التحاضير الحديثة

التحاضير الحديثة

التحاضير الحديثة

التحاضير الحديثة

التحاضير الحديثة


نصائح لاستقبال العيد..!!

نصائح منزلية لاستقبال العيد..!! -1- لتمليع زجاج الشبابيك والبلكونات لو عايزة زجاج الشبابيك والبلكونات يلمع يبقى كل الي عليكي إنك بعد ما تشيلي التراب من على الزجاج تجيبي قطعة قماش

نصائح لاستقبال العيد..!!


+ الرد على الموضوع
النتائج 1 إلى 3 من 3

الموضوع: نصائح لاستقبال العيد..!!

نصائح منزلية لاستقبال العيد..!! -1- لتمليع زجاج الشبابيك والبلكونات لو عايزة زجاج الشبابيك والبلكونات يلمع يبقى كل الي عليكي إنك بعد ما تشيلي التراب من على الزجاج تجيبي قطعة قماش

  1. #1
    الصورة الرمزية سـSARAـاره
    سـSARAـاره
    سـSARAـاره غير متواجد حالياً

    من الاعضاء المؤسسين Array
    تاريخ التسجيل: Feb 2010
    المشاركات: 9,310
    التقييم: 50

    قلب نصائح لاستقبال العيد..!!

    نصائح منزلية لاستقبال العيد..!!
    -1-
    لتمليع زجاج الشبابيك والبلكونات
    لو عايزة زجاج الشبابيك والبلكونات يلمع يبقى كل الي عليكي إنك بعد ما تشيلي التراب من على الزجاج تجيبي قطعة قماش قطنية مبلة بالمية الباردة والصابون السائل وتمسحي بها الزجاج، وبعد كده تجيبي قطعة قماش تانية مبلة بالمية الباردة وتمسحي بها الزجاج، ولو حسيتي إن الزجاج مش بيلمع يبقى ضيفي إلى قطعة القماش دي ملعقة خل أو رشي الزجاج بملمع الزجاج، في النهاية استخدمي ورق الجرائد علشان تنشفي الزجاج من أي آثار للمية.
    وخدي بالك من إنك تنظفي الزجاج الداخلي بشكل رأسي والزجاج الخارجي بشكل أفقي.
    -2-
    لتنظيف ولمعان الأبواب
    هاتي فرشة وابدأي في إزالة أي آثار للتراب من على الأبواب ... وبعد كده هاتي جردل وحطي فيه مية وملعقة كبيرة صابون وهاتي ليفة أطباق تكون جديدة وخليها لتنظيف الأبواب وابدئي في مسح الأبواب بها وبعد كده هاتي قطعة قماش قطنية مبلة بالمية وامسحي الباب بها وبعد كده امسحي الباب بقطعة قماش ناشفة وده علشان تتأكدي من إن الباب نشف تماما من أى آثار للمية.
    -3-
    لتنظيف ولمعان الجدران
    هتجيبي فرشة علشان تشيلي بها أى تراب موجود على الجدران ولو لاقيتي أي بقعة على الجدران يبقى اكتفي فقط بإنك تمسحي مكان البقعة دي بنفس الطريقة الي مسحتِي بها الأبواب.
    -4-
    لتلميع السيراميك
    لو عايزة تتخلصي من أي آثار للبقع الي بتكون موجودة على البلاط أو السيراميك يبقى هاتي فرشاة خشنة وبليها بالكلور والمية وادعكي بها البقع دي أكتر من مرة كويس وبعد كده امسحيها بالمية المضاف إليها صابون سائل وهتشوفي الفرق بنفسك.
    5-
    لتلميع خلاطات الحمام والمطبخ والأحواض والبانيو

    من ضمن المشاكل الي ممكن تقابلك مشكلة انطفاء لمعان الخلاطات الإستانلستيل وفي الحالة دي يبقى هاتي ليفة خشنة أو قطعة قماش صوف وحطيها في صابون أو أي ملمع للحمات وابدئي في دعك الخلاطات بها وبعد كده اغسلي الخلاطات كويس بالمية.. لو الطريقة ماجابتش نتيجة ممكن إنك تمسحيها بقطعة قماش مغموسة في خل أو زيت طعام وبعد كده تغسليها بالمية والصابون.
    وبالنسبة لتنظيف البانيو والأحواض نفس الي عملتيه مع الخلاطات هتعمليه مع البانيو والأحواض وعلى فكرة الطريقة دي بتخليهم يلمعوا وبتنظفهم كويس جدا..
    -6-

    للتنظيف ولمعان المرحاض
    بالنسبة لتنظيف المرحاض يبقى يا ريت إنك تحطي في المرحاض ¼ كوب (كلوروكس) وتسيبيه لمدة ساعة وبعد كده تجيبي الفرشاة الخاصة به وتدعكيه بها كويس وبعد كده اشطفيه كويس بالمية ده للجزء الي جوه وبالنسبة للجزء الخارجي نظفيه بنفس الطريقة الي نظفتي بها البانيو.
    -7-
    لتلميع النجف والكريستال

    لو عايزة النجف يلمع كأنك لسه شرياه يبقى هاتي قطعة قماش وبليها بالمية الدافية المضاف إليها معلقة خل وامسحي بها النجف.
    لكن لو عايزة تلمعي قطع الكريستال الصغيرة يبقى ممكن إنك تنظفيها من حين لآخر بالكحل المستخدم لتنظيف الجروح.
    -8-
    للتخلص من البقع الموجودة في قماش الستائر والمفارش القطن

    لو عندك بقع صعبة في قماش الستائر أو المفارش القطن الي عندك ومش عايزة تتطلع يبقى ضيفي معلقة من "النشادر" إلى المية الي هتغسلي بها الستائر أو المفارش وعلى فكرة "النشادر" مش بس هتطلع لك البقع الي فيها لأ دي كمان هتحمي المفارش القطن الي عندك من الكرمشة ..



    واوعي تعصري الستائر أو الأقطان الي بتغسليها لأن ده بيخليها تتكرمش زيادة على الزم وبيأثر على نسيجها.
    -9-
    للتخلص من البقع الموجودة على رخامة المطبخ

    لو كانت عندك رخامة المطبخ لونها أبيض وحاسة إنه بدأ يتغير ويميل إلى الاصفرار يبقى كل الي عليكي إنك تدعكيها بعصير اليمون مع إضافة شوية ملح ناعم إليه وبعد كده امسحيها بقطعة قماش مبلة بالمية.
    -10-
    للتخلص من بقع الماكياج من على السجاد

    ساعات كتير وأنت بتحطي ماكياج بيقع منك على السجاد وعلشان تتخلصي من البقع الي زي دي يبقى رشي البقعة دي بملمع الزجاج "هتلاقيه في السوبر ماركت" وبعد كده هاتي فرشاة الموكيت أو السجاد وضيفي إليها مية وصابون وادعكي بها البقع دي كويس وبعد كده نشفيها بفوطة صغيرة ناشفة.
    -11-
    لتنظيف الجلد

    ابقي استخدمي "شمع النحل"، وهي مادة متوفرة ‏بشكل سائل خاص بالمفروشات وامسحي بها أي حاجة جلد عندك، وبعد كده امسحي الجلد بفوطة ناعمة جافة وعلى فكرة المادة دي بتنظف وبتحمي الجلد من التشقاقات.
    12-
    لتلميع الزجاج
    لو عايزة تلمعي أي حاجة زجاج عندك في البيت يبقى ادعكي الزجاج بفوطة مغموسة بعصير ليمون وبعد كده نشفيها بمنديل ورق وبعد كده امسحيها بورق جرائد مبل ..
    ولو عايزة تتخلصي من آثار أي خدوش على الزجاج يبقى ادعكي مكان الخدوش دي بمعجون الأسنان وهتشوفي النتيجة بنفسك.


  2. = '
    ';
  3. [2]
    منحبك سوريا
    منحبك سوريا غير متواجد حالياً
    عـضـو سوبــر Array


    تاريخ التسجيل: Feb 2010
    المشاركات: 2,406
    التقييم: 50

    افتراضي رد: نصائح لاستقبال العيد..!!

    ســــsaraـــااارة


    كل عام وانتي بخير

    بس وين الكعك

  4. [3]
    سـSARAـاره
    سـSARAـاره غير متواجد حالياً
    من الاعضاء المؤسسين Array


    تاريخ التسجيل: Feb 2010
    المشاركات: 9,310
    التقييم: 50

    افتراضي رد: نصائح لاستقبال العيد..!!

    عيون البحر
    نورت الموضوع
    وانت بالف خير يا رب
    اشكرك لمرورك
    الكيكة مع الاسف اكلتها الدودة..!!
    تحياتي

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نصائح لتهيئة الطفل لاستقبال عامه الدراسى الأول
    بواسطة املي بالله في المنتدى منتدى الاسرة والطفل
    مشاركات: 1
    آخر مشاركة: 2015-04-24, 07:48 PM
  2. جهزى طفلك لاستقبال شقيقه الصغير
    بواسطة خالدالطيب في المنتدى منتدى الاسرة والطفل
    مشاركات: 2
    آخر مشاركة: 2013-03-16, 10:44 PM
  3. مشاركات: 2
    آخر مشاركة: 2011-08-31, 01:31 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )