حباقة

  • تاريخ البدء

صفا النعمان

الادارة
طاقم الإدارة
#الجزء_الاول

الصداقة.......اصدق شي ممكن يخلق بين شخصين
و الحب!شبح بيعتدي على عقول وقلوب الناس وبيعذبهن
بس بطريقة حلوة...بطريقة ممتعة
بس.........كيف اذا اجتمع الحب و الصداقة بقلبين
ياترى كيف بتكون النهاية

#حباقة

الجزء الاول

(كنت عم اتفتل بحديقة الجامعة...وضايعة ماعم اعرف مكان المكتبة....و لاني سنة اولى خجلت اسأل حدا
وماعندي رفقات....سألت بنت عن مكان المكتبة و طلبت منها ترسملي خريطة للمكان كرمال احفظ الموقع منيح
هالبنت كانت كتير لطيفة و ما انزعجت من طلبي بالعكس
اخدت الخريطة ومشيت حسب الاتجاهات
ولاني ماشية مو مركزة بشي حواليي الا بالخريطة...فجأة حسيت حالي خبطت بشي صلب...اختل توازني ورفعت نظري لشوف بشو خبطت و طلع شب طويل واقف ادامي)

امير:عفوا صرلك شي يا انسة

جوى:(بعصبية)مو شايف ادامك؟!...رح تروحني على طولي انت!...مو معقول ابدا مو معقول

امير(طلعت برفيقي و ابتسمت)طيب معلش حقك عليي ماانتبهت

جوى:(تأففت و بعدت عنو وانا عم رتب تيابي)....طيب خلص حصل خير...خليني امشي بعد اذنك

امير:بتحبي ساعدك؟!

جوى(طلعت فيه بحيرة...مع انو انا يلي خبطت فيه وهو يلي اعتذر)...بدييي...بدي روح عالمكتبة...في بنت رسمتلي خريطة للمكان و انا تهت و ماعرفت امشي فيك تساعدني؟!

امير:طيب عطيني الخريطة خليني شوف

جوى(لما ناولتو الخريطة طلع فيني وبالخريطة و فرط ضحك هو ورفيقو)

امير:هههههههههه......معلش معلش انا اسف

جوى(زورتو)خير...شو اللي بيضحك!

امير:هي الخريطة غلط بغلط...يظهر البنت عملت فيكي مقلب

جوى:مقلب!...لك يقطع عمرها والحل شو بدي اعمل

امير:مابعرف سألي الا ما حدا يدلك

جوى:عنجد!(رفعت حاجبي و هزيت برجلي)

امير:(رفعت كتافي لجاكرها)والله....يلا سلام ياا.....شو اسمك

جوى:مادخلك!

امير:سلام يا مادخلك
(ومشيت انا ومصعب ونحنا فارطين ضحك على هالبنت واضح انها سنة اولى وضايعة بالجامعة)

جوى(لنفسها)لك يقطع عمرك بدال ماتساعدني...ايه رح كمل طريقي بلكي بلاقي هالمكتبة...اووف
(بقيت اكتر من ساعة حتى لقيت المكتبة تقريبا كان اخر الدوام و مالحقت احضر شي...طلعت من الجامعة و وقفت انطر تكسي او باص لروح عالبيت و اذ بشوف نفس الشب يلي اضحك عليي الصبح...تجاهلتو و عملت حالي ماشفتو)

امير:مصعب..شوف مو هي البنت يلي اسما مادخلك

مصعب:ههههه امشي امشي شوبدك فيها

امير:لا روح انت انا بدي كمل غلاظة عليها

مصعب:ايه....بس حلوة ها...(غمزني)لقطة

امير:اي روح روح بلا غلاظة

كنت واقفة عجنب و ماكان يجي باص ولا تكسي والدنيا رح تعتم كمان شوي..توترت...وشفت هداك الشب ماشي باتجاهي

امير:مرحبا

جوى(بنشافة)اهلين

امير:ناطرة حدا؟!

جوى:(رفعت حاجبي و زميت تمي باستغراب)شو دخلك انت عكل حال

امير:(ابتسم)مادخلني انا عكل حال..ليكي انا اسف لاني ضحكت عليكي الصبح ولاني ماساعدتك لتوصلي عالمكتبة

جوى:عادي...عرفت اوصل لحالي

امير:تمام...انا كان قصدي انك تعتمدي على حالك و ماتطلبي من حدا مساعدة لان الجامعة كبيرة وفيها اشكال الوان والطالح اكتر من الصالح

جوى(طلعت فيه باستغراب)شو درس اخلاق مثلا؟!

امير:احم....كترت حكي يمكن...طيب خلينا نرجع نتعرف على بعض..انا امير سنة خامسة طب بشري و انتي

جوى:مادخلك...سلام يااا امير

امير:لك ستني خليني وصلك

جوى:مابدي...يلا باي

امير:باي يااا مادخلك

جوى:(برمت ضهري و مشيت ويادوب قدرت امسك الضحكة...معقول هالشب اديش ظريف)

امير(لنفسه)صعبة!....مافي احلا من البنت الصعبة...بس موعليي رح تصعبي رح فك احجيتك بكل سهولة يااا...ههه مادخلك

/تاني يوم بالجامعة كنت قاعد انا ومصعب والشلة بحديقة الجامعة..عم نحكي ونضحك لما شفت البنت يلي اسمها مادخلك داخلة من باب الجامعة..شفتا رايحة عمقهى الجامعة قمت ولحقتها ولما قعدا عطاولة قعدت مقابيلها بدون استئذان كانت عم تقرأ برواية بحبا كتير فتحت حديث فورا بدون مقدمات/

امير:شو اسم هالرواية بالله

جوى(طلعت فيه باستغراب...غمضت عيوني لاكتم غيظي منو)...مادخلك

امير:حلوة مو هيك رواية مادخلك...سبحان الله نفس اسمك

جوى(ماقدرت اكتم ضحكتي على نكتو)هههههههه

امير:هههههه...لك طلع عندك سنان...بتعرفي فكرتك مابتضحكي لان ماعندك سنان وبتخجلي فيهن

جوى:لا والله!...كانك بتنجلق فورا؟!

امير:يا اختي انا زلمة فريش...بحب الضحك والمزح والبساطة..مابحب شوفة الحال و هي الروزة والهيبة...عادي كلنا بشر صحيح اني امير بس بحب اختلط بعامة الشعب

جوى:(رفعت حاجبي)عامة الشعب!...ههههههه

امير:اي عامة الشعب....هلأ مابدك تقولي اسمك؟

جوى:ليش مصر تعرف

امير:فضول والله

جوى:اممم..ايه مادخلك

امير:مين سماكي مادخلك؟ابوكي كأن...الله يخليلك ياه

جوى:شكرا...بالاذن عندي محاضرة

امير:بتعرفي القاعة ولا دلك

جوى:مادخلك

امير:بسيطة يا مادخلك مع انك ماعزمتيني على شي بس بسيطة بطالعلك ياها

جوى:(حملت كتبي ومشيت)سلاااام

امير:الا مايجي يوم و اعرف اسمك طولي بالك عليي

جوى:(حضرت اول محاضرة الي و انا ذهني مشتت...هاد امير
شغل بالي ليش كل هالاصرار على انو يعرف اسمي مابعرف..........مرق اول اسبوع الي بالجامعة وماتعرفت على حدا...لحد ماكنت اعدة لوحدي على كرسي و عم اقرأ بروايتي نبض

أمير:رح افترض انو اسمك نبض ماشي؟

جوى:انت محترف بعدم الاستئذان!!

امير:يا نبض عادي شبكي...خليكي ريلاكس

جوى:اولا انا مو اسمي نبض وتانيا مالي معصبة

امير:طيب اسمك شو!

جوى:اذا قلتلك شو بستفيد!(حكيت وانا عيوني بالكتاب)

امير:نكون اصدقاء؟!شو رأيك

جوى:امممم....طيب موافقة بما اني لسا ماتعرفت عحدا هون

امير:(باستغراب)يعني صداقة مؤقتة بينما تتعرفي على حدا؟!

جوى:لا مو مؤقتة اذا عجبني بكمل

امير:طيب انا موافق ياستي هاتي قولي اسمك

جوى:لك بدي افهم ليش مصر تعرف

امير(عصبتني لانها ماعم تقبل تعطيني اسمها وقررت مابقا بدي اعرف)..خلص انسي..سلام

جوى:لك امير...وين رحت تعال لهون

(لوحلي بايدو وهو ماشي بدون مايلتفت وكمل مشي وانا تنهدت وزعلت اني ضيعت عحالي فرصة نكون اصدقاء)

(امير:زعجتني هالبنت انو انا امير يلي نص بنات الجامعة متمنيين نظرة او كلمة مني تجي وحدة متل هي تتقل عليي وماتقبل تحكيني...كملت نهاري و انا مزعوج ولما اجيت لاطلع من الجامعة كنت عم افتح باب السيارة وقت فاجئني صوتها ورايي)

جوى:جوى...اسمي جوى

امير(التفتت لعندها)وشو يعني

جوى:عم قلك انو اسمي جوى

امير(استندت عالسيارة و كتفت ايديي)هيك لكن...اسمك جنى

جوى:لك لا مو جنى...جوى اسمي

امير:(حسيت هالاسم لمس روحي)جوى!...بتعرفي شو معنى اسمك؟

جوى:اممم لا مابعرف انت بتعرف

امير:بعرف بس مارح قلك...زكريني قلك شي يوم

جوى:يعني اصدقاء؟!

امير(مديت ايدي لصافحها)اكيد اصدقاء...صديقتي جوى

جوى:(استغربت بيني وبين نفسي انو بدو يصافحني بس ماكان بدي يبطل نصير اصدقاء لهيك صافحتو وابتسمت)..صديقي امير

امير:بتحبي وصلك؟

جوى:لامابدي عزبك

امير:ليكي من اولها انا مابحب العند..لاتعاندي انتي صبية والوقت تأخر انا واجبي كصديق وصلك لهيك طلعي معي احسنلك

جوى:(ماكنت بقدر اوثق فيه من اول مرة وماقبلت اطلع معو)..لاخلص رح روح لحالي اصلا البيت قريب

امير(تنهدت بعصبية)اوووف...متل مابدك سلام
(طلعت بالسيارة وخبطت الباب ومشيت بسرعة)

جوى(لنفسها):ليش نزعج..والله عادي يعني مو معقول اقبل اركب معو بالسيارة ولسا مابعرفو يوه...خليه ينزعج عادي المهم سمعتي بكرا بشوفو ومنحكي

//ببيت جوى//
ام ادهم:شو جوى طولتي اليوم

جوى:مالقيت باصات امي(رميت الشنتة عالصوفاية وقعدت)

ام ادهم:يلا لكن ارتاحي شوي و عندك كم باقة بقدونس بدك تفرميهن المسا بدو ياخد عمك التواصي ويعطيهن لصحابهن

جوى:اووووف امي والله تعبت و مليت وداق خلقي

ام ادهم:خلصنا بقا لاتبلشي....سكتي اجا عمك..اهلين تؤبرني

ابو علي:اهلين سميحة...شلونك عمي

جوى:اهلين عمي...انا فايتة اكل..(كان عمي زوج امي رجل لايطاق...اسمر و ملامحو فظة و دمو تقيل...امي قبل ماتتزوجو كانت تاخد من عندو خضرة تجهزها للناس شي تقطيع و شي حفر و شي تنضيف وتاخدو لصحابو...وقت ابو علي شاف امي عم تتردد كتير لعندو
صار ينزلا بالسعر ويجاملها بالحكي..حتى اخر شي عرض عليها الزواج وقبلت لتسترنا من حكي الناس...ولما تزوجها صار هو يشغلنا بزيادة بالخضرة و يجيب زباين اكتر...يعني استغل امي....لتجبلو مصاري و ليقضي شهواتو معها...بيجي بالليل متل الدابة وبيروح بالنهار عند مرتو وولادو وهيك عم قضي حياتي...دراستي بالليل بوقت نوم الكل و بالنهار مابين شغل البيت و الخضرة والجامعة)

ام ادهم:(اجت عالمطبخ وقت كنت عم اكل)يلا ياجوى بلشي فرم هالبقدونس عمك بدو ياخدهن قبل مايمشي!

