قلوب متحجرة

  • تاريخ البدء

صفا النعمان

الادارة
طاقم الإدارة
#قلوب_متحجرة_

القصة واقعية بكل تفاصيلها

الجزء الاول + التاني + التالت + الرابع

وعدتني بأن يكون ما بيننا أبدي ... فنسيت ان اسألك ... اهو حبك ام وجعي

كنا سهرانين كلنا حوالي الدفاية وعم ناكل بزر ونشرب شاي بس ع ضو الشمعة كانت الكهربا مقطوعة
بس السهرة كتيررر حلوة زكرتنا بالماضي لما كانت تجتمع كل العيلة الله ع هديك الايام الي محتها الحرب

انا علي عمري 31 سنة
من حلب متزوج من اميمة وعمرا 28 سنة
وعندي 5 بنات ماشاء الله
عندي اخت واحدة بس ما الي غيرها

بهالأيام كل الناس قاعدة بسبب الي عم يصير بالبلد بس انا بشتغل الحمدلله وضعي تمام لسا مانقص علينا شي
بناتي هنن كل حياتي بفديهن بروحي الكبيرة اسما سلمى عمرا 9 سنين

هلأ مستأجر بيت من غرفتين بيتي بمنطقة تانية قريبا مننا
مفروش بأحلا الفرش بس طلعت منو بسبب القصف هنيك يعني هون اشوا شوي

علي. لساتني لهلأ مو مسدء الف مبروك يا سلمى حبيبة البابا انتي هلأ صرتي حافظة 5 اجزاء من القرءان الكريم
وان شاء الله مع الأيام بتحفظيه كله انتي وخواتك قولي امين

سلمى. امين بابا
علي. وبهي المناسبة شو رأيكم نروح زيارة لعند عمتكم ع اللاذقية كم يوم بنغير جو وبما انو هلأ علقانة هون وهنيك مافي شي عندن

سلمى والبنات. اي بابا ياريت
علي. شو اميمة شايفك ساكتة شو رأيك
اميمة. بشو ؟
علي. انو ناخد البنات زيارة لعند عمتهن
اميمة. لا
علي. لا !! ليش
اميمة. هيك بدك تروح روح لحالك انا مابدي بناتي يروحو لعند عمتهن

علي. ليش شو السبب ليش هنن لحالن بدن يروحو ما انا وياكي معن
اميمة. والله ياحبيبي بدون سبب بس مو وقتو هلأ اجلها للصيف

علي. بنروح هلأ وبنروح بالصيف
اميمة. لا لا مابدي
سلمى والبنات. الله يوفقك ماما
اميمة. هس بس احكي انا انتو ممنوع تعارضوني

سلمى. الله يوفقك بابا
علي. والله يا بابا هي امكن تسطفلو اذا قدرتو تقنعوها من هون لبكرا بنروح

سلمى. امانة يا ماما
اميمة. انا قلت لا يعني لا
علي. شكلا مارح تقتنع اذا بدكم قومو بنروح جولة حول العالم بالسيارة

اميمة. هههههه حول العالم
علي. شو عجبتك
اميمة. نقوم نلبس
علي. اي البسو
سلمى والبنات. هييييييييييي

اميمة كنت لابسة بنطلون وبلوزة قصيرة قلت بلبس جاكيت طويل فوقهن مع شال ع راسي وبيمشي الحال

اميمة. يلا علي نحنا جاهزين
علي. شو جاهزين ليش مالبستي
اميمة. ليكني لبست
علي. من كل عقلك عم تحكي
اميمة. اي شبك
علي. خلصينا اميمة البسي متل الناس والعالم

اميمة. بلا جنانك علي ما انا طالعة معك بالسيارة والدنيا عتمة مين رح يشوفني وشوف الجاكيت لتحت الركبة

علي. لا يلا البسي مانطو او عباية
اميمة. هيك لكن
انا والبنات بطلنا نروح وخليت هالمشوار الك انبسط اي

علي. ليش هيك بتتصرفي ليش شو قلتلك انا
اميمة. قول لحالك يا متخلف
علي. عيب تحكي هيك قدام البنات
اميمة. هلأ لا تتحجج خلص روح وين مابدك انا انسدت نفسي

علي. والبنات شو ذنبن هيك جهزو حالن وبعدين لغيتي المشوار
اميمة. هيك انت بدك ليش لبسي من شو كان بيشكي ما انا ماكنت رح انزل من السيارة

علي. لا كنتي رح تنزلي
اميمة. خلصنا علي سكر عالموضوع

علي. يلا سلمى خدي اخواتك وروحو نامو بغرفتكن وانتبهي عليهن
سلمى. حاضر بابا

علي. انا يا مدام كنت حابب اخدكن وعشيكم بمطعم وحبيت خليها مفاجأة الكم بس شوفي حضرتك شو عملتي

اميمة. يا الله كتير سدئتك انت كل مره هيك بتعملي مشكلة
علي. مين الي بيعمل للتاني مشاكل
عنجد انتي من شهر لليوم كتير متغيرة تصرفاتك كتيررر ما ملاحظة ع حالك هالشي

اميمة. لا تبلش تتفلسف مابدي اسمع منك شي خلص بقا انا بدي نام
لانو مابيلبقلنا نطلع مشاوير وننبسط
الي حظو نحس بيبقا نحس طول عمرو

علي. شو قصدك ب الي حظو نحس
هلأ انا نحس

اميمة ظل يحكي كتير طنشتو واخدت فرشتي ومخدتي وحرام ونمت لوحدي
وغطيت راسي بالحرام لانو ماكان بدي اسمع منو شي

علي. شو هي عادة جديدة انو تنامي لوحدك
اميمة. اي وبتمنا انو تعجبك

علي. مافي داعي نبعد عن بعض اكتر قومي خلينا نتفاهم واذا انا الغلطان بعتذرلك

اميمة. لا مابدي لانو بالنقاش معك بتطلعني انا الغلطانة
علي. هلأ الي صار بيستاهل انو ينعمل منو مشكلة برأيك ؟

اميمة ......

علي. لا حول ولا قوة الا بالله بس
الكاتبة_روان_الشبلاق
علي حطيت راسي ونمت وانا مزعوج كتير من الي صار
حياتنا صارلها شهر هيك ع اصغر سبب اميمة بتعمل مشكلة والله ما كانت هيك شو صايرلا مابعرف بس لاحظت التغيير بحياتنا من وقت بدي قرب منها اكتر الاوقات بتمنعني
مامتعود عليها هيك صايرة عصبية ومابتتحمل الكلمة ودائما شاردة

تاني يوم الصبح كان نهار الجمعة

علي. صباح الخير .. اديش الساعة
اميمة......
علي. صحيو البنات ؟
اميمة.....
علي. اه تزكرت اكيد محاربيتني من مشكلة مبارح

عملت قهوة الها وحدها وقعدت ع الكرسي عند طاولة الكمبيوتر حطت رجل ع رجل وحطت ايد ع شعرا وصارت تتصفح الفيس وتهز برجلها
كانت باردة جدا

علي. اميمة عم اسألك البنات وين
لك ردي شبك
وين راحو البنات

....... ماردت

راح علي لعندا وخبط الطاولة بأيدو بقوة
ومسك اميمة من وجها

علي. مالي قاتل حالي لأحكي معك عم بسألك البنات وين راحو من الصبح

اميمة. شيل ايدك وبعد من وجهي البنات راحو لعند خالتهم
علي. وليش ماسألوني قبل مايروحو

طيب روحي ناديلن خلينا نفطر

اميمة. نحنا فطرنا
علي. ليش مافيقتوني انتي بتعرفي اديش مهم الي يوم الجمعة لأفطر مع البنات

اميمة. مالنا مضطرين نستنا حدا
علي. اها ماشي الحال

طلعت من الغرفة وخبطت الباب بقوة وقفت شوي برا تحت الشتي حتى روئت ورجعت فتت كانت اميمة بالمطبخ عم تجلي
قعدت ع الكرسي وقلت بفتح الكمبيوتر
موبايلا كان عالطاولة وحاطيتو صامت

فتحت الكمبيوتر لأتسلا فيه
رج موبايلا لأميمة كأنو وصلتا رسالة sms
مابعرف ليش اجاني الفضول حتى افتحا
لانو بأيامنا هي مابقي حدا بيبعت رسائل عادية كلو صار ع الواتس

فتحتا وقرأتا

رسالة من سمر 2

مكتوب فيها ( اوك حبيبتي نسيت بكرا بشوفك )

مافهمت شي من الرسالة وكان في وحدا غيرا فتحتا كان مكتوب فيها غزل منحرف وتحتو اشتقتلك يا قمر بدي شوفك اليوم اشتقت لأتفاسك

قرأتا وماظل فيني عقل صارت افكار تاخدني وافكار تجيبني

غتحت ع الرسائل المرسلة لقيت رسالة اميمة باعثتا
مكتوب فيها حبيبي مافيني شوفك اليوم نسيت انو اليوم الجمعة احبكككك انا

علي. هلأ فهمت ليش الرسالة الي وصلت مكتوب فيها نسيت
يعني نسي انو اليوم الجمعة
لك سمر اختا بس هاد الرقم مو لسمر ليش مسميتو سمر 2

لا لا ماعم سدء

صرت اضرب ايدي ع راسي وقول لا لا في غلط

اميمة مو هيك اميمة مابتعمل هيك

يتبع...
الجزء الثاني

قلوب_متحجرة

الجزء التاني

كانت الأفكار عم بتحوم براسي
حسيت ع اميمة بدا تطلع من المطبخ حاولت هدي حالي وغير تفكيري ومابينلا اني متوتر

بس ماقدرت ظليت فكر من مين هالرسالة وليش مسمية الرقم بأسم سمر وهوا مانو لسمر
خلص علي روق شوي اكيد فاهم غلط

لك كيف غلط بين الي بيبعت لمرتي رسائل وبيتغزل بجسما وبقلا حبيبتي وهي بترد عليه حبيبي
لحظة لحظة هي قالت انو بكرا بتشوفو
اكيد كانت ناطرتني لروح ع شغلي
بس بكرا السبت وين رح تروح بالبنات

لبست المانطو واخدت شنتايتة وطلعت

علي. وين رايحة
اميمة. لعند سمر
علي. تعي مافي روحة
اميمة. بدي اقعد عندا شوي وجيب البنات معي لا تعملي مشكلة الله يخليك

مشيت وانا طلعت من البرندا اتطلعت عليها
طالت موبايلا من الشنتة وحكت فيه بس مع مين مابعرف

دخلت لجوا وانا عم بفكر بالرسائل طب لو كانو من شخص غريب ليش لتخليهن عالموبايل اكيد نسيت تمسحهن

شبك علي وين رحت بأفكارك لك هي اميمة ام بناتك كيف بتفكر فيا هيك معقول تخونك

حسيت راسي رح ينفجر من الوجع ع قد مافكرت

علي. ياااااااااااااااربي

في بيت سمر

اميمة. عذبوكي البنات
سمر. لا يؤبرو خالتهم شو حلوين
مامفكرين تجيبولهم اخ

اميمة. اسكتي بلا هالسيرة المعتة
انا هدول يطلع بأيدي رجعهن لو بقدر
سمر. لك اخرسي شو هالحكي
يعني اذا عم بعذبوكي شوي بشقاوتن مابصير تحكي عليهن هيك
بدل ماتدعي الله يحفظلك ياهن

اميمة. لا حرام مابيعذبوني وبيسمعو الكلمة بس يا سمر انا انحرمت عيش حياتي حملت الهم ع بكير وصرت ام لخمس بنات وانا ماصار عمري تلاتين والله حرام لو تنتين فيها وجهة نظر بس خمسة

سمر. ولك اخرسي اخرررسي
هدول خمس وردات شوفي ما احلاهن من ايمتا انتي بتفكري هيك

اميمة. ليش شو حكيت انا عم قلك انو بسببهم انحرمت عيش حياتي

سمر. ليش شو ناقص عليكي عندك زوج كل البنات بيتمنوه بعاملك متل الاميرات

اميمة. اي واضح هاد الي مابيعرف لك اذا لبسي بيتحكم فيه

سمر. انتي من قبل ما تتزوجيه بتعرفي انو علي محافظ ع عيلتو

اميمة. لو يطلع بأيدو كان لبسني خمار بس انا مارديت عليه لانو هادا الي ناقصني

سمر. حسبي الله فيكي لك نصيحة مني انتبهي ع زوجك وع بناتك الي متل الفلة وجيبيلهن اخ يكون سند الهن بهي الحياة الصعبة وبلا الحكي الفاضي الي عم تحكيه

في بيت علي
مرقو ساعتين وانا ع نفس الحالة عم بفكر

علي. لك كيف ماخطرلي انو اخد الرقم وشوفو لمين كيف هيك بنسا
بس مو مشكلة بس ترجع فورا رح اخدو وشوف مين صاحبو

بعد نص ساعة دخلت هي والبنات

البنات. السلام عليكم
علي. وعليكم السلام
البنات. بابا اشتقنالك كتير
علي. وانا اشتقتلكم حبيباتي انتو يلا روحو بدلو تيابكم

اميمة. اي ماما روحو بدلو تيابكم وغسلو ايديكم وتعو انا رح قشرلكم فواكه

انا استغليتها فرصة بس راحت عالمطبخ
دورت عالموبايل مالقيتو
اتذكرت انو بالشنتة طلتو وفتحت الرسائل مالقيت شي كلو ممسوح وقتا اتأكدت انو كانت ناسيتهن ومامسحتن
دخلت عالاسماء واخدت الرقم الي مسجل سمر 2

طلعت من المطبخ وبعدت الشنتة فورا عني مابدي ياها تشك بشي

سألت البنات اذا بدهن شي من برا وطلعت وماحكيت معا ولا كلمة
رحت لعند صاحبي عندو محل موبايلات بيعرف بهالشغلة
قلتلو انو الرقم عم بدايئني

سامر. اذا عم بدايئك ولا يهمك اتركها علي انا بوزعو عالشباب وبخليهم يجننوه

علي. لا اصحك تعملها انا بس بدي اعرف الرقم بأسم مين

سامر. طيب ع راحتك رح شوفلك بأسم مين
علي. اي

سامر. الرقم بأسم محمود ال....
علي. محمود ال......
مامارق علي هالأسم

سامر. خلينا نتصرف معو
علي. لا يسلمو عذبتك معي
سامر. لا ولو اهلا وسهلا
علي. يلا بدك شي
سامر. خلينا نشوفك
علي. ان شاء الله يلا السلام عليكم
سامر. الله معك

