خدني..
عا دنيي ما فيها
أوجاع
عا أرض خضرا عا
دني جديدة
هونيك..
عن هالكوكب بعيدة
تركني لحالي بقلبها
ورجاع..
مطرح ما شمس
الغاربة بتنام
مطرح..
ما أم الشّعر
بتصلّي
هونيك فيها بتولد
الأحلام
هونيك ما بتخلق ولا
علّة..
مطرح بِكِر
ما دنّسو إنسان
عا نبع صافي
عا سما زرقا
عا أرض
من طينا الأمل
خلقان..
ويكون فيها
جبال من صوّان
وطيور
تمرق فوقها سرقة
أكتب عا مدخلها :
"هون الاوطان
وأمضي
بأسم الحب
عالورقة