جوى:اي امي حاضر دقيقتين لخلص اكل
(شفت عمي جاية عالمطبخ)

ابوعلي:بسرعة الله يرضا عليكي...تعالي سميحة عاوزك بكلمتين بغرفتنا

ام ادهم:اي تؤبرني سبقني لاحقتك

ابو علي(حكا وهو عم يطلع فيني نظرات غريبة)لاتطولي

ام ادهم:خفيها لك امي بلا مايعصب

جوى:اي ولي علينا حتى الاكل مابيتهنا الواحد بهالبيت...بعدين في مجال لاتقولي لجوزك تؤبرني و تكفني ادامنا انا و اختي..خلي رومانسيتك لغرفة النوم..وروحي بلا مايستفقدك بسرعة

ام ادهم:انتي صاير بدك ترباية ها

جوى:هههه متل مابدك يا روح...يلا يلا لتتأخري
(مابنكر انو علاقتي بأمي انتزعت بعد ماتزوجت ابو علي الخضري...ماكنت متصورة انو رح يجي حدا ياخد مكان ابي بيناتنا و امي بدون خجل عم تقلو تؤبرني ادامنا
كنت اقرف منهن وقت يكونو سوا...او وقت شوف عمي نايم بتخت ابي و اخد مكانو بسفرتنا كرهت امي و كرهت زوجها كرمال هيك ماكان في مهرب الا الدراسة ليل ونهار كرمال اهرب من هالجو المقرف..و بشطارتي وتعبي حسنت ادخل طب بشري ومجرد ما اتخرج رح اترك هالبيت واخد اختي جنى معي....اختي احلا شي بحياتي..صديقتي ورفيقتي و سندي..خاصة اني فاشلة بتكوين الصداقات ومابحب اتقرب من حدا...جنى هيه ملجأي بهالحياة لما يضيق فيني الكون...صح هيه اصغر مني ب4سنين بس بحس عقلها كبير و عندها استيعاب ومرونة اكتر مني...والدليل انو علاقتها
لا بأس فيها مع عمي ابو علي...هو بيحبها و بيدللها..على عكسي انا....يمكن لاني بشبه ابي..بالشكل وبالمضمون
بلون شعري الاسود الغامق..وبشرتي البيضا و عيوني الزرق..وملامحي الحادة والجريئة...كنت نسخة مصغرة عن ابي...وعكس جنى يلي امتلكت النعومة بملامحها يلي مايلة للجمال الاوروبي..بالبشرة والشعر الفاتحين و العيون الخضر و حتى تكوين جسمها ناعم...جنى و جوى
اسماء اختارها ابي يلي صورتو معلقة بسلسة برقبتي وعندي ياها اغلى من روحي)

جنى:هاي جوى

جوى(باستهزاء)هااااي

جنى:شبكي من شو مزعوجة

جوى:من هاد الطبل يلي جوا...(تخنت صوتي وقلدتو بالحكي)لا تتأخري سميحة

جنى:ههههه يعليكي...ماحلك تتعودي خلص اعتبري مو موجود

جوى:لك بكككرهو...و بكره امي يلي من وقت تزوجتو تغيرت معنا(مسكت السلسلة يلي برقبتي وتنهدت)الله يرحمك يا ابي

جنى:يلا هلأ لاتقلبيها غم...بعديلي لاجلي و فرمي انتي البقدونس

جوى:ماشي..هاتي لشوف
(بلشت افرم بهالبقدونس و انا شاردة و بالي مومعي و تزكرت ايام ابي واديش كنا مبسوطين وكان يحبني
وانا عم افرم ومالي منتبهة جرحت ايدي)
اااه...ايدييي!!

جنى:ورجيني صرلك شي...يييي والله كتير نجرحت..هاتي لحطلك بن هاتي

جوى:لك اااه حرقتني

جنى:طولي بالك انتي بدك تصيري دكتورة لازم يكون قلبك قوي

جوى:خلص خلص هلأ روحي كملي جلي رح لفها بقماشة وكمل فرم

جنى:هاتي عنك انا رح كمل فرم روحي انتي روحي

جوى:طيب(طلعت من المطبخ و انا طالعة خبطت بعمي واختل توازني قام مسكني من كتافي و قرب مني كتير)

ابوعلي:صرلك شي؟

جوى(بقرف)لا بعد عني(دفشتو و ركدت على غرفتي و انا مخنوقة بس مو قادرة ابكي وماصدقت ايمتا اجا الليل حتى نام و مابقا حس على شي)

#يتبع
 
#حباقة

#الجزء_الثاني

(طلعت من اول محاضرة و قعدت بالحديقة حملت جوالي بملل و طلعت حواليي ستغربت عدم وجود جوى
و انا عم التفت لقيتها جاية و قعدت جنبي)

امير:السلام لله

جوى:(بنشافة)مرحبا

امير:لاا انتي مو على بعضك هاتي حكيلي شبك

جوى:(تنهدت)تعبانة ومالي خلق لشي

امير:اوف اوف...قومي لاعزمك على فنجان قهوة ونقعد نحكي

جوى:مااابدي

امير:تعالي بلا غلاظة تعي(مسكت ايدها وبدي اسحبها بس ستغربت انها شهقت)

جوى:اااه...لك تروك ايدي

امير:شبها ايدك؟

جوى:لك مجروحة وعم توجعني

امير:هاتي لشوف(مسكت ايدها لاتفقدها وكان الجرح بدو تقطيب)امشي معي عالمخبر اقطبلك الجرح..بدو تقطيب

جوى:بس انا بخاف

امير:شو بتخافي؟انتي بدك تصيري دكتورة مالازم تخافي يلا امشي بسرعة خليني اقطبلك ياها

(اخدتا و رحنا عالمخبر حطيتلا بخاخ مخدر وبلشت قطب ايدها وهيه صارت تبكي مع انو الجرح مخدر مابعرف ليش صارت تبكي)

امير:هيك تمام...ليش عم تبكي جوى

جوى:الله يخليك والله انا تعبانة كتير

امير:مو تفقنا نكون اصدقاء..حكيلي بوعدك ساعدك اذا بقدر و احفظ سرك

جوى:(تبكي)لك انا حياتي بتقرف

امير:طيب ليش

جوى:هيك هيك بتقرف بكره حالي و بكره عيشتي و بكره عمي

امير:طيب حكيلي

جوى:خلص امير

امير:متل مابدك امشي نطلع على شي مكان نتسلى

جوى:والمحاضرات؟

امير:خلص انسي امشي بدنا نطلع منتسلى شوي ويلي بيروح عليكي انا بساعدك

جوى:بس...

امير:بدون بس يلا امشي

(طلعنا انا و جوى و ترددت قبل ماتطلع معي بس انا شجعتها وكان لازم اني روح عنها حسيت انو مسؤوليتي اني نسيها حزنها)

امير:وين تروحي؟

جوى:مابعرف وين مابدك

امير:تروحي عالكورنيش؟!منتمشى عالبحر و بعدين منروح منتغدى بشي مكان

جوى:طيب

امير:خلصنا فرديها ولو....بتعرفي انك اول بنت بطالعها معي بالسيارة

جوى(طلعت فيه باستغراب وضحكت)اي يلا فهمني انك بحياتك مو حاكي مع بنات ولا مرافق ولا حابب

امير:لك مبلا حاكي مع بنات بس مابطالع حدا معي..مابحب طالع مين ماكان

جوى:هلأ انا مو مين ماكان؟!

امير:هلأ بكير لسا على هالسؤال...بعد فترة بجاوبك

جوى:شو يلي مأكدلك انو علاقتنا رح تستمر فترة

امير(غمزتا)احسااااس

جوى:(رجعت راسي لورا و فتحت الشباك لاخد هوا نضيف وغمضت عيوني)....حكيلي عن حالك امير

امير:اوك...انا امير عمري 24 سنة..عندي اختين و اخ...حالتنا المادية وسط يعني مرتاحين واكيد هالسيارة مو الي...سيارة العيلة فيكي تقولي..اممم عم ادرس طب وعم اختص جراحة داخلية وبس خلص بدي اتطوع بالجيش كرمال اخد رتبة عسكرية وهالشي برغبة ابي

جوى(طلعت فيه باهتمام)اي كمل

امير:(غمزتها)ماعندي حبيبة...بس عندي صديقة جديدة حابب حافظ على علاقتي فيها

جوى:هههه شو اسمها؟

امير:لا سرر.....يلا دورك حكيلي عن حالك لشوف

جوى:جوى...18 سنة...يتيمة الاب..وعايشة مع امي و زوجها..هه زوجها الحنون..عندي اخت اسمها جنى صف تاسع انا وياها اخوات و رفقات وهيه عندي كل شي..ماعندي رفقات ابدا..بس في صديق جديد وحابة حافظ على علاقتي فيه

امير:حلووو...عم تسرقي جملي كمان..يلا سامحتك..

جوى:ليش انا امير؟

امير:لانك غير...انا حاسس انك غير..فيكي شي مو موجود بغيرك...فيكي مغناطيس يابنت

جوى:ههههه

امير:سمعيني...بدنا نتعاهد عالصداقة يلي بيناتنا

جوى:طيب منتعاهد

امير:مو هلأ بس نوصل عالكورنيش

(عالكورنيش)
امير:كيف ؟ارتاحت نفسيتك هلأ

جوى: يعني

امير:طيب...خلينا نتعاهد عهد الاصدقاء

جوى:طيب شو هو

امير:بدك توعديني انو علاقتنا ماينزعها شي ابدا...انا وياكي اصدقاء ومافي شي رح يخرب هالصداقة ولا أي شي...خاااصة الحب تمام

جوى:بوعدك..انا وياك اصدقاء ومافي شي رح يخرب علاقتنا ابدا..ولا أي شي..خاصة الحب

امير:صافحيني مصافحة الاصدقاء لشوف

جوى:كيف؟

(مسكت ايدها و علمتها كيف تصافحني ).

جوى:ههههه بربي انك مجنون

امير:متل مابدك انا مجنون ...يلا امشي خلينا نتغدا

(بلشت تتعمق علاقتي بأمير و صرنا اصدقاء عنجد كل يوم كنت شوفو و اقعد معو لدرجة صار يفضلني عن مصعب يلي هو اعز رفقاتو كان كل فترة ياخدني مشوار وكل مرة على مكان مختلف...كنت حس انو هو غير
يعني لاول مرة مابشوف بعيون شب النظرات يلي بشوفها بعيون غيرو من الشباب...لاول مرة بحس حدا خايف عليي و بدو ياني كون سعيدة...كان يحاول يساعدني بدراستي قدر الامكان لدرجة يفوت محاضراتو حتى يساعدني....مرقت الشهور و قدمت امتحان الفصل الاول...كل مادة كان ينطرني برا القاعة كرمال نرجع نحل الاسئلة سوا كان مصدر دعم كبير وينسيني قرف عمي و نظراتو الحيوانية الي وقرف عيشتي و الشغل والفقر.. وبلشت تطلع نتائج موادنا انا و امير كنت كتير افرح لما شوفو عم ينجح بكل موادو اما بالنسبة الي...)

