خطوات اعداد بطاطس بيوريه باللحمة المفرومة pureebeef_1434917642


المقادير

4 x معلقة كبيرة زيت عباد شمس
3 x عدد بيضة (طازجة)
2 x عدد قرن فلفل حامى
2 x كوب عصير طماطم
2 x معلقة كبيرة زبدة
1 x معلقة صغيرة ملح (أو حسب الرغبة)
1 x عدد بصلة مفرومة
1 x كيلو بطاطس
½ x معلقة صغيرة بهارات
½ x كيلو لحمة مفرومة
½ x معلقة صغيرة فلفل اسود مطحون (أو حسب الرغبة)
¼ x كوب جبنة رومي (مبشورة)

الخطوات

نسلق البطاطس فى حلة مضاف اليها الفلفل و الملح.
نهرس البطاطس حتي تصبح ناعمة.
نكسر البيض في طبق و نضع عليه الملح و الفلفل ثم نضعة على البطاطس ونقلبة جيدا حتى يمتزج تماما.
نحضر حلة و نضع بها قليل من الزيت و نضع فيها البصلة ونشوحها حتي تذبل.
نضع اللحمة و الملح و الفلفل و البهارات و نقلبها جيدا.
نضيف عصير الطماطم علي اللحمة و نتركها حتى تنضج و تتعصج.
نحضر صنية بيركس و ندهنها ثم نضع نصف كمية البطاطس ثم نضع العصاج و نقطع عليها الفلفل الحار ثم نضع باقى البطاطس و نضع قطع من الزبدة علي الوجه.
نسخن الفرن على درجة 180 و نضع الصنية و نتركها حتي يحمر الوجه.
نقطع البطاطس مربعات ونضعها في طبق التقديم و نجمل الطبق بالجبنة الرومى المبشورة و البقدونس و بالهنا و الشفا.