خــــــلــــــــيــــــــ ــك بــــــــطـــــــاطـــــس مـحـمـرة :
1-البطاطس المحمرة لما بتتقلي في الزيت بتبقي عادة مقرمشة من برة و طرية من جوة-عشان كده لما حد يعمل معاك موقف سخن قوي ماتعاملهوش وحش قوي ..ايوة حسسه انك...زعلان منه و خد موقف بس خلي قلبك ابيض و وطري "طيب يعني " مش ناشف و سامح عشان ربنا بيسامح
2-البطاطس المحمرة تلاقيها عند مؤمن ( فرينش فرايس) و برضه تلاقيها عند بتاع الفول والطعميه -يعني انت كمان خليك زي البطاطساية ماتتكبرش علي حد وصاحب كل الناس غني او فقير
3-البطاطس المحمرة بتتقدم مع حاجات كتير :مايونيز , كاتشب ,صلصات مختلفة و ساعات كمان طحينة بس بتفضل في الاخر اسمها بطااااطس-يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هي اللي تتاثر بيك
4-البطاطس برضه ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت- ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي"
5-البطاطس المحمرة لو اتهرست بتبقي برضه طعمها حلو و ممكن نسميها "بطاطس بيوريه"-يعنى مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول "انا بطاطساية بيوريه "عشان تبقي محبوب من كل الناس :خليك بطاطس محمرة.