امير:خلص جوى..طولي بالك بكرا بتعوضي بالفصل التاني

جوى(تبكي)لك مارفعت ولا مادة لك رغم كل هالدراسة والتعب ومارفعت شي ياربي

امير(قعدت جنبها وحطيت ايدي على كتافها)خلص اهدي بوعدك ساعدك اكتر طولي بالك

د.عامر:مرحبا ياجوى

جوى(مسحت دموعي بسرعة ووقفت)اهلين دكتور

د.عامر:كنت عم راقب نتائجك استغربت انك مانجحتي بشي..ليش يا جوى(طلع بأمير)شو اخد عقلك ياترى؟

جوى:والله مابعرف دكتور

د.عامر:بكل الاحوال انا مستعد اعطيكي دروس اضافية كرمال ترفعي موادك انتي مجتهدة ومالازم ترسبي

جوى:طيب شكرا كتير دكتور

د.عامر:سجلي رقمي عندك مشان نشوف ايمتا بدي درسك

جوى(بارتباك)اممم...امير معلش تسجل رقم الدكتور عندك انا موبايلي ناسيتو

امير:اي اكيد تفضل دكتور عطيني رقمك

د.عامر:سجل 09........

امير:تمام

د.عامر:حاكيني باقرب فرصة كرمال اشرحك كل شي بيتعلق بالفصل الاول و بتابعك بالفصل التاني اول باول وبالنسبة للدفع ماتاكلي هم مارح اخد منك شي بس المطلوب تتحسني

جوى:شكرا كتير دكتور عنجد بتشكرك

د.عامر:مافي داعي تتشكريني يلا بالاذن

(قعدت جنب امير يلي واضح انو مارتاح للدكتور عامر ضربتو ضربة خفيفة على كتفو)
جوى:هييي امير وين شردت

امير:ولاشي..بس من وين لوين جاية يساعدك هيك لله بالله

جوى:والله مابعرف انا مستغربة اكتر منك

امير:ماعجبني ماحبيتو لك زنخخ

جوى:ههههه...ليش مادرسك هاد الدكتور

امير:لا صرلو سنتين عم يعطي هون...قومي نروح نفطر بشي محل

جوى:خليها لبعدين بدي روح شوف اختي تركتها مريضة

امير:خير شبها؟

جوى:مابعرف حرارتها مرتفعة وعم تهلوس شكلا اكلة رعبة او شي

امير:بتحبي اجي اكشف عليها..ماباخد معاينة والله

جوى:(رفعت حاجبي وزميت تمي)ماعرفتك دكتووور

امير:لك دخيل هالحركة يلي بتعمليها بوجهي...اي دكتور
ليكون ماعجبك

جوى:مبلا عاجبني و كتير....يييي ايمتا بدا تجي بنت الحلال يلي تحمل غلاظتك عني

امير:والله لو اجت ماحدا رح يتحملني غيرك يعني راحت معك للموت..ههههه

جوى:قوم وصلني خليني شوف اختي حرام

امير:يلا تفضلي
/بالسيارة/
امير:جوى...كأني لاحظت انو مامعك موبايل

جوى:مزبوط مامعي...بس صمدت شوية مصاري وبدي اشتري واحد

امير:تمام لكن بكرا مننزل انا وانتي منشتري وكل شي بينقصك انا جاهز

جوى:مابتقصر يسلمو ايديك

(وانا فايتة عالبيت طلع بوجهي عمي...طالع من الحمام ولافف المنشفة على خصرو خجلت كتير و اجيت لاركد بس مسكني و طلع فيني نظراتو يلي كلها شهوة)

ابو علي:شو عمي مافي نعيما

جوى:بعد.عني ها

ابوعلي:لك شبكييي...عالقليلة بوسيني بوسة الحمام متل مابتعمل اختك شبكي قربي شوي

جوى:بعد احسن مالم عليك الدنيا ها (عيطت)لك بعد!!!

(دخلت عغرفتي ولقيت جنى مسطحة وحرارتها مرتفعة)

جوى:حبيبتي جنى شبكي ياعمري تعبانة جبلك دكتور

جنى:اااه بردانة غطيني

جوى:تغطي ياعمري رح اعملك شوربة تدفي عضامك

جنى:مشان الله سامحيني(تبكي)كرمال الله والله موبايدي

جوى:(باستغراب)على شو بدي سامحك

جنى:بس سامحيني

جوى:مسامحتك حبيبتي مسامحتك يلا رح اعملك شوربة

/باليوم التالي/

امير:اي موبايل عجبك اكتر

جوى:التنين حلوين بس مامعي مصاري تكفي

امير:طيب لحظة...اديش بيسوا هاد الجهاز معلم

صاحب المحل:هاد ب50 الف...والتاني ب40 مستعمل بس نضيف

جوى(همست لامير)امشي خلينا نطلع ونحكي برا

امير:طيب...منرجع معلم

(برا المحل)
جوى:لك انا مالي هون ابدا...معي 25 الف صرلي سنة عم صمدهن من وين بدي جيب الباقي...بدي انطر سنة تانية لجيب

امير:مو قلتلك شو بينقصك انا جاهز...منجبلك يلي حقو 40 انا معي 15 الف بعطيكي ياهن و بتجيبي الجوال

جوى:بس هيك كتير!

امير:لاكتير ولا شي مافي فرق بين الاصدقاء

جوى:يا الله امير...خلص مابقا بدي بشتري واحد قديم مو ضروري يكون حديث

امير:لا بدنا نشتريلم واحد حديث خلص لاتكتري حكي و امشي...هاتي هالمصاري لقلك وسكتي انتي وماتحكي شي تركيني اتصرف

جوى:طيب تفضل

(وبالفعل دخلنا عالمحل و جبلي امير الجوال يلي حقو 40 الف و جبلي خط على حسابو و سجلي رقمو و علمني عالجوال...ونزلي واتس اب كرمال نحكي اكتر
كنت انو سعادتي مهمة عندو و مابعرف ليش..على طول كان يعطيني امل و دافع اني كمل وما حس باليأس....اتصلت بالدكتور عامر بعد فترة وبلش يعطيني دروس كرمال انجح بموادي...كان كتير ظريف
ومحترم يجي اوقات عالبيت لعنا و اوقات على مقهى الجامعة...صح التهيت عن امير شوي بس كنا على طول نحكي عالواتس و نسهر بأيام العطل للصبح ونحنا عم نحكي صرنا قراب من بعض بفترة قصيرة
بهالفترة صرت لاحظ تغيرات على جنى...عمي صاير عم يدللها و عم يعطيها مصاري...وصحتها تحسنت
بس على طول حس انو في شي مخبيتو عني مع انو مالها بالعادة..حاولت ما اشغل بالي خاصة انو امتحان الفصل الثاني صار عالابواب وكان لازم شد اكتر على دراستي كرمال انجح بمواد الفصلين وبمرة كنت قاعدة عم ادرس وامي برات البيت سمعت صوت عمي وجنى بالغرفة التانية...صار عندي فضول لاعرف شو عم يصير مشيت على روس رجليي و رحت لاتسمع عليهن)

جنى:ههههههههه....خلص عمي حاج تكركرني

ابوعلي:لك دخيل الله....قطة والله قطة...تعالي قعدي بحضني شوي

جنى:لا جوى هون بخاف تجي فجأة

ابوعلي:ليش لتخافي..انا متل ابوكي و انتي قاعدة بحضني وعم نلعب شوي تعالي ماتخافي مارح تجي جوى

جنى:بلكي اجت

ابوعلي:مابدك تشتري تياب جداد؟!خدي هي حق التياب يلا تعالي

جنى:ييييي يخليلي ياك يارب

(طلعت من خرم الباب و شفت اختي قاعدة بحضن عمي و عم يبوسها....حطيت ايدي على تمي كرمال اكتم شهقتي و ركدت على غرفتي وانا عم ابكي بعمري ماتخيلت جنى تعمل هيك...بس هيه صغيرة واكيد مالها فهمانة شو هاد....ياربي شو اعمل ياربي دخيلك تساعدني)
#يتبع
 
#حباقة
#الجزء_الثالث
/ببيت امير/
ام امير:يلا ياولاد الفطور جاهز

امير:يا سلام...عطيني خبزة لقلك

ام امير:لك امي قعود كول منيح

امير:لا هيك منيح...شوية زعتر شوية لبنة شوية زيت و شاي ياسلااام....يلا بدكن شي

ام امير:لك على شو مستعجل

امير:لك اليوم بدا تطلع النتائج بدي شوف رفيقي اذا مرفع موادو يلا باي باي
(طلعت من البيت و نزلت ركد عالدرج و تصلت بجوى و انا بالسيارة)

جوى:(بعصبية)وينك انت امير؟!!!

امير:جاية جاية لاتعصبي شو طلعت المواد

جوى:لسا ماطلع شي كرمال الله عجل انا متوترة

امير:يلا مسافة الطريق بكون عندك

جوى:يلا ناطرتك

(للاسف الموقف يلي شفت فيه اختي و عمي تكرر اكتر من مرة بغياب امي...حاولت حذر جنى و فهمها بطريقة غير مباشرة انو هالشي غلط كبير بس ما كاانت تستوعب و كانت مفكرة انو ابو علي متل ابوها..انا كنت خايفة يتحول هالشي لمصيبة توقع على راسنا
صرت سمع ابو علي كلام حتى يعرف اني حاسة وبالفعل صار يبعد عن جنى وهالشي ريحني من ناحيتو بس خفت عليها لانها كانت حاببتو ومتعودة عليه...ماقدرت اعمل اكتر من هيك لان هي سنة شهادة عند اختي وخفت ترسب و تتأزم نفسيتها لهيك اجلت الحكي لبعد امتحانها و هلأ خلصت امتحاناتي انا وهيه وصار لازم اتصرف و من اليوم)

امير:لك جوى وين شاردة الي ساعة عم ناديلك

جوى:ايييي ماكنت منتبهة شو صار بلشت تطلع النتائج

امير:اي طلعو مادتين

جوى:شوووو طمني

امير:لك مبرووووك مبرووك ناجحة ناجحة و بامتياز كمان

جوى(من فرحتي مالقيت حالي الا عم احضن امير و ابكي...وهو بعد وجهي ومسح دموعي ولاول مرة بحس بدقة غريبة اعتدت على دقات قلبي حسيت بشعور غريب ماحسيتو مع امير من قبل...يمكن لان لمس وجهي او لاني حضنتو مابعرف)

امير:(متل النسمة الباردة لما تمرق بتترك رعشة غريبة بجسمك...وهيك حسيت لما جوى حضنتني..ماكنت متوقع هالشي وبنفس الوقت متمنيه..بس لا..مو ممكن اترك شي يخرب صداقتنا..خاصة الحب..بعدتها و مسحت دموعها وقلبي بين ضلوعي عم يرجف مابعرف كيف لملمت حروفي و حكيت)

خلص يامجنونة ليش البكا...انتي نجحتي بمادتين و نشالله بتنجحي بالباقي

جوى:ماعم صدق امير...يعني رح صير سنة تانية؟!

امير:ههههههه لا مادتين مابيرفعوكي للتانية جدبة!

جوى:(ضربتو ضربة خفيفة على صدرو)غليظ

امير:جدبة

جوى:غليظ

مصعب:لك بربي انتو الجوز مجانين خلص شوفو الجامعة كلها عم تطلع عليكن

امير:اهلا بالشريك

مصعب:لا ماعاد فيها شريك...جوى اخدت عقلك يامعلم

امير:لا انت وياها اصدقائي انتو التنين بغلاوة بعض

مصعب:شو جوى نشالله رفعتي موادك؟

جوى:لهلأ اي..بس مابعرف لبعدين شو بصير

امير:لا بدها ترفع كل موادها كرمال تطلع عالتانية

مصعب:طيب شو رأيكن اعزمكن على فنجان قهوة برا الجامعة

امير:اي منروح مو هيك جوى

جوى:مبلا...بس انا عايزتك بموضوع ممكن

امير:منحكي المسا شو رأيك

جوى:طيب المسا منحكي...يلا تفضلو

/رحت انا و مصعب و امير شربنا قهوة و تغدينا و لما رجعت عالبيت شفت الشي يلي كنت خايفة منو الظاهر عمي استغل غيابي هالمرة...ماقدرت اتحمل ودفشت الباب عليهن بقوة...وتمنيت لو اني متت ولاشوف اختي باحضان عمي صرخت صوت حسيت الدنيا كلها سمعتني و طلعت من الغرفة وانا عم الهث وابكي وبعد 10 دقايق لحقتني جنى/

جنى:جوى...حبيبتي سمعيني كرمال الله

جوى(تبكي)انقلعي من هون مابدي اسمعك ولابدي شوفك ادامي

جنى:بترجاكي لاتعملي هيك

جوى(عيطت عليها)لك نقلعييي!!!!روحي من خلقتي نقلعي

جنى(تبكي)جنى مشان الله سامحيني والله جبرني والله
تتزكري وقت مرضت و ارتفعت حرارتي من فترة والله كان معتدي عليي و بعدين صار كل مابدو شي يهددني انو يقول لامي ولما ارضخلو يعطيني مصاري ويجبلي كل شي بشتهي كرمال يسكر تمي والله انا مابايدي شي جوى

جوى:(صرت احكي من بين شهقات بكايي)لك كان فيكي تحكيلي..كنا لقينا حل سوا...بس هلأ مابقا ينفع الحكي..انتي مو اختي ولا بعرفك ونقلعي من وجهي يلا نقلعي!!!

جنى:(نزلت على رجلي وحطت راسها على حضني وصارت تبكي)لا تعملي هيك بترجاكي اختي انا مالي غيرك

جوى:مبلا الك ابو علي هو بيحبك وبيدللك وبيجبلك كل شي بتشتهي...(دفشتها عن حضني وقمت لاطلع من البيت بس وقفني صوتها)

جنى:ليكي جوى..اذا بتفكري تحكي لامي عاللي شفتيه..انا رح خبرها عن حبيب القلب امير..ماحدا احسن من حدا...والله اعلم شو صاير بينك و بينو

جوى:(التفتت لعندها)ماعم صدق!!هاد الحكي عم يطلع منك!!!!لك انتي بتعرفي امير؟شو بتعرفي عن امير حتى عم تحكي عنو هيك!!!!لك انا اشرف منك عم تفهمي...اشرف منك ومن هالواطي يلي معلمك هالحكي
(طلعت من البيت وانا دموعي على عرض خدودي...دموع عم تحرقني و تموتني بكل ثانية..اختي يلي من لحمي ودمي تحكي عني هيك!وفوق غلطها كمان
مشيت ساعة وساعتين بالطرقات ومابعرف رجليي وين اخدوني مافكرت اتصل بأمير لان مابعرف شو بدي احكيو عن عيلتي يلي بتشرف!حضنت حالي ورحت عالبحر..رحت لاشكيلو يلي بقلبي)

/ببيت امير/

خالد(اخو امير):بشو صافن اخي...مين هالبنت يلي صرلك ساعة عم تتأمل صورها بموبايلك؟

امير:شو دخلك انت بالله؟!

خالد:حكيلي اخي شو رح تخبي عني

امير:لساتك صغير

خالد:هلأ صرت صغير؟!كل الفرق بيناتنا سنة وبعدين بعرف كل اسرارك رح توقف على هالبنت..حكيلي مطبقها جديد؟

امير(شردت بصورة جوى وبلشت احكي بدون ماحس)
لامو مطبقها جديد...هي صديقتي

خالد:شو اسمها؟!

امير:جوى

خالد:حلوووو...غريب اسمها والله بس حلو

امير:بعرف...بتعرف شو يعني جوى خالد؟

خالد:طبعا بعرف طالب ادب عربي وبدك ما اعرف...جوى يعني من اشتد به العشق و احزنه

امير:بالضبط

خالد:بتحبها؟!

امير:كتير بحبها..بس مو عشق

خالد:لكن؟...محبة اخوية

امير:لا ابدا مومحبة اخوية...جوى شي اساسي بحياتي...يعني بسرعة دخلت على حياتي وتعودت عليها
عندي سعادتها بالدنيا...قلبي بيضحك بس شوفها مبسوطة..بحب اسعدها بأي طريقة..جوى حاليا اهم حدا بحياتي مابقدر استغني عنها ولابقدر حتى يمرق يوم بدون ماشوفها...بحس بالسعادة وبحس بروعة الحياة لما تكون معي..يعني كيف بدي فسرلك...بحس براحتي معها وبس تغيب بيختفي هالاحساس..لما تكون بعيدة بحس قلبي عم يوجعني..يعني متل لما تدمن على شي وتنحرم منو اديش بتحس بوجع..انا هيك...تخيل من يوم عرفتها ماعاد حكيت بنات ولاحتى حديث عابر...حتى مصعب خفت علاقتي فيه وبالمقابل قويت علاقتي فيها
حاسس حالي ممكن استغني عن الكل مقابل اني كون معها

خالد:اي كمل

(التفتت ولقيت خالد عم يصورني فيديو وانا شارد بصورة جوى وعم احكي)
امير:وقف هالفيديو بلا غلاظة

خالد:هي وقفتو...وبدك تفهمني بعد كل هاالحكي انك مابتعشقها؟!..انا بحياتي ماسمعت متل هالحكي الا من العشاق وانت مو مجرد عاشق..انت عاشق ولهان اذا بدك

امير:بس انا مابدي تكون هيك علاقتنا

خالد:كيف يعني؟!

امير:يعني اذا تحولت علاقتنا لعلاقة حب..رح ينتزع كل شي..الحب بينزع كل شي...بصير في غيرة وتملك ونكد خلينا محافظين على صداقتنا احسن بعدين نحنا تعاهدنا مانخرب صداقتنا بأي شي...خاصة الحب

خالد:بس هيك رح تتعذبو اكتر...بينما حبيبتك تكون الك لحالك..وانت حر بأنك تعبرلا عن حبك بأي وقت وبأي كلام...بينما يكون هالشي محظور وممنوع...لانها صديقتك...والاصعب انها تصير لغيرك وماتستبعد هالشي لانك مو معبرلا عن مشاعرك بأي طريقة...هيه ممكن ترتبط بغيرك بأي وقت

امير:لا جوى مارح ترتبط بدها تكمل دراستها (هزيت راسي)لا لا مارح ترتبط..عالاقل مو هلأ

خالد:ومابتحبها...لك مالك متقبل انها تكون لغيرك وبتقلي مابتعشقها

امير(سكتت وفكرت بكلام خالد...يمكن انا بحب جوى...بس مابدي انزع صداقتنا..وبنفس الوقت مابقدر اتخيلها لغيري...مستحيل اخرب صداقتنا مقابل الحب..عالاقل موقبل ما اتأكد من مشاعري تجاهها)

خالد:شايفك سكتت

امير:اه؟!...انا لازم احكي مع جوى مشغول بالي عليها حاسس صاير معها شي

خالد:حكيها ادامي لشوف

امير:لحظة رح اتصل....عم يرن

خالد:فتاح سبيكر

امير:بلا جنان

خالد:فتحو احسن ما افضحك

امير:خلص سكوت رح افتح مابدي اسمع حسك ها.....الو...كيفك جوى

جوى:اهلين امير

امير:فيكي شي؟ليش هيك صوتك

جوى:لا عادي مافي شي

امير:جوى...انا حسيت انك موتمام لهيك اتصلت

جوى:يعني حسيت فيني!

امير:اي طبعا حسيت فيكي...خبريني شبكي

جوى(تبكي)انا تعبانة كتير امير...تعبانة

امير:خلص لاتبكي وين انتي لاجي لعندك

جوى:عالكورنيش مطرح ماكنا اخر مرة انا وانت

امير:طيب...دقايق بكون عندك لاتتحركي من مكانك

جوى:طيب ناطرتك

خالد:حقك تعشق صاحبة هيك صوت

امير:سكوت سكوت بدي البس وامشي لازم روح شوفها

خالد:اي يلا يلا لحق حبيبة القلب...ههه قال مابيعشقها قال ..روووح بسرعة..طيران عالكورنيش يلا هههه

امير:ما اسمك دمك يازلمة...سلاام

/كنت قاعدة عالشاطئ وعم امسك حجار وارميهن عالبحر...و دموعي عم تحرقني...بعد ماحكيت مع امير حسيت بشوية ارتياح انو رح يجي ويخفف عني شوي
امير هو السعادة يلي بعتتلي ياها السما...هو الراحة يلي بحس فيها هو الامان....هو الحياة لروحي و لقلبي...ياريت كل البشر امير/

امير:جوى!!شبكي شو صاير

جوى:(حكيت و الغصة بحلقي)مافي شي

امير(قعدت جنبها وشفت حزن الدنيا بعيونها تمنيت لو شيل الحزن وحطو بقلبي)....حكيلي ليش هالقد زعلانة

جوى(بدون شعور..حضنتو..اي رميت راسي على صدرو و بكيييت...بكيت وحكيت كل شي من اول مرة شفت اختي لليوم...كان صوتي عم يرجف...بكيت حتى بللت قميصو..من خوفي وتوتري مسكت قميصو وشديت عليه...متل الميت يلي بيتمسك بأخر نفس للحياة..متل الغريق المتعلق بطوق النجاة متل كل شي اسمو امان
مسح على شعري و هداني وبعد وجهي عن صدر و مسح دموعي...نفس المرة الماضية..نفس الاحساس..لما يلمسني بحس اني ضعيفة..بحس اني بحاجتو لاقدر اتنفس..بحس انو هون...بين ايديه و على صدرو هاد بلدي و ملجأي الوحيد والآمن بهالدنيا)

امير:خلص اهدي...اهدي كل شي رح يكون منيح...لاتخليني شوفك عم تبكي

جوى:مافي شي رح يكون منيح مافي

امير:خلص هدي شوي خدي نفس عميق و خلينا نفكر سوا كيف بدنا نحل هالمشكلة

جوى(تبكي)لك هددتني...قال اذا بجيب سيرة لامي رح تحكي هيه عنك لامي..قال حبيب القلب امير و الله اعلم شو صاير بيناتنا

امير:هيه مفكرتك بتحبيني؟!

