عمي
ياسمين: شكرا كتير
رواد : العفو
.............................
رجعت ياسمين ع البيت وكانو اهلا ناطرينا
نرجس : لك وينك لهلق انشغل بالنا عليكي
ياسمين : بس كان في ضغط شغل
نرجس : وليش طافي موبايلك
ياسمين : خلص شحنو
منير : اذا بدك تتأخر اكتر من هيك ع الشغل معد في روحة
ياسمين : لا اخي بس اليوم
منير : بنشوف
...............
تاني يوم فاقت ياسمين بس ماراحت عالمعهد .. كان متأثرة بليلة مبارح .. دقتلا اريج وسألتا ليش ما اجت وهديك كمان ماراحت واجت مضت يومها عند ياسمين وصارت الساعةوحدة... قاموولبسو وراحو ع الاوتيل
ياسمين : شو رأيك نطلع نعتزر من رواد
اريج : ما مبارح اعتزرنا منو
ياسمين : انو بشكل رسمي شو رأيك
اريج : طيب شو ناخدو هدية
ياسمين : المشكلة شو ما اخدنالو بالنسبة الو رخيصة ..
اريج : هي امكانيتنا وبعدين مبين عليه محترم ومابفكر بهيك شغلات
ياسمين : طيب شو ناخدلو
اريج : لك تذكرت
ياسمين : شو
اريج : بعرف انا صديقو للبابا عندو شغلات انتيكا .. بجيبا بتراب المصاري وبيبعها ببلاوي زرقة .. وعطول بقلي اذا بدك شي تعالي خدي شومابدك ببلاش .. قومي نروح لعندو ونشتريلو شي هدية
ياسمين : بس ما نتأخر
اريج : لا تعالي محلو قريب..
راحو ع المحل وكانت فيه شغلات كتير حلوة .. بس ياسمين لفتت نظرخا ساعة رمليه مبينة فخمة كتير ..
ياسمين : عمو هي اشقد حقا
العم : عجبتك
ياسمين : كتير حلوة
العم : وهاد بدل على انك صاحبة زوق رفيع .. خديها مابدي حقا
ياسمين : بس مابصير هيك .. واكيد مانك جايبها ببلاش
العم ؛ خلص خديها هي هدية مني الك .. وكمان انتو اول مرة بتجو .
ياسمين : شكرا كتير الك
.......................
بالاوتيل
ياسمين جهزت قهوة واخدو معون الهدية .. وطلعو لعند رواد
دقو الباب
رواد : ادخل
دخلو وهو اول ماشافون قام وقف على رجليه
رواد : اهلا بالصبايا الحلوة
ياسمين : اسفين على الازعاج بس جينا نتشكر ع ليلة مبارح وجبنالك هدية
رواد : ليش معزبين حالكن
ياسمين : لا مافي عذاب ابدا .
قعدو شربو قهوة وصارو يدرشو مع بعض ويضحكو .. واكتشفو اديش رواد شخص قلبو طيب مانو مغرور ابدا .. وهو كمان اكتشف انون عفويات وكمان قلبون طيب
ياسمين : عن اذنك رواد بيك
رواد : بلاها هالبيك خلص نحنا متل الرفقة اندهيلي رواد بس
ياسمين: اوك .. بدك شي
رواد : لا الله يعطيكن العافية
طلعو .. وهو قعد ماكنو وانرسمت ابتسامة على وجهو ..
.........................
المسا خلصو دوام وطلعو من الباب ورواد شافون من مكتبو .. وقام بسرعة طلع قنينة البرفان وبخ على حالو ونزل فور .. هو ماعم يعرف شو بدو بالظبط بس هيك قلبو عم يقلو يتصرف
ركب سيارتو ووقف جنبون
رواد : شو مارح تركبو معي اليوم
ياسمين واريج صارو يضحكو
رواد : شو امشي
ياسمين : لا جاين
قربو مشان يركبو .. فتحت اريج الباب جنب رواد بس رواد بسرعة حكي : اريج خلي ياسمين تركب هون .. لانو على طول بتركب من ورا
اتطلعت اريج عليهن هنن الاتنين وضحكت ورجعت لورا ... واجت ياسمين ركبت جنبو .. حست بشعور غريب بس شعور حلو .. وخصوصا من ريحة عطرو يلي بتسحر مين ماشمها كانت معباي السيارة ..
ياسمين : رواد ممكن تأسرع شوي
رواد : ليش
ياسمين : بصراحة جوعانة
رواد : ليش ما اكلتي بالاوتيل
ياسمين :لا نسيت وبعدين هلق جعت
رواد : هههههه بربي دمك خفيف
ياسمين : والله ماني عم امزح
رواد : هههه عندك الجد مزح والمزح مزح
ياسمين : ما اهضمك
رواد : شو رأيكن نروح نتعشى بشي مكان
ياسمين : لا مابنقدر
رواد : ليش
ياسمين :مابصير .. وكمان مانك مجبورواصلا انا حاسي حالي عاملة شي غلط لانو ركبت معك
رواد : اف لهل الدرجة
ياسمين : اي واكتر .. نحنا متل مابقولو من بيئة محافظة وعنا كل حركة لازم تكون محسوبة غيرك انت
رواد : معك حق انا تربيت انو شو مابدي بيجي لعندي
ياسمين : وكمان انو مدير عم يوصل الخادمات حاسستها كبيرة
رواد : ليش عم تفكري فيها من هالناحية .. ليش مابتعتبرينا اصدقاء
ياسمين : اصدقاء ؟؟؟ حتى هي مو ظابطة
رواد : ليش من ايمت الصداقة بتعتمد على انو هاد معو وهاد ما معو .. احكيلك شي كلمة اريج
اريج : بصراحة انا تفكيري متل تفكير ياسمين .
رواد : بس بحياتي فكرت بهل الطريقة .. انا عنجد حابب كون صديقكن وعندي سبب
ياسمين : سبب؟؟ شو هو
رواد : بصراحة انا حياتي عبارة ناس اغنياء ومدراء اعمل وبزنس وناس كل هما المظاهر .. اما انتو اكتشفت فيكن شي حلو انو ماعنكن هيك اهتمامات نهائيا بتفكرو بشغلات تانية بحسها بتريح العقل ههههههه
ياسمين : ههههههه
رواد : شو قلتو بترجاكن انا بحاجتكن تكونو بحياتي .. وكمان مارح سببلكن مشاكل ابدا
اريج : خلص ولا يهمك انا من اليوم صديقتك
ياسمين : وانا كمان ... لك اهلين ابو الرود هههه
رواد : شو ام السوس انت بسرعة بتفوتي بالجو
ياسمين : ههههه هيك طبعي
رواد : لكن بكرا رح نطلع نتعشى ومابدي اي اعتراض
ياسمين: حبينا ابو الرود يا هيك الرفقة يابلا ماهيك اريج هههههه
اريج : هههههه اي والله ...
...................................
مر شهرين على صداقتون .. وياسمين واريج عيشوه جو من الجنون كانو ينبسطو كتير مع بعض وكل يوم يطلعو مشوار شي على حديقة الحيوانات .. ويوم ع الملاهي ويوم على مطعم شعبي ويوم يمشو بالزحمة بالاسواق الديقة .. ورواد خلال هالشهرين كان عايش بعالم تاني وناسي اهلو ورفقاتو وكان على طول مبسوط محدا يعرف شبو بس هو كان قلبو مايل لياسمين وبلش يحبا .. وياسمين كانت تلاحظ انو نظرات رواد غريبة بس ماكنت مفكرة انو حابب
...................................
بالاوتيل
دقت ياسمين وفاتت لعند رواد
رواد ابتسم وقال : اهلين با ام السوس
ياسمين : كيفك رواد اليوم
رواد : بشوفتك صرت منيح
ياسمين : المهم انا جاي قلك انو بدنا نطلع بكير اذا مافي مانع خبرت حمزة قلي اسألي رواد
رواد : ليش بدك تطلعي شوفي عنكن
ياسمين : بصراحة اريج قرايبنها عاملين عرس ورايحين نحضر بتعرف انت نحنا البنات بنحب هيك شغلات ههههههه وكمان بركي بلاقي شي عريس
رواد : عريس ؟؟
ياسمين : هههههه اي عريس شو رايحة انا لكن مشان شوف العروس .. رايحة بركي بلاقي فارس احلامي
انقهر كتير رواد وصار وجهو احمر
رواد : ياسمين بلا مزحك عنجد عم تحكي
ياسمين : اي والله جد ليش لحتى امزح واصلا كل البنات هيك بفكرو
رواد ؛ اي مافي روحة
ياسمين : عفوااا .. شويعني مافي روحة يعني مارح تخليني اطلع بكير
رواد : لا وكمان ع العرس مافي روحة
ياسمين : رواد انت سخنان صح انت رفيقي بس هاد الحق مابيسمحك تمشي اوامرك علي
رواد : لا انا ماني سخنان
ياسمين : لك شوفي ؟؟
رواد : خلص مافي شي معصب شوي من البيت .. خلص روحي
ياسمين : يس يلا سلام ..
طلعت ياسمين وهية فرحانة
رواد رما كل شي على الطاولة ع الارض وصار يصرخ ..: لك ايمت بدا تفهم ... لايمت بدا تضل مصغرا عقلا ... اوووف بس لا ياسمين مارح اسمحلك تكوني لغيري .. وانا اليوم رح اعترفلك بمشاعري .. لانو اذا ماقلتلا بحياتا مارح تحس ..
.....................................
بالبيت عند ياسمين
نرجس : لك شوماخدك على عرس مابتعرفيه
ياسمين : رايحة مع اريج
نرجس : لك ايمت بدك تكبري انتي
ياسمين : مارح اكبر هيك مبسوطة
نرجس : شوبدك تلبسي
ياسمين : هاد الفستان حلو ؟؟
نرجس : من وين جبتيه
ياسمين : استأجرتو من محل فساتين
نرجس : لونو عرس ابن عمك ما بتستأجريلو فستان
ياسمين : هههه لا مو هيك بس رايحة دور على عريس
نرجس : هههه لانو العريس مانو ناطر غير حضرتك .. ناطر الاميرة سندريلا
ياسمين : ههههههه دخيلو يلي دمو خفيف وانا عم قول لمين طالعة ..
نرجس : هههه الله يكبر عقلك
فاتت اختا روان
روان : اختي خديني معك
ياسمين : ليش بدك تروحي معي
روان : بدي عريس متلك
ياسمين ونرجس : هههههههههههههه
نرجس : لا ماما حتى تكبري باخدك انا يلا روحي نامي
ياسمين : ماما وين بابا واخي
نرجس : ابوكي بالقهوة اخوكي عند خطيبتو
ياسمين : اي منيح مشان ما اسمعلي كم محاضرة
......................
بالعرس
فاتت ياسمين واريج مع اهل اريج .. وكانت اريج وياسمين كتير حلوين ملفتين للانظار
ياسمين : اريج طالعة حلوة ؟؟
اريج : بتفلجي .. وانا
ياسمين : بتجنني قمر ..
صار تلفون ياسمين يرن
اريج : مين
ياسمين : رواد
اريج : شو بدو
ياسمين : مابعرف .. بس ماني رادة عليه
قعدو على طاولة .. اجا شب حلوة طولو وسط قرب لعندن ..
الشب لاريج : ممكن تسمحيلي بهل الرقصة
اريج اتلبكت واتطلعت على امها وامها هزت براسا بالموافقة ..
قامت اريج وصارت ترقص معو وياسمين صارت تراقبون وتبتسم
الشب : انا اسمي موسى عمري ٢٧ دارس هندسة اتصالات ومن اول مافتي على الصالة دخلتي قلبي
اريج : هههه بهل السرعة
الشب : اي بهل السرعة .. عرفيني عن حالك
اريج : اريج عمري ٢٢ عم ادرس معهد حاسوب ومعلوماتية .
.....................
ياسمين عم تحكي حالا : معقول مالفتت انتباه حدا لهلق ... ييي بس مايكون مكياجي مو ظابط انا قايمة شوفو
راحت ع الحمام ووقفت قدام المراي
ياسمين : والله متل القمر ..
اجا صوت من وراها : قمر وبجنن
التفتت وكان شب اول مرة بتشوفو
ياسمين : مين حضرتك
الشب : حبيبك
ياسمين : ههههه واثق من حالك
الشب : كتير
ياسمين : اي بعد عن طريقي
الشب قرب منها وحاول يحضنا
ياسمين رجعت لورا وصرخت بوجهو : انت شو عم تعمل
الشب : متل اي تنين بقابلو بعضن بالحمام
ياسمين : انت واحد قليل ادب .. بعد عن طريقي
الشب : ليش انتي جاي لهون مو مشان قلة الادب
ياسمين : بعد طريقي احسن ماتشوف شي مابيعجبك
الشب : ههههه وشو ممكن تعملي
وصار يقرب منها وهية ترجع .. لحتى دقت بالمغسلة
قرب الشب منها وحاوطها بأديه وصار بدو يبوسا .. هية عم تحاول تفلت منو قام لمحت العلبة يلي حاطين فيها محارم هية مصنوعة من السيراميك .. سحبتا بسرعة وضربو على راسو وبلش هالدم ينزل متل النافورة ... وهية لما شافت هيك .. رمت العلبة وهربت .. وماشافت حالا غير صارت برات الصالة
ياسمين : ياربي .. ياربي .. انا لازم اهرب . ياربي واريج .. لك وين بدي روح .. الله يلعنو ..
مسكت التلفون وصارت تدق لاريج بس ماترد يمكن من صوت الموسيقى
ياسمين : ياربي وين بدي روح .. مافي ولا تاكسي كمان .. ومافيني ارجع ع الحفلة والله بتبهدل ..
سمعت صوت الشب طلع ويصيح من وجعو
ركضت وهربت .. وتخبت ورا شجرة قريبة وصارت تبكي .. هو طلع ماسك راسو وصار يتلفت حاوليه مالقاها .
الشب : انا بفرجيكي يابنت الكلب ..
قاعدة تحت الشجرة بالعتمة وعم ترجف من الخوف
وصار تلفون يرن وكان رواد
ردت فورا : رواد ... رواد .. مشان الله الحقني
رواد : ياسمين خير شبك شو صاير معك ووين انتي
ياسمين : انا بالعرس .. بصالة الجنة .. مشان الله تعال خدني ..
رواد : لك ليش هيك صوتك مين دايقك
ياسمين : لك تعال بسرعة هلق بلاقيني
رواد : مين هو ؟؟ لك شوفي
رواد : ياسمين .. ياسمين ..
واتسكر الخط ..
طلع رواد بسرعة .. وهو مانو شايف قدامو .. ركب سيارتو وساق بسرعة مليون ... وعم ترن بأدنو كلمة هلق بلاقيني
وصل عمكان الصالة ونزل وصار يدور حول حالو
رواد : ياااااسمين
وفجأة شاف ياسمين عم تركض اتجاهو
ياسمين : راود بسرعة دور السيارة خلينا نروح من هون
رواد : لك شوفي جننتيني
ياسمين : اركاب .. اركاب
ركب وهية ركبت جنبو وساق بسرعة
رواد : لك شبك جننتيني
ياسمين حطت ايدا على صدرا واتنهتدت
ياسمين : الله لايوفقو ..
رواد : مين هو
ياسمين : واحد فلتان .. لحقني ع الحمام وصار بدو يتحرش فيني
شحط فرام رواد واتطلع عليها : ايييي وشو عملتي
ياسمين : ضربتو على راسو بعلبة المحارمة وصار يطلع من راسو دم وانا هربت
رواد ضرب على الدركسيون : الواطي الحقير .. لك انا ماقلتلك لاتروحي
ياسمين : وانا شو عرفني انو رح يصير هيك
رواد : وينا اريج
ياسمين : مابعرف تركتا بالصالة
رواد : هههههههههه
ياسمين : ليش عم تضحك
رواد : ما انتي جيتي مشان تلاقي عريس .. وهي النتائج
ياسمين : لك انا حظي زفت .. شكلي رح عنس
رواد : ههههه والله جدبا
ياسمين : ياربي شو اعمل هلق راح علي العرس وهو كان بأولو
رواد : شو رأيك اخدك مشوار حلو
ياسمين : اممممم ... اي ليش لأ
رواد : لكن اربطي الحزام .. لانو بدي اسرع
ياسمين : بحب كتير السواقة الجنونية
رواد : اي يلا
مدت ايدها وصارت تسحب الحزام بس ماكان ينسحب معا
ياسمين : شكلو معلق
رواد : لك مافي غير عقلك يلي معلق .. بس شديه
ياسمين : لك عم شدو .. والله معلق
رواد : اوووف منك .. بعدي هيك لشوفو
رجعت لورا وهو قرب منها وصار كتير قريب منها .. وخجلت من قربو منها .. وصارت تشم ريحت عطرو عن قرب .. ريحتها اجمل ...
سحبو وحطلا اياه
اتطلع فيها كانت صفنانة فيه .. وهو كمان صفن بعيونا
لحظة صمت
مد ايدو وبعدلا شعراتا عن خدا .. وصار يتنفس من نفسها الدافي .. وهية حست حركتها انشلت بدا تحكي وتقلو بعد بس ماعم يطلع معها الكلام .. وحست حالا عاجزة .. وهو صار يتطلع على شفافها الحمر .. ويتطلع بعيونا .. وهية صدرا عم يطلع وينزل من قوة انفاسها .. وايدو عم تلعب بشعرا ..
ياسمين طلعت منها كلمة بالغصب وقالت : ر..و..ا.د
وهو فجأة قرب وباسها على شفافها ..............
................
دفشتو بسرعة وبعدتو عنها ..
ياسمين : لك انت شو عم تعمل ..

يتبع .....
 
#اتعبني_حبك
#بقلم_مريم_اليوسف

#الجزء_الرابع

ياسمين : انت شو عم تعمل
رواد : ياسمين اسف
ياسمين : لك ماخجلت من حالك ... لك كيف هيك عملت عأساس انا رفيقتك ... هيك الواحد بيعمل مع رفيقتو
رواد : ياسمين انا
ياسمين: لك انت شو .. طلعت متل هاد يلي شفتو بالعرس .. بتهمكن الشغلات الجنسية بس
رواد : ياسمين بكفي ... انا عملت هيك لانو قلبي هو يلي بدو
ياسمين : قلبك عم يقلك بوس رفيقتك
رواد : لا قلبي عم يقلي بوس حبيبتك .
ياسمين : شووووو
رواد : اي ياسمين انا حبيبتك .. بحبك .. بحبك ياسمين
ياسمين : .........
رواد : لك انا مابس بحبك انا بعش الارض يلي بتمشي عليها .. اي انا بعشقك وبحبك وبموت بغرامك ... من زمان عم لملحك بس انتي مانك حاسة
ياسمين متفاجئة ومنصدمة بنفس الوقت
رواد مسكلا ايدا وقربها من صدرو وحطا على قلبو
رواد : ياسمين اسمعي دقات قلبي اسمعي اشقد عم يدقو بسرعة ...
سحبت ايدا ونزلت من السيارة بدون ماتحكي ولا كلمة
نزل رواد وراها
رواد : ياسمين ... ياسمين ...ع وين رايحة
ياسمين : مادخلك ولا تلحقني
رواد : ياسمين وقفي .... ياااااااااسمييين بحببببببك
ما ردت وضلت مكملة .. وهو لحقا ومسكا من ايدا .
ياسمين : رواد تركني
رواد : ليش هيك عملتي ... انا اعترفتلك بمشراعي ليش هيك ردت فعلك
ياسمين : شو بدك مني لكن قوم ضمك ولا بوسك نفس البوسة .. ياخسارة كنت معتبرتك صديق طلع تفكيرك كتير وسخ
رواد : انا تفكيري وسخ
ياسمين : اي وسخ وكتير كمان .. دخلت حياتي عأساس صداقة واليوم عم تقول حب وبكرا بتاخد مني يلي بدك اياه وبعدين بترميني
رواد : انااا!!!!
ياسمين : اي حضرتك .. بحب قلك يا استاذ رواد انو انا بعرف كل شي عنك وانك كل يوم من بنت لبنت بس انا مادخلني هي حياتك وانت حر فيها .. اما توصل معك انك تستغلني .. هيك مابسمحلك
رواد : صح انا من بنت لبنت .. بس انا قطعت كل علاقاتي من لما دق قلبي الك ... وكمان انا مستحيل استغلك انتي حبيبتي ورح اتزوجك
ياسمين : هههههههه تتزوجني .. مشان الله حاج تكذب خلص كل شي صار واضح
رواد : ياسمين ليش عم تكذبي مشاعري
ياسمين : لانو مافي مشاعر من اصلو... عن اذنك
رواد : وقفي .. خليني وصلك ع القليلة
ياسمين : هههه ماحزرت
مرت تاكسي وقفتا وراحت ركبت فيها ... ورواد واقف مكانو مانو عرفان شو يتصرف
وصار يصرخ بأعلى صوتو : ياااااااااااسمين بحبببببببك
هية التفتت عليه وصارت تتفرج عليه كيف عم يصرخ بس في جواتا عم يمنعا تصدقو
وصلت ياسمين ع البيت ودقتلا اريج عم تسألا وينا وقالتلا كلشي صار
اريج: مظبوط حكيك لقو واحد بالصالة مغمى عليه وعم بنزف من راسو
ياسمين: حدو الجهنم .. الله لايقيمو
اريج : المهم انا مبسوطة كتير
ياسمين عم تحكي وعقلا مو معا : من شو مبسوطة
اريج : لك الشب يلي كمت ارقص معو
ياسمين : اااه صح مين هاد
اريج : قال اسمو موسى وعمرو ٢٧
ياسمين : من الاخير شو بدو
اريج : قال عجبتو وبدو يبعت اهلو يخطبوني ..
ياسمين : بهل السرعة
اريج : بنتعرف على بعض بالخطبة
ياسمين : اي منيح
اريج : ليش حاسستك ما انبسطيلي
ياسمين : انا لا بالعكس
اريج : شو صاير معك
ياسمين بدون مقدمات قالت : رواد باسني
اريج : شووووووو ... رواد باسك كيف وايمت
ياسمين : لما هربت من الصالة اتصلت فيه واجا اخدني وانا معو بالسيارة قرب مني وباسني
اريج : انو باسك باسك ؟؟
ياسمين : انو اي باسني باسني
اريج : وانت شو عملتي
ياسمين : بسرعة دفشتو عني وصرت اصرخ عليه
اريج : العما ما اندلو
ياسمين : قال هو بحبني
اريج : عنجد؟؟
ياسمين : لك من كل عقلك عم تسألي لك هاد واحد فلتان مابهمو غير يتسلا هاد بدو يعرف يحب
اريج : طيب وبركي كلامو صح
ياسمين : لا لا مابظن
اريج : ليش مابتظني شو ماعندو قلب يدق ... وبركي الرجل نيتو صافية
ياسمين : معقول
اريج : اي معقول .. لازم نسمعو
ياسمين : حتى لو كان بحبني انا وين وهو وين
اريج : لو بفكر هيك ماكان حبك
ياسمين : لسه بتقلي حبك ..
اريج : بصراحة انا من زمان ملاحظة عليه انو بتطلع عليكي نظرات غريبة ومبينة نظرات اعجاب
ياسمين : واذا عنجد انا شو اعمل
اريج : حبيه .. لك رواد شب بجنن اختو بتحبو .. وبصراحة انا اول ما تعرفت عليه انعجبت فيه بس لقيتو ما معبرني فشلت عيني عنو
ياسمين : .........
اريج : شبك ساكتة مابدا تفكير حتى انتي يمكن بتحبيه بس مابتعرفي
ياسمين : كيف يعني
اريج : اممممم ... هلق هو كيف باسك
ياسمين : كيف يعني
اريج : انو ليش باسك كيف قرب منك
ياسمين : كان عم يعمل الحزام للكرسي تبعي .. ولما قرب مني صار يتطلع بعيوني .. وقرب وباسني
اريج : وانتي شو كان شعورك
ياسمين : كنت حاسي حالي انشليت وبدي امنعو بس ماقدرت لبعد ماباسني صحيت على حالي
اريج : وكل هاد وبتقوليلي مابتحبيه .. اذا من نظرة استسلمتي
ياسمين : يعني انا بحبو لرواد
اريج : احتمال كبير ... انتي عطي قلبك مجال مشان يقدر يقرر ... يا سلام انا وانتي بنتزوج مع بعض
ياسمين : هههههه هاد يلي هامك يلا تصبحي على خير
اريج : وانتي بخير
سكرت ياسمين ونامت على التخت وغمضت عيونا وصار يطلع قداما المشهد وهو عم يقرب منها .. فتحت عيونا وقامت وقفت على المراي وصارت تتطلع على حالا ... وصارت تفكر كيف كانو يقضو اوقاتن مع بعض وكيف كانو مبسوطين مع بعض .. وصارت تتذكر شغلات كانت مفكرتها عفوية .. مرة مسكلا ايدها ومرة كانو بالسنيما وكيف يطعيمها البوشار بأيدو وماكان يطعمي اريج .. وكيف يطلب منها تركب جنبو على طول .. وكيف على طول كان يدقلا ويكون سبب تافه ... وكيف يتدخل بحياتا ..
ياسمين : معقول ماكنت متبهة انو كان مهتم فيني .. طيب كيف هيك .. ليش ما انتبهت عليه ... العما ما اغباني
...................
رواد دخل ع البيت وهو سكران .. وضل مكمل ع غرفتو .. وامو لحقتو
جمانة : رواد ليش متأخر .. وليش هيك شكلك
رواد : ماما تركيني ماني طايق حالي
جمانة : شبك ياعمري مين مدايقك
رواد : بحبا ... بحبا ..
جمانة : مين هية
رواد : صارحتا بحبي قال انا كذاب وبدي استغلا.
جمانة : شو عم يصير معك ومين هي
رواد رما حالو على التخت وبسرعة غفي
جمانة : ياربي شو صاير مع هالولد .. منيح ماشافو ابوه
.....................
تاني يوم بالمعهد
اريج : شو ناوي تعملي اليوم
ياسمين : مابعرف
اريج : بنروح وبنسألو اذا مشاعرو حقيقية
ياسمين : بلله وكيف بدنا نتأكد انو عم يحكي صح
اريج : قوليلو روح اتعرف على اهلي واذا قبل بكون بحبك واذا لا وصار يلاقي حجج بكون كذاب
خلصو دوام وطلعو ..
عباب المعهد واقف رواد وساند حالو على سيارتو
لما شافون قرب اتجاهون
رواد وعيونو على ياسمين : كيفكن صبايا
ياسمين واريج : الحمد لله
رواد : ياسمين
ياسمين : نعم
رواد : بحبك
ياسمين لما سمعتا حست بشعور حلو مشي بجسما ودقات قلبا علو واتذكرت لما قالتلا اريج عطي قلبك مجال
رواد : ياسمين بحبك
اريج : رواد
رواد : اريج بليز لاتتدخلي ... ياسمين سمعتيني
اريج : رواد اسمحلي احكي .. بس انت عم تقول لياسمين بحبك شو ناطر منها مثلا ترد عليك
رواد : مابعرف .. اي شي المهم ماترفض حبي
ياسمين : رواد انا مبارح فكرت كتير منيح وحسيت في اشياء مشتركة وممكن نكون ثنائي حلو بس بدي اتأكد اذا مشاعرك صادقة ومارح تضحك علي
رواد ابتسم وقرب منها وصار يتطلع بعيونا بكل حب : رح اكدلك انو مشاعري صادقة لما روح اخطبك
ياسمين : طيب ماشي .. انا رح اعطيك واعطي لقلبي مجال مشان حبك
رواد : ههههه لك يسعدو وبأكدلك انك رح تحبني
ياسمين : واثق من حالك كتير
رواد : اطلعي فيني منيح
ياسمين : وهي اتطلعت شوفي
رواد : ع الزمة مابنحب انا
خجلت ونزلت عيونا وصارت تضحك
رواد : فيني اعتبر السكوت علامت الرضا ..
ياسمين : ههههههه
رواد : يلا تعالولوصلكن
راح ليركبو معو .. وهنن عم يركبو اجاها لاريج اتصال بعدت عن السيارة وردت
اريج : اهلا مين ؟؟..... موسى اهلا موسى شو اخبارك ..... بكرا بكرا .... اي اهلا وسهلا بتشرفو بأي وقت
.......................
رواد : ياريت تطول هالمكالمة
ياسمين وهية خجلانة : ليش بقا
قرب رواد وباسا على خدا وقال : ومشان اخد بوسة من هالتفاحة
ياسمين : رواد والله اذا بتعيدا لاتحلم تشوف صورة وجهي
رواد : خلص خلص اسف وحياتك عندي معد عيدها بس ارضي علي
ياسمين : من وين متعلم هالكلام الحلو
رواد : من الحلو يلي قدامي
ياسمين : جهز حالك اليوم
رواد : ليش شوفي
ياسمين : بدي عرفك على اهلي لانو انا مابخبي عنون شي
رواد : يا سلام يعني رح اتعرف على بيت حماي اليوم
ياسمين : لسه ماصارو
رواد : بس رح يصيرو ... اااه صح يعني اهلك ماعندون مانع بهيك ارتباط
ياسمين : لا لان بيعرفو شو مرباين
اجت اريج
ياسمين : شو اريج مين كان ع الخط
اريج : موسى قال بدو يجيب اهلو اليوم لعنا
رواد : لحظة مين موسى
ياسمين : شب حلو شافتو مبارح بالعرس ...
رواد : هههه الله يهنيكي
اريج : تسلم
ياسمين : صح اريج انا نسيت اسألك شو صار مع هاد يلي ضربتو
اريج : لك طلع سكران ولما فيقوه ما اتذكر شي وماحدا عرف مين ضربو
ياسمين : ااااوف الحمد لله
................
مر شهر وخلال هالشهر ياسمين عرفت رواد على اهلا وطبعا اهلا من نوع بيعرفو بنتون كيف مرباي وبيوثقو فيها وبقراراتا واريج انخطبت هية وموسى واتحدد عرسون بعد يومين وكمان اريج وياسمين خلصو المعهد لانو اخر الشي كانو عم يقدمو امتحانات
واهم الشي انو ياسمين طلعت بتحب رواد عنجد
وكمان ياسمين واريج تركتو الشغل
.....................
ياسمين مع اريج بالسوق
ياسمين : والله ماني مصدقة انو بعد يومين عرسك
اريج : ليش انا يلي مصدقا .. بس قال مستعجل مشان شغلو يلي بالخليج
ياسمين : يعني معد شوفك بعد الزواج
اريج : للاسف زيارتي قليلة بس لاتاكلي هم رح نضل على تواصل
ياسمين : والله رح اشتقلك
اريج دمعو عيونا : مشان الله حاج تذكريني والله ببطل اتزوج
ياسمين مسحتلا دموعا وضحكت وقالت :لا شو تبطلي نحنا صدقنا نلاقي عريس
اريج : هههه دخيل روحك
.........................
رواد واقف على المراي عم يظبط حالو وفتح تلفون على مهند
رواد : كيفك ياشريك
مهند : تمام .. انت كيفك وكيفا حبيبت القلب معك
رواد : بتجنن مافي منها بنت تانية على الكرة الارضية
اموكانت جاي لعندو ووقفت تسمع شو عم يحكي
مهند : اي منيح سلملي عليها وعلى امك
رواد : الله يسلمك
سكر وفاتت امو
جمانة : كيفك حبيبي
رواد : غير شكل
جمانة : مين هي البنت يلي كنت عم تحكي عنا لمهند
رواد : هي كنتك المستقبلية
جمانة : عنجد .. الف مبروك ياعمري واخيرا قررت تتزوج وتستقر
رواد : هههه اي واخير
جمانة : ومين هية وبنت مين بتكون
رواد : بعد انهارين بتشوفيها وبعرفك عليها
جمانة : الله يهنيك ياقلبي
رواد : احلا ام بالعالم
نزل رواد وراح ع السوق مشان يشوف حبيبتو
.........................
واتقابلو وكمان اجا موسى وراحو يتغدوا بمطعم
موسى : يلا رواد شد همتك انت وياسمين
رواد : بكير علينا
ياسمين : وليش بكير
رواد : لانو ناطر انا شغلة ولهلق ماعطيتيني اياه
ياسمين : مني انا
رواد : اي منك
ياسمين : شو هي
رواد : اريج اسمعتي ياسمين شي مرة قالتلي بحبك
اريج : بصراحة لا
رواد : شايفة حتى رفيقتك بتشهد .. وانا قبل ما اسمع هالكلمة ماني محدد موعد العرس لانو انا مستحيل اتزوج وحدة مابتحبني
ياسمين : بس والله على طول عم حاول قولا بس عم لاقيها صعبة
رواد مسك ايدها واتطلع بعيونا وقال : بنطرك العمر الكلو المهم تقوليها بصدق وماتقوليها مجاملة
موسى : احم احم نحن هنا
رواد : شو رأيك تاخد خطيبتك وتقعدو لحالكن
اريج : ههههه لا ماحزرتو
.............................
يوم العرس
اريج بالصالون وياسمين واقفة جنبا عم تتطلع عليها وقلبا حاسيتو رح يطلع من مكانو من كتر الزعل على رفيقتا لانو بعد هالليلة معد تشوفا لمدة اشهر او اكتر
ونزلت دمعة من عينا
اريج شافتا وقالت : ياسمين مشان الله حاج تبكي والله انا قلبي رح يفرط لاتخليني ابكي وانزع الميكب
ياسمين حكت مع غصا : والله ياعمري دموع الفرح
اجا العريس اخد العروس ع الصالة .. واجا رواد كمان اخد ياسمين
رواد : شو مخربيط بالعروس
ياسمين : مافهمت
رواد : يعني ظبطوكي بدل العروس
ياسمين : هههه لا ليش
رواد : قال ليش لك طالعة احلا من القمر
ياسمين : خلص رورو عم تخجلني
رواد : دخيل كلمة رورو ما اجملا طالعة من تمك
ياسمين : رواد اليوم بدي اعترفلك بشي
رواد : شو هو
ياسمين : ونحنا عم نرقص مع بعض بقول
رواد : يعني اخيرا رح اسمعا وتبرديلي قلبي
ياسمين مع ابتسامة : اي
رواد : لك دخيل روحك .. بتسمحيلي اسرق بوسة صغيرة
باسمين : لا
رواد : صغيري كتييير
ياسمين : لأ ولا شوي
بسيطة يا ياسمين ما رح نجتمع انا واياكي ببيت واحد بفرجيكي
ياسمين : ههههه اي لوقتا فرج ورحمة
وصلو ع الصالة ودخلو العرسان ومعون رواد وياسمين
وراح رواد سلم على اهلا لياسمين وقعد معون هو وياسمين
منير : عقبالك صهر
رواد : قريبا جدا .. مبارح حكيت مع اهلي ومو ناقص غير عرفون على ياسمينة قلبي ونجي نطلبا
ابو منير : الله يقدم يلي فيه الخير
وقامو العرسان يرقصو بعدين ولما خلصو قامو المعازيم يرقصو
رواد : عمي تسمحلي ارقص مع ياسمين
ابو منير : اي بسمحلك يلا قومو فرجونا رقصكن الحلو
وقامت ياسمين ورواد يرقصو سلو
رواد عم يهمس بأدنا : يلا قوليها
ياسمين : شو هي
رواد : لا تجننيني انا رح موت مشان اسمع هالكلمة يلا قوليها
ياسمين : اي كلمة
رواد : ياسمين لا تجننيني قوليلي بحبك
ياسمين : رواد ... بحبببببك
رواد : شو قلتي
ياسمين : بحببببببك
رواد : ما سمعت
ياسمين : بحبببببببك
رواد : عيدها
ياسمين : روااااد
رواد : بدي اسمعا منيح مشان حسا فاتت على قلبي
ياسمين : يعني ماني عم تسمعا منيح
رواد : لا
ياسمين: طيب ماشي رح خليكي تسمع ع المظبوط .. تركتو مشت
رواد : ياسمين .. ياسمين ع وين رايحة
ما ردت عليه وضلت مكملة
رواد : بس ماتكون زعلت
قربت ياسمين من الديجي وطلبت منو المايك ووقفت الاغاني والكل صار يتطلع ببعضو
ياسمين طلعت وبأيدا المايك ووقفت بنص الصالة وقال بصوت عالي : روااااااد بحباااااااااااك
واقف هو وعم يطلع فيها ويتبسم
ياسمين : شو اسمعتا
رواد رفع بحواجبو
ياسمين : ههههههه لك بحبك بحبك
رفع ايدو وصار يلعب بشعراتو وهو شبه خجلان ومعجب بتصرفها .. اتطلع على عمو .. وعمو ابتسملو .. وراح ركض لعند ياسمين حملا وصار يدور فيها
رواد : بحبببببك
والكل صار يسفقلون ..
واجا وقت ترمي العروس باقة الورد .. ووقف البنات وراها ومن بيناتون ياسمين .. ورمت اريج الباقة وياسمين كانت متأكدة انو رح تجي معها .. بس اجت بأيد وحدة تانية .. وياسمين حست بشعور مو حلو ..حس عليها رواد انها انقهرت وقرب منها وقال رح تنزوج لاتصدقي هي الخرافات ..
ياسمين : بس بقولو
رواد : بقولو انو رواد وياسمين رح يتزوجو
وخلصت الحفلة وكان الكل مبسوط بياسمين ورواد واريج وموسى
ودعت ياسمين اريج وهية عم تبكي
ياسمين : رح اشتقلك
اريج : وانا كمان ...
ياسمين : افترقنا وكل واحد رح يكمل حياتو مع شريكو
اريج : هيك القدر
ياسمين : موسى انتبه عليها وحطا بعيونك اريج كتير غالية
موسى : مو بس بعيوني وبقلبي كمان
اريج : وانت رواد انتبه عليها واتحمل جنانا وعوضها غيابي
رواد : من عيوني .. بس خلصونا انا ماسك دموعي بالزور
ياسمين مسحت دموعا وقالت : هاه خلص يلا روحو ياعرسان وانبسطو ولاتخلو شي يعكر عليكن حياتكن
سحب موسى اريج من ايدا وراحو ... وياسمين فرطت من البكي وضمت رواد وصارت تبكي على صدرو
.......................
بعد يومين
رواد : يلا ياسمين استعجلي شوي
اجت وركبت جنبو بالسيارة : لك شوفي
رواد : مابدي اتأخر على امي وكمان كل العيلة مجتمعا بدا تتعرف عليكي
ياسمين : يا الله بس انا بخجل
رواد : لاتخجلي انتي حبيبتي وانتي يلي رح تصيري الكل بالكل
................
بالبيت مجتمعة عيلة رواد
جمانة : ياترى بنت مين .. معقول بنت ابو ايهم .. ولا بنت ابو الورد ..
ابو رواد : والله مابعرف قال مفاجئة
جمانة : زياد انت مابتعرفا
زياد : لا يامرت عمو اصلا رواد مابيحكيلي شي
دخل رواد وايد بأيد ياسمين .. ومبتسمين
الكل وقف وانصدم .. واكتر واحد زياد
جمانة همست لزياد مين هي
زياد : مرت عمو هي كانت تشتغل بالاوتيل عاملة تنضيف
جمانة : شووووووووو
زياد.: مرت عمو اهدى .. مو وقتو هالحكي
جمانة سكت والنار عم تغلي جواتا وصل رواد طبعا من الباب للصالة في مسافة
رواد : مرحبا
الكل : اهلا وسهلا
رواد وهو مبسوط: ماما بابا هي ياسمين حبيبتي .... حبي هي ماما .. بابا .. زياد بتعرفيه
قربت ياسمين لتسلم على امو ... وجمانة سلمت عليها بقرف وهية لاحظت هالشي بس مابينت لرواد انها انقهرت من شي .. خلص اللقاء وياسمين قلبا ابدا مانو مطمن .. وطلع رواد يوصل ياسمين
جمانة : شايف ابنك جايبلنا خدامة ع البيت
ابو رواد : اهدي مابدا كل هاد
جمانة : مابخليه يتزوجا ولو على جثتي
ابو رواد : وانا كمان معك .. بس اذا وقفنا بوجهو يمكن يختارا ويتركنا
جمانة : شو لازم نعمل
ابو رواد: لازم نوقف حدو ونعمل حالنا فرحانين على فرحو .. وانا بطريقتي رح طفشا لهي الخدامة .. شوبدا تقول عنا العالم رواد ابن ابو رواد متزوج خدامة ههههه
زياد واقف عم يتسمع وماحكي ولا كلمة

يتبع ......
 
اتعبني_حبك
بقلم_مريم_اليوسف

#الجزء_الخامس

تاني يوم ياسمين نايمة بتفيق على صوت موبايلا .. بتلاقي رقم غريب ..
ياسمين : الو
المتصل : مرحبا معك ابو رواد
ياسمين : اهلين عمو
ابو رواد : تعالي اليوم الساعة عشرة ع الشركة
ياسمين : خير عمو في شي
ابو رواد : تعالي وبنحكي .. بس لاتجيبي خبر لرواد
ياسمين : طيب فهوني شوفي
ابو رواد : بصراحة في مشكلة صغيرة بتخص رواد ومابدنا اياه يعرف .. يعني الشغلة لمصلحت رواد
ياسمين : طيب ماشي .. رح اجي
...............
الساعة عشرة دخلت ياسمين ع الشركة وهية عم تتلفت حوليها ... سألت على مكتب ابو رواد ودلوها .. وصلت لعند السكرتيرة ودخلتا فورا ..
فاتت لعندو ع المكتب وكان ابو وام رواد
جمانة حكتا بقرف : اقعدي هون
قعدت ياسمين وهية كتير متوترة
جمانة : اشقد بدك لحتى تتركي ابني بحالو
ياسمين : مافهمت عن شو عم تحكي
جمانة : كلامي واضح اشقد بدك مصاري لحتى تطلعي من حيات ابني
ياسمين : مصاري ؟؟
ابو رواد : اي مصاري ليش ما انت وقعتيه بحبك مشان المصاري
ياسمين : لا انتو فهمانين غلط انا ابدا ما طمعت بالمصاري انا حبيت رواد من كل قلبي
جمانة : ههههه رح تخليني صدق ... انا كل كلامك الفاضي مابهمني اشقد بدك لتتركي ابني
ياسمين : انا بكنوز الدنيا مابفرط بحبي لرواد
ابو رواد : مليون ..... مليونين ... تلاتة ... اربعة
ياسمين : ولا ميت مليون
جمانة : خمسة مليون مافي غيرون شو رأيك
ياسمين وقفت وقالت : رواد اغلى من هيك بكتير وبمال الدنيا مابفرط فيه
ابو رواد : اقعدي لسه ماخلصنا حديثنا
ياسمين : انا الموضوع عندي منتهي
مسك ابو رواد الرمونت وشغل شاشة وبيطلع فيها اخوها منير مربط ومحطوط على راسو مسدس
ياسمين : منييييير
ابو رواد : رصاصة وحدة وبكون اخوكي خالص ...
ياسمين : لك شوبدكن من اخي اتركوه ..
جمانة : بنترك اخوكي على شرط تنهي كلشي بينك وبين رواد
ياسمين : بدي منير .. اتركو اخي
صرخ ابو رواد: اخرسي وافهمي
ياسمين : موافقة بس تركو اخي
جمانة : وعد
ياسمين : والله وعد
ابو رواد : رح نترك اخوكي .. بس اتأكدي انو اذا خبرت انو رواد رجعلك او عرف انو نحنا ورا هابشغلة صدقيني مارح اتردد بقتل اخوكي او اي حدا من عيلتك
ياسمين : خلص والله من اليوم بتعتبرو كلشي انتهى بيني وبينو
جمانة : شطورة ..
ابو رواد : روحي ع بيتك بتلاقي اخوكي ناطرك
مشت ياسمين ودموعا على خدا .. مسكتلا جمانة ايدها ووقفتا
اتطلعت عليها ياسمين وقالت : شو لسه فيه
جمانة فتحتلا ايدا وحطتلا رزمة مصاري بأيدها .. مسكتون ياسمين واتطلعت فيهن وابتسمت ابتسامة باردة ورمتو بوجها : هه انا مابحاجتكن .. تتنهو انتو ومصاريكن
طلعت وهية عم تبكي ... وراحت ع البيت فورا .. اول ماوصلت فتحت الباب وفاتت .. كانت اما وابوها قاعدين جنب منير يلي وجهو اصفر ..
قام ابوها لما شافا وضربا كف وقعت ع الارض
ياسمين وهية عم تبكي : بابا ليش
ابوها : اخوكي كان رح يموت بسببك وبسبب حبك .. ليش ما من الاول قلك انو اهلو مابدون اياكي ..
ياسمين : والله ماكنت بعرف .. لو بعرف انو الامور لح توصل لهون والله ماكنت حبيتو من اصلو
ابوها : هلق بتنهي كلشي معو
ياسمين : حاضر ... متل مابدك .. بس خليني اطمن على منير
منير : تعالي اختي انا بخير ..
قامت ياسمين ملهوفة وصارت تبوس اخوها وتعتزر منو
ياسمين : اسفة .. سامحني .. سامحني
منير : ولا يهمك .. مرقت على خير
ياسمين : شوقالولك
منير : قال نبه على اختك اذا لسه بتقرب من رواد رح تكون انت الضحية .. وقال هنن مابهون وقاتلين عالم كتير قبلي وعندون القتل متل شربت المي
نرجس وهي عم تبكي : الحمد لله على سلامتك ياماما
....................
ياسمين دقت لرواد
رواد : كيفو عمري
ياسمين : رواد نحنا كلشي بينا انتهى وعلى هالرقم لاتتصل وبتنسى وحدة اسما ياسمين
رواد : هههههه شو هي مزحة جديدة
ياسمين : انا ماني عم امزح .. وياريت تستوعب الكلام منيح
رواد : لك شو عم يصير معك انتي اكيد جنيتي
ياسمين : لا ابدا بكامل قواي ... رواد انا مابحبك .. نحنا لازم ننفصل
رواد : ياسمين ليش هيك عم تحكي
ياسمين : مشان الله افهام انا بكرهك ونحنا مالبعض .
وسكرت التلفون وفرطت من البكي
ياسمين : اااااااااااااه ياقلبي ... اااااااااااه
...............
رواد الدم صار يغلي بعروقو .. ونزل فورا .. وراح على بيت اهلا ..
دق الباب وفتحلو ابوها
ابومنير : خير شوبدك
رواد : عمي ليش هيك عم تحكي معي
ابو منير : هيك .. ويلا روح ولاتفرجينا وجهك هون مرة تانية
رواد : لك فهوني شو صايرلك ... يااااسمين .. يا ياااسمين ... وينك ..
ابو منير : روح من هون ياسمين مابدا تشوف حدا
رواد : بدي احكي معا ... بترجاك ..
ابو منير : وهية وصتنا انو مابدا تشوفك .. يلا يا ابني روح من هون
رواد : ماني رايح لحتى افهم
ابو منير : لا حول ولا قوة الا بالله العلي العظيم ..
دفشو لبرا وسكر الباب بوجهو .. وصار رواد يدق ع الباب متل المجنون ..
رواد : لك افتحوووو ... يااااسمين ... عموووو ... لك افتحو
هو عم يعيط برا وهية فارط قلبا من البكي جوا ..
وضل يدق اكتر من ربع ساعة ومحدا فتحلو ..
نزل على السيارة وحمل التلفون وصار يدق لياسمين ويطلع خارج التغطية ..
رواد صار يضرب على السيارة وكان راسو رح ينفجر بدو يعرف شو هالتغير المفاجئ .. وصار يعيط بالشارع
رواد : يااااااسمين بحبببببببك .... بحببببببك يااااااسمين ... ياعمي والله بحبا لبنتك ... قولولي شو عملت لحتى عملتو معي هيك ..
كلون واقفين على الشباك وعم يتفرجو على رواد متل المجنون عم يصرخ بنص الشارع وكل العالم عم تتطلع عليه .. وهنن عم يبكو على حالتو وعلى حالت ياسمين
نرجس : الله لايوفقك يا ام رواد وابو رواد .. ماحرام عليهن يوصولو ابنو لهل الحالة ..
ياسمين : بدي انزل لعندو
ابوها : اذا بتطلعي رجلك بكسرها .. ماناقصنا وجع راس هلق بيصرخ شوي وبعدين بروح ...
ياسمين : لك ياربي ليكو كيف متل المجنون عم يدور بين الناس ..
...............
رواد عم يمسك الناس ويقلون : ليش .. ليش ياسمين بدا تتركني .. والناس كانت تبعد عنو .. بالاخير مسك راسو بين اديه وقعد ع الارض وصار يبكي متل الولاد صغار
رواد : يااااااسمين ..
وبعدا فقد الوعي لانو نزل ضغطو ..
.............
ياسمين : روااااااد .. بابا رواد
ابو منير : مافي شي .. ليكي الناس اخدوه ع المشفى
ياسمين : بدي انزل لعندو
ابو منير : انا قلت محدا بيطلع من البيت .
الناس اسعفو رواد على المشفى .. وياسمين ضلت واقفة مكانا عم تتفرج ع الشارع ... وبلشت الناس تروح ... وهية واقفة مكانا قلبا عم يتقطع على حبيبا
..............
بالمشفى
فاق رواد .. ولقى ابوه وامو فوق راسو ..
رواد : شو صار وين انا ..
جمانة : انت بالمشفى ياعمري .. سلامت قلبك
جلس قعدتو رواد وصفن شوي .. وبلشت تبين على وجهو علامت الزعل والقهر
جمانة : شبك ياعمري مين مدايقك
رواد : ياسمين قال بدا تتركني
جمانة : ليش .. مع انو كنتو لابقين لبعضكن
رواد : مابعرف .. مابعرف فجأة بعتتلي كلشي انتهى ..ماما انا حياتي بتنتهي اذا ياسمين تركتني
جمانة : طول بالك ياعمري .. انت قوم بالسلامة وكلو بينحل
رواد : اي سلامة ... لك انا قلبي شاعل بنار ياماما
جمانة : روق ياعمري مافي شي مستاهل
........................
مر يومين ورواد كل يوم يروح يوقف تحت بيت ياسمين مشان يلمحا او يحكيها بس بدو يعرف السبب .. وعطول يدقلا خطا خارج التغطية .. وياسمين تعبت كتير وقلبا محروق اكتر من رواد
...............
بالبيت عند اهل رواد
جمانة : انا خايفة كتير على رواد لك ماعم ينام الليل
ابو رواد : خلص رح نخبرو
رواد: شو رح تخبروني
نقزو والتفتو كان رواد واقف وراهم
رواد : بابا ماما مشان الله فهموني انتو الكن يد بالشي يلي صار
جمانة : عم تشك فينا
رواد : بصراحة : ماما اي عم شك فيكن .. لانو ممكن انتو تكونو حكيتو مع ياسمين يمكن لانها فقيرة مشان تتركني
ابو رواد : اقعد لنفهمك القصة
رواد : يعني في شي
ابو رواد : اي صح ..
قعد رواد وصار يتسمع على ابوه
ابو رواد : يا ابني نحنا ماكنا بدنا نخبرك مشان تضل صورت هالبنت نضيفة شوي بعينك
رواد : نضيفة ؟؟ ليش شو عملت ياسمين
ابو رواد : ياسمين طلبت تشوفني الي ولامك .. وقالبناها بالمكتب
رواد : اي
ابوه : قال هي مابتحبك.. بس حبت تدخل على حياتك مشان تستفاد منك ..
رواد : انا ماني عم افهم
ابو رواد : ياسمين اجت لعنا وقالت انو هية مابتحبك وقالت انو عطوني مليون لحتى اطلع من حيات ابنكم احسن مادمرلو حياتو ...
رواد : شوووو .. لا لا ياسمين مو هيك ابدا
ابو رواد : كنت متوقع انك ماتصدق طلع من جيبتو صور وقلو شوف بعينك
مسك الصور رواد وصار يتفرج .. الصور فيهن جمانة وهية عم تعطيها المصاري لياسمين ..
رواد : لا .. لا هي الصور كذابة ..
ابو رواد : مو كذابة صدقني يا ابني
رواد : معقووووول .... لك الله يلعنك يا ياسمين .. انا بفرجيكي اذا كان هالحكي صحيح والله لخلي حياتك جحيم
اخد الصور وطلع فورا ..
جمانة : رواد ماما ع وين
ابو رواد : اتركيه
جمانة : ابو رواد كيف صورت هالصور
ابو رواد : شو نسيانة انو بالمكتب في كميرات مراقبة .. جبت الفيديو ووقفتو عند اللقطة يلي عم تمسك فيهن ياسمين المصاري وسحبتون صور
جمانة : لك دخيل الفهمان
ابو رواد : بعجبك
...............................
رواد اخد الصور وراح ع بيت ياسمين وطول الطريق كان عم يبكي .. وصل لتحت البناي مسح دموعو .. ونزل ... طلع ع بيتا دق الباب فتحلو منير
منير : رواد بكفي اتركنا بحالنا يا رجل
دفشو رواد وفات
رواد : معد ازعجن بعد اليوم بس بدي شوف ياسمين دقيقتين مو اكتر
ياسمين كانت واقفة ورا الباب وعم تبكي عالصامت
رواد : ياسمين ... ياسمين
طلعت كل العيلة على صوتو
رواد : لا تطردوني .. بروح لحالي بس بدي ياسمين بكلمتين
ابو منير : صبرك يارب ... ياسمين تعالي
مسحت دموعا ياسمين وطلعت ... كانت كتير دبلانة وحاويلا عيونا اسود .. وهو اول ماشافا حس قلبو رجع للحياة وصفن فيها
ابو منير : يلا احكي شوفي عندك
فاق من صفنتو وطلع الصور : ياسمين شو هدول
اتطلعت ياسمين على الصور وعرفت انو اهلو حبكوها من كل الجهات
ياسمين : شبون هدول الصور
رواد : انتي رحتي لعند اهلي وقلتيلو بدك مصاري مشان تتركيني وماتدمريلي حياتي
ياسمين : اي صح .. انا طول هالفترة عم استغلك مشان اوصل ل يلي بدي اياه
غمض عيونو رواد واتمنى يسمع غير هيك .. وحس شي غرز بنص قلبو .. ونزلت دمعة من عيونو غصب عنو
رواد : ليش عملتي معي هيك
ياسمين : لانك غبي .. قلتلك مابحبك وانت اصريت الابدك اياني حبك .. والحب مابصير بالاجباري قلت بستغلو وبعدين بتركو مشان يحرم يفرض مشاعرو ع العالم
رواد : انا كتير مصدوم
ياسمين : بالعكس مالازم تنصدم .. شو متوقع يطلع من بنت بتشتغل خادمة .. روح حب وحدة من مستواك
رواد صار يحكي بقرف وكره : امممم .. بس شكلك نسيت انك غلطي مع الشخص الغلط
ياسمين : شو يعني شو ممكن يطلع منك
رواد : لا تستعجلي انت بس انطري المصايب كيف رح تنزل على راسك متل زخ المطر
ابو منير: اذا بصيبا بنتي شي ماتلوم الا حالك
رواد : ههههه ليش مفكرين حالكن سلمانين .. بيسطة هية النار يلي شاعلة جواتي مارح تبرد غير لما احرقكون فيها
ياسمين : خلصت تهديد تفضل لبرا
رواد طالع بس راجع
طلع رواد والكل العيلة صارت تبكي ..
ابو منير هجم على بنتو وصار يضربا .. لك مابيجي من وراكي غير وجع الراس
فكوه عنها
نرجس : خف عن هالبنت .. شو ذنبا .. بس لانا حبت .. وما انت طول عمرك تعطينا محاضرات عن الحب وانو الانسان خلق لحتى يحب ... وانت كنت تقول رح تدعم ولادك مشان يحصلو على الحب
ابو منير : نحنا لازم نطلع من هون
منير : ع وين
ابو منير : ع الهفا لكن بدك ننطر استاذ رواد لحتى يجي يطفي نارو
ياسمين : لا محدا رح يطلع من هون
ابو منير : ليش شو ناوية تعملي
ياسمين : ولا شي بس الا مانلاقي حل بحكي مع اهلو وبقلن انو عم يهددنا لازم يتصرفو
ابو منير : هه بنشوف
......................
دخلت ياسمين على غرفتا طلعت تلفونا فتحتو وبلشت تجيها هالرسائل كانت الرسائل من رواد ومن اريج ومن رقم غريب .. فتحت الرسالة من الرقم : مرحبا ياسمين كيفك انا هايدي تذكرتيني انا يلي قابلتك بالفندق كنت عم ابكي وانتي نصحتيني شو اعمل... عم حاول دقلك كتير مافي تغطية اذا وصلتك رسالتي حكيني فورا ماشي حبي
ياسمين : هايدي ؟؟؟ .. شو ذكرا فيني هي .. اصلا لولا التياب يلي عطتني اياهن ماكنت قابلت رواد ... لك يلعن هداك الباب لونو ماطلعت منو وشفتك يا رواد
اتصلت فيها
ياسمين : مرحبا .. كيفك ..........
..........................
تاني يوم الصبح فاقو اهلا لياسمين .. وكان الجو بالبيت كتير موتر .. دخلت اما على غرفتا مالقت حدا
نرجس : ابو منير .. منير ..
اجو فورا
ابو منير : شوفي
نرجس : ياسمين مو مبينة
ابو منير : شو مو مبينة وين راحت
منير : معقول رواد خطفا
ابو منير : لا شو يخطفا
منير : بابا ليك في رسالة على التخت
ركضو ع الرسالة .. فتحا منير صار يقرأ : بسم الله الرحمن الرحيم ... بابا ماما اخي واختي الغالين على قلبي ... انا فكرت كتير منيح ولقيت انسب حل انو اتركن وعيش لحالي مشان ماجبلكن وجع راس .. واطمنو انو انا بحياتي مارح اغلط ورح كون عند حسن ظنك يابابا بس انا خلص تعبت كتير معد قادرة كمل لازم بعد مشان بلش من جديد .. انا رح اتواصل معكن على طول وطمنكن عني ... انا بعدت كرمالي وكرمالكن لانو رواد بدو ينتقم مني وانتو مافي داعي تتعاقبو معي ... انا بعتت رسالة لاهلو وقلتلو مشان رواد مايتعرضلكن وخليكن قاعدين بالبيت .. واخر الشي بدي منكم تدعولي وترضو علي(( بنتكم المكسورة ياسمين ))
ابو منير : ليش يابابا ليش عملتي هيك ... والله كنت رح خبكي بعيوني وماخلي حدا يلسمك
نرجس : الله يوفقك يا ياسمين ... ويبعتلك ولاد الحلال ... وكل الله يا ابو منير بنتك اخت رجال وبتعرف تتصرف وانا متأكدة انو رح تكون منيحة
ابو منير : ان شاء الله الله يكون معا
............................
بالفيلا عند اهل رواد
اجا الخادم وكان معو رسالة .. وعطاها لام رواد فتحتا وقرأتا ..وابتسمت
رواد : شوفي ماما ليش عم تبتسمي
جمانة : ولا شي رسالةخاصة شوي ..
ابو رواد : خاصة وانا موجود
جمانة : هية بتخصني الي والك
رواد : هه الله يهنيكن .... صح بابا انا اليوم نازل معك ع الشركة بدي بلش شغل بالشركة
ابو رواد : اي من زمان قرر هالقرار
رواد : ان تصل متأخر افضل من ان لا تصل ابدا ... عن اذنكم انا طالع غير تيابي
طلع رواد
ابو رواد : شوفي بالرسالة
جمانة : شوفها بنفسك
الرسالة : انا ياسمين عملت متل مابدكن بدون مقابل ... بس انا هلق بدي منكم مقابل صغير وهو انو رواد مايتعرض لاهلي انا تركت اهلي ورح عيش لحالي بمكان محدا بيعرفني فيه وبوعدكن انو رواد معد يشوف وجهي مرة تانية .. بس بترجاكن لاتخلو رواد يأذي اهلي لانو اجا ع البيت وهددنا .
ابو رواد : كتير منيح هالبنت ماطلعت عنيدة وماعزيتنا
جمانة : وشو رح تقول لرواد بخصوص اهلا
ابو رواد : انا بتصرف معو ..

يتبع .........
 