طلعت بسيارتي وكتبت الاسم ع ورقة وماعرفت وين بدي روح ايمتا رح يجي بكرا حتى اعرف كل شي
مين هاد محمود وشو قصتو وليش ليبعت لمرتي رسائل

رجعت عالبيت وحطيت الورقة بجيبتي ماحكيت ولا كلمة حتى البنات يحكو معي ومارد عليهن اميمة استغربت بالعادة بس تزعل مابتركها لحتى نتصالح بس هي المره غير

بالليل نامو البنات وبقينا انا واميمة سهرانين لانو الكهربا كانت جاية
كانت متوقعة مني اني صالحها بس ماصار هالشي
انا سبقت عليها واخدت الحرام والمخدة ونمت لوحدي وفتلت ع الناحة التانية

استغربت من تصرفي كتير وحاولت انو تسكت بس ماقدرت

اميمة. شو شايفة انو عجبتك النومة لوحدك

علي......
اميمة. علي شو صايرلك صاير معك شي

فتلت راسي واتطلعت فيها وللحظة كنت بدي اسألها مين محمود بس ترددت رجعت نمت وغطيت راسي بالحرام

اميمة. من شو حردان ؟
علي.......
اميمة. اكيد الزلما جن


تاني يوم الصبح لبست تيابي وطلعت الساعة عشرة بس مارحت ع شغلي صفيت السيارة قريب من البيت وقعدت فيها استنا اميمة لتطلع وتشوف محمود

اميمة اكيد عامل حالو هوا الزعلان هالمرة وبدو ياني انا صالحو بس ما حزر

اميمة. يلا ماما رح حضرلكن الفطور مشان تروحو لعند خالتو سمر وتلعبو مع بناتا بس بتقعدو بأدب ها
انا عندي مشوار صغير وبرجع

سلمى. ليش وين بدك تروحي ماما
اميمة. مادخلك لا تسألي اسئلة مالك علاقة فيها
وقدام ابوكم بتقولو انو رحنا كلنا سوا ع بيت خالتكم فاهمين

البنات. حاضر ماما

بعد ساعة
لبست تيابا واخدت البنات وطلعت من البيت وراحت لعند سمر
لحقها علي بالسيارة بدون ماتحس

فاتت هي والبنات لعند سمر

علي. صرلا عشر دقايق جوا معقول مابدا تروح ع مكان تاني

اميمة. سمر انا عندي مشوار ع الخياطة خلي البنات عندك
سمر. شو بدك تعملي عند الخياطة
اميمة. بدي اعطيها مقاسات البنات وخليها تفصللهم كم لبسة
سمر. ايه منيح بدك تتأخري
اميمة. شي ساعتين يلا باي
سمر. باي

علي. ها ليكا طلعت كنت رح امشي بس منيح شفتا

وقفت تكسي وطلعت فيها
طلع علي وراها

طلعت موبايلا واتصلت بمحمود

اميمة. اي محمود وصلت ؟
محمود. لا لسا
اميمة. انا طلعت بالتكسي خمس دقايق وبكون هنيك
محمود. معناها انتي بتوصلي قبلي
اميمة. اوك بس لا تتأخر .. باي

نزلت اميمة من التكسي

علي. لك هاد بيتنا القديم شو عم تعمل هون ليش دخلت عليه
معقول عم تتفقدو

مرقو خمس دقايق

علي. اتصل فيها واسألها وينها اذا قالت انها هون بتكون سادئة معي بس ازا كزبت بكون في شي مخبيته عني

لا لا مارح اتصل اكيد رح تشك لان ما بالعادة اتصل فيها وانا بالشغل
ع كلا ليكني عم استنا قربت السيارة اكتر من البيت

مرقو خمس دقايق تانيين
اجا شب عمرو بالتلاتين فتح باب البيت بالمفتاح وكان عم يطلع حواليه وخايف حدا يشوفو

يتبع...
الجزء التالت

قلوب_متحجرة

الجزء التالت

علي. ميـــــن هاد مين الي دخل ع بيتي مين هاد الي معو مفتاح بيتي

نزلت من السيارة وخبطت الباب بقوة
رحت لعند الباب بدي وكنت بدي دق عليه بس للحظة تزكرت بناتي اي بناتي رجعت ركد ع سيارتي طلعت فيها وقعدت استنا مرتي وعشيقها ليطلعو من بيتي

شو اعمل انزل ادبحهم وبناتي ياربي وبناتي
خمس بنات رح تنتزع سمعتهم بسبب امهم الي مافيها شرف

طب من ايمتا عم بتخوني من ايمتا شو عملتلا لتعمل فيني هيك شووو

شو هالمصيبة الي وقعت ع راسي لك انا شو عم استنا ليخلصو شغلهم ويطلعو
نزلت من السيارة مره تانية
وصلت لعند باب البيت كان صوت ضحكهم طالع
كنت رح دق بس الي منعتني سلمى بنتي
اي سلمى كنت عم اتخيلا وهي تقلي بابا لا بابا كرمالنا انا وخواتي
كانت تقلي لا تدخل لجوا بابا كرمال خواتي لصغار

طلعت بسيارتي وكانت اانار شاعلة فيني شو الي عم بصير معي ليش كل ما اجي لفوت عالبيت في شي قوي عم بيمنعني ليشششش

فكر يا علي لا تتسرع فكر بعقلانية انت عندك خمس بنات

اتصلت ب اميمة اول مره ماردت التانية ردت وباين من صوتها انها متلبكة

علي. اميمة وينك انتي
اميمة. ليش انت وين
علي. انا بالبيت
اميمة. بالبيت شو عم تعمل
علي. ماعندي شغل اليوم واجيت مالقيتك
اميمة. يلا يلا انا عند سمر عشر دقايق وبكون عندك

سكرت الخط ونطرتن ليطلعو
شفتا طالعة بسرعة وكانت عم تلف الشال تبعا طلعت وبقي الشب جوا

كانت تمشي بسرعة لحقها وبأيدو شنتايتها كانت ناسيتها من السرعة
اعطاها ياها ورجع ع البيت قفل الباب وراح

اميمة اخدت تكسي
وانا مشيت بسرعة لألحلق اوصل قبلا

وصلت قبلا عالبيت لانو هيي راحت لعند سمر تجيب البنات

دخلت عالبيت وهي متوترة

اميمة. مابالعادة مايكون عندكم شغل
علي. وين كنتي
اميمة. عند سمر
علي. اكيد عند سمر
اميمة. شو هالسؤال البايخ اكيد يعني وين بدي كون
يلا انا رايحة حضر الغدا

عضيت ع شفايفي وسكتت
رح تسألوني ليش
انا عندي 5 بنات كيف رح تصير سمعتهن بس يقولو الناس امهن عم تخون ابوهن وعم تنام مع رجال غيرو

شو رح ينحكا عنهم
بس يكبرو ماحدا رح يدق بابهم رح تبقا سمعة امهم مرافقتهم لأخر العمر
حطيت ع الجرح ملح وسكتت
رح بطلقا عالسكت وسافر انا والبنات
مشان بناتي مابدي العار يبقا معهم طول العمر
بسبب امهم
الي ماعرفت تحافظ عليهم
لك اخ اخ

اولا مابدي فضيحة لبناتي
وتانيا شو رح يقولو الناس زوجها مسكها عم تخونو لهيك دبحها

ماكنت مقصر عليها بشي
كل المصاري كنت حطن بأيدا بعمري ماحرمتها من شي لا هي ولا البنات طلباتها اوامر
حبيتها حب ماصار

لو كانت بتطلب عمري بفديها
بس كل الي كان بدي ياه منها انو تحافظ ع عيلتها انا وبناتها وع دينها
بس هي عملت عكس هيك
وهلأ اسما زانية
هي الحرية الي طلبوها النسوان فلتت ع حل شعرها
وتمردو الي بدهن ياه بيعملوه

بناتي كسرولي ضهري
وازا صار علي شي ما الهن اخ ولا عم يكون سند الهن ويعينهن

والي كسر ضهري اكتر جارنا مسك مرتو تخونو بنفس الطريقة الي مرتي عم تخوني فيها
وهداك مرتو صغيرة وماعندا اولاد كيف انا شوووو احكي وشو قول ماحدا رح يفهمني هدول بناااات خاااايف ع بناتي

بعد ما جارنا مسك مرتو وحكا للعالم انو عم تخونو وطلقا بنفس اللحظة خواتو اتطلقن
ولهلأ الناس بتحكي بقصتهن

بقا كيف انا شو رح يصير بحال بناتي لما الناس تصير تعيرهن بأمهن

سلمى. بابا تعا لاعبنا متل كل يوم
علي. مو هلأ بابا مو هلأ
سلمى. الله يخليك
علي. خلص سلمى بعرفك بتسمعي الكلمة
سلمى. امرك بابا

كانت بنتي الصغيرة عم تبكي الي عمرا اقل من سنتين

اميمة. علـــــي علي مالك سامع البنت عم تبكي سكتها انا عم اطبخ

حملت بنتي دلع وحطت راسا ع كتفي كانت عم تبكي وتشهأ وتقول بابا بابا

علي. ياعيون بابا ياعمري انتي شو رح يصير بحالك ياروحي شايفة شو عملت فينا امك يا دلع
مابتستاهل حتى تناديلا ماما

بس ياروحي لا تبكي جوعانة ياعمري

طلعت اميمة وجابت الغدا

اميمة . يلا يابنات يلا علي
علي. بابا غسلتو ايديكم قبل ما تاكلو
سلمى. لا
علي. خدي اخواتك وغسليلن وبعدا تعي

اميمة. ليش قومت البنات من عالأكل
علي. ماقلتيلي انك بدك تروحي لعند سمر اليوم

اميمة . ييييييي علينا كمان لعند سمر الي بيتا مابيبعد عني خطوتين بدك خبرك
مابكفي نسيت الي عملتو المره هديك وفتحت صفحة جديدة

علي. اه والله كتر خيرك
اميمة. ليك علي ماني متحملة كلمة منك خلص اسكت لانو راسي صار يوجعني

سلمى. بابا تعا كول معنا
علي. شكرا يا بابا خلي امك تتهنا

تركهم علي وطلع لبرا

اميمة. انتي لسانك بدو قص شو بدك فيه ياكل ولا عمره انتي ليش لتحكي
والله اذا بعد بتحكي بدون اذني لموتك يافلتانة
الله يلعن البنات وحياتن

دخل علي لياخد موبايلو وسمعها وقت قالت لسلمى فلتانة

علي. شو قلتي ؟
اميمة. ماقلت شي
علي. لا انا سمعت

وقفت اميمة وكانت جاهزة لمشكلة جديدة

اميمة. اي متل ماسمعت بنتك فلتانة وبدا ترباية من اول وجديد

هجم عليها علي وضربها والبنات كانو عم يتفرجو ويبكو

علي. مين الفلتان انتي ولا هي
اميمة. بعد عني يا واطي مابتستقوي غير عالنسوان

علي هي اول مره بمد ايدو ع اميمة لانو هي اول مره بيسمعها بتحكي مع بناتو هيك

اميمة. الله يلعنك الله ياخدك تافه حقير

علي. لا تزعلو بابا وانسو الي صار اي

اخد موبايلو وطلع

اتصل بأختو عالاذقية وحكا معا

علي. عبير انا كتير تعبان
عبير. شو فيك ياعمري احكيلي

حكالها علي كل شي من اول ماتغيرت معو اميمة

عبير. ياويلي الله ينتقم منها الله لا يوفقها ع هالعملة
ماعم سدء لك علي انت عم تحكي عنجد
ياربي دخيلك مصيبة مصيبة شو رح يصير بالبنات

علي. هنن الي كاسرات ضهري يا اختي شو اعمل انصحيني هدول بنات كيف رح تصير سمعتن اذا فضحتا لأمهن

عبير. لك هي مو ام الله ينتقم منها الله لا يسامحها الي مابتفكر غير بحالها الانانية مافكرت ببناتها شو رح تقول الناس عنهن
او هنن شو رح يقولو بس يكبرو ويعرفو انو امهن مافيها شرف وخانت ابوهن

علي. اخ لك اختي اخ قوليلي شو اعمل والله عم يخطرلي روح ادبحها واشرب من دمها

عبير. لا اصحك لك اخي فكر ببناتك شو رح يصير فيهن ما الهن غيرك
طيب اسمعني اسمعني علي

علي. شو
عبير. انا بعد كم يوم بجي لعندك سيارتي بدا تصليح ومجبورة استنا كم يوم
علي. ماشي

عبير. اوعدني انو ماتتصرف شي قبل ما اجي علي اوعدني
علي. مابوعدك

يتبع...
الجزء الرابع

قلوب_متحجرة

عبير. علي حبيبي انت خايف ع بناتك ماهيك
علي. اي مزبوط
عبير. انطرني بس لأجي وبنعمل متل ماقلت انت بنتستر عالموضوع وبتطلقا بدون فضايح ماضروري كل الناس تعرف
والله اذا صار فضيحة مصيبة رح نبقا طول عمرنا ماشيين وموطين راسنا بسببها
متل ماقلتلك بتنطرني لأجي وقتا بتخبرا انك بتعرف وبتطلقا وبتجي تسكن عندي انت والبنات
شو قلت ؟

علي. مابعرف مابعرف وبلكي ظلت تشوفو

عبير. لك تنئلع هي وياه ماتشوفو انت لا تركض ورا الموضوع واصحك تفكر تعمل شي انا اختك واكبر منك ولازم تسمع مني كلا كم يوم وبكون عندك

علي. ماشي
عبير. اكيد ها
علي. ان شاء الله
عبير. كل ماتجي تعمل شي تذكر بناتك الي هنن كل حياتك وشايفاتك فخر الهن ماتعمل شي كرمالهن

علي. خلص اختي والله فهمت
هلأ بدي سكر بدك شي
عبير. ياروحي الله معك انتبه ع حالك

خلص علي مكالمتو مع اختو ودخل ع البيت

علي. وينا ماما
سلمى. عم تتحمم
علي. ايه طبعا بدها تتحمم

سلمى. بابا انا عليي دروس وماعم اقدر حلهن لحالي فيك تساعدني
علي. اي تعي لعندي

ساعدت سلمى بدروسها لحتى اقدر انسا شوي
طلعت اميمة من الحمام اتطلعت فيها بدون ما احكي شي
وهي ماحكت عاملة حالا زعلانة
رجعت التفكير متل اول وازود
لك انا في رجال تاني عم بنام مع مرتي وانا ساكت وماعم اعمل شي وشفتو بعيني وقت راح لعندا وشفت رسائلو

