الحب الحلال ..(:

صفا النعمان

الادارة
طاقم الإدارة
الحب الحلال الحلقة الاولى (1)
بدأت القصة من المدرسة الثانوية ملك فتاة جميلة طيبة القلب وكل رفقاتها بحبوها وعندا اربع بنات عطول معاها ريم وزينب ونور ولمى بدأت حصة الدرس المعلمة سماح انتبهو يا بنات البنات الخمسة ع يضحكو.
سماح:خير ياصبايا اذا ماعجبكن فيني غيرلوكن الحصة لفيلم .... يلله انتبهو للدرس .
(البنات حاضر مدام نحنا اسفين )*
سماح:من هون ورايحة ركزو منيح قربت الامنتحات النصفية ...... ؛ خلص الدوام والكل عم ينصرف عبيوتو
طالعين الصبايا من المدرسة وصلو للباب وقفوا كلون واتطلعو ع الباب بصدمة ....
زينب:مين هل الشب الحلو الي واقف عهل الباب .
ريم :ان اشاء الله يكون شي استاذ جاي يدرسنا
لمى:ان شاء الله من تمك لباب السما شكلو بجنن واكتير شيك...
ملك:صحي انكن مايعين هو شقفة شب صحي انكن بلا عقل .وبهل اللحظة نور ابتسمت وراحت تركض ناحية الشب وحضنتو وتسلم عليه ........
البنات اتفاجئو وصارو يطلعو ببعضن معقول هاد بيعرف نور
نور:بنات تعالو لعرفكون ع اخي وائل .(وصلو البنات لعند نور وسلمو ع اخوها )
نور :هاد اخي وائل الي احكيتلكن عنو الي كان مسافر وهلق جاي يستقر هون بل البلد وائل هدول رفقاتي لمى وبندلعا لولو وريم وملك وزينب ...
وائل: اتشرفت بعرفتكن ياصبايا ....
البنات :النا الشرف نتعرف ع حضرتك استاذ وائل
وائل :هههههه دغري استاذ شو مبين علي اكبير لحتى تقولولي استاذ
ملك:احترام الك ....
وائل :لا انتو رفقاتا لنور وانتو متل اخواتي نادولي وائل وبس ....يلله هلق من بعد اذنكن صبايا لازم اخد نور ورح ع البيت ماصرلي ساعة واصل وبدي ارتاح حبيت اعمل لنور مفاجأة واجي اخدها بنفسي من المدرسة بتحبو وصلكن بطريقنا ...
ملك :لا شكرا طريقنا مختلف تماما عن طريقك فيكن تروحو يلله يابنات بنشوفك نور باي
نور :الله معكن باي بكرا بشوفكن ..
زينب ليش ماخليته يوصلنا يا ملك ..
(نظرت ملك نظرة عتب)
ملك:طريقنا غير طريقهن ..
لمى :بنعرف انو غير طريقنا بس معو سيارة بتجنن وما بناخد من وقتون اكتر من خمس دقايق ..
ملك:ماشفتو الزلمي عم يقول انو تعبان
ريم :مظبوط عم تحكي ملك مابدنا نبين انو نحنا بنات مايعين وبلا ترباي ...
لمى: افهمنا يلله باي ...(وكل وحدة راحت ع بيتا )
البنات لمى وريم وزينب كل وحدة عم تفكر ب وائل
ويحلمو انو يكون فارس احلامها وملك ماهتمت نهائيا كل تفكيرها كان بل الدراسة والامتنحانات....
وبنروح لعند عيلة نور الي محتفلة بأبنهم الي جاي من السفر وفرحانين فيه .....صار المسا وكل واحد بدو يروح ينام راحت نور ع غرفتها تظبطها اشوي قبل ماتنام ....باب الغرفةعم يدق انفتح الباب دخل وائل
وائل :نعسانة نور
نور: اهلين حبيبي ائل تفضل لا عادي ماني نعسانة اقعد
هون لنشوف ...اي شو اخبارك وكيفها امريكا و..و..و..
وائل :شبك انفتحتي اشوي اشوي وحدة وحدة امريكا حلوة اكتير الحمد لله خلصت دراستي وجاي اتخصص هون بل البلد بشركة هندسة معلوات وكومبيوتر ....اي انت كيفك وكيف دراستك انسة نور ...
نور:الحمد لله تمام هلق رح نبلش الامنتحانات النصفية ومنيح انك اجيت مشان تساعدني يا احلا اخ
وائل :بلشنا تمسيح جوخ ههههه...المهم مين هل الصبايا الحلوين الي كانو معك اليوم
نور:شو عجبوك ..... هدول اكتر رفقات بحبوهن بل المدرسي وهنن بحبوني ....
وائل :لا اطمني ولا وحدة عجبتني وخصيصا هاي الي شايفي حالا شو كان اسما ملك ماهيك يقطع عمرا..
نور: ملك مانها شافي حالا بس هية هيك بتحسا راقية ومانها مولدني ومرباي وبل العكس هية اكتر رفيقة بحبا بتعرف وائل ياريت تصير من نصيبك
وائل :هههههه انا بدي اتجوز ومين هاي المعقدي انا مو تبع زواج افهمتي ولاتفتحي هل السيري قدام حدا
نور:اي خلص خلص بلا ماتتجوز ....صحي قلي اخي في بنات حلوي بأمريكا ...
وائل :بجننو بس هنيك بس اشري للبنت تأشرية صغيرة بتلاقيها صارت عندك بل التخت .....
نور :شوووو؟؟يعني انت عامل علقات مع بنات
وائل :اهووووو كتير ليش مستغربي
نور :ماتوقعت اخي يطلع منو هل الحكي او انو يعمل هيك ..... انت بترضاها علي انو كل انهار اطلع مع شب
وائل :اكيد لا بس هنيك الوضع غير هون يمكن لو انو نحنا امريكان يمكن كان الموضوع عندي عادي ...
نور:اممم ... طيب بدك شي انا انعست بدي نام
وائل:لا طبعا نامي تصبحي ع خير ...
نور حطت راسها ع المخدي وصار تفكر معقول هيك بفكر اخوها بعدين قالت لحالها انا شو دخلني ونامت طلع انهار جديد ووالصبايا اجتمعو بل المدرسة اجا وائل وصل اختو نور وراح يدور ع شقة قريبي من بيت اهلو يستقر فيها ...
بل المدرسة وصلت نور لعند رفقاتها الي كان قاعدين وعم يمزحو مع بعض ويضحكو ...
نور:صباح الخير ياحلوين ...
البنات ردو السلام اهلا نور كيفك وبلشو البنات بتغالسو ع نور ويسألوها عن اخوها بس ملك لا ما سألت ولا اهتمت
لمى :نور قوليلينا اذا اخوكي انعجب بشي وحدة واكيد مارح نزعل اذا نقا شي وحدة بل الاخير نحنا رفقات وبنحب الخير لبعضنا وغمزت ريم وزينب يعني انها عم تمزح مع نور
نور :شفتك وانت عم تغمزيهن وصارو الكل يضحكو ...اخ منك يا لولو شو انك بتحبي المزح
المهم ليكو جرس المدرسي عم يرن يلله ع الصف .
ومرت الايام...ووصلنا عند عيلة ملك هية عبارة عن عيلة بسيطةو كانت ملك اكبر اخوتها وكان البيت الي ساكنين فيه مو الهن هاد البيت عمها عطاه لابوها وعمها كان مستلم كل المنطقة رجل محترم وكل العالم بتحبو وبتحترمو وكان عطول يساعد ابوها وعم يشغلو معوبشركاتو لانو اخوه الوحيد وماكان يخلي بيت اخوه يحتاجو اي شي
وبيت عمها عندن ثلاثةاولاد وبنت وكلهم عايشن مع بعض الا ابنهم الصغير بين اخواتو الشباب كان ضابط بل الشرط ضابط اكبير والو كلمتو بس ماكان عايش مع اهلو كان عايش بمدينة تاني بتبعد خمس ساعات وكان قليل مايجي لعند اهلو وهو شب اكتير حلو وعصبي وعنيد ومابيعمل غير الي براسو وعطول الشغلة الي بدو اياها بيجبيها ولو كلفتو حياتو .....

الحب الحلال
الحلقة الثانية (2)
هاد الضابط بصير ابن عمها لملك بس ملك مابتعرفو ولا بيعرفها واسمو محمد ......
وعم تمر الايام والبنات خلصو الامتحانات النصفية وكانت علاماتهن اكتير ممتازة وملك اعلى وحدة فيهن وبلشو يجهزو حالهن للفصل الثاني لانهن كانو بل الثاني ثانوي .......
بنرجع لعند وائل الي مقضيها بل انهار شغل وبليل سهر مع رفقاتو وفي يوم من الايام عم يسهر هو ورفقاتو عمر ويوسف
وائل :والله هل الحياة هون بل البلد بتملل اف يووووه شو هاد
عمر :لك خير شبك شوهو الي مو عاجبك
وائل:لك يازلمي صرلي فترة ما عملت علاقة مع ولا بنت
يوسف :اي هاي شغلة بسيطة اليوم بنروح ع الكازينو وبنجيب كم بنت وبنقضي معهن الليل
وائل :بس بنات الديسكو مو دائيمين ... لو تشوف البنات بأمريكا رفقاتي دارس انا واياهن بس قول لشي وحدة جاي ع بالي اقضي معها الليله توافق ومايكون عندا اي مانع ....
يوسف :اي هاي بأمريكا مو هون ...دورلك ع شي بنت هون بتصير تجي لعندك
وائل بستهزاء صار يضحك
وائل:هه هون اي بس قول للبنت مرحبا بتقلك انا مرباي ومتحترمي واذا بدك اياني روح اطلبني من اهلي وهاي بس مرحبا كيف اذا قلتا بحبك هههههههه
عمر: انت يا اجدب شوف شي وحدي حلوي واعمل حالك انك بتحبا وجرجرها لعندك لهون واعميل الي بدك اياه معها وصورها مشان تضمنها ع طول تسمع كلمتك واكذب عليها وقلا انك بدك تتجوزا هاي احلا طريقة ...
وائل:اي والله جبتها وفي وحدي ببالي حلوي ومغرورة وبدي كسرلا راسهاوخليها تصير متل الخاتم بأصبعي ...
يوسف: ومين هاي ؟؟
وائل :رفيقة اختي نور اسمها ملك وحدي مغرورة وقال شو محترمي هه....
عمر :ليكون قصدك ملك بنت ابو مالك .....
وائل:مابعرف يمكن هية ....
عمر:اوعك تقرب عليها هاي بيت عمها اكبر عيلة بل المنطقةوابن عمها ضابط اكبير والله بيخربلك بيتك ...
يوسف :هههههه لك لا تصدق هو مو هون واصلا اذا صار معها هيك شي بدا تروح لعند بيت عمه او ابن عما وتقلو هو اكتير عصبي اي دغري بقوصها
وائل :يقطع عمرك يا عمر فكرنا في شي خلص وهلق الصارة الشغلة فيها حماس اكتر ولا يهمك عندي ووعد كمان اول ما بجيبها لعندي لهون اول مرة بدي اعزمكن انتو كمان تنبسطو معي
....وصارو كلون يضحكو .... ويقولو بكرا بنشوف
المهم هلق صار وائل بدو يوقع ملك بحبو وصار يفكر ويقول بنفسو مافي غير نور بتغضر تساعدني راح تاني انهار بعد ما اجا من الشغل لعند نور دق الباب عليها
وفات سلم عليها وقعد وماحكي شي ضل ساكت
نور:خير وائل فيك شي حاسستك مانك ع بعضك
وائل :لا مافي شي بس ......
نور:لك شبك احكي في شي مضايقك
وائل:بصراحة انا مابعرف شو عم يصير معي
نور :بشو ....
وائل :في احساس جواتي ماعم اعرف فسرو
نور:امممم ... طيب قلي شو هاد الاحساس
وائل :لما كنت وديكي ع المدرسي كنت شوف رفقاتك ولفتت انتباهي ملك وعجبتني وصرت كل انهار وديكي قصد مشان شوفا بالاول قلت اعجاب متلا متل غيرا بس طلع لأ من اول هاي الجمعة الي عطلتيها وانا حساس قلبي رح يشعل بنار لاني ماعم شوفا وحاسس انو بحبا بجنون ..."نور ساكتة ومصدومة بأخوها "
وائل :نور شبك ما تحكي ......
نور :شوبدي احكي ...
وائل :قوليلي شو اعمل ....
نور:بسيطة روح قول لاهلي بروح بيخطبولك اياها ....
"وائل ماعجبو الرد "
وائل :انا بدي اتجوزا بس مو هلق حابب اتعرف عليها ..
نور:ممممم ..... ليك وائل بدي قلك شغلة ملك بنت اكتير منيحة ومحترمة يعني بعد عنها احسنلك
وائل:ليش هيك عم تحكي .....
نور :لانو ملك مو متل رفقاتك البنات الي احكيتلي عنهن بأمريكا ومو خرج طلعات وفوتات تبعك اذا حبيتا قول لاهلي يخطبولك اياها ...
وائل:اف منك يانور انت افهمتيني غلط انا والله لما جيت ع البلد ما اطلعت مع ولا بنت وقررت استقر واتجوز وعجبتني ملك و بركي هية مابدها اياني وانا بدي اياكي اتساعديني واول ما اعرف انها بدا اياني دغري رح اخطبها ....
نور صفنت وتقول بنفسها معقول متغير ان شاء الله يارب وشوبدي احسن من انو تكون ملك مرت اخي ..
نور:طيب شو المطلوب مني هلق ..
وائل :هلق ما مطلوب منك شي غير انك تدعميني .....وكمان تمدحي فيني قدام رفقاتك وانا ع طريقتي بلمحلا لملك اني معجب فيها وبحبا
نور :طيب ماشي انا موافقة ..
وقربت لعند اخوها وحضتنو وقالتو انا بحبك اكتير وانا ع طول واقفي معك .....
بس ياحرام مابتعرف انها بدا تساعد اخوها بجريمي بشعا ......المهم مر اسبوعين والكل رجع ع المدارس مشان يكملو الفصل التاني من العام الدراسي وصار وائل كل انهار يودي اختو ع المدرسي وينزل معها يدردش اشوي مع رفقاتا وكان ع طول عيونو ع ملك وكان يعاملها معاملة خاصة عن رفقاتا هية صارت تقول بنفسها ليش هل المعاملة الي عم يعاملني فيها وائل معقول معجب فيني لك لا لا شو هل الافكار الشب متل اخي وصارت ملك افكار تاخدها وافكار تجيبها بس كانت تمحي هل الافكار من راسها وتركز بدراستها ورفقاتا كلون لاحظو هل الاهتمام وائل بملك وانبسطو لرفيقتون بس ملك عطول كانت تتجاهل هل الموضوع ومرت الايام وكالعادة وائل اجا ياخد اختو من المدرسة نزل لعندهن كانو قاعدين كلهن ع مقعد تحت شجرة بساحة المدرسة سلم عليهن ووقف مقبال ملك وصار يطلع فيها نظرات عأساس حب بس هو بالعكس عم ينظرلا نظرات شهوة نظرات ذئب مفترس
وهية صارت تهرب من نظراتو وقلبا عم يدق بسرعة وصارت تلعب بهاتفها. صار يقول
وائل:شبها ملك مانها معبرتنا "هون ملك اتلبكت وماعرفت شو بدا تحكي "
ملك :لا مافي شي بس راسي مشوش من كتير الدورس الي اخدنها اليوم
وائل :اي سلامة راسك ..... عفكرة نور بتحبكن اكتير بل الاخص بتحب ملك "وكأنو كان عم يقول انو هو بحبا لملك بس بطريقة غير مباشرة .
هون البنات كلون فهمو قصدو محدا حكي شي وصارو يتطلعو ع ملك ووائل ..... لحظة صمت
ملك :اي ونحنا بنحبا اكتير تحبها العافية ....
نور حست انو الجو صار متوتر وانقذت الموقف بسرعة وقامت وقالتلو لاخوها مشان يروحو..... قبل مايروحو
وائل نظر لملك وقلها بدك شي ملك ......
ملك :اااااه لا لا سلامتك " وكانت اكتير مصدومة وخجلاني من نظرات رفقاتا راحت نور واخوها واجا دور البنات مشان يستجبوها لملك وبشلو فيها اسألة
ويقولولا شوفي بينك وبينو ردت وقالت والله مافي شي انا مستغربة متلكن قالتلا لمى :مبين الزلمي دايب فيكي وانت مانك حاسي
ملك :انا عم حس بنظراتو وعم حاول اتجاهلها
ريم :نيالك يا ملك صار عندك حبيبي
ملك :حبيب شو انت التاني . وقالتها بقهر
زينب :خلص حبيبتي ملك اهدي بتعرفيهن بيحكو اكتير انت فكري منيح يعني الزلمي بنعرفو وبنعرف اهلو واختونور ومربى ع الغالي ومبين انو رايدك بس هو هلق اهم شي دراستك لا تخلي شي يأسر عليها واذا حبيتيه مافي مشكلة لما نخلص الفصل اذا كان رايدك بيجي بيخطبك وهو شب اكتير حلو ومية بنت بتتمناه
ملك :لك انتو شو عم تحكو اناهلق اهما شي عندي هية الدراسي ومن هون ورايح لما بدو يجي ياخد اختو انا رح انسحب وخلصنا قال حب قال يالله باي انا اتأخرت اليوم بدنا نروح ع بيت عمي
ريم :شوفي عند بيت عمك
ملك :كنتهون خلفت ولد واليوم المباركة وحابي روح واتفرج بتعرفي انت بيت عمي معون مصاري اكتير وبيصرفو اكتير بهيك شغلات ومارح فوت ع حالي هيك مناسبة
ريم: نيالك ....ههههه
ملك :عنجد صبايا انا اتأخرت يادوب لحق يالله باي
ومشت ملك ع بيتا والكل مشوا ع بيوتن
وصلت ملك ع البيت سلمت ع اهلها ولقت الغدا جاهز قعدت اكلت وساعدت امها بلم الغدا وقالتلا امها مشان تجهز حالها مشان يروحو ع بيت عما ودخلت غرفتها ووائل ابدا ما راح عن بالها وعطول عم تفكر فيه وقلبها عم يدق بسرعة بس تتذكرو وصارت تقول معقول انا واقعا بحبو لك لا لا شو عم يصير معي انا هلق بتأخر ولبست وجهزت حالها وطلعت حلوة اكتير امها وابوها اتفاجؤا بجمال بنتهن وشلون كبيرت فجأة امها باسمة :شو هل القمر يا ملوكتي الحلوة
ملك خجلت اكتير وحططت راسها بل الارض
باسمة:يلله اتأخرنا وراحو ركبو بل السيارة ملك واخوتها الصغار وامها باسمة وابوها احمد وملك ركبت بالمقعد الخلفي مع اخوتها حد الشباك....ومشو ع الطريق
وهنن ع الطريق ملك شافت وائل ع الطريق واقف ما رفقاتو انتظرونا بل الحلقة الثالثة
 
الحب الحلال الحلقة الثالثة ( 3)

ملك وهية قاعدة حد شباك السيارة شافت وائل كان واقف مع رفقاتو وهو شافها صارت تخبي حالها بس هو انصدم فيها كانت اكتير حلوي لان هو عطول بشوفها بتياب المدرسة وهالمرة كانت غير شكل المهم دارت وجها ناحية اخوتها وكملو طريقهم وصلو لعند بيت عمها نزلو من السيارة وكانت مرت عمها منى وعمها محمود واقفين ع الباب عم يستقبلو العالم وصلوا لعندن وبلشو يسلمو عليهن سلم ابوها لملك وامها وقربت ملك تسلم ع عمها ومرت عمها انصدمو فيها وبجمالها سلمو عليها بحرارة وعمها اخدها بحضنو
وقلو لاخوه مشالله ملوكة الحلوة صايرة صبية بتجنن ....الله يحميكي يابنتي ويبعد عنك ولاد الحرام ومرت عمها منى:الله يحميكي ويحفظك والله اكبرتي وصرتي كاملي مكملة تقبري قلبي
ملك :تقبري عداكي....بعيد الشر عن قلبك مرت عمو
منى :وحكياتها بجننون كمان
وباستها من راسها ودخلو ع الفيلا وكانت الفيلا بتجنن ومزينة بأحلا زينة واشهى الاكلات والحلويات وقضو قت حلو اكتير كانو كل بيت عمها موجودين الا ابنهم محمد وملك بتعرف ولاد عمها كلوهم الا محمد لانو من هي وصغيرة كانت بمدرسة داخلية لحتى صارت بل الثانوية دخلت مدرسة عامة وكان وقتها ابن عمها داخل جديد بل الشرطة وصار ضابط اكبير هية بتعرفو بس مو اكتير وما بتتذكر ملامحو كان اكبر منها بتسع سنين..... المهم طول الحفلة ملك عم تفكر بوائل وعم تدور ع حل وهية حاسي حالها بتحبو وكانت هية بفترة مراهقة وكان عقلا وقلبا مشوشين وصارت تقول بنفسها رح تقل حالي ومااعطيه وجه واذا بحبني عنجد بضل يحاول معي وما بدور ع غيري يلله بكرا بنشوف وهية عم تفكر وواقفي لحالها قربت لعندا بنت عمها ريهام ونسوان اخوتها لريهام سمر وفاطمة وقالولا شبها قمر هل الحفلة وين شاردة...
ملك:ااااه ... لاماني شاردة بس عم فكر بل المدرسة لانو هالفترة صعبة ....وبعدين مافي قمر وانتو موجودين مشالله عنكن كل وحدي احلا من التاني والله ولاد عمي عرفو ينقو وبنت عمي احلا صبية ....
وصارو كلهن يضحكو ....وقضت السهرة ملك مع ريهام وسمر وفاطمة وخلصو ورجعو ع بيتون وكانت ملك اكتير مبسوطة واجا تاني انهار وراحت ع المدرسة وصلت ع المدرسة بكير قبل رفقاتا وراحت مباشرة ع صفها ووقفت ع الشباك وهية واقفة شافت رفقاتا دخلو واجت نور وكالعادة عم يوصلها وائل نزل وائل مع نور ووقف مع رفقاتا وملك عم تراقب وبين لها انه وائل عم يسأل عليها هية هيك فهمت وضل ناطرها لحتى تجي بس ماحدا اجا رن الجرس والكل داخل الصف ملك بسرعة قعدت ع مقعدها دخلو البنات ولقهوها واتفاجئو وقالولا كانا عم نستناكي تحت بساحة المدرسة وفكرنا انك مانك جاي اليوم وبعدين ليش قاعدة هون ماألك بالعادة
و بالفعل ملك كانت حاسي حالها تعبانة اكتير وماعم تعرف شو عم يصير معها
ملك :مابعرف شو عم يصيرمعي اكتير تعباني وحاسي حدا عم يخنقني وضهري حاسستو مكسور شقفتين وبطني عم يوجعني
ريم :اي سلامتك بتكوني اتعبتي من حفلة انبارح
ملك :يمكن
زينب :ع فكرة اخوها لنور لما وصل نور سأل عنك
ملك وهية موجوعة صرخت وقالت:مارح تخلصوني من هل القصة ليكي نور بدي قلك مابعرف شبو اخوكي وليش هيك عم يعمل بس ممكن تقوليله انو شوماكان الي بدو اياه لا يدخلني فيه وهل الحركات الي عم يعملها خليه يبطلها وخلينا متل الاخوات بكون احسن ....قاطعتها نور وقالت :وائل بحبك .....
الكل سكت وانصدمت ملك بس حست بشي حلو صار جواتها بس كانت موجوعة اكتير وماعرفت شوبدا تقول ...... بعدين ملك حكيت وقالت وصوتها عم يقطش من الوجع انا مابدي ..... حب ...حدا ...ولا حدا ...يحبني ... بترجاكي توصليلو هل الحكي .....
وقالت بنفسها هيك احسن واذا الله كاتبلي كون معو رح يعطيني فرصة جديدة ....
الكل لاحظو ع ملك الوجع وع لون وجها الي كان مخطوف وسألوها ملك انت منيحة
ملك :اي ...اي .. منيحة
ودخلت المعلمة سماح وبلشو الدرس
وبنروح لعند وائل الي كان رح يجن لانو ماشافها لملك بس ماكان يعرف ليش هو مزعوج لهل الدرجة وصار يقول وليش ما اجت وع شو شايفة حالها لازم قوي معها العيار وقلها اني بحبا لأيمت بدي ضل بهل المسلسل مع الانسة ملك انا بفرجيكي صدقت حالها انها حلوة وانه انا معجب فيها مشان هيك ما اجت مشان تسأل رفقاتها اذا سألت عنها...... امممم بسيطة ومشي وراح وقف قدام بيتها مشان يشوفها واذا هية شافتو تتأكد انو بحبها .
المعلمةسماح عم تشرح الدرس وبلش يطلع صوت صريخ التفتت سماح لتشوف من وين الصوت .... كانت ملك قاعدة بل الارض ماسكة بطنها وعم تصرخ
ملك:اااااه ....يالله .... اااااخ .....ااااااخ ...ياربي معد احمل الوجع
ركضت لعندها المعلمة سماح ورفقاتا وصارو يسألوها شبك شو عم يصير معك
ملك :مابعرف ... بس رح موت من الوجع
سماح :شوعم يوجعك بل الظبط
ملك :بطني وضهري وجسمي كلو عم يوجعني
سماح :اسندوها يابنات خلينا ناخدها ع مستوصف المدرسة
اخدوها ع المستوصف كان بل المستوصف ممرضة دخلت ملك وقعدتها ع الكرسي وصارت تسألها شو عم يوجعك قالتلها ملك شو عم يوجعها
قالتلا الممرضة :هاد وجع من الدورة الشهرية بصير انت ايمت موعدها عندك
ملك :انا مابتجيني الدورة
الممرضة معقول ؟؟؟؟بنت بعمرك لازم تكون بلغت من زمان
ملك :انا مابعرف بهيك شغلات
الممرضة:انا رح اتصل بأهلك ورح اعطيكي عنوان دكتورة نسائية تروحي لعندها مباشرة
الممرضة اتصلت بأهل ملك وقالتلون انها ملك تعبانة اكتير ومشان يجو ياخدوها
طلع ابوها وامها لملك بسرعة وركبو السيارة وكان عم يراقبون وائل ولاحظ انهم قفلو الباب وهذا بدل انه مافي حدا بل البيت واستغرب من حالة التوتر الي هم فيها فقرر يلحقهم مشت سيارة ابو مالك ومشي وراهم وائل لحتى وصلو للمدرسة وائل اتفاجئ انو ملك مااجت ع المدرسة اليوم واهلها ليش جايين وصار عندو فضول اكتر يعرف شو عم يصير ...نزلو اهلها لملك من السيارة بسرعة اتجاه المستوصف والممرضة شرحتلون وضع ملك وانه لازم تروح لعند دكتورة نسائية فورا واتطلعو ع ملك كانت مغما عليها من كثرة الوجع فحملها ابوها وركض فيها ع السيارة وفي هذه اللحظة كان عم يراقب وائل وهو مستغرب من كل الي عم يصير انه كيف ملك ما اجت ع المدرسة اليوم واهلا اجو اخدوها من مدرسة وهية مغمى عليها وصارت الافكار تاخدو وتجيبو ومشت سيارة ابوها لملك بسرعة اكبيرة ووائل عم يلحقهم لحتى وصلو ع العيادة ودخلو ووائل كان برا وقرأ لافتة العيادة مكتوب عليها عيادة نسائية وكان رح يجن بدو يعرف شو عم يصير وصار يقول بنفسو معقول ملك كان حدا خاطفها واغتصبها ورماها عند بوابة المدرسة لك لا لا بظن معها مشكلة وكان عقلو اكتير مشوش فجاة تلفونو صار يرن اتصال عمل وبدهم اياه من الشركة ركب سيارتو ومشي اتجاه الشركة .......
انتظرونا بل الحلقة الرابعة
توقعاتكم
ياترى شو مرض ملك ؟؟؟؟؟
وليش وائل مهتم فيها مقعول بلش يحبها ؟؟؟؟
ومحمد ابن عم ملك شو دوروا بل القصة؟؟؟؟؟.
 
الحلقة الرابعة(4)و (5)
الحب الحلال
دخلت ملك لعند الدكتورة النسائية صحتها وفحصتها وعلمت الازم وتركتها لحالها ترتاح وطلعت الدكتورة لعند اهل ملك لطمنهن ع بنتهم
الدكتورة :الحمد لله ع سلامتها اطمنون هية صارت بخير
باسمة:خير دكتورة شبها بنتي
الدكتورة:انت مابتعرفي بنتك انها لهلق ما بلغت
باسمة :فكرت شي عادي واكتير بنات بتتأخر
الدكتورة :كان لازم تعرضيها ع طبيب بس الحمد لله لاتخافو وضعها منيح
باسمة :دكتورة ممكن توضحيلنا اكتر
الدكتورة :اكيد ...ملك عندها الجهاز التناسلي نموو بطيئ وحجمو صغير بل النسبة لجسمها بس لا تخافو مافي شي خطير وهاد الوجع بسبب بطئ دورتها هية من اليوم صارت تجيها الدورة الشهرية يعني بلغت وهاد الوجع لازم تاخدلو دوا مشان يقوي النزيف وبيخف الوجع عندها قبل موعد دورتها بيوم انا كتبتلا اياه واذا اتأخرت عن موعد الحبة بزيد عندها الوجع وساعتها الحب ما رح ينفع وبتتطرو تاخدها ع اقرب مركز صحي تعطوها حقنة وانا كمان كتبتلها اسم الحقنة وهاد الوجع رح يستمر لحتى تتجوز وانتو فهمكن كفاية هلق هيةبخير ركبنالها سيروم بداخله فيتامينات بتغضرو تاخدوها ع البيت
ابوها احمد:شكرا دكتورة عزبناكي معنا
الدكتورة: ولو هاد واجبنا ومرة تاني الحمد لله ع سلامتها وهلق بدي استأذن
احمد وباسمة :الله معك
ودخلو الغرفة خرجو بنتون وركبوها بالسيارة واخدوها ع البيت لترتاح وصلو ع البيت ودخلوها ع غرفتها لترتاح قعدت ملك ع سريرهامن تبعها ومسكت تلفونها وصارت تلعب فيه صارو رفقاتها يحكوها وتساب وخبروها انهم جاين لعندها ليخلص الدوام مشان يتطمنو عليها ...... وخلص الدوام وائل دق لاختو وقلها انو مارح يغضر يجي يوصلها عندو شغل اكتير بل المكتب وهية خبرتو انو مافي داعي يجي وخبرتو انها رايحة تزور ملك
وائل :شبها ملك ليش
نور :مرضت فجأة هلق بشوف شبها وبخبرك حتى تخلص شغل بس هلق يلله سكر مستعجلة الصبايا عم يندهولي
وائل:اي ...اي ...يلله باي
ووائل صار بدو يخلص شغل بسرعة ويعرف شبها ملك من اختو نور
وصلو البنات لبيت ملك واستقبلتهم باسمة ودخلتون غرفة ملك
ريم وزينب ونور ولمى :الحمد لله ع سلامتك خير شو صار معك
ملك :الله يسلمكن ... مافي شي
زينب :كيف مافي شي وبعدين اذا مافي شي شو هاد الكيس الي معلقتيه بأيدك
ملك :رح خبركن بس الله يخليكن لاتخبروا حدا لانو انا نفسي خجلاني من هل الشي الي صار
ريم :لك شوفي نطفتي قلبنا اطمني مارح نحكي لحدا
ملك :بصراحة انا اليوم بلغت
البنات الاربعة بصوت واحد :شوووووووو
نور :معقول انت اليوم لحتى بلغتي ليش لهلق
ملك :وانا شوبعرفني فكرت عادي واصلا كل هاي الشغلات ما بعرف فيها وامي ولا مرة سألتني ولا تنسوا انو نحنا عم ندرس ادبي يمكن لو عم ندرس علمي كان عندي فكرة
ريم :طيب كلنا بلغنا بس مابتذكر صار معنا هيك وجع
ملك :مابعرف شو قالت الدكتورة لاهلي بس قالتلي امي انو في بنات بيتوجعو وبنات لا يعني مافي مشكلة وعطتني دوا يقوي الدورةو بهدي الوجع بدي اخدو قبل الموعد بيوم
لمى :اي شغلة بسيطة المهم انك صرتي منيحة
وبعدين صارو يمزحو البنات مع ملك ويقلو لبعضن اليوم ملك كبرت كانت قبل طفلة وهلق صارة صبية
ونور تقول لريم مقعول طول هل الفترة ونحنا مرافقين بنوتي صغيرة والله انغشينى فيكي انسة ملك .هههههه وقضوها ضحك وبعد ساعة كل وحدة راحت ع بيت ونور ماشية ع الطريق صارت تفكر شو بدا تقول لوائل اذا سألها مالازم تقلوا شو صار مع ملك وصلت نور ع بيتها وكان وائل ناطرها اول ما وصلت شدها من ايدها ودخلها لغرفتها وقلها
وائل:يلله بسرعة شبها ملك احكيلي من الاول
نور متلبكة ومابتعرف شو بدا تقول
نور :انت شوبدك تعرف
وائل:كلشي
نور :ياالله مابعرف من وين بدي بلش
وائل :طيب انا رح اسألك..... وين كانت ملك الصبح
نور :بالمدرسة وصلت قبلنا ودخلت ع الصف ونحنا ماشفنها لحتى دخلنا الصف
وائل :اممممم .... طيب شبها قلتي انها مرضانة
نور :اه ..... اي .... هية .....كا..نت
وائل:شبك احكي ليش هيك عم اتأتأي
نور :ولا شي راسا صار يوجعا وراحت ع البيت هاي هية كل الشغلة
وائل:كذابة .....
نور انصدمت :وانت شو عرفك
وائل:انافكرتها بل البيت رحت وقفت قدام بيتها مشان شوفها بس اتفاجأت انه اهلها طلعو من البيت والحقتون وراحو ع المدرسة وطلع ابوها شايل ملك واخدها ع عيادة نسائية
نور :شوووووو .... اممم مزال بتعرف ليش عم تسأل
وائل :بدي اعرف شو سوت عند العيادة النسائية
نور :اسفة ما بقدر قلك
وائل :يعني الشغلة سر
نور:اي سر
وائل مسك اختو من ايدها وقلها:بدك تحكي غصب عنك
نور:مابدي احكي شي
وضلو ربع ساعة احكي ولا ما بحكي لحتى بل الاخير نور وجعتها ايدها اكتير حكت
نور:ملك اليوم لحتى بلغت وقال هاد الوجع بدو يجيها كل موعد لان دورتها بطيئة وعطتا الدكتورة دوا بقويها وبس هيك ارتحت وهاي فضحنا سرها للبنت
وائل:شوووو معقول بنت بعمرا لهلق هتى بلغت
نور :اي .... وهلق ممكن تتركلي ايدي
وائل:انا اسف اكتير سامحيني
نور :خلص ولا يهمك ...وبعدين هية رح تصير مرتك يعني عادي اذا اعرفت
وائل انصدم واتلبك وصار بدو يتهرب وقلها :انشالله ومشي دغري ..
ومر يومين وملك رجعت ع المدرسة ولما يجي ويوصل وائل نور كانت ملك دغري تتركهم وتمشي وما تعطيه وجه نهائيا لوائل وضلو حولي الاسبوع ع هالحالة وفي يوم وائل عم يوصل نور نزل ووصل لعند ملك والبنات قامت ملك وبدها تمشي ....
وائل :ملك ...
ملك وقفت محلها بس ما التفت اتجاه وائل
وائل :ملك عم حكيكي ردي
ملك وهية محلها :اي قلي
وائل :ليش عم تتهربي مني
ملك :لا مافي شي عادي
وائل :طيب اتطلعي فيني
دارت ضهرها واتطلعت عليه
ملك :خير قلي في شي غيرو
وائل:ما قلتلي ... ليش عم تتهربي مني
ملك :انت بتعرف ليش ....
وتركتون ومشي ... لحقها وائل ومسكها من ايدها وشدها من الخلف
ملك من غير ما تلتفت: اتركلي ايد ليك الكل عم يتطلع علينا
وائل :ملك .... انا بحبك
ملك حست شعلة نار ودخلت قلبا ...وماعرفت شو تتصرف نترت ايدها من ايدو ومشت بسرعة وماحكت ولا كلمة رن الجرص وهو راح ع شغلو
والبنات لحقوا ملك
ملك :انسة نور ماقلتلك تقولي لاخوكي يحل عني وانا مابدي حب حدا
نور:انا عنجد مادخلني وانا اسفة بل النيابة عنو
ملك :لا حول ولا قوة الا بالله ... خلص انا اسفة ولا يهمك بس حبابي خبري اخوكي اني مابدي حب حدا وبعدني صغيرة ع الحب والحكي الفاضي
نور :ملك انا رح خبرو بس اذا مارد علي ولا سمع مني لا اتدخلي صداقتنا بهل المشلكة
ملك :خلص ولا يهمك
وكملو انهارهن وخلص الدوام وكالعادة اجا وائل وصار يحاول مع ملك بس ملك ماترد عليه تركها وراح ركب بسيارتو واخد اختو وارحوا ع بيتو وصار يقول بنفسو :باين عليها عنيدة ورح تعذبني بس مو علي وانا وائل اذا مابخليكي تبوسي الصرماي
نور :وائل وين شارد
وائل:ولا شي عم فكر كيف بدي اقنع ملك فيني والله انا بحبا اكتير
نور :صحي ملك اليوم قالتلي انك تبعد عنها وهية مابدا تحب حدا
وائل : وانت شو قلتيلا
نور :ما قلتلا شي قلتلا اي بقلك
وائل :بسيطة بتنحل . وكملو طريقون
ومرت الايام ووائل كل انهار عم يحاول مع ملك وملك عطول عم ترفض ومر شهر ع هاي الحالة لحتى ملك صار قلبها يلين اتجاه وائل ورفقهتا عطول يقنعوها فيه
وصارت توقف معه لما يجي مع اختو وتحكيه وصارت تتقرب منه اشوي اشوي ومرة اجا وائل عالمدرسة وعزم البنات ع كافيه قربيةمن المدرسة ووافقو البنات وركبو مع وائل بالسيارة ودخلو الكافيه
قعدوا ع طاولة نور وريم وزينب ولمى ..... ملك عم تقعد ع الكرسي مسكها من ايدها وائل وطلب منها انهم يقعدو لحالون هية بل الاول ترددت بس البنات اصرو عليها انها تقعد معو فراحت وقعدت هية وهو ع طاولة لحالون وطلب شي يشربوه وطلب للبنات كمان
وائل متلبك وماعم يعرف من وين بدو يبلش
وائل:ملك كيفك اليوم
ملك: تمام الحمد لله
وائل:ملك .... انا.....
ملك :اي شوفي احكي
وائل:مافكرتي بموضوعنا
ملك صار وجها احمر من الخجل ونزلت راسها للارض
ملك :ايو موضوع
وائل:موضوع انه انا بحبك
ملك :شو المطلوب مني
وائل:انك تبادليني نفس الشعور
ملك :وبعدين .....
وائل:شو يعني بعدين
ملك :قصدي بعد الحب شوفيه
وائل:لحتى تخلصي هاي السنة دراسة بنخطب ولحتى تاخدي الشهادة الثانوية بنتجوز
ملك عجبتها الفكرة وفكرت انه نيته صافيه وقصده شريف بس بالعكس هو قلها هيك مشان تقتنع اكتر
وائل :ملك ... ملك ...
ملك :اي ...اي ...معك
وائل :وين شاردي
ملك :ولا شي شردت اشوي
وائل:طيب شو قلتي
ملك :قلت انه انا بحبك كمان
وائل:شووووو ماني مصدق هاي انت الي عم تحكي مشان الله قوليها مرة تاني مشان صدق
ملك:لك اي ... اي ..بحبك ..بحبك
وائل:وانا كمان بحبك ياعمري وياروحي لك تسلمي لقلبي اشقد كنت ناطر منك هل الكلمة لك بحبك مووووووت
مدايدو بدو يمسكلها ايدها بس هية سحبت ايدها بسرعة قلها ليش هيك مابصير امسك ايدك ردت عليه هيه لا لبعد الخطبة مسموحلك بس تمسك ايد
وهو انقهر اكتير وصار يفكر انه رح يتعب معها اكتير
قلها مابوعدك انا اوقات مابقدر سيطر ع نفسي
قالتلو انا هاد شرطي واذا حاولت شي مرة بتعتبر كلشي بيناتنا خالص هو صار يضحك وقلها اي طولي بالك علينا لسه اليوم ارتبطنا خلص ولا يهمك بحاول انه ما امسك ايدك وغيرو انسة ملك
ملك :ههههه مابدي غير سلامتك بس انا اتأخرت وهلق اهلي بينشغل بالهن علي
وائل:والله لسه ما اشبعت منك
ملك :ولا انا وحابي هل انهار مايخلص يلله الايام جاي وبنمل من بعض بس هلق لازم نروح
وائل:طيب متل مابدك ياعمري يالله قومي
وطلعو من الكافيه وكل واحد رح ع بيتو ملك وصلت ع البيت وصارو رفقاتها يحكوها ع الوتساب ويسألوها شو صار معها وحكتلون كلشي بل التفصيل وهنن فرحولا اكتير وهية كانت اكتير فرحاني..ووائل اخد رقم ملك من نور وصار بتواصل معها و عم تمر الايام
ووائل وملك حبهم عم يكبر بس ملك كانت تحس حالها انها عم تغلط بعدين تفكر انه رح يصير جوزها ومافي داعي للخوف وكان اوقات يمسكلها ايدها هية ترفض وما تخليه واوقات يحاول يبوسها وهية تمنعو وتزعل منه وما تحكيه لنهارين وهو كان مزعوج من تصرفاتها والحقد الي جواته عم يكبر اكتر لانه هو بحياتو محدا قلو لأ ....
وبلشت امتحانات اخر المدرسة وملك انشغلت عن وائل وهو كان اكتير مقهور وناطر الامنتحانات لتخلص وينفذ الي بدماغه وخلصت الامتحانات وصار فرص وائل وملك قليلة انهم يلتقو مع بعض بس كانو عطول يتواصلو ع الهاتف وكانت اوقات تشوفو عند اختو نور لما تروح تزوها بس ملك كانت مانها مرتاحة من طريقة حكيو معا ومن نظراتو وكان ع طول يقلها جسمك حلو وشفايفك حلوين وهية كانت تنقهر من اسلوبه ومرة هية عم تزور نور هو اجا يشوفها ووائل طلب من اختو نور تخليهم لحالهم ودخل لعند ملك وقفل الباب وقرب قعد حدها وهية كانت اكتير متوترة وقالتلو ليش قفلت الباب قلها مشان ماحدا يزعجنا
ولاتخافي هية خمس دقايق حابب شوفك واشبع منك وروح ... قعدا حدها وقلها ملك انا بحبك
ملك :وانا كمان بحبك
وائل:ممكن بس هل المرة امسك ايدك وبوسها بوعدك بس هل المرة
ملك ماردت
وائل مسك ايدها وباسها
ملك حاولت تشد ايدها من ايدو بس ما غضرت وهو كان ماسكها بقوة وصار يقربها منه وهية تحاول تبعد عنه بس ماتغضر وبعدين حضنها بقوة وباسها هية بهل اللحظة عصبت اكتير وصارت تعيط عليه وزعلت منه اكتير وصار يعتزر منها بس هية ماتقبل وقعدت وصارت تبكي دخلت نور ولقت ملك عم تبكي تسألها شبك ملك وملك ما ترد
ملك:نور انا بعترز صار لازم روح
نور:مارح خليكي تروحي وانت هيك قوليلي شبك بشو زعجك وائل
ملك :خلص ولا شي انا منيحة وبدي روح يلله باي
وحملت حالها وراحت
راحت نور تسأل اخوها شبها ملك
وائل:شقفة بنت مقعدة كل هاد لاني بستها
نور :يالله منك ياوائل ليش هيك اعملت معها ملك اكتير محافظة ومابتحب هيك شغلات
وائل:حلي عني انت واياها لسه ناقصني انت
نور :رح حل عنك .. بس شو بدك تعمل معها
وائل:خلص ولا يهمك انهارين وبراضيها
نور:ان شاء الله
ملك وهية ماشي ع الطريق عم تستغفر ربها وشاردي وفجأة صار شي ماكانت متوقعته
ياترى شو صار مع ملك ع الطريق توقعاتكم
انتظرونا بل الحلقة الخامسة ....
الحب الحلال
الحلقة الخامسة (5 )
ملك وهية ماشي ع الطريق عم تستغفر ربها وشاردي وفجأة صار شي ماكانت متوقعته كانت ماشية بنص الطريق ومانها منتبهة لحالها كانت جاي سيارة مسرعة وفجأة لقت حالها قدام السيارة وخافت اكتير ورجليها حستون انشلو والسيارة تزمر وصاحب السيارة دعس ع الفرامل بقوة وطلع صوت الفرام السيارة قوي وضل داعس لحتى وصل لعند ملك ووقفت كان بين السيارة وملك5 سم بس بهل اللحظة ملك من الخوف وقعت بأرضها نزل صاحب السيارة بسرعة لعندها وحاول يصحيها بس ما كانت تصحى حملها واخدها ع اقرب مركز صحي داووها وسقوها مي وسكر وصارت منيح وهية قاعدة ع سرير بل المشفى
صار يدق الباب
ملك :تفضل
دخل شاب حلو اكتير طول بعرض الو عضلات اسمر جذاب والو لحية خفيفة لابس نظارات شمسية
الشب :الحمد لله ع سلامتك
ملك :الله يسلمك .. بس مين انت
الشب :انا الي مادعستك بل السيارة .وقالها بنوع المزح
ملك :يعني انت .... يعني لونه صاير علي شي كنت افرحت فيك
الشب :والك عين تحكي كمان ... لانه انت كنت واقفي ع الرصيف وانا جيت دعستك ما حضرتك وقفتي بنص الطريق ومعد تحركتي وصرت زمرلك وانت ماتتحركي
ملك :اي شو يعني هلق بدك مني شكرا الك لانك مادعستني وشو بدك غيرو بدك مصاري مثلا
الشب :لا شبعي حالك مصاري فوق مااجيت مشان اطمن عليكي بس مو الحق عليكي وهلق انا رايح اذا بتحبي بوصلك بطريقي ع بيتك
ملك :لا شكرا...بس ممكن اعرف شو اسمك
الشب :محمد
ملك :يا اخ محمد انا بعتزر ومعك حق انا الي ما كنت منتبها ع الطريق شردت اشوي... ومن الخوف حسيت رجلي اتربطو معد اغضرت اتحرك
محمد :ولا يهمك ما مشلكة .... هلق بدك شي مساعدة بتعرفي تروحي ع بيتك لحالك
ملك :اي بعرف شكرا الك هلق باخد تكسي
محمد :معقول تاخدي تكسي وانا موجود
ملك :انا مابركب معد حدا ما بعرفو.... خلص هلق باخد تكسي او بدق للبابا بيجي بياخدني .. خلص انت لا تهتم فيك تروح
محمد:طيب ماشي انا رايح يلله باي
ملك :الله معك
قامت ملك نفضت اتيابها وظبطت حجابها وطلعت من باب المشفى ركبت تكسي مسكت تلفونها لقتو مسكر اجت تفتحو مانفتح معها كان خالص شحنو وصلت ع البيت وكانت امها واقفي ع الباب عم تنطر ملك ومشغول بالها راحت امها ركضت لعند بنتا مسكتها وحضتنها وصارت تسألها شو صاير معها بس ملك كانت بعالم تاني كانت بصدمة من الي صار معها اليوم تركت امها وطلعت ع غرفتها امها لحقتها وقعدت حدها باسمة:شبك ياماما شو صاير معك احكي ليش هيك مصدومة احكي اي شي
ملك ما ترد
باسمة :انا قايمة دق لنور واسألها
ملك بسرعة :لا ماما لا تدقي لحدا نور مابتعرف شي
باسمة :واخيرا احكيتي قوليلي يا ماما شو صاير معك
ملك :وانا راجعة من عند نورشردت بالموبايل ولقيت حالي بنص طريق وكانت جاي سيارة مسرعة وانا هون اتربطو اجري وخفت اكتير قام اغمى علي ولما فقت لقيت حالي بل المشفى .. الحمد لله صاحب السيارة ما صابني
باسمة :ياحبيبتي كل هاد صاير معكونحنا ما معنا خبر....... ويلعن ابو التلفونات ما مية مرة قلتلك لاتشيله بل الطريق .......المهم هلق حصل خير بس مين هاد صاحب السيارة من عنا من هون ولا ما اعرفتيه
ملك :اول مرة بشوفو هو شب اكتير محترم بس بتعرفي ياماما حسيت حالي بعرفو من زمان وحاسي شكلو مؤلوف عندي ..
باسمة :المهم حبيبيتي الحمد لله ع سلامتك ارتاحي هلق وتاني مرة شو مابصير معك من حيالا هاتف بدقي وبتطمنيني افهمتي
ملك :حاضر ماما ، طلعت باسمة وتركت ملك لحالها بس كانت ملك عقلا مشوش من الي صار معها مع وائل والي صار معها ع الطريق وصارت تقول اكيد الله عاقبني لان وائل باسني وكتر ما فكرت صار راسها يوجها شربت حبة مسكن وحطت راسها ونامت وضلت نايمي لتاني انهار الصبح .... ،ومرت عدة ايام ووائل عم يحاول يعتذر من ملك بس هية رافضة تحكي معو
وبعدين قلبها حن واشتاقتلو ورجعت تحكي معو بس بعد ما وعدها انه ما يحاول لسمها الا لبعد الزواج وهو وافق ووعدها وكانت ملك بتحب دينها اكتير ومحافظة ع صلاتها وما بتقطع وقت وكل شغلة تعملها عرفاني ان الله تعالى عم يراقبها واجا يوم نتائج وراحو البنات ليجيبو نتائجهن من المدرسة وطلعو كلهن ناجحين وبعلاماة ممتازة وفرحتهن ماعم توسعهن ووائل بهل المناسبة جبلا لملك هدية ومافعل يعطيها اياها الا لحتى تطلع معو ع العشا
...هية كانت متردد بس بل الاخير وافقت ع شرط انه تروح معهم نور وكمان لتاخذ اذن من اهلها وهو وافق وملك كانت عندا بهل اليوم فرحيتن الاولة نجحا والتاني انها رح تطلع مع حبيبا ع العشا وراحت ع البيت خبرت اهلها وفرحو اكتير لملك وطلبت منهم انها بدا تطلع مع رفقاتها ع العشا وهنن ما اعترضو لانها ناجحة وبعلامات عالية ماحبو يخجلوها وهنن بيعرفو اخلاق بنتون ومستحيل تغلط ..... وصار وقت العشا ملك لبست احلا فستان عندا ووظبتت حجابها وطلعت متل الاميرة خبرت اهلها انها طالعة وانه رفيقتا نور رح تجي تاخدها هية واخوها وانه اخوها رح يوصولون ويروح وامها وافقت بشرط ع انه وائل ما يقعد معهن ملك ردت عليها لا اكيد مارح يقعد معنا بس رح يوصلنا وهاي كانت اول مرة ملك بتكذب فيها . باسمة:ماشي الله معك باي، صار وائل يزمر بالسيارة مشان تطلع ملك وطلعت ملك من باب بيتها ووائل انصدم فيها وبجمالها وهية ماشية لعندن وصلت وركبت بل المقعد الخلفي
وائل:مشالله عنها حبيبتي طالعةاحلا من القمر اليوم
ملك :لك انت القمر ياحبيبي
نور :احم ..احم نحن هنا احترموني ع القليلة
وصارو الكل يضحكو
نور :طيب انا شو رايحة سوي معكن بدي انزع علكم السهرة وما حلوي اقعد لحالي متل الخوتي
ملك :مامشكلة ضلي معنا
نور :شو رائيك وائل ترجعني ع البيت
وائل:اذا بدك برجعك
ملك بسرعة :لاااا ضلي معنا حبابي اطمني مارح تزعجينا
وائل:مقعول بتخافي مني لهل الدرجة ما نحنا رايحين ع مكان عام
ملك :عنجد افهموني وبعدين حرام نضل انا واياك لحالنا حتى لو بمحل عام ولنفتضر بركي حدا شافنا لحالنا والله بننفضح انت شب شو بهمك
وائل:عنجد انك وحدة معقدي .... اف منك
ملك :اي وحدة معقدة واذا ما عاجبك نزلني هون
نور :شبكن رح تعلقو مع بعضكن
ملك :مانك شايفي اخوكي وبعدين انت وين بدك تروحي ما انا كان شرطي انك تكوني موجودي
وائل:حبي خلص انا اسف ... مشيها خلينا ننبسط اليوم
ملك :عنجد رجعني بطلت اسهر
وائل:خلصينا ملوكة حبيبتي ورح نوصل معد حلوي نرجع
ملك :خلص طيب ماشي متل ما بدك الله يمضي هل الليلة ع خير يمكن لاني كذبت ع امي اليوم الله عم يعاقبني
وائل بقلبو: تضربي انت والي بدو يطلعك معو لسه ناقصني معقدين اف يااااه لسه مفكرتي حالها احلا وحدي بل العالم " ..... اطلع عليها بل المراي رجع قال بقلبو اي والله حلوة وبتجنن كمان
وصلو للمطعم ونزلو وقعدو ع الطاولة الي كان حاجزها وائل
وهنن قاعدين يحاول وائل يلطف الجو مع ملك
وائل:القمر بلش يغيب ورح ينزع علينا السهرة
ملك ما ردت .....
وائل:خلصينا ملوكة بدنا نقضي السهرة هيك افرديها اشوي
ملك ابتسمت ابتسامة صغيرة
وائل :اي هاه بلش القمر يفتح.... نور احكيلك شي كلمة
ملك ابتسامة كبرت
نور :ملك قلبا ابيض وليك اشلون ضحكت هاه
وائل:اي ما تبله هل الضحكة ياعمري انت
ملك:حبيبي .. مابدك تقلي شو هية الهدية
وائل:ههههههه العما شو انك وحدة مصلجية
وصارو كلون يضحكو ....
طلبو العشا واتعشو وانبسطو بس في كان حدا بالمطعم عم يراقب ملك من اول ما دخلت وعم يراقب ضحكتها وحركاتها ...
اجا الكرسوون اخد العشا وطلبو عصير
ملك:وائل لتكون مانك جايبلي هدية وعم تضحك علي
وائل:هههه وليه مجنونة معقولة انا اضحك عليكي يلله عمضي عيونك قام وائل وفتح الهدية وهية عبارة عن سنسنال مكتوب عليه lova m*w راح لورا ملك مشان يلبسها اياه .. لبسها اياه وقلها هلق فتحي ولما فتحت عينها كانت الصدمة كان وائل واقف وراها يعني العالم الي كانو قاعدين وراها بينو عليها لانه قام من محلو وكان قاعد ع الطاولة الي مقبالها مجموعة شباب وبيناتهم محمد الي كان رح يدعسها هداك انهار قاعد معهم وكان مقبالها بل الظبط وهية هون اتلبكت وصار وجها اصفر بس مابتعرف ليش هية خافت هيك وهو كان عم يتطلع عليها وكان مشاهدها من اول ما قعدت وكيف لبسها وائل السنسال وكانت نظراتو بتقتلها لملك وهو كان عم يتطلع عليها نظرات اعجاب وحس حالو انزعج لانه وائل قام ولبسها عقد برقبتها
وائل:ملك .... ملك ...ملك ..
ملك :اي ... اي .. معك شوفي
وائل:شو شوفي صرلي ساعة ملبسك السنسنال وعم استنى تقوليلي شو رأيك فيه
ملك :اكتير حلو يسلمو ايدك
وائل :منيح افتطني تردي ..... بس بدي اعرف وين بتشردي
ملك :انا اسفة بس ما بعرف وين شردت بس عنجد اكتير حلو يسلمو ايدك
وائل :الله يسلمك
ملك :بس ما بغضر البسو مشان اهلي رح اشلحو وخليه معك لحتى نخطب بتلبسني اياه
وائل:ااااه .... اي اي طبعا
ملك شلحت القعد وعطوا لوائل وهون محمد عم يراقبها وطلبت تروح ع الحمام وائل دلها ع مكان الحمام وراحت دخلت الحمام ووقفت ع المراياطلعت عليها لقت محمد وراها نقزت وشهت
ملك :هييييء ... بسم الله الرحمن الرحيم
محمد :شبك تقزتي
ملك :اي..... بس.....خلص لاتشيل هم
محمد :شو كيف صرت ان شاء الله ماصابك شي اضرار هداك انهار
ملك :لا الحمد لله ما صابني شي والفضل الك
محمد :ولو انا اعملت واجبي .. مشالله عنك طالعة اليوم حلو اكتير
بهل اللحظة ملك اتلبكت وخافت
ملك :شكرا الك هاد من زوقك ...
محمد :لابقين لبعض هاد خطيبك
ملك :لا
محمد :امم لكن شو بيقربك
ملك :عدم المؤاخذة انت شو دخلك بحياتي
محمد :sorry يمكن اتجاوزت حدودي بس من اول ما شفتك اول مرة ولما حملتك بحضني حسيت بشي غريب صار جواتي واليوم لما شفتك زاد هل الشي
ملك :اذا بتريد بلاه هل الحكي مابهمني شو صار جواتك وهل من بعد اذنك بدي اطلع . وهية ماشية قلها محمد انا اذا حطيت شي براسي بعملوا واذا كا الدني وقفت بوجهي فا ديري بالك مني .ملك ما ردت عليه
وطلعت ملك وراحت قعدت اشوي وطلبت من وائل ونور انهم يمشو ووائل وصل ملك ع بيتها وكمل طريقو دخلت ملك ع البيت ولقيت اهلها مجتمعين ولقت عندهم بيت عمها محمود دخلت سلمت عليهم ومرت عمها منى مسكتها وقعدتها جنبها صارت تقلا مشالله عنكن شو انك بتدخلي ع القلب مباشرة
عمها :جيتي بوقتك ياحبيبتي
ملك :اي احكولي شوفي
محمود :يابنتي متل ما بتعرفي الدنيا قسمة ونصيب وكل بنت بدها تتجوز وتنستر
ملك :اي كمل عمو خير شوفي
.......
توقعاتكم شو بدو عمها محمود انتظرونا الحلقة الجاي
 