اتعبني_حبك
بقلم_مريم_اليوسف

الجزء_السادس

بغرفة بأوتيل قاعدة ياسمين مع هايدي عم يشربو قهوة
ياسمين: مابعرف اذا يلي عملتو صح
هايدي : عملتي صح الصح
ياسمين : لك انا كيف سمعت منك وتركت بيت اهلي
هايدي : ياسمين انتي عملتي منيح وانا هلق بدي ردلك معروفك لانو عنجد انتي خدمتيني خدمة العمر .. ونفذت كلشي قلتيلي عليه بهداك الحيوان
ياسمين : اي منيح بيستاهل .. بس انا هلق شو مصيري
هايدي : بتروحي معي على المغرب
ياسمين : شوووووو المغرب
هايدي : اي ع المغرب بتشتغلي يشركة البابا ماقلتي معك شهادة معلوماتية حكيت مع البابا وقلي انو لازمون سكرتيرة
ياسمين : ع المغرب ؟؟
هايدي : اي ع المغرب
ياسمين : يعني انتي ساكنة بالمغرب
هايدي : اي بالمغرب .. يعني معقول كون ساكنة هون واقعد بأوتيل
ياسمين : هايدي لا مابدي خاطر
هايدي : لازم تغامري وكمان تبعدي عن المكان يلي فيه جواد
ياسمين : رواد
هايدي : يلي هو ..
ياسمين: المهم انا مابقدر روح معك
هايدي : مو على كيفك ..
ياسمين : بس انا لسه شهادتي ماطلعت وكمان مامعي بسبور
هايدي : البسبور علي .. والشهادة مانك بحاجتها انا بعملك واسطة عند البابا هههه .وكمان عشان الاقامة انا بظبطلك اياه بنعملك اقامة عمل وهي اخي بيعملا
ياسمين : يعني اسمع كلامك
هايدي : انتي بس اوثقي فيني .. لك انا حبيتك كتير وبدي تضلي معي على طول
ياسمين : والله وانا كمان حبيتك من كل قلبي
......................................................
############
بعد ٣ سنوات
في المغرب
ياسمين عم تحكي مع اما على التلفون : كيفك ياحب ... اي شو اخباركن .. وكيفا رورو ... يالله شو اشتقلكن .. كيفو اخي ومرتو ... مطولة مرتو لحتى تولد .... اي ماما انا لازم سكر سلمي ع الكل وخصاصا بابا حبيب قلبي
سكرت التلفون وطلعت من شقتها الصغيرة ... نزلت ع الشارع وقفت تاكسي وركبت وراحت على شركة اهلا لهايدي وحاليا بأدارة اخوها خالد .. وصلت على الشركة دخلت وهية مبتسمة ومتفائلة وصلت على مكتبا وهو مكتب السكرتيرة لخالد ...
دخل خالد لعندا مشان يفوت على مكتبو
خالد : صباحك ياسكرتيرتنا النشيطة
ياسمين : صباحك استاذ خالد
خالد : ياسمين جيبلي البريد وتعالي بدي احكي معك بموضوع
ياسمين : حاضر استاذ
دخلت ياسمين معها البريد
خالد : ياسمين اقعدي
ياسمين : خير استاذ
خالد : للاسف انتي لازم ترجعي عالبلد
ياسمين : ليش
خالد : اقامتك خلصت .. وماعم يرضو يجددوها .. حاولت كتير بس ماعم يرضو .. قال في قرارت طالعة جديدة وعم يستنوها لتطلع وهلق ماعم يمشو حدا نهائيا
ياسمين مصدومة وماحكت
خالد : مشان ماتتدبهلي انا عم قول هيك وكمان ما اشتقتي لاهلك وللبلد
ياسمين : بلى اشتقتلون كتير .. بس انا حبيتكن وحبيت الشغل معكن
خالد : رح ترجعي مؤقت ولحتى تظبط الاقامة انا ببعتلك تيكت الطيارة
ياسمين : طيب ماشي ..شكرا الك
خالد : ياسمين انا عندي صديق بالبلد حكيت معو ورح يشغلك عندو لحتى تظبط الاقامة
ياسمين : شكرا كتير الك .. فضلك وفضل اختك مابنساه طول عمري
خالد : العفو ماعملنا غير واجبنا ..
ياسمين : ايمت بدي سافر
خالد : معك اسبوع السبت طيارتك .. معك هاد الاسبوع اجازة تودعي المغرب وتتفسحي فيها
ياسمين : شكرا
طلعت والغصة بقلبا
..................................
بالبلد بشركة رواد
رواد قاعد ورا مكتبو اجا الآذن وجبلو قهوة
شرب منها شفة .. ورما الفنجان على ملا ايدو
رواد : مليون مرة قلتلك مابحبا حلوة ... بحبا ساااادة
الاذن : اسف استاذ
رواد : لا تعتزر روح انقلع من وجهي وجبلي فنجان تاني
الاذن : حاضر
طلع الآذن وعيونو مدمعين
السكرتيرة : شبك عمو .. شو حكاك رواد بيك
الاذن : ولا شي بس قال القهوة ماعجبتو
السكرتيرة : العما شو لئيم .. عطول بيعمل معك هيك مابيحترم حدا .. وبضل عم يعيط ع الصغير والكبير
الآذن : الله يسامحو
السكرتيرة : الله لايسامحو
رواد بصوت عالي : سمر تعالي فورا
راحت فورا دخلت لعندو ...
رواد : اطلبيلي مهند فورا
سمر : يلا ثواني
رواد : لحظة انا لسه ماخلصت حكيي ... بتطلبيلي كمان زياد
سمر : حاضر ..
رواد : يلا روحي من خلقتي بسرعة
سمر : حاضر
طلعت وهية عم تدعي عليه بقلبا
طلبت مهند وزياد ..
اجا زياد دخل لعندو .. وبعدين اجا مهند
مهند : صباحو سمور
سمر : اهلا استاذ مهند
مهند : ما اتفقنا بلاها استاذ
سمر : احتراما الك
مهند : المهم بتعرفي شو بدو رواد
سمر : لا مابعرف
مهند : يلا فايت لعندو اعمليلي
سمر : ممكن سؤال
مهند : اسألي
سمر : ليش رواد مانو متلك مرح مهضوم
مهند : ااااخ لو تعرفي رواد شو كان قلبو طيب ومهضوم وحباب اكتر مني
سمر : عنجد .. لك ليش هيك تغير
مهند : لانو قلبو انكسر من سنين
سمر : عنجد كيف
مهند : بعدين بحكيلي
سمر : حباب يامهند بس رؤوس اقلام
مهند : لانك قلتي مهند بدون استاذ رح احكيلك القصة بسرعة .. هاد ياستي رواد من ٣ سنين حب بنت لحد الجنون هية البنت كانت فقيرة المهم حبا .. وبعد فترة تركتو
سمر : ليش تركتو
مهند : هية اصلا ماحبتو استغلتو مشان المصاري .. راحت لعند اهلو وطلبت منون مصاري مشان تبعد عنو وما تدمرلو حياتو ..وهو من وقتا صار انسان تاني بضل معصب وصار يكره شي اسمو نسوان
سمر : اممم ياحرام ظلمتو طلع بحزن
مهند : يلا انا داخل لعندو جهزيلي قهوة وسط
سمر : من عيوني
مهند : دخيل عيونك
....................
رواد : زياد شو صار مع الوفد الصيني
زياد كلو تحت السيطرة لاتشغل بالك
رواد : تمام
مهند : وانا ليش بعتت وراي استاذنا الكبير
رواد : بتتذكر خالد
مهند : خالد خالد ماغيرو
رواد : اي هو مبارح حكاني وقال بسلم عليك
مهند : الله يسلمك ويسلمو .. والله بعد زمان .. اي وشوبدو
رواد : هلق الرجل محترم وبحياتو ماطلب مني طلب بس هالمرة طلب مني خدمة
مهند : امم وشو هية الخدمة
رواد : قال عندو صبية عم تشتغل معو بالمغرب هية اصلها من هون بس خلصت اقامتها ومتطرة ترجع وطلب مني انو ظبطلا وضعا ودبرلا شغل لانو هاي البنت كتير غالية عليه
مهند: شغلة بسيطة محلولة
رواد : اي والله بس المشكلة مامعها شهادة غير شهادة معلوماتية
مهند : اممم حطا بقسم المحاسبة
رواد : مابيمشي الحال العدد فائق عندي بالمحاسبة وبصير تشتغل سكرتيرة بس انا سمر كتير مريحتني
مهند : شو رأيك شغلها عندي بالاستديو
رواد : ياريت بتكون فضلت على راسي وهالمعروف مارح انسالك اياه طول عمري .. واذا عشان الراتب انا بدفعلا اياه
مهند : ما بيناتنا هالحكي .. لك بدنا خدمة تحرذ ابو الرود
رواد : لك تسلملي
..............................
بعد اسبوع ضبت غراضا ياسمين ووعدت هايدي وطلعت على الطيارة حست قلبا رح ينشال من مكانو وحست بشعور غريب ... كل احاسيسها واوجاعها رجعت انفتحت كانت بالغربة عم تحاول تنسى .. ومافي اي شي بذكرها بحب حياتا .. بس هون حتى الهوى بذكرها فيه ..
ياسمين : ان شاء الله ماشوفو ولا المحو .. يارب تظبط هالاقامة وارجع .. والله صعب كمل هون وعم حس فيه بكل مكان
نزلت من الطيارة .. وهبت نسمة خفيفة ..دخلت على قلبا نعشتو ..
ياسمين : ااااه شو اشتقتلك يا بلدي ... الله لايسامح يلي كان السبب .. الله يحرقلكن قلبكن متل ماحرقتو قلبي وقلب ابنكم ... ااااه يا رواد شو اشتقتلك ياترى شو صار فيك .. تزوجت انخطبت ... الله يريح قلبك ..
خلصت المعاملات .. وطلعت لمكان الاستقبال .. كانو كل الناس ناطرين احبائون الا هية ماشية وحيدة بيناتون وعرفانة انو محدا ناطرها لانو ماخبرت اهلا انها جاي
وصارت تشوف الناس .. هاد ضامم حبيبتو وعم بيكي وهي ناطرة حبيبا ... وهدول ناطرين ابنون ..
ونزلت دمعة من عينا غصب عنها .. وصارت تتخليل انو رواد واقف ومعو بوكيه ورود وناطرها وهية راحت تركض لعندو وضمتو وهو حملا وصار يدور فيها ..
كانت عم تبتسم وتبكي بنفس الوقت .. فاقت من حلما على صوت
مهند : يا انسة ... يا انسة ..
التفت ياسمين لعندو طبعا ياسمين مابتعرفو لمهند ومهند مابيعرف لانو التقو مرة وحدة ومامتذكرين بعض
ياسمين : عفوا عم تحكيني الي
مهند : مو انت الصبية يلي جاي من طرف خالد
ياسمين : اي انا بس مين حضرتك
مهند : انا صديقو
ياسمين : اممم يكتر خيرو خالد فضلو مارح انساه .. يعني انت يلي حكي معك ووصاك فيني
مهند : بصراحة مو انا هو حكا رفيقي التاني بس هو رجل اعمال كبير وطلب مني اتوصى فيكي لانو خالد صديقنا العزيز ..
ياسمين : ميرسي الك.. بس كيف عرفت انو انا
مهند : انا اتواصلت مع خالد وبعتلي صورة الك ع الواتس اب ... ااه صح ما عرفتك عن حالي انا بكون مهند
ياسمين : تشرفت فيك وانا بكون ياسمين
مهند : هاتي عنك الشناتي
ياسمين : خلي عنك
مهند : مابصير هاتي عنك ... شو رأيك نروح نتغدى بشي مكان
ياسمين : لا شكرا .. بس وصلني ع اقرب اوتيل وبكون ممنوتك
مهند : اوك تفضلي
وصلها عفندق قريب وراح على شغلو ... وهية ارتاحت والمسا راحت عبيت اهلا
دقت الباب وفتحتلا اختا روان وكانت كبرانة شوي
روان : ياااسمين
فاتت ياسمين حملتا وصارت تتبوسا
وطلعت كل العيلة استقبلتها وكانو فرحانين فيها كتير
سهرو مع بعض وانبسطو
ياسمين : انا صار لازم روح ع الفندق
نرجس : ليش ياماما ..
ياسمين: هيك افضل .. وانا شي يومين بشوف شي غرقة وبستأجرها
نرجس : ياماما هاد بيت ابوكي
ياسمين: بعرف بس انا اتعودت ع العيشة لحالي .. وكمان البيت صار ديق عليكن بعد ماتزوج منير
ابو منير : عملي يلي بريحك يابنتي
ياسمين : دخيل عمرك يابابا بحياتي مارح انسى الثقة يلي عطيتني اياها وخليتني صير قوية
ابو منير : انا بعرف شو مربي
ياسمين : ماما خدي هدول جمعتون من شغلي
نرجس : لا حبيبتي هاد تعبك
ياسمين : لا ماما انا ماعم نقص على حالي شي يلا خديهن
اخدتون نرجس
منير : اختي خليكي نامي هون اليوم
ياسمين : لا اخي بكرا برجع الصبح بكير ..
.................
بعد يومين لقت غرفة قريبة من اهلا استأجرتها وظبطت وضعا وراحت لعند مهند مشان تبلش شغل
وبلش مهند يعلما على الشغل
مهند : شغلنا كتير سهل .. هلق بعملك على البرامج الفتوشوب وبما انك شاطرة بالكمبيوتر ..
ياسمين : اذا عم تشغلني بس مشان خالد فأنت مانك متطر انا بدبر حالي
مهند : لا مو هيك ابدا انا عنجد بدي وحدة تساعدني
ياسمين : شكرا
مهند : العفو ... يلا روحي على طاولتك لعلمك على الشغل
قعدت ياسمين وتعملت الشغل فورا..
ومرق كم يوم وياسمين عم تدوام ومهند مبسوط منها كتير
مهند.: ياسمين انا عندي مشوار .. انتبهي اوك
ياسمين : اوك ولا يهمك
..................
طلع مهند وراح لعند رواد كان عازمو ع الغدا
كان رواد قاعد على طاولة بالمطعم وفاتح الابتوب وعم يشتغل فيه ... قرب منو مهند وسكرو
مهند : ارحم حالك يارجل حتى هون عم تشتغل
رواد : مادخلك
مهند : دخلني ونص .. ليش هيك عم تعمل بحالك
رواد : ماني عم اعمل شي
مهند : مشان تنساها ماهيك
رواد : لا مو هيك
مهند : هيك ونص .. ارحام حالك بقا نساها وريح حالك
رواد : عم قلك نسيتا من زمان
مهند : ههههه كذاب
رواد : انا مابحبا .. بس بدي انتقم
مهند : مبرر مشان تغطي على حبك .. مفكر اذا لقيتا وانتقمت رح تكرها
رواد : مابعرف
مهند : خلص شيلا من راسك ... وحتى لو لقيتا كيف بدا تنتقم منا
رواد : مابعرف بس بدي زلها
مهند ؛ مجنون .. بس بحب طمنك انك مارح تلاقيها اذا اهلا مابيعرفو عنا شي
رواد : الا ماترجع .... المهم شيلنا من سيرتا قلي شو اخبار البنت يلي بعتها خالد
مهند : هالبنت صاروخ ..
رواد :كلون حقيرات وبستغلو جمالون مشان يضحكو ع الناس
مهند: خلصنا رواد شو صار عندك عقدة
رواد : مو عقدة هاي الحقيقة
مهند : بس ياسمين مبينة غير
رواد : ياسمين ؟؟؟
مهند : اي اسما ياسمين
رواد : هههه مشان تكمل خلص من اسما لازم تعرفا
مهند.: بس مو كل ياسمين ياسمين
رواد : المهم انا بكرا جاي سلم عليها واتعرف عليها مو حلوة لانها من طرف خالد
مهند : اي اكيد .. بس بكرا ماتتعامل معها بلئم
رواد: هه بحاول
مهند : الله يستر
..........................
تاني يوم
دخل مهند على الاستديو .. واتفاجئ بالاستديو كان عم يلمع والورد على الطاولات وريحت العطر معباي المكان
مهند : معقول هاد الاستديو تبعي
ياسمين : ههه حبيت اعطيه شويت نشاط
مهند : بس ماتكوني انتي يلي نضفتي
ياسمين : لا مو انا اتصلت بمكتب الخدامات وبعتو وحدة
مهند : ياسمين ممكن سؤال
ياسمين : تفضل
مهند : انا شايفك قبل هلق
ياسمين : مابعرف وانا كمان حاسة حالي شايفتك
مهند : يعني طلع احساسي بمحلو ... لكن اذا تذكرتيتني خبريني
ياسمين : ههههه اوك
مهند : اااه صح .. اليوم جاي رفيقي هو بكون رفيق خالد كمان جاي يسلم عليكي ويشوفك شو محتاجة لانك من طرف خالد
ياسمين :الله يسلمك ويسلمو بس مافي داعي يعذب حالو وانا كمان كنت مجرد موظفة عند خالد بيك
مهند : موظفة ولا غيرو خالد وصا فيكي ونحنا بدنا نكون قد الوصية .. بس بدي قلك انو رفيقي شوي عصبي ومازيادة بحب يختلط من النسوان مشان اذا حكاكي بنشافة ما تدايقي
ياسمين : اوك ولا يهمك شو انا رح اتزوجو كلو على بعضو لقاء
مهند : اي منيح انك تفهمتي الوضع .. هو رح يوصل جهزي حالك
ياسمين : اوك بس شو اسمو مشان اعرف شو اندهلو
مهند : اسمو . قاطعو صوت رواد وقال : رواد
اتطلعت ياسمين ناحية الباب وكان واقف هية انصدمت وجمدت مكانها واختفت الابتسامة على وجها
ياسمين ولونا مخطوف وصوتا فيه غصة قالت : رووواد
رواد كمان انصدم لما شافها وقف ومعد تحرك وتحولت ملامحو لملامح غضب وقال : ياااااسمين

يتبع ........
 
اتعبني_حبك
بقلم_مريم_اليوسف
الجزء_السابع

بعدون واقفين مكانون مصدومين عم يتطلعو على بعض وعم يتبادولو نفس النظرات ... ياسمين قلبا صار يدق بسرعة وعيونا بلشو يشرو ورجليها صارو يرجفو .. ورواد واقف ماكانو مانو مصدق عيونو وعم يتطلع عليها نظرات حب واشتياق بعدين فاق على حالو اتذكر كيف اتعذب كتير من خيانتها وجرحا لالو
مهند واقف بين الاتنين ومصدوم
مهند : انتو بتعرفو بعض
رواد ماحكي وطلع فورا .. ومهند لحقو .. وياسمين حطت ايدا على تما ونزلت ع الارض وصارت تبكي من كل قلبا .... ضلت على هالحالة شوي بعدين فات مهند وكانت ملامحو باردة ... طلع من جيبو كلينكس وقرب وقعد جنبا
مهند : بكفي حاج تبكي
ياسمين : مهند رفيقك
هز راسو وقال : وانتي كنتي حبيبتو .... ليش هيك عملتي معو
ياسمين كانت بدا تحكي كلشي بقلبا بس اتذكر منظر اخوها لما كان المسدس على راسو
مهند : ليش هيك عملتي معو
ياسمين : لاني وحدة حقيرة ... المصاري عمت على قلبي
مهند : ندمانة
ياسمين : ........
مهند : شو عملتي بالمصاري يلي اخدتيها من امو
ياسمين : انسرقو مني
مهند : يلا مامشكلة يلا قومي من الارض
ياسمين : مهند بدي اترك الشغل مابدي سببلك مشاكل من ورا راسي وكمان مابدي اجتمع مع رواد بمكان واحد
مهند: لا مارح اسمحلك اولا رواد بيعرف انك من طرف خالد ومارح ينزعج اذا اشتغلتي عندي وكمان عشان رواد لاتاكلي همو .. هو قال انو مارح يتعرضلك وانو نسي الموضوع من زمان
قامت ياسمين من الارض وقالت لو سمحت بدي روح ع البيت
مهند : على راحتك ... بس بكرا اكيد رح تجي
ياسمين : ان شاء الله
طلعت وهية عم تبكي وقفت تاكسي وراحت على بيتا وراد لحقا وعرف وين بيتا ورجع لعند مهند
..................
تاني يوم فاقت ياسمين وهية حاسمة امرا انو رح تترك الشغل عند مهند ... لانو متأكدة انو رواد مارح يتركا بحالا لبست وطلعت وراحت لعند مهند ع الاستديو .. فاتت واتجهت نحو مكتبو دقت الباب وفاتت كان مهند عم يحكي على التلفون : اي اي طيب ماشي رح حاول سكر واتطلع على ياسمين
مهند : اهلا ياسمين
ياسمين : اهلا فيك .. استاذ مهند انا جاي مشان قلك انو انا تركت الشغل
مهند : ليش
ياسمين : هيك افضل
مهند : ياسمين بس
ياسمين : انا عندي الموضوع محسوم بترجاك
مهند : طيب ماشي مارح اجبرك على شي
ياسمين : شكرا كتير على وقفتك جمبي .. بالاذن
مهند : ياسمين لحظة
ياسمين : خير في شي
مهند : بس وقعيلي على هالاوراق
ياسمين : اوراق شو
مهند : وراق التوظيف يعني عقد عمل .. كمان على استقالة
ياشمين : طيب ماشي .. وين وقع
طلع مهند وراق من الدرج وحطون قداما ..وخلاها توقع على اربع ورقات هية ماكنت منتبه علة شو عم توقع ..ع اخر توقيع ..اتطلعت على مهند وصفت والقلم بأيدا .. هو لاحظ عليها انا حست في شي مانو طبيعي .. وبسرعة سحبون ..
ياسمين : على شو وقعت انا
مهند : متل ماقلتلك
ياسمين : بدي شوفون لو سمحت
فات رواد من وراها وقال : راحت عليكي وقعتي ومشي الحال .. نقزت ياسمين لما سمعت صوت رواد وحست قلبا وقع بالارض .. التفتت ووجها مخطوف
ياسمين : انا على شو وقعت
قرب رواد من مهند واخد منو الوراق وصار يتطلع عليهن وصار يضحك
ياسمين : لو سمحت عطيني الوراق
رواد : تؤ تؤ .. ماحزرتي هههههههه
ياسمين : شوفيهن هدول الاوراق
رواد :هدول سندات بدل انك متدينة مني ٥ مليون
ياسمين : اناااا
رواد : اي انتي ليكي كلو مكتوب هون ومع الشهود وهاد مو توقيعك
ياسمين دمعو عيونا : شوبدك مني
رواد : انا بدي اياكي تشتغلي عندي سكرتيرة وانا كنت عرفان انك رح ترفض مشان هيك خليتك توقعي على هدول المستندات
ياسمين : واذا ماوافقت اشتغل عندك شو رح تعمل
رواد : بسلم المستندات للشرطة ... يابترجعيلي المصاري يا اما بتفوتي ع الحبس
ياسمين : شوووو حبس
رواد : اي حبس وانتي اختاري يا حبسي يا الحبس عند الشرطة والقرار بيرجع الك
ياسمين : ليش هيك عم تعمل معي شوبدك مني
رواد : بدي انتقم واقهرك وزلك متل ما اضحكتي علي
ياسمين : بس انا ندمانة ..وبعتزر منك
رواد : هههههههه ...ندمانة بس انا هاد الحكي مابيمشي معي ... يلا قرري معك خمس دقايق بدي اسمع الجواب
ياسمين : انا وعدت اهلك انو ماخليك تشوفني مرة تانية
رواد : اهلي مسافرين ولما خلص انتقام بكون اجو ومارح يعرفو بشي ... يلا فكري
ياسمين بتخاف كتيرمن الحبس وشو ماكان عند رواد افضل وكمان مشان اهلا ماناقصون هم جديد
ياسمين : طيب موافقة اجي اشتغل عندك
رواد : برافو عليكي
ياسمين : بالاذن
مشت خطوتين
مسكها رواد من ايدا
رواد : ع وين
ياسمين : ع البيت بكرا بكون عندك بالشركة
رواد : لا ماحزرتي من اليوم ..
ياسمين : طيب ماشي .. تفضل
طلع وهية طلعت وراه .. ركب سيارتو وماقلا تركب ..
قربت هية وفتحت الباب جنبو
رواد : شو عم تعملي ..... من كل عقلك مفكرة انو بدي ركبك بسيارتي .. تركي الباب وروحي وقفي تاكسي
كانت هي اول اهانة بتجيها منو .. تركت الباب ورجعت لورا والغصة بقلبا .. مشت شوي وقفت تاكسي وراحت على الشركة وراه ...
نزل هو وهية نزلت مشت وراه وعيونا بالارض ... وكل الموظفين صارو يتطلعو عليها والشباب يتطلعو عليها نظرات اعجاب اسرع بالمشي مشان تلحقو ركب بالاسنسير وركبت معو ... وهو صار يتطلع عليها من فوق لتحت وكان عم يتفحصا ويشوف شو متغير فيها من ٣ سنين .. لقها حليانة كتير .. بعدين فاق من شرودو لما انفتح باب الاسنسير .. كمل على مكتبو ..
كانت سمر قاعدة بمكتبا طلب منا تسلم مكانا لياسمين وهية تنزل تشتغل بمكان تاني بالشركة ... وسمر انبسطت كتير لانها رح تخلص منو .. تركون وفات على مكتبو .. بسرعة سمر علمتا لياسمين كيف الشغل ونزلت فورا ..
قعدت ياسمين ورا مكتبا .. دقلا رواد تجي لعندو
قامت وراحت لعندو
دقت الباب وفاتت ..
كان قاعد ورا مكتبو وعم يبرم على كرسيه .. لما كانت تتطلع عليه ياسمين يبرقو عيونا وبسرعا تنزلون مشان مايفضحوها ... لانو نظرة منو بتخربطلا كيانا
رواد : من وين يتعرفيه لخالد
ياسمين : بهمك
رواد : اي بهمني مشان مصلحت رفيقي ولا تفكري انو غيران عليكي
ياسمين : بكون اخوها لرفيقتي
رواد : اوك ... روحي جيبيلي فنجان قهوة سادة
ياسمين : في شي غيرو
رواد : لا
طلعت ياسمين وطلبتو فنجان قهوة واجا الآذن دخلو ..
رواد : ياااااسمين
قامت مرعوبة وفاتت لعندو
ياسمين : اي استاذ.
رواد : انا شو قلتلك
ياسمين : قلت بدك فنجان قهوة سادة
رواد : انا طلبتو منك وقلت انتي يلي بتجيبه
ياسمين : خلص ماصار شي المرة الجاي
رواد : لا ما المرة الجاي هلق
ياسمين : وهاد الفنجان شوبدك تعمل فيه
رواد حملو ورشو على وجها بس هية بسرعة حطت ايدها على وجها .. واجت القهوة السخنة على اديها
ياسمين : ااااااااااااااااخ نزلت اديها وصارت تتطلع عليهن وتبكي وطلعت فورا لبرا
رواد وجعو قلبو عليها كتير .. اتطلع كان الآذن واقف
رواد : براااااااا
قعد ومسك راسو بين اديه .. فكر اذا زلا وهانا بيرتاح ضميرو بس بالعكس .. بس بسرعة بدل شعورو لكره وقال بتستاهل لسه ماشافت شي ..
خلص الدوام وهو قام طلع من المكتب .. لقاها قاعدة على مكتبا عم تبكي وتنفخ على ايدها .. عمل حالو مانو مهتم وطلع مع انو قلبو عم يتقطع عليها
بعد شوي اجا الآذن وقالا : يابنتي خلص الدوام
ياسمين وهية عم تتشلهف : طيب ماشي
قامت اخدت شنتايتها وطلعت ..
راحت على بيتا فاتت على غرفتا ورمت حالا على التخت وصارت تبكي من قلب محروق
.................
تاني يوم بالشركة
فات رواد وكان بكامل اناقتو وجاذيبتو وكأنو بدو يلفتلا انتباها ويخليها تتعلق فيه مشان يكسلا قلبا متل ماكسرتلو قلبو ... وهية اول ماشافتو سرحت فيه وبجمالو ..
ياسمين بقلبا : تقبر قلبي ما اجملك .. الله يحميك .. شو ماعملت معي مستحيل اكرهك لانو حبي لألك مابروح بهيك شغلات .. اذا بتدبحني بأيدك مابزعل منك .. بسرعة فاقت من شرودا واتطلعت على الوراق يلي قداما ... هو فات وماسلم عليها ..وهية ماحكتو شي ..
رن التلفون
ياسمين : اي استاذ رواد
رواد : جيبي البريد وتعالي لعندي
ياشمين : حاضر
دخلت لعندو ومعا البريد فاتت ووقفت جنبو وصار تشرحلو كل ورقة وشو بدا ... وهو ابدا مانو مركز معها مركز على قلبو عم يسمع دقات قلبو وهية قريبة منو ...غمض عيونو وصار يتخيل( انو قام وقف ومسكلا اديها وهية صار ترجع لورا وهية خجلانة وعم تبتسم لحتى لزقت بالحيط وهو حاوطا بأيده ..
رواد : بحبك
ياسمين : بموت فيك مابس بحبك
رواد : ليش هيك عملتي معي )
بسرعة فاق من حلمو على صوت ياسمين : رواد بيك هاد كلشي
رواد : اوك ..
ياسمين : بدك شي غيرو
رواد : اي بتنزلي ع الطابق التاني بتسألي عن مكتب المهندس مصطفى
ياسمين : هلق بطلبو ع التلفون
رواد بنبرة حادة : كلامي واضح بتنزلي بنفسك
ياسمين : اووووف .. حاضر غيرو
رواد : ولا شي يلا روحي
طلعت ياسمين .. ونزلت ع الطابق التاني وسألت عم مكتب مصطفى .. دقت الباب وفاتت
ياسمين : صباح الخير
مصطفى اتطلع فيها وصفن فيها وبجمالا
مصطفى : يا صباح النور والفل والياسمين بس مين حضرتك
ياسمين : انا السكرتيرة الجديدة .. رواد بيك طالبك
مصطفى : يعني انتي عم تشتغلي معنا هون
ياسمين : اي
مصطفى : اي من زمان يجيبولنا هيك وجوه على هالشركة
ياسمين : ميرسي كلك زوق .. لا تتأخر على رواد بيك
مصطفى : لحظة ... انتي شو اسمك
ياسمين : ياسمين . وضلت مكملة
حط ايدو على خدوا وسرح بخيالو ... وصار يقول يا الله ما احلا هالاسم وصاحبة الاسم بتجنن
.......................
بلشت تمر الايام ... ورواد على طول يحاول يزل ياسمين ويجرحا بالحكي بس هية اوقات تتأسر اوقات لأ لانو بتحبو فوق الخيال وبتعرف انو عم يحكي هيك بركي ببرد قلبو ... وعم تحاول تتأقلم مع الوضع وهنن الاتنين عم يتعلقو ببعض اكتر .. بس ياسمين عم تحاول تتجنبو خوفا من اهلو .. وهو عم يحاول يتجنبا مشان مايتعذب مرة تانية وهو كمان عم ينقهر كتير لانو ياسمين ماعم تبينلو انها ضعيفة .. وبالنسبة لمصطفى عم يفكر بياسمين بس ياسمين متجاهلتو تماما .. ومرق على هالحالة شهر
............................
طلعت ياسمين من بيتا مشان تطلع على الشغل فتحت جزدانا ماكان معا غير شوية مصاري يادوب يكفوها اجار طريق روحة رجعة
ياسمين : صح مبارح كان اخر الشهر بركي اليوم بقبضوني ..
راحت على الدوام وداومت نظامي .. سألت الآذن لما جبلا قهوة عن الراتب وقلا انو مبارح وزعو الرواتب على الموظفين
ياسمين : بس انا ماقبضت
الآذن : بكونو نسوكي بما انك جديدة نزلي على مكتب المحاسبة واسأليهن
ياسمين : ممكن تضل هون لحتى ارجع... مشان رواد بيك انت بتعرفو
الآذن : اي روحي
نزلت عمكتب المحاسبة ... وسألت الموظف عن راتبها
الموظف : بصراحة الاستاذ رواد وصانا انو ما اعطيكي
ياسمين حست حدا كب عليها مي باردة .. تجمدت مكانا ونزلو دموعا ..
الموظف : انسة ياسمين انتي منيحة
ياسمين اخدت نفس عميق ومسحتا دموعا وطلعت
راحت ع مكتبا قعدت وطبت على الطاولة وصارت تبكي ...
فات مهند ولقاها عم تبكي .. قرب ودق على الطاولة
رفعت راسا . كانو عيونا حمر ودموعا نازلين على خدودا
مهند : ياسمين شبك ليش عم تبكي
ياسمين ماردت لانها حاملة بقلبا عليه لانو ساعد رواد وخلاها توقع على الاوراق
مهند : ياسمين عم حكيكي ردي علي
ياسمين : رواد بيك ناطرك تفضل
مهند : ياسمين ليش ماعم تحكي معي
اتجاهلتو وفتحت اللابتوب وصارت تشتغل فيه .
تركا وفات لعند رواد
مهند : ليش ياسمين عم تبكي
رواد : هه بتكون زعلانة على الراتب
مهند : يعني ماعطيتها راتب
رواد : لا
مهند : ليش ماحرام عليك .. لك لهلق ما ريحت ضميرك .. البنت شبعت زل واهانات من تحت راس بكفي اعتقها لوجه الله ... لسه كمان حرمتا من راتبها
رواد : ماهية باعتني مشان المصاري انا هلق بدي احرما من المصاري لشوف كيف رح تدبرحالا
مهند : بدك تموتا من الجوع
رواد : هيك شي ... وبعدين وين المصاري يلي اخدتون تمن عذابي
مهند : ماقلتلك قالتلي انو انسرقو
رواد : مابهمني وبعدين انت لاتتدخل هي حسابتي وانا بدي صفيها
مهند.: البنت ندمانة حرام عليك
رواد : مهند للمرة التانية عم قلك لاتتدخل
مهند : عن اذنك
رواد : الله معك .
طلع مهند لعند ياسمين
مهند : ياسمين انا اسف سامحيني بس رواد طلب مني هيك وهو رفيقي وماحبيت خجلو
ياسمين : .....
مهند : ياسمين انتي بحاجة مصاري
ياسمين : لا .... وهلق لو سمحت تفضل من هون
طلع مهند وهو مقهور
خلص الدوام وطلعت ياسمين ... اجت بدا توقف تاكسي بس قالت بتوفر اجار التاكسي وبتشتري فيه شي مفيد .. طلعت وصارت تتمشي ودموعا على عيونا ... طلع رواد بسيارتو .. وهو بنص الطريق شافها عم تمشي وشاردة عم تبكي

ياسمين صار تحكي حالا : ياربي شو اعمل انا هلق كيف بدي عيش كيف بدي دبر حالي .. منيح انو البيت دفعت اجارو لست اشهر .. طيب وبعدين ايمت بدو يتركني بحالي والله تعبت كل يوم زل واهانات .. ياربي ومن اهلي مافي اطلب وكمان اذا خبرو اني عم اشتغل عند رواد اكيد رح يغضبو علي ومارح يسمعو عذري .. ياربي ياربي... دق لهايدي وخبرا ... لا لا كتير ساعدتني مابدي اكسرنفسي الها مرة تانية لا الها ولا لأخوها ... طيب بدي حدا احكيلو همي والله رح طق .. لك حتى رفيقتي الوحيدة مابتفضى تحكي معي لما بحكيها بتقلي بعدين بحكيكي شي مشغولة بأبنا شي بجوزا ... اااخ لونو ماصار هيك كنت انا هلق عم لعب ابني وابن رواد ... ااااااااااااه
تعبت كتير .. قعدت على طرف الرصيف وضمت رجليها وصارت تبكي ...
وقف بسيارتو بعيد وصار يتفرج عليها وهية عم تبكي .. كان بدو ينزل لعندا لانو كتير انقهر عليها .. بس بعدين صار يتذكر حالو كيف كان يقعد ويصير يبكي
رواد : بتستاهلي والله لخليكي تبكي دم بدال الدموع
................
ياسمين : طيب هلق كيف بدي دبر حالي .. رح قوم احسن الشي دور على شغل واشتغل بعد الضهر واصرف على حالي ..
قامت نفضت تيابا وراحت وقفت تاكسي قررت تضحي بهل كام ليرة يلي معا وتروح تدور على شغل ... لحقا رواد راحت ع السوق .. نزلت وصارت تفتل بين المحلات والمطاعم والكافيهات وتسألون على شغل .. وهو واقف ومانو عرفان شو بدا تعمل .. بالاخير بلشت تيأس ..
فاتت على مطعم شعبي
ياسمين : لو سمحت بدكن شغيلة
صاحب المطعم صار يتطلع عليها من فوق لتحت
وقال : مين بدو يشتغل
ياسمين : انا الله يوفقك بدكن حدا
صار يتفحص جسما وقال : اي بدنا
ياسمين فرحت كتير وقالت عنجد
# اي عنجد .
ياسمين ؛ بس انا مافيني اشتغل من الصبح .. بس بعد الضهر
# ماشي وانا شغلتك
ياسمين : من ايمت بلش
# من هلق .. فوتي خلي الصبايا والشباب يعلموكي على الشغل
فاتت ياسمين وهية مبسوطة..
رواد واقف محتار ومانو عرفان شو عم تعمل وليش فاتت وطولت ... بعد شوي شافا حاملة صينية وعم تبرم بين الطاولات
رواد : لك شو عملت انا .. عم تشتغل دوام تاني .. هيك بتتعب كتير ... خلصنا رواد بدك تنتقم ولا بدك تساعدا خلص تركا خليها تدوق نتيجة اعمالا وهي جزات يلي بحاول يلعب بمشاعر رواد ..
رواد اتصل بشب وقول يجي لعندو
بعد شوي اجا الشب
رواد : شايف هديك البنت يلي شعرا احمر
الشب : اي رواد بيك شايفها
رواد : من اليوم صارت مهمتك مابدي تغيب عنك ولا لحظة وكل حركة بدي يكون عندي علم فيها
الشب : حاضر رواد بيك
ركب سيارتو وراح على بيتو ... بس ما ارتاح نهائيا وهو طول الوقت عم يفكر فيها
.............
تاني يوم ..
ركب سيارتو وهو على الطريق اتصل بالشب ..وسألو شو الاخبار
الشب : ضلت عم تشتغل بالمطعم للساعة عشرة بليل ولما طلعت عرض عليها صاحب المطعم يوصلا
رواد : شوو...و بعدين
الشب : رفضت تركب معو واخدت تاكسي وراحت على بيتا ... واليوم الصبح بكير طلعت ركبت بسرفيس واجت على الشركة
رواد : طيب ماشي خليك عم تراقبها
الشب حاضر
................
دخل ع المكتب .. كانت حاطة راسا على الطاولة ونايمة ... وقف وصار يتأملها نايمة متل الملاك .. ابتسم وقرب منا كانو شعراتا نازيلي على وجها ... قرب بهدوء وشالون عن وجها .. وبلش يمرر اطراف اصابيعو على على خدها الاحمر الناعم ... بعدين صحي على حالو ورجع لورا وصار يحكي حالو .. افهام هي مانا الك ولا بحياتي رح تصير الك لانو ماتستاهلك انا بستاهل وحدة احسن منها .... قرب وضرب على الطاولة بقوة وهية نقزت وقامت بسرعة.. وحطيت ايدا على قلبا
رواد : عاملك اوتيل انا ماهيك
ياسمين ماردت
تركها ومشي
فات وقال لسه ماشفتي شي بسيطة
انا رح فرجيكي انو انتي بالنسبة الي صفحة محروقة
مسك التلفون ودق
رواد : كيفك سوسو قلبي ..... وانا كمان مشتقلك .. تعالي لعندي عالشركة لانوكتير مشتاق ومابقدر اجل .. ناطرك ياحب
..........................
قاعدة ورا مكتبا عم تشتغل وغصب عم تفتح عيونا من النعس.. فاتت لعندا وحدة طويلة جسما معبي لابسة تياب كتير فاضحة والميكب على وجها كتير اوفر ..
سوسو بدلع: هااي ياحلوة ... رورو موجود
ياسمين : عفوا مين حضرتك
سوسو : انا سوسو .. رورو طلبني
ياسمين : رورو ؟؟ مين قصدك رواد
سوسو : اي رودي حبيبي قلبي
انصمدت ياسمين كتير .. توقعت كلشي الا انو توصل مواصيل رواد لهون ..
اتصلت فيه : رواد بيك في وحدة اسما سوسو بدا تقابلك
رواد : دخليها فورا
ياسمين شعلت نار الغيرة بقلبا
قامت فتحتلا الباب وهديك فاتت وقام رواد اخد سوسو بالاحضان وصار يبوسا
ياسمين واقفة ودموعا رح ينزلو
رواد : خير انسة ياسمين في شي
رجعت لورا .. وحست كتلت نار انحطت بصدرا .. كلشي كان يعملو معها رواد كانت تتحملو الا انو يكون مع وحدة تانية وقدام عيونا هاد الشي دبحا دبح ... صار تاخد نفسا بصعوبة وحست حدا عم يخنقا
راحت قعدت ورا مكتبا .. وهية كأنها جثة هامدة .. شاردة ودموعا نازلين على خدا ... وصور رواد وسوسو طالع لبرا وصوت ضحكة سوسو عم يرج المكان الكلو
رواد : يسعدلي يلي خلقك مأطيبك ..
سوسو : رورو حبيبي بكفي اليوم
رواد : شو بكفي انا كتير مشتقلك ..
سوسو : هههههههههههههه
بعد شوي طلعو وكانت ياسمين قاعدة على اعصابا ..وعم تهز برجليها .. طلعت سوسو ومعا رواد كان قميصو مفتوح وصدرو عاري .. ياسمين غيرتها وقهرا واضحين
سوسو باستو على خدو وقال : باي بيبي رح شوفك بكرى مو هيك
رواد : اكيد
راحت سوسو واتطلع رواد على ياسمين وشافا اشقد مقهورة وغيرانة وهاد الشي خلاه ينبسط
رواد : خير انسة ياسمين كأنو ماعجبك
نزلت نظرا وقالت : لا مادخلني هي حياتك وانت حر فيها
فات وهو مبسوط انو خلاها تحس بالغيرة والقهر ..
وهية انفتحت بالبكي وصارت تبكي من كل قلبا .. وهية عم تبكي فات لعندا مصطفى .. واتفاجىء لما شافا عم تبكي
مصطفى : ياسمين شبك
ياسمين مسحت دموعا وقالت مافي شي
مصطفى : ليش عم تبكي
ياسمين كذبت وقالت : اجاني خبر من الضيعة انو ستي ماتت
مصطفى : الله يرحما
ياسمين : شكرا ..
مصطفى : كنت جاي اشرب معك فنجان قهوة بس شكلو الوقت مو مناسب
ياسمين حبت تغيظ رواد متل ما قهرا
ياسمين : لا مامشكلة اقعد .. انو ماتت الله يرحما وانا اصلا مابعرفا ..بس هيك الواحد بصير يبكي
مصطفى : كتير منيح
سحب كرسي وقعد جنبا .. وهية طلبت قهوة
وصار يدردشو مع بعض
مصطفى مد ايدو ومسك ايد ياسمين وهية تلبكت كتير
مصطفى : ياسمين انا حبيتك من اول ماشفتك ... شو رأيك تكمل حياتنا مع بعض
انفتح الباب وطلع رواد واتفاجئ بمصطفى قاعد جنب ياسمين وماسكلا ايدا .... ياسمين فورا سحبت ايدا

يتبع ...........
 
اتعبني_حبك
بقلم_مريم_اليوسف

الجزء_الثامن_والاخير

ما استحملو عقلو لرواد من يلي شافو وهجم على مصطفى ومسكو من تيابو وشدو من على الكرسي وضربو بوكس ووقعو على الارض .. وياسمين خافت وقامت تفكون .. رجع رواد رفعو من على الارض وصار يضربو ..
ياسمين : رووواد بكفي اتركو
رواد : انتي حسابك بعدين
مصطفى : استاذ رواد شبك ليش عم تضرب
رواد : لك كيف بتسمح لحالك تمسك ايدها اااه
مصطفى : رواد اسمعني
رواد : شو بدي اسمع ااه
ياسمين : رواد اتركومصطفى بكون خطيبي
تركو رواد واتطلع بياسمين وقال : شو قلتي
ياسمين : عم قلك مصطفى خطيبي اتركو
رواد : ايمت هالحكي
ياسمين : مصطفى طلب ايدي وانا وافقت عليه ..
مصطفى عم يمسح الدم عن تمو وكمان متفاجئ ...
تركون وطلع رواد معصب ..
قربت ياسمين من مصطفى
ياسمين : انت بخير
مصطفى : شو يعني حكيك
ياسمين : مصطفى اسمعني
مصطفى : ياسمين انتي موافقة
ياسمين : اسمعني
مصطفى : شو
ياسمين : انت فهمت الموضوع غلط
مصطفى : كيف يعني
ياسمين : ممكن تقعد وافتحلك قلبي ..
مصطفى : اكيد
قعد وياسمين بلشت تحكيلو قصتا من اول ماتعرفت على رواد ......
....................
رواد ركب بالسيارة وعم يسوق بسرعة جنونية .. ومعصب وعم يبكي
رواد : ليش رجعتا ... ليش .. مشان تكسرلي قلبي مرة تانية .. انا السبب .. معقول تتزوجو لمصطفى ... وانا انا شو .. انا ورقة لعب عم تلعب فيني حتى وانا عم العب فيها هية يلي لعبت علي ...
كمل بوجهو لعند مهند
........................
مصطفى : يعني انتي وراد بتحبو بعضكن
هزت راسا بأي
مصطفى : واهلو فرقوكن .. وانتي ماعم تتجرأي تعترفي مشان اهلك .. ورواد صدق انك بعتيه مشان المصاري .. وعم تشتغلي هون غصب عنك لانو كتب عليكي سندات وكمان مانو عم يعطيكي راتب
ياسمين : اي هاد يلي صار
مصطفى : والله قصتكن صعبة .. اسف ياسمين على كلشي بدر مني
ياسمين : لا لاتعتزر .. انا يلي لازم اعتزر
مصطفى : ان شاء الله بتنكشف الحقيقة وبترجعي انت ورواد متل اول واحسن
ياسمين : صعب
مصطفى : لا تقطعي الامل ... ياسمين اذا احتجتي اي شي انا متل اخوكي
ياسمين : واعز ... بس مصطفى بدي منك طلب انو ماتجيب هالسيرة لحدا
مصطفى : سرك ببير
.........................
رواد عم يكسر كلشي قدامو ومهند عم يحاول يهديه
رواد : قال خطيبا .. لك احسن مني بشو .. وكمان هية كانت طمعانة بالمصاري انا معي اكتر .. ليش ضحكت علي من الاول
مهند : يمكن حبتو وماحبتك
رواد : وانا شو بحياتا انا شو
مهند : مابعرف .. بس خلص اهدى وما عأساس مابتحبا ليش مهتم فيها
رواد : لك حبيتااااا اكتر .. اكتر .. بتعرف لو اجت لعندي وقالت انا اسفة عالشي يلي صار بالماضي كنت سامحتا
مهند : لهل الدرجة
رواد : واكتر .. واكتر .. لك النار يلي شاعلة فيني هلق عن ميت ضعف عن النار يلي شعلت فيني من ٣ سنين .. تعبت تعبت ياصاحبي .. ليش ماعم اقدر اتخلص منها ليش
مهند : قلتلك بلا الانتقام .. انت جبتا لعندك وكأنك عم تقرب الزيت من النار
رواد : قلي شو اعمل
مهند : خلص حاول تتجاهلا ..
رواد : وهو هيك رح اتجاهلا لحتى تتزوج او يتصل خالد
مهند : الله يهدي بالك ياصاحبي
مرق يوم كتير صعب على رواد وياسمين
تاني يوم اجا رواد ع المكتب .. واتجاهلا تماما لياسمين .. مرق يومن وماعم يحكو مع بعض .. خلصت دوام ياسمين وراحت ع المطعم مشان تشتغل بعد الضهر .. بلشت تشتغل بس حست من صاحب المطعم عم يتطلع عليها نظرات غريبة وهية وهية تشد تيابا على حالا مع انو كان لاباسا مستر نوعا ما .. وضلت تشتغل لحتى صارت الساعة عشرة ..
قربت من صاحب المطعم يلي اسمو ابو نادر
ياسمين : ابو نادر كلشي خالص فيني روح
ابو نارد : لا خليكي في عرس بعد شوي
ياسمين : عرس ؟؟ هلق والساعة عشرة
ابو نادر : اي عرس الديق ..
ياسمين : طيب انا ممكن ارتاح شوي
ابو نادر : اي روحي
راحت ياسمين على غرفة بيجتمعو فيها العمال .. قعدت على كنبة وحطت ايد تحت راسا وراحت غفيانة والغرفة عأساس مليان عمال ... بعد ساعات فاقت .. وحست شي عم يمشي على جسما
فزت وقامت وبيطلع ابو نادر عم يقرب منها
ياسمين اتطلعت كانت بعدا لابسة تيابا واتطلعت على ابو نادر يلي عيونو كانت عم تقدر شرار وكانو لحالون
ياسمين : شوبدك مني .. اجا العرس
ابو نادر : لا انا يلي رح اعمل العرس ..
ياسمين : لا لاتقرب مني .. لا
ابو نادر : منيح انك نمتي مشان ماتحسي على شي .. وهلق ياقطة انا واياكي هون لحالنا .. ورح نقضي ليلة من العمر
ياسمين : ببوس ايدك تركني روح والله انا بنت على باب الله ..
ابو نارد ماعم يرد وعم يقرب منها اكتر ..
ياسمين : عم ترجع لورا وهو عم يقرب
ياسمين : مشان الله تركني .. الله يخليلك ولادك
قرب عليها اكتر وصار يحاول يشلحا تيابا
ياسمين : لااااااا .. لك تركني يا ابن الحراااام
........................
اجا رواد لعند الشب يلي عم يراقب ياسمين
رواد : شو وينا
الشب : ماطلعت من المطعم لهلق
رواد : انت متأكد .. المطعم مسكر
الشب : والله يارواد بيك ماطلعت لهلق انا مفتح عيوني عشرة على عشرة
رواد : معقول صاير عليها شي ومحدا منتبها
الشب : يمكن
رواد : تعال معي
راحو يركضو .. قربو من المطعم ..
وسمع صوت ياسمين بس بعيد شوي عم تصرخ
رواد ياسمين جوا عم تصرخ حاول معي تكسر الباب
كسرو الباب وفاتو لحقو الصوت
فتح الباب .. كان ابو نادر فوق ياسمين عم يحاول يشلحا تيابا
ياسمين : لك بعد عني يا ابن الحراااام .. الله لا يوفقك
رواد : يااااااسمين
التفت ابو نادر وشاف رواد والشب ..وقام بسرعة .. رواد هجم عليه وصار يضربو بكل قوتو .. ياسمين زحفت ع زاوية الغرفة وهية عم تبكي وصارت تضم اديها على جسما وتغطي مكان مامنتفة تيابا وصارت ترجف وكأنو ضربا شي ماس كهربا ..
تركو رواد واستلمو الشب وصار يضربو وراح رواد لعند ياسمين بسرعة شلح جاكيتو ولبسها اياه وضما على صدرو ..
رواد : ياسمين انتي بخير
هزت راسي بالنفي ضما اكتر على صدرو وغمض عيونو واخد نفس عميق ..
رواد : خدو لهل الكلب من هون حسابو بعدين
ابو نادر : دخيلك ياباشا تركني والله معد عيد
رواد : قلتلك بسرعة خدو من خلقتي .اخدو لابو نادر والدم ينزل منو من كل كان .. وسند ياسمين ووقفا
رواد ؛ امشي معي لاتخافي كلشي منيح
طلعا وركبا بالسيارة جنبو وهية ضامة جاكيتو عليه وعم ترجف .. وهو علا حرارة الشوفاج ..
رواد : صرتي احسن
هزت راسا بأي
ياسمين : شكرا
رواد مارد وكان كتير مقهور لانو هو السبب يلي خلاها تشتغل .. وكمان كان مقهور من مصطفى انو كيف بيسمح لخطيبتو تشتغل هيك شغل
وصلا هلى بيتا وطلع معا
ياسمين : مافي داعي تضل انا منيحة
رواد : بدي اطمن عليكي بالاول
ياسمين : خلص روح عم قلك مافي داعي تضل
رواد : انا اسف انا السبب يلي وصلتك لهون .. من بكرا بتاخدي راتبك وزيادة
قاعدة على التخت وضامة رجليها وساندة دقنا على ركابها وعم تبكي ماردت
رواد : انا رايح بدك شي
كمان ماردت
رواد : انتبهي على حالك واذا لقيتي حالك مانك منيحة لاتجي بكرا على الشغل
طلع وسكر الباب وهية ضلت على نفس قعدتا وعم تبكي
..................
راح بوجهو ع بيت مصطفى دق الباب وفتح مصطفى كان شكلو بدل انو كان نايم
مصطفى : رواااد ؟؟ خير شوبدك
مسكو من تيابو رواد ورفع ايدو بدو يضربو بس صد الضربة مصطفى
مصطفى: رواد شبك شو الك تار عندي
رواد : انت نايم وهية كانت رح تتدمر حياتا
مصطفى : مين هي ؟؟
رواد: خطيبتك يا استاذ .. هية عم تشتغل وانت نايم هون .. وهلق انا انقذتا من محاولة اغتصاب
مصطفى : شووو ياسمين
رواد : اي ياسمين .. لك ماعيب عليك عم تخليها تشتغل
مصطفى : لك ليش انا شو دخلني ... ما تقول لحالك عم تشغلها وماعم تعطيها راتب
رواد : هاد شي ما دخلك فيه .. بس انت خطيبا ومجبور تصرف عليها وماتخليها تشتغل لبعد نص ليل
مصطفى : لك خطيب مين والناس نايمين انا لاخطيبا ولا زفت
هدي رواد وحكي : شووو مانك خطيبا
مصطفى : اي ماني خطيبا هية هيك قالت لانها انقهرت منك لانك جبت وحدة معك ع المكتب
رواد : انقهرت مني ليش
مصطفى : لانو بتحبك .. اي بتحبك الك .. بتحبك من سنين
رواد : ياسمين بتحبني !! كيف
مصطفى : اي ياسمين بتحبك وبتموت فيك ... ياسمين مظلومة ..ياسمين كانت ضحية لعبة وسخة عملوها اهلك مشان يفرقوكن عن بعض
رجع هجم عليه ومسكو من تيابو: لاتحكي عن اهلي عم تفهم
مصطفى : هههه اي اكتب عليهن اهل .. عن اي اهل عم تحكي يلي شايفين ابنون عم يتعذب صرلو ٣ سنين وهنن السبب .. مشان ياخدولو وحدة من مستواه
رواد : لك عن شو عم تحكي انت
مصطفى : رواد روح اسأل اهلك كيف فرقوكن عن بعض .. الجواب عندن
رواد مانو عم يستوعب شي ... طلع فورا ركب سيارتو وراح لعند مهند .. وقلو كلشي حكالو اياه مصطفى
مهند : طيب دق لاهلك واسألون
رواد : وانت قلتا
دقلون وردت امو
رواد : ماما شو عملتي لحتى فرقتيني عن ياسمين
جمانة : انا .. انا..
رواد : ماما عم اسألك ..شو عملتو لحتى فرقتونا انا وياسمين
جمانة : رواد قلنالك من زمان هية كانت طمعانة فيك والدليل معك .. شوف الصور واتأكد
رواد : طيب ماشي .. سلمي على بابا
مهند : شو
رواد : لك انا شفت الدليل بعيوني وهية عم تاخد المصاري .. كيف نسيت
مهند : معقول حيلة مشان ترجع تستغلك ياسمين
رواد : ماعرف راسي رح ينفجر
مهند : وين الصور
رواد : مابعرف يمكن كبيتون
مهند : الصور وين مصورين
رواد : بالشركة
صفنو التنين وقالو بصوت واحد : كاميرات المراقبة؟؟
مهند : بسرعة بسرعة ع الشركة
طلع فورا وراح على الشركة ..
... بغرفة التحكم ..
قعد مهند قدام اللابتوب وصار يدور بالفيديوهات
مهند : هاد الملف هاي السنة .. وهاد السنة الماضية .. وهاد السنة يلي قبلا ..
رواد : بهاي السنة نحنا تركنا بعض
مهند : بتتذكر التاريخ
رواد : معقول انساه اتعس يوم بحياتي ١٤/٥
مهند : لحظة لشوف .. لقيتو .. هاد هو الفيديو
رواد شغلو .. شغلو
اشتغل الفيديو من وقت فاتت ياسمين لحتى طلعت عم تبكي
واقف رواد وهوعم يبكي
مهند : رواد اهدى الحمد لله ياسمين طلعت برئية .. خلص حاج تبكي
رواد : لك شو اهدى وشو وقف بكي .. لك عم ابكي على اهلي يلي شافوني عم اتعذب ولا يوم شفقو علي وانا كنت شايف حالي فيهن .. عم ابكي على ظلمي لياسمين وكيف اتهمتا بالباطل طول هالسنين .. كيف اخوها وصل للموت بسببي ... كيف جبتا وصرت هينا وزلا وهية ما عم تحكي .. لك انا لازم روح طم حالي بشي جورة .. لك وين بدي ودي وجهي من ياسمين ..
مهند : خلص اهدى ياسمين بتحبك واكيد رح تسامحك
رواد مسك التلفون واتصل بأهلو
رواد : اسمعي يلي بتسمي حالك امي .. انا شفت كلشي .. شفت تسجيلا الكاميرا وكيف هددتوها لياسمين وكيف عرضتو عليها المصاري
جمانة : رواد ماما
رواد : لا تقولي ماما .. انتي مانك امي ومابشرفني يكون عندي اهل متلك . اسمعي هالكلمتين انت وزجك انا ياسمين رح اتزوجا .. ورح اتركلكن كلشي ورح بلش معا من جديد .. واذا حدا من اهلا بصيبو شي والله انا بأيدي بسلمكون للشرطة عاملتيلي عصابات انتي وجوزك
جمانة : ماما اسمعني والله اعملنا هيك مشان مصلحتك
رواد " لك عن اي مصلحة عم تحكي لك ٣ سنين عم اتعذب وانتو مانكن حاسين فيني لك بتسمو حالكن اهل لك روحو الله ينتقم منكم
جمانة : رواد حبيبي
سكرا بوجها
........................
تاني يوم فاقت ياسمين وقفت على المراي ووجها دبلانة وقالت : الحبس اشرف علي من هالعيشة ... بسيطة يارواد .. انا رح اترك الشغل عندك بدك تحبسني حبسني لانو مليت منك ومن مصايبك
طلعت ركبت بتاكسي .. وفاتت على الشركة كانت الشركة كلا مزينة احلا زينة .. وهية استغربت
فاتت والكل كان عم بتطلع عليها .. وهية صارت تتطلع على حالا معقول فيها شي غلط .. وقفت بالنص .. والكل صار يقرب منها ووقفو حوليها متل الدائرة
ياسمين : شوفي شو صاير هون
طلع رواد من بين الموظفين وهو مبتسم ومعو بوكيه ورد احمر .. وهية عم تتطلع عليه نظرات استغراب .. قرب لعند وركع على رجليه التنتين ومسكلا اديها وباسون
رواد : ياسمين سامحيني
ياسمين مصدومة وحست حالا بحلم .. صارت تتطلع على وجوه الموظفين يلي عم يتبسمو رجعت اتطلعت على وجه رواد
رواد : اسف ... سامحيني .. عرفت كلشي عملوه اهلي مشان يفرقونا عن بعض انا حطيتلون حد ..ومعد يعترضو طريقنا .. ياسمين بحبك ... وهي قدام كل الموظفين بعترز وعاقبيني بالطريقة يلي بدك اياها
نزلو دموعا .. لانو واخيرا انكشفت الحقيقة
وقف رواد ومسحلا دموعا
رواد : هدول العيون معد بدي شوفن عم يبكو مرة تانية
ياسمين :......
رواد : سامحتيني
ياسمين : وين المستندات يلي خليتني وقع عليهن
رواد : ليش
ياسمين " عايزتون
رواد اشر لموظف راح جابون
جابون واجا عطاهن لرواد .. وراد عطاهن لياسمين ..
مسكتون وخزئتون
ياسمين : رواد
رواد : ياقلب رواد
ياسمين : لاتفرجيني وجهك مرة تاني .لفت ضهرا ومشت ... وهو وقف مصدوم ..
رواد : يااااسمين بحبببببك ... بحبببك
مشت وماردت
وهية ماشية طلع بوجها ابوها
ياسمين : بابا
ابو منير : ياسمين شو علمتك انا
ياسمين : بابا انا تعبت كتير من هالحب
ابو منير : يابنتي الله بحطلنا مطابت مشان يختبر حبنا
ياسمين : مافيني سامحو .. كتير عذبني .. واذا سامحتو .. مستحيل سامحو على يلي عملو لما جاب وحدة ع المكتب
طلعت سوسو قداما
سوسو : قصدك انا .. انا وراد ماصار معنا شي ... هو خبرني اجي لعندو مشان يخليكي تنقهري .. وبحلفلك بهل الشي
ياسمين : خلص اخدت قراري ماني راجعتلو
رواد : يااااسمين
التفتت لعندو
رواد معو ورقة رفعا وقال نسيتي هاي
ياسمين : شو هاي
رواد : ههههه عقد زواجنا .. هداك اليوم وقعتي عليه مع الوراق ..
ياسمين : شووووو
رواد : اي يعني انت هلق زوجتي
فتح اديه وهو عم يضحك بثقة وقال : يلا تعالي لحضن زوجك
ياسمين : ليش بتحب تستغل الناس انت
رواد : بس بحب استغل يلي بحبون
ياسمين : وعدني...
قاطعها وقال : بوعدك بكلشي بدك اياه بس يلا تعالي هلكت وانا فاتح ادي ..
ابتسمت وراحت تركض لعندو .. وهو شالا وصار يبرم فيها
ياسمين : بحبك
رواد : ماني سمعان
ياسمين : رواااااااد
الكل : ههههههههههه
بعد اسبوع .. رواد ترك كل املاك ابوه واستأجر بيت صغير وعرض السيفي تبعو على شركة وقبلوه ..
وجهزو لعرسون هو وياسمين .. وطلعت ياسمين متل الياسمينة المضوية بنص الحفلة ..
وقامت ترقص هية وراد
رواد همسلا بأدنا : مطولين
ياسمين : بشو
رواد : بدي العرس يخلص بسرعة
ياسمين : ليش
رواد : بدي اخطف العروس
ياسمين: هههه اي مطول
رواد : امممم.. طيب ماضروري يطول
ياسمين : شو قصدك
رواد : قصدي رح اخطفا قبل مايخلص
ياسمين : حاجتك جنان
رواد : الحياة ماحلوة اذا مافيها جنان
ياسمين : رواد عم حزرك
رواد : لك بدي خلي كل زمامير الخطر تشتغل مابس تحزير ههه
حملا وركض فيها لبرات الصالة والكل صار يضحك عليهن
ياسمين : لك روااااد
..............
بفيلا اهل رواد
جمانة : ماني مصدقة انو اخسرت ابني .. وكمان عم يتزوج بعيد عنا
ابو رواد : رواد حنون بكرا مابتلاقيه الا وجاي يطلب الرضا
جمانة : كلو من هالعقربة اكيد ساحرتو ..
ابو رواد لاتاكلي هم جاي الايام .. ورح يعرف انو اختيارو غلط
جمانة: شو قصدك
ابو رواد : انا علي انو جبلك رواد مرتو ع البيت والباقي عليكي
جمانة صفنت وابتسمت ابتسامة خبيثة متلها
...................
انفتح باب غرفة النوم وفاتو العرسان
ياسمين عاملة حالا زعلانة
رواد : شبو عمري ليش زعلان
ياسمين : يعني هي احلا ليلة للبنت بعمرا ماخليتني افرح فيها
رواد : حبيبتي احلا ليلة للبنت بتبلش من هون مو بالعرس
ياسمين ؛ شو يعني
رواد : قرب منها وحاوطا من خصرا وجذبا لعندو وقال : يعني الجمال والرقة والغنج والدلع والحب والغرام ..
ياسمين مسكتو من وجهو وقالت : رواد
رواد : عيونو
ياسمين : بحبك
رواد : عمري ياسمين
ياسمين : ياقلبي
رواد : بحبببك
ياسمين : ماني سامعة ..شو قلت
رواد : ههههه لك مابيطلعلك معي ..
شالا وحطا على التخت وقالا رح قلك اياها على طريقتي مشان ماتنسيها طول عمرك .. شلح جاكيتو ورماه وبلش يفتح زراز القميص ..........

(( انتو ليش عم تبتسمو ههههههه .. فرحانين للعرسان ماهيك )))

*********************
النهاية
 

مواضيع ذات صلة

صفا النعمان
أنا ألف احبك
الردود
11
المشاهدات
2K
صفا النعمان
صفا النعمان
ي
برفع راية الإستسلام و بقول أحبك
الردود
16
المشاهدات
5K
ياسر المنياوى
ي
خ
رواية احبك يشهد الله علي
7 8 9
الردود
173
المشاهدات
37K
خالدالطيب
خ
H
عشقي لك بجنون احبك يالقلب الحنون
الردود
2
المشاهدات
3K
سـSARAـاره
س
الوسوم
أتعبني حبك
عودة
أعلى