بالليل بعد مانامو البنات حسي حالي مخنوق كتيررر
لك كنت بدي احرقا بالنار وقليل عليها خطرلي كل انواع التعذيب كانت قاعدة قبالي وعم تتدفا كنت رح اهجم عليها واخنقها بس حاولت صبر حالي
اطلعت من البيت وقفت ع البرندا وصرت فكر بأنو شو السبب الي خلاها تخوني ياترى انا مقصر عليها من الناحية الزوجية
لا مامقصر
فكرت بكل الاحتمالات انو كون قصرت معا بالاكل بالشرب
بالطلعة والفوتة والروحة لعند اهلا
بطلباتها ماااخليت شي بس مامقصر عليها بشي ليش هيك لتعمل
كيف تعرفت عليه وشو الي دفعها تخوني ماعم اعرف

يعني هوا احلا مني
لا لانو شكلو كان بخوف
بشو انا قصرت

بس يمكن ما ذنبي اني قصرت ذنبي اني وثقت واعطيتها كل الثقة وامنت فيها

كنت خاف حدا يطلع عليها بنظرة مو منيحة او حدا يسمعها كلام ماحلو
كان بدي تشد على ايدي وايد بناتنا ونربيهن تربية صحيحة ع مخافة ربنا وتعلم الدين كرمال ندخل الجنة كلنا نسوا
بس للأسف رح نخسر كل شي بسببها رح تدمر حياة البنات
شو ذنبهن
شو ذنبا دلع الي ماصار عمرا سنتين

دخلت لجوا لقيتا نايمة بس انا طول الليل مانمت بقيت فكر وماوصلت لحل

مرقو كم يوم وع نفس الحال مابحكي مع ولا بتحكي معي وبنام كل واحد لحال وكان في اهمال من ناحية البنات
وانا كنت قاعد بالبيت ماطلعت ع شغلي كنت خايف تجيبو ع البيت اختي كانت تتصل كل يوم لتتطمن ازا عملت شي او لأ

عشت معها هالكم يوم متل الغربا بس مامطولة الشغلة كلا يومين وبتجي عبير وقتا بطلقا
مابدي طلقا قبل هيك بدي عبير تكون موجودة لتخفف عن البنات لان مامتعودات ع غياب امهن وبالأخص الصغيرة
ورح خبرا اهلا بعملتها
بس مارح افضحها قدام كل العالم اخدت قرار انو بناتي اهم شي بحياتي ورح اصبر كرمالهن

المسا اتصلت بعبير

علي. اتأخرتي انتي قلتي كم يوم وهي اليوم الثلاثاء وما اجيتي
عبير. نهار السبت ان شاء الله بكون عندك
علي. ع الاكيد
عبير. اي اخي اكيد

اميمة. شو السبب مطنشني لهالدرجة ما الو بالعادة
مفكرني رح اتنازل واحكي معو فشر رح ابقا على ما انا عليه
بس رح جن من قعدتو بالبيت لا عم يصيرلي شوف محمود ولا احكي معو
اف يااه ايمتا يرجع لشغلو

تاني يوم نهار الاربعاء وقت الظهر كانو الكل مجموعين اتصل سامر ب علي

سامر. سمعت انك قاعد ماعم تشتغل
علي. اي والله
سامر. قوم تعا لعندي خلينا نحكي
علي. لا مابدي
سامر. لك قوم بقا بتغير جو البيت
علي. طيب ربع ساعة وبكون عندك

علي. يمكن انا بحاجة اني روح لعند سامر لاني مخنوق كتير

حط ايديه ع رقبتو رفع رأسه
علي. حاسس بشي غريب اول مره بحس فيه
ماعم بقدر اتنفس والدنيا ضايقة فيني

ركبت بسيارتي وطلعت مافكرت حتى ب اميمة ازا رح تشوفو او لا
لأني ماكنت قادر فكر في جواتي احساس غريب احساس بالخوف من شي رح يصير
مشيت بهدوء بالسيارة وصرت اذكر الله بلكي برتاح شوي

وصلت لعند سامر وسلمت عليه اجاني احساس انو هي اخر مره رح شوفو فيها ضيفني القهوة بس ماقدرت اشربها
حس سامر انو انا فيني شي

سامر. علي انت منيح حاسك مكركب من اول ما اجيت

علي. حاسس الموت قريب مني
سامر. شوو .. ليش هيك بتحكي شو هالتخبيص

علي. من اول ماطلعت من البيت في شي قابض ع نفسي مابعرف ليش هلأ خطرلي انو رح موت

سامر. ههههه بتكون حرارتك مرتفعة وعم تخبص باين انو معك بداية قريب اذا بدك باخدك عالدكتور

علي. لك بلا تخبيص يعني لو مريض مابعرف حالي خلص انسى متل ماقلت انا عم خبص

سامر. صاير معك شي بالبيت
علي. لا شو بدو يصير
سامر. خير ان شاء الله

في البيت اميمة اتصلت بمحمود
اميمة. ههههههههه
محمود. اي خلينا نتخيل كمان شغلات
اميمة. هات لنشوف
محمود. اممممم انتي بتطلقي من جوزك وانا بتجوزك وبنعيش حياة حلوة

اميمة. هههههههه هي كل يوم انت عم تتخيلا
محمود. والله انا بتمنى تصيري مرتي وقتا شوفي شو رح اعمل فيكي

اميمة شو رح تعمل
محمود. رح اعمل ....... و ...... وكتير غير هيك بس انتي وافقي انو تتطلقي من المتخلف والمختل عقليا جوزك

اميمة. اخ لا تفتحلي جروحي وبناتي شو بعمل فيهن
محمود. اتركيلو ياهن
اميمة. مافيني دلع لساتها صغيرة
محمود. دلع بتاخديها وازا بدك كلن اصلا حضانتن من حقك
بس تطلقي

اميمة. اي بس وقت اتزوج رح ياخدهن مني
محمود. ليش بيسترجي وانا معك

اميمة. هههههههه خلص محمود لا تقلبلي عقلي
محمود. فكري بالقصة بجد انا مالي متعصب متل زوجك بتعرفي رح بنروح انا وياكي عالشام بنسكن هنيك ورح خليكي تلبسي بنطلون جينز وبلوزة قصيرة عالخصر بتطلعي تاخدي العقل والحجاب براحتك اما بتلبسيه او بتشيليه

اميمة. لا بدي البسو لانو مادخل لبسي القصير بالحجاب حتى شيلو
محمود. ما انا عم قلك براحتك بس تخيلي اديش بتطلعي حلوة والكل رح يشوف الجمال الي دافنتيه مع جوزك الي مابحس بأنوثتك

اميمة. هلأ تخيل انو صارت وتطلقت من زوجي وتزوجتك عنجد بتخليني البس ع كيفي ولا بتتمسكن حتى تتمكن

محمود. مجنونة انتي لك انا بهمني هاد الموضوع اكتر منك وبحب الناس يشوفو جمالك ويقولو نيالو محمود عرف يختار ملكة جمال

اميمة. ياه حكيك حلو خليتني عيش بالحالة واتخيلت حالي
محمود. ليش هالشي مايصير حقيقة

اميمة. مابعرف بخاف اخد هيك خطوة جريئة بحياتي
محمود. هي الخطوة اسهل من وقت بتشوفيني
اميمة. لك بناتي الي نزعن علي حياتي لمين بدي اتركهن

محمود. لك ابوهن خليه يبلش فيهن انتي شو ذنبك تروحي شبابك مع واحد متلو

اميمة. رح فكر بحكيك بس مو اكيد وافق
محمود. فكري منيح انو كيف حياتك هلأ اسود بأسود وكيف رح تصير بس تتزوجيني

اميمة. اوك هلأ بدي سكر بخاف يجي جوزي .. يلا باي
محمود. باي

علي رجعت ع البيت وانا فكر انو بس تجي عبير كيف رح نفاتحها بالموضوع وين بدي روح بالبنات بين مانتطلق انا وامهن وافكار تانية كتيرة

اميمة مانامت الليل من الحكي يلي قلا ياه محمود واقنعا فيه

اميمة بلكي مارضي يعطيني بناتي وماضروري يعطيني ياهن خليه يبلش هوا فيها اولا بحس بقيمتي وتانيا بيضل يركض ومايلحق

وانا ناقصني تعتير حتى اخدهن معي وابقا بلشانة فيهن وقتا كيف رح شوف حياتي
ومحمود مو مجبور فيهن ابوهن ابدا منو
فكرت منيح ولقيت انو الحل الأنسب الطلاق احسن من هيك عيشة النا اسبوع بنام كل واحد لحال ومامنحكي مع بعض وبكرا بتتطور الامور مع الايام

من وقت عرفت محمود غيرلي حياتي كلا
هوا اغلا شي عندي بحبو كتير

علي. هون ماقادر نام مشتاق للبنات كتير وكأنو من زمان ماشفتن حابب نام جنبن

قمت ودخلت ع غرفة البنات لقيتن فايقين لسا مانمو بس دلع كانت نايمة

علي. بتستقبلوه لبابا ينام عنكن
البنات. هييييي ياريت بابا
علي. يلا بعدولي لكن
وهلأ بدكن تقولولي ليش لساتكم فايقين

نمت بينهن وكانو تنتين ع يميني وتنتين ع يساري

سلمى. انا زعلانة عليك انت وماما لأنكم متخانئين

علي. ولا يهمك حبيبتي بكرا بنتصالح
سلمى. بس طولتو كتير
علي.......

علي. شو رأيكن احكيلكن حكاية
فرحو البنات كتير وانا جنبن ونامو بنص الحكاية مسحت على شعرن وبستن متل كأني عم بودعهن ونمت

يتبع...
الجزء الخامس
 
#القصة_واقعية

#قلوب_متحجرة

الجزء الخامس + السادس + السابع + الثامن

تاني يوم كان يوم الخميس كان القصف شغال خفت عالبنات وما وديتهن عالمدرسة

علي. سلمى تعي سمعلك القرءان الي حفظتيه حتى ماتنسيه

اميمة. مو هلأ تسمعلا بدي اغسل وبدها تساعدني
علي. يلا سلمى تعي

اميمة اي ماشي طنش ع كل حال هالقصة مالها مطولة

لميت التياب الي بدها غسيل وشغلت الغسالة وحطيت اول دورة

دورت بجياب البنات لايكون فيهن محارم وينزع الغسيل
صرت عند بناطيل علي مديت ايدي ع جيبة البنطلون لقيت ورقة

فتحتا قرأت اسم محمود ورقمو انصدمت وظليت ع اخر خبر

من وين جاب الاسم والرقم يعني كاشفني وساكت
شو ناوي يعمل اكيد عم بخطط لشي وبدو يفضحنا
ولي شو اعمل بحالي سمعتي رح تنتزع

والله بابا غير يموت فورا بس يعرف
شو لازم اعمل ياربي دخيلك
علي اكيد اكيد رح يفضحني وعم بخطك لقصة يااااربي ياربي شو اعمل

ولي من وين اجتني هالقصة لازم احكي مع محمود وخبرو
مابعرف شو لازم اتصرف

شو رح يصير بأخوتي بس يعرفو وابي وامي والجيران
شو عملت بحالي انا

لا مستحيل خليه يفضحني والله مستعدة اني اقتلو ومايصير هالشي

اميمة. علي قوم جبلي دوا للغسيل ماعندي

لك يلا قوم شغلت الغسالة يلا مزال الكهربا جاية

علي. مو هلأ
اميمة. هلأ لازمني يلا روح

طلع علي من البيت واتصلت بمحمود وانا ماسكة قلبي بأيدي من خوفي اني انفضح

اميمة. الو محمود .. صار مصيبة ماحاسبيتلا حساب

محمود. شو في .. مارضي يطلقك

اميمة. لك لا لا علي كشفنا ولقيت اسمك ورقمك مكتوبين بورقة ومحطوطين بجيبة البنطلون

محمود. شو عم تحكي انتي
لا تخبصي كيف بدو يكشفنا
اميمة. مابعرف مابعرف انا متلك
والمشكلة انو ساكت اكيد عم يخطط لشي
يمكن يكون بدو يقتلك لانو اسمك بالكامل مكتوب

محمود. لك بلا جنان اتصرفي بأيا طريقة دبري حالك
ماناقصنا فضايح

اميمة. شو اعمل قلي
والله بموت ابي اذا بيعرف وبناتي شو رح يصير فيهن
وعلي مارح يسكتلنا اكيد رح يدبحنا

لك بسرعة اعطيني حل رح يجي
محمود. اسمعيني انا ماناقصني فضايح وانتي سمعة بناتك بتصير بالارض اذا انفضحتي
خلينا نسكر عالقصة قبل ما تنكشف

اميمة. كيف قلي
محمود. مافي غير حل واحد
اميمة. لك بسرعة احكي شو هوا

محمود. بنخبر الامن عنو لزوجك وبنقول انو ارهابي وخليهن هنن يتصرفو

اميمة. شو رح يعملو فيه
محمود. بموت
اميمة. رح يموت
لا لا حرام

محمود. مو حرام مو احسن ما نتفضح
اميمة. لك مو هيك بنسكتو بطريقة تانية
محمود. شو الطريقة

اميمة. مابعرف انت فكر
محمود. ليكي انا ماعندي غير هالحل خليه يموت وانا بتزوجك وبنعيش نحنا والبنات
اذا عجبك رأيي بكرا بنفذو واذا ماعجبك دبري حالك انا رح روح عالشام هنيك مابيقدر يوصلي اما انتي بيدبحك

اميمة. هيك يا محمود تخليت عني بهالسهولة وبدك تتهرب بعد كل شي اخدتو مني

محمود. انا قلتلك انو بس يموت بتزوجك وبنروح من هون وهيك بتندفن القصة معو
بس انتي مابدك اصلا اذا مادبحك علي اتطمني رح يدبحوكي اخوتك لأنك جبتيلهم العار

اميمة. طيب والحل
محمود. انتي لاحظتي عليه شي غريب من فترة
اميمة. اي صار ينام لحالو ومايحكي معي وبيطلع يحكي تلفونات بس مابعرف مع مين وغامض جدا
حاسة انو عم بخطط لشي حتى متأكدة
عم قلك رح يموتنا اكيد هيك بدو يعمل

محمود. شو رأيك بالي قلتو ماعنا حل تاني اما بموت وبنخلص منو او بتموتي انتي وانا بختفي

اميمة. بنهرب انا وياك
محمود. مابيمشي الحال رح يظل ملاحقنا
اما بنخبر عنو بموت ولا مين شاف ولا مين دري وهيك بتاخدي بناتك وبعيشو معك شو رأيك

اميمة. معقول نصير مجرمين
محمود. لا تفكري هيك اعتبري حالك عم تدافعي عن نفسك لانو هوا هلأ عم يخطط ليموتك

اميمة. ياربي والحل
محمود. مامعك وقت تفكري جاوبيني اما اي او لا
واذا قلتي لا رح تبقي عايشة بخوف انو بأيا لحظة يغدر فيكي ويدبحك وتروحي فيها

اميمة. لا لا انا ماعملت شي حتى استاهل الموت عليه
محمود. شو ؟
اميمة. موافقة بس خايفة كتير انو ننكشف

محمود. كيف رح ننكشف اذا بدك بخلص الشغلة اليوم
انا عندي معارفي بالأمن بخبر عنو
بس انتي لازم تطلعي من البيت
اميمة. ليش
محمود. لانو بس نقوللهم انو في ارهابيين بهاد المكان رح يقصفوه
والقصف رح يكون ع بيتكم

اميمة. شو رح يصير بالبنات بدون ابوهن
محمود. رح كون احن عليهن منو
اميمة. لا مابدي انا خايفة
محمود. لا تخافي وانا معك فكري منيح اذا ماقتلناه رح يقتلك وبعدا بيتزوج غيرك وانتي بتروح عليكي

اميمة. خلص خلص موافقة بس ايمتا
محمود. اليوم
اميمة. لا لبكرا
محمود. متل مابدك بكرا بكير بتطلعي من البيت انتي والبنات وبتقوليلو رايحة عند اهلك
بنحاول نخلص القصة قبل صلاة الجمعة

اميمة. بس والله حرام
محمود. هي هي علينا من اولها اذا مابدك خليني سكر

اميمة. لا بدي
محمود. اتأكدي انو انتي ماعم تعملي حرام لأنو هم تنقذي حياتك

اميمة. ايا ساعة اطلع من البيت
محمود. بالكتير عالتسعة
وبحكي معك قبل ما اتصرف بشي

اميمة. ماشي باي
محمود. باي

رجع علي ع البيت وصرت اتطلع فيه وانا عارفة انو بكرا اخر يوم بحياتو
حسيت حالي حقيرة كتير بدي اقتل ابو بناتي
بس مو احسن مايقتلني هوا وجيب العار لأهلي
ع الاقل هوا اهلو ميتين
واختو بتزعل فترة وبتنسى

بالليل حاولت خلي البنات يسهرو اطول وقت ممكن ليودعو ابوهم
وكنت احكي مع علي عادي ومابينتلو شي
كان حاطط ايديه فوق الدفاية وعم يدفيهن وكان عم يفكر
وبنفس الوقت يطلع فيني نظرات غريبة وبتخوف

علي بعد بكرا رح تجي عبير ورح طلقك وبتنئلعي لعند اهلك اصلا حرام تكوني منهن
ابوكي مافي احسن منو واخوتك كأنهن اخوتي بس شو الفائدة اذا انتي طلعتي خاينة

لنشوف ردة فعل اهلك بس يعرفو

كلو كرمالكن يا بابا حملتني اكتر من طاقتي
ايا رجل بالدنيا بيسكت ع خيانة بمرتو وهوا عارف كل شي شو اعمل حسبي الله ونعم الوكيل احسن شي

اميمة. يلا يا بنات قومو عالنوم
فرشتلكن هون نامو معنا هي الليلة

البنات. تصبحو ع خير
اميمة. تعو بوسوني انا والبابا

البنات باسو ابوهن وراحو نامو

علي. شو سبب هالتغيير المفاجئ مافي بالعادة تتنازل

اميمة. بكرا الجمعة وحابة اخد البنات لبيت اهلي يغيرو جو
رح تقضي العطلة لحالك
حرام خليهن يتفضو

طيب جاوبني عم بحاكيك

راح علي ونام جنب بناتو

اميمة. الحياة الي كنت رح قضيها معك بالناقص منها

تاني يوم الصبح الساعة 10 لبست تيابي وجهزت البنات وفطرتن وحطيت كل شي مهم لازمني من البيت بشنتة صغيرة بدون مايحس علي

كان عم يجهز حالو لصلاة الجمعة تحمم ولبس قميصو الابيض وبنطلونو الاسود ومشط شعرو وحط عطر
كان هادي جدا الي بشوفو بقول مستحيل يعمل شي

اميمة. نخنا صرنا جاهزين يلا يا بنات سلمو ع ابوكم

قرب علي منهن وضمهن وباسهن
ومسك دلع الصغيرة وصار يلاعبها هي اغلا شي ع قلبو بحبها كتير

كنت بدي اخدها منو بس تمسكت فيه وماخلتني اخدها
وكأنو عارفة انو مارح تشوف ابوها بعد هلأ

علي. هههه بدك تظلي عندي
مابدك تروحي باي مع اخواتك

يلا خديها لا تتأخرو المسا

اميمة. ماشي يلا اعملو باي لبابا يا بنات

البنات. باي بابا
علي. الله معكم

طلعت من البيت انا والبنات ودلع ماسكتت من البكي تنادي عليه تقول بابا .. بابا وتبكي

اتصلت بمحمود وخبرتو انو طلعنا من البيت

محمود. تمام انا هلأ عالحاجز ورح خبر عنو
اميمة. انا هلأ وين روح
محمود. روحي عند اهلك او اختك
اميمة. تمام رح روح عند اهلي
بس لأخر مرة رح قلك انو الي عم نعملو صح ؟

محمود. اي اكيد حبي يلا روحي عند اهلك
اميمة. تمام يلا باي
محمود. باي

اخدت تكسي ورحت عند اهلي

ابو اميمة. يابنتي وينو زوجك ليش ما اجا معك
اميمة. بعد الصلاة بتصل فيه وبقلو يجي
ابو اميمة. اي بنتي مابصير تتركيه لحالو بالبيت

محمود. هوا ارهابي خطير
الضابظ. اطلع مع الشباب بالسيارة ودليهم عالبيت

محمود. امرك سيدي واذا بتحب بصير اشتغل معكم
الضابط. اي

طلعت بسيارة الامن ومشينا لعند بيت علي حددو المكان ورجعنا

حكو مع القطعة العسكرية الي بيقصفو منها واتفقو

وانا مشيت لانو مابقالي شغل ولا فوق هيك اعطوني مصاري كتير لانو بلغت عن جوزها
طلعت تجارة مربحة

انا وماشي لقيت رفيفي خالد

خالد. وين كاين
محمود. امشي لأحكيلك

مشينا انا وخالد وحكيتلو كل شي عن علاقتي ب اميمة وانو خبرت عن زوجها

وحتى ورجيتو صورها وهي عريانة

خالد. تاريك مو قليل كاين تاكل من العسل لوحدك وانا ماعندي علم

محمود. وطي صوتك فضحتنا
خالد. زبطلي ياها شي ليلى
محمود. بتدفع مصاري ؟

خالد. بدفع
محمود. رح اخدها هي وبناتها الخمسة عالشام وهنيك بتزوجها بعقد كذب وشهود كذب وبشغلها وبتطلعلي دهب هي وبناتها بس يكبرن

محمود. ليش ما تتزوجها عنجد
خالد. مستحيل اربط حالي فيها

في بيت علي

عمل كاس شاي وعم يشربو

علي. رح اتصل بعبير اتطمن عنها

علي. كيفك عبير طمنيني عنك
عبير. الحمدلله بخير انت كيفك والله بالي مشغول عليك
مامسدئة ايمتا يجي بكرا لشوفك ياعمري

علي. وانا اشتقتلك كتير حابب تكوني جنبي وضمك لو لمرة وحدة
عبير. يلا هانت كلا كم ساعة وبكون عندك
علي. ايه خير ان شاء الله
يلا بدك شي
عبير. سلامتك
علي. انتبهي ع حالك وع بناتك
مع السلامة

خلص حكي مع اميمة وراح ليلبس جراباتو مشان يروح عالصلاة بس مالحق

بلش القصف براجمات الصواريخ ع بيتو
ونزل 7 صواريخ ورا بعض عليه

وكان في علي... بس هلأ راح لعند ربو شهيد

يتبع...
الجزء السادس

#قلوب_متحجرة

الجزء السادس

مات علي بسبب القصف مو بس مات تجمعت العالم حوالي البيت الي كان دمار وماظايل منو شي
صارو يحفرو حتى يطالعو الي كانو بالبيت مابيعرفو انو اميمة ماموجودة

بعد ساعة ونص من الشغل المتواصل والبحث تحت الركام مالقو الا علي بس كان مقطع تقطعيع

مرق سامر وهوا طالع من الصلاة وشاف البيت مهدوم نزل على موتورو متل المجنون وهوا يصيح علي يا علي

قالولو انو مالقو الا علي وانو مقطع تقطيع

قعد ع الارض وصار يشلخ بحالو
علي ماكان عندو اخوة بس سامر اخوه الي ما ولدتو امو

حاولو يهدوه لسامر ويبعدوه عن المكان بس مارضي دموعو كانت متل الشلال ع علي

وصل الخبر لأبوها واخوتها لأميمة وهنن طالعين من الجامع واجو بسرعة
كان الخبر صدمة بالنسبة الهم وتأثرو فيه بس ما متل سامر

راحو دفنوه لعلي بسرعة لانو القصف كان شغال عالمدينة كلا والوضع كان بخوف

رجعو اهلها عالبيت وكانت مجهزة حالا لتسمع الخبر

اميمة. بابا ما حكيت مع علي قلت ماحرزانة رح ارجع ع البيت بعد شوي

ابو اميمة. اسمعي يا بنتي ( قل لن يصيبنا الا ماكتب الله لنا ) صدق الله العظيم

اميمة. خير بابا شغلت بالي

ابو اميمة. زوجك استشهد
ولانقول الا مايرضي الله سبحانه وتعالى انا لله وانا اليه راجعون

اميمة. شو عم تقول بابا
شو هالحكي اكيد عم بتمزح
اه

حطت ايدا ع راسا وقعت ع الارض وعملت حالا غميت

هجمو عليها اخوتها وابوها

ابو اميمة. هاتو مي جيبو مي بسرعة
اميمة يابنتي
اميمة اصحي

صحيت وصارت تبكي وتصيح وتشلخ بشعرا

اميمة. يعني راح علي ما بقي علي يارب راح زوجي راح حبيبي راح وتركلي البنات
ارجع يا علي انا مابقدر عليهم وحدي

اخدو البنات ع غرفة تانية وماكانو فاهمين شي الا انو ابوهم مات
كانت وجوهم بريئة كتير وكانو خايفين
وبين بوجوهن الحزن واليتم
راح ابوهن الي كانو يحبوه مصدر الحب والحنان والرعاية راح صار شهيد

اميمة. طيب كيف كيف
ابو اميمة. مالك شايفة القصف ع المدينة كلا الله يجيرنا من الاعظم
خسارة يا علي كنت نعم الاب ونعم الزوج

قعدت ع التخت بالزاوية وصارت تبكي وصارو يهدوها

اميمة. اتركووووني لحالي اتركوني بدي ابقا لوحدي اطلعو من هون يلا

طلعو من عندها وقفلت الباب وراهم واتصلت بمحمود

اميمة. ماصار الا وقتلناه
محمود. يعني وصلك الخبر
زعلتي عليه ؟

اميمة. اي بيبقا ابو بناتي
ماكان بدي حدا يكشفني غميت وعم حاول طلع الدموع بصعوبة
محمود. انسي ولا تفكري
بس فكري بالأيام الجاية الي ناطرتنا سوا
هي مرحلة و بتعدي
وشفتي كيف هيك مابقا في خطر ع حياتنا لا انا ولا انتي

اميمة. بس هلأ في كم شهر عدة
شو بدي اعمل فيهم كيف بدي اتهرب منن

محمود. مابعرف مستحيل نستنا كزا شهر مشان العدة ليش مين بهالأيام بيعملها

اميمة. قولتك رح طنش
علي. وهوا هيك

اميمة. خلينا ع تواصل اصلا انا لهلأ خايفة سامع اصوات القصف وكأنو بدهم يدمرو المدينة كلها

محمود. لا تخافي وفكري بالأشياء الحلوة
اميمة. اوك .. وين انت هلأ
محمود. بالشوارع عم اتفتل انا وصاحبي خالد

اميمة. يلا بدي سكر باي
محمود. باي

خالد. تعا معي بدي روح عبي وحدات
محمود. ناطرك هون ماتتأخر

ولعت سكارة وصرت اتمشا شوي شوي بالشارع بين مايجي خالد
كان القصف شغال

بس ما اهتميت عم فكر بالمستقبل الي ناطرني
حسيت بأنفجار قوي كتير قريب مني وانا طرت بالهوا ووقعت ع الارض لحد هون هاد بس الي بتزكرو

خالد. محمووووود محمود

شافو خالد بالأرض والدم عم بسيل منه وموبايلو واقع قريب منو
اخدو خالد
واسعفوه لمحمود عالمشفى وفي جرحى كتير غيرو
بس محمود وضعو حرح جدا
لان اصابتو كانت بين رجليه
وكل اعضائو تقطعت ومابقا فيه يتزوج

في بيت اميمة

اميمة. شو رح تقول عبير بس تعرف انو اخوها الوحيد مات
لازم يخبروها
ولا يسطفلو انا شو دخلني

الساعة عشرة بالليل عبير تتصل ب علي يطلعلا مغلق

عبير. موبايلو صرلو ساعة مغلق يارب مايكون عمل شي
قلبي ناقزني
رح شيل الافكار السيئة من راسي يمكن انقطعت الكهربا وموبايلو خالص شحنو اي هيك اكيد

رح روح ضب شنتايتي وشنتايت بناتي مشان نطلع الفجر على حلب ونوصل بكير
والصبح بحكي مع علي اكيد بكون شحن موبايلو

