المقالات العامة
كيف أكون مهندس مدني بارع في ظل وجود أعداد كبيرة من المهندسين ؟
كيف أكون مهندس مدني بارع في ظل وجود أعداد كبيرة من المهندسين ؟
كيف أكون مهندس مدني بارع في ظل وجود أعداد كبيرة من المهندسين ؟
السؤال عظيم جدا و رغم سهولته و سهولة الرد عليه الا انه صعب جدا
انت طلبت التمييز في عالم الهندسة المدنية
بعض النقاط اللي ممكن تفيدك في ان تصل لما تريد، و دي جزء بسيط من الطريق:
- حدد مجال او اتنين بتحبهم في مجال الهندسة المدنية، يعني مثلا تربة و infrastructure ، إنشاءات و كباري؛ مباني عالية، دي امثلة لنقاط كتير و فيه اكتر من كده؛ حدد جزئين تقدر تركز فيهم و في تعلمهم
- ابحث عن ما يخصهم و طور نفسك فيهم
- اعمل شبكة علاقات مميزة علي صعيد مكان عملك و شركات متعددة و علاقات خارج اماكن العمل و الشركات (علاقات شغل و علاقات عامة)
- حافظ علي تطويرك الشخصي؛ اعرف عيوبك و اشتغل عليها في حدود ما تستطيع و في حدود ما يطلبه الامر
- اعرف نقاط قوتك و طورها اكتر مما تستطيع
- حافظ علي التعليم المستمر في مجال الذكاء الاجتماعي و العاطفي و التواصل الانساني
- خليك فاكر انك هتشتغل في الهندسة لعدد من السنين يتراوح بين ٨ ل ١٢ سنة و المفترض انك تنتقل لما يسمي managerial area بكافة مستوياتها ؛ اكتر من كده و لم تتدخل في هذه المنطقة هتكون اهدرت مجهود
- اتعلم إدارة و بيزنس
- اتعلم عن ادارة الازمات
- اتعلم التفكير الابداعي و علم النفس و التعامل مع الشخصيات المختلفة
- اتعلم التطوع و العمل ضمن فريق بجد مش كتابة علي الورق
- متقعدش في اي شركة للعمل اكتر ٤ – ٦سنين
- اتعلم تقييم نفسك و خبراتك صح و تطور نفسك
- متنتظرش ان المدير او صاحب العمل يقييمك صح و يديك حقك،
- لو انت معرفتش قيمة نفسك و عملك و إنجازاتك، محدش هيقدرك، و كل اللي حواليك هيخسف بك الارض
- متحاولش تقلل من قيمة نفسك عشان متجرحش غيرك، لكن اتعام التواضع المخلوط بالقدرة علي اخذ الحق و العفو اذا اردت
- اياك و المدير اللئيم الكذاب
- لا تتملق احد و لا تنافق احد، تعلم ان تكون دبلوماسي و تجد ارضية مشتركة دائما مع من حولك
- تذكر انك لست اعلم اهل الارض؛ لانك مش جوجل؛ لذلك اتقن قاعدة just ask و اسمع كلام ستيف جوبز في نفس الموضوع
- الشغل مفيهوش صداقة لكن فيه حدود للود و التعاون و التراحم
- اوجد لك منتور في مجالك؛ يعني لو انت شايف حد مميز قوي و نفسك تبقي زيه؛ حاول التقرب له و تعلم منه
- الاخلاق و الثقة و انك تكون مخلص امين؛ تفتح لك الابواب
- اياك و هدم الثقة او الكذب
- ارسم لنفسك رؤية ؛ يعني بطريقة بسيطة انا بعد ٤ سنين عايز اوصل لكذا؛ و ابدأ اكتب كل اللي تقدر تعمله عشان توصل لكذا
- مش لازم يكون الطريق واضح؛ لكن تقريبا عارف البدايات و بتمشي فيها
- راجع اهدافك و طموحاتك كل شوية
- اتعلم اتعلم اتعلم
- السؤال هو اسلوب ادارة احترافي لمن تحت قيادتك
- الشركات لن تتعاطف مع الشخص الضعيف او من لا يعلم مقدار نفسه
- لا تستمر في عمل بسبب حبك للمكان
- اتعلم توجد لك ٤ مصادر دخل متعددين عشان محدش يلوي دراعك
- اتعلم تناقل لمستوي الاستشاري المؤتمن و الخبير في المجال بطريقة مميزة
- اتعلم التسويق الجيد لما تملك
- اتعلم تعرف تتكلم عن نفسك و عن خبراتك
- اعرف شخصيتك و مميزاتها و عيوبها
- تعاون مع بيزنس كوتش و منتور
- الجأ للايف كوتش لو محتاج
- اختار اصحاب مميزين في مجالاتهم
- اتعلم من غيرك ما يناسبك
- اقراء قصص الناجحين اللي كان نفسك تبقي زيهم
- علم فريقك؛ ما يبقي هو الاثر الطيب في العلاقات الانسانية
- قبل مما سبق التقرب لله و انك تتعامل مع الله كأنك تراه فان لم تكون تراه فإنه يراك؛ الدعاء و التوكل سحر
- ما عليك الا السعي
- فرق بين النتائج النسبية و النتائج الغيبية؛ مثال انت عارف عشان توصل اسكندرية محتاج ٦٠ لتر بنزين و عربية كويسة هتوصل في ٣ ساعات؛ لو عملت السعي دي هتوصل فعلا في ٣ ساعات دي النتيجة النسبية (لان في حد هيوصل في ٣ ساعات و واحد هيوصل قي ساعتين و نص و واحد هيوصل في ٣ ساغات و نص و هكذا)؛ النتيحة الغيبية انك ممكن متوصلش او تغيير المسار او توصل في نص ساعة