الحب الحلال
الحلقة السادسة(6)
محمود :يابنتي متل ما بتعرفي الدنيا قسمة ونصيب وكل بنت بدها تتجوز وتنستر
ملك :اي كمل عمو خير شوفي
محمود :عقبال عندك يابنتي بكرا خطبة ريهام
ملك :عنجد عمو اي انشاء الله الف مبروك
محمود :الله يباركةفكي يابنتي وانت كمان الله يفرحنا فيكي عن قريب
ملك :من وين العريس
محمود :ما بتعرفيه بيخدم بالشرطة بصير رفيقو لمحمد
ملك :اي ومين محمد
باسمة :ابن عمك بس انت ما بتعرفيه زيادة
ملك :اي ..اي انا اسفة مابعرفو
محمود :عادي ولا يهمك وشوبدو يعرفك فيه انت
منى : جهزي حالك ملك بكرا عندك شغل اكتير بدك تضلي مع ريهام طول انهار هية هيك طلبت
ملك:من عيوني مية طلب متل هل الطلب
احمد :اخي ماقلتلي ايمت اجا محمد
محمود :صرلو اسبوعين
احمد:وليش ماشفناه معقول ما يجي يسلم ع عمو
محمود :والله انا ماعم شوفو طول الوقت متلهي مع رفقاتو الظباط ومشغول كمان بدو ينتقل يصير يخدم هون بالمنطقة يعني رح نصير نشوفو عطول
احمد :الله يوفقو يارب بس ياحرام شو الله جابروا بهل الشغلة
محمود : والله مابعرف كل هالاملاك الي عنا والشركات مافعل يتشغل فيها قال هاي هوايته وانا قلت خليه ع راحتو
احمد :اي والله .وكملو السهرة وملك استأذنت منهم وطلعت ع غرفتها لبست بجامة وقعدت ع سريرها وكانت عم تفكر منين اجاها محمد وليش هيك كان يحكيها وشو بدو منها صار موبايلا تجيه رسائل واتساب فتحتو وائل عم يبعتلا وريهام بنت عمها ماردت ع وائل وصارت تحكي ريهام ويتفقوا شو بدهم يشتغلو بكرا وائل صار يبعتلا اكتير بس هية ماكنت حابة تحكي معو وخلصت حكي مع ريهام وحطت راسها ع المخدي وكل ماتغمض عيونها يطلعلا محمد قدامها و قضت نص الليل وهية فايقة وعم تفكر وحست حالها انها خايفي منه .
وبنروح لعند محمدهو بصير ابن عمها لملك كان قاعد بغرفتووالصبح رح يطلع وهو ماعم يجيه نوم اول مرة بحب بنت من اول نظرة وصار يقول شو هل البنت هاي بحياتي ماشفت اجمل منها وطول الليل عم يتخيلها قدامو بعدين يتذكر كيف كان حبيبها عم يلبسها عقد برقبتها ويرجع ينقهر وصار يقول الله يهنيها باين عليهم بحبو بعض ... اشوي وصار يأذان الصبح قام صلى واستغفر ربه وحط راسو ونام ... صارت الساعة 10 دخلت اختو صحتو وقالتلو قوم يلله اليوم خطبتي ولهلق نايم
محمد :ريهام الله يخليكي خليني نام اكتير نعسان نمت الساعة ستة
ريهام :وشو يلي مسهرك طول الليل لحالك
محمد :والله يا اختي عشقان.....
ريهام :عنجد... وايمت ....وكيف.... ومين ...
محمد:بصراحة شفت من اسبوعين بنت اول مرة بشوف بنت بجمالها ولما شفتا شعلت نار بقلبي وانبارح وانا سهران مع رفقاتي شفتا قاعدة بل المطعم مع شب ومعهن وحدة وقام الشب ولبسها عقد برقبتها وانا من ساعتها وانا رح جن
ريهام :خلص ولا يهمك اليوم بخطبتي بتنقي احلا منها بمليون مرة
محمد :مابظن وبعدين شيلك عن الجمال بس حسيت حالي حبيتا من اول مرة
منى دخلت عليهن
منى:شو عم تعملو انت واياه
ريهام :عم فيقو بس مابدو يفيق
منى :خلص اتركيه ينام انا بعد اشوي بفيقك يا محمد نام هلق ماشي
محمد :لك تسلمي ياست الكل فهمي بنتك اذا اليوم خطبتها بدا الكل يشتغل فيها
منى:صحي ريهام ملك تحت عم تنطرك
محمد :ومين هاي ملك كمان
منى :بنت عمك احمد ... صحي محمد قوم شوفها بنت بتجنن
ريهام :اي والله يامحمد .. عم فكرة ملك احلا وحدة بل المدينة كلها قوم شوفها بركي عجبتك
محمد :حلي عني مابدي شوف حدا ماصديقت ايمت نمت خليني كمل نومتي
ريهام:تتهنى الي ماخدي علقك
منى:ليش في حدا بحياتك محمد
محمد :لا بس بنتك بتحكي اكتير وانسة ريهام مو الحق عليكي الحق علي انا الي فتحتلك قلبي
ريهام:انا اسفة ... بوعدك معد احكي ويلله هلق باي اتأخرت ع ملك ويادبو لحق
منى ومحمد :الله معك باي
نزلت ريهام وكانت ملك عم تنتظرها بالصالون سلمت عليها وطلعو دغري نزلو ع السوق اشترو اتياب للخطبة اشترت ريهام فستان حلو اكتير الها واشترت واحد كمان لملك هدية منها واشتروا حجابات وراحو ع محل الاحذية واشترو كلشي بيلزمون وراحو اتغدو بمطعم وبلش انهار يخلص وراحو ع صالون التجميل جهزوا حالهن وعملو مكياجون ولفات حجابون وصار الدني ليل ركبو السيارة وراحوع الفيلا والاجواء بل الفيلا كانت خالصة وكلشي جاهز والمعازيم بلشت تجي وكانو عاملين الحفلة بحديقة الفيلا نزلت ريهام وملك من السيارة وضلو طالعين ع غرفة ريهام ليعملو بعض التظبطات ويلبسو الفساتين الي اشتروها وسمروفاطمة وملك ساعدو ريهام بل الفستان الخطبةملك كان فستانها فستان سهرة عادي بس حلو اكتير اجا محمد بدو يدخل لعند اختو يشوفها بس نسوان اخوتو منعوه وقالولو في نسوان اكتير جوا وعيب تدخل وقالولو انو يروح يظبط حالو ماضل وقت راح محمد يلبس وملك تركتون ونزلت لعند اهلها بل الحديقة راحت وقفت مع اهلها وصارت كل العالم تتطلع ع ملك لانها كانت اكتير حلوة ملك خجلت من نظرات الناس رجعت طلعت لعند ريهام وقالت بنزل هية وريهام مشان محدا ينتبهلا والكل بكون عم يشاهد العروس وضلت مع ريهام وصار وقت انها تنزل العروس وطلبوا انه محمد اخوها والعريس يجو ينزلوها راحت سمر دقت ع باب غرفت محمد وندهتلو وقالتلو انه ينزل ينده للعريس نزل ع الصالون محمد نده للعريس وطلعوا ع غرفة ريهام بهل اللحظة ملك دخلت الحمام لانها من الصبح ما دخلت ع الحمام
اندق الباب دخل العريس مسك عروستو من ايديها وباسها ع راسها حط ايدو بأيدها ونزلو لمكان الحفلة والكل نازل ورا العريس والعروس
ضلت لحالها ملك بل الحمام طلعت وقفت ع المراي لقت تلفون ريهام ع الطاولة عم يرن مكتوب اسم محمد ردت
محمد :الو
ملك :اي معك
محمد :مين انت ... ووين موبايل ريهام
ملك :انا ملك بنت عما لريهام هون بعرفة ريهام كنت بل الحمام يلله نازلة
محمد :اي ماشي
اخدت ريهام التلفون من محمد وحكت ملك
ريهام :الو الو ملك
ملك :اي .. اي معك
ريهام: الحمد لله فكرت موبايلي ضايع المهم حبابي يا ملك نسيت محبس العريس عندك ليكيه بل الدرج جيبلي اياه معك
ملك :لحظة .... اي ليكيه ليقتو يلله جاي
ريهام :ميرسي اكتير الك
نزلت ملك وصارت بل الحديقة ومشت اتجاه العرسان كان محمد واقف مقبال العرسان وداير ضهرو لملك يعني ملك ماشفتو وهية ماشية وصلت لعندن لتعطيهم المحبس علق بأجرها شريط كهربا واتفركشت ريهام شافتها قالتلها ملك انتبهي بسرعة محمد التفت وملك كانت عم توقع ومسكها اجت بحضنو ....
لحظة صمت عند الجميع .............ملك ومحمد عيونون عم تتطلع ع بعض محمد ماكان مصدق عيونو ملك حست ع حالها وانو العالم عم يطلعو عليهن قامت وقفت وبعدت عن محمد واتشكرتو وعطت المحبس لريهام وباركت للعرسان ومشت وراحت لعند اهلها. محمد واقف محلو مصدوم وفي مية سؤال ع يدور براسو وماعم يلاقي اجوبي وملك كذالك الأمر تلبكت اكتير لانو نظرات الناس صارت عليها اكتر وخافت لما اكتشفت انو محمد ابن عمها وراحت وقعدت حد امها وحطت راسها بل الارض ومانها عرفاني شو بدها تعمل ومحمد شب جريء مشي وراح اتجاه عمو كل ماعم يمشي خطوة ملك قلبها بدق اكتر وخايفي يقول لاهلها انها كانت مع شب عم تتعشى انبارح وصل محمد سلم على عمو وع مرت عمو وقعد حد عمو وعيونو ع ملك وملك من الخوف انخطف لونها وصار محمد يحكي مع عمو ويطتمن عليه واخبار الشغل واخبار المدينة وبعد احاديث اكتير. قال محمد:قلي عمو هدول بصيرو ولاد عمي
احمد:اي يا ابني مالك وأية الصغار
وملك بتي الكبيرة
محمد :مالك وايه بعرفون قبل ما اتطوع بالشرطة كانو صغار اكتيروملك انا بتذكرها كانت صغيرة بس يمكن كانت بمدرسة داخلية ومابعرفها منيح...،عمو من بعد اذنك ممكن اقعد معها لحالنا حابب اكترف عليها
احمد :اكيد انت متل اخوها
ملك :اناما بدي اقعد مع حدا وهون مرتاحة
احمد:قومي يابنتي لاتخجلي ابن عمك وهو متل اخوكي ... يلله قومي بلا دلع بنات
ملك:حاضر بابا
قامت ملك وراحت مع محمد يقعدو لحالون احمد وباسمة اتطلعو ع ملك ومحمد ولقوهن لابقين لبعضوكذالك الامر محمود ومنى
قعدت ملك ع الكرسي ومحمد قعد مقبالها
محمد :كيفك ملك
ملك:لما شفتك صرت ماني منيحة
محمد :له ليش ... مع انو ليكي نص البنات الي بل الحفلة ع يتطلعو علي
ملك:وشو الله جابرك تقعد معي قوم نقي شي وحدة واقعد معها
محمد :نقيت ومشي الحال
ملك:شو يعني .... ما افهمت قصدك
محمد :مافي غير انت عجبتيني وسكنتي قلبي
ملك :هه ... بهل السرعة
محمد:واكتر ....
ملك :بس انا ماني الك ..،
محمد انقهر واتذكر ليلة انبارح
محمد :لكن لمين لهاد الي كنت سهراني معو انبارح
ملك:هاد شي مابخصك
محمد :طيب ماشي انا قايم قول لابوكي وين كنت انبارح ومع مين
ملك بسرعة:بترجاك لأ ....
ملك :انت شوبدك مني قولها بصراحة
محمد :مابدي شي كنت عم امزح معك بس انا عنجد حبيتك من النظرة الاوله وكل همي انك تكوني مبسوطة والله يهنيكي بحياتك واذا بدك فيكي ترجعي تقعي مع اهلك
قامت ملك وكانت عم تشوف الحزن بعيونو لمحمد وراحت لعند طاولة اهلها ومن كتر ماكانت خايفي نزل ضغطا واغمى عليها.... فورا ابوها مسكها وقعدها حدوا مشان محدا ينتبه وتنتزع لحفلة.. محمد شافها قام بسرعة لعندن
محمد :خير عمي شو صار
احمد :لا تخلي حدا يتنبه مشان ماتخرب الحفلة اغمى عليها حاول معي تصحيها
محمد:خايف ماتصحى متل هديك المرة
احمد :ايو مرة
باسمة عم ترش مي ع وجه ملك وصحت
محمد :انا هادك انهار كنت ماشي بل السيارة وماشفتا غير صرات قدامي شحطت فرام قام هية اغمى عليها واخدتا ع المشفى بس ماكنت بعرفا انها بنت عمي
احمد :صح قالتلنا ملك كمان هية ماكنت بتعرفك
ملك :عن مين عم تحكو
احمد:مافي شي مهم انت منيحة يا بابا
ملك :لا انا تعبانة اكتير بدي روح ع البيت ارتاح
احمد :يلله قومي رح وصلك
محمد :لا تعذب حالك عمي انا بوصلها وبعدين لسه الحفلة اولها ما حلوة تروح
احمد :طيب ماشي يا ابني دير بالك عليها
محمد :لا تخاف بعيوني
ملك :بدي روح لحالي او باخد تكسي
احمد :عيب عليكي تخجلي ابن عمك هو بوصلك او انا رح قوم وصلك
ملك :خلص خليك مرتاح رح روح مع محمد
مشو وركبو بل السيارة وراحو
محمد :شوصار معك لحتى اغميتي
ملك :رجاء انت لا تحكيني
محمد بعصبية :اي وبل الناقص ومشي بسرعة قسوة
وصلو ع البيت نزلها قرب لعند يسندها بس هية ماخلتو ومشت لحالها ومحمد انقهر اكتير اول مرة بحس حالو مزلول دخلو ع البيت
ملك :خلصت مهمتك صار فيك تمشي يسلمو اديك
محمد :ماعكيفك
ملك :شوو ما افهمت عليك شو بدك
محمد :بدك تحكيلي كلشي وماانا هلق بمثابة اخوكي وبدك تحكيلي كلشي احسن ما روح قول لعمي وهو بيتصرف ع طريقتو
ملك :ماني حكياني شي والي بدك اياه اعملوا
محمد عصب ومسكا من ايدا وعصا عليها وقلها غصب بدك تحكي مو بكيفك
ملك :اااااه لك عم توجعني اتركني ماني حكياني شي.
محمد صار يعصي ع ايداها اكتر
ملك :ااااخ ... اااااخ مشان الله تركني عم توجعني
محمد صار يعصي اكتر
ملك :خلص والله بحكي بس تركلي ايدي ماعد استحمل
محمد :احكي وانا ماسكك مارح اتركك لحتى تحكي كلش
ملك وهية عم تبكي ودموعا نازلين ع خدودا:طيب شوبدي احكي
محمد :مين هاد الشب
ملك :اخوها لرفيقتي
محمد :شو اسمو وعيلته ورقمك ورقمو .وطلع ورقة وقلم وملك قالتلو اسمووالارقام
محمد :اشقد عمرو
ملك :٢٧
محمد :وانت
ملك: ١٧
محمد :شو بيشتغل
ملك :مهندس كمبيوتر وبشتغل بشركة ...
محمد :بتحبو بعض
ملك: اكتير ،ان شاء الله خلصت اسالتك ياحضرة الضابط
محمد :عندي كلمتين مافي غيرون بعد اسبوع بدو يكون طالب ايدك ونحنا ماعنا بنات تطلع وتفوت مع الشباب ومن هون لاسبوع اذا ما اجا ساعتها انا رح اتصرف بمعرفتي ... شو افهمتي
ملك :اي اي افهمت هلق مشان الله اتركني
محمد تركها وهية ركضت ع غرفتها وقفلت الباب ع حالها محمد لحلقها سمع صوتا عم تبكي وقلبو صار يتقطع عليها بس قال بقلبو هيك احسن احسن ماتجبلنا الفضايح
وملك اكتير خايفي منو طلع محمد ورجع ع بيتون يكمل الحفلة وهية ضلت تبكي لحتى نامت خلصت الحفلة ورجعو اهلها لملك ع البيت لقوها نايمة غطتا امها وطلعت .... طلع الصبح فاقت ملك وغسلت وجها وكانو عيونا منفخين من كتر البكي اما سألتها ليش هيك عيونك قالتلا ملك يمكن من المسكرة....... طلعت تلفونا صارت تحكي مع وائل واتساب
ملك :صباحو حبيبي
وائل:هلا صباحو كيفك حبيبتي
ملك :مشتاقتلك
وائل:كيف كان انهارك انبارح
ملك :منيح ... المهم وائل
وائل:اي حبيبتي احكي
ملك :ما انت قلتلي لحتى انجح هاي السنة بالدرسة رح تجي تخطبني
وائل:صحيح بس امهليني كم يوم لجهز حالي
ملك: معك اسبوع بس يابتجي تخطبتني ياكلشي بيناتنا انتهى
وائل:طولي بالك ليش هيك عم تحكي ... انا لازم شوفك
ملك :مابغضر .... والعندي احكيتو والباقي عندك
وائل :الخميس يمكن اجي بس انت لا تخبري اهلك بشيء انهار الخميس بأكد عليكي
ملك :ماشي باي
وائل:باي . وهون وائل صار يفكر كيف بدو يخلص من هل القصة صرلو اكتر من شهرين ولهلق ماعمل الي ببالو معها .... دق لرفقاتو عمر ويوسف ومشان يخطتو سوى لجريمتون
انتظرونا بل الحلقة السابعة
توقعاتكم
ياترى وائل رح يعمل يلي في دماغه
ومحمد رح يأنقذها لملك ؟؟؟؟
.........
 