جوى(بارتباك)مابعرف مابعرف

امير:طيب شوفي...تجاهليها...عامليها كأنها مو موجودة بالبيت...اد مافيكي تجاهليها...وحاولي تثبتي شي على عمك...كرمال نشتكي عليه بتهمة الاعتداء على قاصر
وماتعملي مشاكل

جوى(طلعت فيه بعيون عم تترجاه مايتركني واجه هالشي لوحدي...كانت عيوني عم تحكي كتير كلام عن حاجتي الو وعن ضعفي بدونو...عن الحب يلي عم يتسلل لقلبي بدون اذن و عم يخليني اتعلق فيه وبوجودو كأن هو منفذ الامل الوحيد بهالكون)......طيب

امير(كيف بدي اتجاهل حاجتك الي...وهالعيون يلي عم تحكي كتير كلام..كيف بدي اتجاهل دقات قلبي وانت عم تطلعي فيني...بدون شعور مديت ايدي ولمست خدودها ومسحت عنهن الدموع المجمعة..ورجعت شديتها لصدري..وغمضت عيوني كرمال ماينفضح الحب يلي جواتهن وأخسرها)

جوى:تأخر الوقت خليني روح عالبيت بلا ماتحس امي

امير:طيب قومي لوصلك..مافيني ابعتك لوحدك بهيك حالة

جوى:بتخاف عليي امير؟!

امير:شي اكيد مو انتي صديقتي

جوى:هه مبلا صديقتك...يلا خلينا نمشي

(وصلتها عالبيت وكل شوي عم طلع فيها كيف عم تمسح دموعها بطرف ايدها...كان صعب عليي شوفها بهالحالة..تمنيت لوفيني ابعدها عن كل هالحزن والهم بس للاسف مابقدر..هاد واقعها ومجبورة تعيشو..رحت عالبيت و استقبلتني امي عالباب بعصبية)

ام امير:وينك لهلأ؟؟؟؟؟

امير:مع رفيقي

ام امير:وماتحكي انك طالع ضروري تقلقني عليك

امير:شو ولد انا امي شبنا؟!

ام امير:شو هاد الاسود يلي على قميصك؟؟

امير:وين؟؟(طلعت ولقيت اثر من كحل ودموع جوى على قميصي و ارتبكت قدام امي)..اممم..هاد شحم...اي شحم من دولاب السيارة بنشر معي لان

ام امير:شحم مو هيك...لك مولابقلك الابيض لا انت ولا اخوك..انا بغسل وبكوي وانت بتوسخو..خليكن هيك

امير(بست راسها)خلص ام امير روقي...معلش اخر مرة....حضريلي لقمة اكلها ميت من الجوع

ام امير:اي اضحك عليي بكلمتين...روح بدك تيابك وغسل بكون الاكل جاهز

(دخلت على غرفتي و شلحت القميص وتأملت اثار الكحل و الدموع على قميصي...بدون شعور ابتسمت..مبين عن قريب رح ينفضح سري انا و جوى و امي تمسك عليي قصة)
#يتبع
 
#حباقة

#الجزء_الرابع

(مرق 15و انا عم اتجاهل اختي بشكل كامل..كتير حاولت تحكيني بس ماقبلت وبقيت متجاهلتها...ولان بيتنا عبارة عن 3 غرف..حطيت الة تسجيل صغيرة بغرفة الضيوف..وبغرفة امي و زوجها..كرمال اذا صار شي بين اختي و عمي اعرف فيه ويكون دليل عليه
حاولت ابقى بالبيت قد مافيني مشان مايصفى الجو لعمي وبمرة كنت قاعدة بغرفتي)

جوى:الو...اهلا امير

امير:كيفك ياحلو

جوى:ههه تمام الحمدلله..ليش ماعم تحكي واتس

امير:اي شتقتنا لصوتك

جوى:احم...تسلم

امير:قال يعني خجلتي شبكي ماعم اتغزل فيكي بس شو هالتقل صرلي 15 يوم ماشفتك

جوى:لك لازم ضل عم راقبهن مابدي يصفالهن الجو

امير:يافهمانة...طلعي من البيت خلي عمك يعمل شي ويتسجل ضدو و نخلص منو بقا

جوى:هيك قولتك

امير:اي هيك قولتي...يلا لبسي وجهزي حالك لنطلع مشوار نغير جو...بلكي منطلع عالجبل وبيطلع مصعب معنا

جوى:طيب رح زبط المسجلات و بلبس و بنطرك بأول حارتنا

امير:تمام...مسافة الطريق بكون عندك

(مافيني انكر اني شتقت لامير..مع انو بس غاب عني 15 يوم بس حسيت اني فاقدة شي غالي كتير..رغم انو كنا نحكي بشكل يومي عالوتس..بس شوفتو غير..كانت تردلي الروح...امير عم ياخد كل اهتمامي ومافيني سيطر على مشاعري اتجاهو...بنفس الوقت مابقدر اخرب صداقتنا..نحنا تعاهدنا نبقى اصدقاء...والحب بيخرب الصداقة...مافيني اخرب صداقتنا لان اكيد رح اخسرو..خلينا هيك احسن ما اخسرو عالاقل هيك بضمن انو يبقى جنبي على طول....لبست وطلعت وتركت الات التسجيل شغالة على امل اني احصل على شي مهم...لقيت امير ناطرني بأول الحارة)

جوى:سلامات

امير:سلامات..كيفك

جوى:تمام...شو وين مصعب

امير:قال بيلحقنا..شوبدك بمصعب انتي(غمزتها)لتكوني حاطة عينك عليه؟(قصدت امزح هالمزحة لاعرف اذا في حدا بحياة جوى)

جوى(رفعت حاجبي و زميت تمي)انا بدي حط عيني على مصعب!!اديش مجنون انت

امير:لكن على مين حاطة عينك؟

جوى:ما على حدا...عم تسأل لتعرف مين بحب..ومين في بحياتي..لك بعرفك سلال.. مابحب حدا ولافي بحياتي حدا

امير:انا!!!!لا والله مجرد فضول..بدي اتطمن عحالة صديقتي العاطفية

جوى:امممممم هيك لكن

امير:اي ردي ردي عتلفونك

جوى:هاد الدكتور عامر

امير:فتحي سبيكر لنشوف شوبدو

جوى:لحظة....الو اهلين دكتور

عامر:كيفك ياجوى

جوى:تمام الحمدلله

عامر:في مجال شوفك اليوم

جوى:امممم...والله انا بمشوار مع رفقاتي معلش بكرا

عامر:طيب بكرا مومشكلة...يلا بخاطرك

جوى:مع السلامة دكتور

امير:شو بدو منك هاد

جوى:مابعرف...شوفة عينك

امير:مابرتحلو هالبني ادم....بكرا وقت بدو يشوفك رح كون معك

جوى:شي حلو...ليش فكرك انا بقبل شوفو لوحدي اكيد رح تكون معي

(طلعنا عالجبل وبقي بالي مع عامر..شو بدو من جوى...اتصالو غريب ومو بوقتو ابدا..)

جوى:يا الله مأحلا المكان هون...كتير حلو عنجد

امير:لكن مشان تعرفي اني مزوء

جوى:دخيلك شو مزوء

امير:وقفي جنب السور خليني صورك..حلوة الصور هون

جوى:طيب خلينا نتصور سوا

(وقفت جنبها وقصدت حاوط خصرها بايدي بحجة الصورة...كان احساس كتير حلو لما حس اني مالكها
تمنيت لو فيني احضنها وشم ريتحتها بس للأسف...في حاجز كبير بيناتنا)

جوى(مابعرف بشو حسيت لما حاوطني بايدو..عرفت انو هالحركة متعمدة بس ليش ؟!...تمنيت لونبقى هيك كل العمر..بس اه..من العهد يلي لازم اوفي فيه)

/المسا ببيت جوى/

جوى:مسالخير

ام ادهم:وينك لهلأ؟!

جوى:مع رفقاتي

ام ادهم:اختك صرلا من الضهر مسكرة عحالها باب غرفتها وماعم ترد عليي حاكيها لشوف

جوى:امي بتعرفي انو ماعم نتحاكى

ام ادهم:بس عمك ضربها و طلع وهيه من وقتها حابسة حالها وماعم ترد على حدا

جوى:ضربها؟!!(ركدت عالباب وبلشت اخبط عليه واصرخ على جنى لتفتحلي بس ماكانت تفتح...حسيت الخوف اكلني..اكتر من ربع ساعة وانا عم صرخ و مافي استجابة
ماكان ادامي الا امير اتصل فيه ليجي يخلعلي باب الغرفة لانها قافلتو من جوا ومخلية المفتاح وعمي مختفي من الحارة...حسيت انو في شي مصيبة وتصلت بأمير واجا فورا......كان مبين عليه القلق لما وصل وبلش يخبط الباب بكتفو وماكان يفتح...اخر شي ضربو ضربة برجلو حتى فتح...وشفت المنظر يلي تمنيت عيوني تعمى ولا تشوفو.....اختي الصغيرة...منتحرة...مقطعة شرايين ايديها و دمها صفيان عالارض...فورا امي اغمى عليها
وامير شالها و سطحها بالغرفة التانية...و انا دخلت لعند اختي المرمية على الارض وبركة دم حواليها...كانت دموعي عم تنزل متل الشلال...قربت منها وصرخت باسمها...حتى حسيت الدنيا كلها هزت من صرختي
حطيت راسي على صدرها وبكيت...بكييت من كل قلبي بكيت عليها وعحالي..حسيت اني المذنبة واني السبب يلي خلا اختي تنتحر...وبعد دقايق دخل امير لعندي)

امير:جوى...قومي خليكي قوية ياجوى..اختك راحت لعند ربها...(عيطت عليها)لك جوى!!!

جوى(تبكي)اختي ماتت يا امير...اختي ماتت...(صرت ابكي و اشهق)لك اختي ماااتتتت...لك ماتتت

امير(ماكان مني الا حضنتها و شديت عليها حسيت صرخاتها عم تنخر بعضم صدري،تمنيت شيل هالوجع منها وحطو بصدري...حضنتها حتى هديت وبعدتها عني حتى نحكي)

امير:لازم ندفن اختك

جوى:ماعم صدق انها ماتت

امير:الله يرحمها

جوى:امي قالت انو عمي ضربها قبل ماتفوت عالغرفة وتنتحر

امير:قومي ندور بالغرف عالمسجلات قبل مايجي عمك و اذا ثبت شي عليه منجيب الشرطة فورا

جوى:طيب...قوم معي خلينا ندور

(وبسرعة طالعت الات التسجيل انا و امير و بلشنا نتسمع
و المسجلة يلي بغرفة امي كان فيها صوت اختي و عمي)

/التسجيل/
جنى:انا ماعاد بدي كمل بهالشي ماعاد قادرة

ابوعلي:على كيفك لان

جنى:سمير...كرمال الله فهمني انا حامل

ابوعلي:شو يعني حامل؟!!انا ماعطيتك من الدوا المانع يلي لازم تاخديه..ليش ماعم تاخديه

جنى:(تبكي)لك نسيت نسييييت

ابوعلي:شو المطلوب مني يعني

جنى:بدي نزل الولد ومابقا بدي تقرب عليي مابقا بدي..لم لك اختي ماعاد حكتني و انا تعبت و قرفت قرفت من هاللعبة الوسخة

ابوعلي:قرفتي يا بنت الكلب...اي تعي لعلمك القرف على اصولو

(صرت اسمع صوت اختي وهيه عم تنضرب وتصرخ وابو علي بدون رحمة عم يضربها،وقفت الشريط وكتفيت بهالقدر من الوجع)

امير:انا رايح قدم بلاغ للشرطة

جوى:بس هيك رح تصير فضيحة..اهل الحارة مارح يرحمونا

امير:المهم تخلصي من عمك وينحبس او بلكي بينعدم وبعدين مالازم تهمك لا الحارة ولا اهلها المهم حق اختك يتحصل

جوى:طيب خبر الشرطة انا رح شوف امي
(وقفت لروح لعند امي عالغرفة التانية مسكني امير من كتافي...طلعت بعيونو و تمنيت ارمي حالي بحضنو وابكي...ابكي على كل شي صار..حسيت حالي ضعيفة
و هشة وممكن بأي لحظة انكسر)