ابو اميمة. كيف صارت اميمة
صلاح اخوها. قاعدة بغرفتها يمكن تكون نامت

ابو اميمة. الله يكون بعونها الحمل صار تقيل عليها بس رح نبقا جنبا ومارح نتركا
اسمعوني يا شباب هي اختكم ولازم تنتبهو عليها ما الها غيركم
زوجها راح لرحمة ربو وحتى اخوة ماعندو
البنات من مسؤليتكم

صلاح. الله يرحمك يا علي
ياجماعة حدا خبر اختو ؟

ابواميمة. والله راح عن بالي
صلاح. كيف بدنا نخبرها
ابو اميمة. لا تخبروها فجأة يروح يصرلا شي
بالاول بتحكو معها وبتخبروها انو تجي بعدين بتمهدولها اول بأول

صلاح. الله يصبرها شو رح يصير فيها

تاني يوم الصبح الساعة عشرة كانت عبير وبناتا بحلب
وموبايل علي لساتو مغلق

عبير. ياربي دخيلك انا مابعرف الا بيتو القديم كيف رح اوصلو ومابدي احكي مع اميمة
ومالي حابة اسمع صوتها ابدا

عبير. مبسوطين ماما
هلأ رح تشوفو خالو علي وبناتو
مابدي تخجلوني قدامو بتسلمو عليه وبتقولوله كيف خالو وبتقعدو بأدب سامعين يا ماما

ماعندي حل الا اتصل بأميمة
صفيت السيارة ع جنب
واتصلت فيها ظل يرن لأخر رنة وماحدا رد
رجعت اتصلت مرة تانية
رد علي شب بس مانو علي

عبير. مين انت
مو هاد الرقم لأميمة ؟
صلاح. انتي عبير ماهيك
عبير. اي عبير بس عفوا ممكن تقلي مين حضرتك

صلاح. انا صلاح اخوها لأميمة
عبير. اها
واميمة وين

صلاح. اميمة نايمة
عبير. طيب علي ليش موبايلو مسكر عم اتصل فيه انا صرت بحلب ومابعرف مكان بيتو لجديد

صلاح. انتي هون !
عبير. اي صرلي نص ساعة واصلة
صلاح. اوصفيلي مكانك وانا رح بجي اخدك
عبير. وين تاخدني ليش علي وينو
صلاح. علي كمان عنا بس نايم انا بجي بدالو وين انتي
عبير. انا عند بيتو القديم
صلاح. ماشي مابتأخر

عبير. كيف هيك معقول علي يروح ع بيت عمه بعد الي صار وينام عندهن
ومامعقول اختو وصلت ويتركو نايم ويجي صلاح ياخدني
كأنو في شي غريب عم يصير
الله يستر

وصل صلاح وسلم علي

عبير. علي وينو ليش هوا ما اجا هوا بيعرف اني جاية اليوم

صلاح. خلينا نطلع بالسيارة
عبير. طيب يلا
صلاح. انا بسوء
عبير. طيب

طلعنا بالسيارة وصلاح مارضي يحكي شي

عبير. لك لا تشغلي بالي قلي هلأ اخي وينو شو صاير معو
صلاح. طولي بالك
عبير. لك النار شاعلة فيني وانت بتقلي طولي بالك

يعني علي خبركم ب الي صار بينه وبين اميمة وتخانئو اكيد ماصار شي غير هيك

صلاح. ليش شو صاير بينهم
عبير. لك لا تجنني انا عم بسألك
صلاح. وصلنا انزلي وجوا بنحكي

دخلت ع بيتهم وعيوني مدمعين حاسة صاير شي لعلي كانت وجوهم حزينة
بس اميمة ماشفتها كانت مقبورة بغرفتها

ابو اميمة. اهلا وسهلا يابنتي

كانو كلهم يتطلعو فيني وينزلو عيونهم بالارض

مابعرف شو صرلي وصرخت

عبير.علــــــــــي وينك يا اخي
شو عملتولو لأخي
وينو علي هوا بيعرف اني جاية لهون ليش ما استقبلني ليش ما حكا معي
لك لا تطلعو فيني هيك
علي صايرلو شي احكو

ابو اميمة. اهدي يابنتي حتى نقدر نحكيلك
علي اخوكي صار شهيد

عبير. شـــــو
ــــلا ياربي لا
علي لك علي وينك لك اخي
كرمال الله رد علي

وقعت بالارض وصرت اصرخ واضرب ع وجهي

راح علي راح الغالي يا امي راح الغالي
لا يانور عيوني وين رحت وتركتني يابعد عمري

ما الي غيرك علي علي
ليش رحت وتركتني ياحنون مين الي بعدك ياعمري

لك كيف كيف علي ما مات مو صحيح الحكي

صلاح. مبارح القصف ماوقف طول النهار وعلي كان بالبيت والجيران قالو انهن شافوه ع البرندا عم يلبس البوط بدو يروح ع الصلاة بس الموت كان اسرع

عبير. يا اللـــــه يا الله

اميمة كانت عم تتفرج عليها من طرف الباب وما طلعت

عبير. ياريت الموت الي ياعمري ياريتني متت وماسمعت هيك خبر ياخيي

صرت اضغط ع وجهي بأظافري وبدي طلع اللحم وماحاسة ع حالي طلع الدم من وجهي

ماحدا قدر يهديني صرت اخبط راسي بالحيط
شو اعمل شو بدي بدنيا علي مو فيها
صرت فكر موت حالي
لاني ماكنت بوعيي كان الخبر صدمة بالنسبة الي
فقدت اغلى انسان بالدنيا

علي اخي الاصغر مني هو روحي وحياتي يعني مستحيل مستحيل يموت

كنت ابكي بقهر وحس الي عم ينزل من عيوني دم مو دمع

ركدت ع الشباك وبدي زت حالي هجمو علي صلاح وصهيب ومسكوني ودخلوني ع الغرفة انا وبناتي

دخلت ع الغرفة وشفت بنات اخي سلمى وهبة وميس وغزل ودلع

يتبع...
الجزء السابع
#قلوب_متحجرة

الجزء السابع

بس شفت البنات انفجرت بكي وضميتهم وشلت دلع وحطيتا بحضني ماكانت فاهمة شي وكان بدا تلعب
مابتعرف انو خسرت ابوها

عبير. ياويل قلبي ياعمري انتو لا تخافو ياروحي انا معكم انا جنبكم مارح اتركم انتو بنات الغالي

شردت شوي ورجعت بالأيام لورا قبل 7 شهور

علي. بس يجيني اخ للبنات وقتا رح خليكي انتي تسميه
ورح جبلك كل شي بتتمنيه

عنجد تخيلي انو البنات يكون عندن اخ اديش رح ينبسطو فيه الاخ غالي كتير اكيد رح يوقف معهم بس يكبرو ورح يدير بالو عليهن ويحميهن من شر الايام
رح ربيه ترباية صحيحة بس انتي قولي ان شاء الله

عبير. ان شاء الله ياعلي عن قريب بتخبرني احلا خبر بالدنيا وبتقلي انو مرتي حامل وفيها صبي

علي. ههههه الله يسمع منك وانتي كمان الله يرزقك صبي لبنوتاتك الحلوين

عبير. امين يارب

صحيت ع حالي وانا عم ابكي ياعمري اديش كان بيتمنا يجيه صبي

قويت حالي قد ما اقدر تركت البنات بالغرفة وطلعت ع الصالة لعندن

صلاح. انتي منيحة
عبير. اي منيحة
بس بدي شوف الصور

صلاح. ايا صور
عبير. صور علي مو كل شهيد بس بـــــس بـــ بس يموت بصوروه
وانا هلأ بدي شوف صور اخي

صلاح. بس ماقدرنا نصوره
عبير. ليش ليش ماصورتوه
صلاح. خلص هلأ بنحكي بعدين فوتي ارتاحي انتي جاية من مكان بعيد

عبير. لك عم قلك ليش ماصورتوه
لتكون عم تكذب وبدك تخبي الصور حتى ماشوفن

صلاح. ماصورناه لانو كان مقطع ومافي شي منو بيتصور
عبير. شـــــو

ماقدرت اتحمل حكيو دخت ووقعت ع الارض اخدوني وحطوني ع التخت بالغرفة الي فيا البنات
غمضت عيوني وصارو دموعي ينزلو بحرقة

قمت بسرعة من ع التخت

صلاح. شو في
عبير. اميمة اميمة وينا
صلاح. التانية متلك تعبانة كتير ويمكن تكون نايمة
عبير. بدي شوفا هلأ

صلاح. هي بغرفتا فيكي تروحي لعندا

نسيت كل شي وتزكرت حق اخي الي مات
رحت بسرعة ع غرفتها فتت بدون مادق الباب

بس شافتني صارت تبكي وهجمت عليي لتضمني دفشتا واجت ع التخت

اميمة. علي راح يا عبير علي صار ذكرى ابو بناتي الغالي راح ياربي

قفلت الباب لانو كان بدي احكي معا

عبير. حاجتك كزب وتمثيل
اميمة. عبير ياروحي انتي اكيد لساتك متأثرة
والله صعبة كتير
راح وتركنا انا وبناتي وانتي
مين النا من بعدو

عبير. اخرسي يا خاينة انا بعرف كل شي عنك علي حكالي كل شي وكان بدو يطلقك ويزتك متل لكلاب بس مات
هوا سكت عنك كرمال بناته ماكرمال انو بحبك

اميمة. يي انتي كتير متأثرة لدرجة انو صرتي عم تخبصي رجاءا الي فيني بكفيني وماقدرانة اتحمل حكيك كمان

عبير. رغم كل شي قلتلك ياه لساتك عم تنكري انتي خاينة وعايبة
اميمة. عبيرررر جنيتي اخرسي لا حدا يسمع تخبيصك ويسدء

عبير. والله لأفضحك وخبر اهلك بكل شي والله لأعمل الي ماعملو علي
بدي افضحك انتي والكلب محمود الله يلعنكم انتو لتنين

اميمة. انتي مين قلك هالحكي

عبير. لك انتي مافيكي دم مافيكي احساس لك هدول بناتك ماخفتي عليهن كيف طاوعك قلبك لك مابتخافي الله انتي قلبك حجر تفو عليكي الله لا يسامحك

اميمة. جاية عم تبهدليني بنص غرفتي انقلعي لبرا يلا مابدي شوفك
ازا اخوكي مات انا الي موتو تعني

عبير. ليكي بوعدك ماخبر حدا ازا حكيتيلي الحقيقة كاملة ومن البداية وكيف تعرفتي عليه وليش خنتي اخي

اميمة. ماعندي شي احكيه
عبير. ايه تسطفلي انا عندي حكي كتير وحابب احكيه لأخوتك
هجمت علي لتضربني لانو جنت بس عرفت انو بدي خبر اخوتا
بس مسكتلا ايديها وضربتا كف علم على وجها
كنت قوية كتير ومستعدة اني اخنقها

اميمة. شو المقابل حتى تسكتي
عبير. البنات بدي البنات
رح اخدهن معي ع اللاذقية
اميمة. لا البنات من حقي مامن حقك تاخديهن

عبير. عم قلك اما البنات او بخبر اهلك
اميمة. خبريهم اصلا مارح يسدئوكي لانو مامعك دليل

عبير. ربي رح يكون معي ورح كون اقوا منك ياخاينة
اميمة. من الاخر الي بيطلع بأيدك بيطلع برجلك

عبير. رح اعطيكي مهلة ربع ساعة فكري
واهلك ازا اعطيتهم اسم محمود بأكملو رح يدورو عليه ويلاقوه

اميمة. لك بناتي هدول مافيني اعطيكي ياهن
عبير. مو ع كيفك ما بأمن خلي بنات اخي مع وحدا متلك

اميمة. لا مافي تاخديهن لو يطلعو عيونك
عبير. انا طالعة بعد ربع ساعة بدي جواب

طلعت من عندا ورحت ع غرفة البنات وصرت اتأملهن

اميمة. من وين طلعتلي هي الحقيرة
منيح اني رديت ع محمود لانو علي كان مخطط يفضحني ومخبر اختو بالقصة منيح لحقت حالي
بس شو اعمل هلأ هي بدها تاخد البنات وانا مابدي اعطيا ياهن
وبس اتزوج انا ومحمود بخلين عندي اهلي ع الاقل ببقا بشوفن بس ازا راحو ع اللاذقية رح ينسوني تماما

احسن شي اتصل بمحمود

اتصلت فيه كان موبايلو مسكر
فتحت الواتس لتبعتلو اخر ظهور كان الصبح
فتحت الفيس ودخلت ع صفحتو كان في ناس كتير كاتبين الله يشفيك الله يشفيك

اميمة. شو القصة شو صاير معو محمود
ووووووولي محمود متصاوب منظرو بخوف يالطيف

صارت تبكي عليه من كل قلبها ودموع حقيقيين

اميمة. شو بكون وضعو هلأ بالصةر رجليه وتيابو كلا دم كيف بدي اتطمن عنو
ياربي ليش هيك حظي مستحيل تكمل مع الواحد
يارب مايكون صرلو شي

طلعت من غرفتها وراحت ع غرفة عبير وهي عم تبكي
فتحت الباب لقت عبير عم تبكي وتشهأ من البكي

عبير. شو فكرتي
اميمة. محمود تصاوب ياعبير ويمكن يكون وضعو خطر
عبير. خبر حلو الله لا يرده ان شاء الله بموت
الى جهنم وبئس المصير

اميمة. لا تدعي عليه حرام عليكي لسا اخوكي كمان اليوم مات
عبير. لك الله لا يوفقك جاية تخبريني انو عشيقك متصاوب شو بدك متلا واسيكي

اميمة. ماهيك بس بدي انو ترحميني شوي كل المصايب عم تنزل فوق راسي زوحي وبناتي ومحمود وانتي حرام عليكي ارحميني

عبير. كيف وضعو للكلب محمود هلأ
اميمة. مابعرف عنو شي شفت صور اله رجليه كلهم دم بس جسمه من فوق مافيه شي

عبير. ان شاء الله بتلحقيه انتي كمان
اميمة. حقيرة وتافهة الله يلعنك
بس شاطرة تحطي الحق عليي سألتيني كيف اخوكي كان يعاملني بعمره ماحسسني اني مره دائما كنت خدامة اله ولبناته كلمة حلوة ماكان يسمعني

عبير. كل شي عم تحكي مابهمني رح اعطيكي مهلة لبكرا تفكري

حكيتا هيك كان بدي ياها تطلع من عندي لانو خطرلي روح دور ع محمود
وازا كان صاحي احكي معه واخد منه صور
لانو اكيد بكون معه صور اله ولأميمة
انا مابدي منهن شي بس بدي دليل قدام اهلها لانو ازا وافقت هيي تعطيني البنان اهلا يمكن مايوافقو
هيك بهددهن او بقوللهن انو بنات اخي مابقبل انو يعيشو بهيك عيلة

عبير. اطلعي من هون ماطايقة شوفك
اميمة. طالعة ولا تحلمي تاخدي البنات
عبير. ايه بنشوف

يتبع...
الجزء التامن


الجزء التامن

خليت بناتي مع بنات اخي وطلعت من الغرفة

صلاح. عبير في شي لازمك شي
عبير. لا شكرا بدي اطلع غير جو شوي لاني مخنوقة وماعدت قادرة اتنفس

نزلت من البيت وطلعت بسيارتي سألت عن الجرحة الي انصابو اليوم
قالولي انو بالمشفى الميداني وصفولي ياه وين ورحت ودموعي ع خدي
كنت تايهة كتير

وصلت ع المشفى لقاني واحد ع الباب

.... مين بدك يا اختي
عبير. بدي شوف محمود
.... مين محمود
عبير. محمود الي اليوم تصاوب من القصف
..... ايه ايه حالته حرجة كتير فوتي شوفيه
عبير. فيك تاخدني لعندو انا مابعرفه
.... بدك تشوفيه ومابتعرفيه
شرفي امشي قدامي

دخلت وانا عم بدعي انو ان شاء الله تكون اصابته قوية وتكون جزاء اله من رب العالمين

وقت شفت منظره خفت كتير عنجد كان منظر فظيع
جسمه من فوق ماكان فيه شي بس رجليه مافيهن لحم خالص والعظم باين فيهن واعضاءه مقطعة مابقا فيه يتزوج او يخرب بيوت العالم
سبحانك يارب عقاب كبير
وكأنه انتقم منه بالشي الي كان السبب بخيانة مرت اخي
بس شفت منظره قلت ربنا كريم متل مامحمود اخد جزاءه اكيد اميمة رح تاخد جزائها وربنا رح يورجينا فيها يوم

ماحكا ولا كلمة بقي يتطلع فيني وانا عم اتفرج عليه
كان عم يتوجع كتير
كان في شب واقف بحديه مابعرف مين هوا

عاملينله الدكاترة فتحة من ع الجنب للبول
بس شفت هيك قلبت معدتي وصرت بدي استفرغ

عبير. شايف يا محمود كيف الله اخدلي حق اخي بسهولة منك
تمنيتلك الموت بس بصراحة هيك افضل بكتير خليك عم تتعذب ولاتنسا انو هاد بس عذاب الدنيا وانتظر عذاب الاخرة

خالد. مين انتي مانك شايفة وضعه شو الي عم تحكيه يعني انتي جاية لتشمتي فيه

عبير. اي وبدي احكي معه لوحدنا

محمود. انتي اخته ل علي ليش جاية لهون شو بدك
عبير. اها معناها رفيقك بيعرف
انا اخي اليوم مات
وكان بيعرف انك عامل علاقة مع مرته وبتتقابل انت وياها وكان رح يطلقها بدون فضايح

بس الموت كان اقرب
بدي منك تساعدني انت اكيد معك صور لأميمة اعطيني ياهن حتى ما خبر اخوتها عنك

مابدي اعمل فيهن شي بس بدي هددها فيهن لتعطيني بنات اخي

ساعدني والا بخبر عنك

محمود. خالد خليها تروح من هون ماعندي شي ساعدها فيه

خالد. سمعتي بأدنك بظن انو مافي داعي لكتر الكلام فيكي تروحي ماشايفة حالته كيف

عبير. ساعدني بلكي الله بيتطلف فيك وبتخفف من ذنوبك
غمض عيونه وعمل حاله نام وماسمعني

طلعت وانا فاقدة الامل فتحت باب السيارة وطلعت فيها
قبل ماشغلها
اجا واحد واحد وفتح الباب التاني وطلع معي

عبير. انزيل شو بدك
خالد. بدنا نتناقش
عبير. بشو

خالد. كم بتدفعي تمن صور مرت اخوكي وهي عريانة
عبير. كم بدك
خالد. شايفة هاد الي نايم جوا ومارضي يسمعك
هوا السبب بمقتل اخوكي

عبير. شو كيف شو عم تحكي انت يا اما احكي بوضوح يا اما انزل من السيارة

خالد. السيارة حلوة وعجبتني بقبلها منك مقابل انو خبرك بسبب موت اخوكي

عبير. اخي مات بالقصف
خالد. اخوكي محمود ومرت اخوكي هني الي قتلوه واذا بدك تعرفي كيف وتاخدي الصور بتعطيني السيارة بالمقابل

عبير. ياربي دخيلك شو الي عم اسمعو ياربي مابقا قادرة اتحمل اكتر من هيك ياربي لاتصدمني اكتر
والله مافيني
انا ضعيفة كتير

خالد. شو قلتي يامدام
عبير. مافيني استغني عن سيارتي بدي ارجع فيها ع اللاذقية

خالد. هاد مو شغلي
ولا تنتظري مني اشفق عليكي بتعرفي الي جوا صاحبي وانا رح اغدر فيه كرمال المصاري بقا لا تبكي ولا تتبكبكي

عبير. الله لا يسامحكم
طيب بعطيك مصاري تاخد مليون

خالد. لا السيارة سعرا بهالأيام بتسوا 5 مليون
عبير. كيف بدي اعرف ازا كنت عم تكزب علي او لا
خالد. شو موافقة ولا حبيتي تسدئيني سدئي مابدك تسطفلي

عبير. موافقة
خالد. بتبيعي السيارة وبتعطيني حقا
مابدي يقولو بعدين اني سارقها

عبير. موافقة احكي خلصني
خالد. يلا نمشي نروح نبيعها
عبير. الله ينتقم منك

رحت انا وياه وبعنا السيارة طلعت ب 3 مليون ونص اخد التلاتة مليون وخلالي النص

عبير. يلا احكي

حكالا خالد كل القصة وكيف اتفقو اميمة ومحمود وقتلوه من خوفهم انهم ينفضحو

صارت تبكي وتبكي وتبكي
اخوها مات قتل وبسبب مرته
خافت منها كتير خافت ع بنات اخوها

بقيت ساعتين تفتل بالشوارع متل المجانين
ماقادرة اوصف شعورا كيف كان

عبير. علي ياعلي قتلوك يااخي قتلوك اولاد الحرام الي مابخافو الله قتلوك يابعد عمري ياربي ليش ما اخدتني قبل ما اسمع هالحكي يارررربي

رجعت ع البيت بسرعة خافت انو تكون عملت لبناتا شي لانو هددتها

دخلت ع الغرفة واتطمنت ع البنات وماعرفانة شو بدا تعمل
بقيت تبكي وقلبها محروق ع اخوها وبناته

عبير. الله ينتقم منك يا اميمة
خايفة اخبر اهلا وتعمل بالبنات شي
هي كمال تستر حالها وماتنفضح قتلت اخي ماصعبة عليها تقتل بناتها او بناتي
لا ياربي مستحيل في هيك بشر

لك قتلت اخي ولسا عم اسأل ازا في هيك بشر

كنت متشجعة كتير اني افضحا بالصور بس بعد ماعرفت كيف قتلت اخي خفت كتير
شو اعمل والحل
مستحيل اتركلا البنات

عنجد الي مابخاف من الله خاف منه

عبير. ازا رح ظل ابكي هيك مابيمشي الحال لاحقة ع البكي ولو بكيت عمري كلو مارح رجع علي
لازم فكر بحال البنات
وانا هلأ قاعدة عند الي قتلو اخي في خطر كتير ع حياتنا
لازم لاقي حدا يساعدني حتى اكشف الحقيقة وافضحهن
بس مافي حدا
طيب اتصل بزوجي مراد وخليه يجي ياخد البنات بدون مايحسو ع اللاذقية وانا بس خلص بلحقهم

لا ما زابطة في بنت صغيرة عمرا سنتين كيف رح يبلش فيا مراد
طيب شو اعمل شو اعمل فوق ما خسرت اخي هلأ قاعدة وماعرفانة شو اعمل

طيب علي مين اله صحاب مقربين
بقيت ساعة فكر وتزكرت سامر اي سامر رفيقه لعلي من الروح للروح

بحثت عنه ع الفيس ولقيت ايميله اخدت رقمه من الفيس
وكان ناشر صورة اله ولعلي مع بعض تلاشت كل الافكار الي براسي بس شفتا ورجعت للبكي

في غرفة اميمة

اميمة. انا هيك مكتوب عليي انو ظل معترة
شو وضعك يامحمود ياريت تكون بخير لو تفتح موبايلك بس لأتطمن عنك
لو تشوف يا محمود هي الحقيرة عبير كيف عم تهددني
لو انك بجنبي كنت لقيتلي حل لألها
اااه بس من حظي

عبير اتصلت بسامر
وقال الو سمعت صوتو كيف مخنوء حطيت ايدا ع تما وعم تبكي

سامر. مين
عبير. سامر انا عبير اخته ل علي

سكت مدة دقيقة يمكن معاد قدر يحكي وبعدا صار يحكي وهوي عم يتأتأوصوتو عم يرجف

سامر. اي عرفتك
عبير. انا بحاجة لمساعدتك
سامر. انتي بتأمري انتي من ريحة الغالي
عبير. اه يا سامر لو تعرف علي كيف مات ومين قتله

سامر. ماعم بفهم عليكي انتي وين باللاذقية
عبير. لا انا ببيت اهلا لأميمة عندك وقت تسمعني او قلك فيني شوفك الحكي الي بدي قلك ياه مابينحكا عالتلفون

سامر. طيب انا بجي لعندك
عبير. بس توصل انا بنزل لعندك بالسيارة بدون ماحدا يعرف يمكن الكل نايمين

سامر. ماشي بس شغلتي بالي البنات صايرلن شي
عبير. البنات بخير بس انت ماتتأخر الله يخليك

بعد عشر دقايق وصل ونزلت لعندو بعد ماتأكد انو الكل نايمين
طلعت بالسيارة
وسلمت ع سامر مانو عيونه حمر من كتر مابكيان

سامر. احكيلي شو فيه

حكيتله كلللل شي من وقت كانت عم بتخونو لحد اليوم

سامر. ماعم سدء الي عم بسمعه
لك كيف هيك انتي متأكدة من الحكي

عبير. والله متأكدة
سامر. ااااايه صح علي من فترة اجا لعندي ع المحل واعطاني رقم وقلي شوفله بأسم مين وطلع بأسم واحد اسمه محمود
معناها حكيك صحيح

عبير. اي قتلوه لأخي
سامر. والله لدفعهم التمن غالي
عبير. لا ماتعمل شي ازا انت حابب تساعدني وتوقف معي لازم تسمع مني

سامر. هي جريمة ليش لنسكت عنا
عبير. هلأ الي قتلت زوجا مابتفرق عندا ازا قتلتني انا او بناتي او بنات اخي او حتى انت
مجرد مايشعرو بالخطر مستعدين انهن يعملو ايا شي

سامر. شو الدنيا سايبه بدها تتحاسب
عبير. سامر لا تخليني اندم اني طلبت مساعدتك
انا بس بدي اخد البنات واتطمن عنهن انهن بخير

سامر. ازا عم تقولي انو الصور معك من شو خايفة
عبير. انت ماعم تفهم علي

سامر. احكي شو الي بدك نعملو
عبير. بنبعت صورة لأمية وبنهددا فيا وبنخليا تروح عالمكان الي بدنا ياه حابة اعرف منها كل شي بالتفصيل من اول ماخانته لعلي لحد هاللحظة بدي اعرف تفاصيل حياتهم اليومية

سامر. ليش مابدك تفضحيها
عبير. علي حاول قد مايقدر مايفضحا حتى يستر ع بناتو من السمعة الي رح تطلع عليهن
وهوا مات لهالسبب
مابدي انا افضحها من بعد مامات علي
شو رح استفيد اصلا
اذا راح الغالي لا اسف ع الرخيص
خلينا نفكر بالبنات ماكرمالنا كرمال علي الي سكت عنها مشان بناته

سامر. معك حق كب ماتاخدي البنات قدام عينهن ومارح يسترجو يحكو معك شي

عبير. اليوم بالتهديد وماقبلت تعطيني ياهن كيف بدون شي رح تقبل

سامر. انا بحكي مع اهلا
عبير. لا بكرا بنهددا بالصور وبنخليا تعترف كيف خططو ليقتلو علي وبنسجل اعترافها

سامر. متل مابدك وازا بتعتازي ايا شي انا بالخدمة
وقت شفتك هيك بصراحة اخدت القوة منك

عبير. ماتشوفني قوية هيك
هاد الضاهر الك بس من جوا والله عم ببكي دم ع فراق اخي بس هلأ بدي انقذ البنات لانو وقت سمعت حكي خالد وقت قلي انو محمود كان بدو يشغل امهن وياخدهن هنن كمال كنت رح موت من الخوف عليهن بس بما انك هلأ واقف جنبي مارح خاف

سامر. اكيد انا معك بكل خطوة ان شاء الله

يتبع...
الجزء التاسع
 
#قلوب_متحجرة

الجزء التاسع + الجزء العاشر الاخير

باليوم التاني طلعت من الغرفة غسلت للبنات ومشطتلهن شعرن
ونادوني ع الفطور ماكان الي نفس
بس طعميت البنات ورجعت ع الغرفة
اتصلت بسامر وقلتله انو انا رح ابعت صورة لأميمة من صورها من الرقم الي اعطاني ياه مبارح
وابعتلها العنوان الي بدنا ياها تروح عليه
واتفقنا انا وسامر انو انا بقا بالبيت وهوا يكون هنيك
لانو ازا ماشافتني بالبيت رح تعرف انو انا

بعد ساعة بعتلا الصورة والعنوان وكتبت معا صورك الي كانو مع محمود كلن صارو معي ازا ما اجيتي هلأ رح ابعت صورك لشباب المدينة كلا ورح انشرهن ع النت وابعتهم لأهلك
لاتخافي مارح اعملك شي من هون لنص ساعة ازا ماكنتي عندي رح انشر الصور ومارح اتردد ولا لحظة

