التحاضير الحديثة

الرد على الموضوع
النتائج 1 إلى 9 من 9

الموضوع: سالني ابني انت من اي بلد :

  1. #1
    مشرفة على عدة اقسام

    User Info Menu

    Lightbulb سالني ابني انت من اي بلد :

    .سالني ابني انت من اي بلد :
    قلت له انا من بلد بيعرف كل بيت فيه بالحارة شو طابخين كل الجيران ؟؟
    هاد البيت طابخ ملوخّية.....وهاد البيت عم يقلي بيتنجان
    وريحة الخيار يعني سلطة.. والسمك شارح حالو لحالو
    ودبح البطيخة فضيحة ... وبتوصل ريحتها لاخر الدنيا ؟؟........
    أنا من بلد كان القمر فيه بالصيف يعني سيران.....
    وكل عرس يعني تلبيسة.. .. ..
    وكتب الكتاب يعني ملبس....
    انا من بلد كانت أمي تقول يا ابني
    “ غسل وجهك لأنك ما بتعرف مين بيبوسو، و كّنس بيتك لأنك ما بتعرف مين بيدوسو”
    وأبي يقول:
    “جارك أخاك.. إذا ما شاف وجهك بيشوف قفاك”

    انا من بلد لما بيندق فيه الباب منتحذر بين بعضنا مين وبنقول: يا ترى مين إجانا؟
    هي نقرة الجارة.. سريعة وقصيرة، هي دقة عمتي...... ناعمة وخفيفة
    هي خبطة ابن الجيران ببوز صباطو ع الباب....، وهي خشخشة المفاتيح ..وبابا عم ينادي: يالله .. ليتغّطوا النسوان
    انا من بلد......الأساور الرفيعة والمبرومة والحيّة.....
    انا من بلد كاسات الليمون الجامد، والتمر الهندي، و”الكاظوظة” الأورانج والكولا والقمر دين...
    بلد الفول المقّألى بأيام الفول، والمدّمس كل أيام الجمعة، والتسقّية والسوس عافطار رمضان ......

    بلد كل شي بيصير فيه بيستاهل يكون خبريّة.....
    ولدت القطة، فتّحت الفلّة، نزلت العوجة، فّتح زهر نيسان،...

    بلد حتى حبال الغسيل فيه بتحكي قصص، ولقّاطات الغسيل بتنقل رسائل بينا وبين الجيران، ونشر الغسيل إله أصوله مشان ما يقوله عن الست شرنه أو عفشه...
    بلد كانت الست تقول: “لو كانت أسوارتي وقيّة ما لي عن جارتي غنيّة”
    بيت الجيران أول باب بيندق لما بيخلص الخبز على غفلة، ولّما ما بيلتقى ليمونة.....

    بيت الجيران مصدر قالب البوظ بالصيف لما بيجوا الضيوف فجأة والبيت ما فيه بوظ...
    بيت الجيران أول بيت بنزوره بالعيد
    والبيت يلي بيتحمل ولدنتنا وقت ندق على سقّاطته وبنهرب ....
    ومنرش عتبته بالمي لما بندير الخرطوم لنرش الحارة بالصيف
    والبيت يللي بنوقف قدامه لنوصّله سكبة اليوم ...كل مغرب برمضان ...

    ببلدي ما فيه قطّة جوعانة.. وكلاب الشوارع شبعانة
    وبكل أرض ديار... بحرة ونافورة وفّلة ودالية وكّبادة ونارنجة وياسمينة عراتلية بكل مطبخ قطرميز مكدوس وتنكة جبنة ونملّية ...
    ببلدي... كانت ايام الشتا.... ياعيني على أيامها..
    كانت الصوبيا... ولهبها... عم يقمر الخبزات ويشوي الكستنا....
    وكاسة الشاي يلي عم تتنقل من إيد ﻷيد بجلسة فيها طنة ورنة.. ..

    ببلدنا الغيرة بتشعل فينا مو بس اذا حدا اطلع أو لطش اختنا كل بنات الحارة إخواتنا .
    نسيت خبركن.. إنه بعد كل سيران لازم نتحمم قبل ما نطلع ع التخت ﻷن الشراشف نظيفة و وجاه المخدات مغيرين..
    وإذا طلعت كانت أمي تقيم قيامتنا
    انا ياابني من بلد اسمها سورية
    بحبك يابلدي




  2. = '
    ';
  3. #2
    رفـيق الـدرب

    User Info Menu

    افتراضي رد: سالني ابني انت من اي بلد :

    شكرا على الكلام النابع من القلب لك تحياتي

  4. #3
    مؤسس و مدير الموقع

    User Info Menu

    افتراضي رد: سالني ابني انت من اي بلد :

    سرحت بكلام سرحت بكل سطر و بكل كلمة سرحت
    لله كريم يا بلد بنرجع
    يسلمو يا لحن كتبتي اشيا فتحت الجروح عنا

    تحياتي ...


  5. #4
    مشرفة على عدة اقسام

    User Info Menu

    افتراضي رد: سالني ابني انت من اي بلد :

    المنسي شكرا للمرور الراقي

  6. #5
    مشرفة على عدة اقسام

    User Info Menu

    افتراضي رد: سالني ابني انت من اي بلد :

    جينيرال سرني مرورك الراقي وان شاء الله الفرج عن قريب

  7. #6
    كاتب

    User Info Menu

    افتراضي رد: سالني ابني انت من اي بلد :

    الله كريم يا بلد بنرجع'

  8. #7
    كاتبة

    User Info Menu

    افتراضي رد: سالني ابني انت من اي بلد :

    شكرا على الكلام النابع من القلب

  9. #8
    كاتبة

    User Info Menu

    افتراضي رد: سالني ابني انت من اي بلد :

    ولك تحياتي

  10. #9
    مشرف

    User Info Menu

    افتراضي رد: سالني ابني انت من اي بلد :

    لسوريا الكل راجع
    وهاتتملى كل المضاجع
    وهايصير الفرح مالو مانع

الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ابني قرارك على التفكير والتخطيط
    بواسطة لحن الحياة في المنتدى الطب البديل و التدواي بالاعشاب
    مشاركات: 5
    آخر مشاركة: 2014-04-14, 02:01 AM
  2. ابني ذكي ولكن
    بواسطة لحن الحياة في المنتدى منتدى الاسرة والطفل
    مشاركات: 0
    آخر مشاركة: 2014-03-04, 07:30 AM
  3. ابني يقول الفاظ بذيئه فما الحل؟
    بواسطة راجية جنة ربها في المنتدى منتدى الاسرة والطفل
    مشاركات: 2
    آخر مشاركة: 2013-10-28, 05:52 PM
  4. كيف أعالج تمرد ابني ومشاكسته؟
    بواسطة سـ مـ اا يـ ل في المنتدى منتدى الاسرة والطفل
    مشاركات: 3
    آخر مشاركة: 2013-10-04, 04:47 PM
  5. ألا يحق لي اختيار اصدقاء ابني ؟
    بواسطة سـ مـ اا يـ ل في المنتدى منتدى الاسرة والطفل
    مشاركات: 2
    آخر مشاركة: 2013-03-12, 02:20 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •