خدي عريسك واسكتي

صفا النعمان

الادارة
طاقم الإدارة
#سردة

انو اديش تخيلت اكشن واحداث ممكن تصير بحياتي بس يلي صار يوميتها ولا بحياتي وحياة عيلتي والكرة الارضية كلها كنت بتخيلو
انا بشهادة الكل احسن ماكييرة وبعمل ميك اب جنون يلي السمان اذا بمكيجو بعملو نانسي عجرم وبيوم من الأيام
دقتلي رفيقتي : الووو كيفك هزورتي شو اخبارك
.مشتاقتلك
. ليكي حبي عرسي بعد اسبوعين بالصالة الماسية بدي انتي تجهزيني ع ذوقك وتقلبيني قلب بدي الغريس نفسو ما يعرفني قلتلا والله انتي حلوة مابدك شغل كتير ملكة قال لا بدي انقلب قلب والكل يتفاجؤ فيني لانو منغاظين مني وزبطيلي انتي كمان حالك بس مو تطحشي عليي ههه
قلتلا طبعا انتي اصل الحلاوة مابيطلعي مع العروس بنوب
قالتلي بس بدي قلك شغلة .. بدي تطلعي خارقة هالمرة اكتر من كل مرة لانو ابن عمو لخطيبي عم يدور ع عروس وبدي اهلياتو وهو يشوفوكي باحلى طلة وهو مادياتو منيحة كتير وانا رح رتب شوفتهم الك
قلتلا اوك مافي مانع
واجى يوم العرس... زبطت عالعروس وقلبتا قلب وبعتها عالصالة ... ورحت رفعت شعري موديل بيشل وعملت مكياج حارق خارق متفجر ولبست فستان اوف وايت مليان لولو .. قلت يلا خليني دلل حالي صايرة كل عشر سنين لاحضر مناسبة بما انو تلت ارباع شبابنا مأضربة عن الزواج بركي بتصيب معي هالمرة
وطلعت صاروووووخ عنجد بس ولي تاخرت عالحفلة
زبطت حالي عال 24 وركبت سيارتي وطلعت
وصلت عالصالة والباركنغ بعيد شوي عن باب الصالة و سمعت مرا واقفة برا عم تقول لرجال ( خطب من حالو وما اخد راي حدا والعروس ماشفناها الا بالصور لانو كنا برا البلد وهلا عمل العرس ولا كانو عندو اهل والله لو ماجبرتني مابجي بحضر عرسو والرجال عم يقلا طولي بالك يارب تكون منيحة).. تركتن ومشيت وعم قول لحالي والله ماقالتلي رفيقتي انو جوزا اخدها غصب عن اهلو وانا شفت بابين وبتزكر رفيقتي قالتلي انو الباب اليميني قربت ووقفت برا عالمراية الكبيرة يلي قبل مايفوتو عالصالة وركزت حالي وشفت نسوان ورايي عم يتهامسو وفاتت وحدة لجوا عم تركدقلت يمكن هدول يلي رفيقتي خبرتهم عني .. وفجأة انطفت الاضواء قلت يابنت لحقي فوتي لتشوفي زفة العروس من جوا مع المعازيم وصلت عالباب الكبير لفوت ولا بينفتح الباب وبيلتمو حواليي صبايا لابسين فساتين زهري بتشبه بعضها وبلشو يحومو حواليي متل الفراشات ويرقصو وانا قلت ولي شبهن هدول بدي امرء من بيناتن بسمع غنية طلي بالابيض طلي يا زهرة نيسان وبلش الورد ينزت عليي وانا هون فهمت القصة لك مفكريني العروووس ومخي عم يقلي معقول لهالدرجة ما عرفوها للعروس طيب وينها رفيقتي لازم تكون صارت بالصالة ومخي يضرب اخماس باسداس ولي لازم لاقي مهرب وانا حاول اطلع من بيناتن وهنن يتكوشو حواليي وزلاغيط واشتغل التبويس ما اعرف مين يلي عم تشحطني لعندا وتمجئني وعقولة ياعمري شو طلعتي حلوة والله وعرف ينقي والتانية اي والله ماتبلي لما قال انك غير بكلشي ما كذب ..وتمجيئ تمجيئ كيف ما التفتت لوصلوني للبيست وحطوني عالاسكي وانا رح يغط على قلبي قمت بدي اهرب بلاقي ايد ومسكتني وشحطتني لبرا وقالتلي بسرعة اجى العريس انتي تاخرتي لو فتو سوا كان احسن.. انا رح تنهار اعصابي وقلا طولي بالك والله مو قصدي بس افهميني وتقلي
حبيبتي بعرف انو صعبة عليكي ماحدا من اهلك رضي يحضر وانك مصدومة ومدايقة لانو كل بنت بتتمنى حفلتها تكون مزينة بأهلها انا اجتني الجمدة لك معقول اهل رفيقتي مو موافقين وماحدا اجى وسحبتني لبرا والتموا هالنسوان حواليي وبلشو زلاغيط والعراضة شغالة وطبل وزمر وما بلاقي الا جاية باتجاهي شب طول بعرض بياخد العقل لابس بدلة ومبين عليه مصدوم قلي يخربيتك شو عاملة بحالك لك لما قلتيلي رح تعملي نيولوك ماخطرلي تطلعي غير وحدة بس بتشلي ها وانا انشكلو عيوني والتوء لساني وماعاد طلع معي الحكي اخر شي شديت حالي بالزور لما لقيتو شنكلني وبدو يفوت قلتلو دقيقة بس لفهمك شو صاير قلي بتشرحيلي بعدين شو مغيرة بحالك وغمزلي الله لا يوفقك الهي العمى شو هالورطة بعدت ايدو عني وقلتلو ياعمي انتو مخربطين انا مو العروس والله فتت بالغلط وهربت ولا بلاقي طلعت وحدة بوشي لابسة فستان عروس وعيونا عم تقدح شرار وصرخت فيون هداك الصوت وتولول وهجمت عليي وعالعريس تضربو وتقلو يعني مشيت كلمة امك وتجوزت غيري يا واطي والله قلبي قلي بس ما توقعت تعملا فيني وبيوم عرسي الله لا يوفقكن ونزلت فيني بايديها وسنانها واشتغل شد الشعر والضرب والعريس يفك بيناتنا ويقلا مادخلا البنت خلااااااص وهي تضربو وتشدو من شعرو ودقنو وتسبو وتسب اهلو بالحكي الكبير يخربيتا على هاللسان وتقلو لتكون سدقت حالك شي شخصية لك انا اخدتك ع مصاريك يا شرشوح ههههههه وانا ما اعرف اضحك ولا ابكي على هالمنظر وعلى هالبهدلة وبمعجزة خلصوني من ايديها وهربت باقصى سرعة وبدي ارجع عالبيت بلاقي رفيقتي عم تتصل وتقلي وينك والله بزعل اذا ما بتجي لك حيخلص العرس .. قلتلا يلا جاية .. ااااخ شعري تنتف وقفت عالمراية زبطتو شوي وركزت مكياجي بس علامات العض والضرب مافيني روحها الله لا يوفقن شو عملو فيني وفتت ع عرس رفيقتي وشفتها طالعة بتجنن بالنيولوك يلي عملتلا ياه عالاقل نسيت مأساتي هههههه وحكيتلا باختصار يلي صار وفرطت ضحك عليي وشفت العالم عم يطلعو عليي ويتهامسو شلون متل ولاد الحارة بعد الاتلة طالع منظري ههههههههههه ورجعت ع بيتي ونمت متل القتيلة من تعبي وتاني يوم سمعت دق عالباب فتحت لقيت باقة ورد ومعها كرت مكتوب فيه بتمنى من قلبي تسامحيني قلت يمكن رفيقتي باعتو لانو هي يلي ما قالتلي انو باب لازم فوت منو وقبل ما سكر الباب في حدا حط ايدو ومسك الباب انا هبط قلبي وارتعبت ولا بلاقي عريس ليلة مبارح يلي فتت ع عرسو منظرو بيضحك وشو مبقع وشعرو منتف هههههه قلي شو سامحتيني قلتلو صح مو زنبك بس معقول ما تعرف خطيبتك قلي والله قلت انقلبت بالمكياج لانو بعرفا بتحب هالقصص ودايما مزبطة حالا بس بعد ما رحتي عقد ما بكيت وساح مكياجا وهرو رموشا العمى يخربيتا طلعت جعفر متنكر وحمدت الله انو فقست هالجازة هههههههههههههههه واعتذرلي كتير وشافني وشي ملون من ضرب مبارح وبلا مكياج وطلع فيني نظرة غريبة هههههههه
بعد يومين بعتلي اهلو خطبوني وهلا عرسي بعد شهر ونص بس حلفت مارح غير خلقتي متل هالعرايس حتى يعرفني الزلمة ههههههههه يلا ادعولنا بالتمام على خير
#بقلمي_الممكيج
#خلقتك _لا تغيريها
ربك خلقك وادرى فيها
هههههههههه
 
الوسوم
خدي عريسك واسكتي
عودة
أعلى