بعد شوي انفتح باب الغرفة بقوة كانت اميمة ومن عيونها عم يطلع شرار
فكرتني ماموجودة بالبيت وانو انا ورا القصة

بس وقت شافتني متسطحة ع التخت والدمعة بعيني طلعت وماحكت شي

اميمة. لكن مين الي بعت الصورة وعم يهددني
شو الي عم بصير مستحيل تكون عبير لانو هدول الصور كانو بس مع محمود

معقول بس تصاوب حدا اخدن من موبايله
رح يصير مصيبة ازا بينتشرو الصور وقتا يا فضيحتي
حتى محمود وقتا مارح يقبل يتزوجني

بس كيف بدي اطلع من البيت واهلي موجودين

اتقصدت ورجي اهلي اني مخنوقة وعم ابكي

بيتنا كان طابق تاني والطابق الاول كمان النا واله برندا

اميمة. انا اختنقت اختنقت رح امشي شوي ع البرندا بلكي بخف

ام اميمة. يابنتي طولي بالك
ماشايفة الجو كيف بارد استهدي بالله واقعدي

اميمة. لك انتو ماحاسين فيني انا عم موووت
ام اميمة. سلامة قلبك خلص انزلي شوي وما تتأخري حتى ماتمرضي

طلعت من البيت اميمة وراحت ع المحل الي وصفتلا ياه بالرسالة الي هوا محل سامر وطلعت انا فورا وراها

اخدت تكسي ولحقتا كمان بتكسي

دخلت ع المحل وماكانت بتعرف انو لسامر
بس شافته عرفت
دخلت وراها وشافتني
اتطلعت فينا بنظرة استحقار

اميمة. طلعتي انتي
بس ماكنت بعرف انو حبيبك معك ومتأمرين علي

عبير. اخرسي وسكري تمك انا اشرف منك
ولا مفكرة كل الناس متلك

اميمة. انتي مابتفرقي عني بشي ليكك اعطيتي صورتي لسامر وخليتيه يبعتلي ياه
بقا انتي شو ؟

عبير. انا الي بعتت الصورة والرسالة

قرب منها سامر وهي خافت كتير
ماحست الا الكف ع وجها
قربت عليها وبلشت اضرب فيها
بس كانت تدافع عن حالها
وماسكتت

اميمة. والله لتدفعو التمن غالي والله اذا اهلي بشوفو الصور لقول انه في شي بيناتكم وانكم ع علاقة

اول ما اجت كانت خايفة بس انا ماقدرت اعمل شي اكتر من اني اضربا

سكر سامر باب المحل وجاب سكين وقرب منها وعمل حاله بده يدبحها
انا كنت منبها عليه انه مايعللها شي
ومابعيدة عنا انو تطلع علينا اشاعة

سامر. شو رأيك تموتي
اميمة. لو بدكم تقتلوني ماكنتو استنيتو لهلأ

سامر. شوفي اما بتحكي كيف اتفقتي مع محمود وشو الخطة الي صارت بينكم بالتفصيل وكيف علي كشفك
وليش قتلتيه
او والله والله بدبحك ومابسأل عنك

اميمة. بس هيك
سامر. احكي

عبير. احكي كل شي بالتفصيل بالزمان والمكان وايمتا كنتي تشوفيه وجبتيه على بيتك لما لا كللللل شي فاهمة

حكتلهم اميمة كل شي بدون خوف او تردد لانو عرفت انو مارح يعملولها شي حكت عن علاقتها بعلي كيف كانت وكيف صارت وشو الاسباب الي دفعتها تخونه وماخلت شي

عبير. كيف عرفتي انه علي كشفك
اميمة. شفت ورقة بجيبة بنطلونه مسجل فيها اسم محمود ورقمه
وهيك حكيت مع محمود وعرض علي انو نخبر عنه

عبير. وانتي فرحتي لما قلك محمود انو بده يلبسك ع القصير ماسألتي حالك ليش

يعني واحد متل محمود بيتعاون معك بس لانو بحبك

بتعرفي انو كان بده ياخدك ع الشام ويبيعك هنيك
وكان بده ياخد البنات معك ويربيهم ليكبرو ويصيرو متلك

وبتعرفي انه الله عاقبه واخد جزاءه بنفس اليوم الي مات فيه علي وليكو ملحوش بالمشفى وكل اعضاءه مقطعة ومابقا فينه يتزوجك لا انتي ولا غيرك

اميمة. بعرف انه متصاوب بس حكيك عنه مو صحيح
محمود بحبني اكتر من اخوكي وبموت علي
وقصة انو اعضاءه مقطعة ومابعرف شو

مابسدء الا لشوف

عبير. رح تعطيني البنات بدون ولا حرف والا كل صورك بتنتشر وبنحكي للعالم كيف قتلتي زوجك

اميمة. خدي الكبار وخليلي دلع لانو صغيرة مابتقدر تعيش بدوني
عبير. لصغيرة قبل لكبيرة

اميمة. لك انتي وسخة وانانية هدول بناتي ياكلبة

سامر. شو رأيك نخلص عليها
والله عم بحكي جد
عبير. نحنا بنخبر اهلا وهنن يسطفلو فيها
لاتوسخ ايديك فيها وتصير قاتل مشانها

فتح سامر المحل وطلعها بالسيارة ورحنا ع بيت اهلها

اميمة. لاتحكو لأهلي بابا بموت بس يعرف
عبير. ليش مافكرتي فيه قبل ماتعملي عملتك

اميمة. هي البنات ورح تاخديهن ليش لتخبروهم الله يلعنكم

وصلنا ع البيت وطلعنا وسامر معنا

دخل سامر عند اخوتها وهنن مافهمو شي فكروه بيقربني
وماحبو يسألوه ليش جاي او مين هوا

دخلت ع البنات لبستهن كلهن وطلعتهم ع الصالة
وناديت لأميمة
كانت عم ترجف من الخوف
بس كانت متوقعة اني ماخبر اهلها
لانو قلبي طيب وفورا بسامح

ابو اميمة. خير يا بنتي وين ليش لبستي البنات وين اخديتن

عبير. بدي ارجع ع اللاذقية وبدي اخد البنات معي

ابو اميمة اتطلع ب اميمة انو شو

اميمة. اي بابا عمتهن بدها تاخدهن معها
ابو اميمة. بس يابنتي البنات المفروض يبقو مع امهم مو هيك

عبير. شو يا امهم ؟
اميمة. انا مابدي البنات
بس اشتاقلهم عبير بتجيبهم حتى شوفهم

عبير. سمعت بأدنك
وهلأ رح اعطيكم شي لا تشوفوه الا بعد ماروح وقتا بتعرفو انو ليش اخدت البنات وانو ما بأمن عليهم مع بنتكم الي مافيها شرف

صلاح. شو الحكي هاد عبير
يعني متخانئة انتي واميمة

عبير. افتح لبلوتوث بموبايلك
صلاح. ليش
سامر. ابعتلهم الصور وتسجيل الصوت

اميمة. فشرتي تطبقي عليي شي يا كلبة

بعتهم سامر ومشنا نحنا والبنات

ابو اميمة. لك البنات اخدت بناتك مابدك تودعيهم

ساعدني سامر بحمل البنات
اتكلعت نظرة اخيرة ع وجه اخوها كانت عيونه بالموبايل ووجه احمر رح ينفجر

نزلنا بسرعة وطلعنا بسيارة سامر

عبير. غلبتك معي
سامر. انتي متل اختي وعلي اخي

عبير. شو رح يعملو فيها
سامر. ان شاء الله بيعملو فيها العجايب

عبير. ان شاء الله

شغل سامر السيارة لنمشي
بس قبل مانمشي شفنا اخوتها لتنين نازلين من الدرج بسرعة وحاملين ابوهم طلعو بالسيارة ومشو بسرعة كبيرة

نزلت وراهن اما وهي تشلخ بحالها وتنادي ابو صلاح

عبير. شو صار
سامر. يمكن اخدين ابوها ع المشفى
عبير. وهيي شو بكونو عملو فيها

سامر. مابظن عملو شي لانو ازا حكو قدام ابوهم بكون فورا اغمي عليه او صابه شي وليكهم نقلوه ع المشفى

عبير. اي معك حق
يلا خلينا نمشي قبل ما يشوفونا

سامر. اي يلا
عبير. بشو بدي روح ع اللاذقية سيارتي راحت
سامر. انا بوصلك

عبير. لا مابقبل
سامر. عم قلك انا بوصلك مابأمن عليكي غير هيك

عبير. طيب سيارة علي شو صار فيها
سامر. لساها موجودة ما صرلا شي
عبير. تمام لكن بروح فيها

سامر. لا انا رح وصلك
عبير. عنجد مافي داعي انا لازم اخد السيارة بتلزمني هنيك كتير
سامر. بس
عبير. بدون بس يلا خدني مكان ماموجودة
سامر. كان يصفها قريب من البيت الي انهدم

عبير. طيب بنروح لهنيك
سامر. انتي بلا ماتروحي انا بجبلك ياها مابدي ياكي تشوفي منظر البيت

عبير. لا حابة شوفه
سامر. ع راحتك

قبل مانوصل بشوي قلت لسامر يوقف السيارة مابدي روح

سامر. خلص هيا قريبة كتير من هون انتو خليكم بالسيارة وانا رح جيبها دقيقتين مابطول

ماتجرأت شوف البيت حتى مايبقا بذاكرتي طول العمر والبنات كانو معي مابدي ياهم يزعلو

رجع سامر بالسيارة
نزلت البنات وطلعت بسيارة علي الله يرحمه
اول ماطلعت فيها شميت فيها ريحته تذكرت اخي وعمري وعيوني يا الله شو صعب فقدان الاخ
دمعو عيون وحبست الدمعة

سامر. انتي منيحة
عبير. منيحة ماتخاف
انا لازم امشي وبتشكرك من كل قلبي ع وقفتك معي مارح انسالك ياها

سامر. مالازم اتركك تروحي لحالك بس انتي عنيدة
عبير. ماتخاف عليي

سامر. بتعرفي كتير ندمان تنو ماسلمناها لشي جهة ويحاسبوها
هي مجرمة

عبير. ونسيت البنات انا بدي السترة الهن
وحتى اهلها اكيد مارح يفضحو حالهم ورح يتسترو عليها
ولا تنسى يا سامر انو الله كبير

سامر. اي والله .. الله كبير

قرب من البنات وبوسهم كان الحزن معبي عيون الكل

سامر. سلمى
سلمى. نعم عمو
سامر. رح تبقي محافظة ع قراءة القرءان ماشي
وبتنتبهي ع اخواتك الصغار
ولا تنسو بابا لانه بحبكم كتير

سلمى. ونحنا بنحبو لبابا عمتي قالت انو راح ع الجنة

انفجرت بالبكي وماقدرت اتحمل
حتى سامر نزلو دموعه

سامر. الله معكم رح اتصل كل شوي واتطمن عنكم

عبير. انتبه ع حالك يلا السلام عليكم
سامر. الله معك مع السلامة
الله يحميكم

مشينا ورغم كل الحزن الي كان فيني بس عندي امل كبير امل انو ربي البنات ترباية حسنة وع مخافة ربنا
مابدي الي صار مع امهم يأثر عليهم

وصلت ع اللاذقية وطبعا كنت مخبرة زوجي انه اخي مات وانه رح جيب البنات معي بس ماحكيتلو شو عملت امهن بأبوهن
لانو زوجي ماكتير منيح واذا عرف بعملة امهن رح يصير يتمقطع فيهن

اتصلت ع سامر وخبرتو انو وصلنا
وخبرني بأنو راح ع المشفى عند اخوتها لأميمة وخبرني انه صابته جلطة وهوا بالمشفى

وانه اخوتها طلبو منه مايحكي شي لحدا حتى ماينفضحو
سألهم سامر شو عملو فيها
قبل مايجاوبو
طلعت اميمة مع ممرضة من الغرفة وكان وجها ازرق من كتر الضرب والدم سايل من وجها وعيونا منفخين
كان باين عليها انها شيطانة

يمكن اخوتها اكتفو بهاد الشي
لانو لو انفضحو ماكان حدا رح يزوجهم بناتهم

جهزت غرفة لبنات اخي وبناتي مع بعض حتى مايحسو بالوحدة
والصغيرة حطيتلها سرسر بغرفتي حتى انتبه عليها

زوجي مراد بس شاف سيارة علي سألني عن سيارتي قلتلو انو بدلتا بهي لانو ذكرى من اخي

عصب وزعل لتنو سيارتي كانت اغلا

دائما هيك مابحس فيني ماعنده مشاعر ومابيفهم ومابحبني ولا بحبو
حتى بناته مابحبهن
ومصاريه بياخدهن اله ومصاري شغلي بصرف فيهن ع نفسي وع بناتي

بس رغم هيك ماخنته ماخنته ومستحيل فكر خونه

بعد مرور شهر
البنات تقبلو العيشة ببيتي
وبلشنا ننسى
طبعا ماقصدي ننسا علي
لا علي رح يبقا بقلبي وقلب كل شخص بحبه
بس قصدي ننسى الحزن والالم
واتأقلمنا مع الحياة

وقت العصر
عبير. سلمى عمتي انا بدي روح مشوار ضروري انتبهي ع البنات وخليتلك موبايل بالبيت ازا صار معكم شي اتصلي فيني فورا

سلمى. حاضر
عبير. اكيد يا سلمى بتنتهي عليهن
سلمى. اي اكيد
عبير. لا تفتحو الباب لحدا مين ماكان
انا مابطول

ماكنت حابة اطلع من البيت واتركهم لوحدهم بس اتصلت فيني اخت زوجي وكانت بدها تولد اجاها الطلق وبدها ياني وديها ع المشفى ماكان في حدا معه سيارة غيرانا خجلت قلا لا
قلت بوصلها وبرجع بسرعة
هي اول مره بطلع وبترك البنات لوحدن

ودائما عيني بتكون عليهن بالاخص سلمى لانو اكبر شي فيهن بخاف عليها

مراد زوجي طلع الصبح ع شغله هو شغيل باطون ومابيرجع غير بعد المغرب

بس من سوء حظي بعد ما طلعت انا رجع مراد ع البيت لانو مخلص شغل بكير
فتح الباب بالمفتاح ودخل

سأل عني وقالوله البنات اني طلعت
شغل المي السخنة حتى يتحمم وراح ع المطبخ ونادا لسلمى