امير:بدي ياكي تكوني قوية اي....اختك الله يرحمها ماتت..بس انتي لسا عايشة..بدي ياكي تكوني قوية مالازم تضعفي..انا معك و رح ابقى معك للأخير و رح اسندك بضعفك بس انتي كمان خلي عندك ارادة...هالدمعات مابدي شوفهن بعيونك

جوى:(تبكي)بس هي اختي...كيف مابدي ابكي عليها

امير:رجعنا للبكا؟...(مسحت دموعها بايديي)خلص اهدي وروحي شوفي امك..انا رايح قدم بلاغ للشرطة ماتخافي رح ابقى جنبك

(طلعت من بيت جوى و حاسس بحمل كبير على ضهري
معقول كيف حزنها اثر فيني لهدرجة...حسيتها متل العصفور الجريح...ضعفت كتير حسيت نظراتها عم تستنجد فيني طالعها من هالحزن..ياريت لوبقدر اخدها و اهرب فيها لابعد مكان..
وصلت لقسم الشرطة و قدمت بلاغ...وفورا اجت معي دورية وشافو جثة جنى وسمعناهن الاشرطة المسجلة وكلام ابوعلي يلي بيثبت ادانتو...اخدو جثة جنى عالطبيب الشرعي ومن خلال التحاليل ظهر انها كانت حامل فعلا و اثار الضرب على جسمها...طلعت مذكرة بحث بأبو علي يلي ماكان عرفان بشي...وبعد يومين انلقط وانسجن و وكلت محامي شاطر حتى يحصل على اقسى حكم لأبو علي و ريح جوى منو
جوى يلي بقيت معها ايام العزا و بعد العزا...يوميا كنت معها وحاول خفف عنها اد مابقدر...انهارت كتير و صابها اكتئاب...بس شوي شوي حسنت تطلع من هالحالة بس بقي الحزن معشش بقلبها..اقترحت عليها نبيع بيت ابوها و نشتريلهن بيت بمكان تاني...لان هالبيت فيه ذكريات كتير بشعة..وافقت بس بصعوبة ولأن ابي صاحب مكتب عقاري كان الموضوع سهل نوعا ما)

امير:اي ابي...هلأ بعد مابعنا البيت واخدنا حقو...بدي تلاقيلي بيت صغير بمنطقة قريبة من بيتنا و على قد المصاري

ابو امير:هي اول مرة ماباخد نسبة الي..كرمال عيونك وعيون حبيبتك

امير:ياا ابي الف مرة قلتلك مووو حبيبتي والله مو حبيبتي بس صديقتي

ابو امير:كل هالاهتمام و الدلال و الخوف عليها وبتقلي صديقتك...لك امير لاتستحي مني اذا بتحبها قلي لروح براسي اطلبلك ياها

امير:شو تطلبها لك ابي...عم قلك والله مافي شي من هالشي بيناتنا

ابو امير:ايه...صدقتك خلص...في عندي شقتين مناح و على طلبك و سعرهن قابل للتفاوض...جيب البرنسيسة خليها تتفرج ويلي بتعجبها منعمل جهدنا مع صاحبها

امير:قراب علينا؟!

ابو امير:ومااا بتحبها..لا اله الا الله....اي في وحدة قريبة خليها بكرا تجي تتفرج

امير:بكرا بعد الضهر...لان الصبح عنا محاكمة عمها زوج امها رح يصدر الحكم النهائي فيه لازم كون موجود

ابو امير:لك تفه على هيك رجال عاطلة...يخرب بيتو شو واطي...سمعني ابي..برضايي عليك خلص من هالموضوع والتفت لدراستك..السنة عندك تخرج خليني افرح فيك

امير:ماتاكل هم..بس أمن على جوى و بلتفت لدراستي
ابي الله يخليك مابدي امي تعرف بالسيرة والله بتفضحني بعدين انت بتعرفها كيف بتفكر،

ابو امير:خراس ولاك شو شايفني ولد لتوصيني،ماتاكل هم اكيد مارح جيب سيرة لامك انت روح عالبيت هلأ و بكرا منحكي

امير:طيب بخاطرك

(مرق شهر و شهرين على موت جنى..حسيت بفراغ كبير بعد موتها...مع انو امير كان معي على طول..زاد قربنا من بعض بهالفترة..و ايقنت اني بحبو وكتير..بس مافيني احكي ولافيني خبرو،قررت ادفن هالحب بقلبي لأن امير ماعندو أي بوادر انو بيحبني...لهيك قررت ما اظهرلو اي شي و اجا اليوم يلي اتصل فيني عامر)

عامر:مرحبا جوى

جوى:اهلين دكتور عامر

عامر:صرلي فترة بتصل فيكي ومابتردي خير صاير معك شي

والله هيك صاير معي ظرف...اختي توفت من شهرين

عامر:العمر الك نشالله

جوى:يسلم عمرك دكتور

عامر:كان بدي ياكي بموضوع..بصير شوفك بكرا

جوى:والله بكرا عندي موعد ضروري معلش بعد بكرا

عامر:طيب...بعد بكرا منتغدا سوا في موضوع مهم بدي احكي معك فيه

جوى:طيب دكتور يلا انا لازم شوف امي..بخاطرك

عامر:مع السلامة

(وتاني يوم رحت مع امير عالمحكمة لنسمع شو بيحكم القاضي على عمي..ولانو الله كبير نحكم عليه بالمؤبد وقرار غير قابل للطعن...امير تكفل بمصاريف المحامي و طبعا انا ماقبلت وقلتلتو هدول دين عليي ورح اوفيلو ياهن...بعدها رحت شفت البيت الجديد مع عمي ابو امير و عجبني وقررت اشتريه...تاني يوم كان ناطرني عامر كرمال نحكي)

امير:يعني رح تروحي لحالك تشوفيه

جوى:اي امير معلش خليني افهم منو هو اتصل فيني كتير ومارديت عليه

امير:اووف..طيب مجرد ماتخلصي منو بتتصلي بتخبريني شوبدو

جوى:حاضر شو كمان

امير:مابدي مياعة و ضحك ومابعرف شو...بتقلي حالك

جوى:ههههه...حاااضر

امير:انتبهي على حالك منو اي

جوى:بتخاف عليي

امير(بارتباك)اي اكيد بخاف عليكي ما انتي صديقتي

جوى:طيب. انا بدي امشي..بحكي معك

امير:الله معك

(كنت كتير متوتر وأعصابي مشدودة ومتلهف حتى أعرف شو بدو عامر من جوى..وبنفس اليوم باخر الليل حكيت معها لافهم شو بدو)

امير:مسالخير

جوى:هلا امير

امير:شوطلع بدو منك عامر؟

جوى:هيك بدون مقدمات فورا سألت؟؟

امير:هلأ لاتلفي وتدوري شوبدو؟

جوى:بدو يخطبني

(كانت اكتر كلمة خايف اسمعها و متوقعها بنفس الوقت
انصدمت و ماستوعبت وخفت جوى تصير لغيري..كنت خايف توافق و خايف تحبو وخايف يكون قلبها عم يدق لغيري..صح انا بالبداية كان بدي ياها بس صديقة..بس هلأ تغير كل شي..انا بحبها اي بحبها وبدي ياها الي ولاممكن اقبل تكون لغيري)

جوى:هيييي امير وين رحت

امير:(غصيت وانا عم احكي)احم..معك جوى قلتيلي بدو يخطبك..انتي شو رأيك؟

جوى:قلتلو خليني فكر

امير:يعني ممكن توافقي؟

جوى:مابعرف...عامر...قصدي الدكتور عامر انسان دارس ومثقف و واعي وكمان اوضاعو المادية مرتاحة بظن انو في مقومات تخليني وافق

امير:بس عمرو اكتر من 35 سنة

جوى:36 عمرو ..هو خبرني

امير:36 وانتي لسا ماصرتي 19 يعني قدك على مرتين كيف بدكن تتفاهمو...كيف بدك تحبيه فهميني

جوى:الحب بيجي بعدين..عامر هو المنفذ الوحيد الي من هالحياة والارتباط فيه فرصة مالازم فوتها لان اكيد رح يساعدني بدراستي والاهم من هيك انا بحاجة رجال يسندني

امير:و انا وين رحت؟؟

جوى:انت صديقي واهم حدا بحياتي بس يا امير على فرض صار معي ظرف بنص الليل مو معقول اطلبك و انت ادام اهلك شو بدك تحكي..بعدين انا مافيني حملك عبئي اكتر من هيك انت كفيت و وفيت..بس لاتزعل مني انت مو مجبور تتحمل كل هالقد

امير:لا ياستي انا مجبور جوى هي مواسباب كافية لترتبطي بشخص..لك مافي مشاعر بيناتكن مابتعرفي عنو شي

جوى:امير(تنهدت)انا لازم اطلع من حياتي هي بأسرع وقت و عامر رح يحققلي هالشي..مومشكلة الحب والمشاعر بعدين بتجي

امير:طيب...براحتك هي حياتك وانتي حرة فيها يبدو انك من هلأ بلشتي تزيحيني عن طريقك وماتاخدي برأيي

جوى:لك لاتحكي هيك..كيف زيحك عن طريقي و ما اخد برأيك لك انت اهم حدا بحياتي اهم حدا بس بنفس الوقت مالك مطر تحمل مسؤوليتي فهمني الله يخليك يعني يا امير الصداقة مالها رابط رسمي لتحمل عبئي و مسؤوليتي

امير:متل مابدك موفقة ومبروك سلفا

جوى:زعلت؟

امير:لامازعلت يلا امي عم تندهلي سلام

جوى:لحظة امير..امي___

(تكورت بتختي وحضنت صورة امير يلي بجوالي وبكيت..بكيت من قلبي لأن امير ماتفهمني مافهم لما عم قلو انت اهم حدا يعني انا بحبك..اي بحبك امير فهمني بترجاك فهمني...مافيني خبرك بحبي الك ماااابقدر رح تخرب علاقتنا..انت ضد الحب ونحنا تفقنا لهيك لازم ارتبط لحتى انساك لحتى اتقبل انك مابتحبني)
#يتبع
 
#حباقة

#الجزء_الخامس

/بعد شهر/

خالد:شوشايفك متشيك لوين العزم؟

امير:عرس جوى

خالد:ههه بهالسرعة؟؟

امير:اي نعم

خالد:يعني ضيعتها من ايدك

امير:ليك خالد مالي ناقصك انا بدون شي مخنوق خلص ضيعتها اي وماعاد يفيد الندم اليوم رح تصير ملكو للابد ومالي مشتهي شي بهالدنيا الا اني اهرب واترك كل شي ورايي البنت الوحيدة يلي حبيتها ضاعت من بين ايديي وانا يلي ضيعتها بغباءي وتمسكي بالصداقة ياريتني سمعت كلامك من اول مرة وقلتلا بحبك ياريت

خالد:وليش ماقلتها؟

امير:ماعندي الشجاعة الكافية لقلا هالكلمة(تنهدت)يظهر انها مونصيبي

خالد:لا لسا ماخسرتها خبرها انك بتحبها مابتعرف يمكن بآخر لحظة يتغير كل شي

امير:خالد انت عم تفهم عليي...صارت على ذمة رجال تاني كيف بدي قلها بحبك لك رح موت رح انفجر مالي مستوعب كيف رح يلمسها كيف رح يشم ريحتها ويحضنها...لك من اول مرة حضنتها حسيتها قطعة من روحي قلبي تعلق فيها بايدي سلتمها الو بايدي

خالد:طول بالك...في حكمة بتقول اذا اردت شيئا" بشدة فأطلق سراحه..فإن عاد إليك فهو ملك لك الى الابد وان لم يعد فهو لم يكن لك من البداية تركها واذا كانت الك رح ترجعلك

امير:ماشي..انا رايح بدي اخدها لبيت العريس

خالد:يعني مافي حفلة؟

امير:حفلة صغيرة بالبيت لان لساتها زعلانة على اختها وبعدين انا رح اخدها على بيت العريس

خالد:الله يكون بعونك

امير:يلا سلام

(نزلت من البيت والندم عم ياكلني حسيت الدم عم يغلي بعروقي وعيوني رح تدمع خليط من المشاعر غضب و حزن و عتب ماكان بدي ياها تصير ملكو ماكان بدي هالشي يتحقق كيف بدي نام وانا بعرف انها بحضنو ياترى بتحبو؟لك اه...زدت سرعة السيارة بشكل جنوني مع انو بيتها مو بعيد بس زدت سرعة السيارة لحتى انهي هالمهمة بسرعة واخلص)

/ببيت جوى/

ام ادهم:يلا ياصبايا اجا رفيق جوى ياخدها طفو الاغاني ولبسو...وانتي جوى طلعي بدو يسلم عليكي ويباركلك و انا رح جبلك الفروة من جوا كرمال ماتبردي

جوى:طيب طالعة
(مشيت على غرفة الضيوف بخطوات تقيلة وبطيئة متل يلي رايح على موتو...ماكان بدي شوف عيون امير وانا بعرف كمية العتب فيهن..كان بدي خبي خيبتي وخبي دموعي وخبي كل امنية تمنيتها اني كون عروستو بهاد اليوم..نقرت عالباب ودخلت..كان واقف عالشباك لابس بدلة رسمية وحاطط ايديه بجيبو..كان شكلو بيوحي انو هو العريس و اااه شو تمنى قلبي يكون هو العريس)

جوى:احم..مسالخير

امير(برمت ضهري لشوف ملاك على هيئة بشر..كانت كتير حلوة بالفستان الابيض كانت متل القمر)...مسالنور

جوى:(ابتسمت)كيف؟حلوة؟

امير:(تنهدت وبكل حرقة بقلبي حكيت) حلوة كتير

جوى:انا بدي اشكرك على كل شي عملتو كرمالي

امير(قربت منها وسكرت تمها باصبعي وبعدها مسحت على خدها)شششش...ماتحكي هيك هاد واجبي

جوى:لابقتلك البدلة الرسمية..طالع شيك

امير:(بعدت نظري عنها وتنهدت)شكرا جوى.....بتسمحيلي برقصة اولى و اخيرة معك

جوى:اكيد

(مسكت ايدها و حاوطت خصرها النحيف وبدون شعور قربت منها وحطيت خدي على خدها...رقصنا بدون موسيقى وبدون اغنية على انغام حزننا نحنا التنين
كانت دقايق معدودة ودقات قلبي وقلبها اختلطو ببعض
حسيت روحي لمست روحها حسيت انو هالانسانة جزء مني ومستحيل اقدر اتخلى عنها وبدون وعي غمضت عيوني وحضنتها بكل قوتي)

جوى:خلص امير نحنا رح نتأخر

امير:انا بحبك

جوى:(بلعت ريقي وانا مصدومة)____

امير:(غمرت وجهي بشعرها وهمستلا)بحبك..بحبك...بحبك

جوى:(بعدتو عني وطلعت بعيونو)امير انت واعي لحالك شو عم تحكي

امير:اي واعي..وبحبك..بحبك وماعاد قادر اكتم حبي الك اكتر من هيك ماعاد قادر..بحبك مابس بحبك لك انا بعشقك بهواكي..انا انا متيم فيكي جوى

جوى:بس هالشي غلط انا اليوم عرسي على عامر

امير:بعرف انو غلط وبعرف انو عرسك بس ماعاد فيني اتحكم بمشاعري..انا عم فكر فيكي ليل ونهار انا الندم عم ياكلني لاني ماعترفت بحبي الك من زمان..انا بحبك اي بحبك..بس بدي تعرفي هالشي بدي يكون عندك علم
انتي هلأ وبالفستان الابيض متمني تكوني ملكي وتكوني عروستي جوى...انتي خليتيني اعشقك والحق عليكي بهالشي..انتي اسمك جوى وانتي خلقتي الجوى فيني
من اول مرة سمعت اسمك لمسني من جوا ورفضت قلك معناه لاني خفت...خفت من الحب يلي حسيت بقدومو
انتي الحب يلي اشتد جواتي حتى احزني هيك معنى اسمك...انا عاشق ولهان وحزين..حزين على فراقك كتير
وكأني عم فارق هالروح يلي بصدري

جوى:امير ليش هلأ؟؟؟

امير:لانك لازم تعرفي

جوى:بس مابقدر اعمل شي مابقدر

امير:خلينا نهرب سوا انا مستعد طالعك برات البلد شوقلتي

جوى:وحكي الناس عليي؟شوبدهن يقولو؟تركت زوجها بليلة عرسها وهربت مع عشيقها...الناس مارح تستوعب انك موعشيقي ولا حدا رح يفهم انو يلي بيناتنا كان شي اكبر من الحب واعمق من الصداقة ماحدا رح يفهم شو كان بيناتنا..انا رح صير البنت الرخيصة يلي هربت ليلة عرسها...مارح اقدر حط عيني بعين حدا انا مالي قد كل هالمشاكل والحكي...انت تأخرت يا أمير تاخرت كتير
انا اسفة بس مابقدر مافيني اهرب معك لمكان مافيني

امير:معك حق..كلام الناس مارح يرحمنا..معك حق انا ماكان لازم احكي هيك ابدا..عتبريني ماحكيت هالحكي وعتبري كأنك ماسمعتي شي ...انا نازل انطرك بالسيارة لاتتأخري

جوى:طيب مارح اتأخر
(نزل امير وترك وراه اعصار جواتي...الكلمة يلي عشت اتمنى اسمعها منو...سمعتها بليلة عرسي اديش الالم جواتي كبير واديش قلبي موجوع يلي تمنيته تحقق بالوقت الغلط ماعاد فيني اتراجع عن زواجي من عامر
انا مابقدر اتحمل حكي الناس عليي بكفي فضيحة اختي وعمي خلص لازم ادعس على قلبي و كمل بهالطريق يلي خترتو لنفسي...نزلت عالسيارة وكان امير عم يدخن بشراهة...سيكارة ورا التانية وصلني لبيت عامر بدون مايحكي معي ولاكلمة كان مكتفي بالصمت وقبل مانوصل شلحت السنسال الفضة يلي برقبتي و عطيتو ياه)

جوى:وقف السيارة شوي

امير:____

جوى:بترجاك وقفها شوي وسمعني

امير:هي وقفت تفضلي عم اسمعك

جوى:طلع فيني...لك طلع فيني عم قلك!!!

امير:نعم!!!!

(قربت منو ولبستو السنسال برقبتو وحطيت ايدي على دقنو وابتسمتلو)
جوى:رح تبقى بنظري امير المجنون يلا حلا الدنيا بعيوني...رح تبقى صديقي واغلى انسان عقلبي
رح نبقى السند والامان بهالكون...انت امير...يلي حولني من بنت مكتئبة وتعيسة لبنت بتعرف تعيش
مابنسى فضلك عليي ولابنسى كل شي عملتو كرمالي
يمكن نحنا مو مقدرلنا نكون لبعض لهيك لاتزعل
بكرا بتجي البنت يلي رح تحبك وتستاهلك اكتر مني

امير:بس انا مابدي غيرك

جوى:خلص الله يخليك مابدي ابكي هلأ

امير:انا بحبك

(لاول مرة بشوف عيون امير عم تدمع الشخص يلي رسم الابتسامة على وجهي انا رسمت الدمعة بعيونو اديش المفارقة كبيرة ...بعدت عنو لاني عرفت انو رح يحضني
ماكان بدي يعلق الالم بذاكرتنا اكتر من هيك وصلني لبيت عامر يلي استقبلنا عند المدخل وراح...راح واخد قلبي وعقلي معو وتركني لاول مرة واجه الحياة لوحدي
هي كانت اخر مرة بشوف امير فيها ماعاد سمعت عنو شي بعدها ورقمو تسكر للابد طبعا ما كان عندي جرأة روح لبيت اهلو و اسأل عنو بصفتي مين رح روح؟
كملت حياتي الاعتيادية يلي انحرمت فيها من الدراسة لاني حملت من اول شهر...وبعد 9 شهور كان عندي امير
ابني يلي سميتو على اسم امير يلي اختفى من يوم عرسي...ومتل مااتوقع ماكان في تفاهم بيني وبين زوجي كانت مشاكلنا عم تزيد يوم عن يوم وصلت لحد صار يضربني لاتفه الاسباب و اكتشفت خيانتو اكتر من مرة..وبعد معاناة دامت 4 سنين انفصلت عن عامر
اتطلقت واخدت حضانة ابني و رجعت لعيش مع امي ببيتنا واضطريت دور على شغل حتى اصرف على حالي وعلى ابني...لقيت شغل بروضة اطفال كان الشغل حلو و مريح خاصة انو امير عم يبقى معي كل الوقت وبعد سنة تسجلت عندي طالبة فئة أولى عمرها 3 سنين وكان اسمها جوى على اسمي والصدفة الحلوة انها صارت رفيقة امير ابني..كنت اطلع فيهن وانبسط كتير و اتزكر احلا ايام عمري)
#يتبع
 
#حباقة

#الجزء_السادس
#انتهت

بيوم من الايام........

امير:ماما...ماما ماما

جوى:شو حبيبي شبك شو صاير

امير:جوجو وقعت و نجرح راسها وعم ينزلا دم

جوى:لك كيف صار هيك امشي بسرعة دلني وين وقعت

(كانت جوى قاعدة بالارض وعم تبكي والدم نازل على جبينها...تفقدتها بسرعة وماكان الجرح غميق)

المديرة:خلينا ناخدها عالمشفى

جوى:لامافي داعي انسة انا دارسة طب سنتين رح ضمدلا جرحها مافي داعي للقطب بس خلينا نجيب علبة الاسعافات الاولية

المديرة:طيب جيبيها ولحقيني عالادارة وهنيك بتهتمي فيها
(حملت جوى ولحقني امير وهو خايف عليها كتير...عقمت الجرح و ضمدتو واتصلت المديرة بأهل جوى كرمال يجو ياخدوها..قعدت انا وجوى و امير تحت ظل شجرة بحديقة الروضة لننطر اهل جوى
وبعد بشوي وصل...شفتو من بعيد عرفتو من شكلو مع اني ماكنت متأكدة بس دقات قلبي اكدتلي انو هو
نفس الطول ونفس الهيئة نفس الملامح بس مع دقن اكثف شوي..ونضارات طبية زادت هيبتو دخل عالادارة وبعد بشوي اجت المديرة اخدت جوى..قربت اكتر من الادارة ووقفت عالشباك...كانت ريحة عطرو نفسها
ظهرت كم شعرة شايبة بدقنو وبشعرو اعطوه هيبة اكتر
ماتخليت بعد كل هالسنين اني شوف امير وبهالمكان بالذات وجوى تكون بنتو...يبدو ان الحب يلي بقلوبنا انتقل لولادنا و حبو بعضهن بس هنه رغم صغرهن كانو اشطر مننا...بعد 10 دقايق طلع وانا بعدت عن الشباك كرمال مايشوفني و اذ بيركد ابني امير لعند جوى حتى يودعها)

جوى:(صرخت عليه)امير!!!!!

امير(فكرت حالي عم اتوهم او عم احلم معقول؟معقول تكون جوى هون؟التفتت وشفتها ادام عيوني لساتها البنت الحلوة يلي اخدت عقلي من 7 سنين هلأ عم شوفها)....جوى!!

جوى:(ابتسمت)مرحبا

امير:اهلا...كيفك

جوى:تمام

امير:ههه بعد زمان والله

جوى:شايف..بعد زمان

امير:هاد الحلو ابنك؟!

جوى:اي ابني امير

امير:(رفعت حاجبي وزميت تمي وبعدها ضحكت)هههههه شكلو ملعون على صغر...شو حاطط عينو عالبنت؟؟؟

جوى:شكلو حاطط عينو عليها(هزيت براسي)

(نزل امير على ركبو لعند ابني و حكا معو)
امير:شو يابطل...مين هي البنت الحلوة؟

امير الصغير:هي جوجو رفيئتي

امير(غمزو)بتحبها؟

امير الصغير(همس بادنو)اي بحبا بس لا تقلا لان قالت ماما نحنا صغار لسا وعيب نحكي هيك نحنا بس رفئات وبس نكبر رح اتجوزها ورح اقتل يزن لان بدو يصير رفيقها

امير:ههههههههه بطل...هيك بدي ياك
(وقفت وقربت من جوى لحتى شوف ملامحها عن قريب و خلي الروح ترتد لصدري)
على فكرة ابنك بيفهم...عرفان شو بدو من اولها

جوى:هاد المفروض...انا فهمتو انو هنه رفقات بس هلأ

امير:قولتك رح يبقو رفقات؟

جوى:نشالله

امير:انتي شو اخبارك؟كيفو زوجك وشو عم تعملي هون

جوى:اخباري(تنهدت)تطلقت من سنتين وعايشة ببيت امي عم اشتغل هون لاصرف على حالي وعلى ابني

امير:ليش ماكملتي دراسة؟

جوى:لا والله الظروف كانت ضدي..فيك تقول ماتوفقت بزواجي وكانت المشاكل كتيرة ومافي تفاهم طلبت الطلاق بعد4 سنين معاناة وليكني عم ربي ابني لحالي
و انت شو اخبارك؟شكلك تزوجت و اجاك بنوتة حلوة
وين كنت غايب؟؟

امير:كنت بالجيش...خدمت سنة و نص تدربت فيهن
و تسرحت وطلعت اسست شغلي و مهنتي (ابتسمت)و ماااااتزوجت لحد.هلأ...وجوى بتكون بنت اختي..انا سميتها على اسمك بس

جوى:منيح...كتير حلو

امير:اي..انا لازم امشي...بشوفك

جوى:مع السلامة

امير(التفتت حتى شوف ابتسامتها الحلوة وكأن حلم و تحقق اني شوفها ادامي)....جوى!!!

جوى:نعم امير

امير:رقمك لساتو نفسو؟!

جوى:(ابتسمت)نفسو

امير:لكن انطري مني تلفون

جوى:اكيد

(طلعت من الروضة و انا فرحان لان جوى تحررت من زواجها وصلت بنت اختي لعند امها وبعد يومين طلبت شوف جوى عالشاطىء بنفس المكان يلي كنا نلتقي فيه
كانت قاعدة جنب البحر و عم ترسم عالرمل وعم تدندن باغنية)

جوى:حبيبي بدو القمر والقمر بعيد.......
والسما عالية مابتطالا الايد...
طلعت على السطح..
طلو عليي الناس
وقالو مدري شوبها وخبرو الحراس

امير:قلتلن بدي القمر قالو القمر غالي.....
حقو عشر ليالي..عشر ليالي سهر(قعدت جنبها وشردت بملامحها)

جوى:اجيت؟

امير:مافيني ما اجي

( نفضت ايديي وطلعت بعيونو)
جوى:هالدقن محليتك بزيادة

امير:عنجد!

جوى:عنجد

امير:ليش انا حلو؟

جوى:في امير مو حلو؟

امير:_____(شردت بملامحها مرة تانية)

جوى:ليش سكتت

امير:_____(ابتسمت)

جوى:قول شي

امير:شتقتلك

جوى:____

(قربت منها ومسكت ايديها وحكيت بصوت اقرب للهمس)

امير:مابقا قادر اتحمل غيابك عني...5سنين مانسيتك فيهن لحظة وحدة..قصدت ابعد قلت بلكي بنسا...بس تعلقت فيكي بزيادة فكرت البعد جفا...طلع البعد شوق ونار...لهلأ ولليوم ولبكرة ولاخر عمري...انا بحبك وبعشقك ومانسيتك ولا رح انساكي...مارجعت لعندك ولاجيت على بيت اهلك لاني فكرتك لسا متزوجة..بس خبر طلاقك احلا خبر بحياتي كلا

جوى:انت من وين بتجيب كل هالحكي

امير:من عيونك...من لون البحر فيهن

جوى:انااااا

امير:(وقبل ماتكمل الكلمة كنت خاطفها لبين ضلوعي حضنتها بشوق 5سنين وبألم كل دمعة وكل آه فيهن
حضنتها وشديت عليها حتى يستقر نبضي وروحي ترجع لمكانها والاحلى انها بادلتني هالشي وشدت عليي.....غمضت عيوني لاتذكر اللحظة يلي حضتنتي فيها وشدت على قميصي وهيه عم تبكي....لاتذكر اثر الكحل يلي لسا لهلأ عالقميص وما انغسل...نبع من الحب تفجر جواتي بهاللحظة)

جوى:امير!

امير:عيونو

جوى:انا بحبك

امير:(بعدت عنها وحضنت وجهها بايديي)عيديها

جوى:بحبك

امير:كمان

جوى:لك بحباااااااااك

امير:لك انا يلي بعشقك انا يلي بحبك انا

جوى:انا يلي بحبك وحدي انا...انا يلي بريدك ليا انا.
انا يلي بعمري ببقى انا...على وعدي انا

امير:لك دخيل الله..لك دخيل الله دخيلوووووو
بدي اتزوجك و اخدك واهرب فيكي لبعيييييد بدي كمل هالعمر معك وبين ايديكي لك انتي كل حياتي وكل دنيتي انتي

جوى:ايمتا؟

امير:بكرا رح اطلبك و بعدو منكتب كتاب وبعدو منعمل عرس والله لاعملك عرس ماصار بالدنيا والله لخلي البنات تطق غيرة منك...بيتي جاهز واموري كلها تمام بس باقي تنوري حياتي ياحياتي

جوى:بتوعدني نضل اصدقاء؟

امير:حب ولا صداقة؟

جوى و امير:ههههه...حباقة

امير:بوعدك تكوني صديقتي وحبيبتي وزوجتي و امي و اختي وبنتي ولعبتي رح اختصر فيكي كل شي مؤنث بهالدنيا

جوى:هههههه...معقول نطرنا 7سنين حتى تصير هاللحظة

امير:كنت مستعد انطرك عمر بحالو

جوى:بتجي بكرا لعنا ها ..هلأ خليني روح عالبيت شوف ابني

امير:بدك تتركيني هلأ؟ماحزرتي...تعالي بدي اشبع منك

جوى:وامير؟؟؟

امير:امير عند ستو بس انا رح ابقى لحالي اذا رحتي.بهون عليكي؟

جوى:لا مابتهون عليي

امير:خليكي شوي بس بعدين انا بوصلك

جوى:طيب رح ابقى...خبرني كيف قدرت تبعد عني

امير:ومين قلك اني بعدت!!!انتي كنتي معي....صورك...مكالماتك المسجلة كلها...صورنا سوا..كحلتك على قميصي...حتى عطرك يلي شتريت منو كتيييير حتى شم ريحتك

جوى:لحظة لحظة...قلتلي مكالمات مسجلة؟؟؟؟؟كنت تسجل مكالماتي

امير:طبعا"...سجلتها لاسمعها مرة و2 و3 حتى احفظ كلامك و رددو

جوى:طيب ليش!!!

امير:كان بدي فتش بخبايا صوتك عن الحب...بدي اي شي يخليني حس انك بتحبيني...كنت افترض قصص وابني عليها خيالات حتى اقدر كمل وما اتراجع...بس
بلحظة وحدة ضعفت....وقررت ارجعلك..لاني ايقنت اني مارح اقدر كمل بدونك ولاني خفت عليكي يكون الزمن عمل فيكي شي مومنيح!

جوى:بتخاف عليي؟؟

امير:اكيد مو انتي صديقتي؟؟بتعرفي شو رغم كل ذكاءك مافهمتيها...لما كنت قلك صديقتي ما انتبهتي ل ياء الملكية بآخرها....صديقتي..يعني الي....الي انا صديقتي انا....الي لحاااااالي

جوى:ههههههه(ضحكت من قلبي الضحك يلي نسيت طعمتو بدون امير اصلا لاني ماعرفتو غير معو....حطيت راسي على صدرو...وتنفست ريحتو...عطرو...انفاسو
سمعت دقات قلبو...وحسيت بالدفا...يلي افتقدتو من سنييين وتنهدت)اااااه

امير:سلامتك من الاه

جوى:بحبك

امير:انا بعشقك(شديت ايديي عليها وخليت راسها على صدري وشو تمنيت احبسها بين ضلوعي)

/بيوم العرس/

(سمحيلي من الرقصة الاولى وصلك احساسي فيكي)

امير:مع انو مو رقصتي الاولى معك بس احساسي مابينوصف

جوى:___

امير:قلتلك انك طالعة بتجنني؟

جوى:يمكن عشر مرات

امير:هههه زيديهن وحدة لانك طالعة بتجنني

جوى:خلص امير خجلتني

امير:طيب في مشكلة اذا بستك ادام العالم؟؟

جوى:امييييير!!

امير:لك شبكي مرتي انتي وحقي هاد

جوى:طيب بالبيت بس مو ادام الناس

امير:لا مو بالبيت هون...وهلأ
(بستها..حتى حقق امنية كانت محبوسة جواتي من سنين وهلأ هيه مرتي وحلالي وبدي خلي الناس تشوف اديش بحبها..فتحت عيوني وقلتلا....بحبك...وكان الخجل رح ياكلها و وجها احمر متل الورد)

جوى:امييير

امير:يا عيوونوو..ياقلبو و روحو..

جوى:امانة خلص!!عيب ادام الناس

امير:طيب خلص....تمسكي فيني منيح ها

جوى:ليش؟!

امير:(صرخت)بحبببببببببك!!!!

(حملتها وفتلت فيها حسيت حالي بدي طير من فرحتي وسعادتي..الحلم يلي عشتو سبع سنين تحقق وجوى بين ايديي والي لاخر العمر....بعد ماتزوجنا اخدنا امير الصغير و سافرت انا وجوى برات البلد و طبعا خليتها تكمل دراستها وتخرجت بتقدير ممتاز و أسسنا شغلنا الخاص انا و هيه وبعد ماتخرجت حملت ببنتنا قمر و بعد قمر جبنا زين....حياتي مع جوى بتشتبه القصص الخيالية بتشبه كل شي حلو سعادتها كانت ومازالت اكبر هم عندي بهالحياة و الله يقدرني اسعدها لاخر يوم بحياتي)

#انتهت
 
شكرااااااااااااااااااا
 
التعديل الأخير بواسطة المشرف:
الوسوم
حباقة
عودة
أعلى