الحب الحلال
الحلقة السابعة (7 )
وائل عمل خطة وقرر ينفذوها انهار الاربعة ومحمد جمع معلومات عن وائل ودق لملك
ملك :الو
محمد :الو
ملك:مين
محمد :انا محمد ابن عمك
ملك :خير شو بدك ..
محمد :بتحكي معي بأحترام ..المهم انا جمعت معلومات عن حبيب القلب وحبيت خبرك
ملك :وشو هية
محمد :رح احكي روؤس اقلام ،هو بل النهار بكون بشغلو وبليل بقضيها بالملاهي الليلة وفي عندو شقة كل انهار بجيب عليها بنات اشكال الوان
ملك:وانت مفكر اني رح صدقك انت واحد كذاب
كل هاد مشان اتركو واتجوزك فشرت وهو الخميس رح يجي يخطبني
محمد:بتنقبري بتحكي معي بأحترام وهاي الجازة مارح خليها تصير وانا محمد بفرجيكي يا انسة ملك . وسكر التلفون بوجها
ملك :خافت يفركشلا الجازة بعدين قالت خليها ع الله والي بيجي من الله يامحلاه وصارت تستنى يوم الخمس وتدعي الله يمضي هالكام يوم ع خير
محمد كان ناقل كل شغلو ع منطقتو وهو بل المكتب اندق الباب
محمد :ادخل
عسكري :احتارمي سيدي
محمد :شوفي عندك
عسكري :سيدي انبارح بليل اجتنا اخبارية ع بيت دعارة
محمد:اي ..كمل
عسكري :القينا القبض عليهم كلهم بس في شب اسمو يوسف بدو يشوفك ضروري وقال بدو يقلك شغلة مهمة
محمد :دخلو ... وشغلي كاميرات المكتب هون
عسكري :حاضر سيدي .طلع العسكري وجاب يوسف وشغل الكاميرات مشان يسجلو كلشي بدو يحكيه دخل يوسف لعند محمد
يوسف :احتارمي سيدي
محمد :احكي شو في عندك
يوسف :بدي قلك شغلة بتخص شرفك
محمد عصب وقام ضربو كف وقلوليش مين انت ياكلب لتحكي عشرفي
يوسف :انت افهمتني غلط ياسيدي
محمد:احكي بسرعة احسن مااتطلع بروحك
يوسف : بعد مابحكي الي عندي بدي اطلع من هون
محمد :احكي خلصني
يوسف انا رفيقو لوائل الي عم يحكي مع بنت عمك ملك وهو لا بحبها ولا شي عم يتسلا فيها وبعد ماياخد الي بدو اياه منها بدو يصورها ويزلها
محمد حس النار طلعت من راسو وقام وصار يضرب يوسف ويقول ياكلاب يابلا شرف انت بشر ولاحيوانات لك شو زنبها هل البنت البرئية لحتى بدكن تعملو فيها هيك
يوسف:عمهلك علي ياسيدي اسمعني لسه ما خلصت
محمد :شوفي كمان
يوسف:بكرا وائل ناوي ينفذ الخطة
محمد :هو لحالو
يوسف :بصراحة هو عزمنا انا وعمر بكرا
محمد صار يكسر ويضرب يوسف ويقول لانها اكلة عم تعزمو بعضكن عليها ياخنازير يلله ولاه احكيلي شو هية الخطة وحكالو كلشي يوسف واطلق صراحو ليوسف ونبه عليه محمد اذا بخبر وائل بدو يقتلو ويوسف طلب من محمد انه مايقرب ع وائل وعمر محمد وعدوا بس اذا حدا بيلمس ملك رح يكون عقابو الموت .وهون محمد رح يجن كيف بدو يأنقذ حبيبتو. نده للعسكري وعطا عنوان وائل وعطاه صورة لملك وقلو بتروح بتوقف بكرا من الصبح بهاد العنوان وبتلبس مدني ولما بتشوف هاي البنت عم تقطع الشارع بتدعسا بس حاول انك ما تأذيها بعدين بتركبا وبتاخدا ع المشفى وبتدقلي رد العسكري عليه وقلو حاضر سيدي .محمد طلب من عسكري يعطيه تسجيل الكاميرا ويحطا بCD ويجبلو اياه ع المكتب بعد ساعة كان الCDع مكتبوكتب عليه وائل مشا يميزو عن غيرو واخدو وراح ع الفيلا تبعتو دخل ع الفيلا طلع ع المكتب فتح درج مقفول وحط cd وقفل عليه وطلب من الخادمة تعملو فنجان قهوة وضل طول الليل سهران وماعم يجيه نوم وهو عم يفكر ببكرا شو بدو يصير المهم طلع الصبح بكير مر لعند اهلو اطمن عليهم وراح ع شغلو دق للعسكري الي كلفو بل المهم مشا يأكد عليه وبعت عسكري تاني يراقب ملك لما بدا تتطلع من البيت .بنروح لعند ملك قعدت من النوم ضبت غرفتها نزلت فطرت مع اهلها ورجعت ع غرفتها تلفونا عم يرن
ملك:اي حبيبي وائل كيفك
وائل صوتوعم يقطش :ملك الحقيني
ملك:شوفي مشان الله خبرني
وائل:انبارح بليل اكلت معلبات ويمكن اتسممت الحقيني الله يخليكي وصار يصيح من الوجع
ملك معد فكرت بالمرة شو بدا تعمل المهم عندا انها تساعد حبيبها لبست بسرعة ونزلت قالت لامها انه ريم رفيقتا مريضة اكتير ولازم تروح لعندا امها قالتلا روحي بس لا تتأخري طلعت ملك من البيت شافها العسكري خبر محمد بسرعة ركبت بتكسي ولحقها محمد دق للعسكري التاني وخبرو انو ملك جاي واجباري بدا تقطع الشارع اعميل الي قلتلك عليه
وصلت ملك نزلت من التكسي وهية عم تقطع الشارع اجت السيارة وضربتا ووقفت وقعت ملك ع الارض وصارت تصيح من ايدا نزل العسكري سألها اذا صابها شي قالتلو لا لازم تروح مستعجلة هو ما خلاها واصر عليها انو ياخدها ع المشفى مشان يطمن بس هية ماكنت تفعل المهم ركبها بالسيارة غصب عنها واخدها ع المشفى اتصل بمحمد وخبرو انو المهمة نجحت وملك صارت بل المشفى .ملك مشغول بالها ع وائل وبدا تروح والدكاترة مايخلوها تطلع لحتى تطلع صورة ايدا وبدهم يخبرو الشرطة قام هية خطرت ببالها فكرة دقت لنور وقالتلا ع حالة وائل وانه هية عملت حادث وماغضرت تكمل . سكرت التلفون ونور راحت بسرعة لعند اخوها تشوف شبو وصلت نور دقت الباب فتح وائل الباب
وائل:هاي انت
نور :اي انا جاي اطمن عليك .نورحست انو في شي مو طبيعي دفشت اخوها ودخلت ع البيت لقت رفقاتو
نور:عأساس انك مرضان
وائل:لا مافيني شي انت مين خبرك
نور:ملك .... امم هلق افهمت كلشي انت قلتلا هيك مشان تستفرد فيها انت ورفقاتك بس رب العالمين بعتلك اختك وهاي انا جيت بدالها يلله قومو اعملو الي كنتو بدكن تعملوه فيها
وائل:لاااااا ... نور انت اختي
نور :يعني بترضوها ع بنات العالم وما بترضوها ع اخواتكن . حطو روسهم بل الارض ومعد حكو
نور :وانا متل المجنوني عم ساعدك من الاول وما اعرفت انك عم تضحك ع البنت الله ينتقم منكم احسن الشي . وعفكرة ملك كانت جاي لعندك بس الله بحبها عملت حادث وهية هلق بل المشفى وكانت خايفي عليك دقتلي وقالتلي مشان اطمن عليك اتوووووف علكم واحد واحد وانت استاذ وائل لا انت اخي ولا بعرفك تركتون وطلعت ووائل عرف غلطو اكتير منيح وجرب شعور انه اذا حدا لعب بشرف اختو وكيف هو كان رخ يخربلها حياتها لملك وصار يتندم و يقول انا مابستاهلها لملك هية بنت اكتير شفافي ومنيحة وبحياتها ما اذتني ليش هيك كنت بدي اعمل فيها يارب تسامحني وقام قلع رفقاتو من عندو . ملك بل المشفى طلعت الصور والحمد لله ايدها ماكان فيها كسر بس رضوض قامت بدا تروح منعوها لحتى تجي الشرطة واجت الشرطة وع رأسهم محمد
ملك :هاد انت
محمد :اي انا قالولي انو بنت عمي هون ماحبيت روح هل الفرصة مشان اجي شوفك
ملك :بدي اطلع من هون
محمد :ليش مشان تروحي لعند حبيب القلب ع بيتو
ملك :انت شو عم تقول وشو عرفك
محمد :بسيطة من مكان الحادث اعرفت وين كنتي رايحة . تلفون ملك عم يرن اتصال من نور
محمد:ردي وافتحي السبيكر
ملك:الو
نور :اي الو كيفك ملك اشلون صرتي
ملك :الحمد لله اشوية رضوض كيفو وائل
نور :وائل منيح ومافيه شي متل الحصان لا تشغلي بالك عليه هلق اهتمي بحالك
ملك مانها فهماني شي و نور سكرت التلفون
محمد:دقي لوائل
ملك :انت مادخلك وماني داقة لحدا
محمد :بتدقي انت وولا انا دق
ملك :خلص انا بدق
ملك :الو
وائل:اي ملك
ملك :شلون صرت
وائل:مافيني شي لا تخافي كان اشوي مغص وراح اخبرت انك عاملي حادث اشلون صرتي
ملك :مافيني شي انت ليش هيك عم تحكي بنشافة
المهم جاي بكرا مشان خبر اهلي
وائل:لا
ملك :لكن ايمت
وائل :ماني جاي ملك انت بتستاهلي واحد احسن مني
ملك :بس انا بدي اياك انت
وائل:انا مابدي اياكي وسكر التلفون . اتطلعت ملك ع محمد نظرة حقارة وقالتلو انت السبب هلق بدك تقلي شو اعملتلو لحتى بطل عني
محمد :انا ماشفتو ولا بعرف عنو شي
ملك :انت واحد كذاب
محمد :انت تماديتي حدودك اكتير وبدك ترباي من اول وجديد
ملك :انا مرباي اكتر منك ...
محمد: يلله هلق قومي لوصلك ع بيتكن
ملك :لو بموت ما بركب معك
محمد :اذا مابتطلع معي برضاكي بطلعك شحط وانت صرتي بتعرفيني منيح
ملك خافت منو وراحت معو وصلها ع البيت وراح دخلت ملك ع البيت مسكتها امها وقالتلا ليش هيك اتيابها قالتلا انها كانت رايحة تشوف ريم قام عملت حادث ومحمد ابن عمها وصلها
باسمة :انت شو قصتك يعني ما بتشوفي لما بتكوني ماشيه ع الطريق المهم هلق فوتي ارتاحي بغرفتك
دخلت ملك غرفتها وصارت تدق لوائل وائل خطو مسكر
دقت لنور وسألتا عن اخوها قالتلا نور خلص انسي اخي هو ما بيستاهلك
ملك :اماني يانور محمد ابن عمي سوى شي لوائل
نور :مين محمد ... لا محدا حكاه شي بس وائل مانومنيح وبس
ملك:شو عمل
نور :خلص ماعمل شي بس شيليه من راسك بكون احسن الك والو .وملك حطت راسها ع المخدي وصارت تبكي ...
ضلت ملك انهارين تبكي واهلا مايعرفو شبها ولا تاكل وتضل تدق لوائل خطو مسكر بس كانت بدا تعرف شو السبب لحتى تركها وكانت حاطة كل الحق ع محمد واهلها بالهن مشغول اكتير ع ملك جابولها اكتر من دكتور محدا يعرف شبها وبعد كم يوم ملك رجعت لعلقها قامت اتوضت وصلت وقرأت اشوي بل القراءن حست حالها ارتاحت ورجعت لطبيعتها وبعدين قررت تنسى كل الي فات وتفتح صفحة جديدة مافيها لا وائل ولا غيرو
وبلشت ملك حياة جديدة
انتظرونا بل الحلقة الثامنة
الي رح تبلش فيها ملك صفحة جديدة

........
 
الحب الحلال
الحلقة الثامنة (8)
ملك رجعت لطبيعتها وصارو اهلا يسألوها شو كان فيها وكذبت عليهن وقالتلون انها لما عملت حادث ودخلت المشفى شافت ولد اصغير مات واهلو صارو يبكو عليه وهية اتأثرت بل الموقف
باسمة:خلص حبيبتي طولي بالك وقوي قلبك الدني فيها موت وحياة
ملك :اي اي ماما ، وبع عدة ايام ملك عم تسألامها: ماما وين بابا
باسمة :بل الشغل ليش عم تسألي
ملك :مشان يروح يجددلي تسجيل بل المدرسة .لسه شهر وبتبلش
باسمة :رح دقلو
ملك :اي
باسمة :الو
احمد:اي الو
باسمة :ليك حبيبي ملك قال بدها اياك تروح تسجلا بل المدرسة
احمد :ايمت اليوم
باسمة :اي عم تقول اليوم
احمد :ماني فاضي خليها تزل هية وانا اذا افضيت بروح بجيبا
باسمة:ماشي . وقفلت الخط
ملك :شو قلك البابا
باسمة :قال مانو فاضي روحي انت
ملك :ماشي انا رح البس وانزل .جبلك شي معي
باسمة :لا حبيبتي مابدي غير سلامتك انت هلق روحي رح تتأخري
راحت ملك لبست وراحت ع المدرسة وبطريقها شافت وائل كان ماشي بسيارتو بس هيةاتجاهلتو وكملت طريقها وهو كمان ضل ماشيوعمل حاله ماشافها .ووقتها ملك اتأكدت انه كلش خلص بيناتهم دخلت ع المدرسة لقت المديرة سجلت وطلعت وهية ماشية ع الطريق طلعو بوجها مجموعة زعران وصارو يتحركشو فيها هية بعدت عنهن بس لحقوها وحاولو يضايقوها كان ابوها واصل لعندا لما شافوه هربو ركب بنته بل السيارة وصار يعيط عليها
احمد:وليش ماشية لحالك بل الطريق ليش ما جيتي بتكسي
ملك :بابا المدرسة قريبة ومافكرت انه رح يطلعلي زعران
احمد :تاني مرة مابدي شوفك برات البيت افهمت
ملك :حاضر بابا .... بابا شو مشان المدرسة
احمد :لوقتها بيفرجها الله
وصلها ع البيت ونبه عباسمة انه ملك ماتطلع من البيت
باسمة:ليش شوصار
احمد:في اشوية زعران كانو عم يلحقوها ،شو افهمتي ملك مابتطلع من البيت
باسمة :حاضرحاضر بس انت لاتعصب
ملك دخلت غرفتها وهية كانت مقهورة اكتير من الزعران واجا ابوها كملها معها
تلفون ملك عم يرن اتصال من ريهام
ملك :الو
ريهام :كيفك ملوكة
ملك :مشتاقتلك انت كيفك
ريهام :وانت اكتر
ملك :شوفي مافي حوليكي
ريهام :حددنا العرس يوم الخميس
ملك :اي الف مبروك
ريهام :حبابي ياملوكة مالي غيرك يساعدني بتعرفي انا وحدية ونسوان اخوتي كل وحدة ملتهية بولادها وانا بعتبرك اختي
ملك :تكرمي انا بخدمتك بأي وقت
ريهام :لسه اربع ايام لعرسي وعندي اكتير شغلات بدي اعملا بدي اشتري اشوية اتياب ومكياجات و...و...و...
وبدي روح ع الصالون اعمل شعري وبشرتي
ملك :ولايهمك بس بدي قول لابي
ريهام :عمي بحياتو ما منعك تطلعي
ملك :اليوم تغير كلشي
ريهام :ليش شوفي
ملك :لك كنت عم سجل بالمدرسة قام اجا كام ازعر وصارو يدايقوني والحمد لله ابي اجا بالوقت المناسب ونبه علي انه مابدو يشوفني برات البيت
ريهام :امممم .. طيب اسأليه ورديلي خبر
ملك :ماشي ..باي
ريهام :باي
ملك نزلت لعند ابوها كان عم يتغدى وقالتلو مشان تروح مع بنت عمها ما اعترض بس قلا تنتبه ع حالها وتضل مع ريهام ع طول وهية وافقت وراحت خبرت ريهام انها جاي لعندا .ملك لبست وضبت اشوية اتياب الها وهية طالعة ابوها وصلها وصلت ع بيت عمها قام اتذكرت محمد وصارت تقول بقلبا:هلق بصير بدايقني
اي شوبدي انا اصلا مارح احكي معو، لسه ناقصني انا رايحة لعند ريهام وبس. دخلت الفيلا سلمت ع عمها ومرت عمها وطلعت لعند ريهام دخلت لعند ريهام ع الغرفة وقعدو يخططو شوبدون يعملوا وقررو انهن ينزل ع السوق تجيب الغراض المطلوبين وبلفعل نزلو ع السوق وريهام جابت كلشي ناقصها ورجعو ع البيت وصلو ع الفيلا كان النهار خالص والدنيا صارت ليل
طلعو ع غرفة ريهام غيرو اتيابهن ولبسو بجامات ملك لبست حجابها قالتلا ريهام مافي حدا ليش عم تلبس الحجاب . ملك: بركي هلق حدا من اخواتك اجا
ريهام: اطمني اخواتي الكبار كل واحد ببيتو ومحمد اليوم بدو يناوب بالقسم
ملك :ماشي بس رح نزلو معي اضمن
سرحت شعرها وكان شعرها طويل اسود ناعم رفعتون وحطتلون شكلة شعر ونزلت غرةع خدها ونزلو ع كتفها وهية بشرتها بيضا طلعت اكتير حلوة احلا من الحجاب بكتير ونزلو ع العشا يتعشوبالمطبخ مع عمها ومرتو
محمود:شو هل الحلو هاد يا ملك مشالله عنك كل انهار عم تحلي اكتر من اليوم الي قبلو
منى :الله يحميكي بتجنني ومشاء الله عليكي ع هالشعر اكتير لابقلك
ريهام:احم ..احم نحن هنا قولو في عروس قاعدي معكن هلق بغار
ملك :لا تغاري انت الحلا كلو وانا مابطلع نقطة ببحرك يعني اكتير اذا عمو ومرت عمو دلولني اشوي
منى :يخليلي قلبكن انتو التنتين مافي متلكن
محمد حس حالو تعبان ورجع عبيت اهلو ويشوف اختو اذا ناقصها شي فتح الباب وفات مالقا حدى سمع صوت طالع من المطبخ كمل عالمطبخ وملك كانت قاعدي مقابل باب المطبخ دخل محمد لقا ملك بوجهو كانت بلا حجاب انصدم فيها بس بسرع رجع لورا وهية شافتو بسرعة حطت حجابها ع راسها .
محمد:يالله .. يالله
منى :تعال يامحمد حطتت ع راسها ملك تعال اتعشى معنا
محمد :مسالخير
الكل :مسالنور
ملك اكتير انقهرت من محمد لانه شافها بلا حجاب ولانها مانها طايقة وجوده .ومحمد طار علقو لانه شاف ملك عندن حس رجعتلو روحو وصورتها بلا حجاب علقت براسو كانت طالعة بتجنن
محمد:كيفك ريهام شو شلون تجهازتك للعرس
ريهام :تمام وملك عم تساعدني يعني كلشي ماشي متل مابدي
محمد :الله يهنيكي ويتمم عليكي بل الخير ع فكرة خطيبك حازم حكاني وخبرني انه جاي يسهر معنا اليوم وقال عم يدقلك وماعم تردي
ريهام :عنجد اي والله نسيت موبايلي فوق بغرفتي.... اي اكتير منيح لانه صرلي زمان ماشفتو واشتقتلو
محمد :هههههه ... الله يساعدنا عليكي احترمي ابوكي يادبي
ريهام :اي شوفيها اشتقتلو وبعدين هو بعدي كام يوم رح يصير جوزي
محمود:الله يهنيكم ياولاد خدوا راحتكن
ريهام :لك الله يديمك فوق راسنا يا احلى اب
محمود :تسلمي يابنتي .. يالله انا طالع ارتاح بغرفتي انتو كملو عشاكن .وطلع محمود ع غرفتو
محمد :كيفك ملك
ملك ردت بناشفة :الحمد لله بخير
ملك :الحمد لله انا اشبعت ان شاء الله دايمة
منى: كملي اكلك يابنتي ما اكلتي شي
ملك :لا شكرا بس حست حالي اشبعت فجأة
خلصو كلهن عشا وكل واحد طلع ع غرفتو
ريهام :يلله ملك جهزي حالك والبسي
ملك :ليش ... شو المناسبة
ريهام :لك ماجاي خطيبي
ملك :اي وانا شو دخلني
ريهام :مابصير اقعد معو لحالي هلق انت ومحمد بتقعدو معنا
ملك :لا انا مابدي خلي محمد يقعد معكن
ريهام:عنجد بلا غلاظة يلله ولووو
ملك :طيب ماشي .وبقلبا عم تقول ياربي شو هل العلقة هاي كيف بدي اقعد مع محمد ..اووووف
لبسو كلهن واجا حازم قعدوا محمد وملك وريهام معو
ريهام قعدت حد خطيبا وبلشو يحكو ع الهمس ومحمد عيونو ع ملك وملك اكتير متضايقة من نظرات محمد الها مسكت موبايلها وصارت تلعب فيه مشان تتهرب من نظرات محمد قامت بدا تطلع ترتاح بس ريهام ماخلتها مشان تضل سهرانة معهن المهم بعدين راح حازم وكل واحد راح يرتاح بغرفتو نامو بس محمد مانام لانه كان عم يشعل قلبو بنار، ملك قدامو وماعم يقدر يعمل شي المهم صار الصبح ووملك وريهام راحو ع الصالون التجميل ومحمد راح ع شغلو ومرة الايام وصار يوم العرس راحت ريهام مع نسوان اخوتها وملك ع الصالونوالتجميل وظبطو حالهن واجا العريس اخد ريهام والباقي راحو بالسيارات ورجعو ع البيت وبلش العرس وكانت ملك ومحمد احلا اتنين بل العرس وعيون الشباب كلاه عم يتطلعو ع ملك محمد لاحظ انه في شباب عم يتطلعو ع ملك راح وقعد معها
ملك :خير شو جابك لهون
محمد :مانك شايفي اشلون عيون الشباب كلاها عليكي
ملك :وانت شو زاعجك
محمد : مابدي حدا يتطلع عليكي غيري
ملك :ليش مين انت
محمد : لك انت شو عم يصير معك يابنت انا ابن عمك والي حق عليكي
ملك :انت الك حق ع حالك وبس ولا تتدخل فيني
محمد مد ايدو ومسك ايد ملك
محمد:ملك انا بحبك ليش ماعم تفهمني ومستعد اعمل الي انت بتطلبيه
ملك سحبت ايدها :مظبوط مستعد اتطفشلي حبيبي ومشان يخلالك الجو الك لحالك هاد هو حبك
محمد :انت ليش ماعم تفهمي انه انا ما دخلني واصلا هو مابناسبك واحد فلتان
ملك :انت واحد كذاب وبتكون هددتو بما انك ضابط اكبير وهو اكيد خاف منك وبعد عني وع كل حال حتى لو رجع انا معد بدي اياه ولا بدي اياك حلو عني بقا
محمد :طيب انسي كل الي فات انا عنجد بموت من غيرك وبنفتح صفحة جديدة
ملك :محمد ممكن تنقلع من خلقتي انا مابطيقك انت ما بتفهم .... يييي اسفة انت ضابط مابينحكا معك هيك ما مشلكة قوم خود حقك واضربني
محمد:ماشي ياملك بسيطة .وقام عن الطاولة راح بارك لاختو وجوزا وطلع .ملك حست حالها انها زودتها معو بعدين قالت معلش هيك احسن وكل الي بل الحفلة حس انه في شي بين ملك ومحمد خلص العرس وكل واحد راح ع بيتو وملك رجعت ع بيتا مع اهلها
احمد :ملك شو كان بدو محمد منك لما قعد معك
ملك :ولاشي حكي عادي ع العرس وع التجهيزات
احمد :بس انا حسيت غير هيك
ملك :ليش بابا شو حسيت
احمد ولا شي انسي روحي نامي
ملك :تصبحو ع خير .وطلعت ع غرفتها
باسمة :شوفي حبيبي ليش هيك احكيت مع ملك
احمد:مالاحظتي نظرات محمد كيف كان عم يتطلع ع ملك
باسمة :لا ما انتبهت ع شي
احمد:محمد دايب ببنتك بس يمكن هية ماعم تعطيه مجال وبصراحة انا مارح لاقي لملك زوج احسن من محمد
باسمة:البنت بعدها صغيرة بدك تجوزها
احمد:لا صغيرة ولا شي وبنتك بينخاف عليهامن جمالها
وخايف يصير معها شي لانه ولاد الحرام مافي اكتر منهم
باسمة:شوبدك تعمل انت
احمد:بكرا بشوف
تاني انهار احمد راح لعند محمد ع القسم خبر عسكري انه بده يشوف محمد دخل العسكري وخبر محمد انه عمو بدو يشوفه
محمد:دخلو فورا
احمد :السلام عليكم كيفك يا ابني
محمد:وعليكم السلام اهلا عمي ليش معزب حالك وجاي لهون انت كنت خبرني وانا بجي براسي لعندك
احمد :ما مشكلة
محمد :تفضل عمي ارتاح شو تشرب
احمد :قهوة .طلب محمد قهوة وقعد هو وعمه يحكو اشو
محمد :عمي حاسس في بتمك حكي قلي في شي مدايقك
احمد:اي والله جاي احكي معك بموضوع بخص ملك
محمد:خير فيها شي ملك في حدا عم يديقها
احمد :اول شغلة قلي بصراحة انت بتعتبر ملك متل اختك
محمد:عمي بدك الصراحة انا ولا مرة اعتبرتها لملك متل اختي .احمد:لكن شو بتعتبرها
محمد:انا من اول مرة شفتها لملك حبيتها
احمد :لكن اسماع مني يا ابني ملك كل مابتنزل ع الشارع بتصير مشكلة وكل الزعران بيلحقوها وانا خايف عليها من عدا العرسان الي عم تجي وانا عم ارفضون
محمد:قلي عمي مين عم يدايقها وانا بتصرف
احمد :المشكلة مابتحل هيك وبصراحة انا مالقيت احسن منك ليحميها ويسترها
محمد:كيف عمي انا ما افهمت عليك
احمد :انك تتجوزها
محمد:صعب ياعمي
احمد:ليش ما انت قلت انك بتحبها
محمد:مظبوط وبموت مشانها
احمد:لكن شو مشكلتك ياابني
محمد:المشكلة مو عندي المشكلة عند ملك انا قلتلا من زمان اني رايدها وهية رافضة وانبارح ارجعت فتحت معها الموضوع وقالتلي انها بتكرهني
احمد:خلص ملك عندي بوعدك انها توافق
محمد:بس انا بحب اجبرها على شي
احمد:انت ولا يهمك انتو اتجوزو وبعدين بتصير بتحبك بعد الزواج المهم انا عم اطلب منك هل الطلب وبترجاك ما تخجلني
محمد:ماعاش الي بخجلك ياعمي انت فصل ونحنا بنلبس
احمد:اصبح اليوم اذا الله راد بتخبر ابوك وبتجوالمسا لعنا .محمد:انت بتأمر ياعمي اليوم اذا الله راد بنكون عنكن ......
توقعاتكن شو ردت فعل ملك وهل هية رح توافق وتسمع كلام ابوها ؟؟؟؟؟
انتظرونا بالحلقة التاسعة ...
 
الحب الحلال
الحلقة التاسعة(9 )
محمد حمل حالو وراح لعند اهلو يخبرون وصل ع بيت اهلو كانو اهلو عم يتغدو قعد اكل معهم وهنن عم يتغدو محمد حكا وقال لاهله بدي افتح معكن موضوع
منى:شوهو الموضوع ياحبيبي
محمد :قررت اتجوز
منى :عنجد تقبر قلبي من زمان وانا عم اقعنك وما كنت تفعل
محمود:اي هاد خبر حلو .انت حاطط شي بنت ببالك
محمد :اي .ملك بنت عمي
منى : والله اعرفت تنقي يا ابني وانا من اول ماشفتها لملك اتمنيتها تكون من نصيبك مشالله عنها ملك ماناقصها شي جمال واخلاق
محمد:المهم اليوم بدكن تروحو لعندن لان انا شفت عمي احكيت معو وقلتلو انكن رايحين اليو م
محمود:اي بنروح ليش لأ مية طلب متل هالطلب .
رجع احمد ع البيت ونده لملك وباسمةقلون بدي احكي معكن بوضوع مهم
باسمة:اي حبيبي قلنا شوفي ليش ندهتلنا
احمد:بدي احكي موضوع بخص ملك
ملك :انا ... شوفي وشوهو الموضوع الي بخصني
احمد :جهزي حالك اليوم بيت عمك جايين يخطبوكي لمحمد
ملك:شوووووو بس انا ماني موافقة ومابدي اتزوج
احمد :مو عكيفك انا عطيت كلمة لمحمد.
ملك:الحقير يعني عملها.... بس بابا انا محمد مارح اتزوجو
احمد:هو مادخلو انا اليوم رحت لعندو وعرضت عليه انه يتزوجك هو بالاول رفض بس بعدين ماحب يكسر كلمتي محمد كتير بناسبك
ملك :ماكنت بعرف انكن مدايقين مني لهل الدرجة انا مستعدة اهرب ولا اتجوزو واذا انت حابو اكتير اتجوز انت .تركتون ومشت
احمد:صار يعيط عم ترفع صوتك علي ملك تعي لهون انا عم حكيكي .ملك ماردت وضلت مكملي سمعت صوت امها
باسمة:ملك الحقيني ابوكي مابعرف شو صابو . ملك خافت انه ابوها يكون صابو شي بسببها نزلت بسرعة لقت ابوها ع الارض وامها عم تحاول تفيقو .
ملك :بابا..بابا ..بابا مشان الله قوم والله مارح زعلك واعمل الي بتقلي عليه .بس ابوها ماعم يصحا قالتلا امها دقي لعمك بسرعة
ملك مسكت تلفونها وايدها عم ترجف دقت لعما
محمود:الو
ملك وهية عم تبكي :عمو مشان الله الحقنا
محمود:وقف ع رجليه شوفي احكي بسرعة
ملك:الحقنا ياعمو بابا مابعرف شبو وقع الارض وماعم يصحى
محمود :جاي فورا انا والدكتور .وقفل الخط
محمد:شوفي بابا
محمود :قوم معي عمك مابعرف شو صاير معو .قامو بسرعة محمد راح ع بيت عمو وابوه راح يجيب الدكتور .وصل محمد دخل بسرع لقا عمو بل الارض حملو واخدو ع غرفتو كان واصل محمودهو والدكتور
دخل الدكتور وطلب منهم انهم يطلع لبرا مشان يفحصوا
طلع الكل لبرا .قعدت ملك بالارض وصارت تبكي وتقول انا السبب انا السبب قرب لعندا عماوقلا خير يابنتي شو صار لحتى عم تقولي انه انت السبب اتطلعت عليه وع محمد واتلبكت خافت تقول لعمها شو السبب .
ملك:كنت عم قول للبابا مشان يروح يسجلي بل المدرسةبس هو رفض ومابدو يخليني كمل دراسة وانا عليت صوتي عليه وقلتلو عصب عنك بدي سجل وهو عصب مني اكتير ووقع بالارض .محمد عرف كل القصة وانه مشان الزوج صارت مشكلة وانها ملك عم تكذب
محمود:مابصير تعيطي ع ابوكي يابنتي كنت قوليلي وانا كنت بفهمو بطريقتي
ملك:انا اسفة ياعمو والله معد بدي مدرسة بس بدي البابا يرجعلنا بخير وسلامة
طلع الدكتور:لا تخافو الحمد لله عدت ع خير صابتو ازمة قلبية بس لا تحاولو تزعلوه مرة تاني لانه اذا زعل يمكن يروح فيها لاسمح الله وهلق فاق وقال بدو يشوف ملك
ملك:انا يلله داخلي شوفو
دخلت ملك لعند ابوها ركضت لعند ومسكت ايدو وصارت تبوسها وتقولو
ملك:مشان الله يابابا سامحني والله معد عيدها وموافقة اتجوز محمد المهم انت مايصيبك شي وانك تكون رضيان عني ... انا اسفة انا اسفة بترجاك سامحني
احمد:والله يابنتي انا بدي مصلتك وسعادتك وكل هالشغلات شفتها بمحمد الله يرضى عليكي ويفرحني فيك
ملك:الله يديمك فوق راسنا ومايحرمني منك وانا مستعدة اعمل كلشي بدك اياه انت المهم تكون رضيان
احمد:الله يرضى عليكي
ملك :بابا عمو محمود ومحمد برا انا دقيتلون ما اعرفت شو اعمل لما شفتك بهل الحالة
احمد :اعملتي منيح اطلعي اندهيلون ماحلوة واقفين برا .ملك :حاضر
طلعت ملك دخلت عمها محمد لعند ابوها وهية راحت ع غرفتها وصارت تبكي وتقول ياربي والله ماعم استحمل الي عم يصير معي والله قلبي ماعد يحمل يارب والله اتعبت وحطت راسها ع المخدة وصارت تبكي .اندق باب غرفتها
ملك :اتفضل .دخل محمد لعندا .ملك ماحكت قرب محمد وقعد حدها مسحلا دموعا ع خدودها
محمد:انا افهمت كلشي وانا رايح قول لابوكي انه انا مابدي اياكي انا عندي انت اهم شي ومستحيل زعلك
ملك:لااااا لاتقول لابي شي خلص انا وافقت اتزوجك وانا مقتنعة منيح من الي بدي اعملو
محمد:بس انا مابستحمل شوفك عم تتعزبي
ملك :لا انا خلص اخددت قراري وبوعدك كون زوجة منيحة وهلق اذا بتريد ممكن تروح بدي ارتاح .
محمد قام وراح لعند عمو وابوه وكان عم يحكو بموضوع زواج محمد وملك واكد عليهم احمد انه هو منيح وبقدرو يجو اليوم مشان يطلبوها لملك رسمي .
ملك قررت انها تمثل قدام الكل انها مبسوطة ومحمد بعد العرس بدا تخليه يندم .ملك لبست وجهزت حالها وحطت مكياج وطلعت اكتير حلوة اجو بيت عمها واجا معهم محمد نزلت ملك راحت ع المطبخ جهزت القهوة وحملتها وراحت تضيف الكل انصدم فيها وابوها انبسط منها اكتير ومحمد انصدم اكتر بس عرف انها عم تمثل وملك عاملي حالها اكتير مبسوطة
ابوها وعمها حددو يوم الخطبة بعد يومين والعرس بعد ٣ اسابيع وملك طلبت منهم خطبة ع الديق مشان صحت ابوها . وبلشت ملك تجهز لخطبتها اشترت احلا تياب وطلبت اغلى محبس من محمد و بالفعل راح وفصلها اغلى محبس بكل السوق وكتب بقلبو ملك ومحمد واجا يوم الخطبة كانت ملك طالعة حلوة اكتير ومحمد كمان طلع حلو اكتير يوم الخطبة اول مرة ملك بتنتبه انه محمد حلو اكتير وصارت تقول ليش ماكنت متبهتلو قبل . اعملو خطبة وانبسطو وملك حاملي حقد وكره كبير لمحمد بس مخباي هالشي جواتها وبيت عمها اكتير فرحانين بملك خلصت الخطبة وكل واحد راح ع بيتو محمد دخل غرفتو قعد يفكر ويقول ملك اكيد في شي بعقلا انا بعرف انها بتكرهني بس عم تعمل هيك مشان ابوها
طيب هلق هية صارت خطيبتي ومن الطبيعي لازم كل انهار روح لعندها وهية بتكرهني ورح يكون عليها انها تمثل قدام اهلها وهل الشي رح يكون عليها صعب . احسن الشي لازم ابعد وبقول انه عندي شغل برات المدينة وبرجع قبل العرس بيومين هيك احسن الشي .
تاني انهار بالسهرة راح لعند بيت عمو قعد معهن اشوي وطلب انه يقعد مع ملك اشوي وتركوهن لحالهن
محمد:ههههههه
ملك:ليش عم تضحك
محمد:هلق انا واياكي لحالنا فيكي تشيلي القناع الي عاملي فيه انك مبسوطة
ملك:يعني افهمت علي
محمد:انا مابفهم غيرك بهل العالم كلو
ملك:خير هلق شوبدك ليش طلبت انه نقعد لحالنا
محمد:انا فكرت فيها ولقيت انه هالتمثلية رح تكون عليكي صعبة انك تمثلي قدام الناس انك بتحبيني
ملك:وضح اكتر ماعم افهم عليك
محمد:انا بكرا رح سافر وقول انه عندي شغل مستعجل
وهيك بترتاحي اشوي من الضغط وبرجع قبل العرس بنهارين وبعد العرس مافي داعي نمثل ع بعض بس قدام اهلي واهلك
ملك :بتعرف اذا بتروح بتريحني اكتير لانه عنجد ماني عم طيق شوفك
محمد: ملك عم نبهك اذا لسه بتحكي معي هيك لانه اذا فقدت اعصابي مابعرف شو بيطلع معي يعني خافي ع حالك انا قايم سلام
ملك : باي
طلع محمد خبر بيت عمو انه عندو شغل ضروري برات المدينة ما بيتأجل سهر معهم اشوي وودعهم وراح .تاني انهار محمد ودع اهلو وسافر .
وصارت امها لملك كل انهار تنزل ملك ع السوق مشان تجهزلا جهازها ملك ماكنت تهتم لاي شي تجيبو امها وكل ما تسألها امها هاد حلو تقلا اي الي بدك اياه اشتريه بعدين صارت باسمة تنزل ع السوق لحالها وكانت تجبلا كلشي بتحتاجه العروس من مكياجات واحذية وفساتين وقمصان نوم وبجامات وتياب مشان المناسبات وخرج الطلعات وحجابات خلصت ملك جهازها وبلشو بتحضيرات العرس وموعد العرس قرب وقررو اهلها لملك وبيت عمها انهم يعملو العرس مشترك وكل ماعم يمر يوم ملك عم يزيد خوفها اكتر انها رح تصير هية ومحمدتحت سقف واحد .ومحمد كان رح يجن اشتقلا اكتير لملك وكان بدو يصير موعد العرس بأسرع وقت .ومرت الايام وقرب موعد العرس ورجع محمد من السفر راح لعند اهلو سلم عليهم وارتاح وكان رح يجن بدو يشوف ملك ،لبس وظبط حالووطلع اكتير شيك وراح ع بيت عمو وكلهن استقبلوه احلا استقبال كانت ملك بغرفتها قلو عمو اطلاع لعند ملك هية بغرفتها .محمد صار يفكر اذا طلع لعند ملك ع الغرفة بدها تعصب وتعيط عليه وتعاملو بدون احترام.
محمد:قلهم لا خليها هية تنزل احسن
احمد:متل مابدك يا ابني .مالك روح عيط لاختك ملك من غرفتها .
مالك :ملك خطيبك تحت جاي يشوفك
ملك :شوووو يالله شو جابو هلق والله كنت مرتاحة بدونو .يلله جاي بس لالبس .
ملك وهية عم تلبس حست حالها مشتاقتلو لمحمد
ملك عم تقول بقلبا :ليش حاسي حالي مشتاقتلو ... لا لا يمكن لاني عطول كنت اتقاتل معو وصرلي فترة ما احكيت معو .. اكيد هاد السبب
نزلت ملك وقف محمد مشان يسلم عليها قربت لعندو مدت ايدها تسلم عليه سلم عليها وشدها لعندو وباسها ع خدها وقلا اشتقتلك اكتير .ملك اتلبكت اكتير وصار وجها احمر وحست قلبا من جوا فرح بس دغري غيرت هالشعور وقلبتو لكره .ابوها صار يضحك
احمد:شو يامحمد ماخد راحتك
محمد:لاعمي بس اكتير اشتقتلا لملك
احمد:ههههه الله يهنيكن يا ولاد محمد خود خطيبتك وروحو اقعدو لحالكن
محمد:شكرا ياعمي .عن اذنكن . مسك ملك من ايدها وطلعو ع غرفتها سكر الباب ملك نترت ايدها من ايدو
ملك:انت شو مفكر حالك عم تعمل كيف بتتجرأ وبتبوسني قدام اهلي
محمد: لو نحنا لحالنا ماكنتي خليتني بوسك
ملك:طيب انت ليش لتبوسني من اصلو
محمد: بتعرفي هالفترة الي قضيتا برات المدينة كنت رح جن وشوفك ملك انا بحبك
ملك:بس انا لا
محمد:ماغيرتي رأيك فيني
ملك ولا يوم رح يتغير رأيي فيك .هلق اذا بتريد ممكن تمشي ولا ترجع معد محرزي بعد بكرا العرس وبضل طول الوقت قدامك مشان ما تشتقلي
محمد:شكرا للتقليعة باي
طلع محمد وراح ع بيتو عمل اشوية تجهيزات ببيتو وخلص وراح ع بيت اهلووبلشو يجهزو لحفلة العرس .اجا يوم العرس الكل جهزو حالو راح محمد يجيب ملك من الصالون طلعت ملك من باب الصالون
وكأنها اميرة من اميرات القصص كان الفستان الابيض حلو اكتير عليها ولابسة عليه حجاب ابيض والطرحة نازلي ع ضهرها محمد انصدم فيها نزل من السيارة
وفتحلا باب السيارة مسكها من ايدها وركبها جنبو
ومشو وصلو عالفيلا لعند اهلو محل ماعاملين الحفلة نزلو من السيارة وكانت العراضعة ناطرتون صارت العراضة تغني وتدق والعب بالسيوف لحتى وصلو ع حديقة الفيلا مكان الحفلة وبلشت الحفلة ،ملك كان الحزن والخوف مسيطر ع قلبا بس عاكسة الفرح ع وجها وبينت للكل انها مبسوطة صار رفقات محمد بدون يرقصوه هو وملك بس ملك كانت ترفض بعدين اجا عمها واصر عليها انها تقوم ترقص فقامت وماخجلت عمها رقصت اشوي ورجعت ومحمد بالساحة رفقاتو عم يرقصوه وقربت الحلفة تخلص والكل مبسوط . وصار شي محدا كان متوقعو
......... انتظرونا بل الحلقة العاشرة
ياترى شو صار بالحفلة وشلون اتصرفت ملك ؟؟؟؟؟
وكيف رح تكون حياة ملك الجديدة
 
الحب الحلال
الحلقة العاشرة (10)
الحفلة قربت تخلص وملك خوفها وتوترها بزيد اكتر وهية قاعدة اجا كرسون ضيفها لملك كاسة عصير اخدت كاسة تهديها شربت منها اشوي وحطتها ع الطاولة رجع الكرسون مرة تاني وعطاها ورقة فتحت الورقة مكتوب فيها
حبيبتي ملك انا اسف انااغلطت مرة وبعدت عنك وبعرف انه اهلك غاصبينك عهل الجازة من ابن عمك وانا جيت اليوم اخطفك وصلح غلطتي لاني شايف الحزن بعيونك من هل الجازة هلق بدها تنقطع الكهربابوقتا انا رح كون حدك واخدك معي حبيبك وائل.
ملك انصمدت من هالرسالة وخوفها زاد مية ضعف وصارت تخطرلا شغلات اكتير اول شغلة ابوها اكيد بموت وتاني شي انها مابدا وائل قبلهامعد حس شي تجاهو وتالت شي انها هلق صارت ع زمة شخص تاني حتى لو مابتحبو بس هو صار جوزها ...في شي جواتها عم يقول وائل لا وائل لا انا مابحبو ولا بدي اياه واول شخص خطر ببالها هو محمد
ملك ندهت لريهام كانت واقفة حدها وقالتلا تندهلا لمحمد راحت ريهام وقالت لمحمد ملك بدها اياك ضروري وهو بدو يجي لعندا مسكوه رفقاتو وماخلوه وهو بالو انشغل ع ملك رجعت ملك مرة تاني اكدت ع ريهام مشان تنده لمحمد وكمان رفقاتو ماخلوه والوقت عم يمر وملك رح يصيبها انهيار عصبي من الخوف ومرة تالتة قالت لريهام كمان محمد انشغل بالو اكتير ع ملك وعرف انها اكتير بحاجتو اعتزر من رفقاتو ومشي اتجاه ملك وهون انقطعت الكهربا وانطفت الاضوية والاغاني وملك في حدا مسكها من ايدها وعم يشدها
ملك بصوت قوي :محمااااااااااااد
اشتغلت اضوية الموبايلات وصارت تضوي ع العروس وائل ترك ايد ملك وانسحب بسرعة وهرب ....محمد ركض لعند ملك وهية بسرعة قامت حضنتو وهون ملك حست بأمان وحنان اكبير
ملك :مشان الله يامحمد لا تتركني
محمد :شوفي شو صار معك
ملك لقت كل العالم عم تطلع عليها وبدها تعرف سبب خوفها،ملك :انا عندي فوبيا قوية من العتمة
بس محمد حس انه مو هاد هو السبب وفي هاد حاول يدايقها وملك مافعلت تحكي قدام المعازيم اجت الكهربا والكل اجا لعند ملك يهديها سقوها مي وعصير مشان تهدا وخلصت الحفلة والكل راح ع بيتو واجا وقت العرسان يروحو ع بيتون راحو سلمو ع اهلون واخدو الرضا وركبو بالسيارةومشو ومشت وراهم السيارات عم تزمر وصلوهم ع بيتون دخلو الفيلامحمد وملك واتسكر عليم الباب محمد ساعد ملك مشان تطلع ع غرفتون دخلو الغرفة كانت مزينة احلا زينة من ورود واضوية وملك هون زاد خوفها اكتر
ملك :مابدي ادخل لهون
محمد :وين بترتاحي
ملك :اي مكان غير هون
قعدها بالصالون وراح جبلا حبة مهدأ وكاسة مي شربتون وقلها انا طالع غير اتياب وراجع
طلع محمد غير اتيابو ولبس بجامة ونزل لعند ملك لقاها قاعدة وعم تبكي قعد حدها لقاها كل جسما عم يرجف مع انه الجو نار وهنن بالصيفية
محمد:ملك شبك شو عم يصير معك
ملك:مشان الله لا تقرب مني ولا تحكيني
محمد :اتطمني مارح قرب عليكي بس انه ماحكيكي هيك ماحزرتي .نظرت ملك لمحمد نظرات استغراب من تصرفاتو معقول مابدو يلمسها وكل الشباب بتنتظر هالليلة لحتى يشوف حالو انو راجل
محمد :ليش هيك عم تطلعي مستغربة انا اتعودت كلشي اخدو بل الغصب بس هاي الشلغة ماحلوة غصب وبعرف انك مابتحبيني انا اتزوجتك مشان عمي وبس
وبس لحتى تمر فترة ع زواجنا ايمت مابدك بطلقك وبقول انه انا مابدي اياكي
ملك:الغرفة مين زينها هيك
محمد :علمي علمك بس اكيد حدا من اهلي .صحي مابدك تقوليلي شو صار معك بل الحفلة
ملك :قلتلك خفت من العتمة
محمد :كذابة لكن شوكان بدك مني لما كنت عم ارقص اكيد ما اشتقتيلي انا متأكد انه في حدا دايقك
ملك:انت بتقرا الافكار يعني
محمد :لابس شغلتي علمتني اقرأ افكار العالم واعرف من عيونهم شوفي بقلبهن
ملك طلعت الرسالة وعطتها لمحمد .محمد فتح الرسالة وقراها وجن جنانو هل الكلب الواطي الحقير
ملك :انا لما وصلتني الرسالة بعتت ريهام ٣مرات مشان تعيطلك بس رفقاتك منعوك ،ولما ندهتلك كان في حدا ماسكلي ايدي وبعدين هرب وانا كمان صحيح مابحبك
بس هاد مابدل اني اهرب معو واصلا حسيت انه انا بكرهو اكتير وانا كمان ع زمتك وبخاف من رب العالمين وبخاف ع بابا وحسيت انه انت اكتر شخص بيقدر يساعدني ويمكن مشان هيك بابا اصر اني اتزوجك
محمد:خلص حاج تحكي سيرة هاد الكلب مابدي اياها تنجاب بهاد البيت صفحة وانقفلت ،اشلون صرتي هلق حاسك صرتي منيحة
ملك :اي صرت اكتير منيحة ، بدي اتطلع غير اتيابي
محمد:اي هنن موجودين بالخزانة بالغرفة فوق اطلع جبلك اياهن اذا مانك حابي تدخلي عليها
ملك :لا خلص راح الخوف يسلمو اديك
طلعت ملك ودخلت الغرفة فتحت الخزانة لقتها اكترها قمصان نوم دورت وطلعت بجامة ولبستها ولقت قدامها فستان حلو اتذكرت امها لما قالتلا بتلبسيه بالصباحية مسكتو لقتو اكتير بعري الجسم وكيف بدها تلبسو قدام محمد بعدين قالت لبكرا فرج ورحمة . طولت بالغرفة فكرها محمد خلصت طلع لعندا دق الباب
ملك: اتفضل
محمد :شو لهلق ماغيرتي فستانك
ملك :ماعم اقدر اوصلو من ورا
محمد :ليش ماندهتيلي ساعدك فيه . فتحلا سحاب الفستان وطلع وراح بوجهو ع المطبخ عمل قهوة وطلعها ع الصالون .وبهل اللحظة ملك خلصت ولبست بجامتها وكانت محتارة تكشف عن شعرها قدام ومحمد ولا لأ وبعدين حطت حجابها ع راسها ونزلت لعند محمد لقتو عامل قهوة صبلها فنجان وقعدت تشرب معو
محمد :جوعاني
ملك :لا مالي نفس ......
...... معد حكو شي ........
ملك وهية عم تشرب قهوة انكب اشوية قهوة ع ايدها صارت تحرقها قرب لحدها محمد مسك محرمة وصار يمسحلا ايدها وينفخلا عليها التقوا العيون ببعضا محمد ماقاوم جمال ملك قرب اكتر شلحها حجابها وفردلها شعرها وقرب باسها من رقبتها
ملك :محمد ... محمد .. شو عم تعمل
محمد ما رد وباسها من مكان تاني من رقبتها
ملك بعدت عنو وقالتو عنجد انت واحد ما بتفهم
محمد :ملك اسمعيني انا اعملت هيك قصد
ملك :مابدي اسمع شي وهلق انا بدي نام وين
محمد :نامي بالغرفة فوق
ملك :مابدي مافي غيرا
محمد:بلى فيه اطلعي لدلك .
طلعو فتحلا غرفة اصغيرة فيها تخت وخزانة ومراي
محمد:انا اعملت احتياطتي واعرفت انه في حدا رح ينام هون يا انا ياانت بما انه انت ماحبيتي هديك الغرفة نامي هون بس اتيابك رح يضلوا بهديك مشان ماحدا ينتبه وبكرا الصبح بتفيقي وبتضبيها قبل ما تجي الخدامة ام عبدو هاي فسادو وبتخبر امي بكلشي بصير وهاي الغرفة كمان مافيها حمام بتستعمل الحمام الي بغرفتي يعني هاي الغرفة للنومة وبس
ملك :خلصت ممكن تطلع هلق
محمد :انت زعلتي مني انا اعملت هالشي لمصلحتك
ملك :وين مصلحتي بهل الموضوع عم تبوسني وبعد اشوي الله اعلم وين ممكن توصل .
محمد:بكرا بتفهمي كلشي تصبحي ع خير
ملك :وانت بخير .طلع محمد وملك سكرت الباب وراه وقفلتو . ملك نامت دغري لانها كانت اكتير تعباني
محمد راح ع غرفتو ونام كمان لانه كان تعبان طلعت الشمس وبلش انهار جديدفاق محمد ع صوت تلفون
محمد:الو
منى:كيفك ياعريس صباحية مبارك
محمد :الله يبارك بعمرك ياست الكل
منى:فقتو ولا بعدكن نايمين
محمد:انا فقت بس ملك لسه
منى يلله فيقها جاين لعنكن نحنا وبيت عمك
محمد :بتنورو .وفات ع الحمام تحمم ولبس تيابو وراح دق الباب ع ملك
محمد:ملك ... ملك
ملك :اي .. اي شوفي
محمد:قومي بسرعة جاين اهلنا ع الطريق
ملك :شوووووو .. يلله قايمة
قامت بسرعة رتبت غرفتها وراحت ع غرفة محمد
دخلت ع الحمام اتحممت خلصت وطلعت فتحت الخزانة طلعت الستشوار والفستان الي قالتلا امها تلبسو لبست الفستان ووقفت ع المراي تعمل شعرا ومكياجها وقفت قدام المرايا وشهقت
ملك: هيييييء ياخ شوهاد الي ع رقبتي .واتذكرت محمد لما باسها من رقبتها وعلم محل بوساتو لون احمر غامق حاولت تخفيهن ببعض الكريمات بس بدون جدوى وبعدين خفتهون بشعراها وظبطت حالها ونزلت بس كانت اكتير خجلانة من محمد انها تلبس هيك قدامو وصلت لعندو هو كان داير ضهرو عم يتفرج عالتلفيزيون
ملك :صباح الخير
محمد التفت عليها :صباح ........
ملك :شبك ماتكملها
محمد:ليش الواحد اذا شافك بهالجمال بضل عندو كلام يحكيه اي ياصباح الفل والياسمين والزمبق ياحلا عروس بالدني
ملك : افهمنا .... كل هاد مشان صباح الخير
محمدعصب: لاتواخذينا انسة ملك
ملك :تشرب قهوة هلق ولا لحتى يجو اهلنا
محمد: لا شكرا لا هلق ولا بعدين ....
اندق الباب قام محمد يفتح الباب وملك لحقتو تستقبل اهلهن وهو ماشي قلها يلله البسي القناع .ملك ما ردت عليه .فتحو الباب دخل باسمة واحمد ومنى محمود سلمو عليهن ودخلو قعدوا
منى :صباحية مباركة ياعرسان
محمدوملك:الله يبارك فيكي ويخليكي فوق راسنا
قامت ملك تعمل قهوة لحقتها امها
باسمة :شوصار معك ماما
ملك :بشو ....
باسمة :كيف كانت ليلتكن
ملك :منيحة
باسمة :يعني مشي حالكن
ملك:اي
باسمة باستها وقالتلا الحمد لله الف مبروك ياعمري وطلعت
احمد غمز باسمة كانو عم يسألها اذا مشي حالون
باسمة ابتسمت وهزت راسها .
ملك عملت قهوة وطلعت مشان تضيفهن قامت مرت عمها اخدت منها القهوة وحطتها ع الطاولة وكان معها علبة فتحت العلبةوبداخلها عقد مرصع بحجار الماس
منى :حبيبتي ملك ليش هيك عاملي شعراتي رديهن لورا بيطلعو عليكي احلا .المهم هاد العقد هدية زواجك مني ومن عمك ارفع شعرك لحتى لبسك
ملك :لا مرت عمو خلي عنك انا بعدين بلبسو
منى :لا قوم محمد لبسو لمرتك .قام محمد مسك العقد اجت منى رفعت شعرات ملك واتفاجأت بالعلامات ع رقبها والكل شافها وملك خجلت اكتير
منى وهية عم تضحك:محمد شوها ااه
محمد لبس العقد لملك بسرعة ونزلها شعراتها ع رقبتها
محمد عمل حالو خجلان : اااااه ... هاد ولا شي ههههه.
الكل صاريضحك .وملك فهمت تصرف محمد لما باسها مشان يبن للكل انهم مبسوطين وقضوا ليلة حلوة
محمود :الله يهنيكن يارب
منى :قبل ما انسى وصيتلكن ع فطور هلق اشوي وبيجي . شالت ملك صينة القهوة وضيفت الكل
وارحت قعدت حد محمد .محمد استغل الفرصة مسكها لملك وشدها لحضنو وحط ايدو حول كتافها وايدو التاني ماسك ايدها
منى :الله يحميكن طالعين بتجننو
احمد :اي شوهاد ياعريس من وين عم تجيب هالحلا
محمد: تسلم ياعمي هاد حلا بنتك عاكس علي
ملك اتطلعت ع محمد واعرفت اديش هو شب حلو من برا ومن جوا .محمد كانت الدني مانها وسعانتو لانها ملك قاعدة بحضنو .شربو القهوة كلون
محمود :يلله خلينا نروح ونترك العرسان لحالهن مشان يشبعو من بعض .قامو كلون وراحو
ملك لمت فناجين القهوة اخدتون ع المطبخ وهية بالمطبخ اجتها رسالةمن رقم مابتعرفو فتحت الرسالة مكتوب فيها
صباحية مباركة ياعروس .ملك فكرت وحدة من رفقاتها ردت ع الرساله الله يبارك فيك بس مين.
الرقم معد رد . طلعت ملك ع غرفتها لبست بجامة ونزلت كان جاي الفطور حطتو ع السفرة وندهت لمحمد وقعدو يفطرو
محمد:ليش غيرتي الفستان كان حلو عليكي
ملك:هيك مرتاحة ...... وبعدين انت كيف بتحضني قدام اهلنا
محمد:ماحبيت هل الفرصة تروح مني
ملك ماردت وبلشت تاكل...... خلصو فطور .ملك قامت اتشيل الفطور ع المطبخ قام محمد يساعدها
ملك:خلي عنك انا بيشلو لاتعذب حالك
محمد:بدي ساعدك
ملك :لا انا مابحب الرجل يدخل المطبخ وبعدين انا بهل البيت مارح كون زوجة فارح صير خدامة
محمد:هههههه اي متل مابدك خدامة خدامة
ملك :عم تتمسخر
محمد:لا بس انت بدك تصيري خدامة ههههههه
وطلع ع المكتب وهو عم يضحك ويقول مجنونة هههه
خلصت ملك شغل بالمطبخ وراحت قعدت بالغرفة الي نامت فيها تلفونها عم يرن نفس الرقم الي بعتلا الرسالة
ملك:الو
وائل:الو
ملك :مين
وائل:معقول نسيتي صوت حبيبك
ملك بسرعة سكرت التلفون
وائل ضل يدق ويدق وملك تفصل بوجهو وخافت تقول لمحمد يعملا مشكلة بعدين بعتلا رسالة ردي هل المرة وبوعدك اني مارح دق تاني مرة رجع دق ردت ملك
ملك:خير شوبدك
وائل:انت مانك مبسوطة من هالزواج
ملك:وانت شو دخلك
وائل:طيب انت بتعرفي ليش تركتك
ملك:لا مابعرف ولا بدي اعرف
وائل ارتاح لان ملك ماعرفت ليش تركها
وائل:ملك بصراحة انا اغلطت وبعددت عنك وبدي صلح هالغلطة
ملك :اتأخرت اكتير
وائل:لا مااتأخرت وحتى لو صرتي متجوزي بستناكي لحتى تطلقي انا بالاول فكرت حالي ماني قد مسؤلية الزواج ولما اخسرتك اعرفت قيمتك
ملك :بس انت معد الك محل بقلبي مشان هيك انساني بكون احسن متل ما انا نسيتك وسكرت الخط بوجهو
وقعدت ع التخت وصارت تبكي وتقول انا بكرهك هلق فطنت ياحقير بعدماصار التراجع مستحيل
سمعت اذان الظهر قامت اتوضت وصلت ودعت ربها اكتير وبعد ماخلصت صلاة حست انها صارت بتكرهو اكتر لوائل واعتبرتها اشارة من رب العالمين
وقام محمد كمان صلى الظهر. واتذكرت ملك مرة سألتو لوائل اذا كان بصلي وقلها انا مابحب هيك شغلاتوصار يحكي عن الصلاة بالمسخرة وعرفت الفرق بين محمد ووائل وصارت تقول كمان محمد عزبني اكتير بحياتي وخلاني عاني انا بكرهون هنن الاتنين
وبعد اشوي اجا الغدا كمان كانت باعتو منى المهم خلص الانهار وكل واحد راح ينام بغرفتو وطلع انهار جديد نزلو شربو قهوة وبعدين فطرو وبلشو الاصدقاء والاقارب بيعتو رسائل مباركات للعرسان اندق الباب راح محمد فتح الباب طلعت الخدامة ام عبدو سلمت ع العرسان وباركتلون وبلشت تشتغل بالبيت وملك عم تلعب بهاتفها ومحمد من حر الجو قام يعمل شاور
محمد دخل الحمام وهو عم يشلح تيابو باب الحمام عم يندق محمد: مين
ملك :انا
محمد :بدك شي
ملك :عم تقول ام عبدو في عسكري ع الباب وقال بدو cd تبع اعترافات خلف
محمد: ليكي ملك انا هلق معد فيني اطلع روحي ع مكتبي المفتاح باول درج بتفتحي الدرج التاني مكتوب عليه خلف عطيه لام عبدو تعطيه اياه
ملك :ماشي
راحت ملك ع المكتب لقت المفتاح وفتحت الدرج التاني لقت فيه سيديات اكتير دورت لقت السي دي بس لفت انتباها سي دي مكتوب عليه وائل حطتو ع جنب ونزلت عطت السي دي لام عبدو مشان تعطيه للعسكري ورجعت بسرعة دقت الباب ع محمد وقالتلو انها عطتو اياه وراحت بسرعة ع المكتب
........................
انتظرونا بالحلقة الحادي عشر
............. .. .......
 
الحب الحلال
الحلقة(11 )
دخلت ملك بسرعة ع مكتب محمد طلعت الcdوفتحت الابتوب ودخلت السي دي بقلبو وقعدت تتفرج وشاهدت الفيديو كلو من وقت ما دخل يوسف وصار يحكي ع شرفها وكيف محمد قام وقتلو لوقت محمد لما امر عسكري مشان يخبطها بالسيارة خلص الفيديو وملك كانت بصدمة اكبيرة سمعت باب غرفة محمد انفتح بسرعة رجعت السي دي ع محله وقفلت الدرج وطلعت راحت بسرعة ع غرفتها وصارت تبكي وحست حدا عم يخنقها قامت وقفت ع الشباك وصارت تبكي وتقول :يارب يارب كل هاد كان رح يصير فيني ومحمد كان عم يحميني وانا كنت عطول عم اتهمو بأتهمات باطلة وهداك الخنزير عم يلعب بشرفي لك الله ينتقم منك يا وائل ومن رفقاتك ويمكن حس بغلطو لما اختو وقعت بالفخ بدالي ومحمد ليش ماقلي ... هو ما دخلو انا متل الحيواني كان يحزرني منو وماكنت صدق يالله يامحمد مااحسنك ومستحملني شوهالقلب العليك معقول بتحبني لهل الدرجة يارب تسامحني يارب تسامحني
.... خلص بدي اعطي فرصة لعالقتي مع محمد هو اكتر شخص بيستحقني .والنهار خلص وملك بغرفتها
محمد عم يدق الباب ع ملك :ملك ... ملك .. انت نايمة
ملك ماترد وكانت عم تبكي اكتير بس صارت تحبس انفاسها .سمع صوتها محمد عم تبكي
محمد:ملك شبك ليش عم تبكي افتحيلي الباب .....
..... ملك اذا مافتحتي بدي اكسر الباب .وضل يدق
ملك فتحت الباب .
دخل محمد :ملك ليش عم تبكي قوليلي شو صاير معك .اخدها بحضنو وصارت تبكي عصدرو
محمد:مابدك تحكي ملك شو صاير معك اذا بدك بكرا بطلقك ولا بشوفك عم تتعزبي
ملك:لا مافيني شي بس اشوب مدايقة اذا بتريد اتركني لحالي . تركها محمد وطلع وام عبدو حست انه في شي غلط وفكرتون متقاتلين دقت لامو لمحمد وقالتلا محمد ومرتو متقاتلين وملك بالغرفة التاني ومسكرة عحالها الباب وعم تبكي
منى:انت شو عم تحكي بكرى جاي شوفون شو هدول مجانين لسه انبارح اتزوجو لحقو يتقاتلو .سكرت الخط
محمود :مين كان ع التلفون
منى :ام عبدو عم تقلي محمد وملك متقاتلين وملك قافلة ع حالها غرفة النوم التاني وعم تبكي انا بكرا بكير رايحة لعندن شوف شوهية المشكلة لسه انبارح كان عرسون
محمود ؛اتركيهم ع راحتهم هلق بتصالحو وبيمشي حالون ولساتون ما ماخدين وجه ع بعض بكون تخانقو
منى :لا بدي روح بكرا الصبح وهنن نايمين واذا بكون هالحكي صحيح بدي قيم قيامتون عرسان وعم يتقاتلو
محمود :متل مابدك .
.........
محمد راح عغرفتو وصار يفكر ليش ملك عم تبكي وكيف بدو يسعدها .....
وملك كمان سهراني وعم تفكر وتبكي وضلو الاتنين سهرانين اذن الصبح وهنن فايقين قامت ملك راحت دقت الباب ع محمد فتحلا الباب وقالتلو بداتدخل ع الحمام تتوضا مشان تصلي الصبح دخلت ع الحمام اتوضت وراحت ع غرفتها صلت ومحمد كمان قام اتوضى وصلا .....
...........
منى فاقت صلت وقالت للشوفير يجهز حالو بدا تروح لعند بيت محمد .محمود حس عليها لما طلعت دق لمحمد .محمد اشغل بالو من اتصال ابوه بهل الوقت
محمد :الو
محمود:كيفك بابا
محمد :هلا بابا صاير شي
محمود :لا لاتخاف بس دقيتلك مشان خبرك انو امك جاي لعندك
محمد :شووووو هلق ... ليش لتجي امي لعندي بهل الوقت
محمود :ام عبدو دقتلا وقالتلا انك انت وملك متقاتلين وملك زعلانة بغرفة تاني وقال امك اذا مالقتكن بسرير واحد بدا تقيم قيامتكن انا دقيلتك وخبرتك
محمد:هاي ام عبدو بدا قص السان .... شكرا بابا اكتير
محمود: ولا يهمك يا ابني
........
قام محمد بسرعة راح لعند ملك دق الباب
ملك :تفضل محمد .محمد فات
محمد:ملك مابعرف شو بدي قلك
ملك :قول .. شوفي
محمد:هاي ام عبدو الفسادة خبرت امي انه نحنا متزاعلين وامي جاي ع الطريق
ملك:شوووو
محمد:اي واذا ماشافتنا مع بعض بدا تبهدلنا
ملك :اي شغلة بسيطة .... يلله لنروح ع غرفتك
محمد :ملك انت بكامل عقلك .... ماعحد علمي انك بتكرهيني ومابتحبي شوفتي
ملك : خلصنا شو بدك بكل هالحكي بسرعة امك رح توصل .بسرعة راحو ع غرفة محمد ملك فتحت الخزانة طلعت قميص نوم ودخلت ع الحمام لبستو ومحمد وقاف مصدوم
محمد:انت شو عم تعملي
ملك :الي شايفو يعني اكيد عروس مارح تنام بالبجامة مع جوزا وقعدت ع التخت وانت كمان اشلاح وتعال لجنبي وطفي الاضوية . محمد شلح تيابو واجا نام جنب ملك
والقلوب عم تدق بقوي. محمد منصدم من طريقة ملك وشو يلي غيرها .ملك جسمها صار كلو يرجف من التوتر وحست اذا قربت اكتر من محمد رح يروح هالتوتر .ملك قربت لعند محمد اكتر ومحمد مانو مصدق من الي عم يصير .محمد اخدها بحضنو .
ملك حست بأمان وراحة اول مرة بتحسون ولانها طول الليل ماكانت نايمة دغري غفيت بحضن محمد . ومحمد حس حالو انولد من جديد باسها لملك ع جبينها لقها نايمة وهو كمان لانه ماكان نايم نام كمان
ونامو نوم عميق .وصلت منى فتحت بمفتاحها وطلعت بسرعة ع غرفة محمد فتحت الباب لقتهون نايمين بحضن بعض قربت اكتر رفعت الغطا اشوي لقتهون ملك نايمة بقمص النوم ومحمد نايم بتابو الداخلية وصارت تصحيهن
منى :محمد .. محمد....ملك ..... ملك
كانو اول نومتهن ماعم يصحو
فتح عيونو محمد اشوي :ماما شو عم تعملي هون في شي ضروري
منى :قوم عايزك بموضوع
محمد؛ماما طول الليل مانمت هلق صلينا الصبح ونمنا اكتير نعسان انزلي لتحت واشوي بفيق وبنزل لعندك
منى :خلص نامو بس حتى تصحو روحو لعندي ع البيت عايزتكن
محمد :اي .. اي ....
منى :الله يخليكن لبعض شو طالعين حلوين مع بعض .
طلعت ورجعت ع بيتا . محمد ضمها لملك اكتر ونام
وصلت منى ع البيت كان الانهار بلش يطلع محمود عم ينطرها
محمود :شو صار معك ماطولتي
منى:يقبرو قلبي كانو نايمين بحضن بعض متل العاشق والمعشوق
محمود :قلتلك لا تروحي ما بتردي علي وهنن عرسان يعني بيتزاعلو ساعة وبيرجعو يتاصالحو
منى :اي والله مظبوط حكيك ..... الله يهنيهن احسن الشي......................
صار الظهرمحمد وملك بعدون نايمين الظهر عم يأذن ملك حست فاقت واتذكرت شو صار معها بسرعة قامت من حد محمد وفتحت باب الخزانة طلعت اتيابها وراحت ع الحمام غسلت ولبست واتوضت وطلعت صلت الظهر ونزلت ع الصالون لقت الفطور جاهز وام عبدو عم تنطرهم
ملك :صباح الخير يا ام عبدو
ام عبدو :صباح النور
ملك:ايمت جيت
ام عبدو :من الصبح وجيت نضفت البيت والفطور من الساعة تسعة جاهز
ملك :يعطيكي العافية ،ممكن تطلعي تفيقي محمد بس دقي عليه الباب بفيق
ام عبدو :تكرمي . طلعت ام عبدو دقت ع الباب محمد فاق: مين
ام عبدو :انا ياباشا اذان الظهر والفطور جاهز
محمد:اي ... اي خلص روحي انت هلق بنزل
محمد صاريفرك عيونو واطلع ع حالو لقا حالو عريان
واتذكر شو صار معو بس مالقى ملك حدا قام وصار يدق ع باب الحمام بس ماحدا رد عرفا انه مافي حدا دخل غسل واتوضا وصلى ونزل ،ملك كانت عم تنتظرو ع الفطور . محمد :صباح الخير
ملك :صباح النور
محمد :كأنو اتأخرنا بالنومة
ملك:هيك الظاهر . ام عبدو جابت الشاي صبحت ع محمد . محمد :اهلين صباح النور ... شو ام عبدو ان شاء الله ارتحت انبارح
ام عبدو :بشو بدي ارتاح ما افهمت عليك
محمد:شو ماصار هون بالبيت مابدي اياه يطلع لبرا
ام عبدو : انا بحياتي ماطلعت كلمة لبرات البيت
محمد:انا اعرفت كلشي انك خبرتي امي انو في مشكلة بيني وبين ملك، بابا خبرني بكلشي
ام عبدو :انا اسفة ياباشا بوعدك انها مارح تتكرر
محمد :بنشوف وهلق روحي
ملك:ليش هيك احكيت معها خجلتها
محمد: مشان تتعلم تاني مرة مااتطلع اسرار البيت لبرا.
وبلشو ياكلو وهنن ساكتين بعدين حكي محمد
محمد:ملك انا اسف ع الموقف الي حطيتك فيه مشان امي
ملك :ولا يهمك ......انا كمان بعتزر
محمد:عشو بدك تعتزري
ملك:لانك صابر علي .... بس بوعدك مع الايام رح اتغير وكون زوجة مخلصة
محمد:ماني مصدق مقعول هاي ملك الي عم تحكي
وشو يلي غيرك فجأة
ملك : اي انا .... بصراحة انا حسيت ع غلطي واتندمت ...
محمد: ملك خلص لا تكملي انا كلشي بدي اياه انك تكوني جنبي وبس وباقي الامور كلها بتجي بعدين .
خلصو اكلون ومحمد قلا لملك عندو شغلة ضرورية بالقسم عشر دقايق وبيرجع وطلع
ملك طلعت ع غرفتها تلفونها صار يرن وائل الي عم يتصل
ملك تفصل ويرجع يدق وهية تفصل بعتلها رسالة بعرف انك لحالك بالبيت ردي
رجع يدق وهية تفصل
وتقول مافشرت ياكلب رد عليك . وسكرت هاتفها نهائيا
رجع محمد ع البيت ومضو انهارهم عادي هو وملك
وصار الليل ودخلت ملك ع غرفتها تنام ومحمد راح ع غرفتو وقضو اسبوع مع بعض وعلاقتون تفهام وكانو يروح زيارات لعند اهاليهم .ووعد محمد انه ياخد ملك شهر عسل بس لحتى يخلص شغلو
وبعد الاسبوع رجع محمد ع شلغو ولما كان محمد يروح الشغل يصير وائل يدق لملك وملك ما ترد وكانت تحاول تخبر محمد بس كانت تتردد وتخاف من ردة فعلو وقررت تحط لوائل حد وائل اتصل ملك ردت عليه:خير شو بدك
وائل:انا مابدي اياكي
ملك:انا مابدي اياك انا مع زوجي وبحبو واكتير مبسوطة وعهرقم لاتتصل مرة تاني .وسكرت الخط
ومرت الايام ووائل عطول كان يدق لملك بس هية ماكنت تردوملك بلشت تحبو لمحمد وتحس روحها ملعقة فيه وملك حست اول مرة بتتحرك مشاعرها وبتحب لهل الدرجة وصارت تقول: معقول لاني ماكنت حب وائل من الاصل او لاني عم حب بالحلال. وقررت تعترف بحبها لمحمد.وملك اتشجعت وقررت اليوم تخبرو.
رجع محمد من الشغل وكانت ملك ناطرتو بأبتسامة عريض وكانت لابسي فستان احمر قصير وفاردة شعره وطالعة بتجنن وكان العشا جاهز من كل الاصناف ومشلعة شموع . محمد اول مادخل البيت اتفاجأ قرب لعند ملك قلا شو هل القمرحاسس في شي موطبيعي
ملك:متل مانك شايف
محمد :عم بلش شك انك مسحورة
ملك ضحتك:لا ماني مسحورة بس ارجعت لعقلي يلله اقعد لناكل الاكل رح يبرد
محمد:وينا ام عبدو
ملك :صرفتها بكير ع بيتها
محمد:اممممم افهمت عليكي . وهنن عم يتعشو قرب محمد من ملك وحط شفافو ع شفافها بدو يبوسها قاطعهم تلفون ملك صار يرن وملك تفصل
محمد :ردي بركي في شي ضروري
ملك اتلبكت :لا هاي ريم رفيقتي بس تعلق متل الدبي
.رجع التلفون يرن ويرن وملك تفصل
محمد:قومي ردي بركي في شي ضروري
ملك:يلله قايمة بشوف شوبدها وبرجع
راحت ملك ع المطبخ رددت ع وائل
ملك:خير شو بدك
وائل:ملك مشان الله لا تسكري
ملك :انت مشان الله لاتتصل علي مرة تاني
وائل:بوعدك انه هاد رح يكون اخر اتصال بس بشرط بدي شوفك بالمكان الي بتحدديه لازم اعترفلك بكلشي
ملك :انا اعرفت كلشي ومسامحتك بس حل عني
وائل:الله يخليكي ياملك بس مرة انا الاسبوع الجاي رح سافر وريحك مني ع الخالص . وضل يترجها .
محمد وعم ينطر ملك قاعد ع السفرة لقى السفرة ناقصها مي قام يجي مي ويشوف ملك ليش اتأخر
وصل ع باب المطبخ ملك دايرة ضهرها للباب سمعها عم تقول :خلص ماشي ماشي متل مابدك انا بحدد المكان الي رح شوفك فيه بس هالرقم لا تتصل انا بدقلك .محمد جن جنانو وقرب لعند ملك اخد منها الموبايل وفتح السبيكر كان وائل عم يقول بحبك وسكر . محمد حس قلبو شعل بنار
ملك:محمد لا تفهمني غلط الله يخليك
محمد:كل هاد مابدك اياني افهمك غلط .وشال كف وضربها اياه ووقعها ع الارض
ملك :محمد مشان الله بس خليني اشرحلك
محمد:لك شوبدك تشرحيلي طول هالفترة وانت عم تضحكي علي وانا متل المجنون فكرت عم تتغيري بس لا كنت عم تتمسكني لتتمكني ياحقيرة انت واياه هو هلق حسابو . وسحبها من شعرها ع غرفتو وهية عم تبكي وتصيح محمد بس اسمعني لا تغلط
محمد:لك انا طول عمري كنت غلطان بس هلق حتى افهت .يلله هلق بدك تحكيلي شوفي بينك وبينو اشقد صرلكون عم تلتقوا مع بعض
ملك :والله ولا مرة شفتو
محمد:لاتجيبي سيرة الله ع السانك انت مابتعرفيه ل الله
ملك: محمد انت فهمان غلط بس خليني وضلحلك
محمد :احكي لنسمع .....
....................
انتظرونا بالحلقة 12
توقعاتكم
محمد رح يصدق ملك
وشو رح يصير مع ملك ووائل
.........
 
الحب الحلال
الحلقة(12 ) قبل الاخيرة
محمد :احكي لنسمع اذا رح صدقك
ملك :والله يامحمد من اول ما اتزوجنا وهو عم يزعجني ويدقلي وانا كنت عطول افصلو وهلق دق قال بدو يشوفني بس انا قلتلو اي مشان يحل عني وهو وعدني انه مارح يزعجني
محمد :لنفتضر كلامك كلو صح ليش ماخبرتيني كنت انا اتصفرت
ملك :ماحبيت ازعجك
محمد:هههههههه ضحكتيني اكتير لأ اكتير صدقتك .
قرب منها وشدها من شعرها احكي كلشي احسن ما اتطلع بروحك
ملك:والله هاد كلشي صار .... واذا انا كان بدي اياه كنت اهربت معو ليلة العرس
محمد وهو ماسكها ما شعرها شالها وخبطها ع الارض بقوي ملك اجت ايدا تحتها وانكسرت
ملك :اااااااااااااااااخ
محمد ما اهتملها ولا التفت عليها
محمد :بتكون قصة ليلة العرس كلا تمثيل مشان تخليني اوثق فيكي وهالاهتمام الزايد وانك مبسوطة معي كمان كلوتمثيل هلق افهمت كلشي وصار كلو واضح قدامي ..... بس بدي اعرف شو اعملتلك لحتى تتصرفي معي هيك من اول ماجيتي عهل البيت والحياة متل مابدك ماشية بس هلق خلص كلشي انتهى ....وهلق رايح شوف هداك الحقير .
اخد منها تلفونها وطلع وقفل عليها الباب وهو نازل ع الدرج اتصل بالقسم وقلهن يجهزولو دورية بسرعة
لقى قدامو سفرة العشا من قهرو قلب الطاولة والاكل كلو صار ع الارض وضل طالع .
وملك ايدها انكسرت وعم تصرخ من قلبها من الوجع بس مافي حدا يسمعها
محمد اخد دورية وراح ع بيت وائل دق الباب فتحلو وائل فات محمد وصار يضرب وائل
وائل:لك شوفي ... شوعم يصير
محمد :هلق بتفهم كلشي ياكلب .
اخدوه ع القسم وامر العساكر يضلو يضربوه للصبح. رجع محمد ع البيت كان البيت قايمة قايمتو وبلش الصبح يطلع . طلع ع غرفتو عم يفتح الباب بالمفتاح ملك حست عليه خبت ايدها وعملت حالها نايمة
دخل محمد الغرفة اطلع ع ملك نايمة ع الارض
وقال:نايمة كمان انا بفرجيكي .راح فتح الخزانة طلع اتياب غيير تيابو وطلع .
ملك كانت ايدها ورمانة اكتير ومافعلت تقول لمحمد
لانها بدا تعاقب حالها .
نزل محمد دق لام عبدو وقلا تجي فورا ع البيت
اجت ام عبدو لقت الدني قايمة قيامتها
ام عبدو :خير ياباشا شو صاير هون
محمد :بلا كتر اسألة نضفي كلشي ... وهديك الكلبة فوق بالغرفة محبوسة خدي هاد المفتاح اذا بدها شي بتعطيها وبس وبحذرك اذا ساعدتها او فتحتيلا الباب بحبسك محلها او اذا حدا بيخبر واذا حدا اجا لعنا بتقوليلو مانا بالبيت .... شو افهمت
ام عبدو:اي ... اي ... افهمت ياباشا
راح محمد ع القسم ودخل لعند وائل الي كان طول الليل تحت التعذيب
محمد :شو استاذ وائل عاجبتك الحالة الي وصلت حالك الها انت والانسة ملك
وائل: شوبدك مني
محمد:ههههههه حلو هالسؤال انت الي شوبك من مني
وائل:بدي ملك
محمد شال ايدو وضربو كف
محمد:ولا حقير شوبدك منها
وائل: هية اتزوجتك عصب عنها وهية مابدها اياك هية بتحبني الي
محمد:هية قالتلي هيك
وائل:لا انا حسيت
محمد:ايمت كنتو تلتقو
وائل:ولا مرة اتقابلنا ....
محمد :حاج تكذبو علي .... ياعسكرية تعال خدوا انا بفرجيك بعدين يا كلب
محمد قعد طول انهار عم يفكر وراسو رح يفجر مسك التلفون ودق لام عبدو
محمد :الو
ام عبدو:اي ياباشا
محمد: شو صار مع هالكلبة ماطلبت منك شي
ام عبدو :لا ابدا ما طلبت شي
محمد :دخليلا اكل تاكل وخبريني شو بيصير معك .
راحت ام عبدو عملت اكل وطلعتو لعند ملك
ملك حست في حدا جاي لعند بسرع نزلت كم البجامة ع ايدها .دخلت ام عبدو حطت الاكل ع الطاولة وقالتلا بعد ساعة رح ارجع اخدو بتكوني اكلتي ملك ماردت عليها نهائيا طلع الخادمة وقفلت الباب
قامت ملك بدك تكب الاكل ع الارض .... بعدين فكرت اذا كبتو مارح تستفيد شي وام عبدو رح تخبر محمد
انها ما اكلت وبصيرو بدون يطعمها غصب عنها
قامت نقصت من كل صحن اشوي ونقصت كاسة العصير بالحمام والاكل حطتون بكيس وكبتو بالزبالة
رجعت ام عبدو اخدت الاكل وطلعت
ملك قلبها كان رح يوقف من الوجع من ايدها
وصارت تبكي وتقول يارب تموتني وارتاح انا ماني مستحملة هالحياة انا بكره كل العالم والله معد استحمل تعبت تعبت وضلت تبكي طول انهار
محمد دق لام عبدو وسألها اذا اكلت وقالتلو اي اكلت وهو استغرب وكان متوقعها انها تكب الاكل
ومر انهار تاني ع ملك لا عم تاكل ولا عم تشرب بس عم تتظاهر انها عم تاكل ووجها صار اصفر وحوالي عيونها اسود من الوجع والتعب والجوع واجت امو لمحمد تزوهم بس ام عبدو قالتلا مانهم بالبيت،ملك بلشت تحس بوجع اسفل بطنها عرفت انها موعد دورتها قامت تشرب الحبة الي وصفتلها اياها الدكتورة
فتحت شنطتها لقت الحبات خالصين
قامت وقفت بصعوبة وصارت عيط لام عبدو بس صوتها ماكان يطلع بالاخير سمعتها ام عبدو واجت لعندها وقالتلا تروح ع الصيدلية تجبلا الداو وعطتها اسمو نزلت ام عبدو
ودقت لمحمد . محمد :الو اي شوفي خبريني
ام عبدو :ملك اكتير تعبانة
محمد:يعني شو بدها
ام عبدو :عطتني اسم دوا جبلا اياه
محمد :ماشي ابعتيلي اسم الدوا والمسا وانا جاي بجبلا اياه
ام عبدو :ماشي
ملك وجعها عم يزيد عيطت لام عبدو وطلعت لعندها
ملك :شو صار بالدوا
ام عبدو:بعتت اسمو لمحمد وهلق بجيبو معو
ملك :ياربي ليش مارحتي انت انا معد استحمل الوجع
ام عبدو:والله هيك الاوامر يا بنتي
راح محمد ع الصيدلي وعطاه اسم الدوا
الصيدلي :معك وصفة طبية
محمد :لا
الصيدلي :اسف ما بقدر اعطيك هاد الدوا بالذات
محمد :دوا شو هاد
الصيدلي : هاد بيصوفوه الدكاترة للنساء بسوي نزيف
واذا في حمل بينزل . فيك تجيب وصفة طبية ساعتها بقدر اعطيك الدوا
محمد اخد اسم الدوا وطلع بسرعة وركب بالسيارة صار يخطر ع بالو انها ملك حامل وبدها تنزل الولد
راح ع البيت وحاطط براسو بدو يقتلاها لملك طلع ع غرفة ملك دخل وسكر وراه الباب
ملك كانت قاعدة بالارض وماسكة بطنها وعم تبكي وتصيح من الوجع وكان منظرها اكتير بحزن ضعفانة اكتير ووجها اصفر وحويلا عيونها اسود
بس هو ما اهتم لشكلها نهائيا
محمدبصوت عالي :ملك لاشلك بهاد الدوا
ملك :وينو جبتو
محمد:وعم تسألين بكل عين وقحة اذا جبتو مشان تخفيه قذارتك
ملك وصوتها عم يقطش :لك ايو قذارة عن شو عم تحكي
محمد:بدك تنزلي الولد مشان ماعرف انك حامل من هداك الحقير
ملك:لك ايو ولد ومين حامل عن مين عم تحكي
محمد :عنك ياخانم حامل وبدك هاد الدوا مشان تنزليه
ملك:لك هاد الدوا..
محمد قاطعها وماخلاها تكمل: انا رايح خلص ع هداك الحقير ورح جيب اهلك فرجيهن شو عالمة بنتون المحترمة
ملك :صارت تعيط:محمد اسمعني لا تروح
محمد ما رد عليها وراح ع القسم طلب يجيبولو وائل
جابوه لوائل. محمد مسكو وصار يضربو هلق بدك تقلي وين كنتو تتقابلو وكام مرة قربت عليها ولمستها
وائل:والله ولا مرةشفتها ولا حتى لمستها
محمد :عم تضحك علي لكن هية حامل من مين
وائل:بتكون حامل منك .
محمد :لا ما مني لاني مالمستها ولا مرة
محمد حس حالو صابو انهيار قعد ع الكرسي
حس عليه وائل انه اكتير تعبان قرب عليه وقلو
اهدى يا محمد
محمد :بعد عني انقبر اقعد محلك
وائل:بس لساعة اعتبرني رفيقك
محمد: مافشرت ياكلب
وائل:انا رح احكيلك كلشي بس بشرط تهدي
محمد :احكي عم اسمعك
وائل:انا مظبوط كنت بالاول احكي مع ملك وكنت بدي اياها لرغباتي الجنسيةبس هية كانت مفرتكني حبها وضليت اكتر من اشهر مع بعض ولا مرة سمحتلي امسكلا ايدها وهلق عم تقلي انها حامل مني وبعد الزواج والله انا كنت دايقها ع طول وكنت مفكر انها بتحبيني وانا كمان اكتشفت اني بحبها وقلت بصلح غلطتي وبتجوزا واخر مكالمة كنت بدي شوفها ودعها لاني بدي سافر والهواتف معك في تتأكد بنفسك .
اتذكر محمد الهواتف كان نسيانهن ع الخالص طلعون وشاف كم مرة وائل داقق لملك وملك ماكانت ترد عليه والرسائل كان يبعتها وهية ما ترد
محمد :طيب هية من مين حامل
وائل:ومين قلك انها حامل
محمد :هية عطت اسم الدوا للخادمة وانا رحت جبلا اياه وقلي الصيدلي هاد الدوا بيعمل اجهاض
وائل:معقول يكون الصيدلي مخربط
محمد :هو قلي بيعمل نزيف
وائل:لك اي اتذكرت
محمد :وشو اتذكرت
وائل:انا اول ماكنت بدي اقنع ملك فيني وتحبني كنت روح وصل اختي لحتى شوفها ومرة رحت وما لقيتها رحت وقف قدام بيت اهلها مشان شوفها بس اتفاجات ان اهلها طلو مسرعين من البيت وانا رحت الحقتون
محمد :انت عن شو عم تحكي
وائل:اسماع للاخير .وبعد ما الحقتو راحو ع المدرسة دخل ابوها وطلع وكان شايل ملك بين اديه وراحو ع دكتورة نسائية وانا فكرت ملك صاير معها مشكلة او كانت مخطوفة وحدا مغتصبها
ولما رجعت اختي ع البيت سألتها اصريت عليها انها تحكي وقالتلي ملك يومتها
كانت بالصف وتعبانة وبعدين صار بطنها يوجها واخدوها ع الدكتورة النسائية وقال يومتها ملك بلغت وعندها مشكلة كل موعدة دورتها بضل يوجعها بطنها لحتى تشرب دوا ممكن يكون هاد هو الدوا
محمد :شو عم تقول انت معقول
وائل:انت ظلمتا اكتير لملك واذا بدك تعاقب عاقبني الي ملك والله ما دخلها وكانت تقلي عطول انها بتحبك لما كنت دقلها
محمد:اهلك انبارح قدمو شكوى انك مفقود فيك تروح ع بيتك ولاتعترض طريقنا مرة تاني خود غراضاك والله معك انا ما اتمالكت اعصابي لما اسمعتا عم تقلك انها رح تشوفك وائل انا اكتير بحبها لملك ومابدي اخسرها
وائل: انا اسف اكتير كل الحق علي انا فكرتها بعدا بتحبني وشكرا الك اكتير بس بدي قلك روح لعند ملك لانها بتكون هلق بحاجتك وانا بوعدكن انك مارح تشوفو وجهي مرة تاني وهلق بخاطرك مد ايدو يسلم ع محمد ومحمد قام وقف وسلم عليه وراح
محمد عرف غلطو وراح بسرعة ع البيت لعند ملك ركض لعندها وهية كانت قاعدة بالارض
محمد:ملك ... ملك ..... شوعم يوجعك
ملك كانت عم تصرخ الوجع :يالله ساعدني .... ااااااخ . وماكانت حاسي بوجود محمد وحست الدني عم تدور فيها وكأنها مخدرة
محمد :ملك عم تسمعيني
ملك انتبهت لوجود محمد :وينو .... اهلي ..... عأساس رايح تجيبون
محمد: ملك انا اسف ظلمتك ....يالله قومي معي لاخدك ع الدكتور
ملك :بعد عني ... لا تلمسني انا بكرهكون كلكون
محمد:ماشي اكرهينا بس هلق يلله قومي .
ملك :قلتلك مابدي خليني موت اشرفلي من هالعيشة
محمد:خلصينا هلق قومي بعدين بصلح غلطتي .ومسكها من ايدها المكسورة مشان يرفعها عن الارض وملك صرخت صوت قوي ضج بكل الفيلا
ملك :ااااااااااااااااااااااااااااااخ ،ومن قوة الوجع قلبلا ما استحمل ودغري اغمي عليها .محمد كشف عن ايدها لحقها لونا ازرق ومورمي .واتذكر لما ضربها اخرة مرة كيف ملك صرخت من الوجع بس ماعرف انها مكسورة
محمد:يالله انا شو اعملت متل الحيوان حملها واخدها ع المشفى صورولا ايدها واجت دكتورة نسائية فحصتها وعرفت شو مشكلتها وعلقولا كيس دوا
وعطوها دوا ليرووح الورم من ايدها مشان يجبروها وضلت ملك نايمة ٢٤ ساعة متواصلة
فتحت عيونها لقت محمد معها وصارت تتطلع حوليها لقت حالها بالمشفى بس مانها متزكرة شو صار معها قبل ماتجي
ملك :مين جابني لهون
محمد كان واقف ع الشباك وماانتبه انها صحيت لحت سمع صوتها ركض لعندا :ملك انت صحيتي الحمد لله عسلامتك ياحبيبتي
ملك:عم اسأل انا شو وصلني لهون
محمد :اهدي هلق وبعدين بنحكي
ملك :اخر شغلة بتذكرها انك اتطلعت لتجيب اهلي وينهن
محمد عرف انها ماكنت حاسي على شي :اي ماجبتون
لاني اكتشفت انت برئية
ملك بعصبية :قلتلي برئية واشلون صدقت ياحضرت الضابط
محمد :ماوقتو هالحكي هلق
ملك :بدي اهلي .......
محمد:مابدنا نشغلون بالون
ملك :بدي اهلي ....... بدي اهلي ..... واذا بتجيب اهلك كمان بكون منيح
محمد قرب لعندا :حبيبتي سامحيني انت عمري وحياتي والله ماتستحملت شوفك عم تحكي معد حدا غريب
ملك :دق لاهلي
محمد :ماشي
محمد دق لاهلو وبيت عمو
اجو كلون ومابيعرفو شو صاير معهن
دخلو كلهم واتفاجئو ملك قاعدة ع السرير وايدها مجبرة ركضو عليها وصارو يسألوها شو صاير معها
ملك خبروتون انها وقعت بالحمام
باسمة : بس ليش هيك وجهك اصفر ومعلقيلك كيس دوا بعرف الكسر مابيعمل هيك
ملك قربت من امها وهمست بادنها انها في الدورة الشهرية
باسمة اي الحمد لله سلامتك
وتاني انهار طلعت ملك من المشفى رفضت تضل عند محمد بالبيت وراحت عبيت اهلها وقالت لاهلها لحتى تشيل الجبيرة عن ايدها بترجع ع بيتها ومحمد كل انهار يروح لعند ملك مشان تسامح بس هية ماكنت تسامحو وفي مرة راح لعند بيت عمو دخل لعندها
محمد:كيفا حبيبتي اليوم بعدها زعلاني مني
ملك طلعت ورقة وعطتها لمحمد . محمد مسك الورقة وقرها وعصب اكتير وصار يعيط ع ملك
محمد:شو هاي الورقة ملك ما انا قلتلك غلطت والشيطان لعب دورو انت ليش هيك بتضلي عم تحسسني بالذنب وبعدين الحق عليكي من الاول لو انك مخبرتيني بشي الي صار معك ماكنا وصلنا لهون
ومتخيلتيني اسمعك عم تحكي مع شخص غريب ومابدك انفعل ...... شو هاي الورقة هلق اطلع فريجها لاهلك واهلي وخبر الكل انك بعدك بنت ومحدا لمسك وهاي الورقة بتسبت هل الحكي
ملك حست حالها غلطت اكتير وماعرفت شوبدا تعمل
ملك : محمد انا اسفة ماكان لازم اعمل هيك بس بصراحة انا انقهرت اكتير لما اتهمتني اني حامل
من وائل
محمد :هلق اخدتي حقك يعني يلله انا ماشي سلام .
ملك بسرعة راحت ووقفت ورا الباب
محمد:بعدي بدي اطلع
ملك :مابدي لحتى تروق
محمد:روقت يلله بعدي
ملك قربت لعند محمد :هديك الليلة كنت بدي اعترفلك اعتراف
محمدمن غير نفس :شوهو
ملك قربت لعندو وحضتونو :انا بحبك
محمدفرح اكتير بس مابين هالشي لملك بعدها عنو ومشي
ملك :محمد انا بحبك والله بحبك ليش ماعم تصدقني . محمد وصل ع الباب وملك بدها توقفو وبسرعة وقعتع الارض وصرخت اااخ، محمد بسرعة رجع لعندا بسرعة
محمد :ملك انت منيحة شو صار معك ياعمري انت ايدك صابها شي عم يوجعك شي
ملك قربت اكتر لعندو :ايدي ماصابها شي بس قلبي عم يوجعني حبيبي مزعلني
محمد:حبيبك معك ومارح يزعلك بعمرو
قرب ويبوسها وهنن قاعدين بالارض عم يبوسو بعض ومدموجين انفتح عليهن الباب بس هنن ما انتبهو ع الباب انو انفتح
احمد :احم ... احم .....
محمد وملك بسرعة بعدو عن بعض
ملك :اهلين بابا
محمد:عمو....
احمد قاطعو :خلص ولا يهمك انت متزوجين ،ملك قومي ضبي غراضك وروحي ع بيت زوجك
ملك :بس بابا
احمد :شو بس يلله ولا كلمة
ملك :ممكن بس هالنهارين لحتى فك الجبيرة عن ايدي
محمد استغرب من ملك وما اتوقعها تمانع
محمد:شو ملك ليش مابدك تروحي ع البيت معي
ملك: هاد هو طلبي لو سمحتو
احمد :اذا هيك بدك متل مابدك واذا زوجك ماعنده مانع ......شو يا محمد
محمد:متل مابدها ملك بصير
احمد :طيب ماشي .... الله يخليكن لبعض
طلعو قعو بالصالون كلهون بعدين قام محمد وراح ع شغلو وكان احلا يوم بحياتو .......
بليل تلفون محمد عم يرن
محمد :الو
ملك :كيفك حبيبي
محمد :مشتاق لعمري وروحي وحبيبتي
ملك :انا مشتاقتلك اكتر ياروحي انت ... محمد انت هلق وين
محمد :عند اهلي ..
ملك :ليش مانك ببيتنا
محمد: هادك البيت ماحلو بدونك
ملك :بدي اطلب منك طلب
محمد:لك انت مابتطلبي انت بتأمري امر
ملك :الله يخليلي اياك ... بدي منك تروح ع بيتنا وتجبلي اشوي غراض بخصوني من هنيك
محمد :شو هنن الغراض
ملك:انت هلق روح ع البيت وحتى توصل دقلي بقلك شوهنن الغراض ووين مكانون
محمد :ماشي مسافة الطريق ...... بحبك
ملك :بموووووت فيك
وصل محمد ع البيت وطلع ع الغرفة فتح الباب .....
محمد انصدم شو هاد ........ شو صاير هون
انتظرونا بالحلقة (١٣) والأخيرة
........................

...................
 
الحب الحلال
الحلقة (13 )والاخيرة
طلع محمد يجيب الغراض لملك من الغرفة فتح الباب
واتفاجأ شو عم يصير هون
محمد باستغراب :ملك
ملك :مفاجأة
ملك كانت مجهزي حالها وكانت فاكة الجبيرةعن ايدها
وكانت لابسة قميص نوم ابيض رح ياكل من جسمها شقفة وفاردة شعرها الطويل الاسود
محمد واقف مصدوم بجمال ملك وكان اول مرة بشوفها بهل الجمال وماعم يشيل عيونو عنها وحس حالو بحلم
ملك :محمد .... محمد ...
محمدصحي من شردتو :ياعمرو لمحمد وروحو وقلبو
ملك :وين كنت شارد
محمد:وين بدي كون شارد غير بالقمر الي واقف قدامي
ليش انت خليتي فيني عقل
ملك :انا مجهزة عشا الي والك روح حطلك تتعشى
محمد :لك انا خلص اشبعت قال قدامي احلا قمر والي نفس اتعشى
ملك :طيب ليش بعدك واقف مكانك تعال اقعد جنبي
قرب محمد وقعد حدا عالسرير مسكلها ايدها وباسها وضل يبسلها ايدها وهو طالع لحتى وصل ع رقبتها باسها من رقبتها وطلع ع شفافها............ وكملو كل الليلة مع بعض ......وكانت هاي اول ليلة بقضوها مع بعضواحلا ليلة وكل مايحاول محمد ينام ملك ماتخليه ينام تقوم تبوسو ... بلش الصبح يأذن قام اتحممو وصلو الصبح ورجعو نامو بحضن بعض وضلو للضهر وقامو يفطرو .قامت ملك تحضر الفطور ومحمد لحقها ع المطبخ وهية واقفة عم تجهز الفطور اجا حضنها من ضهرها
ملك:حبيبي بلاها هاشغلات هلق بنفطر وبنطلع ع غرفتنا ماشي ياعمري
محمد :لا ما ماشي قومي نرجع ع الغرفة انا لسه ما اشبعت منك وانا بعدين ماني جوعان
ملك:بس انا جوعانة وانت كمان يلله اقعد
قعد محمد ع الطاولة وملك صارت تحط الصحون ع الطاولة ومحمد قام ساعدها
وقعدو فطرو وصارو يطعمو بعض وخلصو ورجعو طلعو ع غرفتون ...........
وكان عم يعيشو احلا ايام حياتون كل انهار يطلع سهرات ومشاوير وكانو يطلعو يسهرو عند اهاليهم وعند اخواتو لمحمد ومرت الايام وملك بطلت من المدرسة . محمد كان بدو اياها اتكمل بس هية رفضت
ومرت الايام .... ومرة كان محمدجاي من الشغل راح سلم ع ملك وحضنها وباسها وقلا اشتقتلك .ملك ماردت عليه محمد استغرب من تعامل ملك وفكرها تعبانة من شي شغلة ماحب يزعجها صار يحكيها ماترد عليه
محمد :حبيبتي ملك شو صاير معك
ملك :مافي شي العشا جاهز قوم نتعشا
ومحمد يحاول يحكي ملك وهية ما ترد او ترد بلا نفس
ووقت النوم يجي يحاول يقرب منها هية كانت تبعد وضلو ع هالحالة ٣ ايام ومحمد رح يجن بدو يعرف شو الي مزعل ملك اخر انهار فقعت معو
محمد:ملك هلق بدك تفهميني شبك صرلك ٣ ايام ماعم تحكي معي ولاعم تخليني المسك
ملك:مافي شي
محمدصار يعيط :كيف يعني مافي شي هلق بدك تفهميني شوفي
ملك :محمد طلقني
محمد:شوووووووووووو .... ليش بدي طلقك شو اعملتلك لحتى طلقك
ملك :طلقني وبس وانت بتعرف حالك شو عامل .وقامت تمشي
محمدمسكها من ايدها :فهميني شو عامل والله مابتذكر اني اعملت شي يدايقك
ملك :انا رايحة
محمد:عوين
ملك :لعند اهلك اذا بتحب توصليني اتفضل
محمد:وشوفي عند اهلي
ملك :اذا مارح تروح معي انا رايحة لحالي
محمد:لأرايح معك قومي .لبسو وطلعو ومحمد طول الطريق عم يحاول يعرف شبها ملك ملك قالتلو هلق ابتفهم قدام اهلك كلشي
وصلو لعند اهلو فاتت ملك سلمت ع عمها ومرت عمها وراحت قعدت بحضن عمها
محمود:شبكن ياولاد ليش هيك وجوهكن مابتتفسر
ملك :انا عمو بحكيلك
محمود:شوفي يابنتي احكي
ملك :لو سمحت بدنا نحكي ع انفراد
قامت ملك وعمها عمكتب عمها ومحمد رح يجن بدو يعرف ملك شبها وخايف يخسرها وخايف يكون زاعجعا بدون ماينتبه
مر اشويت وقت وطلعت ملك وعمها من المكتب
محمود:محمد شو عامل مع ملك
محمد:والله مابعرف شبها وعم تقلي بدها تتطلق
منى:شوووو ... لا تجيبو هالسيرة ع السانتكن انا شايفتكن وماني مصدقة ... محمود شبها ملك
محمود:محمد انت من ايمت واعد ملك انك بدك تاخدها شهر عسل وصار يضحك هو ملك ويتطلعو ع محمد
محمد انصدم من السبب وبنفس الوقت فرح اكتير
محمد:هلق هاد هو السبب مدام ملك صرلك ٣ ايام معيشتيني ع اعصابي
ملك اطلعت فيه وصارت تضحك :حبيت امزح معك وبعدين كاأنك مطنش عقصة شهر العسل
وصارو الكل يضحكو كانت ملك متفقة مع عمها مشان يعملو المقلب مع محمد
محمد وهو عم يضحك :انا بفريجي يا ملك .... ماما غرفتي فوق فاضية
منى :اي فاضية ونضيفة ليش عم تسأل
محمدشال ملك وقلها بس في حسابات بدي صفيها
وطلع ع غرفتو وملك عم تصرخ نزلني ..... نزلني
محمود ومنى صارو يضحكو وانبسطو اكتير لمحمد ومرتو ......
ومرت الايام ومحمد وملك عايشين بمنتهى الحب والرومنسية ومرة ملك كانت عند اهلها حست بدوخة براسها قالتلها امها يمكنك حامل
ملك:صحيح موعد دورتي كان انبارح بس ما اجت
راحت امها ع الصيدلية جابتلها تيست حمل
عملتو ملك وطلعت النتيجة ايجابية وفرحت اكتير ومسكت التلفون ودقت لمحمد
رن اول مرة وتاني مرة ومحدا يرد ضلت تحاول لحتى رد
ملك :الو حبيبي اسماع هل الخبرية
عسكري :مدام ... انا ماني الباشا
ملك :لكن وينو محمد بالحمام يعني
عسكري :مدام بدي خبرك خبر مو حلو
ملك :شوفي وينو محمد صايرلو شي
عسكري :بصراحة يامدام كنا بمداهة لاحد البيوت المهربين وصار يطلع علينا اطلاق نار والباشا اتصاوب
ملك :شوووووووو انت اكيد عم تمزح
عسكري :للأسف يامدام هاي هية الحقيقة
ملك:طيب هو وينو وان شاء الله ما اتأذى
عسكري :هو هلق بالمشفى وحالتو ما بتطمن
ملك سكرت الخط وصارت تبكي اجا ابوها ع صوتها وخبروتو واحمد بسرعة دق لاخوه محمود وخبرو والكل راحو ع المشفى لعند محمد
طلع الدكتور كلون ركضو لعندو :مشان الله يادكتور قلنا شلو صار محمد
الدكتور :بصراحة مابدي خبي عليكن بس وضعو اكتير خطير اجتو رصاصة بالعامود الفقيري
واحتام اكبير انه يصير مشلول
وكلون صارو يبكوويصرخو ع محمد
ومحمد ضل عشرة ايام كان تحت تأثير البنج واول ماصحي كل اهلو اجو لعندو
محمد :اطمنو انا بخير لا تخافو علي
ملك قعدت حدو ومسكت ايدو وصارت تبكي
محمد شال ايدو وصار يمسحلا دموعا محمد:خلص حبيبتي انا صرت منيح وحاسس حالي اكتير منيح ليش كلون عم تبكو
ملك انفجرت من البكي وطلعت لبرا
محمد:شبكن ياجماعة انا حاسس حالي اكتير منيح حاج تبكو
محمود :بابا حبيبي اجريك
محمد:اجري مافيهن شي بس حاسسون منملين محمد سكت اشوي
بابا :شبون اجري مشان الله خبروني
محمد حاول يحركون بس بدون فائدة الكل ساكت وعم يبكي
محمد :اطلعو لبرا مابدي شوف حدا ....
اجا الدكتور وطلعون لبرا .... ضل عندو الدكتور اشوي وفحصو
طلع الدكتور وخبرون انه مستحيل يرجع يمشي مرة تاني لا تحاولو معو انا هاي نصيحتي
محمود :طيب بسفرو لاحسن دولة واحسن اطباء
الدكتور :ممكن بس نسبت النجاح رح تكون قليلة
المهم هلق لاتقطعو الامل باالله وضلو ادعولو ملك اغمى عليها لما سمعت هيك
اخدوها صحوها بس لسه محدا عرف بموضوع حملها الا امها وهية نسيانة الموضوع
محمد :من جوا صار يعيط:ملك ..... ملك
مسحت دموعها ملك ودخلت لعندو
ملك:اي حبيبي انا هون معك
محمد:انا تعبان ياملك وبحاجتك اكتير
ملك :انا طول عمري معك ومارح اتركك
محمد:عم يقولولي اني مارح اغضر امشي مرة تاني
ملك :لا لاتقول هيك وخلي املك بالله اكبير
محمد :وانعم بالله ..... ملك بحبك
ملك:وانا بموت فيك ياعمري .....
ملك صارت بدا تلطف الجو وصارت تقلو
هلق صار فيك تدلل ع راحتك علي
ورح تضل بوجهي طول انهار مشان ماتضل تقلي اشتقتلك واشتقتلك
محمد:اذا بتضلي معي طول انهار انا موافق ضل مشلول طول عمري
ملك :بعيد الشر عنك بكرا بتمشي وبيرجع كلشي متل ماكان
محمد:الله يسمع منك .....
.............
ومرت الايام ورجع محمد ع البيت وقعد هو وملك عند اهلو وابوه يحاول يتواصل مع المشافي برات البلد بس ماكان يلاقي نتيجة ......
ملك كانت نسيانة موضوع حملها ع الخالص
وكانت سهرانة هية ومحمد لحالهن بغرفتهون وهية كانت نايمة ع صدرو عم يتفرجو ع فيلم
تلفون ملك عم يرن ملك قعدت مسكت التلفون وصفنت
محمد :شو مين ردي
ملك :مابعرف رقم غريب دولي
محمد :عطيني لشوف ..... صفن بالرقم ... خلص لاتردي بكون مخربط
رجع دق نفس الرقم ملك عطت لمحمد يرد رد محمد وفتح السبيكر
محمد :الو
وائل:مرحبا محمد انا وائل
ملك:خير شوبدك استاذ وائل
محمد:ملك اسكتي
وائل:انا دقيت ع رقمك لاني مابعرف رقم محمد ...
محمد:اهلين وائل كيفك
ملك استغربت من البرودة عند محمد وماكانت بتعرف انه محمد ووائل علاقتهم منيحة مع بعض بعد المشكلة
وائل:تمام انت كيفك
محمد:الحمد لله بخير
وائل:بصراحة اناكنت احكي مع اهلي وخبروني بالي صار معك ... الحمد لله ع سلامتك
محمد:الله يسلمك وان شاء الله مابتشوف شر
وائل: انا اخبرت بحالتك وحبيت خبرك هون في دكتور بأمريكا اكتير شاطر ومارق عليه حالات اكتير متل حالتك واكتير عالم كان مقطوع الامل منها صارت تمشي ع ايدالله وايدو
محمد:عنجد عم تحكي
وائل:اي عنجد وانا احكيتلو عنك وعطاني رقمو حكيه ع الواتساب وابعتلو الصور والتحاليل وان شاء الله تستفيد انا رح ابعتلك رقمو برسالة
محمد:شكرا اكتير الك يا وائل مارح انسالك هل المعروف
وائل:لا ولو ما نحنا لبعض ... بتذكر لما اعملتني رفيقك لساعة وحدة انا بعديني محتفظ بهاي الساعة ولسه ماخلصت
محمد :وحياتك رفقات طول العمر
وائل:وهاد عشمي فيك ..... سلملي ع ملك
محمد:الله يسلمك اصلا هية سمعتك
وائل:الله يسلمك ويسلمها وقلا خليها تسامحني .... وانا رح احكي معك بكرا وشوف شو بصير معك
محمد شكرا اكتير ... يلله سلام
وائل:الله يسلمك
ملك :شوفي بينك وبين وائل من ايمت صايرن رفقات
محمد:رح احكيلك كلشي من اول ماظهرت بحياتك بصراحة وائل كان ناوي يعمل معك
ملك :لا تكمل انا بعرف شوكان بدو يعمل فيني .... بصراحة انا مرة دخلت ع مكتبك ولقيت cd مكتوب عليه وائل فتحتو وشفتو وكيف انت بعتت عسكري مشان يضربني بالسيارة .... محمد انا بتشكرك اكتير لانك كنت عم تحميني عطول .... بس انا هلق فهمانة كلشي الا موضوع هالصحبة بينك وبينو
محمد:بتتذكري هديك الليلة تنذكر وماتنعاد لما قلتي لام عبدو تجبلك الدوا مشان دورتك الشهرية
ملك:اي ... كمل
محمد: انا رحت ع الصيدلية لجبلك الدوا وقلي الصيدلي هاد الدوا بعمل اجهاض اذا كان في حمل .انا كنت حاجز وائل عندي بالقسم وكنت رايح خلص عليه فكرتك حامل منو ...... صار يقلي هو والله لما كنا نحب بعض ماكانت تخليني المس ايدها وهلق عم تقلي انها حامل مني وانا ساعتها حسيت حالي صابني انهيار .... وهو قرب لعندي وصار يطبطبلي ع كتفي وصار يقلي اعتبرني صديقك لساعة وحدة .... وقلي انت اشلون اعرفت انها حامل
قلتلو مشان الدوا وشو قلي الصيدلي وهو قلي ع مشكلتك
ملك:شووووووو ..... وهو شو عرفو
محمد :هو قلي قال اختو نور قالتلو لانه كان مشغول بالو عليكي هو اصر عليها لحتى حكت وقلي كمان هو حس بغلطو وقرر يصلح الغلطة وفكرك لساتك بتحبيه مشان هيك كان يتصل فيكي ع طول وعرف انك بتحبيني هو اخر مرة دقلك مشان يشوفك يعترز منك ويودعك .... وانا سامحتو واطلقت سراحو ورحت لعندك والباقي بتعرفيه .....
ملك : اممم ..... الله يسامحو ويغفرلو ... المهم شو مشان الدكتور الي قلك عنو
محمد:عنجد هل الوائل طلع فيه اصل .... ليكيه بعت رقم الدكتور رح حكيه ... واشرحلو وضعي
محمد حكا الدكتور والدكتور طلب منه صور وتحاليل جديدة نزل محمد هو وابوه ع المشفى مشان يعملو الصور والتحاليل ....
ملك كانت قاعدة هية ومرت عمها منى بالمطبخ عم يجهزو الغدا ... ملك كانت شاردي واتذكرت موضوع حملها ... وقامت وقفت بسرعة وحطت ايدها ع بطنها وشهقت
منى :ملك حبيبتي شبك
ملك :مرت عمو انا انسيت خبركون بموضوع مهم
منى شو هو هالموضوع ..
ملك :مرت عمو ... انا حامل ....
منى :شوووو ... عنجد ياحبيتي ... الف مبروك ... ومن ايمت حامل
ملك :تقريبا شي شهرين
منى :شهرين ومحدا بيخبر
ملك :بصراحة انا انهار الي عرفت دقيت لمحمد وورد علي عسكري وقلي محمد عامل حادث .... وانشغلنا بمحمد ونسيت الموضوع نهائيا
منى :يلله قومي البسي بسرعة
ملك :ع وين ...
منى :بدي اخدك ع الدكتور نعرف اشقد صرلك حامل واطمنى عصحتك وصحت الجنين
قامو لبسو وراحو ع الدكتورة واطمنتون انه صحت ملك والجنين اكتير منيحة ومافي اي مشاكل والجنين صار عمرو ٣ اشهر
ملك ومنى فرحو اكتير وملك ماكنت مصدقة ايمت ترجع ع البيت مشان تخبر محمد بس مرت عمها منعتها وقالتلها :ع مهل لا تخبريه هلق شي اذا عرف انك حامل ببطل يطلع يتعالج ....
ملك :هيك رأيك مرت عمو
منى :اي هيك رأيك
رجعو ع البيت ولقو محمد ومحمود وسألون وين كنتو
منى :انزلنا ع السوق جبنا اشوي شغلات
ملك قعدت حد محمد:حبيبي خبرني شو صار معك
محمد: اعملت الصور والتحاليل وعم احكي مع الدكتورهلق ع الواتساب وبعتون عم استنى ردو
..... اي انت وين كنتي جيت ع البيت ومالقيتك ...اشتقتلك .....
ملك :وانا كمان اشتقلتلك ... ياعمري انت . وقربت لعندو وحطت راسا ع كتفو
محمد :ليكي الدكتور رد علي ....
ملك :شو عم يقول
محمد:عم يقول انه مشكلتي بسيطة وبعملية ممكن تنحل القصة
ملك :عنجد ..... عمو ....مرت عمو ..تعالو اسمعو .
منى: خير يابنتي شوفي
ملك :عم يقول الدكتور مشلكة محمد بعملية بتنحل وبأذان الله بصير يمشي
منى :الف حمد وشكر الك يارب انك جبرت بخاطرنا
محمود :الحمد لله يارب ... محمد ايمت قلك الموعد
محمد :عم يقلي بعد شهرين
والكل انبسطو وفرحو لمحمد انه رح يقدر يمشي ع رجليه مرة تاني .
وبلشت تمر الايام ومحمد عم يلاحظ ع ملك انها عم تسمن
محمد:حياتي ... كاني حاسك عم تسمني
ملك اتلبكت :لاني قاعدة حدك طول انهار وع اكل وشرب طول انهار ..... قلي سمنانة اكتير ؟
محمد:لا بس كرشك كبران اشوي ... ... بس بتعرفي بيلبقلك السمن طالعة عجعوجة
ملك :محمد بتعرف ... انا زعلانة وفرحاني بنفس الوقت
محمد:احكي شو يلي مزعلك
ملك :انك رح تسافر وتتركني ورح اشتقلك
والي مفرحني انك رايح تتعالج وترجعالنا بخير وسلامة
محمد:لا تشغلي بالك رح اخدك معي انا مارح روح بلاكي
ملك :لا مابدي روح ....
محمد :ليش ....ونحنا لسه مااعملنا شهر عسل بنروح بعد ماخلص علاج بنضل شي شهرين هنيك
ملك :مابستحمل شوفك عم تدخل ع غرفة العمليات
وانا بعدين مابدي شي شهر عسل وجودك حدي احلا شي بحياتي ...
حضنها وصار يبكي الله يخليلي اياكي ولا يحرمني منك .... وهية صارت تبكي معو
..... .واجا موعد السفر وسافرمحمد وهوابوهوكان عم يبكي وملك كمان ضلت تبكي انهارين ....
بس كانت عطول تتواصل معو ع الواتس وع السكايب مكالمات فيديو
ومحمدعمل العملية ونجحت وصار يعمل معالجات فيزيائية لحتى يمشي متل ماكان وكان وائل عطول مع محمد وكان يساعدو ويطلعو ويفسحوا بأمريكا بس محمد كان اكتير مشتاق لملك ووائل كان ملاحظ عليه
وكان عطول يحاول ينسيه وضل محمد بأمريكا ٣ اشهر
وكان عطول يقول لابوه يرجعو ع البلد بس الاطباء كان يمنعوه اذا ماخلص علاجو بيتراجع وضعو الصحي وكان عطول يحكي مع ملك وكان يلاحظ انها عم تسمن ومرة طلب منها توقف ماشن يشوفها كلها بس هية رفضت مشان مايكتشف حملها وكانت ملك بالشهر التاسع وع وجه خلافة ومر اسبوع وكان محمد مخلص علاجو وكان بدو اشوية علاج فيزيائي واصر ع الاطباء انه رح يكملو بالبيت وحجزو مشان يرجعو ع البيت ومحمد كان عاملها مفاجئة لملك وملك بنفس اليوم حددتلا الدكتورة موعد مشان تولد بعملية لانهاما بتولد طبيعي راحت ملك هية ومرت عمها واهلها ع المشفى مشان تعمل العملية .... رجع محمد من السفر وكان طاير من الفرحة دخلو ع البيت هو وابوه وصارو يعيطو لمنى وملك بس ماحدا رد سألو الخدم وقالوا الخدم انهن راحو ع المشفى محمد نقز :شوفي بالمشفى كانت منى منبها ع الخدم انهم مايحكو شي لمحمد وقالو انها ملك تعبت اشوي واخدوها ع المشفى
محمد :كان رح يجن ركض وراح ركب بالسيارة وراح معو ابوه محمود كان بيعرف انها ملك حامل وانه اليوم بدها تولد بس ماقال شي لمحمد
ومحمد مشي بسرعة قسوة ووصل ع المشفى دخل سأل ع اسم ملك قالولو انها هلق فاتت ع العمليات محمد كان رح يحن وبسرعة راح ع غرفة العمليات لقا الكل واقف ع باب العمليات امو واختو ريهام ونسوان اخوتو وعمو ومرت عمو .... هنن اتفاجئو بمحمد وركضو عليه يسلمو عليه
محمد وهو مخضوض :شبها ملك ... شو صاير معها
منى مسكتو من ايدو دخلتو ع غرفة العمليات وكانت ملك صرلها خمس داقايق داخلة ع الغرفة ولسه مانها مخدرة . منى ندهت للدكتورة وشرحتلا انها محمد هلق اجا من السفر وبدو يشوف مرتو والدكتورة سمحتلو يفوت محمد فات بس مابيعرف شبها ملك لبسوه اتياب معقمة وكانت ملك رح تغفا لمحت محمد عم يمشي وجاي لعندا ملك حاولت تقوم بس المخدر كان اقوى منها وراحت غفيانة
محمد شاف بطن ملك وعرف انها كانت حامل وكانت فرحتو لا توصف والدكتورة طلعتو لبرا مشان يكملو العملية
محمد طلع لبرا وسلم ع امو وبيت عمو وكانو فرحانين فيه اكتير لانه رجع يمشي وصار يقلا لامو ليش ماخبرتيني اانها ملك حامل
منى :حبينا نعملك مفاجئة ..... شو رأيك بهل المفاجأة
محمد :بتجنن اليوم اسعد يوم بحياتي
طلعت الدكتورة وبشرتون انها خلفت بنت بطير العقل
وبعد اشوي طلعت الدكتورة ومعها البنوتة حلوة اكتير بتشبها امها وعجعوجة حملها محمد وكان خايف يحملها بعدين اتشجع وحملها واذنلها بأدنها
ونقلو ملك ع غرفة تاني .... صحت ملك وكانو الكل موجودين
منى الحمد لله ع سلامتك ياقمر
ملك :ماعم تقدر تحكي هزت براسها
والكل صارو يباركولا
ملك صحصت اشوي وسألتون شو ولدت
باسمة:خلفني بنتوتي بتجنن حلوي متلك
ملك :بدي شوفها
ريهام :ليش مستعجلة اشوي وبجيبوها عم يفحصوها
ملك في حزن بعيونها
ريهام :شبك ياقمر حاسستك زعلانة
ملك :اتخيلك محمد داخل علي وانابغرفة العمليات وشو اتمنيت يكون جنبي بهاي اللحظة
دخل محمدمن الباب وشايل بنتو بين اديه :امييتك اتحققت وانا هلق صرت جنبك
ملك :محمد .........حبيبي انت هون عنجد ماني مصدقة عيوني .قامت بدا تقوم بس ماقدرت العملية صارت توجعها مسكتها امها ومرت عما ورجعوها ع محلها
باسمة:طولي بالي مابتسوالك الحركة محمد اجا وهو ماشي ع اجريه ورح يضل معك ع طول وملك صارت تبكي لانها شافت محمد ماشي ع رجليه
قرب محمد لعندها وقعد جنبها وباسها من راسها وفرجاها بنتون والكل كان مبسوط وتاني يوم ملك طلعت من المشفى ورجعت ع البيت والبيت كلو فرح وسمو بنتون فرح وعاشو احلا ايام حياتون مع بيت عمها وفرح كانت زينة البيت والكل كان يحبها
........... النهاية...............
بتمنى تكون عجبتكم القصة كتبتها من مخيلتي مع تحياتي الكم #مريم_اليوسف
 
الوسوم
الحب الحلال
عودة
أعلى