سلمى. نعم عمو
مراد. ياعيني ما احلا بلوزتك مين جبلك ياها هي

سلمى. عمتي جابتها وجابت لكل اخواتي
مراد. طيب اشلحيها خليني شوف شو في تحتا

يتبع الجزء العاشر الاخير

سلمى. لأ عيب
مراد. ليش عيب انا متل ابوكي لا تستحي مني
سلمى. ماما قالتلنا ازا حدا حكانا هيك حكي مانرد عليه لانو عيب

مراد. ماما لكن
بس شاطرة ماما تجيبكم وتلزفكم بوجهي خمس وعندي تنتين بتكمل معي
قوليلها لماما مراد بدو مقابل تربايته لبناتك
يلا اشلحيها شطورة لا تخافي مني

سلمى. مابدي

تركته وهربت ع الغرفة لعند اخواتها
لحقها مراد

مراد. اسمعي ولك والله اذا بتقولي لعمتك غير ادبحك بموتك وهيا كمان بتدبحك بس تعرف
انسي كل شي مو

سلمى. اي مارح قوللها

في المشفى

عبير. لا تأخزوني انا لازم روح البنات لوحدن بالبيت وبخاف عليهن

طلعت بسيارتي ورجعت ع الببت
فتحت الباب ودخلت
بس شافتني سلمى ركدت علي
عبير. مراد انت ليش هون
مراد. بدك اخد ازن حتى ادخل ع بيتي
خلصت شغل بكير ورجعت

عبير. ليش ما اتصلت فيني
مراد. هلأ طلعت من الحمال لسا ما تنفست

صارت تبكي سلمى

اتطلع فيها مراد وجحرها

عبير. سلمى شو فيكي حبيبتي ليش تبكي

سلمى. عمو مراد قلي انو اشلح تيابي وقلي انو انتي بدك تدبحيني وانا مارديت عليه

مشيت لعند مراد وانا عم اضرب ع وجهي من الحكي الي سمعتو

صرت امشي بأتجاهه وهوا يرجع لورا

عبير. شو عملت بالبنت يا ابن الحرام
شو عملت بالبنت ياخنزير

مراد. طولي بالك رادة عليها هي بنت صغيرة ماعرفانة شو عم تحكي

عبير. لك شووووووو عملت بالبنت الله لا يوفقك الله لا يوفقك
الله ينتقم منك
لك ااااااحكي يا كلب احكي يا خنزير

مراد. ايه خلص بقا كنت عم اختبرها قلتلها اشلحي وماشلحت طلعت شطورة

عبير. ع مين عم تضحك يا حشرة يا كلب شايفني صغيرة لتتضحك علي

الله ينتقم منك يا ابن الحرام

ان شاء الله بشوف فيك يوم

تركني وطلع من البيت

صرت ابكي

عبير. ياربي مابقي مصيبة الا ومانزلت ع راسي ياررربي ياربي شو عاملة انا ياربي حتى اتعذب هيك
لك وين بروح بحالي
وين بروح بحالــــــــــي
الهي ينتقم منك يا اميمة

يارب كون بعوني يارب

رحت لعند سلمى وبلشت حقق معها وخليتا تحكيلي كل كلمة وكل حرف قالن
بس الحمدلله طلع ما عاملة شي للبنت

يمكن الشغلة الوحيدة المنيحة الي عملتة اميمة انو منبها البنات ازا حدا حاولن يعمل معهن شي يحكن ومايخافن حتى لو هددهن

ورحت لعند بناتي وصرت اسألن ازا بابا كان يعمل معن شي او يقرب عليهن
بس كشفته قبل ماتوقع الفاس بالراس

بقي زوجي الكلب برات البيت للمسا
وطول الوقت هاد وانا فكر لقيت انو مستحيل نبقا ببيت واحد هدول بنات وامانة برقبتي واخدتن من امن لحافظ عليهن

فكرت كتير وقليل لقيت انو احسن شي اتطلق من مراد الوسخ واطلع ع تركيا انا والبنات

بس اجا فتحت معه الموضوع

عبير. طلقني
مراد. هه بدل ماطلقك رجعي البنات وخلصنا
عبير. حتى بناتي معد امن عليهن معك
اسألك بالله يا مراد كنت تعمل مع بناتنا شي

مراد. لك لا تخبصي الظاهر انو مابقي فيكي عقل بنوب

عبير. بناتك مابتسخا فيهن بس بنات اخي عادي

مراد. لا تخليني انفتح فيكي
عبير. والك عين تحكي كمان
بتعرف انو اذا خبرت اخوتك معاد يأمنو يدخلوك ع بيوتهن ورح يخافو ع بناتهن منك ورح يستحقروك ويبزقو بوجهك ياحشرة

مراد. والله لسانك بقصو اذا حكيتي شي
عبير. طب طلقني طلقتي وباخد البنات وبروح من وجهك
مراد. فشرتي

مرقو يومين وانا حاول اقنع مراد يطلقني
انا فيني اهرب بالبنات بدون مايعرف وين انا بس مابدي يرجع يلاحقني
بدي ارتاح منه ع الخالص

عبير. مراد اسمعني اسمعني
مراد. طلاق مابطلق
عبير. طيب ليش متمسك فيني يا اخي روح تزوج البنت الي بتحبك وبتحبا وانا خلني ربي البنات ع كيفي شو بدك مني

كان في بنت بتحبه من قرايبه وبتموت عليه وهوا بحبها وكان يلفي عليها هي من نفس فصيلته كلبة وحقيرة

مراد. مابدي اتزوج مبسوط بعيشتي هيك
عبير. مراد انا لحد هلأ ساكتة عن الي عملتو والله مابرحمك ها

مراد. طيب شو بتعطيني ازا طلقتك
عبير. نعم نعم
شو بدك اعطيك انا عم قلك طلقني مابدي منك لا لا مأخر ولا نفقة ع البنات
وعم قلك روح تزوج الحقيرة سوسن شو بدك اكتر من هيك

مراد. بدي تسجلي البيت بأسمي
عبير. موافقة
مراد. بهالسهولة
عبير. لك لأني قرفت من هالعيشة لك كرهت حياتي لا بدي لا بيوت ولا مصاري ولا شي بس بدي ارتاح
والبيت رح اتنازلك عنه بس مارح سامحك طول عمري

مراد. واذا طلقتك وين بدك تروحي
عبير. بدي روح ع حلب واسكن هنيك
مراد. البنات باخدهن اسبوع كل شهر
عبير. موافقة اصلا بس تتزوج رح تنسا انو عندك بنات

مراد. وانا موافق بس مابتفتحي تمك بكلمة عن بنت اخوكي
عبير. ماشي يلا طلقني
مراد. لاااااا بتتنازلي عن البيت وبطلقك

صرت شوف كل الناس وحوش كرهت حياتي كرهت عمري كل الناس عم تستغلني بس معليش
في الله

وافقت سجلو البيت بأسمه مع انه البيت من حقي اشترالي ياه بابا لانو كنا ساكنين بالاجارات اول ماتزوجنا
بس وافقت لاني اخدت قرار ما ارجع ع سوريا طول عمري
لان اغلب الناس الي بقيو بسوريا وحوش مو بشر
الا من رحم ربي

وين مابروح استغلال كل شي بيمشي بس بالمصاري
انا قلتله انو بدي اسكن بحلب بس مارح ابقا فيها ولا يوم فورا رح اطلع ع تركيا

تاني يوم رحت انا وياه وسجلتله البيت بأسمه
وبس رجعنا

مراد. هيك تمام هلأ بطلقك بس المليون ونص الي معك
هدول بدك تاخديهم الك لحالك

عبير. شو رأيك اعطيك ياهن كمان
ومين بدو يصرف ع بناتك نروح نشحد يعني ؟

مراد. خلص مابدي منن
عبير. كتر خيرك والله عنجد انك اب حنون
مراد. تمسخري لقلك

عبير. طلقني يلا
مراد. انت طالق

حكا الكلمة بكل سهولة باعني وباع عشرة العمر بمجرد ماسمحتله انه يتزوج سوسن
الي بتحبو
بس خليه يتزوجها بتستاهلو
مابتعرف انو كلب وحقير و وسخ
ان شاء الله بمرمرلها عيشتها
كانت منكدة علي حياتي تبعتله رسائل وصور حب وغزل وعشق
بس منيح لولاها اليوم ماكان طلقني

لميت الاغراض الي لازميني من البيت وحاولت ما اخد كتير

ودع مراد بناته وحطينا الشناتي بالسيارة ومشينا بطريق جديد الله اعلم كيف رح يكون
حياة تانية مابنعرف فيها شي
مشوار طويل انا والبنات
تربايتهن وتعليمهن
وكتيررر شغلات
كيف رح كون ام ل 7 بنات ولوحدي يارب تحمل معي
يارب انت اخترلي هالطريق يارب يكون فيه خير النا

يا الله شو مرق ع راسي مصايب من وين كنت رح لاقيها ولا من وين
توكلت ع الله وخليت كل ثقتي فيه واستودعته كل البنات

وانا ع الطريق حكيت مع سامر وقلتله اني بدي اطلع ع تركيا اليوم ضروري
وانو بدي يساعدني

بس وصلت ع حلب لقاني وحكيتله كل شي صار معي
وحاول يقنعني انه ابقا بحلب وانو بينتبه علي بس انا ما وافقت لاني كرهت كل شي اسمو سوريا
يمكن الغربة تكون افضل بكتير
وتكون رحنة الي من رب العالمين

طالعني سامر ع تركيا وطلع معي رحنا ع مرسين واستأجرنا شقة مفروشة وامنلي كل شي ورجع ع سوريا
وخبرتو مايقول لحدا انو انا بتركيا

ومن هون ابتدا المشوار

بعد اسبوع من وجودي بتركيا اكتشفت اني حامل فرحت كتير ومازعلت وقلت ياااارب يكون صبي

مرق شهر حتى اتأقلمنا وسجلت البنات بالمدارس
بعد هالشي خفت يخلصو المصاري الي معي اجار الشقة غالي وماعم بشتغل

انتقلت ع بيت عادي وفرشته من احلى مايكون
وارتحت فيه كتير فيه مكان يلعبو فيه البنات مو متل الشقة
وتعرفت ع جارات يا الله ما اطيبهن حكيتلهن قصتي وحبيتهن وحبوني وبقيو يجو لعندي كل يوم يتطمنو علي
طبعا ما امنتلهن بسهولة بس يشهد الله مافي منن وقفو معي بكل كبيرة وصغيرة

وحكولي مع ناس وامنولي اجار البيت مادفعت الا شهر واحد
ومواد البيت والمونة وكل شي صار يجي لعندي ع البيت بكثرة الحمدلله

ومابعتاز انو اشتري غرض واحد والمليون ونص لساهن معي متل ماهنن
يمكن ربي عم يرزقني بحسنة البنات

وكوني انا مدرسة لغة عربية صرت اعطي دروس خصوصي عندي بالبيت

راحت الايام واجت الايام وصار موعد ولادتي وماشفت قبل هيك شو رح يجيني بنت ولا صبي كنت حابة انو تكون مفاجئة

اخدوني جاراتي ع المشفى وولدت وجبت صبي متل القمر سميته علي ع اسم خاله
وقت الولدة جاراتي ماتركوني ولا لحظة كانو بالدور يجو لعندي وبالليل ينامو عندي وينتبهو ع البنات

صارت حياتي حلوة كتير وماناقصني شي عندي 3 خوات هنن جاراتي
و 7 بنات و ولد
والحمدلله رب العالمين

ومشيت حياتي هيك....

طبعة بالفترة الي راحت خليت الواتس ع رقمي السوري
الكل عرفو انو انا بتركيا مراد وسمر واهلا لأميمة
بس ماعطيتهم رقمي تبع الاتصال فقط بحكي معهم كل شهر مرة ع الواتس

مراد تزوج من سوسن حبيبته ومعد سأل عن بناته
بس بيطلب صور الهن كل شهر
وياحزركن اميمة شو صار فيها

اميمة اجاها عريس عمرو بالاربعين وتزوجته
وهلأ عايشة معه

سمر اختها بتتواصل معي لتاخد صور البنات
وحكتلي عن حال اميمة بس نا بتهمني

وقالتلي انو مرة سمر بعتتلها لاميمة ع الواتس صور بناتها الي انا بعتلها ياهن
وشافهن زوجها

ف قالتلها اميمة لابقا تبعتي صور للبنات لانو احمد شافهم وزعل
انا بس اجي بشوفهم عندك وخلصنا
احمد هو زوجها ومبين انه ع شكلها

سامر المسكين بيته راح بالقصف
قلتله يسكن ببيت علي القديم
لانو اكتر انسان ساعدني ووقف معي وبيستاهل اني ردله جزء بسيط من معروفه

بنات اخي كبرو وسلمى حفظت جزئين قرءان غير الاولانيات

ودلع متعلقة فيني كتير ومابتناديني غير ماما ال لانها بتحبني
مرحة كتير هي البنت رغم صغر سنها

اميمة لسا ماتحاسبت بالدنيا يمكن ربنا مخبيلها ياها للأخرة
وهلأ عايشة حياتها ومبسوطة وكل لبسها ع الموضة

انا مامفكرة بالرجعة ع سوريا ابدا لانو ماشفت منها الا الألم

( علي ) اخي الغالي حبيبي وعمري كنت نور عيوني كنت شمعة منورة حياتي
هلأ فيني قلك يا اخي اني صرت قويةةةة كتير
من بعد الي شفته بحياتي
تعزبت كتير من بعدك ياعمري اشتقتلك اشتقت لصوتك وضحكتك وحنيتك بس خسرتك خسرت الامان وخسرت الحب والحنان
الله لا يسامح الي قتلوك وحرمو بناتك منك
انا مانسيتك ولا لحظة ابدا انسااااااااااااااااااك

( النهاية ) القصة اثرت فيني كتير بصراحة ... خلص الحكي

انا عبير اخته لعلي رجعت ذاكرتي كتير لورا وجمعت التفاصيل الكبيرة والصغيرة وطلعت الذكريات الي كلا وجع
ووصفتو لأخي علي بدقة كبير كان انسان حنون وطيب ومسالم وهادي جدا بحب الخير للكل مااساء بحياتو لحدا

مريت بأيام كتير صعبة مرقو علي ليالي عيوني ماشافو النوم تحملت وصبرت وبالأخر ارتحت ومابعد الضيق الا الفرج
 
الوسوم
قلوب متحجرة
عودة
أعلى