اشهي خشاف بقمر الدين fwset_1404258114_140

المقادير

3 ½ x كوب ماء
2 x معلقة صغيرة لوز (مجروش)
2 x معلقة صغيرة صنوبر
2 x معلقة صغيرة جوزهند (مبشور)
2 x معلقة صغيرة فستق (مجروش)
1 x معلقة صغيرة نشا
¾ x كوب سكر
½ x كيلو قمر الدين
½ x معلقة صغيرة فانيليا
¼ x كيلو مشمشية
¼ x كيلو قرصيا

الخطوات

هنقطع قمر الدين قطع صغيرة ونصب عليه ماء ساخن ونسيبه منقوع فى الماء لمدة يوم.
فى حلة على نار هادية هنسلق المشمش المجفف فى كمية قليلة من الماء وهنضيف عليه نصف معلقة صغيرة فانيليا ونقلب لحد ما حبات المشمش تبقى لينة.
لو القراصية جافة وغير لينة هنسلقها فى نفس الماء حوالى 5 دقائق وبعد كده نصفيها من الماء.
في الخلاط هنضرب قمر الدين مع ماء النقع مع السكر والنشا حتى نحصل على قوام ناعم.
فى حلة على نار هادية هنضيف خليط قمر الدين ونقلبه لحد ما يبدأ يغلى.
هنضيف المشمش والقراصية ونقلب كويس وبعدين نصب الخشاف فى بولة التقديم ويدخل الثلاجة لمدة طويلة لحد ما يبرد.
هنرش المكسرات على سطح الخليط قبل التقديم.. بالهنا والشفا.